حلى سريع لضيوف الغفلة هههههههههه

[دانة بـ عين بحاري]

السلام عليكم اخواني واخواتي الاعضاء
اليوم جايبة لكم حلى خطيير وسريع انا بصراحة جربته بس ما صورته لكم عشان تتأكدون من صدق كلامي
المهم انا بعطيكم الوصفة وانتوا جربوه اكيد راح تدعون لي
وينفع للضيوف اللي جايين فجأه << يعني خليهم بالمجلس ورحي سويه وتعالي جلسي جنبهم
ما ياخذ 10 دقايق

المقادير:
2 قشطة
ظرف كريم كراميل
2/1 علبه حليب محلى "العلبة الكبيرة"
2 بسكويت شاي مكسر قطع متوسطة
للوجه:
كورن فليكس
كاكاو بودره


الطريقة :
اخلطي القشطة مع الكراميل مع الحليب المحلى
بعدين حطي عليه البسكويت وقلبه بالملعقة لين يتغطى البسكويت بالخليط
حطيه بالصينيه وكسري فوقه الكورن فليكس قطع صغير ونثري الكاكاو وحطيه بالفريزر عشان يتماسك شوي
وبس..............

بإنتظار اراءكم

 

 

[سُندس }]

/

نحتاج لمثل هذه الطريقه في وقت المهات والغفلات

حلى حلوووو

تسلم الأيادي

بوركتِ خيه

 

 

[دانة بـ عين بحاري]

منوره الدانة موضوعي
ولا تحرمينا من ردودك الرائعه

 

 

[تاروتية]

::


وصفة سريعة وخفيفة
تصلح للكسلانات مثلي .


تسلمي غناتي على الوصفة وكثري منها .

 

 

[دانة بـ عين بحاري]

ههههههههههههههه
شدعوى تاروتية
عموما من عيوني تامرين امر
منورة بحظورك وردك على موضوعي
تقبلي تحياتي

 

 

[الساهرة]

يصلح انه لذيذ بس عندي سؤال

كيف يعني يطلع شكل الكاكو البودره مع الكورن فليكس اخر شي احس اثنينهم ناشفين

ياريت اذا سويتيه ثانيه تصوريه ابي اشوف شكله..

وتسلم ايدك

تحياتي

الساهرة

 

 

[دانة بـ عين بحاري]

عفوا اختي الساهرة
معذرة للتأخر في الرد
بس الكاكاو الودرة والكورن فليكس راح نرشهم رش كنوع من النكهة والجمال في الشكل
يعني ماراح نغطي الصينية بطبقة سميكة بس نثر
اتمنى اني اكون وصلت لك الفكرة

مشكورة ع المرور

 

 

[طرفاوي أصيل]

دانة بــ عين بحاري...يعطيك العافية على هذا الطبق الحلو ومبين علية ...يم يم لذيذ وسرعة

تحضيره احلى بعد,,


مشكوررررررررر وفي انتظار اطباقك اللذيذه

 

 

[غلا الروح]

يسلموووو قلبووو ..

الله يعطييك ألــف عاافيه ع الوصفه السريعه ^_^ ..

لا عدمنااااك ..

 

 

[وردة الأحلام]

دانـة . . .


إي والله أحياناً يجون لك ضيوف وتتوهقين وبخاصة إذا ماصار عندك حلى . .. .


الطريقة سهلة والحـــلى حلووووو << يشبه كرات الكاكاو اللي دايماً أسويها . . .




يلا دانة شرفيني مشان أسوي لك *_^