مواقف مستحيل أنساها

[أماني]

اكيد كل انسان تمر عليه مواقف ممكن تكون محرجة وممكن تكون مؤلمة ونفس الشيء هالنوعين صعب الوحد ينساهم واكثر شيء يقهرني ان احيانا المواقف المحرجة يضحك عليها الناس وانت تقتهر عليها
انا ماأحب اتذكر المواقف المحرجة وعشان كذا ماراح اكتب شيء عنها راح اكتب عن المواقف المؤلمة :

انا صار لي موقفين في المدينة مؤلمة حيل بالنسبة لي ( بس انتوا ماأدري عنكم )

الموقف الاول :

يوم من الايام وحنا كنا في الحرم النبوي ( يوم الجمعة ) عاد انا وامي كنا داخل نبغى نلقى مكان عشان نصلي في الروضة ( زحمة حيل ) وعاد انا كنت انتظر امي تخلص عشان احي مكانها ويوم خلصت امي توني بروح اصلي ماأشف الا ضربة قوية على ظهري , عاد انا التفت عشان اشوف من اللي ضاربني , عاد توقعوا من طلعت ( الحارسة اللي تجلس على القبر ) عاد انا قلت لها : ( ابغى اصلي ) قالت لي : ( ذلفي عن وجهي وخلي هذي البنت تصلي قبلش ) عاد انا مارضيت ابتعد عن المكان اللي بصلي فيه , وبعدين وخرتني بالقوة ( انتوا تعرفون ان هي قوية ) وخلت ذيك البنت تصلي مكاني

تصدقون ليش وخرتني وخلت ذيك البنت تصلي مكاني لان انا شيعية وذيك البنت سنية
دعائي عليها , وانتوا تعرفون ان دعوة المظلوم مستجابة : ( الله لا يوفقها لا دنيا ولا آخرة ... آمين )


الموقف الثاني :

يوم من الايام وحنا كنا طالعين من مكان الصلاة حق النساء انا جدتي شفت مرأة إيرانية جالسة على الباب وهي كانت تحاول تكلمني لكن انا مو فاهمة لها شيء اهم شيء انا حاولت افهم منها وبعدين عرفت انها تبغى مني اجيب لها قرآن لان الحارسة الله لايوفقها مو راضية لها تدخل عالعموم انا رحت جبت لها قرآن وعطيتها القرآن وتوني بمشي ماأسمع الا ذيك الصرخة تقول ( وقفي يالخايسة ) انا التفت اشوف من اللي يصارخ نفس الحارسة , وبعدين عطتني كف صار خدي أحمر , وبعد ماعطتني الكف خذت من الايرانية القرآن وجلست تعطيها المحاضرة اللي ماتخلص .
قد تتساءلون ليه انا مارديت عليها الاسباب هي :

اولا : لاني كنت صغيرة
ثانيا : لاني انا مالي خلق للمشاكل مع وحدة تافهة

ونفس الشيء دعائي عليها نفس دعائي على ذيك الاولى

وانا اتمنى انتوا بعد تكتبون مواقاف ماتنسونها ( محرجة او مؤلمة ) واتمنى بعد تكتبون آرئكم عن الموقفين اللي انا كتبتهم


تحياتي أماني

 

 

[أحلى ملاك]

.:: السلامـ عليكمـ ورحمة اللهـ وبركاتهـ ::.
الصراحة .. مواقف .. جداً مؤلمة ..
وعورني قلبي .. عليك ..

تتلفظ بألفاظ بذيئة .. وتمد إيدها عليك ..
وهي في الحرم .. ماتخاف ربها ..
ماتخجل من نفسها تعمل كل هذا ..

أمام الرسول ..

يللا ما أقول إلا الله ينصرنا ..
وينصر كل مظلوم .. ويرد له حقه ..

وتأكدي .. إن حقك .. ماراح يضيع سدى ..
وربي يسامحها ..

لو راح نتكلم عن وحشية الحارسات وتعاملهم سواء كان
مع صغير كبير .. من بلادنا أو خارج بلادنا ..

ماراح نخلص أبداً ..

يعملووووون الفعايل ..

والله يكون في عون الجميع ..

تحياتي لك ِ

أماني ..
جزاك ِ الله كل خير ..
على حسن تصرفك ..

أطيب تحيه ,,
مع أطيب الأماني ..

أحلى ملاك

 

 

[أماني]

انا معاك في كلمة قلتيها الا ( الله يسامحها )
الله لا يسامحها
الظالم ممكن ينسى لكن المظلوم مستحيل ينسى

ومشكوورة حبيبتي على المرور

 

 

[أسوار البقيع]

مراحب...

مشكورة عزيزتي ... على الموضوع ... موقفك لاتحسدي علية...اللة يجازيهم

أما الموقف هو كألاتي :


كن في الحرم ... في الدور الثاني ...وكان يوم جمعة


كعادت الجميع في يوم الجمعة يقوم المؤامن بي مستحبات ذالك اليوم من دعاء كميل والتوسل والاكثار من قراءة القران والكثير الكثير...

كنت أنا فوق أتجول على الحشد الكبير الذي أتى لي طاعة اللة وعبادتة..

ممررت بي مجموعة من الايرانين وكعادتهم مشغولين بي عبادة اللة والتوسل بة ... وكانو في بكاء وعويل وهم يدعون ربهم ..كان أحد شباب السعودين واقف أمامهم ويضحك ويسخر ولما راني بدء في عرض غبائة ولعنهم وسبهم وهو ينضر لي ..وكانه يريدني أن أشاركة الغباء ..ممرت بجانب الشاب وكعادت لساني لم أستطيع أن أمسكة وقفت برهة وقلت: أتلعن من يعبد ويتوسل الي اللة وفي بيت اللة ..كفاك غباء واللة أن العنه راجعة لك لمحالة ..ومشيت وأنا أحتقرة هو تفجاء مني الرد ولم يتكلم بي كلمة ... بعتقادي كانا يتوقع مني شيء وفجأته بشي أخر...


أشتد غضبي على الغبي لاكن أحترامن لي المكان الذي أنا فية لم أستطيع سوى قول تلك الكلمات ...



وحمانا اللة وحماكم من تلك المواقف ....


كيان

 

 

[أماني]

اللي يرد رد قوي حق واحد غبي مثل هذا مستحيل يعرف يرد واذا بيرد شراح يقول ؟؟
تبون تعرفون........ راح يقول ( روح عني يا كذا وكذا ....... )
مشكووور اخوي كيان على المرور الرائع

 

 

[الساهرة]

في صف ثالث متوسط طلبت مدرسة الرياضيات المصرية ان نفتح على الواجب قالت الي ناقص حتى لو فقره تقوم توقف
عاد انا ما انتبهت ولما وصلت عندي قالت وقفي يا ست ..... وقفت قالت لي ناقص فقره قلت لها اسفه ما انتبهت قالت لي ا ترزعي ورا عاد انا تعرفوني ما اتحمل بس وقتها قلت ما بسوي معها مشكله مهما كان ذي مدرستي
لما جيت بطلع رمت الكتب الي على طاولتي وسحبتني من المريول وقتها فارت اعصابي
شلت ايدها وعطيتها ذيك النظره وقلت لها انا ما الوم اذا طفل جا ومزق الكتاب اذا كانت الي تشرح لنا الكتاب رمت الكتب على الارض ( احلا قويه يا الساهرة )
طبعا المدرسه ما تحملت قالت لي روحي للمديره الحين ولا ما تحضرين لي ولا حصة قلت لها انا مو راحيه لها اذا انتي تبيها روحي انتي واذا هي تبيني تجيني ... عصبت المدرسه ورفعت صوتها لما بدت تغلط رحت للمديره وانا ماخذه شنطتي وعباتي ( قلت ما بدهاش لازم اقطع عرق واسيح دم ) قلت للمديره انا بفصل عن المدرسه ( عاد انا ابيها من الله )
وقفت المديره قالت لييييييييييييش فجأه يعني ؟؟؟
قلت لها السالفه
وطلبت المدرسه وقالت لها ها يا استاذه .... شالسالفه تقول الساهرة بتفصل لانك كذا وكذا خافت المدرسه قالت ايييه في اييه يا حببتشي مالك انا كنت بهزر معاك ( امحق هزار ) معؤلة انتي طالبه ممتازة ازي تسيبي المدرسه تعالي انا عوزاكي
عاد تدرون المراه خافت على وضيفتها خصوصا تدري انها غلطانه عاد بعدين صرنا ربع ومثل ما يقولون محبة بعد عداوة وفي نفس الوقت صارت تحاسب على تصرفاتها لان اي طالبه ممكن تسوي الي سويته ويمكن اكثر ....

الله يوفق الجميع
تحياتي
الساهرة

 

 

[كيف]

أولا ً أهنيك على الموضوع وعلى رباطة جأشك
موأي واحد يقد يتمالك أعصابه في مثل تلك المواقف
قال فيما معناه ( ليس الشديد بالصرعة ولكن الشديد من مسك نفسه عند الغضب )
أنا لا أحب الحزن ولا المواقف المؤلمة لأنها متوفرة في كثرة الأحوال
سأذكر لكم حادثة محرجة لي نوعا ً ما
كانت لي قريبه متنومة في أحد المستشفيات ورحت أزورها و أتطمن عليها
فسألت الممرضه وين غرفة فلانه
وقالت لي : في الغرفة رقم ...كذا
ورحت أنا ادور بين الغرف ولقيتها وطبعا ً ما كانت لحالها كانت مع مريضة في نفس الغرفة
اتنحنحت وقلت ( هااا يا خالة جالسة والا )
قالت : ( إلا جالسه إدخل )
قفلت بيدي الجهه المعاكسه للصوت ودخلت عليها ولقيتها مغطيه وجهها
جلست عندها وبديت أسألها عن أخبارها وعلومها وإن شاء الله إنها أحسن
وهي ترد علي
وفجــــأة .... ( موسيقى مفاجأة )
يدخل رجال غريب علينا ويناظرني باستغراب
عاد أنا خذتني الحميه
أقوله خير يا أخي على الأقل قول شي قبل ما تدخل
طالعني وقال : هذي أمي
اطالع فيه وأطالع في المريضة وأنتبه فوق راسها إسم وحدة غير
وقفت وأنا أدور وجهي وين هو تحت السرير والا عند المغذي
وقلت أنا آسف ماعليها شر الوالدة
وأنا طالع اللي قهرني أكثر ارتسمت إبتسامة على وجه الرجال
وأنا طالع عرفت إن قريبتي كانت المريضه الثانيه
السؤال اللي محيرني إلى يومنا هذا
ليه هي ردت علي وقالت جالسه إدخل
وتقبلوا تحيات أخوكم

 

 

[أماني]

هههههههههههههههههههههه بموت من الضحك
صج فشيلة اخوي كيف ( يمكن حسبتك ولدها .... بس لحظة شلون تتغطى عن ولدها اكيد حسبتك احد اقاربها )
وقريبتك الله يشافيها ماشافتك وانت جالس تكلم حرمة ماتعرفها ... هههههههههههههههههههه
صج موقف محرج


ياليت عندي الجرأة اللي عندك اختي الساهرة ( عساها ماتسوي في احد غيرك اذا كان مو جريء )

مشكووورين اخواني على المرور الحلووووووو

 

 

[إشراق]

السلام عليكم ورحمة الله وبركاته

كثيرة هي المواقف ... سأروي لكم واحدة

==
الزمان والمكان .. ثالث ثانوي في الفصل ..
مكاني الطبيعي والمفضل في الفصل .. في الصف الأمامي .. مقابل السبورة مباشرة أو في الصف الثاني
في يوم ما .. أحببت أن أغير مكاني .. جلست في آخر الفصل .. دخل مدرس الدين .. شرح الدرس .. حينها سمع صوت آت من الخلف ,, ظن أنني من أصدر الصوت .. لأني حينها كنت أهمس لزميلي بأمر ما ..
اسكت يا حمار ==>> هذا المدرس يقول كذا
عااد أنا دم ضروسي اللي يهيني ..
الحمار أنت ==>> ردي للمدرس

المدرس: وشو .؟؟ شنهو تقول .. قوم قوم برة .. يالله برة .. يالله
فجأة
فتح باب الفصل .. المدير
اشتكى المدرس علي ..
طلبني المدير بالحضور للمكتب

المدير: ليش تشتم المدرس ؟؟
أنا: بكل براءة أقول له أنا ما أنكر تلفظي عليه ولكن هو من بدأ وأرفض أن يهينني .. وأنا بأشتكي عند أبوي
المدير سمع (بأشتكي عند أبوي ) حاول لملمة الموضوع وتهدئتي ..
عااد أنا طيب ..
قلت له مو مشكلة بس بشرط .. أنه ما يدرسني هذه السنة ..
ممكن يترصد لي (شفتوا اشلون أنا طيب ) :D
ونفذ طلبي المدير ...

 

 

[نبض طفلة]

امووونـة

عزيزتي المواقف كثيرة تحصل لنـا
والافضل لنـا طيها في عالم النسيانـ

وانا وحدة اروح المدينة مرتين سنوياً في العطلة الصيفية وفي محرمـ

نبكي احيانا بصمت
نصرخ بالمـ

يكفي انننا محرمون من زيارة ائمة البقيع (ع)
ومن النظر الى قبر الرسول (ص) وزيارة سيدتي ومولاتي فاطمة الزهراء عليها السلامـ


لاداعي ان نتذكر هـ الموجعاتـ
فؤلئكـ بنات هند ومن انسال يزيد اللعين


\
/

دمت بخير

تحياتي

 

 

[أماني]

ابغى اعرف شيء واحد اخوي اشراق شلون قدرت ترد على هالمدرس القليل ادب ( احس انها صعبة حييييل ) ومشكووور اخوي على المرور

ملاك في القطيف : لو كنتي مكاني ( راح تنسين هالمواقف ) اتحداش ثم اتحداش حتى لو مرت عليش مليون سنة مستحيل تنسينها ومشكوورة حبيبتي على المرور اللي يقهر هههههههههههههههه ( ردش لي كأنش تقولين لي ليه تكتبين مثل هذي المواقف ..... والله انا كيفي اكتب اللي ابي ههههههههه )

 

 

[أمل الغد]

مــاشاء الله عليك يا الساهــرة أثاريك مو هينه أنتِ مع آشراق ..

عندكمـ شجاعه غير طبيعية ( اللهم صل على محمد وآله محمد) معشان ماتقولون نضلتكمـ ..

اقتباس ردش لي كأنش تقولين لي ليه تكتبين مثل هذي المواقف ..... والله انا كيفي اكتب اللي ابي ههههههههه )

يؤؤؤؤؤؤؤؤؤؤ أمـانـي ليه تفهمـين غلط ..

كيفك كيفك افهمـي زي ما أنت فاهمه ...























الله يعين الحين راح تجي لي زفه من أماني

 

 

[Renan]

مشكورة على التسلية لأني أحب أقرأ القصص.

مرة أنا في المدرسة و الحصة الثانية يوم الأربعاء في الأسبوع الاول من الدراسة. دخل المدرس ( من مدرسي الدين ) ومن أصحاب اللحى الطويلة و الثياب القصيرة متأخر عشر دقايق تقريبا و الفصل صاااير فوضى قال هو ليش هالفوضى وأنت يا فلان ليش واقف عند الباب و أنت ......... و أنت .

أهم شيء جيت أنا وقلت له أنت تعال مبكر وتالي تكلم يعني تبيهم يقعدون منطمين و جالسين من دون مدرس. وطردني من الفصل وبس

 

 

[MjNon Taker]

.. أنا طيب ..

أيه طيب وااايد ..

وأنتم تعرفون لما الواحد يكون يزيد عن حده ينقلب ضده


كنت في الصف الثاني الثانوي ، كان يدرسنا " الرياضيات " .. مصري ..

في كل حصة و أجزم في كل حصة لما يسئل مسئلة ، يقبل ُ الجميع على الصموت

و يقع الإختيار الرئيسي على MjNoN Taker .. طيب ليه أنا في كل حصة ..

وأنا طبعا كنت ما اعرف أحل المسائل و أتخربط ..

قلت أجل انا أعلمك المرات الجاية بسوي روحي مشغول ..

جات ذاك الحصة ، و شان يبدأ بكتابة المسئلة على السبورة ..

سويت روحي مشغول و قاعد أكتب .. ما في إلا أشوف الإستاذ

حاط الطبشور تحت عيوني عشان أشوف .. و طبعا يقصد " قم و حل "..


أنا عندي سؤال : ليش أنا بالذات في كل مرة ؟! عناد هو ؟!



الموقف ليس محرج .. لكن الإحراج في عند كل مرة ما تعرف تحل لووول :D



إشراق .. الله يهديك هذا كلام ترد على المدرس لو أنا مكانك كنت مديت لساني


يسلموا أماني .. وهذه الأشياء تصدر من لا قلب لها ..

 

 

[أماني]

حبيبتي ولاية علي شدعوة ازفش ازف الدنيا كلها بس ماأزف وحدة قالت رايها بصراحة .....بس لحظة احين انتش شلش دخل من كلمش ها انا كلمت ملاك في القطيف ماكلمتش مرة ثانية لاتدخلين ( أمزح ياويلش ان زعلتي ) هههههههههههههههههه

اي والله اخوي مجنون معظم المدرسين يعلقون على شخص واحد وعاد انت تبتلش اذا علق عليك احد يمكن يجي وقت وماتعرف تحل راح يكون فشيلة وخاصة اذا كنت الطالب اللي يعتمد عليه الاستاذ بس المدرسين هالايام نسوا شيء مهم كانوا دائما يكررونه وهو ( ان كل انسان يخطي مافي انسان معصوم عن الخطأ )
ومشكوور اخوي على المرور