عندما تتفاجئ أثناء الطبخ بأن المقادير ناقصة ..هنا الحل!!::

[سُندس }]

*

صباح / مساء الخير على الجميع

كثير منا إذا فكرت تطبخ وإذا جتها الهمة .. وحددت الطبخة الي تبيها تتفاجئ إن بعض المقادير ناقصة
فمالحل؟؟؟

هناك بعض البدائل:

سأبدأ بحليب النستلة
فكرتي بحلى وكل المقادير توفرت إلا حليب النستلة أو الحليب المركز ماكان متوفر عندك
البديل كأس حليب جاف + كأس سكر بودرة + بيالة ماء(قد تحتاجي لإضافتها )
ضعيهم بالخلاط لتكتشفي أنك صنعت حليب مركز بكل سرعة وسهولة ومقاديره غالبا تكون متوفرة

======

اذا البسكويت خلص وبتسوين حلى
استخدمي الكورن فلكس اطحنيه

اذا القشطه خلصت
استخدمي 3اكواب ماء+2كوب حليب بودره+شوي سكر+3ملاعق دقيق+ملعقه ماء زهر +ملعقه ماء ورد
الطريقه
نذوب الحليب البودره في ماء ثم نظيف الدقيق+السكر نضع المزيج في قدر على النار متوسطه مع التحريك المستمر
عندما يغلى المزيج نضيف ماء الورد والزهر مع التحريك حتى يشتد ثم نستخدمها في حشو القطايف والحلى عموما

=====

والنشاء اذا مافيه
استخدمي الدقيق العادي مثلا تبغي تعملي حشوة الكنافه واكتشفتي ان مافيه نشاء استخدمي الدقيق

====

كثيرا ما نحتاج مخلل بوقت سريع .. وتصنيعه يحتاج فترة طويلة تستغرق أياما
اكتشفت طريقة تجعلك تصنعين المخلل بأقل من ربع ساعة
وهي تجيبي خيار وتقطعيه بالطول 4 قطع .. وتحطيه بقدر وتضيفي له فصوص ثوم وكأس خل ونصف الكأس ماء وشوي ملح ..
وأشعلي النار عليه ربع ساعة ويتكون عندك مخلل لذيذ
جربوه مع غير الخيار ينفع أيضا

===

اذا كان عندك حساسيه من البيض في الكيك والمعجنات
استخدمي بداله زبادي كل ملعقه كبيره من الزبادي عن بيضه

===

بغيتي تتبلين مشاوي ومالقيتي زبادي
ولايهمك اللبن حاضر ويقوم بنفس العملية

===

بديل الكاتشاب لنقع لحوم المشاوي او حتى للاكل مع البطاطا
كوب صلصة بندورة و نصف كوب سكر و ملعقتين خل
الكريما / زبدة مخفوقة مع حليب كامل الدسم
الزبادي/ حليب دافيء مضاف لكل كوب ملعقة خل او عصير ليمون
لا يتم تحريك هذا المزيج لمدة 10 دقائق

===

بدل الدريم ويب
علبة قشطة ,ملعقتين سكر ,ملعقتين زبدة
ويخلط على النار الى ان يذوب السكر وينتج عندنا دريم ويب

====

مافيه مايونيز بسيطة
بيضة واحدة + ثلاث ملاعق كبيره خل + ملح ملعقة صغيرة + ثوم حسب الرغبه ..
توضع بالخلاط إلى أن تتجانس ثم يصب الزيت بالتدريج ملعقة ملعقة إلى أن يثقل قوامها وتصبح كقوام المايونيز بالضبط

====

إذا خلص البرتقال والحلى أو الكيك في مقاديره برتقاله
ممكن تحطين ملعقة عصير تانج البرتقال وتطلع شي

====

خلص الطماطم عندك وبتسوين كبسه او مكرونه اوايدامات
بس استخدمي معجون الطماطم والسر زيدي عليه شوي سكر
(بالنسبه للسكر الهدف منه تعديل النكهه وليس التحليه ..ولأن الكميه بسيطه مايحلي بس يعدل النكهه ويقضي على حمضة الطماطم)

====

ماعندك فانيليا علشان مايبين نكهة البيض في الكيك
ممكن تضعين ملعقة صغيرة خل بدل الفانيلا لتقطع نكهة اورائحة البيض
وممكن بشر الليمون يغنيك عن الفانيليا

====

واذا فيه حلا يحتاج جيلي فراوله مثلا وماعندك
استخدمي عصير فيمتو زايد ملعقتين نشاء
ممكن تحطي سكر او لاحسب الرغبه وحركيه عالنار لما يثقل وكملي حلاك بكل ثقه

=====

اذا ماعندك بسكوت للحلا
ممكن تستخدمي التوست او الصامولي بعد ازالة القشره الخارجيه شرط تبليله بحليب محلا عشان يعطي طعم حلو
ممكن ايضا استخدام الكيك بدل البسكوت

=====

بالنسبة للشوكلاتة لو بتعملي حلا وماعندك شوكلاتة جالكسي او هيرشي
دوبي مقدار زبدة على النار واضيفي بودرة شوكلاته نسكويك او اللي موجود لحد ماتغلظ وزيني فيها دوناتك او كيكاتك او حلوياتك

=====

بعد اذا اشتهيتي اندومي ولاعندك اندومي
حطي شعيريه وبعد ماتستوي حطي مكعب ماجي وفلفل اسود وكاري وممكن زبده وبس وعليك بالعافيه

=====

ذاك اليوم صلحتي تبوله بس البقدونس مايكفي
عادي جيبي جرجير وقطعيه صغار وحطيه معه يطلع روعه ولااحد يدري انه جرجير وتصير طعمها يجنن

=====

بتصلحين بسبوسة ومالقيتي قشطة
الله يخلي الزبادي يبيضها


عجبني ونقلته لعيونكن ..

 

 

[أحسائية]

سلمت يداكِ عزيزتي
دوم تتكرر هذه المواقف سبحان الله مجرد تفكري بطبق معين تلاقي شيء من المقادير ناقص
فـ يلقى الطبق

 

 

[سُندس }]

*



يعطيك العافيه اخت احسائيه


نورتينا , لاهنتِ .


دمتِ .



:

 

 

[زهرة اللوتس]

،

هذا الموضوع يصلح الكسلانين سريعي اليأس

> أعرف وحدة ما تعوق ، بس تنقص حاجة في الطبق تبطش عن الطبخة

وعن دخول المطبخ بنابة ، "



مشكورة سندس

 

 

[الساهرة]

حلووو ممتاز

اعتقد مثل هالموضوع بيحل كثير من الازمات

زهرة اللوتس

انا مثل خويتش بس الفرق ان البديل عندي اقرب بقاله ولا اقرب مطعم هههه

 

 

[سُندس }]

/

اقتباس هذا الموضوع يصلح الكسلانين سريعي اليأس

وينك يامعوده شدخل .

قصدك سريعي الأمل عشان مايتعطلون مافي هذا موجود ذاك

أها صح للكسلانين قلتي ..




,



مرورك يسعدني / خلك با القرب دائماً .




/

 

 

[سُندس }]

,

اقتباس انا مثل خويتش بس الفرق ان البديل عندي اقرب بقاله ولا اقرب مطعم هههه

أفا بس أفا ..

شكلك فنانه في الطبخ يا ام مصطفى في النهايه تقولين بقاله

خلاص عندك الموضوع موجود مافي عذر ..



يعطيك الف عافيه لوجودك عزيزتي الساهره

شكراً لك .





/

 

 

[أنثى مخملية]

استفدت من هاالموضوع بشغله وحده

كنت بسوي حلى وفجئه مافيه البيت حليب مركز
كان يطري على بالي هاالموضوع واجي ركــــض واشوف الطريقه
وبس تمت الطبخه على خير

يعطيك العافيه سوسو

باالتوفيق

 

 

[سُندس }]

,

اقتباس كان يطري على بالي هاالموضوع واجي ركــــض واشوف الطريقه

اها زين هذا المطلوب الموضوع هذا حلال المشاكل

تمام عليك با العافيه خيتي .



/


يسلمو سعدت بتواجد قلمك معي

فكوني با القرب دوماً .

عوافي .




:

 

 

[لحظة هدوء]

سندس ..


شكرآ لكِ .. لطآلمآ حصلت لنآ مثل هذه الموآقف ..



:

 

 

[سُندس }]

:



لحظة هدوء / ..


بل الشُكر لحضورك الكريم

عوووافي

وماننحرم منك يارب .







:

 

 

[AL-NAQEEB]

سُندس }
.
.
حلولـ سريعهـ و مفيدة بنفس الوقتـ .. شكرا لكـِ

 

 

[فن المشاعر]

شكراً لكـ اختي على هاذه المعلومات
بروح اعلم امي بسرعة سلالام

 

 

[سُندس }]

::


النقيب / فن المشاعر


يعطيكم العافية لحضوركم

وان شاء الله الكل يستفيد

وشكراً لكم / دمتم .






:

 

 

[بنت الحسا]

جميييييييل منك هذا ياحلوة


شكلي بس ينقصني شيء بجي بطل في موضوعك لاني ماقريته كله


يعطيك الف عافية من جد حلووول خصوصا للحلى

تحياتي

 

 

[سُندس }]

::


بنت الحسا / .


أبد حياك الله في كل وقت

:


عوافي عليك / ومشكوره ع الطله

تحيه .




:

 

 

[التاجره ام محمد]

يسلموااااا يا البوووووو

جاري حفظ الموضوع في المفظله

 

 

[النبض الصامت]

.. . .

اذا مافيه اي حاجة ..

الله يعين النبض الصامت يروح يشتريها بسرعة ..

وبشرط بالسيارة . ويمشي 200 ..

ولكن راح اعاندهم وراح اقول لهم يدخلون هذا الموضوع

<< خوش عرض ..


الله يعطيكم العافية

وطرق بسيطة وسهلة





والسلام خير ختام

 

 

[سُندس }]

,



التاجره ام محمد / النبض الصامت


اي خلاص الموضوع يحل اي مُشكله

يعطيكم العافيه / دمتم .




: