لاحد يدخل للبنات فقط (كيف تقهرين اخووك) !!!

[$ سنفورة $]

عندي دروس خطيره لا تفوتكم يا بنات .. شوفو اللي مقهوره,
واللي تبي تنتقم , واللي تبي ترفع ضغط اخوها تتبع
هالخطوات والله يقويكم......

*** عند التلفزيون ***


لا صارت فيه مباراه , والاخ متحمس اقطعي هالحماس وشلون؟!
انا اقولك ..

شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك
اعرفي انه منسجم ,

هنا بس تقومين بشغلك.. وتسوين نفسك بنت سنعه

وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا
تعطينه فرصه يشوف زين ,

لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي

المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..

واذا قال: ابعدي لااصقعك على وجهك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..


*** عند النوم ***

لا صار التمساح يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ

والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نخرج ..


*** اذا المزاج صفر ***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح

بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ

المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي وش بيصير

عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك



عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي سحليتي خخخخخخخ

*** وقت الطقاق ***

لا جاء يوم وبراسك حرش وتبين تطاققين انتي والتمساح لازم تجهزين نفسك من كل ناحيه:

1/ اللبس: لازم تلبسين ترنك خخخخخخخخخ علشان يسهل الركض


2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك,

وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير

3/ مفتاح الغرفه ولميه الاحتياط واجب

اذا بدت المعركه حطي راسك براسه ولا تبينين له انك خايفه وبققي عويناتك فيه وقوليله وش براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه ,

لا تستسلمين عطيه بوكككككككس على عيونه الثنتين علشان مايشوف الدرب وحطي رجلك .

وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله ..

على فكره انا مالي دخل لو صار شي

((( انا من الحين البس عباتي وانحاااش )))i6i

 

 

[عاشق قلعة الكؤوس]

مشكووووووووووووووره اختي سنفوره بس حرام علينا اشدعوا

 

 

[الطنان]

اقتباس المشاركة الأصلية كتبت بواسطة عاشق قلعة الكؤوس مشكووووووووووووووره اختي سنفوره بس حرام علينا اشدعوا

هذا احنا والله حرام عليكي

تحياتي الطيبة

 

 

[فيض المشاعر]

بصراحة انا ملقوف ودخلت بس وش دعوى كل ذي مكايد لنا بس الحمد لله اني دخلت علشان اعرف مكايدكم واخذ احتياطتي لو صارت لي مثل هالمكايد ...........والف شكر على التميز الذي عهدناه منك .....

 

 

[أسوار البقيع]

مرحبا

هههههههه


مبالغ فيها ياخيه


ما اسويها ولو


تشكر


اسوار البقيع

 

 

[هذيان صمت]

هههههههههههههههههههههههههه


مسكين اخووووووووووووووووووووووي


راح فيهاااااااااااااا

بسبك



بس اقوولك بلا كل هذا روحي سوي اي شيء على شان تتهاوشين معاة وبعداا سدحيهاا في الارض وطيحي فيه طق لين يتوووب عنك

 

 

[تاروتية]

هههههههههههههههه

أفكار جهنمية..

يستاهلون والله.

 

 

[الساهرة]

المشكله اخواني كلهم كبار رجاجيل استحي منهم
بس ان شاء الله يستفيدون منها البنات خخخخخخخخ

سنفورة بتوديهم في داهيه

يسلمووو

تحياتي
الساهرة

 

 

[ضاوي]

اذا البنات يسوون لنل هالفوضى عادي مافي مشكله
لكن انا بسوي مثل مايسوون وازيد

 

 

[ضاوي]

اشدعوا مو لهذا الدرجه ثانيا اذا شفت اختي سوت شي لي اروح
لتلفزيون ثاني واذا مافي فايده لي تصرف ثاني
تحياتي

 

 

[عاشقة ام الحسنين]

تسلمي اختي والله ضحكتيني
بس ماصدق في احد يسوي كذا هذي لعبه مواخوك

 

 

[تاروتية]

ضاوي>>>>>>اقول مفكرنا شغالات؟؟!!!

 

 

[الساهرة]

صج عينه قوية ضاوي داخل عرض وعارض عضلاته بعد
اقول اخوي لا تنسى انك في ساحة حواء والي يرشنا بالماء نرشه بالدم شنو يعني تصرف ثاني؟؟؟هع

 

 

[بنت الحسا]

بل عليكم

طلعتوا مش سهلين

مشكوووووورة خية

قبل الحين كبرنا على هالسوالف

والاخوان كبرو ا صارو رجاجيل

عاد فشله

تحياتي : بنت الحسا

 

 

[عاشق الكاسر]

مشكورة اختي سنفورة تحياتي الطيبة

 

 

[الجوري]

والله ودي اجرب شي من هالمقالب بس اخاف اخذ بعدها علقه """""