انتي عارفه اخووك مرررررهـ يروع شكله استغفر الله بس ابفهم كيف تقابلينه كل يو

[دلوعه الطرف]

*
*
*
*

السسسسسلـآم عليكم ..اتمنىـآ الكل بخير وعآفيه ..
عندي موضوع اليوم ان شاء الله يعجبكم
هو موضوع اجتمآعي وانسآني درجه اولىـآ ياليت نحتوي الموضوع ونعيشه
ونرد بمآنرآه منآسب ولـآئق للطرح
كلمه شكر لن تكفي ..نبحث عن النقآش واراء راقيه
.
.
القبآحه والجمآل .. هل تؤثر على العلاقات الاجتماعيه والعاطفيه ؟


من المتوقع ان نجد جانب عنصري بمجتمعنا المليئ بالسلبيآت ..
فالعنصريه امر منبوذ وغير مستحب ..
فليس هناك فرق بين عربي ولا اعجمي ولا قبيح ولا جميـل ..
ولا ابيض ولا اسود الا بالتقوى والعمل الصالح ..
ولكن ليس هذا مانجده في مجتمعنآ الاسلامي المحافظ ..
.
.


1


سارهـ : ييييييييييع اخوك شييييين يانوره يحووم الكبد توقعت شكله مملوح من كلامك
بس طلع استغفر الله ياربي خلق الله حسن .. لا بعد ناويه تخطبيني له هذا الي نآقص ..!
نوره : اقول احترمي نفسك ذا الشين الي تقولين والله مايطلع ربع اخلاق ملك جمال العالم ..
سارهـ : طيري ياشيخه اهم شي الشكل والباقي محلول ..
بس من جد انتي عارفه اخووك مرررررهـ يروع شكله استغفر الله بس ابفهم كيف تقابلينه كل يوم ؟
نوره : ايه اجل جعلك تاخذين واحد اطخم ومملوح وبنفس الوقت ماعنده اخلاق
وهذيك الساعه بتذكرين كلامي !
واحترمي نفسك الجمال جمال الروح والاخلاق بس هاذا شي يفهمونه الكبار
مو للصغار الي مثلك
.
.
2


خالد : ياخي امس وانا امشي شفت مره اخوي بالصدفه .. اعوذ بالله شلون يقابلهـآ ؟
ناصر : استح على وجهك تلقاها اصيله وبنت ناس ..
خالد : ياخوي انا معك بس الجمال شي مهم سلامات اقابل ليفه مواعين قدامي لا بعد اخوي مغير يدعي لها ويثني عليها
حسبتهـآ ملاك على كلامه طلعت استغفرا لله يارب استغفر الله بس ..
ناصر : لاتحكم على الاشكـآل اهم شي الاخلاق والتربيه يارجـآل ..
.
.
.
.



3
هند: يآآي بنآت شوفوآ هذا شكله مرررررره جنآن يخقققق وخرو بس خقيت انا خلاص
الهنوف: ولا هذآ الثاني بنآت كلهم شله يهببببببببببلون وخروآ ابي واحد منهم
عنود : ياحيوان وخر عني الله ياخذك ..
البنآت : شفيييييييك وش صاير ..؟
عنود : شفتوآ الشله الي تناظرونهم واحد منهم سحب عبايتي قليل الادب
البنآت : قله حياء مايستاهلون هالاشكآل صراحه


4
مريم: يوه وش ذا الي واقف شلون بنطلع يمه ..؟
ام مريم : وش عليك منه امشي بس ..
مريم : يمه يخوف
ام مريم : ياملا الصلاح امسكيني بس الدرجه اخاف اطيح
(ام مريم سفطت من الدرج )
مريم : يمآآآآآآآآآآآه بسم الله عليك
الرجآل : قومي ياخاله ماتشوفين شر عسا ماعورك شي ..
ام مريم : الشر مايجيك لا ياوليدي الله يطول بعمرك ..
الرجال : واجبنآ ياخاله بس عسا ماتعورتي تحسين بألم ولاشي
ام مريم : الله يجزاك الجنه
مريم : يمه بسم الله عليك وش يقولك ؟
ام مريم : ذا الي خايفه منه يسألني له ساعه يقول عساك بخير ..
مريم : يوه شكله مايهيئ انه حبوب ..
ام مريم : اقطعي واخسي بس شوفي السلق ذولي ماحد سوا مثله
وهم ازين منه مليون مره بس بنآت اخر زمن
.
.كثير نسمع بالاجتماعات والسهرآت هالكلام .. تقولون ماعندهم الا خلقه الله يتناقشون فيهـآ !
هاذي شينه وهاذي حلوه .. وهاذي كنها لحجيه استغفر الله .. ولا ذا ياناس صومآلي(ن) قاعد ..
طيب خلونـآ تنتاقش شوي ..!


هل الشكل شي اساسي لاستمرار العلاقات الاجتمآعيه ؟


طيب خلونآ نشوف الجانب الاجتماعي الاول وهو الزواج ..
يعني على سبيل المثآل شخص خلوق ومؤدب وكل الصفات الحلوهـ فيه وتقدم لبنت ورفضتهـ تدرون ليه !
مابيه شين يطلعون عيالي شيون ولايفشلني عند صديقآتي ..


<= من زين الصديقآت تلقاهم ملحطآت ساكنين بالجراديه ويقولون بالطائف تعرفون هو الشي الوحيد الي يعرفونه اعاف رجال واخلاق ودين عشان شكل ؟


طيب نعطي هالبنت جوهـآ ونخلي انسان وسيم واطخم يتقدم لهـآ ..
وجاها انسان لايصلي ولا يخاف ربه .. وكل صفه سيئه متجمعه فيه .. وقبلت فيهـ وتزوجو ..
وعاملها بذل واحتقآر .. بس كشخت عند صديقاتها وجابت عيال حلوين ..
استفادت شي ! اكيد لأ ..
نجي للشي الثآني .. وهو العنصريه ..
هالحركه منتشره بشكل فضيع سواء عند البنات او العيال ..
نشوفهـآ بالمدارس وبالاماكن العامه ..
نحس انهم يشوفون اي انسان اسمر مجرم وراعي مخدرآت وطقاق ووو....الخ ..
واي انسان ابيض مسالم وش حليله ..!
الله اكبر عليكم ..
الحين صرتوآ تحكمون على انسان بشكله وبلونه ..
طيب عرفتوه .. قربتو منه ! .. شفتو منه شي !
اكيد لأ .. طيب هالنظره ليه ! يمكن يكون هالانسان اطهر من مليون ابيض غيرهـ ..
ولا آحد يقول هالشي مو موجود عندنـآ .. لا موجود ونص ..
اول يمكن ماكانت فيه هالحركات بس الحين منتشره وبقوهـ ..
طيب هالشخص تجيه نظرات احتقار ماله اي ذنب فيهـآ
يعامل معامله سيئه ليه ..!
حتى اطفالنا صارو مثلنآ مره من المرات جتني اختي تسولف لي
قالت يووووه والله اليوم صيحنآ بنت ..
قلت ليه ؟ .. قالت بس عشانها سودا مانحبهـآ ..


<- مسكتها مع شوشتهـآ ..


وفهمتها وعلمتها ان هالشي مايجوز وربي بيعاقبهـآ عليه وروحي تأسفي للبنت
وتصادقي انتي وياها
جتني عقب كم يوم تقول تهاوشنا انا ورغد وبشاير ..الخ
مابقى معي الا شيخه الي صيحناها ذاك اليوم قلت شفتي شلون استحقرتيهـآ وهي الي وقفت جنبك !
عادالمبزره يتطاقون ويتزاعلون دايم بس هذا ابسط مثال اثبته لطفله ..
.
.


الشي الثالث بالنسبه للحب ..
يكونون اثنين منسجمين مع بعض وكل امورهم تمآم ..
وكل الطرفين صادقين بمشاعرهم ..
لكن يتغير كل شي ,, اذا طلع واحد منهم شين !
البنت مثلا شافت صورته ..
يييييييييع وانا احسبه يهبل استغفر الله صدق اني احبه بس وش ذآ
ياربيه وش بقول للبنات احب واحد يروع ..؟
تتغير معاملتها وكل يوم والثاني تزعل وتسوي حركات بايخه عشانه شين ..!
ويمكن يكون يحبهـآ وتجرحه لسبب تافهـ وسخيف ..
.
.
والشاب نفس الحركه ..
ياربيه وش ذا الشينه وش ابي بهـآ ذي اقول اكبر سيفون بس ..
الحين الشباب لاعرفوآ بيقولون موب صاحي يعرف هالشيفه .. ؟
ويبدأ ينسحب ويذب كلام ويدور الزله عشانها ماطلعت نفس الي تخيلهـآ ..
والبنت يمكن تكون تحبه .. وتنجرح برضو لسبب تآفهـ ..
وهالاشياء دارجه هالوقت وبكثير بعد ..
طولت عليكم بالهذرهـ خلونـآ نطرح الاسئله ونتناقش سوآ ..
.
.


1 / هل الجمال والقباحه عائق اجتماعي وعآطفي !؟
2/ اذكر لنا بعض المواقف الي شاهدتهـآ او حصلت معك شخصيآ ؟
3/ باعتقادك .. هل الجمال يطغى على الاخلـآق ؟ ام العكس !
4/ تتوقع اي من المظاهر الاجتماعيه اكثر نجد فيهآ التفرقه الي ذكرنآهآ
هل بالحب ؟ ام بالتعامل العنصري ؟ ام بالزواج ؟ ..


بالنهـآيه نقول .. الله يهدي الجميع ويحسن آخلاقهم مهما كانت خلقتهم ..
ودامها خلقه جميله بلا خلق فهي جثه باليه ..


.
.
اتمنىـآ يكون الموضوع نآل رضآكم واعجبكم

 

 

[شُجون الأَحزان]

أعجز عن أن اقول ان هذا الموضوع قمة قمة قمة

في الواقعية .. وهو للأسف الذي نعيشه في هذه الحياة ..

فكم من احتقارات و كم من تكبر نراه بسبب عنصرية ليس لها معنى ..

فكم سمعنا حتى حادثة ( الطلاق ) بين الأزواج بسبب أنه تفاجئ بيوم زواجه

أن زوجته لم تعجبه وحتى لو بصفه واحدهـ من الصفات التي يريدها ...

وكما سبق ذكره انه قال رسول الله صلى الله عليه وآله وسلم : ( لا فرق بين عربي ولا اعجمي ولا ابيض ولا اسود إلا بالتقوى ) ...

فكم من ابيض اللون ولكنه اسود القلب .. وكم من اسود ولكن قلبه ابيض نقي ..

مثال من عهد رسول الله : عليه الصلاة و السلام

ابو لهب لعنة الله عليه : الذي هو عم رسول الله هو كان شديدة البياض بل شديد الحمرة إلا أنه في قعر جهنم

إذ أنه نزلت فيه سورة فيه هو و زوجته .. فماذا نفعه جماله الدنيوي !؟

ونأتي لمؤذن رسول الله عليه الصلاة و السلام :

بلال بن رباح .. الذي كان شديد السواد .. إلا أنه كان ابيض القلب في اعلا عليين من مقامات الجنه ..

أرأيتم الفرق الشاسع بين الإثنين .. ( وشتان شتان ما بينهما )

هذا ما اقوله من العنصرية المكروهة ...

واتمنى انني لم أطلت عليكم ..

تحياتي // شجون الأحزان

 

 

[ترنيمة فرح]

الموضووووووووووع طويل جدا اختي بارك الله فيك اختصري

في المواضيع القادمه ولاتظلميها بطولها ,,,

عالعمووووووووم الشكل هالايام صار مطلوب ,,,

هالايام البنات والاولاد كلهم حلوين لأنهم قاموا يهتمون بنفسهم,,,


وانا بصراحه على انه مايهمني الشكل كثير لكن مااشوفه عيب ان الواحد اذا شرط وخاصة بالزواج

انه يلقى مطلبه ,,,

اما بالحب لاأظن ذلك وارد لأن الحب على قولتهم عمي ههههههههه مايشوف احد حلو او جيكر

كله نفس الشي اهم شي القلب نظيف,,,,,,,,,

تعجبني مواضيعك >>>>>> تقبلي تحياتي

 

 

[الساهرة]

خير الكلام ما قل ودل

فعلا الشكل ليس الأساس ما هو الا قالب مؤقت لا يبقى على حاله

والباقي هو الروح الجميلة التي تبقى جميله لا تغيرها عوامل الزمن ..

يسلموو على الموضوع

تحياتي

الساهرة

 

 

[دلوعه الطرف]

أ ولا الموضوع اذا حذفنا منه محد يستفيد منه وهو
عادي والرد عليه فقط
بهذا الرد لاغير

1 / هل الجمال والقباحه عائق اجتماعي وعآطفي !؟
2/ اذكر لنا بعض المواقف الي شاهدتهـآ او حصلت معك شخصيآ ؟
3/ باعتقادك .. هل الجمال يطغى على الاخلـآق ؟ ام العكس !
4/ تتوقع اي من المظاهر الاجتماعيه اكثر نجد فيهآ التفرقه الي ذكرنآهآ
هل بالحب ؟ ام بالتعامل العنصري ؟ ام بالزواج ؟ ..

.....

شجون الاحزان:

دمتي بكل خير غلاتي..


.


ترنيمه فرح:
منوره صفحتي ..


.

الساهره:
جزاك كل خير خيتوووو...


لاعدمنا هذا المرور ..[/CENTER]

 

 

[أحسائية]

موضوع رآئع
الله يعطيك العآفية
الجمآل جمآل الروح والأخلاق
في نآس تفكيرهآ جداً محدود وصغيره
هذا خلق الله مش من حقي أتكلم وأنتقد
حصل لي موقف في الجآمعة
يوم كنت واقفة مع بنت سنية وكآنت سمراء
شآفتني وحدة من صآحبآتي
بعد مآ راحت البنت سألتني
من وين لآقيتهآ هذه
أستغفر الله يعني هذا سؤال
كثآر كآنوا يتبآهوا بجمآلهم في لحظآت
يروح كل شيء
وفي الأخير
( لا فرق إلا بالتقوى )
سبحآن الله اللي ينتقدون النآس
في نآس ثآنية تنتقدهم
كمآ تدين تدان
والأغلب يضع الصفآت السيئة للشخص الأسمر
الله يهديهم ويصلحهم
ويتفكروا ( وصوركم وأحسن صوركم )

 

 

[جناح الملائكة]

بسم الله الرحمن الرحيم .،،.

إن الدين الحنيف ينفي هذا التمييز والعنصرية بين الخلق ، لأن خلق الله من صنعه فكيف يجرؤ الإنسان الاعتراض على صنع الله ولا شك بأن الله له حكمة في خله ( ولله في خلقه شؤون ) ، فعلى هذا الأمر قال الباري عزوجل ( إن أكرمكم عند الله أتقاكم ) ، هذا يدل على أنه ( لافرق بين حبشي وقرشي ...) .

قطعاً لايمكن أن ننفي الميول وتمَيّز النظر لإبداع خلق الله لكن من سوء الأدب أن يبدي الإنسان رأيه في بعض المواقف أو المناظر وخصوصاً ما يخص الآخرين من شكلهم أو وضعهم المالي أو الاجتماعي وغيره .

أشكر الأنامل التي خطت هذا الموضوع ونتمنى أن نرى المزيد منها .

 

 

[دلوعه الطرف]

احسائيه
صدقتي في كلمه قلتيها
بتشوف نفسهاا على النااس
وتتخيل انهاا احلى وحده بعالم

يسلمووو على المرور

 

 

[كـــاتمة الآهـــات]

[COLOR="Red"]1 / هل الجمال والقباحه عائق اجتماعي وعآطفي !؟

نعم وبمعنى الكلمه.


2/ اذكر لنا بعض المواقف الي شاهدتهـآ او حصلت معك شخصيآ ؟


كنا في الثانويه وكان في واجب وكانت المدرسه تسأل وحده وحده عن الواجب الي حلته تجيبه تشوفه

وكل ما قالت اسم فلانه قالت تعالي اشوفه

وقالت اسم وحده ماشاء الله عليها جميله


قالت لها حليتي ؟ قالت ايه توها بتقوم قالت لها جلسي ما يحتاج..


3/ باعتقادك .. هل الجمال يطغى على الاخلـآق ؟ ام العكس !


قد يطغي الجمال على الاخلاق


وقد تطغي الاخلاق على الجمال


ولكن الجمال اكثر واسرع طغيانا فالجمال قبل المعرفه يطغى ولكن الاخلاق تطغى على الجمال بعد المعاشره.


4/ تتوقع اي من المظاهر الاجتماعيه اكثر نجد فيهآ التفرقه الي ذكرنآهآ


في الزواج لان الحب يأتي بعد الزواج على الاغلب

فالزواج هو البدايه.




قمه.. هذا الموضوع







كـــامتة الآهـــات[/COLOR]

 

 

[دلوعه الطرف]

جناح الملائكه

يعطيك العافيه
لاعدمنا هذا المرور الرائع

 

 

[دلوعه الطرف]

كاتمه الاحزان

منوره المتصفح بهذا الحضور البهي
القمه وجودك خيتوو

 

 

[عبود 15]

أحييك أختي دلوعة الطرف على هذا الموضوع الشيق والمفروض نتناقش فيه بكل جدية أنا من وجهة نظري إن الجمال ما يؤثر على العلاقة الزوجية إلا لو كان أحد الأطراف معقد يعني الرجل لو اقتنع بالمرأة من أخلاقها ما أتوقع إن الشكل بيكون له ذاك التأثير على حياتهم الزوجية والمرأة كذلك إذا شافت الرجل أفعال ومواقف يمكن حتى لو هي ما كانت مقتنعه بشكله بتحبه و بتقول ويني عنه من زمان وهو بيقول الحمد لله اللي رزقني ببنت الحلال اللي تباريني والحمد لله إني ما ابتلشت ببنت جميلة حدها بس ملسونة ((لسانها طويل )) ولا مغرورة .

 

 

[دلوعه الطرف]

عبود 15

مروك رائع

دمت بكل خير

 

 

[أحبكم والله أحبكم]

الجمال جمال الروح

مو جمال الشكل اللي بيذبل مع الوقت