سوالف بنات منتدى الطرف فقط ..

[أسوار البقيع]

مراحب


صحيح الصحه فوق كل شيء


بين وبنيك معادة صحتي مثل قبل ظربه واطيح ههههه ولا جاتني سخونه خلتني في السرير يوم كامل ما قدرت اقوم


بس هم مش بيدي يوم نزل وزني بس حلو كذا


خمسين صار وزني يعني حلو وفوق الحلو


ولا شرايك


كينون

 

 

[تاروتية]

خمسين روووووووووووووعة..

بس أهم شئ يكون طولك مناسب للوزن....

يعني مو قصيرة حيل...

موب النهم الوزن المهم الصحة..وأقول خليك على الرياضة وقليلي خفيف من الأكل ومشي..

 

 

[ملاكـ]

السلام عليكم


كيف حالكم


هل تسمحون لي معكم في هذا الصفحه

كيان مبروك


بس ..............


تاروتيه كيف حالك اختي ان شاء الله بخير


لاتحطي بالك معى كيون ترى حالتها مو حلوه

وصار شكلها ضعيف الحمد الله وشكر

طويله وضعيفه تخيلي شكلها بس

كيان

اكلي حبيبتي مراح احد ينفعش غير صحتش

طيب

ولا .,..............................



تصبحو على خير


ملاكـ

 

 

[هذيان صمت]

ملاكــ

وش مدخلك هناء معنا الله يفربلك امك تدور عليكـــــــ من مساعه خلصي روحي لهاا تبيك تحطين السفرة حق الفطور ولا مو فالحه لا حق النت وخرابيطه



امزح........... يحاك الله ملووووووووووك















اقووووووووووو ل ياصباي


عندي لكم اقتراح وش اريكم اذا ماكووو لا حنا بس بنات نتعرف على بعض ونحط كل وحدة ايملهااا


ونعرف مو بس على المسنجر حتى على المنتدى


وش اريكم


طيبعاا الي ماعرض لالا يحط ايمله وذها مجرد فكرة وبس


^_^

 

 

[تاروتية]

ملاك...خلاص أيش رايك أنا وأنتي نزعل على أسوار لين تعقل وتأكل زين؟؟؟

لو كان طولك 150أو155 فوزنك الأن مثالي ياأسوار..تركي الرجيع وسمعي كلامي..بس رياضة ومشي يكفي..

أحلى دلوعة....صعب جداً نحط إميلاتنا لأنها تعتبر خصوصيات..ونخاف الشباب يتطفلون>ههههههه

نسولف ولو أرتحنا لبعض نتفاهم في رسالة خاصة يكون أفضل صح؟؟

 

 

[أسوار البقيع]

مرحبا الساع


صباح الخيرات والمسرات عليكم


ملاكي

اقتباس وصار شكلها ضعيف الحمد الله وشكر طويله وضعيفه تخيلي شكلها بس

سكتي حبابه

اطول نعمه وحلو

مو .....................


نورتي صفحتي حبابه

تاروتيه

اقتباس ملاك...خلاص أيش رايك أنا وأنتي نزعل على أسوار لين تعقل وتأكل زين؟؟؟

لا لاتقوليها ترى تسويها ملاك موقله هالبنت لي ذي الحركه بلييييييييييز لاتقولي

اقتباس لو كان طولك 150أو155 فوزنك الأن مثالي ياأسوار..تركي الرجيع وسمعي كلامي..بس رياضة ومشي يكفي..

شدعوه سويتني غزمه الله يهديكي


طولي 175 تقريباً يعني حلو وفوق الحلو


على فكره جسمي مخرف بل رجيم ولا رياضيه ينزل على كيفه ههههههههه

احلى دلوعه ..

حلوه الفكره لو منتدى خاص بنساء ومظمون ما تدخله الا النساء

لكن هنا الشباب الي يدخلوه اكثر من البنات

وانا تعرفت على كثير من البنات عن طريق هذا الصفحه

نشوف كيف اسلوبهم نرتاح هلم نرسل لهم رساله خاصه ونتعرف عليهم وهكذا احسن واظمن لنا ولكم صح


دمتم بعافيه


أسوار البقيع

 

 

[ملاكـ]

السلام عليكم

اقتباس لا لاتقوليها ترى تسويها ملاك موقله هالبنت لي ذي الحركه بلييييييييييز لاتقولي

كيان جربتها معاكِ بس مافيه فايده

العنيد عنيد


وروحي المستشفى ولا ............


انتش عارفه وشو بقول بطلع كل الخافي ياحبيبتي

خلونا من كيان

قولو لي شخباركم


مع قرب العيد


شريتو للعيد وتمام السوق معاكم


أنا وكيان شرينا نفس الون بما أن توائم


بيج لونه حلو

وانتو


تصبحو على خير


ملاكـ

 

 

[أسوار البقيع]

مرحبا الساع


كل عام وانتم بخير وعافيه


كل عام وتنعاد عليكم بالخير والمسره ان شاء الله


كيف حالكم مع العيد


شو حلو لو كيف


يلا نبغي اخباركم و اعلومكم مع العيد


دمتم بعافيه


kayan

 

 

[تاروتية]

صباحكم ورد..

زكل عام وأنتم بصحة وسلامة..

وينعاد عليكم يارب..

أختي أسوار العيد كان عادي جداً..ويتخلله الملل نوعاً ما..

على الرغم من زيارة الأهل لنا..

 

 

[أسوار البقيع]

مراحب

هلا تاروتيه


وانتي بخير وسلامه


حسافه

والله حتى انا مالي مزاج كلش

كشخه وتنفخت وجلسة كذا

مادري مزاج متعكر حيل

على اني احاول اضحك وامزح كالعاده بس واضح اني مو طبيعيه


الله يجازي الي كان السبب هههههههههه

اخ بس

صج ملل


ما كأن عيد والله


بس تفرر في البيوت وعرض الأزياء على قلة معنى


الله يعوض يابعدي بس


وانتو بنات وشو سويتو نفسنا لو احسن


kayan

 

 

[زهرة اللوتس]

مرحبا بنات

عيدكم مبارك وكل عام وانتو بخير وعساكم من عواده

اقتباس وانتو بنات وشو سويتو نفسنا لو احسن

والله ملل وزهق واللي في خاطركم .. أحس شي ناقصني بس مو عارفة وش هوو

حتى الجلسة مع الأهل أحسها صايرة مجاملة يعني مو مثل كل عيد ..


بس إن شالله من بكرة بتبتدي مراسيم العيد عندنا صح لأن بنطلع كلنا مع بعض ..



سلام

 

 

[أسوار البقيع]

مرحبا


هلا لوتس


كيفك حبابه


اها نفسنا هههههههه


اول يوم العيد ممل بس الحين تمام وفوق التمام

بس البارح جاني تلفون طير عقلي

حيل حيل حيل فرحت

تخيلو وحده من ثلاث سنوات ما كلمتها ولا شفتها


البارح تتصل علي وتعيد يلا تذكرتها


انصدمت حيل حيل لما عرفتها .. قلت وش ذكرها ابي


وناسه والله في ناس للحين تذكرت بعد كل هالغيبه


عاد من الفحره اتصلت على ملاك وقلت لها شغلي اتصال فديو

علشان نشوف بعض

وتخيلو قالت اتصلي بعد نص ساعه بسوي شعري وبحط مكياج

كأني بخطبها

يابنت مايحتاج انا ماني مسويه شعري ولا حاطه مكياج


هي الا تسوي

انزين كلمتها بعد نص ساعه

وشفنا بعض

بس خوفتني جلست تصرخ بالقوه

اقول لها وش فيش

تقول لي انتي كيان هذا شكلك


قلت لها لا هذا اختي هههههه


خبله والله ماخلتيني اشوفها عدل تمت تنطر وتضحك ما ثبتت


بس يا ملاك مره ثانيه بلعي مره قبل تكلميني هههههههه


الحين بتجي وبتغرد لكم كالعاده


دمتم


kayan

 

 

[أمواج الحب]

مرحبا أسوار البقيع ( يالطويله )

كيفك؟؟

وشلونك بعد هالطول؟؟

شدعوه ..

175 لو أنك ولد طولك مايوصل 175

يمكن اذا انتي من كوكب ثاني يمكن ؟؟


عل العموم

لازم اشوفك وأحكم على طولك

بعد يمكن يصير !!!

بس وناسه 175

خخخخخخ

أخر مره شفتك فيها طولك لايتجاوز 153تقريبا

أتمنى انك مازعلتي

وكل عام وأنت بألف خير وطول زيااااااده

تحياااتي

أمـــــــــــــــــــــــــــــواج الحــــــــــــــــــــــــــــــــب

 

 

[قلب طفلة]

هاااااي صبايا


كيفكن


كل عام وانتم بخير


ينعاد عليكن


انا الان مستعجله اشويه


حبيت انبهكن عن موضوع الايميلات ممنوع حبيباتي


بالاضافه الى انو كماذكر اعلاه ,,,,


خصوصيه ...


تشاااااوووو

 

 

[أسوار البقيع]

مرحبا

هلا امواج الحب

ياعيني على هالحب هههههه


هلا غزوم ودبدوب خخخخخخخخ


مالت على شيطانك من امته ماشفتيني من زمااااااااااااااااااااااان صايره مغبره انتي كلش


اقول اطول نعمه اش حلاتي اش حلاتي اممممممممم


مع فسك


شو اخبارك اغاتي .. وشخبار خيتك سلمي عليها ولا تقطعي عاد


دمتي بود


ولايه


مراح نحط اميلات شو حنا مجنين ولا كيف هههههه



متي بعافيه حبابه


كيان

 

 

[أمواج الحب]

اسوار

اتحداك اذا انتي اطول مني؟؟؟

خخخخ

سألي اختك (.......) وهي تقولك


هههههه


اقول الطول عز بس مو اي طول

الطول اللي مثلي


هههههه


ّّ ّ ّ ّ شويه مغروره


تحياتي لجميع العضوااات

واتمنى ان توصلي سلام لخيتك الحبوبه

 

 

[أسوار البقيع]

مرحبا


ههههههههههههههههه



اقول ولا اسكت


خخخخخخخخ



اقول ليش اخترتي هذا القب .. قولي السر


شكل بيتكم كله حب في حب


بعدين انا ما اوصل سلام لي حلوين كل الي عندي جياكر حتى خيتي الا انا حليوه مو حلوه حليوه


تبغي تسلمي علي اوكي

غير كذا سوري هههههه


يلا روحي تكشخي لي زواجك خيتك ومبروك من الحين

وبالعافيه


ترى بعرد على عرسكم وبجي وبرقص بعد طيب


دمتي مدربحه هههههههه


امزح ها


كيان

 

 

[أمواج الحب]

هلا فيك أسوار

كيفك؟؟

اول شئ:

شو قصدك من أقول ولا اسكت؟


ثاني شئ:

ليش اخترت هالقب ؟ هذا شئ راجع لي أنا

هو صج ان بيتنا كله حب في حب والحمد لله لكن مو هذا السر


ثالث شئ:

ليش ماتوصلين سلام ؟؟ شكلك انتي غيوره وانانيه ماتبين الشئ الا لنفسك

خخخخ


رابع شئ: الله يبارك فيك ويعافيك بس تو الناس على زواج اختي

شدعوه اتكشخ من الحين . الزينه بتخترب بعدين

خخخخ


خامس شئ:

حياكـ الله من ألحين أنتي والأهل وكل من يعز عليكـ


ويكون أحسن بعد لو تردحين وترقصين

خخخخ

تسوين جو للزواج

هههه


وهذا سلام خااااااااص للحلوين (( لك انتي وبس ))


أمواجـ الحــــــــــــــــــــــــــــبـ

 

 

[أسوار البقيع]

مراحب

هلا هلا هلا


ايه الحين اكلمك مثل العسولات


كيفك ياقمر يا بدر انتي


اخبارك تمام ان شاء الله


الحين مو مشتهيه اسالف

بعدين اكلم سوالفي طيب


دمتم


كيان

 

 

[ملاكـ]

السلامـ عليكمـ

كيف حال الجميعـ

كيانـ

اقتباس وتخيلو قالت اتصلي بعد نص ساعه بسوي شعري وبحط مكياج

أكيد اول مره تشوفيني لازم اكشخـ

اقتباس كأني بخطبها

هههههه لا تعليقـ

اقتباس يابنت مايحتاج انا ماني مسويه شعري ولا حاطه مكياج

هذا انتيـ انا غير

اقتباس وشفنا بعض بس خوفتني جلست تصرخ بالقوه اقول لها وش فيش

ههههههه

تتوقعو وشو مسويه است الهانمـ كيانـ


نص ساعه وانا اتعدلـ واكشخـ واحط ميك اب واخر شيء تتنقب ليـ وتطلعـ

ليشـ تقولـ يمكنـ احد ياخذ صورتيـ انا اخاف على نفسيـ ههههههه

عاد ماقدرتـ امسكـ نفسيـ منـ الضحكـ

شكلها يضحكـحيل حيل

ويلا رضتـ تشيلـ النقابـ ..

بصراحه ماتوقعتـ شكلكـ ياكيان كذا

كلا تقول لي اني جيكره .. طلعت حلوه وحيل بعد

بس ماعندها ثقه في شكلها يمكنـ .. صحـ كيانـ


بسـ فرحتـ كثير لما شفتها .. واخيراً



ملاكـ