للحيارى .. مشكلتك لها حل ...... هنا استشر من دون احد يعرفك

[وردة الأحلام]

بسم الله الرحمن الرحيم


اللهم صل على محمد وآل محمد


ملاحــظة مهمـــة اتمنى الإلتزام بها


اسم العضوية أين الحل نرجوا عدم استخدامه في غير هذا الموضوع







فقبل نصف ساعة تقريباً أحدهم تلاعب بكلمة المرور للاسم






والحمدلله تم تعديلها

 

 

[أين الحل؟؟]

اقتباس المشاركة الأصلية كتبت بواسطة وردة الأحلام أختي أبغي اسـألك أنتي شلون دريتي إنه يمارسه.....؟؟ يعني شفتيه بعيونك أو بس شاكة في الأمر...؟؟يعني شنو الشيء الدال على هذا..؟؟ وقولي لي زوجك مارسه مع طفل....؟؟ولا ولد بالغ.....؟؟ولا رجال بنفس عمره....؟؟ يعني إذا صار طفل هذي مصيبة كبيرة لأنه راح يأثر على الولد وعلى حياته وعلى مستقبله في الزواج وهذا الولد إذا كبر راح يسوي هذا الشيء في واحد ثاني مثل ما صار له،’ أما إذا مارسه مع رجال من عمره هذي عاد أكبر مصيبة،’ يعني إذا تميتي مدة أطول من كذا راح تصير أكبر مصيبة وبيتمادى وبيسويها مع أكثر من واحد،’

والله انا شفت محادثاته على المسنجر .... والدليل اذا جاله رجال يقفل عليهم الباب والعاده ان المرأه هي اللي تقفل الباب مو الرجال ... وعندي ادله عليه ...


مدري في مختلف الاعمار على حسب اللي قريته في محادثاته



ادري انها مصيبه اذا سكتت
بس شنو اسوي مو بيدي حيله
ولاني سألت سيد بالرسايل طبعا وقالي اني احاول من بعد الله اهديه


واحاول ازيد جرعة الحنان له شوي عشان ما تزيد حالته


والله ماادري انا حاليا افكر في الطلاق لاني تعبت حالي كل ما جاله واردى
تعبت ماادري شسوي وامه زايده جرعة التدخل في حياتي شوي بعد

يالله الله ياخذ حقي ان شاء الله


في حفظ الرحمن

 

 

[وردة الأحلام]

اقتباس والله انا شفت محادثاته على المسنجر .... والدليل اذا جاله رجال يقفل عليهم الباب والعاده ان المرأه هي اللي تقفل الباب مو الرجال ... وعندي ادله عليه ...

إن شاء الله يكون شكك مش في مكانه،’




يعني إلى الآن أنا ما شفت شيء يدل على ممارسته للواط،’







لكن يمكن الادلة اللي عندك ولا ذكرتيها تكون كافية لإثبات الجريمة،’

اقتباس ادري انها مصيبه اذا سكتت بس شنو اسوي مو بيدي حيله ولاني سألت سيد بالرسايل طبعا وقالي اني احاول من بعد الله اهديه

لازم تصبرين أكثر وأكثر،’

وإنك التجأتي لسيد وشيخ هذي خطوة حسنة وحل صائب،

اقتباس والله ماادري انا حاليا افكر في الطلاق لاني تعبت حالي كل ما جاله واردى تعبت ماادري شسوي وامه زايده جرعة التدخل في حياتي شوي بعد

لا لا لا إلا الطلاق لا تفكرين فيه،


بعدي فكرة الطلاق عنك،


وكل مشكلة ولها حل’وهذي المشكلة بتنحل اشوي اشوي بس يبغى لها شوية صبر وتأني


يعني لا تستعجلين وتفكرين في الطلاق , الخطأ ما يتصلح بخطأ


ولا تهدمين حياتك ومستقبلك علشان مشكلة بإمكانها تنحل و تتصلح،

اقتباس يالله الله ياخذ حقي ان شاء الله

كثري من الدعاء والصلوات والتسبيحات وإن شاء الله مشكلتك بتنحل،’




تحيتي،’

 

 

[سكون الصمت]

وانا أؤيد كلام اختي وردة الاحلام




الصبر مفتاح الفرج ياختي



سلام

 

 

[الرايق]

عفوا لتدخل

الاخت صاحبه المشكله الصعبه (الله لايبلينا ويفك زوجك منها )

صراحه حسيت من خلال مشكلتك انك تحبين زوجك والدليل انك تبحثين عن حل ***** مسوي فيها شاطر


بس المشكله الاساسيه تخص امه كما اعتقد وليس المشكله الاساسيه شكوكك التي يمكن ان تكون ليس في محلها

زين اختي ليش ما حاولتي تواجهينها بهذا الكلاموتبينين له انك من خلال تصرفاته تشكين انه يشتكي من حالة شذوذ


انا يمكن ما عندي الحل الكافي والوافي بس الحل يبدا من عندك اذا واجهتي زوجك وتحثتي بكل ما يخص مشكلتك الاساسه يمكن فيه مشاكل ثانويه جعلت الرجل يسوي هذا التصرفاة الي انتي تتوقعينها لواط

واجهيه وتكلمي معه
يعني قولي يا حبيبي انا ودي افتح لك موضوع تاعبني واجد وادري بيضايقك اليوم بس بنرتاح اذا حليناه دوم بسم الله وفتحي الموضوع وانشالله تعطينا النتائج


الله يعينك ولا تخيلت ان فيه مشاكل في مجتمعنا المحافظ من هذا النوع الفضيع الله يستر علينا وعلى من يدور الستر

 

 

[جناح الملائكة]

مشكلة يندى لها الجبين وحل المشكلة هو أن ليس من المفروض عليه هو شخصياً أن يذاكر لهذا الشخص في حال أن بيته سوف يهدم بسبب هذه المشكلة ، توفير الأجواء العاطفية والرومنسية عند الخلود إلى الفراش قد يغير من الأمر شيئاً .

وهذا بصراحة مرض يصيب البعض من الناس وهو ( مرض الشذوذ ) وقد يكون ناشئ عند الصغر ( البلوغ ) فاستمراره يعني تمكن القلب من ملكته فإذا اصبح ملكة يكون فيها نوع الصعوبة في التغير ولكن لو رأيتي بعينك هذا الوضع ( متلبس ) فما عليك إلا أن يحضر شخص من أهلك وشخص من أهله بشرط أن يكونوا حكماء في التعامل في المشكلة .

أتمنى لك حياة سعيدة وناجحة .

 

 

[الرايق]

يا جماعه الربع مشاكلكم
لها حل
اكتبوا مشاكلكم علشان يستفيد الجميع بالحلول