**(*(ياعيونه بس يكفيني عذاب)*)**اجمل قصة سعودية عالنت روووعة

[عاشقة الحوراء زينب]

يدي عصاتي دائمآ يفرحني تواجدك

أم إلياس وينش يالقاطعه تو مانورة الصفحات

[IMG][/IMG]

 

 

[عاشقة الحوراء زينب]

[IMG][/IMG]

تركي راح يزور عمه أبو عبد الكريم اللي يستاهل الزياره...
تركي وهو يصب القهوه لعمه:أقول ياعمي..وين عمتي ام عبدالكريم؟؟..
تركي كان عادي يكشف عليها...
ابو عبدالكريم وهو ياخذ الفنجال من يد تركي:ما أدري بس ألحين اناديها
تركي:والله إنه وحشتني حيل..لي والله وأنا ماشفتها؟؟..
ابوعبدالكريم:فيك الخير ياولدي...
تركي:لا ياعمي...هذا واجبي إنت الكبير وعمي...وزيارتك حق وواجب...
ابوعبدالكريم:طيب وش إنت مسوي مع شغلك؟؟..
تركي:الحمدلله...
ابو عبدالكريم:ما كان أحسن لك لو إنك إشتغلت مع ابوك واخوك...
تركي وهويتنهد: أنا أشوف راحتي في شغلي ألحين..وبعدين أنا ميولي ماهيب تجاره...
ابو عبدالكريم:مو كل من يشتغل بالتجاره..لازم يميل لها..
تركي:بس انا اعرف نفسي...رجل اعمال فاشل من الطراز الأول...
ابو عبدالكريم:بس أنا أشوفك غير...بالعكس أحس عندك دهاء التجار..
تركي وهو ياخذ الفنجال من عمه:والله ياعمي...مااشوف عندي من اللي تقوله..إلا شخبار عبدالكريم؟؟؟...
ابوعبدالكريم:الحمدلله بخير...بس هذا أنا أقنعه إنه يترك شغله ويرجع للرياض مع بنتي سلمى...
تركي اللي انقبض قلبه من سمع طاري سلمى... حبه الأولاني...
تركي:إلا شخبارها سلمى؟؟؟...
ابوعبدالكريم:الحمدلله زينه...خلاص بتاخذ الدكتوراة الشهر الجاي وبترجع عقبها للرياض...
تركي يغير الموضوع:طيب ليه تبي عبدالكريم يترك شغله بالسفاره هناك؟..
ابوعبدالكريم:وش له الغربه يا ولدي؟؟؟..وش له يحرق قلبه أهله عليه... هذا إنت مشالله عليك إنت واخوانك حول أبوك...وهو ولدي الوحيد رايح وخلانا أنا وأمه شياب بحالنا...
عوره تركي قلبه على عمه:ليه يابو عبدالكريم؟؟..إحنا وين رحنا عنك ولا إحنا ما نصلح؟؟..
ابوعبدالكريم بحنان:لا يا تركي...لولا الله ثم أنتوا وأبوكم..ولا كان قد مت بحسرتي من زمان...
تركي:الله يعطيك العافيه وطولة العمر ياعمي...إنت البركه والخير كله...
عقبها قعدوا يسولفون شوي...ولمن اذن العشا طلع تركي وهو يفكر بعمه اللي أول مره يشكي ضعف له...ويفكر بولد عمه عبدالكريم..الرجل السياسي اللي انخرط بالسلك الدبلوماسي...وله أحلام تعانق النجوم... اللي منها إنه يصبح سفيـر للملكه العربيه السعوديه..بس وين يحصل له هذا إلا بعد مايذوق ألم الغربه والتعب والشقا...ومو بس هو اللي يذوق الألم..لا حتى أهله لازم يحسون بالغربه والألم...قعد يفكر بسلمى..والله وكبرتي يا سلمى وصرتي دكتورة...تذكرها وهي بأيام الثانويه كانت مثل الورده اللي توها تفتح وبدى شذاها ينتشر...تذكر احلامها..غرورها بنفسها..ودلعها.. وحبه لها...تذكر كيف إنها كانت تقول إنها بتصير شي كبير..مارح تحصر نفسها بالشهاده الجامعيه مثل سارا مرت متعب واللي كبرها وبسن بعض..
كبروا..وكل واحد كبرت معاه أمانيه...سارا تزوجت وصارت أم وهذا اهم احلامها إذا كان ماهو الوحيد...وهو صار ضابط عسكري..وسلمى دكتوره يعني الدكتوره سلمى...وراح يسبق الدال إسمها بكل مكان...
فكر بشذى الطفله الكبيره...غنج البنات...وباكورة الصبا...حس بالخيانه إنه يتذكر سلمى وهي زوجته بس حاول يطمن نفسه إنه لشذى وبس...مايدري عنده إحساس إن رجعة سلمى بتسبب إعصار إذا ما هد تركي...على الأقل يحركه من مكانه...
أما أبوعبد الكريم فظل يفكر في تركي بعد ماطلع من عنده...والله إنك رجال يا تركي وأخلاق..وكريم من منبت كريم...ظلت الحسره تدق في قلب أبو عبدالكريم..إنه كيف تركي ما أخذ سلمى ليش...وش ناقص سلمى عن البنت اللي اخذها تركي...ووين راح حب تركي لسلمى...وانا اللي كنت أحتريه متى يخطبها...بس شكل الرجال طار من سلمى..ومستحيل تلقى سلمى مثل تركي...

***

متعب:أقول سارا...وش رايك ندرس انجود هالسنه؟؟؟...
سارا:أخاف يا متعب عليها...تدري باقي صغيره...
متعب:لا تخافين على بنت أبوها...صدق هي صغيره بس بنت رجال محد بيتعدى عليها...
سارا بابتسامه:هههه كله منك...بنتي صايره ولد والسبب إنت...
متعب باستغراب مصطنع:أفا ليش انا؟؟...
سارا:إيه إنت...عودتها من يوم هي صغيره على إنها تاخذ حقها وبزياده وتتعدى على الغير...
متعب:وبنتك فيها الخير والبركه...إلا شخبار مرة تركي؟؟؟...
سارا:ليش تسأل عنها؟؟؟؟...
متعب:لأن الخلافات عليها زايده هاليومين...فاطمه أختي تقول شينه وكريهه وعمتي حصه تقول إنها مشالله عليها...
سارا تتنهد:تبي رايي أنا فيها...أنا أشوفها مشالله عليها...حبوبه وطيبه... ومتواضعه...مو مثل ما تقول فاطمه...بس فاطمه باين إنها تكرهها بشكل حتى مبين في تصرفاتها...وحتى عايشه معها...
متعب:ياخي عايشه ذي مدري وش تبي؟؟؟...الصراحه أحس إنها سوسه وشغلها كله من تحت لتحت...مو مثل فاطمه أختي مشالله إذا كرهت احد أو حبته...الخبر كلن درى به القاصي والداني...
سارا:طيب وش يقول تركي عن مرته؟؟؟...
متعب ضحك:ههههههههه لمن أسأله يقول ماشي معها وطيبه...
سارا:زين ليه تضحك؟؟؟...
متعب:لا أبد..بس ما أتخيل تركي متزوج ومسؤول عن بيت...

***

بالدوام...
طلال وهويجلس قبال مكتب تركي:هلا والله بتركي...
تركي وهو يمدد رجله:هلا فيــك...وش عندك راز وجهك عندي من بداية صباح الله خير..
طلال:والله جاي أبي اتشمت...
تركي بنظره:تتشمت في إيش؟؟؟...
طلال يبتسم:إنك ودعت الإجازه...صاير لك أسبوع مدوام..واللي يشوفك تداوم هالأسبوع يقول إنه توه مدوام...
تركي:والله ياخوي...مهيب زينه الإجازة الطويله وبعدها دوام تعب خاصه هاليومين صاير يضغطون علينا بالعمل والمرابطات..
طلال:بس إنت باقي ماجاتك مرابطات...
تركي:من الأسبوع الجاي بيصير عندي بالأسبوع يومين أرابط فيهم...
طلال:الله يعين ياخوي...بس تعرف الأحداث اللي قاعده تصير ألحين بالرياض من إرهاب وغيره...
طلال يكمل:حسبي الله عليهم ازهقوا ارواح بريئه هالإرهابيين من دون ذنب...
تركي باهتمام:المشكله بعد يرجوون لأفكارهم المريضه ومعتقداتهم الخاطئه ومذاهبهم التكفيريه...
طلال يسند راسه ورى:تدري عشان كذا في دورة بعد شهر مدتها ثلاثه شهور بأدخل فيها..(يسأل تركي)وش رايك تدخل فيها؟؟؟..
تركي وهو يناظره وعيونه مفتوحه على الآخر:أكيــــد معك يا طلال ...تعرف دورات كذا لازم آخذها...
طلال وهو قايم:ماشي..خل أروح احط اسمك معي..
طلع طلال وقعد تركي يفكر بالإرهابيين وش هدفهم؟؟..وش هالأفكار اللي يحملونها خطأ عن الجهاد والإسلام..اللي هو بريء منهم كل البرأه..وهم شوهو صورته قدام العالم أجمع وصار كل مسلم بالخارج ينعت بالإرهابي..

***
[IMG][/IMG]

 

 

[عاشقة الحوراء زينب]

[IMG][/IMG]

تركي وهو قاعد يفرفر بالتلفزيون مالقى شي يعجبه..ناظر شذى اللي جايه ومعها كاسين كوفي...
أخذ كاس منها وقالها:شذى وش رايك نروح لعمتي حصه من رجعتي من فرنسا مارحتي لها إلا مرتين...
شذى:عادي نروح...بس (تناظر الساعه)الحين الساعه تسع..أكيد نامت..
تركي:لا عادي بعض الأحيان تكون صاحيه...
وقام تركي وجرها مع يدها:يله قومي خل نلبس نروح لها نسوي لها مفاجأه..
شذى:طيب دق عليها يمكن نايمه أو طالعه ماتدري...
تركي يغمز لها:إذا مالقيناها..طلعتك نتمشى مع بعض...
فرحت شذى من رجعة الرياض ما طلعت معه إلا مرتين تقريبا...ومرتين ثانيات راحت فيهم لبيت عمها سعد اللي استانست معهم بالحيل...
شذى وهي تمشي وراه طالعه:تركي وين نروح لو مالقيناها؟؟؟..
تركي يضحك:ههههههههه والله مشكله حرف الراء عندك...
شذى بتعجب:ليــه؟؟؟...
تركي:صاير عندك ياء...(يقلدها ويزودها حبتين)تيكي وين نيوح...
طقته على كتفه بخفيف وقالت بعصبيه:تتطنز؟؟..على الأقل أحسن منك صاير عندك هيلكوبتر...
ضحك تركي:ههههههههه بس من جد أحبك وأحب دلعك...وأحب(يقلدها) تيكي على لسانك...ماصرت أحب اسمي إلا عندك وبس...
شذى بغنج:تــــركــــي...
تركي:عيون تركي...
شذى وتزيد غنجها:اتركني بحالي...
*
*
*
*
.....:هلا والله تو مانور البيت وأهله...وش هالمفاجأة الحلوة؟؟؟...
دخلوا داخل ببيت العمة حصه...وخاصه إن البيت مافيه أحد غيرها..دخل تركي قبلها..لأنه ماخذ راحته بهالبيت وبقوه...
تركي وهو يقعد:وش رايك؟؟...أبد قلت عمتي ولازم نسهر عندها سهره خاصه...
شذى بابتسامه:إيه والله يا عمتي...كان خاطري ازورك من زمان...
حصه بابتسامه:الله يحييك بأي وقت...ومو لازم تجين بزياره رسميه.. صيري مثل رجلك كل شوي وهو ناط لي...بدون سابق موعد...
تركي يضحك:هههههه أفا يا يمه...هذا جزاتي إني كل شوي جاييك أزورك...
حصه:ههههه أمزح معك يا تركي...وصدقيني مافيه أحد بيجي بغلاتك يا الغالي...
قعدت شذى تناظر تركي...ولمن شافها تركي تناظره...حب يقهرها..
تركي:أقول يايمه..ترى بعض الناس غاروا منك...
حصه تناظر شذى بابتسامه:ههههههه تركي خل البنت بحالها..
شذى انحرجت من كلام تركي(حسبي الله على ابليسك ياتركي)
شذى باحراج:ماعليك منه ياعمه...هو يقول كذا يبي ينرفزني...
تركي يناظرها:طيب احلفي إنك قبل شوي ماقعدتي تناظرني لمن قعدت عمتي تقولي عن غلاتي عندها...
شذى باحراج:يعني وش تبي أناظر... السقف مثلا؟؟؟...
تركي:لأ أنا ما قلت ناظري السقف..بس عيونك كانوا بيطلعون من محاجرهم...
شذى تناظر تركي بنظره يعني اتركني يا ولد الناس...
حصه قعدت تضحك:ههههههههههه تركي خلاص..خل شذى بحالها(تكلم شذى)ما عليك منه تركي واعرفه زين...
شذى باحراج وهي ترجع شعرها ورى إذنها:لا عادي عمتي بس هو يبي يحرجني صايره أعرف حركاته...

***

كانوا الثنتين بالسوق يتسوقون بشاير ونوف بنت أختها...
بشاير اللي تستعد للجامعة..ونوف اللي نزلت معها السوق..وبعد ما شالت بشاير نص الملابس والجزم اللي بالمجمع راحوا قعدوا بالكوفي...
نوف:أقول بشاير وش خليتي بالسوق...كل شي شريتيه؟؟..
بشاير:بتدفعين شي من جيبك؟؟؟...الحمدلله كل هذا من خير ابوي الله يطول بعمره..
نوف:ماقلنا شي..بس نص اللي شريتيه خايس والله إني شفتها ببضايع العام الماضي..
بشاير:طالع من يتكلم وينصحني؟؟؟...أقول دادا روحي هذا اللي ناقصني بزران ويتكلمون...
نوف بعصبيه:بزران بوجهك..إنتي المخفه كل ما دخلنا محل وجا العامل يمدح لك البضاعه خمتيها..منتي بصاحيه..
بشاير حقرتها وهي قاعده تشرب الموكا:أقول نويف..انا الغلطانه اللي اقنعت امك إنك تجين معي..ولا حدك تنزلين معها هي أو عايشه..
وبعدها قاموا..وقبل لا يطلعون دخلت بشاير محل ساعات..أعجبها ونوف واقفه برى..بعدها طلعت بشاير وهم طالعين من المجمع شافوا فارس ولد بندر داخل المجمع معاه اثنين من أخوياه...
بشاير:نوف...مو هذا فارس ولد أخوي؟؟...
نوف تناظر وقلبها يقرع مثل الطبول:إلا.. هذا ولد خالي فارس..
بشاير اللي ماعجبها لبس فارس أبد..ولا تسريحة شعره..أما نوف فكانت تشوفه شيخ الرجال كلهم...
كان لابس برمودا جينز أسود..مع قميص ضيق كات لونه أسود مرسوم عليها المصارع حانوتي..وشعره كان طويل من ورى ومقصوص بطريقه عشوائيه.. ومنقزة بالجل وصابغ اطرافه بنفسجي مع كحلي...وحاط النظاره على شعره
بشاير بقرف:وش ذا؟؟..
نوف واللي راااحت لعالم ثاني:يهبل ياعرب..من دون رتوش من دون..
قاطعتها بشاير:هيه إنتي يا خبله وش تقولين؟؟..
نوف بنظره حالمه:وش رايك فيه؟؟...قمر والله قمر..
بشاير:قمر؟؟...قمر بعينك..والله إنه يفشل..شوفي وشلون يمشي مع أخوياه من وين جاي هذا؟؟...
نوف تدافع عنه:وشو من وين جاي هذا؟؟؟..بعدين عادي كل الشباب كذا ألحين...لا تصيرين معقده..
بشاير بعصبيه وهي رايحه للسياره تركب:إحنا أهل الرياض بدو..يعني هذا أشياء دخيله علينا...وعيب على ولد شيوخ مثل فارس إنه يسوي كذا..
نوف قعدت واقفه عند باب السياره إلين دخل فارس المجمع واختفى عن نظرها ودخلت السياره وهي حاسه..بالحب..لمن شافت ابتسامة فارس.. ياترى هل هو يحبني ولد خالي ولا في باله وحده ثانيه؟؟...

***
عايشه:فاطمه وش أبشرك به؟؟؟...
فاطمه بسخريه:إنك بتذلفين عن وجهي...
عايشه تجاهلت سخرية فاطمه:لا والله من جد فطومي؟؟؟؟...
فاطمه:والله ما أدري...شي يفرحني؟؟؟..
عايشه:إلا يطيرك من الفرحه؟؟؟...
فاطمه بعد تفكير:امممممممم والله ما أدري...إنتي قولي لي؟؟؟..
عايشه:سلمى مع عبدالكريم أخوي بعد أسبوع رحلتهم...راجعيين لنا..
فاطمه بفرح:والله...يا فرحتي والله فيك يا سلمى....
عايشه:من جد ماني مصدقه...
***
عودة سلمى...وش راح تسوي بالعائله؟؟؟...
هل هي بداية للمشاكل؟؟؟....أو نهايه لها؟؟؟.....
كيف راح تستقبلها شذى؟؟؟...

[IMG][/IMG]

 

 

[يدي عصاتي]

يـــــــــــــــــــــــــــتـــــــــــــــــــــ ــــــــبـــــــــــــــــــــــــــــــــــــــع

بليز كملي تراني متحمس حييييييييييييييييييييل

انا في انتظارك

اخوك يدي عصاتي

 

 

[عاشقة الحوراء زينب]

اسمحولي على التاخير

وحياك الله يدي عصاتي
[IMG][/IMG]

الجزء التاسع


بالعزيمه ببيت أبو عبدالكريم...
تمت تناظر شذى في سلمى..بدون ماتحس سلمى فيها..كان قلب شذى يعورها..يالله من جد ما ألوم تركي لو حبها...كانت سلمى آيه من آيات الجمال...تمت تناظر بعيونها اللي تشبه رسمة عيون تركي بالضبط..بس تركي على رجوليه...أي ظروف سيخبأها لي القدر...خاصه نظرات فاطمه لها تدل على كل مكروه....
ويـــن وصلتي يا حلوة؟؟؟...
إنتبهت شذى على صوت نوف وهي تأشر لها...
شذى تحاول الإبتسامه:أبد مارحت مكاني أنا...
نوف:وين مكانك؟؟لو شفتي عمرك قبل شوي...لا يكون تفكرين بخالي تركي؟؟..
شذى تضحك ببرود:هههههه يا حلوك يا نوف..بس حبيت أقولك خطأ توقعك..
في هاللحظه جات بشاير وقعدت معهم...
بشاير:هاه وش عندكم؟؟؟...
نوف:أبد ما عندنا شي...بس بغيت أسألك وين زوجة عبدالكريم ماجات معهم؟؟؟..
بشاير باستغراب:تصدقون إنها ماجات بنت اللذين...وقاعده هناك مع ولدها لأن عنده دراسه...ورجع عبدالكريم مع أخته بالمره يسلم على أهله و أخوياه اللي هنا..وبيرجع بعد ثلاث أيام...
شذى:بس توهم واصلين أمس...ما بيمديه يريح مع أهله...
نوف:لا شذى عادي..هو من عرفت عمري ما يقعد بالرياض أسبوع..حتى بالأعياد بالكثير أسبوع ويرجع...
بشاير:هاه..أشوف تطورات يا نويف..ما قمتي تقولين لشذى خالتي...لا يكون القرار شمل الجميع قمتي تحذفين الألقاب؟؟؟...
شذى ضحكت:هههههههه لا أنا قلت لها لا تناديني خالتي أحسن شذى حاف كذا...عشان بالمره نطيح الميانه مع بعض ونصير صديقات..
نوف تناظر بشاير بحنق...
بشاير:أقول نوف شكل العدوى انتقلت لك من أمك اشوف نفس النظرات؟؟..
شذى بدون تفكير:لا حرام عليك نوف تهون عند فاطمه...
سكتت شذى وحست بكبر كلامها لمن قطته بخاطرها(ياربي انا وش قلت؟)
أما نوف سكتت وماعلقت حست بالغصه إنه امها تكون صورتها سلبيه كذا أما بشاير ما قالت شي بس حست بكبر كلام شذى..
شذى تحاول تبرر وقفها لنوف:سوري نوف حبيبتي والله ماقصدي شي..
نوف بالموت طلع صوتها:لا عادي...
شذى:لا نوف شكلك زعلتي من كلامي..ترى والله طلع من دون شعور..
نوف بغصه تحاول تنهي الموقف:لا شذى والله عادي..
سكتت شذى وقعدت تتأمل ملامح نوف..باين إنها زعلانه..يالله وشلون أنا قلت لهالأنسانه البريئه هذا الكلام؟؟...وهي عكس امها بكل شي..
بشاير وهي تكلم شذى:وينك ادق امس عليك وماتردين؟؟؟..
شذى تناظر بشاير:أمس كنت مشغوله و...
قطع كلامها لمن شافت نوف قامت....
شذى:نوف....نوف....
ما ردت عليها نوف....
شذى تكلم بشاير:أقول بشاير..شكل نوف زعلت مني صح؟؟؟...
بشاير تناظر نوف وهي طالعه:إيه صح زعلانه...بس لا تخافين بترضى من نفسها...
شذى:بس أنا غلطت وسبيت أمها...
بشاير:لا تخافين...نوف تعرف امها وحركاتها...فلا تاخذين بال لها..
شذى برجاء:من جد ما أبي نوف تزعل علي...
بشاير: المهم شذى..لا يفوتك الثنائي المدهش وهم يحاولون يسوون أكشن بحركاتهم...
.
.
بالطرف الثاني بالمجلس كانت قاعده عايشه مع فاطمه..
عايشه:فاطمه...وش في بنتك قامت شكلها زعلانه؟؟؟...
فاطمه بغير اهتمام:وش يدريني عنها...بس مشالله سلمى وش فيها احسها سمنت عن أول...
عايشه:هذا لأنك ماشفتيها من ثلاث سنين...
فاطمه:تعرفين..لمن تجي نكون مسافرين...وبعدين هي ماجات إلا مره...
عايشه مفتخره باختها:مشالله هي كانت تاخذ دراسه صيفي والدكتوراة ماخذه أول كل وقتها..شوفي ألحين مشالله نادر تاخذ وحده بعمرها الدكتوراة..وهي باقي صغيره...
فاطمه بإعجاب:مشالله تبارك الرحمن...تعلميني ببنت عمي؟؟...
عايشه:وأخيرا يا فاطمه بتستقر أختي هنا....يالله متى يفتحها الله على عبدالكريم ويجي هنا ويترك شغله هناك...
فاطمه من غير ماتهتم في عبدالكريم:تدرين يا عايشه..والله خساره إن تركي تروح عليه سلمى...
عايشه:خلاص يا فاطمه...انسي هالسالفه..لأن سلمى بس يجي طاري تركي...تصك الموضوع على طول وتقول ماتبيه...
فاطمه:أنا مو قاهرني إلا شذى ما أدري وش تبي...يا ناس أنا حاس إنها كابوس وبصحى منه...
عايشه:أقول يا فاطمه يا قواة وجه مرة أخوك..بعد اللي عرفته عن سلمى جات توقعتها مارح تجي...
فاطمه وهي تناظر شذى وبعدها لفت على عايشه:لاااا...بالعكس انا توقعت تجي مليون بالميه...أكيد تبي تشوف سلمى...
عايشه بغرور:مشالله سلمى كامله والكامل وجهه...وأكيد هي غيرانه ...خل تدق على الخشب...
.
.
سارا اللي كانت قاعده مع سلمى خويتها بالدراسه إلى المرحله الجامعيه..
سارا:هاه وش أخبارك يا حلوة؟؟؟..
سلمى:الحمدلله....وش أخبارك أنتي؟؟؟...
سارا:طيبه...وبالمره مبرووووووووووك يا دكتورة...بالدكتوراة..
سلمى بابتسامه فاتنه:الله يبارك فيك..
سارا:بس تبين الجد ماتوقعت مشالله تجيبينها بهالسرعه؟؟؟..
سلمى تتصنع الخوف:يمه منك...قولي مشالله...
سارا تضحك:هههههههه قلنا مشالله...
سلمى:هههههههههه لا بس تعرفين..انا كنت بتحدي لأني حطيت ببالي فترة محدده إني آخذ الشهاده فيها...وصرت في سباق مع الزمن..أدرس الليل مع النهار...وأوصل الصيف بالسنه الدراسيه ...و الحمدلله قدرت أنجح وكسبت التحدي.....
سارا:أموت على التحدي أنا...والله يوفقك إنشالله..
سلمى تناظر انجود اللي جات من عند أبوها بالمجلس وقعدت جنب أمها..
سلمى:مشالله هذي بنتك يا سارا؟؟..
سارا:إيه هذي انجود..أحلى بنات العالم...
سلمى تمزح:أحلى بنات العالم...القرد بعين أمه غزال...
سارا وهي تضم بنتها:قرد بعينك..بنتي قمر..وأحلى من القمر بعد..
سلمى:ههههههه إذا بنتك أحلى من القمر...عز الله إن القمر شين...
سارا:الله عليك يا سلمى قولي إنك غيرانه من بنتي؟؟؟...
ضحكت سلمى...وأخذت انجود وسلمت عليه وكانت انجود تناظر في سلمى باستغراب...
سلمى تكلم سارا:وش فيها بنتك..تناظرني باستغراب؟؟...
سارا:يمكن مو متعوده عليك...
سلمى:تعرفين غيبة خمس سنين مو بسيطه أبد...
سارا:إيه أتذكر أول ماسافرتي..كنت توني جايبه انجود...
سلمى وهي تناظر بشذى:هذيك زوجة تركي؟؟؟...
سارا بابتسامه:إيـه هذي هي...
سلمى وهي تناظر شذى وهي تسولف مع بشاير:باقي صغيره؟؟.. بعمر بشاير شكلها صح؟؟؟..
سارا تناظر شذى:لا هي أكبر من بشاير بسنه أو سنتين تقريباً..
تلاقت عيون شذى بعيون سارا...ابتسمت سارا لها وبادلتها شذى الإبتسامه...
..
[IMG][/IMG]

 

 

[عاشقة الحوراء زينب]

[IMG][/IMG]

بشاير:إذا إنتي خايفه تعالي نامي عندنا...
شذى تفكر:صعبه يا بشاير...
بشاير:ليه صعبه؟؟؟...يعني بتنامين لحالك؟؟؟...
شذى:تركي يقول لي..بلا دلع معي بالبيت الشغالات بس من جد والله أخاف بحالي...الأخ يبي يرابط بالشغل وينام برى البيت وانا انام بحالي...ويقول عادي ليه تخافين الرياض مليانه...
بشاير:والله شرير هالتركي...ماعليك منه بس يروح الدوام تعالي بالسواق عندنا وقبل لايرجع البيت اليوم الثاني ردي البيت قبله...
شذى تتطنز:تصدقين والله فكره؟؟؟...
بشاير:تتطنزين طال عمرك؟؟؟...
شذى:انا ادري عنك...مسويه فيها عبقور أم الحلول..
بشاير:أجل كيفك...نامي بحالك وموتي خوف...
شذى:اموت خوف هاه؟؟...اقول الشرهه على اللي يشكي لك مع هالخشه...
بشاير:على العموم..انا مارح أضرر..الضرر كله بيلحقك...
شذى تكلم بشاير:خلينا من هالسالفه...مشالله حلوة بنت عمك سلمى..
بشاير بغرور:بس انا احلى...
شذى:الحين من سأل عنك؟؟؟...
بشاير:محد...بس حبيت أذكرك إني أحلى...
شذى:المهم...سلمى هذي وش تدرس؟؟؟...
بشاير:كيمياء...صايره سلمى دكتورة...
شذى بخاطرها(مشالله جمال وعلم بعد دكتوراة):طيب هي مخطوبه من قبل؟؟؟...
بشاير تخزها:انا أعرف ليش تسألين مس شذى؟؟؟..عن سلمى...
شذى ارتبكت:ليه؟؟؟...انا أسأل عادي...
بشاير:على هامان يا فرعون...
شذى:فرعون بعينك...أنا اسأل عادي عن بنت عم رجلي...
بشاير:عادي ولا ملون هههههههههه....
شذى:كع كع كع...بايخه...
بشاير:انا البايخه..ولا إنتي...المهم تراني عرفت عن السالفه اللي صارت ببيتنا يوم أبوي بالمستشفى مع فاطمه وعايشه...
شذى انصدمت:أي سالفه؟؟..
بشاير:لا تمثلين علي...المهم إني عرفت السالفه...
شذى اللي اعترفت:من وين عرفتي؟؟؟...
بشاير:من مصادري الخاصه..
شذى:بشورة يله قولي لي من وين عرفتي وخل عنك حركات المسلسلات...
بشاير:بشورة هاه...طيب باقولك يا شيخه لأني إذا ما قلت لك راح تلصقين فيني لصقه مهوب طيبيعيه...
شذى بضيق:ياربيييه بشاير...
بشاير تبي تقهرها:صح ما قلتي وشلون إنتي عايشه وإنتي إنسان لصقوي...يعني بالعربي عندك تلصقين يعني إذا نشبت بالواحد ما عاد تفكينه إلين يقول الموت يارب أرحم...
شذى:ياليل ما أطولك...
بشاير:طيب وش شعورك لحظة ماعرفتي إنك إنسانه لصقه...أكيد إنتي وجه لشركة باتيكس...
شذى:تدرين لا تقولين لي...
بشاير تضحك:هههههههههه خلاص بأقولك...نوف قالت لي...
شذى اللي انصدمت شكل السالفه منتشره عند العايله كلها:نوف وش يدري نوف؟؟..
بشاير:سمعت أمها تقولها لناصر عقب ما رجعوا ذيك الليله من عندنا بصراحه هذاك اليوم استغربت لمن طلعت فجأة بس بعدين عرفت وعذرتك...
شذى وهي حاطه يدها على خدها:هلا هلا...ناصر زوج فاطمه بعد عرف..من باقي ما عرف...
بشاير:وأنا انتظرك يا الخايسه متى تقولين لي....
شذى بحزن:وش تبيني أقولك...
بشاير وهي تواسيها:ما عليك منهم والله كذابين...
شذى وهي تناظر سلمى:بعد ماشفت سلمى ما أتوقع إنهم كذابين...
بشاير:ماعليك منهم هالثنائي المدهش...والله كذابين وتركي خطبك إنتي أول وحده...وبعدين بأقولك معلومه يمكن تركي ماقالها لك ترى اهلي حاولوا إنه يخطب جواهر بنت خالي بس رفض مايبيها وحاولوا إنه ياخذ سلمى بس قال إنه غض البصر عنها...
شذى:يعني كان حاط عينه عليها...
بشاير بتهور:هو كان ميت عليها(بعدها استوعبت)هو ماكان ميت يعني ميت لااا..يعني كان يشوفها حبيبه..
شذى:لا عادي إنه كان يحبها...انا حاسه بكذا...
بشاير باعتها:تبين الصدق...هو كان يحبها موت بالثانوي وبكى عليها بعد تخيلي توه مخلص الثانوي يقول اخطبوها لي ألحين انا صرت رجال وعمري 18ههههههههههه والله عبيط تركي.. بس لمن كبر وقال إنه يبي يتزوج على طول قالوا له سلمى...قال ما أبي سلمى...حاولوا معه يمين يسار فوق تحت أبد مافيه فايده..ودورا له من جميع بنات العوائل اللي نعرفهم...بس مالقوا له أحد..وعاد بعدها بفتره جاتنا عبير بالبشرى إنه لقت البنت اللي تصلح لتركي..وقعدت تمدح فيها وإنها طالبه عندها بالقسم محد مثلها متميزه وعليها هاله إعلاميه من بنات الكليه اللي بالشرقيه والبنت هذي ذوق وتيك أوي يوم قالت كذا قال تركي أبد هذي هي حصلناها...ولك ياعبورة الحلاوة...وفي الأخير كانت البنت إنتي بحضرة جنابك اللي كلنا متشوقين نعرفك...
سكتت شذى وابتسمت...
بشاير:أقول لا تكبرين راسك علينا...
شذى:وش تبيني أسوي مثلا..أرقص؟؟؟...
بشاير:يعني إنتي ماعندك حل وسط إذا أحد مدحك يا تبتسمين بس ولا تقومين مره وحده ترقصين؟؟؟...
شذى تتتطنز:شفتي شلون ماعندي حل وسط....
.
.
بعد العشاء عند الرجال...
تركي:وين ياعبدالكريم ..ما أمداك ترد نفسك...
عبدالكريم:تعرف وراي دوام...
متعب يمزح:السفاره من عقبك ياولد عمي صكرت...
الكل ضحك...
عبدالكريم يجاريه:شفت كيف..لازم أرجع وافتحها تعرف المصالح المشتركه والعلاقات بين البلدين أساسها السفارات...
فارس:أقول يا خالي يمدي أروح أدرس عندك هناك...
عبدالكريم:وأنتوا شفتات إنشالله واحد يسلم والثاني يستلم عندي تدرسون...
ابوفارس:لا تكون الجامعات هناك إنشالله لك ياولد عمي؟؟...
عبدالكريم يضحك:ههههههههههه كان زين إنها لي...
فارس يضحك:لا تخاف مارح أدرس عندك..بأدرس هنا بالرياض..
عبدالكريم:أحسن لك يا فارس عند أهلك...
أبوعبدالكريم:كان زين إنك أنت تفهم بنفسك وتقعد...
ناصر:ما عليكم منه عبدالكريم..هذا الرجال المستقبل قدامه في السياسه واعد..
نايف: أنا اؤيد كلام أخوي ناصر..مستقبله واعد في السياسه مشالله
عبدالكريم:سمعت يابو عبدالكريم...ولدك سياسي كبير بإذن الله وراح يكون سفير لبلاده إنشالله..بس اصبروا علي كم سنه...
متعب: قصدك كم عقد هاه؟؟؟...
عبدالكريم:مارح أرد عليك...ردي راح يكون لمن أصير سفير بإذن الله...
ابوفارس:احلم يا عبدالكريم ترى الأحلام ببلاش...
ابو بندر:أقول يا عيالي لا تكسرون مجاديف ولد عمكم..خلوه يسعى في طموحه والله يوفقه إنشالله..
تركي:ههههههه ماعليك منهم ياعبدالكريم..هم كذا حتى علي انا...
عبدالكريم:ليش؟؟؟...
تركي:لأننا طلعنا خارج نطاق تغطيتهم...
عبدالكريم:إيه والله صدقت ياتركي..(يكلم اهله بالمجلس)ياجماعه أنا وتركي مانبي تجارتكم صح ياتركي؟؟...
هز راسه تركي بالإيجاب وهو يبتسم..
عبدالكريم يكمل:والله عاد أنا أحب السياسه وتركي يحب العسكريه.. وكلنا في خدمة الوطن...
فواز:أموووووووووووت انا على الوطنييين...
.
.
حصه:والله إنك يا سلمى احلويتي مشالله عليك...
سلمى:عيونك الحلوة ياعمه...
ام بندر:والله أخيرا رجعتي ياسلمى ماني مصدقه...
فاطمه:إلا صدقي يمه...والله لك يا سلمى يا خايسه وحشه...
سلمى بغرور:انا خايسه حرااااااااام عليك يابنت عمي...
عايشه تناظر شذى:إذا سلمى خايسه أجل ثلاث أرباع البنات شيون..
فاطمه:إيش ثلاث أرباعهم..إلا كلهم شيون...امزح ياسلمى...
سلمى تبتسم:أوكيـــــه بس لا تعيدنها...
سلمى تناظر شذى:إنتي مرة تركي؟؟؟...
شذى تناظرها:إيه....(بعد تردد)هلا فيك سلمى...
سلمى تقزها وترفع حاجب:شخبارك شذى؟؟...
شذى:تمام...ومبروك على الدكتوراة...
سلمى:الله يبارك فيك...فرصه سعيده إني شفتك...
نوف اللي رجعت على طبيعتها بعد العشا:عاد لو قعدتي مع شذى راح تحبينها موت..
ناظرت فاطمه ببنتها نظرة تهديد يعني اسكتي...
سلمى تكلم شذى:إنشالله...اتوقع بينها صداقه حلوة...
شذى اللي حبت نوف زياده وناظرت سلمى:إنشالله..
بشاير تناظر فاطمه...وعايشه تناظر سلمى أختها....ولا أحد يعرف الغيب اللي يحمل كثير من المفاجآت...والمفاجعات؟!..***
[IMG][/IMG]

 

 

[Om Elias]

أنا متابعه
كملي
يعطيش العافيه

تحياتي:
Om Elias

 

 

[عاشقة الحوراء زينب]

ام إلياس حياش الله يالغاليه

[IMG][/IMG]

أبو محمد قاعد مع ولده محمد بالصباح الساعه ثمان...
محمد:يباه لا تجبره على شي ما يبيه...
أبومحمد:أخوك مرجوج..وما يعرف وين مصلحته..
محمد:بس يباه الزواج عشرة عمر...هذي بيكمل باقي مشوار حياته معها...
أبومحمد:خل عنك الكلام الفاضي ذا..وقم قول لأخوك يا يمشي معنا هذا الخميس نخطبها..ولا أنا وإنت نروح نخطبها له...
محمد:يعني هو غصب الزواج يباه؟؟..
أبومحمد بعصبيه:إيه غصب..ولا وين بيلقى مثل منال أدب وأخلاق وقرابه...
محمد:مهوب لازم القرابه..النفس وماتهوى يباه..
أبومحمد:اسمعني زين...الواحد مارح يلقى مثل بنت جماعته وأهله..
محمد بسخريه:مادام هذى حكيك يباه..ليه زوجت شذى ناس ماعرفناهم إلا يوم جو يخطبون...
أبو محمد بغضب:اهل زوج اختك ناس لهم مكانتهم بارياض وما عليهم كلام...ولمن جونا بصراحه ماقدرت أردهم...
توتر الجو عقبها وساد الصمت بينهم...اللي أنقذ الموقف هو دخول سعود عليهم...
سعود:هاي...
أبومحمد بضجر:وعليكم السلام...
سعود وهو يقعد جنب أخوه محمد يقول بإحراج:السلام عليكم ورحمة الله...
أبو محمد ومحمد:وعليكم السلام ورحمة الله وبركاته...
سعود بابتسامه:وش عندكم على هالإجتماع المغلق؟؟؟..
محمد يناظره:أي مغلق... قاعد أسولف مع الوالد...
سعود:طيب ليه سكتوا لمن دخلت؟؟؟..
محمد:ما سكتنا...
سعود:طيب إيش كنتو تسولفون فيه؟؟..
محمد بضيق:اللهم طولك يا روح...إيش عندك اليوم أسألتك كثيره؟؟..
سعود بابتسامه:لا أبد...بس الفضول زايد اليوم عندي حبتين...
أبو محمد اللي دخل في الموضوع :اقول يا سعود جهز عمرك بنخطبلك منال هالخميس...
سعود منصدم ويناظر بمحمد أخوه يعني أنقذني...
محمد يتدخل:يابو محمد الله يهداك وش كنا تو نقول؟؟؟..
أبو محمد:خل عنك كثر الهرج اللي مامنه فايده....
سعود بضيق:أي هرج يباه...بالعربي الفصيح منال ما أبيها...
أبو محمد:بالعربي ولا غيره...ياتخذها يا سعود ولا بتندم....
محمد:أي يندم يباه؟؟..سعود رجال فاهم..خله على راحته...
أبومحمد بغضب:وإنت إنشالله في كل زواج من زواجات أخوانك تقعد ناشب لي..وترفض وتوافق على كيفك..
محمد سكت يحاول يمسك أعصابه..خاصه في زواج شذى قاطعه أبوه شهور..ومايبي الموقف نفسه يتكرر...
سعود لمن شاف الجو صاير متوتر كذا حب يلطف الجو شوي...
سعود:أقول يابو محمد..مادريت إنهم ألحين بالصحه يحذرون من زواج الأقارب...
أبو محمد ساكت يبي يعرف آخر كلام سعود...
سعود بابتسامه لمن شاف أبوه ساكت:عاد إنت ما سألتني ليــه؟؟..
محمد بابتسامه:ليــش؟؟...
سعود:لأن زواج الأقارب يجيب الأمراض...عشان كذا أنا خايف على عيالي مستقبلا فمارح أتزوج منال..
أبومحمد:بتاخذها ورجولك فوق رقبتك....
وقام أبو محمد وطلع...
لف سعود على محمد وقاله بإستغاثه:الفزعه يا محمد...
محمد وهو يطق الصدر:خلها علي إنت وما عليك....
سعود بابتسامه:أنا أشهد إنك قدها...خشمك..

***

سلمى:وين فارس ماشفته؟؟؟..
عايشه:ما جا سلم عليك يوم العزيمه؟؟...
سلمى:لأ...الخايس شكله ما اشتاق لخالته...يا حبي لفواز جاني بالمطار وسلم علي...مو أخوه فارس...
عايشه:ما عليك منه بأخليه يجي يسلم عليك..
سلمى هي تعقد حواجبها:لأ لا تخلينه يجي..خليه هو يجي بحاله..
عايشه تفشلت من ولدها:تعرفين يمكن مشغول بدراسته..
سلمى باقي معقده حواجبها:ليه هو إيش دخل؟؟..
عايشه:دخل هنا جامعة الملك سعود...
سلمى:أقصد أي تخصص؟؟...
عايشه:دخل هندسه...
سلمى:أشك في إن ولدك بيفلح بدراسته...ولا كان قلت لك خليه يروح جامعة جورج تاون بأميركا..
عايشه:هو كان يبي الجامعه الأميركيه...
سلمى:اللي بالإمارات؟؟؟..
عايشه:لأ...اللي ببيروت..
سلمى:ولدك إذا بيروح بيروت بيصيع...عاده خفيف..
عايشه تغير السالفه:حدك على بكري فارس...المهم وش رايك بمرة تركي؟؟...
سلمى تتذكر شكل شذى وتتكلم بغرور:حليوه...مشي حالها..بس باقي صغيره..غريبه تركي ياخذ له بزر...توقعت تركي أكبر من كذا...
عايشه:ماهيب بزر شذى...إلا عقربه...بس مدري وش محبب ولد عمك فيها...
سلمى اللي حب تركي قد تلاشى من قلبها..حست بالغيره من شذى إن اللي كان يموت فيها تركها وحب له ثانيه غيرها....
سلمى تناظر عايشه:تركي عجيب...(ابتسمت)حتى في زواجه بس تبين الصدق زوجته حلوة والله ماهيب حليوه خاصه غمازتها.. قهر ماعندي أنا غمازة...
عايشه:أنا قد قلت لك..هذي كانت تدرس عند خالته عبير..بالشرقيه.
سلمى:ذوق عبير هاه...والله عبير هذي داهيه..بس شذى هاذي ناعمه الحيل ومشالله جسمها مررررره حلو...
عايشه انقهرت من شذى ماتبي حد يمدحها:والله إنك أحلى منها بواجد..
سلمى:ههههههههه أصلا مافيه أحد أحلى مني...
عايشه:بغيت أقولك..فاطمه والله أكثر وحده فرحت برجعتك...
سلمى تبتسم بغرور:آه يافاطمه بس لوتعرفين وش كبر معزتها بقلبي

***

فتحت شذى جوالها وقعدت تقرى المسجات اللي بجوالها من الزهق
وقرت كم مسج لريم..خطر على بالها إنها تدق عليها..خاصه إن لها أسبوع ماكلمتها..
شذى:هلا ريما؟؟...
ريم بفرح:هلا والله بشذى أخبارك؟؟..
شذى:تمام..وإنت وش مسويه؟؟..
ريم:الحمدلله...
وقعدوا يسولفون شوي إلين وصلوا لسلمى...
شذى بقهر:شفت سلمى يا ريم شفتها...
ريم بشغف:هاه وش شفتي؟؟؟..قولي لي بسرعه...
شذى:تهبل يا ريم...تجنن...وش أقولك عن العود الريان...ولا عيونها عيون المها...أو شعرها البني بلون الشوكلت...ولا الملامح اللي تقولين لوحه لأفضل الفنانين....
ريم:واااااااو وش ذا؟؟...ملاك ماهيب إنسان....
شذى:اسكتي بس...تخيلي مو معور قلبي إلا عيونها نفس عيون تركي بالضبط...ياجعلها المرض...
ريم تواسي خويتها:ما عليك منها خليك واثقه من نفسك...
شذى:أنا واثقه من عمري..بس من جد أول ماشفتها ماقدرت أشيل عيني من عليها...جذابه يا جعلها القراده...
ريم تخفف عليها:ما عليك إسفهيها...مشالله عليك وش ناقصك إنتي ...حلوة وتهبلين...
شذى:ماعلينا...تدرين إن أخوي سعود بيخطب...
ريم:لاااااااا...مبروك...
شذى:بس ما سألتي من سعيدة الحظ....
ريم بفضول:مين...والله هنيالها في سعود..لولا عزوز ولا كان أنا خطبته لعمري...
شذى:هههههه يا الخايسه جد ماتستحين...أبوي بيخطبها بنت عمي منال...
ريم بصراخ:مناااااال...هذيك الخايسه..والله ماتستاهل...
شذى:شفتي شلون...حتى هو ياقلبي مايبيها بس أبوي بيجبره عليها..
ريم:والحل؟؟؟..
شذى:ما ادري بس كلمني...وقال لي يبيني ادور له حل...كلمت أمي بعدها وقالت لي ماباليد حيله...خلاص مادام أبومحمد حط براسه شي لازم يسويه...
ريم:يعني خلاص ما قدامه إلا ياخذها؟؟؟...
شذى:لا أنا عاد قلت ندور لها بديله..يعني ندور وحده لسعود ونحاول نقنع أبوي فيها...
ريم تضحك:ههههههه إن كيدهن عظيم...
شذى:إيه والله كاسر خاطري أخوي...
ريم:طيب مين هي البديـــله؟؟؟...
شذى بتفكير:ما أدري...من جد ما أدري....

***

يتبــــــــــــــــــــــــــــــــع’’’’

[IMG][/IMG]

 

 

[Om Elias]

أم إلياس

تابعي

 

 

[عاشقة الحوراء زينب]

حبيبتي أم الياس الله لايحرمني من طلتك الحلوه

[IMG][/IMG]

في بيت فاطمه...
فاطمه بفرح:ياربي شصاير في الدنيا اليوم...تركي جاي يزورني بدون دعوه ولا عزيمه...
تركي وهو يقعد:لا وش دعوه...إنتي العزيزه والغاليه...
فاطمه وهي تقعد قباله:من زمااان عنك...اخبارك؟؟...
تركي يبتسم لها:طيب...إيش اخبارك إنتي؟؟..
فاطمه:الحمدالله بخير...
تركي:وين عفاريتك...اقصد عيالك...
فاطمه تضحك:ههههههه حسبي الله على إبليسك..فوق ألحين بينزلون..
تركي:تبين الصدق يا فاطمه عيالك عفاريت مجانين...مايدخلون مكان إلا يقضون عليه..
فاطمه:تركي عاد لا تغلط عليهم هذول عيوني الثنتين...
إلا يدخلون عيالها الثنين ريان وزياد...
تركي:هلا والله بعيال أختي...
ولمن شافوا ريان(5 سنين) وزياد(7سنين) عيال فاطمه خالهم تركي إلا راحوا يركضون له ونطوا عليه...
فاطمه:شوي شوي على خالكم...عز الله كسرتوا ظهره...
تركي بعد ما سلم عليهم ونزلهم يجلسون جنبه:فاطمه وش تأكليني عيالك..حشى الواحد فيهم عن عشره...
فاطمه:قول مشالله...
تركي يضحك:مشالله لا تخافين على عيالك عفاريت مايصيبهم شي..
ريان يكلم تركي:حالي تذكي بلوح معك...
زياد يبتسم:حتى انا بروح معكم...
تركي:خلاص لمن بروح باخذكم معي...(يكلم فاطمه)ترى باخذ معي هالبراميل المتحركه اوكيه؟؟...
فاطمه ضحكت وهزت راسه بالإيجاب...
وقعدوا يسولفون شوي...إلا تدخل عليهم نوف...
نوف فرحانه:خالي تركي هنا؟؟؟...
تركي يسلم عليها:هلا والله بنوف شيخة البنات كلهم...
نوف:شخبارك خالي؟؟...
تركي:الحمدلله...إنت وش مسويه مع المدارس...
نوف بضجر:زينه...
تركي:يالله عاد جيبي ممتاز هالسنه..
نوف:خير إنشالله....ليه وين شذى ليش ماجات معك؟؟؟..
فاطمه حقرت نوف على سؤالها...انتبه تركي لها انحرجت فاطمه...
تركي يناظر فاطمه:ليه فاطمه ماتبينها تجي؟؟؟....
فاطمه ماردت....
تركي يكلم نوف:لا أنا مريت من عند بيتكم وقلت خلي أنزل اشوفكم ...
تركي يناظر فاطمه :بس إذا فاطمه بتعزمني انا وشذى بتجي مارح تقول لأ....
فاطمه:انشالله....يستاهل أخوي عزيمه...
تركي يفتح الحوار على مصراعيه:فاطمه...وش بينك وبين شذى عشان تكرهينها...
فاطمه تنكر وتعقد حواجبها:أنا أكرهها؟؟..ليه وش بيني وبينها..
تركي:هذا أنا أسألك...
فاطمه:ليه هي وش قالت لك...
تركي وهويعقد حواجبه:أشياء كثيره..واللي صار ببيت أبوي لمن كان بالمستشفى مع عايشه مرت بندر...
فاطمه باحتقار:مشالله شكلها ما سكتت كل شي قالته...
تركي:انا زوجها...وإذا ما شكت لي من تشكي له...

***

سعود:هلا بهالصوت...
سلطان:هلا فيك...
سعود:أخبارك إيه؟؟؟...
سلطان:هههههههههه وش عندك صاير تحكي مصري؟؟؟..
سعود بضيق:اللي فيني يخليني أحكي سوداني مو مصري...
سلطان:قول ياسعود..طلع اللي بخاطرك...
وحكى سعود لسلطان خويه كل اللي فيه...إن أبوه يبي يجبره يتزوج بنت عمه..وإنه مايبيها...
سلطان:اسمع يا سعود طع شور أبوك...
سعود بعصبيه:سلطان لا تنرفزني إنت الثاني...ما أبيها الإنتحار عندي أهون من إني اقعد معها يوم واحد...
سلطان:ماتدري سبحان الله...ماتجي المحبه إلا بعد عداوة...
سعود:هاذي عندي هي والشيطان واحد...العداوة والبغضاء أبدا...
سلطان ضحك:ههههههههه يا حليلك ياسعود...
سعود يقلده:ياحليلك يا سعود...أصغر عيالك أنا...
قعدوا يسولفون شوي...وبعدها صكر سعود من سلطان كان إخوتهم قويه ببعض..وكل مالها ماتقوى...
فكر سلطان بسعود لمن جاهم الشرقيه مره من زمان..وشكى له عن همومه اللي فيه...كيف إنه ترك دراسته وهي ماباقي إلا سنه..ورجع للسعوديه لأهله...لأنهم كانوا بحاجه له...ماعندهم أحد يصرف عليهم..أبوهم ميت وأمه مع اخته أميره وأخوه الصغير سطام...لمن تركهم ضحك عليهم خاله الظالم الجشع الطماع..وأخذ كل اللي وراهم ودونهم...وبقوا من دون أي عائل..فاضطر إنه يرجع لأن اخوه سطام عمره 8سنين...ومارح يقدر يصرف عليهم..ولمن رجع أضطر إنه يشتغل بشهادته الثانويه...لأنه باقي ماكمل دراسته الجامعيه...في أحد الشركات الخاصه براتب ضئيل بالكاد يكفيهم... وهو أول ماعرف إنه خالهم ظحك عليهم..وغرر فيهم على طول رجع حتى من دون مايقول للطلبه السعوديين أخوياه اللي معه بالبعثه....

***

راح محمد يكلم خالد عشان موضوع سعود...التقى معه ببيت خالد نفسه...خالد حس إن أبوه مارح يقتنع...
محمد:يا خالد اقنعه معنا...
خالد:ياخوي تعرف أبوك راسه يابس مايقتنع...
محمد:بس لمن كلنا عياله الثلاثه نقنعه...صدقني بيقتنع...
خالد:طيب خلو أمي تقنعه...
محمد عصب:من متى أبوي ياخذ راي الوالده..اللي يسمعك يقول توه عايش معنا...مايعرف شي...
خالد:صدقني يا محمد...إن منال مهيب شينه...ليه إنتوا واقفين ضدها المسكينه...
محمد:تقول كذا...لأنها اخت مرتك وما ترضى عليهم...
خالد:أنا أقول كذا لأنها بنت عمي قبل لاتصير أخت مرتي....
محمد:عطني من الآخـــر؟؟؟...
خالد بعد فترة صمت:خلاص بكلمه...مع إني عارف إن كلامي بيروح سدى...
محمد وهو طالع:إنت بس كلمه يابو السدى...ولا تتشائم...

***
فاطمه:تخيلي يا عايشه مايرضى عليها...
عايشه:ساحرته...يا جعلها اللي ماني بقايله...
فاطمه:تصدقين قالي يا فاطمه إذا إنتي تحبيني عامليها زين..وإذا لي معزه بقلبك إحترميها...
عايشه:وإيش قال بعد؟؟؟..
فاطمه:وقعد يقولي إنه طول الفتره الماضيه داري بس ساكت..ولمن شاف إن الوضع مستمر...كلمني...
عايشه:ما أصدق هذا تركي أخوك اللي يحبك...من جد العقربه غيرته عليكم...
***

قعدت تتأمل عيونه...ياربيــه نفس عيونها والله بالضبط...
....:الأخت معجبه؟؟...
استوعبت شذى...
شذى تناظر تركي:لأ...مغرمه...
تركي:هههههههه لك ساعه تناظريني..وش عندك..
شذى هي تحط يدها على خدها:قلت لك مغرمه..عاشقه..هيمانه.. متيمه..
تركي بغرور:طبعا فيني...
شذى:أكيد..إنت حبيبي...يابعد هالدنيا كلها...
تركي:الله عليك تلعبين علي بهالكلام...وأصدق أنا المسيكين...
شذى:والله ما العب إلا أتكلم وأقول الجد...
تركي:طيب بعد ثلاثه أيام ترى عندي مرابط زامات بالشغل...
شذى:وانا أنام بحالي هاه؟؟؟...
تركي بضيق:ألحين يا شذى لي أسبوعين كل ما يجيني أخلي اخوياي بالعمل يغطون علي ترى مايصير كذا...
شذى:يعني وش تبيني أسوي انا...يابن الناس اخاف انام بحالي...
تركي:على قولتك وش اسوي انا..آخذك معي الشغل؟؟..
شذى:ما قلت خذني الشغل معك...بس اخاف انام بالليل بحالي...
تركي:أقول شذى خلي عنك الدلع...عيب صرتي مره كبيره..
شذى:طيب بشاير قالت لي حل...
تركي وهو يتكتف:بشاير بعد عزالله الحل الزين...وشو الحل؟؟؟..
شذى بتردد:تقولي تعالي نامي عندنا...
تركي:حلوة ذي...طيب ليه ماتجي بشاير تنام عندك...
شذى فرحت بالفكره:والله فكره...
تركي:خلاص قولي لها وشوفي بتوافق...
شذى بفرح:أكيد إلا غصب توافق.....

***

عايشه:سلمى وبعدين معك؟؟؟...
سلمى بضيق وهي تقعد على كرسي المكتب اللي بحجرتها:إنتي وش تبين توصلين له؟؟؟...
عايشه:وش سالفة عادل هذا اللي بايعه الدنيا عشانه؟؟؟..
سلمى وهي تناظر عايشه بنظرات حاده:عادل هذا اللي خلصت دراستي مبكر عشانه...عادل هذا اللي بيسوي أي شي عشاني أنا...
عايشه بضجر:سلمى إصحي...شوفي إنتي بنت مين وهو ولد مين..
سلمى:كلنا عيال آدم وحواء...
عايشه:بعينك...سلمى هذا مايصلح لك...
سلمى:ليه ما يصلح لي؟؟؟...
عايشه:سلمى ما إنت مراهقه..عشان أقولك هذا يصلح وهذا مايصلح...
سلمى تحقر إختها:عايشه..مالك دخل فيني..
عايشه:لأ لي دخل...لأن هذا بيلحقنا كلنا..
سلمى:ياشيخه روحي...إنتوا بس يهمكم سمعتكم...الله في السمعه عاد...
عايشه:سلمى مجنونه إنتي تبين تتزوجين واحد مدري وش أصله..
سلمى:جدواي...هو أصله من جده...
عايشه:تبين تقولين لي إنه حجازي؟؟؟..
سلمى تبي تصرفها:إيــه...عليك نور حجازي...
عايشه:تضحكين علي إنتي...هو أصله عروقه أجداده مو من جده...
سلمى بسخريه:أجل من وين يا الفهيمه؟؟؟...
عايشه تجاهلت نبرة السخريه بصوت أختها:أصولهم أتراك..
سلمى:المهم إن جنسيته ألحين سعودي وجوازه سعودي...ومشالله كلامه سعودي...وبعدين هم من كبريات عوائل جده...
عايشه معصبه:انثبري...
سلمى عصبت وقامت :بعينك أنثبر...أجل تبيني أتزوج لي واحد من هالصحراء؟؟؟...ولا تبيني آخذ من أهل الرياض البدو؟؟؟...
وقربت سلمى من أختها عايشه وقالت:أبغى لي واحد..متحضر فاهمني ويحبني...
عايشه:سلمى لا تذبحيني...إحنا قبايل لنا عاداتنا وتقاليدنا...
سلمى سكتت وقعدت تناظر بأختها....

***

ام محمد:هاه وش حصلتي ياشذى؟؟...
شذى:مالقيت...
ام محمد:الله يهداه أبوك إلا ياخذ منال لسعود...
شذى:لأنها بنت أخوه...وعلى باله إنها مثل مها...يازين مها عندها..
ام محمد:المشكله إنها تجي تسلم عليه ويشوف حركاتها...ويعرف حركات مها..والفرق واضح مثل الشمس...
شذى تضحك:ههههه شكل سعود يمه عبى راسك على منال...
ام محمد:لا أبد...وتراني والله أحب منال البنت هذي حبيبه...
شذى:أي حبيبه إلا تتميلح عندك إنتي وأبوي من اول عشان تخطبون لها سعود...
ام محمد:الخير في مايكتبه الله...
وقعدت أم محمد تسولف مع شذى وبعدها صكرت...وبعدين بفتره بسيطه دخل سعود من برى...
سعود:هلا باللي احبه كثر تعذيبه..وكثر مايغيب وكثر ترحابي...
أم محمد:ههههه هلا سعود...
سعود:في إيش سرحان ياجميل؟؟؟...
أم محمد:فيك بخطوبتك بمنال اللي أبوك مصرعليهاوش بتسوي؟؟...
سعود يناظر الجهه الثانيه:ما أقول إلا إن الله يبعد منال عني...
***

ببيت ابو عبدالكريم...
عايشه:بتسافر يا عبدالكريم خلاص؟؟؟...
عبدالكريم:والله ياخويتي وراي شغل...ولا تكلميني إني أتركه لأن هذا الموضوع يجيني غثيان منه من كثر ما تكلمنا فيه...
عايشه بحزن:انا بصراحه جيت أكلمك فيه..شوف امي وأبوي كيف صار حالهم...حرام عليك يا عبدالكريم هم ألحين بحاجه لك..بحاجه لعطفك مثل ما إنت كنت بحاجه لعطفهم يوم كنت طفل..هم ألحين بأرذل العمر..((وبالوالدين إحسانا))...
عبدالكريم سكت...
عايشه وهي تشد يدها على يد أخوها:عبدالكريم..فكر وصدقيني مارح تخسر...
عبدالكريم:عايشه أختي...حبيبتي...إفهميني شغلي من جد ما أقدر اخليه...وأبوي وأمي إنتي وسلمى معهم..وعمي وعياله مارح يقصرون...
عايشه:يعني خلاص بتسافر؟؟؟...
عبدالكريم:بإذن الله...رحلتي اليوم بعد صلاة العشا..

***

[IMG][/IMG]

 

 

[عاشقة الحوراء زينب]

[IMG][/IMG]

الجـــــــــــــزء العاشر


كانت هذي الليله نايمه بشاير في بيت أخوها تركي مع شذى لأن تركي عنده مرابطه بالشغل وبينام بالشغل ومايرجع إلا اليوم الثاني...
شذى:ما بغت امك توافق...
بشاير:بالموت وافقت..بعد حبة الراس والخشوم...
شذى:وناسه والله يابشاير إنك جيتي نمتي معي الليله...
بشاير:عاد هالله هالله في العشا..لا تموتيني جوع ولا ترى أعلم أمي...
شذى:ههههههههه..هالبنت بس همها بطنها...
بشاير:طبعا لازم أهتم في غذائي عشان الجامعه مو مثل بعض الناس ماعندهم دراسه...
شذى:إيــــــه صح وش أمك قالت عشان الجامعه؟؟..
بشاير:قلت لها عادي...بروح مع سواق تركي...وأرجع لها الظهر البيت..
شذى:يعني ما رح ترجعين الظهر هنا؟؟؟...
بشاير بمرح:ليه تبين تركي يطردني...أروح بكرامتي أحسن...
شذى:هيه حدك على تركي عاد...
وقامت بشاير تغير ملابسها ولبست البيجاما حقتها..ورجعوا البنات سهره وسوالف...
بشاير:طيب كيف كنتي عايشه بطفولتك بين ثلاثه أولاد؟؟؟...
شذى تذكر:عادي...أخواني مره كبار...محمد الفرق بيني وبينه يمكن 13 سنه...وخالد كبير بعد...يمكن أقربهم بالسن لي سعود..أكبر مني بخمس سنين...
تذكرت بشاير سعود لمن شافته بالخطوبه كان مره حلو وسيم...
بشاير وحركات البنات:طبعا إنتي أحلى وحده فيهم؟؟؟...
شذى:إيه اكيد...أخوي محمد ملامحه جديه بزياده بس حنون بالحيل.. و أخوي خالد والله مملوح في نظري ويلبس نظارات..أما سعود أحلاهم وأقربهم لقلبي...وأخوي وصديقي إثنين بواحد...
بشاير وصلت للي تبيه:يعني كيف أخوك وصديقك؟؟؟...يعني مره مع بعض...
شذى:إيه مره مع بعض...خاصه هو توه راجع من سنتين من بريطانيا كان يدرس هناك...
بشاير:خطير أخوك...
شذى:هو كان مره فله معي آخذ راحتي معه بكل شي...ودايم يطلعني ويمشيني..بس عليه حركات تقهرني...طبعا مثل أي شاب سعودي تعرفين الكروسومات الذكريه..والهرمونات الرجوليه عندهم مرتفعه..يعني الغيره اللي ترف الظغط وبزياده..عن أخواني...
بشاير باستغراب:غريبه مع إنه دارس برى...
شذى تضحك:هههههههه هذا السعود توليفته غريبه عجيبه...بس كاسر خاطري...
بشاير انتبهت:ليـــه؟؟؟..
حكت لها شذى عن إن ابوه يبي يجبره على بنت عمه..وهو مايبيها..
بشاير:طيب ليه مايبيها؟؟؟...
شذى:لأنه مايحبها...وشوي جريئه بزياده...
بشاير:أها...يا حرام طيب وشو الحل...
شذى:أنا قلت ندور له وحده تناسبه ونحاول نقنع أبوي فيها..ونشيل منال من راسه...
بشاير:كيف؟؟؟...
شذى:يعني لازم ندور البديل عشان يقتنع أبوي..لأنه لمن نرفض من دون بديله لمنال أبوي بيغصب سعود...
بشاير:حلو الحل...زين من هي البديله؟؟؟...
شذى هزت كتوفها بالنفي وعدم العلم..
بشاير:الصراحه كان خاطري أشوف أقاربك...بس شكل مالي حظ...
تذكرت شذى إن عندها البوم صور لها قبل زواجها كانت ماخذته معها لفرنسا وعقب مارجعوا للرياض...
شذى قامت وراحت تجيبه...
بشاير:إنتي هيه وين رايحه؟؟؟...
شذى:دقيقه وراجعه....
وبعد مرور بعض الوقت نزلت شذى ومعها ألبوم الصور...أخذته وحطته بين يدين بشاير وجلست جنبها...
بشاير تناظر الألبوم:وش ذا؟؟؟...
شذى تبتسم لها:ألبوم صور لي أنا وأهلي..كان معي...
ابتسمت بشاير لشذى وبدت تقلب الصور...كان الألبوم كبير وبكل صفحه ثلاث صور..بدت تبتسم كانت صور لشذى حلوة وبعضها تضحك..وبعضها معبره..صور لها من الطفوله..
بشاير:يووووه يا شذى يوم كنت صغيره كنت خايسه...
ضربت شذى على كتفها بخفه وقالت:انثبري يا الخايسه والله إني أهبل...
بشاير تضحك:هههههههههه أمزح معك..
قعدت تناظر بالصور..ناظرت بصورة شدت إنتباهها كانت صورة بين إنها لشذى..كان شكلها في المتوسط وشعرها كان إلى كتوفها ومعها واحد شاب واقف معها..وحاط يده على كتفها ويبتسم كان مره روعه شكله..
بشاير وهي تأشر على الصورة:هذي إنتي؟؟..
شذى تبتسم:إيـــه هذي أنا كنت بثاني متوسط ومعي أخوي سعود..مصورين بالعيد..
بشاير:هذا أخوك سعود...تصدقين إنه يشبهك..
شذى:ما أدري ما أشوف بيني وبينه شبه...بس صح ناس يقولون كذا...
وقعدت بشاير تقلب بالصور كانت مره حلوه..بعض الصور لها بحالها وبعضها مشتركه..وبعضها الثاني صور لأقاربها بروحهم...شدتها صوره جماعيه لبنات كثير..قعدت تحوس تدور شذى بينهم لأن البنات كانو مره كثير...
بشاير تناظر شذى اللي كانت تناظر التلفزيون:شذى مين هذول؟؟؟..
شذى قعدت تتأمل الصورة وقالت:هذول الله يسلمك أنا وبنات أعمامي..
بشاير بدون شعور:وين اللي يبيها أبوك لسعود؟؟..
ناظرت شذى لبشاير بإستغراب وقالت بعد أن مالت تعابير وجهها للإبتسام
شذى:مين تتوقعينها؟؟...
بشاير تناظر البنات اللي موجودين بالصورة..قعدت تدور وحده شوي مميزة
بشاي وهي تأشر على بنت بالصورة كانت جالسه جنب شذى:هذي هي؟؟...
شذى بابتسامه:لأ..هذي هديل بنت عمي...
بشاير:أجل وين هي...
شذى وهي تأشر على وحده كانت واقفه بوسط الصوره وحاطه يدا على خصرها..
بشاير وهي تحط يدها على فمها:هذي هي وععععععععععععع....
شذى بنظرات مزح:وشو وععععععع ترى هذي بنت عمي...
بشاير وهي تدقق فيها:والله خايسه أخوك مملوح حرام يدفن شبابه مع ذي...
شذى:حرام عليك والله منال مو شينه لهالدرجه...بس إحنا مانبيها لأنها جريئه حبتين زياده عن اللزوم...
بشاير بتقزز:طالعي كيف هي متينه..شوفي هي شلون واثقه بنفسها الحمدلله والشكر على إيش؟..
شذى تناظر بمنال:هي بس مخربها إنها متينه..
بشاير:إلا كلها على بعضها شينه...
شذى:طيب شفتي باقي الألبوم؟؟؟...
بشاير رجعت تفر الألبوم:لأ هذا انا باقي اتفرج عليه...
قلبت الصور...شافت صورة طفله قاعده تضحك عمرها سبع سنين وثناياها طايحه...
بشاير:من ذي؟؟...
شذى:هذي أنا...
بشاير ماتت ضحك:هههههههه شكلك يضحك وإنتي ضروسك طايحه وشعرك كشه...
شذى:بالعكس طالعه اهبل(وقعدت تفر الألبوم)أقول بشاير ناظري الصور تراها حلوه...
بشاير تضحك:هههههه حلوه الترقيعه..إلا بالله وش قال تركي لمن شافها؟؟..
قعدت شذى تتذكر شكل تركي...
شذى تبتسم:كريه يقولي لمن شاف الصورة...إن وجهي كوكب رعب.. أخرع..خاصه كشتي يقول كأنها عش عصافير ولا فمي اللي ماخذ ثلاثة أرباع الصورة...يقول إذا بتجيبين بناتي كذا ما أبيهم...لأنهم بيطلعون بشعات...
ولمن خلصت كلامها شافت بشاير ميته ضحك...
شذى:ممكن أعرف وش اللي يضحكك آنسه بشاير...
بشاير:هههههههه ولا شي...
وقعت تناظر بالصور شافت صورة توها جديده شكلها..عرفت إنها لسعود..
قعدت تتاملها كان وسيم خاصه غمازته اليتيمه مثل أخته شذى ولونه الأبيض..ونظرات عيونه اللي تلمس الجنون فيها...
اللي بنفس الوقت كانت شذى تناظر بشاير..تناظر الأنوثه والبرأه..تناظر عيونها اللي تشع سعاده وألفه..كانت تشوفها قريبه للقلب..مع لمسات حنان فياضه..
شذى بابتسامة نصر:خلاص لقيتها...
بشاير انتبهت لها بعد كانت مبحره في خيالها مع سعود:وشو؟؟...
شذى وهي تناظرها:لا...ولا شي..

***

باليوم الثاني كانت سلمى قاعده مع أبوها بالصاله يقهوون...
سلمى:وش فيك يباه ماقمت تاكل؟؟...
أبو عبدالكريم:مين قال إني ما آكل؟؟...آكل والحمدلله..
سلمى:طيب ليه كذا نحفت يباه...ترى أبد حالك مو عاجبني...
ابوعبدالكريم:إنك ما تدرين كيف كنت أتعذب وإنتوا بعاد عني...
سلمى بعد ما اشفقت على أبوها:بسم الله عليك يباه...هذا أنا رجعت..وعايشه كل يوم والثاني عايشه تجي تزورنا..إنت بس طمن بالك..
أبوعبدالكريم:وعبدالكريم يا سلمى متى يرجع؟؟؟؟...
سلمى:تعرف عبدالكريم شغله بالسفارة مايقدر يخليه...
أبوعبدالكريم: آه من عبدالكريم..انتظره متى يكبر...ولمن كبر راح وخلاني...
سلمى تحاول تخفف على أبوها:ليه يابو عبدالكريم..إحنا انا وعايشه وين رحنا؟؟...
ابو عبدالكريم:إنتوا عيوني الثنتين...بس عبدالكريم...
سلمى:خلاص يباه الله يهداك خلوه يحقق اللي يبيه...وصدقني اللي يسويه يرفع راسنا كلنا...وبعدين مشالله عيال عمي وعمي كلهم حواليك...
أبوعبدالكريم:الحمدلله إنهم حولي...ولا كان مت من زمان..
سلمى:بسم الله عليك يباه...
أبوعبدالكريم:تصدقين يا سلمى وش أكثر شي متحسر عليه...
سلمى بفضول:وشو يباه؟؟؟...
أبو عبدالكريم:إنك ما أخذتي تركي..والله قهر إنه راح منك ومنا...
سلمى تحاول تغير الموضوع:خلاص يباه هو تزوج...
أبو عبدالكريم:إيه مو هذا اللي قاهرني...ياليتك أخذتيه..
سلمى:وشلون آخذه وهو ما خطبني ولا طلبني للزواج...
ابو عبدالكريم:بس نفسي أعرف وش اللي ما خلاه يخطبك..بنت عمه..و مشالله جمال وعلم...
سلمى بضيق وغرور:يباه كيف تتمناني لواحد ماخطبني ولا حتى فكر فيني؟؟؟...
ابو عبدالكريم:لأنه مشالله رجل والنعم فيه...والله الكل يذكره بالخير... وانا أشوفه من أحسن شباب هالوقت...
سلمى:يباه أحس كذا إنك تقلل من قيمتي وتعرضني عليه لأني لو أموت ما أخذته...
ابو عبدالكريم:لو خطبك تركي...والله لأزوجك له..لأنه مو ناقصه شي.. وإنتي ما إنتي صغيره...والبنت كل ماكبروا قلوا خطابها يا بنيتي...
سلمى بضيق:والله تركي غيره ألف واحد...أحسن منه بألف مره...
ابو عبدالكريم بعصبيه:والله تركي إنه رجال ولا مية رجال... ولا إنتي وين يحصلك لو يجيك...
سلمى بعصبيه وهي قايمه:والله هو وين يحصله مثلي... المفروض يحب يده مقلوبه لو افكر بس أفكر إني اناظر فيه بس....
ابو عبدالكريم بعصبيه:عيب يا بنت...هذا ولدك عمك...

***
[IMG][/IMG]

 

 

[يدي عصاتي]

يـــــــــــــــــــــــــــتـــــــــــــــــــــ ــــــــبـــــــــــــــــــــــــــــــــــــــع

بليز كملي تراني متحمس حييييييييييييييييييييل

انا في انتظارك

اخوك يدي عصاتي

 

 

[عاشقة الحوراء زينب]

[IMG][/IMG]

سعود بضيق: ياليـــــل ما أطولك..شذى تكلمي...
شذى بدلع:أول شي الحلاوة...
سعود:أقول لا تتدلعين علي..ترى تحومين كبدي بدلعك...
شذى انقهرت:احوم الكبد بعينك...ماني بقايله...
سعود ضحك:ههههههه بصراحه أنا للحين ماني مصدق إنك تزوجتي يا الخايسه...
شذى:ليه؟...وحشتك...
سعود يضحك بس يحاول يتكلم بجديه:ههه بس لأنك قبيحه...وما توقعت رجل بكامل قواه العقليه ياخذك...أنا قلت بياخذك واحد أعمى أو خبل... ..بس على الأقل عمرك واصل لخمسه وثلاثين...
شذى بعصبيه:لو سمحت إنت تتكلم عني أنا؟؟؟...
سعود يضحك:ههههههه جدتي مثلا...أكيد إنتي...
طووووووووط...طووووووط...
قعد سعود يناظر التلفون...الخايسه سكرت السماعه بوجهي اللي ماتستحي..
رجع سعود دق عليها...
سعود مسوي نفسه معصب: ماتستحين إنتي...عيب تسكرين السماعه بوجهي وأنا أخوك الكبير...والله لو أنا جنبك كان بهالعقال على ظهرك رسمت عليه خطوط الطول ودوائر العرض...
شذى تكتم ضحكتها:نعم آمر بغيت شي؟؟؟...
سعود:ليه انا داق على مطعم؟؟؟؟....
ضحكت شذى:هههههههه سعوووووووود...
سعود:هاه...
شذى:الحين لو نادتك مقرودة الحظ اللي بتتزوجك بتقولها[ هاه ]؟؟...
سعود:والله على حسب من تكون؟؟؟...
شذى:تتوقع مين؟؟؟...
سعود:ما أدري...
شذى:طيب توقع...
سعود بضيق:قولي أنا ما أعرف أتوقع...
شذى:توقع يابن الناس...
سعود:أنا غبي متنح...ماعندي ماعند جدتي...إنتي قولي...
شذى:الصراحه وش رايك ببشاير؟؟؟...
سعود باستغراب:من بشاير؟؟؟...
شذى:أخت تركي زوجي...
سعود:أخت تركي؟؟.... ما أدري احس إنها ماتصلح لي...
شذى باستغراب مع ضيق:ليه ماتصلح لك؟؟؟...
سعود:اممممم ما ادري...يمكن الفارق المادي والإجتماعي بيني وبينها...
شذى:هذا أنا أخذت تركي أخوها عادي بدون فروق...
سعود بجديه:شذى..معروف الحرمه غير لأنها تتبع رجلها..عكس الرجل...
شذى:لا يا سعود هذاك أول...إنت مو ناقصك شي عشان ما تاخذها ولد قبايل وأصل وفصل..ومتعلم وأخلاق...ومملوح...
سعود:بس أنا من قبيله غير قبيلتها...
شذى:وكل قبيله والنعم فيها... وصدقني لو ما يبونا ما أخذني تركي...
سعود:من جد شذى فاجأتيني لمن قلتي إنها بنت أبوبندر...
شذى تهمس له:إنت لو تشوفها يا سعود....
سعود بخبث:ليه هي حلوة؟؟؟...
شذى تضحك:ههههه تخيل أسوي فيك مقلب وأخليك تاخذها وهي قبيحه قصيره سودا خايسه جريئه ماتستحي...
سعود بخوف:أنا عندي كل هالمواصفات بكوم وإنها ماتستحي بكوم ثاني... لأني بجد أبي بنت أهم شي تستحي..مو مهم تكون حلوه..بس ماهي شينه... وبعدين أعرفك يا شذوه صدق فيك نذاله بس مو لهالدرجه...
شذى:لأني غبيه وعلى نياتي...بس أمزح بشاير والله حلوة قمر مشالله...
سعود:وش كبرها؟؟؟...
شذى:أصغر مني بسنه...
سعود:صغيره مره ياشذى...
شذى:صغيره بعينك...عادي هذا أنا خذيت تركي والفرق بيني وبينه ثمان سنين...وعادي مع إن الفرق بينك وبينها أقل من كذا...
سعود بتفكير:اوكيه خليني أفكر...وأستشير اهلي...
شذى بضيق:سعود المسأله مايبي لها تفكير... قول ابيها ولا لأ...
سعود بجديه:شذى يا الخبله...هذا زواج مو لعب..
شذى:أدري..بس مو إنت العروس تقعد تفكر جاوب وقولي ألحين...
سعود:يله باي...ومشكورة وماقصرت ويا عسى عمرك طويل.....ومره وحده مع السلامه....

***

......:وأنا اقول اليوم الشمس أشرقت من وين؟؟؟...
فاطمه تضحك:ههههههه من الشرق شرقت...ليه؟؟...
تركي وهو يقعد جنبها:لا بس فاطمه عندي بالبيت ماني مصدق...
فاطمه:لا إيش دعوه...لازم أخوي الصغير أروح أزروه ببيته...
تركي وهو يناظر حواليها: وين البراميل المتحركه ماجبتيها؟؟؟....
ضحكت شذى اللي كانت توها جالسه...اما فاطمه عصبت ماكانت ودها تضحك شذى على عيالها...
فاطمه تحاول تتصنع الإبتسامه:في البيت ما جبيتهم...
تركي:قهر ياليتك جبتيهم...إنتي حلاتك فيهم...
فاطمه:يعني ما أنفع بحالي؟؟؟...
تركي بتفكير مصطنع:امممم هو إنتي تصلحين بس مو مره...
فاطمه:لا كذا حلو...خفت تقول ما أصلح وتقطني مع الدريشه...
تركي:لا عيب كذا اختي الكبيره لازم أحطك فوق راسي...
شذى ماحبت تكون مجرد ديكور قاعده مالها صوت... وحبت تصفي فاطمه من ناحيتها..وتكسبها معها...
شذى:ليه ما جات نوف معك؟؟؟...
فاطمه:عندها مدرسه...وتعرفين نص الأسبوع ما تقدر تجي...
تركي:تطور صايره نوف ماتطلع عشان المدرسه...خبري فيها دجه ماتحب تقعد بالبيت...
ابتسمت شذى وقالت:حرام عليك تركي نوف مهوب دجه..والله إنها حبيبه...
تركي:أنا قلت شينه؟؟؟...قلت فيه تطورات...
فاطمه:لا نوف تقول تبي تجيب ممتاز...
تركي بمزح:لا لا لا أكيد صاير شي بالدنيا...تبي تجيب ممتاز بعد...يا إن نوف تغيرت...ولا الدنيا تغيرت...
شذى تضحك:وش الفرق إذا الدنيا تغيرت...ولا نوف تغيرت؟؟؟..
تركي:لأ فيه فرق...إن التطورات من نوف نفسها...ولا إن الدنيا أجبرتها على التطور...
فاطمه تضحك:ههههههههه تركي شكلك تابع مسلسلات واجد...
ضحك تركي وقال لشذى اللي قاعده جنبه بهمس:أقول لها إنك مسويه على حجر ما أشوف مسلسلات ولا أفلام؟؟؟..
شذى تناظره وهي ترفع حاجبها وتجاوبها بهمس:تبيني أقول إن أخوك عينه زايغه ومايطالع المسلسل إلا عشان البطله حلوه..
تركي يهمس:وجذابه بعد...
شذى تحرك فمها بدون صوت:كريه...
....: نحن هنا....
ناظروا الإثنين لفاطمه...
فاطمه:لا تنسون إني باقي موجودة...
تركي بابتسامه:لا أبد يا أم ريان مانسيناك ولا كيف الصاله منورة للحين...
شذى قامت...
تركي يكلمها:على وين؟؟؟...
شذى:أجيب صينية الحلى....
وراحت شذى المطبخ ودخلت...وطلعتها من الثلاجه وقطعتها بدقه ونعومه..
وأخذت قطع منها وحطتها بالصحون وجهزت الشوك وحطتها بصينيه... وخلت الشغاله تجهز العصير والصينيه...
وقعدت تناظر تركي اللي من غير مايشوفها كان قاعد يسولف مع أخته...
كان وسيم...عيونه تطفر سحر وجاذبيه...ملامحه تشع حنان ورومانسيه... وقسوه وغموض...كان إنسان مزاجي...متى مابغى يصير رومانسي يصير ولمن يبي يصير قاسي..يصير أقسى من الصخر...بس إنسان معطاء...
شذى بخاطرها((الله لا يحرمني منك ياتركي...معاك عشت أحلى أيام عمري ...وصرت حبي ألأبدي...وصرت جزء ما يتجزأ من حياتي... ما أبعد عنك...لأني لو أبعد باموت..أموت بحسرتي...أغار عليك من نساء هالدنيا.. أغار عليك من اهلك وعملك واخوياك ودنياك...وكل من يبعدني عنك... أغار عليك من نفسي ومن كل عيون بس تناظرك...الله لا يفرق بيني وبينك فيك القى اهلي كلهم...))
انتبهت على الشغاله إنها جهزت الصينيه..أخذتها وراحت لهم بالصاله وهي مبتسمه...منتعشه...يكفي إن تركي قدامها...

***
أم محمد:ما أدري وش أقولك يا سعود...هذي حياتك وإنت حر فيها...
سعود بضيق:يمه أبي رايك...ترى والله يهمني بالحيل..
أم محمد:إمش على اللي يطمنك يا سعود...
سعود:طيب قولي لي...وش رايك ببشاير؟؟..
ام محمد:أنا شفتها بالخطوبه وبالعرس....
سعود بخاطره((يعني وين شفتيها يمه الله يهداك في السوق مثلا))...
سعود يضغط على نفسه ويبتسم:ههه أدري يمه..بس وشرايك فيها؟؟؟...
ام محمد:والله إن البنت حلوة ومزيونه...ومو ناقصها شي من ناحية الجمال...
سعود يحتري أمه تكمل:أوكيـــه وبعدين...
ام محمد:بس أخلاقها..ما أدري عنها...
سعود:أكيد مارح تختارها شذى إلا إنها أوكيـــه وتمام...
ام محمد:والله وكبرتي يا شذى وقمتي تختارين لأخوك عروس...
سعود:هه إنت بس أهمك شي عندك وش التطورات اللي صايره على شذى
ام محمد:لا...بس كنت أقول...وإذا تبي بشاير مبروك والله إن أهلها مشالله عليهم...
سعود:تتوقعين أبوي بيوافق عليها بدال منال؟؟؟...
ام محمد بعد تفكير وصمت قصيـر:والله يا سعود إذا بنت أبوبندر صدقني صعب أبوك يقول لأ....بس ما أستبعد إنه يرفض ويصر على منال...
سعود:ما أدري يمه...بس اللي مخوفني الفارق المادي الكبيــــر اللي بيني وبينها...
ام محمد:اللي يبي الستر لبنته ما يهمه وش اللي بجيب المعرس مادام اخلاقه طيبه...
سعود بشرود:هذاك أول...الحين أهم شي وش اللي بجيبه قبل اللي بقلبه...
ام محمد:لا تتشائم يا سعود...
سعود بخوف كطفل صغير:أخاف يرفضون وبعدها أتحطم...وشذى تنحرج وتتفشل...
ام محمد:أنا عندي فكره..خل شذى تسألها إذا توافق قبل الخطبه رسمي أحسن...
سعود:بأقولها...بس بشرط إنت كلمي أبوي عن بشاير...
أم محمد بابتسامه:من عيوني...أنا كم سعود عندي؟؟....***
[IMG][/IMG]

 

 

[Om Elias]

متابعه
يالغاليه

أم إلياس

 

 

[يدي عصاتي]

يتبع.......

 

 

[عاشقة الحوراء زينب]

[IMG][/IMG]

لا مو معقول أنا في فيلم...ولا حلم...ولا احلق بأمنياتي؟؟.. معقول اللي أتمناه يصير في أيام...أي حب سريع نما في جوانب قلبي...وكساه وكسا جسمي كله...وصرت نصف صاحيه مع احلامي اليقظه اللي أحلمها معاه..
معقوله أحلامي ممكن تصير حقيقه؟؟؟...
تنتبه للواقع وتناظر شذى اللي قاعده قدامها...
بشاير بارتباك:فاجئتيني يا شذى...
شذى قامت وقعدت جنبها:صدقيني يا بشاير إني من جد حبيتك وأتمناك تصيرين مرة أخوي...
بشاير تناظر بعيون شذى:شذى...افهميني الموضوع ماني قادره أستوعبه..
شذى:ليه إنتي ما تبين سعود واحرجتك بطلبي؟؟؟...
بشاير باندفعها المعروف:لااااااااا....مو كذا والله...
شذى:بشاير فكري...
بشاير:بالعكس أخو الف وحده تتمناه...بس ماتوقعت إني أكون البديله...
شذى:ما إنتي بديله...إنتي راح تكونين الأساس صدقيني لأن سعود مابقلبه أحد...
بشاير:طيب سعود ينتظر ألحين ردي؟؟...
شذى تهز راسها بالإيجاب...وقالت:إنتي فكري..إذا وافقت بأكلم تركي وأخلي سعود يكلمه ويصير كل شي رسمي...بس إذا مافيه نصيب كل شي ينتهي ويكون الأمر بيني وبينك بس...
بشاير:خليني أفكــــر...
شذى:باقولك معلومة ترى أخوي مهوب بطران...بس الحمدلله فيه خير...
بشاير:صدقيني شذى عمر الفلوس ماهمتني ولا بتخليني افكر وش بجيب اللي باخذه...
شذى وهي قايمه:اوكيه انا رايحه...إنتي فكري على راحتك...وردي لي متى ماتبين أنا انتظرك...
بشاير ناظرتها بدون ماتتكلم...وطلعت شذى من عندها وهي في دوامة فكرها...معقولة أتزوج سعود؟؟...اللي كنت اسافر معاه بخيالي كل ليله بعد ما شفت صوره عند شذى...سعود...معقوله نكون...بشاير وسعود؟؟...

فاطمه تكلم عايشه اللي كانت ببيت أهلها...
فاطمه:قاهرتني يا جعلها الموت...
عايشه:الله يعينك وهذا عادها ما كملت سنه من تزوجت...
فاطمه:احسها دهور...
عايشه:ما أقول إلا الله يعينك...
فاطمه:وش أسوي بها يا عايشه؟؟؟...لمن أشوفها أحس بضيقه..
عايشه:وش يدريني...
فاطمه:لو الود ودي...كان خليت تركي يشحطها مع الباب يطلقها... ويروح بيت أبوك ويخطب سلمى...
عايشه تتنهد:ما أدري ليه الكل يبي سلمى تاخذ تركي...
فاطمه:لأنه بنت عمه والدم واحد بعروقهم...
عايشه اللي تتمنى سلمى تاخذ تركي عشان تخلص من كابوس عادل هذا؟؟..
عايشه :والله خاطري يا بنت عمي إن سلمى ببيت تركي الحين لو تدرين..
فاطمه بخبث:تدرين إني فكرت بالسالفه..والحل بين يديك يا بنت عمي...
عايشه باستغراب:أنا؟؟؟...قولي وشو أسويه بدون تفكير...
فاطمه:اسمعيني للآخر ولا تقاطعيني...لأني متأكده إنه مارح يعجبك...بس بنوصل للي نبيه...
عايشه بلهفه:قوليه يا أم ريان...ولك علي أسويه وأنا مغمضه...وجعله إنشالله ما عجبني...
فاطمه:شوفي أحنا راح نوصل للي نبيه...بس بطريقه ملتويه...
ضحكت عايشه:هههههههههه أحلى مافيك إنك تعترفين بعد...
فاطمه ابتسمت:هذا شوي من اللي عندك....انتي اسمعيني بس...
عايشه بإنصات:كل الآذان صايــــغه...

***

سلمى بعصبيه:مجنونه إنتي...
عايشه:ما المجنون إلا إنتي...كيف تضيعينه عليك والله إنك غبيه كيف تخلين شذى تتهنى فيه هذيك القرويه...
سلمى:على قولتك بالعافيه على قلبها..
عايشه حاولت تلين معها:سلمى ناظرني(ناظرتها سلمى)صدقيني والله هذا لمصلحتك في الدرجه الأولى...
سلمى بعصبيه:كذابه...هذا لمصلحتك إنتي والباقين...عمركم ما فكرتوا فيني طيب وش مشاعري اتجاهه ألحين؟؟؟...
عايشه بعصبيه:عادل إنسيه وامحيه من بالك يا جعلك الماحي...
سلمى:يا قواة وجهك تطلبيني وتدعين علي....
عايشه تقرب منها:صدقيني يا سلمى والله إني أحبك وهذا عشانك...
سلمى:بس عادل...ما أقدر اخلي عادل...
عايشه:والله إن تركي أطلق منه...بس إنتي خذيه والله لينسيك إسمك بعد...
سلمى بسخريه:ليه؟؟؟...ولد عمك وائل كفوري على غفله؟؟؟..
عايشه تحاول تكظم غيظها:وائل بعينك....إنتي بس خليني أكلم أمي وأبوي وما عليك...
سلمى بإصرار:عايشه لأ...وياريت ماتتدخلين في خصوصياتي...
عايشه:سلمى...إنتي كبيره ألحين وخطابك مهوب مثل أول...افهميني...
سلمى:ماني بكبيره...والله عادي عمري...أساسا انا استحقر اللي يتزوجون وهم صغار...
عايشه:عاد هم كيفهم...
سلمى:مشالله الشباب الواحد يعيش إلين يشبع ويطفش...ولمن يبي يتوب يقول لأهله زوجوني...
عايشه:مو شرط...البعض يبي يكون ويجهز حاله...
سلمى:مابي تركي ماأبيه...
عايشه:عشان أبوي...لا تنسين....
سلمى سكتت وماقدرت تكابر على مشاعرها أكثر....بعد فتره قالت بصوت واجــل:عايشه أخاف.. أحس إني كذا اعرض نفسي؟؟...
عايشه هي تطق الصدر:ما عليك...إنتي بس خلي كل شي علي....


***

كان الصداع ذابح تركي...مانام زين...وضغط بالشغل وتدريبات يتجهز للدورة التدريبيه عشان الإرهاب...كانت شوي ثقيله عليه...
تركي وهو حاط راسه بحظن شذى:يا شذى صداع رهيب...
شذى تمسح على راسه:بسم الله عليك..طيب مريت على الدكتور وإنت راجع؟؟؟..
تركي وهو يحط يده على راسه:لا...قلت ما يحتاج...بندول ويروح الألم...
شذى قعدت تناظره وقلبه يتفطر عليه ودها اللي فيه فيها:إنشالله أجر...
تركي صكر عينه وقال:شكله مايبي يخف الألم...
شذى تلعب بشعره:تبي اجيب لك شي تاكله...
تركي بتعب:روحي جيبي لي مويه...
شذى وهي قايمه:من عيوني...
وراحت تجيب له مويه....يوم رجعت انصدمت لمن شافت تركي...كان ودها الأرض تنشق وتبلعها...أي عقاب بتناله من تركي...كانت هذيك اللحظه بالنسبه لها كابوس مزعج..الدم تجمد بعروقها...وحست إن قلبها طاح ببطنها...
تبي تتقدم تمشي بس ماهي قادره..ماهي قادره..ناظرت تركي اللي كان جالس عند الكوميدينا وبيده الحبوب حقتها منع الحمل...اللي تركي كان يدور بالبندول..وطاحت الحبوب هذي بين يديه...
ناظر تركي شذى باستحقار....أما شذى ناظرته بخوف أكيد بيذبحني...
تركي وهو يحاول يكظم غيظه:ممكن اعرف وش ذي؟؟؟...
شذى:.......
تركي وهو يحاول باقي يتماسك:ردي...
شذى بتردد:تر...تركي..هذا...هذا..
رمى تركي الحبوب بغضب وقام وهو في أوج غضبه وغيظه...
تركي وهو يناظرها:انثبري ولا كلمه...بعد لك عين تتكلمين...
شذى:أنا كنت بأقولـ....
يقاطعها تركي ويقرب منها بسرعه ويقول:كنتي إيش ياهانم...إنتي من جد إنسانه ماأحد يثق فيك...
شذى برجاء:تركي...
مسكها تركي من يدها بقوة وقال بعصبيه:شذى إنتي ليه كنتي تستخدمينها؟؟.
شذى ما ردت وقعد تصيح...
عصب تركي زياده وجرها وقربها منه زياده...من قوته طاحت المويه من يد شذى...
تركي معصب:تصيحين؟؟؟...طبعا وش راح تقولين...بس والله راح تدفعين ثمن هالحركه يا شذى...
شذى تبي تفك يدها من يدها...رص تركي زياده على يدها...
شذى آلمتها يدها وصرخت من الآلم...
تركي وهو يصر على أسنانه:تستاهلين الضرب...مين اللي أذن لك هاه.. لو فيك خير ما كان سويتيها...
شذى وهي تصيح:تركي اسمعني طيب...
تركي وهو صاير بركان ثائر:وش أسمعك يا جعلك القرادة...إنتي ما تستحين على وجهك مع هالحركات الوسخه اللي مسويتها...بس والله لأوريك يا شذى واعلمك وش الدلع اللي كنت معيشتك فيه...أثرك ما تستاهلين إلا التراب....
ودفعها تركي بكل قسوة على الأرض...وطلع من عندها مشتت مصدوم منها...معقوله هذي شذى اللي أنا أحترق شوقا عشان أجيب منها طفل... هذي شذى...دلوعتي؟؟...هذا الأنوثه الممزوجه بالبرأه... بس شكل الأقنعه بدت تتساقط...ويخرج من الاكمه ما ورائها....
تمني إنها صار به شي هاليوم ولا درى...حس إنها تخدعه وتنصب عليه..
ليه يا شذى ليه؟؟؟؟.....

أما هي فكانت تصيح ألم وقهر...ولوعه...وندم...قعدت تصيح ياليتني ما أخذتها...ياليتني ما أخذتها....بس وش ينفع الندم ألحين؟؟؟...[IMG][/IMG]

 

 

[عاشقة الحوراء زينب]

[IMG][/IMG]

عايشه كانت قاعده مع أمها ام عبدالكريم...
ام عبد الكريم:لا يا عايشه ما راح أبني سعادة بنتي على تعاسة غيرها....
عايشه:يا يمه...أجل تبين بنتك تعيش تعيسه...
ام عبدالكريم:لا مافي أم تبي بنتها تعيش تعيسه..بس سعادة سلمى بعيده عن تركي...
عايشه:بس هي بنت عمه وأولى فيه من الغريبه...
ام عبدالكريم:الزواج ما يعرف بنت عم ولا خال..
عايشه:يمه بس هم كانوا يحبون بعض...بينهم حب حرام يضيع...
ام عبدالكريم:لو كان يحبها كان جا خطبها...وإحنا مارح نقول لأ...بس إني أعرض بنتي فهذي صعبه...وجهي وين أوديه قدام أم بندر...
عايشه:السالفه يمه ما راح أحد يدري فيها...راح تكون بين عمي وأبوي بس...
ام عبدالكريم:ما أقدر يا أم فارس سامحيني...
عايشه:إنتي بس اقنعيه معنا...والله بيوافق خاصه إن خاطره بتركي... يمه سلمى مصلحتها مع تركي...وشذى هذي والله داخله على طمع...
ام عبدالكريم:نفسي أعرف ليش تكرهينها مع إنها حبيبه...
عايشه:يمه لا تصيرين طيبه بزياده عن اللزوم...ياما تحت السواهي دواهي...
ام عبدالكريم:طيب سلمى وش تقول؟؟؟...تبيه هي ولا لأ؟؟؟...
عايشه:موتها وحياتها بين يد تركي تبيه...فلا توقفين بطريقها و صدقيني إن تركي نفسه يبيها بس هو مهوب داري إنها للحين تبيه...
ام عبد الكريم:عايشه...إنتي تطلبين مني الصعب...
عايشه وهي تشد يدها على يد أمها:صدقيني لأنها خطوة جريئه شوي..بس يمه لا تخلين سلمى كذا تكتوي بنارها...حرام والله حرام...
ام عبدالكريم سكتت قعدت تفكر...
أما سلمى فكانت تناظرهم من الدرج...تنتظر رد أمها....
عايشه وعيونها معلقه بوجه أمها:هاه يا أم عبد الكريم وش قلتي؟؟...
ام عبدالكريم بعد أن اطلقت زفـــره طويله:بأكلمه يا عايشه مع إنها صعبه والله صعبه...
عايشه بابتسامة نصر:الله يبارك فيك يمه..إنتي كلمي أبوي..وأنا بأساندك..


***


تركي اللي كان متضايق مره ما عرف وين يروح...وبالأخير راح لبيت خويه طلال يفرفرش عن عمره شوي لأنه مستحيل يقوله وش صار من شذى لأنه يشوف هالشي من أدق الخصوصيات اللي تجمعه بشذى...
طلال:ممكن أعرف وش سبب مدة هالبوز؟؟؟...
تركي يناظر طلال وبدون نفس:زهقان قلت أجيك ياخوي...
طلال:ليه قالولك فاتحين ملاهي...ولا نعرض مسرحيه...
عصب تركي وقام:أجل استئذن أنا الغلطان اللي أجيك...
طلال اللي جره مع يده ورجع قعده:تركي...وش فيك الله يهداك أنا كنت أمزح معك...صاير كبريت ماتتحمل كلمه...
تركي بعصبيه:إنت اللي صاير دمك ثقيل...
طلال:أنا دمي ثقيل...الله يسامحك...
تركي وهو يحاول يخفف التوتر اللي فيه حس إنه زودها شوي:طلال لا تكون زعلان...
طلال:ماني بزعلان..بس وش فيك اليوم بالدوام يا حلاتك...وش اللي غيرك...
تركي بخاطره(وش أقولك يا طلال)..
تركي:لااا بس مصدع شوي...وقلت من زمان مامريت على طلال ببيته...
طلال:الله يحييك....البيت بيتك..
تركي بابتسامه يحاول يتناسى:أدري إنه بيتي ولا كيف جيت بدون موعد..
طلال يضحك:إنت ما أحد يعطيك وجه ولا على طول تصدق وماخذ بعمرك مقلب...
تركي يمزح:تعرف هذي مشكله أزليه فيني...مالها علاج..
طلال:ما أقول إلا الله يعين حرمتك عليك من جد لو إنت زوجتي كان إنتحرت من زماااااااااااان....
تذكر تركي شذى وعصب من حركتها...وقال لطلال:من زين خشتك ألحين تقعد تتميلح علي...
طلال:أقول تركي...والله إنك مهوب طبيعي فيك شي؟؟؟...
تركي يحاول يبان إنه طبيعي:لا مافيني شي...بس شوية صداع...


***


بعد مرور كم يوم...
عايشه كانت قاعده مع أبوها اللي أمها قالت لها إنه خاطره بهالشي بس يحس إنه كذا يقلل من قيمة سلمى بنته...مع إنه متأكد ميه في الميه إن أبو بندر لو يقوله اخوه ابو عبدالكريم يزوج ولده تركي سلمى ما راح يقول لأ..
عايشه:لا تتردد وإنت واثق برد عمي أبو بندر...
ابو عبدالكريم:عايشه أحس كذا إني أهين نفسي..وأنا أخطب لسلمى...
عايشه بلهجة كلها مكر:يابو عبدالكريم ما سمعت بالمثل اللي يقول إخطب لبنتك قبل لا تخطب لولدك...
أبوعبدالكريم:عايشه أنا واثق برد أبو بندر...بس وش رد تركي راح يكون أخاف يرفض...
عايشه بكذب يصعب تكذيبه وتفتح عيونها على الآخر:يباه تركي ما راح يقول لأ..بالعكس هو وده بسلمى حتى زوجي بندر اخوه يقولي قبل لا يتزوج زوجته هذي..كان خاطره بسلمى بس لمن شاف سلمى ترد معاريس ما ينردون يخاف إنه ترده وتصير بينا وبين بيت عمي أبو بندر خلافات عائليه بسبب كذا...
ابو عبد الكريم:مستحيل أرده وهو ولد أخوي...
عايشه:خلاص يابو بندر ما أظن ألحين شي يردك إنك تنادي عمي أبو بندر وتكلمه...
أبو عبدالكريم بثقه:أجل خلاص بأنتظره لمن يمرني وأكلمه...
عايشه بخبث الشياطين:وخله بعد يجبر تركي يطلق مرته ذي الخايسه...
أبو عبد الكريم:لأ في ذي ما أقدر يا أم فارس...
عايشه:أجل ترضى لبنتك ضره يباه؟؟؟...
أبو عبدالكريم:لا ما أرضى بس بعدين يمكن نشرط عليه إنه يطلقها...وإذا هو صدق يبي سلمى من زمان بيطلق ذي من دون ما نقوله...
طلعت بعدها عايشه من عند أبوها...وهي تبتسم بخبث((والله وبنطيرك يا شذى...وصدق يا فاطمه عليك افكار الشيطان ما فكر فيها...آه يا سلمى وأخيرا بتتزوجين..ونفتك من هالعادل اللي مخوفني..من كثر حبك له وعلاقتك فيه..اللي ترعبني من يوم تنقلين لي تفاصيلها بالتليفون وإنت هناك))


***


بعد ما استخارت...وفكرت...لقت جوابها دقت عليها بعد تردد تخاف يكون ردها سريع..وبنفس الوقت تخاف المعرس الحبيب يطير عليها لأنه مستعجل...
بشاير بتردد:هلا شذى..
شذى:هلا والله براعية هالصوت...
بشاير:شخبارك؟؟..
شذى:تمام...وإنتي؟؟..
بشاير:الحمدلله...أنا كلمتك بخصوص الموضوع اللي قلتي لي عليه...
شذى اللي حاطه يدها على قلبها إن بشاير لا ترفض لأنه يوم خطبتها كان مغامرة...
شذى:إيه أنا انتظر ردك على أحر من الجمر...
بشاير:والله ما أدري وش أقولك يا شذى متردده..وأبيك تفهميني...
شذى بخاطرها أكيد رفضت الله يستر بس...
شذى:فاهمتك يا بشاير...وصدقيني ردك ما راح يأثر بعلاقتي فيك أبد..
بشاير:شذى كذا صعبتي على المهمه أكثر...
شذى:لا صعبتها عليك ولا ضيقتها...إنتي قولي ردك وأنا سامعته...
قعدت تسمع بشاير وهي تحكي لها إنها مو مصدقه إنها راح تتزوج سعود لأنها أعجبت فيه من يوم شافته أول مره بخطوبتها...وإنها موافقه وباقي المهمه عليها...
شذى بفرح:مبرووووووووك يا بشاير والله إني من جد فرحانه...
بشاير بخجل:يؤ يؤ يؤ..أحرجتيني شذى زياده...
شذى:هههههه لا تخافين هذا خجل العروس...
وبعدها صكرت من عندها مبتسمه...تذكرت تركي تحولت إبتسامتها إلى حزن ولوعه...من هذيك السالفه وهو لا يناظرني ولا يكلمني..ولا حتى ينام معي..صاير ينام بغرفه بحاله...وهاجرني..قعدت تبكي وتصيح من وجدانها...تفتقد الحبيب...اللي سقاها من حبه حتى الثماله...وصارت تعشقه وهيمانه فيه إلى حد الجموح...صاحت عسى اللوعه اللي بقلبها تخف...***
[IMG][/IMG]

 

 

[يدي عصاتي]

يـــــــــــــــــــــــــــتـــــــــــــــــــــ ــــــــبـــــــــــــــــــــــــــــــــــــــع

الله يسامحك انتي ماتوقفين الا عند الامور اللي تشوق

بليز كملي تراني متحمس حييييييييييييييييييييل

انا في انتظارك

اخوك يدي عصاتي

 

 

[عاشقة الحوراء زينب]

يدي عصاتي : حياك الله

وهذا الجزء جايلك في الطريق

[IMG][/IMG]

أم بندر تكلم بالتليفون عبير اختها...
عبير: من جد ولدك هذا ما يستحي...ما كلمني لعنبوه من أعرس إلا مرتين وش ذا؟؟؟...وهذا أنا اللي خطبت له...
ام بندر:ما عليك منه...
عبير:وهذا أنا خالته...بس ما عليه هين يا تركي...والله إن خوانه أحسن منه يدقون ويسألون...
ام بندر:ما عليك يا وخيتي منه...إلا شخبارك وشخبار ولدك بدر وزوجك؟؟...
عبير:الحمدلله كلنا بخير...
ام بندر:ما ودك تجينا يا عبير بالرياض؟؟..
عبير:خاطري أجي...بس تعرفين دوام وما أقدر أخليه...بس يمكن بعيد الفطر أجي...
أم بندر:تجون بالسلامه...
عبير:إلا شخبار حصه...
أم بندر:بخير...
عبير بضحك:عادك إنتي وهي مناقر...
ام بندر:مناقر؟؟؟....مناقر ياللي ماتستحين وإحنا عجايز...بالعكس أنا وحصه خوات...
عبير:بس بصراحه أنتوا لايقين على بعض...
ام بندر:إيه هي خويتي من يوم إحنا صغار...
عبير:إلا كيف صحة أبو بندر إنشالله بخير...خاصه بعد طيحته الأخيره...
ام بندر:لا أبشرك بخير والحمدلله...مثل الحصان لا إله الله ...
عبير:الحمدلله..الله يخليه لكم إنشالله...


***

سلمى كانت قاعده على أعصابها...هي وأمها ام عبد الكريم وعايشه...وابو بندر موجود بالمجلس عند أبو عبدالكريم...يكلمه بتركي وسلمى...
سلمى بتوتر:والله فشله...إحرااااااااج...
أم عبد الكريم اللي كانت قاعده من دون اقتناع على اللي يصير...
ام عبد الكريم:مو هذا طلبك يا دكتورة...
سلمى تناظر عايشه بخنق بعد ما حست إنها أرخصت نفسها:كله منك يا عايشه...إنتي السبب...
عايشه باستنكار:أنا السبب؟؟؟...ما أتوقع أحد ضربك على يدك يا سلمى وغصبك على هالشي...
سلمى بعصبيه:بس كنتي قاعده فوق راسي طول الفترة اللي راحت تزنين وكثرة الزن تفك الحديد...يا ام فارس...
عايشه عصبت من كلام أختها:أنا كلمتك ووافقتي...لا تنكرين هالشي...
ام عبد الكريم اللي عصبت من مناقر بناتها:بس خلااااص إنتي وهي...
قامت سلمى بعصبيه وطلعت غرفتها...
بغت تلحقها ام عبدالكريم راضيها...بس عايشه قالت لها لا تلحقها لأن سلمى دايم كذا تفور...وبعدين بالنهايه تطفى وتهدى...
عايشه بخوف وارتباك:الله يستر احس عمي طول عند أبوي...
ام عبد الكريم:ربك كريم يا عايشه...

***

طلع أبو بندر من عند أخوه...وهو مهوب مصدق طلب أخوه..يالله كيف انا وافقت له..وش راح تكون ردة فعل تركي...يارب استر...الله يهداك ياخوي مالقيت إلا هالوقت تكلمني فيه...بعد ماتزوج ولدي واستقر بحياته...تبيني أخربها عليه...وهذيك البنيه شذى بأي ظلم وسفك بأجني عليها...تبيني أزوج تركي بسلمى بنتك...سلمى بنت ولا كل البنات...والكل يمناها...ليش تبي تركي بالذات ليش...
تذكر كلام أخوه له...
ابو عبد الكريم:الصراحه تركي هو أحسن عيالك..والكل فيه الخير مشالله.. أنا الصراحه ما أبي بناتي يطلعون برى العايله...ولا أبيهم ياخذون من خوالهم...أبيهم ياخذون من أهلهم وربعهم...فأنا أحتريتك ياخوي تخطب سلمى لواحد من عيالك بس أبد...تعرف بندر ماخذ أختها الكبيره..ومتعب ماخذ سارا اللي أنا ربيتها وبحسبة أختها وبنت عمتها...وصعبه أدخل أخت على أخت...فلقيت تركي أفضل واحد...صدق هو متزوج بس ما يخالف.. والدم يحن لأصله وبيجي اليوم اللي تركي بيحب سلمى...ويشكر ربه إنه خذاها...وولد عمها أولى فيها من الغريب..وزوجته هو كيفه معها... وصدقني ياخوي يابو بندر...إن صعب الواحد يخطب لبنته...بس تعرف المثل اللي يقول اخطب لبنتك قبل لا تخطب لولدك...وأنا أخاف تجيني منيتي وأموت قبل لا أتطمن عليها وأشوفها ببيت رجلها...فتكفى ياخوي لا ترديني...تكفى يا ولد أمي وأبوي...لا ترد أخوك وتطيح كرامتي...

راح أبو بندر للمسجد لأن آذن لصلاة العشا...وهو حائر بفكره...مشتت لأي الحلول يختار...لأنه لو رفض...أكيد القطيعه هي الجواب هذاك الوقت... ومستحيل يقطع باخوه...اللي ما قطعه بشبابه...بيقطعه بشيبته؟؟؟...أكيد لأ...بس عسى الله يفهمني تركي ويقدرني...


***





تم الجزء....
ألحين بدت الأحداث تسخن....
والأمور تتصاعد...
[IMG][/IMG]

 

 

[عاشقة الحوراء زينب]

مانقدر نتأخر علشان يدي عصاتي وام الياس

وهذا جزء جديد علشانكم

الساهره ما شوفها تطل علينا عسا خير انشالله طمنينا عليش