حقيقة التعارف انصح الكل يدخل ويشوف وبالذات البنات

[القلب الكبير]

انا الحين بشرح وبتكلم بنفس اللي يكون على لسان الشباب واللي يحدث بينهم لأني أعرف الشباب واللي يدور في بالهم وأنفسهم لأني أنا واحد منهم وأعرف أكيد أكثر من أي وحدة باللي يدور بينهم، واللي يفكرون فيه، وبتكلم بكل صراحة وبدون أي تكلف حتى توصل ان شاء الله الحقيقة اللي أكثر البنات ما يعرفونها .

تساؤلات

هل البنت يوم تتعرف على واحد بينتهي هذا التعارف او الحب الى الزواج؟؟؟

أكيد مستحيل لأن البنت يوم تتعرف على واحد وتكلمه وتطلع معاه، تصغر في عين هذا الشاب (هذا الشيء يتكون داخل نفسية الريال ولو بين او مثل بالظاهر عكس هذا) وهذا الشي أكيد وطبيعي لأنها تخلت عن شرفها وعفافها وقبلت ان تطلع مع واحد غريب فكيف يزوجها, اصلا حتى اغلب المخطوبين بشكل رسمي الريال ما يعرض على خطيبته انه يطلع وياها او يسوي معاها شيء غلط قبل الزواج.

وأنا عمري ما سمعت ولا دخل في قاموسي ان وحدة تعرفت على واحد وتزوجها، واللي اعرفه ان هو يخدع البنت ويختلي بها ويخربها وهذا اللي يحصل، وما في شيء اسمه زواج عن طريق التعارف، واللي حصل لهم واتزوجوا لأن البنت حملت واكتشفوا اهلها الموضوع (الفضيحة) ورفعوا قضية على هذا الشخص وزوجوه هذي البنت بالغصب؛ لأنه ما يريد يتزوج وحده مثل هذي البنت اللي تنازلت عن عفافها بطريقة غير شرعية (بدون أو قبل زواج).


زين ليش الشاب يوهم البنت بالزواج ويعيشها في عالم الحب؟؟؟


لأن الشاب يفكر في البنت تفكير جنسي, وتسلية في شرفها وعرضها، لين ما يحصل البنت الي ما شاف عليها الغلط ويزوجها، حتى لو كانت وحدة مب زينة مدام هو ما شاف عليها الغلط خلاص عادي، وكل الشباب يقولون ان اللي ترضى انها تطلع معاهم هذي وحدة صايعة، وهي اصلا تبغي هذا الشيء وهو اذا ضيع هذي الفرصة بتروح عند غيره، وهي تستاهل اللي يجيها من الشباب، لهذا السبب يستحلون فيها أي شيء على أساس ان اللي تبغي تحافظ على عمرها ما تطلع مثل هذي البنت اللي فكرت بالحب بطريقة غير شرعية وسارت في طريق الغلط.







وفي بنات يفكرون (يوهمون انفسهم) ويقتنعون بان الشخص اللي تكلمه او تحبه وما في مثله وهو غير عن كل الشباب اللي تسمع عنهم او تقرأ قصصهم في المجلات***؟
ملاحظة: هذا السبب الي ضيع الكثير من البنات هذي الثقة لشخص غريب محرّم عليهم لانه مب معقولة وحدة تعمل شيء غلط مع واحد وهي مش مقتنعة بأنه هذا الشخص يحبها وبيزوجها.

هذا السبب القوي في نفسية البنت ,واللي يخلي وخلا الكثير من البنات انهن يتنازلن عن شرفهن وعفافعن؛ لأن البنت تشوف هذا الي تعرفت عليه غير عن كل الشباب، هذا لأنها حبته ووثقت فيه وسلمت عمرها له، ويوم سلمت عمرها الي هذا الشخص الغريب (أصبحت مثل بنات الشوارع في نظر هذا الشاب و ونظر الناس) على أمل والوعد بالزواج، وللأسف والله الكثير من البنات اللي انخدعن وهذا سمعته على لسان واحد من الشباب يقول وهو يضحك انه ينام مع البنت متى ما يريد على أساس انه اقنعها انه بيتزوجها، وهي مصدجة ومقتنعة وحاطة امل كبير فيه، وتقول خلاص يوم هو غلط معاي يعني أكيد هو بيصلح غلطته وبيتزوجني وهذا تفكير الجاهلات.

والكثير من البنات اللي اختربن ما تنصح ربيعتها وتحذرها من هذا الطريق، بل بالعكس تساعدها على انها تتعرف وتشجعها على الانحراف وتزينلها التعارف والحب وغيرذلك وطبعا هذا الشيء يكون بطريقة مباشرة وغير مباشرة والأخطر الغير مباشرة بدون ما تذكر لها مخاطر هذي العلاقة المحرمة.

هذي حالة نفسية في كل شخص ماشي في طريق غلط او بطريقة غلط غير الطريقة المعروفة والشرعية يحاول يخرب غيره عشان يستوي مثله وما يكون في طريق الغلط لواحد


وهل من المعقول ان واحد يبروح عند اهله ويجولهم انا أريد ازوج وحدة تعرفت عليها أو شفتها في مكان وعجبتني وابغي ازوجها؟؟


أكيد أهل الولد ما بيرضون بيقولون تبغي تتزوج وحده ما أدري من وين محصلنها أو متعرف عليها أو يجولون تبغي تتزوج بنت من بنات المراكز والشوارع. طبعا الولد مستحيل يسوي هذا الشي ويحط نفسه في هذا الموقف الي بدايته ونهايته معروفة. لا بالعكس بعد إذا قال لأهله بيتهمون البنت اللي متعرف عليها بأنها تريد تخدع الولد وهي بنت حرام، وتريد ترمي بلاها على الولد... الخ.

ملاحظة: حتى لو كانت البنت تجول انا بنت حلال وبنت من عايلة معروفة وسمعتي ما عليها كلام, بيكون هذا الرأي حتى لو كان حقيقة مقتصر عليها وعلى اللي حوليها, بس اهل الولد ما يعرفون هذا الشيء وحتى ما بيفهمون هذا الشيء, مثلا يعني لو احد المسؤولين الكبار عين احد الشخاص مدير بنك, هل تجدر تعترض؟ هل تجدر تروح عند هذا المسؤول الكبير وتقول له انا استحق هذا المنصب (مدير بنك) وانا اولى منه وانا احبه ولي رغبة شديدة بأني انا اكون مدير بنك مع انك تملك نفس القدرات ويمكن احسن وتشوف نفسك احسن؟ بس المشكلة هل المسؤول يعرفك قبل وكيف بتعرفه على نفسك؟ وكيف بتطلب منه هذا الطلب وبأي وجه بتروح تقابله؟



شو تفكير الشباب ورايهم يوم يعرفون انه واحد متعرف على وحدة ؟؟


والله للأسف ان أغلبية الشباب يشجعون بعضهم البعض على الرذيلة وكل واحد يتمنى ان يتعرف ويسوي نفس الشيء مع هذي البنت لأنهم يجولون ويفكرون بأنه هذي البنت لا اختك ولا من اهلك ولاتقرب لك عشان هذا يسون فيها اللي يبغونه وهذي قاعدة لازم كل وحدة تعرفها.

والله زين ( ***لا اختك ولا حرمتك ولا من اهلك ولاتقرب لك***)!!!!!.

وهذي بعض الدلإئل والإشارات التي تدل على الواحد ما بيتزوجون وحدة متعرف عليها من قبل!!؟ إذا البنت كلمت الشاب، وطلعت معاه، وعطته الي يباه، واختلى بها او يعني استوا بينهم شيء غلط.

بس خلاص بعد ليش يزوجها يوم انه حصل وحده (فري) وعطته الي يباه ليش يزوجها وهذا الي يباه منها خلاص خذاه وبرضها، وعلى فكرة يوم البنت تكتشف بعد فوات الاوان انها انخدعت وتبدأ تجول وتلح على هذا الشاب اللي خدعها انت لازم تتزوجني، يأنه يعمل معاها مشكلة ويختفي او يهرب منها او بيرد عليها هذا الشاب بكل صراحة وبيقولها انتي عطيتني برضاك وما في احد غصبك على شيء، وهذا الرد الي اسمعه دوم من أهل التجارب واللي يردودنه الشباب.



حقيقة التعارف الصراحه الكل انصح بدخول
حقيقة التعارف الصراحه راحه



الموضوع

قال عثمان رضي الله عنه : قال ودت الزانية لو زنت النساء كلهم
انا الحين بشرح وبتكلم بنفس اللي يكون على لسان الشباب واللي يحدث بينهم لأني أعرف الشباب واللي يدور في بالهم وأنفسهم لأني أنا واحد منهم وأعرف أكيد أكثر من أي وحدة باللي يدور بينهم، واللي يفكرون فيه، وبتكلم بكل صراحة وبدون أي تكلف حتى توصل ان شاء الله الحقيقة اللي أكثر البنات ما يعرفونها .




بس خلاص بعد ليش يزوجها يوم انه حصل وحده (فري) وعطته الي يباه ليش يزوجها وهذا الي يباه منها خلاص خذاه وبرضها، وعلى فكرة يوم البنت تكتشف بعد فوات الاوان

 

 

[الساهرة]

أخوي القلب الكبير ,,

أشكرك على صراحتك المملوئة بالغيرة على بناتنا ,,,,

وياريت البنت تفهم وتستوعب هذا الشيء لكن هالهوس الي طالعين فيه طلعه الي اسمه الحب الي مستعده الوحده تضيع نفسها علشانه,,,

واخيرا تقبل تحيات اختك
الساهرة

 

 

[فجر]

كلامك صحيح 100%
يختبئ الشباب وراء المثل القائل((الولد يحمل عيبه)) وألى أين يحمله
الى نار تحرقه هو وأمثاله لارتكابهم هذه الأفعال
وتختبئ الفتاة تحت غطاء الحب والى اين الى نفس المصير
أجارنا الله وأياكم من كل محرم
تحياتي

 

 

[زهور]

ياهلا ومرحبا فيك اخوي القلب الكبير
اهنئك على اختيار هذا الموضوع الرائع
ممكن البعض يعتبره موضوع متكرر لكن يختلف في الاسلوب لايصال المعنى لكن تكراره ان دل على شيء فهو يدل على عدم مبالاة اغلبية الاعضاء في هذه المواضيع (عذرا بس هذا شيء ملحوظ)
بالرغم ان الهدف المنشود من وراء طرح هذه المواضيع هو الوصول الى الحل الامثل من خلال اختلاف وجهات النظر لكن......اين هي؟؟
بالنسبة للموضوع
دائما البنت هي المظلومة؟؟؟؟؟؟
هذا مايجول في داخلنا كفتيات
ممكن مثل ماقلت اخوي ان الولد بيقول للبنت محد غصبك على شيء انتي اللي وافقتي على انك تتعرفين علي يعني هي اللي راحت له برجولها مثل مانقول
بس البنت اذا حست انها غلطت لازم تنتبه من لحظة احساسها بالغلط وترفع نفسها عن الاذية بدون مايحس الولد
يعني تكون ذكيه وماتعطيه الثقة التامة او بامكانها تتظاهر باعاطاءه الثقة التامة لكن تسلب منه الكلام واذا عرفت انه هدفه خداعها تفضحه هي قبل لايمسها بشيء يعني لازم احد من اقربائها يعرف لاتسكت على الموضوع
طبعا من الصعب الناس تصدقها خصوصا في مجتمعنا لانها دوم المظلومة والضحية في اغلب الامور لكن اهم شيء انها قدرت على الولد في قرارة نفسها وحاولت تبتعد قبل لايصير شيء
واغلب الاعضاء في المنتديات يكلمون العضوات بالماسنجر بشكل اخوي لكن لو دخلت العضوة عالعضو(اضافته) لحاجة نقول في المنتدى مليون في المئة ان المجتمع بيطلع العضوة هي غلطانه لكن العضو خله يتعرف على كل العضوات مافي مشكله
البنت مثل الزجاجة البصمة والشمخ الخفيف يأثرون عليها الولد زجاج تحطم انشمخ بيعيد نفسه من جديد مثل ماقالت فجر الولد حامل عيبه هذه وجهة نظر المجتمع
لكن اين هم اعضاء المجتمع
لماذا لاينصحون الشباب والبنات قبل القاء اللوم عليهم
صدقوني ان البنات اغلبهم بتصير لهم عقدة نفسية من هالظلم اللي محصلينه يعني البنت بتقول انا سويت ماسويت مجتمعي القى علي اللوم اني انا مذنبه وانا الغلطانة
نصحوا الشبااااااااااب قبل... لانهم اساس المشكله
افضل النصح قبل اللوم......
لكن اي نصح نحن الفتيات نريد نصح بتفكير راقي يناسب العصر الذي نتعايش معاه لانريد تفكير بحسب التقاليد الموقفة لحرية الفتاة
لازم نخلي المجتمع منفتح على اليوم لاامس
اسفه عالاطاله بس في قلبي نار ليه احنا المظلومين
ليه كل شيء البنت البنت
عالعموووووووم مشكور اخوي القلب الكبير عالمساهمة
ويعطيك العافية
تحياتي
زهور

 

 

[الغريب]

أشكر أخي القلب الكبير على هذا الموضوع

والذي يدل اهتمامه وحرصه .. كذلك هذه قضية تحصل في المجتمع ..

يجب الحذر من جانب الفتاة وعدم الدخول في مثل هذه التعارفات ..

كما يجب قطع العلاقة من البداية أو عدم إنشائها من الأساس سواء للرجل أو الفتاة ..

وبالنسبة لكلام الأخت زهور ..

أقول بأن الرجل أو الفتاة كلاهما مشتركان في هذه القضية ..

وقد أتفق معك في لوم الرجل .. ولكن الرجل ليس لوحده ..

فالفتاة هي من فتحت ومهدت له الطريق للتعارف ..

لذلك .. التعارف مشترك بينهما .. ويجب قطع العلاقة من الأساس ..

وفي النهاية .. هذا يدل على الفراغ وعدم مخافة الله سبحانه ..

وكذلك .. ضعف الوازع الديني وعدم استغلال الوقت فيما يعود بالنفع والفائدة على الجميع ..




وفق الله الجميع ..