×~|[ بطنــــــــــك تحت المجهــــــــر ! ]|~×

[إشراقة أمل]

اقتباس السلام عليكم ورحمة الله وبركاته ..

وعليكم السلام ورحمة الله وبركـاته ..,

.

اقتباس عذرا أخوتي عالتأخير ..

حصــل خيــر ..

.

اقتباس والشكر لأختي " إشراقة أمل " للإستضافة الرائعة ..

يللا عاااد ..

متأخرة .. وقاعدة وتشكر وما ادري ايش ..

جاوبي وخلصينـا

.

اقتباس (3) أنت من النـآس آللي يتغلقون إذا جآعوا ؟ ما فهمت شنو يعني " يتغلقون "

يعني تنعزلين عن العالم .. و تتضايقين ..؟!

.

اقتباس (4) أول مآ تدخل السوبر مآركت أي قسـم تشوف بطنك يوديك له بدون شعور ! الله يسلمك .. اول أخلص اللي جايه عشانه وبعدين أطلطل على ثلاجة العصيرات " باااااااااارد "

هذا الشغل السنع

.

اقتباس (5) هل صحيح مقولة [ الطريق إلى قلب الرجل معدته ] ! أبداً .. قد تحمل جزء من الصحة .. لكن ككل ليست صحيحة !

ايه والله .. صدقتِ

.

اقتباس (6) مآ رأيك في قول [ إذآ بغيت الحرمه ترضى عليك ودهآ لـ المطعم ] ! حرام عليكم .. ممكن يكون المطعم وسيلة من الوسائل للوصول لحل أو رضى الطرفين " ركزوا تراني أقول الطرفين " لكن ليس هو الغاية المبتغاة حتماً ليكون هو ما يرضي المرأه !

خلاص اذا زعل عليك بعض النـاس .. وديـه المطعم

.

اقتباس (7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟ سهلة .. أول شي .. ودي اصيح .. بعدين شسوي .. ؟ مالي غير الخبز والجبن ههه

فليهـا .. وبلاهـــا الدموع ..

حتى الخبز والجبن .. لا تاكلين .. روحي نامي .. أخف لك أرزق لك

.

اقتباس (9) تحب تآكل لـ حآلك أو تآكل مع جمآعه مع ذكر السبب طبعاً مع جماعه .. لوحدي تنسد نفسي أنا لو تنقص وحدة من خواتي او اخواني من السفرة أحس ما اتهنى بلقمتي ^_^

صدقتِ والله ..
السفرة ما تحلى إلا بالإخوان كاملين ..!

.

اقتباس (10) إذآ كنت من النآس آللي يحبون الكبسه أي نوع من الكبسه تحب ؟! أهم شي تكون كبسة أمي .. وبس بتكون لذيذة

ليش كبستي ما تنفع ..؟ <<< خليها تذوقها بالأول ..!

.

اقتباس (12) أنت من النآس آللي يحب ياكل بين الوجبآت ؟! إذآ كآنت إجآبتك نعم وش تحب تآكل [ شوكلآتآت وَ لآ شيبسآت وَ لآ فوآكه وَ ركزوآ على فوآكه بالله ] ! الصراحة يعني .. أحيانا فاكهة مثل / تفاحة خضراء حامضة >>> شوفوا الشروط أو عنب أخضر يفتح النفس .. أو سلطة ( فتوش أو تبوله ) إذا توفر أحياناً أقلي لي حبتين سمبوسة >>>>تحبها بقوة الشبسات وهالاشياء .. إذا كنت لمة مع خواتي نفتح لنا ونتجمع مثل ايام ابتدائب ويا الربع ههههه .. ونسميها أنا وخواتي " حفله " خخخخخ

ومن الكرم الزايد يا أم الكرم ..

كل يوم تدقين علي تعزميني على هالقعدات

.

اقتباس (13) إذآ كآنت شهيتك مسدوده عن الأكل من تختآر من الاعضاء يآكل معك عشآن تنفتح شهيتك ؟ أنتِ .. هو أعرف غيرك يالغالية

تسلمين لي حيـاتي ..

الله يخليك لي وما يحرمني منك يااااااااااااااا حق ..

.

اقتباس (14) وش الطبخه آللي تضبطها و ودك تعزمنا عليهآ ؟ اش كثر ... بس أعزمكم .. على معكرونة بالباشميل .. أو حلى باسكن روبنز ( الاسم من عندي )

ياني متحمسة على هالحلى اللي من ذيك السنة وانتِ تطرينه ..

بس ما أدري متى بذوقهـا من يدك ..! <<< يعني ما كأنك قلتِ لهـا متشكرة أوي وما تريديهـا ..!

.

اقتباس ( 18 ) وجود ( العصير أو اللبن أو البيبسي ) على الوجبة شيء أساسي بالنسبة لك ؟ لا .. اللبن مع زجبة الغداء والعشاء احيانا .. لكن المشروبات الغازية ما تقرب بس ههه

ويلوموني الناس ليش متعلقـة فيك ..!

درر ما شاء الله .. وقمة الأخلاق << وش دخل لـ دخل ..!

.

اقتباس ها " شروووق " عسى بيضنا الوجه

افاا عليج .. وهل في ذلك شك ..!

.

متشكرة أوي غاليتي على التلبية الحلوووة .. والرحلــة الوناااااااسة ..

ما عدمناك ..

<< بس لا تنسي تمري [ جوالك تحت المجهر ] ..

.
.

 

 

[إشراقة أمل]

.
.

نعــود إليكم من جديد ..

مع الضيف الذي انتظرنـاه سابقاً ..

ولظروفــه .. اعتذر عن المجيء .. لوقتٍ آخـر ..

وها هو الوقت .. يعود بنـا .. لنلتقي به ..

ونلقي الضوء .. على [ بطنــــه ] ..

نعم ..

انه المبدع [ أول الغيث ]



.

أخي .. تفضـــــــل .. و افرد لنـا [ بطنك ] تحت المجهــر ..

<< لا تنسى الأسئلة الثلاثة الإضافية ..
.
.

 

 

[أول الغيث]

السلام عليكم ورحمة الله و بركاته


أولاً أشكر الأخت إشراقة أمل على هذه الإستضافة الجميلة ، و إتاحة الفرصة للقاء بكم

و أشكر أيضاً الأخت عطر المساء على ترشيحي ذيك المرة ..

و لو الود ودّي .. شان علقت على كل ضيف و بطن

اقتباس انه العلامـة .. آية الله العظمى .. السيد [ أول الغيث ] دام ظلـه الشريف ..! <<< استغفـر الله العظيم .. أنـا ما قلت شي ..!

ايه ما عليه .. أشوف العمعامة ملحّفة الراس ..


،،،،،،،،،،،،،،،،،،،،،،،،،،،،،،


(1) كم وجبه تآكل بـ اليوم !

امممممممممممممممممممم

لا توجد وجبات " معتدة " تقريباً .. و لا توجد أيضاً وجبة رئيسية

لكن الأكل يبدأ من الظهر إلى الليل ،، حيث لا يوجد شيء اسمه وجبة إفطار ،، إلاّ ما شاء ربي طبعاً

و الأكل يكون بصورة متقطعة خلال هذه الفترة ،، و بكميات قليلة تقريباً..


(2) وش وجبتك المفضله [آللي مآ تقدر تستغنى عنهآ ]

أقدر أقول بأن أكلتي المفضلة هي المجبوس دجاج و الشاورما

مع أني ما آكلهم واايد أو بشكل مستمر ..


(3) أنت من النـآس آللي يتغلقون إذا جآعوا ؟

لا اشدعوة !!

كله واحد ..


(4) أول مآ تدخل السوبر مآركت أي قسـم تشوف بطنك يوديك له بدون شعور !

تلقائياً إلى الثلاجة اللي فيها العصيرات ..


(5) هل صحيح مقولة [ الطريق إلى قلب الرجل معدته ] !

لا اااا .. تركوهم عنكم ، لا تصدقونهم ..

الطريق إلى قلب الرجل أذنه اليسرى ..

بل هناك أكثر طريق للوصول إلى قلبه !!


(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !

و الله ما عندي فكرة عن هالسالفة

بس أتوقع أنه في أكثر من طريقة غير المطعم ..


(7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟

طبعاً بما أني ما ارتبط معاهم بأي شيء متعلق بالأكل .. فما أواجه هذا الموقف إلاّ نادراً

لكن غالباً ما يقولون لنا : يلاّ قوموا الأكل جاهز ،، ترى بيبرد ،، و آخرتها حتى السفرة ما فرشوها !!

عاد آنا هنا ما يعجبني الوضع ،، و أمشي زعلان ،، و أتعمد أتأخر عن الأكل ..


(8) وش الأفضل عندك أكل البيت أو أكل المطعم ؟!

أكل البيت بلا منازع ،، و من دون مجاملة ..


(9)تحب تآكل لـ حآلك أو تآكل مع جمآعه مع ذكر السبب ؟؟

مع جماعة ..

السبب ؟؟ ما أدري أحس أشتهي آكل إذا معاي أحد .. بس بشرط تكون بيني و بينه علاقة و طيدة

و إلاّ فالأكل منفرداً أفضل و أفضل ..


(10) إذآ كنت من النآس آللي يحبون الكبسه أي نوع من الكبسه تحب ؟!

ما أعرف الأنواع و الله ..

بس كبسة الدجاج العادية ( البرتقالية ) ،، و لاباس يكون فيها فلفل حااار ..


(11) لو كنت معزوم/ تحب تكون العزيمه مفطح ولآ بوفيه ؟

مع أني ماجربت لا هذا و لا ذاك

إلآّ أني أفضل أنها تكون مفطح ..

لأن البوفيه محتاج تكلّف و عفسة و ما أدري اشلون ؟

و آنا بيني و بينكم واحدٍ أحب أمارس كل شي بعفوية ..


(12) أنت من النآس آللي يحب ياكل بين الوجبآت ؟! إذآ كآنت إجآبتك نعم وش تحب تآكل

إذا أكلت وجبة صجّية .. ما أحب آكل شي بعدها ،،

سوى الأشياء الخفيفة ،، و غالباً تكون شوكولاته أو حلاوة أو علك .. بشرط تكون عقب ما يخف الأكل على قولتنا ..


(13) إذآ كآنت شهيتك مسدوده عن الأكل من تختآر من الاعضاء يآكل معك عشآن تنفتح شهيتك ؟

اممممممم

لازم توهقونا يعني ؟

العضو ::sar103 ::

غصب تشتهي تآكل معاه ..


(15) تـحب تحط شطه بالاكل < هالسؤال مدري كيف انجاب !

اسمع ؟!!

الشطة أهم من كل شيء ،، و لازم تكون حاضرة في كل الأكلات .. حتى الأكلات اللي ما تركب معاها ..


(14) وش الطبخه آللي تضبطها و ودك تعزمنا عليهآ ؟

الله يخلف .. مافي طبخة تذكر

بس بيض مقلي .. و بيض مفيوح ،، و شاي و حليب

و أحياناً أتليقف و أخش عرض و هم يطبخون ،، و أكثر من مرة أضبط الشغلة و أسويها أحسن منهم

و أقعد أزاغرهم عاد بمقولتي المعتادة : صج لو الرجال يلتفتون على الطبخ .. شان مالكم ذكر يالحريم ..

طبعاً هُـم يعصّبون هنا .. و يقولون : فيك خير ،، تعال اطبخ كل يوم ،، أصلاً لو مالحريم شان ماكلتوا ..


( 16 ) أنت من النوع اللي ينـام بعد الوجبـــة << خصوصاً الغدا ..؟

لا والله .. و إذا فيها نومة ،، أخليها بعد ساعتين مثلاً ..


( 17 ) تفضل وجود المـاء مع الوجبــة ؟

أكيد .. بعد يمكن تغص و لا ّ شي ء ..


( 18 ) وجود ( العصير أو اللبن أو البيبسي ) على الوجبة شيء أساسي بالنسبة لك ؟

لا والله أبد .. و لاواحد منهم يحضر كلّش ..



بس خلاص أنعم الله عليكم .. الحمد لله شبعت ،، بقوم أغسل ايديني ..

 

 

[سكون الصمت]

اقتباس ايه ما عليه .. أشوف العمعامة ملحّفة الراس ..

خخخخ ... اي حتى انا شفتك ذاك اليوم لابس عمامه ساده .. << لا تصدق عاد اتخيّل بس

اقتباس (5) هل صحيح مقولة [ الطريق إلى قلب الرجل معدته ] ! لا اااا .. تركوهم عنكم ، لا تصدقونهم .. الطريق إلى قلب الرجل أذنه اليسرى .. بل هناك أكثر طريق للوصول إلى قلبه !!

ليش يعني بالذات اذنه اليسرى ؟؟؟

اقتباس (7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟ طبعاً بما أني ما ارتبط معاهم بأي شيء متعلق بالأكل .. فما أواجه هذا الموقف إلاّ نادراً لكن غالباً ما يقولون لنا : يلاّ قوموا الأكل جاهز ،، ترى بيبرد ،، و آخرتها حتى السفرة ما فرشوها !! عاد آنا هنا ما يعجبني الوضع ،، و أمشي زعلان ،، و أتعمد أتأخر عن الأكل ..

ههههههههههههههه عادي ترى تصير في كل بيت .. احنا كذا بعد مانفرش السفره الا اذا الكل جا لأنهم كذا مايجوا الا بالعين الحمرا ,, واحيانا صج نفرش السفره وانحط الغدا ونبدأبالاكل ونقول ( الجوعان ياكل حصا ) << كلمة جدي الله يرحمه ,, واللي يبي ياكل يدري ان الغدا جاهز ..

اقتباس (8) وش الأفضل عندك أكل البيت أو أكل المطعم ؟! أكل البيت بلا منازع ،، و من دون مجاملة ..

شكلك ما جرّبت بخاري العمران ,, كان غيّرت رايك بدون كلام ,,

اقتباس (15) تـحب تحط شطه بالاكل < هالسؤال مدري كيف انجاب ! اسمع ؟!! الشطة أهم من كل شيء ،، و لازم تكون حاضرة في كل الأكلات .. حتى الأكلات اللي ما تركب معاها ..

يعوووووو << على قولة بنت اخوي ,, يلوّع الكبد شلون تاكلوه ,,

اقتباس (14) وش الطبخه آللي تضبطها و ودك تعزمنا عليهآ ؟ الله يخلف .. مافي طبخة تذكر بس بيض مقلي .. و بيض مفيوح ،، و شاي و حليب و أحياناً أتليقف و أخش عرض و هم يطبخون ،، و أكثر من مرة أضبط الشغلة و أسويها أحسن منهم و أقعد أزاغرهم عاد بمقولتي المعتادة : صج لو الرجال يلتفتون على الطبخ .. شان مالكم ذكر يالحريم .. طبعاً هُـم يعصّبون هنا .. و يقولون : فيك خير ،، تعال اطبخ كل يوم ،، أصلاً لو مالحريم شان ماكلتوا ..

زين منك بعد تعرف بيض مقلي وبيض مفيوح ,, غيرك مايعرف يكسر البيضه ,,


ايــــــــه كثّر منها اساساً لو الرجال يقعدوا يطبخوا من اليوم الى سنه ما بيصير طبخهم مثل الحريم ,, لأن نفس الحريم في الاكل غير شكل على قولتهم ,,


صدقوا اهلك لو مالحريم شان ماكلتوا ,,

اقتباس ( 17 ) تفضل وجود المـاء مع الوجبــة ؟ أكيد .. بعد يمكن تغص و لا ّ شي ء ..

لاااا والله ما اشرب ولا احطه جنبي ,, تصدق عاد يجيني بو فاق وتوقف اللقمه بس اضغط على حلقي << أخيّل نفسي انها بتنزل خخخخ وصحيح تنزل وبدون ماي الماي ماينشرب الا بعد نص ساعه او ساعه من بعد الاكل ..

اقتباس بس خلاص أنعم الله عليكم .. الحمد لله شبعت ،، بقوم أغسل ايديني ..

امممم كأنها تنحيزه ,, يالله ماعليه خيرها بغيرها ...

استمتعنا واااايد واايد على قولة البحرين في بطنك ياخوي

وعليك بألف عافيه




في انتظار بطن جديد شوشو ,,



اجمل التحايا للجميع



,
,
,

 

 

[زهور الريف]

أشكر أخواني القائمين على الموضوع عطر السماء وإشراقة أمل

ويعطيكم العافية


.,.

اقتباس ايه ما عليه .. أشوف العمعامة ملحّفة الراس ..

يؤ يؤ
أثاري أول الغيث راسب في الإملاء !!

وأخيراً صدنا عليه

اقتباس امممممممممممممممممممم لا توجد وجبات " معتدة " تقريباً .. و لا توجد أيضاً وجبة رئيسية لكن الأكل يبدأ من الظهر إلى الليل ،، حيث لا يوجد شيء اسمه وجبة إفطار ،، إلاّ ما شاء ربي طبعاً و الأكل يكون بصورة متقطعة خلال هذه الفترة ،، و بكميات قليلة تقريباً..

يؤيؤ أول الغيث أنتبه على نفسك وأكل ترى تموت بعدين

أقول ليش أول الغيث عصقول


.,.

اقتباس أقدر أقول بأن أكلتي المفضلة هي المجبوس دجاج و الشاورما مع أني ما آكلهم واايد أو بشكل مستمر ..

واااااو شاروما صاروخ من زادي وفيها ثوم لا تقاوم

.,.

اقتباس لا اااا .. تركوهم عنكم ، لا تصدقونهم .. الطريق إلى قلب الرجل أذنه اليسرى .. بل هناك أكثر طريق للوصول إلى قلبه !!

متأكد أول الغيث أنها مو معدته

.,.

اقتباس و الله ما عندي فكرة عن هالسالفة بس أتوقع أنه في أكثر من طريقة غير المطعم ..

أنا عندي فكرة يرضي المرأه السوق والمطعم

.,.

اقتباس (7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟ طبعاً بما أني ما ارتبط معاهم بأي شيء متعلق بالأكل .. فما أواجه هذا الموقف إلاّ نادراً لكن غالباً ما يقولون لنا : يلاّ قوموا الأكل جاهز ،، ترى بيبرد ،، و آخرتها حتى السفرة ما فرشوها !! عاد آنا هنا ما يعجبني الوضع ،، و أمشي زعلان ،، و أتعمد أتأخر عن الأكل ..

أول الغيث تري بطنك مو بطنهم يعني إذا زعلت هم ما عليهم منك بياكلون وبشبعون روحهم بعد وأنت بتم جوعان


.,.

اقتباس بس بيض مقلي .. و بيض مفيوح ،، و شاي و حليب

تصدق أول الغيث أنت أحسن مني عالأقل تعرف تسوي الحليب

اقتباس و أحياناً أتليقف و أخش عرض و هم يطبخون ،، و أكثر من مرة أضبط الشغلة و أسويها أحسن منهم و أقعد أزاغرهم عاد بمقولتي المعتادة : صج لو الرجال يلتفتون على الطبخ .. شان مالكم ذكر يالحريم .. طبعاً هُـم يعصّبون هنا .. و يقولون : فيك خير ،، تعال اطبخ كل يوم ،، أصلاً لو مالحريم شان ماكلتوا ..

بموت من الضحك


أول الغيث عاد اتخيل شكلك في المطبخ تجلس تتطبخ وتزاغر الحريم

.,.

اقتباس بس خلاص أنعم الله عليكم .. الحمد لله شبعت ،، بقوم أغسل ايديني ..

أجل صحه وعافية

 

 

[إشراقة أمل]

.
.


أول الغيث ..

عليك غرااااااااامة ..


وين



في بدايـة مشاركتك .. ونهايتهـا ..؟

ما تدرون إنه واجب على المستضاف .. إنه يحط هذي في البداية والنهاية ..؟

وإلا أجيب لكم عسل الحيـاة يعلمكم ..؟ << أحلى .. مسويه معصبــة ..!

والله مسكين الرجـال .. تعبان عليهم .. ومكشخهم .. ولا أحد يلتزم فيهم ..!

<<< خلاص أنـا ضبطتهم في مشـاركتك
.

اقتباس السلام عليكم ورحمة الله و بركاته

وعليكم السلام ورحمة الله وبركـاته ..

.

اقتباس أولاً أشكر الأخت إشراقة أمل على هذه الإستضافة الجميلة ، و إتاحة الفرصة للقاء بكم

ولووو خيوو .. ما نبي شكــر .. بس نبي متابعــة

.

اقتباس و لو الود ودّي .. شان علقت على كل ضيف و بطن

والله يا ليت ألقى هالشي .. << ما أحد انكسر خـاطره ..؟!

بس الحين عرفت .. ولاحظت ..

الأعضاء على حسب العضو المستضـاف .. تشوفهم يلطلطلون على الموضوع ..

أعجبهم العضو .. تفاعلوا معه ومع بطنه أو جواله .. أو غرفته .. هذا إذا دروا عن الموضوع من أساس ..

وإذا ما أعجبهم .. عطوه الأذن الصمخة << الحين وش جاب الأذن ..!

.

اقتباس ايه ما عليه .. أشوف العمعامة ملحّفة الراس ..

ايه والله . وأنا ما أصادفك .. إلا وأشوف العمعامة قبلك

هذا دليل إنك فعلاً آيـة عظمى .. مو صغرى ولا أي كلام

.

اقتباس (1) كم وجبه تآكل بـ اليوم ! امممممممممممممممممممم لا توجد وجبات " معتدة " تقريباً .. و لا توجد أيضاً وجبة رئيسية لكن الأكل يبدأ من الظهر إلى الليل ،، حيث لا يوجد شيء اسمه وجبة إفطار ،، إلاّ ما شاء ربي طبعاً

أول الغيث .. ما هقيتهـا تجي منك ..

وهذا أنت الفاهم .. العاجل << كلمة شيّاب ..

تعرف وين مصلحتك و ايش المفيد لك ..

تفوّت اهم وجبـة من الوجبات كلهـا ..!

سبحـان الله !

.

اقتباس (2) وش وجبتك المفضله [آللي مآ تقدر تستغنى عنهآ ] أقدر أقول بأن أكلتي المفضلة هي المجبوس دجاج و الشاورما مع أني ما آكلهم واايد أو بشكل مستمر ..

أي شاورمـا تحب ..

شاورمـا المطـاعم .. وإلا البيت ..؟

<<< لا تنسى تطرّش لهـا وحدة إذا جاتك الفرصة تاكل

.

اقتباس (4) أول مآ تدخل السوبر مآركت أي قسـم تشوف بطنك يوديك له بدون شعور ! تلقائياً إلى الثلاجة اللي فيها العصيرات ..

انتبه .. تراك قلت عصيرات مو .. البيب ..!

<< لا احد يفهم البيب خطأ !

.

اقتباس (5) هل صحيح مقولة [ الطريق إلى قلب الرجل معدته ] ! لا اااا .. تركوهم عنكم ، لا تصدقونهم .. الطريق إلى قلب الرجل أذنه اليسرى .. بل هناك أكثر طريق للوصول إلى قلبه !!

أمـا عاد اذنه اليسرى .. في هذي أنـا معك ..

واسأل مجرب ولا تسأل طبيب ..

بس في نفس الوقت .. الطريق إلى قلبه .. وقوفك بجـانبه في أحلك ظروفه ..

<< أهم شيء عند الرجـل .. إنك تقدره وتقدر ظروفـه ..!

>> أحد يسعفنـا من الجنس آدم .. و يصحح لنا اللي خبصته شوشو ..!

.

اقتباس (6) مآ رأيك في قول [ إذآ بغيت الحرمه ترضى عليك ودهآ لـ المطعم ] ! و الله ما عندي فكرة عن هالسالفة بس أتوقع أنه في أكثر من طريقة غير المطعم ..

لا ما عليك منهم .. لا تصدقهم ..

إذا زعلت منك .. أخبرك إنك خبير في ذي االسوالف ..

يعني لا توديها مطعم ولا شي .. وبطريقتك الخاصة تقدر ترضيهـا

<< وتراني بسألها بعدين >> ضبطت لك السالفة شرقووه ..!

.

اقتباس (7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟ طبعاً بما أني ما ارتبط معاهم بأي شيء متعلق بالأكل .. فما أواجه هذا الموقف إلاّ نادراً لكن غالباً ما يقولون لنا : يلاّ قوموا الأكل جاهز ،، ترى بيبرد ،، و آخرتها حتى السفرة ما فرشوها !! عاد آنا هنا ما يعجبني الوضع ،، و أمشي زعلان ،، و أتعمد أتأخر عن الأكل ..

يؤ يؤ .. ما أتخيلك زعلان ..!

تكفى .. مثّل دور الزعل .. و حط المقطع في المنتدى

<<< اشراقة رددي يا ليل ما أطولك ..!

.

اقتباس (10) إذآ كنت من النآس آللي يحبون الكبسه أي نوع من الكبسه تحب ؟! ما أعرف الأنواع و الله .. بس كبسة الدجاج العادية ( البرتقالية ) ،، و لاباس يكون فيها فلفل حااار ..

عاد الكبسـة .. والمكرونة .. فيها علوووب .. وخّر عنهـم

ما يجي شي بمستواهم

.

اقتباس (13) إذآ كآنت شهيتك مسدوده عن الأكل من تختآر من الاعضاء يآكل معك عشآن تنفتح شهيتك ؟ اممممممم لازم توهقونا يعني ؟ العضو ::sar103 :: غصب تشتهي تآكل معاه ..

يؤ يؤ .. ما علمتنـا عليـه هذا ..

من يطلع بعد ..؟!

على فكرة ..

خبّر صاحبك ذا ..

يجي يزور الموضوع بعد كم استضافة ..

لأنه بيكون دوره

.

اقتباس (14) وش الطبخه آللي تضبطها و ودك تعزمنا عليهآ ؟ الله يخلف .. مافي طبخة تذكر بس بيض مقلي .. و بيض مفيوح ،، و شاي و حليب و أحياناً أتليقف و أخش عرض و هم يطبخون ،، و أكثر من مرة أضبط الشغلة و أسويها أحسن منهم

انت اعزمنـا على بيض مفيوح ( مسلوق ) .. واحنا بنحمد الله وبنشكره ..

.

اقتباس (15) تـحب تحط شطه بالاكل < هالسؤال مدري كيف انجاب ! اسمع ؟!! الشطة أهم من كل شيء ،، و لازم تكون حاضرة في كل الأكلات .. حتى الأكلات اللي ما تركب معاها ..

أتخيل نفسي في مطعم ..

الشطـة متواجدة في كل مكان وزمـان .. حاضرة دائماً وأبداً ..

يصلح ما يصلح .. موجودة

.

اقتباس ( 17 ) تفضل وجود المـاء مع الوجبــة ؟ أكيد .. بعد يمكن تغص و لا ّ شي ء ..

كل شوي شوي .. وما تغص ان شاء الله ..

.

اقتباس ( 18 ) وجود ( العصير أو اللبن أو البيبسي ) على الوجبة شيء أساسي بالنسبة لك ؟ لا والله أبد .. و لاواحد منهم يحضر كلّش ..

في العزايم تتواجد بث ..!

.

اقتباس بس خلاص أنعم الله عليكم .. الحمد لله شبعت ،، بقوم أغسل ايديني ..

اصبر تعاال .. لا تقوم

ما أكلت البرتقــالة ..!

<< كلام راعي العزيمـة في العزايم

.


بس ما قلت لنـا ..

كم مقاس بطنك ..؟!

.

على فكرة ..

عليك غرامـة ثانية ..

لأنك قدمت سؤال 15 على سؤال 14

.
.

 

 

[مثالية]

اقتباس الأعضاء على حسب العضو المستضـاف .. تشوفهم يلطلطلون على الموضوع .. أعجبهم العضو .. تفاعلوا معه ومع بطنه أو جواله .. أو غرفته .. هذا إذا دروا عن الموضوع من أساس

بعد شنسوي بصراحه جايه لاني من زمان ماضحكت وعارفه اول الغيث بيرسم الضحكه وبيطلع
تحملي ياآشراقه .. عساج على القوه ..

اقتباس 3) أنت من النـآس آللي يتغلقون إذا جآعوا ؟ لا اشدعوة !! كله واحد ..

ماشاء الله عليك مسالم انا مالي خلق احد يكلمنى لاقبل ولابعد

(

اقتباس 14) وش الطبخه آللي تضبطها و ودك تعزمنا عليهآ ؟ الله يخلف .. مافي طبخة تذكر بس بيض مقلي .. و بيض مفيوح ،، و شاي و حليب

عاااد طبخاتك ذكرتني بـ بوفيه حمود بعد يمكن البوفيه اصرف منك فيه خيارات ثانيه كبده / لحم مفروم

القائمين على الموضوع / الف شكر لكم

 

 

[أول الغيث]

اقتباس ليش يعني بالذات اذنه اليسرى ؟؟؟

طبعاً هم يقولون ،، و آنا مقتنع بحشيهم ..

بأن الأذن اليسرى هي المدخل إلى الجانب العاطفى للمخ ،، فلذلك تشوف الرجل يتأثرأكثر بالكلام اللي يسمعه من أذنه اليسرى ..

اقتباس شكلك ما جرّبت بخاري العمران ,, كان غيّرت رايك بدون كلام ,,

أخاف بس مطابخ العمران ؟! ..

اقتباس يعوووووو << على قولة بنت اخوي ,, يلوّع الكبد شلون تاكلوه ,,

صج اللي ما يعرف الصقر يقليه !!

اقتباس زين منك بعد تعرف بيض مقلي وبيض مفيوح ,, غيرك مايعرف يكسر البيضه ,,

صحيح كلامش .. وينطبق بصورة أكبر على بنات هالأيام ..

<<< مشتهي ينطقّ الظاهر !!

اقتباس ايــــــــه كثّر منها اساساً لو الرجال يقعدوا يطبخوا من اليوم الى سنه ما بيصير طبخهم مثل الحريم ,, لأن نفس الحريم في الاكل غير شكل على قولتهم ,,صدقوا اهلك لو مالحريم شان ماكلتوا ,,

أقول .. الله كثّر من الحريم اللي يتصلون بالشيف رمزي و غيره ..

اقتباس امممم كأنها تنحيزه ,, يالله ماعليه خيرها بغيرها ... استمتعنا واااايد واايد على قولة البحرين في بطنك ياخوي وعليك بألف عافيه

اشتنحيزة بعد ؟

الله يعافيكم و ماقصرتوا ،، تبلغون في الصغار إن شاء الله ..

<< اشدخل هذا في ذاك ..

اقتباس أثاري أول الغيث راسب في الإملاء !! وأخيراً صدنا عليه

إنا لله .. الاّ يبون يتصيّدون علَي شي !!

اها يلاّ وينها الكلمة ؟!

اقتباس واااااو شاروما صاروخ من زادي وفيها ثوم لا تقاوم

نعم بالضبط مثل ما قلتي ..

بس عيبهم الوحيد .. الخبز حقهم " عـص " ..

اقتباس متأكد أول الغيث أنها مو معدته

ايه اشلون أجل ؟

بس يمكن اللي همّه بطنه .. يكون الطريق لقلبه معدته ..

اقتباس أنا عندي فكرة يرضي المرأه السوق والمطعم

يعني بمعنى آخر .. " الخــســايــر " !!

اقتباس أول الغيث .. عليك غرااااااااامة .. وين في بدايـة مشاركتك .. ونهايتهـا ..؟ ما تدرون إنه واجب على المستضاف .. إنه يحط هذي في البداية والنهاية ..؟

مسامحة عااد ..

مادريت الصراحة ..

اقتباس أول الغيث .. ما هقيتهـا تجي منك .. وهذا أنت الفاهم .. العاجل << كلمة شيّاب .. تعرف وين مصلحتك و ايش المفيد لك .. تفوّت اهم وجبـة من الوجبات كلهـا ..! سبحـان الله !

شنسوي بعد ؟

هذا حـال الدنيا ..

بس الحمد لله كل شيء ماشي معاي تمام ،،

اقتباس أي شاورمـا تحب .. شاورمـا المطـاعم .. وإلا البيت ..؟

المطاعم ،،

لأن مالت البيت ما تجي مثل المطاعم و ما تصفّها ..

اقتباس <<< لا تنسى تطرّش لهـا وحدة إذا جاتك الفرصة تاكل

عادية و لاّ صاروخ ؟

اقتباس انتبه .. تراك قلت عصيرات مو .. البيب ..! << لا احد يفهم البيب خطأ !

لا خلاص .. البيب مطلّقينه من زمان ..

اقتباس أمـا عاد اذنه اليسرى .. في هذي أنـا معك .. واسأل مجرب ولا تسأل طبيب ..

يعني ظني في محله ..

اقتباس بس في نفس الوقت .. الطريق إلى قلبه .. وقوفك بجـانبه في أحلك ظروفه .. << أهم شيء عند الرجـل .. إنك تقدره وتقدر ظروفـه ..! >> أحد يسعفنـا من الجنس آدم .. و يصحح لنا اللي خبصته شوشو ..!

وينكم ياللي في المجتمع تعالوووا؟

اقتباس عاد الكبسـة .. والمكرونة .. فيها علوووب .. وخّر عنهـم ما يجي شي بمستواهم

ليتهم يسمعون و يعرفون عاد !!

اقتباس العضو ::sar103 :: غصب تشتهي تآكل معاه .. يؤ يؤ .. ما علمتنـا عليـه هذا .. من يطلع بعد ..؟! على فكرة .. خبّر صاحبك ذا .. يجي يزور الموضوع بعد كم استضافة .. لأنه بيكون دوره

هذا ذهب و لن يعد

لذلك لا تحسبون عليه كلّش ..

اقتباس انت اعزمنـا على بيض مفيوح ( مسلوق ) .. واحنا بنحمد الله وبنشكره ..

خلاص تم .. بس أي شندويش تبون ؟

الجمعان ولاّ الأسيوية ؟

اقتباس اصبر تعاال .. لا تقوم ما أكلت البرتقــالة ..! << كلام راعي العزيمـة في العزايم

صحيح هذي دايماً تصير ..

بس آنا أقول البرتقالة عبارة عن وجبة بحالها ،، فإما آكلها بروحها و لاّ مالازم

لأنها تترس البطن ،، و تخليك تشعر بالتخمة و الضيق و العفسة ..

اقتباس بس ما قلت لنـا .. كم مقاس بطنك ..؟!

ماعندي فكرة والله

بس حسبوا على بدلة " ولاّدي " رقم 38 .. و المقاس عليكم عاد ..

اقتباس على فكرة .. عليك غرامـة ثانية .. لأنك قدمت سؤال 15 على سؤال 14

يا الله !! هذولا ما يتحشون إلاّ بلغة الفلوس !!

اقتباس بعد شنسوي بصراحه جايه لاني من زمان ماضحكت وعارفه اول الغيث بيرسم الضحكه وبيطلع تحملي ياآشراقه .. عساج على القوه ..

احم احم .. شكرا شكرا .. ما تقصرين أختي مثالية

<< لا تصدّق روحك وايد عاد ..

اقتباس ماشاء الله عليك مسالم انا مالي خلق احد يكلمنى لاقبل ولابعد

أوففف .. تخوّفون أجل ؟

اقتباس عاااد طبخاتك ذكرتني بـ بوفيه حمود بعد يمكن البوفيه اصرف منك فيه خيارات ثانيه كبده / لحم مفروم

أهم شيء النظافة ..

<<< يبي يضيّع السالفة ..

 

 

[ليت للقلب عين]

اقتباس بس آنا أقول البرتقالة عبارة عن وجبة بحالها ،، فإما آكلها بروحها و لاّ مالازم لأنها تترس البطن ،، و تخليك تشعر بالتخمة و الضيق و العفسة ..

اول الغيث والله ما عندك سالفه ..

برتقاله تشبعك اجل شرايك انا اليوم الصباح الساعه 4 اكلت برتقالتين ولا كأني اكلت شي..

نص ساعه ورحت فطرت شباتي بالدجاج بعد .. ومع ذلك ما شبعت هههههه بس يخوك الى الآن مو مشتهي آكل شي

كثرنا الظاهر ..


تحياتي اول الغيث

 

 

[عزف الدموع]

اقتباس بس آنا أقول البرتقالة عبارة عن وجبة بحالها ،، فإما آكلها بروحها و لاّ مالازم لأنها تترس البطن ،، و تخليك تشعر بالتخمة و الضيق و العفسة ..

صدقت أول الغيث ........بس على حسب يعني أوقات وأوقات ..

امس صاحبي ..

يقولي انت ماتصلح حق اكل!؟!

اقوله ليش

يقول لانك ماتعرف تاكل ؟؟ افااااااااااااااااا عجييييييييب

يقول بسرعة تشبع وماتاكل واااايد انا ابي واحد ياكل مثلي اللي آكله ياكله حتى لو تيس متييين !!

اقوووله شسوي معدتي معدة طير

مااقدر أكل وااايد ,,,,

ولا في فايدة موعاجبه (عزززف الدموع) من ناحية الأكل خير شر

اقتباس و أحياناً أتليقف و أخش عرض و هم يطبخون ،، و أكثر من مرة أضبط الشغلة و أسويها أحسن منهم و أقعد أزاغرهم عاد بمقولتي المعتادة : صج لو الرجال يلتفتون على الطبخ .. شان مالكم ذكر يالحريم .. طبعاً هُـم يعصّبون هنا .. و يقولون : فيك خير ،، تعال اطبخ كل يوم ،، أصلاً لو مالحريم شان ماكلتوا ..

اول الغيث

معناها طبيييخ اثاريك ,,, ذوقنا طبختك أجل ...خلنا نشوووف >>>> توهقققق الأستاذ

يقولون تعااال اطبخ !!

بس اذا جيييت قالوا يلاااا ورنا عرض اكتافك واطلع بره ,,, ماعندنا رياييل يطبخووون >>>>> لهدرجه طايحين من عييينكم أحنا

اقتباس ما أدري أحس أشتهي آكل إذا معاي أحد .. بس بشرط تكون بيني و بينه علاقة و طيدة و إلاّ فالأكل منفرداً أفضل و أفضل ..

صحيح .. كلامك ,,, انا بعد كذا ماآخذ راحتي لازم يكون مُقرب مني ولا بلاها

اقتباس لكن غالباً ما يقولون لنا : يلاّ قوموا الأكل جاهز ،، ترى بيبرد ،، و آخرتها حتى السفرة ما فرشوها !! عاد آنا هنا ما يعجبني الوضع ،، و أمشي زعلان ،، و أتعمد أتأخر عن الأكل ..

يووو اثر كل البيوت زي بعض

صحيح فيهم هالطبيعة .. تعال وزقاع والهذرة شوف لوين واصلة

ولاجيت ماتشوف شي توهم بيحطون

واذا انت جيت ؟؟ غيرك توه بيغسل وتوه بيحك راسه واقعد عاد !؟!

 

 

[إشراقة أمل]

نعود إليكم من جديد ..

بضيفــــة جديدة ..

ورحلة استكشـافية جديدة في بطن جديد

.

ضيفتنـا هي ..

|[ مثـــالية ]|

وإذا عندهـا اختبارات وما تقدر تحضر الحين ..

ننتظرهـا لين تخلص اختباراتهـا وتجي تكشف لنا معدتهـا

.

في الانتظـار ..

 

 

[طلة قمـر ..!]

رحلات في بطون الناس .

إشراقة وانتي حق اللقافه .. قلنا لقافه بس مب لها الدرجه اوصلت تفتشين البطون .. الله يهديك ..

إشـراقة امل / اختي ..

دمتِ متميـزه . بمواضيعك ,

 

 

[مثالية]

اقتباس ضيفتنـا هي .. |[ مثـــالية ]| وإذا عندهـا اختبارات وما تقدر تحضر الحين .. ننتظرهـا لين تخلص اختباراتهـا وتجي تكشف لنا معدتهـا

لااختبارات ولاهم يحزنون بس جايه باالطريق

اول ماالقى فرصه راح افرد بطني

يعطيكم العافيه

 

 

[إشراقة أمل]

اقتباس المشاركة الأصلية كتبت بواسطة طلة قمـر ..! رحلات في بطون الناس . إشراقة وانتي حق اللقافه .. قلنا لقافه بس مب لها الدرجه اوصلت تفتشين البطون .. الله يهديك .. إشـراقة امل / اختي .. دمتِ متميـزه . بمواضيعك ,

ههههه

وأنـا ما يشفي غليلي إلا التفتيش في الأماكن اللي ما تنتفتش .. ههههه

وبمـا إن طلتك قمر .. يا قمر ..

أبشري بعزكـ ..

أنتظري دوركـ قريباً جداً

.

سعدتُ بالإطلالـــة ..

دمتِ بود

.
.

 

 

[إشراقة أمل]

اقتباس المشاركة الأصلية كتبت بواسطة مثالية لااختبارات ولاهم يحزنون بس جايه باالطريق اول ماالقى فرصه راح افرد بطني يعطيكم العافيه

.

الحمد لله إن ما عندكـ اختبارات ..

بع ـد تعقدنـا من هالاختبـارات ..

والكل مختفي .. بسبب هالاختبارات ..!

.

في انتظـاركـ ..

بس لا يطول موعد عودتك

.
.

 

 

[مثالية]

السلام علاكم
السالفه فيها اكل اول ناس تلقونا

(1) كم وجبه تآكل بـ اليوم !

من 3 الى 4 وجبات باليوم

(2) وش وجبتك المفضله [آللي مآ تقدر تستغنى عنهآ ]
الرز مثل الكبسة وبعض انواع المكرونه

(3) أنت من النـآس آللي يتغلقون إذا جآعوا ؟

بدون شئ مالي خلق اكلم احد دون جوعانه

(4) أول مآ تدخل السوبر مآركت أي قسـم تشوف بطنك يوديك له بدون شعور !

قسم الشوكلت والآيس كريم

(5) هل صحيح مقولة [ الطريق إلى قلب الرجل معدته ] !
ممكن تنفع مع بعض الرجال وبعضهم لا

(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !
مش الكل

(7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟

عادي اي شئ نعبر فيه

(8) وش الأفضل عندك أكل البيت أو أكل المطعم ؟!
البيت طبعاُ

(9)تحب تآكل لـ حآلك أو تآكل مع جمآعه مع ذكر السبب ؟؟

لا مع جماعه احلى وكل مشروك مبروك

(10) إذآ كنت من النآس آللي يحبون الكبسه أي نوع من الكبسه تحب ؟!

الكبسه الحمرا ومع الباذنجان
(11) لو كنت معزوم/ تحب تكون العزيمه مفطح ولآ بوفيه ؟
بوفيه اصرف

(12) أنت من النآس آللي يحب ياكل بين الوجبآت ؟! إذآ كآنت إجآبتك نعم وش تحب تآكل

ايه والاغلب المكسرات والبطاطا واي شئ يندرج تحتهم

(13) إذآ كآنت شهيتك مسدوده عن الأكل من تختآر من الاعضاء يآكل معك عشآن تنفتح شهيتك ؟

زهورالريف بس اخاف مالحق على شئ

(15) تـحب تحط شطه بالاكل < هالسؤال مدري كيف انجاب !

ايوا بس الافضل الفلل الحار اذا وجد

(14) وش الطبخه آللي تضبطها و ودك تعزمنا عليهآ ؟

في طبخات كثير اضبطها بس اكثرها الموالح

( 16 ) أنت من النوع اللي ينـام بعد الوجبـــة << خصوصاً الغدا ..؟
بعض الاحيان نأخذ غفوه

( 17 ) تفضل وجود المـاء مع الوجبــة ؟

لا ماافضل على مااخبر يخفف من عمل العصارة المعديه

( 18 ) وجود ( العصير أو اللبن أو البيبسي ) على الوجبة شيء أساسي بالنسبة لك ؟
اللبن ممكن بيبسي لا

آجمل تحيه اتمنى ان يروق التجول في بطني

 

 

[طلة قمـر ..!]

اقتباس من 3 الى 4 وجبات باليوم

ماشاء الله .. بالعافيه .

اقتباس زهورالريف بس اخاف مالحق على شئ

صدقتي .. للمعلوميه .. ترى ولا شي بتاكلينه اذا معك زهور

مثاليه / غاليتي . جولة استمتعنا بها حول بطنك .

 

 

[إشراقة أمل]

اقتباس السلام علاكم

وعلاكم السلام ورحمة الله وبركاته ..

بس بسأل .. هي السلام ( عليكم ) وإلا ( علاكم ) ..؟

.

اقتباس (3) أنت من النـآس آللي يتغلقون إذا جآعوا ؟ بدون شئ مالي خلق اكلم احد دون جوعانه

شدعوووى يا حافظ ..

كلش يعني ما أحد يمر من جنبك ..؟

.

رحلــة ممتازة عزيزتي ..

بس نبي العزيمـة .. مو توطفينهـــا ..

.

شكراً لكِ ..

.
.

 

 

[زهور الريف]

اقتباس زهورالريف بس اخاف مالحق على شئ

إلحين أنا صرت ملهوفه يا المثالية ؟؟
الله يسامحك ..

بطنك غير عن الكل

.,.

اقتباس صدقتي .. للمعلوميه .. ترى ولا شي بتاكلينه اذا معك زهور

أيه أحسن ..

 

 

[مثالية]

طلة قمر/ هلابطلتك ياقمر
<< متشكره اووي على حضورك

إشراقة أمل

اقتباس وعلاكم السلام ورحمة الله وبركاته ..

اقتباس بس بسأل .. هي السلام ( عليكم ) وإلا ( علاكم ) ..؟ .

علاكم بس ماادري من وين جبتها

شاكرة لك طيب الحضور

زهور الريف /
بعد هذا الحقيقه بس لاتزعلين المره الجايه ماباكل معاش
يعطيك العافية