[الساهرة]

هل تفضلي بأن يناديك زوجك أو والدك أو أخوك أوووو..الخ

بإسمك أو بأم فلان أو يابنت؟؟ ولماذا؟؟

بالنسبه لي يعتمد على الشخص الي بيناديني

يعني مثلا صديقاتي امي ابوي اخواني خواتي افضل انهم ينادوني باسمي لاني من انولدت وهم ينادوني باسمي
عشان كذا ما احب احس انه في شي تغير بعد ما تزوجت وجبت عيال خلاص انا ابقى مثل ما انا

وبالنسبه للزوج يفضل ما يكون في اسماء اصلا ولا كنيه يعني حبيبتي وعمري وعيوني هذي احلا شي تكون بين الزوجين لان هالمسميات ما تنقال الا بين الزوجين فليش ما يكون في تميز بين الزوجين
عندي اخوي وزوجته 8 سنوات متزوجين ولا عمرهم نطقو باسماء بعض حتى لو زعلت مرة اخوي تجي قدامه وتكلمه المهم ما تنطق اسمه ^_^ ( حبيت الفكره )

اما بالناس الي توهم يعرفوني زبوناتي او مثلا رجال حرام علي او شي مثل كذا افضل يكون بأسم ولدي او بجهة قرابتي له يعني يا بنت العم او بنت الخاله كذا لكن نطق اسمي على لسان رجال غريب احسها فيها نوع من الميانه وهذا الشي مرفوض طبعا ..



هل تشعري بإحراج إذا ناد شخص إمرأة بإسمها؟؟ ولماذا؟؟

احيانا نضطر نسمع اسماءنا من اشخاص غرب مثلا في مستشفى او اي دائره حكوميه وهنا ممكن يكون الوضع عادي او طبيعي لكن الاحراج لما يكون شخص اول مره نصادفه وماله علاقه احسها صعبه اشوي ..




تحية طيبه

الساهرة