حلى ما أدري شسمه

[زهرة اللوتس]

مرحبا بنيات

شلونكم ؟ زوينات ؟

هذي الله يسلمكم جبت لكم حلى لذيذ وخفيف وسهل حده ما حده

اسمه ما أدري شسمه ، وهو نتاج الملل والسهر





المكونات /

3 باكيت بسكوت مطحون

2 قشطة

كاسين حليب بودرة

فنجان سكر

تعجن وتكوّر


الصوص /

1 حليب محلى

8 حبات جبن كيري

ملعقة نسكافيه


للتزيين /

شوكلاته هيرشي السائلة


أخير عاد ، جربوه .. تراه حلو ولذيذ

ولا تدققوا على الشكل ولا على التعكوس ولا على المقادير

> أجل ليش حطيتيه هههه /

أنا سهرانة وأذني تعورني وكل شي صار على السريع

ماعليه ؟

 

 

[ريحان]

شكرا جزيلا لك عزيزتي زهوراللوتس

على هذا الحلى الشهي

الله يعطيك العافيه

دمت بود

 

 

[زهور الريف]

أووووه شالحركات
حلى من أختراعك بصراحة إبداع
أنا راح أسميه (حلى لوتسية )
/
:
..} زهرة اللوتس{..

يعطيك العافية كل الشكر لكِ

 

 

[مروج الذهب]

مم منظره يجذب راح أجربه إن شاء الله
يعطيك العافيه حياتي
تحياتي

 

 

[زهرة اللوتس]

ريحان ،

العفو عزيزتي .. تدومي والحب


زهور الريف ..

لا لا مو من اختراعي ؛ أصار حجيات أفكاري ضاربنهم طير هاليومين ..

المهم إذا بتسميه حلى لوتسية لوزم في كل مرة تسويه تثوبي لروح

اللوتس الفاتحة


مروج الذهب ،

لا تجاملي عاد هههههه

العكس والتعكوس مو لهناك مثل ما قلت لكم كل شي صار على السريع

بس يلا أجرش على الله جبرتي بخواطر الفقارى اللي مثلي وشراوي

> سوتها سالفة


مشكورة حبيبتي

 

 

[AL-NAQEEB]

زهرة اللوتس

شكرا لك ع الحلى النايس


ب

 

 

[سُندس }]

.


بعد بعد هب ياالحركات .

عاد ماسويتي نقصه لنا نذوقه من يدك

عشان نمدحه لك ونقولك ذاك شسمه بعد

حلو / يعطيك العافيه ع الأفكار والعكس حلو ومافيه شي

وعجبني الأسم ..






:



روعه يا أنتِ .. شُكراً لطبقك اللذيذ .







:

 

 

[زهرة اللوتس]

حجي نقيب

و الشكر لكم موصول..



حجية سندس

يلا ما باقي شي على ربيع وموعد جمعتنا قريب ،

وقتها لش اللي بخاطرش .. إنتي تأشري بس

وما يخالف .. من الحين جهزي المنيو


يسلم لي قلبش عيني

 

 

[أحسائية]

سلامآت لوتس
مآ عليك شر إن شاء الله
شكله حلو و مقبول و جيد و ممتآز
الله يعطيك العافيه

 

 

[أنين الشوق]

...*
يم يمي تراني هابتن بالحلا ذا اليومين
يازين سهرك يجيب ابدع عجبني طبقك شكلها ماراا خطير

واذا هذا نتايج السهر حلى ابشري بالكيلواات

تسلم الآيادي القميلة ../

 

 

[هذيان أنثى]

ليــهْ عادْ الحَليبْ المُحلّى ؟!

يصيرْ أحــذفهْ !؟

 

 

[حلى الشرقيه]

آمآ عآد حلى مآدري شسمه ههههه عجبني الاسم
بس صراحه سسهل حييييل وبدون فرن
آكيد بجربه قريبآ يمكن اقوم الحين خخخ
برد لج خبر على طعمه
يعطيج العآفيه يآعمري

 

 

[صمت المشاعر1]

كثري من السهر اوخيتي
حلى رووعه
الله يعطيك العافية
سلمت يمناك
|صمت

 

 

[زهرة اللوتس]

حساوية

بريت الحين والحمد لله ،، نسيت أذني من عظم

مشكورة حبيبتي ، ناقص بس تحطي أربعطعش نجمة مع طمقة إلى الامام

> والله اللي ما يعرفني بيقول هذي تحكي لاتيني هههههه


أخير عاد

 

 

[زهرة اللوتس]

أنين الشوق

زمان عن السهر .. لي شهر تقريبا الحين

ولذا كل طبخاتي وحلوياتي تكون في الفجرية قبل ما أروحن للدوام ،

عاد إنتي أعرف بنواتج السعرات الحرارية من على وش الصبح


حقش فيه العافية حبيبتي

 

 

[زهرة اللوتس]

هذيان أنثى


إذا حذفتيه .. ماليه داعي الصوص بعد

شبيج عيني ؟ علامه الحليب المحلى ؟ ماتحبيه وإلا تقاطعي ؟

يتراوالي ما تكمل الحلويات إلا بوجوده


عموما إذا شسمه وذاك سويه في البيت مالوزم تشتريه

وهذي مقاديره نص كوب ماي مغلي وكوب حليب مجفف وثلثين كوب سكر وملعقتين زبدة

وقليل فانيلا


وبالهنا والعافية

 

 

[زهرة اللوتس]

حلى الشرقية ، يعافيش أمي

إيه مول ما يعوق سهل وسريع

أها جربيه وبشرينا وما يخالف ترى إذا لش نية تعزمينا عليه

؛ بنابة يعني



صمت المشاعر ،، حقكم فيه العافية ،، شكرا لك

 

 

[إشراقة أمل]

شوفي لوتس .. اذا سويته ولا أكلوه جماعتي بجيبه لش تاكلينه ..

بس الكاد انه رايق حييل .. ويبي لي فشة شوي عشان أسويه..

هاه تجين تساعديني عليه ؟!

،’

تسلم دياتش ،

لروحش وردة وقبلة والفاتحة بعد ..

 

 

[زهرة اللوتس]

إشراقة أمل


إيه ما يخالف جيبيه وآكله ،

و ما مو مشكل أجي عندش وأساعدش عليه بعد

جهزي المقادير بس



هاش مني وردة