حرايقه

[نور الشمس]

حريقه صرة في المدرسه بقول لكم القصه كنة في المدرسة المتوسطة بالطرف
صفرة الساعه 11:45
طلعون بره التهوي بعدين جات الساعه 12:00

قالوا روح خذوا عبتكم و وشطتكم وروح البيت رحة الفصل قلت لهم افشيهم يقولون روح البيت لان صير حريقه غرفة المسعده كان بيتن ابعيد فأن قالت اروح مع بنت خالتي بيتهم اقريب خاة اقرذي بعدين قمة ادور على اختي علشن اروح مع بعض رحن وصلن اتصالة على بيتن رد أبوي قلت تعالى لن مش المدرسه بيت خالتي قال مجن البص قلت له لا بقولك اسلفه إذا وصلن البيت
بس اشوه مافي احد اصيب بشيأ

 

 

[بوعابد]

ياله الله كريم

 

 

[بوزينب]

يالله الحمد لله على السلامه
بس وش فيك كل كلامك اخطاء املائيه شكله
اثرت عليكم الحريقه

 

 

[نور الشمس]

لابس لوحة التحكم في أخطاء
مشكروين على الرد
اشوه ماحد صده شئ ولحمدلله وشكر لله

 

 

[أماني]

بسم الله الرحمن الرحيم
السلام عليكم ورحمة الله وبركاتة

يوم الأحد الموافق 5/11/1427ه
صار شيء في مدرسة المتوسطة وكان حدث عادي بالنسبة لنا لان مش اول مرة يقومون يطلعونا من فصولنا ويقولون احترق شيء


البداية :

كانت الحصة الخامسة وكنا احنا فصلنا 2/2 تونا مخلصين اختبار الفقه وفجأة جات استاذة الانجليزي واحنا كنا نظن انها بتدخل علينا عشان تعطينا درس قمنا عاد احنا قلنا لها : استاذة عاد واللي يرحم والديش لاتعطينا درس ضايق خلقنا قامت هي على طول قالت :( يلا بنات نزلوا تحت مالي خلق لهذرتكم )

قمنا احنا نزلنا وكل بنات المدرسة والمعلمات صرنا في الساحة الوسطية وعاد كانت ابلة الدين جنبنا انا وربعي قمت انا سألتها :( استاذة شصاير منزلينا تحت ) قالت هي : ( يعني تسوون روحكم ماتشمون .... ماتشمون ريحة هالدخان )
( احترقت آلة التصوير اللي في غرفة المساعدة ) وهذا سبب خروجنا قبل الدوام

وحنا كنا مو حاسين بهالريحة الا بعدين ماظلينا في هالساحة وزحمة حيل وانا وربعي متفرغين نسالف نضحك وماخذين السالفة مهزلة لان مثل ماقلت اكثر من مرة ينزلونا يقولون احترق المختبر ماأدري ايش وهالخرابيط هذي والمعلمات يحاتون كل وحدة يدها على قلبها
ولكن تطورت السالفة وقاموا قالوا لنا روحوا الساحة اللي جنب الباصات لكن اللي خوفنا ان المعلمات قالوا لنا ولاوحدة تتسند على الجدار او تلمس حديد يعني خطر ان يكون في التماس احنا في هذي اللحظة خفنا وكل وحدة طاح قلبها في بطنها وبعدين جاو المعلمات وقالوا لنا يلا كل وحدة تاخذ اغراضها وتطلع وتروح بيتهم عاد انا وربعي كلنا سيارات خاصة من الل راح يودينا بيوتنا تو الناس على نهاية الدوام

النهاية
يوم نزلنا اغراضنا وحنا عند بوابة الخروج قالت لي وحدة من بنات باصنا :( مش ناوية تروحين يلا امشي بسرعة المدرسة بتحترق ) قلت لها ( شلون اروح مشي في هالانهار ( البواليع , المستنقعات ) واحنا بيتنا جنب اكبر بحيرة عاد انا الي خلاني اخاف حيل يوم شفت بعض البنات يصوحون والمعلمات لبسوا عباياتهم وصديقتي قاعدة تصارخ

رحت انا المتفرغة ادور على بنات عمي عشان يمشون معي لكن ماشفتهم رحت مشيت مع كم وحدة من ربعي اللي من جيرانا
وعاد والبنات وهم طالعين من المدرسة من الخوف كأن جيش
واللي ضحكني ان وحدة من بنات فصلي من الخوف راحت على طول مالبست عبايتها طلعت بدون عباية في الشارع ولبستها
وعاد عزكم الله وحنا نمشي عباياتنا وجزمنا صاروا ولااحلى والقهر بعد ان وناا امشي مع صديقتي كل اشوي تمر سيارة وتطشر علينا من ماي الانهار والالعن بعد مرت سيارة وكان فيها رجال وبزر شافنا البزر وقعد يضحك وقال : ( تستاهلون )

وعاد يوم وصلنا جنب مدرسة معاذ كان اخر الدوام ( ابتدائي ) الاولاد يطنزون علينا ويضحكون
واخيرا وصلت البيت بعد ماسبحت بماي الانهار وبعد ماطاح قلبي في بطني من الخوف


صحيح هاليوم يخوف لكن في شيء حلو وهو : رحت حصة التعبير وحصة الانجليزي ( اختبار )

لاحول ولاقوة الا بالله

يلا ان شاء الله تستفيدون منا وتاخذون احتياطكم

اختكم أماني

<******>drawGradient()

 

 

[أسوار البقيع]

سلام ..

حمدآ على سلامتكم يابنات متوسطة متشوفون شر ..

عاد أنتي والبنات كل وحدة منكم صاحت هههههههه

الله نجاكم .. والله يبعدكم عن كل شر..

والله حالة في هالمدرسة كل يوم تطلع شغله لكم ..

الحمد الله أني طلعت من زمان وفتكيت من المصايب هذي ..

أختكم : أسوار البقيع

 

 

[بوعبدالغني]

الحمدلله على السلامة

 

 

[-النورس الراحل-]

يالله الحمد لله على السلامه
بس وش فيك كل كلامك اخطاء املائيه شكله
اثرت عليكم الحريقه
نرجو معرفة ملابسات الموضوع قريباً

 

 

[نور الشمس]

السلام عليكم
عد لتضحكون
بعض البنات يتمنون ان يصير مرثني علشاً يروحون البيت
سبب الحريقه اهو التماس بالكهرباء
بس اشوا ماصر شئ
حق اي بنت كلهم الحمدلله
الي معنا في متوسط حمدلله على السلامه

 

 

[مرسى الحب]

بسم اللة الرحمن الرحيم
السلام عليكم ورحمة اللة وبركاتة
الى اختي 00اماني
الصراحة يااختي :: مالادعي انك تكتبين الموضوع وتنشرين الخبر انا الصراحة معارضة لاني اشوي انقهرت يامني دريت ان نشارين الخبر في النت هذي وحدة مقصرت وصلت لي المعلومة وانا الصر احة ودي اتعرف عليك ممكن تجين لي بكرة
علشان اتعرف عليك الصراحة انا في فصل 3-1 ودي اتعرف عليك من كل قلبي 00

 

 

[بسمله]

اولا اسمها **حريقة**
مش حرايقة
واصلا ما صار شي في المدرسة بس التماس كهربائي
لا حرايقة ولا هم يحزنون
ههههههههه حرايقة هههههههه
والله انك ضحكتيني
علعموم بنت خالتي تقول انه ما صار شي واليوم الطابور قالوا لهم
والحمد لله كل الربع ^ _ ^ بخير
والحمد لله على سلامتكم يا بنات متوسط

 

 

[بوزينب]

خبر عاجل ......................................
اندلعت حريق بمدرسة الطرف للبنات ادى الى هلع البنات جميعهم
وتشير التحقيقات ان سبب الحادث فأرا كان يلعب بالسويشات مما ادى الى التماس كهربائي و الى حرق الة التصوير (( الله يعوضكم ماعندهم الا هالوحده وراحت مافي الا بعد 10 سنين))
والحمد لله انه لم يصب احد في الحادث

 

 

[نور الشمس]

كان في حريق اختي شفة الحريق وبنت خالتي شفة دخن اسود جي من الفصول الثولث يطلع دخن

 

 

[بنت الحسا]

ههه

ضحتوتنا بها القصة

ويقولون بعد أن يوم اللي بعدة يوم الأثنين مسوين مجلس الأمهات

ماتشوووووووووفون شر يابنات متوسط

 

 

[نور الشمس]

كلمش صح يابنت الحسا
الأمهات جو أقوووولش حريقه بسيط
في بعض البنات يبون يصير نفس يوم الأحد
علشن يطلعون ابسرع يرحون البيت

 

 

[نور الشمس]

اقتباس المشاركة الأصلية كتبت بواسطة نور الشمس كان في حريق اختي شفة الحريق وبنت خالتي شفة دخان اسود جي من الفصول الثولث يطلع دخان

بس الحمدلله مصر شئ
مع السلامه باي

 

 

[غريب الدار]

الحمد لله على سلامتكم جميعا ....
مع انني لم افهم نوع اللغه التي كتبت به المشكله ؟؟؟ ( دعابه خفيفه )

 

 

[المستشار]

نقول لكم الحمد لله على السلامة أو مبروك , لأنكم افتكيتوا من كم حصة مادرستوها , وبصراحة حنا كذا أيام المدرسة ننتظر أي مشكلة تصير من شان يطلعونا حتى لو كان حريق وإلا بعد تنهدم المدرسة مافرقت عندنا أهم شيء يطلعونا

أدعوا لنا عقبال مايصير إللي عندكم عندنا ونفتك لادوام ولامشوار يوجع الراس

 

 

[|[..استفانوس..]|]

اقتباس حـــــــــــرايقه

ويه ويه ... يامصبتي .. إيش اللي صاير ..

ماشاء الله عليك ِ يا ** نور الشمس**


صايره الناطق الرسمي لمدرسه المتوسطه

و الوكيله المساعده سيده ** أماني **

الحادثه نص ٍ طبقا ً للمشاهده ..

بس تنفعون وربي ..

وأنت ِ يا أماني ماصدقتي خبر هاااااا أفتكيتي من حصه التعبير والأنجليزي ..

الله يكون في عونكم ..


ع العموم ماتشوفون شر ..

تعيشون وتاكلون غيرها ..

 

 

[شيبوب]

اهم شي انتوا مصار لكم شي الحمد الله على السلامه
اخوش شيبوب