منتديات الطرف - آخِـــــر دُرُووبِــــي .!!!

يابشر تكفون حلو عن سمايه
مايصيب الهرج لو الهرج صوبي

كم سكت الكم بما فيه الكفايه
اشتموني لو زعلتو واشمتو بي

عيبوني واتركوني في عمايه
وتركولي واحد يرضى عيوبي

اتركو لي واحد يمسح شقايه
كل ماحط الزمن دوبه ودوبي

ذاك والله لاذكرت انه ورايه
اشعر ان الكون كله وسط ثوبي

يكفي انه لو يسولف للمرايه
كن صوته يهمس لصورته ذوبي

كيف انا ماذوب مادامه معايه
اسمعه واسهر معه لاول ذنوبي

كل ماقال السهر درب الغوايه

قلت كله من عيونك هبلو بي

وكل ماقال الخطاء ماهو خطايه
قلت له قل للعيون السود توبي

ضيعتني واسأل الله الهدايه
وين اجيب العقل اجيبه من جيوبي!!!!

من يعرفك مايدل للعقل رايه
ياشروق العمر مادري ياغروبي

اذكر انك كنت لي مثل الهوايه
لو تروح ولو تجي يبقى شحوبي

بس مدري كيف صرت اليوم غايه
وصرت اجي واروح مدري عن دروبي

يابعد عمر الكتابه والقرايه
ياالشمالي باابو الملح الجنوبي

لاقريت الي كتبته يا رجايه
رح وبلغ ربعي الي جننو بي

قل لهم يمكن يخلون الوشايه
وان تمادو خلهم مهما حكو بي

انت خلك بس بالدنيا عزايه
لاتفكر بالعواذل وانت صوبي

ادري انه كل درب وله نهايه
بس انا باقي معك لاأأأخر دروبي