طـالب / ـة تحت المجهـــــر ]|~

[إشراقة أمل]

الله يسهل أمورك حبيبــة .. و يحقق اللي ببالك ..

مستبشرة خير من كلمتك

:

أشكرك لثقتك بي ..

ودآمك وكلتِ الأمر لي ..

بصرآحة محتآآرة .. ناس وايده أبي أختارهم ..

خلاص ..

أنا بختآر قيثووو ..

وقيثوو لا تختاري أحد بعدك وكلي لي الأمر >>> اعجبتها الشغلة بس

،’

قيثــآرة ..

تفضلي .. و أكملي المشوار .. بس انتبهي لا تكسري المجهر مثل هوذي ..

.
.

 

 

[قيثارة]

مرحلتك الدراسية؟
متخرجه من دبلوم اشعه صار لي سنتين
هل التحقت برياض الأطفال؟؟
ايه تمهيدي
أجمل مرحلة في سنوات عمرك؟
الثانويه والمعهد
مادتك المفضلة؟السبب
الإنجليزي .. كنت ولازلت أحب الماده
مادة ما تحبها ؟السبب
الفيزياء مدري احسها ماده شوي ثقيله مع اني شاطره فيها بس يمكن لان مدرستنا بأول وثاني ثانوي كريهه وماحبها فكرهتني بالماده .. بثالث ثانوي حبيتها لان المنهج حلو والمدرسه عسل الله يذكرها بالخير
موقف مضحك حصل لك في المدرسة لا يمكن ان تنساه؟
ههههههههههههههههه موقف يفشل صراحه
مرة من المرات كنت انا وصديقاتي لما كنا بثاني ثانوي مشاركين بمسابقه رسم تابعه لوزارة التربيه والتعليم وعنوان المعرض النظافه الشخصيه .. المهم ان اكثر البنات رسموا اشياء فيها قمل وسيبان وانتوا بكرامه
المهم صديقتي كانت مبدعه مررره راسمه الحشرات هذي بطريقه مررره خفيفه دم لدرجه تشوفين الرسمه ودش تقطعين خدودها من كثر ما هي ظريفه
كنا جالسين بحصه فراغ بالفصل ونسولف عن الرسمات .. المهم رن الجرس نهايه الحصه وبدايه حصه ثانيه انا كنت تاركه مكاني ورايحه جالسه قدام على طاول وحده من البنات وعاطيه الباب حق الفصل ظهري واسولف عن احلى رسمه .. الا اقول للبنات لا تحاولون احلى قمله قمله ايمان .. واضحك الا الفصل كلهم صاخين ولا حرف ولا كلمه وكاتمين ضحكتهم ولا التفت الا مدرسه الكيميا وراي ياني تفشلت واحترق وجهي ومن الإحراج دخلت في طور هستيريا ضحك ما قدرت اسكت .. والمدرسه فاطسه ضحك علي وتبي تعرف السالفه مني وانا مو قادره اتكلم عيوني تدمع وشرقت وحالتي لله والبنات يشرحون لها القصه .. وانا شنو كنت اقصد ههههههههههههههههههههه

موقف جعلك تبكي داخل المدرسة؟
امم أول مره في حياتي اعاقب بالمتوسط كانت وعوقبت ظلم وكان العقاب ان الوكيله طقتني بالمسطره الخشب .. ياني سويت مناحه لاني حسيت بقهر المظلوم
مشاغب ام هادىء داخل الحصص؟
مشاغبه بس شاطره فنادراً ما كانوا يزعلون مني
مستواك الدراسي ( ممتاز..جيدجدا..جيد..مقبول )
ممتاز ..
راضي عن مستواك أم تطمح للأفضل ؟
امم طبعاً بعد ما دخلت المعهد حققت تفوق ابهرت فيه نفسي صراحه.. والحين اطمح اني اكمل باكالوريوس وماستر بنفس التخصص
علاقتك بالمدرسين /المدرسات؟
امم طيبه نوعاً ما الا المدرسات اللي كانوا يحطون علي او اسلوبهم يستفزني
تحب المدرسة ( نعم أو لا ) السبب ؟
حسب المواد يعني لو ارجع اكمل دراستي بالأشعه ما بمل طول العمر .. بس لو برجع مدرسه وفيزيا وحركات قرعه لا طبعاً
تحب المواد العلميه أو الأدبيه؟(السببب)
العلميه لان ما احب الحفظ ولا مواد الإجتماعيات
وش رايكـ في المدرسين في تعاملهم مع الطلاب ؟واذا كان في سلبيات لبعض المعلمين وش هي ؟
والله حسب شخصيه المعلمه يعني ناس قمه بالأخلاق بس ما يعرف يشرح .. وناس تعرف تشرح بس اخلاقها زفت .. وفي بين البينين
أجمل وأعلى نسبه حصلت عليها في مسيرتكـ الدراسيه؟
تخرجي من المعهد تخرجت بمعدل 4.9

عمركـ أخذت دور ثاني ؟ وليه (اذا كان ظلم أو حقد خخخخخخ) ووش هي الماده؟
ثاني ثانوي .. بس مدرستنا كانت زفت وانا كنت اعاني من حاله صحيه معينه أثرت على مستواي الدراسي
وش رايك بتعامل بعض الطلاب مع المدرسين؟
من اي ناحيه .. يعني في الكثير يحترمون المدرس ويقدسونه بس ممكن هم يحبون يمزحون وهيك يقطون الميانه شوي بس في البعض يقل ادبه ويمسخر المدرسين ما اقول لج في مدرسين يستاهلون اللي يجيهم
عن نفسي المدرسات اللي كانوا نفسيات خايسه ويتعاملون معنا كننا حشرات كنت امسخرهم بإسلوب مؤدب ... بحيث اني ما اغلط عليهم بس بنفس الوقت ما اعطيهم فرصه يمسكون علي زله او يذلوني
هل حصلت على شهادات تميز خاصة وفي أي سنة؟
كثير .. ابتدائي ومتوسط .. وبالمعهد تفوق وتميز وتطوع
ما هو ابرز عقاب مر عليك طوال فترة الدراسة وبأي سنه وليهـ ؟؟!
ههههههههههههههههه بثاني ثانوي هربت من حصه الفيزيا قامت وقفتني الاسبوع اللي بعده كامل بس ولا اهتميت ولو يرجع الزمن بعد ما بحضر هالحصه اجل الله يرضى ناخذ 3 حصص فيزيا لا وتجي تتمختر الحصه الاخيره حصه الحاسب تقول بعطيكم فيزيا خير حمير مو بني آدمين
ع’ـضو كآإن مع’ـكـ بالمدرسهـ ؟؟!
ماكو أحد أبداً وهالشيء متأكده منه هع
ع’ـدد سآإع’ـآإت استذكآإركـ ؟؟!
اممم حسب الماده بحكم اني وحده ما كانت تذاكر الا بالاختبارات هع ...
كنت تنآإم بين الح’ـصص ؟؟!
لا .. الحمد لله
ج’ـآإكـ تهزيء من مدرس بدووون سبب ؟؟! ( طرآإنات بع’ـض المدرسين )
ياما وياما
أمنيتك ؟
أكمل دراستي بمجال الأشعه
كم ريآل كآنت فسحتك .؟!
في إبتدائي ريالين متوسط وثانوي وبالمعهد كان بابا يعطيني مصروفي بالشهر فكان حسب مزاجي يوم اصرف منه ويوم لا

كلمة أخيرة لمن تهديها داخل المدرسة؟
صقيقاتي بنات ثانوي وحشوني موووووووت واتمنى نلتقي متجمعين من جديد ..


ههههههههههههه بنوووته ياله اختاري اللي بعدوووووو

 

 

[إشراقة أمل]

اقتباس موقف مضحك حصل لك في المدرسة لا يمكن ان تنساه؟ ههههههههههههههههه موقف يفشل صراحه مرة من المرات كنت انا وصديقاتي لما كنا بثاني ثانوي مشاركين بمسابقه رسم تابعه لوزارة التربيه والتعليم وعنوان المعرض النظافه الشخصيه .. المهم ان اكثر البنات رسموا اشياء فيها قمل وسيبان وانتوا بكرامه المهم صديقتي كانت مبدعه مررره راسمه الحشرات هذي بطريقه مررره خفيفه دم لدرجه تشوفين الرسمه ودش تقطعين خدودها من كثر ما هي ظريفه كنا جالسين بحصه فراغ بالفصل ونسولف عن الرسمات .. المهم رن الجرس نهايه الحصه وبدايه حصه ثانيه انا كنت تاركه مكاني ورايحه جالسه قدام على طاول وحده من البنات وعاطيه الباب حق الفصل ظهري واسولف عن احلى رسمه .. الا اقول للبنات لا تحاولون احلى قمله قمله ايمان .. واضحك الا الفصل كلهم صاخين ولا حرف ولا كلمه وكاتمين ضحكتهم ولا التفت الا مدرسه الكيميا وراي ياني تفشلت واحترق وجهي ومن الإحراج دخلت في طور هستيريا ضحك ما قدرت اسكت .. والمدرسه فاطسه ضحك علي وتبي تعرف السالفه مني وانا مو قادره اتكلم عيوني تدمع وشرقت وحالتي لله والبنات يشرحون لها القصه .. وانا شنو كنت اقصد ههههههههههههههههههههه

خخخخ .. لو طالعة شينة ها المعلمة كآن شاتتك برىآ .!

بس صج .. إحرآآآآآآآج .!

،’

اقتباس موقف جعلك تبكي داخل المدرسة؟ امم أول مره في حياتي اعاقب بالمتوسط كانت وعوقبت ظلم وكان العقاب ان الوكيله طقتني بالمسطره الخشب .. ياني سويت مناحه لاني حسيت بقهر المظلوم

عآد ليش هي معاقبتك أساسًا .؟!

،’

اقتباس ما هو ابرز عقاب مر عليك طوال فترة الدراسة وبأي سنه وليهـ ؟؟! ههههههههههههههههه بثاني ثانوي هربت من حصه الفيزيا قامت وقفتني الاسبوع اللي بعده كامل بس ولا اهتميت ولو يرجع الزمن بعد ما بحضر هالحصه اجل الله يرضى ناخذ 3 حصص فيزيا لا وتجي تتمختر الحصه الاخيره حصه الحاسب تقول بعطيكم فيزيا خير حمير مو بني آدمين

عآد 3 حصص في اليوم فيز .؟!

ريآضيآت وبالموت ينبلع 3 حصص في اليوم .. دون يجي الدور على المواد الثانية .؟!!

لا أجل عدل شغلك .. كل مرة اهربي ..

،’

اقتباس ع’ـضو كآإن مع’ـكـ بالمدرسهـ ؟؟! ماكو أحد أبداً وهالشيء متأكده منه هع

افاآآ .. وآآي .؟!

يمكن أنآ كنت معك ..؟

وإلا انتين وين دآرسة ؟ أكيد مو بره المملكة .!

،’

اقتباس ع’ـدد سآإع’ـآإت استذكآإركـ ؟؟! اممم حسب الماده بحكم اني وحده ما كانت تذاكر الا بالاختبارات هع ...

هذي سالفة الجآمعيآت ..

،’

سؤال على جنب : وين درستي الأشعـة .. وكيف طبيعة تخصصك .؟!

:

تشكرآت الغآليـــة على الرحلـــة الدراسيـة الممتعــــة ..

وبصرآحة ها المرة .. خآطري أجيب الغريب يحكينـآ عن سنوآت عمره الدراسية وذكريآته في مرحلة التعليم ..

|[ الغريب ]|

كلي ثقـــة بأنك لن ترد دعوتنــا ..

فتفضــل .. و ألقِ الضوء على أيــآم بعيدة قد مضت ..!

.
.
.

 

 

[الغريب]

مرحلتك الدراسية؟

والله زمااااااان

أنا الآن موظف




هل التحقت برياض الأطفال؟؟

لا




أجمل مرحلة في سنوات عمرك؟

كل مرحلة دراسية لها طابعها الخاص

الابتدائية كانت جميلة

ربما المتوسطة هي الأجمل مع أن الثانوية أيضاً كانت كذلك .




مادتك المفضلة؟السبب

الإنجليزي ، لأني أحب اللغة الإنجليزية




مادة ما تحبها ؟السبب

يمكن الرياضيات ، لأن فيها حسابات ومعادلات وتعقيدات




موقف مضحك حصل لك في المدرسة لا يمكن ان تنساه؟

لا أتذكر موقف مضحك




موقف جعلك تبكي داخل المدرسة؟

ربما حصل في أيام الابتدائي ، لكني لا أتذكر مواقف مبكية




مشاغب ام هادىء داخل الحصص؟

هادئ




مستواك الدراسي ( ممتاز..جيدجدا..جيد..مقبول )

كل مرحلة لها مستواها ولكن بشكل عام جيد جداً .




راضٍ عن مستواك أم تطمح للأفضل ؟

بالتأكيد أطمح للأفضل




علاقتك بالمدرسين ؟

ممتازة




تحب المدرسة ( نعم أو لا ) السبب ؟

نعم ، لأنها مكان للدراسة والتحصيل العلمي والالتقاء بأصدقاء جدد في كل عام




تحب المواد العلميه أو الأدبيه؟(السبب)

ربما الأدبية أكثر من العلمية ، لسهولتها وبساطتها




وش رايكـ في المدرسين في تعاملهم مع الطلاب ؟واذا كان في سلبيات لبعض المعلمين وش هي ؟

كل طالب له معاملة خاصة

فالطالب المجتهد معاملته أفضل من الطالب المهمل

والسلبيات هي : كثرة الضرب والتهزئ للطلبة المهملين




أجمل وأعلى نسبه حصلت عليها في مسيرتكـ الدراسيه؟

ممتاز لكني لا أتذكر كم النسبة بالتحديد




عمركـ أخذت دور ثاني ؟ وليه (اذا كان ظلم أو حقد خخخخخخ) ووش هي الماده؟

لا




وش رايك بتعامل بعض الطلاب مع المدرسين؟

البعض تعاملهم رائع ، والبعض عكس ذلك

يعني على حسب محبة الطالب للمدرس




هل حصلت على شهادات تميز خاصة وفي أي سنة؟

نعم حصلت في الابتدائية والمتوسطة والثانوية




ما هو ابرز عقاب مر عليك طوال فترة الدراسة وبأي سنه وليهـ ؟؟!

تأخير عن الحضور في المرحلة المتوسطة وكان الجو بارد قليلاً

وحصلت على ضربة في اليد في ذلك البرد بسبب التأخير،

وأصبحت يدي دافئة في ذلك البرد




ع’ـضو كآإن مع’ـكـ بالمدرسهـ ؟؟!

لا يوجد




ع’ـدد سآإع’ـآإت استذكآإركـ ؟؟!

لكل مرحلة ساعات معينة

ولكن ربما ساعتين في اليوم




كنت تنآإم بين الح’ـصص ؟؟!

لا




ج’ـآإكـ تهزيء من مدرس بدووون سبب ؟؟! ( طرآإنات بع’ـض المدرسين )

لا




أمنيتك ؟

تطور التعليم في المملكة بشكل أفضل مما هو عليه .




كم ريآل كآنت فسحتك .؟!

خليني أتذكر كم كانت

يمكن ريالين في الابتدائي وخمسة في المتوسط

أما الثانوي مفتوح




كلمة أخيرة لمن تهديها داخل المدرسة؟

إلى جميع من علّمني حرفاً ، شكراً لكم

إلى جميع الطلبة والطالبات :

اجتهدوا قدر الإمكان وحاولوا الاهتمام بالدراسة

والابتعاد عن جميع ما يشغلكم مثل الإنترنت أو المباريات أو المسلسلات وغيرها



في النهاية أشكركم على هذه الاستضافة

وأقترح استضافة حامل المسك






وفق الله الجميع

 

 

[قيثارة]

ههههههههههههههههه شروقه ..
دراستي بالسعوديه أكيد .. بس ما اتوقع في حد من زميلات الدراسه كانت معاي

اما سالفه العقاب كانوا البنات مسوين فوضى والمراقبه جات الفصل قالت من مسوي فوضى محد رضى يعترف .. انا كنت مع مدرسه الرياضيات شوي عسره .. المراقبه قالت ما اعترفتوا اراويكم سألت المدرسه من من البنات يعاندج جان تقول اسمي وانا ذاك اليوم بالذات ما سويت لها شيء فإنقهرت من قلب

اما الفيزياء بعدين اقول لج تفاصيل القصه من أول الى آخر لان السالفه طويله وفيها اكشن من قلب ههههههههه

اما المذاكره فأنا من دخلت متوسط هذا سلكي ما اذاكر الا يوم الإختبار لان كنت اعتمد على حضوري بالحصه وفهمي للماده .. يعني مو بس لاني جامعيه

الأشعه درست بمعهد خاص بالدمام دبلوم سنتين ونص طبيعه تخصصي أشعه تشخيصيه x-ray يعني نصور اي واحد طايح منكسر منفلع عنده الم بظهره رقبته عنده الم غير مفسر بالبطن .. مشاكل الجيوب الأنفيه والحساسيه سواء ربو او حساسيه جيوب يعنو شغلنا تصوير بتصوير ويحتاج حفظ للوضعيات وعوامل التعريض والحذر والدقه ثم الحذر والدقه

 

 

[وينكـ ياحضن امي]

اما سالفه العقاب كانوا البنات مسوين فوضى والمراقبه جات الفصل قالت من مسوي فوضى محد رضى يعترف .. انا كنت مع مدرسه الرياضيات شوي عسره .. المراقبه قالت ما اعترفتوا اراويكم سألت المدرسه من من البنات يعاندج جان تقول اسمي وانا ذاك اليوم بالذات ما سويت لها شيء فإنقهرت من قلب


>وي من جد قههههههر





>>بأنتظار حامل المسك

 

 

[إشراقة أمل]

اقتباس هل حصلت على شهادات تميز خاصة وفي أي سنة؟ نعم حصلت في الابتدائية والمتوسطة والثانوية

اعرض لنـا وحدة منها ..

،’

اقتباس إلى جميع الطلبة والطالبات : اجتهدوا قدر الإمكان وحاولوا الاهتمام بالدراسة والابتعاد عن جميع ما يشغلكم مثل الإنترنت أو المباريات أو المسلسلات وغيرها

كأن هذا رد على كلامي ذآك .!؟

بس يللا كأني ما دريت .. هع ..

اسمعوا من المدير ما تخسروا !

،’

اقتباس في النهاية أشكركم على هذه الاستضافة وأقترح استضافة حامل المسك

بل نحن من نشكرك من الأعمآق لذي التلبية الغالية ..

شكرًا جزيلا .. و إكليل ورد ..

:

في إنتظـــار [ حـامل المسك ] ..

بس عسآك ارسلت لهـ رسالة .؟!

 

 

[شقاوة أنثى]

احنا بإنتظار

حامل المسك

ارسلوا لها رسالة

تأخرت علينا

 

 

[إشراقة أمل]

ارسلنا له رسـآلة .. بس شكلهـ ما يبي يجي ..

عمومًا ..

رآح نستبدله بِ |[ أنين الشوق ]| ..

ولو فضىآآ حآمل المسك .. وحب نشآركه أيآم وذكريآت دراستهـ يتفضل والمسآحة كلها له ..

:

نينوو ..

تفضلي .. و خلينا نشوف وش مهببة بالمدرسة .!

.
.

 

 

[أنين الشوق]

اقتباس المشاركة الأصلية كتبت بواسطة إشراقة أمل رآح نستبدله بِ |[ أنين الشوق ]| .. نينوو .. تفضلي .. و خلينا نشوف وش مهببة بالمدرسة .!

دا نا مهببه كتير بس المخ مصدي وفيه غبره ما اذكر شي ..
شوشي انا جات لي انهيارات من المجاهر حقك بس ماراح أردك لانك غاليه وما اقدر ارفض لك طلب..
ما أقول ألا ليت عندي تلكسوب عشان اصيدك ..



مرحلتك الدراسية؟
ليت الدراسه تعود يوما" واخبره بما فعل الجلوس بالبيتِ >> وحده مقهوره من قلب
حدي شهادة ثانوي وجالسة بالبيت ..

هل التحقت برياض الأطفال؟؟
لااا للأسف

أجمل مرحلة في سنوات عمرك؟

أكييدن المتوسطة هي الأجمل أيام الدجه والعربجه..
كنت زاحفه بالقوه..

مادتك المفضلة؟السبب
الإنجليزي ،لان دراستها ممتع وشيق ..

مادة ما تحبها ؟السبب
الرياضيات ، والفيزياء .. بسبب سوء شرح المعلمات مره فاشلين..
يو على مدرسه الفيزياء تراها تراث ماتغيرت وإلى الحين يشتكون البنات ضدها..

موقف مضحك حصل لك في المدرسة لا يمكن ان تنساه؟
لما كنت بمرحلة المتوسطه كنت منحاشه انا وربعي براا الفصل وصادتنا المديره وحنا من الخوف ماشافت إلا غبرتنا انحشنا ركض ورا
المدرسه وهي ورانا تركض وعليا ماقدرت تلحقنا لانها شوي دبه عشان كذا تعبت ورجعت وحنا ضحك عليها ..
ورجعنا فصولنا ولا كأن صاير شي.. وهذا جزء من لايتجزء من النحشات..

موقف جعلك تبكي داخل المدرسة؟
ماحصلت إلا مره لما تهاوشت مع بنت عمي بالمدرسه بأيام المتوسط

مشاغب ام هادىء داخل الحصص؟
هادئه مع شوية مشاغبه خفيفه جدا"..

مستواك الدراسي ( ممتاز..جيدجدا..جيد..مقبول )
بشكل عام جيد جداً ..وربي كرهتها..ابي أشوف نتيجه غيرها ...من ابتدائي إلى ثانوي..ونفس النتيجه
حتى مالاداعي ابشر امي لانها تعرف وش بأخذ..بس مره حصلت جيد وممتاز ااوو حسيت نفسي رزه..

راضٍ عن مستواك أم تطمح للأفضل ؟
لااا متحطمه ودي اكمل دراسه وقبولي بالكليه دائما" أنتساب وانا مش عاجبني سالفة الانتساب..
أحسها خرابيط..

علاقتك بالمدرسين ؟
جيده لاني بالنسبه لهم طالبه هادئه بالفصل

تحب المدرسة ( نعم أو لا ) السبب ؟
نعلااا..
نعم عشان الربع ولااا لاني أكره الدراسه ..

تحب المواد العلميه أو الأدبيه؟(السبب)
العلمية ..لاني ما احب الحفظ..وأكره المواد العربيه..

وش رايكـ في المدرسين في تعاملهم مع الطلاب ؟واذا كان في سلبيات لبعض المعلمين وش هي ؟
اكيد في تحيز وعنصريه على حسب مستوى الطالب او قرب الطالبه من المعلمه..
والسلبيات مثل ماقال الغريب هي : كثرة الضرب والتهزئ للطلبة المهملين
والاستقلاليه أيضا" ايام الثانوي كانوا يقولون دفعوا ونزيدكم درجات نصابين مرره..

أجمل وأعلى نسبه حصلت عليها في مسيرتكـ الدراسيه؟
أكيد لما حصلت ممتاز بخامس أبتدائي مادري شلون جاات ..

عمركـ أخذت دور ثاني ؟ وليه (اذا كان ظلم أو حقد خخخخخخ) ووش هي الماده؟
لااا..ولله الحمد..

وش رايك بتعامل بعض الطلاب مع المدرسين؟
سابقا" في احترام مهما كان درجة الشغب مايوصل
مثل طلاب اليوم قمة السخافه وقلة الادب واللسان الطويل على المعلمين و المعلمات

هل حصلت على شهادات تميز خاصة وفي أي سنة؟
نعم في المتوسطة

ما هو ابرز عقاب مر عليك طوال فترة الدراسة وبأي سنه وليهـ ؟؟!
كثير بس اكره العقاب الي مرت علي أيام ابتدائي
كنا ننضرب وبس ..حتى على اتفه الاشياء..يمكن هذا اكثر شي يستفزني لان هالمرحله طفوليه
وحراام ينضرب الطفل يسبب عقده له..

ع’ـضو كآإن مع’ـكـ بالمدرسهـ ؟؟!
حنين فاطم

ع’ـدد سآإع’ـآإت استذكآإركـ ؟؟!
ماكنت اذاكر الا أيام الاختبارات حدي احل الواجبات وبس..
عشان كذا يعتبر المنهج جديد ايام الاختبارات اروح مواصله ولا خلصت المنهج بعد ..

كنت تنآإم بين الح’ـصص ؟؟!

نعلاااا

ج’ـآإكـ تهزيء من مدرس بدووون سبب ؟؟! ( طرآإنات بع’ـض المدرسين )
اي حصلت طراانات لما ما حفظت جدول الضرب

أمنيتك ؟
ان الحاسب والانجليزي تدرس من اول ابتدائي مثل المدارس الملكيه بالجبيل..


كم ريآل كآنت فسحتك .؟!
ريالين في الابتدائي
أماالمتوسط 5ريال
الثانوي10 ريال والله ماتكفي خصوصا" لما أعزم الربع كلهم بهالعشره

كلمة أخيرة لمن تهديها داخل المدرسة؟
وهـ أفتكيت من غثة الدراسه وجلست الصباح ومن فطوم السالم ..هع
بس ياليت ارجع ادرس ..
أقول إلى الطلبة والطالبات :
اجتهدوا لاانه راح يكون مستقبلكم خصوصا" وضعنا الحالي ومعيشتنا مافي شي سهل ..

..

في النهاية أشكرك شوشي على هذه الاستضافة ..
تراا ماقلت شي يعني الفضايح سويت فيهم دليت ..

ارشح بعدي ..سندس..

 

 

[إشراقة أمل]

اقتباس دا نا مهببه كتير بس المخ مصدي وفيه غبره ما اذكر شي .. شوشي انا جات لي انهيارات من المجاهر حقك بس ماراح أردك لانك غاليه وما اقدر ارفض لك طلب.. ما أقول ألا ليت عندي تلكسوب عشان اصيدك ..

>>> وجه مطلّع عيونه !

انهيآر مرة وحـدة عآآد .؟!

سلامة قلبك من الانهيآر ..

تسلمي يا الغآلية .. بس ترآنا ما خلصنآ مع المجآهر ..

يعني استعدي لمجهر جديد بعد فترة قصيرة إن شاء الله ..

بس ليش التلسكوب .؟!

.

اقتباس مرحلتك الدراسية؟ ليت الدراسه تعود يوما" واخبره بما فعل الجلوس بالبيتِ >> وحده مقهوره من قلب حدي شهادة ثانوي وجالسة بالبيت ..

وش رآيك نسوي مظآهرات .؟>>> الشعب موقل على المظآهرات .!

:

اقتباس مادة ما تحبها ؟السبب الرياضيات ، والفيزياء .. بسبب سوء شرح المعلمات مره فاشلين.. يو على مدرسه الفيزياء تراها تراث ماتغيرت وإلى الحين يشتكون البنات ضدها..

أجل تدرين إني حبيت مآدة الفيز بسبب المعلمة ذي !

كآنوا وآجد يقولون عنها ما تشرح عدل ولا تفهمين منها شي ..

قلت بعد ما تشرح عدل .. أجل خلني أشرح لنفسي بنفسي .. ومن ذآك الوقت وأنا أحب الفيز لأني فآهمته وأحسه ممتع حيييل .!

:

اقتباس موقف مضحك حصل لك في المدرسة لا يمكن ان تنساه؟ لما كنت بمرحلة المتوسطه كنت منحاشه انا وربعي براا الفصل وصادتنا المديره وحنا من الخوف ماشافت إلا غبرتنا انحشنا ركض ورا المدرسه وهي ورانا تركض وعليا ماقدرت تلحقنا لانها شوي دبه عشان كذا تعبت ورجعت وحنا ضحك عليها .. ورجعنا فصولنا ولا كأن صاير شي.. وهذا جزء من لايتجزء من النحشات..

الله يرحم أيآم الأدب والهدوء ..

.

اقتباس موقف جعلك تبكي داخل المدرسة؟ ماحصلت إلا مره لما تهاوشت مع بنت عمي بالمدرسه بأيام المتوسط

يعني مآ بكيتي عشآن معلمة تحبينها وما عطتك وجه .؟!

.

اقتباس راضٍ عن مستواك أم تطمح للأفضل ؟ لااا متحطمه ودي اكمل دراسه وقبولي بالكليه دائما" أنتساب وانا مش عاجبني سالفة الانتساب.. أحسها خرابيط..

طيب سجلي في معهد حآسب أو انجلش أو الاثنين .. تستفيدي من الوقت والشهآدة ..

:

اقتباس وش رايكـ في المدرسين في تعاملهم مع الطلاب ؟واذا كان في سلبيات لبعض المعلمين وش هي ؟ اكيد في تحيز وعنصريه على حسب مستوى الطالب او قرب الطالبه من المعلمه.. والسلبيات مثل ماقال الغريب هي : كثرة الضرب والتهزئ للطلبة المهملين والاستقلاليه أيضا" ايام الثانوي كانوا يقولون دفعوا ونزيدكم درجات نصابين مرره..

>>> فيس مبقق عيونه مرة ثآنية .!

شدعوآآآ .. وصلت للإستغلال !!

الله يرحم أيآم أول .. نقول لهم بندفع لكم بس اجبروا النص ، ولا يقبلوا >>> كأنها ما تدخل المخ .!

:

اقتباس أمنيتك ؟ ان الحاسب والانجليزي تدرس من اول ابتدائي مثل المدارس الملكيه بالجبيل..

ايه صدجتِ ..

وإلا تُدرّس من التمهيدي مثل البحرين ..

:

اقتباس كلمة أخيرة لمن تهديها داخل المدرسة؟ وهـ أفتكيت من غثة الدراسه وجلست الصباح ومن فطوم السالم ..هع بس ياليت ارجع ادرس ..

خخخ .. شكلك دايم في نجرة معها ..

ترآها حليوووه بس مع اللي يصير حليوو معها ..

:

اقتباس في النهاية أشكرك شوشي على هذه الاستضافة .. تراا ماقلت شي يعني الفضايح سويت فيهم دليت ..

>>> للمرة الثآلثة فيس مبقق عيونه !

لييييييييييش ؟

ليش تحذفي الفضآيح .. ترىآآ حلاتها بالفضآيح ..

:

الشكر كل الشكر لك غنآتي ع الرحلــة حتى لو إنك حآذفة نصهآ ..

روحك عذبة .. لا حرمنآها ,,

.

سُندس ..

في انتظآرك ...


.
.
.

 

 

[إشراقة أمل]

نينوووووو ..

شكلك ما أرسلتِ رسآلة لِ سندوو ..

:

ندآآء إلى سندس ,,

أرجو الإسرآع لتلبيـة الدعــوة

فلا زلنا في الانتظآر ,

 

 

[أنين الشوق]

اقتباس المشاركة الأصلية كتبت بواسطة إشراقة أمل نينوووووو .. شكلك ما أرسلتِ رسآلة لِ سندوو .. : ندآآء إلى سندس ,, أرجو الإسرآع لتلبيـة الدعــوة فلا زلنا في الانتظآر ,

يو ياشوشي سندس ما اقدر ارسل لها يقول لي
سُندس } تجاوز المحد له من مساحة الرسائل الخاصة المخزونة ولا يمكنه
إستلام رسائل أخرى إلى أن يحرر بعض المساحة.
ألحين كيف نوصل لها ..

 

 

[إشراقة أمل]

اممم .. أعتقد إنك صدتيهآ في خفوق إذا مآ غلطت ..

يعني عندهأ علم ..

ارسلي لهآ رسآلة الحين .. يمكنها حذفت كم رسآلة في صندوقهآ ..

وإذا ما فيه مجآل ولا توصل الرسآلة .. الندآء الخفي بيجيبها إن شاء الله ..

:


سُندس ..}

لن يقع الإختيآر على غيرك حتى لو تأخرتِ ..

لن أتنآزل أبدن أبدن أبدن عن حضورك ..

يللا لا تتغلي علينــآ .. ترآنـا في الإنتظــآر ,,



.
.

 

 

[سُندس }]

:



سلام .



اعتذر عن التأخير عزيزاتي / انين و اشراقة /


واعتذر مره أخرى لأني بختار وحدة غيري .





















صج تغلي ــ تمزح معكن ــ






جايتكم عند أقرب محطه .





:

 

 

[سُندس }]

,

اقتباس مرحلتك الدراسية؟

مابين العلم والجد والمرح .

اقتباس هل التحقت برياض الأطفال؟؟

لا / لكن تمنيت اني داخله لأن احس ها المرحله حلوه حيل .

اقتباس أجمل مرحلة في سنوات عمرك؟

أممم ثاني متوسط و ثاني ثانوي وثالث ثانوي .

وحتى ايام الكليه حلووه .

اقتباس مادتك المفضلة؟السبب

مادة الكيمياء / حلو تعرف فيها التغاعلات الكيمائيه .

اقتباس مادة ما تحبها ؟السبب

الأحياء / حلو تعرف دراسة تفاصيل الإنسان والحيوان والنبات

ومافيها تعقيدات كثيره , حتى الكيمياء بس ماجاتنا دراسه حيل مظبوطه .

والرياضيات بعد حلوو بس بشرط ثالث ثانوي لأني اغلب الأشياء فهمتها

وحلوه الحسابات و المعادلات .

اقتباس موقف مضحك حصل لك في المدرسة لا يمكن ان تنساه؟

أممم حصل لي موقف في ثاني متوسط مع معلمة التطبيق طيب ؟

المهم / كانت عندنا حصة درس مع المعلمة وكنت انا ووحدة ع قلب في الضحك

واكثر من وحدة بس هي أكثر وحدة في البنات كانت المدرسة تقريباً ماتتكلم عدل

يعني أقصد انها تبدل حروف ع حروف يعني او من النوع الألتق مش ذاكره حيل با الظبط

وخلاص احنا ماقدرنا نتحمل الوضع جالسين نضحك عليها & مسكينه المدرسه الحين تندمت

وهي بعد ماتحملت شكلها وقالت لنا خلاص قوموا روحوا للمدرسه الفلانية يالهوووي نروح لها ؟؟؟

& يعني تبع الإدارة بس أقل

وما أذكر شصار ؟ يعني كأن قلنا لها أخر مره أو شي كذا بس لا مارضت الا نروح !

ورحنا لها أنا والبنت آمرنا لله وعطونا تعهد تقريباً ع الضحك اللي ضحكناه ههه وبس ومانسينا الموقف

ولا البنت اللي معاي نست الموقف ...

اقتباس موقف جعلك تبكي داخل المدرسة؟

أمممم في مواقف صارت بكيت فيها في المدرسة بس لا أتذكرها الآن وأتذكر موقف بس مراح أقوله .

اقتباس مشاغب ام هادىء داخل الحصص؟

امممم يمكن نص ونص بس كبرت وعقلت .

اقتباس مستواك الدراسي ( ممتاز..جيدجدا..جيد..مقبول ) .

غالباً جيدجداً .

اقتباس راضي عن مستواك أم تطمح للأفضل ؟

أطمح للأفضل أكيد .

اقتباس علاقتك بالمدرسين /المدرسات؟

ع حسب علاقة المدرسه معاي .

فيها جدية , هدوء , في مدرسة في ثانوي حبيتها بسبب ابتسامتها وفي ميانة وسوالف معها

في الفصل نسوي جووو لنا ولها وللبنات .

اقتباس تحب المدرسة ( نعم أو لا ) السبب ؟

في أيام حبينا فيها المدرسه حباً جما / وفي أيام كرهناها / وفي أيام في المنتصف

والحين الأيام نبي نعوود لها ولو لحظة .

اقتباس تحب المواد العلميه أو الأدبيه؟(السببب)

المواد العلمية لأنها باالفهم والأستيعاب .

اقتباس وش رايكـ في المدرسين في تعاملهم مع الطلاب ؟واذا كان في سلبيات لبعض المعلمين وش هي ؟

ع حسب / في بعضهم والنعم منهم & بتخطبين ليكون

بعضهم ليومنا ولبكرة ماننسى الأيام الحلوه اللي صارت و كانت وياهم

وفي بعضهم مانحب نتذكر مواقفنا وياهم بسبب أن بعض المدرسات يكونون مو لطيفات في التعامل

ومايعطون فرصة للبنت تتكلم أو تتحرك بعد .

اقتباس أجمل وأعلى نسبه حصلت عليها في مسيرتكـ الدراسيه؟

في ثالث ثانوي الدور الأول /

اقتباس عمركـ أخذت دور ثاني ؟ وليه (اذا كان ظلم أو حقد خخخخخخ) ووش هي الماده؟

لا ولله الحمد والمنة ..

اقتباس هل حصلت على شهادات تميز خاصة وفي أي سنة؟

اي شهادة تفوق في ثالث ثانوي .

اقتباس ما هو ابرز عقاب مر عليك طوال فترة الدراسة وبأي سنه وليهـ ؟؟!

ما أذكر حيل / بس كأن عطوني المدرسة جزى أو جزء يعني تكرار

وكأني بعد وقفت برى الفصل .

اقتباس ع’ـضو كآإن مع’ـكـ بالمدرسهـ ؟؟!

مااعرف أحد .
شاكة في وحدة مدري هي ولا / بس مراح اقولها لكم .

اقتباس ع’ـدد سآإع’ـآإت استذكآإركـ ؟؟!

ع حسب كل مادة .

اقتباس كنت تنآإم بين الح’ـصص ؟؟!

بصراحه أذكر في ثالث ثانوي غفيت في حصص الرياضيات * غفيت لاحظوا .

اقتباس ج’ـآإكـ تهزيء من مدرس بدووون سبب ؟؟! ( طرآإنات بع’ـض المدرسين )

مـــــا اأذكر .

اقتباس أمنيتك ؟

ترجع أيام الدراسة والمواقف الظريفه وجمعة البنات وهذا أهمها .

اقتباس هل سبق احد أن لعب عليك وأخذ منك مصروفك أوأخذ منك الفسحة ؟؟؟

لا أتذكر جيداً وربما لا .

اقتباس كم مرة انضربت من الطلاب الاكبر سنا أوحجما؟؟

ولا مرة ولله الحمد تعرفون في أشرار بعد في المدرسة

بس الحمدلله .

اقتباس هل كنت من الزوار الدائمين للإدارة وهل تعرف شكل ورقة التعهد؟؟؟

لا مو حيل .

اقتباس كم مرة غشيت في الاختبار؟؟؟ >>> وآثقة انهم غشوآ هع !

مدري هههه .

اقتباس عمرك هربتَِ من المدرسة؟؟؟

لا مايسونها البنات ولا ؟!

اقتباس عمرك عملت مقلب في المدرسين ؟؟؟واذكر موقف

لا أتذكر بس ما أعتقد خبرك ثقيله

اقتباس هل تتمنى العودة الى المدرسة ؟؟

نعم لكن بدون قوانين مدرسية حلوه الحرية

وبنات اختفوا مانشوفهم بعد المدرسة وحشتنا شوفتهم .

اقتباس كلمة أخيرة لمن تهديها داخل المدرسة؟

الى طلاب العلم / أستفيدوا من كل الدقايق اللي با المدرسة

سواء كان من مدرس أو مدرسة تطبيق وأستغلوا ها الشيء

ناس مادرست وتتمنى انها درست واجتهدوا من جد وجد ومن زرع حصد .

.

.

يعطيكم العافيه / ترى حذفت سؤالين .

.

 

 

[مجنونكـ رسمي]

^^^^^^^^^^
طيب مين الطالب الجدييد اختاري بسرعه <<<<<<مسوي متحمس يشوف من الجديد

 

 

[سُندس }]

’


سلام عليكم من جديد ..



:


أختار من بعدي صاحبة الموضوع ( اشراقة أمل ) .

حتى لو بعد إجازتك مو مشكله : ) ..

وماراح اختار احد غيرك وبلا تغلي .




:

 

 

[مجنونكـ رسمي]

يلايلا بسرعه يا اشراقة امل

ننتظرك

 

 

[إشراقة أمل]

اقتباس مادة ما تحبها ؟السبب الأحياء / حلو تعرف دراسة تفاصيل الإنسان والحيوان والنبات ومافيها تعقيدات كثيره , حتى الكيمياء بس ماجاتنا دراسه حيل مظبوطه . والرياضيات بعد حلوو بس بشرط ثالث ثانوي لأني اغلب الأشياء فهمتها وحلوه الحسابات و المعادلات .

غريبة ما قلتِ الفيزيآء ..

:

اقتباس أممم حصل لي موقف في ثاني متوسط مع معلمة التطبيق طيب ؟ المهم / كانت عندنا حصة درس مع المعلمة وكنت انا ووحدة ع قلب في الضحك واكثر من وحدة بس هي أكثر وحدة في البنات كانت المدرسة تقريباً ماتتكلم عدل يعني أقصد انها تبدل حروف ع حروف يعني او من النوع الألتق مش ذاكره حيل با الظبط وخلاص احنا ماقدرنا نتحمل الوضع جالسين نضحك عليها & مسكينه المدرسه الحين تندمت وهي بعد ماتحملت شكلها وقالت لنا خلاص قوموا روحوا للمدرسه الفلانية يالهوووي نروح لها ؟؟؟ & يعني تبع الإدارة بس أقل وما أذكر شصار ؟ يعني كأن قلنا لها أخر مره أو شي كذا بس لا مارضت الا نروح ! ورحنا لها أنا والبنت آمرنا لله وعطونا تعهد تقريباً ع الضحك اللي ضحكناه ههه وبس ومانسينا الموقف ولا البنت اللي معاي نست الموقف ...

.!

أثآريك من النوع اللي يتطنز على خلق الله .!

افاا .. ما هكذا الظن بك .؟!

لا .. ورآعية سوآبق بعد .. تعهدات وحركااات ..

بس بقول لك حآجة في أذنك : استغفري لطآلبة التطبيق ، شود انكم تحملون شي من الذنب .! >>> اكرمينآ بسكوتك شوشي .!

:

اقتباس مااعرف أحد . شاكة في وحدة مدري هي ولا / بس مراح اقولها لكم .

اممم .. أكيد شآكة فيني ، مو .. >> استريحي شوشي ..

طيب من اللي شآكة فيها .. يمكن هي تعرفك و تأكد لنآ إذا صج كآنت معك أو لا ..

:

اقتباس بصراحه أذكر في ثالث ثانوي غفيت في حصص الرياضيات * غفيت لاحظوا .

في ( حصص ) و ( غفيت ) ..!

لا تقولي حصص مريم ؟ مع إني متأكدة إنها حصص بثينة لأنها فعلا تجيب النوم ..

>>> أستآذاتي الفاضلات .. اسمحوا لي جبت طآريكم .. بس إن شاء الله بالخير >>> ايه هين بالخير .!

.

اقتباس هل كنت من الزوار الدائمين للإدارة وهل تعرف شكل ورقة التعهد؟؟؟ لا مو حيل .

هو مو حيل .. بس يعني سبق وشفت ورقة التعهد .. مو ..!

:

اقتباس عمرك هربتَِ من المدرسة؟؟؟ لا مايسونها البنات ولا ؟!

ما تدرين .. هالأيام كل شي يستوي .!

:

اقتباس يعطيكم العافيه / ترى حذفت سؤالين .

يؤؤؤ .. ليييييش .. سؤالين محذوفين .. و موقف ما أبي أقوله >> انكسر خاطرها خخ !

:

اقتباس أختار من بعدي صاحبة الموضوع ( اشراقة أمل ) . حتى لو بعد إجازتك مو مشكله : ) .. وماراح اختار احد غيرك وبلا تغلي .

هاااا !

عآد ما بغيتيني إلا أنآآ .!

طيب نظرا لإجازتي مثل ما أنتم عآرفين .. فمآ عندي وقت أروق على الأسئلة >>> كثري منها ترآك صجيتينآ !

رآح أغير الضيف .. عشآن ما ودي الموضوع يتعطل ..

وإذا خلصت إجازتي .. لكم مني وعد إني أجي وأخبركم بالحكآيات >> يقآل انها طآلبة نص مشآغبة !

ويقع الإختيـــآر على |[ زهرة اللوتس ]|

يترآوى لي إن مغآمراتها خطيرة في المدرسة ..

خلونــآ نشوف حكآيآها ..

وكمآن لوتس .. ضيفي عندك سؤال إضآفي :

- هل تحتفظ / ـين بدفتر من دفآتر أيآم المدرسة إلى الآن .. ( إذا نعم ، صوره / يـه لنا .. وصور / ي ورقة منه ) ..

،’

رحلـــة ممتعـة أتمنآهآ لكم برفقـة ( الزهرة ) ..

.
.
.