ـ ـ مواقــف رمضانيه ـ ـ

[سُندس }]

سلام إلهي مُكلل .


مُبارك عليكم الصيام وكُل عام وأنتم بخير .


المضمون نفس العنوان بـ الظبط * تبي تختصر السالفه

تتعدد المواقف في حياتنا اليوميه منها المضحك ومنها المحزن ومنها من يخزن في الذاكره
لموقف سابق يذكرنا فيه .
مثل ما انتو عارفين شهر رمضان فيه حركه وفيه حيويه ونشاط يعني مثلاً .

* في أثناء الطبخ ( فطور وسحور ) .
* في اثناء الذهاب الى المسجد والرجوع منه .
* وقت الفطور وأثنائه .
* عند السحورو الإمساك .

يعني توني صاير لي موقف في المطبخ أثناء الطبخ .

كنت أطبخ معكرونه ركبت ماء لسلق المعكرونه طيب تم يغلي يغلي بعدين أخذته بكبه فكرت المعكرونه فيه
وهو فاضي مو موجود فيه رجعته وحطيت المعكرونه وأنا ميته من الضحك * من الجوع شكله

يعني هيك حالات تصادفكم مواقف , عبر , فرفشه , حكايه , عظه .

صفحة فرفشه رمضانيه كونو برفقتها .




::

 

 

[وردة الأحلام]

الدانة،’

فكرة رائِعة جــداً،’

ستزداد روعة بوجود الأعضاء ومشاركتهم،’














صدق من قال (من سبق لبق)<<<<كنت بحط هذي الفكرة لكن سبقتيني وعليك بالعافية *_*



لي عودة بإذن الله مع كمن موقف،’

 

 

[ليت للقلب عين]

يعطيك العافيه اختي الدانه



موضوع جميل ومسلي كذلك


بالنسبه لي صار لي موقف عالدووم يصير لي في رمضان

الا وهو




لما نجلس عالفطور وناكل من هالسمبوس وهالخبز المسح وهالبطاطس المحشي باللحم والدجاج<<< بس جوعت الجماعه


والشوربه والمعكرونه والبساكيت المطليه بالكاكاو.

العاده بعد الافطار نشرب العصير .



يمه صبي لي عصير .

وتصب كاس.

يمه صبي واحد ثاني.

بس مب زين واجد من زينه كله سكر.

صبي انتي عاد ما بصير لنا شي .

وتصب لنا نص

يمه بزر انا؟

ايه

<<

يلا عاد صبي

مافي.. كثريبته مو زينه قم اشرب ماي<<< ماي عااااااااااد


احيانا يصير يمها ملاس والا شي

بتقوم والا اهفك

لا خلاص خلاص بنقوم وامرنا لله

امرش والا امر الحكومه




هذا موقف من مليون موقف . نذكرها متى ما تذكرناها.













اكرر

يعطيك العافيه اختي دندنه.









في حفظ الباري

 

 

[الساهرة]

خوووش عليش يا الدانه بعد كل هالتعب والانتظار تشخلين الماي فاضي ؟؟

طيب بقول هالموقف الي اكيد صار عند الاغلبيه من الحريم

هو اني في العام الماضي وبعد السحور حسيت بدوخه وتعب قلت بنام لين صلاة الصبح

نمت وما صحيت الا الساعه 6 واقوم بسررررررررعه وانا حدي مختبصه لا صلاة ولا طبخت ولا سويت شي للفطور ما بقى غير نص ساعه على الفطور خلاص اشوي واصيح قلت ما في الا اتصل على زوجي واقوله يجيب معه روب وخبز <<< اسرع شي
اتصلت عليه وانا مفتشله قال اشفيش يله صباح خير توها 6 الصباح وش فطوره هالحزه وبس بعدين ارتحت وذاك اليوم ما ضل شي ما طبخته
>>>> اعوض ..


وبس كل سنه وانتو سالمين


يسلمووو عزيزتي على الموضوع

تحياتي
الساهرة

 

 

[وردة الأحلام]

ههههههههه


الساهرة هذا دليل إنك مهتمة بالفطور ما شاء الله عليك،’



ليت للقلب عين ضحكتني والله،’،
نفس أخوي يشرب علينا العصير كلله،’
بس كذا مو زين بعدين ينتفخ بطنك ويصير دبة مـاي وعصير،’




لي عودة بإذن الله،’

 

 

[بحرالوفا]

عن جد موقف الساهره يكسر الخاطر ويضحك في نفس الوقت


يمكن اكثر المواقف المضحكه تكون في يوم **القرقيعان

عالعموم لنا رجعه لو ذكرنا موقف

شكرا لكي الدانه عالموضوع الطيب
جزيت خير ا

تمنياتي للجميع بالتوفيق يااارب

 

 

[ليت للقلب عين]

يعطيكم ربي ألف عافيه


الساهره

روب وخبز عاد حرام عليك؟ ههههههه

كل واحد بطنه منصفق وفي النهايه روب وخبز هههههه

لا جد موقف حلو

اقتباس بس كذا مو زين بعدين ينتفخ بطنك ويصير دبة مـاي وعصير،’

ما عليك انا انسان رياضي مهما آكل اكون مقصر في حق جسمي .

رياضتنا يبي لها في اليوم عشر وجبات عالاقل .

يعني اكثر رياضيين يعانون من الجوع في رمضان احنا.






ننتظر البقيه خلونا نضحك شوي. ^_____^

 

 

[أحلى ملاك]

"



مشاركة حـلوهـ كثير .,*

.,*

بذكر موقفين


الموقف الأول ..

كانت أمي مسوية هريسة وأنا أحب الهريسة ..,*
من الحماس شفتها .. أخذت ملعقة على طول وأخذت اللقمة .,‘
ماسمعت إلا أمي تقول لااااااا أنا قلت لها شفيك قالت نسيتي مابعد يأذن ؟!
وطبعاً الكلمة المعتادة إذا الشخص نسى " يووووووووه نسيت " وبالنسبة للقمة راحت وخلصنا ..



"


والموقف الجديد هذه السنة
صايمة من آواخر شعبان كنت سهرانة جالسة اتصفح النت جاء اخوي ومعاه شوكلاته انا احبه كثير
وجايب لي معاه اخذته وعلى طول فتحته واكلت ومكملة تميت فترة تذكرت إني صايمة
الي جنبي ماتوا ضحك على حركتي قلت خلاص نخرب الصيام اليوم وكملنا السهرة ..





"

 

 

[شهرزاد]

بصراحه فله ..

ومبارك عليكم الشهر جميعاً حبايبي ..

الساهره ههههههه الله يهديك لاديانه ولا هم يحزنون وعلى طول فطور من صباح الله

طبعاً عندي موقف أتوقع الأغلبيه يسمعون به وتوه صاير البارحه مع أختي الصغيره ..
طبعاً هي مابعد يوجب عليها الصيام ودايم كنت أقول لها (إذا نويتي الصيام وبعدها من الجوع فطرتي بيطلع لك ذنب يوم العيد)
مسكينه خافت وقالت لي خلاص بكره بصوم قلت لها متأكده قالت:أيه خلاص . قلت لها ماتفطرين من الجوع أنتبهي قالت :خلاص ..
ظليت أسولف وياها ونضحك لين حزة الصلاه بعدها صليت وخلاص بنام إلا قامت الجميله وقالت بقوم أشرب ماي وبرجع ..
خليتها بشوف وش تسوي وفعلاً نست وراحت وشربت ماي جات وقلت لها يابنت وش سويتي ؟؟ بيطلع لك ذنب يوم العييييييد شلون تشربين ماي ههههههه المسكينه صاحت وصرخت لين قالت بس قالت لي : أنا أمزح وياك مانويت الصيام قلت لها ألعبي غيرها ياشاطره بيطلع لك ذنب يعني بيطلع لك ههههههههه

وبس


يعطيني ويعطيكم العافيه ياحق

 

 

[ليت للقلب عين]

اقتباس المسكينه صاحت وصرخت لين قالت بس

لا عاد حرام عليك هههههه

كذا صيحتي البنيه.




بس جد موقف حلو كلنا يوم كنا صغار صار لنا

يوم كنت صغير كان تقول امي اذا فطرت بيطلع لك ذنب في يوم العيد

كان غمري تقريبا 7 سنوات

والله وجد يوم جلست من النوم يوم العيد على طول اطالع وراي وين هالذنب


فشيله مو؟


ننتظر مواقفكم

.

 

 

[تاروتية]

ههههههههههههههههه

موضوع يوسع الصدر والله >> وناسة

ومواقف لاتحسدون عليهاتعيشون وتأكلون غيرها

حصل لي موقف قبل سنتين تقريباً محرج للغاية

جاء وقت الإمساك وأنا أكلم تلفون قلت لأخوي هاتلي كأس ماي بسرعة
وخليته يمي ودخل وقت الصلاة والبابا وأخوي يصلون
وأنا مندمجة في السوالف وأسولف وأشرب في الماي ..
وهم يطالعوني متفجأين

 

 

[وردة الأحلام]

اقتباس والله وجد يوم جلست من النوم يوم العيد على طول اطالع وراي وين هالذنب فشيله مو؟

ههههههههههههههه من صجك يعني.........؟؟ إشهالفشيلة...؟؟!!



هذا موقف لأخوي عمره (12)،

أنا معاه متفقين نصوم نهاية رجب كله،

ويوم من الأيام وهو صايم قال لي بطلع الصبح وبرجع بسرعه (رايح يشتري له كورة)،’


وعطيته عشرة ريال والكورة بتسعة ريال،


شرى الكورة بالتسعة والريال شرى به حليب موز (وزقبه كله في الطريق),

وعقب ما جى قال لي شريت لي كورة بتسعة, قلت له والريال..؟؟ ( قال شريت حليب) قلت وينه...؟؟

قال يووووووووووووووووووووووووووه..........!!!!!!!!!!!! !!!!!!؟؟؟؟؟؟؟؟؟؟؟


قلت له شنو.......؟؟



قال شربته...!! *_*


قلت له خوووش صيام والله

 

 

[ليت للقلب عين]

اقتباس قال يووووووووووووووووووووووووووه..........!!!!!!!!!!!! !!!!!!؟؟؟؟؟؟؟؟؟؟؟

حلوه هاليوووووووووووووووووووو هههههههههه ضحكت والله جد

احسن مافيه انه شرى عصير موز يحتوي على الكثير من الكربوهيدرات

اقتباس وأنا مندمجة في السوالف وأسولف وأشرب في الماي ..

عفيه عفيه عالشاطره. هههههه




يلا بعد وين الي يشاركون حماس خلونا نضحك ...حماس والا قلي <<ما تضحك

^___^

 

 

[$عذبوني ونسوني$]

جد سوالفكم تخرع من الضحكــ

هذا الموقف صار لي...
بدآآية رمضان اللي فات كنت جالسة العصر على التلفزيون الا ويرن التليفون

عااد من الفرحه قمت طآآآآآآآآيرة

كانت داقة علي صديقتي ومع الهرج اللي هرجنا انا معها كنت أناظر في الارض

عالحساويه<<أقصد نفسي,شان أشووف ذا الحب منثور وأقعد وأكلت نصه تقريباً

ولا ألاحظ على نفسي الا مابعد خلصت الحب....ههههه


بس من جد الحب الاحمر حلو على الجوووع......

 

 

[Om Elias]

**الدانه**

يعطيك العافيه على الموضوع الحلو<<<<بس أكيد مو أحلى منك

أما الساهره فموقفك لا تحسدين عليه

وكل موقف يضحك أكثر من الثاني

أنا من أمس قرأت الموضوع
واليوم تذكرت موقف

أول سنه صار الصيام علي واجب
كنت راجعه من المدرسه وكلي حماس أني راح أشتغل بالمطبخ

وسألت أمي وش أسوي
قالت: سوي العصير



وبديت أسوي العصير<<<<مافي أسرع من هالشغله
وطبعا بعد ماخلصت العصير تذوقته
عشان أشوفه كيف <<<<<وأنا ناسيه طبعاً

وإلى الآن كل شي تمام

كان أمي تقول لي أنتي من شوي ذقتي العصير وأنتي ماتدرين<<<وياليتها ماقالت




بعدها عاد قامت القيامه عندي
ليه ماقلتيلي
ليه خلتيني أشرب عصير
وأمي تحاول تهديني:
عادي مافيها شي
كل الناس ينسون
وأنا:
مصره على موقفي
وأصيح صياح

وتميت زعلانه

مارضيت إلا قبل المغرب بشوي

وإلى الآن ماأدري ليه أنا صحت<<<<<دلع بزران


Om Elias

 

 

[سُندس }]

أهلاً .

والأروع حضورك غلا & وردة الأحلام &

اقتباس صدق من قال (من سبق لبق)<<<<كنت بحط هذي الفكرة لكن سبقتيني وعليك بالعافية *_*

يا الله يقولون الحسن أخو الحسين ..

هلا بحضورك .

 

 

[سُندس }]

:

:

اقتباس احيانا يصير يمها ملاس والا شي

أنتبه بس لايجيك الصحن بكبره

خله جنبك الجيك ولا ها الحاله الفطور كله عصير * أجل قامت القيامه

تشرفنا بحضورك خيو / ليت للقلب عين / ثنكس /

.

 

 

[سُندس }]

هلا وغلا الساهره لك ولهه كبيره .

اقتباس خوووش عليش يا الدانه بعد كل هالتعب والانتظار تشخلين الماي فاضي ؟؟

يا لله عاد بلا إحراج مومني من الصوم * _ *

أشوى قولي انتبهت ولا كان حطيت الدجاج ع الماي بدون المعكرونه .

اقتباس طيب بقول هالموقف الي اكيد صار عند الاغلبيه من الحريم

يا الله نسمع ونشوف ..

اقتباس اتصلت عليه وانا مفتشله قال اشفيش يله صباح خير توها 6 الصباح وش فطوره هالحزه وبس بعدين ارتحت وذاك اليوم ما ضل شي ما طبخته >>>> اعوض ..

بصراحه موقف تُحفه يضحك حيييييل ..

الله ستر ما كانت الساعه 7 كان راح وقت الفطور يمكن أكلتو جبن بدل الروب أسرع .

بصراحه صار لي ها الموقف لكن مو في رمضان , في أيام المدرسه
وكنت نايمه مبكر ولاحسيت بـ الدنيا وجلست وانا شبعانه نوم قلت أوووه
أكيد صار الصبح ومارحت المدرسه وأقوم بسرعه مفزوعه وألبس
المريول جات لي أختي قالت الساعه 2 الليل لس مابعد المدرسه توه الناس
وهي تضحك طبعاً .

أسعدني حضورك عـــزيزه ســاهره .

ماننحرم من طلتك الحلوه .

دوم .

 

 

[سُندس }]

هلا بحر الوفاااا .

اقتباس يمكن اكثر المواقف المضحكه تكون في يوم **القرقيعان

أي والله القرقيعان وناسه مع العيال تصير وناسه حييييل


أتمنى عودتك مع ذكر موقف مُضحك .



سُعدت بحضورك يعطيك العافيه .

 

 

[سُندس }]

× أح ـلى ملاك ×


بصراحه موقف الهريسه فله مولهناك مع الهريسه * من سألها * _ *

أجل لايفوتك الليله الساعه 10 أكلت حلاوه قلت يؤ أكلت انا صايمهـ العكس .


يا الله تكبرين وتاخذين غيرها *






حضــور طيب / لاهــنتِ / منـوره /