مشتاق لأم تركي ياجماعة

[بو تركي]

صباح الخير ياشباب ، جات على بالي قصيده كتبتها في زواجي وألقيتها في المهرجان ليلة الزواج،وأهي تقريبا فوق الخمسة وأربعين بيت ،بس أخترت لكم منها،ما يوصف حالتي الان!!!!!!


الله ياشين الحياه لمن تكون حياه اعزوبيه// كل شي ممقوت مكـروه معروف خطرها

فوضى وخبصة مشاعر ولاحد يتحنن عليه//كل شي صاير لوحدي وعيني ملت من سهرها

تلقى الغتره بمكان وبمكان ثاني الطاقيه//والعـقال وأزرة ثوبي مادري ويـن باقي عددها

والفراش معفوس وفالأرض صاير باقي البطانيه//باللأسبـوع وبالشهـر ماحـد تحنـن وقام عدلها

والأكــل دوم بمطاعــم جبــن ولا بيضـه نيــه//واستــكانــة شـاي مـــره ظنتـي ناقص شكرها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
قلـت انـا اتـزوج واخـذ بنـت و الله أجوديــه//قلبـي صـار دوم يتلنـي حيــث ما كايـن سكنـها

بنــــت فيهـا الجمـال والكـمــال وجاذبيـه//فيـهـا كــل مأبـدع ربـي من شعرهـا ليا قدمـها

فيها مـن سحر الغواني فيها رقـه ونرجسيه//كــن ربـي ماخلــق هـالكــون الا مـن سحرهــا

مـادري هاليلـه تكـون ايدينها تلامـس يديه//ماأدري وش ممكن يكون لمن أشم لفحة عطرها

الخوف لما أشوفها أصدم عمـود المزهريـه//وينـكســر مسـرح مصمـم لتكملـة باقـي حفلهـا

ولا عجب لمن أعيش الحاله ذي فالحاله ذيه//مـن هـو مثلي من هو زيـي لمن ايحصل مثلهـا

أمانه سلوني بردودكم
تحياتــــــي

 

 

[AL-NAQEEB]

صح لسانكـ
وفي انتظار ابداعاتكـ
تقبلوا تحياتي وتقديري
AL-NAQEEB

 

 

[ليت للقلب عين]

يعطيك العافيه اخوي بوتركي

اقتباس تلقى الغتره بمكان وبمكان ثاني الطاقيه//والعـقال وأزرة ثوبي مادري ويـن باقي عددها والفراش معفوس وفالأرض صاير باقي البطانيه//باللأسبـوع وبالشهـر ماحـد تحنـن وقام عدلها

صح لسانك والله وصدقت


لا حرمنا منك يارب












في حفظ الباري

 

 

[رومنسي88]

يعطيك العافية أخي بوتركي
كلمات جميلة تصف معانات الأعزوبية
بس بين وبينك العزوبية جميلة ههههههههه

مشكور ولك كل الأحترام والتقدير

 

 

[سكون الصمت]

مشكووووووووووور اخوي بو تركي
على هالابيات الجميله بصراحه ابدااااااااااااااااااع


والله وقام سوق الشعر عندك

يالله بالتوفيق


وسلم على ام تركي <<<<< والله كان تذبحك صح هههههههههه


في انتظار جديدك


عافاك الله



تقبل مروري



تحياااااااااااااااااتي



اختك في الله



سكون الصمت

 

 

[الساهرة]

ابيات جميلة وتبعث الى الابتسامة

وعندك حق الزواج اكيييد افضل من العزوبية

لكن حذاري من المزهرية


تحياتي لك ولقلمك الرائع

وسلامي الحار لاأم تركي

الساهرة

 

 

[تاروتية]

أستمتعت بتنقل بين أبيات القصيد
وتمنيت لو وضعتها لنا بأكملها
قلم يشهد بعطاء زاهر

بس شخبارك بعد طقة المزهرية ^__^

ننتظر المزيد من كتاباتك وإبداعاتك

 

 

[بو تركي]

الأخ العزيز//النقيب

أسعدني مرورك اللطيف ، وتواجدك الجميل.
تقبل مني كل التقدير

 

 

[بو تركي]

ليت للقلب عين//

مشكووووور اخوي العزير، والله لا يحرمنا منك.

تحياتـــــــــــــــــــي.

 

 

[بو تركي]

روووومنسي88///

حبيبي خل عنك بس، جرب أنت الزواج وبتقول اووووووه

ياني ضيعت عمري بدون زواج.

وان كان على العزوبيه ياخي تقدر تاخذ ليله ليلتين أووف

طبعا من بعد أذنها.

بعدين أنت حاط فالصوره اللي لك كلمة(حيل مشتاق)

حق مين يا تعبان. على العموم يعينك الله.

تحياتــــــــــي لك.

 

 

[بو تركي]

سكوووووون الصمت///

أنا قبل ماأرد عليك خليت أم تركي تقرا ردك، وقالت

لي وصل سلامي لها، وان كان على الذبح أهي ذابحتني

من زمان الله يخليها لي وأحلى ذبح طبعا.

على العموم مشكوووره على مرورك اللطيف، ودعابتك الخفيفه

لك كل الأحترام والتقدير.

والله يستر عليك.

 

 

[بو تركي]

السااااااااااااهره///

أسعدني تواجدك العذب مابين سطوري، وأظاف للقصيده الشي الجميل.

وان كان على المزهريه ذيك الليله مادري وشلون عامودها لبس البشت

والغتره والعقال، بس أنا سبقته على الكوشه والله يخلي خواتي جابوهم

لي من عنده، وكان الضحك من المدعوين هو سيد الموقف.

على العموم أم تركي تهديك بوكيه ورد من جوري وقرنفل وياسمين

وتحيات حاااره وعازمتك حق تشوفين موقف ليلة الزواج من شريط الفديو.

تحياتـــــــــــي لك.

 

 

[بو تركي]

تارووووووتيه///

قلم مميز لطالما تمنيت قرائته من خلال قصائدي ، أسعدني تواجدك،

وتنزيل القصيده كامله شوي صعب لأنه بياخذ وقت للكتابه لأني أحفظ

معظم قصائدي عن ظهر قلب ، فمنك العذر أختي.

أخبار طقت المزهريه زي مايقولون(رب ضارة نافعه) طبعا أم تركي لازم

تشوف وتعالج طقت المزهريه، حتى ولو كانت في وقتها عروس،

صح ولا أنا غلطااااااااااااااااااااااااان.

تحياتــــــــــــــي لك.

 

 

[وردة الأحلام]

هههههههههههه


والله القصيده تجنن ما شاء الله


ياربي يخليكم لبعض وتعيشون بسعاااده


اللهم صل على محمد وآل محمد


سلم عليها كثيييييير


وقول لها اني عازمتها على الغدى اليوم


وننتظر قصايدك اللي تجنن,,,

 

 

[بو تركي]

وردة الأحلام////

مرور جميل من قلم جميل ، وأنتي الله يخليك لعين(ن) ترجيك ، واللي يهمني

اني قدرت أرسم الأبتسامه لكل من قرا هالأبيات.

واذا كان غداكم سمك أقولك من ألحين ماراح تجي ، السمك هي ضرتها ، وأهي

تسلم عليك بعد ، وغداك راح تجي تاكله ، وانا الله ايعيني أروح لمطعم فاست فوود

أتغدى.

القصيده الجايه راح تكون بمناسبة مرور سنتين على زواجنا المؤبد أنشاالله.

شكرا لتواصلك.

 

 

[قلب طفلة]

كلمات رائعة


ربي يسعدك ويدوم عليك نور ام تركي

 

 

[بو تركي]

قلب طفلة////

مشكوره أختي على مرورك الجميل وأسعدني هذا التواجد

وااله يدوم عليك كل من له معزه داخلك.

تحياتي لك.

 

 

[شهرزاد]

مـــــــــاشاء الله ..

القصيده روعه بحق ..

أم تركي على ما اعتقد تستحق أكثر من مجرد قصيده .

جميلة جميلة بحق تلك الكلمات ..

روح الألفه والابتسامه ظهرت على وجوه القراء ..

الله يوفقكم ويتمم عليك بالخير يارب ..

واصل لنتواصل هنا ..

تحياتي

 

 

[بو تركي]

الأخت// شهرزاد


مرورك كان له الأثر الجميل في نفسي لأن قلمك يحمل من الأيداع الكثير

وأشكرك على دعائك ولطفك.

هناك قصيده أخرى موجوده فالمنتدى بعنوان(سنتين مرت فالحياه) تحكي

عن مرور سنتين على الزواج ، أتنمى لها قرائه وتعليق من قلمك.

تحياتـــــــــــــي لك.

 

 

[همس المشاعر]

يسلمووو على القصيدة الرائعه

كلمات مافي اروع منها

الله يسعدكم ان شاء الله


وننتظر بوح قلمك الجميل

دمت بوود