اريييييد قطوه وبأسرع وقت ممكن

[الساهرة]

السلام عليكم ورحمة الله وبركاته ...

اتمنى ان اجد عند احد فيكم طلبي

انا من قريب انقلت وبحمد الله الى فيلتنا الصغيره بالمزرعه وتعرفون المزارع حشرات وزواحف وخلافه جربت كل العلاجات والمبيدات ما فاد نصحوني احط بالبيت قطوه

عشان كذا ياريت الي يقدر يساعدني بقطوه تكون تربية بيت مو شوارع وتكون اليفه مو مهم الشكل او الجنسيه عادي انا ما يهمني نسبها انا تهمني اخلاقها خخخخ

وما عندي مشكلها اذا معها عيال يكون احسن لاني ابيهم للمزرعه كلها

عاد ما ابيها غاليه انا ابيها بشغل ما بكشخ فيها...

ياريت الي عنده يبلغني وانا بجي اخذها برسم الخدمه ....

شوف لي حل بسرعه صار لي فتره ما نمت زي الناس ...

 

 

[زهرة اللوتس]

ههههههههههه من جدش أم مصطفى

يتروالي ذاك القسا ما يخلى من القطاوة ... شوفي لش قطوة صغيرة وربيها ...

ذكرتيني بأيام أول ..كانت عندنا قطوة وعوالها والبيت بوجودها نظيف واللي ساعد إنها تفهم علينا وتطيع أوامرنا

يعني ماهنا حركتات نص كم .. أبد .. وبس هجّرناها لراس تنورة .. انقلب علينا البيت فوق تحت ....

( أكود سمعتي بحالنا ذيك السنة )


المهم .. هسه ماحولنا قطاوة .. ماهنا إلا وحدة مؤدبة حدها موجودة تحت خزان ماي بيت جيراننا

تتوقعي تنفع ؟

 

 

[الساهرة]

شسوي يا بنت الخال هذا مكتوبب علينا المهم ترا عيال عمش يخافو اكثر مني لدرجة انهم معارضين حتى فكرة القطاوه بس عاد ما بطاوعهم

المهم بالنسبه للقطوه الي تقولي عنها مدري عندي احساس انها قطوة شوارع عاد هذا الي ما ابيه انا ودي قطوه صغيره واربيها ماني قايله لا بس يلا اسعفونا بقطوه ....

 

 

[جانب مشرق]

طلب غريب

اسألوا محلات الطيور
بعضهم عندهم مربيات وعيال أصل

 

 

[الحنونة]

اللــــــــــــه ذكرتيني بقطوتنا اللي كانت عندنا وحنا صغاار
اللي تلعب معنا صياده وسيكل وتلقنا اذا قمنا نلعب
بس راحت بعد ماربيناهـ وتعودنا عليها
اخذوها اهل ابوي وودوها لمكان بعيد
لانه احنا كنا ساكنين معاهم
حسااااافه عليها

 

 

[زهرة اللوتس]

الساهرة

أهم شي إن عوال عمي معارضين .. الصراحة مالهم حق وإنتي تعرفي السبب

اقتباس المهم بالنسبه للقطوه الي تقولي عنها مدري عندي احساس انها قطوة شوارع

هاااا صبري عاد خلينا نتفاهم .. إنتي شوفيها قبل .. حدها أليفة ترى

وغير كذا معها عوال ... وإن شاء الله ما إحنا مختلفين على السعر > ناوية تترزق منها ههههه


أقولش ... معنا قطوة من قطر ..

تتوقعي تنفع ؟

 

 

[الساهرة]

اقتباس هاااا صبري عاد خلينا نتفاهم .. إنتي شوفيها قبل .. حدها أليفة ترى وغير كذا معها عوال ... وإن شاء الله ما إحنا مختلفين على السعر > ناوية تترزق منها ههههه

انتي قدمي ملفها واوراقها وانا ادرس الموضوع >>>> توها تقول مستعجله

اقتباس أقولش ... معنا قطوة من قطر .. تتوقعي تنفع ؟

قولي لها تنفع تنفع يلا متى اخذها ؟؟؟

بس اهم شي لا تصير طلابه وشايفه نفسها ترى مهنا الا تونه وزبادي

 

 

[زهرة اللوتس]

تراها قطوة أجنبية ومجنّسة مو خليجية أصل هذي أنا قلت لش ههههه

سعرها 5000 ريال ،، و أزيدش من الشعر بيت ... لها جواز سفر

> تراني أتكلم جد



المهم إذا تبي العكس راسليني على الخاص

 

 

[بحرالوفا]

في أحد يطلب قطو !!!!!!!

 

 

[الساهرة]

اما عاد 5000 كثري منها حجية لوتس سمعش علي ولدي قالي يمه نشتري خييييل احسن

بحر الوفا ترا عادي المضطر يركب الصعب ...

 

 

[عركاوي 89]

على الرغم من غرابة الطلب
بس أبي أساعدش ههه

خلاص روحي حديقة الديواني يمكن يبيعونش وحده

 

 

[زهرة اللوتس]

شوفي .. لدّى هالنابة شفتش ذكريني أعلمش صورتها ,, أليفة حيل وتستاهل الخمسة


انزين ... اسألي سلمان ولد حسين ولد عمي أكيد عنده خبرة

هو يقول ذاك اليوم إنه يتاجر في ذه ،


>> أقول قولي هذا وبس جزت أنا مول

 

 

[Habib Hussain]

السلام عليكم ورحمة الله وبركاته ,,,

في وانا أخوك

ولكن اسعارهم تتراوح ما بين 500 - 1000 ريال

وهذي الصور















انا شفته بأحد المنتديات ,

طبعا اقدر اجيب الرقم اذا تحبين
وفق الله الجميع

 

 

[Habib Hussain]

عندي 3 قطط اناث شيرازيه

من اب شيرازي امريكي و ام شيرازيه ايرانيه

وهذا طالب في الواحد 800 ريال



الاب والأم

 

 

[الساهرة]

القطوه ب 800 ؟؟!!! اشدعوه لا انا مووول حدي فيها 200 او اذا بيبيعهم كلهم ب 800 ممكن اخذهم

قلت لكم مو شرط شيرازيه ولا امريكيه اهم شي نظيفه واليفه


هل صج يبيعون حديقة الديواني ولا تمزح ؟؟؟


زهرة اللوتس سلمان الي اعرف انه يبيع خيول ما يبيع قطاوه ...

 

 

[Habib Hussain]

اقتباس المشاركة الأصلية كتبت بواسطة الساهرة القطوه ب 800 ؟؟!!! اشدعوه لا انا مووول حدي فيها 200 او اذا بيبيعهم كلهم ب 800 ممكن اخذهم قلت لكم مو شرط شيرازيه ولا امريكيه اهم شي نظيفه واليفه هل صج يبيعون حديقة الديواني ولا تمزح ؟؟؟ زهرة اللوتس سلمان الي اعرف انه يبيع خيول ما يبيع قطاوه ...

هذا اللي أعرفهم وانا أخوك ,

جربي الديواني انا مرة اتذكر كان عندهم قطه حلوة ولكن أذكر حينها قال بـ 500 ريال فا ما ادري هل للحين ولا

او جربي المحلات اللي يبعون الطيور اتوقع عندهم

وفق الله الجميع

 

 

[الساهرة]

اقتباس هذا اللي أعرفهم وانا أخوك , جربي الديواني انا مرة اتذكر كان عندهم قطه حلوة ولكن أذكر حينها قال بـ 500 ريال فا ما ادري هل للحين ولا او جربي المحلات اللي يبعون الطيور اتوقع عندهم

يعطيكم العافيه كلمت واحد من اخوني بيروح الحديقه اليوم وبيشوف ان شاء الله احصل

 

 

[حڪےـمْ]

آختي ليششششش ماتكلمتي من قبل اسسسسسبوعين كان عندنا قطوين وقطوة في البيت بس وديناهم النخل مااادري الحين اذا نقدر نجيبهم ونشششوفهم لآنه خواتي راحوا يومين مااشوفوهم طلعوا لهم حرررررررام كسسروا خاطري يوم ودينهم النخل الحين عندنا امهم بسسسسس مايصير نعطيج اياها مرررضع لآنها هع وعيالها لوخذتيهم وياها بيضيعون بششوف لج عن هالثلاثه وبرد لج خبر

 

 

[حڪےـمْ]

نعطيج اياهم ببلاش آختي مالنا في البيع صبري لاتشترين هههههه

 

 

[الساهرة]

خلاص انا بنتظر اذا ما حصلتوهم بانتظر شهر القطوه ترضع عيالها وتالي عطوني واحد من عيالها >>>> احس الكلام يعور القلب

بس عاد حاولو تحوسون عليهم بالنخل