|
|
|
28-11-2009, 02:47 PM
|
رقم المشاركة : 61 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
الجانب الثاني
|
|
|
|
28-11-2009, 02:50 PM
|
رقم المشاركة : 62 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
تتمة الجزء
المستشفى غرفة محمد صلاح كنت توني واصل من الكليه بعد ماقدمت اخر امتحان وطبعا دراستي حقه خرابيط .. كنت عارف اني مراح انجح بهالسمستر .. لكن يعلم الله اني تغيرت .. مو لازم انجح بالكورس.. المهم انجح بارادتي واترك حياتي القديمه .. طيحه محمد علمتني اشيا وايده .. حسستني بقيمة الفلوس اللي قاعد العب فيها .. قيمه الهدف اللي كنا نبيه .. وقيمه حياتي من غير اهداف .. كنت قاعد يم حمود بالكرسي وانا اشوفه وهو للحين ماصحى من الغيبوبه .. افكر بحياته شلون بتكون وشلون بيكملها .. وانا بسرحاني هذا رفعت عيني على صوت باب الغرفه ينفتح .. وشفت علي .. اخو محمد وصل من يومين .. واتفقنا مانعلم اهل محمد بشي لان امه فيه القلب وابوه تعبان اكيد مراح يتحملون يشوفونه جذيه .. فقلنا نطمن عليه وتالي يصير خير .. قمت من كرسيي ورحت صوبه .. صلاح : ها علي .. بشرني ؟؟؟ علي : شقول ياصلاح .. الدكتور يقول مااقدر اعلمك بشي لما يصحى من الغيبوبه .. وان صحى .. فراح تكون نسبة الشلل 80 بالمية .. اااخ ياصلاح .. ماني قادر اتحمل اشوفه جذيه .. قلبي يتقطع عليه .. صلاح : تماسك يااخوي .. وخلك اقوى من جذيه .. احنا مابيدنا غير ندعيله .. وتأكد اني بتم معاه هني على طول .. الله يقومه بالسلامه يارب .. وكل شي بيد الله .. علي : والنعم بالله .. ها .. بشرني شسويت بامتحانك ؟ صلاح : نمشي الحال يامعود .. انا كلمت الدكاتره وان شالله خير علي : ان شالله .. انت رد البيت ارتاح .. وانا بتم هني صلاح : وين ارد .. انت اللي روح ارتاح توك ياي من السفر تعبان وانا بتم يمه واي شي يصير بكلمك .. علي : لا ياصلاــ ــ صلاح : لاتكمل .. وجودك هني ماينفعه بشي .. خلنا نسوي شفتات .. الصبح لما اكون بالدوان تقعد انت عنده .. ولما ايي انا .. اقعد عنده .. والليل نتم يميع .. راضي ؟؟ علي بابتسامه : ياهنياله محمد فيك .. الله لا يحرمكم من بعض .. زين عيل .. انا بمشي .. وعلى طول كلمني وقولي شللي يصير معاك .. صلاح : صار .. الله ويك وبنفس الوقت .. رن تلفوني صلاح : هلا يوسف يوسف : هلا فيك حبيبي .. ها بشرني .. شلون حمود الحين ؟؟ صحى ؟ التفت على محمد بنظرة خاطفه محبوس فيها الالم : لا والله .. للحين ماصحى .. يوسف : لا حول ولا قوة الا بالله .. وشقالوا الدكاترة ؟ صلاح : مايقدرون يقولون شي الا بعد مايصحى .. ربك كريم يامعود .. يوسف : الله يقومه بالسلامه .. انا بس حبيت اخبرك ان الشباب وباجي الطلبه يبون يزورونه باجر اذا مسموحه الزيارة ؟ صلاح : أي زيارة يوسف ؟ اهوا مايحس شي ! يوسف : ومن قالك مايحس ولا يدري ؟؟؟ .. ياصلاح وجودنا يمه اكبر دافع له .. احساسه اكبر من أي مرض .. صدقني ياصلاح . .اهوا اكيد يحس فينا .. ويمكن يسمعنا ويحس بكل اللي نبي نقوله .. وهذا اكبر دافع لانه يصحى حسيت اني اقتنعت بكلام يوسف نوعا ما .. وقلتله صلاح : خلاص مثل ماتبون .. بس تعالوا مبجر .. لأن الزيارة مدتها ربع ساعه بس هني في الجناح .. يوسف : على خير ان شالله .. الله يشفيه ويعافيه .. تامرني بشي بوصلوح ؟ صلاح : سلامتك .. الله معاك يوسف : مع السلامه .. سكرت من يوسف وحطيت راسي على السيت .. كنت احس بدوار وارهاق مو طبيعي .. رفعت راسي وشفت ساعتي لقيته اذن العصر .. قمت وتوضيت وفرشت السيادة وصليت .. ودعييييت ودعييييييييت ان ربي يقوم محمد بالسلامه يارب .. ياكريم .. يااكرم الاكرمين يامن يسمع المضطر اذا دعاه ويكشف السوء اكشف السوء عن محمد .. واشفه يارب يارب عافه وعافي مرضى المسلمين يارب تقبل دعائي .. وابعد عنه الاذى ياالله .. ومسحت ويهي بيديني وانا كنت ادعي بكل حرف وكل كلمه اقولها .. كنت احس الدعاء كان يطلع من قلبي .. ومن روحي >> يارب انك تشفيه وتقومه بالسلامه الجانب الثاني شهد كنت انا وعليا رادين السكن عقب الدوام ومهدود حيلنا .. خلاص ندور بس الفراش نبي ننام ... اليوم اخر يوم امتحانات وعندنا عطله اسبوع وعقبها يبدى السمستر الياي .. كنت مااشوف يدامي من التعب .. كل همي ان اييب معدل حلو يأهلني ادخل التخصص اللي ابيه .. واذا كان معدلي عالي راح تقبلني الجامعه اللي بلندن قسم التصميم والجرافيكس .. بس ان ماارتفع معدلي هالسنه وكان تحت 3 فراح تقبلني الجامعه اللي في بوستن .. وهذي بعيده يعني راح اضطر اقعد عند خالي .. وهذا اللي مابيه .. وانا بسرحاني هذا رن تلفون علوي عليا : الو هلا سنوي .... شوو ؟؟ .. متى ؟ باجر ؟؟ مم .. خلص انا بقول لشهد كاهي يمي لاتخبرينها ..اوكيه .. بيباي رفعت عيوني وانا انطر علوي تتحجى عليا : هذي سناء تقول باجر طلبتنا بيروحون يزورون محمد بالمستشفى .. وتقول خبري شهد شهد : ومنو اللي بيروح ؟ عليا : مااعرف .. اظن الطلبه بقسم الهندسه وبناتنا اللي بالطب مااظن يروحون .. يعني يمكن يكون العدد قليل ؟ شو رايج ؟ شهد : مااعرف .. ودي اروح بس ..!! عليا : بس شو ؟ شهد : ولا شي .. واجب علينا نروح .. هذي زيارة مريض .. خلص قوليلها اوكي .. وين بنتجمع ؟ عليا : تقول تعالوا صوب محطة بوند ستريت ومن هناك ناخذ الاند جراوند ونمشي كلنا شهد : حلو .. على الساعه جم ؟ عليا : مااعرف .. بسألها قبل ماانسير رجعت اشوف الدنيا يدامي والسيارات والناس والزحمه والبشر اللي بلندن .. وافكار مختلطه براسي.. مشاعر بين الرفض والقبول .. بعد ساعتين شقة عزيز عزيز دخلت الشقه وانا اسمع حس بالمطبخ .. فصخت جكيتي وشالي وبوتي .. حسيت ان شيوخ بالمطبخ وسويت روحي مو مهتم لها .. كملت طريجي لغرفتي ودخلت وسكرت الباب .. غيرت ملابسي .. وطلعت فتحت التلفزيون وقعدت اشوف ببرود .. واشوفها تروح وتيي .. كنت ميييييت ابي اشوفها .. ذبحني هالفوشي اللي لابسته .. وريحه عطرها اللي اميزها عن الكل .. كانت تخنقني .. وكان يخنقني برودها وعدم مبالاتها .. لهالدرجه ماتبيني ولا طايقتني .. وفجأة رن تلفوني .. وشفت الرقم وزااااااادت ابتسامتي وارتفع هرمون الانتقام عندي .. وشلته على طول .. عزيز بوناسه متعمده : هلا وغلا بهالحس .. ماتدرون شكثر مشتاااااق .. دقايق بس واكلمكم ووخرت السماعه عن اذني وانا اشوف شيخه اللي قاعده على طاولة الطعام تخزني بحقد ... كنت احس بانفاسها المتنرفزة .. ادري طبعا من حبا فيني .. لا .. بس اهي ماتحب احد يهتم في غيرها ولو كان هالشخص تكره ويكرها .. ومن يدري .. يمكن تغار ..!! تغاار .. لا مااظن .. كملت طريجي الي غرفتي وانا اضحك بالتلفون مع عبير ودخلت وسكرت الباب وراي .. وفرحه بالانتصار بالحرب البارده .. زين ياشيوخ .. بعرف شلون الين راسج كملت سوالفي مع عبير الملله . مرات احس بتأنيب الضمير .. لان عبير بالنسبه لي مجرد سلاح انتقام لا اكثر ولا اقل .. رغم انها طيبه وباين عليها على نياتها لدرجه ان أي احد يقدر يقص عليها بكلمتين .. كنت احس بالاسف عليها مرات وايد .. لكن شعور الانتصار على شيوخ ومضايقتها ينسيني كل شي .. كل شي شيخه قهرني .... قهررررررررني .. بذبحه هالخايس الحقير ... عايله خايسه مايي منها غير العفن .. هذا وين متربي .. !!!! عاد ماهمني .. وانا ليش منقهره .. يولي خل يكلم الف بنت وبنت عاد محد فيهم همني .. كنت اقول هالكلام وانا بقلبي شاه ضو .. صدقوني مو حب فيه .. بس مو انا اللي يكلم علي بنت .. مو قاهرني غير بروده .. لحظة انا سقاعده اقول .. يالميونه .. ليكون صدقتي انه ريلج .. يخسي الا هو .. مابفى غير هالاوادم بس .. قمت بعد ماشلت اكلي ورحت غرفتي .. طلعت اللابتوب وقعدت اطق طق فيه شويه .. ودي اشبك بس مااعرف خط التلفون وينه . ولا شلون طريقة الانترنت هني .. فاكتفيت بالفرارة بملفاتي والصور والمذكرات القديمه .. لقيت قصه منزلتها منور قبل لاتتزوج .. وفتحتها وقعدت اقراها .. واندمجت فيها .. كانت احداثها عن بنت تاخذ ولد خالتها .. تصير مشاكل وتواجههم امور .. لكن بالنهايه يتزوجون .. كانت القصه حلوة .. خلتني اعيش مشاهدها واتخيل روحي متزوجه واحد احبه ويحبني .. وياخذني ماليزيا شهر عسل .. واعيش حياتي مستانسه .. خلتني اندم اني ماوافقت على نصور .. عالقليله احسن من هالوحش اللي عندي .. عالاقل نصور يحبني وماخذاني بس عشان ابوي غصبه علي . . كنت دايما احاول اطرد فكرة ان عزوز مغصوب علي .. ابوي احرجه يدام الريايل وخذاني .. ولا اهوا ماعمره فكر فيني ولا يطيقني .. كنت احس روحي اختنق من هالفكرة .. وطبعا من حبا فيه .. بس فكرة ان البنت تاخذ واحد وهي تدري انه مغصوب عليها .. تذبحها الف الف مرة .. حطيت اللاب توب على صوب من غير لا اسكره .. وطلعت دفتري وقعدت اكتب واشخبط حيا الله كلام .. يمكن اقدر ارتاح من هالضيجه اللي انا فيها .. سكرت الدفتر بملل .. وطلعت الصاله بعد ماتأكدت ان قيس للحين يحاجي ليلى بالتلفون .. كنت اقلب بالقنوات لما لقيتلي فلم حلو .. قعدت اشوفه .. بعد ربع ساعه عزيز طلعت من غرفتي لما حسيت بحس تلفزيون مشغل .. طبعا رفعت صوتي وانا اسلم واودع حبيبة القلب .. عشان الملسونه اللي بالصاله تسمع .. يمكن يحرك قلبها الجامد البليد .. فتحت الباب وانا اشوفها كانت شيلتها على جتوفها .. وبس شافتني .. رفعتها وغطت شعرها .. ييت يدامها بجرأة ومسكت طرف شيلتها عزيز : ماابي اشوف هالقماش على راسج مرة ثانيه .. احنا مو قاعدين بالشارع .. شيخه : والله هذا شي مايخصك .. وانا ماتعودت اقط شيلتي لناس غرب .. عزيز : ههههههههههه .. اقولج شي عاد .. لبسيه عيل احسن .. انا مايعجبني غير الشعر الاسود .. يذبحني الاسود شيخه : يعله يذبحك وافتك منك .. عزيز : ههههههههههههههههههههههه .. مدام تبين الفكه .. ليش يوم بغيت اطلقج قلتي مابي .. حسيت وجنه طراق كفخني فيه عزوز .. شقوووله .. اقوله ان العيشه ببيتنا ماقدرت اتحملها .. كرامتي وكرامة امي تنهان كل يوم !! .. اقوله اني كنت انام بكابوس .. واقوم الصبح مستعده لكوايس ثانيه !! .. اقوله انه ماعاد في مكان اروحله .. ماظل يمي غير اني ارضى بالمر .. اللي اهوا العيشه معاك .. اول مرة احس ان لساني انشل وماقدرت انطق بحرف .. وخزيته بحقد وعقب قعدت اكمل الفلم ببال وتفكير بعاد .. كمل ضحكته ومشى صوب غرفتي .. صوب الحمام .. ووبس حسيت فيه دخل .. قعدت ابجي وانا حاضنه ويهي بيديني .. ويينج يايمه وينج !! .. تعالي شوفي الهنا اللي انا فيه .. لا ببيت ابوي مرتاحه ولا هني مرتاحه .. عزيز كان شعور الانتقام يزيد فيني يوم عن يوم .. وكانت نشوة الفوز على شيخه تغمرني اكثر واكثر .. كنت احس بضعفها .. اول مرة احس بضعف شيخه .. تحاول انها تخبي روحها بهاله من القوة .. بس كل شي فيها مكشوف .. حتى نظرات عيونها .. مشيت عنها بروح الحمام .. وشفت باب غرفتها مفتوح .. واللاب توب مفتوح .. فتحت باب الحمام وسكرته عشان تظن اني دخلت .. واتجهت صوب غرفتها سيده .. مسكت اللاب توب ورحت صوب الملف اللي كان فيه رقم سري .. ولقيته مفتوووح ... وعلى طوول فتحته وعيوني تترقب شنو بيكون فيه وشنو بيضم ...!!!! عزيز فتحت الفايل . وعيوني كانت تنتظر شنو فيه ؟؟ شللي يخليها تحطله رقم سري .. اكيد شي عزيز عليها وماتبي احد يعرفه .. اكيد شي خاص .. وخاص حيل .. واول مافتح معاي .. ماحسيت الا بايد شيخه تير مني اللاب توب .. شيخه : انت ماتستحي تفتش باغراضي ؟؟ ومن قالك تفتح الجهاز هاا ؟؟ انا هني كنت خلاص واصل حدي .. ابي اعرف شنو في الفايل يعني بعرف .. عزيز : ليش ماتبيني اشوف هاا ؟؟ ولا خايفه افضحج ؟؟ شيخه : نعمممم !!!!!!!!!! خييير !! شقلت ؟؟؟ الحمدلله والشكر .. كلن يرى الناس بعين طبعه .. اا انت خربان ورايح فيها لا تظن ان كل الناس نفسك ومن نفس طينتك .. عزيز باصرار : يبي اللاب توب .. شيخه : مابي .. اطلع بره .. اطلع بررررره تسمع ! حسيت اني فقدت كل قطرة صبر فيني .. مسكتها من ايدها اللي شايله اللاب توب بقوووة .. وانا اصرخ بويهها عزيز : عطيني اللاب تووووب .... يبييه ! شيخه : مابي مابي .. ووووووخر عنييي .. وخر .. عورتني لكن محد كان يقدر يقوف بطريجي بهالوقت .. يرتيت اللاب توب من ايديها بقوة خلتها تطيح على الارض .. شيخه : ييييبه يالحقير .. مو عى كيفك .. اكرهك .. اكرررررررهك .. وخليتها وهي تبجي بصورة اول مرة اشوفها فيها .. لييييش .. ليييييش .. شنو فيه هالفايل ماتبيني اشوووفه لييييييش !!!! دخلت غرفتي وقفلت الباب وانا احس ان الدم كله يفور من راسي .. كنت اتنهد وانا ارد افتح الكميوتر .. تدرون شصار ... طاحت البطاريه ... وطفى الجهاز .. كرهت روحي . كرهت شيخه وكرهت اللي انا فيه . الله يلعن اليوم اللي حبيت فيه شيخه .. قطيت الجهاز على السرير بضجر .. وقعدت على طرفه وانا امسح ويهي بايديني .. انا شسويت .. شسووويييت !!!! تعوذت من بليس .. وطلعت بره غرفتي .. كانت للحين شيخه بغرفتها تبجي .. كنت اسمع صوتها .. قطع قلبي .. قطع روحي .. ماقدرت اتمالك نفسي ورحت لها وانا اطق الباب عزيز : شيخه انا اســ ــ ــ شيخه بصراخ : اطلع برررررررررره .. ياويلك ان قربت شبر مني .. بره .. تفهم .. ماكنت مصدوم لاني اعرف شيخه يوم تعصب شيصير فيها .. بس هالمرة كان من حقها .. عشان جذيه ماطلعت .. بالعكس .. قربت اكثر .. كانت دموعها تطيح من عيونها بشكل ماكنت قادر اتحمله عزيز : انا اسف .. ومسكتها من ايدها لكن شيوخ تأوهت بشكل فضيييع شيخه : أأأأأي .. لاتحركها تعورني تميت مبحلق فيها .. معقوله انكسرت . . عزيز : تقدرين تحركينها شيوخ ؟؟ شيخه بألم : لا ..آآي تعوور .. عزيز : شيخه ايدج مكسورة .. قومي نروح الطبيب .. شيخه : مابي اروح معاك .. دق على صلاح .. دق علييه ماكنت ابي صلوح يعرف عن علاقتي بشيوخ او أي شي عن حياتنا .. لاني عارف شيوخ شلون بتصرف وقلت لها عزيز : خلاص بدق عليه يينا المستشفى .. قومي يلله ولاحظتها ماقاومت ولا عاندت .. شكل عوار ايدها نساها كل شي حوالينها .. كنت اشوفها شلون تتألم وهي ماسكه ايدها بخوف .. حسيت بانتفاخها شوي .. وتأكدت انها مكسورة .. كرهت روحي اكثر واكثر .. انا اسوي بشيوخ جذيه .. انا !!! كنت ماسكها وهي مستسلمه لي .. وقفت تكسي وركبنا وسألته عن مستشفى قريب او عياده ووصلنا .. شافها الدكتور وطلع شكي في محله .. ايدها مكسورة .. والكسر في معصم ايدها اليمين .. انصدمت يوم سألها الدكتور وقالت بكل عفويه >> طاح على ايدي اللاب توب ... حسيت بالخجل من نفسي .. طول هالوقت وهم يجبسون ايدها ماشلت عيوني من عيونها .. كنت ابي اقرى شتقول .. شتحس فيه .. شللي بخاطرها تقوله ... بس مارفعت عينها ولا يات صوبي بالمرة .. كنت احس فيها تشتت عيونها بعيد عني .. انا اسف شيخه .. اسف .. فيني ولا فيج .. ياليت ايدي انا انكسرت قبل لاتنمد عليج . صرت استغرب تصرفاتي معاها .. احبها واذيها بنفس الوفت .. تعبتيني يابنت الناس .. تعبتيني .. نفس الوقت شيخه كنت مااحس غير بالام اللي بيدي .. وجنة احد قاعد يشلعها من مكانها .. كنت اشوف عزوز شلون يخزني .. استغربت .. حسيت فيه ماشال عيونه عني .. خايف لا افضحه عند الدكتور ويسوله سين وجيم .. رفعت عيوني بنظرة خاطفه له ولما تصادمت عيوني بعيونه لفيت على طول ووخرت عن عيونه .. كنت تعبانه حييل واحس بالالم بكل جسمي مو س ايدي .. بعدها عطاني الدكتور مراجعات الاسبوع الياي وطلعنا طول مااحنا بالتكسي وانا كنت اشوف بره الجام .. ماكنت حتى ابي اعطيه مجال ان يقول ولا كلمة .. عزيز : شيخه .. انا اسف .. والله مو قصدي .. لكن انا ماكان لي خلق احاجيه ولا اكلمه .. تميت اشوف شوارع لندن وزحمتها .. واشوف هالام اللي تدز ولدها بفرح والابو شايل بنته ويضحكون .. تمنيت لو كانت عندي عايله جذيه .. تنهدت بتعب وسندت راسي على السيت انطر ارد الشقه وانام وبعد خمس دقايق .. كنا بالشقه .. مشيت صوب غرفتي وبدون لا انطق بحرف وانا ماسكه ايدي المكسورة .. وسكرت الباب وحطيت راسي ونمت .. اليوم الثاني المستشفى غرفة محمد صلاح وعلي قاعدين بالغرفه .. علي كان يقرى الجريده .. وصلاح يصلي العصر .. رن تلفون صلاح مرتين بس ماشاله وعقب ماسلم من الصلاه علي : تلفونك رن ترى مرتين صلاح : ايه هذا يوسف اكيد وصلوا مسكت التلفون وشفت الرقم وكان يوسف المتصل مثل ماتوقعت .. رديت اتصلت عليه صلاح : هلا يوسف .. هلا سامحني كنت اصلي يوسف : تقبل الله منك .. بوصلوح احنا تونا راكبين القطار ويايينكم اوكيه صلاح : حياك الله .. بس توصولن دقوا علي انا اقولكم أي جناح يوسف : صار .. يله فمان الله نفس الوقت شهد كنت قاعده بالقطار .. انا وعلوي وسناء وجم وحده من البنات الخليجيات اللي معانا هالسنه وقروب من الشباب الخليجي والعربي .. مااعرفهم عدل .. سناء تعرفهم كلهم ماشالله عليها .. كنت قاعده بخوف .. ماادري ليش ... يمكن رهبه منظر محمد وهو بهالشكل .. طالب بمقتبل عمره والمستقبل يدامه .. بلحظة كلشي ينتهي وينهدم .. بلحظة .. كل آماله تتلاشى .. سبحان الله ولا شعوريا تذكرت صلاح .. اللي ماشفته صارلي اسبوعين .. تذكرت اني قبل مااطلع من الشقه شفت شكلي اكثر من ثلاث مرات .. استغربت من روحي .. اليوم .. كنت لابسه عباة مطرزه بس على الكموم بالاحمر وشيله .. وتجرأت بكحل خفيف وقلوس .. حتى ان البنات كلهم قالولي .. فصخي هالعباة ماتريحج .. لكني مصرة عليها .. واللي يبي يتحجى خله يقول اللي يبي كان تفكيري يوديني يمين ويسار .. مثل حركة هالقطار .. علوي كانت تتحجى وتسولف مع البنات اهي تعرفهم اكثر مني . . وسنوي كانت شوي تسولف معانا وشوي مع الشباب .. استغربت بعد من لبس سنوي .. رغم اني مرات اعذرها . .بس لبسها اليوم ماعجبني .. كانت لابسه بلوزة ورديه عاريه شوي مع حزام فضي وجينز .. مبين ملامح جسمها المغري .. سناء طول عمرها هذا لبسها بس يمكن لان السالفه فيها صلاح .. صرت اتحسس من هالموضوع .. وطبعا سوالفها كلها عنه .. من تقعد معاناا .. شلون بشوفه .. وشلون بخش الشوق بعيوني .. وشلون وشلون !! .. كنت اتحاشى اسمع شي يخص صلاح .. ابي اشغل روحي باي شي بس عشان ماافكر فيه .. تميت باقي الطريج اللي يبعد ساعه عن المستشفى بالدعاء حق محمد ان ربي يشفيه ويقومه لاهله سالم .. نفس الوقت شقة عزيز كانت الساعه 3 العصر انا كنت متوتر وقاعد بالصاله من الصبح .. شيخه من امس ماطلعت من غرفتها .. بس الحين نفذ صبري .. رحت صوب باب غرفتها وحاولت افر المقبض بس ماافتر معاي . . دريت انها قافله الباب .. طقيت الباب شوي شوي وانا اناديها عزيز : شيخه .. شيوخ !!! .. قعدي الحين العصر .. شيخه نطرت دقياق ولا اشوفها فاتحه الباب .. بس لاتشوفون شكلها .. انا تميت بمحلق فيها يمكن عشر دقايق مو مصدق عيوني .. الظاهر انها للحين نايمه وماتدري عن روحها .. كانت لاسه قميص نوم .. مااقدر افضحلكم شكله .. وشعرها طايل عن اخر مره شفته فيه وواصل لي نص ظهرها وهي تحك عيونها بايدها والثانيه مربوطه .. مسكت روحي وماضحكت . بس تميت اطالعها باعجاب لدرجه اني مابي اقولها شي اخاف تصحى على روحها وتدش داخل وانا عجابتني الوقفه جذيه شيخه وهي تحك عيونها : ذبحتني .. شتبي ؟؟ عزيز : ههه .. هاا .. مابي شي .. فيج النوم ؟ شيخه اسكتت وتمت بمحلقه فيني شوي وعقب شهقت ودخلت الغرفه واقفلت الباب .. وانا لاتشوفوني .. غشيييييييييييييييييييييييييت من الضحك .. ابي اقووووم مو قادر .. اطق عليها الباب وانا ميت ضحك عزيز : ههههههه تكفين لاتبدلين .. طلعي طللللعي .. بس ماكانت ترد الظاهر كانت مصدووومه .. هههههههههه عزيز : شيووخ .. تكفيييين ماشبعت منج ههههههههههههههههههههههه شيخه بعد سكووت : جــــــــــــــــــــــب الجانب الثاني المستشفى صلاح دق علي يوسف وقالي انهم وصلوا المستشفى بس مايدلون أي جناح .. قلته عن رقم الجناح وانا طلعت لهم بره .. شفت يوسف وباجي الشباب كلهم يايين .. سلمت عليهم وانتبهت على وحده من البنات كانت لابسه عباه .. تأكدت انها شهد .. رفعت عيوني بنظرة خاطفه لها ومظاهر الخجل والحيا والبراءه كلها في هالبنت .. حسيت روحي بعد حادث محمد نظرتي اختلفت تماما عن شهد .. قبل كنت انتقدها واحسها تنافق عشان تخش صورتها الحقيقيه .. بس الحين احس لا .. 6 شهور وانا بلندن معاها .. وكل يوم اشوف الشباب بس يتكلمون عن اخلاقها وادبها .. وانا كنت مصر انها بنت خربانه .. شنو يعني اذا الانسان تاب وعرف غلطته .. انا بلحظة ضعف فقدت كل اخلاقي وديني ومبادئي .. والله رب العالمين يغفر لنا .. شلون احنا البشر مانغفر !! لاول مرة كنت اشوف شهد بابتسامه اعجاب .. دخلنا الجناح تحت اشراف الطبيب اللي امر انهم مايطولون اكثر من عشر دقايق .. كانت لحظات اتوقع كل اللي كانوا موجودين حسوا فيها .. كنا ساكتين .. ونشوف محمد .. كلن كان تفكيره يوديه يمين ويسار .. قبل جم اسبوع كان محمد بينا .. يضحك ويسولف ويمشي .. والحين مثل الجثه .. جسد بليا روح .. ومايندرى شنو مصيره .. انتهت العشر دقايق .. واول مابغوا يمشون .. سملت على الشباب وشكرتهم .. ووصيتهم بالدعاء لمحمد عسى ربي يقومه بالسلامه .. وهم كانوا يطلعون ناديت باسمها صلاح : شهد !! شهد بالتفاته فز لها قلبي : نعم !! صلاح بعيون مشتته : هذا .. رقم شيخه اختي .. اهي هني بلندن .. شهد : شيخه هني ؟؟ متى يات ؟؟ صلاح : صارلها اسبوعين تقريبا .. شهد بابتسامه تدوخ : صج .. خلاص انا اكلمها ان شالله .. صح انا رقمي هذا ماتعرفه .. خلص بدق عليها اشتقت لها .. صلاح بقلبه .. وانا بعد اشتقت لج : أي والله ترى اذتني كل شوي داقه ملت وانا للحين ماشفتها .. حطي بالج على روحج . . الله وياكم شهد باستغراب من اسلوب صلاح : ان شالله الله يسلمك __________________
|
|
|
|
|
28-11-2009, 02:53 PM
|
رقم المشاركة : 63 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
الجزء الثاني والعشرين
شقة عزيز بعد ساعه من الضحك المتواصل على شيوخ .. طلعت الاميرة النائمة .. لكني مو قادر انسى شكلها .. يعني كل مااشوفها امسك روحي وماضحك .. اليوم كانت لابسه بلوزة كرزية قصيرة حرير باكموم مفتوحه مع جينز .. اول مرة اشوف جسم شيخه عدل .. واول مرة تجرأ وتلبس بلوزة هالطول .. لو دريت جان من زمان كسرت ايدها ههه .. وطبعا الشيله اللي ماتشيلها من راسها . . شفتها رايحه المطخ .. ونطرت شوي ولحقتها .. عزيز : شو شو .. احم شيخه بنظرة غرور : خير !! يا الله صباح خير !! عزيز : بطه .. جهازج بدارج وانا اعتذر على التطفل .. زهبي اغراضج بعد ساعه بنسافر التفتت علي بصدمه : الكويت ؟ عزيز : نو نو حبيبي ..مو الكويت .. بنروح بوستن شيخه : ردت بويه متاضيق .. مابي عزيز : مو على كيفج وسكتت شوي عقب قالت كلمة تميت مصدوم منها : مابي اسافر معاك .. خل .. هذي اللي ميت عليها وتكلمها تسافر معاك .. انا شكو !! عزيز بسعادة .. اخيرا تحرك قلبج الصخر .. اخييييرا حسسسسس عزيز وهو يمسح على شعره بثقه : لا لا .. تبين اخذها بهالبرد .. انا اخاف عليها .. المهم خليج جاهزة مانبي نتأخر .. انا بنزل اييب السيارة .. شيخه : لحظة .. انا مابـ ـ ـ ... عزيز اللي رن تلفونه وبابتسامه بارده : اووو شوشو .. لحظة .. مكالمه مهمه وهو يتحجى بالتلفون ويطلع بره .. عزيز : هلا عمري ... وسكر الباب وراه شيخه شبيت ضو ... ليش جذيه يسوي لييييييش .. هييين ... اذا تبي تلعب جذيه .. هين ياعزوز انا اعرف شلون احرك .. فتحت الثلاجه ادور شي اكله مافيه .. ميته يووع .. ولا اعرف اطبخ .. استغليت الفرصه بما ان عزوز طلع .. شلت شيلتي .. ورففعت كموم بلوزتي .. ورفعت شعري بكلبس أي شي .. وتذكرت الباستا بالصلصه البيضا اللي شفتها ذاك اليوم بالتلفزيون وجهزت مقادريها اللي كانت كلها موجوده تقريبا .. قعدت اطبخ وانا اغني .. من زمان ماغنيت الله .. والله مشتاقه لايام قبل .. بعد ماخلصت حطيتها على نار هاديه عشان تستوي .. وطبعا بمعانه استخدام ايدي اليسار بس .. وان شالله تضبط .. سمعت تلفوني يرن بالغرفه وركضت اشيله .. كان رقم غريب .. وبعد جم رنه شلته شيخه : الو شهد : يالخااااايسه .. ليش ماقلتيلي انج بلندن شيخه بصراخ : شهووووووووووووووووووود !! انتي وييينيج يالعيوووز .. دقيت على رقمج بس مفصول عن الخدمه .. وينج وينج !!! شهد : هههه مادريت انج هني الا من .. احم صلاح اليوم قالي شيخه : سكتي صلووح لاتيبين طاريه والله والله اني زعلانه عليه قوليله هالكلام شهد : هههه لا انتي قوليله .. بس ليش عاد ؟ شيخه : تخيلي من ييت مازارني ولا مرة .. ؟؟ شهد : اعذريه .. هو قالي انج اكيد زعلانه ويحاتيج بس تدرين شصار برفيجه محمد .. فقير مايقدر يهده دقيقه شيخه : لحظة .. لحظة .. والله تطورات من وراي .. قالي وقلتله ...!! شصاير هاا ؟؟ ههه شهد : شيووخ عن الملاقه .. اليوم شفته بالمستشفى وعطاني رقمج بس .. انتي قوليله شلونج شخبارج ؟؟ وو شلون عزيز معاج شيخه بعد تنهيده : شنو تتوقعين حياتي بتكون معاه !! .. شهد : ادري والله .. تدرين . .الحجي بالتلفون ماينفع .. انتوا وين ساكنين ؟؟ شيخه : والله ماادري .. بس يوم طلعت اليوم المستشفى .. اظن كان اسمع شارعنا بيكر ستريت شهد : اييه اييه عرفته .. يبعد عنا حوالي ثلث ساعه بالقطار .. شيخه : كيفج عاد ثلث ساعه نص ساعه .. ساعتين .. تعالي مالي شغل .. انا لايعه جبدي هني وابي احد اسولف معاه شهد : ان شالله .. بس اخاف اضيع .بيتكم .. شيخه : خلاص انا ادق على صلوح اخليه يمرج وتيون شهد : ههههه اقول عن الينون شيخه : طالع هذي .. شتبين ؟؟ مثل اخوج يله عاد شهد : يصير خير .. سولفيلي والله مشتاقتلج .. شيخه : شقولج .. بس .. خليها على الله .. شهد : شيوخ .. حاولي تتأقلمين .. حاولي .. شيخه : انتي ماعليج مني .. قولي شخبار دراستج ... عسى امورج ماشيه شهد : زي الفل .. شيخه : ههههه ياعم البنت راحت لندن قامت تتحجى صعيدي .. شهد : ههههههه جب .. شيخه اللي سمعت صوت : شهووده خلاص انا اسيف رقمج وبدق على صلاح اقوله .. اوكيه شهد : ياويلج .. خلاص انا ادبر روحي .. شيخه : جب اقول .. يله باي شهد : ههه باي خذيت تلفوني وياي وطلعت صوب مصدر الصوت .. وعينكم تشوف شنو شفت!! .. عزوووووز .. حاط من الباستا مالتي وقاعد ياكل عزوز وهو مندمج بالاكل : وااااااااااو .. الصراحه عجيييبه ليش ماقلتيلي تعرفني تطبخين جذيه .. لذيذه لذيييذه .. خليتلج شوي .. باقي حكوك الجدر .. حياج لاتستحين كنت احس ان يطلع دخان من راسي .: منو سمحلك تاكل من اكلي ان شالله ؟؟؟ عزوز ابتسامه : انا سمحت لروحي .. وبعدين انتي متنانه .. من شفتج اليوم بالقميص الابيض القصير احم احم هههههههههه حسيت ويهي وووولع واحرجني الخايس .. عاد هذا شينسيه الحين .. مشيت عنه منحرجه ومرتبكه وهو استغل الموقف لصالحه .. ماادري شصار فيني عزيز : بس تدرين .. جسمج عذاب .. واكلج عذااب وانتي عذاااااااب قعد يقول جذيه وهو مقرب من اذني .. ويحرك خصلة كانت طايحه من شعري .. انتبهت اني مو لابسه حجابي .. شيخه بنرفزة مصطنعه : اوووووف ووووخر ... ترى مو طايقتك !! شنو اكل انا عزيز : سويلج مرة ثانيه عادي شيخه : لا والله .. يالخايس هيين اوريك .. حطيت تلفوني بعصبيه .. كنت اشوف الجدر شلون خالي بغيت ابجي .. شوي ولا اسمع عزوز يضحك .. وهو يطلع جدر صغير من المايكروويف وقالي عزوز : شوفي شكثر احبج .. ماهان علي اكل اكلج .. رحت وطبخت لج ياه وحطيته بالماكرويف .. شفتي شكثر انا حنون .. كان يقول هالكلام وهو يقرب صوبي بطريقه اربكتني .. كان يطالعني بعيون فيها بريق .. دزيته عني وانا اقول شيخه : زيين .. ووخر .. يييب .. خذيت الجدر وحطيت لي بصحن وطلعت بره المطبخ اللي جوه صار حااار .. ماادري من الطبخ ولا من احراجي انا .. كنت آكل بيدين ترجف .. ماحب عزوز يقرب مني .. شعور يديد ينتابني .. وهو يغني ويطلع ويدخل غرفته بطبيعيه وانا شفيني اعتفست .. مالت علي .. وين الشجاعه والقوة .. وين لساني وعنادي .. كل هذا ليش يختفي يدام عزوز لييييش !!! حسيت اني مهزومه .. وبعصبيه من روحي .. ماكملت صحني .. رحت حطيته المطبخ .. وانا كنت بدخل غرفتي شفته يقول .. عزيز : خمس دقايق تكونين خالصه بنمشي .. شيخه : مااااني يايه ماتفهم !! عزيز : اوكيه .. خلج هني .. بس ها .. ان صار فيج شي ولا دخل عليج احد انا مالي شغل .. ترى المنطقه مو امان واحتمال انا اتأخر .. عموما .. جذيه احسن .. وفرتي .. اطلع انا واستانس مع رفيجتي .. ااا اقصد ربعي احسن .. وقفت مصدومه ... من صجه بيخليني ويروح ... !! وانا اقعد هني بروحي .. انا ماعرف شي ... ولا اعرف احد قلته بتردد شيخه : ودني عندي صلاح ! عزيز : صلاح ينام عند رفيجه .. وبعدين صلاح قاعد بسكن .. يعني مايقدر يقعدج معاه بالشقه .. خلاص قعدي شفيج خايفه شيخه وهي متخصرة : ليش . شايفني ياهل .. روح فكني خل ارتاح منك .. عزيز : ههههه منو قال ياهل .. ابد .. زين يله بااي .. وخذا هاند باك كانت بغرفته ولبس جاكيته وشاله وطلع .. وانا كنت اشووفه .. خفت .. مت من الخوف .. اقعد هني بروحي .. هذا ين !!! خذيت شيلتي من الغرفه وطلعت بسرعه . . وشفته ينطر الاصنصير وقلته بعصبيه شيخه : انت ماتستحي تخليني وتروح !!! .. عزوز : ههههههههه سؤال انتي كلشي عندج اوامر .. ماعندج شي اسمه حنيه .. انوثه .. ماتعرفينها كلش ؟؟ حسيت روحي بنفجر بويهه وقبل لا اتكلم قالي عزوز : شووفي انا بنطر بالسيارة تحت عشر دقايق .. ان ماشفتج نازله .. بهدج وبروح .. وانتي دبري روحج عاد ونزل .. انا تميت واقفه عند الباب .. ماادري شسوي .. مستحيل اقعد هني بروحي .. اخااف .. ومستحيل اروح معاه .. شسوي ياربي .. شسوي !! بس بالاخير .. فكرت ان مافي حل غير اني اروح معاه .. قعدتي هني .. نفسها قعدتي هناك .. معليه ياعزوز .. الحين انت مستغل وضعي اني بروحي .. معليه .. للحين ماعرفت شيخه عدل .. وبسرعه حطيت لي جنطه صغيره .. ولبست جاكيت بني طويل مع جينز وشال اوف وايت وشيله ونزلت .. كنت من داخلي مو راضيه على ضعفي ومستغربه منه .. لكن شي يقولي روحي .. ولاتخلينها تتهنى فيه ... منو اهي بعد >> ليلى حبيبة قيس .. نزلت حصلت سيارة رنج .. وقاعد فيها عزوز .. وهو اللي يسوق .. ومن غير لا افكر فتحت الباب اللي ورى بقعد ولا يقولي عزيز : انا مو سايق عندج .. تعالي قعدي جدام .. شيخه : كلشي معاك بالغصب .. كلشي !!! عزيز : بتقعدين ولا احرك !! شيخه : اووووووف .. حطيت جنطتي ورى .. وفتحت الباب وقعدت .. ولفحني ذاك البخور اللي يدوخ .. متى مداه يتبخر !!!! >> وانتبهت على ولاعه الزقاير انه كان فيها قطعه بخور .. بغيت اموت واعرف من وين ييبه .. ريحته تينن .. طبعا قعدت كالعاده ساكته واطالع يدام .. شوي ولا شفته طلع سي دي فضل شاكر وحطه .. لو على قلبي داب في هواك و كفاية ليل و سهر و عناد و يايا جوا عيوني حنين و غرام مشتاق لعنيك قلبي نادالك حن في يوم و تعالا و اهديك روحي بس تعالا يلي بحبك قرب طمن قلبي عليك بتغيب ايام و ليالي و انت ما بتغيب عن بالي و تروح و تسبني عليك مشغول بحلم بعنيك و غرامك و بدوب في هواك و كلامك و لا ليلة يا ليلي علي اطول لو على قلبي داب في هواك و كفاية ليل و سهر و عناد و يايا جوا عيوني حنين و غرام مشتاق لعنيك اسمع مني و عيش مع قلبي زماني ...و ادوب فيي و احبك تاني كفاية عشت كتير من قبلك بحلم بيك تبعد عني ليه طب ما انا قدامك بسال قلبك ايه احلامك لو تتمنى الدنيا بحالها تكون في ايديك بتغيب ايام و ليالي و انت ما بتغيب عن بالي و تروح و تسبني عليك مشغول بحلم بعنيك و غرامك و بدوب في هواك و كلامك و لا ليلة يا ليلي علي اطول لو على قلبي داب في هواك و كفاية ليل و سهر و عناد و يايا جوا عيوني حنين و غرام مشتاق لعنيك قلبي نادالك حن في يوم و تعالا و اهديك روحي بس تعالا يلي بحبك قرب طمن قلبي عليك كان عزوز مندمج مع الاغنيه ويدندن معاها .. اول مرة كنت اشوف عزوز بهالوناسه .. مسكت ايدي الملفوفه وعدلت قعدتي وصرت اطالع جدام .. لكني استرق النظر مثل مايقولون واشوفه .. ماادري شالفضول اللي ياني . . لمحت خشمه الطويل واللي فيه كسرة خفيفه من فوق .. وعيونه الناعسه .. لمحت شعره الاسود اللي طال شوي عن اذنه ولحيته الديرتي .. >> اكيد بيكون مستانس عقب ماكلمها .. اكيد يحبها .. >> وخذتي احلامي وافكاري بعيد لما وعيت على صوت تلفوني يرن .. شفت الرقم وكانت مهاوي .. ماصدقت عيووني شيخه : الو مها : الووووووو شيخوووووووووه شيخه : ششش بطيتي طبلة اذني ليش تصارخين ؟ مها : هههه شدراني .. لانج مسافرة لازم نصارخ بالتلفون عشان يوصلج الصوت شيخه : سبحان الله .. كلشي فيج يتغير الا سخافتج .. مها : هههههههههه مقبوله منج ياحماتي العزيزة .. شيخه : وانتي لج عين داقه بعد ماتستحين ! مها : والله شسوي شيوووخ .. تعباانه من هالحمل .. شيخه : حااااااااااامل !!! حلفيييي ؟؟؟ ليش محد قالي عاد ؟؟ مها : كاني قاعده اقولج .. شوفي مااوصيج تشري حق بنت اخوج عدل .. شيخه : هههههههههه من عيوووني .. والله ونستيني .. مها : فديتج حبيبتي .. يله الفال لج .. شيخه : ..... شلونكم ؟؟ شلون حصه وخالد ؟ شلون منور فدييتها مالها حس ؟ مها : البنات كلهم يمي .. وحده وحده بالدور هههه شيخه : يله ناديه ام ناصر : شلونج يما شيخه :.. شيخه اللي اغرقت عيونها بالدموع لان صوت خالتها نفس صوت امها وتذكرت حس الغاليه على طول : خالتي شلونج .. والله والله ولهانه عليكم حييييييل .. ام ناصر : يله يما لاتتأخرون ولهانين عليكم .. متى بتردون ان شالله ؟ شيخه : ماادري خالتي .. بس ان شالله قريب .. البنات شلونهم ؟ بدريه ونورة .. .. ناصر شلونه ؟ وجراح ؟ ام ناصر : كلهم بخير ويسلمون عليج .. حتى جراح يسأل عنج دايم شيخه : فدييته انا ..ابي اكلمه وينه ؟ ام ناصر : مو هني .. ان شالله يوم ثاني ادق عليج وهو يكون يمي .. شيخه : ان شالله .. سلمي على عمي بو ناصر بعد .. ام ناصر : ان شالله يما .. هذي حصه تبي تكلمج حصه : هلا بالزعلانيييييين شيخه بنفس : هلا حصوص .. شلونكم ؟ حصه : اوف اوف اوف .. للحين مبرطمه ؟ شيخه : شحقه ازعل .. الشي صار وانتهى .. مافي داعي الحجي الحين .. حصه : شيووخ .. والله والله فاقدينج .. اليمعه من غيرج ماتسوى شي .. مهاوي اذتنا .. تقول بتسمي بنتها لايات شيخه شيخه : هههههه كل هذا عشان اييبلها اغراض من هني ؟ حصه : ههه شفتي عاااد .. مرت اخونا مو هيينه شيخه : ههههههه .. منور وينها ؟؟ ولهانه عليها من زمان ماكلمتها ؟ حصه : زين ذبحتينا بمنور .. سلمي على ريلج شيخه : جب .. وعطيني منور حصه : ههه زين منيرة : الوووووو شيخه ماتمالكت اعصابها وبجت .. كلش ولا منور .. محد ولهانه عليه كثرها منيرة : شيووووووخ لاتبجيني ترى والله اقول حق فيصل يقصلي تذكرة واييج الحين .. شيخه : مااحبج .. ليش ماتدقون .. انا بروحي هني .. منيرة : بعد عمري فديتج .. مستانسه .. شيخه : ....... انتي شلونج .. وشلون فيصل .. ابوي شلونه منيرة ؟ منيرة : بخير كلنا بخير .. شوفي انتي لابتوبج معاج ؟ شيخه : ايه منيرة : خلاص .. نقعد عالمسن ونسولف عدل .. هالبخيله ذبحتنا .. خلصتوا رصيدي .. هههههه شيخه : اعرفها تعلميني بمهاوي .. ههههه منيرة : خلاص حبيبتي .. سلمي .. شيخه : ان شالله منيرة : مع السلامه شيخه : الله وياج .. سكرت التلفون وانا امسح دموعي وحطيته بالجنطه .. رفعت عيوني على سؤال عزوز ... الطرف الثاني .. عزيز كنت اسمع الاغنيه وبكل كلمة كنت اعني فيها شيخه .. بس اهي بدنيا غير .. وعالم غير .. حسيتها بشرودها وسرحانها ابد مو معاي .. شلون اقدر اكسب قلبج .. متى أيي اليوم اللي اكون انا انتي .. وانتي انا .. انكون مثل كل اثنين .. عايشين حياتنا مثل مانبي .. الظاهر ان هالشي صعب .. وصعب حيل .. ومراح يصير بيوم من الايام رن تلفون شيوخ .. وانا كنت اسمعها وجني اسمع اغنيه لفضل شاكر .. كانت شوي تضحك .. وشوي تبجي .. تتحجى بشوق .. وحب . . مستانسه وبنفس الوقت الفراق مضايقها .. تمنيت يكون عندي خوات او اخوان ادق عليهم ويدقون علي .. احاجيهم واضحك معاهم واشتاق لهم .. تمنيت احد يبجي لفراقي او ..يحزنه بعادي .. تمنيت يكون لي ناس اتمنى ارد لهم اليوم قبل باجر .. كنت اشوف شيخه واراقب ملامحها .. شفايفها .. عيونها .. روحها .. كلشي فيها عذااب .. عذااب .. وبعد ماسكرت ماقدرت امنع روحي وسألتها عزيز : همم .. عيل خلود بيصير ابو ؟؟ شفتها تتحجى بلهفه ناسيه اني عدوها او شخص ماتبي تكلمه .. حسيت انها تبي تفضفض فرحها وتقول اللي بقلبها حيا الله لاي احد شيخه : ايييييه مها قالتلي يحليلها .. عزيز بعيارة ونبرة : الفاااال لنا ان شالله وابنتسمت ابتسامه وانا اشوفها تحاول تتعبث بجنطتها وتسوي روحها ماسمعتني .. عزيز : عيل منو هذا اللي تبين تكلمينه ومشتاقتله ؟ شيخه : انت قاعد تتسمع شقول انا ؟؟ عزيز : يعني قاعده تسولفين يمي ماتبيني اسمع .. اسكر اذوني ؟؟؟؟ شيخه : مالك شغل .. سكت .. معقوووله تقصد ناصر .. لالا شلون تقول لخالتها انها مشتاقتله !! .. ويمكن خالتها متفقه معاها بس ترد تتطلق .. او يمكن يدرون ان هالشي بيصير !! .. تحلمين ياشيخه .. انت زوجتي غصبن على اللي مايرضى .. كملنا طريجنا الي بوستن اللي تبعد ساعتين ونص بالسيارة ووانا افكاري تاخذني يمين ويسار بعد مكالمة شيخه .. شهد مكالمتي مع شيخه ردت لي الروح .. شيووخ رغم عنادها وغرورها وعصبيتها .. من داخلها ياهل .. وطفل بريئ يبجي عند اول ازمه .. قمت من الصاله ورحت اتوضا حق صلاة العصر .. وشفت علوي تتحجى بالتلفون .. دخلت الحمام وتوضيت ولا تناديني من بره عليا : شهووود .. اذن ولا بعد ؟؟ شهد : بعد دقيقتين .. وطلعت وانا انشف ايدي .. وقلت لها شهد : منو تحاجين من الصبح ؟ عليا : سناء .. ماادري شهود .. البنت من روحه المستشفى متغيرة .. تدرين انها طول الوقت تسولف عن محمد !! شهد : هههههه حولت من صلاح ؟؟؟ عليا : ههه ولا يابت طاريه اصلا .. شكل محمد هزها .. سناء رغم البهرجه وحياتها اللي تعيشها .. من داخلها فاقده الحنان والحب .. يمكن الشي خلاها تهتم بمحمد .. شهد : والله ماادري شقولج .. احيان احس اني افهمها .. واحيانا احس اني مااعرفها كلش عليا : بتيي يدتها وخالها وبنت خالها هالاسبوع شهد : يحليلهم .. يله زين .. انا قلت لابوي ابي ارد الكويت .. بس شكلي بهون لان مايسوى كلها اسبوع .. قلت يله مابفى غير كورس وارد الكويت بالصيف .. عليا : وانا بسوي نفسج .. لان اسبوع مايسوى ارد البلاد .. شهد : همم صاجه .. عليا : شوشو .. ممكن اقولج شي بس ماتطنقرين ؟ شهد : هههه حسب والله مااقدر اوعدج عليا : ههه .. احم .. ماتحسين ان صلاح مهتم فيج وايد ؟ شهد : هههههههههههه منو ؟؟؟ عليا : صلااح بعد منوو شهد : انتي ماتدرين عن شي .. عليا : عن شو .. خبريني طيب .. انا يوم شفته بالمستشفى وشلون يطالعنج كنه بياكلج بعيونه .. حسيت انه معجب فيج شهد : عليا .. انا بقولج شي .. بس توعديني ماتقولين لحد !! عليا : افاا عليج .. سرج بير .. وقعدت شهد تقولها قصتها مع صلاح .. الين ماوصلت الى المستشفى شهد : واكثر شي استغربته يوم كنا بالمستشفى .. صلاح عمره ماكلمني بهالاسلوب اصلا .. من جذيه استغربت منه عليا : صدق مايستحي .. تراه طاح من عيني شهد : الله يهده ويسامحه .. عليا : ودامه مضايقنج ليش ماتوقفينه عند حده !! شهد : بالاول كنت اظن انه معاه حق .. لكن الحين .. ماقمت اهتم .. اهم شي رضا الله واهلي .. والباجي مو مهم عليا : ماعليج منه .. انتي بنت مافيه منج وكفايه الواحد يعرف غلطته ويتوب احسن من اللي يستمر على الغلط .. وخير الخطائين التوابين شهد بابتسامه كلها راحه : صح .. عليا : والحين شو بنسوي في هاي سناء شهد : هههههههه خليها خليها .. الحين بتيي يدتها وبتلهى وتنسى عليا : صدقج هههه بعد ساعه ونص السيارة عزيز كنت حاط على موسيقى خفيفه لاصاله واسوق .. طول هالوقت كنت سرحان بافكاري .. ياترى شلون بتصير حياتي معاج ياشيخه .. راح نقدر نكمل مع بعض .. ولا انا اوهم روحي ؟؟ .. هذي الحياة اللي انا ابيها .. !! جذيه كنت اتمنى اعيش ؟؟ شقا بشقا .. طفوله مشتته بين ابو سكير .. وام مسكورة جناح تنهان كل يوم الف الف مرة .. وبين شباب قضيته بالشغل بالكراجات عشان اقدر اعيش .. ماحسيت بشبابي ولا عشته مثل باجي الشباب .. كنت اكل من مصروفي اللي اطلعه من شغل الكراج .. كنت اشوف الشباب يطلعون ويفترون بالمجمعات ورحلات البحر والبر .. وانا كنت اقضي باقي وقتي عقب المدرسه بتصليح سيارات الناس .. عشان بالاخير اقبض 60 دينار .. حالي حال السواق والخدم .. بتسألون وين ابوي ؟؟ ليش ما كان يصرف علي ؟؟ ابوي كانت فلوسه كلها للمشروب .. اللي كانت ماخذه وراه ودونه .. كنت ارد البيت وهدومي مصبوغه بالزيت والقار .. مايمديني اسبح الا واحط راسي وانام مهدود الحيل من التعب .. كانوا المدرسين يعاتبوني على اهمالي بالدراسه .. لأاني كنت من الاولئل على ايام امي المرحومه .. وكنت ذكي مثل مايقولون ومخي نظيف .. بس متى يمديني ادرس ؟؟ بالكراج ؟؟ ولا بالبيت اللي مااردله الا نص الليل ؟ ؟ .. عمتي كانت اذا ماتاخذ مني .. فهي ماتعطينني ولا تدري عني .. حالي حالي أي قطعه اثاث في البيت .. سندت راسي على السييت وشريط حياتي يمر يدام عيوني مشهد مشهد .. تذكرت اول ماتوظفنا انا وعزوز .. ماكنت ادري وين اودي معاشي وشنو اسوي فيه .. فكرت اني يمكن اقدر ابني روحي بروحي .. يمكن اكون شي كبير مايعايروني من بعدها الناس .. والحمدلله ان الله وفقني .. والخير كل يوم عن يوم يزيد .. مستحيل هالشي يكون الا من بركه فلوسج يايما .. الله يرحمج يالغاليه .. مكانج مبين .. واحس اني فاقد تشجيعج واهتامج .. لإاقد غداج اللي كنا ناكله عندج انا وعزوز بس ارد من الكليه .. فاقد كلشي من ريحتج .. حياتي ماعاد لها طعم بلياج .. التفت على شيخه لقيته مسنده راسها على الدريشه ونايمه .. كنت اشوف المناظر الحلوة حواليني وانا اسوق .. اتمناها تقوم .. مابيها تضيع هاللحظات عليها .. صج صج .. اشيا تينن .. ومناظر عمري وحياتي ماشفت مثلها .. ماقدرت اقاوم وبشويش مديت ايدي صوب ايدها اللي كانت على ريولها حاضنتهم ببعض وحطيتها عليهم .. حسيت بملمس ايدها الدافيه ..حسيت بنعومتهم .. حتى اني فكرت مااقعدها واتم ماسكه جذيه .. ابتسمت على افكاري وهزيت ايديها شوي شوي وانا اصحيها عزيز : شيخه .. شو شو .. شيووخ .. قومي شيخه رفعت راسها مفزوعه بخوف : عزوووز ...!!! عزيز وايده للحين على ايدها : عيون عزوز .. روح عزوز .. دنيته عزوز شيخه اللي وعت على روحها وعلى ايدينها اللي بيدين عزوز وارتبكت : وووخر ايدك وبعدين معاك عزيز : هههههههه حلمانه فيني ؟؟ شيخه : كابوس اللهم ياكافي عزيز : لو كان كابوس .. عسل .. عسل على قلبي .. تكفين قولي الحلم شيخه انرجت اصلا ماتدري ليش انطقت باسمه .. يمكن لانه فكرت فيه قبل لا تنام .. ولا ان ويهه اخر شي شافته شيخه : اسكت ولا الحين بنزل ترى .. عزيز بنظرة وابتسامه تدوخ: مفتشله .. شحلمانه هاا ؟؟ قولي عادي لاتستحين .. شيخه : مااحلم فيك الا بكل شر .. اعوذ باالله عزيز : ههههه قصي علي .. شكلج حلمانه اني .. احم .. اقووول !!! شيخه اللي حست ان جو السيارة كله صار حار .. شفيني انا .. شقاعد يصير لي : جــــــــــب عزيز : ههههههههههههههه .. بذمتكم هذي انثى !!!! اخخخ بس ياني مشتاق لبعض النااااااااس .. حرمتيني صووتهم عصبت .. لا مو بس عصبت حسيت اني يمكن اعطيه كف جليل الحيا .. هذا مايستحي ومو متربي ولا شعوريا مسكت قوطي الكلينكس وطقيه على جتفه بقهر عزيز : هههههههههههههههههههههههههههههههههههههههههههههههههه ههههههههههههههههه شيخه : سخيف .. وماعندك سالفه .. متى نوصل لاعت جبدي منك .. عزيز بابتسامه غير : زين .. طلي من الدريشه وشوفي حواليج وبترد لج الروح وسويت مثل ماقالي .. صدمني المنظر ... كان روعه .. لا .. كان خيالي .. حسيت ان كلنا هدينا .. كل واحد صار عايش بافكاره وبهالصورة الحلوة .. سبحانك يارب .. عزيز : سبحان الله .. هذي اللي يقولون جنة الله في الارض .. ايدت كلام عزوز بقلبي .. لأان المنظر كان يبهر .. التلال والبحيرات والخضار والشير والورد الوان واشكال .. والجو كان بدييع .. طيور وسما صافيه وغيوم متناثرة .. يا اللله .. شي يخليك بس تسبح وتذكر الله سألت عزوز وعيوني للحين على تناظر بره الدريشه : متى نوصل ؟ عزيز : عشر دقايق ان شالله وبعدها طلع ورقه من مخباته .. كان كرت .. ودق على الرقم وكان يتحجى بالانجليزي .. انتبهت ان لهجته طليقه وسريعه واللي فهمته انه صاحب الفندق وقاعد يسأله وين مكان الفندق .. وبعد ربع ساعه تقريبا .. وصلنا .. كان شكله واااااااو صج .. الفندق مبني على شكل بيوت ريفيه .. واطلالته جناان .. وفيه جسر يربط مبنى المطاعم والكافيهات والسوق والمسبح .. بالغرف والاجنحه السكنيه .. وكان تحت الجسر نهر يرد الروح .. كنت امشي ورى عزوز .. دخلنا الفندق صوب الرسبشن .. قعدت انا في احد كراسي الانتظار اللي تبع الفندق وهو نزع جاكيته وشاله وحطهم يمي .. وراح يخلص باجي اوراق الحجز .. مادري شنو الفضول اللي ياني .. وخلاني اتلمس جاكيته .. حسيت ريحته كانت قويه كفايه انها تخليني اتنفس هالعطر زين .. عطر عزوز مميز .. اموت واعرف شنو العطر اللي يستخدمه !! ضحكت على افكاري .. ورفعت راسي اشوف الناس .. لمحت عايله سعوديه كانوا قاعدين بالصوب اللي مقابلي .. كنت اشوف ناس رايحه وراده .. وانتبهت على واحد قرب من عندي من شكله ظنيت انه اجنبي بس طلع عربي يوم قالي الريال : شوو .. الحلو جالس لوحدوو هون .. وابتسم بثقه انا طلعت عيوني .. ياربي .. هالعرب بديرتهم يغازلون وبرد الديرة بعد يغازلون .. صاحي هذا !! خزيته باستغراب ولفيت ويهي عنه .. وعقب قالي بجراءة الريال : يي تأبرني هالعينتين انا !! .. مرحبا معك هاني ومد ايده يبي يسلم .. ومامداني اقول شي ولا اشوف عزوز واقف والشرار يطلع من عيونه عزوز : تورني عرض كتافك ولا اشوف شغلي معاك !! طبعا الريال قبل ويهه خمستعش لون .. ومشى من غير لا ينطق بحرف مصدوم .. وجنه يقول من وين طلع هذا !! انا ماقدرت ارفع عيوني بويه عزوز لاني اعرف رده فعله بهالسوالف ومجربتها .. بس صدمني يوم قال عزوز : انتي شنو ؟؟ شنو معدنج ؟؟؟ شهالجرأة اللي فيج .. من اخليج شوي اشوفج واقفه مع الرياييل .. ليش كل الرياييل ينتبهون عليج ؟؟ ليش الكل يغازلج ؟؟ ليش ماتنزلين عيونج بالارض وتبطلين حركاتج .. انقهرت بغيت اعطيه طراق علشان يعرف منو قاعد يحاجي .. وانا شكو .. انا شعلي ؟؟ شافني اكلم الريال .. شافني متحركه من مكاني .. رديت بعصبيه شيخه : تدري .. انا خبله اللي يتي معاك ولفيت بمشي ولا يررني من ايدي المسكورة ولا شعوريا طلعت مني صرخه .. شيخه : آآآآآآآآآآآي خلت كل اللي بالفندق ينتبه علينا .. ولما قرب واحد من اللي يشتغلون بالفندق وقالي الريال :any problem sis ? سكت ومارديت ولقيت عزوز يقول عزوز : nothing .. it is my wife طالع الريال عزوز بنظرات شك وراح .. وعزوز قرب مني وهو يعض على اسنانه بعصبيه ويقولي عزوز : امشي معاي لاتفضحينا بين العالم .. شيخه : مابي .. مابي .. مابي .. مابي اروح معاك ولا مكان .. وهديته ومشيت طلعت بره الفندق .. مشيت صوب الجسر اللي تحته النهر ووقفت هناك .. قعدت ابجي مقهورة .. انا شسويت ؟؟؟ ليش ربي يبلاني بزواج جذيه ؟؟ مااحبك .. اكرهك .. متى ارد الكويت متى .. صرت اتذكر كل البلاوي اللي صارتلي من يينا هني .. ابي اذكر مرة ضحكت فيها مافيه .. شهالعيشه .. خلاص ماقدر اتحمل اكثر .. ماااقدر مسحت دموعي والتفت لقيت بدر واقف باول الجسر ويطالعني .. رديت امشي ماادري اليى وين .. بس ببتعد عنه .. مابي اقعد معاه .. مابيييييه لقيته يلحقني بسرعه الين مامسكني من ايدي وصرخت متوجعه شيخه : آآآآي عورتني .. شتبي .. خلني عزوز : اسف .. مو قصدي اعورج .. تعالي زين نصعد وبعدين سوي اللي تبينه شيخه : مابي .. قرب مني ومسكني من جتوفي وانا حسيت روحي تجمدت بمكاني : صعدي وسوي اللي تبينه لاتفشلينه الناس قامت تشوفنه وتتحجى .. اقص عليكم لو قلت لكم ماوترني قربه .. ماكنت اسمع شيقول لاني كنت خايفه .. اخاف من عزوز ماادري ليش .. فيه شعور غريب ينتابني بس يقرب مني .. مشيت وراه وانا ملبخطه .. كانت ايدي تعورني .. كنت امسكها وارفعها لانها قامت تعورني حييل .. ركبنا الاصنصيل .. وماكان فيه غيرنا .. غمضت عيوني بألم مابي ابين له ان ايدي تعورني .. وماقدرت اتمالك دموعي ونزلت وانا احاول اخشها .. فتحت عيوني على لمستة عزوز لويهي يرفعه عزيز : شيوخ شفيج ؟؟ شفته عشان تنهال دموع ودموع من عيوني من غير لا اتحجى او اعطي أي تعابير حزن .. ماادري .. كان ويهي جامد احاول اني اسوي روحي عادي .. بس دموعي ماقدرت امسكها .. شفت عزوز يدور الحجي بعيوني .. ومسكني من ويهي .. عزوز : شييييييخه .. شفيييج ؟؟؟ ايدج ؟؟؟ هزيت راسي بعد ماكنت خلاص مو متحمله .. ايدي احسها بتنشلع من مكانها .. صرت ابجي بصوت شكيت انه مني من كثر ماكنت متوجعه ... __________________ غمضت عيوني بالم وانا امشي ورى عزوز الين وصلنا الى الغرفه .. فتحها وفتح جنطتي وهو يسألني .. عزيز : وين حاطه المسكن شيوخ ؟ شيخه : بالجيب اللي يدام .. طلعلي حبه وحده من المسكن .. وفتح جنطته وعطاني حبة بندول .. كليتهم وقعدت على طرف السرير وعزيز قعد يمي .. فتح شيلتي شوي شوي وانا كنت ساكته .. مو ضعف بس كنت مااشوف غير عوار ايدي .. فتح شعري على ظهري .. وقعد يمسح عليه وهو يقولي .. عزيز : نامي حبيبتي وارتاحي .. المسكن بيدوخج .. ونبهتني كلمته على شي وقلت بسرعه وانا الم شعري وابعد عنه .. شيخه : هذي غرفه وحده ؟؟ عزوز وهو يغمض عيونه ويهز راسمه مكتف ايديه : هممم شيخه : ليش ؟؟ عزوز : لان اجار الغرفه يساوي اجار شقتنا لمده شهر .. وانا ماقدرت اخذ غير غرفه .. شنسوي عاد ؟؟ شيخه : لا والله !! .. وانا وين انام ؟ اشر على السرير بثقه : هني .. بعد وين ! شيخه : وو .. وانت ؟ عزوز :بابتسامه ماعرفت شنو معناهها : انا بنام على الكنب .. لاتخافين .. سكت .. ماعرفت شقول .. ليش ماقالي من الاول انه بيأجر غرفه .. جان ماييت معاه اصلا .. وقفت بس حسيت بدوخه ..حطيت ايدي على راسي اعيد توازني .. ثواني من غير لايحس فيني عزوز .. واخذت لي غسول وفرشاتي ومعجوني ودخلت اغسل ويهي شوي يمكن اصحصح .. عزيز دخلت شيوخ الحمام ..كنت اشوفها بفضول ..التفت على شيلتها وقربتها مني وشميتها .. احس ان ردت فيني الروح من عطرها .. خذيت جنطتها وطلعت منها الجينزات والبلايز وماخليت لها غير البجامات >> خلها تبتلش اليوم وتحوس على اغراضها .. احلى شي بالدنيا لما اشوف شيوخ حايسه .. ههه وباجر يصير خير .. حطيت جينزاتها بوحده من ادراج الكوميدينا اللي يم السرير وبعدها رحت اطلع لي ملابس عشان اسبح ونطلع شوي .. شيخه طلعت من الحمام وانا امسح ويهي بفوطتي .. ولميت شعري أي شي بكلبس .. طلعت ولقيت عزوز كان نازع بلوزته وقاعد يدور بجنطته على تي شيرت يلبسه .. اهوا مانتبه لي بس انا رديت لوره .. استحيت انم اكثر .. ورديت دخلت الحمام .. قعدت افكر شلون بتم معاه بنفس الغرفه الى باجر .. صرت استغرب من شعوري .. قبل كنت مااطيق اشوف روحي معاه .. اكره وجوده يمي .. الحين صرت احس اني يمكن .. تعودت .. او .. صرت اراقب حركاته .. شيووخ .. شيخه . .لاتيننين .. هذا عزوز ..وبيتم عزوز لو شيصير .. تسندت على باب الحمام وانا اتذكر يوم كنا صغار .. كنا نلعب لعبه دايما .. عزوز اهو الابوواهوا اللي يختار الام واللي هي دايما حصه لانها تسمع كلامه بكل شي.. خالد كان يلعب دور السايق عشان يقعد يسوي حراكت ويقحص .. ومنور ومها وصلاح العيال .. ودايما يخليني دور الخدامه .. والحوار المعتاد >>> يردون البيت ويقولي ليش مانظفتي البيت ويقعد يطقني .. وفي مرة قالي عزوز : وانتي اسمج ميري الخدامه قلتله وانا اطق ريولي بالارض : مابي .. كل مرة تخلوني الخدامه وتطقني عزوز : لا خلاص هالمرة مااطقج حييل هههههههه ابتسمت على هالذكرى .. شلون كان يقص علي .. من عمره كان يستمتع بتعذيبي وطقي .. التفت على مقبض الباب ولفيته وطلعت وانا احاول ابعد عيوني عنه .. خذيت جنطتي بطلع لي شي البسه .. دورت ودورت .. مالقيت شي .. وين هدومي .. مافيه غير .. البجامات !!! ياويلي .. رفعت عيوني صوب عزوز لقيته قاعد يطلع له فوطه .. شكله يروح يسبح !! رديت ادور بجنطتي .. قلبتها فوق تحت .. مافيه شي .. معقوله !!. . انا متأكده اني حاطتهم بيدي .. ياربيييي شيخه : فيه احد فتح جنطتي ؟؟ عزوز اللي يسوي روحه مو مركز معاها : هاا .. ؟؟ شيخه : فيه هدوم ضايعه من جنطتي .. ماادري وينها ؟؟ عزوز : ممم دوري عدل .. تبيني ادور معاج ؟ شيخه : قلبت الجنطه كلها .. عزوز بسعاده : يبي جنطتج ادور فيها شيخه لاخر لحظة فطنت : لا لا ماقصرت خلاص ... عزوز : ههه كنت بساعدج بس .. شيخه : وفر خدماتك .. شلت جنطتي ورحت الحمام .. شنو البس الحين ؟؟؟ شنام فييييه !! ليش ماقالي الغبي انها غرفه وحده .. شكلي بتم في هالجينز والجاكيت .. مشطت شعري وتكحلت وحطيت كريم وتعطرت .. وطلعت مرتبكه .. اكيد بيقول هذي شتسوي كل شوي داشه وطالعه .. انا متأكده اني حطيتهم بالجنطه وين راحوا !! اوووف قعدت على السرير وانا ماادري شسوي .. عوار ايدي خف علي بس احس بدوخه .. عزوز وهو يندن : تبين تدخلين الحمام بعد ولا ادخل !! انقص ويهي وقلت بسرعه : لا .. روح شال فوطته واغراضه ودخل .. وانا فتحت التلفزيون وقعدت اقلب بالقنوات .. لما شفت تلفونه رن .. ياني فضول اعرف منو .. قربت من المستواليت وين ماكان جهازه محطوط وشفت الرقم .. كان من الكويت ومكتوب اسم .. عبير !! انصدمت .. يعني كل ظني وشكي طلع بمحله .. حسيت اني شابه ضو .. ماادري شسوي .. ارد .. ولا اخليهم يولون .. قعدت اشوف التلفون لما سكر .. وبعدها خذيته وقعدت اشوف المسجات .. كلها كانت منها .. وشفت المرسل مالقيت غير مسجين عاديين .. اكيد ماسحهم .. صرت اقرى كل المسجات .. كلها .. شنو تقوله وشنو الحجي اللي يدور بينهم .. ومن سمعت صوت باب الحمام ينفتح سكرت التلفون ورديته مكانه وسويت روحي اخذ شي من جنطتي الجانب الثاني عزيز شفتها ماسكه تلفوني وتتعبث فيه .. عرفت ان لعبتي انحجت واخيرا .. نطرت دقيقه وبعدين سكرت باب الحمام عشان تعرف اني طلعت وسويت روحي ماانتبهت له .. ثاني مرة بزيد المسجات من صوبي عشان تموووت بمكانها .. هاهاهاهاااي يا حلو افكاري بس .. قربت منها وانا ارش عطري والبس جاكيتي .. يله لبسي بنطلع .. شيخه بعصبيه : مابي .. عزوز : احسن .. اوكيه تبين شي ؟ شيخه : لا .. عزوز : زين هذا رقم تلفوني خليه عندج يمكن تحتاجين شي .. يله باي وطلعت وانا احس ان الغرفه بتنفجر من كثر ماهي معصبه .. مسكت ضحكتي بالغصب .. ومشيت .. نفس الوقت المستشفى علي : الحمدلله .. الحمدلله والشكر يارب .. اللهم لك الحمد صلاح اللي تم واقف يم الدكاترة وهم يفحصون محمد ويشوفه بشغف وعيون محمد تبطل شوي وترد تسكر .. علي : اهم شي انه صحى .. صح ؟ صلاح يهز راسه بسعاده : الامل كان ضعيف .. الحمدلله .. الحمدلله يارب .. الدكتور : it is americal .. I can not belive it صلاح : ok whats the next know ? الدكتور : the big step is that he opened his eyes .. after that every thing will be good صلاح : thanks doctor راح علي مع الدكتور لغرفته وتميت انا يم صلاح .. احاول اخليه يتعرف علينا او يعرف اهو وين كانت سعادتي بشوفته ماتسعها الدنيا كلها .. كان ودي لو اطيير اطيير .. من مده وانا انطر هالمعجزة .. صج مافي شي بعيد عن الله سبحانه وتعالي .. والنعم بالله نفس الوقت الكويت بيت حصه حصه : من صجك انت !!!!!! بتسكتون ؟ خالد : شتبينه نسوي حصوص ؟؟ هذا ابونا ؟؟ حصه : ابونا وتزوج .. رضينا .. عذب شيوخ بمشاكل زوجته ونحاستها . .رضينا .. طلنا من البيت واحد واحد .. هم رضينا .. زوج البنيه من غير لا تدري .. سكتنا ولا قلنا شي .. لكن يي انه يسجل البيت بسمها .. مستحييييل مستحييل نسكت منيرة : حصوص مالنا حق نطالب بشي .. هذا بيته وهو حر فيه .. حصه بعصبيه : ياسلااام ... وبعدين .. باجر بيسجل المزرعه باسمها .. وبيوت القريب .. وحلالنا كله بيصير لسويرة .. انتوا من صجكم ؟؟ خالد : حصوص .. خليه .. باجر بيعرف معدنها .. وبيفهم كل شي حصه : بعد شنو ؟؟ بعد ماتاخذ الاكو واللي ماكو .. والله مافيكم احد يبرد الجبد .. وين شيوخ والله لاتسمع بهالسالفه لاتقلب الدنيا وتقعدها .. خالد : لحد يقولها .. هذي مينونه بروحها شايله على الولد .. ماصدقنا تطخ حصه : انا ماني ساكته .. وباجر بروح لابوي واكلمه ..
|
|
|
|
|
28-11-2009, 07:42 PM
|
رقم المشاركة : 64 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
لندن – بوستن
الفندق شيخه كنت قاعده اشوف فلم مو فاهمه منه شي من غير الترجمه .. اشوف الصور بس افلامهم اعوذ بللله ماينفهم منها شي .. يازين الافلام الهنديه من اول مشهد اعرف القصه .. ياربي .. والله اشتقت حق الكويت .. اشتقت حق ربعي .. والجامعه والطلعات والروحات .. اشتقت حق برجر كنج .. من زمان ماكليت وجبات .. اوووف .. خذيت تلفوني ودقيت على مهاوي .. كانت الساعه عندهم 9 ونص .. شيخه : الو مهاوي : الوووو هلا شيخه .. هلا باللندنيه شيخه :ابتسمت بضيقه .. ماادري ليش يتني البجيه . حسيت اني كارهه حياتي هني .. احس اني منبوذه .. عزوز مايدري عني ولاهي بحيبته .. صلاح وطول وقته مع رفيجه ولا يدري عني .. انا بروحي .. اكره اصير بروحي .. مهاوي : شفيج شيوخ .. احس فيج متاضيقه عسى ماشر ؟ شيخه بتنهيده : ولا شي يسوى .. انتي وينج ؟ مهاوي : انا ببيت امي .. خلود عنده شغل .. من يوم سافرتوا وهو ماينشاف اربع وعشرين ساعه بالشركه شيخه : ومنو قاله يسوي شي لعزوز .. كل واحد يجابل حلاله بروحه .. خالد مو ملزوم يسوي له شي كلش .. مهاوي : شيخه انتي للحيـ ـ شيخه : للحين ولي باجر .. لاتظنون بزواجي انا خلاص نسيت اللي صار .. مستحيل .. انا ابي اطلق منه .. مهاوي بتنهيده : ينيتي !!! .. انتوا الحين متزوجين ؟؟؟ شيخه : منو قال ؟؟ احنا حالنا اهوا نفسه ماتغير .. الحمدلله مهاوي : شييييخه .. كلامج هذا كبير..انتي بنفسج ماكنتي تبين تتطلقين يوم خلود سألج .. الناس شبتقول الحين ؟؟ شيخه : ماعلي من احد .. كلام الناس مايهمني بشي .. مهاوي بنبرة : ..شيوخ .. عزوز يحبج حست اني انفجرت هني بس سمعت هالكلمة من مها .. ماادري شصار فيني .. شيخه : منو قالج انه يحبني منوو ؟؟؟ لو مثل ماتقولين .. ماهدني مثل الحمارة هني وطلع ماادري عنه .. لو يحبني .. ماعيشني بهالنكد اللي انا فيه .. عزوز بينتقم مني مهاوي .. بينتقم مني .. تدرين انه يكلم وحده .. يدامي .. عايش حياته ولا جني موجوده .. أي حب أي خرابيط .. عزوز مايربطني غيره الا الكره .. تكفون .. تكفوون مها .. طلقوني منه تكفوووون وقعدت ابجي ... ماادري ليش .. ماادري شصار فيني فجأة .. ليش انفجرت يوم يابوا طاري الحب .. ليش قبل ماكان يهمني .. ليش احس اني مولعه من يوم شفت المسجات .. انا مابيه يحبني .. بس بعد مابيه يهملني .. انا ماعمره احد هملني وعاملني جني مو موجوده .. مهاوي : شيوخ حبيبتي .. اهدي .. خلاص اليوم بس ييي خالد بقوله .. ومايصير خاطرج الا طيب .. قعدت امسح عيوني ولا رديت عليها .. وصتني وكلمتني اكون عاديه واتحمل الين ماانشوف حل وقالت بتكلمني بس اهدى .. وسكرت منها وانفجرت بجيييييي .. غطيت راسي بالمخده وقمت اصييييح . ماادري شللي صار فيني .. ليش كل هالبجي ياشيخه .. ليييش ؟؟؟ كل هذا لانه مهتم بوحده غييرج !!! لا مستحيل .. مستحيييييل خذيت تلفوني وفتحت شعري وفتحت الدريشه وقعدت استنشق شويه هوا .. هوا غير عن حياتي الكئييبة اللي قاعده اعيشها .. سكرت زراير قميصي الابيض بس حسيت بنسمة برد .. ويا على بالي اغني .. والهوا يطير شعري ودموعي .. اغنية لمحمد عبده كنت حافظتها من زمان يا بعيد وجابك الله .. لين عندي وصلك ما تمنيتك لأنك .. كنت ابعد من خيالي ما خطر في بالي مره .. اني ممكن اوصلك كنت اشوفك مثل نجمٍ .. في السماء ساطع وعالي يا بعيد وجابك الله .. لين عندي وصلك جيتني مثل الشروق اللي محى عتم الليالي جيت فرحه للحزين .. اللي من همومه هلك جيتني وانت يحبك الف محبوب بدالي سخرك سبحانه اللي في عيوني كملك .. يا بعيد وجابك الله لين عندي وصلك . هو صحيح احنا التقينا ؟ هو صحيح انت قبالي ؟ هو صحيح اني حبيبك كان لي حق اسألك ؟ كانني احلم طلبتك .. خلني هايم لحالي بالحلم عايش فيه دامي به معك ..خلني يا بعيد وجابك الله .. لين عندي وصلك وبعدها رن تلفوني .. وكانت مهاوي .. مها : الوو ... الحلو راق وهدت اعصابه ؟ هزيت راسي مع اني كنت في عالم ثاني .. صراع مع نفسي وروحي .. عنادي وكرامتي .. وانا اشوف روحي كل يوم اضعف واضعف .. مها : شيوخ .. حبيبتي .. كلشي بيتصلح .. اهم شي لايضيق خلقج .. شيخه : ماظل في شي يونس مها .. حياتي صايرة مثل صفحة سودا .. كئيبة وباهته .. مرات اقول ياليت انا اللي مت مو امي .. مها : ششش لاتقولين هالكلام .. اقولج من يمي الحين ؟ شيخه : منو ؟ مها : جراااحوو .. مييت يببي يكلمج لاشعوريا ابتسمت .. ياحلاته هالولد شيخه : عطيني اكلمه شوي .. مها : ههه هاج جراح : هاي خالتي شيخه شيخه : هلا ياروح خالتك .. كشخه العربي متحسن عندك .. عفيه عليك جراح : ماي فاذر دايما يقولي تعلم يور لانجوج شيخه : فديييتك انا .. ها شخبارك تسمع كلام يدتك ولالا ؟؟ جراح : ايه اسمع الكلام حتى سألي عمتي مها ؟ شيخه : خلاص دام جذيه شنو تبيني ايبلك من لندن ؟ جرااخ : مممم كارز .. ريد كارز شيخه : ولا يهمك .. خلص مابخلي سيارة حمرا الا واييبها لك بعد شتبي جراح : خالتي .. بابا از هير .ز هي ونت تو توك وذ يو .. شيخه بابتسامه : عطني يله شوي ولا ناصر ناصر : هلا بالشيخه .. شلونج ؟ شيخه : هلا ناصر انا بخير .. طمني عنك ؟؟ شلونك .. وو شلون جراح ؟ ناصر :كلنا بخير ومشتاقيلج .. عسى مرتاحه شيخه : الحمدلله وانت بعد لك وحشه ناصر : ...... انا ناطرج .. شيخه : ......... سلم على خالتي والبنات ناصر : .... حطي بالج على روحج شيخه : مع السلامه الجانب الثاني عزيز فتحت الباب شوي شوي .. وانا اسمع شيوخ تغني .. ماقدرت اقاوم .. ماسكرت الباب عشان ماتحس . ورديته بشويش .. قربت منها شوي شوي .. حسيت اني يمكن احضنها او المها بيدي .. صوتها مثل الجو الحلو .. مثل المطر لالامس القلب والروح .. ماحسيت الا بتلفونها يرن .. تميت واقف بمكاني .. وانا اسمعها تكلم مها .. كانت تشتكي .. حياتها سودا معاي !! ..!! وبعدها كلمت جراح .. تسأل عنه ؟؟ ولا عن ابوه ؟؟ بس يوم سمعتها تقول .. هلا ناصر .. حسيت ان الدم بعروقي كله نشف .. حسيت روحي متيبس بمكاني .. كنت اسمع حتى انفاسها .. ماقدرت اتمالك روحي .. ليش سكتت ..شقالها ؟؟؟؟ التفت عقب ماسكرت التلفون وهي تلم شعرها بايدها اليسار .. وماحسيت بروحي الا وايدي تنمد على خدها .. وتعلم عليه طراق ماادري شلون كان .. كنت اشوفها والشرار يطلع من عيوني .. وانا اقولها .. وبيديني ماسك شعرها عزوز : خسارة ان امج رضيه .. خسارة هالقلب والعفه والطهاره تطلع بنت مثلج .. كانت عيونها العسليه مبطله عالاخر وهي تشوفني بصدمه .. وانا كنت احس ان النار تطلع من عيوني .. كانت قبضة ايدي قويه .. لدرجه اني كنت احس باعصابي بتطلع .. وكملت عزوز : ماتستحين .. هذا وانتي متزوجه .. قاعده تكلمين ريال غريب وحب ورومانسيه ياجليله التربيه .. انا اللي اعرف شلون اربيج .. ولاتفكرين انج بتطولين نصور ولا بيطولج .. والله والله دامي عايش .. نصور مراح يتهنى فيج .. سمعتي ودزيتها بيدي على السرير بكره وحقد ونفور .. اكررررررهج .. اكرررررهج سمعت شيوخ تصارخ بعد مالفيت ويهي كنت بطلع شيخه : انا مو متربيه !! .. انا ولا انت ..!! اللي مسجاتك ومكالماتك على مسمع من الكل .. انا الحين اللي صرت غلطانه !! .. رضيت فيك غصب مع انك سبب موت اغلى شخص بحياتي .. رضيت فيك وانت تخوني .. رضيت اتغرب واهد ديرتي واهلي وانت هادني بين اربع طوف .. والحين ياي تحاسبني ليش اكلم ناصر ؟؟؟ !!!! ناصر هذا اشرف منك ومن امثالك .. ناصر حبني وعزني وليومك يتمناني .. وانا لو كنت جليلة حيا .. جان هديتك ولا رديت على احد .. بس مو انا اللي ادفن روس اخواني وابوي بالتراب .. ليتك سمعت شقالي ناصر ؟؟ تدري شقالي ؟؟ قالي شلونج ؟؟؟ انت عمرك وحياتك ماسألتني شلونج ؟؟ .. شبغيتي مابغيتي ؟؟ محتاجه شي ؟؟ ايه .. احب ناصر .. احب ناصر واكرهك .. تعال طقني .. اذبحني .. خلاص تعبت منك فجرتني .. يوم قالت احب ناصر .. حسيت اني ينيت يمكن .. او طار عقلي مسكتها من شعرها وانا اطقها : جـــــــــب ولا كلمة ... جـــــــــــــــــب بس اهي كانت تصارخ بهستيريا : اذبحني .. اذبحني مثل ماذبحت امي .. اذبحني جابلت ويهها وانا اصرخ فيه وامسكها من جتوفها عزيز : انا ماذبحت امي ..... تفهميين .. انا ماكنت موجود .. كنت مع خلود بالمعسكر .. مادريت بشي الا يوم قالولي امي توفت .. انا حالي حالكم .. ماعرف شي ولا ادري عن شي .. ولا شعوريا صوتي خف .. حسيت بنبرة حزن .. غصه يمكن .. كان الحجي مايطلع مني وانا اقول عزوز : امج هي امي .. انا فقدت امي مرتين .. انا ماعندي احد .. امي رضيه كانت كل شي بحياني .. والحين ماعندي شي .. ماعندي شي .. هديت شيووخ وطلعت .. طلعت بروه روحي .. ونفسي وعذاباتي .. نزلت تحت وانا مخنووووووووق .. دخلت البار اللي تابع للفندق من غير وعي .. طلبت لي شي يفقدني احساسي .. ابي شي يخليني بره حياتي وواقعي .. ابي انسى ان شيوخ قالت احب ناصر .. ابي انسى الجرح اللي كل ماله ويزيد يزيد .. شربت وشربت وشربت .. لما حسيت اني خلاص .. مراح اقدر اوقف على ريولي .. تميت ساعتين .. بين اصوات الموسيقى والحريم والناس والزحمه .. وانا والقلاس اللي يمي .. ودموعي اللي تنزل مني غصب .. الساعه 3 ونص الفير عزوز صعدت الغرفه وانا احس بدووخه احس اني مو طبيعي .. قعدت احاول احط المفتاح بس مو قادر اركز .. وبس دخل فتحت الباب .. وفتحت الليت اللي بالممر .. وانا اشوف شيخه قاعده عالسرير ولامه ريولها بيدينها ومسنده راسها على ريولها .. قربت شوي شوي وقعدت على الكنب وانا اسند راسي لين ورى .. وماحسيت الا بايد شيخه على ريولي قبل لاتتحجى بشي .. قلتلها عزيز : باجر بس نرد لندن .. بحجزلج على الكويت .. ورقه طلاقج بتوصلج قريب .. ورديت سندت راسي وماحسيت بشي .. __________________ عزوز الساعه 10 ونص قمت وانا احس بصداع عججييب .. مسحت شعري بايدي وقمت وانا احس بضيق .. قمت وكنت متجهه للحمام .. ولاشعوريا شدتني المنظرة المعلقه على الكبت .. وقفت عندها شوي .. وشفت روحي .. حسيت اني قاعد اصير نسخه من ابوي ... اشرب واطق مرتي .. وعديم المشاعر والاحساس .. حسيت وجنه صوت يقولي راح تصير مثل ابوك .. راح تعيش حياته وتقضي عمرك مثله .. غمضت عيوني احاول امحي هالصورة من بالي واعاندها .. ولفيت صوب سرير شيخه .. وعلى حبيبتي اللي على السرير نايمه بكل هدوء وبراءة .. ... على حبيتي .. ايه حبيبتي .. لاتستغربون .. شيوخ مهما تسوي .. بتظل حبيبتي وروحي .. شيوخ اهي قلب عزوز .. حتى لو ماكانت تحبني .. حتى لو كان قلبها مع ناصر .... ناااصر !! ااااااخ ياناصر .. ماظن تحبها كثر ماانا احبها .. قربت صوب سريرها .. كانت نايمه ولامه ايدها المسكورة بحضنها .. وشويه من كحلها سايح على خدها بمكان الدموع .. عورني شكلها .. كانت نايمه وهي تبجي . .. مديت ايدي ومسجت على خدها وبستها .. اييه بستها .. يمكن تكون اخر مرة اكون بقربها جذيه .. كنت ابي اشبع منها .. ولو كانت نايمه .. تمنيت اشوفها وانا محتار .. احس اني بشتات .. احبها بس خلاص .. ماقدر اتم معاها اكثر .. لان الحب مو بالغصب .. واذا كان قلبها لواحد ثاني مستحيل يكون لي بيوم .. حسيت بدمعه نزلت من عيوني واستغربتها .. خلاص عزوز .. كلشي انتهى .. غير مشاعرك ودوس على قلبك .. وكلن يروح بطريجه .. قمت ببعد ماتنفست عطرها وبست عيونها وجني اودعها .. رحت الحمام وعقب ماطلعت قربت منها وانا اقول عزوز : شيخه ... شيخه .. شيخه فتحت عيونها مدها وعقب قالت: هلا .. ؟ عزوز ببرود وبجمود متصنع : يله جهزي روحج بنمشي بعد شوي .. وهديتها .. اخذت الهداند باك مالتي وزهبتها وغيرت ملابسي ولبست جاكيتي مع بلوفر رمادي وشال اسود وجينز .. خذيت نظارتي الشمسيه لان اليوم الشمس طالعه شوي .. ودقيت على الرسبشن اسوي تشيك اوت .. وسكرت التلفون وشيخه كانت طالعه من الحمام .. كنت احاول اني امنع روحي حتى من لمحها .. كنت احس جني بحرب مع قلبي .. يمكن هذا اصعب شي سويته بحياتي .. وقلت لها وانا اخذ اغراضي واطلع .. عزوز : انطرج باللوبي .. بس تخلصين نزلي .. وسكرت الباب ومشيت .. شيخه فتحت عيوني على ويه عزوز .. صح كنت نايمه بس يعني اول شي شفته كان ويه عزوز .. قربه وعطره .. اول مرة احس ان عزوز حلو .. كانت عيونه الوساع الناعسه تشوفني وخشمه الطويل المسلول ورجولة ويهه وشعره الاسود اللي احاول كثر مااقدر اني مااشوفه .. او المحه .. حسيت برعشه غريبه تمشي بجسمي كله .. وقلت شيخه : هلا .. قعد يكلمني ببرود .. شيوخ شفيج نسيتلي ليلة امس .. وفجأة اتذكرت شصار امس .. حسيت اني ببجي .. عزوز بيطلقني ..!! .. مو هذا اللي ابيه ليش انا مو مستانسه .. ليييش ؟؟؟؟ شيوخ .. انتي كنت تبين تتطلقين .. خلص هذا اللي تبينه وبيصير .. صرت اصرخ من داخلي .. مابي .. ماحب عزوز صح . .بس مابي اطلق منه .. شيخه .. انتي تحبين عزوز !!! مستحيييل .. انا اكرهه ... قمت من سريري وانا ارفع شعري بكلبس .. دخلت الحمام وغسلت ويهي وفرشت وتوضيت لاني ماقمت لصلاة الفير .. وبس طلعت قالي كلمتين ومشى .. كانت الغرفه للحين شايله عطره اللي تعطر فيه عالسريع قبل لايطلع .. غمضت عيوني بعد ماسكر الباب وقعدت على السرير .. ابجي .. ماادري ليش .. اهوا سبب موت امي .. شيخه اصحي .. خلااص .. مستحييل اهوا سبب موتها .. اهوا كان بيده يسوي شي .. حتى لو كان محجوز .. اكيد كان يقدر يمنعها .. لميت اغراضي وقعدت افتح الادراج اتأكد اني مانسيت شي او عزوز مانسى قبل لا اطلع .. ولقيت كل ملابسي بواحد من الادراج .. فهمت ان عزوز اهوا اللي مسوي جذيه .. ضحكت بس تلاشت ضحكتي بسرعه .. وشفت الادراج اللي يم الكنبه ولقيت مشط عزوز موجود .. شلته مع اغراضي ولبست جينز يديد مع بلوزة تفاحيه وجاكيت او وايت بزراير ومخصر شوي ولفيت شيلتي .. صليت قضاء الصبح وطلعت نازله اللوبي .. عزوز كنت قاعد اكلم خالد واسأله عن ابوي وعن الشركه وعن الدوام .. قعد يقولي بعض المشاكل اللي قاعده تواجهه مع النظام اليديد ويبيني اكلم المهندس افهم منه .. لكن مخي ماكان معاي .. ماادري شقول حق خالد .. اقوله اني بطلق شيخه .. لا .. نرد الكويت وبعدها اكلم خالد واقوله بكل شي .. خذيت نفس طويل بس شفت شيخه طالعه من الاصنصيل ..و خليت لعيوني الفرصه انها تتأمل هالجمال من غير لا امنعها .. ابتسمت لما تذكرت هالذكرى العتيجه .. مشية شيوخ ذكرتني بسالفه قبل 10 سنين .. كنا انا وعزوز ونصور وجاسم ... يوم الزواره .. الريال فينا اللي يبوس وحده من البنات >> كنا شايفين فلم امس بالتهريب وقلنا منو فينا الريال اللي يسويها .. واليوم التطبيق .. واللي يسويها لازم كل واحد فينا يعطيها ربع دينار >> كان عمرنا وقتها 10 سنين .. جاسم اكبر منا بسنتين .. فكان خايف ومستحي .. بس احنا ماندري شسالفه .. خلود خاف خواته يعلمون عليه .. بس انا ونصور كنا متشجعين .. مع اني كنت صغير بس اول وحده قعدت يمها عشان ابوسها كانت شيوخ .. كنت ابي اخذ الفلوس بسرعه .. وابيهم يقولون اني ريال > قعدت يمها وشفتها كانت تلعب بسيارتي .. قلت لها عزوز : هذي سيارتي منو قالج تاخذينها ؟؟ شيخه : خلود عطاني .. مابي هذي مالتي عزوز : هيي البنات مايلعبون بالسيارات ..بس الصبيان شيخه اللي صدقت : امبلا يصير !! عزوز : اذا لعبتي بالسيارات راح تصيرين صبي .. شيخه اللي بتبجي : لا لا جذاب .. عزوز : والله كيفج لاتصدقين .. جسوم كان بنيه وبس لعب بالسيارات شوفي صار صبي .. حتى روحي سألينه شيخه وهي فاتحه عيونها ومصدقه عزوز : بس في طريقة وحده .. لازم ابوسج على خدج وعادي لو تلعبين مايصير فيج شي .. شيخه اللي كانت صغيره ماتدري شسالفه : امي تقول عيب .. عزوز : كيفج عيل .. راح تصيرين صبي .. ونسميج يوسف شيخه اللي قامت تبجي : مابي مابي اهي اهي اهييييييييييي عزوز : خلاص خليني ابوسج وبس خلاص بتمين بنيه .. شيخه وهي تمسح دموعها : زين .. وبس قربت صوب خدها ولا يشوفني عمي بوخالد ويطقني ذاك الطق اللي ماانساه .. والصبيان يضحكون وانا اتوعد فيهم .. وشيوخ يتها بعد زفة محترمه ضحكت يوم تذكرت شكثر كلت هالبنت زف وطق من وراي .. ناظرت مشيتها .. أهي نفسها مشية شيوخ قبل عشر سنين .. نفس النظرات البريئة وشموخ الانف .. نفسه الغرور اللي تشهد له حوايبها .. بعدت عيوني عنها احاول اني استرد بعض من قوتي اللي تنهار يدامها لاشعوريا .. وقمت وقفت وهي تبعتني ركبت السيارة بعد ماحطيت اغراضنا ورى .. وشغلت اغنية لمحمد عبده احبها .. ومشينا .. اعتـــــــرفــــــلك)... لاهي نار ولاهي ما ولاهي غيمة ولاسما ان حكت .. غنت سنابل من رضا والسكوت .. إن صار نيران الغضا يارضاها ..وقف وناظر شوي شف غلاها .. كيف سوى بشخص حي وكيف حي ولا لقاها.... وان لقاها . ما بقى في يدينه.....شي غير انه يحتريها سولفي للناس عني سولفي للناس عني قولي اني .. ما عرفت اختار من قلبي يحبــــــــــــــــه سولفي للناس عني ماعرفت .. اقرأ وجوه الحاضرين من الاحبه اعترفلك .. اني فعلاً ما عرفتك ما قدرت اوصل لحل وما فهمتك تجمعين الضد في كل الامور غامضة مرة .. ومرة مثل نور تشبهين ايام .. اوقات الخريف وتمطرين احيان.. احساسك زهور آه .. من قلبي نصحته بس عيا ينتصح نبضه يبيها آه .. منه ليه عيا ليه عزم يترك الكون ويجيها ماقدرت القى لهذا القلب حل الجواب اقفى بظله وارتحل ما بقالي .. غير انتي ياغريبه يارحيل .. العمر فيني يا حبيبه صدقيني صرت من بعدك اخاف واعترف ان الخلاف واسع طريقه واننا ما نلتقي .. في أي شي فينا اختلاف .. فينا اختلاف وللأسف هذي الحقيقة الجانب الثاني المستشفى صلاح كنت قاعد يم محمد بعد ماصحى صالها مده قصيرة .. عرفني وعرف علي .. سألني اشيا وايد لكن ماعرفت اجاوبه على ولا شي .. واكثر شي تعبني يوم قالي محمد : صلاح .. كلمت الدكاترة وقلت لهم اني المستشفى .. لا يحرموني هالكورس .. قولهم اني مراح اطول .. حسيت وجنه غصه بقلبي .. شي عورني هني .. ماقدرت اتحمل وطلعت بره .. اخذ نفس .. الايام اليايه اصعب واصعب .. ياترى شلون بقول لمحمد عن حالته .. شلون بنواجهه .. شلون بيتقبل الموضوع ؟؟ سندت راسي على الطوفه وغمضت عيوني . . ثواني الين ماحسيت بصوت يناديني .. سناء بتردد : صلاح .. !! رفعت راسي وانا اشوفها مستغرب .. تمقلت بويهها شوي وعقب قلت .. صلاح : هلا والله .. سناء منحرجه وبس عيونها كانت غير .. كان سؤالها فيه اهتمام خوف .. رغبه .. ماادري قالت لي سناء : انا اسفه .. ادري يت من غير لا اقولكم .. بس ابي اطمن على محمد .. شلونه الحين ؟ صلاح : الحمدلله .. قبل فترة قصيرة فتح عيونه وقام يتحجى .. وعرفنا يعني .. بس للحين ننطر الدكاترة شيقولون .. سناء : صج .. يقولون انه مراح يرد الكليه ؟ غمضت عيوني وابتسمت ورديت عليها : كل شي بامرالله .. سناء : لا تقولون جذيه .. ان شالله بيرد الكليه ويمشي .. كانت تكلمني وعيونها متروسه دموع . كلامها فيه غصه .. حسيتها كانت مرتبكه .. وقلت بتردد صلاح : حياج .. سناء : يصير ادخل . ! .. اقصد مايضايق .. بس بشوفه من بعيد .. ابتسمت : لا مايضايقه .. اصلا اهوا يمل بروحه .. وجود الناس حوالينه يونسه قلت هالكلمة ومشيت وهي تبعتني داخل الغرفه .. وكان محمد منسدح ويكلمه علي .. قلت اول مادخلت : شوف شكثر الناس ماتستغنى عنك .. وهذي سناء .. يايه تزورك .. الجانب الثاني محمد رفعت راسي بصعوبه وانا اشوف ويه مو غريب علي .. شايفه بس مو ذاكر وين ..صغرت عيوني بتركيز اكثر .. وبعدين وجهت عيوني صوب صلاح ووجني ابيه يقولي منو .. ! ابتسم بويهي وقال صلاح : هذي سناء .. اللي معانا بماده الدكتور ريتشارد .. محمد اللي ذكر الويه بس بعده كان يتمقل بويها : ... هلا .. هلا سناء ... سناء بارتباك اهتمام وخوف : .. شلونك محمد ؟؟ ان شالله الحين احسن ؟؟ محمد اللي كان يحس بدوار : الحمدلله .. احسن .. ليش متعبه روحج ويايه !! سناء وهي تشوفه : لا .. كنت ابي اتطمن عليك .. شلونك الحين ؟ احسن .. محمد بابتسامه : الحمدلله .. ويكلم صلاح : صلوح .. اذن ولا بعد ؟؟ صلاح : لا باجي دقيقتين على الاذان .. خلني اقوم اوضيك حق الصلاة .. رفعت جمومي ورفعت فراشي بمساعده اخوي علي .. بوضع الجلوس .. ويه صلاح ووضالي وصليت وانا ثاعد سناء دخلت غرفة صلاح بتردد .. حسيت روحي متطفله ومالي معنى .. بس ماقدرت امسك روحي .. ولا ارد فضولي بشوفته .. حادث محمد هزني .. وكلام الطلبه عنه بالكليه يخوف .. بيوم وليله صار مايقدر يمشي .. ولا يقدر يكمل دراسته .. ياترى لو درى شبيسوي ؟؟ ويمكن يدري وصابر .. دخت عقب صلاح .. وانا مترددة .. كنت اشوف محمد باستغراب .. توقعت اشوفه منهار .. مصدوم .. لكن صدمني انه كان يضحك ويبتسم .. واحد بنفس حالته يمكن كان ين .. واللي الجمني اكثر .. لما قال لصلاح انه يبيه يوضيه .. يبي يصلي ؟؟؟؟ وهو في هالحاله يحاتي الصلاة ؟؟؟؟ .... وانا بصحتي وعافيتي ولا مرة فكرت اسجد لربي ..!! استحيت من روحي .. ونزلت البلوزتي القصيرة اللي يدوب تغطي شي .. وكتفت ايدي العاريه بخجل .. حسيت اني ببجي .. شفت اخوه سلم علي بتحفظ ورسميه ومن غير لا يشوفني .. وكلم صلاح ومشى .. وعقب قالي صلاح صلاح : انا رايح ايبلكم شي تشربونه .. ماني مطول ان شالله .. شتامرين علي وقلت بسرعه : لا لا .. ولا شي .. انا ماشيه الحين .. صلاح : مايصير .. عالاقل انتي متعنيه لازم تشريبن شي ولا ترى محمد بيزعل قال هالكلمه وابتسم .. وانا سكت وقعدت بكرسي كان قريب مني .. طلع صلاح .. وانا حسيت مكاني كان غلط .. لكن فضول ياني اسأله سناء : شلونك الحين محمد ؟؟ احسن ؟ محمد بضحكه : هههه الحمدلله .. لاتخافين .. ازمه وتعدي .. ازمه وتعدي !!!! >>> كل هذا وازمه وتعدي ... محمد اللي كان يعدل سريره بجهد ومو قادر .. حسيت فيه وعلى طول ييت .. سناء : اساعدك .. ؟؟ محمد : تسلمين يالشيخه .. بس نزليلي السرير شوي .. احس بدوار .. قمت ونزلت السرير حقه ووقفت عقب وقلته .. سناء : اييبلك شي ؟؟ .. محمد بابتسامه وهو يهز راسه : لا والله .. سلامتج .. قعدي بس .. رديت قعدت لكني ماقدرت اتم اكثر .. ماقدرت اشوفه بهالحاله .. شي مثل صراع في نفسي .. يعني اذا تميت اكثر يمكن انهار .. ماادري شصار فيني .. بس ماقدرت اتم وقلته سناء : اسمحلي .. انا ازورك وقت ثاني .. وطلعت .. حتى مانطرته يقولي شي .. طلعت وانا اركض وابجي واصيييييح .. مخنووقه وماقدرت اتم اكثر شكل محمد هزني .. هزني فوووق ماتتصورن ... بعد ساعه السكن شهد وعليا تيييييييين تووووون >>> صوت الجرس شهد اللي كانت تكسر حب وتشوف فلم : عليو قومي فتحي الباب عيااللي كانت تغسل الحمام : مابا .. قومي انتي ماتشوفيني مشغوله !! شهد : حبيتبي انتي .. قومي قومي .. الفلم حلو مابيه يطوفني .. عليا : سوري حبيبتي .. حركي ريولج شوي فديتج .. شهد : اوووف .. زيين قمت وفتحت الباب وانصدمت بسنوي . يات بحضني وقعدت تبجي منهارة .. عمري وحياتي ماشفت سنوي جذيه .. رفعت ويهها وانا اسألها .. شهد : سنوي .. شفييج ؟؟ شصاير ؟؟ عليا اللي طلعت من الحمام وهي رافعه هدومها وبيدها المساحه : شووووو صاير ؟؟ بلاج سنوي ؟؟ سناء : ماقدرت اشوفه جذيه ..هزني منظرة ..وفوق كل اللي فيه .. كام يضحك ويبتسم وجنه مافيه شي ... لميتها على صدري وانا اقول : ششش حبيبتي هدييي هديي .. تعالي .. قعدنا بالصاله وسناء كانت تبجي بشكل فضييع .. وبعد ماهدت شوي كنت بونسها وقلت شهد : تبين تضحكين .. شوفي شكل سنوي تكفين ؟؟ مو جنها خدامه مسترجعه ؟؟؟ رفعت راسها سناء وشافت عليا وفطست ضحك : هههههههههههههههههههههههههههههههههه شهد : ضحكي ضحكي .. شوفي يازينج وانتي تضحكين .. عليا : عاد مالقيتوا تضحكون الا علي انا هههه يله معليه وقالت سناء بصدق وعفويه حسيت فيها بعيونها : تخيلوا .. كان يضحك ويبتسم ويسولف .. محمد ماراح يمشي مرة ثانيه ولا راح يقدر يكمل دراسته .. وكان حامد ربه وشاكره .. وهو في هالحاله .. وانا اللي كلشي عندي وبصحتي .. عمري وحياتي ماحمدت ربي على اللي انا فيه .. الله قادر انه يخليني بيوم وليله مثل حالة محمد واسوء.. حسيت روحي صغيره وتافهه وجاحده .. ماقدرت اتم اكثر .. طلعت حتى ماسلمت عليه .. سكتا كلنا واحنا نسمع سنوي وهي تتحجى باندفاع .. كان كلامها بعيونها اكثر منه مجرد كلام .. حسيت فيها متأثرة .. ابتسمت من داخلي عشانها .. وحاولنا نهديها ونطمنها .. وقلنالها تنام عندنا الليله بس قالت ان يدتها وخالها وبنت خالها بيوصلون اليوم .. لازم تروح تستقبلهم .. __________________
|
|
|
|
|
28-11-2009, 07:44 PM
|
رقم المشاركة : 65 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
نفس الوقت
|
|
|
|
|
28-11-2009, 07:46 PM
|
رقم المشاركة : 66 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
عزيز )
كلمتها ذبحتني .. والله ذبحتني .. شيووووووووووووووخ ماتبيني .. افهم .. افهم يالغبي .. شيوووخ ماتحبني ولا عمرها راح تحبني .. حسيت بنغزات بقلبي .. نزلت عيوني وانا اضغط عليهم حيل .. مابي ابين هالشي يدام احد .. وسكت وانا اتألم اكثر واكثر .. مرة من كلمتها .. ومرة من عوار قلبي اللي صاير يلازمني هالايام .. حسيت بشوقها لصلاح .. وجنها كانت محبوسه بسجن وماصدقت على الله يفكها السجان .. انا بنظر شيخه .. سجن .. سجن وتبي تطلع منه باي طريقه .. حاولت اني اشتت تفكيري فيها طول قعدتي من صلاح .. كان يسولف وانا عيوني وروحي وقلبي كله بذيج الغرفه .. ريحه عطرها عايشه بانفاسي .. ماني قادر حتى اطردها لانها ترد تدخل فيني وتعيش فيني اكثر واكثر ... يت تمشي بدلعها اللي اربكني وقدمت العصير لصلاح وهي تضحك وتسولف .. والفرحه باينه بعيونها .. تمنيت اكون مكان صلاح .. ولو لحظات بسيطه .. غمضت عيوني وانا اتذكر قبل لا يدخل صلاح شلون كانت شيخه .. ياترى كان مجرد تقبلها لواقع ظنت انها بتعيشه مجبوره .. وماصدقت ياها الفرج !! ااااخ ياشيخه .. اااااخ بس .. ياليت اقدر اشيلج من قلبي جان ارتحت .. كانت تقرب صوبي وبمشيتها المتمايله وصوت كعبها اللي هز فيني كل عرج ينبض .. لكن عيونها مو عندي .. وقلبها بعد مو لي .. قربت مني العصير .. خذته بسرعه .. كنت بس ابي اضبط دقات قلبي بقرب عطرها اللي دوخني .. وماحسيت فيها الا وهي رايحه ... وتاركتني بنار حبها وكرهها .. ( شيخه ) شيخه : شهوود اول شي قولويلي .. شصار بالدرب ؟ شهد تستهبل : اي درب ؟ شيخه : اقول . كلي تبن وتحجي وعن الاستهبال شهد : ههههههههههههه كلي تبن بعد .. شيخه : خلصيني .. يله .. ترى صلوح باينته طاح بحبج خلاص .. شهد ارتبكت وخصوصا بهالامور .. قامت تسبب لها حساسيه .. وهي اصلا تدري ومتيقنه مليون بالاميه ..من شعور صلاح لها .. وماتبي تكبر هالموضوع براسها .. وهي نست هالسوالف شهد : شيوخ شهالكلام .. صلاح مثل اخوي .. شيخه : استريحي بس .. اقولها الريال ميت فيها تقولي مثل اخوي .. وبعدين ياماما وين بتلقين واحد مثل صلوح الهم .. صج انه هم وثقيل طينه .. بس والله ينحب .. شهد : هههههههه حرام عليج .. شيخه : ههههههههههههههههههههههههه حرام علي هاا !! وشهد تحذفها بالمخده : ياحمااارة .. بس بطلي هالسوالف شيخه : ااااخ من الحب بس .. شهد : ههههههههههههههههههههههه امشششش .. الحلو طاح بحبه خلاص ؟؟؟ شيخه والابتسامه والنظرة الحالمه راحت من ويهها : اي حب واي بطيخ .. شهد : تدرين شيووخ .. توقعت ايي القاج غير عن جذيه .. ماادري .. استانست يوم شفت ويهج مرتاح .. الا تعالي .. ايدج شفيها ؟؟؟ شيخه بتردد تقول ولا لا ... وفكرت اخر شي انها ماتقول .. ماتدري ليش .. يمكن ماتبي تشوه صورة عزوز بعيون شهد : هاا .. لا ولا شي .. بس ايديني حاشت الدش وانا اسبح وانكسرت .. شهد : اووووووف ... حاشت الدش وانكسرت مرة وحده ؟؟ شيخه بارتباك : .. ايه .. ماعليج من ايدي .. شهود محلوة .. شعندج ؟؟ شهد : ههههههههههه انتي وبعدين وياج .. ترى بهدج وبروح ؟؟ شيخه : ههههههههههه قولي قولي .. تبين تروحين معاه .. جكيتج شهد : ههههههههههههههههههههههههههههه وليييين .. صج محد يفتك من لسانج .. شيخه : يابعد عمري يامرت اخوي .. الله متى بس يعزم متى ؟؟؟ شهد باحراج كبيييير وصدمه .. هذي شتخربط .. .. وحاولت تضيع الموضوع عشان ماتفكر زيادة .. شهد : اووف سكتي بس .. شيووخ وين رحتي هني وين ييتي ؟؟ شيخه اللي من يات ماراحت غير بوستن .. وكانت طول الايام هذي بمشاكل وهم ونكد مع عزوز .. شيخه : ولا مكان .. رحنا بوستن يومين ويينا .. شهد : شوفي حبيبتي .. انا الحين بعطله .. وبعرفج على البنات بالسكن .. خوش بنات فله .. متى ماتبين تروحين السوق ولا تطلعين هني ولا هناك .. ترى مايردج الا لسانج .. شيخه بلهفه للطلعه .. خاصه مع البنات .. تحس ان الروح ترد لها .. تحب سوالف اليمعات والقز والسوق من يوم يومها .. شيخه : اي والله .. ياليت .. صج احس روحي مخنوقه من غير سوق هههه .. جني مو مسافرة .. شهد : ولا يهمج عيل .. نروح انا وياج وعليا وسنوي .. وبنت خالها هاي بعد ياي من الكويت شيخه : حلو .. عيل ضبطو لنا طلعه .. وانا موافقه شهد : من غير لا تسألين عزوز ؟؟ انتي الحين متزوجه حبيبتي .. وشورج مو بيدج ههههه شيخه بغرورها المعهود وفكرتها اللي تحاول دايم تقنع روحها فيها : محد لا شغل فيني وين اروح ووين ايي .. وبعدين انتي عارفه كيف حالتي انا وعزوز .. شهد بأسى : شيوخ .. ماتعبتوا من هالعناد انتي وياه ؟؟ شيخه بتنهيده : لا .. وبتررد اول مرة تحس فيه .. : تدرون اني مابيه .. وخذته غصبن عني .. شي بقلبها يقول لها العكس .. انتي تبينه .. انتي تبينه .. وكنه صوت من داخلها يردد هالكلمه دايم .. وهي تحاول تثبت العكس بس ماتقدر .. وقالت عشان تهرب من روحها ومن مشاعرها .. شيخه : قومي قومي .. خلينا نزهب العشا بالمطبخ .. احنا ناكل هناك عالطاوله .. والريايل نحط لهم على طاولة الطعام ... شهد قامت وياها. .. وراحوا يجهزون العشا وخذتهم السوالف اللي كانت اغلبها ضحك ووناسه .. الجانب الثاني السكن .. عليا تصرخ من الحمام : سنوووووووووووي الباب مفتوح دشي انا اسبح .. دشت سناء بلبسها المعتاد .. جيييينز وبلوزة مخصرة .. ليمونيه وشال اصفر اغمج من الدر جه لافته على رقبتها ونظارة شمسيه ديوور .. ومكياج صباحي ... ودخلت معاها بنت خالها اللي اهي عبير .. عبير كانت رشيقه وجنها عارضة ازياء وجميله .. لكن جمالها بارد .. يعني مايجذب الوالد .. تحسين في ويهها برود .. وغرور يفووووق الوصف .. كانت لابسه تنورة قصييرة فوق الركب موردة فوشيا بابيض .. وبلوزة باكمام طويله بيضا وشال فوشيا ورافعه شعرها بشكل حلو .. وساعه اقنر والنظارات طبعا جورج ايرمني .. سنوي اللي متعودة على الجو بهالشقه .. ومعتبرتها بيتها الثاني سناء : عليوووو كل هذا سبووح .. طلعي خلصيني .. عليا تذكرت بنت خاله سناء ووانحرجت .. وطلعت بسرعها بشعرها المبلول وهي تنشفه بالفوطه عليا : .. هلا هلا .. اسفه والله .. تأخرت عليكم سنوي وهي تنسدح على الكنبه وماخذه راحتها : لا والله .. صج .. عليا : هلا بج عبير .. استريحي ليش واقفه .. بيتج ومكانج عبير اللي كانت منأرفه من المكان بكبره قعدت على طرف الكنبه : .. هذا اثاثهم من متى مو مغيرينه .. !! عليا ضحكت بحسن نيه : هههههههه اظن من قبل الحرب العالميه الثانيه عبير اللي منأرفه ابتسمت ابتسامه بارده وحتى مافصخت نظارتها عليا حست روحها مفتشله .. ماادري هالبنت شكلها تحب الرسميات .. وقامت على طول وهي تقول عليا : اسفه .. ماضيفتكم .. دقايق بس سنوي تصارخ عليها وهي بالمطبخ : اقووول .. شهود وينها ؟؟ عليا من المطبخ بصوت عالي : رايحه عند ناس معارفها هني .. قريب من صوبنا .. سنوي : وين ؟؟ ومنو ؟؟ عليا : ممم اظن بنت جيرانهم .. قاعدين في بيكر ستريت .. هي تصير اخت صلاح اللي معانا بالجامعه سنوي اللي تذكرت محمد .. مازارته من ذاك اليوم .. كانت طول هالفترة تحاول انها تنسى شكله .. تنسى السرير الابيض .. والفراش الابيض .. اللي يمكن انه يضمها يوم من الايام .. حستها كان مثل الكفن اللي ممكن يغطي جسمها العاري ... وحست بقشعريره بجسمها كله .. وكملت بتردد .. سنوي : ماتدرون شي عن ... محمد ؟؟ عليا وبيدها الصينيه : لا والله .. من زرناه ذاك اليوم ماادري عنه شي .. وقدمت لسنوي اللي تعرفها تموت في البايسن .. : تفضلي .. وبعدين قدمت لعبيراللي شكلها مو عاجبها المكان ولا عليا بكبرها عليا : سامحينا .. ماادري شو تحبين .. يبتلج برتقال .. عبير ناظرت الكوب بقرف : نو نو .. ثانكيو .. مااشرب عليا بانحراج واضح : لييش .. ايبلج شي ثاني ؟ عبير : لا بليز .. لاتعبين روحج .. عليا بنفور : مم على راحتج .. وقعدت تسوف مع سنوي اللي واضح انها بدت تتقبل وتتأقلم مع الاشيا اللي تعلمتها من عليا وشهد .. واولها الصلاة .. قامت تصلي فروضها بالوقت .. وهذي اول خطوة بالدرب الصحيح .. اما عبير فكانت منقرفه لابعد حد .. شهالناس الجيييييب .. سنوي هذي ماادري من وين تطيح عليهم .. كانت تناظر لبس عليا المتواضع .. جينز وبلوزة عاديه .. وشعرها الطويل الملموم بكلبس .. بس ماشافت قلب عليا اللي يسع الدنيا كلها .. تمت تهز ريولها بملل واضح .. وبعدها خذت التلفون ودزت مسج لــــــ ( حبيبي ) المسج ( عزيز حبيبي .. وينك .؟؟ ) لكن مارد عليها .. ونطرت خمس دقايق عقب دزت له مسج وقالت ( كلمني ضروري عندي لك مفاجأة ... أحبك ) +++++++++++++++++++++++++++++++++ الساعه 11 حست شهد ان الوقت تأخر .. رغم انهم ماحسوا بالوقت اللي ضاع بالسوالف والعشا .. حتى انهم غسلوا مواعين العشا مع بعض .. كانوا يحسون بنشوة الصداقه لابعد حد .. شهد : شيووخ .. فديتج .. كلمي صلاح .. تأخر الوقت وانا لازم ارد البيت .. شيخه : عن الدلع يله .. تو الناس .. الساعه يادوب وصلت 11 شهد : هههه لا والله .. ليش ماوراي بيت انا ؟؟ شيخه : اهاا ههههه ريلج وعيالج ينطرونج ؟؟ شهد:هههههههههههههههههههه جب .. احاجيج من صجي .. قومي كلميه شيخه ماحبت تحرج شهد اكثر خصوصا بعد ماتأخر الوقت .. حستها مو حلوة يوصلها سلاح متأخر .. وقالت لها شيخه : زين .. زين يالعيوز .. بروح اكلمه وبمشيها لج هالمرة .. قامت شيوخ وانا قمت البس عباتي .. شفت روحي بالمنظرة .. اتأكد من شكلي قبل لا اطلع .. واتذكر كلام شيوخ عن صلاح .. وباصرار اكثر قلت .. صلاح اخوي .. اخوي وبس .. .!! ( شيخه ) طلعت اكلم صلاح واقوله ان شهد بترد .. وهو على طول قام وقال صلاح : اي والله ماانتبهت على الوقت .. خلاص عيل .. خل نمشي احنا .وان شالله بييكم كل يوم عزوز : اقول .. ان شالله مادليت البيت بس ؟؟ صلاح : هههههههههههههههههه طرده معتبره .. عزوز : لا حبيبي .. البيت بيتك .. وانت عارف .. صلاح : زين عيل .. يله مع السلأمـــ ــ وما مداه يكمل سلامه الا وحسيت روحي اقوله ... شيخه : صلاح ... بييي معااك !! صلاح : نعم ؟؟؟ شيخه ومشاعر ملخبطه فيها .. تدوس على قلبها اللي بدى ينبض لعزوز .. عشان كرامتها كرامة امها .. شيخه : برد معاك البيت .. تكفى صلاح حسبها مشتاقتله وماشبعت منها .. وضحك على خبالها وهو يكلم عزوز : ينت هذي ؟ ههههههههههههههههههههههههههههههههههههههه اقول مرتك صاحيه ؟؟ مشربها شي ابتسم عزوز ابتسامه صفرا .. تخبي وراها حزن الدنيا كله بس انا كملت كلامي من غير احساس .. كنت بس ابي اهرب من هالشعور اليديد اللي احسه .. شيخه : بب .. بروح البس عباتي وايي معاك .. وقبل لا اروح مسكني من ايدي وقالي : ههههههههه يالمينونه .. والله والله بيكم انتي شفيج بطير يعني .. ممم ولا تدرين شلون .. اليوم بسهر معاكم .. احم .. يعني اذا بتضفوني عندكم ماااقول لا .. شيخه رفعت عيونها اهي وعزوز فجأة وشافوا بعض ..!! هذا بيفضحهم الحين !!!!! عزوز بدهاء ومكر : والله والله على لساني .. وقول تم .. اليوم انت ضيف عندنا .. كلشي ولا زعل شيووخه .. ابتسم وبرسه فكره ومحاوله اخييرة ... وان شالله تقربه من شيوووخ .... ييااااااااااااارب شيوخ سكتت .. حكروها بشكل ماتقدر تطلع منه .. ورجعت شعرها بحركه انثويه لورى وتصنعت الابتسامه .. ودخلت تنادي شهد .. طلعوا شهد وصلاح بعد السلام ... وبس سكر عزوز الباب .. عزوز : ........ شيخه !! ( حب يستخدم اسلوب عزة النفس ) شيخه ماكان لها خلق تتحجى لانها عارفه سحر عزوز عليها هاليومين .. وتدري انها بتضعف عشان جذيه تبي تنحاش باي طريقه .. وهذا صاير اسلوبها اليديد .. شيخه لفت وبحركه خلت شعرها يتحرك معاها من نعومته يعلني فدى هالطوول والجمال انا : احم .. اذا تبين تروحين معاه .. انا مستعد اقوله عن كل شي .. شيخه : بعد شنو !! .. خلاص .. خل تعدي هالليله على خير .. مابي اشغل صلاح بموضوعي .. عزوز قرب منها وبصوت ونبره اول مرة تسمعها منه ... ناظر عيونها ورفع وييها بيده .. كانت دقات قلبه تزيد اكثر واكثر كل ماقرب منها .. وكان يحس ان البيت كله مافيه الا عيون شيخه ... شيخه وبس .. عزوز : تبيني اطلقج .. !! شيخه كانت الكلمة اكبر منها .. حتى انها ماقدرت تستوعبها .. ناظرت بعيونه وجنها تقوله بعد شنو !! بعد مازوجتوني غصب طيب .. ومن غير لا ادري .. بعد ما انزرع فيني الكره وكبر يوم عن يوم .. بعد ماطاح الفاس بالراس .. اطلق ..!!! وين اروح ؟؟؟ وعند منو ؟؟؟ خلود ولا صلاح ولا حصوص .. دايمين لي ؟؟ وابوي !!!!!!!!!!!! . ااااه بس .. نزلت دمعه من عيوني غصبن علي .. كنت احس بضغط .. مليت من التفكير .. ودي حياتي تمشي وخلاص ... تعبت من كلشي حواليني .. بس كانت اصابع عزوز .. هي بلسم دموعي بهاللحظة .. كانت لمسته لخدي احلى شعور حسيته مسح دمعتي باصابعه ... ومن غير شعور .. حضني .. خذاني بحضنه وانا مستسلمه .. شلون وليش ؟؟؟ ماادري .. بس حسيت اني تعبت .. تعبت وابي ارتاح .. وتركت روحي بين ايدينه .. كنت ابجي بصمت .. وصمت رهييب .. لكن كلماته كانت تطمني اكثر واكثر .. وتريحني اكثر واكثر عزوز : اوعدج شيوخ .. اوعدج اني راح اسعدج .. خلينا نعطي روحنا فرصه .. خلينا نجرب .. يمكن ننجح .. ويعلم الله .. وربي شاهد علي .. اني عمري ماتمنيت لكم الا الخير .. واعدكم اهلي وزود .. انا ماعندي غيركم .. وامج هي امي .. والله الشاهد علي .. لو كنت ادري بزواج عمتي من ابوج .. قبل اللي صار جان عرفتي شلون بتصرف .. انا مقدر احساسج .. ويمكن لو كنت مكانج راح احس بنفس الشعور .. بس احلفج بالله ( وبعدها عنه وناظر عيونها ... يبيها تقرى الصج بعيونه قبل كلامه ) تهقين اني اقدر اضر البيت اللي لمني .. والعايله اللي شالتني واهتمت فيني من وانا صغير .. الام اللي مسحت دمعتي .. يوم ماكان عندي احد يمسحها .. وسهرت لي بالمرض .. وحبتني مثل واحد من عيالها !!!! جاوبيني شيخه ..... جاوبيني .!.!!! حسيت ان عيوني غرقت بالدموع ... ومالقيت غير حضن عزوز .. يخفف المهم .. طلع مني صوت مخنوق بالبجي ... شيخه : انا .... اسفه وكانت ايدين عزوز المشدوده علي بقوة تعبر اكثر من كلمته يوم قالي عزيز : احبــــــــــج إختـلفنا مين يــحــب الــثـــانـــي أكــثــر, و إتـفــقـــنــا إنـك أكــثــر و آنـا أكـثـر, من عدد رمـل الصحــاري و من المطر أكثر و أكثر. كـيــف نـخــفـي حـبــنـا و الــشــوق فـاضــح, و فــي مــلامـحـنـا مــن اللـهــفــة مــلامــح, عاشقين و نبضنا طفل حنــون لو تزاعلـنا يسـامح, و الـــــهـــــــوى شـــــي مـــــقـــــــدر, إختـلـفنـا مــن يـحــب الـثـانـي أكـــثــــر... هنني ياللي جميعـي لـك هنا,حطـني بـآخـر مـداي, طيرك اللي ما يبي غيرك أنا,ضمــنــي إنـت فضاي. صــدق إنـي فـيـك مــغــرم, فـيك مـغـرم فـيـك, و الـحياة إيـش الـحـيــاة, إلا مـشاهـد ناظريك. يــا نـهـار لـو تـغـيــب الــشــمــس واضـــح, كـيــف نـخــفـي حـبــنـا و الــشــوق فـاضــح, و فــي مــلامـحـنـا مــن اللـهــفــة مــلامــح عاشقين و نبضنا طفل حنــون لو تزاعلـنا يسـامح, و الـــــهـــــــوى شـــــي مـــــقـــــــدر, إختـلـفنـا مــن يـحــب الـثـانـي أكـــثــــر... يمك دروبي و كل الناس يـدروا بـي و أنــا أدري, كل قلب له حبيبــه و إنــت مـحـبـوبـي و تـدري, من عيونك صـعـب تسـرقـني سـواليــف البــشـــر, و أنـا النـظــر و إنــت لـعـيــوني النــظــر, و الـهـيـام اللي سـكـن فـيـنا تـعـدانا و كبر, صــــار مــــثـــل الـــريـــح جــــامـــــح, كـيــف نـخــفـي حـبــنـا و الــشــوق فـاضــح, و فــي مــلامـحـنـا مــن اللـهــفــة مــلامــح عاشقين و نبضنا طفل حنــون لو تزاعلـنا يسـامح, و الـــــهـــــــوى شـــــي مـــــقـــــــدر, إختـلـفنـا مــن يـحــب الـثـانـي أكـــثــــر ( شيخه ) كنت متناسيه تماما كل شي حواليني .. كان حضن عزوز اقرب شي لقلبي .. ماادري شللي خلاني استسلم بهالسهوله ... ولا ادري شللي خلا مشاعري تنفجر بهالطريقه وترضخ له بهالسهوله .. وانا الشيخه .. الشيخه اللي محد يقدر علي ... طول هالسنين وانا وعزوز .. راسنا براس بعض .. مستحيل كنا نتفق على شي .. وعمرنا ماكنا على مود واحد .. بس الحين غير ... غيييير .. احسه اقرب شخص لي بهالدنيا .. تضحكون علي .. ضحكوو .. لكن انا قاعده اقولكم اللي بقلبي .. حسيت بحضنه بكل مشاعر الشوق والحب .. لكن ماهزني اللي هزني .. ولا زاد دقات قلبي الا يوم قالي عزوز : احـــــــــــــبج .. حسيت انفاسي زادت سرعتها .. وقلبي صار يدق .. وووولعت خدودي .. ووخرت عنه مرتبكه .. شسويت .. انا شسويت .. شفيني جذيه !!!!! عزوز بنظرة عمري وحياتي ماشفتها بعيونه .. كانت عيونه تلمع .. اول مرة اشوفها عن قرب جذيه .. رموشه كثيييفة .. وعيونه حيل نعسانه .. وفيها سحر يخووووفني .. قرب مني وبهمس وهو ماسك يديي يخفف رعشتها بقوووة عزيز : ليش تطالعيني جذيه ؟؟؟ ... مو مصدقتني ؟؟ والله احبج .. احبج .. تسمعيني قالها وعيونه ماشاللها عن عيوني .. وانا ضحكت بحيا على طريقته اللي جنها مثل الافلام .. عزوز بابتسامه اكبر وهو يضحك معاها وبصوت اعلى : احــــــــــــــبج ... اعشقج .. اموت فيج شيخه كانت شبهه مصدومه .. تحبني ..!!! عزوز يحبني .. وانتي ؟؟؟؟ انا اموت بانفاسه .. من يوم كنا صغار .. من يوم ماكنت ماحب يعافر ويسولف مع اي بنت غيري .. من يوم ماكنت متعوده ان عزوز وشيخه .. ثنائي ولو بالهواش والصراخ والعناد .. من يوم ماكبر .. وصار مراهق وكان يطل علي من غرفتي انا ومنور .. يحذف علينا بالونات مليانه ماي .. \ من يوم ماكان ياخذ كل فلوسي بالعيد .. وبعدين يراضيني بعروسه ورساله مكتوبه ببراءة ممزوجه بشطانته المعهوده .. من يوم ماشفته اول مرة بدوانيه بيتنا بعد ماكبر وصار ريال مشورب ... يوما كان قلبي يدق .. وماكنت عارفه افسر مشاعري ... وسميتها كره .. تيمنا بماضينا انا وعزوز .. من يوم ماقرروا يخطبون له ليلى .. والغيرة كانت اهي المفسر الوحيد لمشاعري .. شييييخه .....!!! انتي مو بس تحبينه ... انتي تموتين فيه ....!! عزوز بابتسامه اعجاب لعيونها وسرحانها فيه : سمعي ... ابي انقل اغراضي لغرفتج .. لان صلاح اذا ارد .. بياخذ غرفتي وينام فيها شيخه حست بخوف : هااا !! عزوز وهي يلعب بشعرها بيده : ماتبيني ؟ شيخه بغرور ودلع : لااااا هههه عزوز : مو على كيفج هههههه يله سويلي مكان بليز .. اغراضي وهدومي كلها بيبها .. شيخه انحرجت .. ماتحاتي الا شي واحد .. شلون بتضمها غرفه وحده اهيا وعزوز ... تحس كل شي حوالينها حلم ... اكيد انا بحلم .. بس عجبها الحلم .. ولاول مرة بحياتها تحس انها تستلم لقلبها .. وماتدوس عليه مثل كل مرة .. كانت مستانسه بمشاعرها اليديده لعزيز .. ومبسووطه اكثر .. ان عزوز يحبها كل هالحب .. لكن عزوز مانطرها حتى تجاوب .. تركها وطلع غرفته يلم اغراضه وملابسه وينقلهم لغرفه شيخه قبل لا يوصل صلاح .. وهو بقمة وناسته ان اخر خطه له مع شيخه نجحت .. وصبره كل هالسنين ياب نتيجه .. تذكر وهو يلم اغراضه .. قرب شيخه له .. وحضنها اللي كان مالي عليه كل شي حواليه .. تذكر نعومتها .. وجمال عيونها العسليه اللي للحين يشك ان فيهم سحر .. لا اكييييد فيهم سحر .. ابتسم براحه عمره ماحس فيها .. وخذا تلفونه يبي يشكر صلاح .. ييته غيرت شيخه اميه وثمانين درجه دزله مسج وكتب فيه .. (( i love u )) ومعاه بووسه وبدل مايريسله لرقم صلاح .. ارسله لرقم عبير اللي كان اسمها بتلفونه .. صاحبي وكان قبل اسم صلاح .. فما انتبه للارسال .. وحذف التلفون وكمل يلم ملابسه صلاح وشهد القطار صلاح كان كل شوي يطالعها من غير لا تشوفه .. يرفع عيونه عليها وبس تشوفه يوخر .. كان وده يسولف معاها يقول اي شي .. لكن .. خاف .. خاف تظن ان يبي يلعب عليها او يمكن خاف من ردة فعلها .. واكتفى بانه يناظر هالطفوله والبراءة كلها .. وقطع هالنظرات .. رنه تلفون صلاح وكانت الرنه ( لمني في محجر عيونك حبيبي وضمني .. ) شاف المتصل وكان محمد .. فديته ماادري عنه اليوم .. شاله على طول صلاح : هلا هلا بالزعلانين محمد : وينك هاا ؟؟ تميت بروحي انا .. علي قال بيروح مشوار وتأخر .. مليييت زهقت وينك ؟ صلاح : والله اعذرني .. اليوم رحت زرت اختي وريلها هني .. واكلت زف محترم من ورى راسك محمد : هههههههه قلعه احسن .. صلاح : صج مو كفو ... يله .. بس مقبوله منك يابحمود .. بطوفها لك عشان البيبسي والشيبس اللي بينا .. محمد : ههه اخلص علينا وينك ؟؟ صلاح : انا .. احم .. انا بالقطار .. ياي ارجع .. شهد وراد لاختي وريلها بسهر معاهم اليوم وباجر بييك من فير الله ( صلاح حس بنشوه مو طبيعيه وهو ينطق باسمها .. شهد ... يازين هالاسم ويازين صاحبته .. ) محمد باستغراب : منوا شهد ؟؟ اللي معانا بالجامعه ؟؟ وليش ؟ صلاح : بعدين اقولك .. المهم .. يله فارج وانا باجر ادق عليك محمد : فارج هاا .. هيين انا بس خل اطلع من المستشىفى واوريك شغل الله .. صلاح حس بغصه من كلمته .. والله لو تدري ياحمود انك مراح تمشي ما قلت هالكلام ولا طليت بويهي حتى .. انا اسف .. بس ماقدر اقولك الحقيقه .. خايف عليك .. صلاح : زز ين .. زين لا تهدد .. يله تامرني بشي يالغالي ؟؟ محمد : سلامة عمرك .. يله فمان الله صلاح : مع السلامه سكرت من حمود ومرت عربة فيها شبس وسوالف سناك يعني .. اخذت لي وكلمت شهد صلاح : شنو اخذ لج ؟ شهد رفعت عيونها السرحانه بالدرب صوبه : هلا ؟؟ صلاح : ههه شكلك كنتي سرحانه ؟ .. مم شنو تحبين ؟ شهد : لا تسلم .. مابي .. تونا متعشين .. صلاح : ميخالف .. اخذيلج جلكسي ولا عصير .. يعني .. باقي وقت على مانوصل .. شهد اللي كانت عطشانه ... بس طبعا ماتقدر تقوله ابي وردت شهد : لا معليه .. مشكور .. والله شبعانه صلاح بعفويه مايقصدها : زين انا باخذلج على ذوقي .. ان شالله تحبين ذوقي .. وانا متاكد .. ضحكت شهد ضحكة استغراب من صلاح .. ضحكه صغيرة خلت صلاح ينقلب حاله فوق تحت .. تم يشوفها ويبتسم لاسنانه وخدودها اللي ارتفعوا وهي تضحك .. يافدييييت هالويه انا .. شهد ارتبكت وحست انها ذايبه بعباتها من الاحراج وقالت له .. شهد : ههه المرة تحاجيك .. تقصد المضيفه اللي تدز العربانه .. رفع راسه صلاح بارتباك وطلع فلوسه وعطاها وخذا منها التشوكليت والعصير اللي شراهم لشهد وله .. وعقب ضحكت المضيفه بمكر وهي تقول المضيفه : oww >> you may be love her to much.. it so butifull .. look like brtni spers ( اكيد انك تحبها وايد .. جميلة ماشالله يخزي العين حوله تشبهه برتني سبيرز ... الترجمه ) شهد انقلب حالها .. هذي شتخربط .. وكحت غصب عنها ... وصارت تتعبث بجنطتها اللي يمها يعني ماسمعت .. اما صلاح فارتبك من ربكتها .. وضحك للمضيفه ولا علق .. صج مايستحي .. صلاح بعيون حالمه : تفضلي يابرتني سبيرز .. ههههههه شهد تضحك : هههههه قلتلك مابي .. صلاح : مايصير ترديني .. ماتحبين الجلكسي ؟؟ طيب اخذي عصير برتقال شهد اللي ميته عطش لكن مو قادره تاخذ : معليه صلاح .. والله مو يوعانه .. تسلم صلاح بقلبه ( يازين اسميي ياويلي .. ) : زين ميخالف خليهم معاج يمكن تيوعين شوي .. وبعدين تاكلينهم حسيت انه احرجني وعيب ارده بعد وقلت شهد : زين .. شكرا .. صلاح بابتسامه : العفو .. طلعت لي كتاب من جنطتي وسويت روحي اقرى علشان مايسولف معاي .. ولا يركبني .. لكن ماكنت اقرى غير عيونه اللي ماشالها عني .. كنت احس فيه يراقب حركاتي وكل شي اسويه .. متى اوووصل متـــــــــــى .. !!!!!
|
|
|
|
|
28-11-2009, 07:49 PM
|
رقم المشاركة : 67 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
|
|
|
|
|
28-11-2009, 07:57 PM
|
رقم المشاركة : 68 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
المستشفى
اليوم الثاني حاول محمد يقوم بس ماقدر .. كان مستغرب من الدكاترة حتى محد فيهم ياب طاري العلاج الطبيعي .. يحاول يحرك ريوله مو قادر .. سند راسه على السرير بعجز وتعب .. اخذ تلفونه يدق على صلاح بس مارد عليه .. اكيد اهو قريب .. مايرد عليه اذا كان قريب من المستشفى .. طلع له كتاب ممل وقعد يقرى فيه .. مو من النوع اللي يقرى بس جذيه يحس بملل .. سمع دق على الباب .. رفع عيونه متأكد ان اللي يدق صلاح لكنه انصدم بويه ثاني .. محمد : سناء !! .. مم هلااا هلا .. تفضلي .. سكر الكتاب بيده بسرعه وهو يشوفها مستغرب ..ييتها له غريبه وغريبه حيل . .وحتى نظراتها فيهم خوف واسئله كثيرة .. ياترى شنو تخبين وراج ياسناء !! طبعا محمد عنده فكرة سناء هذي شلون .. وعارف انها مصاحبها ثلاث ارباع الشباب الخليجين هني .. لكن كان احيانا يعذرها لانها تربت على جذيه .. تربيه اجانب .. حتى مربياتها اجانب .. وحياتها بالضبط مثلهم .. وكانت فاقده لكل توجيه من الام او الابو .. لانها كانت مدللتهم الوحيده .. سناء وعيونها المترقبه بعيون محمد : شلونك محمد .. مم انا اسفه ييتك بوقت متأخر .. وحطت الورد اللي كان بيدها على الطاولة .. من كثر ماكنت مهتم بعيونها نسيت شنو شايله بيدها .. كانت اختياراتها للورد غريبه .. ازرق تركواز مع اخضر ليموني وشرايط بيضا .. كان غريب وفريد ومميز .. والوانه مثلها .. غامضه .. !! سناء امسكت جاكيتها بارتباك .. وتمت واقفه .. وقلتلها بهديها وبشيل الاحراج منها .. محمد : ليش واقفه حياج .. تفضلي قعدي انتي مو غريبه .. وابتسمت لها وبادرتني الابتسامه وعقب قالت .. سناء : شلونك اليوم ؟؟ احسن .. محمد : الحمدلله .. بخير .. همم انتي طمنيني عنج وعن النتايج .. عسى راضيه عليها ؟ سناء بضحكه صغيره بس تأسر القلب : هههه الحمدلله .. اكيد مايبيلها .. كل موادي ناجحه فيها بامتياز .. كانت تحاول تكلمه من غير لا تقط ولا كلمه انجليزي .. لان كلامها بيكون معاه رسمي .. واهوا مو واحد من ربعها عشان تاخذ راحتها .. محمد : يله الحمدلله .. همم ماتبين تردين الكويت ؟؟ ناويه تصيفين هني ؟ سناء : خالي وبنته عندي .. مااظن ارد الكويت لان المي بتي الشهر الياي .. مايسوى محمد : اها .. يله الحمدلله وسكتوا اهما الاثنين .. مافيه اي موضوع حوار يناقشها فيه لان اصلا مايجمعهم شي .. مايجمعهم غير النظرات والاسئله والانجذاب الغريب تتمة الجزء المستشفى شفت الورد المحطوط يمي بعناية والوانه الغريبه والمميزة بنفس الوقت وقلت محمد : الوانج حلوة ومميزة مثلج .. سناء اربكتها الكلمة ورفعت عيونها بتفحص لمحمد .. وجنها تبي تقرى كل كلمة يقولها محمد او اي تعبير يعبر فيه سناء : صج ؟؟ اعجبتك ؟ محمد ابتسم وبانت غمازاته وسند راسه بتعب على طرف السرير وبادرته سناء بسؤال عفويه سناء : شنو كنت تقرى قبل شوي ؟ محمد رفع الكتاب اللي يم سريرة وهو بنفس ابتسامته اللي تعذب : هذا ؟ سناء وهي تهز راسها وتشبك ايدينها ببعض بارتباك .. غبيه انا شكو ..!! محمد : هذي سيرة حياة انور السادات .. سناء بعفويه تحسفت عليها بعدين : منو هذا .. مطرب راب ؟ محمد ضحك على سطحيتة ثقافتها : ههههههههههههههههههههههههههههههههههههههههههه وبانت غمازاته وتجعدت عيونه .. اما سناء كانت تحس ان عروقها كلها نطت وقلبها صار يدق بقوة مو طبيعيه حتى انها خافت يسمعها محمد .. ضحكته هزت فيها كل شي .. وسكتت وهي تناظرة اما محمد سكت شوي واهو يبتسم : ههه لا ... مم هذا كان رئيس جمهورية مصر قبل الثورة .. وناظر بويهها المهتم واللي يخلي الانسان غصبن عنه يسولف معاها محمد : شخصية انور السادات شخصية تستحق انج تقرينها .. يجمع بين السلم والقوة .. اللين والصرامه شخصية قيادية من الدرجة الاولى .. وحكيمة ولكن الناس اجهلوا هذي الحكمة واتهموا بالتعاون من اسرائيل .. حياتة .. السجن والاغتيال .. فعلا شي تتعلمين منه الكثير .. سناء حست روحها ضايعه مع هالكلام اللي فهمت كلمة او كلمتين منه بس وقالت : شنو يعني قيادية ناظرها محمد بنظرة غريبه مافهمتها وعلى ويهه ابتسامه : يعني مثلج .. مثلج بالضبط ارتبكت وحركت ايدها على شهرها الحرير بخجل .. ماتدري يسبها ولا يمدحها .. وابتسمت بويهه وقالت : شلون مثلي ؟ محمدتم ساكت ويناظر ويهها .. فيها جمال عربي جذاب .. عيونها الواسعه وهدبها الكثيف .. بياض بشرتها المحمرة .. وانفها المسلول .. شفايفها الممتلية بجمال .. بنت تقاسميها كلها تدل على انها جميلة .. تخيل شكلها بالشيله والعباة .. يحس ان اللي قباله رسمة وخصوصا نظراتها .. فيها نظرات تجبرك تشوفها وتناظر فيها تميت سرحان في ويهها ناسي اللي قاعد اسويه .. ابتسمت بحنان واخذت الكتاب والقلم اللي يمي وكتبت على اول صفحة فيه اهداء بسيط ومديت ايدي لها بالكتاب .. سناء وهي مو مصدقه : هذا حقي ؟؟؟ thanks thanks > ابتسم بويهها وطاح من ايدينه القلم بربكة .. نسى انه مايقدر يحرك ريوله للحين .. او يمكن سناء ووقفتها ونظراتها .. حس انها حركت اشيا وايده فيه بس مايدري شنو .. حاول ينزل ريوله وطلعت منه : آآآه ركضت سناء صوبه بخوف وفزع : سلامتك .. شفيك ؟؟ نزلت السرير شوي وتسند محمد على السرير بارتياح محمد : ههه نسيت .. ماادري شفيهم الدكاترة .. للحين مابدوا في العلاج الطبيعي .. مليت من السرير ابي امشي كلام محمد كان عادي حيل .. لكن صدم سناء .. حطت ايدها على حلجها بخووووف ... معقوله محمد مايدري انه مشلول ؟؟ معقوله ماقالوله !! معقوله يخلونه يعيش على امل باجر وبعد باجر !! ليش اهم قاسين جذيه لييش !!! وماحست الا بعيونها تدمع .. حسيت بايدين محمد تمسح دموعي وهو يطالعني مستغرب : ليش تبجين ؟ وخرت وانا مرتبكه .. وقلت بارتباك وانا امسح باجي دموعي سناء : انا .. است أ ذن .. تبي شي ؟ محمد اللي حاس باحباط .. كانت مونسته على الاقل : سلامتج طلعت سناء وهي تقول بصوت مرتجف : مع السلامه شقة عزيز فتحت عيوني شوي شوي .. وانا افركها بايدني .. لفيت الصوب الثاني .. لقيت عزيز نايم ومغطي راسه كالعاده .. شلت اللحاف عن راسه .. ابتسمت وخدودي توردت .. وانا اتذكر ليلة امس كيف كانت عضيت على شفايفي بحياااا .. وناديت على عزوز شيخه : عزيز .. عزييييز .. قوم بس كفايه نوم عزوز رفع راسه وشافها .. ومسكها وقربها لصدره .. وحضنها بقووووة شيخه حست بربكه وقشعريره بكل جسمها .. كانت تحس ان دقات قلب عزيز وااضحه لها وتسمعها عزيز : خلج بحضني ... احس اني مالك الدنيا كلها بحضنج .. شيخه غاصت بصدره اكثر وهي تحس انها بتفقد هالحضن قريب ماتدري ليش .. عزوز صار يحس بانفاسها الحارة تتسارع اكثر وصدرها يزفر بقوة .. رفعها عن حضنه وواجهه ويهها عزوز : شفيج شيوخ ؟ شيخه تمت تناظر بعيونه وتبتسم .. تبي تطرد افكارها واواهامها باي شكل شيخه : قوم يله شكلك مو حلو وشعرك معفوس .. عزوز بمكر : بس انتي شكلك حلو وانتي نايمه .. ناظر بعيونها النعسانه يادوب تفتحها .. وحرك ايده على شعرها بفوضويه ضحكت شيوخ ضحكة صغيرة على حركته وباست خده وقامت .. عزوز تم مبتسم وسند راسه على طرف السرير .. كان يشوفها بقميص نومها الحرير الناعم .. طويل وفيه فتحه الين نص فخدها .. ومالي على جسمها الانثوي الصارخ .. ولبست عليه روب شيفون جملها اكثر .. شيخه تشوفها شلون مفهي فيها ويبتسم اربكها وقالت وهي تمشط شعرها الملائكي : شفيك ههه اربكتني قال يبي يقهرها شوي ويكسر غرورها ويحبطها : تذكريني قال يبي يقهرها شوي ويكسر غرورها ويحبطها : تذكريني بوحده بس ماني ذاكر ؟؟ شيخه وهي ترفع حاجب : وحده ؟؟ منو ؟ عزوز وهو يسوي روحه يتذكر اسمها : ممم مطربه مشهورة وحلوة بعد ..!! خليني اتذكر اسمها شيخه مستانسه .. يشبهها بمغنيه .. اكيد لبنانيه حلوة .. هدت المشط وقربت على السرير وقعدت يمه : منو منو تذكر ؟ عزوز : اييييييييييييييه سبحان الله الخالق الناطق تقولون توينز .. شيخه بطوله بال : منووووو!! عزوز : اسمها مممم .. ايه .. صباح ؟ شيخه باستغراب : اي صباح ؟ عزيز : صباح .. صبوحه الشحرورة .. جنها يدامي بحلمها وشحمها .. شيخه بلمت بويه شوي عقب قامت تكفخه بالكوشيات اللي على السرير : اناااا!!!! عزيز وهو يضحك عليها .. تطق من قلب حرام .. تحسب اني اتعور : هههههههههههههههههههههههههههههههه عزيز : خلاااص خلاااص .. سوري ..ماتشبهينها .. فكيني ههههههههههههه شيخه وهي تضرب اكثر : لا والله !!!! عزيز سوا روحه متعور : أأأأأأأأي .. عورتيني شيخه هدت الكوشيه اللي بيدها بخوف وقالت : عورتك ؟؟؟ عزوز وهو يتصنع الالم : اييه .. أأأه شيخه صدقت بسرعه : ويين ؟؟ انا اسفه .. عزوز : هني .. هني !! شيخه والخوف والفزع بعوينها : ويييين عزوز ؟ عزوز يأشر على قلبه : هنييي !! شيخه ابتسمت على خباله : صج والله !! حضنها على صدره بقووووة .. وجنه مايبي يفكها بحياته كلش .. وده لو يدخلها بضلوعه وبقلبه .. هالبنت خلاص ..صارت جزء من روحه ودنيته : الله لا يحرمني منج .. الكويت منيرة : لا والله صج ؟؟؟ فييييصل ؟؟؟ فيصل يضحك : هههههههههه شفيج ياقلبي .. تعرفيني اني احبج واموت فيج .. منيرة : تحبني ؟؟ تحبني طل !!! تحبني وماتمت بنت بالمول الا وخزيتها وتبسمت لها فيصل : اووووو منوور .. والله مو بيدي والله !!! وبعدين حتى لو شفت الف بنت .. انتي الوحيدة اللي احبها .. منيرة زهقت من كلامه .. فيصل رد لطبيعته وشلون كان قبل الزواج .. وهالشي اللي كنت خايفه منه .. صحيح اول ماتزوجنا كان مايشوف غيري .. بس الحين تغير .. تغير واايد .. ماادري شفيه !! تميت مبوزة وانا اركب السيارة رايحين بيت حصوص .. يمعتنا صارت هناك .. وابوي نزوره بين فترة والثانيه .. نطمن عليه .. ونسلم سلام بارد ماتعودنا عليه مو ابونا .. ونطلع مثل مادخلنا .. من غير لا يسألنا ليش تطلعون لا تو الناس .. ونحاول كثر مانقدر مانحتك مع سويرة لانها راعيه مشاكل .. بس حصوص ماتقدر .. في كل مرة نزور فيها ابوي .. تتهاوش معاها وتهزأها وهذيج بعد ماتقصر .. الين مامنعها ابوي تزوره بالبيت عشان المشاكل .. وصلنا بيت حصوص .. فيصل طول الدرب يحاول يراضيها .. بس انا مصرة على زعلي عشان يحس على روحه شوي .. وينتبه على نفسه انه الحين متزوج مو عزابي مثل اول ويسوي اللي يبي .. لازم يحترم مشاعري ويحس فيني بيت حصه خالد : مهاوي شنو تبين الحين ؟ مهاوي : اوووف .. روح يبلي توت يمني خالد : يمني من وين .. بييبلج توت وخلاص ..!! مهاوي وجنها بتبجي : لاااااااااا . ابي يمني .. تكفى خلود ... يمني مو اي نوع ثاني حصه : ههههههه الحين اليمن فيها توت ؟؟ خالد: مو اوصل الجمعيه تقولين لي شي ثاني .. من الحين مهاوي خلصيني مهاوي : ليش تعصب علي عاد شسوي ؟؟ مو بيدي حصه تضحك عليهم : هههههههههههه والله انكم تضحكون .. وهذا ريلج مايتحمل شويه دلع مهاوي وهي تمد بوزها : والله مااتدلع عليه من صجي انا .. ماتحسون .. وين اللي كانت تحس فيني وبمشاعري .. وينج ياشيوووخ !!! خالد : ااااخ ياقلبي .. متى يطلع هالولد ويفكنا .. هذا وللحين ماوصل وطلباته ماادري شلون .. مهاوي: ايه حبيبي .. اذا ولد مها الــ ,,,,, مو اي احد حصه : هههههههه وانا اشهد .. اخذ خالد سويجه وطلع الجمعيه .. وهذي حالته من حملت مها وهي تتوحم على اشيا غريبه وعجيبه .. ضحك على شكلها اللي تغير شوي سمنت وصارت احلى .. وخدودها الحمرا .. وويها الطفولي .. وغمازاتها .. لعيونج يامها كل شي يرخص طلع خالد من هني وحصوص تضحك عليهم حصه : يننتي اخوي هههههههههه حرام عليج مامداه يقعد ونشوفه مهاوي برطمت : حصوص لاتحسسني بالذنب مو بيدي حصه : ادري ادري حاسه فيج .. ههههههه مهاوي تبتسم : الا وين منور ؟ حصه : اتوقع بالدرب .. كانوا توهم طالعين يوم كلمتها مهاوي : الا ماتدرين عن شيوخ من زمان ماكلمتها .. صارلي اربع ايام جذيه !!! حصه : انا من ذاك اليوم اللي سكرته بويهي مادقيت عليها الا مرتين وماردت علي .. معطتني طاف ماتكلمني مهاوي : قلعتج !! هههههههههه عيل بدال ماتواسينها تزيدينها حصه : اووووف مهاوي لاتزيدينها علي .. يله امشي نزهب الغدا الين مايوصلون لندن شيخه : اوكي شهوده انا بكلم عزيز واقوله .. انتي وين قاعده ؟ شهد: ممم .. شوفي احنا نمرج ونروح احسن .. بس بلغيني اذا رضى ريلج عشان نتزهب شيخه : انتو وين بتروحون ؟ شهد : بنمر اكسفورد واذا مدانا وقت .. مرينا الوايت ليست شيخه وهي تهمس : مم زين ابي مكان فيه شموع وحركات .. شهد : ههههههههههه احم .. ترى انا مو متزوجه لاتخربيني شيخه : ههههههههههههههههههههههه .. لا بس الليله مميزة وابي احتفل مع عزوز .. ودي افاجأة .. شهود عزيز حنون حيل .. حيل فوق ماتتصورين شيخه : عزوز حيييل حنون .. حيل .. شهد : اوووووو .. صار حنون .. والله ماني مصدقه اذني .. اللي تقول هالكلام شيخه .. شيخه بلحمها ودمها تمدح عزوز .. غسلج مخج هاا ؟؟ ههه شيخه : هههههههه .. زين يله كاهو طلع من الحمام .. بس ابلغه واشوف شنو يقولي وادق عليج اوكيه ؟ شهد : اوكيه حبيبتي .. يله نشوفج .. شيخه : بيباي شهد : باي سكرت التلفون من شهد وانا اتلفت على عزيز اللي قاعد ينشف شعره بالفوطه .. توه سابح وحالق لحيته ومرتب سكسوكته السودا حيل .. اول مرة احس ان عزيز حلو .. جماله يعذب .. ابتسمت لانه كان معذب كل البنات بالعايله .. حتى ايام ماكانت بالمدرسه .. ويمر ياخذني اهوا بدل خلود مرات .. كانوا البنات يتحطمون عليه .. وانا كنت اقولهم انه ولد خالتي .. كنت اعصب لاني وقتها مااشوف فيه حلاة .. ولا احس انه مزيون مثل مايشوفونه البنات .. بالعكس .. كنت اشوفه اشين خلق الله .. او جذيه كنت اوهم نفسي .. لاني مااحب البنات يهتمون بشي لي انا .. ملكي .. وعزوز ملكي انا .. مو ملكهم .. ضحكت على تفكيري .. وسرحت وانا ابتسم وماحسيت الا بايدين عزوز الباردة على خدي بحنان عزيز : الحلو سرحان بشنو ؟ ارتبكت وبعدها قلت بسرعه استغربت منها : فيييك !! وعضيت على شفايفي باحراج كبير .. عزيز قرب مني اكثر الين ماحسيت بقطرات الماي من شعره تبلل خدي وانفاسه وريحته كنت اتنفسهم بقووة .. عزيز بمكر : شنو كنتي تفكرين ؟ همم قولي ؟ شيخه طقته على صدره بخفه وبعدت بارتباك : ولا شي .. يله نشف شعرك لاتاخذ برد عزيز ضحك على شكلها .. لما تنحرج يبين على ويهها .. تحس فيها شفافه .. كل المشاعر تبان بعيونها .. عزيز : زين يله تزهبي عشان نطلع شوي ونغير جو .. شيخه : مم عزوز .. يعني دقت علي شهد ويبون يطلعون للسوق .. عندي جم غرض ابيهم .. مم شرايك عقب مانرد من السوق نطلع انا وياك .. عزيز سمع مكالمتها مع شهد بس حاب يحرجها ويعرف شنو المفاجاة اللي بتسويها له : لا لييش انا بيي وياكم شيخه تبي تصرفه : لاا عزيز .. البنات يستحون منك .. وبعدين محنا مطولين .. عزيز بلقافه يدش بويهها : شنو تبين تشترين ؟ شيخه : هههههههه مالك شغل ياشين اللقافه عزيز : احم .. اللي بالي بالج ؟؟ شيوخ ويهها حمر .. وقلب الوان .. وارتبكت : اقول جب عزيز : ههههههههههههههههههههههههههههههه اربكتها ضحكت عزوز حييل .. وقعدت تتفداه من داخلها .. تحبه . لا تعشقه .. شيخه : يله الحين شقول للبنت >> ياشين المذله عزيز : هههه مذله هاا .. لاتخليني احطج براسي والحقكم لمحلات الـــ ـ ’’’’’ شيخه وهي تحس روحها ذابت بهدومها من كلامه : عزووووووووز !! عزيز بنظرة تعذب وبحه بصوته : عيون عزوز شيخه ابتسمت : اروح ؟ عزيز : اوووف .. امري لله .. روحي .. بس لاتطولين .. انا راح انطرج نطلع سوا بعدين اوكيه شيخه هزت راسها ودخلت تغير ملابسها وتبلغ شهد عن الطلعه الجانب الثاني عبير : حبيييي حبيبي .. فهودي يله انت مو وعدتني ؟؟ فهد اللي ذايب من حجيها العسل ..والله وطحت بربيع يافهود : افاا عليك انتي تدللي بس كم عبورة عندي .. عبير : حبيبي انت .. تصدق فهودي .. انا احس جني اعرفك من زمان .. جني كنت ادور عليك ولقيتك فهد : يازينك ويازين حكيك يابعد روحي .. وانا بعد احس زي احساسك ياقلبي عبير وهي تسوي حركه بفمها يعني لايعه جبدها : المهم حبيبي .. توديني اليوم عند رفيجتي .. تعرف انا ماادل هني .. وسناء الله يسامحها ماتبي تدليني عشان يفضى لها الجو بالروحه والرده .. والبنت منحرجه منها جم مرة قالت لي ازورها فشله فهد : اي والله صدقتي .. خلص شوفي نطلع نشرب لنا فنجان قهوة بالكوفي وعقب نمشي شرايج ؟ عبير ( ياشينك لاطولت السالفه .. بس معليه ماعندي غيرك الحين ) : اوكي حبيبي .. انت تامر .. انطرك بالكوفي تحت .. باي سكرت من غير لاتسمع رده وهي تتوعد بعزوز .. لازم تروح وتتفاهم معاه .. هين ياعزوز الزفت ان ماعلمتك منو عبير مااكون بنت ابوي .. طلعت لها فستان قصير احمر .. الي نص الفخذ مخصر على جسمها الانثوي .. وفتحت شعرها بانسيابيه وكثرت المكياج والروج الاحمر الصارخ ولبست كعب عااااااالي ورفعت خشمها بغرور وطلعت للكوفي تتحمل ملاقه فهد الين ماتحصل اللي تبي .. شهد : الووو شيوخ يلله نزلي احنا تحت عند عمارتكم .. يلااا شيخه وهي تلبس بالطو مخمل بلون المووف وترفع رموشها بالماسكارا الخفيفه والقلوس الناعم الطبيعي .. كانت قمة في الجمال رغم بساطتها .. وملفته لحد الانبهار .. يمكن السعاده اللي تعيشها زادت من حلاها حلا .. وراحه في ويهها خلته دايم مورد ومنور .. شيخه : زين زين كاني نازله .. منو معاج ؟ شهد وهي تلتفت على عليا وسناء : عليوو وسناء .. بنات السكن .. يله نزلي سنه ؟ شيخه : اوووف خلاص سكري يله نازله .. شهد : اوكي ناطرينج .. باي شيخه : باي سكرت من شهد واخذت جنطتي ورحت الصاله وين ماكان عزيز قاعد ياكل نودلز شيخه : عزيز انا نازله .. تبي شي حبيبي ؟ عزيز بابتسامه : لا سلامتج حبيبي .. حطي بالج .. ولا تتأخرون وايد .. ساعه ساعتين وردي .. شيخه : اوكي .. عزيز : وين بتروحون ؟ شيخه : ممم شهد قالت بنفتر في اكسفورد وبعدين بنروح الوايت ليست عزيز : لا.. لاتروحون الوايت ليست لانه بعيد شوي .. وكله عبيد ومجرمين في هالمنطقه .. شيخه : ممم اوكي عزيز طلع من بوكه كرت البنك وعطاها ومعاه مبلغ حلو كاش : هاج شيخه .. اخذي كل اللي بخاطرج شيخه استحت .. اهي اصلا مهرها للحين مانصرف منه شي وقالت وهي تبتسم : فديتك تسلم .. بس معاي فلوس .. عزوز وقف وجابلها وحط الفلوس بجنطتها من غير لا يتحجى .. وكان مكتفي بابتسامه جذابه اربكت شيخه وخلتها تتم ساكته بوسط الجو الحار والمشتعل بينهم شيخه : عزيز ماله داعــ ـ عزيز وهو يحط ايده على شفايفها : ششششش .. انتي لو تامرين على روحي ماابخل عليج .. شيخه حست روحها ذااااااااااااااابت .. معقووله .. معقووووله كل هالطيب والحب والحنان بعزيز .. انا شلون كنت اشوفه قبل .. شلووووون .. اخذت كفه وبست راحة كفوفه وهو حركهم على خدي بحنان وقالي : حطي بالج .. دقي علي اول ماتوصلون .. لاتكلمين احد .. واذا بغيتي شي دقي علي .. اذا تعبتي قوليلهم يردونج .. واذا .... شيخه ضحكت على خوفه : ههههههههههههههههههه خلاااص عزيز .. ابتسم بانحراج ناسي روحه .. يحس انه مسؤول حتى عن انفاسها .. يحاول كثر مايقدر مايخلي الهوى يجرحها من كثر خوفه عليها .. عزيز : خلاص حيببي .. روحي . بحفظ الله باست راسه شيخه باحترام وابتسامه ترد روح كل عاشق وصوتها الناعم البريئ : مع السلامه اخذت جنطتها وبالطوها ونزلت تحت وين ماكانوا البنات ينطرونها باللوبي .. شهد : شيوووووخ سنه .. شقاعده تسويين ؟ شيخه افتشلت : هههههههه اووف فضحتيني انتي .. ترى تفكيرج منحرف على فكره شهد : هههه احم انا اللي منحرفه الحيييييين .. شيخه : شهوووووووووووود !! شهد : شووفو هذي الخبلة اسمها شيخه الــ ’ ’ ’ ’ وتوها متزوجه واحنا قطعنا عليهم شهر العسل وهذي سناء وهذي عليا سناء : الله .. جذيه الزواج حلو !!! شهد وشيخه وعليا : ههههههههههههههههههههههههههه سناء بخبالها المعهود : زوجوووني زوجووني البنات ماتوا ضحك على طريقتها وهي تقولها وتطق ريولها بالارض .. شهد : شفتي شسويتي بالبنت .. ههههههههه الحين شيفكنا من بلاها ؟ عليا : اقول سنوي .. خذي ولد عمي تراني ما اباه موول .. فكيني منه هههه سناء: والله اذا اسمه حمدان بن راشد ماعندي مانع عليا : ممم لا هو قريب من الاسم .. سيفان بن راشد ال....... سناء : اقووووووووول ماااالت ... هههههههههههههههههههههههههه شيخه استانست على البنات شكلهم فصله مثلها .. وهي ماتحب تقعد مع شله دمها ثقيل .. وشكلها بتستانس وياهم شهد بعباتها : يله يا مراهقات .. مشينا . طلعا من اللوبي ورحنا ننطر محطه باص قريبه من شقتنا لان البنات يبون يستنشقون هوا ومو حابيت سالفه القطارات اللي تحت الارض اللي تخنق الانفاس .. فكنا نبي شي بالهوا الطلق .. ركبنا واحنا نستهبل ونضحك ونسولف .. سناء كانت حبوبه رغم اني ماتقبلت شكلها بالبدايه .. كان يعطي انطباع انها مغروره وغير هذا كانت حلوة .. وحسيت اني غرت منها .. مع اني متأكده اني احلى منها مليون مرة .. بس كان فيها جاذبيه حلوة .. وخاصه نفسها حييل ونيسه .. عليا كانت جد فصله .. تسولف عن ولد عمها اللي ماشافته الا مرتين او ثلاث يوم كانوا صغار وشلون بتاخذه وهي حتى ماتعرف شكله .. كانت مبسوطه رغم العادات الصعبه واللي تنفرض علينا مجبورين رغم الحضارة والتمدن اللي وصلناله .. لكن مجبورين نعايش هالعادات ونتقبلها مثل ماهي ونعيشها .. شهد كانت غييير .. غييير كل البنات .. وجني اشوف بنت غير عن شهد اللي نعرفها .. لبسها .. نظراتها .. وحتى سوالفها .. حيل تغيرت .. الغربه خلتها انسانه كامله من كل جهه .. وماشالله ويهها طفولي وبريئ .. وبيضاها يلفت .. فيها حيا يمكن اغلب البنات فاقدينه .. وماكان موجود فيها قبل .. الله يجعلها من نصيبك ياصلوح .. بنت ماتتطوف وصلنا السوق .. وكل وحده طلعت كرتها وقمنا نتشرى .. كل اللي بخواطرنا .. ونشوف العرب يحوسون ويلوسون في اكسفورد .. والله محد مربح هالاجانب غيرنا .. ودخلنا لمحلات دبنهامز وماركس اند سبنسر وشريت منها مفاجأتي لعزوز . شموع وسوالف والبنات ساعدوني الا شهد كانت مستحيه وكل شوي تزفنا لان العرب اللي هناك يطالعونها مستغربين .. عزمتهم على كافيه شربنا فيها قهوة .. وقبل لانطلع بشوي ارسلي عزيز (( حبيبي وينج ؟ )) شيخه (( هلا حبيبي .. احنا الحين رادين )) عزوز : (( لا ياقلبي .. استانسي وخذي راحتج .. واحنا نأجل طلعتا لليل .. احبج )) ابتسمت شيوخ على اخر كلمة وخدودها وردت .. سناء بعد ماخذت ميانه على شيوخ وهي من النوع اللي تتأقلم مع البنات بسرعه سناء : اووووه اوووه البنت حمر ويهها .. خلينا نشوف شنو كاتب لج ؟ شيخه مسكت التلفون بقوة وهي تضحك : ههههههههههههههههههههه سنوي قلبي ويهج سناء وهي تسوي روحها تبجي : زوجوني زوجووووني ولا انحرف شهد وعليا وشيخه : هههههههههههههههههههههههههههههه ينت البنت قوموا نروح الوايت ليست شيخه : لا عزيز يقول لاتروحون هالوقت لان مو امان .. عليا : اممم عيل شو رايكم نروح مدام توسوت نستعبط .. شيخه حز بخاطرها هاده عزيز كل هالوقت : لا خلوها وقت ثاني انا تأخرت لازم ارد شهد : مانقدر نجبرج عرووس .. ههههههه ردوا البنات واتفقوا على زيارات قادمه بينهم .. نفس الوقت فهد : خليني اوصلج للشقه يمكن مو هي .. عبير بارتباك : لا خلااص .. انت روح وانا ادبر نفسي .. ممم انطرني عند بريت اللي عند الشارع لاتروح حبيبي .. فهد : اوكي حياتي .. حطي بالج وبس تطلعين دقي علي عبير : اوكيه .. مشى فهد صوب الشاعر وين ماكان بريت موجود وقعد ينطرها تخلص .. والله انك صيدة ماتتفوتين ياعبير . . الجانب الثاني عبير : please , i ask about abd al azeez al rahee in which abartment ? ( لو سمحت . انا اسأل عن شقة السيد عبد العزيز الراهي ؟ ) السكيروتي :he is in 22 >> on the therd flour ناظرت عبير بالفندق اللي يجمع الشقق الفندقيه الراقيه .. اللوبي فخم واتوقع الشقق افخم .. كرهت زوجته اكثر .. هالعز المفروض يكون لي انا .. اناا وبس .. وعزوز لي انا .. هيين ان ماعرفت شلون ارد اعتباري .. ان ماخليتك ياعزوز تيني زاحف .. ماكون عبير .. بعدت شعرها الحيوي لي ورى وصعدت الاصنصيل الى الدور الثالت وكان جناح السويتات .. دورت على الشقه رقم 22 الين ماحصلتها .. دقت الجرس بخفه ايدينها البيضا .. عزيز منسدح وفاصخ بلوزته .. وتام بالبنطلون الخام الكحلي .. وباينه عضلات جسمه الرياضي وجاذبيه جسمه الرجوليه .. ومتلحف بلحافه اللي حاس عليه الين ماقاه بادراج التفزيون .. قام بسرعه وهو يحسب انها شيخه لانها مامعاها مفتاح .. وطلع على ويه ابتسامه حب وشووووق .. فتح الباب وانصدم بالبنت اللي واقفه يدامه .. لبسها .. شكلها .. ابتسامتها .. شكلها مضيعه الشقه .. لان اغلب الموجودين بهالفندق عرب ومن الضباط اللي عندهم دورات .. قالها بطبيعيه : yes ? شيخه ماصدقت عيونها .. عزوز احلى بوايد من الصور والجرايد .. فيها جاذبيه ورجوله .. ارتبكت من صدره العاري وعيونها لمعت من الشوق والحب وقالت بسرعه عبير : عزيز ؟ عزيز فتح عيونه على الاخر .. تعرفني بعد ؟؟؟ منو هذي ؟ عزيز : تعرفيني اختي ؟ عبير قربت منه وحطت ايدها على جتفه بحب ولهفه : عزوووز انا عبييير .. واخيرا التقينا .. واخير شفتك .. يااا الله ماني مصدقه . وحشتني حييييييل وخر عزيز ايدها بقرف : انتييي شتسويين !! ووخر عنها وبعد عطاها ظهره : شلون دليتي الشقة عبير بقهر : اللي يدل مايضيع .. جذيه عزوز .. اهون عليك تتركني بهالبساطه .. انا راضيه اكلمك وانت متزوج .. وادري انك تحبني مثل مااحبك .. تكفى عزوز لاتعذبني زيادة .. عزيز بنبرة عاليه : انتي اكييد ينيتي وماتم لج عقل .. طلعي من هني قبل لا تيي زوجتي .. وانتي تدرين ان ماكان بينا شي .. ومو شيخه حبيبتي اللي اخونها علشانج .. وشافها من فوق الى تحت بحقارة .. عبير حست بالغيرة تاكلها .. وقربت اكثر من عزوز تلين راسه .. كل ريال بيلين لما يشوف جمالي وانوثتي .. عبير وهي حاطه راسها على ظهره بحب : احبك احبك .. والله .. وماقدر اعيش بدونك .. وارفعت عيونها وانتبهت على بنت واقفه عند باب الشقه .. وعرفت انها زوجته .. وكملت تسوي روحها مو منتبه ... اوريج يالخايسه .. عبير : ادري فيك وحاسه بشعورك .. وانا بعد قاعده اتعذب اكثر وانت بعيد عني .. بس الى متى .. انا خلاص مااقدر اصبر اكثر من جذيه .. عزوز استغرب من كلامها وسكت يتعوذ من الشيطان قبل لا يمد ايده عليها ويطلعها بره الشقه .. لكنه سمع صوت عند الباب .. لف بسرعه وهو يتمنى ماتكون شيخه .. لكن انصدم بالاجياس كلها تطيح من ايد شيخه اللي كانت واقفه مصدومه .. وهي تشوف عبير شلون ماسكه عزوز اللي ماكان منتبه لها بقوة وجنها تبي تحرها .. وتذبحها .. عزوز : شيووو... شيخه حست بالخيانه .. لا .. اكثر من الخيانه .. حست بالطعنات تيها من كل صوب .. حست انها بتنهار بدقايق .. بس وقفت متماسكه وتمسك دموعها اللي راح تنزل باي دقيقه وقربت من عبير .. شالت ايدها بقووووووووة .. وهي تقول شيخه : سمعي .. هذا ريلي انا ... وانتي برررررره ... برررررررررررررره !!! كان تصرف شيخه صدمه لعبير ولعزوز .. عزوز توقعها بتزل وتروح .. وعبير ظنت انها قدرت تكسر علاقتهم واكيد بتطلب الطلاق بعد اللي سوته عبير تشوف عزوز بنظرات الخوف والاستكانه والرضوخ .. وماسكه بزنده المعظل بقووة . عزوز وخرها عن ايده بنفور وقال : ماسمعتي .. طلعي برررررررره .. عبير : زين حبيبي مثل ماتبي .. والتفت على شيخه وهي تقول .. بس مثل ماوعدتني .. لاتخلف الوعد ناطرتك .. واخذت جنطتها ومشت بغرور ولا جنها مسويه شي .. عزيز ناظر بويهه شيخه المصدوم وجياسها اللي طاحوا من ايدينها عند الباب .. خاف يقول شي وتنفجر بويهه وهو عارف شيخه شلون بتفكر .. قال بهدوء : اهدي بعدين نتكـــ شيخه قاطعته : مافيها بعدين .. وخزته بنظرة حس انها اخترقت اجزاء قلبه بالصميم .. ولفت عنه واخذت جنطتها من الارض ومشت بره الشقه .. عزوز اخذ بلوزته اللي كانت على الكنب ولحقها ..ومسكها من زندها ويرها صوبه عزيز : وين رايحه ؟ شيخه ناظرته بنفس النظرة ووخرت ايدها بقرف عنه وهي تستحقر شكله وزراير قميصه مفتوح .. تحاول تبعد صورته وعبير لاصقه بظهره وجنها حاضنته .. كل شي بان يدام عيونها .. قالها تتأخر عشان يفضاله الجو .. وهي الغبيه ماهان عليها تخليه بروحه .. يت تركض مشتاقتله ومشتاقه لحسه .. طلع نجس .. وقذر وخاين .. اهي الغبيه اللي صدقته .. المفروض تعرف اهوا منو .. وولد منو .. وعمته منو .. كلهم من نفس الطينه الخايسه .. قذارة وحقارة .. شيخه : لاتفكر تلحقني .. عزوز : زين .. انا باخذج بيت صلاح ..انتي ماتدلين شي هني .. شيخه بصراااااااخ : وخر عنييييييييييييييييييي تفهم !! عزوز اللي تلفت يمين ويسار يشوف العالم اللي طلعوا بره شققهم يشوفون شصاير .. وهد ايدها وهو حاس بشعورها .. مهما صار اللي شافته مو شويه ومو اي مرة بتصدق اي كلام غير اللي شافته بعيونه وخاصه شيخه .. غبييي انا غبيي .. هذا ثمن اللي سويته .. هذا الثمن .. لا .. كلش ولا شيخه .. انا بلياها ماقدر اعيش .. تركت ايدها وتميت اشوف بعيونها .. وقريت اشيا كثييرة .. اشيا كانت تطعن فيني اكثر من اي وقت ثاني ..
|
|
|
|
|
28-11-2009, 08:01 PM
|
رقم المشاركة : 69 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
شفتها تطلع تلفونها ودقت على شهد .. مادقت على صلااح ليش ؟؟
شيخه وهي تحاول تتماسك ماتبجي : شهد ؟ شهد :الو هلا شوشو .. هاا هونتي تبينا نطلع ؟هههه شيخه بهدوء : شهد تعالي شقتنا بطلع معاكم .. شهد : هههههههههههههه وانتي كل شوي لج رايي ؟؟ شيخه والدمعه تنزل على خدها ماقدرت تمسك روحها اكثر وهي تتذكر شكل الحيوان اللي يمها وهو يخونها .. شيخه : تعالي بسرعه شهد .. تكفين وكان صوتها يرجف .. ويرجف حيل ودموعها غرقتها .. شهد خافت وحست فيه شي : زين زين لاتبجين . انا يايه الحين .. وسكرت من شهد وهي تمسح دموعها بقووووة .. بكفها .. وجنها تبي تبعد نظرة الضعف اللي باينه فيها ... مو انا اللي ابجي عشانه مو انا .. والله والله لاخليه يندم على اليوم اللي يجرحني فيه جذيه .. مشيت ونزلت تحت من غير لا اكلمه ولا حتى اشوفه .. وهو بعد ماكلمني .. وجنه كان مصدوم .. نزلت بسرعه باللوبي وقعدت انطر شهد وامسح بقايا دموعي وانكساري عزيز بجت .. شيخه صارت تبجي .. ادري انها مو قويه وتحاول تمثل القوة .. كان ودي اصرخ فيها . افهمها السالفه .. انا ماقدر اخونها .. ولا افكر اخونها .. لاني ماشوف في الدنيا غيرها .. بس مستحيل تقتنع .. بنت الكلب عرفت شلون تفرق بينها .. وانا السبب .. انا .. كان ودي اخذها بحضني وامسح دموعها الغاليه بيدي .. بس ماقدرت اتحرك .. حسيت بشلل بكل جسمي .. مو مصدق ان اليومين اللي عشتهم معاها يكونون حلم .. حلم وقمت منه على واقع مرير من غيرها .. شيخه لاتخليني .. شيييييييييخه !!! غمضت عيوني ودخلت الشقه ودقيت على صلاح فهمته السالفه وقلته يروح يشوفها عند رفيجتها شهد ويطمني .. قعدت على الكنبه تعباان واحس وجع قلبي ونغزاته ردت علي .. وبقوووة .. مسكت قلبي وانا اتأوه .. كنت احس بسجاجين تقطع فيني : آآآآآآآآه .. شقة عزيز قمت بارهاق وانا احس بالتعب ياكل قلبي .. قعدت ادور بالادراج على الدواء اللي وصفه لي الطبيب قبل مدة ومااخذت منه الا جم حبة من اول مايينا .. مالقيته .. قلبت الادراج فوق تحت ماحصلته .. رحت لغرفتي انا وشيخه .. واول مادخلتها شميت ريحة عطرها مالي الغرفه .. حسيت بالالم يزيد علي.. الم فراقها واللي عارف انه ماوراه رجعه .. شيخه واعرفها . ماترضى بشي يكسر كرامتها وغرورها .. ضحكت على روحي باستهزاء .. انا مستحيل اعيش سعيد حالي حال غيري .. دورت العبله بين ملابسي ولقيتها بالجينز اللي كنت لابسه ببوستن ماانغسل .. طلعت الحبة منه بسرعه واكلتها وانسدحت على السرير وين ماكانت شيخه تنام .. وماحسيت بشي الا وانا غرقاااان بالنوم .. شيخه طول الطريج وانا ابجي . . ماقدرت اقول او اشرح لشهد اي شي .. شقولها ؟؟ شتحجى ؟؟؟ اقولها ان الشخص اللي كرهته بحياتي تزوجته .. ويوم اني انغصبت عليه ورضيت فيه .. وبديت احبه واتعلق فيه .. يطلع خاين ومو قد الحب .. يطلع نصاب وحقير وتافهه .. انا شلون صدقته .. شلون خليته يمثل علي دور الحب والعشق .. وصدقته .. دامه مايبيني ليش خذاني .. ليش قالي احبج .. انا كنت اشوف بعيونه شي ثاني . . كنت احس انه صاج .. كنت احس الحب يشع من نظراته .. معقوله كل هذا يطلع جذب وخداع !!! شلون نسيت المسجات اللي بتلفونه !!! .. شلون نسيت انه خذاني مغصوب .. !! مسكت راسي بألم .. حسبي الله عليك ياعزوز الزفت .. عرفت تمثل وتخدعني .. عرفت تلعب لعبتك صح .. بس مو على شيخه .. وانا لك يالخاين .. شهد كانت تشوفني وخايفه علي .. لكن بنفس الوقت متردده تسألني .. كنت امسح دموعي بهدوء واحنا بالقطار .. كنت احس بحياتي كئيبه ومملله .. للحظة بس .. تذكرت شلون كنت عايشه هاليومين معاه .. انا حبيته .. انا احب عزوز .. شلون قدرت اسمح لعواطفي تتمادى معاه .. وين كرامتج ياشيوخ .. وين غرورج .. نسيتي شسوى بامج !! اكرررررررررررهك ..اكررررررررررررهك . . شهد : شيخه .. شيوخ .. لفيت راسي صوب شهد بويه مليان دموع شهد بخوف : وصلنا .. يله ننزل .. نزلت ومشيت ورى شهد .. دخلنا عمارة وصعدت معاها فوق وين ماكانت شقتهم الصغيرة .. فتحتلي الباب ودخلت .. وقعدت على الكنبه الصغيره البنيه الموجوده بالصاله .. شهد : الحين ممكن تفهميني شفيج ؟؟ شصار .؟ انهرت بالبجي .. وجني كنت مخزنه هالدموع والبجي كله .. حضنتني شهد وانا كنت اشهق ببالبجي .. مو حارني كثر ماحارني . الا اني طلعت غبيه وسمحت لمشاعري انها تطلع لعزوز .. وعزوز ماكان يدري عني ... شهد وهي تمسح على ظهري : شششش حبيتبي شيووخ فهميني .. شفيييج !! قلت بصوت مبحوح : ابي انام شهد .. راسي يعورني ابي انام شهد : وعزيز ؟؟ شيخه بصراخ : لاتيبين طاري عزوززززز .. الله ياخذه ويفكني منه .. حسبي الله علييه شهد انصدمت .... شصاير اكيد شي جايد .. وماتقدر تكلم شيوخ بشي لانها كانت منهارة .. شهد : قومي نامي بغرفتي .. وبس تقومين نتحجى يله حبيتبي .. اخذت شيخه وعطيتها بجامه من عندي .. لبست وحطت راسها على السرير ومامرت خمس دقايق الا وهي كانت نايمه ودموعها للحين مانشفت على خدها .. اخذت التلفون ودقيت على عليا اللي قلتها اهي وسناء يطلعون من البيت الين ماافهم من شيخه شصاير وقلت ادق عليهم اطمنهم شهد : الو عليا : الو .. هلا شهود ها بشري ؟؟ عسى ماشر ؟ شهد بضيقه : والله ماادري .. من يوم مايات وهي تبجي ماعرفت منها شي .. وبعدها نامت .. عليا : فدييتها .. زين انا بروح بيت سنوي بقعد عندها والليل بنيي اوكيه ؟ شهد : اوكي اوكي .. عليا : طمنينا عليها لا صحت من الرقاد شهد : اوكي .. وشافت التلفون لقت عندها خط .. شهد : عليا معي خط .. خليني اشوف منو واكلمج .. عليا : طيب .. يله باي شهد : باي شفت الرقم .. وجنه مار علي من قبل .. رديت عليه شهد : الو صلاح : الو .. شهد شلونج .؟ شهد بلعت ريقها .. ماتدري ليش لما تسمع صوت صلاح قلبها يدق بقووووووة .. شهد : هلا صلاح .. انا بخير الحمدلله صلاح بخوف : وين شيوخ ؟؟ عندج ؟ شهد : ايه عندي .. توها نامت ؟؟ شصاير عسى ماشر .. خوفتني عليها من يوم يت وهي تبجي ؟ صلاح فهمها السالفه وقالها كل اللي قاله له عزوز .. وشهد تسمع مصدومه .. يعني كلام مايدش العقل .. وهي لو كانت مكان شيخه بتسوي مثلها .. بس سكتت صلاح : تكفين شهد .. انتي فاهمه وعاقله .. وشويخ الحين عقلها مو معاها .. تكفين .. كلميها .. لو تشوفين حال عزوز شلون .. شهد بقهر : لاتلومها صلاح .. أللي شافته مو شويه واي حرمه لو كانت مكانها مراح تقتنع بهالسهوله .. صلاح بخبث : لييش .. انتي لو كنتي مكانها بتزعلين من غير لا تسمعين شسالفه ؟ شهد ارتبكت ليش يسألها .. وبحركه خلت شعرها الحريري ورى اذنها : .. أنا .. ماادري صلاح مصر يسمع رايها ويموت على صوتها : همم .. ماتدرين شنو ؟ شهد تبي تنهي السالفه : لا .. مو بس اسمع .. لازم اقتنع بالكلام .. صلاح : وشلون تقتنعين ؟ شهد ارتبكت .. ليش يحاجيها جذيه : صلاااح !!! صلاح وقلبه يدق من تقول اسمه بصوتها .. صار يعشق كلشي فيها .. كلماتها المعدوده معه .. كلام الشباب عن اخلاقها وحياها .. نظرة الطفوله بوييهها .. نعومتها ودلعها .. كلشي بشهد صار يعشقه حد الجنون .. مرت ثواني صمت .. كل واحد فيهم عاش بعالم وردي .. وعقب قال صلاح صلاح : ههه انا اسف .. مم . .زين .. بس تقوم شيخه خليها تكلمني اوكيه ؟ شهد : اوكيه .. تبي شي ؟ صلاح بابتسامه .. (ايه . ماودي اسكر منج شلون ) : سلامتج .. وهذا رقمي حفظيه عندج يله شهد اضحكت : هههه زين .. وبعد صلاح يبتسم على ضحكتها الحلوة : سلاااامتج شهد بحيااا وويها يعطي كل الالوان : زين .. مع السلامه صلاح : الله وياج يا قلــ وسكت وسكره مايدري شلون طلعت منه ...سند راسه على طوفة المستشفى برة غرفة محمد وابتسم .. يتمنى يسمع صوتها دايم .. يحس انه يعيش معاها كل شي حلو .. دخل وهو للحين يبتسم .. محمد : ههههههههه بس بس لاينشق حلجك ههههه صلاح افتشل : ههههههههههههههه جب محمد : اقووول .. هذي اللي مو عاجبتك وماتطيق تشوفها وماادري شنو صلاح : تدري محمد .. وسند راسه على الكرسي براااحه : هالبنت مستحيل افرط فيها .. محمد : ههههه بنشوف .. اقولك وين الدكتور روح ناده صلاح قعد عدل على الكرسي وسأل باهتمام : ليش ؟؟ محمد : مليت .. ابي اعرف متى بيبدون معاي العلاج الطبيعي .. خلاص زهقت .. صلاح ارتبك وبلع ريجه .. وطقطق ايده ببعض : انا .. كلمت الدكتور وقال لما تخلص كورس العلاج بعدين بيبدون معاك الطبيعي .. محمد بملل : ومتى ان شالله بيخلص كورس العلاج .. صلاح يغير الموضوع : قريب ان شالله ... اقولك .. شرايك بالكتاب ماقلتلي رايك ؟؟ محمد ضحك بقوووووووووة الين ماتجعدت عيونه وبانت غمازاته وسند راسه على طرف السرير برااااااحه : ااااخ ذكرتني ماقلتلك .. صلاح باهتمام قعد على طرف السرير : قوووووول يله محمد : اييييييي عورتني وخر .. صلاح : هههه .. اووف .. تحجى يله .. انا ادري فيه شي خاشه عني عبالك ماادري .. محمد : والله الكتاب عطيته لسناء .. صلاح بطل عيونه : سناء .. سناء ؟؟ محمد : ههه ايه شفيك .. سناء ماغيرها .. ليش مستغرب صلاح يحرك ايده : سناء الحلوة . الــ محمد : ههههههههههه اييييه سناء الحلوة .. خير ؟؟ صلاح : شلون وليش وشسالفه ؟ محمد قاله كل شي صار .. وصلاح يسمع منصدم .. هالبنت غامضه الواحد مايدري شوراها ... نفس الوقت بيت سناء .. سناء : شووووفي شووووفي عليوو .. يهبل يهببببل .. عليا تضحك عليها : الله معطيج كتاب .. شنو مكتوب .. سنوي فيه اهداء داخل .. سناء وهي تنسدح على فراشها بنظرة حالمه : ادري .. كاتبلي اهداء . . عليا وهي تقرى بصوت عالي : القيادية الصغيرة ذات الشعر الاسود البدوي .. اليك هذا الكتاب .. لانه يشبهك .. محمد عليا نطت عليها بالسرير : الللللله .. ذات الشعر الاسود البدوي هههههههههههههه سناء حمر ويهها ... اول مرة احد يمدحها بهالطريقه .. وقالت بعفويه : قيادية يعني اللي يتبعها الناس بحكمة .. و و عليا : اعرف شنو يعني قياديه ههههههه .. شفيه شكلج جذيه مفهي ؟؟ سناء وهي تبتسم : عليووو .. ليش قالي ذات الشعر الاسود البدوي ؟؟ ليش ؟؟ عليا وهي تفهمها : البنت البدويه مشهروة بشعرها الاسود الجميل .. ووهذا تشبيه بليغ دليل على جمال شعرج ضحكت سناء بحب : علووووووي .. يهبل .. انا قريت اول عشر صفحات من الكتاب بس مافهمت منه شي .. ساعديني .. ابي اقراه .. مابي اطيح من عينه .. مابيه يحس اني جاهله وماعرف عربي .. عليا بمكر : ليش .. مو لازم تقرينه اذا مو فاهمه ؟؟ سناء : بلا لااازم .. انا ابي اقراه عليا : شو هالاهتمام المفاجأ لمحمد ؟؟ هاا ؟؟ سناء : ماادري علووي .. قوعدت متربعه على السرير .. يشدني بكل شي .. تدرين لما يتحجى احس اني ودي اسمع كل كلمة يقولها .. تكفين علوي ترجميلي هالكتاب .. ابي مرة ثانيه لازرته يعرف اني قريت الكتاب كله بروحي .. عليا شافت نظرة الحب بعيون سناء .. ويمكن محمد اهوا اللي يغيرها .. ويظهر الجانب الحلو بسناء .. بعد ساعتين .. عزوز فتحت عيوني وعلى طول لفيت ويهي على السرير .. متأكد اني بشوف شيوخ نايمه يمي بنومتها الطفوليه اللي اعتدت عليها هاليومين .. وحفظت كل حركه تسويها .. كنت متاكد اني بلامس شعرها الكستنائي واشمه واعيش فيه .. كنت متأكد اني بلامس خدها الناعم الوردي .. وشفايفها الكرزيه الرقيقة .. بطلت عيوني بس مالقيت شي .. لقيت سراب .. فراغ يذبحني ويجتاح قلبي .. قمت بكسل وانا ماسك راسي بصدااااااع مو طبيعي .. دخلت الحمام وسبحت وغسلت ويهي .. اخذت التلفون ودقيت على شيخه واناادري مليون بالميه انها ماراح ترد علي ..بس قلت بحاول .. وكالعاده .. كانت رنات التلفون اطول من عمري الكئيب .. قعدت انطر يمكن اسمع صوتها الحين .. شوي ... بعد شوي .. بس ماكنت اسمع غير صوت قلبي اللي يصرخ يناديها .. دقيت على صلاح ورد عي على طول .. صلاح : الو عزوز وصوته يالله يطلع ومبحوح : صلوح ؟ صلاح : هلا عزوز .. ها وينك ؟ عزوز : كنت نايم وتوني قعدت .. وسكت شوي وعقب قلت : كلمتها ؟ صلاح : لا .. نايمه .. قلت لشهد بس تقوم تدق علي .. عزوز : ..... تهقى بتسمع بتصدق ؟؟ صلاح يطمنه ولو انه عارف شيوخ يبيلها وقت عشان تتأقلم : عزوز .. يعني شيوخ ماتعرفها .. تصرخ وتعصب وتتنرفز .. وبس تهدى شوي .. بكلمها وبفهمها السالفه .. ولو اني يعني .. احس راح اتعب معاها حبتين .. بس شسوي .. عشان العيش والملح اللي بينا هههه عزوز : صلووح مالي خلق ملاقتك .. تكفى .. بس تكلمها على طول دق علي .. وانا مستعد اييـ ـ صلاح : لا لا لا .. لاتفكر تيي ترى تفضحك شيوخ .. خلني احاجيها وعقب يصير خير عزوز : اوكيه .. صلاح ماوصيك كلمنــ ــ صلاح : اووووف خلاص اوكيه ماني ناسي .. عزوز : زين .. يله باي صلاح : باي . سكرت من صلاح ودقيت على شيوخ مرة ثانيه .. بس ماردت علي .. انسدحت على السرير واخذت بوكي .. وطلعت صورتها بقتها من عزوز .. يوم كان يبي يسجل شيخه بالجامعه .. تحسست ويهها النعوم بيديني .. خشمها المرفوع والدقيق .. وشفايفها الناعمه الورديه .. بياضها المبهر .. وعيونها .. ااااخ ياشيوخ .. لاتفهميني غلط .. انا احبج .. احببببج .. شيخه فتحت عيوني بكسل مو طبيعي .. شفت الساعه بيديني وكانت 7 بليل .. يااالله .. كل هذا نووووم .. قمت من السرير وعدلت شعري ورفعته بكلبس الى فوق .. وطلعت وانا للحين مو مصحصحه .. شفت شهد قاعدة ببجامه حمرا قصيرة وبيدينها كوب نسكافيه ومتابعه فلم .. شيخه : مسا الخير .. شهد التفتت علي وعلى ويهها ابتسامه : مساااااااء الورد ياكسلانه .. شنو هالنووم .. شيخه ابتسمت : شهوود ابي كوفي بليييز راسي بينفجر .. شهد قامت من الكنبه : بس .. انتي تامرين .. احلى نسكافيه لعيونج شوشو شيخه : لا لا ماتقومين .. انا بروج اسويلي .. بس دليني وين المطبخ شهد حست بشيخه ماتبي تقعد .. تبي تشغل روحها باي شي عشان مااسألها شهد : اوكيه . بس بيي معاج .. امشي هالصوب المطبخ دخلت معاها وكانت طول الوقت ساكته ونظراتها مشتته .. حاولت افتح معاها الموضوع ابيها تفضفض .. شيوخ واعرفها ماتحب تذكر شي يكسر من كرامتها يدا م احد .. بس مو زين تحبس بروحها وتشيل بقلبها .. شهد : صلاح قالي على كل شي .. شيخه وهي تحوس كوبها وفجأة وقفت ايدها وناظرت شهد بعيون مغرقه .. ماقدرت وقعدت على اقرب كرسي يمها وجنه ريولها مو شايلتها من الصدمه .. حاولت تتناسى لان راسها بينفجر مو متحمله تفكير زياده .. وتبين ان هالشي عادي شيخه : اوكي .. الحمدلله انها يات منه .. قالت هالجمله ولفت ويهها صوب الدريشه ماتبي تضعف يدام احد .. لفيت ويهها صوبي وانا اكلمها .. شهد : شيووخ .. ادري هالشي كبير عليج .. وعارفه انج مكسورة بس ماتبين تبينن .. بســ شيخه : تكفين شهد .. عزوز مايناسبني ولا عمره حبني ولا فكر فيني .. لاتنسين ان السالفه كانت كلها بالغصب والاجبار اهوا ماخطبني من كيفه .. ابوي يغصبه .. شنو تتوقعين !!! بيحبني يعني . .اكيد بيكون عنده حبيبة كان واعدها بالزواج وانا خربت عليهم .. وكملت بنبرة فيها قوة : انا اصلا مابيه .. ولا احبه ... انا مااحبه .. غمضت عيونها تداري تدمعه يمكن تخونها وتنزل .. وبنبرة ضعيفه حيل ومرتجفه : انا مااااحبه .. شهد حست فيها .. وحست ان شيوخ بدت تحب عزيز وتميل له وهالشي اللي كاسرها .. خذتها ولمتها وهالشي خلاها تنفجر بكل مشاعرها .. شيخه بوسط دموعها : لييييش يخووني لييش ؟؟؟ يقولي انه مايبيني .. يقولي انه مايحبني .. ليش خلاني اتعل فيه . شهد انا احبه .. انا احب عزوز ... لاااا انا اكرهههه واكره اليوم اللي شفته فيه .. شهد : شش شيوخ حبيبتي .. هدي روحج .. انتي لازم تسمعين له .. صلاح قالــ ــ ــ شيخه : مابي اسمع منه شي .. كل شي شفته بعيوني .. مافي داعي يبرر لي ويجذب علي اكثر شهد مسكتها من جتوفها تبي تسمعها كلام عزوز يمكن تقتنع : شيييووخ .. عزوز ماله شغل بالسالفه .. اهي اللي يت له .. وهو كان يكلمها قبل لا يتــ شيخه صكت اذنها بيدينها ماتبي جذبه يأثر فيها وترد تصدمه وتثق فيه وهي تدري انه يبرر ويجذب يغطي على بلوته اللي سواها ... مستحيل تصدق كلام غير اللي شافته مستحييل شيخه : خلاص شهد مابي اسمع طاريه .. ولا ابي اسمع اسمه سكت وانا احس بشيخه تنهار اكثر واكثر .. وقعدت امسح على ظهرها بحب .. شيوخ ماتستاهل .. ماعاشت حياتها مثل ماكانت تبي .. من يوم ماتوفت امها وهي من مشكله اليى مصيبه ثانيه رفعت راسها باصرارها : دقي على صلاح ابي اكلمه اخذت التلفون يمي ودقيت على صلاح ولما بدى يرن عطيتها التلفون شهد : هااج كلمي يله شيخه بتردد .. ماتبي تكلم صلاح عشان ماتنهار يدامه : ااانتي كلميه وقوليله يحجز لي على اقرب رحله للكويت فتحت عيوني على الاخر ...... وسكرته قبل لايرد صلاح : من صجج ؟؟؟ شيوخ عن الينون ... فكري بعقلج .. صحيحــ شيخه : شهووود تكفين .. انا هالشخص خلااص عفته وماعاد ابي اسمع اسمه ولا ارد له باي شكل من الاشكال .. عشان خاطري ..دقي على صلاح وقلوليه شهدقبل لاتنطق بشي رن تلفونها .. بنغمه صلاح اللي حاطتها له خصوصي .. شالت التلفون بارتاباك .. ماكانت تبي تنحط بهالموقف مع صلاح .. تحس انها ماتقدر تقوله شي .. صلاح : الوو شهد بتردد : الوو هلا . .صلاح صلاح يتفداها بقله .. ( ولا سنفونيه بيتهوفن .. ياحلو هالصوت ) : هلا وغلا شهد .. شلونج ؟ شهد ( الاخ ناوي يسولف ) : بخير .. ممم .. شيخه توها قعدت من النوم .. وو صلاح باهتمام : زين عطيني اكلمها .. شهد شافت شيخه ورجعت تكلم : مم تقولك احجز لها على اقرب رحله تبي ترد الكويت .. صلاح : الكوييييت !!! ينت هذي ؟؟؟؟ مافهمتيها ؟؟ ماقلتيلها كلام عزوز ؟؟ شهد : قلتها والله . بس اهي ماتبي تتناقش بالموضوع .. وكملت بعفويه ماتقصدها : معاها حق .. صلاح : شهوود .. انتي تقولين جذيه بدل ماتعقلينا تقولين معاها حق شهد تفشلت بس مقهووة شتسوي : كلمتها بس ماكوا فايدة .. خلها ترد الكويت يمكن تتحسن نفسيتها وبعدين يصير خير صلاح : شوفي انا بخلص لي جم شغله وامركم بالليل لاتقولين لها .. لانها بتعند اعرفها .. بمركم انا وعزوز اوكيه \ شهد : اوكيه .. بس دق قبل لاتوصولون صلاح يستعبط .. :لييش ؟؟ شهد بعفويه : عشان نزهب لكم شي .. يعني .. جذيه صلاح : مممم دام جذيه .. عيل انا اي عصير من ايدينج الحلوة شهد ارتبكت ( مغازل علني ) : ههه اوامر ثانيه .. صلاح ابتسم وهو يحرك شعره الاسود الى وره ويتسند على طرف السرير : مايامر عليج عدو .. وابي كيك ..يقولون تطبخين كيك حلو .. مو ؟؟ شهد : ههههه انا ؟؟ لا منو قال ؟ صلاح : منور اختي قبل كانت تقول .. شهد ( لا هذا ناوي يسولف ) : ان شالله وبعد ؟؟ صلاح : مممم جنها طرده ؟؟ شهد : ههههههههههههههههههههه صلاح نسى روحه : فديييت هالضحكة .. شهد انتبهت على روحها : زين .. تبي شي ؟ صلاح : ابي ضحكة ثانيه .. شهد ابتسمت : .... مع السلامه سكرت التلفون وشافت شيخه تطالعها باعجاب .. حمر ويهها .. شيخه : ياعييييني على الحب .. الحين نسيتوا سالفتي وقاعدين تتغزلون ببعض .. شهد قلب ويهها الوان وطقتها على جتفها : ههههههههه جب .. بس اخوج مايستحي صاير شيخه وهي مسنده خدها على ايدها : اااااااخ اخوي يحب شيسوي يعني .. بس بعض الناس معطينه طاااف شهد : ودامه اخوج .. قومي يبي عصير وكيك .. شيخه : ليش ؟؟ يييي هني ؟ شهد : ايه يقول بيخلص شغله عنده وبيي شيخه : قلتليه عن السفر ؟؟ شقالج ؟ شهد : قالي يصير خير .. شيخه : ممم زين وين عليا وسنوي ؟؟ شهد : ببيت سنوي .. انا طردتهم عشان تريحين انتي شوي .. شيخه : لاحرام عليج .. ناديهم خلي يوون نتسونس بالسوالف .. شهد لفت عليها مستغربه وبنفس الوقت عارفه شيخه شلون تداي على ضيقها باي شكل من الاشكال شهد : متأكده ؟؟ شيخه : اييه .. وبعدين ابي سنوي بمهمه رسميه شهد : ههههههههه حركاات اني وسنووي .. علاقات من ورانا شيخه : ههههههههههههه راحت شيخه تسبح بعد ماعطتها شهد ملابس ودقت على البنات يوون الجانب الثاني سناء : يلله عليووووو .. تأخرنا عليا : زين .. قاعده ادور موبايبلي مب عارفه وين عقيته انا ؟؟ سناء تدور ويياها بالصاله .. ولما لقوه .. حصلوا عبير واقفه عند الدري متجاهله عليا وماسلمت عليها وهي تكلم سناء عبير : سنوي وين بتروحين ؟؟ سناء : with my frinds عبير سوت حركه بايديها يعني مو عاجبها : زين ابوي يبي ياخذنا برحله بره لندن اليوم ؟ سناء ماتبي ترد خالها وهي تحبه حيل : ok , i will come at evening عبير : نوو حبيبتي .. بابا قال الحين .. سناء بضيقه من الهبنت تكرههها والحين بتسافر معاها الله يعينها .. سناء : زين تعالي معانا بسلم على شهود واطلع معاج للمحطه .. عبير تكرهه اشكال عليا وشهد .. وماطيقهم بس ماتبي تبين هالشي يدام سناء لانها ماصدقت عطتها ويه طلعت معاهم وكالعاده سنوي وعليا راحوا مشي .. وهي منارفه مو متعوده تطلع مكان بعيد مشي .. بالكعب والفستان الضييق حيل .. وصلو الشقه وعيا تفتح الباب وهي تقول : مسا الورد ياحلواااات شيخه وشهد يبتسمون بس تجمدت كل عروق شيخه بس شافت عبير داشه معاهم بنظارتها الكبيرة وهي تشوفها بقواااه عيين .. شيخه بصدمه شلتها : هذي شايبها ؟؟ سناء قربت من شيوخ وهي تلمها بضحك وعبط : ولهت عليييييج i miss you >> من ساعتين ماشفتج هههههههه بس شيوخ كانت واقفه مصدومه .. فصخت نظارتها عبير بغرور وعجرفة خبيثه ويه ترفع حاجب وتشوفها بقووة وقله حياا ولاجنها مسويه شي .. شيخه : انتي شتبييين ؟؟ شتبيييين ؟ظ صرخت بشكل خل الكل يسكت ويناظر عيونهم وكل وحده فيها تخدي اكثر من الثانيه .. سناء التفتت لهم :شسالفه ؟؟ what wrong ? شيخه وهي تكلم شهد تبي تفهمها : هذيييي ... هذييييي .. عزووووز ... شهد هذييي !!! شهد فهمت عليها وشهقت بصدمه .. وعليا تشوف شيخه شلون كانت مصدومه .. سناء ضاعت بالسالفه مو فاهمه شي .. سناء : احد يفهمني شسالفه ؟؟؟ عليا تي تهدي الموضوع : سنوي .. خلاص .. بس قولي لبنت خالتج .. يعني شوي تخلي شيخه بحالها دقاييق سناء تناظر عبير : شصاير عبير ؟؟ انتي تعرفين شيخه ؟؟ عبير من غير حيا وخبث الدنيا كله فيها : اييه .. اعرف ريلها .. ريلها يصير حبيبي .. وهو تزوجها بالغصب .. شيخه صرخت فيها : طلعي برررررررره .... بررررررررررررره ياحيوااااااانه .. سناء ناظرت عبير باحتقار .. تدري عن سوافها بس ماتدري انها حقيرة لهالدرجه .. سنوي تكلم الشباب .. لكن مو مثل طريقه وتفكير عبير .. اهي تكلمهم على انهم زملاء وعمرها ماتعدت علاقتها مع احد اكثر من جذيه . سناء : طلعي بره ياحقيرة ... هيين ان ماقلت حق خالي عن سوالفج .. عبير : انتي هيي لاتصارخين ماني عبده عندج فاهمه ولفت على شيخه : وانيييي .. حسابي معاج بعدين طعت والكل كان منصدم ..... الموقف اكبر من يخلي اي احد يتكلم بعد ربع ساعه بالضبط في كوفي بول في شارع من شوارع لندن بجانب الماربل ارتش عبير : ها حبيبي .. شنو بتعشيني اليوم ؟ فهد اللي طايرة عيونه على نعومتها : شنو بخاطرك ؟؟ تدللي ياقلي ؟ عبير ضحكت بنعومه مقرفه مجرده من الانسانيه : هههههههههه حبيبي انت فهد زادت كشرته وهو يطالعها بنظرات شيطانيه : يالبى هالضحكة انا .. عيبر : فهوودي .. انتا تحبني ؟؟ فهد : انا .... !!!! عبير :اييه .. تحبني ولا لا ؟؟ فهد فاجاة السؤال .. اهوا مايحبها لكن تعجبه نعومتها ودلعها ورقتها : ايييه . اكيد ياقلبي عبير وجنها ترد اعتبارها . تبي تحس انها للحين محبوبه وللحين الناس تتمنى ظفرها .. شووف ياعزوز شلون فهد بياكلني بعيونه وانت تشوفني ولا جني موجوده .... !!! اااخ يالقهر بس .. عبير : مممم زين ابي منك طلب .. فهد : عيوني ليكي يابعد عيوني .. عبير وتشوف تلفونها يدق .. ابوها حرق عليها التلفون بس ماتبي ترد عليه .. وقامت بدلع من كرسيها وتقعد يمه وتلعب بطرف بطرف قميصه وبتفكيرها الخبيث قالت : تخيل فهودي .. في بنت كنت احبها حييل وعطيتها كل شي ووثقت فيها .. وبالاخير تفشلني وتطردني يدام البنات .. تخييل .. فهد : تطردج لييش ؟؟ عبير ترفع كتوفها وجتها بتبجي : ماادري .. محترة مني .. لاني احلى واذكى منها .. فهد : ماعليج منها ياقلبي .. انا اشوفج احلى ماخلق ربييي .. عبير :لا ماابي .. ابيك ترد اعتباري منها ؟؟ فهد مافهم : شلون ؟؟ عبير : ابيييكــ مممم تكسرها ... تحطمها ... تنهي حياتها ..
|
|
|
|
|
28-11-2009, 08:07 PM
|
رقم المشاركة : 70 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
شقة البنات
شهد وهي تهدي شيخه اللي من يوم ماطلعت عبير وهي منهاره : شيووخ خلاص حبيبتي ... ليش تبجين الحين ؟؟ هي كانت تبي تحرج وبس .. وانتي تدريــ ــ ــ شيخه بنرفزة : خلاااااااااااااص .. انا هالريال ماااابيه .. ماااابيه .. خل تتهنى فيه بنت بليس .. ولفت على سنوي اللي منحرجه من تصرفات بنت خالتها وماتدري وين تودي ويهها من شيخه شيخه وهي تمسح دموعها بقوووة عكس قلبها الضعيف : سنويي .. تكفين .. انتي الوحيده الجريأة بينا .. تكفين .. ابيج تروحين شقتي وتيبين شويه اغراض .. بوصيج عليهم .. ممكن ؟؟ سناء نطت بسرعه : افاا عليج شيوخ ماطلبتي .. وانا لها .. شنو بغيتي ؟ شيخه : فدييتج والله .. يبيلي اي بجامه البسها .. وجاكيتين وجم جيينز .. ممم فيه دفتر تلقينه بالدرج اللي يم السرير يبيه معاج اوكيه ؟؟ سناء : خلاص صار .. ممم شقتكم نفسها اللي خذناج منها صح ؟ شيخه : اييه .. سناء وجنها تكفر ذنب عبير : انا اسفه شيوخ .. والله والله لو كنت ادري ان هالحقيرة مسويه جذيه .. جان ذبحتها من زمان .. انا ماكنــ ــ شيخه بعيون مغرقه : انتي مالج ذنب .. الذنب ذنبي انا اللي رضيت اكمل هاللعبه السخيفه .. روحي ماعليج مني .. مو شيخه اللي تنكسر عشان واحد مثل عزوز .. سناء ماحبت تطولها اكثر ومشت وهي تفكر بالحيوانه عبير .. هييين ياالمومس .. انا لج !! عليا بالشقه تسوي عصير ليمون تروق اعصاب شيخه .. عليا : فديتج شوشو .. روقي ياابوي .. مافي شي يستاهل هالبوز والدموع شيخه ابتسمت .. من يومها تحب اللكنه الاماراتيه .. عليا : هيييييه ... يازين هالابتسامه .. فديتها انا هههه شيخه : يااختي ماادري من وين تيبون حجيكم .. ينقط عسل .. ههههه شهد من داخل المطبخ تصارخ : شيووووووووووووخ اخوج يحب كيك تشوكليت ولا فانيلا شقة عزوز دقيت الجرس وانا خايفه .. مو لاني بشوف ريال غريب .. never بس لاني ماني عارفه اتصرف بجذيه مواقف .. نطرت شوي .. بس محد فتح الباب .. دقيت مرة ثانيه .. سمعت صوت احد قريب ..بعدت عن الباب شوي وحضنت ايديني بارتباك .. عزوز وعيونه حمراا حيل واستغرب من اللي واقفه بالباب .. وحده تعطيها ملامح عربيه بس طريقه لبسها وستايلها مايوحي ابدا : yes ? سناء : احم .. هاي !! .. انا مم صديقه شيخه عزوز بلهفه وملامح ويهه كلها تغيرت .. سكر زراير قميصه بارتباك وفرحه : هلا .. هلا والله !! .. تفضلي !! سناء عور قلبها .. شكله حيل تعبان .. وعيونه تحتها اسود .. وشكله صافن .. شافت اللهفه والحب والشوق بس طرت اسم شيخه .. معقوله يحبها لهالدرجه .. عيل ليش خانها ؟؟؟؟ وفجأة حست انها تكرهه .. حقير كسر بقلب المسكينه والله شيوخ ماتستاهل سناء :سوري .. بس انا يايه اخذ اغراض شيخه من الغرفه .. هي وصتني اخذ لها جم شغله .. شافني عزوز بنظرة غريبه .. حسيته وجنه فيه غصه .. ايتسم ببرود وقال .. تفضلي دخل ولحقته . . كانت الشقه كبيرة وفخمه .. استايلها يشبهه استايل بيتنا .. الثريات والاثاث . . وللحقته لغرفه وسيعه وفيها سرير فخم بالنص .. بعواميد ومغطى من فوق بحرير وستاير وشيفونات معطيته طابع الرومانسيه .. فعلا كان شي ذوق .. شفته كان يجر ريوله جر .. فتح الكبت وين ماكانت شيخه حاطه هدومها .. وقلته بسرعه .. سناء : خلص ثانكيو .. انا اعرف شنو اخذ لها .. هي وصتني . وانــ عزيز : انا بعطيج .. انا اعرف شنو تحب تلبس .. اخذ الملابس .. وصار يطلع قطعه قطعه ... يشوفها وجنه يسترجع ذكرياته معاها .. استغربت .. يحبها كل هالحب .. شلون يخونها وليش ؟؟؟ ومع منووو .. عبيرررر!!!! العبير الــ .. شفته يبتسم وهو ماسك بيده بلوزة حرير فوشيا قربها منه وشمها وغمض عيونه .. وحطها على السرير .. وطلع لي هاند باك صغيره بربريز .. وقعد يحط ملابسها فيها .. وانا اشوفه مصدومه ...!!!!! اللي بينه وبين شيوخ .. اكثر من الحب .. هذا شي .. اشبه .. بالــ عشق .. !! سكر الجنطه وبعيونه الحمرة ناظرني : تفضلي .. سلمي عليها حيل .. قلتله بفضول وانا اشوف عيونه : وصتني على شي. .. ابي اخذه ابتسم وغمض عيونه وحط ايده على قلبه يتألم .. حسيت فيه يتألم وقلت له بسرعه : فيك شي ؟؟ عزوز تدارك الامر وضغط على روحه .. وراح صوب الدرج اللي يم السرير وعطاني الدفتر اللي وصتني عليه شيخه انصدمت ..شدراه ان هالشي اهوا نفسه اللي وصتني عليه شيووخ .. شلون عرف !!! شلوووووون حس وانا للحين مانطقت .. اخذته منه ويريت الجنطه لبره وانا مصدووومه ... لازم اقول لشيوخ عن كل شي ... لازم عزوز عليا وشيخه مع بعض : ياعيييني هههههههههههههههههههه شهد طلعت وبيدها باكيتين للكيك الجاهز : شفيكم ؟؟؟؟؟؟؟؟؟؟؟؟؟ شيخه وعليا ماتوا ضحك : ههههههههههههههههههههههههههههههههههههههههههههههههه شيخه : انا عبالي انتي اللي بتسوين الكيك . .. ومختبه وحالتج حاله .. واخر شي قواطي !!! هههههههه عليا : قواطي ولا جاهز .. شوفيها كيف مهتمه ... شهود شو وراج انتي هاا خبرينا ؟؟ شهد ماحست بنفسها .. اصلا طول ماهي قاعده تفكر بصلاح .. مشتاقتله ولسوالفه .. ماتدري ليش تسمح لعواطفها انها تنطق .. بس لصلاح .. خمرت خدودها وحذفت عليهم المخده اللي على الكنب : ههههههههههههههه جب انتي وياها .. شيخه وهي تقلد صوت صلاح الخشن : احمم .. فديييت الضحكه انا خخخخخخخخخخخخخخخخخخخخخخخخخ شهد بطلت عيونها : يمااا .. شلون سمعتي ؟؟؟؟؟ سماعات مو اذون عليا : هههههههههههههههههههههههه رحتي فيها شيخه شيخه فصلت ضحك وقامت وهي تقلد مشية صلاح الرجوليه وهو يطالع بعيونه الحاده بنظرته المعهوده ويحرك ايده على سكسوكته وتقرب يم شهد وهي تلمس شعرها : ياافديت هالطول انا عليا فطست ضحك : هههههههههههههههههههههههههههههههههههههههههههههههههه وشهد تكفخ بشيخه بعصبيه : اقول انتي وياها مو كفو واحد يسألكم .. وانتي من اتزوجتي اختربتي غمضت عيونها شيخه وهي تبتسم ... تزوجي ؟؟!!! اااخ ياعزوز اااخ .. ليش سويت فيني جذيه ؟؟ لييش ؟؟ ليش هدمت حب توه ينبني ..!! .. ليش حرمتني من سعاده كنت اتمناها طول عمري شهد وعليا حسوا فيها .. وعليا تتوعد بشهد بعيونها وهي تعض على شفايفها .. شهد تداركت الموضوع وقربت منها .. شهد : انا اسفه شيوخ مو قصدي .. شيخه تطقها على جتفها وهي تكتم عبرتها : روحي طبخي حق عريس المستقبل يله ... ترى اقرب طريق لقلب صلوح الكيك .. خخخخخخخخخخخخ شهد وعليا ابتسموا .. حاسين فيها شلون منزعجه وتداري ضيقها بالضحك .. الله يفرج همج ياشيخه انتي وعزوز .. والله ماتستاهلون .. عزوز بس تسكر الباب قطيت روحي على الكنب بقوة .. حطيت ايدي على قلبي .. كنت احس اني مو قادر اتنفس .. فتحت زراير قميصي السود بسرعه .. اخذت التلفون ودقيت على صلاح صلاح : هلا هلا بالنسيت .. تونيــ بدقــ ــ ــ وطلع صوتي مبحوووح حيل وضعيف : صلاااااح .. صلااح صلاح بخوف وركز على المكالمه اكثر وهو واقف من عقب قعدته : عزوووووز شفيك ؟؟ ليش صوتك جذيه شصاير ؟؟ عزوز : تعااال .. مو قادر اتنفس !!! صلاح : يله الحين يايي .. اذا تقدر خلي الباب مفتوح ... تحمل عزوز عشان خاطري .. يايك باي قطيت التفون من ايدي وانسدحت على الكنبه .. وانا اتذكر لما كنت اتعب .. كانت امي رضيه ترفعني على ريولها وتقرى علي المعوذات .. وتقرى سورة يس .. وكنت شوي شوي اهدى .. انا اعرف ان العلميه لازم اسويها عقب مااعدي 22 سنه .. ويومها امي حنت علي بس انا مااهتميت للموضوع .. غمضت عيوني الين ماتجعدوا بقووووووة .. مو قادر اتحمل الالم .. شييييخه .. شيوووووخ .. يمااااا خاللد .. وين خاللد .. وماحسيت الا بالدنيا تظلم بعيوني صلاح طلعت من الباص وانا اركض . دخلت اللوبي وعلى طول شقه عزوز .. طقيت الباب بس مارد علي .. طقيته بقوووة .. لكن ماكنت اسمع اي رد .. وبفضل جسمي الرياضي .. قدرت اكسر الباب .. شفت عزوز نايم على الكنب وتنفسه بطييييييئ حييل .. خذته بين ايديني .. ونزلت وعلى طوووول اشرت على تاكسي واخذناه للمستشفى .. كنت مو متحمل اشوف ربعي اثنين طايحين بالمستشفى ... دخلنا على طول الطواري .. وانا تميت انطر بره .. خفت .. انا بروحي مو قادر اتحمل كل هالضغط .. دقيت على خالد اخوي .. مهمايكون .. عزوز رفيجه واكيد يعرف شفيه .. وعالاقل يعرف كل شي يصير معاه .. وبعد رنتين خالد : هلا بوصلووح صلاح بهدوء : هلا خالد شلونك ؟ خالد خاف من نبرة صوت اخوه : هلافيك ؟؟ علامه صوتك ؟ صلاح : .... مافي شي بس .. عزوز .. شوي تعبان خالد قطع الاجتماع وهو يكلم المهندسين : عن اذنكم دقايق اخذ التلفون وطلع خالد بنبرة جاده : شفيه عزوووز تكلم ؟؟ صلاح مو عارف شيقول لان للحين مايدري شفيه : ماادري خالد ماادري .. انا بروحي مو عارف اتصرف .. فجأة دق علي ويقولي مو قادر اتنفس .. يوم ييت لقيته مغمي عليه وهذا انا بالطواري .. عزوز عرف انه اكيد من قلبه : صلووح .. عزوز عند عيب خلقي بصمام القلب . .ولازم يسوي عمليه وهالتعب اييله من سنتين بس اهو مطنش .. والظاهر زاد عليه .. لاتخاف .. ان شالله خير .. طمني بكل شي ... اول مايطلع الدكتور حاجني زيين !!! صلاح وعقله مو معاه : زين .. زين .. يله هذا الدكتور طلع باي سكرت من خالد ورحت صوب الدكتور وانا احاجيه ( بعد الترجمه ) صلاح : ما الذي حدث يادكتور .. ماذا اصاب اخي ؟؟ الدكتور : انت اخيه ؟ صلاح : نعم ؟؟ الدكتور : هل تعلم بان اخاك صمامه الايمن الذي يضخ الدم لاجزاء جسمه شبهه مقفل .. ويلزمه عمليه .. ان هذا خطر على صحته .. صلاح باسف : اعلم .. الدكتور : كيف تتركونه هكذا طول هذي السنين .. ان حالته الصحيه تتدهور .. وانا لا اخفيك سرا .. اي امر يزعجه قد يؤدي الى حدوث جلطه .. وتلك الحالات لاتتحمل اي مجهود عصبي .. فقد يموت بسبب اي حدث بسيط صلاح خاف من جد .. الدكتور يكلمه وهو معصب شلون ساكتين كل هالوقت : حاضر .. وما العمل الان ؟ الدكتور : العمليه هي الحل .. وباسرع وقت ممكن .. والا .. فالخطر يداهم حياته .. هز راسه صلاح متفهم .. كلام الدكتور عدل : هل استطيع رؤيته الان .. الدكتور : بالطبع .. ولكن لاتجهده بالحديث .. فهو مايزال تعبا .. دخلت غرفة عزوز وانا اشوفه ماسك راسه ومسكر عيونه .. احس فيه يتألم .. طالعني وابتسم عزوز : اموت واعرف شلون شلتني ؟؟ صلاح والخوف باين من عيونه : عزووووز .. انت تدري عن صحتك ليش ساكت عن روحك جذيه ؟؟ عزوز وهو يقوم بتعب : لاتكبر السالفه صلاح .. هذول الدكاترة ماتعرفهم .. لازم يضخمون الموضوع ويخلونك جنك باجر بتموت .. امش مافيني الا العافيه .. صلاح مستغرب : حبيبي . ماكو طلعه الا لما تسوي عمليه .. الدكتور يقول فيه خطر على صحتك كلما تأخرت .. عزوز وهو يشوفه بنص عين : هههههه اقول امش .. مافيني الا العافيه .. تعب ويروح .. صلاح : والله مو على كيفك .. وهذا انا بقول لخالد يكلمك .. عزوز بخوف : صلووح .. ليكون تقول لشيخه عن شي .. والله والله ازعل منك ؟ صلاح : ليش ؟؟ المفروض شيوخ تعرف .. هي مرتك وهي لازم تحط بالهــ ــ عزوز : صلاح تكفى طلبتك .. الا شيوخ .. لاتعرف شي .. نزل عيونه من صلاح وشتتهم بعيد (( مابيج تتعاطفين معاي ياشيخه .. مابي الحب يصير مجرد عطف .. مابي اكون شخص الناس تشوفه برحمه وشفقه .. ماحب هالنظرة .. كافي عشت طول عمري اشوفها من الكبير والصغير .. كافي )) سناء : ااااااااااااخ بس ياشيووخ لو تشوفينه شلون كان .. عيونه حمرا .. وتحتهم اسود .. شكله تعبان حيل .. شيخه اللي تسوي روحها ماتسمع : سنوي مالي خلقج متابعه الفلم .. عليا تبيها تسمع : كملي سنوي .. شو قال يوم شافج !! سناء : تعرفين .. اول ماقلته اني صديقة شيخه .. حسيت ان اللهفه بانت من عيونه .. الحياة ردت لويهه .. ماادري شلون اوصفلج شعوره .. حسيت بالشوق .. وده كان يسالني عنها .. والله والله عليوو ماجذب عليج .. عزوز مو بس يحب شيوخ .. يموت فيها .. انا اعرف الريايل واعرف هالنظرة شمعناتها .. عليا تشوقت تعرف اكثر : سنووي .. هو مزيون يعني ؟؟ سناء اللي صج انبهرت من حلاته : مزيون بس .. قوووولي جذااب .. ممم شلون اوصفلج ياه .. شعره اسوود حيل وناعم وطويل الين اول رقبته جذيه .. خمشه مسلول وطويل .. وعيونه وساااااااااااع وناعسين .. رموشه طول حيل وكثاف ووو .. شيخه ماتحملت اكثر حذفتها بالمخده : ماشاالله كل هذا شفتيه بدقايق !!!!! سناء وعليا ماتوا ضحك : ههههههههههههههههههههههههههههههههههههههه غارو بعض الناس شيخه بعضبيه : اكلي تبن انتي معاها .. انا حمارة اللي قاعده معاكم .. وقامت بتروح ولا تمسكها سناء سناء : والله شيوخ ماقص عليج .. انتي لو شفتيه شلون دخلني الغرفة .. وقعد يمسك هدومج قطعه قطعه ويتأملها .. ويشمها .. شي مايسويه الا العاشق .. عيونه كانت تقول انه يحبج ويموت فيج .. تخيلي .. حتى الدفتر بروحه عرف انج تبينه وعطاني ياه قبل لا انطق بشي .. كنت احس بصراع عنيف داخلي .. صراع مابين حب عزوز اللي ماقدر اتخلى او انكره بيوم .. وبين كرامتي اللي شفتها تنداس يدام عيوني .. وانا بعد ياسناء اشوف الصج بعيونه .. اشوف الحب واللهفه .. عيونه تتحجى من غير لا ينطق .. اقرى اشيا وايد من عيونه .. كان يدور الحنان والحب اللي فقده من سنين .. مافارق حضني ولا لحظة .. كان يدفن راسه بصدري ويقولي لميني .. انتي امي واختي وزوجتي وحياتي .. انتي كل شي بحياتي .. بس كل هذا يختفي بس اتذكر شلون كانت عبير لامته وحاضنته وهي تقول (( الى متى بنتم جذيه .. خلاص تعبت مااقدر اتحمل فراقك اكثر )) شمعناه هالكلام ... معناه انهم يحبون بعض .. وبيي اليوم اللي بيطلقني فيه ويروح لها .. غمضت عيوني وانا احاول اطرد هالصورة من بالي .. مشيت وتركتهم .. ورحت عند شهد بالمطبخ وقعدت على الطاولة شهد وهي تحط الكيك بالقالب : شيوووخ بقولج شي شيخه : قولي شهد : ترى عزوز بيي مع صلاح .. ولفت علي تبي تشوف ردة فعلي .. وانا لاشعوريا ابتسمت ... مو بكيفي والله مو بكيفي .. احبه . اعشقه .. احب كل شي فيه .. عزوز حياتي وقلبي اللي ماقدر اتخلى عنهم .. دخلت الغرفه وطلعت لي شي حلو البسه ..وانا مقررة اننا نتفاهم ويمكن ارد معاه .. نفس الوقت شقه عزوز عزوز متلحف بلحافه وماباين منه الا خشمه الاحمر صلاح : سمعت شقال الطبيب .. تاخذ ادويتك بالملييي .. وبعدين باجر او عقبه تروح تحدد موعد للعمليه سمعتني شقلت ؟؟ عزوز : صلووح تكفى لاتعور راسي بسالفه العمليه .. انا ماصدقت افتكيت من خلود تطلعني انت !! صلاح : والله .. هذي صحتك وانت ابخص بروحك .. وقام وقف وهو يقول : اسمع انا كلمت علي وقلته اني ماقدر ابات عند محمد هالاسبوع الين ماتنحل مشكلتك انت والانسه شيخه وافتك .. وبعدين ماقدر اهدك بالبيت بروحك . مافيني حيل كل شوي اشيلك ترى عزوز وهو يقط عليه قوطي الكلينكس : تعايرني وياويهك .. بل صلاح : هههههه اااااح يعور .. والله محد يعرفلك غير شيوخ .. الله يعينها عليك لاشعوريا ابتسمت .. تذكرت خبال شيخه اللي فاقدخ حيل .. تذكرت يوم قلت لها وسعيلي بالسري ومارضت كانت مستحيه للحين .. قمت ودلدغتها الين مابجت من الضحك .. كانت ترافسو تحاول تبعدني وهي تضحك ومو قادره .. كان شكلها ينني .. يخبل فيني .. اعشق كل شي فيها .. ضحكها براءتها .. خبالها .. حتى مشاعرها اللي تحاول دايم تخبيها صلاح : الحمدلله والشكر .. شفيك تبتسم .. هذا وانت توك مااخذت الدوا !! عزوز انتبه على روحه وضحك : ههههههه مو شغلك .. سوالف عرسان صلاح : اااااااخ بس متى اصير معرس .. عزوز : لاحق على الشقا .. صلاح : هههههبهذي صدقت .. اقول انا رايح لشيخه ماتبي تيي ؟؟ عزوز غطى ويهه كله بلحافه وهو يعاند قلبه ويقول : لا ماني يايي خلها تهدى بعدين بحاجيها .. ولاتقولها شي صلاح : اوكيه .. خلي تلفونك يمك .. ساعه ساعتين وراجع .. يله باي مسكت قلبي بانقباض (( سامحيني شيوخ .. بس مابيج تشوفيني وانا تعبان ومريض .. ماتعودت تشوفيني بهالضعف )) بعد ساعه شقة البنات شهد بالمطبخ : شيووووووووووووووخ !!! شيخه كانت تبدل وماتسمعها .. شهد تنادي : عليوووووو .... علوووي ؟؟ عليا اللي كانت تحاجي امها بالتفون : لحظة ارمس تلفون .. شو تبين ؟؟ شهد : وين شيخه ؟؟ ماادري الكيكيه استوت ولا بعد !! وين سناء ؟ عليا : سارت تييب افلام اكشن على قولتها .. تبا تسهر اليوم هني شهد اللي حايسه بالمطبخ ..طلعت الكيكه وعلى توقعاتها المفروض تكون خالصه .. وهي ماسكه القالب بيدها .. وريحة الكيكه معبيه ارجاء الشقه الصغيرة .. دق جرس الباب شهد : عليوووووووووووووو فجييييييييي الباب هاي اكيد سنوي عليا ماترد .. طلعت شهد من المطبخ متأففه .. وهي تتحلطم .. اووف مافي حد يفتح الباب فتحته بريولها وهي ماسكه القالب بيدينها وتقول : سنووي .. ليش مااخذتي المفتــ ــ ــ وتجمد كل عرج ينبض فيها .. صلاااااااااااااااااااااااااااااااااح صلاح كانت عيونه عليها ويطالعها بانبهار .. كل مرة يشوفها فيها يلقاها احلى من اي وقت ثاني .. فيها طفوله وبراءه .. فيها نشاط .. بس اليوم كانت غير .. خدودها محمرين .. وشعرها مرفوع بحيويه وفوضويه .. بياضها المبهر باين من الجينز المقسم على جسمها والتوب الاصفر .. حسيت اني نسيت روحي وانا اتمقل فيها باعجاب .. شهد انتبهت على روحها باللحظة الاخيرة ويت بتسكر الباب ولا صلاح يمسكه بيده : تكفين لاتسكرين الحين .. بعدي ماشبعت من هالويه .. شهد حست حرارتها وصلت المليون وقلبها صار مثل الطبل من كثر مايدق .. وعيون صلاح عليها بنظراته الحاده وعيونه العذااااااااااب صلاح : همممممممم شهالريحه الذيذة .. ومد ايده يبي ياكل من الكيكه ولا تطقه شهد على كفه وهي تضحك : انتبه حار .. وضحكت وسكرت الباب وهي تتنهد وايدها على قلبها .. وركضت غرفة عليا تبدل ملابسها بعد ماحطت الكيكه بالمطبخ ونادت على شيخه تطلع لاخوها شيخه لبست تنورة فوشيا الى فوق الركب .. مع بلوزة موردة بالزهر فلو على الكموم وشفافه مع قصه صدر .. هذي البدله اللي يابتها سناء من اختيار عزوز .. رفعت شعري شنيون وحطيت ميك اب يادوب يبان وطبيعي حيل .. تعطرت وطلعت .. فتحت الباب وانا ادور عزوز بعيوني .. ابي اشوفه .. ابي بس اقرى عيونه .. اقرى الشوق واللهفه والحب مثل كل مرة .. شفت صلاح متسند على الطوفه .. وحط كفوف ايديدنه المعضله بمخباه .. ولابس كابه كالعاده ومرتب سكسوكته السودا ويبتسم .. سألته بعفويه شيخه : في احد معاك ؟؟ صلاح وهو يدخل : لا بس انا .. وين الخبله هذيج ؟ مااااااااااااااااا يه !!!!! لييييييش ؟؟؟ ليش مايه مع صلاح ؟؟ مايبيني !!! مايحبني ليش يسوي فيني جذيه .. انا راضيه ارد معاه .. انا كنت بسامحه .. انا احبه .. احب عزوز .. ليش يجرحني كل ماقربت منه .. !! نزلت دمعه من عيوني بقهر .. مسحتها بكفي قبل لايشوفها صلاح .. صلاح : هيييه انتي اناديج من الصبح ... شفيج ؟ شيخه : .... هلا !!ماسمعت شنو ؟ صلاح وهو يبتسم نسى سالفه شيوخ من شاف شهد فرت راسه بجمالها : نادوي شهود ابي اذوق الكيكه يووعان حدي .. قمت وانا ماادري شيقول بس ابي اطلع من هني .. خلاص اللي مايبيني مابيه .. كفايه نزلت كرامتي وايد ورضيت واسترضيت ..مو شيخه اللي تلحق واحد مايبيها ومايحبها .. كل شي انتهى ياعزوز .. خيانة وانتهت آخر سوالف عشقي المجنون في ليله حلمي الوردي تحطم من نهايتها, في ذيك ألليله كان أهون علي أحيا بدون عيون ولا أشوف إلي شفتى من حبيب قلبي ساعتها خيانة آه خيانا آه خيانا ب مدام أوفى البشر خانوا حرام الباقي ينلامون وكلمات الوفى لاعاد أحد يطري لسيرتها خيانة آه خيانة آه خيانا صلاح : شيخه .. اعقلي وخليج مرة .. وسوالف اليهال هذي تركيها عنج .. وسمعيني قبل لاتحكمين على الريال شيخه وقفت وتكتفت والعبره خانقتها : مابي اسمع شي .. احجز لي على اقرب رحلة للكويت .. واذا منت ناوي تحجز .. مو مشكله بقول لخالد يحجزلي اوكيه !! صلاح وقف وقرب منها : حراام عليج اللي تسوينه عزوز يحبــ ــ شيخه هني انفجرت بويهه : كاااااااافي حرام عليكم .. والله كافي .. كاافي جذب وخداع ..كافي تعشموني بريال مايبيني .. لو صج اللي تقوله عالقليله جان كلف روحه ويه معاك .. حسسني اني مهمه عنده .. غمضت عيونه بغصه وقالت : ابيي ارد الكويت .. تكفى صلاااح .. الله يخيلك .. عشان خاطر المرحومه تحت التراب .. اذا كنت تعزني .. تكفى ردني الكويت .. شقولج ياشيخه .. اقولج ان عزوز تعبان وفي اي لحظة يمكن نفقده !! .. اقولج ان ريلج حالته خطره ويوم عن يوم يزيد عليه المرض !! ... اخخ بس لو ماانت محلفني ياعزوز .. جان قلتها كل شي ... وانا عارف شيخه مستحيل ترضى بهالسهوله .. يمكن لاردت تهدى شوي .. وهناك البنات وخالد راح يكلمونها .. صلاح : اوكي .. خلاص مثل ماتبين .. لكن حطي ببالج انج ظلمتي عزوز .. شيخه سكتت وتمت واقفه تحس كل شي بحياتها انهدم .. كل شي حلو راح وتلاشى .. ليش اهي الوحيده من بين اخوانها تنظلم بهالطريقه .. ليييش .. للحظات فكرت شنو مصيرها من غير عزوز .. شلون بتعيش تحت رحمة سارة .. بس هالمرة ماراح تقدر تدافع عن نفسها .. لان ماعندها مكان تروحله .. مثلت الشجاعه .. ودخلت غرفة شهد وقطت روحها على السرير وبجت بألم .. بجت دموع الخوف والرهبه من المستقبل .. بجت عزوز حب الطفوله .. وبجت الخيانه .. بجت حظها وبختها اللي كتب عليها الشقا من ماتت امها .. اااخ يايما .. محتاجتلج .. والله محتاجتلج ... محد يحس فيني غيرج .. محد يحس بالنار اللي شابه بقلبي غيرج .. الحين بس حسيت فيج .. شلون انقهرتي يوم دريتي ان ابوي تزوج عليج .. وهذي بنتج .. ياليته تزوج ولا شفت اللي شفته .. لييش ياعزوز لييش .. انا اكرهك اكررررررررهك ..
|
|
|
|
|
28-11-2009, 08:36 PM
|
رقم المشاركة : 71 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
نفس الوقت بالصاله
شهد بعباتها السودا : معليه صلاح خلها الحين وبس تهدى كلمها .. شيوخ منهارة حيل .. ماعليك منها تسوي روحها قوية وقادرة تعيش .. شيخه منكسرة .. الدمعه مانشفت من عينها .. الموضوع اكبر من يوم وليله .. عطوها وقت شوي صلاح وهو يسند راسه على الكنب : تعبت ياشهد تعبت .. زفر بتعب .. وكان باين على ويهه الارهاق .. صلاح شال مسؤليه اشيا كثيرة وهو توه صغير .. صغير حيل على هالقرارات والمشاكل والبلاوي .. شهد ناظرته بخوف .. ودها كانت تلمه وتطمنه .. ودها لو تشيل شويه من هالهموم اللي على راسه .. بس سكتت .. صلاح يضحك ويتغشمر ويسولف .. لكن محد فكر بيوم يسأله عن احواله .. عن همومه .. عن مشاكله ..الله يعينك ياصلاح .. اللي يشوفك يعطيك اكبر من عمرك .. شهد : بسويلك عصير .. صلاح وقف : لا شهد مشكورة .. بطلع .. بس تهدى شيوخ عطيني خبر .. شهد بعفويه ماتقصدها : بتطلع وانت جذيه تعبان؟ صلاح كان صج مرهق بس نسى كل شي لما سألته .. تخاف علي .. شهوده تخاف علي .. وحب السالفه وحب يتدلع شوي ويشوف خوفها : احس بدواار شهد اللي صج بان الخوف بعيونها ويت صوبي تركض : بسم الله عليك ..شفيك صلاح ؟؟ شتحس فيه ؟؟ ايبلك بندول ؟ صلاح كاتم ضحكته وفرحته .. يحس باحساس حلو كل ماشاف عيونها .. ياليتج تحبيني مثل مااعشقج واموت فيج صلاح : لا مابي بندول .. بس فيه شي اذا خذته ارتاح !! ويخف الدوار شهد ببراءه : شنو ؟ صلاح وهو يناظر ويهها الطفولي المنور وبابتسامه عذااااب : ضحكتج شهد ويهها صار احمر فجأة وهالشي خلا صلاح يضحك باستمتاااع .. ياحلو هالويه والله اني اموووت فيه يانااااس صلاح : ههههههههههههه اموت انا على اللي يستحون شهد بارتباك : احم .. انا بناديلك شيخه صلاح من غير قصد مسك ايدها يناديها : تعاااااااااااااالي وين رايحــ ــ وانتبه على روحه وشلون اهي كانت تشوف ايده اللي ماسكتها مصدومه ورجع ايده بسرعه الى ورى صلاح بارتباك ورعشه بجسمه من ايدها الناعمه : انا .. اسف .. شهد لمت ايدها بسرعه ونزلت عيونها بخوف .. تحس كل شي فيها تلخبط .. لا شهد لا .. لاتحبينه .. لاترجعين للطريج مرة ثانيه .. صلاح غير .. صلاح يشوفج غير .. اكيد اهوا للحين فاهمج البنت الخربانه وبيكون حاله حال باجي الشباب .. صلاح لاحظ ارتباكها وقال بسرعه صلاح : انا طالع ... بيباي وطلع وترك الباب مفتوح ..وترك ثنتين كل وحده عايشه بدوامه مع افكارها .. صراااع بين الحب والكره بين الكبرياء والنكران .. اما صلاح طلع متنرفز ومرتبك .. وهو يسب روحه شلون مسك ايدها .. وللحظة تخيل ايدها الناعمه تمنى لحظتها مايفجها .. انا لازم اقول لشيخه تساعدني .. ابي اخطبها قبل ماتضيع من ايدي .. نفس اليوم بليل .. قرووا البنات كلهم ينامون يميع بالصاله .. فرشو لهم وكل وحده لبست بجامتها وصلت وجابلو بعض بعض ماسكروا الليتات سناء : يله .. يايبتلكم فلم وااااااااااااااااااو .. قصة رهييبة شهد : الله يله من زمان ماشفنا فلم ؟؟ ان شالله فيه قصه سناء وهي تحرك ايدها بانفعال : لااا اكشن عليا تطقها على راسها : انا مب قايلتلج يبي شي رومانسي .. ورانا عرس ياماما شيخه : هههههههه اللي يكون المهم شي نشوفه شغلت سناء الفلم اللي كانت مدته ساعه وشوي .. لكن محد تابع .. لان كل وحده فيهم تفكر وبالها مشغول .. كل وحده فيهم ودها تشتكي للثانيه .. كلهم عيونهم على الشاشه بس تفكيرهم وارواحهم هنااك . مع الناس اللي يحبونهم .. شهد كانت لامه المخده عليها وهي تبتسم .. تتخيل صلاح وهو يبتسم لها ويشوفها بنظرات عيونه اللي تذبح .. اما شيخه تمسح دموعها اللي كانت تنزل من عيونها من غير لاتحس .. ومن غير لا يشوفونها البنات بهالظلام .. كانت مشتاقتله مو بيدها .. كل شي فيها يحبه ويعشقه .. ياليتي مت قبلج يايما ياليييت ... سناء تفكر بمحمد .. اللي صارلها يومين ماشافته .. محمد غير عن كل الشباب اللي تعرفهم .. اهوا الوحيد اللي تحس انها تتعلم منه .. تحس ان عقله كبير .. تحس انه رجل بمعنى الكلمة .. تفكيره .. كلامه .. قلبه .. كل شي فيه يخليها تتعلق فيه يوم عن يوم .. اما عليا .. فتفكر بعرسها اللي جدموه شهر .. وخايفه وتفكر شلون بيكون ريلها وحبيبها .. راح تحبه !! .. راح يكون مثل ماكانت تحلم .. !! راح يفهمها ويحس فيها مثل ماتبي ؟؟ .. بيكون مثل الريايل اللي بالافلام والقصص .؟؟ ولا واقع ثاني غير .. ومخيف !! فجأة قامت شيوخ وسكرت التفزيون بس محد عصب ولا تنرفز الا سناء مسويه روحها متابعه سناء : لللللللللللللللللللللليش انا متابعه شيخه : اوووف الفلم ييب اللوعه .. تكفين من اول مابدى واهم يتكافخون .. !! شهد : ههههههه لا والبطلة مسويه فيها شجاعه وماسكه ذيل الحوت عليا : هههههههههه احلى شي ان الحوت اليف معاها .. شكله مغازلجي سناء : ههههههههههههه سخيفات تدرون .. ألحين شنو نشوف انا مو ياييني نوم ؟ شيخه تربعت وسطهم : خلونا نسوف .. ممم احس كل وحده فيها مخها بينفجر من الافكار صح ؟؟ وطالعتهم وحده وحده وهم يبتسمون .. عليا : انا ببدى .. بنات شو اسوي .. عرسي تجدم شهر .. تخيلوا .. يعني بعد شهر بالضبط .. راح اتزوج واحد عمري وحياتي ماشفته .. شو راح يستوي فيني ؟؟ .. اصلا هو شلون شكله .. عصبي ولا طيب .. بخيل ولا كريم .. مزيون ولا جيكرر ... يااااللله راح اموت من التفكير البنات : ههههههههههههههههه شيخه : ياالخبه .. قولي لوحده من خواتج تدزلج صورته بالتلفون ؟ عليا : استحي شيوخ اقولهم .. ممم ماتعرفين حنا كيف يفكرون لاقلتلي جيه .. شهد : شنو تستحين !!! ممم زين منو من اهلج تمونين عليها ؟؟ عليا : بنت عمتي امنة شهد : خلاص قوليلها تزرقلج صورته .. هي قاعده الحين ؟؟ عليا اللي تشجعت للسالفه : هييه اظن .. خل ادق عليها .. دقت وحطته سبيكر وهي متردده بس بالاخير لازم تتجرأ .. هذابعد شهر بيصير زوجها يعني لازم تعرف شلون شكله .. امنه : مرحباا الساااع . ياهلا وغللاااا عليا : هاااي امون .. شحالج ؟؟ امنه : بخير فديتج .. انتي شحالج ؟؟ وشحال لندن من غيري ؟؟ ههههه عليا : هههههه الامن فيها مستتب امنه : هههههههههههه ياحمارة .. عليا تأشر للبنات شنو تقول .. وهم يأشرولها عليا : ممم امون .. شو كنت برمسج .. مم دريتي تجدم عرسي شهر ؟؟ امنه : هيييه .. امي خبرتني .. شو فيج خفتي ؟؟ هههههه عليا : هييه اكيد بخاف شو رايج انتي .. تكفين امون انقذيني ميته خوف .. امنه : مالت عليج .. حد يخاف من الزواج ؟؟ .. شوفيني انا ..اليوم اللي ملجت فيه على سعيد كنت ارقص من الوناسه البنات كتموا ضحكتهم : هههههههههههههههههه عليا : انتي عووووبه مب هينه .. وبعدين ياحبيبتي .. انتي كنت تتريين سعيد يخطبج وكنتوا تحبون بعض .. وهو كان يترياج تتخرجين من التقنيه ويخطبج .. مو مثلي انا .. سيف عمري ماشفته ولا اعرفه حتى .. امنه : شو يعني تبين ترمسين معاه ؟؟ عليا : لا لا .. شو بلاج تخبلتي انتي ؟؟ انا بس .. مم ابا اشوف شكله بس .. امنه : ههههههههههههههههههههههههههههههههههههههههههههههه عليا : وجع ان شالله شو بلاج حد مدغدغج انتي ؟؟ امنه : ههههههه لا بس اشوف المقدمه هاي كلها عشان تبين تشوفينه .. كان قلتلي من الاول عليا: شو عرفني انا كنت مستحيه ههههه امنه : ممم شوفي عندي كم صورة لريلج سيف بعرسي بالبوم الريايل .. كنه مصور مع سعيد .. بصورهم بموبايلي وارسلهم لج الحين ؟؟ حلو ؟؟ عليا : يافدييتج انا .. اموووووووووووووااه امنه : هههههههههههههه .. زين واللي تبين تعرفينه اسأليني .. ترى ريلي ربييعه ويعرفه زين عليا : هههه اوكيه ..هالحينه خلينا بالصور وبعدين يصير خير .. امنه : يله الحين اصورهم ارسلهم .. تبين شي بعد غناتي ؟؟؟ عليا : سلامتج .. مع السلامه امنه : مع السلامه .. البنات بعد ماسكرت من امنه نقزوا عليها وهو يصارخون : هههههههههههههههههههههههه عليا : اسكتي انتي وياها واالله اني متروعه .. الله يستر قولو ان شالله يطلع مزيون سناء: وانتي هذا اللي ذابج بس هههههه عليا : جب انتي ههههه سناء : ااااخ يابنات ... انا احب عليا تصفر .. وشهد تضحك .. وشيوخ تصفق شيخه : منو منو ؟؟ قولي سناء رفعت الكتاب اللي تحت مخدتهاوهي تحط ايدها على قلبها وتأشر سناء :هذا هذا !! شيخه بصدمه : تحبين انور السادات .. هذا مفنقش من سنة الطفحه سناء : ههههههههههههههههههههههههههههه عليا :لاشوفي الاهداء اللي داخل .. قربت شهد بفضول وهي تقرا مع شيخه (( القيادية الصغيرة ذات الشعر الاسود البدوي .. اليك هذا الكتاب .. لانه يشبهك .. محمد )) شيخه وشهد : واااااااااااااااااااااااااااااااااو .. شنو هذا ؟؟ شهد : حركاات اسمه محمد ؟؟ عليا وهي تغمز : هيييه .. رفيج صلاح اخوج شيخه نقزت : حلفييي ؟؟ خلاص .. اضبطه لج عيا وشهد : هههههههههههههههههه سناء وهي تنسدح على ريل عليا وحاطه ايدها على قلبه : ياااي بنات شلون اوصفلكم .. محمد some thing very intersting >> wether you be clse to him >> you will see amazing things on his personallty الترجمه ( محمد شي ممتع .. كل ماتقربون منه .. تكتشفون اشيا تبهر بشخصيته ) عليا : هههههه توهقت وتبي تعبر .. خانها العربي شهد : ههههههههههههههههههههههههه سناء : جب انتي وياها هههههههه شيخه : اوف خلوها تعبر بكيفها .. عبري عبري بالسرياني .. بالهندي .. بالاغريقي .. المهم تعبرين البنات : ههههههههههههههههههههههههههههههههههه عليا تخز شهد : هيييه .. وبعض الناس مايبون يرمسون ؟؟ شهد تطقها على جتفها : جب انتي .. شيخه : هههههههههههه خليها مستحيه من اخت ريلها ماتبي ترمس على قولتج عليا وسناء يصفرووون ويصارخون بصوت عالي : حركاااااااااااااااااااااااات شهد اللي بتبجي خلاص : كلو تبن انتي معاها .. لاتألفون من كيفكم شيخه وهي تتميلح وتمسك ايدها : يماااااا .. شوفي اخوي مايحب المرة اللي لسانها طويل .. ترى هااا اهون واخرب عليكم كل شي .. شهد : شيووووووخ جب .. ماتعرفين تنجبين شوي .. هذولا يصدقون ويسونها سالفه وصج عليا : ومنو قالج ان نحن مب مصدقين .. عادي يااختي حبي على كيفج من داري عنج سناء : اااخ لاتيبون طاري الحب ... قلبي يعورنييييييي البنات : هههههههههههههههههههههههههههههههههه سكت ثواني وعيونهم على شيخه شيخه : هههههههه خير .. شتبون ؟؟ عليا : يله دورج .. ولا فضحتينا وماتبين ترمسين ؟؟ شيخه بغصه : انا كلشي مكشوف يدامكم عاد .. مايحتاي اتحجى .. سناء : شوشو .. انتي تحبينه صح ؟ شيخه بغرور : نوو .. احنا تزوجنا غلط .. زواجنا كله كان غلط .. شهد تأشر لهم بيدها يعني جذابه ..وشيخه لفت عليها : ياااحماااااااااارة هههههههه شهد : جذابه اني تموتين عليه .. شيخه بعيون مغرقه : كنت !! البنات سكتوا .. عارفين ان الموضوع بالنسبه لشيخه حيل حساس .. اما شيخه فتحس انها لو قالت تحبه جنه شي بكرامتها يتكسر .. جنها تصغر يدام الناس .. وخاصه انه اهوا مايستاهل .. ..ودها تقول كل اللي بقلبها .. بس لمنو تشتكي .. محد يعرفها ويسمعها ويفهمها غير مهاوي .. وينج يامهااوي .. وييييينج محتاجتلج .. كملوا السهره على سوالف وضحك وخطط .. وعقبها قعدوا يترجمون الكتاب حق سنوي لانها باجر بتروح لمحمد .. وناويه تخلص نصه وتناقشه فيه . . تبي تحسسه انها مو تافهه وسخيفه وسطحيه .. لاا .. اهي مثقفه وواعيه .. ووو تحبه !! صلوا عقبها البنات الفير .. ووصل مسج امنه لتلفون عليا .. كلهم طبوا على التلفون وهم باثواب الصلاة .. وشيوخ ماسكه التلفون على الكنب وعليا والبنات يتوعدونها .. شيخه : ابي افتح المسج وخرووووووووووووووووو عليا تتلها : والله والله شيوخ اذبحج .. يبي التلفون ابا اشوف ريلي سناء : يبي التلفون شيووووووووخ ومن كثر مايروها طاحت هي عليهم على الفرش وتكسروا .. وقعدوا يضحكون على اشكالهم وهو بالاثواب الملونه .. علييا تلت التفلون من شيخه وفتحت المسج وويوهم كلها عليها عليا وهي تغمض عيونها وتشوف المسج : بسم الله يارب مزيوون يارب وفتحت عيونها على شهقه .. سناء : واااااااااااااااااااااااو .. حركاااات شيخه : الله مو جنه عيضه المنهالي عليا ذابت شكله حلو الحمدلله : يخبل مووو شهد : كشششخه .. والله طلع ريلج مزيون ياحمااارة عليا : خووووزي انتي وياها لاتقزون بريلي .. البنات : هههههههههههههههههههههههههههههههه بعد نص ساعه تقريبا الكل نام .. الا شيخه .. كان النوم مجافيها .. تضحك وتسولف مع البنات بس تفكيرها وروحها كلها مع عزوز .. وهي على هالتفكير وصلها مسج .. فتحته وكان من الشخص اللي استحوذ كل تفكيرها وقلبها (( عزيز )) سهـام الحـب تقتلنـي وانا في حسبت الاموات ونار الشـوق تكوينـي تحاول بابلـغ الكلمـات تحـاول ترتسـم فينـي بحزني حبرها الدمعات تحاول تضوي اسنينـي تحاول تمسـح الاهـات تقول ارجوك سامحنـي حبيبـي زادت الانـات دموعي نهر من عينـي وخدي ملتقى الفيضـات وحتى النـوم جافانـي وعيني ترفض الغفـوات الا يـا رب ساعـدنـي ورجع اجمل اللحظـات وبدل بالفـرح حزنـي وزيل الاّه بالضحكـات ربيـع العمـر نادانـي كفاني طالـت الغيبـات حبيـبـي لا تخليـنـي اعيش العمر في حسرات عروني قلبي .. بس عناد لروحي .. وعشان ماانكسر ويحس اني ضعيفه دزيته هالمسج انا لامن دمعي طاح من عيني على مخلوق فلابد هالمخلوق معه يطيح من عيني ولو الدمع لاطاح لتحت يرجع ويرقا لفوق فلا يرجع معه يرقى لعيني من يبكيني ونطرت ثواني ولا يدزلي مسج كانت كلمات مسلسل هدوء وعواصف .. ليلي الم ويومي الم بقلبي الم .. ماله حدود وين مااروح .. تبقى الجروح .. والذكريات واحيا الم .. ليلي الم انت الربيع وانت الفصول وانت الحنان لو ماتعود .. ليل الهوا .. تبقى الهوى .. معنى الهوى سر الوجود ( وانتي سر وجودي ياشيخه .. بظل احبج ) عزيز اليوم الثاني الساعه 9ونص الصبح لايشوف ال عزوز اللي مانام امس الا ساعتين من التفكير والتعب .. وكانت توه عيونه غاطه ولا تلفونه يرن .. فز بسرعه يمكن تكون شيخه .. شال التلفون من غير لايشوف منو اللي داق عزوز : الووو خالد : الوو هلا بوراشد . هلا حبيبي شلونك ؟؟ عزوز بخيبه رد حط راسه على المخده : هلا خالد .. هلا والله خالد : ههههههه بل نايم الحبيب .. شكلي ازعجتك .. وين شيوخ نايمه بعد !! عزوز اللي ماله خلق يشرح له شي الحين : ايه .. شهالازعاج عالصبح !! خالد : وليييييييين جنها طرده ؟؟ ترى انا قاعده ادفع مكالمات وخساير .. صج مو كفو واحد يسأل عليك عزوز : خلوود تكفى امس مو نايم الا ساعتين .. سكر مالي خلقك .. خالد بمكر وبخبث : ادري مانقدر نلومك معرس .. طول الوقت سهرانين حركاااااااااااات .. عزوز قلبه عورة .. تذكر الليلة الحلوة اللي قضاها مع شيوخ .. كانت له .. له اهو وبس .. حس فيها بكل شي .. كانت تعويض له لكل لحظة الم عاشها .. لكل وحده قضاها .. تذكر براءتها وطفولتها وهي نايمه يمه .. ايه يمه اهوا .. مو يم ناصر ولا اي ريال بالدنيا .. حس فيها انها زوجته .. وحلاله .. ومحد بالدنيا يقدر يفرق بينهم .. وعلى على افكارة وسرحانه على صوت خالد وهو يقول خالد : الوووووو .. هههههههههههههه لا الحبايب نايمين بالعسل عزوز : خالد سكر باي .. خالد : لحظة .. لحظة .. اسمعني عزوز .. ابي اكلمك زين .. كلمتين وانت عارف شنو بقول عزوز : لاتقولي شي عن العمليه .. هذي صحتي وانا اعلم فيها .. وبعدين ... خلني امووت يمكن ارتاح من هالحياة .. خالد انصدم .. عزوز عمره ماقال هالكلام .. ولو كان مكسور مايحاول يبين حق احد .. شللي صاير .. اكيد المرض زاد عليه والام جايد .. شقاله الطبيب خالد : عزوز . ليش تقول جذيه .. حرام عليك ..وشيخه .. مو شيخه حلم حياتك .. اذا انت موخايف على روحك .. خاف عليها .. من لها بعدك .. تتخيل شيخه شلون بتعيش بدونك .. تكفى عزوز .. لاتعاند .. سو العمليه عشان خاطري عزوز غمض عيونه ونزلت دمعه تعب : ان شالله خالد .. يله سكر الحين وانا بس اصحصح واسبح واكلمك .. خالد قلبه عورة على رفيجه : زين .. عشان بقولك عن طلبية شركة القابضه ابيك تكلمهم مو راضين يتفقون على وقت التسليم عزوز مو معاه كلش : لاتكفى .. مالي خلق شغل .. تصرف انت . .يله ببياي خالد : باي سكرت من خلود .. وقمت اسبح .. اخذت دواي غصب عني لاني قررت مااسوي العمليه خلاص .. واللي الله كاتبه بيصير .. شنو الفايدة من عيشتي .. انا ولدت وحيد وراح اموت وحيد .. ومالي حظ بالدنيا .. لبست وطلعت اشم هوا .. احس اني مخنوق .. مخنوووق حييل الجانب الثاني شيخه وعليا وشهد وسناء .. طالعين يتمشون ويغيرون جو .. كلهم كانو يضحكون ويسولوفون .. بس شيوخ كانت سرحانه ومو معاهم .. مانامت امس من عقب مسج عزوز .. قلبها قابضها .. تحس فيه شي .. تحس ان صاير له شي .. كانت تبي تدق على صلاح يطمنها عليه بس كرامتها مااسمحت لها .. تمت تمشي معاهم صافنه وساكته .. الين ماقعدوا في كوفي قريب من السوق .. سناء : بنات قومو نطلب لنا شي نشربه .. << سنااااء .. سناااااااااااء سمعت واحد ينادي وراها .. التفتت وفرت بوزها سناء : هلا فهد .. هاي فهد : هااااااي .. وعيونه على البنات اللي قاعدين على الطاولة .. شهد وعليا يعرفهم من الكليه اما البنت البيضا اللي عيونها وساع عرفها انها شيخه .. والله انك صارووخ .. احلى من عبير مليون مرة .. هذي بنت ولا ملاك !! فهد : ماعرفتينا على الحلوين ؟ سناء بطوله بال : شهد وعليا وشيخه وكملت : فهد .. البنات من غير اهتمام ردوا عليه : هاي شيخه ماكانت صوبهم اصلا .. ولا انتبهت له زين سناء قوموا بنات ناخذ لنا شي يله .. قاموا البنات الا شيخه شيخه : روحوا انتو مالي خلق .. شهد يبيلي معاج نسكفيه راسي مصدمع مانمت من امس البنات ناظروا بعض .. باين انها طول الليل كانت تبجي .. وماحبوا يضغطون عليها وخلوها وفهد يشوفها .. سبحان من خلقها .. جمالها يبهر .. عيونها وساع وفاتحين .. وخدودها محمرين .. شكلها كانت تبجي .. شفايفها ناعمه وورديه .. وبياضها .. فيها شي يخلي الواحد يصفن بوييها .. غير عن عبير .. عبير جمالها بارد ومليان مكياج .. هذي طبيعيه حييل ولحسن حظه ان شيوخ ماكانت صوبه .. ولا اصلا معطيته اهتمام لانها ببساطه مو شايفته .. ير له كرسي وقعد جبالها يبي يشوفها كثر مايقدر ... فهد : هااي ... انتي صديقه سناء ؟؟ شيخه ماسمعته ماكانت معاه .. فهد يأشر بيده جبال عيونها .. فهد : احم .. شيخه انتبهت : هــ هلا .. اسفه .. تبي شي ؟؟ فهد بابتسامه واسعه : معاج فهد .. وانتي اسمج شيخه .. شيخه من غير اهتمام وهي تلعب بالكوب اللي يدامها : ايه فهد : غريبه عمرها سناء ماسولفت عنج ؟ شيخه ماتحب هالاشكال .. بس ماتبي تفشله وهي للحين ماتدري .. يمكن يكون واحد من اهل سناء .. خزته ولفت عيونها عنه فهد قعد بالكرسي اللي يمها وقعد يسولف وهي حاقرته .. وبالاخير جعمته باسلوبها .. انصدم .. باين عليها مو سهله اصلا شكلها ماتعطي ويه .. وثقيله حيل .. بس مو علي انا ... انتي عجبتيني .. وشكلي بتعب عليج وااايد رجعوا البنات وسناء قررت بينها وبين نفسها عقب اللي شافته لشيخه انها تهد هالسوالف خلاص .. قامت من الطاوله ولا عبرته ولا عطته ويه .. وقامو معاها البنات وراحوا للحديقه يتنفسون هوا ويغيرون جو ..
|
|
|
|
|
28-11-2009, 08:52 PM
|
رقم المشاركة : 72 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
الكويت
شقة منيرة كنت بالمطبخ اسوي كيكة لاننا بنروح بيت عمة فيصل بعد شوي .. دخلتها الفرن .. ودخلت غرفتي ابي ابدل ملابسي واسبح .. سمعت حس فيصل يتحجى بالتلفون .. قربت من الغرفة من غير لا يشوفني وسمعته يضحك ويسولف .. قربت اكثر وانصدمت ... كان يكلم بنت !!!!! كلامه كان لحرمه .. انشلت حركتي .. وتميت واقفه بمكاني مصدومه .. مامر على زواجنها سنه .. وفيصل يخوني .. ليش ... انا بشنو مقصرة ؟؟؟ غمضت عيوني ونزلت دمعه غصب عني .. يالتني مثلج ياشيخه واقدر اواجهه .. اقدر اوقف بويهه واكلمه .. مسحت دموعي ودخلت الغرفة مكسورة .. شفته تنحنح وغير لهجته وجنه يكلم واحد من ربعه فيصل : خلاص يابوحمود .. اشوفك اليوم بالدوانيه ونتفق اوكيه !! .. يله تبي شي .... سلامتك .. الله وياك .... مع السلامه حقرته وطلعت لي تنورة زهريه مع بلوزة بيضا .. ودخلت اسبح ولا معطيته اهميه او انه موجود فيصل : وين رايحه ؟ منيرة : بدخل اسبح .. فيصل يقرب منها .. خايف انها سمعته .. اهو يحبها لكن شي بدمه مايقدر .. اصلا كل اللي يكلمهم يستانس ويلعب عليهم .. لكن ماعمره حب وحده فيهم .. بس مو بيده .. غصب عنه .. خلاص صار مرض مايقدر يتخلص منه .. يحس انه مايقدر مايغازل اي بنت تمر يمه .. مايقدر مايكلمها او يرقمها حط ايده على جتفها وفرها صوبه .. فيصل : شفيج .. شكلج متاضيقه منيرة اللي دارت دموعها عنه واكتفت بابتسامه : مافيني شي .. سلامتك .. يله بدل عشان مانتأخر فيصل صفن بويهها.. جميله .. وهاديه وبنت متربيه .. وفوق كل هذا اموت فيها واحبها .. ليش اعذبها .. ليش اخونها .. ابعدت منيرة بسرعه عنه قبل لاتخونها دموعها ودخلت تسبح وهي تبجي دمموووع دمووع .. منيرة الحساسه الرقيقه الضعيفه .. ماتقدر تواجهه ريلها بخيانته .. منيرة الرومانسيه اللي كانت تقرى القصص وتتمنى انها تعيش مثلهم .. شخص يحبها ويموت فيها .. لكن الواقع دايم يكون غير .. دايم يكون مؤلم وقاسي عليها .. تمنت لحظتها شيخه تكون عندها تستشيرها شتسوي .. يارب ساعدني .. شقة خالد ومها مها : ليش ان شالله ؟؟؟ هذا انت كلمت عزوز .. وانا اقولك بكلم شيخه ماترضى !!!! خالد : مهاوي .. دقيت وعزوز وشيخه كانوا نايمين شفيج ؟؟ مها مدت بوزها : مالي شغل .. كل مابغيت ادق تقولي صبري .. اربع ايام ماكلمت البنيه .. ماادري شخبارها .. خالد يتيملح : وانتي ماتملين منها .. مرات احس انج تحبينها اكثر مني .. مها تحط ريل على ريل : ههههههههه تييب حب شيوخ لحبك .. يا بابا .. شيخه حب الطفوله خالد اللي كان نايم على ريولها فز من مكانه : صج والله !! .. حب الطفوله هاا .. عيل خلها توديج اليوم السوق وقام بيطلع ولا تمسكه مهاوي وهي تضحك : لاااتكفى .. شيوخ مااضمنها .. تعال ماعندي غيرك .. خالد يقرب منها ويلزق فيها .. مهاوي حلوت اكثر من حملت .. سمنت وخدودها بانوا .. شكلها مرة بمعنى الكلمة .. صار فيها حيويه ونشاط اكثر .. صج انها تحن وايد وتتطلب لكن هذا حال كل الحريم .. بس اهي غير .. يوم عن يوم احس انسي اتعلق فيها اكثر .. واحبها اكثر .. مهاوي اللي استحت من نظراته : ليش تطالعني جذيه ؟ خالد : اتفحص بضاعتي عن قرب .. حراام !!! مهاوي تفتح عيونها على الاخر وتطقه على جتفه : بضاعتك يالخايس !!! خالد ضحك بقوووة : ههههههههههههههههههههههه .. خايس بعد !!! ياعيني .. مهاوي تتفدى ضحكته من داخل وتسوي روحها زعلانه : تحجى عدل .. اكو احد يغازل مرته يقولها بضاعه .. ليش ماتتعلمون من اللبنانيين .. شوفه شلون يحاجي مرته .. تأبريني .. ياالبي وياروحي .. وانتا بضاعتي .. خالد خلاص مايتحمل قعد على الكنب وهو يضحك : هههههههههههههههههههههههههههههههههه مهاوي : طالع !!!!! الحين شللي يضحك ؟؟؟ خالد وهو يمسك روحه : تكفين من وين تييبين هالسوالف .. تذكريني بشيوخ .. نفس الحجي سبحان الله .. ههههههه مهاوي ضاق خلقها ماتدري شحال شيخه من زمان : خلوود .. عزوز شلون كان صوته .. ممم تحس فيه مرتاح ؟ خالد بنص عين : وانتي شكو بالريال ؟ مهاوي : ههههههههههههههههههه انتا ياحمش .. يغارووون خخخخخخخخخخخ خالد ضحك على خبالها .. كل شي تسويه فيه عربجه لكن بانوثه وطفوله صارخه : هههههه لاتصدقين روحج اسأل بس .. مهاوي تقعد يمه : لا بطمن على شيخووه خالد وجنه يتذكر صوت عزوز : ماادري مهاوي .. عزوز تعبان ويحتاج عمليه ..وهو موراضي يسويها .. شيوخ ماتدري شي .. ماقالولها .. مهاوي تشهق وتحط ايدها على حلجها بصدمه : عمليه شنو ؟؟؟ خالد : عمليه تصحيح شريان بالقلب .. والعلميه دقيقه حيل وضروريه .. حالتها سنه عن سنه قاعده تدهور .. وهو مو حاط اهتمام للموضوع .. مهاوي : امبيييي من صجك ؟؟ والحل ؟؟ خالد : ماادري .. انا كل تفكيري بشيخه اذا درت شبتسوي .. عندي احساس انها اكثر وحده تقدر تقنع عزوز .. بس هو محلفنا مانقول لها شي .. مهاوي : مسكينه ياشيخه .. شهالحظ !! خالد : وعزوز مامسكين ؟؟؟ والله يامهاوي اني كل يوم اتقطع على حاله .. هالريال كل مانقول افرجت بويهه تتسكر .. مهاوي : الله يستر بس .. خالد : زين يله بدلي علشان اودليج بيت خالتي وعقبها بمر بو عبدالعزيزي اطمن عليه مهاوي : ان شالله .. ومتى اكلم شيخه ؟ خالد : مم ماادري .. حاجيها بعد ساعتين اظن بتلاقينها مهاوي : اوكيه .. لندن شقة البنات شيخه تلكم صلاح بالتلفون صلاح : حجزت لج على طيارة يوم الخميس .. الساعه 10 الصبح .. يعني 7 لازم تكونين بالمطار ارتحتي ؟؟ شيخه سكتت .. حست ودها تصرخ وتقول لاااا. .. ماقدر اهد عزوز بروحه .. مااقدر اخليه .. انا احبه .. اذا اهوا مايبيني انا ابيه .. انا احبه .. ماعندي غيره .. ولا بقى لي بالدينا غيره .. تكفى ياصلاح قوله .. قوله ييي ياخذني !!! .. بس سكتت الصوت اللي عانى كثير بداخلها .. سكتت روحها اللي تتألم وحبست انفاسها اللي تنطق باسم عزيز .. عزيز وبس .. سكرته من صلاح وانا ابجي .. ماادري ليش ابجي .. يمكن لما الانسان يحس انه قوي يدام الكل ولكنه ضعييف حيل يدام عواطفه .. يحس انه مايقدر حتى يواجهه قلبه اللي خلاص .. تعلق بالحب وماصار يشوف غيره .. عليا : شيوووخ حبيتبي .. ليش تصيحين !!!! شيخه امستحت دموعها بكف ايدها بضعف وصوت يرجف منهك وتعبان : احببببه .. والله احبه .. عليا قربت منها ولمتها .. وشيخه انهارت بالبجي نفس كل مرة عليا : ودامج تحبينه .. يلسي معاه .. سمعيه شو يرمس .. يمكن تكونين فاهمه غلط .. شيخه بين دموعها : خلااص عليا .. مافي فايده من هالكلام .. مافي شي يحتاج تفسير .. بس .. وسكتت .. تحس روحها خلاص بلا كرامه .. قامت بسرعه وجنها استرجعت شيخه القويه وداست حيييل على قلبها .. شيخه : مابي اتذكره من اليوم . عزوز ماضي لا اكثر ولا اقل .. عليا عورها قلبها على حال شيوخ .. حيل تكابر وهي مكسووورة من داخل .. ضعيفه وهشه ماتتحمل الخدش .. ولكنها تتصنع القوة .. عليا : زين امشي نطلع شوي وانا وياج وشهد غيري جو .. شيخه تذكرت ملاقة فهد امس اللي عكر عليها جو الطلعه .. : لا مالي خلق .. بنام شوي احس بصداع طلعت عليا وتركتها مع احلامها وقلبها المكسور وامالها اللي ضاعت .. تحس بروحها بتطلع .. فرشت سيادتها وصلت ركعيتن لربها يمكن تهدى نفسها وبعدين دعت ربها بكل مافيها ياااربي تلطف بقلبي .. يارب تشيل حب عزوز من قلبي .. يارب تقويني وتخليني انساه .. يااارب وبعدين حطت راسها على المخده تنام وهي حاضنة دموعها وحزنها المكبوت .. اللي حتى ماتقدر تشارك احد فيه .. آآآه يااجود الحزن وياي والفرحة شحوح ضايع بهمومي الغبره بوسط المعمعه اشتكي لوسادتي دنيايي واسمعها تنوح كنها بعضي وبعضي وينه ومنهو معه بعد ساعتين المستشفى وقفت عن باب الاصنصيل اللي يأدي للاجنحه الداخليه للمستشفى .. وانا اشوف روحي للمرة المليون بمراياه الاصنصيل .. بنطلون واسع اسود مع بلوزة طويله جيشي مخصرة بس طويله .. شعري لميته ذيل حصان منسدل على جتوفي .. يادوب تكحلت وتعطرت بعطر فيرساتجي .. ماسكه بيدي اليمين الكتاب اللي سهرت عليه وقريت نصه تقريبا وبيدي الثانيه جنطتي اف سان لوران .. دورت بعيوني رقم الغرفه .. طقيت بتوتر مثل العاده .. بس ماسعت رد .. طقيت مرة ثانيه وثالثه .. لكن بعد ماسمعت رد .. فتحت الباب .. لقيت الفراش مرتب .. والغرفه مرتبه ومافيها شي .. كان قلبي يدق مثل الطبل .. قعدت ادور بعيوني الممتليه دموع عن اي ممرض او دكتور اسأله عن محمد .. وييين ومحمد ؟؟ ليش سريره فاضي ؟؟؟؟؟؟ وين راااااااح .. الجزء الرابع والعشرين المستشفى رحت صوب رسبشن الجناح وسألتها : ( بعد الترجمه ) سناء : اذا سمحتي انني اسأل عن المريض محمد الـــ.... لم اجده فيه الجناح ؟ الموظفة : نعم .. لقد انتقل الى غرفة رقم 225 في الدور السادس .. سناء بخوف : لماذا ؟؟ هل حصل شي له ؟ الموظفة : لا اعلم .. بامكانك ان تسألي الدكتور هنسون .. هو من يتابع حالته وقبل لاتكمل الموظفه كلامها .. ركضت للشفت وصعدت للدور السادس .. وعيوني تدور على رقم الغرفه .. ياويلي .. ليييش نقلووو ه !!! اكييد فيه شي صاير ... شللي صار فيه .. يارب انك تحفظة وتحميه يارب .. يارب انك تشفيه .. كانت عيوني تدور على ارقام الغرف .. وريحة المستشفى تخنقني اكثر واكثر .. واول مالقيت رقم الغرفه .. فتحت الباب على طول .. كان محمد اللي نايم على السرير ورافعه بوضع الجلوس .. وصلاح يمه وماسك تلفونه بيده .. قلت بعفويه وخوف سناء : انت بخيييير !!!! فيك شي ؟؟؟ ليش انقلوك ؟؟ وبعدين صرت اشوف عيون صلاح .. ابي احد يطمني باي شي .. وقتها كنت مثل المينونه .. مو متقبل فكرة اني ادخل وماالقى محمد .. بابتسامته اللي ماتفارق ويهه .. متمدد على السرير .. صلاح ومحمد يشوفون بعض باستغراب .. محمد وهو يبتسم : انا بخير .. بس نقلوني لجناح ثاني .. سناء ماقدرت تمسك روحها اكثر .. وبجت .. تحس برجفة بكل جسمها .. جسمها مهدود من الخوف .. مسحت دموعها بكف ايدها باحراج وقالت سناء : انا اسفه .. اعتذر بس .. كنتــ .. انا .. تحس انها نست كل حرف تعلمتها بحياتها .. تحس روحها ملخبطه ومتوهقه ومرتبكه .. شبكت ايدينها ببعض ولمت الكتاب اكثر لصدرها .. محمد اول مادخلت علي سناء حسيت بالدم كله سرى بجسمي .. عيونها المرتبكه والخايفه .. قلقها وهيت تدورني .. ارتباكها من دموعها .. كلها خلتني احس بشعور يديد اتجاهها .. مااظن انه حب .. بس يمكن احتياج .. كنت محتاج لها .. خاصه في هالظروف .. ابتسمت بويهها وانا اطمنها .. كنت احس روحي طاير من الوناسه لانها كانت خايفه علي .. وبنفس الوقت مستغرب من مشاعرها المندفعه .. محمد : صلاح .. ممكن تخلينا شوي ؟؟ صلاح فتح عيونه على الاخر وجنه يقول فيه تطورات من وراي بس ابتسمت بويهه وجني اقوله بعدين اقولك .. خذا تلفونه وسلم على سناء خطافي ومشى .... رجعت عيوني لعيونها السودا .. وشفتها باعجاب وقلت محمد : قعدي .. ليش واقفه .. ! سناء : معليه انا .. اسفه .. ايي وقت ثانـ ــ ــ وقلت بسرعه : لااا .. ماتطلعين مايصير .. ولو تعالي قعدي .. قربت وقعدت على كرسي صلاح اللي على اليمين .. كانت حيل مرتبكه وكل شوي تمسح بقايا دموعها على ويهها الابيض الساحر .. محمد : ليش بجيتي ؟ سناء رفعت عيونها بعيونه وبعدين شتتهم بالكتاب اللي بيدها وقالت بشفايف مرتجفه سناء : خفت محمد بابتسامه عذاب : علي ؟؟ سناء ارتبكت .. وقفت وبعدين قعدت ومدت ايدا بالكتاب : قريت الكتاب .. جزء منه وو .. ييت اناقشكــ واســ ــ محمد قاطعها بثقه : خفتي علي ؟؟ سناء اكتفت بانها تناظره .. شقولك يامحمد .. انا مستحيل اتخيل حياتي من غيرك .. انت الوحيد اللي ارتبك من اشوفه .. انت الوحيد اللي غيرتني .. انت الوحيد اللي قلبي نبض لك .. ماكنت اشوفك قبل الحادث بنفس العيون اللي اشوفك فيها الحين .. انت غيرت سناء بكبرها .. محمد رفع راسها بايدينه وقال على ويهه ابتسامه راحه : تدرين اني كنت انطرج من اليوم اللي مشيتي فيه .. تعودت عليج سناء مدت الكتاب مرة ثانيه تحاول تهدي دقات قلبها العاليه والمندفعه : ماتبي تناقشني ؟؟؟ فيه اشيا مافهتها وابيك تشرحها لي .. خذا محمد الكتاب منها وعيونه عليها يستشف هالاهتمام المتبادل بينه .. شنو سببه وليش .. قعددوا ساعد يتناقشون ويسولفون .. كانت مو فاهمه اشيا كثيرة .. لكنها ذكيه ومتحمسه انها تتعلم .. هالشي خلا محمد يسترسل معاها .. وقعدوا يتناقشون باشيا خارج عن الكتاب .. حياته وحياتها .. تفكيرهم .. احلامهم .. ويمكن حتى مشاعرهم من غير لا يحسون بعد ساعه الدكتور يطق الباب ( بعد الترجمه ) الدكتور : يبدوا انني ازعجتكم .. محمد وهو يضحك : ابدا .. تفضل الدكتور : اووو من هذه الجميله اللي تجلس بقربك .. لابد انها صديقتك المقربه .. محمد رجع ناظر بويهها البيبي : لا انها .. اكثر من ذلك .. الدكتور وهو يشوف يتبع حالة محمد من الكشف : مممم اجل لابد حبيبتك .. محمد ضحك بقووووة .. حس ان الكلمة اهي الوحيدة اللي تعبر : ههههههههههههههههههههههههههههههههههههههههههه لا لا .. اما سناء فذاااااااااااابت بالكرسي وهي تدعلي على الدكتور بقلبها .. الله ياخذك على هالدفاشة .. بعد اسبوع .. من الاحداث صلاح : يله شيووووخ .. خلصي شيوخ وهي تلم البنات بقوووووة .. شهد : دقي علي اول ماتوصلين .. حطي بالج على روحج شيخه بضحك مغرقته الدموع : وعلى صلووح ههه درينا شهد : ههههه لاتخليني اسبج وانتي بتسافرين .. شيخه تغمز لها بعيونها وتلم عليا اللي يمكن ماتشوفها بعد اليوم عليا : لاتصيحيني دخييييييلج شيخه وهي تتذكر شلون مر هالاسبوع معاهم .. كانوا احلى بنات تعرفت عليهم .. شيخه : سمعي .. تقولين حق سيف ييبيج الكويت شهر العسل .. عليا : اقول طيري .. الناس تروح ماليزيا .. هولندا .. وانا ايي الكويت حق الحر والخيسه هههههه شيخه صفنت بويهها : اقول مالت .. لاتسبيني .. ترى انا وطنيه هههه سنوي تيير شيخه وتلمها حيييييييل : راح اشتاقلج ياحمااااارة .. شيخه تحس سناء الاقرب لها من البنات .. فوق انها عفويه واللي بقلبها على لسانها .. تحس فيها من القوة اللي فقدتها اهي .. تحس بشفافيتها وصدقها وروحها الحلوة .. شيخه : وانا بعد .. يله الصيف تكون بالكويت ان شالله .. لازم اشوفكم .. سنوي تبوسها : اكييييد . . شهد وهي تهمس لشيخه وهي عند الباب : الله وياج .. تحملي بروحج .. وفكري بالكلام اللي قلته لج امس .. شيخه اللي مو مقتنعه بكلام شهد لها ولكنها قالت : ان شالله .. يله باي طلعت مع صلاح لمطار هيثروا .. وصلها الى الطيارة .. وسلم عليها بحراااارة ووصاها على روحها ومشى .. اما شيخه .. كانت تحس بالوحده .. والخوف .. والجرح .. كانت تحس الست ساعات ست سنين .. كل دقيقه تمر ترجعلها كل شي حزين بحياتها صار .. كل حلم انهدم .. وكل ضحكة بجت .. تحس بروحها كبرت عشر سنين يدام .. متزوجه .. وبعد وقت بتصير مطلقه وهي للحين ماكملت العشرين .. اول ماقعدت بالسيت .. وقبل لاتقلع الطيارة .. رن تلفونها بسمج .. حسبت انه مسج من الشبكه ومافتحته .. سكرت تلفونها وسندت راسها على الست وغمضت عينها تحاول تشيل اي تفكير من راسها .. الين ماتوصل على الاقل .. في الجانب الثاني عزيز كنت اشوفها شلون تسلم على صلاح بحرارة وتلمه .. تتخيلون شلون راح تكون لندن من غير شيخه .. تتخيلون شلون راح ادخل الشقه ومااشوفها ولا اشم عطرها !!! تتخيلون كيف راح احط راسي على المخده كل يوم وهي مو في حضني !!!! كنت يمكن راح اتهور واروح لها .. امسكها من ايدينها مثل كل مرة واخذها معاي . . شيخه لحين زوجتي .. للحين اسمي مرتبط باسمها .. حسيت بالتعب بكل جسمي .. سعدت على اقرب كرسي وانا انزع الشال من رقبتي اللي حسيته خنقني .. اخذت تلفوني برجفه ودزيت لها مسج ماسالتي !! ليه اموت الفين مرة لاطريتكــ وليه احس القلب يطلع بس لامني بكيتكــ ماسألتي ليه يعني !!! وكل طاري هم من بعدك تبعني !! ايه والخالق .. احبك حتى اوجاعي تحبك حتى اسمك لابغيت انطقه .. يطلعلي احبك ياااا أحبك الكويت منيرة حاولت اقعد فيصل بس ماقدرت ... امس طول الوقت كان سهران ومادخل البيت الا متأخر .. مستحيل راح يقعد .. ناظرت فيصل بحسرة .. هذا نفسه اللي وعدني انه بيتغير ؟؟؟ .. هذا هو اللي قال اني اموت علي واحبج .. !! هذا اللي قالي اني تركت كل شي عشانج !!! تذكرت شلون صارت حياتنا بالفترة الاخيرة .. سهر طول الليل .. واذا يه البيت يحاول يقعد معاي .. ويسوي روحه عادي .. لكن انا مو متقبلته .. من اشوفه اشوف الخيانه والغدر .. اشوف ريال قلبه مابين الحريم والخرابيط .. وانا اللي تمنيت اعيش حياتي معاه حلوة .. وجذيه توقعت .. فيصل تغير .. تغير حييل .. والظاهر اني راح اعيش مع فيصل هذا .. مو فيصل زمان .. خذت عباتي بهدوء وانكسار اكثر من اول .. ولبست شيلتي ودقيت على خالد اقوله يمرني اروح معاه المطار .. منيرة : هلا خالد خالد : هلا منور .. ها جاهزة ؟؟ منيرة : ايه .. مهاوي معاك ؟ خالد وهو يشوف مهاوي اللي كان مبين عليها التعب بس ماقدرت ماتشوف شيخه وتاخذها بحضنها خاصه بهالظروف .. خالد : ايه معاي .. قالت الا بيي وبشوف شيخه منيرة : وحصوص بتيي ؟؟ خالد : لا حصوص بتسبقنا بيت ابوي .. منيرة : حصصصصوص ؟؟؟ ليش خليتها .. نسيت ابوي شقالها اخر مرة ؟؟ وبعدين سويرة هناك اخاف يتهاوشون خالد : لا سارة مو موجوده بالبيت .. حصوص تقول ماشفت سيارتها .. منيرة : اوكي .. متى بتمروني ؟؟ خالد : خمس دقايق وطلعي منيرة : اوكييييي .. يله باي سكرت من خالد ودخلت الغرفه اخذت جنطتي ولقيته يتضحك بالتلفون .. بجيييييييييت ماقدرت امسك روحي اكثر .. سمعني .. وسكر التلفون على طول فيصل اللي قعد من فراشه : منوووور .. .للل .. ليش تجبين ؟؟ شفيج ؟؟ منيرة وهي تزيد شهقاتها : ووووخر عني ... فيصل عرف انها سمعته وماقدر يخليها جذيه .. يحبها مهما يصير .. اهوا نفسه مستغرب من عمره .. انا ليش اعذبها جذيه ليييش !!!! منور مافي منها .. كل شي فيها .. كل شي ابيه .. ليش اخونها ليييش فيصل : تكفين منور .. لاتزعلين .. تككفيييين .. انا اســ بس منور مانطرته ..خذت جنطتها وطلعت من الغرفه.. ماتقدر تواجهه .. ولا تملك هذي القوة .. ماعندها غير الدموع والبجي .. ليش قاعد يصير فينا جذيه يااارب .. المطار كلنا كنا ننطر شيخه توصل .. طول الدرب واحنا ساكتين .. محد فينا نطق .. الكل يحس بالذنب واولنا خالد .. لان شيخه تزوجت غلط .. وعاشت غلط .. وهذي هي هالحين .. ردت بيت ابوي .. ويمكن بعد جم شهر يصير اسمها مطلقه .. حياة شيخه تدمرت عقب امي .. والسبب ابوي .. وناس وايد ماعندها قلب .. صرت احن على شيخه اكثر من اي وقت ثاني .. وصرت احس شكثر اهي تعاني .. يمكن اكثر مني انا .. اللي زوجي يخوني .. او اكثر من حصوص اللي عايشه بحروب مع سارة .. اول مانادوا على الرحلة انها وصلت من مطار هيثروا ... توجهت عيوننا كلنا على البوابه .. ومامرت ربع ساعه .. الا شيخه ماسكه هاند باك بيدها بس .. كانت لابسه جاكيت اسود طويل ولافه شال احمر .. ومغطيه عيونها بنظرات سودا . . كان ويهها اصفر وبارد .. ومافيه اي تعبابير ... ماكنت استشف من ويهها ولا شي .. غير الجمود ماتحملت اكثر .. وركضت لها ولميتها .. وقعدنا نبجي .. كانت ماسكه فيني بقوووة ماتخيلتها .. كنت تشهق بالبجي .. معقوله ماكانت مرتاحه مع عزوز جذيه !!! معقوله تكرهه لهالدرجه !!! ليييش والكل يمدحه .. والكل طاير فيه !!! يابعد قلبي ياشيخه .. يا بعد روح اختج ركبنا السيارة .. بنفس الهدوء وكل واحد فينا خايف يفتح معاها موضوع يزيد من اللي اهي فيه .. فتميا ساكتين الا من اسئله خالد البسيطه .. متى تعبتي ؟؟ متى حركتوا من هيثروا ؟؟ وصلاح شلونه .. الجانب الثاني شيخه كنت قاعده بالسيارة ورى خالد .. كنت احس بنظراتهم فيها ميه سؤال وسؤال .. بس ماكان لي نفس احاجي احد .. او احتى اقول شي .. سندت راسي على السيت .. وكنت اشوف الطريج والسيارات .. حسيت ان الدنيا سريعه حيييل .. والايام تركض مثل البرق .. ودي لو نقدر نرجع شوي .. شوي بس .. كان تصلحت وايد اموور .. اخذت تلفوني وبطلته ولا اقى مسج من (( عزيز )) ماسالتي !! ليه اموت الفين مرة لاطريتكــ وليه احس القلب يطلع بس لامني بكيتكــ ماسألتي ليه يعني !!! وكل طاري هم من بعدك تبعني !! ايه والخالق .. احبك حتى اوجاعي تحبك حتى اسمك لابغيت انطقه .. يطلعلي احبك ياااا أحبك >>> كرهته اكثر .. اكثر اكثر .... بكثر شوقي له ... والله مشتاقلك .. والله .. والله احبك .. انقهرت من مشاعري ... انا لازم اكرهك وانساك .. وابدى من يديد .. لاااازم مسحت المسج ... ومسحت رقم عزيز اللي حافظته بقلبي .. وسكرت تلفوني .. وكلمت الدرب بتفكيري بروحي
|
|
|
|
|
28-11-2009, 09:17 PM
|
رقم المشاركة : 73 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
اول ماوصلنا البيت ..
دخلت مع خالد ومسكته من هدومه .. كنت خايفه من ابوي .. خايفه شنو بيسوي فيني ... خايفه يقولي ردي حق عزوز وانا مابييي .. خالد حس فيني ولف علي ومسك ايدي .. ومشينا انا وياه الصاله بو خالد وهو قاعد : الحمدلله على السلامه .. حصه يت وحضنتني . . بس ماحسيت بحضنها .. كنتت ارجف .. واشوف بعيون ابوي .. ودي اقرى شيفكر فيه وارتاح .. ابوي وقف وقرب مني .. وانا صرت لازقه بخالد اكثر .. واتخبيت ورااه ... وانا مغمضه عيوني وابجي .. كلهم كانوا يطالعوني مستغربين .. شللي صار فيني .. من عقب ماكانت اقرب وحده لابوي .. صرت اخاف حتى صوته .. وقلت برجاء وانا مغمضه عيوني ومنخشه ورى ظهر خالد : يبا تكفى لاتعصب .. لاتطقني .. وانهرت بجييي ... وماحسيت باللي حضني ... ولمني بقوووة .. شميت ريحة ابوي ... ريحة المسك والعود القويه تفوح من دشداشته ... كنت اشك ان اللي حاضني ابوي .. ورفعت راسي اتأكد .. وشفته .. شفته بنفس النظرة اللي كنت اشوفها فيه قبل لاتتوفى امي .. وميته اكثر .. ابي احس بالامان .. ابي انسى كل شي بلندن .. ابي اعييش من يديد .. تكفى يبا لاتخليني .. صرت اقول هالكلمة وايد .. وشكيت يمكن اني قلتها اكثر من عشرين مرة .. تكفى يبا لاتخليني .. نفس اليوم بليل شيخه قعدت من النوم .. بنفسيه مرتاحه شوي .. حصوص يزاها الله خير .. عدلت غرفتي وسنعتها وانا ماصدقت .. حطيت راسي ونمت على طول .. ماشفت سارة للحين واجذب عليكم لو قلت لكم مو خايفه منها .. مو كشخصها لاا .. خايفه من المشاكل والهموم اللي تنطرني .. حنت علي حصوص اي وياها البيت وحتى مهاوي .بس انا رفضت .. بيتحملوني يوم يومين .. اسبوع .. شهر .. لكن الكل يبي خصوصيته .. ومحد بعدين بيتحملني .. خلني هني معززة بهالبيت .. عالاقل يدام الناس .. وسويرة مقدور عليها .. قمت من فراشي وغسلت ويهي .. وغيرت بجامتي .. فاقده لابتوبي اللي بشقة عزوز .. واغلب هدومي هناك .. فتحت تلفوني ودزيت مسج لشهد اني وصلت وطمنتها .. ونزلت اكل شي لاني ميته يووع كانت الساعه تقريبا 1 ونص بليل فتحت باب غرفتي مالقيت احد والهدوء عم المكان .. استغربت .. العاده سوير صوتها يلعلع .. شسالفه ؟؟ نزلت الدري شوي شوي ... ورحت المطبخ .. اخذت لي حليب وسويت لي توست مع عسل .. وقعدت اكل بهدوء .. وانا اتفقد المطبخ ... كلشي تغير بالبيت .. مطبخنا الاورانج .. صار لونه ابيض باارد .. وجني داشه مستشفى .. والتفت على طول على باب المطبخ يوم سمعت حس ... ومثل ماتوقعت .. سووير سارة وهي متسنده على الباب ومتخصره وابتسامه صفرا كريهه : الحمدلله على السلامه !! شيخه بخوف ورعب لكنها صامده من بره وقويه : الله يسلمج سارة : اكيد عزوز ماقدر يتحملج .. وردج علينا عله .. قبل اسمج عانس .. والحين .. عانس ومطلقه .. نزلت عيوني على كوب الحليب وكملت اكلي ببرود وجني مااسمعها .. وهالشي قهرها حيل .. سارة قربت مني وطقت جتفي تنبهني : هييييي .. انا اكلمج !!! صج صج ماكان لي خلقها .. اصلا ماعاد لي خلق ولا شي .. لا اجادلها ولا اتهاوش معاها .. ولا حتى اتكلم .. احس كل طاقتي استنفذت .. كل قوتي رااحت .. خلاص .. فقدت كل شي عندي .. شيخه : نعم ؟ سارة بحقد الدنيا كلها تمت تناظر عيوني بقوووة .. استغربت ليش تشوفني جذيه .. ليش تخزني بهالطريقه .. شيخه : مطوله تخزين ؟؟ سارة بصوت اشبهه لحقد مدفون : كل شي فيج مثل امج .. مثل امج بالضبط .. انتي اكره انسانه على وجه الارض .. شيخه : هههه صج عاد ؟؟ ليش انا حالفه بغلاتج يعني .. صدقيني نفس الشعور متبادل بيننا سارة بنبرة تهديد عاليه : سمعي ياشيخوه .. تبين تقعدين بهالبيت .. اللي اهو بيييتي انا ... سمعتي بيتي .... تمشين تحت شوري .. وان نطقتي بكلمه .. اغراضج اقطها لج بالشارع فهمتي ؟؟ شيخه بذهول واستهزاء : ههههه بيتج ؟؟ سارة تكتفت وقعدت على الكرسي المجابلها بطاولة طعام المطبخ : الظاهر ان حصيص .. ماوصلتلج اخر الاخبار .. سمعي ياحلوة .. هذا البيت باللي فيه ملكي .. ملكي انا وبس .. وانتي هني حالج حال اي قطعه اثاث .. متى مابغيت قطيتج بالشارع .. عمرك حسيتوا بشعور العجز .. الذل .. الانكسار .. الخوف .. الضعف .. كل هالاشيا تجسدت يدام عيني .. اول مرة احس اني عاجزة عن كل شي .. ساكنه بيتنا اللي ماعاد بيتنا .. يا اعيش بنار سارة .. لوا اتحمل كلام الناس وبهدلتي ببيوت خواتي الين مايعافوني .. سكت .. ماعرفت انطق ولا اتكلم حرف .. شقول .؟؟؟ .. الظاهر ان ايام سودا تنطرني .. وهذا بداية الخير .. نفس الوقت الجانب الثاني عزوز تميت اتقلب بفراشي وماقدرت انام .. مستحيل اقدر انام وشيخه بعيده عني .. حسيت اني حقير لابعد حد .. ليش خليتها تروح لييش ... ليش احرم روحي من ريحتها .. ومن ضحكتها اللي ترد روحي .. ليش مااعيش باجي جم سنه اللي بقو من عمري معاها ؟؟ قمت من فراشي وجني محموم .. محموم بحب شيخه وعشقها .. فتحت الكبت .. واخذت قميص نومها الحرير البيج .. وقعدت اشمه والمه لصدري .. حسيت روحي بختنق اكثر واكثر .. طلعت حبوبي ورحت للمطبخ بتعب والعرق يتصبب مني .. ماسك قلبي بقووة احاول اتأقلم مع الالم اللي صار يعيش معاي لحظة بلحظة .. شربت الماي مع العلاج ورجفة تمشي بجسمي كله .. وماقدرت اقاوم وطحت على اقرب كرسي شفته .. وقطع زجاج القلاس يتناثر يمين ويسار .. يتسكر مثل ماقاعده تتكسر حياتي .. وتصير اشلاء صغيره حيل .. ماتنشاف .. ويمكن تنداس وتنسي مع الايام .. سندت راسي على طرف الكرسي .. وبس حسيت اني استرجعت شويه حيل .. قمت من مكاني ورحت الغرفه .. اخذت التلفون ودقيت عليها .. ابي اسمع صوتها يمكن ارتاح .. لكن الرنات كانت اطول من عمري القصير .. كان يرن ويرن .. بس محد جاوب .. لميت التلفون لقلبي وحضنت اسمها اللي على الشاشه ونمت .. بعد ربع ساعه شيخه صعدت غرفتي وانا شبه مصدومه .. احاول استوعب شللي صار .. احاول افهم الكلام اللي قالته لي سارة .. بعد ماكنت دلوعه البيت .. الحين صار لي دور ثاني .. دور يختلف تماما عن اللي كنت فيه .. سكرت الباب وقفلته وتسندت عليه ودموعي تنزل بغزارة .. بس من غير صوت .. قعدت متسندة على الباب ابجي ... ابي امي ... تكفون ابي اميي .. وينج يايمه .. انا شلون بعيش هالدنيا بلياج ؟؟ تعالي شوفي شيخه شصار فيها .. شيخه من اليوم بتصير خدامه .. تكنس وتطبخ وتخم وتنظف .. مثل القصص اللي كنا نقراها قبل ونتأثر ونتعاطف معاها .. بس هالمرة صارت صج .. صج وحقيقه .. بنتج راح تعيشها لحظة لحظة .. وساعه ساعه .. دفنت راسي بين ريولي وقعدت ابجي دموع وجني ماعمري بجيت كثرها .. مرت الساعات وانا على قعدتي وبين دموعي اناجي امي واكلمها .. الين ماسمعت صوت الاذان يأذن الفير .. قمت غسلت ويهي وتوضيت ولبست ثوبي الوردي .. واتجهت للقبله بعد ماصليت لي ركعتين الفرض .. ورفعت ايدي وانا ادعي .. يارب ياااارب انك تلطف بحالي .. يارب انك تاخذ بثاري من سارة .. يارب مالي غيرك الجأ له .. ولا لي غيرك يحميني .. يارب يااعدل العادلين .. انصفني .. وجازي من ظلمني بالدنيا قبل الاخرة .. مسحت ويهي بيديني وخذت القرأن وقعدت اقرى سورة يس >> سبحان الله شلون القرأن يطمن الواحد ويحسسه بالراحه والسكينه .. ويزيح عن قلبه كل الهموم ولو كانت حمل جبال .. وقررت اني اتعايش مع الوضع الياي .. عشان اقدر اعيش .. بغسل .. واطبخ .. وانظف .. واسوي كل شي تبيه .. عشان اقدر اعيش .. وربي ماراح يضيعني ان شالله ارتحت من قراري اللي يمكن يكون صعب حييل .. حييل على نفسي .. لكن لازم ابدى من يديد .. شيخه الدلوعه العنيده .. راحت .. الحين يه دور شيخه تتحمل .. وتصبر .. وترضى بالوقع .. لان مافيه غيره .. ولا البجي والعناد راح يغيره .. فصخت ثوب صلاتي .. ورحت بنام .. انتبهت ان في مكالمتين من رقم عزوز >>> اعرفه وحافظته .. وشفت الوقت كان الساعه 1 ونص بليل .. دزيت له مسج (( خواطرنا كسرتوها وجيتونا بعد ماانتوا كسرتوها .. بعد ما الوقت عاندكم .. وسايرنا .. وحشناكم .. وقيمتنا عرفتوها .. نسيتوا بالوفا .. كم مرة بادرنا .. نسيتوا كم محبتنا نكرتوها . !! وحشناكم ..!! تعذبنا .. تغربنا .. وكابرنا .. تعلمنا نعز نفس هجرتوها .. صعب نرجع ..فردنا جناحنا وطرنا .. صعب نجبر زجاجات كسرتوها .. )) وبست الرقم ونمت بيت بو ناصر ام ناصر : مها .. دقي يما على شيوخ انا وخالتج نبي نشوفها .. قوليلها خل ييبها السايق بيتنا .. مها : ماتبون تروحون لها البيت ؟؟ ام ناصر : طبعا لا .. نسيتي ان احنا ماطبينا بيتهم من وفاة المرحومه .. وخالتج ماتقدر تشوف سارة .. لانها يمكن تذبحها .. مها : خلص الحين ادق عليها وابلغها .. وخذت التلفون مها ودورت رقم الشيخه .. ودقت عليها .. رنه .. رنتين .. ثلاث .. اربع وبعدها ردت شيخه وهي تشاهق : الوووووو مها : هههه الو .. شنو كنتي تركضين ؟؟ شيخه بضحك : ايه .. كنت تحت .. هلا شبغيتي ؟؟ مها : شدعوه قولي شلونج شخبارج ؟؟؟ سألي عني .. ماكو فايدة عيزت واعلم فيج دفشة .. شيخه : ههههه خلصي مهاوي .. عندي شغل يله .. مها : شغل هاا هههه يازين الناس الفاضيه .. اقول امي تقولج تعالي هي وخالتي فاطمه يبون يشوفونج .. شيخه وهي تمسح ايدها من صابون الماي : ممم اوكيه .. يله بس اخلص اللي بيدي وايكم .. مها : اوكييه .. ناطرينج .. ويبي من سابليه كيكة مانجا حدي مشتهيتها .. شيخه : هههههه زين .. يله باي مها : باي سكرت من مهاوي ونزلت خلصت مواعين الريوق وغسلتها .. وقلت للخدامه تنادي السواق يطلع على ما البس عباتي وشيلتي واروح بيت خالتي .. روز : هذا ماما سارة قول ماكو سايق روح مكان .. انتي روح قولي انا يبي كومار .. استغربت ... هذي شتخربط .. مسحت ايدي بالفوطه وصعدت غرفتها وطقيت الباب .. سارة بصوتها المبحوح البارد : نعم !! شيخه : انا .. شيخه .. بعد دقايق فتحت الباب بحاجب مرفوع : خير !! شيخه : عطيني مفتاح السيارة .. بروح بيت خالتي وابي كومار يوديني .. سارة : نعم !!! اقول لا خالتج ولا عمتج .. اللي يبيج يي هني .. روحي كملي شغلج .. شيخه بانكسار وفقدان لكل قوة تملكها . اخذت نفس تحاول تصبر روحها قبل لا تتهور وتعطيها بووكس : خلصت .. وغسلت .. دخلت غرفتها وطلعت بكومه هدوم وقطتهم بويهي : غسلي هذيل ... يله .. وسكرت الباب .. انا تميت مصدومه .. شيخه شفيج .. ليش ماكفختيها .. ليش ماشديتيها من شعرها وعلمتيها منو قاعده تحاجي ... شللي صار فيج !!! سكت وبلعت الهم .. ولميت الهدوم اللي تبللو ا بدموعي .. وخذت تلفوني .. ودقيت على مهاوي مها : هاا !! شيخه بنبرة ثانيه : اقولج .. السايق مو هني .. تعالي مريني .. مها : خلاص الحين اييج .. ربع ساعه تكونين زاهبه .. شيخه : اوكي .. سكرت من مها .. ونزلت اغسل هدوم سارة .. مسحت دموعي بكف ايديني .. وحاولت اتصنع السعاده غصب .. غصب عني وعنها .. روز : سيخه .. خلي هدا هدوم .. انا سوي غسل .. شيخه اللي تموت على روز حيل : ماما سارة تقول انا غسل .. روز : هدا ماما سارة ماكو زين ... انتي ماما واجد زين .. ابتسمت بويه روز .. ولميتها بخفه .. وابتسمت .. حتى الخدامه تذكر امي بالخير وهذا اهم شي .. شيخه : زين تعالي قولي شلون افتح الغساله مااعرف .. ويت روز وفتحتها وحطت لي الهدوم .. وانا قعدت اساعدها بغسيل الباجي .. صج كان شي متعب وحتى هدومي تبللت ماي .. بس لازم نتحمل ونصبر .. روز : سيخه انتي روهي .. انا خلاص غسل ملابس .. شيخه : ني ني حبيبتي .. انا بساعدج .. لان انا وانتي واحد الحين هههه روز مافهمت علي بس ضحكت معاي .. ماعرف ليش قمنا نضحك انا وياها .. كنت محتاجه اضحك .. اضحك بصوت عالي .. تعبت من الدموع .. وملييت .. ودي اضحك واستهبل وارجع شيوخه اللي كانت مثل الفراشه .. تطير كل مكان .. تعيش مثل ماتبي .. حتى لو الظروف عاندتها .. وانا بسرحاني هذا وضحكنا انا ورزو دخلت مهاوي مها بصدمه : شتسوين ؟؟؟ مسحت ايدي من الصابون بسرعه ولفيت عليها وابتسمت : اغسل .. مها : تغسلين شنو ؟؟ روز : ملابس مال ماما سارة .. شيخه تلاحقت الموضوع : تقص عليج .. هدومي .. يله نطريني بالصاله دقيقه وانزل .. ومشيت من يدام مها .. بس ماقدرت اطوف منها .. مسكتني من ايديد .. ولفتني عليها .. مها : .شيووخ ... انتي ؟؟؟ شلون سمحتي لها ؟؟ ابتسمت بغصه ورفعت عيوني بعيونها وكل الهم فيها: اللي يبي يعيش .. لازم يضحي بوايد اشيا مهاوي .. مها : شللي مصبرج ؟؟ وبيت اخوج وخواتج مفتوح .. حتى امي تحن تبيج تين عندها .. شيخه : انتي عارفه اني مستحيل اقدر اعيش بيت اي احد .. ماعلينا الحين .. نطريني بالسيارة عشان لاتشوفج سارة .. ومشيت عنها .. مابيها تحس بشي .. وباجر بيتعودون على الوضع .. اما مهاوي .. فتمت واقفه بمكانها .. مصدومه .. شكل شيخه وهي تغسل ملابس سارة .. عيونها المهمومه .. وضحكتها الميته .. كل شي يدل على ان شيخه تتعذب بس ماتبي احد يحس فيها . بس مستحيل اخليها .. لازم اقول لامي تقنعها تقعد بشقتنا انا وخالد او بيت امي .. شيخه لبست عباتي وخذت جنطتي ونزلت بشويش على الدري مابي سارة تسمع .. وطلعت بعد ماقلت لروز ماتقول لسارة اي شي .. طول ماكنا بالسيارة ومهاوي تحاول تكلمني وتقنعني ايي بيتهم .. وانا اضيع الموضوع .. قعدت اتحرش فيها .. وهي تسولف لي عن حياتها مع خالد .. وعن حياتها بعد ماتولد ... وشكثر خالد كان مستاتس .. يوم درى عن حملها .. كانت عيونها متعلقه بكل كلمه تقولها مها .. شعور حلو لما تدرين ان بعد جم شهر بتصيرين عمه .. الامومه شعور غير .. غيير صج ..!! تمنت وقتها شيخه .. لو كان عندها بيبي مثل مهاوي .. تنطره و تخاف عليه وتحبه .. ويملا عليها وقتها .. بيت بوناصر نزلنا انا ومهاوي وكانو خالاتي ينطروني .. سلمت عليهم وجني ماشفتهم شهر .. خالتي فاطمه كانت بس تسب وتلعن بسارة وعزوز .. انا كنت ساكته .. شي فيني وده يصرخ فيها .. لاتقولين شي عن عزوز .. الا عزوز .. لاتدعين عليه .. ولا تسبينه .. هذا حبيبي .. وحياتي وكل عمري .. مهما سوا .. ومهما افترقنا انا وياه . .بيظل عزوز بعيوني اهوا الريال الوحيد اللي حبيته .. اما خالتي ناديه .. فكانت تحاول تقنعني اني اعيش معاها .. خاصه ان البيت فضى عليها .. ومافيه غير جراح ولد ناصر .. وناصر اللي اغلب وقته يكون بالشغل .. بس انا ضيعت الموضوع .. وحاولت اسولف معاهم عن اشيا ثانيه .. اخبار البنات وكل شي صار بغيابي .. بعد ساعه ونص تقريبا .. دخل جراح مع ناصر . . انا كنت ولهانه على جرااااح حييييل .. كبر شوي .. وطول .. ضحكت بس شفته .. وهو على طول قرب مني ولمني بقوووووة كانوا خالاتي يضحكون على اشكالنا .. جراح : anti, i miss u too much dont leave us againe شيخه وهي تلمه اكثر : هههههه .. زين مراح هدك .. بس انت مو عدتني تتعلم عربي عدل ؟؟ جراح : i try , belive me شيخه : نصااااب ههه عيل مراح اعطيك العاب انا شريتهم لك جراااح : no no pleease anti > i promise you شيخه : ههه قول اوعدج بالعربي يله .. جراح : اوع.. اوعدج والكل ضحك على شكله وهو ينطقها .. رفعت راسي بويه ناصر وابتسمت ناصر : الحمدلله على السلامه شيخه .. شيخه : الله يسلمك .. شلونك ناصر ؟ ناصر : انا بخير ... وانتي ؟ شيخه تهز راسها : الحمدلله .. ناصر : والكلب هذا صرفته عندي .. مو بناتنا اللي يتسوى فيهم جذيه .. انقهرت حييل .. ليش يسب عزوز يدامي .. مهما سوا .. يظل الموضوع بيني وبينه .. وماله حق يسبه بهالطريقه تضايقت وغيرت الموضوع .. وقعدنا نسولف باشيا كثيرة .. الين ماصارت الساعه 9 بليل .. تعشيت وقلت لخالد يوديني بيتنا .. نزلت من السيارة بخووف .. وفتحت باب بيتنا وانا امشي على ريولي .. واول ماسكرت الباب ارعبني صوتها وهي تقول سارة : لااا والله !!!! ومن قالج تين الحين ؟؟ شيخه : بسم الله .. ساره : ليش شايفه يني ان شالله ؟ غمضت عيوني : خير ؟ سارة : مرة ثانيه . .لما اسمحلج تطلعين .. تطلعين .. البيت مو فندق تروحين وتسهرين ماادري وين ومع منو .. ترى مو ناقصين فضايح اكثر .. ولعت .. الا شبيت نااار ... هذي شتخبرط .. بس مسكت روحي وخذت نفس وتكتفت شيخه : والحين شتبين ؟ سارة خذت مفتاح كان على الطاوله يمها وقطتهاعلى الارض عند ريولي .. سارة : هذا مفتاح المخزن .. روحي رتبيه .. بسويه مشغل . . شفت المفتاح ورديت طالعت بويهها .. المخزن بره البيت .. صوب غرفة الفندق .. والخدامه نايمه .. وانا بروحي .. شيخه : الحين ؟ سارة : لا باااجر .. اكيد الحين .. يله خلصيني .. وخليني اقوم باجر ومااشوفه مرتب .. ومنشاله منه كل الاغراض .. تدرين شسوي فيج .؟؟ انتي عارفه .. وخلتني وراحت .. وانا عيوني على المفتاح للحين .. مصدومه .. عمري وحياتي اصلا ماطليت صوب المخزن .. لانه عتيج ومكانه يخوف .. وكله حشرات يمكن .. ومافيه لييت حتى .. بلعت ريجي .. وخذته المفتاح .. وفصخت عباتي .. ورحت صوب غرفة روز ..
|
|
|
|
|
28-11-2009, 10:19 PM
|
رقم المشاركة : 74 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
وطقيت الباب عليها
شيخه : رووووز ... روووووز !!!! قومي !! بس ماردت علي .. شكلها نايمه .. اوووف .. شسوي ؟؟ مستحيل ادخل المخزن بروحي اخاااف .... حسيت روحي ببجي خلاص .. غمضت عيوين استرجع شوي هالقوة اللي عندي .. ونزلت الحوش اللي برى .. وفتحت باب المخزن وكل مافيني يرجف .. ميته خووف .. لقيت ليت كشاف يم الباب .. خذته وفتحته .. كانت الغرفه ظلمه حيييييل .. وتخووف .. مشيت بحذور وانا الملم هدومي حواليني .. وباطراف ريولي .. مررت الكشاف على ارجاء الغرفه .. كانت فيها صناديق وكراسي .. وخشف وجنط سفر .. واشيا وايد .. لفت نظري كرتون مكتوب عليه شيخه باللون الاحمر .. قربت منه وفتحته .. كانت العابي وانا صغييرة .. ياني فضول اعرف اكثر واكثر شنو فيه الصندوق .. ركزت الكشاف على محتويات الصندوق .. لقيت العاب وااايد .. ولفتت نظري لعبه باربي بيضا وويها مشخبط عليه بالاسود وشعرها مقصوص .. ضحكت حييل بس تذكرت قصه هاللعبه .. وردت فيتي الذاكرة الينيوم كانوا يايين اهلنا من الامارات بيتنا .. وبعدا ماطلعوا عطوني لعبه باربي .. كنت احبها حييل وانومها عندي .. وكل يوم اقولها قصه واسولف معاها .. حتى لما اتغدى اخذها معاي واقعده يمي .. كنت عايشه معاها طول اليوم .. ومرة كان عزوز وخالد بالدوانيه .. وعزوز وخالد صاقطين بمادة العربي . . ويوم رحت الدوانيه شفت شهاداتهم وفيها دويرة حمرا على مادة العربي .. شهقت بسرعه شيخه : خلوووود ياويلك من ابوييي .. انتو صاقطين ؟ خالد اللي كان منسدح يم عزوز متابعين مبارة القاديسه والعربي : اششششششششش سكتي .. والله ياشيوخ لو دريت انج قايله لابوي شي .. ياوييلج فاهمه ؟؟ وكان كان وقتها عمري عشر سنين .. وخلود وعزوز عمرهم 14 سنه .. شيخه : اييي لاتطق وخر عورتني .. عزوز : خلود ترى هذي فتانه .. سكتها لاتفضحنا .. خالد وهو ماسك اذوني : شيخووه والله ان فجيتي حلجج راح اشكه سمعتي ؟؟ قلت وانا اتألم : اايييي زيين مراح اقول وخر اوووف وبس وخر عني وقفت عند الباب وقلت : بروح اقول لابوي يزفك وانت والبطه اللي يمك هيين ونحشت بسرعه قبل لا يمسكني خلود .. واذكر وقتها فتنت عليهم عند ابوي وغسل شراعهم بالتكفخ والطق .. وبعدها بيوم قمت الصبح لقيت لعبتي الباربي مقصوص شعرها ومشخبطين على ويهها .. وكاسرين ايدها .. وتميت اسبوع ابجي ماسكت .. لما امي شرتلي لعبه ثانيه .. ابتسمت اكثر وانا اشوف العروسه اللي كان شعرها طوييل .. وقعدت التلمس ويهها وجني اتلمس الماضي وذكريات الطفوله الحلوة .. لميت العرووسه حييييل وقعدت ابجي .. كل ذكرياتي تضم عزوز .. كل شي حلو مع عزوز .. قعدت على الارض ابجي .. اشتقتلك .. اشتقتلك حييل .. انت مااشتقت لي ؟؟ ماتحبني كثر مااحبك .. قمت بتثاقل وكملت شغل لما انهد حيلي .. تميت الين الساعه 1و نص بالليل .. وصعدت وانا اشيل ريولي شيل من التعب .. سبحت وقعدت اتلقلب على السرير .. وغلبني الحنين .. حسيت كل مشكله بتصير تافهه يدام بعدي عن عزوز .. وتجرأت ومسكت التلفون ودقيت عليه .. دقيت مرة ومرتين وثلاث .. بس مارد علي .. بجييت اكثر .. شيووخ مايبيج .. مايحبج .. خلاااااااص انسسسسييييه ... يااارب نسيني عزوز .. يارب خلني انساه وانسى حبه .. يااارب نفس الوقت بلندن الساعه 7 ونص الليل شقه عزوز كنت مصدوم .. اطالع الملف اللي وصلني قبل شوي .. واقلب اللي فيه .. اكيد فيه شي غلط .. اكيييد .. اكيد مو اهيا ... لاااا ... شلون .. ومتى ؟؟ وليش ؟؟ مستحيييل مستحيل .. قمت وانا امسح ويهي بقوة ... لاااااااا .. لاااا ياربي .. الا اهي .. ماقدر اكرهها .. مااقدر .. قطيت الملف من ايدي وحذفته على الارض ولبست جاكيتي ونزلت تحت عن الحارس .. اتأكد منو اللي سلم له الملف ووصله تتمة الجزء عزوز حيوااااااااااااااااااااااااااااانه ... حقييييرة ... هيين ياشيخه .. هيييين ... رجعت اتصفح الصور مرة ثانيه .. كل الصور معاه .. متى ووين ؟؟ وشلون .. طول ماكنا بلندن كانت معاي ... مستحيل .. متى شافته ؟؟ ومنو هذا .. وليش قاتللي بروح مع البنات ؟؟؟ ومنو يطلع اللي معاها بالصورة ؟؟ كل الصور كانت تبين ان بينهم شي .. قاعد يمها .. وومبحلق عيونه فيها .. >> هذا نفس لبسها يوم كانت طالعه مع البنات نففسسسسه !!!! ياااااااا الله .. معقووله !!! شيخه .. لا مستحيل .. اكيد الصور فيها شي غلط ... حسيت ان انفاسي صارت تتسارع .. وماني قادر اخذ نفس .. فصخت جاكيتي وقعدت على الكنب .. وعيوني تدمع .. احس اني مقهوور .. بذبحها .. ودي اذبحها الحقيييرة .. بالاول .. كانت مع نصور الجلب .. والحين هذا ..... منو هذا ؟؟ منوووو .. رفعت التلفون ودقيت على مكتب سياحه وحجزت طيارة على اقرب رحلة للكويت .. خليني اعرف ادبج ياشيوخ .. هيين اليوم الثاني بيت بوخالد اليوم طبعا يوم اليمعه .. قبل لا تكون شيخه هني .. كانوا الاخوان يجتمعون في بيت حصوص .. ويزورون ابوهم قطاعي .. متى ماقدروا .. بس الحين شيخه ماتقدر تطلع اي وقت على كيفها بسبب الشغل اللي على راسها .. ماتشوف حصه ومنور الا باليمعات .. او اذا اهما زاروها لانها هلكانه شغل .. والكل مستغرب من تصرفاتها ورضوخها حق سارة .. مو حاسين بانكسار شيخه .. وهي بينهم .. مو حاسين بدمعتها اللي تخشها عن الكل عشان كرامتها .. مو حاسين انها تبجي كل يوم وتبلل مخدتها على حالها .. لا دراسه .. ولا ام ولا ابو .. ولا حتى رفيجات تقدر تتواصل معهم .. وعزووووز .. منو يقدر يحس بفقدان الزوج والاب والام .. فقدان الشخص اللي فتحت عيونها على الدنيا وهي معاه .. يمه .. تحبه من غير لا تدري .. ولا هو يدري .. منو يقدر يحس بالنار اللي بقلبها .. شهر عسل مطعون بالخيانه .. ووين .. في شقتها .. وعلى صدر زوجها .. هم اكبر من عمرها الصغير .. وتعب اكبر من انها تتحمله .. الساعه 12 ونص .. شيوخ بالمطبخ تساعد روز بالطبخ .. تعلمت اشيا وايد من روز .. المجبوس .. دقوس صبار اللي صارت تضبطه .. البرياني .. ومرقة لحم وباميا .. الا شي واحد للحين تنأرف منه .. السمج .. تحسه اصعب شي .. واذا سوته بتكون طبااخه صج .. روز : انتي ليش يجي هني سيخه .. روهي بره الهين يجي ماما سارة سوي جنجال شيخه : اووو رووز .. ماما سارة مستانس واجد عشان انا اعرف طبخ .. وبعدين انا يبي يتعلم .. الحين يجي حصه ومنيرة انا يبي سوي كيك . روز : ههههه كيك .. انتي مايعرف يطبخ .. يبي يسوي كيك ؟؟ سارة دخلت على ضحكة روز .. وصرخت فيهم .. سارة : والله خووووووش !!! شللي صاير بالمطبخ ؟؟؟ شيخه لفت عليه تفسر لها : ولا شي .. نطبخ .. سارة : لمنو ؟؟ شيخه : خواتي بيون على الغدا ؟؟ تخصرت بطريقة قذرة ورفعت حاجبها المحفوف والمرسوم بقرف : ومن منو استأذنتي ان شالله ؟؟ شيخه : ابويــ ــ ــ سارة بنبرة متعاليه امرة : انا اللي اسمح مو ابوج .. ولفت على روز بزمجرة : وانتي يالزفته .. شيلي هالخرابيط .. ماكو غدا اليوم .. انا وعمج بنطلع نتغدا بره .. شيخه بحلقت عيونها : بس انا بطبــ ــ سارة : لما يصير البيت بيتج .. عزمي اللي تبين .. وطلعي الحين غسلي الحوش .. يلوع الجبد مثل ويهج .. خلصيييي !!! شيخه عضت على شفايفها مقهوووورة ... هذي كل يوم تذلها اكثر واكثر .. لا لا ياشيخه .. جذيه وااايد والله واايد .. طلعت وطق جتفي بجتفها .. بروح غرفتي .. ولا تمسكني من ايدي توقفني بدون رحمه .. وقالت بهمس وعيونها بعيوني : والله .. والله ياشيوخ .. مثل ماذبحت امج .. قادرة اني اقطج بالسجون .. تسنعني .. ولا تلعبينها على .. فاهمه .. انا قويه .. صح قويه .. بس مو قد ساره .. ساره بليس متلبس بانسان .. نظراتها .. كلامها .. وتهديداتها .. قادرة كل شي تسويه .. وابي يتبعها مثل الظل .. رجعت منكسرة وطلعت من باب المطبخ اللي يطل على الحوش .. الساعه 12 ونص الظهر .. والشمس تحرق .. الجو حاار والحوش مثل النار .. وقفت دقايق والعرق يتصبب من جبيني .. مسكت المخمه وقعدت اخم الغبره اللي تارسه الحوش .. كنت اخم وعيوين تدمع .. ماكنت عارفه من الغبار ولا من القهر .. حسيت بدوووخه مو طبيعيه .. الشمس قويه حييل .. كملت لما شفت الدنيا يدامي تدوووور .. تدوووو ورتقلب .. والصوره مهزوزه .. حاولت اركز بشي ماقدرت .. تسندت على عصاه المخمه بتعب وانا اضغط على راسي .. وبعدها حسيت بظلاااااااااااام نفس الوقت كانت سارة لابسه عباتها وشعرها فاتحته على العباه بحرية .. اخذت جنطتها لويز فيتو .. ونظارتها دي ان جي .. وركبت مع السايق .. ثواني ولا يدق عليها بوخالد بوخالد : هلا سارة .. وينج ؟ سارة : هلا بروحي وحياتي وكل دنيتي .. انا حبيبي رايحه مشوار للصالون وراجعه .. بوخالد : زين عيل .. ماني راجع البيت الحين .. بنطر لقح النخل وتالي برد .. شيخه وينها ؟؟ سارة : شيووخه فديتها هههه .. وصيت يسوون لها الغدا .. وعقب قالت بتطلع مع حصه السوق .. بوخالد : زين طمنتيني .. خلاص حبيبتي .. اذا خلصتي دقي علي .. سارة بمكر اكثر : زين حبيبي لاتتأخر .. ماقدر على فراقك .. بوخالد تنهد وجنه مراهق : ان شالله ياقلبي .. سارة : مع السلامه .. سكرته منه وهي تضحك بمكر .. هههه صج شياب بسرعه ينقص عليهم ويعيشون احلام ورديه .. قامت دقت على المحامي .. عشان العمارة اللي تبي تشتريها بالسالميه .. طبعا بفلوس بوخالد اللي باقتهم منه مكر وخداع .. وعقب دقت على حبيبها .. ايه حبيبيها .. للاسف .. سارة بنت ليل .. وشقق الدعارة كانت تصرف عليها .. وماتزوجت بوخالد الا قهر لمرته .. وفرصه لكسب الملايين .. ماتتطوف .. ساره : هلا حبيبي .. وينك ؟ بوفاضل .. اكبر تاجر سيارات بالكويت .. وعايله معروفه ولها صيت : هلا ياقلبي وروحي انتي .. وينج تأخرتي علي ؟؟ ساره بضحكه عاهره تقزز : ههههههههههه ولهت علي ؟ بوفاضل : اذا مااوله عليج على منو اوله عيل ؟؟ سارة : يابعد روحي انت .. خلاص .. مسافه الطريج وانا يدام عيونك بوفاضل : ياطول الطريييج نعم .. هذي حياة سارة باختصار .. عهر وفسق وشقق .. وعلاقات مشبوهه .. وقدرت تقص على بوخالد .. وتستملك قلبه من غير لايحس .. او حتى يدري بسمعتها اللي مدفونه تحت اسامي مستعاره .. يغطيها الليل والحرام .. حرمت عايله وذبحت اسم الامومه بيدها .. شتتت بيت طول عمره كان ملتم .. باقت وخذت اللي مالها حق فيه .. والباجي كبيير .. كبير ووايد .. لكن الظلم ماينجزى الا ظلم .. وعقاب الظالم بالدنيا قبل الاخرة .. الساعه 2 الظهر بطلت عيوني وانا احس بثقل مو طبيعي .. احس براسي ثقييل حييل .. وجفوني اثقل .. شفت حواليني .. كنت بغرفه روز .. وراسي على ريولها وهي كانت تبجي .. روز : سيخه .. انتي اكو قووووم !!! الحمدلله وقعدت تبجي وهي تمسح على شعري .. غمضت عيوني ابي احاول استرجع شويه قوه امتلكها .. بس ماقدرت وقلت لها بضعف حيل وصوت مبحوح من التعب .. شيخه : راسي يعورني .. روز قامت ورفعتني من ريولها بمساعده ايدها السمرا .. وريحة العطر اللي عطيتها ياه بعيد الاضحى مالي هدومها .. وشربتني ماي فيه ليمونه واحس بطعم العسل .. شربته كله .. كنت احس الشمس بخرت كل قطره ماي في جسمي ... وشوي شوي قدرت اقعد على السرير و روز يمي .. راحت يابت علي بندوله وكوب حليب .. وقربته مني .. روز : كلي هادا بندول سيخه .. وشربي حليب .. انتي يصير زين ان شالله .. طالعتها وعيوني غرقت دموع .. كانت روز حنان الام اللي فقدته .. صرت اقعد معاها واساعدها واعيش وياها اكثر من اي شخص ثاني .. صارت قريبه مني حيل .. لميتها حييل .. وقعدت ابجي .. احس روحي وحيده .. وحيده مالي احد .. طلعت من غرفة روز وصعدت غرفتي .. حاولت ادق على حصه .. بس ماعندي رصيد .. ومامعاي فلوس .. نزلت لتلفون البيت ودقيت عليها .. حصه : اوو شيخه : هلا حصوص .. وينكم ؟ حصه : انا وسلطان طالعين من البيت .. ماادري عن منور كلمتيها ؟؟ شيخه : لاا والله .. دقي عليها شوفي .. حصه : اوكي .. شيخه : ممم حصوص .. تقدرين تمرين على مطعم .. انا وروز ماخلتنا سارة نطبخ شي .. وتوها هي تطلع .. مايمدي نسوي شي على الغدا .. حصه مسكت اعصابها ماتبي تزيد على شيخه كافي اللي اهيا فيه .. واذا وصلت بتربي هالجلبه عدل : خلاص ولا يهمج لاتحاتين .. شيخه بتعب وارهاق :اوكيه .. يله باي حصه : باي .. صعدت غرفتي وغيرت هدومي .. لبست دراعه مشمسه واسعه ولفيت شيلتي وقعدت ورحت المطبخ ازهب اي شي حق الغدا .. واتسلى مع روز .. لندن سناء قعدت من النوم مكسرة .. اليوم اول يوم بالدوام الصيفي .. وانا مالي خلق حدي .. طول الاسبوع اللي فات وانا كنت بالمستفى عند محمد .. علاقتنا صارت متينه حيل .. وجنه روتين يومي اذا ماسويته يصير فيني شي .. انام وانا متشوقه اقوم الصبح واقضي اليوم كله معاه .. حتى مرات احرجه عند ربعه اللي يبون يزورونه ويلقوني عنده .. ماقدر اوصف لكم شعوري شلون اوان معاه .. شي عمري ماحسيته .. مع ولا واحد من البوي فرييند اللي اعرفهم بالكليه وبره الكليه .. ابتسمت لما تذكرت شلون كنت اهرب له غدا من بريت وبرجر كنج .. بدال اكل المستفى المقرف .. اقضي اليوم كله معاه .. حتى اني مااحس بالوقت يمر وانا عنده .. امس سافرت عبير النحس مع خالي .. كانت قاعده على قلبي .. وفهد هذا وطن علاقته فيها .. كنت اخاف عليها .. رغم خبثها ومكرها وتفكيرها .. الا انها غبيه وما تفكر بعاقبه اللي تسويه .. تذكرت شلون كانت نظرات فهد لها . . كان يقابلها كل يوم تقريبا .. وانا مااعرف عنه الا انه اكثر طالب له علاقات بالجامعه .. وماصادقته الا حاله حال غيره .. ماكان يعجبني لان شخصيته مثل باجي الشباب .. يفكرون بالجانب القذر من هالصداقه .. وهدفه ورى هالعلاقه شي ثاني .. عشان جذيه كنت مااعطيه ويه علشان لا ياخذ حريته اكثر .. ويتجرأ على اشيا ثانيه .. قمت من فراشي ودقيت على شهد اللي تمت بروحها بعد ماسافرت عليا قبل يومين .. وحطيته سبيكر .. شهد : الوو سناء وهي تفرش اسنانها : شهووووود حياااتي .. شهد بدموع : مالي شغل تيين اليوم تنامين عندي .. مابي اتم بروحي انا بالسكن .. يابعد قلبي عليا والله مااتحمل السكن بلاها احس كل شي بايخ .. سناء بعد حست بفراق عليا اللي كان مالي عليهم الدنيا ومنسيهم غربتهم .. بس قالت بضحك سناء : هههه ماعليج منها تلقينها الحين تجهز مستانسه حق عريس الغفله .. الا صج هي قالت اي تاريخ عرسها ؟ شهد : مممم 22 -9 .. تو الناس باقي شهر تقريبا .. سناء : انا مالي خص فيج ترى بروح .. شهد : هههه انابعد بقول لخالي يوديني .. وان شالله يرضى .. سناء : وليش خالج ؟؟ حجزي وروحي بروحج .. مايبالها خالج بعد .. شهد شهقت : اروح بدون محرم ؟؟؟ ياعيني .. لاااا سناء باستغراب : شنو يعني محرم ؟ شهد تقدر جهل سناء بالدين ووضحت لها : ممم يعني المرأة ماتقدر تسافر بروحها .. لازم معاها اخوها او ابوها او زوجها .. اي احد من محارمها ؟؟ سناء : بس هذيل محارمها ؟ شهد : لا .. ممم شقولج .. كل اللي يحرم عليها الزواج منهم .. اهلها ومحارمها .. فهمتي ؟ سناء تحس انها تستوعب شوي .. وشوي لا : يعني .. انتي لما ييتي لندن منو يابج ؟ شهد : ماكنت ادري انه مايجوز .. شدراني .. بس الحين ندري .. سناء سكتت .. تستغرب من شهد شلون متمسكه باشيا وايد ناس نسوها واعتبروها عقد .. سناء : بس انا بسافر بدون بويز .. شهد : هههههههههه بويز بعينج .. ماكو سفر الا مع محرم مراح اخليج .. سناء : ههههههههههه نشوف بعدين .. زوجيني خالج ويصير محرم ونروح العرس .. شهد : هههههههههههههه حلوووة .. لايخوشك خاااللي خخخخ سناء : زين انا ببدل واشوفج بالكليه .. سي يو سويتوو .. شهد : اوكيه حبيبتي .. يله باي سكرت سناء من شهد بعد ماانطق باب غرفتها : come وكانت الخدامه مليسيا ( بعد الترجمه ) لقد نظفنا غرفه الانسه عبير والاستاذ ابراهيم .. ووجدنا هذا الظرف في احدى ادراج الانسه .. هل نرميه؟؟ سناء شافت الظفر بيدها .. ظرف مصور .. فتحته وكان فيه نسخه افلام مصغره فيها صور وايد .. ماكانو واضحين الصور لانهم بالبني القاتم .. حطتهم بجنطتها الديور الكبيرة بتحمضهم عند المصور بعد ماترد الجامعه وتشوف شنو فيهم .. هالبنت اكيد وراها بلوة ساعه 2 الا ربع دخلت حصه وسلطان .. ومريوم وسلوم ويوسف بايدين خدامتهم حسينه كنت بالمطبخ اسوي كيكة اسفنجية تعلمت اسويها من منور .. وسويت معاها صوص كاراميل .. وكااانت حااارة وشطلها حييل يشووق .. كنت فرحانه باللي طبخته وسويته .. يمكن يكون شي بسيط ومتواضع .. بس لما تحس باهمية اللي سويته وهو بنظرك شي عظيم وكبير .. خطيت الكيك بالقالب وزينتها بصوص الكاراميل .. سمعت صوت عيال حصوص وركضت للصاله بسرعه .. ويت مريوم وهي تضحك وتلم ريولي .. وانا كنت اضحك على خبالها .. مريوم تذكرني بروحي لما كنت صغيره .. كنت احب حصوص حيل .. ودايما المها من ريولها حييل وانا اضحك .. رفعتها عندي وانا اقول شيخه : مريووووم .. يالخايسه ليش ماتسألين عن خالتج هاا ؟؟ مريوم : انتي ليس ماتيين بيتنا ؟ شيخه : يمااا قبل اسبوع انا عندكم .. مريوم : بس عمتي فوزية كل يوم تيي وانا مااحبها .. ماتلعم معاي متلج .. شيخه وحصه وسلطان يضحكون : هههههههههههههههههه شيخه : اششش عيب هذي عمتج عيب تقولين جذيه يا حلوة .. مريوم وهي توخر غرتها عن عيونها : انا حلوة خاتلي ؟ شيخه فطست ضحك : هههههههههههههههههه خاتلج ؟ ايه .. حلوة ياعيون خاتلج .. ههه سلطان : تعالي انتي يالملسونه .. تعالي ههه مريوم راحت عند ابوها وسلوم قاعد يلعب مع يوسف .. وحصه قربت مني واهمست لي .. حصه : وينها الجلبه ؟ شيخه ضحكت .. اهي وحصه نفس الاعصاب .. شخصياتهم تشبهه بعض .. بالعصبيه والصراخ والعناد .. شيخه : ماادري .. طلعت .. حصه : هيين .. خلها تيي بس وانا اعلمج فيها .. وانتي ماتقدرين تردين عليها ؟؟ هاا ؟ .. شفيج ؟؟ شصاير لج ؟ سلطان : حصووووص .. شفيج ؟؟ البنت ناقصتج انتي بعد .. شفت حصه بنظرة طالت شوي .. وبعدين تصنعت ضحكة وقلت .. لاتخافين علي .. انا مضبطه حالي معاها .. وين منور ؟ حصه : كاهم تقول عند الاشارة .. شيخه : وخلود ومها ؟ حصه : بتمر سابليه وبيوون شيخه : ههههههههه لاتقولين لي حلو المانجا .. ترى لاعت جبدي انا ماصارت ؟ حصه : هههههههههه عاد هذي اذا علقت على شي مشكله ههه الله يعين خلود بين منها .. شيخه : قلعه احسن هههه خلها تينن فيه .. عشان يتعلم حصه : ماكو فايده .. انتي وياها نفس التفكير .. الله يعين عزوز عليــ ـ وسكتت حصه فجأة .. نست ... شلون طلعت منها هالكلمه .. عضت على شفايفها متحسفه .. وقربت من شيخه وشيخه عيونها بالفضا .. ماتدري وين توديها .. حصه : اسفه ششيوخ انا مو قصــ ــ شيخه ابتسمت غصب .. كل شي بحياتها صار غصب : ههه شدعوة عادي .. وندق الجرس وقامت شيوخ تفتح الباب وكانت منور وفيصل منيرة : شيووووووووخ حبيبتي .. شلونج ؟؟ يالخايسه ليش ماتدقين علي .. مسويه لج حلو مو طبيعي .. متعلمته من نوف خطيير .. شيخه تاخذ منها بايركس الحلو .. وشكله متعوب عليه وهي تضحك : يه يه يه .. شكلج متفننه .. قصيتي ويهي .. عاد انا مسويه اليوم كيكتج الغبره .. منور : هههههههههههه صج ؟؟ الله احبها .. لفيت على فيصل اللي كان واقف ويخزني بغرابه وقلت بسرعه : شلونك فيصل ؟؟ .. حياكم .. دخلت من غير لا اسمع رده وقعدنا كلنا في صاله الاستقبال الكبيرة نوعا ما .. وربع ساعه ووصلوا خالد ومهاوي .. ببطنها وشكلها وسوالفها اللي ماتخلص .. كنت مستمتعه بشكل ماتتصورونه .. مهاوي وحصه ومنور .. كل الاشخاص اللي احبهم عندي هني .. كنت ناسيه كل شي يصيق خلقي وما اعيش الا ضحكنا وسوالفنا .. تغدينا كلنا مع بعض .. وكملنا سوالف وحلو وجاي وقهوة .. مشوا الرياييل بعد صلاة العصر .. والبنات تموا الين الليل .. وبس دخلت سارة .. حاولت الحق على الموضوع وقلت لحصه نطلع اي مكان نغير جو احسن من اللي راح يصير .. وحصه وسارة مايقعدوا مكان مع بعض .. ومثل ما قلت .. طلعنا نتمشى شوي على البحر .. وناكل برد .. كانت القعده متواضعه لطلعاتنا .. كلنا نبي مكان مفتوح نشتنشق فيه هوا يديد .. فيصل طول الطريج وانا كنت اراضي منور .. اعرف انها زعلانه وشايله بخاطرها .. وهذا احنا ماصار لنا سنه متزوجين .. وتشوف كل هذا مني .. وايد عليها انا اعرف .. بس مو بيدي .. والله مو بيدي .. مااقدر اقاوم بنت تمر يدامي .. ماقدر امسك روحي من عطر نسائي اشمه وما اتبعه .. وصلنا بيت ابوها .. وهي للحين ماتكلمني ولاتعطيني ويه .. نطرنا عند الباب .. وانفتح فجأة بضحك وعيون عسليه مو طبيعيه .. انا شايف شيخه من قبل ..لكن ماعمري شفتها بهالقرب والوضوح .. بس مااعرف شصار فيني اليوم ... كان شكلها حيل طبيعي وعيونها العسليه الواسعه تجذب .. اول مرة انتبه لملامح شيخه جذيه .. فهيت بويهها .. وتميت امبحلق فيها .. ماتشبه منيرة .. منور ملامها اهدى وانعم .. اما هذي غير .. تحس بالانوثه تصرخ فيها .. كانت تسولف مع منور وتضحك .. وانا ماقدرت اشيل عيوني عنها .. ماادري شفيني .. مااعرف ليش جذيه بلمت في البنيه .. فيصل ... فيييييصل لاتييين هذي .. شيخه .. اخت زوجتك ومحرمه عليك .. اصصصحىى مشيت معاهم مفهي .. وانا استغفر ربي واتعوذ من بليس ... يااارب .. ياارب الا شيخه .. الا اختها .. يااارب .. تغدينا كلنا وانااحس بكهربا .. وهي تسولف وهي تضحك وهي تتكلم .. وبس تغدينا طرت بره البيت ماقدرت اتحمل روحي وانا جذيه .. وطلعت مع الشباب لندن رجعت الشقه مرة ثانيه ناسيه نوتي ... قعدت ادورة ماحصلته .. وبالاخير اخذت نوت عليا كان موجود في واحد من الادراج وطلعت صاروخ .. قعدت اليوم متأخر وهذي المحاضرة مهمه .. يقولون الدكتور يطرد لو تأخرت خمس دقايق ومايحب العرب .. نطرت محطة القطار .. وركبت اول وحده .. وانا كل شوي اشوف ساعتي .. انطر متى نوصل .. حطيت ريل على ريل .. وانصعقت >>> لابسه دلاغ لون ودلاغ لون ثاني .. يافشيلتي .. نزلت ونزلت بنطلوني على الجوتي .. عشان مايبين الدلاغ .. اليوم كله معجوء كله من خالي الزفت .. وصلت الجامعه ونزلت وانا ارجع اشوف الوقت اتأكد ان المحاضرة للحين مابدت .. دورت بالكلاسات اللي تحت مالقيت رقم كلاسي . واضطريت اصعد فوق .. واول ماحصلته دخلت بسرعه .. بعد الترجمه الدكتور شافني وعقب شاف ساعته : الساعه الان 8 وخمس دقائق .. الم تعلمي ان المحاضرة تبدأ الساعه 8 ؟ شهد : اعلم ولكن زحمه السير .. انا اسفه .. هل استطيع الدخول ؟ الدكتور ناظر بساعته وعقب شافني بنظرة تهديد وصوت مخيف : لن اسمح لك بالتأخير مرة اخرى .. تفضلي .. وماصدقت روحي .. وقعدت على اول كرسي وانا اتنهد من الركض .. حطيت نوتي ولا اسمع صوت اقرب للهمس ( ليش متأخرة .. ثاني مرة نامي مبجر ولاتسهرين على افلام الرعب ) لفيت على جهه الصوت اللي كانت يمي بالكرسي وانصعقت .. وقلب ويهي الوان .. وهمست بصوت ماينسمع ... ( صلاح !! ) صلاح وهو يهمس صوبي من غير لايشوفه الدكتور : عيون صلاح .. طاح القلم مني .. وارتبكت .. هذا ماصدق .. شهالبلشه .. ساعه ونص بقعد يمه .. ياويلي .. نزل يابلي القلم والدكتور يشرح .. اخذ نوتي وقالي بصوت يدوب ينسمع ( عطيني اكتب لج اللي ناقصج ) وخذا نوتي وقعد يرسم ويكتب ماادري شنو وانا معصبه .. وبنفس الوقت مرتبكه .. صلاح صاير جريئ .. وو انا مااعرف شقوله .. لان صلاح .... يمكن غير ... ايه غير .. كنت قاعده اخزه وهو يكتب ويشخبط .. ويرسم سيارة ويلونها بالوردي ويسوي سوالف قلوب .. ههه اللي يميز صلاح عيونه السودا ورموشه الكثيفه حييل .. وحواجبه العراض .. ابيض وفيه عرض رغم ان اللي بعمره يكونون اقل بنيه .. بس اهو ماشالله جسمه رياضي .. كنت كل مااشوفه اتذكر قصي خوري .. ممثل سوري انا كنت احبه ايام الصياعه ههههه .. نفس التقاسيم والبنيه .. بس صلاح عيونه اوسع واحلى .. رفع عيونه بسرعه وشافني .. وانا نزلت عيوني باقاع وعقب رفعتهم على الباب وقعدت اكح .. خوفني .. وهو كاتم ضحكته بالغصب .. قعدت استغفر ربي .. شفيني قاعده اخز بالريال .. وحاولت اندمج بالمحاضرة .. بس كل تفكيري كان مع اللي قاعد يمي وماكل جو المحاضرة كله .. سناء الساعه 9 ونص الصبح وديت الصور لمصور قريب من عندنا .. ورحت الكليه .. دقيت على محمد مارد علي يمكن يكون نايم .. دزيتله مسج بالعربي طبعا .. مسجات بقتهم من تلفون شهد وبالموووت رضت تعطيني .. ( صباحك ورد .. صباحك خير ياناسي عسى صبحك تجي له شمس .. عساه اجمل من احساسي انا ماذاقت عيوني طعم راحهفي ليلة امس .. وبعد قبله .. من الاخر .. انا من غبت عن عيني .. وصباحي برد صباحك ورد يالغالي .. صباحك ورد .. ) وارسلته .. ورحت الكليه احضر محاضرة الديزاينر مع شهد .. اليوم الثاني عزوز لقيت حجز على اول رحله الكويت تطير .. عقب باجر .. دقيت على صلاح وقلته وانا احاجيه ببرود .. وبعدها رن تلفوني على مسجات عبير المعتاده .. قفلت الخط مرة وحده .. مالي خلق عبير ولا شيخه ولا احد .. ابي بس اشوف شغلي مع الزفته اللي بالكويت .. واعرف اتفاهم معاها .. دقيت على خالد وقلت له اني راجع الكويت .. استغرب شلون قدرت اتخلى عن الدورة وارد بهالسهوله .. وهذي الدورة اللي كنت احلم فيها من زمان .. بس الحين كل شي تغير .. كل شي .. خبرته يبلغ الموظفين باجتماع بعد اسبوع ابي اشوف كل شي صار بغيابي .. واتابع الشغل من يديد .. الاسهم مثل مايقول خالد ماشيه مثل مانبي ..ما احط الا الارباح ومخليها شغاله .. اما راس المال فشلته عشان لو صارت خساره مااخسر شي جايد .. جذيه علموني هوامير السوق .. وجذيه تعلمت من ربع ابوي .. رتبت شغلي .. ورحت الدكتور يصرفلي من دوا القلب اخاف ماالقى منه بالكويت .. طبعا في البدايه رفض وقالي الدوا شي مؤقت ومستحيل تقدر تعيش عليه .. العمليه ضروريه ..بس كالعاده .. كشت فيه وحاولت اقنعه يصرفلي الدوا لانه ماينصرف من الصيديدليه الا بورقه دكتور .. رجعت اخر اليوم هلكاااان حيل ومو قادر اتحرك .. صاير المجهود البسيط يتعبني .. انسدحت على السرير وجبالي المنظرة .. كنت اشوف ويهي شلون صار شاحب ومخطوف .. وعيوني تحتها اسود .. حتى عظامي بدت تطلع من الضعف .. تنهدت وانا ارجع راسي على طرف السرير وابتسمت .. بس تذكرت هذاك اليوم اللي دمرتني شيوخ بالصبغ .. كانت مثل الفراشه ماليه علي حياتي .. تذكرت تنورتها الجينز القصيرة حيل .. وسيقانها البيضا المغريه .. كل البنات كانوا بعيوني غير .. وشيخه غير .. مااحس ان فيه بنت اقدر اقارنها بجمال شيخه .. شيوخ تجمع بين البساطه والفخامه .. الطفوله والانثوثه الصارخه .. الدلع والغنج .. وبنفس الوقت الصبيانيه والقوة .. فيها مزيج يروق لي .. ويعجبني .. دايم كانت المرة بعيوني شيخه .. شيخه بكل مافيها .. فاتنه وطيبه .. وقويه .. لكنها بنفس الوقت ضعيفه .. حطيت خدي على مخدتها يمي .. وحسيت وجنه خدي على خدها .. شميت ريحتها .. وغمضت عيوني بقهر ... قهر وضييقه لاني مو قادر انساها .. ولا انسى صورها مع الحقير .. ليش ياشييخه .. ليييش !!!!! ليش كل هالجمال يغطي على قلب قذر .. وبنت ماهمها غير العلاقات .. تذكرت شكلها بالمطبخ وناصر ماسكها .. وهي بين ايدينه بعرس منيرة .. تذكرت نظراتهم وضحكهم مع بعض .. تذكرت هواش ناصر معاي عشان شيخه .. وانا !!!!! ليش للحين مصر عليها ؟؟؟ انا منو اصلا ؟؟؟ واحد من غير اسم ولا عايله .. ولا شي بالنسبه لهم .. خذت مخدتها وحذفتها على المنظرة .... اكرهج .. اكرهج وراح اكرهج اكثر من اليوم خيانة وانتهت آخر سوالف عشقي المجنون في ليله حلمي الوردي تحطم من نهايتها, في ذيك ألليله كان أهون علي أحيا بدون عيون ولا أشوف إلي شفتى من حبيبه قلبي ساعتها خيانة آه خيانا آه خيانا بعيني شفتها ويا ه تضحك لا وهو مفتون سعادتها في قربا تشبه في قربي سعادتها بعيني شفتهاماهو حكي واشم وخيال بدون بعيني ليت عيني عمرها مايوم حبتها وقفت إنسان حالي ليه ومن متى وشلون عسى ألقى سبب واحد يبرر لي خيانتها خيانة خيانة خيانة أن ماكان عندي شك ولو واحد من المليون بصدق إلي تقوله عن غلاي وعن محبتها خيانتها عطت حجه لكل إلي يبي يخونون ومن هل ألليه كل خاين يتعذر بقصتها مدام أوفى البشر خانوا حرام الباقي ينلامون وكلمات الوفى لاعاد أحد يطري لسيرتها خيانة آه خيانة آه خيانا ) مر يومين على الاحداث السابقه ..
|
|
|
|
|
28-11-2009, 10:25 PM
|
رقم المشاركة : 75 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
لندن
ركبت الطيارة وبيديني هاند باك صغير .. كنت لابس نظارة شمسيه .. مالي خلق اشوف احد ولا احد يشوفني .. نزعت جاكيتي وفتحت زراير قميصي كيلفن كلاين الرمادي .. وسندت راسي على السيت .. كنت احس بحرارة بجوفي .. وحرقة مو طبيعيه .. افكر شسوي .. شسوي اذا رجعت الكويت .. على طول بروح بيت بوخالد وايرها من شعرها .. اوريها شلون تلعب علي .. احبها .. اعشقها .. اموت فيها صح >> بس كلشي الا انها تلعب على كرامتي .. وتهز رجولتي .. مااسمح لها .. ولا راح اسمح لها بيوم .. مسكت تلفوني ابي اسكره قبل لاتحرك الطيارة .. ولا يوصلني مسج فتحته من غير لا اشوف الرقم .. (( محتاج لك .. ماهي مثل كل مرة .. هالمرة اكبر من سهر ليل واحساس )) ويوم شفت الرقم .. كان من شيخه ... شيخه محتاجتني ؟؟؟ ضحكت باستهزاء .. الحين ياشيوخ ؟؟ الحين عقب ماصرتي وحيده .. اكيد نصور تركج .. والمنحط الثاني هدج .. وقلتي ارد لعزوز .. يبحني اكثر من عمره وانفاسه .. انا مو فضلتج يابنت ابوج .. وخلي الغرور ينفعج يالقذرة .. سكرت التلفون وانا اضغط عليه باعصابي .. حسيت روحي يمكن اكسره بيدي .. هالمرة ذنبج مايغتفر ياشيخه .. مايغتفر .. غمضت عيوني بالم .. الم وجرح من ايد اغلى انسانه بحياتي .. اغلى من روحي علي . . تلفت يمين ويسار ابي اطلع من التفكير المتعب فيها .. وشفت الطيارة كانت اغلبه اجانب .. الا اثنين كانوا قاعدين بكرسين يم بعض .. اشكالهم كانت تعطي اماراتيه من اللهجه وطريقه اللبس .. اشكالهم توهم متزوجين وكانوا بشهر عسل .. وتوهم رادين .. صرت اطالعهم باهتمام وفضول .. والسعاده تشع من عيونهم .. كانوا يتهامسون ويضحكون .. والريال كان نايم على ريول زوجته وماسك ايدها .. وهي تمسح على شهره بحب .. تدرون .. اول مرة احسد احد على شي .. اول مرة اتمنى اني اكون مكانهم .. اعيش مثل ماكنت احلم .. اول مرة احس بالشوق .. لحميمية العائله .. ودفا وجود زوجتي واهلي حواليني .. ابتسمت ابتسامه صغيره ودعيت ربي يسعدهم .. وعيوني تدمع .. من تحت النظارة .. شفت الغيوم من جهه الشباك .. ودعيت ربي من قلبي .. ياااااارب ... ياااااارب اعيش باقي هالجم سنه .. بين عايله .. يااارب .. أبي احس بحنان الام ولو يوم .. ابي احس بكلمة ابوي .. ابي اقولها وانا اعنيها .. ابي يكون عندي خوان وخوات .. ابيع حياتي كلها .. بس اعيش هاللحظة ولو يوم واحد .. يااااااارب انت قادر على كل شي يارب .. في جانب ثاني في مستشفى هارفورد في لندن وبعيد كل البعد عن العالم .. محمد وسناء .. ووقت من الحب والاعجاب والراحه ++ كنت حاس اني مخنوق .. وكل شوي اشوف ساعتي .. وينها ليش تأخرت ؟؟ عيوني متعلقه بالباب من اسمع حس ناس تمشي .. واتخيلها اهي .. وتطلع لاا .. رفعت السرير بوضع الجلوس .. وحركت شعري الى ورى .. وسندت راسي على طرف السرير .. غمضت عيوني وانا اتذكر سهرتي مع سناء امس .. تعلقت بهالبنت بشكل جنوني .. اول ماراح اطلع من المستشفى مراح اخليها .. في ببالي اشيا وايد بسويها ان شالله .. ابتسمت على جهلها رغم ان اللي يشوفها يظن انها تعرف كل شي .. لها نظرة خبيثه .. وقويه .. لكن اللي يقرب صوبها .. يكتشف فيها براءه موطبيعيه .. براءة تستغربون منها .. صرت استمتع اني اتكلم معاها واعلمها .. واشوفها شلون متشوقه تتعلم كل شي مني .. تميت مبتسم وعيونها السودا الوسيعه معلقه بجفوني .. حسيت بهمس قريب مني .. وصوت اميزه بين ملايين الناس (( تأخرت عليك ؟ )) تميت مغمض عيوني ومبتسم .. مستمتع بصوتها الملائكي .. وقلتلها .. (( وايد .. اخاف افتح عيوني وتطلعين خيال .. اخاف ارفع جفوني وتطلعين مو موجوده .. من كثر ماافكر فيج .. يمكن صرت اتخيلج .. )) وعم الهدووء المكان .. فتحت عيوني شوي شوي .. ولقيتها تطاعني وعيوني مغرقه دموع .. بس ماسكتها .. ابتسمت بويهها وقلت محمد : ولهت عليج سناء : احم .. لاتبدى الحين ههههههههههه محمد :هههههههههههههههههه سناء قعدت يمه وبيدها جيس من نيثنس : مم يبتلك اليوم هوت دوغ مع عصير برتقال . تغيير محمد : ههه وانتي كل يوم طالعه بمطعم ؟؟ سناء ابتسمت وتربعت : شسوي مااشتهي اكل بروحي .. تميت اطالعها ومتردد اقولها ولا لا .. بعدين تجرأت وقلت محمد : سناء ؟ سناء بعيون براقه : يس ؟ محمد : ممكن اقولج شي وماتزعلين مني ؟ سناء باهتمام : شوور محمد : انتي تدرين اج حلوة .. مم لا مو حلوة وبس .. فاتنه .. سناء حمرت خدودها من جرأة محمد اليوم .. وسكتت وهي تبتسم وتنزل عيونها : وبعديين ؟؟ هههه محمد ضحك بابتسامه خفيفخ وحط ايده على لحيته الديرتي .. وكمل : سناء .. لما يكون عندج شي غالي .. غالي حيل .. شتسوين فيه ؟ سناء ببرأة وصدق : اخبيه .. محمد : ليش ؟ سناء : لانه غالي .. محمد ناظرها بعيونه : وانتي مثل الشي الغالي ... لازم نحافظ عليه .. سكت ماني عارف اللي اقوله صح ولا غلط .. بس كملت .. محمد : سناء .. انتي حلوة .. وغاليه .. وانا ودي تظلين دايما جذيه .. وسكت .. طالعتني باستغراب وتفحص : وت رونق محمد .. ؟؟ تكلم ؟؟ قلت وانا اشوف عيونها وهي تبرق : ........ شرايج بالحجاب ؟ سكت ... وتميت اطالع عيونه باستغراب .. وهو كان مسترسل بالكلام .. قعد يقولي اشيا وايد عن الحجاب .. وعن الاسلام .. وشلون لازم نفهمه .. وان الحجاب ماكان يوم من الايام قيد للمرأة .. بالعكس .. هو حريتها .. كنت من داخلي مقتنعه بكل كلمة يقولها محمد .. لاني اكثر وحده حست بنظرات الشباب لها .. وشهواتهم الحيوانيه لما ابدى معاهم صداقه .. تنتهي برغبه خبيثه .. ولو كنت متغطيه ومتسترة ماكانوا شافوني جذيه .. كلام محمد كان غيير .. غييير عن كل الناس اللي كانوا يقولون لي تحجبي .. محمد وصلي المعلومه بطريقه فهمتها .. عمري مافهمت الحجاب الا من محمد .. ماكنت عارفه شنو سبب القطعه اللي تنحط على الشعر الا من محمد .. انا غااليه .. غاليه بعيونه سكت .. وتميت اشوف ايديني اللي ماسكه شبس نثينس .. ماكلت منه شي .. محمد اخذ الشبس من ايدي وحطه على الطاوله ورفع راسي بيده .. محمد : انا مو قصدي اضايقج .. ولا افكر حتى افرض عليج فكرة .. بس ابي اناقشج .. ياتقنعيني ويااقنعج .. هزيت راسي .. وصفنت بعييييد .. حسيت بمحمد ضيع السالفه بعد ماشاف سكوتي .. وانا كنت طول القعده ساكته وافكر .. نفس اليوم بجيييييييييييييييت متتت من البجي ... ماقدرت اتحمل اكثر ... مستحيل .. مستحيل اللي صار هذا صج وحقيقه .... لا ياربي ... لاااااااا قضيت اليوم كله بجي في بجي .. كل مااتذكر اللي صار .. كل مااتذكر نطراته .. كل مااتذكر لمسته .. حسيت اني منهارة .. وشبهه واعيه للي صار .. حسيت اني ابي عزوووز .. ابي عززووز الحيين .. ليش يتركني ليييش !!! ليش يخليهم يطالعوني جذيه ؟؟ انا بعدي متزوجه >> انا بعدي على ذمة ريال .. للحين اسمي مرتبط باسمه .. منوووور ... منور شبيصير فيها لا درت ؟؟؟ وشلون عايشه مع انسان بهالحقارة .. غمضت عيوني ابي اطرد صورته وهو يقرب مني بمطبخ شقتهم ... كنت قاعده اساعد منيرة تسوي حلو وبنروح شقه خالد نسهر .. منور طلعت تييب شغلات ناقصه للحلو من الفرع اللي يم بيتهم .. وانا تميت انطرها وفيصل مو فيه .. كنت اقرى بكتاب الطبخ اللي هي كاتبته بايدها ومجمعه فيه احلى اكلات ذاقتهم من رفيجاتها وربعها بالدوام .. وماحسيت الا بانفاس قريبه من رقبتي ... التفت بسرعه .. وانا اشوف فيصل .. فيصل ريل اختييي >>>> انتو متصورين الموقف ... فيصل ريل منوووور .. يقرب مني انا ؟؟؟ ليييييييييش !!!!! انا صرت رخيصه لهالدرجه ... !! مايخاف .. مايخاف من خالد ولا منيرة ولا ابوي ؟؟؟؟ ..... غمضت عيوني حييييييل .. والدموع صارت تنزل بقووووة خوفي وضعفي ... كنت ارجف بشكل مو طبيعي .. حتى مانطرت منور تيي من الفرع ... ركضت من المبطبخ وخذت عباتي وشيلتي اللي كانوا معلقين يم باب الشقه .. وطلعت بالشارع .. شفت تكسي وركبت .. ماكنت ابي استوعب اللي صار .. كنت مصدومه وجني شبهه واعيه .. عيوني للحين مو مصدقه ان ريل اختي يقرب مني .. ومنييرة ؟؟؟ شفيها منيرة ؟؟ ليش يخونها ؟؟ منيرة احلى البنات .. وكل شي فيها كامل .. وهي كانت تحبه .. للحين اتذكر نظرته اول ماشافها بالملجه كان طاير فيها.. هالعيون مو هي نفسها العيون اللي شافتني قبل جم ساعه .. كنت احس في نظرته القذارة والدناءة .. حقيييييييييييييير حقيييييييييييييير دفنت راسي بالمخده وصرت ابجي بصووت ... ماعاد يهمني لا سارة ولا بطييخ .. احس اني قاعده افقد حياتي يوم عن يوم .. ياااارب رحمتك ... يااارب شسوي ... يارب ساعدني واوقف معاي مالي غيرك ... يارب خلني البنت الطاهره المحافظة على روحها .. يارب احفظني من نظراته وافكاره .. يارب ترجعلي عزيز بالسلامه .. ياااارب قبل ساعات كنت شبهه مشلول بمكاني .. كل شي فيني عاجز عن الحركه .. للحين مو متخيل روحي شلون تجرأت وسويتها ... انا شسويت !!! ... انا وين قاعد امشي ... شيخه اخت منييرة ... منيرة يافيصل ... الا منيرة .. لاتكسر قلبها .. لاتجرحها جذيه . . مسكت راسي بقووووة .. وجني الوم روحي على هالافكار الشيطانيه .. ماعرف شلون بس شفتها انقلب حالي .. منور قالتلي بتروح الفرع ويوم رديت البيت ودخلت اشرب ماي .. شفت شيخه واقفه تقرا شي .. ماقدرت اقاومها .. فيها جاذبيه تشدني .. وسوسلي الشيطان وحسيت اني كنت مخدر .. رحت لها بقلبي مو بعقلي .. بافكاري الخبيثه .. وشهوتي القذرة .. شميت ريحتها وقربت انفاسي من رقبتها .. والحمدلله انها طلعت ولا كنت ماصحيت كلش ... قعدت على اقرب كرسي بالمطبخ .. وانا حاضن راسي بايدي .. اسب والعن بروحي ... ابي اصحى من هالافكار .. ابي اشيلها من بالي ماقدرت ... قعدت اقنع روحي بروحي .. شيخه اخت منيرة يافيصل .. اصحى من افكارك اصحى .. شلون بيكون موقفك لا درت منيرة ... باي ويه تواجهها .. انت تحبها .. تحبها يافيصل .. وعيت على لمستة منور اللي خلتني انقز .. حسيت برعشه بجسمي من لمستها .. وجنها صحتني وانا للحين فاهي ماني عارف شسوي .. منيرة بصوت كله حنيه وطيبه وشيلتها على جتفها وشعرها النااعم منثور على جتفها بانوثه : فيصل ؟؟ شفيك حبيبي تعبان ؟ فيصل رفع راسه وحس بالذنب .. عيون منيرة تشع طيبه وبراءة وحب ... ياترى شلون بتشوفيني ااذا دريتي بافكاري .. ياترى وين بيكون فيصل بعيونج ؟؟ .. اكييد مراح تسامحيني .. اكيد راح تكرهيني وتكرهين الساعه اللي خذتج فيها ... انتي ماتستاهليني يامنيرة .. انتي احسن مني .. احسن مني بوايد .. منيرة تحط كفها الناعم على خد فيصل بخوف : فيصل شفيك ؟؟ علامك ؟؟ لاتخوفني .. ليش جذيه عيونك تحتها سواد .. وويهك اصفر ؟؟ انت مو نايم ؟ فيصل : هاا .. لا حبيبتي .. نايم . بس شويه تعب .. منيرة وقفت : وين شيووخ ؟؟ فيصل ارتبك ماعرف شيقول .. اكيد شيخه بتقولها .. لا مراح تقول .. شبيكون موقفي يدامج يامنيرة .. شنو بيصير فيج لادريتي .. منيرة طلعت تدورها بالشقه وماحصلتها .. وعقب خذت التلفون ودقت بس ماترد .. رجعت المطبخ ميته خوف وهي تكلم فيصل منيرة : فييصل .. شيوخ ماترد وينها ؟؟ كانت هني ؟؟ فيصل : ... انا .. احم .. شفتها وقالتلي بطلع بس ماادري وين راحت .. دقي على البيت وشوي ولا يوصل لتلفون منيرة مسج من شيخه (( منور حبيبتي انا بخير .. بس رجعت البيت ناسيه اليوم بيوون بنات الكليه يسلمون علي .. سوري حبيبتي . . روحي بيت مهاوي واعتذريلي منها .. اييكم وقت ثاني )) منيرة باستغراب : رجعت البيت ليش ؟ فيصل تكمن ان شيوخ ماقالت لها شي .. وكمل : منور شرايج نقوم نطلع شوي ؟ منيرة بابتسامه : لا اولله ؟؟ مالقيت غير اليوم ؟؟ انا بروح بيت خلووود .. من متى وهم يقولون لنا تعالو .. فيصل يغطي على فعلته : لا حبيبي .. صج مشتهي اطلع معااج .. مايصير .. من زمان ماطلعنا .. منيرة : فديييت قلبك انا .. خلص ممم نزورهم ومانقعد على العشا ونطلع شرايك ؟ فيصل بابتسامه صفرا : انتي تامرين .. لندن كنت قاعده اقرى الكتاب للمرة المليون .. حفظت كل رسمه رسمها بكتابي .. وحفظت كل حرف كتبه على الهواش .. وحفظت كل نكته خاطها على جلدة الكتاب .. الحياة مدرسه .. ياننجح يانصقط >>> تعبير على قدي احم .. هههه شهد >> تدرين معناه اسمج شنو ؟؟ معنى جميل حييل ... معناته يامحفوظة السلامه .. سائل شبهه اصفر ذو قوام ثقيل >> حلوة ذو قوام .. العسل .. شكلج ماتعرفينه .. >>> شوفي روحج بالمنظرة وبتعرفينه .. وعلى صفحة الفهرس كاتب ( اكلت شهد التفاحه ) اكل فعل .. شهد : هو عسل مصفى وشلون العسل ياكل التفاح ؟؟ ممم يابخت التفاح .. ضحكت على جملته ههههههههههههههههه فتحت الصفحات وكانت كلها رسومات وهبال .. لقيت باخر الصفحه كاتب جملة حفظتها بقلبي .. الحياة رحلة حلوة .. بيدنا نقدر نعيشها مثل مانبي .. وبيدنا نقدر نختار الاشخاص صح .. نكمل معاهم باجي حياتنا .. واتمنى حياتي تضمج .. انتي البطوله والقصه . . والنهايه .. صلاح لميت الدفتر على صدرييي بقوة .. ينتابني شعور حلو من اي شي من صوب هالشخص .. للحين ارد له الفضل بهدايتي الحمدلله .. قررت باجر مااقعد يمه في المحاضرة واي مبجر عشان القى كراسي ورى ... سمعت جرس الباب .. وكنت قايمه افتح .. لان سناء راحت تييب اغراضها بتنام عندي بالسكن .. بس ردني صوت مسج من تلفوني .. فتحته وكان من عاليه (( شحالكم يالطفسات .. والله لكم وحشه ...شهووده ليش ماترمسون معاي . وحشتوني مووت ..)) ضحكت على خبال علووي .. وفتحت الباب لسناء .. وشبكنا على النت كلمناها قريب الساعتين ,,,,,,,,,,,, وهذا الجزء ما قبل الاخير انتظر توقعاتكم وانزل الباقي ,, ومشكورين مقدما على المتابعه الطيبه لكم مني جزيل الشكر ,, اختكم في الله .. سكونـــــــــــــــــــــه 
|
|
|
|
|
28-11-2009, 10:29 PM
|
رقم المشاركة : 76 | |||||||||||||||||||||||
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
هلا فيك اخوي المشاكس ,, نورت الصفحه ,, والله ماتوقعت قصتي احد يقراها كثير ,, يالله هذاني نزلت كل الاجزاء ماعدا الاخير ,, لأنك كسرت خاطري وما ابيك تفوت العيد وروح استانس مع الشباب .. يالله استمتع في القراءه ,, لك شكري .. كن بالقرب دوماً ,,,
|
|||||||||||||||||||||||
|
|
|
|
29-11-2009, 08:19 PM
|
رقم المشاركة : 77 |
|
طرفاوي نشيط
|
رد: رواية ناكر المعروف ,, مابيّن بعينك .. رواية روعه حياكم ..
هلاااااااااااااااااااااا سكووووووووووووون
|
|
|
|
|
29-11-2009, 08:22 PM
|
رقم المشاركة : 78 |
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
مشكورة قصة حلوة مـــــــــره
الله يعطيك العافية
|
|
|
|
|
29-11-2009, 08:27 PM
|
رقم المشاركة : 79 | |||||||||||||||||||||||
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
هلا فيك اخوي ,, هههههههههههه ,, خلاص دقايق وانزلها مافيني شده بعد تكتب شيخه وعزوز في الاختبار بيجيني طراق بعدين ,, الله يوفقك ما اوصيك هالله هالله بالدراسه ,, بنزلها عشان افتك ما اشيل همها بعد يمكن يقطعوا النت في اي وقت ماندري ,, يالله اقراها وبس تخلص روح ذاكر ,, سلام
|
|||||||||||||||||||||||
|
|
|
|
29-11-2009, 08:28 PM
|
رقم المشاركة : 80 | |||||||||||||||||||||||
|
طرفاوي فائق النشاط
|
رد: رواية ناكر المعروف ,, مابيّن بعينك .. رواية روعه حياكم ..
العفو ولو ما سويت الا الواجب ,, اتمنى انها صج عجبتك ,, الله يعافيج ,, تسلمي على المتابعه ,, لكي شكري ..
|
|||||||||||||||||||||||
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
