قاعة الزواج للعروسه فقط وليس للعروس ؟؟؟

[ام ريم]

انا اشوف انا الرجال مفروض يدخل الصاله ياخي هذي ليلة العمر ليه الواحد يضيعه على نفسه والمفروض الواحد يترك عنه هذي الحركاة
الي مالها داعي من ناحيت دخول الاخوان او الوالد مافي اختلاف على مافي اي داعي دخولهم بس المعرس مهم دخوله
تقبلو تحياتي...................

 

 

[ترابي]

اقتباس انا من الناس الذين لا يؤيدون فكرة دخول الرجل امام النساء في صالة الافراح نهائيا لانه في الاساس الصاله معده لفرح النساء فقط

وعليكم السلام ورحمة الله وبركاته

كماذكرت فاالقاعة معدت اساسا للنساء وليس لدخول الزوج الى القاعة

اقتباس وهذه الفكره التي تحدث الآن بدعه ابتدعناها والا وش الحاجه لدخول الرجل امام النساء بس لاجل تعليق النساء للمعرس كما حاصل الان وهذه ليس كعادة ابائنا في السابق

ولكن تجد من يخالفك خلافا ذالك عندما يقول لك هذه عادت من عادتنا كيف نغيرها
فهنا تكمن المشكله في عدم تغير العادات بينما تجد من يغير تلك العادت الى الاسؤء
فهؤلاء لايرضون باالتغير الا للسؤء . بوغدير . اسعدتني تواجدك بين عبق صفحتي

 

 

[ترابي]

اقتباس احس كلام فاضي بس كل سنه يتكرررررر هذا الموضوع يا اخي ما تزهقون يااااااااااا

الاخت زهره حياتي

حنا مابنزهق ابدا وبنعيد الفكرة السنة الجاية والي بعدها ان شاء الله اذا كنا من الحيين ..


--------------

اذا كانت الفكرة انعادة في العام الماضى فانا لااعلم
ولو اعلم لما طرحت الفكرة لانني ليس من المتواجدين بشكل يومي
. طبعا الي يرد بااسلوب محترم بعامله باالمثل . لانه لايصح الغلط على احد

 

 

[ترابي]

اقتباس هذي ليلة العمر ليه الواحد يضيعه على نفسه والمفروض الواحد يترك عنه هذي الحركات

خيي بوعبادي حنا ماقلنا حرام الدخول الى القاعة
ولا الي يدخل مو رجال لا هذه اصحبت عادة من عادتنا ولكن الافضل عدم الدخول
لتجنب الاشياء السلبيه لدى خولك للقاعة وانت حاب تدخل القاعة ادخل ليس بعيب
بوعبادي . شكرا لك على اطلالتك .

 

 

[التفاحة الذهبية]

بسمه تعالى
انا احيانا احب المعرس يدخل لان فرحة كبييييييرة للام بس اعارض لان اشوف بنات هلايام برقع الصقر و كحل فرعوني ومكياج وعباة كنها جلابي خليجي ورقص وضحكها يقظ اذانه
يعني اهلي في عرس عمامي خلينا دخلتهم اخر شي و قلوا اناس

 

 

[نور البتول]

وعليكم السلام ورحمة الله وبركاته


نعم تتوافق مع الشريعة الاسلامية اذكر ذات مرة تكلم
الشيخ جعفر المطر ]
انا من المؤيدين هذه الفكره لو اطلعت ع الزاوجات هاالايام وجعلت الفروقات لاتضح ان الشيخ جعفر ع حق

 

 

[ترابي]

اقتباس اشوف بنات هلايام برقع الصقر و كحل فرعوني ومكياج وعباة كنها جلابي خليجي ورقص وضحكها يقظ اذانه

عشان كذا نحن نقول زفة العريس الى المنز افضل من دخوله الى القاعة
لتجنب بعض اتلك الاخوات لعدم حشمتهم . شكرا لك تواجدك العابق

 

 

[ترابي]

اقتباس انا من المؤيدين هذه الفكره لو اطلعت ع الزاوجات هاالايام وجعلت الفروقات لاتضح ان الشيخ جعفر ع حق

وعليكم السلام ورحمة الله وبركاته

طبعا لم ارويد ذكر الشيخ جعفر ع حق ولكنني اردت ابين بانه
بعض من المشايخ يؤيدون تلك العادة وهيه عدم دخول الزوج الى القاعة . وفقك اللهِ

 

 

[خورشيد]

اقتباس احس كلام فاضي بس كل سنه يتكرررررر هذا الموضوع يا اخي ما تزهقون يااااااااااا

ترك التوجيه والنصح ...

وترك الأمر بالمعروف والنهي عن المنكر من أسباب البلاء

وكل واحد ماله شغل الا بنفسه جلبت لنا المصايب

خصوص بالسنين الأخير

حيث دخلت تقاليد كثيرة مخالفة للشرع ( في حفلات العروس وغيرها ) بسبب جو الأنفتاح والعولمه

وأصبحت الرعيه تقود الراعي ...

وأصبح الفاسق والمجاهر بالمعصيه قدوة الناس في بعض البلدان ...

كلامي طبعا ً مو بس عن العروس

لذلك ماعليه نكرر الكلام مره ومرتين وعشر ...

ودمتم .

 

 

[كرستال]

عادي لو مادخل المعرس الصاله مايفرق شي حتى لو دخل اكثر المعازيم يمشون ماحد يظل في الصاله اهم شي عندهم يشوفون المعرسه وزينته

بس الافضل يدخل علشان شي واحد يفرحون به خواته وامه يزفون مع عروسته

مشكوووووووووووووووووووووووووورين

 

 

[مراهقه مبدعه]

أنا راي من راي ترابي

لأن صراحة أحين صارت مشاكل بسبب دخول المعرس للقاعة .

وأنا بنفسي مرة كنت في أحد الأعراس وسمعت بنات يتكلمون عن المعرس يعني مثلا في وحدة تقول للثانية :

شوفي المعرس يجنن يخقق ياحظ مرته فيه ومن هالكلام الفاضي .

فأنا أشوف أنو مافي شيء إذا مادخل المعرس خصوصا لما يصور مع عروسته << وتبدى الملاقة .

طبعا موالكل يسوي هذا الشيء لكن الأغلب .

مشكوووور أخوي ع الموضوع الرائع .

 

 

[ترابي]

خورشيد

شكرالك تواجدك في صفحتي المتواضعه . موفق انشاء الله

-------------

اقتباس عادي لو مادخل المعرس الصاله مايفرق شي حتى لو دخل اكثر المعازيم يمشون ماحد يظل في الصاله اهم شي عندهم يشوفون المعرسه وزينته

صحيح كلامك اهم شي يشوفو زينه العروسه وبس
والي يبي يدخله القاعة بااالعافية عليه كل عـلى هواء نفسه

كرستال
منور بتواجدك

 

 

[ترابي]

اقتباس من هالكلام الفاضي .

عشان كذا نحنا مانبقى الكلام الفاضي ونقول الافضل عدم الدخول

مراهقة مبدعه
شكرا لك تواجدك في صفحتي

 

 

[وتين الورد]

سلام عليكم ..
ترابي احيك على طرحك الهام والجيد .. والمثير للاغلب .. شكرا لك ..
انا ومن وجهة نظري ..

/

لا اعيب في دخول العرس للقاعه اطلاقاً .. بل انصح واصر على دخوله ..
لاني بأذن الله راح افرض دخلو عريسي القاعه .. يا أخي ابقي افرح فيه وبدخلته علي امام الناااس ..

وانا ضد وبشده دخول اهل العريس او اهل العروس .. فوق سن الاربع سنوات ..
ولكن مع وبقوه دخول صاحب الشأن .. اللي هو العريس .. يا خي تستوي الحفله كلها وهو واقف برا حاله حال غيره
مو معقوله ..

واذا كان بيدخل بأحترامه اخليه يدخل ونص بعد .. بس اذا بسوي لنا فره رقص وهياااط لا يظل برا احسن له ..

وبعدين خل نلتفت لنقطه مهم ..
اللي هي استقبال امه له اثناء دخوله .. كيف ما تشيلها الارض من فرحتها فيه يعني بالمختصر فرحة الام والاخوات
لا تقاااس بأي ثمن بقبلته عليهم .. وخااااص لما يقابل مرته ..

/

يا أخي ادخل واستانس وشق الفرحه فرحتين ..

اجل شنو فايدة كل هالهيله بس علشان الناااس تاكل وتسمع وتشوف عروسك وتمشي ..

وش اللي غير كنا زمان يدخل المعرس ويستانسون فيه اهله وكل شيء .. الحين اللي خرب ..
دخلو الهمجين اهل العروسه او اهل العريس ..

هم اللي خربوا حسبي الله عليهم .. بجد يقومون المسخره اذا دخلوا ..

/

والمفروض الكل يصير رجال على اهله .. ويمنع المسخره اللي تصير مثل دخول أخوان العروس او اخوان العريس ..
اذا الاب بشيبته ما يستحي على وجهه يدخل وش تبقى من الشباب ..

نشوف تتكلمون هنا والناااس تزيد ..
والكل هنا معارض والنتيجه الكل يفعل .. اجل من اللي ما يسوي ..

والخافي اعظم ..

 

 

[ترابي]

اقتباس يا أخي ادخل واستانس وشق الفرحه فرحتين ..

لامانع من شق الفرحه فرحتيين ولكن
نقول المشكله ليس الرجل هل جميع الحضور يتقيد باالحشمه والعفه ...!!!
ونفس الشي اذا الحضور تقيد في القاعة هل الزوجين يتقيدون باالتقاليد العادية باالطبع لا .....
عشان كذا نتجب الكثير من السلبيات لدى عدم الدخول الى القاعة .

ورود. شكرا لك حضورك وتواجدك المنور في صفحتي

 

 

[وتين الورد]

اقتباس لامانع من شق الفرحه فرحتيين ولكن نقول المشكله ليس الرجل هل جميع الحضور يتقيد باالحشمه والعفه ...!!! ونفس الشي اذا الحضور تقيد في القاعة هل الزوجين يتقيدون باالتقاليد العادية باالطبع لا ..... عشان كذا نتجب الكثير من السلبيات لدى عدم الدخول الى القاعة .

ترابي ..

بعد هذي مشكله اذا تبقونا نقيد الناس في حشمتهم .. على قيلت المثل كلاً عقله في راسه ويعرف خلاصه ..
والكل راشد وعارف ليش نصير عليهم بمثال الهيئه ..

واذا على اعطائهم خبر بدخول العريس فنعطيهم خبر بربع ساعه بخمس دقايق يعني حشى ما يمديها تلبس غطوتها ونقابها ..
ولا عاااد من كثر اللي يكشه اسكت واللي يسلمك .. الكل يجي ومعصب راسه الحمدلله والشكر ما كنهم جاين فرح ..
يا أخي مو راضين يفهمون هالعباره [ افرحوا لفرحهم واحزنوا لحزنهم ] ..
يعني ابدا دخول العريس ماله اي علاقه في حشمة الضيوف او الحضور .. كل وحده بالغه وعاقله ويمشي على زندها الخيل ..

اما على العروسين المسخره ..
فهذا يجب على ام المعرس بأنها لا تسمح بالتصوير داخل القاعه .. طبعاً اقصد فيه تصوير المياااعه والميلان والتوبس والضم والخ ..
بتصورون بحركات مياعه طسوا في غرفتكم ولا في غرفه جانبيه مو قدام العالم .. يخلونهم يتفاعلون ..
وحتى تصوير الفيديو المفروض ممنوع .. لان المصورات عدم ما فيش ثقه .. ام الصور الفلاشيه فما يمنع ..

وش قالوا ذكرى ههههههـ ..

 

 

[nooor.66]

الحين انتو كل واحد قال شئ الي قال مالاداعي والي قالي يروح المنزل
اتمنى انه قبل ما يكتب شئ يراجع نفسه اذا كان مكانه مستحيل انه ما راح
يدخل والي قصده يعني عنده حركات هذا ضميره ليش ازوج وانا اذا كان عندي.امور اخرى ....... بس الفرحه فرحه
لان هاليلهما راح اتكرر وسابع المستحيلات انه راح اتكرر يوم من الايام
اول شئ جديد احساس جديد حياه جديده والحين مستحيل توجد بنت ما تبي زوجه مايدخل واذا حصلت نادر الوجود
وهذا راي ومع تحياتي لكم

 

 

[ترابي]

على مابيدو بانه قناعتك عكس قناعتي لعدم دخول الرجل الى القاعة
انتي كل الامور تكون في يدك فمثلا الزوج عليه يحترم نفسه او عطى النساء خمس دقائق
ويتنقبو ولا الي جايه بكشتها ولا ام المعرس بأنها لا تسمح بالتصوير داخل القاعه مشاء الله مسيره الزواج
على هواك كل الامور مسيطره عليها ..... حلولك سريعه جدا
مايصير بدل كل هذا لايدخل الزوج الى القاعة ولا يسوي كل هذي الفوضه في عدم دخوله
الي القاعة ليه الفوضه في ليلة الزواج ولاحد هل الايام يتقبل الكلام خبرك الكل موقل على الثاني

اقتباس [ افرحوا لفرحهم واحزنوا لحزنهم ]

نحن فاهمين هذي العبارة ولكنها للاهل البيت عليهم السلام ورواه الامام السجاد
شيعتنـآ افرحـوا لفرحنـآ واحزنـوا لحزننـآ / لاتخلطي الزواج بالائمة
فقد تكون مغايره عما ذكرتي

عموم . وفقكِ الله

 

 

[ترابي]

اخي نور / لاتزعل ولا شي اذا كنت تبقى تدخل ادخل
ليه تزعل حنا ماقلنا شي غلط قلنا فقط في الحشمه مابين الجميع وله الكثير
ممن تزوجو دخلوا القاعة ولكننا نطرح فقره جديدة لتحسين العادة
كل واحد ياخذ راحته في زواجه ونحن لانقيد احدا في بهذه العادة مجرد طرح الفكره فقط لاغير .
انا مثلك انسان عادي لاشيخ ولا شي



نور الله دربك بالايمان . دمت بخير .

 

 

[ابن الطرف]

بسم الله الرحمن الرحيم

أخي وعزيزي ترابي

أنا منذ فتره أراقب الموضوع وأترقب المشاركات بكل حماس وبكل أمانه رأيت ردود جميله وردود للأسف خرجت عن الأطار الرئيسي للموضوع

في الحقيقه كثرة المشاكل الأجتماعيه وأزدحامها جعل الأفكار تتداخل على بعضها أحيانا وربما قلت الموجهين الأجتماعيين وغياب الجرأه عند البعض زاد الطين بِله

مسألة دخول العريس وأهله أو دخول العريس وحده مشكله ليست بالقديمه ولكن اتسعت بشكل كبير ولم نرى من ينوه على هذه المساله وان حصل تنويه فهو تنويه خجول

سواءا كان هذا التنويه مؤيد أو معارض للموضوع

أتمنى أن يتواصل النقاش ولكن أتمنى أن لايخرج عن اطار الموضوع الرئيسي والأساسي للنقاش لكي نحصل على الفائده جميعا

وفي النهايه أحيي أخي ترابي على رحابة صدره في النقاش

موفقين لكل خير