آجمل حظ سيء

[أوتار الحنين]

با ارحل وباتي . إذاني باقدر آتي
بس اخاف ارحل ولا عاد اقدر آتي
لأن هذا حظي ، وهذي صدوفه
يكره استقراري ويغلي اشتاتي
وعاد عقلي كل ما جيت اتشتت
يحسب اشتاتي على قدر امنياتي
والبلا . ان كل ما عقلي تمنّى
ما حصل لا في اشتاتي ولا ثباتي
يمكن ان وضعي وضع سيئ ويمكن
ما تحمّل جسمي كبار اشهواتي
والدليل ان ودّي ما ارحل وشفني
اربط اشلائي بمحزم ذكرياتي
يا حبيبي ليتني ما كنت احبّك
لاجل احبّك دبل واسوي سواتي
يعني كل شي حطّة فـ عقلك وحاته
إلا بخصوص انّي احبك .. لا تحاتي
لمّني وامسح دموعك ..وابتسم لي
وحبني منّا .. ورتّب حاجياتي
واعرف ان ما ودي اتكلم ولا ابكي
بس دايم دمعي يحرّك سكاتي
شي واحد قبل لا ارحل باقوله


انت.. اجمل حظ سيء في حياتي ..

 

 

[الغريب]

السلام عليكم ورحمة الله وبركاته

الله يعطيك العافية على هذه القصيدة

ونأمل التوضيح إن كانت من كتاباتك أم منقولاتك






وفق الله الجميع

 

 

[أوتار الحنين]

وعليكم آلسلام ورحمة الله وبركاته
أشكرك أخي الغريب للتذكير

هذه القصيدة للشاعر / سعد علوش

 

 

[طيف العمر]

روووعه القصيده

صح لسانك خيه

بشووق لجديدك..~