[إشراقة أمل]

في المشفى

دخل ابو خالد العناية المشدده .. وطلب

الدكتور من اهله انهم يتركوه 24 ساعه .. بعدين يرجعو هنا

الكل رجع لبيته ،، وخالد كل ساعه يتصل فيهم ..

على طاولة الطعام ..

ام خالد : يمه خالد ما صارت ترا ابوك جواله مقفل والحين
الساعه 10 ومارجع !! ماهي عوايده

خالد وباين على وجهه التعب : عارف يمه انه دايم يجي
قبلي لكن اليوم عنده شغل كثير واحتمال يجلس لي
الفجر .. !

نوره قالها خالد عن الخبر : يا خاله اتركيه على راحته عمي
يحب شغله يوم ما راح يأثر

خالد : انا طالع انام لأحد يقومني على السحور ما ابغى

نوره : ابشر بس اشرب مويا قبل ما تنام

دخلت نوف وسكرت الباب .. دايم بهالوقت ابوها فيه .. !

لمو تناظر التلفزيون

نوف : السلام عليكم

خالد واقف على السلم : تو الناس كان رقدتي عندهم ..

نوف : الساعه 10 ما صارلنا ساعه ونص .. وين بابا ؟؟

خالد فقلبه كملت : في الشركه ..

نوف : كيف في الشركه ؟؟؟؟ الساعه 10 !!!

خالد بصراخ ماله داعي وماهو في وقته : قلنا لك في
الشركه يعني في الشركه ..

نوف : طيب ليه تصايح فوجهي .. انا ما سئلتك انت اللي
رديت علي ...

لمو تسحب نوف من يدها : اطلعي فوق وفكينا

خالد يطلع على السلم : ما ناقصنا الا نوف البزر ..

نوره طلعت وراه تهديه .. كسر خاطرها يمكن لانه يفكر
فأبوه .. بس الحقيقه هذا هو خالد اذا الواحد ما عمل اللي
يبغاه هو يدوس عليه ..

/

قصر ابو خالد

نايف عرف بالسالفه بس لما يجي يروح له منعه خالد وقاله روحتك مالها داعي .. وطلع فوق يلعب مع حمودي بلي ستيشن ..

نوف : مرحبا نويف

نايف : مراحب .. ليه صياحكم كذا

نوف تطلع عبايتها : وش يدريني عن اخوك .. كنه شارب له

شي .. يحاكي الناس كلها طبيعي لما يجي عندي انا

يصايح وكني قاتله واحد من اولاده

نايف : لا حول ولا قوة الا بالله ..

الماس : نوفه ترا نجيد انتظرتك ونامت بغرفتي .. تقول نعسانه

نوف : يوووو نسيتها .. مالت علي ..

/

/




الصبح : ماهو طلعة الشمس للكون ..!
واليوم !!
ما هو يوم لو : "مر دونك" ..!!

تدري لو إن الامر بيدي .. وش يكون؟؟؟؟؟
تعلن صباح الناس .. طلة عيوونك


..

نوف في سابع نومه ..


نجود : تكفين لمو والله اشتهيت اروح السوبر ماركت ..

الماس : وع وش يوديني هناك ... ؟؟؟

نجود : على شاني تكفين ..

نايف : صبآح الخير صبايا

.... : صبآح النور ..

الماس : والله مالي خلق ..

نايف : ليه وش تبغين نجيد ؟؟

نجود بحيا : ولا شي ..

نايف : بالله لمو وش تبغى ؟

الماس وهي تاكل تفاحه : تبغى تروح السوبر ماركت

نايف : هههههههههههه بس ؟

نجود حست نفسها سخيفه

نايف : انا اروح وش تبغين اجيبلك .. ؟؟

نجود : لا ولا شي .. مشكور


نايف : ترا بزعل عليك وش كنتي تبغين ؟؟؟ اذا شي خاص
وكذا تعالي انتي ولمو معي

نجود ما تسوى عليها انحرجت مره: لا لا والله ما ابغى شي
هونت

نايف : على راحتك .. حبيت اخدم .. وانتي وراك كل ما
شفتك الصبح وانتي تاكلين تفاح ؟؟؟ خلصتيه


الماس وهي لابسه بيجامتها : والله هذا سر رشاقتي ..
فطوري تفاحه حمرا

نايف : كمان ؟؟؟ مو خضرا ؟؟ .. اقول بنات ما تعرفو ناصر
وينه ؟؟

نجود :لا


الماس كانت بتقول نوف حاكته بس مسكت نفسها بآخر

لحظه : لا ليه ؟؟؟


/





الماس كانت راح تقول (نوف حاكته) بس مسكت نفسها بآخر لحظه : لا ليه ؟؟؟

نايف : غريب هالولد .. كل ما اتصل فيه القاه مغلق .. يتصل فيني بس ما يبغاني اتصل فيه

الماس بصدمه : ليه انت تحاكيه ؟

نايف : وليه ما احاكيه وش فيه ؟؟؟

نجود : لا بس جدي ؟؟ وكذا ؟؟

نايف وهو يدخل الاصنصير : لا ما عليكم اصلا جدي ماهو قادر يقاوم
غياب ناصر بس للحين صامد .. بعدين ناصر لو ما يحاكيني اعلقه من
رقبته .. اطلعه من مزرعته اللي هو فيه واعلقه ..

الماس : ههه فديت اخوي ارهابي صغير ..

نايف : اعجبك ههههه

نجود اكتفت بالابتسامه .. ما تدري وش ينتظرها ؟؟ ما تدري دانه راح
تعمل اللي فبالها والا بس كلام ؟؟؟؟

تحس راسها يوجعها من التفكير ،، وابوها كل ساعه يتصل وتقنعه تجلس شوي ..




/


الجوهره وكأن أحد معطيها كف على وجهها

ساره من الصدمه ودها الارض تنشق وتبلعها وما تكون موجوده في الكون ..



من جدهم ؟؟؟ فيه احد بين يوم وليله يخرج من بيته ؟؟؟ ليه ؟؟؟ يعني هذا البيت مو لنا ؟؟ مو ملك ؟؟

حسو بقيمة بيتهم اللي ما كان عاجبهم لما فكرو لحظه وحده بأشكالهم وهم في الخارج .. يدورو على مكان ينامو فيه !!



تركي : بنات رجاءا اللي عندها كلمه طيبه ترفع من نفسية ابوها وتشيل هم امها تقولها ،، غيره انا اقول تسكت ازين ..



الى الان البنات فحالة صدمه !! ساكتين


ابو تركي : والله يا ناس ما توقعت ينزلوني تقاعد مبكر .. انا بعد منذهل ..
قلت الهم انقلوني للجمارك ولو فراش بس ما وافقو ..


ام تركي وكأن شريط حياتها يمشي قبالها (سبحان الله اللي كان صاحب

شركة واستثمار وعقار والحين يدور وظيفه عشان يضمن لاهله بيت .. !!

هذا الواحد اذا ما كان له عزوه تتسكر كل الابواب فوجهه واذا التفت يدور

على احد حتى القريب يبعد عنه ويعمل حاله ما انتبه له .. !! )



|[ ياقلبي ]| لا تشره إذا الناس عافوك
لاتشتكي وتقول محد بغاني ,

وش ترتجي منهم إذا هم تناسوك
وش ترتجي من كل قلب أناني ’

أغتالوا آمالك وبالحيل ذلوك
وتصرخ تبي مافات يرجع ثواني!!





.
.
.

الجوهره والصدمه مازالت : ط طيب وين نروح ؟؟؟

ساره تكمل حكي اختها : رمضاان ماباقي عليه الا كم يوم ويروح !!


الجوهره ودموعها تنزل : انتو من جدكم ؟؟؟ حتى هالبيت بيروح من يدنا ؟؟؟


تركي : اذكرو الله كل مشكله ولها حل .. انا لقيت شقه زينه تضفنا كم يوم .. ليما ...

الجوهره باستهزاء: ليما يخلص قصرنا اللي جالسين نبنيه ..


تركي رافع حاجبه : افا .. انتي تقولي هالحكي .. ماهقيتها منك والله ..
يالجوهره كل انسان يمر بضيقة مافيها شي اذا الايام تعكرت فتره قصيره
ورجع لك صفوها باقي العمر .. توكلي على ربك ويحلها ان شاءالله


الجوهره بكت بقوه : ونعم بالله ،، سامحني ياخوي والله مادري وش اقول انا
نفسي ماني عارفه وش اقول
(طلعت لغرفتها )


ساره : انا معاشي صحيح انه قليل بس ان شاءالله يساعد ..

وبهاللحظه صار الشي الغير متوقع .. نزلت دمعه ابو تركي !!! مبارك اللي
فأيأمه اللي فاتت لما يقال اسمه يحسو له هيبه زي صاحبه .. مبارك اللي
ماعمر احد شاف له دمعه ولو بالغلط ..مبارك الرجل القوي اللي ما يهاب
المغامر والتاجر الشاطر .. نزلت دمعته ..



دمعة حسره و ألم على حاله وحال اهله قبله ،، دموع كثيره ذرفها قلبه من
اول ما عرف بهالخبر لكن الحين ما قدر يتحمل .. حس في قلبه قهر بس ما
يدري ليه مقهور ومن ايش .. يحس بالضعف والاهانه مع ان محد يقدر
يهينه وولده تركي موجود


وبهاللحظه ام تركي بكت معه ،،

وساره عملت حالها ما شافته وطلعت
لغرفتها وجلست تصيح لدرجة ان الجوهره نزلت تتأكد ان محد من اهلها مرض او تعب ..




اما تركي صحيح انه انصدم لكنه كان متوقعها وكان ما يتمنى انه يشوف
دمعة ابوه راسه يشم الهوا

تركي قرب من ابوه وجلس عند رجوله وما حط عينه بعينه : تأكد يا بو
تركي ان مهما الدنيا حاولت تذلنا والا تخلينا نتنازل عن عزة نفسنا والله ما
راح تقدر .. انت لحالك تسد وتنوب عني وعن خواتي وامي ..

والله لولا وجودك ما شفتنا عايشين كذا ،، الحمد لله على كل شي والحمد لله
انك موجود بينا .. لا تحرمنا من ضحكتك .. اللي والله من اشوفها ابتسم
معك لو اني مهموم ..

والله ما ينتهي رمضان الا وحنا مسلمين مفاتيح البيت ،، اذكر ربك بس ..


ابو تركي يناظر فوق ما يبغى دموعه تسترسل وتنزل من كلام ولده : لاااااااا اله الا الله



لاتقول حظي من عنا الوقت قد مــات ** قل مات حظ اللي عناه استحله

ولاضاقت الدنيا وعلي الكيف ماجات ** اطلق حجاجك ثم توكل على الله



/

/