.:][ حــلى جلــــــــد النمــــر ][:.

[إشراقة أمل]

بسم الله الرحمن الرحيـــــــــــم

اللهم صل على محمد وآل محمد الطيبين الطـاهرين ..,

.
.



][ المقادير ][


بسكويت اولكر
زبده
2قشطه
نص علبة حليب محلى نستله
بيضه
فانيليا
نصف كاس تمر
ملعقه نسكافيه
4كيري
3ملاعق حليب بودره
نصف كاس سكر


.
.




][ الطريقــــــــــــــة ][

.

الطبقه الاولى

بسكويت مطحون + زبده + شوي ماء
نفردها بالصينيه بهذا الشكل





الطبقه الثانيه

قشطه + حليب محلى نستله + بيضه
فانيليا + نصف كاس تمر ( 10حبات )
ملعقه نسكافيه

نخلط الطبقه الثانيه بالخلاط
ونضعها على الطبقة الأولى





وتدخل الفرن من تحت مده ربع ساعه ومن فوق حتى تجمد




.
.




علبه قشطه + 4كيري + 3ملاعق حليب بودره +
نصف كاس سكر

تخلطيهم و تحطين شي بسيط من هذي الخلطه على الوجه
والباقي تغمقينه بشوي نسكافيه او كاكاو بودره
وتنقطين على الوجه
وكل شوي تزيدين النسكافيه او الكاكاو وتشكلين في
التنقيط زي جلد النمر
مره غامق ومره فاتح ومره كبيره ومره صغيره




وتستعملين ملعقه صغيره
في التنقيط
وبعدين تدخلينها الفرن

الفرن خليه على حرارته بعد الطبقه الثانيه
ويوضع في الثلاجه حتى يبرد
وقطعيه وضعيه في قوالب ورقيه





وعـــــــــــافيـة وهنـا على قلوبكـــــــــم ..

بس تراكم مو معزومــــــــــين عندي { هاه اشراقه وش قصدك ..!


.
.

 

 

[سُندس }]

حلى جلد النمر رهيييييب الشكل بس ماندري عن الطعم

* اذا عزمتينا نحكم أسمع بس .

لا لا ما أتفقنا يـ اشراقه فيه جبن وين الشهامه يُبه * شدخل الشهامه

الحين كل طبخاتنا موفرين عليها الجبن ويطلع لنا بعد نسيتي انه مولهناك معنا

* أقول نعمة الله ترى .

بصراحه دخل مزاجي جلد النمر بسويه عن قريب تامرون عليه عشان أكثر الكميه

* بتسوي قليل عشان ماتتوهق .

والأحلى انه من ايدك غلا

مشكوره بـ الحيييل .

رائعه ماننرحم من طلاتك .

::

 

 

[|[..استفانوس..]|]

ماعجبني شكلها

تهيئ لي كـ أنـوو ........... ؟!ِ
ولا خلاص ماني بقايله ^^


عموما

تسلمين خيتي
وويعطيك العافيه

 

 

[إشراقة أمل]

الـــــــــــــدانــــــــــة ..,

اقتباس حلى جلد النمر رهيييييب الشكل بس ماندري عن الطعم

الطعــم أقول لك من الحين .. يجنن .. لولا الجبن

اقتباس * اذا عزمتينا نحكم أسمع بس .

ولا يهمك .. عندك من ثلوث اسبوع الجاي إلى آخر جمعـة قبل المدارس

اختـاري يوم .. وتعالي

اقتباس لا لا ما أتفقنا يـ اشراقه فيه جبن وين الشهامه يُبه * شدخل الشهامه

الشهـامة .. انخشت ورا الجبن ..

زهقونــا أطباق آخر زمن .. ما يستوون إلا بالجبن ..


وتصدقين ..

ما نشوف إلا جبن كيري .. ما يقولون جبن ثـاني ..

يللا شنسوي بعد ..!

اقتباس الحين كل طبخاتنا موفرين عليها الجبن ويطلع لنا بعد نسيتي انه مولهناك معنا * أقول نعمة الله ترى .

الحمد لله على النعمـــة ..

ودام انه مو لهنـاك معنـــا ..

ما لنـا إلا نخشـه مع هالمقـادير .. عشان ما نحس بطعمـه عدل

اقتباس بصراحه دخل مزاجي جلد النمر بسويه عن قريب تامرون عليه عشان أكثر الكميه

ايه والله دام انه بيدك .. نامر عليه

اقتباس * بتسوي قليل عشان ماتتوهق .

إذا توهقتي فيــه .. الدبش ما يقولون شي

اقتباس والأحلى انه من ايدك غلا مشكوره بـ الحيييل . رائعه ماننرحم من طلاتك .

الأحلــــــى .. مرورك .. وهذرتك .. و روحك المرحـة غاليتي ..

والأروع .. وجودك في صفحتي ..

لا تحرميني قربك .. ودمت موفقــــة .,

.
.

 

 

[بوح أنثى]

فعلاً الحلى مره حلو يا أشراقة امل

تسلم أيدينك الحلوين

 

 

[ريحه المسك]

الله يسامحك اشراقه على هذي الطرده على الاقل قولي حياكم الله بس احنا راح نعرف ولا راح نجي بس والله شهيتينا على هذا الحلا نتظر جديدك
تقبلي مروري

 

 

[سكون الصمت]

اشراقة امل طبق لذيييييييذ



بس مشكلته النسكافيه .... يعني لازم نحطه ماحد في بيتنا يحبه



مشكوره حبيبتي



كما عهدتك رائعه دوما



لكي كل الشكر

 

 

[إشراقة أمل]

اقتباس المشاركة الأصلية كتبت بواسطة |[..استفانوس..]| ماعجبني شكلها تهيئ لي كـ أنـوو ........... ؟!ِ ولا خلاص ماني بقايله ^^ عموما تسلمين خيتي وويعطيك العافيه

يكفيني شرف مرورك غاليتي ..

والنــاس أذواق ..,

.

لا عدمت إطلالتك .. ودمت موفقة ..,

.
.

 

 

[إشراقة أمل]

اقتباس المشاركة الأصلية كتبت بواسطة نجلاء فعلاً الحلى مره حلو يا أشراقة امل تسلم أيدينك الحلوين

.

وأنتِ أحلـــى بمرورك وتعقيبك ..

.

و لا تتخلفين عن العزومـــة .. عشان تشوفينه مباشرة .. << لا يفوتك ..

.
.

 

 

[الساهرة]

بصراحه شكلها روعه وجديد

يعني الواحد يحس انه عمل اختراع


والاحلى ان بجبن كيري هههه



يعطيك العافية شروقه وتسلم ايدج


تحياتي

الساهرة

 

 

[إشراقة أمل]

اقتباس المشاركة الأصلية كتبت بواسطة ريحه المسك الله يسامحك اشراقه على هذي الطرده على الاقل قولي حياكم الله بس احنا راح نعرف ولا راح نجي بس والله شهيتينا على هذا الحلا نتظر جديدك تقبلي مروري

.
.

هههههههههه

مو القصــد الطردة الذربـة ..

القصد .. بيني وبينك ..

إن وحدة من اللي بيردون .. تتكرم علينـا وتعزمنـا ..!

.

مشكورة حيـاتي على المرور .. والتواجد العـاطر ..

وأهم شي انه عجبك ..!

.
.

 

 

[إشراقة أمل]

اقتباس المشاركة الأصلية كتبت بواسطة سكون الصمت اشراقة امل طبق لذيييييييذ بس مشكلته النسكافيه .... يعني لازم نحطه ماحد في بيتنا يحبه مشكوره حبيبتي كما عهدتك رائعه دوما لكي كل الشكر

.

انت حطيـه ولا تعلمين أحد ان فيه نسكـافيه ..

ولا راح يحسون فيه من حلاه <<< كثري منها اشراقة

.

وروعتي .. قبس من روعتك حياتي ..

لا عدمت تواجدك وقربك .. ودمت موفقة ..,

.
.

 

 

[إشراقة أمل]

اقتباس المشاركة الأصلية كتبت بواسطة الساهرة بصراحه شكلها روعه وجديد يعني الواحد يحس انه عمل اختراع والاحلى ان بجبن كيري هههه يعطيك العافية شروقه وتسلم ايدج تحياتي الساهرة

.

ايه والله تحسين انك مسويه اختراع ..

خلاص سويه إذا صارت عندك عزومه .. وشوفي الآراء ..!

.

ترى } الجين كيري نعمـــة ..!

.

يعافيك ربي على المرور ..

لا عدمت حضورك ..

ودمت متألقة

.
.

 

 

[بزوغ الشمس]

ماشاء الله رووووووووووعه

 

 

[إشراقة أمل]

أنتِ أروع غاليتي بذا الحضــور والتواجد ..

والعزومـة الجـاية عليج ..

.

لا عدمت تنويرك .. وتعطيرك لمتصفحي ..

ودمتِ ..,


.
.