خلونا انصيد اعضاء المنتدى بالماسنجر

[الساهرة]

افاااااااااااااا

زعلت يا المنادي

وبعدين يا ابو عبادي كان عطيته الاسم وريحته مسكين يالله شبك عنده الاتصال وخليته يطلع ويطفي الجهاز كله,,,,,,,,

لا وشكله في اليوم الثاني راح وعمل تحقيق مع كل زملائه بالصف

ههههههههههه

يالله يالمنادي تعيش وتاكل غيرها

وفي انتظار صيدتك الجايه يا ابو عبادي

 

 

[الغريب]

المنادي ..

صادووووووه .. :D :D

 

 

[إشراق]

بانتظار ردك يالمنادي





الساهرة ... الغريب ... الأعضاء ... انتظروا البقية :D

 

 

[فتى هجر]

السلام عليكم

أشكر الأخت الساهره على الموضوع الشيق

واقول لأخي العزيز الماندي هارد لك وتعيش تاكل غيرها

ولا تزعل بالعكس ( ما يطقك الا اللي يحبك )

وانا عندي ضحية جديدة وصيدة دسمه

ترقبوا أخوكم مشرفنا الكبير الغالي الثائر ضيف في برنامجكم .....صدته الليلة ولله الحمد



غدا الجمعة ان شاء الله

 

 

[إشراق]

يالله جيبه يافتى هجر

والله أنك راعيها

ياني بضحك عليه ضحك طول ابليس :D:D:D:D:D:D:D:D

 

 

[فتى هجر]

السلام عليكم ورحمة الله

ليلة البارحة كنت ( زهقان ) ولهذا أردت الترفيه عن نفسي فدخلت الى المنتدى الفكاهي ورأيت هذا الموضوع المبارك وبما أنني أحب المزاح دائما مع اصحابي على الماسنجر جائتني الفكره وعلى الفور اردت الدخول الى الماسنجر وانا أطلب من الله أن أرى فريسة وبالتحديد من هذا المنتدى وبعد ان تم التسجل استبشرت خيرا عندما رأيت أخي العزيز ( الثائر ) متواجد من هنا بدأت رحلة العناء والمشقة لمشرفنا العزيز الثائر وإليكم المحادثة التي جرت بيني وبينه




‏‏لا تقم أبداً بإعطاء كلمة المرور أو رقم بطاقة الاعتماد من خلال رسالة محادثة فورية.

الثــــــ ــــــائر:
أشرق النور وبانا***مرحبا بمن أتانا

الثــــــ ــــــائر:
السلام عليكم ورحمة الله وبركاته

فتى هجر:
هلا بيك وربي يخليك ويسعدك ويحييك

فتى هجر:
وعليكم السلام ورحمة الله

الثــــــ ــــــائر:
على قولت المصريين ((من بؤك إلى باب السماء))

فتى هجر:
كيف حالك

الثــــــ ــــــائر:
الحمد لله على كل حال ما دمتم بخير نحن بخير

فتى هجر:
كيف الاختبارات ؟ ما طلعت النتائج ؟؟

الثــــــ ــــــائر:
نعم ما أسمع

فتى هجر:
من قال ما اسمع .... سمع

الثــــــ ــــــائر:
الحمد لله على كل حال

فتى هجر:
مبسوط الحين بعد ما جات الاجازه ؟

الثــــــ ــــــائر:
نعم

فتى هجر:
الاتصال عندي ضعيف

الثــــــ ــــــائر:
الله يساعدك شرايك أتبرع لك باللي عندي

الثــــــ ــــــائر:
ببلاش

فتى هجر:
تسلم يالغالي

فتى هجر:
اللي يسمعك يقول اشتراك ارامكو زي الصاروخ

الثــــــ ــــــائر:
ههههههههه

الثــــــ ــــــائر:
شيء أحسن من لا شيء

فتى هجر:
كلامك صحيح الله يعينا على الفاتوره

فتى هجر:
تعال بقول لك شي بس بيني وبينك ؟

فتى هجر:
ما عطيتني وعد ؟؟

الثــــــ ــــــائر:
إين أنت

فتى هجر:
ما شفت الكلام اللي كتبت لك ؟؟

فتى هجر:
الظاهر الاتصال ضعيف ... انت تقرأ كلامي ؟؟

فتى هجر:
الووووووووو

الثــــــ ــــــائر:
وش فيك

الثــــــ ــــــائر:
ما فهمت قصدك

فتى هجر:
لا بس خلاص بعدين

فتى هجر:
كنت بقول لك شي

الثــــــ ــــــائر:
لا قول الحين أخذني الحماس بعدين تغير رايك ما يصير

فتى هجر:
خلها بعدين احسن

فتى هجر:
انا حاس اصلا انها مو عدله اقول لك

الثــــــ ــــــائر:
على هواك

الثــــــ ــــــائر:
على هواك

الثــــــ ــــــائر:
يعني فيه شيء السيرفر ولا براضيين تقولون ولا إيش

فتى هجر:
شوف يا عزيزي المسألة تتعلق بالمنتدى

فتى هجر:
بس انا اول بسألك

فتى هجر:
انت فيه بينك وبين ابوجواد هاليومين شي ؟؟

الثــــــ ــــــائر:
لا يعني أهو زعلان ولا إيش

الثــــــ ــــــائر:
لا ما في بيني وبينه إلا كل خير

فتى هجر:
لالا انا اعتقد انه زعلان وفيه شي يأكد كلامي

الثــــــ ــــــائر:
شنهو هذا الشيء قولي

الثــــــ ــــــائر:
إذا ممكن

فتى هجر:
فيه احد من الاعضاء انتقدك بشي او اشتكى عليك عند اي احد من المشرفين ؟؟

فتى هجر:
او فيه بينك وبين احد مشكله ؟؟

الثــــــ ــــــائر:
قولي تراك خوفتني

فتى هجر:
انت الحين ما جاوبتني

الثــــــ ــــــائر:
ما ادري

فتى هجر:
انتبه لا تسوي لك عدوان في المنتدى

الثــــــ ــــــائر:
قولي وش السالفه بالتفاصيل أرجوك ترى ما أرقد لليلة

فتى هجر:
شدعوه .... لا ما توصل لهالدرجه

فتى هجر:
بس شقول لك ؟ .... اناعطيتك النصيحه

الثــــــ ــــــائر:
اكثر

فتى هجر:
انا اصلا ما عندي تفاصيل كامله

الثــــــ ــــــائر:
لأنه أكيد في سالفه خلتك تقول هذا الكلام

فتى هجر:
انا حاس ان المسأله فيها خطأ هذا اللي خلاني اقول لك ...بس انت اعتبر ما كاني قلت لك شي

فتى هجر:
حتى اتأكد

الثــــــ ــــــائر:
تصدق أنا أفكر أحيانا في شيء تعرف ما هو

فتى هجر:
تفكر في ايش ؟

الثــــــ ــــــائر:
أني أنسحب من المنتدى نهائياً ... أحيانا تصير مشاكل وانا ما ابي مشاكل وما ابي يزعل احد

الثــــــ ــــــائر:
خلها على الله

فتى هجر:
لا مو لهالدرجه تفكر .... مع ان الموضوع اللي في بالي مش بعيد من كلامك

فتى هجر:
عموما

الثــــــ ــــــائر:
أرجوك قول لي السالفه ووعد مني ما أقول لأي أحد

فتى هجر:
انا اقصى شي اقدر اقوله (( انه فيه من يحفر لك في المنتدى )) علشان كذا قلت لك انتبه

فتى هجر:
واعذرني...

الثــــــ ــــــائر:
تصدق أنا اللي مانعني ما اترك المنتدى شيء واحد تعرف ما هو؟

فتى هجر:
ما هو ؟

الثــــــ ــــــائر:
أني تعرفت على أشخاص حقيقه على قول المثل الذي يقول ((إذا حطيتم على الجرح يبرى))

الثــــــ ــــــائر:
ما أقدر أفارقهم

فتى هجر:
ممتاز هذا احسن شي سمعته منك

الثــــــ ــــــائر:
يعني كل كلام الذي قبل مش حسن

فتى هجر:
لا بالعكس (حسن) لكن هذا احسن

فتى هجر:
انا اللي ابيه منك شي واحد

فتى هجر:
اي حركه او اي شي يصير هاليومين اعتبره صار عن حسن نيه ... حط هذا في بالك ولا تنساه

فتى هجر:
ولا تخلي الزعل يتسلل لقلبك

الثــــــ ــــــائر:
خليني أتصل عليك وأعور راسك مثل ما راسي متورم من الهذرة ولازم تقولي وش السالفة

######
في هذه الأثناء اتصل أخي العزيز الثائر وبدى في حالة يرثى لها محاولا بشتى السبل أن اقول له ماهي المشكلة بكل تفاصيلها لكنني استطعت ان اقنعه بأني لا استطيع أن اقولها مباشرة عن طريق الهاتف بل عن طريق الماسنجر - لكي تكتمل فصول اللعبة - وفي نفس الوقت كان لها اثرا في نفسه ربما ذهب بفكره الى اشنع الأمور وراح يفكر ما هذا الأمر الذي يجعل فتى هجر يتحاشى النطق به عن طريق الهاتف وكأنه أمر عظيم قد حل بي (أي بالثائر).... وبعد ذلك قطع الاتصال بعد ان اتفقت معه بأن اخبره عن طريق الماسنجر
#######

فتى هجر:
عاد الله يهديك ماله داعي هالخوف كله مهما يكون الموضوع

الثــــــ ــــــائر:
أنا مش خايف أنا متوتر

الثــــــ ــــــائر:
جداً

فتى هجر:
طيب لو قلت لك تعطيني وعد انك ما تزعل

الثــــــ ــــــائر:
وعد رجل إلى رجل

فتى هجر:
انا في البدايه سألتك اذا كان بينك وبين احد مشكله

الثــــــ ــــــائر:
نعم

فتى هجر:
لان ابوجواد اليوم قال لي كلام

فتى هجر:
ما ادري من وين ماخذه

الثــــــ ــــــائر:
وو

الثــــــ ــــــائر:
وهو ؟

فتى هجر:
ونتيجه هذا الكلام شي مش في صالحك

فتى هجر:
علشان كذا قلت لك اصبر خلني اشوف ابوجواد ونتأكد

الثــــــ ــــــائر:
أنا لا أريد النتيجه أريد الكلام الذي حدث بينكم

فتى هجر:
لكن المكشلة ان ابوجواد نوعا ما اللي قال له قدر على الاقل يخليه يفكر في الموضوع بجديه

فتى هجر:
يعني نوعا ما صدق كلامه

الثــــــ ــــــائر:
قولي الكلام وخليني أسمع

فتى هجر:
لالالا ما اقدر لحد هنا كافي

فتى هجر:
وخل الباقي علي

الثــــــ ــــــائر:
قولي تراك ما قلت شيء

الثــــــ ــــــائر:
قول تراني مش هادك إلا وتقولي

فتى هجر:
والله حيرتني .. !!

فتى هجر:
وانا ما ابي اخليك في دوامه

الثــــــ ــــــائر:
أنا وعدتك أني ما أزعل وأنا عند وعدي

الثــــــ ــــــائر:
قول لا تخاف

فتى هجر:
طيب شوف

الثــــــ ــــــائر:
نعم

فتى هجر:
انا بقول لك بس اذا طلع الموضوع فيه سوء فهم تنسى كل الكلام ولا كأني قلت لك شي

فتى هجر:
اتفقنا ؟

الثــــــ ــــــائر:
أتفقنا

فتى هجر:
وبدون زعل؟

فتى هجر:
على اي احد؟

الثــــــ ــــــائر:
وبدون زعل

الثــــــ ــــــائر:
على إي أحد

الثــــــ ــــــائر:
خلصني تراني بأنفجر

فتى هجر:
يا عزيزي انت كنت ضيف حلو وأمور في برنامج صادوووووووه يا حلو
ههههههههههههههههه

الثــــــ ــــــائر:
غيرها ألعب غيرها

##########
أخي العزيز الثائر لم يصدق انها لعبة وكتب بارتباك ( غيرها ألعب غيرها ) هههههههه... واتصل على جوالي على الفور وهو في حالة ذهول وصدمة ويريد مني أن أقول الصدق وما كان مني الا الضحك وتهدأته والحلف له بأنها لعبه وأني صدته صيد الحمامه هههههههه... وبعد ان انتهينا من المكالمة رجعنا على الماسنجر
##########

الثــــــ ــــــائر:
بس بصراحه

الثــــــ ــــــائر:
لو كنت جنبي كان أنفجرت فيك صح

فتى هجر:
هههههههههههههههه

فتى هجر:
شلون بتطقني ؟

الثــــــ ــــــائر:
بس بشرحك تشريح

الثــــــ ــــــائر:
ههههههههههه


انتهى ----------------------------------------------------------------


في الحقيقة لقد أعجبني كلام الثائر عن حبه للمنتدى و لأعضاءه لذلك أحييه من كل قلبي
وفي نفس الوقت أعزيه لوقوعه في هذه المصيدة والجميع في انتظار تعليقك

اضحك يا ابوعبادي على الثائر فالفرص تمر مر السحاب

تيحاتي للجميع وللثائر خاصة وما تشوف شر

 

 

[إشراق]

من غير مايدري شكوه


شكوووووه

صادوه ...



صادوه ...


صادوه




هههه هههه هههه

:D:D:D:D


تسلم لي يا فتى هجر


:D:D:D:D




انتظروا غدا الصيدة الجديدة يا شباب


س ل م ل م

 

 

[أميرة الطرف]

هههههههههههههه

صادووووه

عيل اذا تبون مواقف الماسنجر عندى انا ما تخلص

ام المغالب

مره صديقتى معاى بالماسنجر

تقول لى قوه حبوبه

اقول لها منو انت

تقول يه ما عرفتينى انا فلانه

اقول لها جذاب انت منو اعترف

وقالت لى انت منو او انتى منو

قلت لها انا زوج صاحبة الايميل

قالت له هلا بوفلان

قال لها اعترف منو انت

قالت له والله انا بنت

قال شنو يثبت لى

المسكينه تعومصت وتوهقت وقالت الحين كلش ريلى بيذبحها

اخر شى قلت لها

معلش يا ام فلالالالالان سلملم

حبيت اطفرج

المسكينه زعلت منى وسكرت الماسنجر

شيطونه

 

 

[إشراق]

مافيه مانع ... وإذا عندك عضو أو عضوة من المنتدى يكون أفضل وأفضل وأحسن

 

 

[أميرة الطرف]

ههههه اخاف يزعلون منى

انا تونى يديده وما اعرف منكم الا شخص واحد بس

اهو اللى عرفنى بالمنتدى

فاخاف اقول فيه مغلب يزعل منى وهو عارف نفسه

فخلها مع المده اتعرف عليكم واسوى فيكم مغالب


سلملم

 

 

[إشراق]

نصبر ونشوف