فطائر الكب كيك

[أحسائية]

السلام عليكم ورحمة الله



:: مقادير العجينه ::
6 اكواب طحين ابيض - 1 كيس خميره فوريه ما يعادل ملعقه كبيره
3 ملاعق كبيره سكر - 6 ملاعق كبيره حليب بودر
1 ملعقه صغيره ملح - كوب الا ربع زيت - 1 بيضه
2 ونص كوب ماء دافيء

:: الحشوه ::
جبنه الحلوم مع الطماط والزعتر - جبن الكلاصات السائله
:: طريقه عمل العجينه ::
تخلط المقادير الناشفه -نحط البيضه المخفوقه + الزيت ونقلبهم
بالملعقه بعدين يضاف 2 كوب ماء بالتدريج مع العجن باليد او العجانه
ويضاف نص كوب المائ الباقي حسب العجينه ..
يعجن باليد 10 دقائق على الاقل
او بالعجانه 5 دقائق تقريبا ..
نحط العجينه في وعاء مدهون ونغطيها ونحطها بمكان دافئ لما تختمر .
ناخذ قطعه من العجينه نفردها على سطح مرشوش بالطحين ..
ونقطعها دوائر ...



نكون طبعا مجهزين قوالب الكب كيك وحاطين القوالب الورق داخلها
ناخذ دائره من العجينه نرقها شويه باليد ونحطها بالقالب ...
نغطي الحشوه بدائره ثانيه من العجينه ....

نغلق أطراف الفطيره بالشوكه ..او اطراف الاصابع ..



بعدين يدهن الوجه بالبيض المخلوط مع نقطه خل
ونقطه زيت وشويه حليب



ونرش الوجه بالسمسم او حبه البركه
ندخل القالب للفرن حتى ينتفخ العجين ويتحمر



ممكن نحط بالحشو جبن كاسات


فطاير الكب كيك المحشيه بجبنه الحلوم مع الطماط والزعتر ...
او المحشيه بجبن كاسات السائل أو بطاط وباذنجان
مع طماط وبصل
صحتين وعافية ( م )

 

 

[الموج الهادئ]

وعليكم السلام ورحمة الله وبركاته

ما شاء الله باين عليها حلوة حيل . يسلموا خيتو

 

 

[إشراقة أمل]

وعليكم السلام ورحمة الله وبركاته ..

صدق انك راعيتهـــا ..

وصفة أعجبتني وبقووووووة .. وتحمس الواحد انه يسويها ..

،’

سلم ذوقك يا غالية ..

دمتِ بود

 

 

[أحسائية]

تسلمووا
حياكم الله وعليكم بالعآفية