السلام عليكم ورحمة الله وبركاته ,,
منذ ليلتين حصل موقف غريب عاد زوجي من الخارج والغريب اني وجدت في اصبعه البنصر خاتم من العقيق وسألته غريبه مو عوايدك تلبس خواتم انت تقول انها تسبب لك كوابيس اثناء النوم .
قال لا والله هذا خاتم واحد من الشباب يقول ما يبيه يجيب له الفقر ضحكت على كلامه قالي ألبسه وشوف
بصراحة انا ضحكت اكثر من زوجي وتذكرت أبوي مع خاتمه السحري على حسب كلامه لأن ابوي اكثر واحد في الدنيا يعتز في خاتمه حتى انه احيانا يفك عقلنا ونصدق فعلا ان الخاتم خارق مثلا يفر الخاتم ويقول بعد خمس دقايق بيرن التلفون وفعلا يرن او مثلا اليوم انا الخاتم قالي خالكم بيزورنا وفعلا وبعض الأحيان واحنا نلعب اونو او اوكي يعرض مساعدته علينا في سحب الكرت ولما يفر الخاتم ويسحب 
يطلع الجوكر انا متأكده ان الصدفه هي السبب الأساسي لكن احيانا يفك عقلي صحيح ...الخلاصه ..
هل لبعض الخواتم دور في الحظ او الصدفه هي السبب ؟؟؟
هل العامل النفسي له دور ؟
اتمنى من الأعضاء يزودونا بالأحاديث الي فيها فائدة لبعض الأحجار الكريمه وايها أفضل وماهي انواعها ؟
هذا وتقبلوا خالص شكري وتقديري
الساهرة