عندما اقراء مثل هذه المواضيع يعجز لساني عن التعبير والنقاش لأن النقاش لايجدي شياء الرجال يدورون الي يبقونه وبيبررون وموقفهم اقوى بوجود اية من القرآن وبيحصرون فئة منهم وسيقولن منهم من لايعدل والنساء
بيدافعون عن وجهة نظرهم و مع ضعف موقفهم لأن الشرع مع الرجل (ننتظر خروجك ايها المهدي لأننا نفتقد القرآن الناطق) كلآ يفسر على كيفه وعلى مايريد والله العالم بكل الأحوال
حقيقة الزواج بالنسبة لزوجتين تظل مجهولة كما الموت لاأحد يتصور حقيقته الى ان يموت رغم ماسمعناه عن الموت وعن عالم البرزخ...وحتى هم نفسهم ابطال النقاش الزوج والزوجتين يبقى مايخفونه عنا حتى لو كنا مقربين لهم
الزوجة الثانية :لوبتتكلم بعد زواجها باي شي الكل بيقول لها انتي الي رضيتي وانت ..وانتي والمجتمع بيشمت فيها..
الزوجة الأولى:ماتقدر تتكلم اصلآ لأنها وبوجود الشرع والمجتمع مالها حق في اي شعور وحتى البكاء لأن الكل بقول ليش مقومة كل هذه الضجة يمكن تقدر تختلي في مكان بعيد عن الزوج وتبكي بصوت خفيف جدآ
وما يحق لها اي كلام...
الزوج : لوكان صحيح بيراعي الثنتين كأنسانتين حتى مع عدم كلامهن بيتعب نفسيآ وجسديآ ولو كان لا عادي
بما ان كل وحده ساكته بيخليهم ياكلون ثنتينهم معاه كالأمير وماتصير طلعة الا مع بعض ويتجاهل شعورهم ويرز نفسه قدام الناس والكل يشوفهم يقول هذولا مافيه منهم ومايدرون بلقلوب
واذا كان ندمان او مايقدر عليهم مع عيالهم اكيد ماراح يبين لحد رجولته ماتسمح الكل يقول ماخذلك ثنتين واخر شي ماانت قد المسئولية (حتى مع وجود المال..) والله اعلم بالأحوال
الكل سيبين انه مظلوم الرجل ..الأولى..الثانية ..الكل بيشرح لكل من جهته هو فقط .