[إشراقة أمل]

الفصل العاشـــر


ناصر فسيارته يتمشى وبدون احساس ما لقى حاله الا

قبال قصر جده وقصر عمامه الاثنين

خنقته العبره ماهو قادر يناظر بأحد اشتاق لهم مره .. !

جلس ساعه يناظر بالحي باللي داخل وباللي طالع .. وده

يبعد الاشجار والنخيل ويناظر من جالس فالحديقه ؟؟ اكيد نوفه هناك ..

يطيح الليل ..!
في حضن النهار ويبتدي ميلاد
... صباح ٍ يكتب الذكرى على أشيائي ويمحيها .!
كثير ..!

أشياء أقابلها بنفس أشكالها تنعاد
... حِزن هالحي وطيـور ٍ خرير الماء يصحِّيها .!

طلعت نوف بالسياره ومرت بجنب سيارة ناصر لكن ما

انتبهت له كل تفكيرها مع بتول خايفه انها تتأخر عليها ..

ناصر ناظر بالسياره اللي طالعه من البيت بس ما بين من

اللي كان راكب لو يدري انها نوف كان لحقها وما انتظر

دقيقه وحده ..

/

...... : الووووو وينك ؟؟؟

بتول وهي تلبس جزمتها : نويف تكفين والله عارفه اني ما

انعطى وجه بس انزلي القصر ارتاحي عند ماما على ما
البس بليييييييز

نوف ما تبغى تنزل وتشوف الاماكن اللي تذكرها بناصر

كافي انها ماسكه حالها عن البكي

نوف : لا لا انتظرك هنا ازين ..

بتول : والله لتنزلين شكلي مطوله انا ..

نوف : طيب باي

:

نوف تفتح الباب اللي قبال الصاله الكبيره ..

وقالت فقلبها (الله ياخذك يا تبوله وتقولي مافيه الا امك !! )

جلست تناظر فيهم كم دقيقه الكل كان موجود بس رجعت

لحالها وابتسمت ودخلت تسلم عليهم

نوف : السلام عليكم

الكل : وعليكم السلام

سلمت على عمتها ساره .. وجلست بجنبها ..

فرحت ام سالم مره بنوف ما تدري ليه نوف بالذات تذكرها

بناصر ..

ابو سالم : اخبار الوالد يا نوف ؟

نوف : الحمد لله بخير ويسلم عليكم ..

سالم : كيفك نويف ؟

نوف (الله ياخذ هالوجه لا ويوزع ابتسامات كمان): تمام ..

سالم وهو حاضن اللاب توب : دوم ان شاءالله

نوف (اكيد يحاكي بنت ،، يووووو نسيت ايميل ناصر .. اكيد
انه يشبك بهالايام من الفراغه لازم احاكي نجيد بس كيف
اكلمه ؟؟)

بتول : هاااااااااااي

ابو سالم : الناس تسلم يا بنت

بتول مستعجله : بابا انا طالعه مع نوفه

ابو سالم : لا تطولون اجلسو شوي وتعالو هنا انتي وبنت
خالك واسهرو فوق ازين

بتول : ان شاءالله جااااااااو

//

ناصر انصدم ان السياره اللي طالعه من بيت عمي رايحه
لبيتنا من فيها ؟؟؟؟

جلس ربع ساعه ينتظر .. لما جا بيمشي .. لقى بتول
ونوف نازلين وهم يضحكون ..

ركبو السياره بس حرك شوي السايق وهي توقفه نوف

نوف تأشر بيدها : بتول هذي مو سيارة ناصر ؟؟؟

بتول تشيل الغطا : وين ما شوف ؟؟؟

نوف : هناااااك يمين

بتول : اي والله .. حتى اللي فيها ناصر .. ياااااااقلبي بنزله

نوف تمسكها : وجع تبوله انتظري خليني اتأكد ..

بتول : علامك جالس يناظر فينا اكيد هو ..

نوف : الو ؟

ناصر : هلا نويف

نوف : انت من جدك والا تمزح ؟

ناصر : ليه ؟ ايش فيه ؟

نوف : انت مو هذا اللي واقف قبالنا ؟

ناصر بعصبيه مصطنعه : ليييييه وانتي وينك ؟؟؟

نوف : بلا تريقه احاكيك من جدي انا

ناصر : ايه انا وين رايحات ؟

نوف : تبوله رايحه لصديقتها وطلبتني ورحت معاها ..

ناصر :آهآ .. قولي للهبله تتغطا ازين لها

نوف تأشر لها تغطي : ان شاءالله .. المهم وش حركات
الافلام هذي .. انزل سلم على اهلك كلهم في الصاله ..

بتول : عطيني الجوال ابغى احاكيه

نوف : انتظري .

ناصر : ما تعرفين جدي ؟؟ خليني انا اللي طالع ازين من
انهم يطلعون كلهم ..

حاولت اكون اقوى من اللي تشوفين
حاولت اسوي كل شي ٍ اقوله ,
لكن !!
فراقك هد بالقلب ركنين : (
|| والله ستر ماطاح قلبي بطوله ||

نوف : وهو ماراح يدري .. كلهم مشتاقين لك تكفى انزل .
جيتك كذا مالها داعي

ناصر : انا لاحقك من بيتكم احساسي كان يقول انه انتي
او لموو .. والحمد لله شفتك

نوف : ناصر عاد انزل على شاني ..

ناصر شغل سيارته : على شانك اعمل اي حاجه بس ما
ابغى اضر احد يا نويف .. عطيني تبوله احاكيها ..

/

:

:

الجده سلمى جالسه تبكي : آه يا ساره لو تعرفي كيف

فاقده منيره .. والله لو يخيروني بالدنيا ومافيها وبين شوفتها

دقيقه لأكون مختاره شوفتها .. والله لها وحشه

عجزت انساها ..

ساره ماسكه الفاين وجالسه بعبايتها : يمه والله ماهيب

حاله .. ابوي ما يرحم احد ؟؟ انا اعرف الواحد لا كبر راح

يكفر عن اخطآئه وهو يزيدها اكثر واكثر

الاول اختي والحين ولدي يبغى يقتلني ؟؟؟؟؟

سلمى : والله مادري كيف يفكر انا نفسي ما افهم عليه ،،

احيان تلقينه زي الورد واطرى .. واحيان تلقينه زي الحجر
واقسى ..

ساره نزلت دمعه حاره من عيونها : والله لو انه مافيا ؟ وش
ذي الحياه ..

سلمى : انا ما يعذبني الا لما اكذب على دانه ونجود ونوف
لما ينشدوني عن سبب الخلاف اللي بينا وبينهم .. مادري

وش اقوللهم ؟؟؟؟ اصغر جدهم بعينهم ؟؟؟ اقوللهم ان

جدكم الطيب اللي قبالكم غصب بنته تتطلق من زوجها بس

لأنه اعلن افلاسه ؟؟ ليه ؟؟ احد يرضى بالظلم ؟؟؟

ساره : اللي يسمعه يقول انه يتعاطى مخدرات والا سكير
عشان يطلق بنته منه

سلمى : والمشكله منيره راسها يابس وما توقعت ابوك
يطول كذا ويركب راسه وهي يا عيني راح المال من عندها
والاهل ..

ساره : اختارت زوجها يمه أجل تبينها تضحي فيه ؟؟ لانه
صار فقير ؟؟ وش دعوه ..! دامه عاجبهم وضعهم وش له
يتدخل فيهم ؟؟؟

سلمى : يقول انه كيف ما تطلب مساعدته ؟؟ وكيف
بتعيش عنده زي عيشتنا وازين ؟؟

ساره : تكفين يمه خلاص سكري الموضوع ،، والله كل ما
تحكين عنه احس اكره ابوي .. ماكنه الحبيب اللي ما يرضى
بظلم احد ..

سلمى : والله يا سويره انه حبيب وقلبه ابيض بس انه ما
يرضى احد يعانده او يستغني عنه .. او يستغفله ..

ساره تذكرت ناصر : وش قصدك يمه يعني ناصر لما دخلت
عبدالعزيز مستغفل ابوي ؟؟ لا حول ولا قوة الا بالله كل
واحد يفهم الموضوع بطريقته ..

سلمى : الشكوى لله ابوك مخه مركب كذا ،، الا وين بتول ؟ ليه ما جت معك ؟..

ساره : بتول طلعت من كم ساعه مع نوف لحفله عند
صديقتها ،، انا طالعه البيت تامرين بشي ،، ؟؟؟

/

في الشركه

في الاجتماع 20 موظف .. ويترأسهم الجد سامي و ابو

خالد وابو دانه وابو سالم وخالد وسالم ..

سامي بصوت مسموع : انا جمعت موظفين الماليه لسبب

هم عارفينه .. راح يكلمكم عنه الاستاذ ابو فيصل اكثر ..

لاني طالع الحين بس قبل ما اطلع ابغى اقول حاجه

خالد راح يقدم لكم اوراق كلها قرارات جديده اللي ماراح

يلزم فيها ماراح نفاوضه او نناقشه راح نفصله من الوظيفه
على طول ..

هذا اللي عندي .. استأذن الحين .. (أشر لخالد ) تفضل ..

الكل ماله كلام من بعد سامي .. أخذ اوراقه ورجع البيت ..

وصله ابو دانه فسيارته ..

خالد قبل لا يبدا الاجتماع مع موظفينه ناظر فأبوه لقاه

جالس ومنزل راسه وكأنه فيه وجع

خالد : عن اذنكم دقيقه

خالد : يبه وش فيك ؟؟ عسى ما شر ؟؟

ابو خالد : ما شر نفس الدوخه اللي دايم بس هالمره غير

خالد قرب من ابوه وفتح ازاريره : يبه وش فيك بسم الله ..
تنفس تنفس

ابو سالم اتصل فالاسعاف ..

سالم : يا جماعه الاجتماع تأجل تقدرون تتفضلون ..

/

خالد رمى شماغه وهو ماسك ابوه بصوت عالي : عم فواز
اتصل بالاسعاف

فواز : جايه جايه

خالد : ما يرد علي ،، وين ذلفو الله يلعنهم ..

جت الاسعاف ونقلت ابو خالد من الشركه للمستشفى ..

خالد يحاكي عمه فواز عالجوال : لاحد يعلم جدي وجدتي
وامي ..

فواز : ابشر .. ترا حنا وراكم

خالد : اوكي .. بس علم سالم ..

/

في الحفله ..

البنات جالسين في الصاله .. وكانت بدور جالسه معهم
(بدور كانت عاديه مره بس كشخه)

عازمه بنات الكليه .. تعرف نوف بس مو مررره ..

ريم : ها بدور مو تقولي بتول السامي راح تجي ؟

بدور والله جايه بس الغايب عذره معه

عبير باستغراب : الجوهره ؟

الجوهره : هلا .. !

عبير : بتول ما تقرب لك ؟؟؟

الجوهره : ها ؟ بتول مين ؟؟

عبير : بتول السامي

الجوهره بابتسامه بارده : ايه الا تقرب لي بنت خالتي ..

عبير تحاكي ريم بصوت خفيف : قايلتلك .. اصلا انا ملاحظه
الشبه بينها وبين نوف ..

ريم : وش دخل هذي يهذي ؟؟ بعدين حرام عليك نوف

احلى بكثير

عبير : اكيد نوف احلى يا هبله .. بس سبحان الله من
اشوف نوف في الكليه اذكر الجوهره .. تطلع نوف بنت خال
الجوهره عرفتي ؟

عبير : هالعايله تجنني .. مادري كيف صايرين ؟؟

فجأه صارت الصاله هدوووء .. دخلت نوف وبتول ..

عبير صديقة الجوهره : ووووع جت بندول

الجوهره : هههههههههه الله يقطعك ..

وقفو يسلمون و الكل يناظر فنوف .. اغلبهم كانو اصغر منها
بكم سنه

ما عدا عبير والجوهره بنفس سنها

لما وصلت نوف للجوهره .. سلمت عليها عادي .. لكن

الجوهره انقهرت منها ما تدري ليه ؟؟؟؟

جلسو وضحكو .. عاد سوالف البنات ما تخلص .. ما بقو حاجه ما حكو فيها ..

العصاير والحلا تمر عليهم .. نوف بس تناظر في الساعه
متى تطلع وتفتك .. تحس هذا مو جوها .. الكل هنا صغارر
مره .. صديقات تبوله .. بس تحملت عشانها

الجوهره .. جالسه بجنبها عبير وبجنب عبير نوف

عبير : كيفك نوف ؟

نوف بابتسامتها الحلوه :تمام انتي كيفك ؟

عبير : الحمد لله بخير .. اعرفك على الجوهره بنت مبارك ..
بنت عمتك ؟

نوف بصدمه : مين ؟

عبير ونيتها صافيه : الجوهره .. (وتأشر عليها)

الجوهره استحت مره ما تدري وش راح تتصرف نوف ..
فكرتها نفس جدها .. واهل امها

الجوهره: ........

نوف : انتي بنت عمتي منيره ؟؟؟

الجوهره فرحت : ايوه

نوف وقفت وراح تسلم عليها : كيفك وكيف عمتي .. ؟
وربي كان ودي اشوفك

الجوهره : حتى انا والله ..

عبير قامت واتركتهم لوحدهم

نوف : ياااي حكالي عنك ناصر .. وعن ساره وتركي وصديقه
عزيز

الجوهره : ناصر اخوك والا ايش ؟

نوف بخجل : لا ولد عمتي ساره .. ناصر اخو بتول اللي كانت هنا

الجوهره : اي صح .. نسيت .. ماشاءالله عنه رجاال لما
سلمنا عليه كان مره شكله طيوب وحبوب

نوف ما تعرف ليه تضايقة من مدح الجوهره له : ما كنت حابه يصير

اللي صار و يكون عبدالعزيز سبب الخلاف اللي بين جدي
وناصر الحين بس الحمد لله على كل حال .. الله كاتب كذا

الجوهره : ليه ناصر تهاوش مع جدي ؟

نوف باستغراب : ليه ما تعرفين ؟

الجوهره : اجل اخوي وينه ؟؟

نوف : فمزرعتنا مع ناصر

الجوهره : ما تعرفي كيف اشتقت له .. زمان عنه ..

نوف : الله يرده لكم سالم ..

الجوهره : دايم اشوفك في الكليه وارعف انك تقربيلي بس
ما توقعت مره قريبه .. كان ودي احاكيك بس ما كانت عندي
الجرأه

نوف : افا عليك بس ،، لو انا اعرف انك بنت عمتي منيره
كان ما تاخرت دقيقه

بتول جت و عمتها نوف بالسالفه ..

الجوهره : اهلين بتول كيفك

بتول بتأفف : تمااااام .. امشي نوفه خلينا نطلع البيت

نوف : بتول بلا حركات بزارين انتظري خليني آخذ رقم الجوهره .. ؟

الجوهره حبت نوف مره : لا عادي بتول زي اختي الصغيره ..

/