العودة   منتديات الطرف > الواحات العامة > ديوانيـة المـرح




 
   
أدوات الموضوع إبحث في الموضوع
قديم 28-12-2002, 12:14 PM   رقم المشاركة : 1
alwal7an
طرفاوي بدأ نشاطه
 
الصورة الرمزية alwal7an
 





افتراضي حالات البنات في الانترنت ؟.؟

حالات البنات في الانترنت ؟.؟

في الماسنجر

اولاالرسمية :->
وكل كلامها احترم نفسك قول لي كيف الحال لاتسألني عن اخباري هذي حياتي الخاصه انت مالك دخل ... يعني بتعطيك محاضره عنوانها ( لاتقول كيف اخبارك ) .. همن تصقعك بلوك ( حظر ) ومن زود الرسمية اللي فيها بعض الاحيان لين قلتلها اهلين قالت انا مو اصغر عيالك قول لي هلا وبس اهلين مانعرفها وفيها شبهه ... ( شنو الشبهه يرحم امك تبين نقولك اهلين يااختاه).



ثانيا المصلحجيه :->
هذي ما تسلم عليك الا فالشهر مره (وايد فالشهر مره ) ... أو بالاصح اذا عندها موضوع كاتبته في المنتدى وتبيك ترد عليه او تصلحلها الجهاز ... بتجيك وتقول فلان حبيبي .. اقولها هلا والله عاش من شافك وين الناااس من زمان ما شفناج .... بتقول والله اختبارات وغثا خلها على ربك ياحياتي !!! ياحياتي وين اصرفها لو قالتها ذيك الرسمية ...(يمدحون بنك المصلحجيه بس ) ... عاد انا متعود على هالحركات اطقها في وجها اقولها ... اها أخلصي شعندج شنو تبين؟ ..... مايمديني اقول لها هالكلمة الا صاكه اللنك في وجهي .... واللي احلى من هذا .. تقول تصدق اني كاتبه الموضوع فيك ( ياروحي صرت ريكي مارتن ... مير انا أحلى منه ... تقاطيع وجهي ازين ... قول ايه بس ) ... والزبده كلها رد على موضوعي وبس



ثالثا الهبله :->
تجيك وحده فاقده ... حاطه عقلها في شنطة الجامعة وجايتك .... وهذي لو اشرح لك ماوفيك حقها تخلي لك الماسنجر ولا مسرحيه " شاهد ماشفش حاجه "



رابعا العاقله :->
من زود ركادة العقل فيها لين ضحكت تضحك جذي ههههههههه. تحط نقطه في آخر ضحكتها ( يعني مجرد موقف ضحكت عليه لاتحسب اني مستانسه على سوالفك ) .... ولين قالت شكرا مو مثلنا نقول شكرن لا هي تحط التنوين الطامره فوق الحرف مثل جذي (شكراً)...



خامسا الدفشه :->
هالنوع يابو الشباب.. ماتدخل في الشهر الا مره ... وكل سوالفها وشلون امك عساها طيبه .. وتسولف معك وبرايفتها الثاني مع ستيف وطقته .... (ما ادري شنو تبي من الدنيا ) ... تستهبل وتلعب بمشاعر واحاسيس الشباب واخر شي انا كنت امزح وربي امزح ( منت هين تعرف مشاعر ومساحيت مدري احاسيس)

حالات البنات في الماسنجر ...

حالات البنات في الماسنجر ...

مشغول ، Bussy -
.... اعرف انها قاعده اطلع القمل من شعرها ، ولا انها تهاوشت مع اختها من اللي يلبس االشباصه الخضرا اليوم ....

سأعود حالا ، BRB -
قاعده تاكل بس مستحيه تعلم ... ولا اكيد انها راحت ( ؟؟؟؟؟؟ )


بالخارج، Out Side -
... اكيييد انها تقصقص اضافرها ( حوافرها ) ، ولا امها وراها تدهن شعرها بزيت زيتون ... وحده منهم اذا ماشميت الريحه زين ....

على الهاتف ، On Phone -
... يعني لاتفكر ترقمني تراني اكلم hخوي ... ( والله التفسير لاقشر)....



بالخارج للغذاء ، Out To Lunch -
.... تعرف انها قاعده تغير ملابسها وتبيك تستحي على وجهك وماتكلمها .. لانك اذا كلمتها بتقول اكيد هذا فقران وطاقه الجوع ولا بينظلني فالواحد بيستحي ويسكت ( يالبنات اذا انتم مشغولين حطو بالخارج للغذاء تري اهي احسن من مشغول ... تراني اعرف العيال يستحون لين شافوكم تاكلون)...

 

 

 توقيع alwal7an :
حالات البنات في الانترنت ؟.؟
alwal7an غير متصل  
قديم 28-12-2002, 11:07 PM   رقم المشاركة : 2
فارس
مشرف سابق






افتراضي

مشكور اخ alwal7an

يعطيك الف عافية والبنات في المسنجر ما ينحصروووووون باللي قلته عنه
والله يكافينا شرهم .....

أمززززززززززززززززززززززح مو تزعلون .





 

 

 توقيع فارس :
<img src='http://alrostom.jeeran.com/fares2003.jpg' border='0' alt='user posted image' />
فارس غير متصل  
قديم 28-12-2002, 11:44 PM   رقم المشاركة : 3
المنادي
طرفاوي نشيط جداً
 
الصورة الرمزية المنادي
 







افتراضي

مشكور أخ الولهان
وصدقت هالبنات مايعدون ولايحصون أعدادهم ألوف
وعندكم إياهم

 

 

 توقيع المنادي :


اللهم صلّ على محمد وآل محمد ، واجعل لي من أمري فرجا ومخرجا ، وأكفني ما أهمني من أمر الدنيا والآخرة
المنادي غير متصل  
قديم 29-12-2002, 08:39 AM   رقم المشاركة : 4
الساهرة
مشرفة النقاش والحوار الجاد
 
الصورة الرمزية الساهرة
 






افتراضي لا والله خوش يالولهان

طيب ما قلت لنا اشلون حالة الشباب على النت؟؟

:oبس يالله انا برد عليك وبقولك,,,

هذا كلامكم,,,

انا حلو ووسيم ومعذب البنات وعندي افلوس وايدوايد محتار وش اسوي فيهم اووف اووف مليت من الشبح واللكزز ,,,كل سنه اصيف اما في لندن ولا في روما ولا في باريس اوووف ملل ملل,,,,,,

وتلاقيه فاتح خمس غرف في الماسنجر مع بعض ويكلم هذي وهذيك وكل وحده
امسويها ملاك من كثر الغزل والكلام الحلو ,,,,,حشى كيبورد يستحمل,,,


:Dلا والادهى والامر اذا ما قدر يروح مقهى ورجع بعد سته اشهور يقولك كنت
مسافر بريطانيا عندي دوره في تصليح المفاعل النووي,,,,امحق دورة
لا وهو محبوس في البيت علشان الوالد حارمه من الدتسن يطلع فيها,,

اقول خلونا نسكت لا نطلع فضايحكم

 

 

 توقيع الساهرة :
لا والله خوش يالولهان
الساهرة غير متصل  
 


الذين يشاهدون محتوى الموضوع الآن : 1 ( الأعضاء 0 والزوار 1)
 


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


الساعة الآن 01:01 AM


Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir

ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد