حوار حـــــــــــاد بين الشباب والبنات

[قيثارة]

بالنسبه لي شيء اساسي لان تعبت وشقيت وتفوقت وجبت الثانيه على دفعتي مو عشان اعلق شهادتي على باب المطبخ
بس اعرف كثير بنات الوظيفه عندهم من باب البرستيج
يعني العيله اللي هي تنتمي لها كلهم موظفات ,, وهي مو موظفه تروح تقبل بوظيفه راتبها ما يسوى الطلعه من البيت من باب انوا هم موب احسن مني موظفات وعندهم برستيج ,, تخلف بعيد عنك ,,هم عندهم شهادات عاليه وعندهم وظائف حلوة وهي ماعندها حتى ثانويه وتبي تساوي نفسها فيهم مرض نفسي اسعي انك تكملين تعليمك طيب مو تتوظفين بشيء مو تخصصك وتفوشرين بال800 ريال اللي على قولتك مو محتاجتهم زوجي مرهي علي ومن هالكلام اهم شيء برستيج عندها هع

كثير من الشباب يقولون ان البنات يبالغون بالكشخه مع اني اعرف شباب كثير يهمهم البرستيج والكشخه من نظارات شمسيه وثياب وعطور وكل يوم والثاني مغير جوال ولا راتبه الفين ومشتري جوال ب3 الاف بس من باب انوا يرز ليييييش ؟؟

 

 

[النبض الصامت]

.. .. ..

كثير من الشباب يقولون ان البنات يبالغون بالكشخه مع اني اعرف شباب كثير يهمهم البرستيج والكشخه من نظارات شمسيه وثياب وعطور وكل يوم والثاني مغير جوال ولا راتبه الفين ومشتري جوال ب3 الاف بس من باب انوا يرز ليييييش ؟؟

صراحة هذا النوع مو عندي ..

ولكن اتمنى ان افيدكـ بمعلومات بسيطة

// بعض الاشخاص يهتم بمظهره قدام ربعه ويبي يصير افضل منهم في كل شيء

والبعض مصالح والبعض والبعض

اما من ناحية الجوالات .. فهذا انا معك .. ولكن اسعار الجوالات لا تأتي بـ 3 الاف .. ومد ارجولك على قد الحافكـ

ولكن .. يوجد الايجابيات والسلبيات


سـ / ليش اكثر البنات مصلحيات ؟؟

يعني في وقت الطلعة او او .. تقول حق اخوها انه بعد عمرها وتعطيه 10 ريال و و و

واذا انتهت مصلحتها .. ماتعرفه ...........


.. .. ..

 

 

[شذى الزهور..]

اقتباس المشاركة الأصلية كتبت بواسطة النبض الصامت .. .. .. كثير من الشباب يقولون ان البنات يبالغون بالكشخه مع اني اعرف شباب كثير يهمهم البرستيج والكشخه من نظارات شمسيه وثياب وعطور وكل يوم والثاني مغير جوال ولا راتبه الفين ومشتري جوال ب3 الاف بس من باب انوا يرز ليييييش ؟؟ صراحة هذا النوع مو عندي .. ولكن اتمنى ان افيدكـ بمعلومات بسيطة // بعض الاشخاص يهتم بمظهره قدام ربعه ويبي يصير افضل منهم في كل شيء والبعض مصالح والبعض والبعض اما من ناحية الجوالات .. فهذا انا معك .. ولكن اسعار الجوالات لا تأتي بـ 3 الاف .. ومد ارجولك على قد الحافكـ ولكن .. يوجد الايجابيات والسلبيات سـ / ليش اكثر البنات مصلحيات ؟؟ يعني في وقت الطلعة او او .. تقول حق اخوها انه بعد عمرها وتعطيه 10 ريال و و و واذا انتهت مصلحتها .. ماتعرفه ........... .. .. ..

هههه
عادي لانه يمكن اهي ماتغري اخوها
الا بكـــذا واحيانا اهو الاخ يطلب كذا
وحتى انتوا اذا تبون حاجه تجون وبطلعك
وبوديك وبشتري لك يعني موبس احنا
................

سؤالي للشبـــاب
لو طلب منك اعز اصدقائك انك تدخن
وخيرك وقال لك ياانك تدخن ونبقى مع بعض
وياان نتهي علاقتنا بسبب رفضــك
واقنعك وقال لك انت اصلا ماراح تصير رجال
الا لما تــدخن لانه هذا يدل على رجولتك
وعلى قوتك وعلى وعلى
وفي الغالب الشباب يسون اي شي بس ماتقول له انت
ماتقدر انت مورجـــال انت خواف وانت وانت
شنو راح تســـــــــوي ؟؟

 

 

[الساهرة]

اقتباس سؤالي للشبـــاب لو طلب منك اعز اصدقائك انك تدخن وخيرك وقال لك ياانك تدخن ونبقى مع بعض وياان نتهي علاقتنا بسبب رفضــك واقنعك وقال لك انت اصلا ماراح تصير رجال الا لما تــدخن لانه هذا يدل على رجولتك وعلى قوتك وعلى وعلى وفي الغالب الشباب يسون اي شي بس ماتقول له انت ماتقدر انت مورجـــال انت خواف وانت وانت شنو راح تســـــــــوي

ادخن طبعا انا كلشي ولا ربعي >>>>>>>>ملقوفه


ترى الشباب ما يجبرون ربعهم على التدخين لكن يجذبزنهم بشكل غريب

عشان كذا نصيحه مني الي يسلم على عياله والشباب الي عنده لا تخليه يماشي مدخنين ..


ننتظر اجابة الشباب

 

 

[شذى الزهور..]

اقتباس المشاركة الأصلية كتبت بواسطة الساهرة ادخن طبعا انا كلشي ولا ربعي >>>>>>>>ملقوفه ترى الشباب ما يجبرون ربعهم على التدخين لكن يجذبزنهم بشكل غريب عشان كذا نصيحه مني الي يسلم على عياله والشباب الي عنده لا تخليه يماشي مدخنين .. ننتظر اجابة الشباب

مشك ــــوره خيتو
وننتظر اجابة الشباب

بالتــوفيق

 

 

[النبض الصامت]

.. .. ..

اهلاً بشعب البنات ..

سؤالي للشبـــاب
لو طلب منك اعز اصدقائك انك تدخن
وخيرك وقال لك ياانك تدخن ونبقى مع بعض
وياان نتهي علاقتنا بسبب رفضــك
واقنعك وقال لك انت اصلا ماراح تصير رجال
الا لما تــدخن لانه هذا يدل على رجولتك
وعلى قوتك وعلى وعلى
وفي الغالب الشباب يسون اي شي بس ماتقول له انت
ماتقدر انت مورجـــال انت خواف وانت وانت
شنو راح تســـــــــوي ؟؟

صراحة .. اكلف ماعلي .. صحتي ..

واخليه ينطق على عرض الحائط ..

ولا الرجولة بكذا .. ولا هم يحزنون

والخطأ ان بعض الشباب عندهم مفهوم خاطئ .. ومفاهيم خاطئه كثيرة ..

والمشكلة ان الكثير يأخذ بهذه المفاهيم .. وليس الرجال .. نوع واحد او صنف واحد

على العموم ..

سؤالي للبنات //

ليش (( اكثر .. وليس كل )) البنات .. اذا راحوا الملاهي .. يقوم عندكم الصراخ ؟؟

والا مايصير الحماس الا بالصراخ ؟؟


والسلام خير ختام

 

 

[قيثارة]

هههههههههههههههههههههههههههههههه الحماس والخوف ,,
انا عن نفسي لما كنت صغيره أصارخ من الحماس وعشان اخوف اللي يركبون وياي خاصه لما انكبهم واركبهم لعبه خطيره انا مستمتعه وهم قامطين هع ,, بس من سنيييييييييييييييييييييييييييييييييييين ما صارخت وصار لي سنتين ما رحت ملاهي قلبت علي المواجع إهيء ,,

ليش في فئه من الشباب كرامتهم والقاع سوا يعني عادي زوجته تصرف عليه وعادي اهل زوجته يصرفون على بنتهم ,, وعادي يجي ويسكن عند اهل زوجته بدون حتى لا يدفع أجار بالعلم انه ساكن في شقه برى بأجار بس يوم اهل زوجته عزموه على شقه ببيتهم قام يوفر الاجار في جيبه ,,والمصيبه زوجته ماكو كرامه عادي الوضع ,,

 

 

[جانب مشرق]

اقتباس المشاركة الأصلية كتبت بواسطة قيثارة ليش في فئه من الشباب كرامتهم والقاع سوا يعني عادي زوجته تصرف عليه وعادي اهل زوجته يصرفون على بنتهم ,, وعادي يجي ويسكن عند اهل زوجته بدون حتى لا يدفع أجار بالعلم انه ساكن في شقه برى بأجار بس يوم اهل زوجته عزموه على شقه ببيتهم قام يوفر الاجار في جيبه ,,والمصيبه زوجته ماكو كرامه عادي الوضع ,,

عاد هذي النوعية حتى انا قاهرتني
مو حلوة تسكن في بيتهم بدون ايجار
وحتى لو جات الظروف وسكنت في بيتهم لازم تعطيهم ايجار
وبالنسبة للزوجة اللي تصرف ع زوجها واهلها بعد يصرفون عليه
هذا الخطأ منهم
يفترض يسحبون عليه ويخلونه يعتمد ع نفسه وتصير عنده كرامة






وش رايك في موضوع اجبار البنت تتزوج اللي ما تبيه؟

 

 

[قيثارة]

أكبر غلط لان ممكن ماتتحمله وتتطلق بالخطوبه وهي اللي بيحملونها الخطأ وبتعاني من نظره المجتمع
او انها بتقبله لكن بتظل طول العمر تحقد عليه وما تطيقه ومتحملته خايفه من المجتمع او اهلها ,,
وكثير من طلاقات الفتره الاخيره الأهل يقولون للبنت فرصتك يا غبيه حتى لو هو مو كفو بس يبون يزوجونها والسلام وبعدين ما تقدر تعيش وياه ولا تتحمله وتزيد الماساه مأساه ,,,
بيت ابوي يصونني ولا بيت رجل يذلني

أهل الزوج اللي يعتقدون انهم بزواج ولدهم من فلانه معناتها شروها خدامه لهم ولكل الأشخاص الساكنين في البيت ما اقصد المساعده لان اغلب اهل الديرة عيالهم ساكنين معاهم وحريمهم يتساعدون بالشغل من تنظيف وطبخ وغيره
انا اتكلم عن اللي يعطونها مثلا مسؤوليه المذاكره لعيالهم او عيال حميانهم بغض النظر عن ان الوقت اللي مختارينه وقت راحتها او وقت تواجدها مع زوجها ,, او تلاقينهم يمونون على وحده بس بالكنات وهي اللي ماخذه مسؤوليه البيت على راسها والبقيه يجون معازيم ياكلون ويمشون يدهم بالطوف ,,

 

 

[النبض الصامت]

. . . .

اختي قيثارة ..

لا اعلم هل هو نسيان ام ماذا .

لقد نسيتي السؤال .. //

اتمنى العودة ..


والسلام خير ختام

 

 

[قيثارة]

شرط السكن المستقل في عقد الزواج وشرط الوظيفه

 

 

[ابن الطرف]

سؤالي للفتيات :

لو تواجدت مشكله مع الزوج أثناء فترة الملكة " الفتره التي تسبق الزواج " هل تملكين القوة الكافية

لتنقلي مشكلتك لمن يستطيع تقديم المساعدة

أم تحاولين جاهدة حل المشكلة وأنتِ تعلمين بأنه ليس بمقدوركـِ حل هذه المشكلة ..؟

 

 

[نور فاطمة]

أكيد مع
اذا لم تكق قـادره على حل هذه المشكله
فلا يوجد ضرر ان استشارات المقربين
لكن بشرط ان تكؤن الطرف الاخر مؤهل للاستشاره فاهمه رزينه ..




.
.




ليه أغلب الشباب حاليا اذا كان راغب بالزواج والخطبه
يطلب بنت اصغر منه بشكل مبالغ .. يعنى تكون تحت العشرين
يعنى مثلا تكون 18 او 17 وعمره الحالي 29 او 30 ويكون اكبر بعض الاحيان ..
كيف راح تفهمك كيف راح تصبر وتقدر الحال وتتحمل وتكون مسؤؤله عن بيت واطفال
وزوج وهي صغيره بعمرها يعنى الفارق العمري بينهم كبير جداَ ...؟؟!
حتى لو كانت بنات هالايام عاقلات فاهمات و في دراسه و في محاضرات واشياء مفيده
برضوا بتكون صغيره وبيكون العمر بنضري راح يسبب مشاكل على المستقبل الاتي ...
ليه الضاهره منتشره بين الشباب ..؟

اتمنى اجابه مقنعه

 

 

[kaha]

اقتباس المشاركة الأصلية كتبت بواسطة نور فاطمة ليه أغلب الشباب حاليا اذا كان راغب بالزواج والخطبه يطلب بنت اصغر منه بشكل مبالغ .. يعنى تكون تحت العشرين يعنى مثلا تكون 18 او 17 وعمره الحالي 29 او 30 ويكون اكبر بعض الاحيان .. كيف راح تفهمك كيف راح تصبر وتقدر الحال وتتحمل وتكون مسؤؤله عن بيت واطفال وزوج وهي صغيره بعمرها يعنى الفارق العمري بينهم كبير جداَ ...؟؟! حتى لو كانت بنات هالايام عاقلات فاهمات و في دراسه و في محاضرات واشياء مفيده برضوا بتكون صغيره وبيكون العمر بنضري راح يسبب مشاكل على المستقبل الاتي ... ليه الضاهره منتشره بين الشباب ..؟اتمنى اجابه مقنعه

أتوقع بشكل كبير الأغلب يتزوج وحدة عمرها صغير لتعينه عندما يشيب

لكن أحس العمر جداً متباعد إذا كان الزوج 29 والزوجة عمرها 18 ، هذا اللي يبي لها تربية
يعني يكون العمر فرق بينهم 4 سنوات أو خمس معقول

 

 

[kaha]

سؤال لكل الجنسين / هل تتوقعون الجيل القادم من البنات بأن يديروا العش الزوجي من ،
( طبخ - غسيل - إعتماد كلي ) !!

 

 

[النبض الصامت]

.. . .. .

بداية //

الموضوع انك اخي تسأل البنات والبنات يردون والبنات يسألون الشباب

بس راح ارد عشان خاطرك


صراحة على حسب النوع

1 / يعني في ناس تواكب التطور والاموريات الحديثة .. فاتوقع اللي مثل تلك الشخصيات .. رِجل على رِجل

2 / ولكن الذين يبقون ان للزوج حق وللبيت حق و و و فـ لو يصير شيصير .. يبقى ان لكل شيء اهمية

هذي إجابتي اللي راح تكون اختيار للبنات

اختاري .. اما (( 1 )) او (( 2 )) او غير ذلك وضعي السبب ..:: << حافظها


ننتظر شعب البنات





والسلام خير ختام

 

 

[قيثارة]

بعلق على إثنين ,,
1
الموضوع ماله شغل بمتابعه التطورات الحديثه الموضوع يتبع التربيه ,,
إذا هالبنت صغيره كانت أو كبيرة ومو متعوده تتحمل مسؤوليات أو تساعد بالبيت وحياتها بيت اهلها دراسه ولعب وكمبيوتر وطلعات وجيات وتمشيات ,, صعبه جداً تتعلم تتحمل مسؤوليه بيت وطبخ وغسيل ,, وبتعتقد ان الحياه الزوجيه تمشيات ووناسه ووساعه صدر ,,

2
لكن اذا البنت متعوده من هي بإبتدائي تربت على المساعده تشيل وتحط وتدخل مع امها المطبخ وتغسل ثيابها لحالها وترتب غرفتها لحالها ,, وتساعد بترتيب وتنظيف البيت مع امها ,, حتى لو عمرها صغير هي متعوده تتحمل مسؤوليه وتساعد بالتالي ما بتتعب في حياتها الزوجيه وبيكون الوضع عادي ,,بتتعب لأن المسؤوليه زادت شوي بالبدايه لكن بعدين الوضع بيكون عادي


عن نفسي اعرف وحده ام 26 سنه متزوجه وعندها طفله امها تغسل ثياب بنتها وتشيل لها من حمسه الغدا عشان اذا راحت شقتها تكمل الطبخه وبس ترتب ثياب بنتها بالدولاب بحكم انها دلوعه الماما مضغوطه بنتها نحيسه ولا تخليها تعرف تشتغل ببيتها مع العلم انها جالسه بالبيت لا دراسه ولا شغل ولا شيء وزوجها شفتات يعني تقدر ترتب وقتها على وقته وقت ماهو برى البيت تسوي اللي تقدر عليه ولما يجي يمسك بنته وهي تكمل بقيه الشغل
الموضوع ماله شغل بعمر الزوجه الموضوع له شغل بتربيتها وتعودها على تحمل مسؤوليات ,,,

شرط السكن المستقل في عقد الزواج وشرط الوظيفه
هل ستوافق لو زوجتك شرطت هالشرط ليله العقد ام سترفض وتنسحب او سترفض تسجيله بالعقد وتعد بالتفكير بالموضوع << حيله شرعيه هع

 

 

[طلة قمـر ..!]

سـؤال للشبـاب /

ليه أغلبْ الشبـاب يقضون ثـلاث ارباع اليوم مع ربعهم ( الشباب ) ؟؟
والمشكله اذا دقيتي عليه قال :بعيـد

 

 

[النبض الصامت]

.. .. ..

ما شاء الله .. سؤالين للشباب

قيثارة ..

شرط السكن المستقل في عقد الزواج وشرط الوظيفه
هل ستوافق لو زوجتك شرطت هالشرط ليله العقد ام سترفض وتنسحب او سترفض تسجيله بالعقد وتعد بالتفكير بالموضوع << حيله شرعيه هع

صراحة على حسب الشاب نفسه

وخاصة ان الشباب في هذا الوقت عارف الموضوع كله .. فيضبط الموضوع من البداية

ولكن انا شخصياً .. ماكلف الله نفس الا وسعها .. ولكن يكون امام الامر الواقع ... مصيبة


طلة قمر //

ليه أغلبْ الشبـاب يقضون ثـلاث ارباع اليوم مع ربعهم ( الشباب ) ؟؟
والمشكله اذا دقيتي عليه قال :بعيـد

الشباب مو مثل الحريم .. يعني في وجهة نظرتك .. وش يسوي الشاب في البيت ..

وخاصة ان الشباب .. اكشنات

و و و .. ومن ناحية بعيد .. هو لم يكذب

لو انا في الراشدية والبيت في الشرقية .. مو بعيد ؟؟

بس تبقى ان السيارة لها دور .. والاغلب .. للتصريف


سؤالي للبنات //

اذا قال الشاب (( بعيد )) تصدقون ؟؟ << 1 - 1





والسلام خير ختام

 

 

[طلة قمـر ..!]

اقتباس الشباب مو مثل الحريم .. يعني في وجهة نظرتك .. وش يسوي الشاب في البيت .. وخاصة ان الشباب .. اكشنات و و و .. ومن ناحية بعيد .. هو لم يكذب لو انا في الراشدية والبيت في الشرقية .. مو بعيد ؟؟ بس تبقى ان السيارة لها دور .. والاغلب .. للتصريف

عارفـه ان الـرجال مو مثل الحرمه .
لكنْ وقت للشباب وقت لخواتك واهلك يعني مو ثلاث ارباع اليوم جالس مع ربعك

اقتباس سؤالي للبنات // اذا قال الشاب (( بعيد )) تصدقون ؟؟

بالنسبه لي ما اصدق الا لمـا اقول وين بالضبط وين بالضبط
لاني متعوده كل ما ادق حتى لو هو بجنب البيت قال بعيد .