مشكلتي مع خطيبي

[نبض الغرور]

هلا خواتي حبيتكم تفيدوني انا اخبطت لشخص صار لي معه 11 شهرالان من خذته واهو وظيفته شركه وتعرفون رواتب الشراكات حده 2000وماعنده سياره وحتى سكن مافي لأهو ولا اهله ماعندهم ومن خذته واهو على طول يتقيب من الدوام الين فصلوه وجلست 6بدون شغل انا الي اصرف عليه وعلي ويتحكم على طول لاتكلمين هذي وعلى طول يفتش بجوالي لاتروحين هالمكان وإذا كان الشي له ولأهله عادي يسمح. ليه وتخيلو وشتغل مره ثانيه وهم نفس الشي على كيفه يداوم وانا تعبت وانا انصحه وكل مره اكلمه وتخانق معه لايزم يطلع الموضوع بره يكلم اخواني وانا اقوله مليون مره لاتطلعه بره بس انا وانت واهو لا وربي حتى البزر مايسوي نفسه مع العلم انه احنى اثنينه اعمارنه نفس الشي 30بس للاسف انا مااشوفه قد المسؤليه ولاانه قادر يفتح شقه وامي تقولي دوم تركيه

 

 

[LOVER]

بسم الرحمن الرحيم

اللهم صل على محمد وال محمد و عجل فرجهم واللعن اعدائهم اجميعين الى يوم الدين



وش هالسالفه !!

خل ابسط الموضوع عشان نقدر نتكل فيه !!

النقطه الاولى : الخطوبه 11 شهر
النقطه الثانيه : الخطيب دخله قليل وثم لا يعمل وثم حصل على عمل اخر ولكن لازال غير مبالي بالعمل
النقطه الثالثه : لايملك سكن .. لكن حتى اهله مايملكون يعني وين عايشين ؟

النقطه الرابعه : انت التي تصرفين عليه يعني انتي موظفه
النقظه الخامسه : يتحكم فيك ويفتش الاغراض
النقطه السادسه : اموركم الخاصه يذكرها للغير ولايحتفظ بها بينكم
النقطه السابعه : اعماركم نفس بعض ( 30)
النقطه الثامنه : انتي حكمتي عليه ان مو قد المسؤوليه وهذا راي امك ايضا


8 نقاط بالموضوع ختمتيها بانك لا ترينه كفؤ لك ولا يستطيع فتح شقه وامك تحرضك على تركه


اذن ما المطلوب من الموضوع هل نقول تفكير صح !!
او تريدين ان نقول لا تتسرعي بالقرار وعطيه فرصه ثانيه ولا تخربين على نفسك !!


يا اختي ..
موضوع الزواج من اساسه ما كان مبني على الصواب
يعني من خلال جميع النقاط الموجوده واضح اتخاذك القرار بتركه وتريدين راحة الضمير فقط
وهذ من حقك طبعا
فان هذا الشاب معتمد على وظيفتك وعلى رضوخك بالزواج به ( لسنك )
لذالك هو غير مبالي بالعمل او فتح بيت وشراء سياره وماشابه
وفي قرار نفسه ان كل هذه الامور سوف يحصل عليها تدريجيا منك

ومن جهة اخرى
الشاب الي ماعنده كرامه ويعيش عاله على الحريم مامنه فايده
اذا مايقول انا الي اصرف عليك وعلى عيالك ماهو رجال ولا تتوقعين بعد الزواج بيتغير
الا بالعكس بيركب في الصاله ( راس المعسل ) ويقول لك شغلي فحم ولا تنسين مصروف الشهر


الله على ايام زمان ورجاجيل زمان

 

 

[واحشني زمانك]

السلام عليكم والرحمه ..
اختي العزيزه الغاليه .
الموضوع من اساسه غلط ..
اولا ليش توافقين عليه وانتي تعرفين ان ماعنده لا سياره ولا سكن ولا راتب عدل ..ممكن سالفة السياره والراتب نتقاضى عنها في حالات معينه ..مثل لو كان مجد في العمل وقابل للترقيه ..بوجه عمومي اي شخص على قده وبسوي المستحيل عشان يعيشك هذا حطيه على راسك من فووق .
اما انه يتزوجك ويفصل عن الدوام ودايم الشك فيك ولالك سكن يريحك فيه .....هذي موعيشه
وثانيا انتي معاه 11شهر ..بما معناه انك عرفتيه زين ..ليش من البدايه ماتركتيه ؟؟؟
انا خلاصة رايي ...
اذا انتي تحسين ان زوجك كفوو تعيشين معاه حتى لو كان على قده وماعنده وضيفه ومجتهد في الحياة عشان يعيشك عيشه هنيه فالأفضل تعيشين معاه ع الحلوه والمره ..
اما اذا كان انسان مماطل كثير الهذره دون فائده ..من الحين انفصلي عنه قبل لايتقدم فيك العمر ويروح عمرك مع انسان غير مجد في الحيااااااه

 

 

[الساهرة]

عزيزتي ربما من الخطأ انك تاخذي القرار من المنتدى هو صحيح أن كل شخص يكتب وجهة نظره حسب رأيه ويمكن تستفيدي منها ولكن نحن سمعنا وجهة نظرك فقط ولم نعرف وجهة نظر خطيبك

بالنسبة للوظيفه الاولى اتوقع 2000 ريال اكيد بتخلي الواحد يعيد النظر بالشغل وربما يكون لكل تصرف مبرر احنا عرفنا المشكله من طرف واحد

والخطوبة استمرت 11 شهر وواضح انك تحبيه ومتمسكه فيه وهو نفس الشي ولا كان تركتو بعض من زمان وكونه يفتش بجوالك هذا دليل حبه لك ..


عموما لا تاخذي بكلامي ولا بكلام غيري هنا لأن كل شخص يكتب رأيه حسب نظرته للموضوع وانتِ شوفي احد ثقه من اهلك واجلسو معه اثنينكم وتناقشو لحد ما توصلو لقرار صح والله يهديه ان شاء الله ويسخره لك ..

مع تمنياتي لك بحياة زوجيه سعيده بالمستقبل ..

 

 

[ولد البلد]

هذه بدايته كيف النهايه
انا ارى من الافضل فسخ الخطوبه حتى يتأدب
بنات الناس ليس لعبه
الزوجة تريد رجل يعتمد عليه وهذا شاب طايش مراهق ليس عنده مسئوليه من الافضل الانفصال