السلام عليكم ورحمة الله وبركاته: اولا اذا كان كلامي زعلكم فانا اسفه جدا جدا وترى امزح لا تاخذو المسئله جد وعلى العكس لو فيكم شيء او طينتكم ثقيله ما كان استمريت في الصفحه هاذي وترى احنا اخوان وما بين الاخوان زعل ....اوكي المهم : انرد ونجاوب على السؤال المطروح بس يمكن الجواب ياخذ وقت اشوي بس يالله بجاوب اول ما اصحى من النوم افتح اعيوني وهذا الكلام الساعه 11 طبعا محاظره طويله عريضه بسبب السهر من الوالد الله يحفظه لان يجلس امبكر على ما تخلص المحاظره صار وقت الصلاة اصلي و بعدها الجلسه العائليه الوحيده في اليوم من 12 الى 2 وبعدين غداء ومن الظهر لحد صلاة المغرب في الاجازه هاذي كانت عندي دورتين في الحاسب والحين بعد ما خلصت اشتغل في البيت على جهازي الخاص في اعمال الادوب والفتو شوب يعني صور وخلفيات لنساء والاطفال في قريتنا يعني على خفيف والحمد لله الله وفقنا واستفدت من الي درسته في الاجازه وبعدين تدرون بنات مطبخ وعشاء وشغله لحد الساعه ثمان او تسع وبعدين تبتدي اما زيارات او استقبالات او سهر عادي في البيت ومن الساعه وحده لحد الصلاه عاااد هذا وقتي الخاص مع الكمبيوتر الشخصي ومن بعد الصلاة لمدة ساعه او اقل بشوي او اكثر بشويه للانتر نت وطبعا مو شرط كل يوم يعني على حسب الوقت والميزانيه وبعدين اغمض عيني مره ثانيه اووووف تعبت وانا اكتب ....... :D :D صارت قصه مو ؟؟ بس شنو اسوي حق بو حسن بدت الاسئله اتصير روايات ومذكرات تاريخيه:D المهم جاء دوري الحين استعدو للمشوار خلاص دلعناكم واجد الحين لازم سؤال جدي اشوي ترى الموقف هذا حصل لواحد عزيز علينا وهو الان يريد حل خلونا في الصفحه هاذي انساعده بحل ويحق لاكثر من واحد يساعدنا بالجواب اذا كان عندك ولد او اخ صغير او اي احد عزيز عليك وكان والله يحفظ السامعين مريض ومحتاج لعمليه وكل الاطباء قالو ان العمليه قبل خمس سنوات ما تصلح يعني راح تقل نسبة نجاح العمليه لكنه متاذي واجد بسبب مرضه لدرجة انه اذا انتكست حالته يبتدي يفقد بعض الحواس مثل الكلام والنظر المهم ورحت وديته للمستشفى التخصصي بالرياض وشافه دكتور اخصائي وقالك الولد حالته ما تستحمل التاخير ولازم انسوي العمليه الحين ولما انت تساله كم نسبة نجاحه يرد عليك ويقول انا بسويه والنتيجه ما ادري عنها الي يصير يصير مع العلم انه كل الدكاتره قالو بعد الخمس سنوات والولد عمره اربع تقريبا وانت خفت من كلام الدكتور وما ريحك مع العلم انه دكتور شاطر ومتخصص المهم واخذت انت خيره وطلعت نهي ؟؟؟في الحاله هاذي وش اتسوي؟؟؟؟؟ وتذكر كل ما تاخر حالته تنتكس ويبدي يفقد حواسه..... اتخيل انك ابوه وفي يدك القرار وعلى مسؤليتك وش بتسوي واخيرا تقبلو تحيات اختكم والسؤال للجميع