|
اخو الورق عنب ............((محشي الملفوف))
بسم الله الرحمن الرحيم
السلام عليكم ورحمة الله وبركاته صباحكم/مساكم ورد وجوري وكادي انا اليوم جبت لكم اخوالورق العنب خخخ ((محشي الملفوف)) من مطبخي وتصويري وان شاء الله يعجبكم المقادر: راس ملفوف كبير حشوة الورق العنب حبتين بطاطس كبيرة مقطعه حلقات راس بصل متوسطه مقطعة حلقات طماطه متوسطه مقطعه حلقات فليفلة مقطعه حلقات (المرق): 6 كاسات ماء دافي تقريباً مذوب فيه ( مكعب ماجي - ملعقة أكل ملح - نصف ملقة اكل ملح الليمون - نصف ملقة بهارات - بيالة زيت الزيتون) مقادير الحشوة: 3 كاسات رز مصري (ينقع في ماء دافي) لمدة نصف ساعه بياله زيت الزيتون ملعقه أكل ملح نصف ملعقة اكل ملح الليمون نصف ملعقة أكل بهارات مشكلة بصلة متوسطه مقطعه ناعم طماطه متوسطه مقطعه ناعم شوية اوراق من البقدونس شوية اوراق من كسبره (حسب الرغبه) ملاحظه نفس الحشوة استخدمها مع 3 اطباق (محشي الورق عنب - محشي الكوسا - محشي الملفوف) الطريقة: 1- تخلط مقادير الحشوة مع بعض وتترك على جنب http://zffat.com/up/upfiles/X5z02230.jpg 2- تغسل الملفوفه من الخارج وتوضع في قدر به ماء مغلي وتترك تغلي لمدة ثلث ساعة http://zffat.com/up/upfiles/clU02231.jpg 3- تصفى الملفوفه وتوضع في المصفاة http://zffat.com/up/upfiles/CcM02231.jpg 4- نبدأ بأخذ ورقة ورقة بهدوء حتى لاتتمزق http://zffat.com/up/upfiles/DkV02231.jpg 5- نقطع الورقة نصفين طولياً وونزيل العرق الي بالوسط http://zffat.com/up/upfiles/XC702232.jpg 6-نحشي كل ورقة بالحشوة ونلف كل ورقة على حدى كما نلف الورق العنب http://zffat.com/up/upfiles/WBs02649.jpg 7- نصف حلقات البطاطس والبصل والطماط والفليفلة في قاع القدر ثم نصف فوقه الملفوف http://zffat.com/up/upfiles/1CT02649.jpg 8- نصب المرق على الملفوف ونغطيه بالقصدير ونحط عليه قدر ثاني اصغر معبي بماي بحيث يكون ثقل على الملفوف عشان ماينفل الملفوف ملاحظه (ممكن يتغير مقدار المرق على حسب سعة القدر المهم انه يغطي الملفوف) http://zffat.com/up/upfiles/gc902650.jpg 9-نضعه على نار متوسطه لمدة ساعه تقريبا لحد مايستوي :) 10- الحين استوى الملفوف اممممممممممممممممممممممممم شكله يشهي واكيد طعمه لذيذ خصوصا لما يكون حامض على مالح :kashkha: http://zffat.com/up/upfiles/btT02650.jpg هنا وعافيه عليكم :bye1: اتمنى ينال اعجابكم:goood: واتمنى اشوف ردودكم الطيبة عشان اجيب لكم اروع وألذ أطباقي :teeth_smi ترى تعبت وانا اجهز هالموضوع اذا ماشفت ردود مابتشوفون أطباقي;) لاتفوتكم :p في حفظ الرحمن :bye1: |
رد: اخو الورق عنب ............((محشي الملفوف))
سعابيلي نزلت
يسلمممممممممممممممو خيتو على الطبق الرائع ...... بس أكيد بمركم بعد صلاة المغرب و جهزوا لي صحن .........وألا ترى المداااام بتقطعك وأنتي تعرفينها :: |
رد: اخو الورق عنب ............((محشي الملفوف))
بصصــرآحهـ أنـــآ كنت أنتظر أطبــآقكـ ..
شكلج موهينهـ ,, وربي شكلهـ رهييييب .. شكلج اليوم الصبح مسسويتهـ مو ؟؟! هع .. ,’ تسسلم إيدج يالغلـآ بــآلعــآفيهـ :) |
رد: اخو الورق عنب ............((محشي الملفوف))
رووووعه
وها الأكله وصلتني من مطعم قطري وحييييل حبيتها تسلم هالأايادي ياحق |
رد: اخو الورق عنب ............((محشي الملفوف))
يعطيك ربي الف عافيه وتسلم الايادي
|
رد: اخو الورق عنب ............((محشي الملفوف))
امممممممممممم شو طيب بجرب..
سلمت يدااااااك والله يعطيك الف عافيه |
رد: اخو الورق عنب ............((محشي الملفوف))
مرحبتين بخادمه زينبيه
يعطيك العافيه باين انه رهيييييييييب عاد ما ذكرتو أهل الدمام بنقصه ما راح أنساها لك |
رد: اخو الورق عنب ............((محشي الملفوف))
يميييييييييييي ماماتي دايما بتعمل لنا اياه بس الحشوه بتكون لحمه مفرومه وشويه بصل وبهارات ويمي يمي ييمي
|
رد: اخو الورق عنب ............((محشي الملفوف))
ها الاكله لزيزه اوءءءي
يعطيك الف عافيه وتقرير مصور متكامل وشهـــــــــــــي باالتوفيق |
رد: اخو الورق عنب ............((محشي الملفوف))
اقتباس:
يسلم غلاوي لا غلط مو الصبح انا مسويته العصر بس كنت تعبانه ماحطيت الموضوع الا يوم ثاني الصباح الله يسلمك ويعافيك يارب نورتي صفحتي |
رد: اخو الورق عنب ............((محشي الملفوف))
اقتباس:
عكسي انا حبيتها من ثالث مرة الله يسلمك نورتي صفحتي |
رد: اخو الورق عنب ............((محشي الملفوف))
تفاحة الفردوس
عاشقة المهدي ع مشكووووووووورين نورتوا صفحتي |
رد: اخو الورق عنب ............((محشي الملفوف))
اقتباس:
الله يعافيك لا عااااااااااااااااااد كل شي ولا اهل الدمام لاتزعلون اسويه لكم مرة ثانيه تستاهلون شكرا نورتي صفحتي |
رد: اخو الورق عنب ............((محشي الملفوف))
اقتباس:
انا مانحب نحط اللحمة هيك اخف يسلموووو قيثو على المرور نورتي صفحتي وسلمي على اهل القطيف |
رد: اخو الورق عنب ............((محشي الملفوف))
اقتباس:
اكييييييد لزيزه اعجبك الله يعافيك خيتو اكييد اهم شي التصوير:s11: مشكوووره على المرور نورتي صفحتي |
رد: اخو الورق عنب ............((محشي الملفوف))
ترقبوا طبقي القادم مالح ومغلي ومقرمش امممممممممم ياربي اشتهيته:p الاغلب يحبه موووووووت شنو تتوقعون؟؟ انتظروني:bye1: |
رد: اخو الورق عنب ............((محشي الملفوف))
، الصراحة شغــــــــل عددددل وترتووووووب بس ناقصته حاجة و هي إني أتضوقه ما مرة جرّبت محشي ملفوف ... :) والله شكله يحمط يم يمياااااااات وأكيد الطعم ولا أحلى لإنو من تحت ديااااات الحجية خادمة زينبية هاه أختيه بتعزميني النابة الجاية .؟؟ > طلعت البنية من مساع جالسة تراشي الحجية :cool: يـ بالله الله يعطيش ألف عافية وحقنا فيه العافية منتازة وبارك الله فيكِ وفمان نجمات ونص >>> هذا التقييم لـ إلش خيه :p اقتباس:
ماغيره .. اندومي أو خبز جبن ... :confused: مو إنتي تقولي عنه مالح ومغلي :p |
رد: اخو الورق عنب ............((محشي الملفوف))
اقتباس:
لوتسيه لايفوتش اذا تحبي الورق عنب هذا اخوه التوأم خخخخخخ مايحتاج تراشيني انا عازمتش عليه هو واخوه اذا تبين انتي تستاهلين كم لوتسيه عندنا يسلموووو حبيبتي بس بس ترا اصدق :p وبعدين شنو اندومي او خبز جبن شنو شايفتني مبتدئة هذا حق المبزره :p وبعدين الناس مايقولون حجيه شنو شايفتني عجوز انا صج حجيت بس مو تقولين حجيه يا امي الشيخه :s11: جايه عليك يسلموووووو لوتسيه نورتي صفحتي |
رد: اخو الورق عنب ............((محشي الملفوف))
امممممممممممممممممممممممممم
شهيتني حبيبتي على الملفوف من زمان وانا ودي اجرب بس شكلي راح اسويها |
رد: اخو الورق عنب ............((محشي الملفوف))
اقتباس:
عليك بالعافيه حبيبتي بس انا مرة تنقصت لكم ملفوف مع الورق عنب ليش ماجربتيه ولا الورق عنب اخذ عقلك ولاشفتيه:p مشكوووووورة خجوله على الطلة ربي لايحرمني وجودك في حفظ الرحمن |
| الساعة الآن 06:37 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد