بغيت أموت في نيوزلندا

[زهور الريف]

اقتباس ويازهوررررر الريف وينك يانصابه شفيك تأخرتي عن الرد هالمره ترى أنا صايدك في المنتدى العلمي أقول بلا خيانه ورجعي عندنا أحسنلك!!

انا زعلانه وما راح اكمل القصه ليش تعطيني 13 درجه انا من المشاركين انا مثل عزف الدموع ليش تعطيه الدرجه الكامله وانا لا وعلى قولتك كله في العلمي الله يعافي صدقيك أول الغيث ما يقصر كله معطني الدرجه الكامله مو مثلك ’’’’’’’

 

 

[AL-NAQEEB]

sar 103
.
عفاك اللهـ
وعساكـ على القوهـ
تقبلوا تحياتي وتقديري
AL-NAQEEB

 

 

[sar 103]

انتهى الويكند

صحيت الفجر

كالعاده ارمي ملابسي كلها من الدولاب
وانا ارتجف من البرد

واختار اثقل شئ
ولا مانع من اني البس لبس ولبسين فوق بعض
وفوقهم بالطو طويل من الجلد

لبست

وكان الجو بارد
اضفت للبسي
الشال >> حول الرقبة
القفازات >> على اليدين

النظارات الشمسية على القبوّع اللي لابسه

الساعه 6 كان كل شي جاهز عندي !!

استغربت هالاستيقاظ المبكر

عموما انه النظام الاكاديمي عندهم تغير
وتأخر وقت الدوام ساعه ( شتوي )

يعني في احد الايام السابقة
كلنا اضفنا على ساعاتنا ساعه زيادة
وبكذا صار الفرق بيننا وبين السعوديه
10 ساعات

قعدت بالصاله
شغلت التي في

الوقت بدري وموعد الباص

8.20

قمت قلت خليني اطلع امشي شوي على النهر
علما ان الجو ظلام

طبعا انا بس فكيت الباب
ودخل الهواء
( اللي حابسه برا من الويكند ) < كنايه عن وجودي بالبيت وعدم خروجي

خلى كل عظامي تخبّط على الجيران
( اقصد تخبط في بعض )

رجعت قفلت الباب ورغم اللبس اللي لا بسه الا اني حسيت البروده تسللت لداخل عظامي
وقلت بذيك اللحظه

يالله اجيرنا من هالعذاب
!!

رجعت بذاكرتي للسعوديه
لما وصلت درجات الحرارة بيوم من الايام الى
55ْ مئوية
وقلت نفس الكلمه
!!
يالله اجيرنا من هالعذاب


.
.
سبحان الله
ابن ادم كل شئ عنده عذاب


..
.
.
قلت خليني اسوي لي فطور
قمت اقلّب في الاغراض اللي جابها لي سوني قبل يسافر
لقيته جايب
7 كراتين كورن فلكس
7 عبوات الحجم الكبير حليب
3 قصيرة الاجل و4 طويلة الاجل
بالاضافة الى مكسرات وكاكاو

طبعا المعلومه اللي ماحد يعرفها

انه راح وجاء
ومالمست ايّاً من الكورن فلكس
ولا من الحليب


بس المكسرات اللي مخلصه
حتى الشوكو عافتها نفسي

طبعا وقتها اخذت مكسرات
وقعدت اكل فيها
!!
يالله صباح خير
!!
دق الباب
وفزّ قلبي
مين هذا اللي بيدق بهالوقت
؟؟
فتحت الباب
عجوز قال لي : انا جاركم وين سوني ؟
قلت له مسافر
قال اوكي
انتبه للبيت لانه راح يجي عاصفة ثلجية سرعتها 180 كم / في الساعه


قلت له ايش يعني ؟؟ << على نياته مايعرف الا الحر

قال يعني عاصفه ثلجيه !!
قلت له طيب ابغى خدمه منك
بالاصح سؤال
اقدر اروح الدوام عادي ؟
والا اكنسله ؟
قال لا روح عادي
العاصفه راح تبدأ الساعه 2 الظهر
قلت ايش ؟؟
عواصفكم بمواعيد هي ؟ والا تستأذن قبل تجي ؟
طبعا راح وتركني وهو يتمتم بس ماكنت ادري ايش يقول

.
.
.
صارت الساعة
8.05 دقايق
وقلت راح اطلع عشان لا اتأخر

طلعت من البيت وتأكدت ان المفاتيح بجيبي
لانه لو ضاعت او نسيتها معناها ابات في الشارع

قفلت الابواب تمام وتوكلّت على الله
وانا اطالع يمين ويسار كأني حرامي
عاد متعتي اليوميه
هي اني اتنفس ويطلع من فمي دخان
كنت رغم البرد القوي
اقفل فمي واخليّ البرد والدخان يطلعوا من خشمي
وشوفو الشكل عاااااااااااااد
خخخخخ

ماكملت 3 خطوات من البيت
الا ويهطل المطر بغزاره
علماً انه كان يهطل بس هتّان
خفيف يعني

طلعت المظلة من شنطتي

وحطيتها على راسي عشان تحميني من الامطار وتحمي هندامي اللي لابسه من الفجر !

فجأة زاد المطر بشكل يخوّف
صرت ازيد في خطواتي عشان اوصل محطة وقوف الباص
صحيح انه مافيها مظله
بس يمكن يكون فيها العجوزه اللي دايم اقابلها عند محطه الباص ونطلع سوا
يعني اتسلى وانا اسولف معاها

هبت رياح قويه مما جعل مظلتي تصير بالعكس
!!
كأنه احد فجعها !!

انكسرت
يالله
ايش اسوي الحين
؟؟
حاولت اردّها وماقدرت
كل ما اردها تفتح العكس مع قوة الهوا
طبعا بالاخير انكسرت نهائيا
والقماش اللي فيها تقطع

رميتها من قهري << لا تنسوا ان الرمي عندهم مخالفة

مشيت والبرد ذابحني والمطر

وانا لافف الشال على كامل وجهي
بس عيوني تبان

يعني متبرقع بس على غفله خخخخخخ


وصلت محطة وقوف الباص
ومالقيت العجوزه
احتميت بالاشجار وان كانت ماتحمي


انتظرت الباص وجاء بموعده 8.20

بس كان فللللللللللللللل !!

اول مره يتصادف هالشئ معي
قعدت اقول اشفيه من سافر سوني الناس تلعب بذيلها

طبعا وقّف
وانا على باله يقول اركب
قرّبت منه وفك الباب
وقال لي عفواً
انتظر الباص الثاني
قلت له والمطر ؟؟؟
قال لا هو خلفي مباشره
وبالفعل
جا الباص الثاني وهذا بعد واقف اساسا
عجبني الاهتمام بخدمة الراكبين

ركبت مع الباص الثاني
ورحت للكلية
اذكر انه الباص كان مشغل التدفئة على اقوى شئ ومقفل الشبابيك
ومع ذلك الموجودين يرتجفوا
فما بالكم
بأبو مظله مقطوعه
وغرقان مطر
!!

رحت الدوام
والكل استقبلني
كيف قضيت الويكند لوحدك
؟؟
السكرتيره اول شي
وبعدها المديره
وبعدها المدرسين
وبعدهم الطلاب
عندهم ترابط عجيب

وسالوني اذا احتاج شئ

قلت مظلّه
خخخخ

واعطيت السكرتيرة
35 دولار
ثمن ارخص مظله
!!

يعني
فوق المائة ريال سعودي


.
.
لو يجو عندنا يلاقوها بمحل ابو ريالين

الاّ على فكره لقيت في نيوزلندا محل ابو ريالين والله

!!
بس طبعا
كان اقل من دولارين

وكان اي طالب جديد يجي ادلّه عليه

والاغراض تنباع بدولارين او اقل

طبعا الاسعار هنا خياليه

يعني ممكن تشتري دفتر عادي من المكتبه ويكون سعره
70 ريال سعودي
وتشتريه من محل ابودولارين
وتلاقيه
بـ 6 ريال
!!
فرق عجيب
!!
نرجع لموضوعنا

من نظرات العطف اللي كانت عليّ حسيتّ نفسي ببكي
او
ابغى
hug

حضرت يومي طبيعي
بس الطلاب والطالبات ذاك اليوم
كانوا متفقين انه يتغدوا سوا عشاني
( طبعا كلهم اجانب كانوا ولا واحد عربي غيري )

طلعنا للمطعم بعد الدوام واشترطت عليهم لحم حلال او ما اكل شئ !!
عقدّتهم وبنفس الوقت بيّنت لهم الاسلام شوي وانا اسولف

رحنا مطعم هندي ( حسب طلبي )
وتغدينا

وبدأت العواصف !!!

عواصف ماشفت لها مثيل في حياتي !!
خفت بصراحه
وجلست اسأل الشرطه اللي بالشارع
عن اضرارها
قالوا لا تمشي بجمب شجر او بيوت
!!
اجل وين امشي


قالوا روح بيتك بسرعه

طبعا ركض على محطة الباص

ووصل التحذير الى انه الخطر
كان في مرحلة عواصف
واصبح في مرحلة اخطر
اعاصير
!!
وعلى الكل انه يتوجّه لبيته
طبعا ركبت الباص
ونزلني عند الموقف اللي عند بيتنا
ويبعد تقريبا
20 دقيقه
رحت اسرع في الركض شوي
على اساس اوصل البيت اسرع
واشوف الشجر طايح !
واصوات الاسعافات
وحاله الله لا يجعلكم تعيشوها
وصلت البيت وقفلت الباب بالمفتاح
وطقتين مو وحده
<< عشان الاعصار مايقدر يدخل

من الركض والخوف
نسيت البرد
وخلعت ملابسي
ورميت نفسي على الكنبه
وشغلت التي في اتابع الاخبار

الا وجميع نيوزلندا محيوسه
اعاصير
في العاصمة
ولينغتون
واكبر مدينه في نيوزلندا
اوكلاند
وفي نيلسون
والمدينة الساحره
اللي انا فيها
كرايست شيرش
اعصار قوي
ناجم عن تحرك جليدي في القطب الجنوبي
!!
ايش هالكلام
!!
انا في حلم والا في علم
؟؟
احنا ياما تقتّلوا المسلمين في كل مكان ولا تحرّكنا
والحين تبغى تقنعني يالمذيع
ان الاعاصير تنرفزت عشان الجليد تحرّك

!!

تابعت التي في ومن المناظر اللي شفتها بالتي في
حسيّت بالبرد
والخوف
واصوات قطرات المطر
قويه
واصوات الريح

استمريت بمتابعة التلفزيون
الاّ والباب يدقّ
فتحت لقيته
رجل المطافي
يسأل اذا كل شي شغال ؟
كهرباء ماء تليفون

قلت له كل شي تمام
وراح
.
.
.
اذكر دقيت على صديق لي اسمه جهاد

قلت له ايش رايك تجيني البيت يابعد شبدي ؟
قال أيمن انت خايف !!


قلت له تعال لا اتوطى بطنك


جاء ذاك اليوم ونام عندي
ورحنا الدوام سوا
اليوم الثاني
وكان ولا كأن شئ صار
!!
اللي امس طايح ومادري ايش ومكسر
كل شي تمام
المدينه منظمه جدا
والامطار اللي ماوقّفت من يوم جيت نيوزلندا
مالها اثر !!
ليتهم يجو السعوديه
ويشوفوا مياه الامطار والامراض اللي تخلّفها لما تتحوّل لمستنقعات

عموما قلت حق جهاد
انت ضيف عندي هاليومين
لاتقول بتروح بيتك
عموما هو بذيك الفتره
طلع من البيت اللي كان ساكن فيه
فما كان يدري وين يسكن
فقعدنا كم يوم سوا
.
.
.
.


الفلّه راح تبدأ
معي انا وجهاد

الطباخان العالميّان
المغموران .


وتابعونا


وفالكم



طيب

 

 

[قيثارة]

من نظرات العطف اللي كانت عليّ حسيتّ نفسي ببكي
او
ابغى
hug

خخخخخخخخخخخخخخخخخخخخخخخخخخخخخخخخخخخخخخخخخخخخخ

بانتظار الفله مع جهاد ..
والله شكله واحد مصرقع اكثر منك ..
بس يالله
خل نوسع صدورنا بسوالفكم ..


مشكور خيوا على هالبارت ..
واكيد انا بالانتظار ..

 

 

[عزف الدموع]

اقتباس انا زعلانه وما راح اكمل القصه ليش تعطيني 13 درجه انا من المشاركين انا مثل عزف الدموع ليش تعطيه الدرجه الكامله وانا لا وعلى قولتك كله في العلمي الله يعافي صدقيك أول الغيث ما يقصر كله معطني الدرجه الكامله مو مثلك ’’’’’’’

اقووول زهووور ليش معصبة خلاص المرة الجاية اجتهدي زين واخذي الدرجة الكاملة عني تستاهلين خيتووووه ...


انا اجتهدت واخذتها قبلك ... صح ايمن ؟؟؟




اهلين اخوي ايمن ... الله يساعدك ويعطيك العافية







اليوم القصة حلووووة فيها متعة على اكشن يعني هيك شي ....


اكيد مثلنا دوامهم يتغير من فترة لفترة صيف وشتاء


وبعدين والله زين مامت من البرد اكيد شي لايوصف احنا هنا ونتعذب وقت الشتاء اجل كيف عندهم


يالله الستيرة بس !!!


بس مسكين والله كسرلات خاطري يوم انكسرت المظلة حقتك والله موقف لاتحسد عليه ...

وزين ان الباص الثاني ماتأخر كثير عليك ولا كان تجمدت وانت واقف هههههههه



وان شاء الله جهاد مايقصر راح يضل معك لين يحصل له مكان

وزي ماقالت اختي قيثارة شكله مصرقع وفله ههههههه الله يخليكم لبعضكم يااارب


بس في حاجة استغربت منها .. هذول رجال المطافي والله فيهم الخير يجي للبيت ويسأل ويتطمن

الله يخلف علينا بس يموت الميت ولا حد درى عنه........ ماعلينا



المهم



مشكور ايمن وماقصرت وان شاء الله بأنتظار التكملة الجاية للقصة الاكثر من رائعة

 

 

[sar 103]

عوافي شباب
كيف الحال إنشاء الله مرتاحين
الله يعطيك الف عافيه ياقيثاره على المتابعه الرائعه ورجاء انا مش ضب علشان اصير مصرقع؟؟؟؟؟؟
ههههههههههههههههههههههههه عادي اخذي راحتك في المزح. وشكلك جيده في اللغه الانجليزيه صح ولا لا؟؟؟
مشكوووووووووووووووووور اخوي عزف الدموع على المتابعه الراقيه والدقيقه وتكفى كلم زهورررر الررريف وقلها انا بعطيها الدرجه الكامله بس خله ترجع ولاتحرمنا طلتها الحلوه.
الله يعطيك العافيه اخوي عزف الدموع وخلك كذا متابع ....

تابعونا


وفالكم


طيب

 

 

[قيثارة]

جيده بالانجليزي ..
وابي تعطيني فل مارك .. ولا ترى بضرب عن متابعه القصه ..

 

 

[شعاع القمر]

الف شكور لك اخوووي sar 103 تصدق انا اول مره ادخل من القصص وداخل عشان قصتك فقط عموما ننتظر تكمله الرحله او القصه

وفق الله الجميـــــــــــ ع

 

 

[sar 103]

دق ناقوس الفجر
وانتفضت من مكاني

تلعثمت وانا اقول صباح الخير لنفسي
امام المرآة
!!
كدت ان اسقط على الارض وانا اتجنبّ اكوام الملابس المُلقاة في غرفتي
بعدما كنت اتفنن في تخطيّها
ولكن هذه المرّه
دموعيّ كانت حاجبه للرؤية

*
*
*
استعذت بالله من الشيطان
وكنت احمّس نفسي
بكلمة

انت مو صغير

!!
.
.
لبست ملابسي
خرجت من المنزل وفعلت حركتي المفضله
وهي اني اتنفّس ويتصاعد الدخان من فمي وانفي
من شدة البرودة

لكم اشتقت لهذه الحركه

!!
طوال 3 أشهر كان هذا الدخان المنبعث من داخلي كبركان
هو صديقي
.
.

كان الجو ماطر
ليس بغريب استمرار المطر في مدينة تعتبر هي البوابه الرئيسية للقطب الجنوبي
وصلت الى محطة الباص مبكرّاً
رأيت تلك العجوز المنتفخة وهي تسبقني الى الابتسامة والسلام
وتقول لي
كل يوم اراك فيها وارى جمالك اتذكرّ ايامي السابقة
والعن ايامي العجاف هذه
< عجاف ؟؟ حاشا بقرة مو ادمية
وكان يقطع حديثنا صوت الباص وهو يشّق طريقة بين الامطار
ولكن هذه المرّه تأخر عن المجئ
او بالاصح
اتيت مبكرا انا والسيدة العجوز
.
.
.
تذكرتّ اني رأيت بطريقي زهرة وردية اللون

جذبني شكلها وهي تستجمع قطرات المطر في شوق
لم اشأ ان يفوت كاميرتي هذا المنظر

انزلت حقيبتي من ظهري واعطيتها للعجوز بعدما اخذت كاميرتي
وانطلقت مسرعاً
عائدا الى مكان الزهرة

وانا ارى بقايا المطر تتفجرّ
مع وقع اقدامي
ركضت الى الزهرة
والتقطت لها صورة

عدت ادراجي ووصلت الى السيدة العجوز
وشرحت لها سبب ذهابي مُسبقاً
ابتسَمت هي واعطتني حقيبتي واتى الباص
وركبنا وكانت نفسيتي افضل مما هي عليه
.
.
مررت بأحد المقاهي المشهورة
ستاربكس

ثم

.
وصلت الى الكلية
ولم اخلع نظاراتي الشمسية
خابرين انتم الدموع تنزل غصب

قال لي
الاستاذ روب
الهذه الدرجة الشمس تضايقك ؟
قلت : لا .. وابتسمت وذهبت الى بهو الكلية المغلق
.
..
.
( ياجماعة الخير احسّ سيبويه يتألم في قبره )
لغه عربية ولا احلى خخخخخخخخخخ

جاء الطلاب من حولي



خلاص راح اتكلم بالعاميّه


المهم


بدأت المحاضرة الاولى

وكان فيه طالب كوري
وطالبه يابانية
متفقين انهم يطلعوا يتغدوا
وكنت انا على رأس المدعويين معاهم
.
.
كلموني وقالوا
راح نطلع ونبغاك معانا

قلت لهم ما اظن
بس ايش رايكم
تجوا البيت عندي وتذوقوا الكبسه السعوديه
؟؟
( حبيّت اغيرّ جو لنفسي وما اكون لوحدي بالبيت عشان لاتتعب نفسيتي )
طبعا ماكذبوا خبر
ووافقوا بدون تردد
واتفقنا انه بعد الكلية
نروح نشتري شوية اغراض ونطلع على البيت
وعزمت معاي اثنين سعوديين

*
*
*
ارسلت السعوديين يجيبوا لنا لحم مذبوح على الطريقة الاسلامية
ورحت انا على السوبر ماركت
مع الطالب الكوري شوي
والطالبه اليابانيه تشي اي

قالوا يالله ناخذ اغراض ونقسم التكلفه بيننا
انا قلت لا
طالما انتم معزومين عندي
انا اللي راح اتكفلّ بالحساب
لكن فيما لو حبيتوا تشتروا اشيائكم الهبلا
( ويسكي )
فانا ماراح ادفع الا حسابي

.
.
اصروا على انهم يشتروا مشروباتهم الروحية
وانا قمت دفعت حسابي بس
ومادفعت لهم
بحكم انه هذا اضعف الايمان عندي
.
.
رحنا للبيت
وتكفلّت انا وجهاد ( صفر سبعه ) بالطبخ


اما الاخر قضى وقته بالجلوس على النت
وشوي ( الكوري ) وتشي اي ( اليابانية ) فاليّنها يسكروا
طبعا طبخنا وكل شي
وجا موعد الاكل
خليناهم ياكلوا بأيدينهم

وما اخفيكم سرّ
انهم بعد كذا
تعودوا على الكبسه وراحوا علمّوا المدرسين والمدرسات
وبالاصح علمواّ الطلاب كلهم
وصاروا الطلاب يطلبوا الكبسه مننا
وذوّقناهم هي بشكل مستمر لحد ما ادمنوها !


وما انسى ان الاستاذ ديفيد
باحد الاختبارت لما كنت بفصله كتب احدى الجمل بهذه الصيغة

i like arabian food>>> kabsa


واشتهرت الكبسه عالميا مماحدا بالدولة النيوزلندية الى استقدام الايدي العامله

!!
سوري ضيّعت الموضوع
.


.
.
.
نرجع لموضوعنا
بعد ما اكلوا الشباب الكبسه
لقيت شوي ( الكوري ) تسطح على كنبه من الكنبات

ولقيت تشي اي ( اليابانية ) تسطحت على كنبه من الكنبات

خخخخخخخ بصراحه ضحكت وقلت هذي عمايل الكبسه
وانا تسطحت على بطني في الصاله
وواحد كان وقتها يشرب معسلّ

اما الاخر كان على النت على ما اعتقد كان يكلمّ اهله بالسعوديه
وكان الوقت بالسعودية على ما اظن الفجر
..
.
.
.
قعدت اعلّمهم على بعض قواعد التصوير



صارت الساعه 9 الليل
وكنت قلت لكم من قبل انه لانه دخل فصل الشتاء
صارت الشمس تغرب بسرعه

وكان اخر موعد للباص
9.15 مساءاً
بما معناه انه لازم يطلعوا هالوقت عشان يلحقوا اخر باص والا يروح عليهم
عرضت عليهم انهم يباتوا عندي
بس ماكان عندهم ملابس

احد السعوديين قال انا راح انام عندك مافيني حيل
قلت له بيت ( سوني ) بيتك

اما الباقين طلعوا
وبما انهم متأخرين والجو ممطر وبرد
كانوا يركضوا

ماراح اقول لكم ايش سوّت فيهم الكلاب
خخخخخخخخخ
على العموم الكلاب خلّتهم ينسوا الكبسه لانهم هضمّوها مع الجري


.
.
.
.

وقال شهرزاد ان الوقت راح وحضرت الليالي الملاح
واذّن الصباح

<< شهريار على غفله !!

اشوفكم بموقف جديد

وتابعونا


وفالكم


طيب

 

 

[زهور الريف]

اقتباس اقووول زهووور ليش معصبة خلاص المرة الجاية اجتهدي زين واخذي الدرجة الكاملة عني تستاهلين خيتووووه ... انا اجتهدت واخذتها قبلك ... صح ايمن ؟؟؟

لا والله ما لي شغل فيك انا مثلك في المشاركه انت تاخذ 15 انا اخذ مثلك انت تاخذ 13 انا هم اخذ مثلك بس معليه راح اجتهد واخذ عليك 15 درجه هين

اقتباس مشكوووووووووووووووووور اخوي عزف الدموع على المتابعه الراقيه والدقيقه وتكفى كلم زهورررر الررريف وقلها انا بعطيها الدرجه الكامله بس خله ترجع ولاتحرمنا طلتها الحلوه.

خلاص رضيت بس اسمع قلت بتعطنيني الدرجه الكامله وبشرط تنقص عزف الدموع وتعطيه صفـــــــــــــــر وارجع وش قلت ؟




بصراحه القصه عجيبه يا أيمــــــــــــــــــــن كل يوم تزيد احداثها وتصير احلى من اليوم الي قبله بس ابغي طلب اذا ماعليك كالفه

تتطبخ لي كبسه تري حيل شوقتني للاكل جوعانه حسبي الله علي ابليسك ’’’



يلا يا ايمن شد حيلك وكمل لنا القصه الرائعه تري حنا متشوقين حيل

 

 

[عزف الدموع]

اقتباس لا والله ما لي شغل فيك انا مثلك في المشاركه انت تاخذ 15 انا اخذ مثلك انت تاخذ 13 انا هم اخذ مثلك بس معليه راح اجتهد واخذ عليك 15 درجه هين

خلاص يازهووور ورينا شطارتك

اقتباس خلاص رضيت بس اسمع قلت بتعطنيني الدرجه الكامله وبشرط تنقص عزف الدموع وتعطيه صفـــــــــــــــر وارجع وش قلت ؟

يؤيؤيؤؤؤؤ ليــــــــــــــــــــــــــــــش

حسبي الله عليك يازهووووور وانا وش دخلني هذا جزاي بتوسط لك عند ايمن !!


بس معليه ياازهووور يعطيني صفر ها !! هين هين








ان شاء الله راجع عشان اكمل احداث القصة الحلوووة اوووووكي !!

 

 

[sar 103]

وأخيرا زهووووور الرررريف رجعت خلاص أنا طاير من الفرح زين حنيتي علي ورجعتي اتصدقين ولو مارجعتي كنت ماراح اكمل القصه لين ترجعين مانقدر نستغني عن راس المال
وحاضرين نسويلك أحلى كبسه بس انت عطينا العنوان وتوصلك لبيتكم عندنا ترى خدمة التوصيل
مشكوووووور ياعزف الدموع الله يعطيك العافيه على المتابعه والتعليقات الجميله واسمحلي راح انقص درجة المشاركه منك هالمره وبعطيها زهووور الرريف تستاهل زهورررر الررريف

مفاجأه حلوه بمناسبة رجوع زهووووووور الررررريف إلى القصه بعد ماكانت زعلانه علينا
ترقبوها قريبا
coming soon

 

 

[سكون الصمت]

متااااااااااااابعه بصمت



بصراااااااااااااااحه قصه ولا اروع



رهييييييييييييييييييييييييييبه



مشكووووووووووووووور اخوي sar 103 على القصه الاكثر من روعه




اتمنى انك تكملهاااا باسرع وقت ممكن بصراحه حدي متحمسه



يالله ونبي جزء طويل هالمره



ننتظر التكمله بشوق



تحيااااااااااااااااااااااااتي



اختك في الله


سكون الصمت

 

 

[الى متى]

وسالفة صديقك هالغبي هذا عذرااا على الكلمة بس صراحة يستاهلها شنو يقولك اكل اي شي لا والله ماعليك منه هذا عقله ناقص !!!!!!!!


طيب سوري قطعت اللكام الى هنا اكمل بعدين اوكي

 

 

[sar 103]

هذي بعض الصور اللي عندي إنشاء الله أحصل الباقي ونزلها لكم
وسامحونا القصور



IMG]http://up104.arabsh.com/my/5160981.jpg[/IMG]
هذا البيت اللي ساكن فيه

هذا النهر اللي قدام بيتنا

هذي مدام جوانا ر ئيسة شئون الطلاب في الكليه تذكرتوها

 

 

[sar 103]

مرحبا بعاشق الانجليز
وسكون الصمت
وإلى متى
حياكم الله والله يعطيكم العافيه على المشاركه الحلوه وإنشاء الله تستمتعون ويانا
وتابعونا
وفالكم
طيب

 

 

[sar 103]

ماجد :أيمن ماتدري ان بكره عيد الحب ؟
اللي يسموّه الفالنتاين
؟؟
أيمن: بالله ؟؟ انا اذكر بالسعودية كل شهرين يسووّه
ماجد: لالا هذا عيد الحب الحقيقي .. وهاتك يامناظر مميّزة !!
أيمن : ايش مناظر ؟؟
ماجد: يعني كل واحد يكون بالشارع يجيه بوسه من بنت ..
والعكس صحيح .. كل بنت تمشي بالشارع يجيها بوسه
أيمن : حتى الناس الجياكر اللي مثل حالتي ؟؟
اقصد اللي على وجههم علامة اكس ؟
ماجد: ايوه ايوه لا تشيل همّ .. جاك الفرج
أيمن : اوكي يالله نطلع السكوير
ماجد: قلت لك بكره ياسعودي

أيمن << وجه زعلان ومتحمّس في نفس الوقت
الله يصبرنيّ لبكره !

.
.
.
كنت انتظر على احرّ من الجمر
مو عشان فيه تبويس او شي
اعرف انكم سعوديين

خخخخخ
منتظر عشان ابي اشوف كيف العيد عندهم
جاء اليوم الثاني
وطلعنا
ولقينا المدينة متزيّنه
!!
متى امداهم يسوو كل هالشئ !!
لقينا قلوب بأحجام كبيرة
وكان فيه تجهيز للاحتفال اللي يبدأ الساعه 4 عصراً
وفيه احتفال كبير يبدأ بـ المشروبات الروحية وينتهي بـ اشياء لاحصر ولاعدّ لها
قعدنا نتصورّ




وقبل ماتجي الساعه 4
قلت للشباب يالله نمشي نروح مكان ثاني
قال واحد : والتبويس ؟؟ اااا اقصد الاحتفال بعيد الحب ؟
قلت : ياحبيبي انت مسلم وطالع بغربة لا تفقدّ هويّتك
وان كان انتفت عنك الرقابة هنا
لاتنسى ان الله لا يخفى عليه خافية

..
.
هزّه كلامي .. ومشينا كلنا بمكان اخر
.
.
.
اجتمعوا عند واحد من الشباب ببيته
وانا وجهاد طلعنا نتمشى
قال جهاد
ايش رايك أيمن نطلع حديقة من حدائق الحيوانات عندهم ؟ يقولوا مره حلوه
والغزال يآكل من ايدك !!
أيمن : غزال ياكل من ايدي !
انا الخروف يشرد مني اااااااه لا تذكرني )
الله يرزقنا حلاوة الروح طالما ماكسبناها في الشكل

قال : شكلك تتحسّف على الاحتفال < خخخخخ
ضحكنا وطلعنا للحديقة
كان سعر الدخول تقريبا
بـ 20 دولار للشخص الواحد
والحديقة مفتوحة
كنت مغمّض عن كل شئ
وادوّر على الغزال
ياترا بياكل من ايدي ؟
يارب ياكل من ايدي

.
.
.
طبعا انبهرت من الحديقه
واخذنا فيها وقت طويل جدا
وماحسينا بالوقت
واكل الغزال من ايديني !
شئ شئ خيال





اهتمام وحدائق وشئ غير طبيعي

قلت راح اصور الكيوي
يعتبر اهم رمز عندهم في البلاد
ويسموهم بـ شعب الكيوي
من كثر اهتمامهم انهم من بعد الساعه 1 الظهر يطفوا النور عليه عشان ينام
لانه داخل محميه خاصة ومقفله
لكن كـ سعودي

مافيه شي ممنوع عنده
طبعا قربت الكاميرا عليه في وسط الظلام الدامس
وصقعته واحده بالفلاش



الاّ وشوي تشتغل مكبرات الصوت
وبصوت عالي تتردد كلمات

ممنوع التصوير ونبّهنا على هالشئ
الرجاء ترك الكيوي لانه حان موعد نومه

بسرعه راح عقلي للسعوديه

لما اتذكر ان امي تصحيني وتصبّحني برفسه وتمسّيني وتنوّمني ببوكس

قلت وانا اتذكرّ الايام الخوالي

الا ليت الشباب يعود يوماً واخبره ان نفسي اكون كيوي


.
.

ماعلينا
.
.
تصدّق ياجهاد مادري اشفيهم الشعوب الغربيه يحبوا الكلاب كثير
اكثر من اولادهم
ما اشوف الواحد يمشي الا ومعاه اثنين او ثلاثه
جهاد : عادي نفس الفصيلة كلهم
أيمن: سبحان الله << مؤيّد
.
.
الاّ على فكره
شفت الاسكتلندي اللي جاء قبل الاحتفال ويعزف على الآله اللي كانت معاه ؟ ياهو رهيب !
وصورّته بعد
جهاد : ياخي انت زي اليابانيين ماتبقيّ ولا صورة الا وتصورّها !!
أيمن : خخخخخ حتى اليابانيين صورّتهم كلهم !


..
.
..

بس تصدّق
طفشت من الوحده ياخي
سوني مسافر
واسوي لنفسي فطور
وازيّن فيه
عشان تنفتح نفسيتي للاكل




واغسّل ملابسي وانشرها




والله لو امي تدري عني
لتعطي شغالتنا خروج نهائي !!

وتستقدمني

وتدري كمان ياجهاد ؟
جهاد : شو ؟
أيمن : سفرك بعد اسبوعين ياترا مين راح يطبخ لنا بعد ماتسافر ؟؟
جهاد : هذا اللي راح تحسّه بعدي !!
وانتهى النقاش بمضاربة بين الطرفين
ولم يُصب احد بأذى


.
.
.
أيمن : سوري اني وهقتك اليوم مع المدرسه وخليتك تمسح السبوره لانك مشاغب ..
لما قالت اختار ياأيمن عقاب مناسب لابن جلدتك


جهاد : عادي اساسا بردّت قلبي المدرسة لما قالت لك اليوم مافيه ستار بكس
أيمن : وربي اشتريت وجبته وانت فاغر ههههههههههههه

.
.
.

طوّلت عليكم سوري

 

 

[ارجوان]

الحين لاني طيبه وعلي نياتي ومااعترضت علي الدرجات مع اني استاهل اكثر لاني متابعة معك من الاول مع الاخت متروكيه وعباسيه صرت بترسبني بس معليه لنا الله بس مع ذالك راح اكمل معاك القصة عشان حلوة وعاجبتني واعجبتني اكثر مع سيرة الثلج كمل اخوي متابعه معك

 

 

[قيثارة]

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خ
اما لقافه صج عربوه ..
ماخليت الكيوي بحاله ..ازعجته يارجال .. بس فضحوك ترى ذول كل شيء عندهم مراقب ..
اقول ايمن ..
شلون قزرتها بعد ما راح جهاد لسكنه ..وضليت وحيد ..
يالله بالانتظار خيوا ..
وعلى فكرة النهر سووووووووو كول ..كل يوم تتصبح فيه يا حظك ..

 

 

[سكون الصمت]

مشكووووووووور على الجزء مع انه صغير بس حلو
يالله ننتظر على احر من الجمر