رواية بنات المتوسط وأسرارهم

[اليازيه]

الجزء الثالث عشر



الدكتور: انتو اهلها؟؟
الكل: ايه..
الدكتور: الحمد لله ما فيها شي وجا ت سليمه بس شوي إلتواء في الرجل اليمين وسوينا الاشعه اللازمه وكل شي الحمدلله تمام...
ابو مشاري: الله يبشرك بالخير..
ام مشاري: الحمد لله.. الله يجزاك خير يا دكتور وما قصرت..
الدكتور: العفو وما سوينا الا الواجب..
ريم والهنوف ضموا بعض من الفرحه وسليمان وتركي نفس الشي<<كأنها والده مو كسر..
ابو مشاري: هاه دكتور نقدر ندخل عندها.
الدكتور: ايوه..بس ابغى شخص يجي معي ونكمل الاجرأت اللازمه..
مشاري: خلاص يبه انت روح شوف رغد وانا راح اروح مع الدكتور..
ابو مشاري: زين..
الكل دخل عند رغد الا اثنين تركي وسليمان..ومشاري راح لعند الدكتور..
الدكتور: هذي شوية علاجات لازم تاخذها ..وتحاول ما تمشي عليها والا صار لها شي اكبر..
مشاري: ا نشا الله..
الدكتور: وقع على هذي الاوراق لو سمحت..
مشاري وقع عليها:ومتى الخروج ا نشا الله؟؟
الدكتور: تقدرون تاخذونها من الحين اذا حبيتوا..
مشاري: مشكور وما تقصر..
الدكتور: لا شكر على واجب..
وطلع مشاري وشاف تركي وسليمان
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
نرجع لعند رغد

رغد كانت منسدحه على السرير وبعدها دخلوا لعائله كلها...
ابو مشاري: زين كذا طيحتي قلوبنا عليك...
رغد: يبه مو من حقي اتدلع..
ام مشاري: الا من حقك بس مو كذا دلع عن دلع يفرق..
ريم: مره ثانيه خففي الجرعه..
الهنوف: كله من الدبابات وقايلته لك بس ما تسمعي الكلام..
رغد: الهنوف خلاص ما صار الا الخير شوية إلتواء في الرجل ..يعني بدلع عليكم سوو هذا وحطوا هذا..
ام مشاري: تدلعي علينا بس لا تطولينها..
رغد تضحك: والله على حسب..
وليد: احم احم الحمد لله على سلامتك يا رغد..
رغد لفت عليه: الله يسلمك..
وليد: كذا خوفتينا عليك..
رغد: احس انكم مكبرين الموضوع
وليد توه بيتكلم بس رغد قاطعته: فجر ما ودك تسليمن علي..
فجر: الا بس استنى الدور يجي علي..
رغد: هههه يا حليلك ترى امزح..
فجر: ادري..
وليد ناظر رغد على الحركه اللي سوتها بس سكت ما يقدر يقول شي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند مشاري

مشاري: سليمان ..تركي ليش ما دخلتوا انتوا اهل..
تركي: والله افتشلنا صراحه يعني ابوك وامك وخواتك..
سليمان يكمل: قلنا لازم صديقنا معانا..
مشاري: يله امشوا معاي بصراحه انتوا ونعم الاخوان..
تركي وسليمان: الله يسلمك..
ودخلو عند رغد..
رغد اول ما شا فت تركي ابتسمت ..وليد لاحظ هذا الشي..
مشاري: هلا باللي يتدلعون.. الحمد لله على سلامتك..
رغد: الله يسلمك..
سليمان: الحمد لله على سلامتك يا رغد..خوفتي اهلك<<يقصد ريم.
رغد: عشان اعرف غلاي..
تركي: ما تشوفين شر..اكيد غاليه عندهم <<يقصد نفسه..
رغد: الشر ما يجيك اكيد غاليه وباين في عيونهم..
ريم ابتسمت وعرفت انهم يتكلمون بالالغاز بس ما فاتت على وليد...
وليد في هالوقت كأنه حاطينه في فرن يطبخ من جوى من الغيره وهو ملاحظ رغد ما تعطيه وجه مثل ما لاحظ حركاتها مع تركي...
مشاري: اقول رغد ترى الدكتور يقول بتجلسين اسبوع وزياده بالمستشفى"وغمز لأمه ولأبوه"
رغد: لاتقول... مشاري رح اقنع الدكتور ترى انا ما احب المستشفيات..
ريم: اسمعي يا رغد ترى ما راح انام عندك انا برجع الشاليه وافلها..واقعدي لحالك..
رغد: افا يا النذله كذا تتركين اختك..اجل الهنوف بتجلس معاي..
الهنوف وفيها الضحكه: انا لالالالا اسمحي لي يا رغد انا ما احب المستشفيات ولا ريحتها .. والحمدلله احد يعاف الشاليه ويقعد في المستشفى..
رغد: اجل امي.
ام مشاري: والله ما ادري يا بنيتي يمكن اخلي الخدامه..
رغد خلاص خنقتها العبره: يعني لهدرجه محد يحبني ..
والكل صار يضحك ورغد ما تدري وش السالفه..
مشاري: رغد يا الدلوعه ابكي احسن..
رغد: ايوه بأبكي.. اهل وما يبوني اجل وش اسوي اضحك..
مشاري: افا عليك انا اللي بجلس عندك..
رغد: صدق!!تسلم يا الغالي..
ام مشاري: يلعب عليك لا يسوي فيها الاخو المضحي ..ترى اليوم بتطلعين..
رغد: هين يا مشاري مسوي فيها انه الاخو الحنون هاه"وتاخذ علبه على الطاوله وترميها عليه"
الكل صار يضحك لانها جات في راسه..
مشاري:آآآآآآآآآآخ...عورتيني بس هين وانتي تمشين يا المنكسره بعكرف لك واخليك تطحين على وجهك وقولي مشاري ما قال..
ريم: تصدق انك نذل..
مشاري: هههه يله يبه خلنا نروح نرتب امورالخروج..
ابو مشاري: يله..
وطلعوا العيال معاه..
وجلست ام مشاري تبدل ملابس رغد وجهزوا الاغراض وطلعوا في الممر.. رن موبايل ريم..
ريم: هلا عبير..
عبير: هلا والله وش صار على رغد..
ريم: الحمد لله ما فيها شي بس التواء بسيط..
عبير: قولي لها خربتي علينا الجو على الفاضي..
ريم بعدت السماعه: رغد .. عبير تقول لك خربتي علينا الجو على الفاضي..
رغد: احسن اجل اعاني لحالي لازم تعانون معاي..
عبير: هههه سلمي لي عليها والبنات بعد يسلمون عليها..
ريم: خلاص اوكي باي.....رغد ..عبير والبنات يسلمون عليك.
رغد: الله يسلمهم..
جا لعندهم مشاري:/ احلى يا المهمه وزيره على غفله..
ام مشاري: هذي رغد عن مليون وزيره..
مشاري: يله مشينا قبل لا يكبر راسها وبعدين ما يطلع مع الباب وبعدين صدق مين بيقعد عندهابالمستشفى..
رغد: يا ثقل دمك امش وانت ساكت..
وطبعا اشتروا لها عكاز ورجعوا للشاليه.
رغد كانت مستنده على مشاري لحد ما وصلها عند الحريم وبعدها الحريم والبنات ساعدوها..
عبير: الحمدلله على سلامتك..
العنود: كل هذا الازعاج عشان رجل..
مها : ما تشوفين شر.
شجون: يا قلبي تألمك رجلك..
رغد تسلم على هذي وترد على ذي وتهاوش ذيك وهي تحس انها صدق بين خواتها مو قريباتها بس..
ام فواز: تغذي زين عشان تطيبين بسرعه..
ام فيصل: لا تمشين عليها كثير..
ام ماجد: يا ام مشاري عطيها حلبه يقولون زينه..
ام سليمان: كلي لحم ترى زين..
ام تركي: اهم شي لا تحركينها كثير ودهنيها بزيت زيتون وابقول لامك الخلطه..
رغد كانت بالمررره مبسوطه على الاهتمام..اول مره تحس انها مهمه او مصدر لفت انتباه الكل..
ريم: احلى يا الشخصيه المهمه..
رغد: منقهره..
ريم: الحمد لله ليش انقهر..واذا غرت رحت مع تركي ولعبت معاه بالدباب وكسرت رجلي وبعدها اصير مثلك..
رغد: والله تبين تكسرين رجلك اكسريها بس مو مع تركي مع سليمان فاهمه..
ريم: لا تركي احسن واضمن اني ارجع ورجلي مكسوره وحاطني على حضنه في الدباب..
رغد تذكرت شوي بس ما تتذكر كل شي: ليش انا رجعت معاه بنفس الدباب..؟؟
ريم: بعد تسوي نفسها بريئه...يمه منك..
رغد: والله ما ادري..قولي لي وش صار؟؟
ريم: سلامتك راجعه وانتي في حضنه وقبل كذا هو اللي شالك وحطك في الدباب وطول الطريق وانتي على صدره وبعدها بشوي وصلتي وخذاك حبيب القلب الثاني وليد ومشاري معاه وبعدين راحوا الثلاثه المستشفى كلهم وبس..
رغد متعجبه: تركي ووليد مع بعض...!!
ريم: ايوه..وجع انتي محوشه على الكل بقي للبنات شوي..
رغد:احس ان وليد حس انه في شي بيني وبين تركي..
ريم:لالا ما اتوقع وش دراك انتي؟؟
رغد:من نظراته لي ولتركي ولا وش تفسرين كرههم لبعض؟؟
ريم: سبب الكره ما ادري..بس مسألة انه لاحظ في هذي ما اوافقك..
طبت عليهم العنود وصقعت رجل رغد اللي تعورها..
رغد بأعلى صوت:آآآآآآآآآآآآآآآآآآآآآآآآآآآآآآه وجع ا نشا الله ما تشوفين؟؟
العنود:ما دريت...وجع فقعتي اذني..
رغد: تستاهلين يا المرجوجه..آآآآآآه يا رجلي اول كان إلتواءوالحين بسبتك اكيد صار انعفاط..
ريم: وش انعفاط هذي؟؟
رغد: عشان تناسب العربجيه هذي..
العنود:ما علي منك ما راح ارد عليك..اقول بنات ترى من جد مليت..
ريم: وش نسوي؟؟
العنود: وانا دايم افكر خلينا نسوي أي شي..
ريم: كم الساعه الحين؟؟
العنود وهي تطالع ساعتها:الساعه عشر..
ريم: خلينا نروح البحر ونسبح شوي..
العنود: أي والله فكره جبتيها يا بنت عمي..بروح اقول للبنات..
قامت العنود وهي تمشي تصقع رجل رغد مره ثانيه..
رغد وهي بتصيح:آآآآآآآآآآآآه يا الدبى وجع عورتيني حشى غوريلا مو بنت..
العنود تضحك: والله معليش ما شفتك المره الثانيه بأصقعها زين..
رغد وهي منقهره:ريم تكفين خذي حقي منها..
ريم: هين اوريك فيها "وهي بتقوم جلست على رجل رغد ما درت..
رغد:آآآآآآآآخ قلت منها مو مني..
ريم تضحك: والله ما دريت بس اوريك فيها..
رغد: لا اللي بعدها راح يوطاني انا مو رجلي كل هذا عمى ما يشوفون..
راحت العنود عند البنات: بنات..بنات اجتماع عاجل..
وفي لحظه البنات كلهم حولها..
العنود: بسم الله سكن مو بنات..
عبير: اخلصي<<نست الهواش..
العنود سوت نفسها نست اللي صار:وش رايكم نروح البحر ونسبح..
البنات:يلا..
والكل تجهز الا رغد..
ريم تمر من عند رغد:ريم ..ريم..
ما عطتها وجه...
وبعدها نوف:نوف...نوف..
ما عطتها وجه..
وبعدها فجر: فجوره قلبي شوي...
فجر وهي تمشي: نعم..
رغد: وقفي شوي..
فجر وهي رايحه: بعدين بعدين..
رغد خلاص خنقتها العبره وشافت شجون:شجونه.. شجون..
شجون: رغد ما شفتي ذاك البنطلون الجينز حقي..
رغد: لا ..بس تعالي..
شجون: تسلمين حبيبتي مشكوره"وراحت"
رغد: يوووه وش فيهم ذولا..عطوني وجه شوي..
وبعد دقايق طفح الكيل عند رغد قامت تصارخ لحد ما حست ان راسها بينفجر: خلاااااااااااااااااااااااااااااص..
البنات وقفوا:............
رغد تبكي: عطوني وجه..
الهنوف: يا قلبي يا صديقتي..كان ناديتيني..
رغد: بس قوموني ما راح اقول شي ثاني..
البنات كسرت خاطرهم رغد ورحموها وقرروا ينتبهون لها المره الثانيه..
قومت الهنوف رغد: تسليمن يا احلى صديقه في الدنيا..
الهنوف: الله يسلمك..
العنود: هاه جاهزين..
البنات: اكيد..
العنود : يلا..
وطلعوا كل البنات..العيال شافوهم وهم طالعين..
مشاري: حشى جيش مو بنات..
سليمان: تقولون كأنهم في حرب..
ماجد: لا يكون ناوين يطاقون العالم..
وليد: لالاما توقع..
فواز:توقع مهنم أي شي..
فيصل: خلونا نشوف وش راح يسوون..
تركي: يله..
وراحوا العيال ورى البنات بحيث ما يلاحظونهم..والبنات فسخوا عباياتهم وكانوا لابسين ملابس سباحه<<بس ساتره..
مشاري يطالعهم: هذولا بناتنا هالمزايين..
ماجد: انت صادق..
وليد وخروا خلونا نشوف..
فواز: عطونا وجه..
فيصل: انت متزوج ولا ترى بعلم..
فواز: يا نذلك..
مشاري بأعلى صوته: لحظه... غمضوا..
الكل: ليش..؟؟
مشاري: خواتي.. بس انا اللي اطالع..
ماجد:احلف وخواتنا بعد غمض انت..
طلال: لالا غمضوا انتوا وخواتي بعد..
سليمان:انا اقول غمضوا كلكم و خلونا نشوف انا وتركي..
لفوا عليه كلهم..
سليمان: اقصد.........هونت هونت.......اختي معاهم..
مشاري: خلونا ندخل عيب عليكم هالحركات كانكم بزارين تطلون على البنات صدق عيال اخر زمن..
وليد: اعصابك يا العاقل..
مشاري: على الاقل ما اسوي حركاتكم هههه...
ماجد: اقول ادخل وانت ساكت لا ارميك عليهم..
مشاري:صدق!!..اجل ماني ساكت ارمني عندهم..
ماجد سحب قميصه من عند رقبته: امش امش الله يهديك..
وليد: ما ينعطى وجه..
سليمان: اتركوا صديقي..
طلال مسك قميص سليمان من ورى: امش بعد انت معه..
تركي يضحك: خل فزعتك تنفعك ما راح افزع معك..
ودخلوا الشاليه وهم يضحكون...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند البنات

كانوا البنات في البحر وكانوا يلعبون ويضحكون ويمزحون الا رغد..
رغد"يا ليتني معكم ..ورجلي ما لقت تنكسر الا اليوم اووووف..مشا الله عليهم مبسوطين.."
ريم جايه لعند رغد تضحك: ههههه يا حليلها فجر ما تعرف تمزح..
رغد: اجلسي وقولي لي ليش..
ريم جلست: كنا نقول اللي تطيح الثانيه تفوز بس فجير ما صدقت على الله وغرقت نوف..
رغد:هههههههه والله انها خبله..
ريم: يا ليتك معانا والله وناسه..
ريم بالكلمه هذي ما تدري انها زادت الطين بله..
رغد بخاطر مكسور:اهااااا...
ريم حست في رغد: رغد فيك شي؟؟ رجلك تألمك..
رغد: هاه لا ما فيني شي ..ايه ايه رجلي تألمني شوي..
ريم ما اقتنعت:اكيد عشان رجلك..
رغد: اكيد اجل عشان ايش..
ريم: لا قلت يمكن سالفة وليد..
رغد: لالا ما فكرت فيه..بس انتي لا تشلين هم وروحي العبي معاهم..
جات الهنوف: ها رغد كيفك ؟؟وش فيك يا ريم جلستي..
ريم: خلاص وصلت الهنوف انا رايحه..الهنوف اختي امانه عندك..
الهنوف: رغد بعيوني...
رغد: تسلم عيونك..
وراحت ريم وجلست مكانها الهنوف: ها حبيبتي ا نشا الله الحين احسن..
رغد: لا الحمد لله الحين احسن بكثير.
الهنوف: اخذتي علا جك؟؟
رغد: ايوه اخذته من شوي وعلى الساعه وحده بالليل باخذه..
الهنوف: زين...
في البحر...
العنود: هاه عبير وريم عليهم..
عبير :يله عليهم واحد اثنين ثلاثه ..
ويلحقون البنات مها ونوف وشجون..
العنود مسكت مها ودخلتها في المويه وعبير مسكت نوف وريم معاها شجون..
مها: خلاص يا العنود والله توبه..
عبير: هاه نويف توبه ما تحشيني انا واختي وبنت عمي ريم..
نوف: والله ما عيدها توبه..توبه بس فكيني..
شجون: ريم الله يخليك فكيني..
ريم بصوت شري:لا..
شجون: الله يخلي لك اختك رغد..
ريم: توبه ما تتكلمين فيني..
شجون: احب على راسك بعد بس فكيني
" لين كانت تسبح مع البنات وهي ساكته لان مشعل مومعاها<<غريبه اول مره"
طبعا شلة النعومات ما يقدرون على شلة العرابجه..
الهنوف: رغد رغد شوفي وش يسون فيهم..
رغد: هههه يا حليلهم صادق اخوي مشاري فيهم يوم يقول صعايده..
الهنوف بس جابوا طاري مشاري استحت:مشاري يقوله"وابتسمت"
لفت عليها رغد ولا حظت عليها الحياومنزله راسها: ايو مشاري يقوله..وقال اشياء بعد..
الهنوف وهي ترسم على الرمل: ايوه وش قال بعد..
رغد: قال...قال انه بدى يحب وحده<<تستهبل تبي تتأكد..
الهنوف وهي مازالت لاهيه بالرسمه: صدق وما قال مين هي..
رغد: الا..
الهنوف خلصت الرسمه وهي عباره عن قلب فيه حرفMوA : ومين هي..
رغد شافت الرسمه وصرخت: كشفتك....
الهنوف اخترعت: بسم الله الرحمن الرحيم وش فيك..
رغد: تحبين اخوي؟
الهنوف: ومين قال..
رغد: مين قال شوفي رسمتك...
الهنوف انتبهت للرسمه: هاه مو انا اللي راسمتها..
رغد: لا ظلك تغبين علي..
الهنوف: رغد خلاص...
رغد: احلى يا مرت اخوي..
الهنوف: تكفين ريم لا تدري ولا الخبر وصل لدول الخليج..
رغد: لا لا تخافين ما راح اقول..بس من جد فله..
الهنوف: صدق يا رغد مبسوطه..
رغد: اكيد ..وبعدين اخوي وين راح يلقى احسن منك..مشا الله جمال وادب واخلاق.
الهنوف: تسلمين يا قلبي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
نروح عند العيال


كانوا الشباب متوهقين مع الشياب ومقعدينهم معاهم بالغصب..
مشاري: طلال والله طفشت..
طلال: يعني انا المبسوط..
فواز: طلال طلعنا من هالورطه..
طلال: والله ماني بقد الشياب..
وليد: مشاري وش نسوي الحين..
ماجد: اقعد وانت ساكت وش تسوون بعد..
فيصل: انا عندي حل..
العيال: وشو؟؟
فيصل لف على سليمان وتركي:ما راح يطلعنا الا الاثنين ذولا..
ولفوا العيال عليهم..
سليمان: بسم الله خير في شي..
تركي: اذا مضيعين شي في وجههي قولو يمكن القاه....خير وش فيكم..
العيال:/ فيصل وشلون..؟؟
فيصل: الشياب ما راح يردونهم لو طلبوا منهم..
مشاري: والله جبتها وينك من زمان صار لنا اربع او خمس ساعات واحنا هنا..
ماجد: والمشكله نفس السوالف يسولفون فيها..
وليد: الشركه..
فواز: اسهم..
طلال: عن ارتفاع الاسعار..
مشاري: هموم العيال..
فيصل: وبس.....يله خلونا نقولهم..
سليمان: خير وش السالفه..؟؟
مشاري: سليمان طلبتك لا تردني..
سليمان: آمر اذا قدرت عليه سويته..
تركي: لا يا الخبل لا تتوهق معاه..
مشاري: اسكت انت.....سليمان نحن في حاجة ماسة اليك..
تركي: احلى يا اللغه العربيه..
مشاري: هاه سليمان وش قلت..
سليمان: طيب قول..
مشاري: روح للشياب وقل لهم انه ودنا نطلع.. شفت طلبي صغير وما ياخذ وقت..
سليمان:احس انها صعبه.. واذا فشلني ابوك..
مشاري: لالا ما راح يقول لك شي بس انت روح وما عليك شر..
سليمان: بأحاول عشانك ولا انا استحي اطلب من خالي او عمي حتى..
مشاري: تسلم لي والله انك اخو دنيا..
تركي: لهدرجه الوضع متأزم..
مشاري: واكثر بس خلني ساكت لا تزيد المواجع..
تركي: لا اجل بأخرب عليكم..
العيال لفوا عليه: وش قلت..
تركي: قلت بروح مع سليمان اساعدكم..
العيال: أيه..
سليمان قرب من عند ابو مشاري: احم احم..
ابو مشاري: خير سليمان في شي ..محتاج لشي..
سليمان يلف على العيال ويشجعونه بعدين رجع لف على ابو مشاري: لا الله يسلمك بس ابغى اطلب منك طلب صغير واتمنى انك ما تردني..
ابو مشاري: سم آمر اطلب وانا لك..
سليمان: تسلم والله حبيت نطلع انا والعيال نتمشى شوي عند البحر ونرجع..
ابو مشاري: والله عشانك بوافق ولا هم ما يستاهلون..
سليمان: تسلم تسلم الله يخليك ا نشا الله
ورجع عند العيال..
مشاري: تعجبني والله..
سليمان: يله عطني..
مشاري: وش اعطيك؟؟
سليمان: تستهبل انت يله عطني..
مشاري: ايه وش اعطيك..؟؟
سليمان: فلوووس انت والشباب..
مشاري: افا وانا من ساعه اقول اخو دنيا وطلعت اخو ديمه..
سليمان:ههههه حلوه بس لا تصرف..
طلال: شكلنا بنعطيه حلاوه..
سليمان فهم وش معنى حلاوه: لالا مادام المسأله فيها حلاوه تنازلت..
فيصل: عيال ما يجو ن الا بالعين الحمراء ..
وطلعوا مبسوطين وفالينها وراحوا للبحر..وشافوا البنات لحد الان ما طلعوا..
مشاري: حشى سمك ما ملوا..
فيصل: وانت صادق من زمان وهم فيه..
طلال : خلونا نتفرج بس..
فواز: انت لو تسكت ازين ..
رغد شا فت العيال وهم بعدين مسافه بحيث انهم ما يميزون اشكالهم:بنات بنات..
البنات لفوا عليها: خير..
رغد: العيال يطالعونكم..
البنات: أي والله..
رغد: تعالوا قربوا خلونا نسوي فيهم مقلب..
البنات تجمعوا: وشو؟؟
رغد: وش رايكم اذا سبحوا نقعد شوي بعدين صرخوا وقولو تمساح..
ريم: واالله فكره..يا اختي توني اكتشف مواهبك..
العنود: صادقه اثرك طالعه علي وانا ما ادري..
رغد: انتي اللي طالعه علي انا الكبيره..
البنات :اوكيه..
لين: انا طالعه اسبح مع مشعل..
نوف: انطقي هنا..
لين وهي تمشي: ما عليك مني..
فجر: لين..
لين لفت عليها: نعم..
فجر : سلمي لي على مشعل..
نوف: تستهبلين..
فجر: لا احب اعصب بها..
لين مشت وراحت عند مشعل..
محمد: مشعل جات حبيبة القلب..
مشعل: تصدق ما تخليني اتنفس لحظه..
محمد: مع السلامه انا رايح..
لين: هاااي مشعل..."وسبحت معاه ولازقه فيه"
العيال..
مشاري: خلونا نسبح..
العيال ما صدقوا على الله وفسخوا قمصانهم وعليهم البناطيل وسبحوا..
مشاري لف ما لقى احد: انا قلت خلونا ما قلت اسبحوا..
وليد: طب طب واالله وناسه..
مشاري: جايكم جايكم بس وخروا...
ورجع مشاري على ورى ورجع ورجع ورجع ورجع وبعدها ركض ركض ركض..
العيال يشجعونه: يله يله بسرعه..
يوم وصل عند البحر وقف: اخاف انها بارده..
العيال ماتوا ضحك على مشاري..
طلع ماجد من البحر وجا من ورى مشاري ودفه في البحر..
وبعدها قاموا يسبحون ويلعبون..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&


رغد : الهنوف قوميني..
الهنوف قومت رغد..
رغد: اسمعوا انا راح ابعد شوي اذا اشرت لكم اصرخوا..
البنات: اوكيه..
رغد بعدت مسافه بعدها اشرت لهم..
البنات ما صدقوا على الله<<السنتهم طوال..
صراااااااااااااااااااااااااخ:تمساح تمساح تمساح يمه يمه وبعدوا وهم يضحكون..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العيال...
وليد: كأنهم يقولون تمساح.
مشاري: الا سمعت يقولون تمساح..
طلال صرخ: يمه "وطلع"
والعيال لحقوه وطلعوا من البحر وهم مفسخين ولين تصيح ..اشكالهم تحفه وهم بردانين من الهوا...
بعدها البنات ما قدروا يسكتون وضحكوا: صادوه
ههههههههههههههههههههه
العنود: واحد صفر..
العيال: هين هين نوريكم.
مشاري: بنات خفوا فينا..
وليد :أي والله..
سليمان: بس شكل طلال يقول يمه يمه يموت ضحك..
ومشعل قعد يهدي لين لانها منفجره صياح.
وقعدوا يضحكون على اشكالهم وعلى طلال خصوصا وبعدها رجعوا داخل الشاليه وناموا من الهلاك والبنات نفس الشي...
@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@

" نهاية البارت "الجزء الثالث عشر



الدكتور: انتو اهلها؟؟
الكل: ايه..
الدكتور: الحمد لله ما فيها شي وجا ت سليمه بس شوي إلتواء في الرجل اليمين وسوينا الاشعه اللازمه وكل شي الحمدلله تمام...
ابو مشاري: الله يبشرك بالخير..
ام مشاري: الحمد لله.. الله يجزاك خير يا دكتور وما قصرت..
الدكتور: العفو وما سوينا الا الواجب..
ريم والهنوف ضموا بعض من الفرحه وسليمان وتركي نفس الشي<<كأنها والده مو كسر..
ابو مشاري: هاه دكتور نقدر ندخل عندها.
الدكتور: ايوه..بس ابغى شخص يجي معي ونكمل الاجرأت اللازمه..
مشاري: خلاص يبه انت روح شوف رغد وانا راح اروح مع الدكتور..
ابو مشاري: زين..
الكل دخل عند رغد الا اثنين تركي وسليمان..ومشاري راح لعند الدكتور..
الدكتور: هذي شوية علاجات لازم تاخذها ..وتحاول ما تمشي عليها والا صار لها شي اكبر..
مشاري: ا نشا الله..
الدكتور: وقع على هذي الاوراق لو سمحت..
مشاري وقع عليها:ومتى الخروج ا نشا الله؟؟
الدكتور: تقدرون تاخذونها من الحين اذا حبيتوا..
مشاري: مشكور وما تقصر..
الدكتور: لا شكر على واجب..
وطلع مشاري وشاف تركي وسليمان
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
نرجع لعند رغد

رغد كانت منسدحه على السرير وبعدها دخلوا لعائله كلها...
ابو مشاري: زين كذا طيحتي قلوبنا عليك...
رغد: يبه مو من حقي اتدلع..
ام مشاري: الا من حقك بس مو كذا دلع عن دلع يفرق..
ريم: مره ثانيه خففي الجرعه..
الهنوف: كله من الدبابات وقايلته لك بس ما تسمعي الكلام..
رغد: الهنوف خلاص ما صار الا الخير شوية إلتواء في الرجل ..يعني بدلع عليكم سوو هذا وحطوا هذا..
ام مشاري: تدلعي علينا بس لا تطولينها..
رغد تضحك: والله على حسب..
وليد: احم احم الحمد لله على سلامتك يا رغد..
رغد لفت عليه: الله يسلمك..
وليد: كذا خوفتينا عليك..
رغد: احس انكم مكبرين الموضوع
وليد توه بيتكلم بس رغد قاطعته: فجر ما ودك تسليمن علي..
فجر: الا بس استنى الدور يجي علي..
رغد: هههه يا حليلك ترى امزح..
فجر: ادري..
وليد ناظر رغد على الحركه اللي سوتها بس سكت ما يقدر يقول شي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند مشاري

مشاري: سليمان ..تركي ليش ما دخلتوا انتوا اهل..
تركي: والله افتشلنا صراحه يعني ابوك وامك وخواتك..
سليمان يكمل: قلنا لازم صديقنا معانا..
مشاري: يله امشوا معاي بصراحه انتوا ونعم الاخوان..
تركي وسليمان: الله يسلمك..
ودخلو عند رغد..
رغد اول ما شا فت تركي ابتسمت ..وليد لاحظ هذا الشي..
مشاري: هلا باللي يتدلعون.. الحمد لله على سلامتك..
رغد: الله يسلمك..
سليمان: الحمد لله على سلامتك يا رغد..خوفتي اهلك<<يقصد ريم.
رغد: عشان اعرف غلاي..
تركي: ما تشوفين شر..اكيد غاليه عندهم <<يقصد نفسه..
رغد: الشر ما يجيك اكيد غاليه وباين في عيونهم..
ريم ابتسمت وعرفت انهم يتكلمون بالالغاز بس ما فاتت على وليد...
وليد في هالوقت كأنه حاطينه في فرن يطبخ من جوى من الغيره وهو ملاحظ رغد ما تعطيه وجه مثل ما لاحظ حركاتها مع تركي...
مشاري: اقول رغد ترى الدكتور يقول بتجلسين اسبوع وزياده بالمستشفى"وغمز لأمه ولأبوه"
رغد: لاتقول... مشاري رح اقنع الدكتور ترى انا ما احب المستشفيات..
ريم: اسمعي يا رغد ترى ما راح انام عندك انا برجع الشاليه وافلها..واقعدي لحالك..
رغد: افا يا النذله كذا تتركين اختك..اجل الهنوف بتجلس معاي..
الهنوف وفيها الضحكه: انا لالالالا اسمحي لي يا رغد انا ما احب المستشفيات ولا ريحتها .. والحمدلله احد يعاف الشاليه ويقعد في المستشفى..
رغد: اجل امي.
ام مشاري: والله ما ادري يا بنيتي يمكن اخلي الخدامه..
رغد خلاص خنقتها العبره: يعني لهدرجه محد يحبني ..
والكل صار يضحك ورغد ما تدري وش السالفه..
مشاري: رغد يا الدلوعه ابكي احسن..
رغد: ايوه بأبكي.. اهل وما يبوني اجل وش اسوي اضحك..
مشاري: افا عليك انا اللي بجلس عندك..
رغد: صدق!!تسلم يا الغالي..
ام مشاري: يلعب عليك لا يسوي فيها الاخو المضحي ..ترى اليوم بتطلعين..
رغد: هين يا مشاري مسوي فيها انه الاخو الحنون هاه"وتاخذ علبه على الطاوله وترميها عليه"
الكل صار يضحك لانها جات في راسه..
مشاري:آآآآآآآآآآخ...عورتيني بس هين وانتي تمشين يا المنكسره بعكرف لك واخليك تطحين على وجهك وقولي مشاري ما قال..
ريم: تصدق انك نذل..
مشاري: هههه يله يبه خلنا نروح نرتب امورالخروج..
ابو مشاري: يله..
وطلعوا العيال معاه..
وجلست ام مشاري تبدل ملابس رغد وجهزوا الاغراض وطلعوا في الممر.. رن موبايل ريم..
ريم: هلا عبير..
عبير: هلا والله وش صار على رغد..
ريم: الحمد لله ما فيها شي بس التواء بسيط..
عبير: قولي لها خربتي علينا الجو على الفاضي..
ريم بعدت السماعه: رغد .. عبير تقول لك خربتي علينا الجو على الفاضي..
رغد: احسن اجل اعاني لحالي لازم تعانون معاي..
عبير: هههه سلمي لي عليها والبنات بعد يسلمون عليها..
ريم: خلاص اوكي باي.....رغد ..عبير والبنات يسلمون عليك.
رغد: الله يسلمهم..
جا لعندهم مشاري:/ احلى يا المهمه وزيره على غفله..
ام مشاري: هذي رغد عن مليون وزيره..
مشاري: يله مشينا قبل لا يكبر راسها وبعدين ما يطلع مع الباب وبعدين صدق مين بيقعد عندهابالمستشفى..
رغد: يا ثقل دمك امش وانت ساكت..
وطبعا اشتروا لها عكاز ورجعوا للشاليه.
رغد كانت مستنده على مشاري لحد ما وصلها عند الحريم وبعدها الحريم والبنات ساعدوها..
عبير: الحمدلله على سلامتك..
العنود: كل هذا الازعاج عشان رجل..
مها : ما تشوفين شر.
شجون: يا قلبي تألمك رجلك..
رغد تسلم على هذي وترد على ذي وتهاوش ذيك وهي تحس انها صدق بين خواتها مو قريباتها بس..
ام فواز: تغذي زين عشان تطيبين بسرعه..
ام فيصل: لا تمشين عليها كثير..
ام ماجد: يا ام مشاري عطيها حلبه يقولون زينه..
ام سليمان: كلي لحم ترى زين..
ام تركي: اهم شي لا تحركينها كثير ودهنيها بزيت زيتون وابقول لامك الخلطه..
رغد كانت بالمررره مبسوطه على الاهتمام..اول مره تحس انها مهمه او مصدر لفت انتباه الكل..
ريم: احلى يا الشخصيه المهمه..
رغد: منقهره..
ريم: الحمد لله ليش انقهر..واذا غرت رحت مع تركي ولعبت معاه بالدباب وكسرت رجلي وبعدها اصير مثلك..
رغد: والله تبين تكسرين رجلك اكسريها بس مو مع تركي مع سليمان فاهمه..
ريم: لا تركي احسن واضمن اني ارجع ورجلي مكسوره وحاطني على حضنه في الدباب..
رغد تذكرت شوي بس ما تتذكر كل شي: ليش انا رجعت معاه بنفس الدباب..؟؟
ريم: بعد تسوي نفسها بريئه...يمه منك..
رغد: والله ما ادري..قولي لي وش صار؟؟
ريم: سلامتك راجعه وانتي في حضنه وقبل كذا هو اللي شالك وحطك في الدباب وطول الطريق وانتي على صدره وبعدها بشوي وصلتي وخذاك حبيب القلب الثاني وليد ومشاري معاه وبعدين راحوا الثلاثه المستشفى كلهم وبس..
رغد متعجبه: تركي ووليد مع بعض...!!
ريم: ايوه..وجع انتي محوشه على الكل بقي للبنات شوي..
رغد:احس ان وليد حس انه في شي بيني وبين تركي..
ريم:لالا ما اتوقع وش دراك انتي؟؟
رغد:من نظراته لي ولتركي ولا وش تفسرين كرههم لبعض؟؟
ريم: سبب الكره ما ادري..بس مسألة انه لاحظ في هذي ما اوافقك..
طبت عليهم العنود وصقعت رجل رغد اللي تعورها..
رغد بأعلى صوت:آآآآآآآآآآآآآآآآآآآآآآآآآآآآآآه وجع ا نشا الله ما تشوفين؟؟
العنود:ما دريت...وجع فقعتي اذني..
رغد: تستاهلين يا المرجوجه..آآآآآآه يا رجلي اول كان إلتواءوالحين بسبتك اكيد صار انعفاط..
ريم: وش انعفاط هذي؟؟
رغد: عشان تناسب العربجيه هذي..
العنود:ما علي منك ما راح ارد عليك..اقول بنات ترى من جد مليت..
ريم: وش نسوي؟؟
العنود: وانا دايم افكر خلينا نسوي أي شي..
ريم: كم الساعه الحين؟؟
العنود وهي تطالع ساعتها:الساعه عشر..
ريم: خلينا نروح البحر ونسبح شوي..
العنود: أي والله فكره جبتيها يا بنت عمي..بروح اقول للبنات..
قامت العنود وهي تمشي تصقع رجل رغد مره ثانيه..
رغد وهي بتصيح:آآآآآآآآآآآآه يا الدبى وجع عورتيني حشى غوريلا مو بنت..
العنود تضحك: والله معليش ما شفتك المره الثانيه بأصقعها زين..
رغد وهي منقهره:ريم تكفين خذي حقي منها..
ريم: هين اوريك فيها "وهي بتقوم جلست على رجل رغد ما درت..
رغد:آآآآآآآآخ قلت منها مو مني..
ريم تضحك: والله ما دريت بس اوريك فيها..
رغد: لا اللي بعدها راح يوطاني انا مو رجلي كل هذا عمى ما يشوفون..
راحت العنود عند البنات: بنات..بنات اجتماع عاجل..
وفي لحظه البنات كلهم حولها..
العنود: بسم الله سكن مو بنات..
عبير: اخلصي<<نست الهواش..
العنود سوت نفسها نست اللي صار:وش رايكم نروح البحر ونسبح..
البنات:يلا..
والكل تجهز الا رغد..
ريم تمر من عند رغد:ريم ..ريم..
ما عطتها وجه...
وبعدها نوف:نوف...نوف..
ما عطتها وجه..
وبعدها فجر: فجوره قلبي شوي...
فجر وهي تمشي: نعم..
رغد: وقفي شوي..
فجر وهي رايحه: بعدين بعدين..
رغد خلاص خنقتها العبره وشافت شجون:شجونه.. شجون..
شجون: رغد ما شفتي ذاك البنطلون الجينز حقي..
رغد: لا ..بس تعالي..
شجون: تسلمين حبيبتي مشكوره"وراحت"
رغد: يوووه وش فيهم ذولا..عطوني وجه شوي..
وبعد دقايق طفح الكيل عند رغد قامت تصارخ لحد ما حست ان راسها بينفجر: خلاااااااااااااااااااااااااااااص..
البنات وقفوا:............
رغد تبكي: عطوني وجه..
الهنوف: يا قلبي يا صديقتي..كان ناديتيني..
رغد: بس قوموني ما راح اقول شي ثاني..
البنات كسرت خاطرهم رغد ورحموها وقرروا ينتبهون لها المره الثانيه..
قومت الهنوف رغد: تسليمن يا احلى صديقه في الدنيا..
الهنوف: الله يسلمك..
العنود: هاه جاهزين..
البنات: اكيد..
العنود : يلا..
وطلعوا كل البنات..العيال شافوهم وهم طالعين..
مشاري: حشى جيش مو بنات..
سليمان: تقولون كأنهم في حرب..
ماجد: لا يكون ناوين يطاقون العالم..
وليد: لالاما توقع..
فواز:توقع مهنم أي شي..
فيصل: خلونا نشوف وش راح يسوون..
تركي: يله..
وراحوا العيال ورى البنات بحيث ما يلاحظونهم..والبنات فسخوا عباياتهم وكانوا لابسين ملابس سباحه<<بس ساتره..
مشاري يطالعهم: هذولا بناتنا هالمزايين..
ماجد: انت صادق..
وليد وخروا خلونا نشوف..
فواز: عطونا وجه..
فيصل: انت متزوج ولا ترى بعلم..
فواز: يا نذلك..
مشاري بأعلى صوته: لحظه... غمضوا..
الكل: ليش..؟؟
مشاري: خواتي.. بس انا اللي اطالع..
ماجد:احلف وخواتنا بعد غمض انت..
طلال: لالا غمضوا انتوا وخواتي بعد..
سليمان:انا اقول غمضوا كلكم و خلونا نشوف انا وتركي..
لفوا عليه كلهم..
سليمان: اقصد.........هونت هونت.......اختي معاهم..
مشاري: خلونا ندخل عيب عليكم هالحركات كانكم بزارين تطلون على البنات صدق عيال اخر زمن..
وليد: اعصابك يا العاقل..
مشاري: على الاقل ما اسوي حركاتكم هههه...
ماجد: اقول ادخل وانت ساكت لا ارميك عليهم..
مشاري:صدق!!..اجل ماني ساكت ارمني عندهم..
ماجد سحب قميصه من عند رقبته: امش امش الله يهديك..
وليد: ما ينعطى وجه..
سليمان: اتركوا صديقي..
طلال مسك قميص سليمان من ورى: امش بعد انت معه..
تركي يضحك: خل فزعتك تنفعك ما راح افزع معك..
ودخلوا الشاليه وهم يضحكون...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند البنات

كانوا البنات في البحر وكانوا يلعبون ويضحكون ويمزحون الا رغد..
رغد"يا ليتني معكم ..ورجلي ما لقت تنكسر الا اليوم اووووف..مشا الله عليهم مبسوطين.."
ريم جايه لعند رغد تضحك: ههههه يا حليلها فجر ما تعرف تمزح..
رغد: اجلسي وقولي لي ليش..
ريم جلست: كنا نقول اللي تطيح الثانيه تفوز بس فجير ما صدقت على الله وغرقت نوف..
رغد:هههههههه والله انها خبله..
ريم: يا ليتك معانا والله وناسه..
ريم بالكلمه هذي ما تدري انها زادت الطين بله..
رغد بخاطر مكسور:اهااااا...
ريم حست في رغد: رغد فيك شي؟؟ رجلك تألمك..
رغد: هاه لا ما فيني شي ..ايه ايه رجلي تألمني شوي..
ريم ما اقتنعت:اكيد عشان رجلك..
رغد: اكيد اجل عشان ايش..
ريم: لا قلت يمكن سالفة وليد..
رغد: لالا ما فكرت فيه..بس انتي لا تشلين هم وروحي العبي معاهم..
جات الهنوف: ها رغد كيفك ؟؟وش فيك يا ريم جلستي..
ريم: خلاص وصلت الهنوف انا رايحه..الهنوف اختي امانه عندك..
الهنوف: رغد بعيوني...
رغد: تسلم عيونك..
وراحت ريم وجلست مكانها الهنوف: ها حبيبتي ا نشا الله الحين احسن..
رغد: لا الحمد لله الحين احسن بكثير.
الهنوف: اخذتي علا جك؟؟
رغد: ايوه اخذته من شوي وعلى الساعه وحده بالليل باخذه..
الهنوف: زين...
في البحر...
العنود: هاه عبير وريم عليهم..
عبير :يله عليهم واحد اثنين ثلاثه ..
ويلحقون البنات مها ونوف وشجون..
العنود مسكت مها ودخلتها في المويه وعبير مسكت نوف وريم معاها شجون..
مها: خلاص يا العنود والله توبه..
عبير: هاه نويف توبه ما تحشيني انا واختي وبنت عمي ريم..
نوف: والله ما عيدها توبه..توبه بس فكيني..
شجون: ريم الله يخليك فكيني..
ريم بصوت شري:لا..
شجون: الله يخلي لك اختك رغد..
ريم: توبه ما تتكلمين فيني..
شجون: احب على راسك بعد بس فكيني
" لين كانت تسبح مع البنات وهي ساكته لان مشعل مومعاها<<غريبه اول مره"
طبعا شلة النعومات ما يقدرون على شلة العرابجه..
الهنوف: رغد رغد شوفي وش يسون فيهم..
رغد: هههه يا حليلهم صادق اخوي مشاري فيهم يوم يقول صعايده..
الهنوف بس جابوا طاري مشاري استحت:مشاري يقوله"وابتسمت"
لفت عليها رغد ولا حظت عليها الحياومنزله راسها: ايو مشاري يقوله..وقال اشياء بعد..
الهنوف وهي ترسم على الرمل: ايوه وش قال بعد..
رغد: قال...قال انه بدى يحب وحده<<تستهبل تبي تتأكد..
الهنوف وهي مازالت لاهيه بالرسمه: صدق وما قال مين هي..
رغد: الا..
الهنوف خلصت الرسمه وهي عباره عن قلب فيه حرفMوA : ومين هي..
رغد شافت الرسمه وصرخت: كشفتك....
الهنوف اخترعت: بسم الله الرحمن الرحيم وش فيك..
رغد: تحبين اخوي؟
الهنوف: ومين قال..
رغد: مين قال شوفي رسمتك...
الهنوف انتبهت للرسمه: هاه مو انا اللي راسمتها..
رغد: لا ظلك تغبين علي..
الهنوف: رغد خلاص...
رغد: احلى يا مرت اخوي..
الهنوف: تكفين ريم لا تدري ولا الخبر وصل لدول الخليج..
رغد: لا لا تخافين ما راح اقول..بس من جد فله..
الهنوف: صدق يا رغد مبسوطه..
رغد: اكيد ..وبعدين اخوي وين راح يلقى احسن منك..مشا الله جمال وادب واخلاق.
الهنوف: تسلمين يا قلبي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
نروح عند العيال


كانوا الشباب متوهقين مع الشياب ومقعدينهم معاهم بالغصب..
مشاري: طلال والله طفشت..
طلال: يعني انا المبسوط..
فواز: طلال طلعنا من هالورطه..
طلال: والله ماني بقد الشياب..
وليد: مشاري وش نسوي الحين..
ماجد: اقعد وانت ساكت وش تسوون بعد..
فيصل: انا عندي حل..
العيال: وشو؟؟
فيصل لف على سليمان وتركي:ما راح يطلعنا الا الاثنين ذولا..
ولفوا العيال عليهم..
سليمان: بسم الله خير في شي..
تركي: اذا مضيعين شي في وجههي قولو يمكن القاه....خير وش فيكم..
العيال:/ فيصل وشلون..؟؟
فيصل: الشياب ما راح يردونهم لو طلبوا منهم..
مشاري: والله جبتها وينك من زمان صار لنا اربع او خمس ساعات واحنا هنا..
ماجد: والمشكله نفس السوالف يسولفون فيها..
وليد: الشركه..
فواز: اسهم..
طلال: عن ارتفاع الاسعار..
مشاري: هموم العيال..
فيصل: وبس.....يله خلونا نقولهم..
سليمان: خير وش السالفه..؟؟
مشاري: سليمان طلبتك لا تردني..
سليمان: آمر اذا قدرت عليه سويته..
تركي: لا يا الخبل لا تتوهق معاه..
مشاري: اسكت انت.....سليمان نحن في حاجة ماسة اليك..
تركي: احلى يا اللغه العربيه..
مشاري: هاه سليمان وش قلت..
سليمان: طيب قول..
مشاري: روح للشياب وقل لهم انه ودنا نطلع.. شفت طلبي صغير وما ياخذ وقت..
سليمان:احس انها صعبه.. واذا فشلني ابوك..
مشاري: لالا ما راح يقول لك شي بس انت روح وما عليك شر..
سليمان: بأحاول عشانك ولا انا استحي اطلب من خالي او عمي حتى..
مشاري: تسلم لي والله انك اخو دنيا..
تركي: لهدرجه الوضع متأزم..
مشاري: واكثر بس خلني ساكت لا تزيد المواجع..
تركي: لا اجل بأخرب عليكم..
العيال لفوا عليه: وش قلت..
تركي: قلت بروح مع سليمان اساعدكم..
العيال: أيه..
سليمان قرب من عند ابو مشاري: احم احم..
ابو مشاري: خير سليمان في شي ..محتاج لشي..
سليمان يلف على العيال ويشجعونه بعدين رجع لف على ابو مشاري: لا الله يسلمك بس ابغى اطلب منك طلب صغير واتمنى انك ما تردني..
ابو مشاري: سم آمر اطلب وانا لك..
سليمان: تسلم والله حبيت نطلع انا والعيال نتمشى شوي عند البحر ونرجع..
ابو مشاري: والله عشانك بوافق ولا هم ما يستاهلون..
سليمان: تسلم تسلم الله يخليك ا نشا الله
ورجع عند العيال..
مشاري: تعجبني والله..
سليمان: يله عطني..
مشاري: وش اعطيك؟؟
سليمان: تستهبل انت يله عطني..
مشاري: ايه وش اعطيك..؟؟
سليمان: فلوووس انت والشباب..
مشاري: افا وانا من ساعه اقول اخو دنيا وطلعت اخو ديمه..
سليمان:ههههه حلوه بس لا تصرف..
طلال: شكلنا بنعطيه حلاوه..
سليمان فهم وش معنى حلاوه: لالا مادام المسأله فيها حلاوه تنازلت..
فيصل: عيال ما يجو ن الا بالعين الحمراء ..
وطلعوا مبسوطين وفالينها وراحوا للبحر..وشافوا البنات لحد الان ما طلعوا..
مشاري: حشى سمك ما ملوا..
فيصل: وانت صادق من زمان وهم فيه..
طلال : خلونا نتفرج بس..
فواز: انت لو تسكت ازين ..
رغد شا فت العيال وهم بعدين مسافه بحيث انهم ما يميزون اشكالهم:بنات بنات..
البنات لفوا عليها: خير..
رغد: العيال يطالعونكم..
البنات: أي والله..
رغد: تعالوا قربوا خلونا نسوي فيهم مقلب..
البنات تجمعوا: وشو؟؟
رغد: وش رايكم اذا سبحوا نقعد شوي بعدين صرخوا وقولو تمساح..
ريم: واالله فكره..يا اختي توني اكتشف مواهبك..
العنود: صادقه اثرك طالعه علي وانا ما ادري..
رغد: انتي اللي طالعه علي انا الكبيره..
البنات :اوكيه..
لين: انا طالعه اسبح مع مشعل..
نوف: انطقي هنا..
لين وهي تمشي: ما عليك مني..
فجر: لين..
لين لفت عليها: نعم..
فجر : سلمي لي على مشعل..
نوف: تستهبلين..
فجر: لا احب اعصب بها..
لين مشت وراحت عند مشعل..
محمد: مشعل جات حبيبة القلب..
مشعل: تصدق ما تخليني اتنفس لحظه..
محمد: مع السلامه انا رايح..
لين: هاااي مشعل..."وسبحت معاه ولازقه فيه"
العيال..
مشاري: خلونا نسبح..
العيال ما صدقوا على الله وفسخوا قمصانهم وعليهم البناطيل وسبحوا..
مشاري لف ما لقى احد: انا قلت خلونا ما قلت اسبحوا..
وليد: طب طب واالله وناسه..
مشاري: جايكم جايكم بس وخروا...
ورجع مشاري على ورى ورجع ورجع ورجع ورجع وبعدها ركض ركض ركض..
العيال يشجعونه: يله يله بسرعه..
يوم وصل عند البحر وقف: اخاف انها بارده..
العيال ماتوا ضحك على مشاري..
طلع ماجد من البحر وجا من ورى مشاري ودفه في البحر..
وبعدها قاموا يسبحون ويلعبون..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&


رغد : الهنوف قوميني..
الهنوف قومت رغد..
رغد: اسمعوا انا راح ابعد شوي اذا اشرت لكم اصرخوا..
البنات: اوكيه..
رغد بعدت مسافه بعدها اشرت لهم..
البنات ما صدقوا على الله<<السنتهم طوال..
صراااااااااااااااااااااااااخ:تمساح تمساح تمساح يمه يمه وبعدوا وهم يضحكون..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العيال...
وليد: كأنهم يقولون تمساح.
مشاري: الا سمعت يقولون تمساح..
طلال صرخ: يمه "وطلع"
والعيال لحقوه وطلعوا من البحر وهم مفسخين ولين تصيح ..اشكالهم تحفه وهم بردانين من الهوا...
بعدها البنات ما قدروا يسكتون وضحكوا: صادوه
ههههههههههههههههههههه
العنود: واحد صفر..
العيال: هين هين نوريكم.
مشاري: بنات خفوا فينا..
وليد :أي والله..
سليمان: بس شكل طلال يقول يمه يمه يموت ضحك..
ومشعل قعد يهدي لين لانها منفجره صياح.
وقعدوا يضحكون على اشكالهم وعلى طلال خصوصا وبعدها رجعوا داخل الشاليه وناموا من الهلاك والبنات نفس الشي...
@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@

** نهاية البارت

 

 

[اليازيه]

الجزء الرابع عشر


صباح يوم الاربعاء..
الكل صحى من حريم ورجال..والبنات متوجهين للحريم..
رغد: صباح الخير جميعا..
عبير: صباح الخير للكل..
ريم:good morning avry body..
نوف:هاااي..
شجون: اهلين..
العنود: انا غير ..تمسون على خير..
الحريم ماردوا على احد لمن يخلص الجيش بس ضحكوا على العنود..
ريم: يعني لازم تكونين غير..
العنود: اكيد يا قلبي غير لاني غير..
ام مشاري: هلا والله صباح النور والفل والياسمين..
ام ماجد: يلا تعالوا افطروا معانا..
ام سليمان: يله تعالوا يا بعد قلبي انتوا ا نشا الله نفرح فيكم..
ام فواز: ونزوجكم كلكم في ليله وحده..
البنات كلهم: امين يا رب العالمين.
ام الهنوف: صدق بنات اخر زمن.
ام مشاري: وين الحيا وايامه راحت وولت..
رغد: يمه الحين جيل يختلف عن جيلكم..
العنود: احنا خدمات الجيل الثالث..
الكل:ههههههههههه
ريم: اهم شي انه الجيل الثالث..
وبعدها كملوا فطورهم..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&
عند الرجال

العيال: صباح الخير جميعا..
الشياب: صباح النور..
ابو مشاري: يله تعالوا افطروا..
مشاري: ان شا الله..
وليد: سم..
ماجد: ابشر..
ابو ماجد: وانتوا هذا حالكم كل واحد يقول نص جمله والثاني يكمل..
طلال: هذا تبع تطورات الشبكه العنكبوتيه..
وليد: وش دخل هذا في السالفه..
طلال: لا ابد سلامتك اعلمك اني فاهم الدنيا غلط..
مشاري: في هذي صدقت..
فيصل: عيال خلونا نفطر عشان نفلها..
سليمان: وش ناوين عليه؟؟
تركي: خلونا نتمشى بالدمام ولا الخبر..
وليد: لو نروح البحرين..
مشاري: ايه هين شكلك نسيت الشياب الشاليه ما نتعداه تقول السجن المركزي..
طلال: في هذي صدقت..
فواز: تصدقون احسن شي استدفته في الاجازه مفتك من العيال وام العيال.
طلال: هين بقولها وهي المسكينه عند اهلها ..
وليد: ورامي عيالك عند امك بصراحه طحت من عيني وانا اقول فواز قدوتي..
فواز: وانا وش علي منهم اهم شي انبسط..
فيصل يمثل: حرام حرام عليك صدق قلبك قاسي .خلاص الحين انا منصدم فيك كيف كيف طاوعك قلبك تقسى وتنساني..
العيال يضحكون على فيصل لانه ضابط الدور وكانت عيونه مليانه دموع<<طبعا دموع تماسيح..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند البنات

العنود: الحين عقب ما مليتوا بطونكم جعلها الدود..
ريم: انشا الله انتي..
عبير: العنود وجع لا تدعين علينا..
العنود: المهم خلونا نسوي شي لاني من جد مليت وما احب اجلس كذا فاضيه..
ريم: طيب فكري..
العنود: وانا اللي دايم افكر هالمره انتوا فكروا..
عبير: وش رايكم نروح لمجمع ونتسوق ونفلها..
ريم: مبروك مبروك يا عبير..
العنود: صح صح مبروك مبروك يا عبير..
عبير فرحت: الله يبارك فيكم بس على ايش..
العنود: واخيرا الحمدلله الحمدلله..
ريم: ما اصدق ما اصدق بصراحه فرحه فرحه ما توصف..
وقاموا يحضنون بعض..
عبير: انخطبت ولا وش السالفه..
العنود: لا بس الحمدلله ان عقلك ما زال شغال..
ريم: وانا على بالي تعطل..
رغد: وانا توقعت عليه بيوت عنكبوت من كثر ما تشغلينه..
عبير عصبت: انقلعوا والله انكم ما تستاهلون من يفكر عشانكم..
العنود: اللي يسمعك الحين يقول مكتشفه الذره..
ريم: بس بصراحه فكره حلوه..
رغد: بس ما تنفع الحين..
نوف: ايوه المجمعات خلوها بالليل..
العنود: احنا نبي شي الحين..
البنات فكروا وعجزوا يلقون شي غير يخليهم ينبسطون..
رغد: انا اقول نفلها عند البحر شوي لما يجي العصر بعدها نروح المجمع..
العنود شكل مالنا الا هالحل..
ريم: بصراحه انا اقترحت عليكم اقتراحات بس ما عجبتكم..
العنود: اقول امشي وانتي واقتراحاتك..
"وطلعوا البنات من الشاليه يتمشون"
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العيال

مشاري: الحين وش نسوي..
طلال: خلونا نروح عند امهاتنا شوي بدال الشياب..
وليد: صادق على الاقل امهاتنا يحنون علينا..
فيصل: ونحس بالعطف والحنان..
فواز: امش امش بلا رومنسات انت واللي معاك..
"دخلوا عند الحريم"<<ناس داخلين وناس طالعين..
العيال: احم احم فيه احد..
الحريم تغطوا: تفضلوا ما فيه احد..
دخلوا العيال وسلموا على امهاتهم وجلسوا معاهم..
ام مشاري: وينكم ما عاد شفناكم ولا لكم حس..
مشاري: يمه البنات محجرين لنا..
ام ماجد: ما فيه اعذار لا تحطها في البنات..
ام فواز:يا حلوا اشكالكم وانتوا مجتمعين..
العيال: الله يسلمك..
ام فيصل: يا جعلنا نشوفكم معرسين ونفرح فيكم..
ماجد:فكونا ما ورى الحريم الا وجع الراس..
طلال: احس انه عادي..
فواز: بصراحه ما انصحكم..
ام مشاري: لا تخرب العيال ترى هم على جريف وودهم احد يقولوهم لا تتزوجون..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عنند البنات


الهنوف :رغوده بروح اشرب مويه واجي..
رغد: ايوه بس لا تطولين..
الهنوف: اوكي يا قلبي..
وراحت الهنوف بتدخل الشاليه بس سمعت اصوات العيال عرفت انهم فيه راحت من الباب اللي ورىودخلت المطبخ..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&
عنند الحريم

ام مشاري: بروح اجيب لكم فناجين قهوه..
مشاري: يمه استريحي انا بروح اجيبها..
راح مشاري للمطبخ..
كانت الهنوف تدور لها كاس مويه وبعدها صبت لها ووقفت تشربه..
مشاري دخل المطبخ وشاف وحده معطيته ظهرها وتشرب مويه..توقع انها ريم او رغد لانهم نفس الاجسام تقريبا..مشاري قرب وقرب وقرب وغطى على عيونها
الهنوف اخترعت: يمه خرعتيني..ريم ترى مو رايقه لك.
مشاري"اذا هذي مو ريم ولا رغد لان رغد منكسره رجلها اجل تطلع مين يا ربي وش اسوي الحين"
الهنوف: اذا انتي مو ريم فا العنود..العنود قلبي ترى مو رايقه..
مشاري"ياربي وش اسوي وش اسوي":انا..انا....
الهنوف انصدمت من الصوت بعدين قالت بصوت خفيف على امل انه يكون الشخص الباقي والوحيد: تركي..
مشاري شال ايده بشويش: لا ..انا اسف..
لفت الهنوف وانصدمت:م..م مشاري..
مشاري يطالعها ولا يدري وش اللي خلاه يحط نفسه بالموقف هذا..
مشاري: انا...انا.. حسبتك ريم او رغد..
الهنوف تحس انها بتبكي من الفشيله" مشاري كان ما سكني ولا ادلع عليه كملت كملت يا ربيه وش اسوي اطلع ولا استناه يطلع..لالا بطلع بس وشلون وهو واقف قدامي"
مشاري وكأنه قرا افكارها وصد عنها..
الهنوف بسرعة البرق انحاشت وماعاد شفنا الا غبرتها من السرعه..
مشاري" انا في حلم ولا في علم في حقيقه ولا خيال انا كنت ماسك الهنوف لالا ما اصدق..بس لازم اخطبها بأسرع وقت ما عاد اقدر اصبر على هالدلع والله تذبح"
وطلع من المطبخ مبسوط والابتسامه شاقه الوجه..
ام مشاري: يله عطنياهم..
مشاري: هاه..
ام مشاري: عطني الفناجين..
مشاري: أي فناجين..
ام مشاري: صدق عيال ما يعتمد عليهم..
ماجد: مشاري وش فيك مفهي وشاق الكشره وش عندك..
مشاري: هاه............انا...............هاه..
ماجد: لالا صدق الولد ياانهبل يا انهبل يا اخي وش فيك..
مشاري: انا لالا ما فيني شي وش فيني..
وليد: لا يكون شارب شي بس علمني..
مشاري: اقول روح زين..
واليد: حسافه كان ودي اشرب معاك..
ماجد يعطي وليد وحده على رقبته: وجع وش هالكلام..
وليد: أي عورتني يا اخي كلام كلاااام....
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند البنات

الهنوف جايه تركض وتضحك مرت من عند رغد وطافتها..
رغد:الهنوف الهنوف وقفي وقفي ما سكه خط..
الهنوف ماااااشيه ولا في شي راح يوقفها..
رغد تصارخ:هنيف هنيف وقفي..
الهنوف بعد ايش وقفت بس مازالت الابتسامه شاقه الوجه ورجعت لرغد..
رغد:اخبرك رحتي تشربين مويه مو "رد بول"..
الهنوف تستهبل:بيعطيك جوااااانح..
رغد:لالا البنت استخفت وقعدت وش فيك فرحيني معاك..
الهنوف: يا رغد مبسوطه مبسوطه..
رغد: ايه ليش؟؟
الهنوف تورطت مع رغد وش تقول لها تقول اني شفت اخوك وكان حاط ايديه على عيوني واني مبسوطه على هالشي يا ربيه وش اقول.
رغد: هنيف وش فيك ترى عصبت منك..
الهنوف مرتبكه وواضح عليها: ما فيني شي..
رغد:الهنوف قسم بالله بايخه تقولين مبسوطه من ساعه على ايش..
الهنوف بسرعه:امي..
رغد: وش فيها امك؟؟
الهنوف: امي قالت....امم قالت اني بنام عندكم اذا رجعنا..
رغد فرحت: جد صدق ما اصدق وربي وناسه..
"قامت وحضنت صديقتها والهنوف تحضن رغد وهي في عالمها"
ريم: وش فيكم مين اللي مات..
رغد: ان شا الله انتي استغفر الله ..وش هالكلام؟؟
الهنوف: صدق بايخه وما تنعطين وجه..
ريم مصدومه:وش فيكم قلبتوا علي..
رغد: من كلامك شافيتنا مبسوطين تقولين من مات..
ريم: لالا عادي بس شوي ضاربه فيوزاتي..الا وش عندكم مبسوطين فرحوني..
رغد: واللقافه ما تفكينها ابد..
ريم واقفه وقفه عسكريه : انا قاسمه قسم اني ما افكها ابد فداء للدين والوطن وللمليك..
رغد: ههههه المهم ابشرك..
ريم: انخطبتي..
رغد: وجع اسمعيني..
ريم: كلي اذان صامغه..
الهنوف: اسمها صاغيه مو صامغه جعل اذنيك تلزق..
ريم: مشكوره حبيبتي على المعلومه الثمينه مع تصحيح الخطا..
الهنوف: ذكرتيني بالاملاء ايام الابتدائي..
ريم: ايوه يا رغد بشريني..
رغد فرحانه من قلب: الهنوف بتنام عندنا..
ريم تبي تنرفزهم: احلفي!! بس هذا اللي مزعجتنا عليه على بالي عندكم سالفه ولا شي حلو ..
الهنوف:رغد بعدي اختك عني لا ارفسهاواخليها تقطع الخليج العربي وتوصل المحيط الهادي..
رغد: ولو ان معلوماتك شوي ملخبطه بس ابشري انا اللي برفسها..
ريم: بروح بكرامتي احسن..وين بنت عمي العنود تفهمني..
العنود: انا وراك يا بنت عمي ايضا..
ريم: سرينا..
العنود تغني: سرا الليل وحنا ما سرينا<<قايله لكم الاخت تشتغل طقاقه محد صدقني<<كأن احد كذبها..
رغد: تحمدي ترى اذا اجتمعوا مهبل بس تحمدي واستغفري لا يجونك عيال مشوهين ذهنيا مثلهم..
الهنوف تخيلت عيالها من مشاري وراحت في عالمها..
رغد: الهنوف ..الهنوف ووجع..
الهنوف: هلا قلبي..
رغد: وينك ساعه اناديك..
الهنوف"مع اخوك يعني وين":معاك قلبي..
رغد: المهم خلينا نقوم نمشي شوي ترى مليت من الجلسه..
الهنوف: يله..
وقاموا يتمشون على الشاطئ..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العيال

طلعوا من عند الحريم وكل واحد راح يشوف له شغله بعض العيال قعدوا عند الشياب وبعضهم طلع بسيارته والباقي يتمشون عند البحر..
تركي وسليمان كانوا من ضمن اللي يتمشون عند البحر..
تركي: شوف سليمان هذي حرمتي ومعها اختي..
سليمان: رح رح لاختك ومنها فرصه تشوف حرمتك..
تركي: وانت صادق بس اقعد هنا ترى ما ارضى على محارمنا..
سليمان: تقلع بلا حكي فاضي..
تركي راح لعندهم..
الهنوف: هذا تريك..
رغد: الا والله كأنه اخوك..
الهنوف: وش يبي هالنشبه..
رغد وجهها صار احمر من يوم شافته: يمكن يبي شي ضروري..
الهنوف: هذا ما يجي وراه الا البلاوي..
وصل تركي عند البنات..
تركي: هلا والله بأختي واللي معاها..
الهنوف: اهلين ..وحاكني انا ومالك شغل باللي معاي.
تركي: بس عيب لازم اسلم على اللي معك ولا بعدين وش يقولون ما عنده ذوق ولا يعرف الادب واصول الاتكيت..
الهنوف: اهم شي الاتكيت اللي تعرفه وش تبي..؟؟
تركي: الهنوف عاد خفي علي شوي ما اشتقتي لي"ويطالع رغد"
رغد نزلت عيونها..
الهنوف شافت رغد مستحيه منه وتعرف اخوها جرئ فحبت تنهي الموضوع بسرعه: ايه اشتقت لك يله خلاص رح..
تركي ناوي يفلها: ايوه بس اشتقتي لي..
الهنوف: وبعدين معاك يا اخي ليش ناشب لي..
تركي: موعشانك من زين وجهك..
الهنوف: اجل عشان مين..
تركي: عشان اللي معاك..
رغد رفعت راسها على طول منصدمه من جرئته الزايده ولا وقدام اخته..
الهنوف: تريك ترى وصلت معاي احسن لك ضف وجهك ترى مالي خلقك..
وليد شاف تركي يكلم بنتين قرب من عندهم شوي شاف رغد ومعاها وحده هو ماهمه مين اللي معه بس اهم شي شاف تركي يكلم رغد..


@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@

" نهاية الفصل "

 

 

[اليازيه]

الجزء الخامس عشر


وليد شاف تركي يكلم بنتين قرب من عندهم شوي شاف رغد ومعاها وحده هو ماهمه مين اللي معها بس اهم شي شاف تركي يكلم رغد صارت الدنيا من حوله سوااااد
راح وليد لعند تركي ودفه من كتفه: خير انت وش قعدك مع البنات..
تركي لف على وليد وانصدم منه بس تدارك نفسه:لو سمحت ابعد ايدك وبعدين وش عليك مني..
رغد: وليد انت وش عليك..
وليد يصرخ: انتي اسكتي اذا اهلك ما عرفوا يربونك انا راح اربيك بس شغلك بعدين..
رغد تصارخ باعلى صوت: اسمعني عاد يا وليد كلام يوصلك ويتعداك انا متربيه قبل لا اعرفك ومو انت اللي راح تربيني فاهم..
وليد: انتي حسابك بعدين اول شي بتفاهم مع اللي ما يستحي على وجهه ويكلم بنات الناس..
الهنوف ساكته وتبكي لانها ما تتحمل هالمواقف..
تركي يحاول يضبط اعصابه:وليد اقصر الشر واحسن لك ابعد عني..
وليد: واذا ما بعدت يعني وش بتسوي..
رغد خافت عليهم: وليد اترك الولد..
وليد والغيره كلت قلبه:ليه خايفه عليه..
رغد انصدمت واللي كانت حاسه فيه طلع صح..
تركي: ترى ما اسمح لك.
وليد: وليه و مين تكون انت عشان تسمح لي..
تركي وصلت معاه ودف وليد لمن طاح: الحين اعلمك منو انا..
سليمان كان بعيد بس يوم شاف المسأله فيها ضرب قرب يفكهم..
وصار كل واحد يضرب الثاني واحد يعطي بوكس وهذا يرفس الثاني والثاني يسدح الاول وصار طقاق لاصار ولا استوى..
الهنوف تبكي على اخوها..
رغد تصرخ وتنادي احد يفكهم..
البنات تجمعوا مصدومين من العنف اللي قدام عيونهم..
سليمان كان يحاول يفكهم بس ما قدر لحاله..
جا بعدها طلال وفواز وماجد ومشاري وفيصل ..حاولوا يفكونهم.. ماجد مسك اخوه وليد وفواز ماسك تركي..
وليد: اقول فكني عليه خلني اعلمه الاخلاق..
تركي: متعلمها قبل ما اشوف وجهك..فكني عليه عشان يسكت ويقفل فمه..
مشاري بحزم: خلاص انت وياه وبعدين معاكم وعلى ايش هذا كله انتو اخوان ووتسون هالحركات..
وليد: قله قله قل للي كان يكلم اختك..
مشاري مصدوم وطالع تركي يبي رد..بس تركي ما رد..
رغد انقذت الموقف: اصلا يا مشاري تركي ما كلمني كان يحاكي اخته الهنوف واسأل الهنوف كمان واحلف لك بعد بس وليد"قالتها بحقد" الحمد لله والشكر شكاك على الفاضي..
مشاري فهم السالفه: خلاص انت وياه كل واحد طوله مشا لله والعقل صغير يله كل واحد يهجد في مكانه..
طلال: خلاص يا شباب ما حصل الا الخير سؤ تفاهم بسيط..
رغد: أي بسيط شف وليد خله يعدل ويثمن كلامه قبل لا ينطق الكلمه..
ريم تهمس لرغد: رغد خلاص زودتيها..
رغد بنفس الهمس وهي منقهره: اسكتي خليني اطلع حرتي فيه..
ريم: ترى راح تقولين لي وش صار..
رغد: ترى هذا مو وقتك..
وبعدها ماجد ترك اخوه وفواز نفس الشي لتركي وكل واحد يطالع الثاني بنظرات حقد..
مشاري: يله تصافحوا وصفوا النيه..
وليد: انسى..
تركي: انت اللي انسى..
ماجد: بلا حركات بزارين لا ادوس في بطونكم الحين..
طلال: ترى ما تسوى علينا خربتوا اجازتنا..
فيصل: يله عاد خلونا نرجع حبايب..
فواز: يله وليد وانت يا تركي ما نحب احد يكون زعلان وشايل على الثاني ..
سليمان: واحنا اخوان ويله سلموا على بعض..
وليد صافح تركي من غير نفس وتركي نفس الشعور..
وبعدها صرخوا البنات والعيال مع بعض:هوووووووه...
رغد عطت وليد نظره بعدها ما عاد صار يطالعها ابد ومشت وخلتهم..
تركي انبسط ان رغد كانت في صفه..
وبعدها العيال والبنات افترقوا وراحوا البنات كلهم الا الهنوف واقفه في مكانها وتطالع الارض..مشوا البنات كم خطوه..
رغد صارت تلتفت يمين ويسار تدور الهنوف ما شافتها..
رغد : بنات وقفوا...."وقفوا البنات"
رغد: في عضو ناقص..
ريم: فاضيه انتي ومن العضو الناقص..
رغد: الهنوف قلبي..
وبعدها قامت كل وحده تطالع اللي جنبها..
ريم: مفقود..
فجر: مفقود..
العنود: مفقود..
نوف: مفقود..
مها: مفقود..
شجون: مفقود..
عبير: مفقود..
لين: ماهي فيه <<اول مره تكون مع البنات..
رغد: اجل وين راحت..
لفوا كلهم في نفس الوقت وبعدها فقعوا ضحك على شكل الهنوف كانت واقفه تفكر ومنسجمه في التفكير..
رغد: بروح اجيبها واجي..
رغد وصلت عند الهنوف ضربتها على ظهرها بخفيف:الهنوف..
الهنوف:................"لا حياة لمن تنادي"
رغد: الهنوف..الهنوف..
الهنوف:............."البنت متعمقه"
قامت رغد وتصرفت تصرف ثاني لان الهدوء والدلع اكيد ما راح ينفع مشت لحد ما صارت في وجه الهنوف ومسكتها من كتوفها ولفتها لجهت البنات ودفتها..
الهنوف صحت: رغدوه وجع خرعتيني..
رغد: امشي لا اتوطى في بطنك انتي واخوك..
الهنوف خنقتها العبره: وانا وش دخلني<<البنت حساسه..
رغد رحمتها: يا قلبي ما عليش سامحيني ..عشاني معصبه ترى ماني عارفه وش اقول..
الهنوف: اهم شي ما تزعلين مني..
رغد: وانا اقدر يا قلبي..
ومشوا لعند البنات..
العنود وريم يتساسرون:رويم تتوقعين وش صار؟؟؟
ريم: علمي علمك..
العنود: اخوي واعرفه هادي ومسالم ولا يحب المشاكل..
ريم: والله ما ادري بس شكل السالفه قويه..
العنود: ريم دبريني ما اقدر اصبر احس جسمي يحكني ولساني وماني قادره اتحمل لازم اعرف وش صار..
ريم: حشى مدمنه مو لقافه..
العنود: انشبي في اختك وقولي لي لاني اعرف وليد لو اترجاه من اليوم لما اجازة المؤتمر بعد ما ادري كم سنه ماراح يقولي..
ريم: هههه يصير خير<<شكلها ناويه تذلها..
العنود: شنو يصير خير..
ريم بخبث: يصير خير يعني ا نشا الله..
العنود: ايه احسب..
ريم: تهددين ولا ايش..
العنود: لالا سلامة قلبك اقصد ريحتي قلبي..
ريم: ايه كذا خلك مستقيمه..
العنود: طيب عادي اميل 20 درجه اقعد مع اختي عبير..
ريم بوثوق: اذا كان كذا مسموح..
وراحت العنود عند عبير وبدت تشتغل اللقافه..
العنود: وش صاير؟؟
عبير: علمي علمك..
العنود: وش تتوقعين ؟؟
عبير: ما ادري..
العنود: وش الشي اللي خلا الاثنين يتنرفزون؟؟
عبير: ما عندي خلفيه..
العنود طيب وش اللي.....
قاطعتها عبير: وبعدين معاك تراي مصدعه وانتي رايقه..حشى مسجل سؤال ورى سؤال لو كان فيه جائزه كان فزت ..يا اختي قدري الحين انا في وضع ما يستحمل لقافتك..
العنود: خلاص ما قلنا شي حشى كلتيني بقشوري..
ريم خاشه في السالفه: ليه ربيانه..
عبير: كملت جات الثانيه..
العنود: هههه بايخه.....اقول ريموه من تتوقعين يعرف السالفه؟؟
ريم: خلاص راسي صدع منك يا اختي اسكتي بسأل رغد واقولك خلاص ريحي لسانك شوي استاثمتي فيه كارفته كرف..اربع وعشرين ساعه شغال..
العنود: قولي لا اله الا الله جعل عيونك تفقع..
ريم: اولا عيني بارده.ثانيا انا عيوني تفقع هين اللي يقولك السالفه..
العنود: خلاص خلاص التوبه والله ما اعيدها..
ريم: ايه كذا تعدلي..
ووصلوا الشاليه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند العيال

رجعوا للشاليه وفي الطريق كان الجو مكهرب شوي وساكتين..
سليمان يهمس لتركي: وش صار وش السالفه..
تركي وهوما زال معصب: يا اخي كله من هذا النشبه خرب علي كل شي وجايني يطاق بعد..
سليمان: قصر صوتك لا تفضحنا..
تركي: خله يسمع جعل اذنيه تفقع ا نشا الله..
مشاري: وش فيك يا تركي..
تركي: سلامتك ما في شي..
مشاري: طيب وش رايكم ياعيال نطلع نغير جو..
العيال: تسوي خير فينا..
مشاري: يله نروح مجمع الراشد ولا الظهران..
فواز: انا اقول الظهران جديد وحلو..
العيال: يله مشينا..
طلال:بس ترى عوائل..
مشاري: صدق !!يالله يعني البنات لازم يكونون معنا..
ماجد: ما لنا غنى عن خواتنا..
مشاري: امرنا لله..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند البنات

كانوا العنود وريم محاصرين رغد وحده على يمينها والثانيه على يسارها وطاحين فيها اسئله..
ريم: رغد قولي وش صار؟؟
العنود: بالتفصيل..
ريم: وبدقه..
العنود: مو كذا بس بأدق التفاصيل..
ريم: ولا تنسين شي..
العنود: وشغلي مخك وتذكري كل لحظه..
ريم: من بدى بالطقاق تركي ولا وليد..
العنود: وعلى ايش تهاوشوا..
ريم: ومين كان السبب..
العنود: ومين فكهم..
ريم: كان فيه سب وشتم ولعن ومين اللي تلفظ..
العنود: مين كان اقوى اخوي ولا تركي..
طبعا رغد كانت ساكته وتطالعهم لما يخلصون..
ريم: امممممم وش بعد..
العنود: عادي اكمل عنك..
ريم: ايه تكفين اباخذ بريك دقيقه..
العنود: ايه عادي امسك بدالك..
رغد: وش تمسكين عنها؟؟
العنود: المناوبه في الاسئله يعني اسأل عني وعنها..
رغد: لا ما شا الله فيك الخير والبركه ..كملي..
العنود: ايه وين وصلنا.....ايه تذكرت الهنوف وقفت مع اخوها ولا وش ردت فعلها..
رغد: ما خلصتي؟؟
العنود: لا اتوقع باقي ياخمس يا ست اسئله مع شوي استفسارات وبعض الاشياء للتوضيح وكم كلمه للترجمه..
ريم: العنود شكلك قلبتي السالفه..
العنود:هههه ما عليش طلعت شوي عن نطاق الاسئله..
وفي نفس اللحظه اتصل مشاري على رغد..
رغد قامت عنهم:اهلين
العنود: شوفي قامت وخلتنا..
ريم: بترجع وين بتروح منا..
مشاري: هلا والله بأختي الغاليه..
رغد: لا السالفه فيها اختي الغاليه اخلص وش تبي؟؟
مشاري: نبي نطلع مجمع الظهران تروحون معانا؟؟
رغد: اكيد ما يبيلها كلام..
مشاري: ادري الحريم والسوق ثنائي مستحيل احد يستغني عن الثاني..
رغد: المهم متى راح تطلعون؟؟
مشاري: دقايق ..تجهزوا بسرعه اوكي..
رغد: ثواني..
مشاري:باي..
رغد: باي..
وبعده رغد تصارخ: بنات بنات بسرعه..
وفي لحظه اجتمعوا..
رغد تضحك:صادقه العنود يوم قالت عنكم جن مو بنات..
عبير: اخلصي ولا تذلينا..
رغد: العيال راح يطلعون لمجمع الظهران ويبونا معاهم وتجهزوا بسرعه قبل م......
ما امداها تكمل جملتها الا البنات منتشرين وكل وحده راحت تلبس واللي تدور عبايتها واللي تصارخ وحالتهم حاله..
رغد: ههههه كل هذا عشان السوق صادق مشاري..
وفي ثواني جهزوا...
رغد اتصلت على مشاري: مشاري ترى احنا جاهزين..
مشاري: مشا الله في وقت قياسي..
رغد: اكيد هذا بسبب متابعتي واشرافي..
مشاري: اقول اطلعوا بلا فلسفه زايده..
رغد: احم احم فشلتني..
مشاري:هههه يلا اطلعوا..
وطلعوا البنات والعيال تقسموا في السيارات وكل البنات ركبوا في الجمس
في الجمس..
مشاري يسوق ورغد جنبه..
رغد: مشوري حط أي شي نسمعه..
مشاري: تامرين امر..
الهنوف طبعا راكبه ورى مشاري وكل شوي تطالعه ومشاري كان يطالعها بس شاك انها هي عشانهم متلثمين..
مشاري قاعد يقلب في محطات الراديوا وجت اغنية "نسيت الناس" للفنان السعودي تركي..
رغد: غيرها ما احبها..
الهنوف تدخلت لان هذي اغنيتها المفضله: لا حرام عليك حلوه بالمره..
مشاري سمع الصوت تأكد انها هي اللي وراه وحب يحرجها: عشان الهنوف راح احطها..
الهنوف في نفسها"بسم الله وش درا ه اني الهنوف...يا غبيي اكيد راح يميزني عن بنات عمه وخالته."
رغد: اجل عشان الهنوف اجل..
مشاري: الهنوف تبين اعلي على الصوت ولا كذا حلو "طبعا يدور أي شي عشان يسولف معاها"
الهنوف بحيا: لا كذا زين..
وعاشوا جو مع الاغنيه
$$$$$$$$$$$$$$$$$$$$$$$$$$$$$$$$$$$$$$$$$
نسيت الناس والدنيا وجيتك يكفيني عن العالم حنانك..
انا لاضاقت الدنيا ولقيتك يهون الكل يا روحي عشانك..
عيونك دنيتي والقلب بيتك وعيني وين ما ترحل مكانك..
انا عطشان لك مهما رويتك ولا في العمر امان الا امانك..
قدر عمري وانا والله رضيتك تذوبني احبك من لسانك..
انا في القلب يا قلبي نسيتك وفوق الناس انا عليت شانك..
انا لا ضاقت الدنيا ولقيتك يهون الكل يا روحي عشانك..
$$$$$$$$$$$$$$$$$$$$$$$$$$$$$$$$$$$$$$$$$$$$$
وفي جهه ثانيه في اخر الجمس ناس مايدرون ولا حاسين باللي حولهم وعايشين وجوهم..
العنود: شوفي هذا اللي جنبنا شكله مملوح..
ريم: مين هذا ووع بصراحه ما عندك ذوق..
عبير: لالا اللي جنبه احلى..
ريم: ايه واللله صادقه ياخذ العقل..
عبير: شوفي الشعر مسويه سبايكي وضابط عليه..
العنود: صح انه حلو بس احس انه شايف نفسه وثقيل دم<<البنت خبره..
ريم: وانتي وش دراك..
عبير: ترى ما عندها ما عند جدتي منيره ما عليك منها..
العنود: حرام عليكم اللي جنبه يدخل القلب على طول..
ريم: لا احسن روحي قولي له عطني الرقم.
العنود: انتوا ليش تفهموني غلط..
عبير: ما تشوفين نفسك بتموتين عليه..
العنود شافت واحد ثاني: اقول اقول شوفوا السياره البي ام دبليو..
ريم: يمه قلبي ياخذ العقل..
عبير: ودوني المستشفى نبضات الحب عندي زادت..
ريم: اهجدي يا بنت صدق بنات اخر زمن..
لفوا عليها العنود وعبير وبنظره قاتله بعد..
ريم: بسم الله وش فيكم علي امزح امزح..
العنود: تعيدينها ترى اقلب عليك..
عبير: جربي تعدينها هاه..
ريم: بسم الله وحوش موبنات..
شجون جالسه معاهم بس ما تحب هالسوالف فهي مضطره تسمع وتسكت
وايضا في جهه ثانيه من السياره"الوسط"<<<فندق مو سياره..
نوف: ايوه الاسبوع اللي فات شفت فستان احس انه راح يناسبك..
مها: صدق وش شكله ومن وين شريتيه عشان اشتري مثله عندنا زواج وماني عارفه من وين اشتري..
نوف: انا شاريته من الفيصليه بس المحل بالضبط ما اذكره اذا رجعنا راح ارسل لك صورته واسم المحل..
مها: ايه واللي يعافيك الا شفتيfond Dishen الجديد من جفنشي..
نوف: ايه جربته..
كانت فجر معاهم بس مالها خلق هالسوالف ومضطره تسمع لان اخر السياره كان فيها ريم والعنود وعبير وكان ودها تجلس معاهم بس الظروف..
فجر: ممكن تغيرون السالفه..
نوف: ليش مليتي..
فجر: ايه مليت..
مها: طيب راح اغير السالفه نوف رحتي مستوصف الاسنان اللي توه فاتح في التخصصي يقلون عنده تبيض الاسنان عجيب..
نوف: صدق لا والله ما بعد رحلته..
فجر: الحين يقال لكم غيرتوا السالفه يا ربيه مليت..
شجون تطل على فجر: فجر مليتي..
فجر:أي والله
شجون: تبادليني..
فجر: في الرجعه واللي يعافيك..
شجون : اوكي..
نرجع للي قدام مشاري يطالع الهنوف من يوم عرفها والهنوف عاشت الجو مع الاغنيه ورغد تتفرج عليهم وهي كاتمه الضحكه لحد ما وصلوا للمجمع..
مشاري: هاه ماجد وينكم..
ماجد: احنا وصلنا..انتوا وينكم..
مشاري: وصلنا خلاص أي بوابه..
ماجد: بوابه خمسه..
مشاري: اوكي..
وصلوا عند العيال ونزلوا البنات والعيال..
فواز: احلفوا انكم راح تدخلون كذا..
مشاري: اجل وشلون ندخل؟؟
فواز: لو تدخلون كذا قالوا مداهمه..
مشاري:هههه حلوه بس ايش نسوي..
ماجد: ننقسم نص البنات يجون مع نص العيال والنص الثاني مع بعض..
طلال: انا اقول كل واحد يدخلونه خواته..
وليد: وانا اوافق طلال الراي..
العيال: اوكي..
وكل واحد مسك خواته ودخلو المجمع..
رغد: مشاري انا ما اقدر اتمشى في السوق خلوني في مكان وانتوا روحوا..
مشاري: ومين راح يقعد معاك؟؟
ريم: لا تطالعيني لو اموت ما قعدت من الحين اقول لكم..
رغد: مالت عليك من اخت..
مشاري: دبري لك احد يقعد معاك..
رغد: خلاص راح اقول للهنوف..
مشاري: بس حرام يمكن تبي تتمشى...
رغد فاهمه عليه:حتى لو كانت تبي تتمشى انا راح اخليها تجلس معاي غصب..
مشاري: اجل خلاص راح اجلس معاكم..
رغد فيها الضحكه: ولا اقول ما ابي الهنوف صادق حرام بخلي العنود ولا عبير ..
مشاري توهق: هاه كيفك..
رغد: ولا اقول خلاص ابي صديقتي..
مشاري: انتي استقري على راي..
رغد: الهنوف..
الهنوف مستحيه من مشاري لانه جنب رغد: سمي..
مشاري"مشا الله عليها تعرف الذوق والادب"
رغد: سم الله عدوك بس بطلب طلب..
الهنوف: انتي تامرين..
مشاري"لا البنت ناويه توديني الانعاش"
رغد: انا بجلس وما راح اتمشى معاكم زي ما انتي عارفه وضعي الصحي ما يسمح لي.. تجلسين معاي..
الهنوف: بس كذا ما طلبتي..
مشاري وهو طول الوقت يطالع في الهنوف" لا انا اليوم بكلم امي تخطبها لي يا ناس صوتها يذوب الصخر"
رغد: يا بعد قلبي انتي..
الهنوف: تسلمين..
رغد: خلاص مشاري روحوا انتوا وانا والهنوف راح نجلس هنا..
مشاري: يعني ما يحتاج اجلس معاكم..
رغد: لا يا قلبي ما يحتاج...
مشاري: اكيد اخاف تحتاجون شي ولا شي..
رغد: لا يا عمري ماراح نحتاج شي..
مشاري: اكيد جواب نهائي..
الهنوف ماسكه ضحكتها على شكله..
رغد: مشاري وبعدين معاك..
مشاري: اخاف الهنوف تحتاج شي..
الهنوف من الحيا وقف الدم عندها ما عاد تحركت ولا تكلمت..
رغد: الهنوف تحتاجين شي لا سمح الله..
الهنوف بصوت بصعوبه ينسمع: لا..
رغد: سمعت خلاص رح..
مشاري: ما بأذنك ماي..
رغد: ولا عصير بعد...
مشاري: بايخه وسخيفه وتافهه..
رغد: كل هذا عشان ما خليتك تجلس معاي..
مشاري: من زينك انتي وجهك اجلس معاك..
رغد: يله ورنا طول وعرض اكتافك..
مشاري يبي يطول الجلسه: ليش شايفتني عماره..
رغد: اوووف وبعدين معاك ترى رجلي صارت تعورني بسبتك يا اخي افهمها ما نبيك..
مشاري: خلاص ذليتينا..
وراح بعد ما نشف ريق رغد والهنوف بغى يغمى عليها من الحيا..
طلال: مستحيل نجلس مع البنات..
وليد: وانت صادق..
فواز: الحين تبون كل مجموعه يمشون لحالهم عادي؟؟
العيال: عادي..
فواز: اجل خلاص راح اقولهم..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ريم: ما نبي العيال..
العنود: ايه ما نبيهم..
عبير: ولا نمشي معاهم خطوه..
نوف: صح هم نشبه..
الا موبايل فجر يرن..
فجر: هلا فواز..
فواز: اهلين فجوره راح نخليكم على راحتكم واذا خلصنا راح نتصل عليكم..
فجر: يكون احسن..
فواز: بس انتبهوا على انفسكم واذا احتجتوا أي شي ا تصلوا علينا اوكي..
فجر اوكي باي..
ريم: لايكون يقولون بنجي معاكم..
فجر: اصلا هم اللي ما يبونا..
العنود: فكه احسن جات مهنم..
وصاروا البنات من جهه والعيال من جهه اخرى<< احلى يا الفصحى..
الرباعي المرح اللي هم(العنود- عبير- ريم – فجر)ما بقوا ولد في السوق الا يا حاشينه يا خاقين عليه..
ريم وهي ميته ضحك: هههههه العنود تكفين لا يفوتك هذا شكله قسم بالله تحفه..
العنود فقعت ضحك: ههههه يا بطني خلاص تكفين..
عبير: هذا وش مسوي بعمره الحين..
فجر: يقال لك كاشخ ورسمي..
ريم: بصراحه اللبس شي عجيب..
العنود: معليش ياريم يا قلبي في المصطلح تقصدين شي غريب..
عبير ماتت ضحك: تكفون خلاص ابي اسكت..ما اقدرههههه
فجر:ولا يطالع من زين الوجه..
وافقعوا البنات ضحك...
وجا بعده واحد مزيووووون جاي لعندهم..
ريم سكتت من الضحك: بنات بنات انتوا شايفين اللي شايفته..
العنود مطيره عيونها: هاه هذا من الارض ولا نازل القمر<<بنات اخر زمن..
عبير: سبحان ربي اللي صوره..
فجر: ملك جمال بسم الله عليه..
ومر من عندهم والبنات يطالعونه لما طلع من المجمع..
فجر: خلاص يا بنات اصحوا الولد راح..
وصاروا يمشون بفهاوه وما يدرون عن اللي حولهم<<مهبل..
نروح لشلة الدلع(نوف- مها- شجون)..
داخلين محل مكياجي يشوفون كريمات العنايه بالبشره وطلعوا منه ودخلوا محل دبنهامز ويشتون عطورات وكل حركات البنات<<ما احبها.
شجون: بصراحه هذا احسه على لون بشرتك .
نوف: مو هذا احسن ..
مها: لالا اتوقع انه الي مع شجون احلى..
شجون: طيب الماسكرا هذي حلوه ولا اخذ غيرها؟
نوف: لا هذي حلوه اشوفها كثير مع البنات..
مها: صادقه نوف خذيها..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند العيال


ما بقوا بنت ما غازلوها ولا بقوا بنت الا ومعطينها الرقم..
طلال: فواز لا تطالع ترى بعلم عليك..
فواز: تراك ذليتني ..يعني مسوي تهدد..
طلال: ترى ان درت ام العيال مو من صالحك..
فواز: يمه خوفتني امش وابلع لسانك لو سمحت..
سليمان: تصدق يا تركي..
تركي: لا ما اصدق..
سليمان: تركي بلا سخافه..
تركي: خلاص اصدق..
سليمان: بعدّيها لك.. المهم تصدق اني مشتاق لريم قلبي..
تركي: الحين تصدق او لا تصدق وساعه وما ادري ايش في النهايه مشتاق لريم قلبي..
سليمان: يا اخي حس فيني..
تركي: المشكله ما تليق عليك الرومانسيه خل الرومانسيه لاهلها..
سليمان: وان شا الله انت اهلها..
تركي: وقبيلتها بعد..
سليمان: مالت عليك تراك ماخذ في نفسك مقلب...
تركي: على بالي الكاميرا الخفيه..
سليمان يتطنز:آه آه بطني بصراحه تعرف تنكت..
تركي: اجل وش على بالك لا يكون طايح من عينك..
سليمان: لا الحمدلله انقذتك في اللحظه الاخيره..
تركي: الله يبشرك بالخير...اقول امش وانت ساكت وخلنا نطالع هالمزايين..
سليمان: ما عندك اخلاص ووفاء,,
تركي: لا عندي فاطمه اقول امش بلا خرابيط مسوي فيها..
سليمان: ههه شف شف بس اللي جنبها..
تركي: ههه وين الاخلاص والوفاء..
سايمان: لا تعرفت على غيرهم..
تركي: امش امش الله يهديك يا وليدي..
سليمان: هههه يلا خلنا مع العيال ترى سبقونا..
تركي: يلا..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&&
رغد والهنوف.....
كانوا خاشين جوا في السوالف وكل شوي جاي واحد يتميلح عندهم..
رغد: اوف يا ربيه وش هالعيال اللي عندنا تقول اول مره يشوفون بنت..
الهنوف: صادقه تقولين ما قد شافوا خير..
رغد: ويا ليتهم المشكله حلوين كلهم جياكر(يعني شيون)
الهنوف: وانتي صادقه..
ويمر واحد من عندهم..
الولد:يا عيني على العيون انا ما قدر..
رغد: اوووف ياربيه وبعدين معاهم..
الولد: اوف اوف ليش معصبه..روق يا جميل..
رغد: لو ما رحت عن وجهي وربي لا اجمع الناس الحين عليك واخليهم يرمونك برى..
الولد: كل هذا حقد علينا ترى والله ما سوينا شي يزعل القمر..
رغد: بتروح ولا شلون..
العنود: يعني ما في امل..
رغد: ولا سعاد..
الولد: هههه والله تعرفين تنكتين..
رغد: هذا اللي بيرفع ضغطي.. انت وبعدين معاك انت شفت وجهك في المرايه قبل لا تجي روح عدل خشتك بعدين تعال عسى البنات يرحمونك ويعطونك وجه وبعدين يسحبون عليك..
الولد: اوكي ولا تزعلين انا رايح..
رغد تقلده: اوكي لا تزعلين انا رايح.....ان شا الله روحه بلا رده..
الهنوف: امين..
وراح الولد بعد ما صرخت رغد ونادت على السكيورتي هج وما عاد شافت الا غبرته..
رغد: احسن يستاهل..
الهنوف: زين سويتي فيه يا قلبي..
رغد: يا عمري هالاشكال ما ينفع معاهم الا العين الزرقاء..
الهنوف: تقصدين العين الحمراء..
رغد: لا هذي تركوها الزرقاء هي الجديده..
الهنوف: هههههه والله ما دريت!!
رغد: الحين دريتي..
عند لين ومشعل.....
لين تسحب مشعل لمحل اكسسوارت..
لين: شعولي تعال معاي..
مشعل في نفسه" يا ليل ما اطولك المشكله ما ابغى ازعلها": يله مشينا..
لين دخلت المحل وشافت سلسال فيه حرفينL-M وكان شكله مره حلو..
لين: شعول شوف هذي السلسه مره تجنن..
مشل: اكيد يجنن مادام حرفك عليه..
لين: تسلم راح اخذه والبسه وما راح افسخه ابد..
مشعل:ههههههه يله احاسب عليه..
لين: يله..
وشافت بعدها تعليقت موبايل فيها حرف L واخذتها لمشعل..
مشعل: وشوله هذا بعد..
لين: هذا عشان تعلقه في موبايلك عشان ما تنساني ابد...
مشعل :ههه طيب عشانك راح اخذه..
لين: تسلم يا بعد عمري..
وحاسب عليهم وطلعوا...
قعدوا في المجمع لحد الساعه عشره وبعدها اتصلوا العيال على البنات واتصلوا على مشعل واجتمعوا وراحوا الشاليه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند الحريم


ام مشاري: هلا والله بناتي ا نشا الله انبسطتوا..
البنات: تسلمين خالتي اكيد انبسطنا..
ام فواز:اهم شي وناستكم..
ام فيصل:هاه قلبي شجونه شريتي شي..
شجون: ايوم ماما شريت شوية كريمات للبشره وللعنايه بالشعر وبعض حركات البنات..
ام فيصل: مشا الله غرفتك مليانه كريمات..
شجون: ولو ماما في اشياء جديده وحلوه..
ام فيصل: براحتك..
ام ماجد: يله روحوا ارتاحوا..
ام الهنوف: تراكم من صباح الله صاحين..
ام سليمان: سموا بالله وتغطوا زين..
العنود: يعني طرده..
ام الهنوف: لا يمه مو طرده بس باين عليكم التعب حتى احنا بروح ننام..
البنات: ا نشا الله..
وراحوا لغرفهم..
الحريم طبعا على طول ناموا اما البنات بعضهم ناموا والعض الثاني باله مشغول وما قدر ينام..
الهنوف ورغد كانوا يتكلمون عن سالفة اليوم واللي صار بين وليد وتركي..
العنود: ريم..ريم نمتي؟؟
ريم: لا .. ما جاني النوم..
العنود: حتى انا..
ريم: ليش وش تفكرين فيه؟؟
العنود: عشاني ما عرفت السالفه..
ريم: حتى انا ما عرفت انام افكر في السالفه..
العنود: خلينا نروح لرغد..
ريم: يله..
وراحوا عندها..
رغد: بسم الله ما نمتوا..
ريم: لا ما جاني النوم..
رغد: ليش تعبانه..؟؟
ريم: ايه..
رغد : بسم الله عليك وش فيك؟؟
ريم: لساني يحكني ما قلتي لي السالفه..
رغد: ههههه يقطع ابليسك وان شا الله بنت عمك نفس السبب..
العنود تسوي نفسها مسكينه عشان ترحمها:ايوه تخيلي ما نمت قاعده افكر في اخوي...
رغد: اجل اخوك هاه..
العنود: يله عاد قولي السالفه..
رغد قالت لهم السالفه..
العنود: غريبه وليد مو بالعاده يتدخل في شي ما يخصه..
رغد: والله ما ادري وش قصته بصراحه تفاجئت فيه..
ريم فهمت السالفه وما تطوف عليها هالحركات: انا عرفت السبب..
العنود: وش السبب؟
ريم: هو سبب واحد مافي غيره..
العنود: ايه وشو؟؟
ورغد تنتظر منها جواب لكل تسأولتها..
ريم: وليد يحب رغد..
سكت الكل بعدين رغد انطلقت: ريم وش هالكلام حب وما حب وللي يعافيك لا تجبين شي من راسك..
العنود: احلى يا المحقق كونان تصدقين ممكن يكون هذا السبب..
رغد استحت من فكرة ان وليد يحبها: اقول انقلعوا انتي وياها..
العنود: حرام عليك حسي على اخوي شوي وعلى قلبه..
رغد: العنود وبعدين معاك..
ريم: العنود افهميها الحين هي تبي تقعد تفكر في حبيب الغفله..
رغد: رويم وعنيد انقلعوا عن وجهي..
الهنوف: هههه صدق انكم مهبل..
وراحوا البنات ووناموا الا رغد كانت تفكر في كلام ريم وانه ممكن يكون صح..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند العيال

تركي: سليمان نمت..
سليمان: لا..
تركي: وش تفكر فيه..
سليمان تنهد: يعني في غيرها اليوم ما شفتها زين بس لمحتها..
تركي:........................
سليمان: تركي وش فيك؟؟
تركي: قاعد افكر بسالفة اليوم..
سليمان: تقصد الهواش..
تركي: ايه..
سليمان: ما قلت لي وش صار بالضبط...
تركي حكى السالفه لسليمان..
********************************************
وليد منسدح وماخذه التفكير"يا ربيه انا وش سويت اليوم ..الحين طحت من عين البنت بتقول شكاك وما يثق فيني..بس والله ما قدرت اشوف تريك يكلمها وانا اقعد ساكت..البنت باين عليها من الاول ما تطيقني والحين اكيد كرهتني.. ا خ يا رغد وش اللي خلاك تدخلين هذا"يقصد قلبه" اووف راسي صدع من التفكير"
ونام وهو يدعي ربه ان رغد تحس لو بربع مشاعره اللي يحسها ناحيتها

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@

" نهاية الفصل "

 

 

[اليازيه]

الجزء السادس عشر



يوم الخميس
شي اكيد الحريم والرجال يكنون صاحين اما البنات والعيال نايمين..
ام ماجد: هالبنات الله يهديهم حياتهم مدري وشلون صايره..
ام مشاري: سهر ونوم واكل وما عندهم أي اهتمامات او مسئوليه..
ام فواز: ايه الحين هذا حال البنات هالايام ما يتعودون على المسؤليه واذا تزوجوا صار صعب عليهم عشان كذا تكثر حالات الطلاق..
ام سليمان: مو بس البنات حتى العيال اغلبهم ما يحب يكون عليه أي مسؤليه..
ام تركي: مو الشباب بس فيه ابوان انفسهم ما بعد حسوا بالمسؤليه..
ام مشاري: والله معاك حق يا ام تركي الحين ما نشره على الصغار بنشره على الكبار..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند الرجال
ابو مشاري: الله يهدي هالعيال حياتهم نوم في نوم..
ابو فواز: هم يا نايمين يا طالعين..
ابو ماجد: خلينا نروح نصحيهم..
ابو مشاري/ وانت صادق..
ابو فيصل: شكلهم امس سهرانين..
ابو فواز: احسن عشان مره ثانيه ينامون بدري زي العالم والناس..
ودخلوا الشياب عند الشباب وصرخوا عليهم كم صرخه وطلعوا...
مشاري لوليد: يا ليل ما اطولك..
وليد: ما يملون ابد..
طلال: يعني ايش كل يوم على هالحال..
ماجد: قوموا ترى عورني راسي بسبهم..
فواز: يا حبهم للصراخ..تصدقون اشتقت لزوجتي وهي تقومني..
فيصل: توك تذكرها..
طلال: زين ذكرها بشي زين طول اليوم الحمد لله افتكيت منهم الحمد لله ارتحت منهم..
فواز: يا ابن الحلال امزح اصلا انا ما اسوى شي بدون ام العيال والعيال بعد..
طلال: ايه واضح عيالك من اول ما جينا هنا وانت ما شفتاهم..
فواز: عند امي يعني في ايدي امينه.
فيصل: تصدق على بالي في ايدي سكينه هههاي..
فواز: ه ه ه بصراحه تعرف تنكت يا خفيف الدم..
بعد شوي رجع ابو مشاري يتأكد انهم صحوا..
ابو مشاري: صحيتوا؟؟
الكل: ايه..
ابو مشاري: احسن تستاهلون "وراح"
مشعل: الحين ابوك وش فيه علينا..
مشاري: وش دراني عنه ..
طلال: شكله ابوي مسلطه علينا اعرف ابوي وحركاته..
وليد: لالا اكيد ابوي هو اللي مسلطه علينا..
طلال: يا ابن الحلال ابوي..
وليد: يا ولد الحلال انت ابوي..
مشاري: خلاص ارتاحوا ابوي..
طلال: تصدق ريحتنا..
وليد: هههه يا حليلنا من الفراغ اللي فينا ما ندري وش نسوي..
سليمان: خلونا نقوم قبل لا يرحع مره ثانيه ابو مشاري ويهزئنا..
الا بدخلة ابو ماجد: هاه صحيتوا؟؟
الكل: اوووف ايه..
ابو ماجد: ايه اشوا بعد..
ماجد: وش فيهم الحين...
مشاري: حسد من عند انفسهم..
طلال: خلونا نهبل فيهم ولا نصحى..
فواز: كان تلاقيهم في العنايه المركزه اسم الله عليهم..
مشاري: ومعاه انهيار عصبي..
قعدوا العيال يضحكون بعدين قاموا..
اما البنات فهم ما صحوا الا الساعه( 2)..
ام مشاري داخله على البنات: بتصحون ولا شلون..
عبير: لالا خالتي صحينا..
شجون: والله صحينا..
العنود: مين......وين.........كم الساعه..
عبير: العنود شاربه شي امس؟؟
العنود: شاربه.. ايه شاربه امس لبن قبل ما نوم..
عبير: خلاص خلاص فهمت السالفه اكيد منتهي صلاحيته..
العنود: ايه........هاه وش تقولين..
عبير حبت تهبل فيها مدامها صدقت: شربتي اللبن اللي كان هنا..
العنود: ايه...
عبير: متأكده شاربه اللي كان هنا..
العنود: ايه وش فيك ما تسمعين..
عبير: اللبن منتهي صلاحيته..
العنود: كذابه قولي والله ..طيب بكم يوم..
عبير: بخمسه او ستة ايام...
العنود بدى التمثيل عندها: بطني آه بطني يعورني عبير الحقي علي..
عبير ماسكه ضحكتها: يمه اختي تسممت وش اسوي الحين...
العنود :عبير عبير بموت بموت هاتي ورقه وقلم بكتب وصيتي..
عبير راحت تجيب ورقه وقلم: خذي يا اختي...ياربيه اختي بتروح مني ..مين لي غيرك يا العنود لا تروحين..
قعدت العنود تكتب وصيتها : عبير خذي هذي وصيتي عطيها امي آآآآآآ ه بطني بطني.وقولي لها اني احبها..
كانوا البنات واقفين يتفرجون على العنود وكذبتها..
عبير: بس امي.. وانا ما تحبيني..
العنود وهي تسوي نفسها تتألم: الا احبك بس لو تتركين عنك العجز كان اموت فيك..
البنات هنا خلاص ما قدروا يكتمون ضحتهم طلعوا شوي ضحكوا بعدين رجعوا...
عبير تمثل الصياح: العنود تكفين لا تموتين..
العنود: تصبري يا عبير آآآآآه بطني ..تصبري يا عبير هذا اللي ربي كاتبه لي..
عبير: طيب خليني اوديك المستشفى..
العنود: ما راح ينفع..انا كنت حاسه..
عبير: لا يمكن يعالجونك صح المرض مستعصي بس يمكن لا سمح الله..
العنود: لالا خليني اموت على فراشي بين اهلي وناسي..
عبير: طيب طولتي ما متي..
العنود: وجع ما بعد تمكن اللبن مني..
عبير: نصبر ان لله مع الصابرين..
العنود استوعبت انها تبيها تموت: صدق انك ما تستحين تبيني اموت طيب جامليني لحد ما اموت..
عبير: انا وحده صريحه وما احب المجاملات..
دخلت ام مشاري: هاه ما بعد صحيتوا..
البنات: الا صحينا..
ام مشاري: وش فيك يا العنود..؟؟
العنود لعبير: لا تقولين لها ما ودي اضيق صدرها..
عبير: ابشري.....لالا خالتي ما فيها شي تبي تنام..
ام مشاري: العنود اصحي ولا اقومك بطريقه ثانيه..
العنود صحت وكأنها الحصان: لالا خلاص قمت شوفيني في قمة النشاط..
بعدها البنات فقعوا ضحك على العنود النصابه..
العنود: خير...
ريم: وين اللي بتموت..
العنود: الحمدلله ربي ستر..
رغد: حسافه..
العنود: حسافه اوريك الحين..
وقاموا البنات يتطاقون طبعا مزح بس مزح العرابجه غير..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عصر يوم الخميس...
ريم: بنات من جد خلونا نستهبل..
العنود: كل وسائل الترفيه سويناها مدري وش بقى..
فجر: عندي فكره..
البنات: نورينا...
فجر: خلونا نلعب كوره..
ريم: ونااااااسه خلاص انا ياسر القحطاني..
العنود: وانا سعد الحارثي..
عبير: خلونا نروح الملعب بعدين قرروا وش تبون..
راحوا البنات للملعب وانقسموا فريقين فريق ريم وفريق العنود..
فريق ريم عبير- مها – الهنوف)
فريق العنود( فجر- شجون – نوف)
وبدوا البنات لعب وانواع الدلع....سمعوا العيال صوت البنات ما صدقوا على الله وراحوا مصدر الصوت..
رغد كانت جالسه تصور البنات..
العيال صاروا يطلون على البنات من بعيد بحيث ما يلاحظونهم..
مشاري: اكشخ شوف البنات كيف يلعبون..
وليد: طبعا شوف العرابجه وشوف الدلع..
فيصل: لالا شوف اختي"بعدين استوعب" خير تطالعون محارمنا انت وياه..
مشاري: يله لفوا وجيهكم عيال اخر زمن ترى ان شفت ولد منكم طال على البنات قطعت رقبته قطع سامعين..
وليد يصغر صوته: حاضر يبه..
مشاري: ايه يا ولد خلك ما تسمع الكلام..
وليد: ولد في عينك يبه..
مشاري يخبط وليد خبطه اليمه: وترد بعد..
وليد: ترى بأرفسك يبه ما تنعطى وجه..
ماجد\: اقول خلونا ندور شي يوسع صدورنا فيه..
طلال: خلونا نودع الشرقيه ونروح نتمشى فيها وبكل ضواحيها..
فواز:اهم شي عاد وضواحيها وينى فيه في عنتر بن شداد وضواحيها..
قاموا العيال يضحكون وبعدين راحوا لسياراتهم وانقسموا لسيارتين وصاروا يتمشون..
البنات خلصوا الشوط الاول صفر –صفر طبعا لان كل ماجات الكوره وحده منهم ضيعتها يا ما تعرف تشوت ولا تخاف رجلها تعورها ولا انها حولا ...
طبعا ريم والعنود ضغطهم واصل مليون من دلعهم وعبير وفجر حراس فا اكيد راح ينتهي الشوط بالتعادل السلبي..
رغد: عاشوا عاشوا البنات..
ريم: والله عورني حلقي من كثر ما اصارخ..
رغد: باكيتا على غفله..
العنود: حتى انا والله صدع راسي من كثر ما اصارخ وطبعا لا حياة لمن تنادي..
نوف: بصراحه ما ادري وشلون العيال يلعبون هذي اللعبه..
شجون: وانتي صادقه..
عبير: اقول مالت عليكم من لاعبين..
الهنوف: تصدقين يا رغد بغت تجي كورة ريم في وجهي..
رغد: ههههه تخيلتها..
الهنوف: انقلعي..
ريم: بلاك ما تشوفين يا الحولا..
رغد: تحسبين صديقتي مثلك يا العربجيه..
ريم: اقول تكفين انتي وصديقتك..
رغد: والله لو العب كان علمتكم اللعب على اصوله..
العنود: واضح يا رولاندينيو..
رغد: واحسن منه بعد..
عبير: بسم الله عليك واضح من رجلك المنكسره انك احسن منه..

رجعوا البنات يكملون الشوط الثاني وانتهى الشوط ب صفر –صفر..
رغد: ما اقول الا مالت عليكم ثم مالت عليكم ثم مالت عليكم..
ريم: اووووف والله تصدقين من جد تعب..
العنود: صادقه مسكين سعد الحارثي يتعب هالتعب..
عبير: وانتي هذا اللي هامك..
العنود: ايه اكيد..
رغد: تراني مليت وش اسوي..
فجر: كان قعدتي مع الحريم..
رغد: احلفي واصدقك تخيلي شكلي مع الحريم ولا مع سواليفهم..
فجر: عادي وش فيها سواليفهم..
رغد: تجيب الهم كلها قضايا المجتمع وما ادري ايش ..كان نفسيتي تتعب هذا غير النصايح وغير طاري الزواج..
عبير: الله يجبون طاري الزواج.. اجل خلوني اروح اتميلح عندهم..
نوف: تكفين عاد من فيه اصلا من عيال غير تركي وسليمان.
رغد وريم تقلبت وجيهم 180 درجه..
عبير: تصدقين ماهي شينه مشا الله سليمان وتركي يهبلون..
الهنوف: مشكوره يا قلبي..
عبير: انا قلت تركي مو انتي..
الهنوف: انا وتركي واحد..
عبير: عاد الصراحه فيك منه وحتى مها فيها من سليمان..
مها : تسلمين..
فجر: خلاص لا عاد تمدحينهم بعدين يغترون علينا..
العنود: لالا بصراحه مشا الله اخونكم شي خطير.
الهنوف: مشا الله حتى اخوانك..
مها: صح اخوانك ما شا الله يهبلون حتى اخوان فجر..
ريم ورغد موصله معاهم وكانوا يطالعون بعض وودهم يتكلمون بس الظروف تمنعهم..
عبير: المهم خلونا من اخوانا ترى اليوم ما قبل الاخير خلونا نحلل الاجازه..
العنود: حللنها وطلعت سليمه ههههه..
عبير: هههه الله يبشرك بالخير...
نوف: خلونا نتصل على العيال يمشونا شوي ونتعشى ونرجع..
شجون: والله فكره..
ريم: تسلمين يا احلى نوف..
رغد: بصراحه مليت وانا لحالي..
عبير: المهم وحده منكم تتصل على واحد من العيال وتقنعه..
رغد: مشاري لو اقوله ما راح يرضى..
نوف: طلال ...خلونا نقنع طلال..
عبير: يله اتصلي عليه..
نوف: لا ما راح اكلمه وحده منكم تكلمه عشان يستحي ويوافق..
فجر: مين اللي راح تكلمه..
عبيركانت تطالع العنود والعنود تطالع عبير...
العنود: خلاص انا راح اكلمه..
فجر: يله خذي موبايلي..
العنود متوتره: احم احم "وتصلت"
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&
طلال كان في السياره واغاني ورقص واستهبال وانتبه لموبايله..
فواز:مين..
طلال: هذي فجر برد عليها خلنا نشوف وش تبي..الووو
العنود بس سمعت الصوت راحت فيها ووقف الكلام في حلقها:...........
طلال: الووو فجر..
العنود:أ أ الوووو..
طلال ما ميز الصوت: فجر ولا نوف؟؟
العنود: لا... انا....انا...العنود..
طلال: هلا والله وش اخبارك؟
العنود: الحمدلله بخير وش اخبارك انت" وصارت تمشي بعيد عن البنات والبنات ميتين عليها ضحك اول مره يشوفون العنود مستحيه"
طلا ل: الحمد لله..
سكتوا الاثنين.....
العنود"ياربيه وش اقول":طلال..
طلال: هلا..
العنود :أأأ الصراحه انا والبنات راح نطلبك طلب..
طلال: أمري..
العنود: نبي نتمشى شوي لان من جد ملينا من الشاليه..
طلال: ابشري ما طلبتي شي يا بنت الخال...
العنود: تسلم والله وما قصرت.
طلال: الله يسلمك ولو انتي مثل وحده من خواتي..
العنود انصدمت من كلمة خواتي: اوكي خلاص باي..
طلال: باي..
العنود: خواتي وحده من خواتي....اكيد اجل وش تبينه يقول با حبيبتي والله اني خبله..
وقعدت تضحك على نفسها وراحت للبنات..
العنود تسوي نفسها ضايق صدرها: بنات احسن الله عزاكم...اقصد ماراح نطلع..
نوف: لااااااااا لا تقولين..
فجر: غريبه طلال ما يوافق..
العنود/ لا هو موافق بس العيال ما وافقوا..
عبيرمنقهره من العنود لانها كلمت طلال وما انتبهت ان اختها تحبه اقصد ماتوقعت ان العنود تحب احد فا كان الوضع هذا يطمنها شوي :والله من النذاله هم طالعين واحنا لا..
ريم: خلونا نتصل بمشاري ونحاول فيه..
رغد: شكل مالنا الا هو..
العنود: امزح امزح وافق بس انتوا روحوا وتجهزوا..
البنات:هيّا..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العيال

فواز:وش يبون البنات..
طلال: مساكين في الشاليه لحالهم زهقوا فا يبون يطلعون..
فواز: ومين راح يطلعهم..
طلال: احنا..
مشاري: وش السالفه؟؟
طلال: البنات متصلين يبونا نمشيهم شوي..
مشاري: ايه حرام اليوم يعتبر اخر يوم لهم..
ورجعوا العيال لشاليه عشان البنات..وبعدها ركبوا البنات الجمس نفس اماكنهم امس والعيال في السيارتين الثانيه..
اللي اختلف ان فجر رجعت ورى اخر شي وشجون صارت مع نوف ومها..
وطول الطريق مشاري يطالع الهنوف والهنوف حاسه فيه بس ما تطالعه..وهو يدور أي شي يقوله عشان يسولف معها ...
ولفوا الخبر والدمام وبعدين قرروا ينزلون في مطعم ويتعشون بعدين يرجعون..
وصلوا المطعم..
ماجد: أي مطعم هذا اللي راح يكفيهم..
طلال: عادي ناخذ طاولتين ..
مشاري: يله بس امشوا..
ودخلوا المطعم وكانت هذي فرصة كل واحد يشوف حبيبه وخذوا طاولتين جنب بعض وما بينهم حواجز..وطلبوا لهم اكل..
ابتكلم لكم عن كل واحد..
فيصل ما شال عينه عن فجر وفجر ما تدري عن هوى داره..
سليمان وريم كانوا يطاعون بعض وبلغة العيون يتكلمون ..
وليد كان يشوف رغد ووده يعتذر منها بس كيف ومتى وشلون ما يدري..
رغد ما عطته وجه وكانت بين فتره وفتره تطالع تركي وتركي ما نزل عينه عنها ابد...
عبير والعنود يطالعون نفس الشخص اللي هو طلال وطلال كان يطالع عبير ويحس بشعور غريب ما يدري كيف يوصفه او كيف يفسره..
مشاري كان ميت على دلع الهنوف والهنوف ميته حياء من مشاري..
واكيد ما راح ننسى لين ومشعل كانوا مختصرين الوقت والمسافات وجالسين جنب بعض صح انه كان معاهم محمد وكان يحاول يخرب عليهم طبعا مزح ولين تعصب منه ومشعل ميت ضحك بس انهم عايشين جوهم ولين تتدلع على مشعل..أكلني..شربني..قولي كلام حلو ومشعل مستحملها عشانه يحبها بس مهما كان وده ياخذ راحته شوي ويتنفس على الاقل دقيقه بدونها بس ما يقدر على زعلها.
رغد خلصت عشى وراحت تغسل ايديها..وليد انتبه لها ولاحقها بعد ما طلعت من دورة المياه لقت وليد قبالها..
وليد: احم... رغد..
رغد تناظره بنظرة استحقار: خير وش تبي بعد..
وليد: رغد ممكن تسمعيني شوي..
رغد: وش اسمع اصلا ليش اسمعك..
وليد: رغد انا ما عمري اعتذرت من احد ولا هو من طبعي اني اعتذر حتى لو كنت غلطان بس راح اقولك انتي انا اسف على اللي صار امس..
رغد: وين اصرفها هذي..
وليد: والله ما كان قصدي...وانا ما ادري وشلون طلعت من طوري..
رغد: تطلع مشكلتك مو مشكلتي تغلط وتشكك في بنات الناس وبعدين تقول طلعت من طوري..
وليد: والله يا رغد ما قدرت اتحمل اشوفك مع أي احد ثاني..
رغد انصدمت من جرئته وهذا طبعه جرئ دايما:..............
وليد: ابغى منك بس شي واحد ابيك تسامحيني..
رغد: انت غلطتك كبيره ومو بس علي انا حتى على الرجال..
وليد يقاطعها: ادري والله ادري بس تكفين سامحيني..
كان وليد يترجاها وذل نفسه كثير على شانها وهي اللي تعرفه عنه انه مستحيل يتنازل ويترجى ابوه او امه..
رغد كسر خاطرها: طيب خلاص سامحتك وارجوا انه يكون درس لك بالمستقبل..
وليد انبسط: اكيد ولا راح انساه ومشكوره وما تصدقين فرحتي الحين ..رغد صدقيني انك بكلامك هذا شلتي هم كان على صدري..
رغد في نفسها" يعني هو لهدرجه يحبني..يا ربيه ياوليد وش جابك لعندي وش اللي خلاك تحبني ..بس انا ما احبك ما احبك.. والله يكسر الخاطر"..
وليد: رغد..رغد..
رغد: هلا..
وليد: ماودك ترجعين ولا مبسوطه بالوقفه..
رغد تضحك: لالا برجع..
وجوا ثنيهم وليد طالع منهم شخص ورجع شخص ثاني والابتسامه شاقه الوجه..
تركي ملاحظ هذا الشي والنار من داخل تحرقه مو قادر يتحمل يشوفهم زياده فقام من مكانه ولحقه سليمان..
سلميان: تركي وش فيك..
تركي: هذا الشين رافع ضغطي كل شوي رايح مكلم حرمتي..
سليمان: الله يهداك تقارن نفسك بولد عمها..
تركي: سليمان انت ما تفهم انا احبها..
سليمان: طيب سألت نفسك هي تحبك؟
تركي انصدم لانه ما قد سأل نفسه هذا السؤال:.....
سليمان : شفت انك مستعجل.. يعني احتمال تحبك واحتمال تحب ولد عمها..
تركي: لا بس انا احس انها تحبني..
سليمان: خلك من الاحاسيس احنا في الواقع ولازم شي صريح..
تركي: خلاص انا راح اتأكد ونشوف يا انا يا وليد..
سليمان: الله يهيدك بس طاير على طول..
ريم قامت كان ودها تشوف سليمان من زمان ما كلمته واحتمال اليوم اخر يوم تشوفه فيه..
سليمان شاف ريم جايته حس ان الدنيا مو سايعته من الفرحه وكان متشوق لشوفتها.
ريم: اهلين..
سليمان: هلا والله...كيفك؟؟
ريم: تمام..
سليمان سكت وصار يطالع بعيونها ووده يشبع ويكحل عيونه بشوفتها ويحس انه ما راح يشوفها مره ثانيه..
ريم استحت: وش فيك تطالعني كذا؟؟
سليمان: لالا ما فيني شي..
ريم: ا نشا الله انبسطتوا بالشاليه..
سليمان: ما دامك فيه اكيد راح انبسط..
ريم تضحك: هههه الله يسلمك..
سليمان" يا ناس فديت هالضحكه"
ولمحوا البنات جايين لعندهم..
ريم: سليمان باي مع السلامه..
سليمان وهو ماشي مع السلامه..
العنود قربت من ريم: رويم وش عندك مع سليمان..
ريم لفت عنها: وش عليك..
العنود: اعترفي..
ريم: وش اعترف به؟؟
العنود: انك تحبينه..
ريم تصرف: اقول روحي زين كان يسأل عن اخته..
العنود: ايه صدقتك..
ريم: والله براحتك تصدقين ما تصدقين انتي حره ..
وبعد عشر دقايق طلعوا من المطعم ورجعوا للشاليه..
واول ما وصلوا نزل الكل وما بقى الا فجر تربط جزمتها.. وفيصل اللي قاصد انه يكون اخر واحد عشانه شاف فجر تعدل جزمتها..
فيصل قرب منها بالمره وهي تحته: احم احم..
فجر رفعت عيونها على فيصل بعدين نزلتها:.....
فيصل: فجر..
فجر وهي تربط الرباط حق الشوز: هلا..
فيصل: أأأأأ وش كنت راح اقول..
فجر بقلة صبر: اممممم..
فيصل في نفسه"طيب عطيني وجه": تصدقين نسيت..
فجر خلصت ووقفت: صدق!! اجل اذا تذكرت نادني..
وتوها بتمشي الا فيصل مسك ايدها: لحظه..
فجر انصدمت وشلون تجرا ومسك ايدها وصارت تطالع بأيدها وفيه وبعدين قالت بكل برود: ممكن تترك ايدي..
فيصل استوعب الحركه وتركها بسرعه: فجر لحظه اسمعيني طيب..
فجر بقلة صبر: تذكرت السالفه..
فيصل: هي سالفه وحده ما في غيرها..
فجر كتفت ايديها: اللي هي..
فيصل: فجر ليش تعامليني كذا..
فجر: وش تبيني اعاملك ا نشا الله ؟؟
فيصل: خفي علي شوي..
فجر: وبعدين معاك عندك سالفه ولا اروح..
فيصل في نفسه" عربجيه هالبنت وما عندها وقت بس اموت فيها": الا في سالفه..
فجر: اخلص وراي شغل..
فيصل اخذ نفس وقال بسرعه: فجر لو اجي واخطبك توافقين..
فجر وكأن احد كاب عليها مويه باردده اخر شي توقعته ان فيصل ممكن يقولها اخطبك:...................
فيصل: انا حبيت ا قولك انتي اول واعرف رايك بعدين اخلي امي تكلم امك وبعدها اجي اخطبك من ابوك رسمي..
فجر تحاول تجمع لها كلمتين تقولها لفيصل لان المفاجئه شلت لسانها: بصراحه ما ادري وش اقول لك بس انت فاجئتني بالموضوع..
وراحت بسرعه وتركته..
فيصل: يا قلبي ما لقيت تحب وحده بس تحب تقسى عليك يارب حننها علي وخلها تحبني وتموت فيني..
فجر مشت وهي ما تدري وين تروح ومازالت اثار الصدمه فيها " فيصل يخطبني انا ليش وش معنى انا بالذات..والله اخر واحد توقعته فيصل معقوله " قعدت تضحك تذكرت شكلها وهي صافطه عليه وما عطته وجه وهو كان واضح انه يتلزق فيها وهي ما نتبهت وتذكرت شكل فيصل من شوي كيف مستحي وهي ولا حست فيه..
رجعت عند البنات وجلست معاهم وافكار توديها وافكار تجيبها..
نوف وش فيك تاخرتي؟؟
فجر:...........
نوف: فجر اكلمك وش فيك تاخرتي..
فجر: وش تقولين ..تكلميني..
نوف: ايه اقولك وللمره المليون وش فيك؟؟
فجر: ما فيني شي..
نوف: اكيد!! وجهك متلون الوان الطيف وبالك مو معك فيه شي؟؟
فجر عصبت: قلت لك ما فيني شي خلاص فكيني" وقامت وخلتها"
نوف: وش فيها هذي وكأني قاتله امها بس اكيد فيها شي مو من عادتها تعاملني كذا..بس مصيري اعرفه..
ناموا الحريم والرجال بس البنات قالوا بما انه اخر يوم لنا ماراح ننام وقعدوا طول الوقت عند البحر وكمان الشباب لما سمعوا ان البنات برا الشاليه طلعوا معاهم...والكل قعد يسبح الا شخص واحد اللي هي رغد كانت تطالعهم وكانت تقول في نفسها"يا حلوا اشكالكم وانتم مبسوطبن الله لا يفرق بينا امين"
مشاري: اقول طلال وش رايك نرد مقلبهم ذاك اليوم..
طلال: وانت صادق..

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@

" نهاية الفصل "

 

 

[اليازيه]

الجزء السابع عشر


ناموا الحريم والرجال بس البنات قالوا بما انه اخر يوم لنا ما راح ننام وقعدوا طول الوقت عند البحر وكمان الشباب لما سمعوا البنات برى الشاليه طلعوا معهم والكل قعد يسبح الا شخص واحد اللي هي رغد كانت تطالعهم وكانت تقول في نفسها"يا حلوا اشكالكم وانتم مبسوطبن الله لا يفرق بينا امين"
مشاري: اقول طلال وش رايك نرد مقلبهم ذاك اليوم..
طلال: وانت صادق..
وليد: انت اشر لنا وحنا ننفذ..
ماجد: وش راح تسوي..؟؟
مشاري: وش رايكم نسبحهم زين في البحر..
فواز: والله جبتها...عاد البنات ما يحبون أي شي يخرب تسريحتهم ولا شي يوسخ عباياتهم..
فيصل: نبدا..!!
مشاري: اذا اشرت لكم..
سليمان:لا حرام تصدق رحمتهم <<خايف على حبيبة القلب..
تركي: بلا حركات رخامه امش معنا..
مشاري: واحد- اثنين – ثلاثه..
وقاموا يركضون لجهة البنات..
العنود انتبهت لهم: بنات النحشه العيال ناوين علينا..
ريم: بسرعه بسرعه هجوا..
فجر: كل وحده تنقذ عمرها..
وحاولوا انهم يطلعون لكن لا مفر من العيال وكل واحد يرش البنات لما ما بقوا فيهم جهه ناشفه..
العيال ميتين ضحك والبنات خانقتهم العبره..
العنود: خلاص خلاص وجع انشا الله يوجعك ما تشوف تبللت كلي..
فيصل: وهاك زياده..
العنود وصلت معها وطلعت عندها ام العبيد: فصييييل ترى راح تشوف شي ما يسرك..
فيصل خاف شوي بس ما بين: يعني وش بتسوين..
العنود قامت تاخذ من البحر حصى قواقع أي شي وترميه على فيصل..
فيصل: أي..آه.. خلاص عنيد بروح عنك..
العنود: وين تروح مني لا مفر..
والبنات يوم شافوا العنود الكل قام يقلدها وانقلبت الايه صار العيال ينحاشون والبنات يلحقونهم بالحصى..
ورغد ميته ضحك على اشكالهم وكانت تصورهم من اول ما بدوا العيال...
مشاري: خلاص اوووه خلاص بنات تكفون والله تعبت..
عبير: عشان مره ثانيه ما تحاولون تقربون ناحيه البنات..
مشاري: توبه ان قربت منكم بس انتي روحي..
عبير: بنات أعلن نصركم على العيال وانسحاب العيال من ساحة المعركه..
البنات: هيه...
وبعدها طلع الكل من البحر عشان يبدل ملابسه ويستعدون للرجعه للرياض..
طلال: حشى وحوش مو بنات..
مشاري: توك تدري..
سليمان: وانا على بالي راحمهم كان رحمت نفسي..
وليد: بس فلقوني فلقه اليمه..
فيصل: من كان معاك..
وليد: فجر جعلها ماني قايل..
فيصل وهو متنرفز: وش فيك عليها احمد ربك انها هي مو العنود..
وليد: لو انها العنود كان انا في العنايه المركزه وتحت الملاحظه..
فيصل: اما اختك سببت لي ارتجاج في الراس فضيع..
وليد: زين سوت فيك..
فيصل: زين هاه.."وقام يخنق وليد"..
وليد : خلاص خلاص مو زين مو زين..
فيصل: اول شي قول توبه عمي فيصل..
وليد: تخسى..
فيصل يزيد على وليد: احسن لك قل..
وليد: طيب طيب توبه عمي فيصل..
وتركه فيصل:ايه خلك رجال ..
وليد:امش لا اذبحك هنا..
فواز: امش انت وياه لا اقبركم هنا..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند البنات

ريم: خلونا نسوي حركات نذاله ونقوم الحريم..
عبير: ايه خلوهم يحسون فينا شوي..
العنود: يله..
فجر: لا رحمة بعد اليوم..
الهنوف: اللي يسمعهم يقول مو امهاتهم..
رغد: هذولي شلة النذاله ما يفرقون لا بين صديق ولا عدوا..
دخلوا الرباعي عند الحريم وشغلوا الانوار وطفوا المكيفات وفتحوا الستاير..
ريم: يله قوموا..
عبير: يمه خالاتي عماتي اللي هم قوموا يله...
العنود: امهات اخر زمن البنات صاحيات والامهات نايمين..
فجر: لا رحمة بعد اليوم..
ام مشاري: وجع ا نشا الله خير وش فيكم..
عبير: لحد الان ما شبعتوا نوم..
ام ماجد: صاير شي..
العنود: قوموا بسرعه لا تصيرون خاملات..
ام فواز: الحين احنا الخاملات اجل انتوا وش تطلعون..
ريم: خالتي نطلع فالحات..
فجر: لا رحمة بعد اليوم..
العنود: وانتي ما عندك جمله غيرها..
فجر: لا هذي تناسب الجو..
العنود: اهااا....المهم قوموا خمس دقايق ونرجع ولا استخدمنا اساليب ثانيه..
ام مشاري: يا ياللي ما تستحين تقلديني..
ام ماجد: ترى ان قمت عليكم وريناكم شغلكم..
ريم: ما عندهم ديموقراطيه..
عبير: صادقه حلال عليهم وحرام علينا..
ام ماجد: هااو.. انهبلتي انا امك ..
العنود:يوه تصدقين نسيت..
ام الهنوف: عن الطنازه ويله روحوا..
فجر: لا رحمة بعد اليوم..
ام سليمان: وش فيكم يا بناتي خربتوها على اخر يوم وحنا نمدح فيكم ونقول بنزوجكم ..
عبير:صدق!!لالا اجل خلاص توبه..تراني امزح..
العنود:نمزح..نمزح..اعوذ بالله ما تفرقون بن المزح والجد..
ام ماجد:عشان العرس هاه..
عبير: اي عرس الله يهداك يا يمه مهما كان إنا امهاتكم وانتو بناتنا..
العنود: لا يا الغبيه العكس..
عبير: اقصد إنا بناتكم وانتوا امهاتنا..
ام مشاري:هاه افطرتوا؟؟
الرباعي:لا..
ام ماجد: اجل وش تسون؟؟
العنود:نستناكم..
فجر ما زالت تردد: لا رحمة بعد اليوم..
ريم: خلاص غيري الموجه.. حطي لا قسوة بعد اليوم..
العنود: يله قوموا ترانا جايعين..
ام ماجد:العنود وجع خلاص شافيتنا نايمين..
عبير: يله خلونا نطلع..
وطلعوا الرباعي..وتو الحريم بيقومون رجعت العنود..
العنود: لا يكون رجعتوا تنامون..
الا ام مشاري ترمي الوساده عليها:انقلعي..
العنود: هههههه يا حليلك يا خالتي..
وبعدها راحوا..
افطروا الحريم مع البنات والشياب مع الشباب ..والكل جهز اغراضه ولاهي في شي.. وصاروا يتذكرون ويودعون كل شي سووه ويتمنون ان الاجازه تكون اطول <<ما ينعطون وجه..
العصر راحوا البنات عند البحر بس ما سبحوا كانوا يطالعونه ورغد تصور كل حركه وكل موجه من البحر والبنات يودعونه..بعد نص ساعه قرروا يمشون ويرجعون لديارهم للرياض الخير..الكل راح لسيارتهم وهم ضايقه صدورهم ويدعون ايام الفله..لانهم راح يفقدون جمعتهم ويرجعون لايام الروتين والدراسه..
في الطريق البنات ناموا والعيال خلو ابوانهم يسوقون عنهم الا اللي جاي بسيارته ..ووصلوا الرياض بالسلامه <<نورتوا الرياض..
وكل واحد راح على بيته وناموااا على طول...
جا يوم السبت طبعا البنات كلهم غايبين ومر السبت ثقيل على الكل لانهم فقدوا الوناسه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
يوم الاحد

في مدرسة ريم..
ريم: ساره اهلين يا قلبي وحشتيني"وتضم صديقتها"
ساره: يا بعد عمري انتي وحشتيني موووت..
ريم: تصدقين احس انك تغيرتي..
ساره: صدق اكيد احلويت..
ريم: اكيد بسم الله عليك اجل بأخطبك..
ساره: موافقه وبدون شروط..
ريم: هههه يا حليلك..
ساره: لا تقولين يا حليلك...
ريم تذكرت سليمان وماتت ضحك:ههههههههه..
ساره: ريم وش فيك..
ريم: ههه لا بس ذكرتيني بموقف..
ساره:ايه وشو..
ريم: اصلا لو اقول لك وش صار في الشاليه اشياء ما تجي لا على البال ولا الخاطر..
ساره:ايه وش صار..
ريم: تتوقعين مين كان معانا بالشاليه..
ساره: مين...
ريم: سليمان..
ساره: كذاااااابه..
ريم: والله..
ساره:ايه وش صار تحمست؟؟
ريم: اصبري لاتصرين مرجوجه ..في احد ثاني جاي معانا..
ساره: يوووه شوقتيني..
ريم: الهنوف صديقة رغد واخوها تركي..
ساره: يااااي والله من جد وناسه..
ريم: مو وناسه بس الا ابو الوناسه..
ساره: احكي لي كل شي بالتفصيل..
ريم: ما طلبيتي شي..
وصارت تحكي لساره عن كل المواقف اللي صارت بالشاليه سواء عنها او عن رغد او عن أي وحده من البنات والشي الاكيد انهم مطنشين الحصص وما سكينها خط بالسوالف يا على الدفتر او بصوت عالي اذا كانت مدرستهم خبله على قولتهم..
ساره: والله وربي انه فله بصراحه تمنيت اكون معاكم..
ريم: تصدقين لو انك معنا كان صدق بتكمل فرحتي لاني اشوف الهنوف و رغد مشا الله دايم مع بعض حتى صارت رغد تطنشني شوي عشان الهنوف..
ساره: عاد انتي اذا شفتي العنود ما تتذكرين لا امك ولا ابوك..
ريم: صادقه بس رغد غير ..رغد اختي والعنود بنت عمي..
ساره: ايه صح مهما كان رغد اختك واحن عليك.. وبعدين العنود عربجيه..
ريم: العنود لو تشوفينها تقولين ام الشباب.. صح هي تهبل وقمر بس عربجيه وحتى العيال يعاملونها على انها ام الشباب وهي مبسوطه على كذا..
ساره: تتوقعين تحب احد..
ريم: مين العنود؟؟ لالا ما توقع..
ساره: ليش؟؟
ريم: ما احس انها تفكر بالاشياء هذي..
ساره: اهاااا..
وكملوا سوالف لحد ما راحت كل وحده على بيتها..


مر اسبوع واسبوع ثاني على الاحداث وما صار شي جديد..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في بيت ابو فيصل.
ام فيصل: هلا والله بوليدي..
فيصل يحب راس امه: هلا فيك..
ام فيصل : غريبه جاي بدري..
فيصل: ما غريب الا الشيطان..
ام فيصل: أيه" وحاسه ان ولدها وراه شي"
فيصل: آآآ يمه..
ام فيصل: سم..
فيصل: يمه كنت اقول..
ام فيصل: فيصل وش فيك وش صاير؟؟
فيصل: يمه ما ودك تفرحين فيني واكمل نص ديني..
ام فيصل والفرحه مو سا يعتها:صدق وليدي ..الله يبشرك بالخير..
فيصل: يعني يمه مبسوطه!!
ام فيصل: اكيد يا وليدي في ام ولدها قرر يتزوج وبتشوف عياله وما تفرح..
فيصل: اهم شي رضاك يا الغاليه..
ام فيصل: خلاص من اليوم ادور لك بنت الحلال..
فيصل: لا يمه انا مختار البنت..
ام فيصل: ومن هي سعيدة الحظ اللي اختارها وليدي..
فيصل: فجر بنت ابو فواز..
ام فيصل: ونعم البنات ونعم النسب ولا يهمك اخطبها لك واصلا وين راح يلاقون احسن منك..
فيصل يحب راس امه : تسلمين لي يا اغلى ام..
ام فيصل: خلاص بكره بأكلمهم..
فيصل: لا ..وش رايك اليوم احسن..
ام فيصل فيها الضحكه على ولدها: وش بلاك..لا تصير مطيور..
فيصل: يمه تكفين كلميهم اليوم..
ام فيصل: اليوم راح اكلم ام مشاري واخذ رقمهم وبكره راح اتصل عليهم..
فيصل: يعني ما في امل ..
ام فيصل: ولا سعاد<<وتنكت بعد..
فيصل: اجل يله دقي على ام مشاري..
ام فيصل: يمه فيصل خلاص لا تعور راسي..
فيصل ياخذ التليفون: يله اتصلي..
ام فيصل: هات وامري لله..
واتصلت على ام مشاري..
ريم: الووو..
ام فيصل: الووو..هلا والله ريم ولا رغد؟؟
ريم: لا انا ريم..
ام فيصل: هلا والله وشلونك وش اخبارك..
ريم: الحمدلله خالتي كيفك انتي وشجون وفيصل..؟؟
ام فيصل: الحمد لله كلنا بخير.. اجل وين امك..
ريم: امي لحظه شوي..ماما.......ماما...
ام مشاري: نعم..
ريم: خالتي ام فيصل على التليفون..
ام مشاري: جايه ..جايه..
وخذت السماعه من ريم: هلا والله وغلا..
ام فيصل: هلا وشلونك ووش اخبارك واخبار العيال..
ام مشاري: الحمد لله كلنا بخير وانتوا اخباركم..
ام فيصل: الحمد لله بخير.. .....الا يا ام مشاري ابشرك ولدي فيصل قرر يتزوج..
ام مشاري: صدق!! الله يبشرك بالخير اجل ندور له بنت الحلال..
ام فيصل وهي تطالع فيصل اللي جالس عند رجول امه ويطالعها: لا فيصل مقرر ومنتهي..
ام مشاري: ومن هي سعيدة الحظ هذي..
ام فيصل: فجر بنت ابو فواز..
ام مشاري: ونعم الاختيار ..بنت ولا كل البنات..
ام فيصل: ايه عاد انا ودي تعطيني رقمهم عشان اكلمهم..
ام مشاري: لحظه شوي....سجلي عندك..*******
ام فيصل: مشكوره وما تقصرين يا اوخيتي.
ام مشاري: العفو بس المهم بشريني باللي يصير..
ام فيصل: اكيد ..تامريني بشي..
ام مشاري: سلامتك..
ام فيصل: فمان الله..
ام مشاري: فمان الكريم..
فيصل: هاه يمه وش صار..
ام فيصل: اللي سمعته خذت الرقم وبكره راح اكلمهم..
فيصل: اجل انا طالع..
ام فيصل: مع السلامه وانتبه على عمرك..
فيصل: ا نشا الله.
ونزلت شجون: خير يمه وش صاير؟؟
ام فيصل: اخوك بيتزوج...
شجون: صدق ومن راح ياخذ..
ام فيصل: فجر..
شجون: انتي اللي مختارتها ولا هو..
ام فيصل:لا هو..
شجون: والله يا فيصل ما نت بسهل..
ام فيصل: اجل وش على بالك..
شجون: و فجر قمر مشا الله..
ام فيصل: ايه شايفتها وعاجبتني..
شجون: ايه الله يوفقهم..
ام فيصل: امين..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ريم واللقافه: وش تبي خالتي..
ام مشاري: تبغى رقم بيت عمك..
ريم: ليش وش عندهم.؟
ام مشاري: بيخطبون بنتهم..
ريم: تمزحين يمه..
ام مشاري: هااو المواضيع هذي ما فيها مزح..
ريم: مين نوف ولا فجر..
ام مشاري: لا فجر..
ريم: هههههههههه يا حليلك يا فجر..
نزلت رغد: خير وش اللي يضحك ..ضحكوني معاكم..
ريم: لا يفوتك فجر بتتزوج فيصل..
رغد: كذاااابه ..ههههههههه..
ام مشاري: وش فيكم تضحكون؟؟
ريم: فجر عربجيه وما تعطي احد وجه وشلون فيصل خطبها..
رغد: بصراحه ما يلقون على بعض.. قمة التناقض..
ام مشاري: اسكتي انتي وياها ما عندكم سالفه..
ريم: الله ودي اشوف ردة فعل فجر اذا قالوا اللي خاطبك فيصل..
رغد: تتوقعين راح توافق..
ريم:والله فجر ما تدرين عن خاطرها..
رغد: ايه واضح انها غامضه شوي..
ريم: اجل اروح اكلم العنود واقولها..
رغد: لالا اخاف الخبر يوصل لهم قبل لا تكلم خالتي..
ريم: لالا راح اوصيها ما تقول شي..
واتصلت ريم على العنود..
وليد: الوووو
ريم: الووو هلا..
وليد: مين رغد.
ريم: لا اختها..
وليد: رويم وش تبين؟؟
ريم: عطني العنود وانت ساكت..
وليد: واذا قلت لا..
ريم: بتعطينيها غصب..
وليد: مافي..
العنود: من على الخط؟؟
وليد: واحد من العيال...
ريم: احسن لك عطني العنود..
وليد: لا يعني لا..
ريم اتصلت على العنود من موبايلها: عنيد خذي السماعه من اخوك..
وشوي الا الاعصار جاي وليد وتدفه وتاخذ السماعه..
العنود: هلا والله وغلا بهالصوت..
ريم: هلا فيك بصراحه اخوك غثه..
العنود: توك تدرين .المهم اخبارك..
ريم: الحمد لله بس عندي لك خبر بمليون..
العنود: وشو؟
ريم: فجر..
العنود: وش فيها؟؟
ريم: فيصل خطب فجر..
العنود فاقعه ضحك: ههههههه فيصل وفجر ما يليق هههههه
ريم: شفتي عاد اصلا باين ان فيصل يحب فجر بس فجر صافطه عليه..
العنود: ايه واضح يا حليلها ودي اشوف ردة فعلها..
ريم: حتى انا..
العنود: هم كلموا امها..
ريم: لا بكره..
العنود: اجل الوعد بكره عندهم..
ريم: وانتي صادقه بصراحه لقطه ما تتفوت..
العنود: ياااي متى يجي بكره واضحك عليك يا فجر..
ريم: المهم الخبر لا يطلع حتى لامك سامعه..لانه عيب يوصل الخبر لام فواز وخالتي ما كلمتهم سامعه..
العنود: ايه عارفه ما راح اقوول الا لعبير..
ريم: ووصيها بعد...
العنود:ابشري..
ريم: المهم تكفين عطي وليد كم حلاوه على بطنه ..على وجهه..اللي هو وبردي خاطري..وتامريني بشي..
العنود: لا توصين حريص لان ضغطي مرتفع منه ..
ريم: باااي.
العنود:الوعد بكره باااي...
وتلف على وليد..
وليد اخذ جواله ومفاتيحه: انا ماشي..
العنود: وين رايح..
وليد: مكان ما اشوف فيه وجهك.
العنود: الوعد اذا جيت..
وليد: يمه خوفتيني.."وطلع"
العنود: اقوم اقول لعبير..


عبير: صدق!!!!
العنود: والله.
عبير: ههههه اجل يا فجير بتروحين عنا..
العنود: ايه حسافه بتنقص الشله..
عبير: تتوقعين بتتغير وتصير مثل نوف وشجون..
العنود: احتمال كبير..
عبير: ووووع ما يليق..
العنود: صادقه..بس بكره بنروح عندهم عشان نشوف ردة فعلها..
عبير: الله ونااااسه متى يجي بكره واضحك ضحك مو طبيعي..
العنود: وانتي الصادقه... بس انتبهي تقولين لاحد..
عبير: اكيد..

نهايت الفصل

 

 

[اليازيه]

الجزء الثامن عشر

اليوم الثاني..
اليوم هو يوم الاربعاء وكان الوقت الصباح ورغد تصحي ريم للمدرسه..
رغد: ريم يله عاد اصحي..
ريم وهي تلف للجهه الثانيه: طيب شوي..
رغد: بسرعه ما بقى شي وتصفر ..ترانا متأخرين..
ريم: اجل اذا متأخرين راح اغيب..
رغد: قلتي لامي..؟
ريم: مو ضروري..
رغد: رويم ايش اللي مو ضروري ..انا ما راح اتركك ا لا اذا قمتي للمدرسه او رحتي وقلتي لامي انك بتغبين..
ريم: اوووف منك نشبه..
رغد: انشا الله امي ما توافق..
ريم: اوريك يا النذله..
ونزلت ريم عند امها..
ام مشاري: ريم لحد الان ما لبستي وش تستنين؟؟
ريم: يمه اليوم ما راح اداوم..
ام مشاري: وليش انشا الله!!
ريم: اليوم في مهرجان .وحفل..والجنادريه.. والمدرسات راح يغبون ..وصديقاتي ما راح يدامون..
ام مشاري: والله من النصب كل هذا في يوم واحد..
ريم: ايه ..وليش انصب..
ام مشاري: غيبي اليوم بس ترى كثرغيابك ترى باقي لك ثلاث مرات بس..
ريم: ايه زين..يله مع السلامه...
ام مشاري: مع السلامه.. الله يهديك يا ريم ..يا حبها للغياب..
وطلعت ريم فوق لرغد..
رغد: انشا الله ما وافقت..
ريم: موتي حره..يله روحي مدرستك يا الدفره..
رغد: اروح لمدرستي اهون لي من مقابل وجهك..
ونزلت رغد..
ريم: خلني اتصل على عنيد واشوف وش تسوي..
ريم: الووو..
العنود: هلا والله وغلا ..صباح الخير..
ريم: مفروض انا اللي اقولها بس يله صباح النور..وش قاعده تسوين..
العنود: اقنع امي اني اغيب..
ريم: ههههه يا حليلك تراني غايبه..
العنود:صدق!! والله ما علي منهم غايبه غايبه..
ريم: وعبير؟؟
العنود: عبير ما عليك منها دفره..
ريم: يعني راح تروح الجامعه..
العنود: لا..
ريم: اجل وشلون دفره..
العنود: يعني هي دايم تغيب بس ما شا الله ما يأثر عليها..اما انا اذا ما حضرت ما فهمت ..عشان كذا امي ما تخليني اغيب..
ريم: وعبير ليش غايبه..
العنود: تقول مالي خلق جامعه..
ريم: عاد عبير متى صار لها خلق لشي..
العنود: يعني ما تعرفينها..
دخلت ام ماجد على العنود: للحين ما لبستي..
العنود: لحضه لحضه ريم.. يمه تكفين شوفي ريم غايبه ورغد بعد<<لازم ازيادات..وحتى بنات عمتي كلهم غايبات وغير هذا كله عبير غايبه...
ام ماجد: وانا وش علي منهم..
ريم: قولي لها عندي حفل ..مهرجان أي شي..
العنود: وايه عندي مهرجان ..وحفل الامهات..والجنادريه واسبوع الشجره وما راح يعطونا شي..
ام ماجد تتنطز: غريبه ما صار معاهم اسبع المرور..
العنود: لا هذا الاربعاء اللي راح..
ام ماجد: غيبي الله يصلحك ويستر عليك..
العنود: واخيرا يمه ما بغيتي..
ام ماجد: ترى اهون..
العنود: لالا تكفين تسلمين يا احلى ام..
ام ماجد: مو لله "وطلعت"
ريم: هاه بشري..
العنود: افراااااج...
ريم: الحمدلله..ا اقول وش رايك نطلع نفطر..
العنود: كان امي تقطعني حته حته..
ريم: انا راح اكلمها..
العنود: طيب قلتي لامك...
ريم: لا..
العنود: مسويه واثقه..اقول روحي اسألي امك بعدين تعالي كلمي امي..
ريم: اوكيه ادعي لي ..بااااي..
العنود: يارب خلي خالتي ام مشاري توافق بسرعه وبعدها امي..وبااااي..
ونزلت ريم للمره الثانيه..
ام مشاري: وش عندك هونتي بتروحين للمدرسه..
ريم: أي مدرسه واي خرابيط الله يهديك..
ام مشاري: الحين المدرسه خرابيط..
ريم: ايه تفاهه في تفاهه مافي شي مهم..
ام مشاري: ايه بسم الله عليك برفسور مو ريم..
ريم: يمه تكفين فكينا من المدرسه انا جايتك بموضوع ثاني..
ام مشاري: وشو الموضوع اللي نازله ست الحسن والدلال ريم عشانه..
ريم: الله يسلمك ويكثر من امثالك على هذا الاطراء الرائع.. والموضوع سلمك الله انه...انه بنات عمي العنود وعبير عرفتيهم!!
ام مشاري: هااو..وش قالولك فاقده الذاكره..
ريم: لا بس اذكرك فيهم..
ام مشاري: ايه وش فيهم..
ريم: هم غايبين..
ام مشاري: طيب وبعدين وين المشكله...
ريم : المشلكه ان انا اقترحت عليهم اقتراح..
ام مشاري: اللي هو؟؟
ريم: بما إنا في البيت قاعدين لا شغله ولا مشغله قلت نروح نفطر برى البيت بعدين يجون عندي..
ام مشاري:لا يعني لا..
ريم: يمه تكفين..وتعالي معنا وسعي صدرك..
ام مشاري: ما احس ان لها داعي..
ريم حست ان امها بدت تلين: يمه تكفين طفشانه وزهقانه وضايق خلقي وتعبانه ولا تخليني اصيح..يمه تكفييييييين..
ام مشاري كسرت خاطرها بنتها: اوووف متى تتزوجين وافتك منك .يله روحي..
ريم:عاشت عاشت بلادي اقصد عاشت امي"وقامت وحبت راس امها وطارت على طول لفوق واتصلت على العنود"
ريم: الوووو..
العنود: هلا بشري..
ريم: وافقت بس باقي امك..
العنود: انا اقول تعالي بيتنا واقنعيها في البيت احسن..
ريم: ونعم الراي..انا لابسه وجايتكم طيران..
العنود: وانا راح استقبلك بالمطار بسرعه لا تطوين..
ريم: ثواني..
ولبست ريم بسرعه ..والله لو انه للمدرسه ما سوتها وخذت السايق وراحت بيت عمها ابو ماجد..
ريم: السلام عليكم..
ام ماجد: مين ريم ..وعليكم السلام يا قلبي تو ما نور البيت..
ريم: منور باصحابه وش اخبارك خالتي عساك بخير ومرتاحه..
ام ماجد استغربت اسلوب ريم: الحمدلله بخير وش اخبارك انتي والولده والوالد واخوانك..
ريم: بأختصار كلهم بخير..
ام ماجد: يا حيا الله من جانا..
ريم: الله يحيك ..أحم أحم .. إلا خالتي بطلبك طلب ولا ترديني..
ام ماجد: ما عاش من يردك..
ريم: الطلب هو....هو ان ودنا نفطر برى البيت انا والعنود وعبير ومعانا الخدامه والسايق وبعدها راح يرجعون البنات معاي نكمل السهره في بيتنا..
ام ماجد: موافقه والله بس عشانك..
ريم تبوس راس ام ماجد: تسليمن يا حلى خاله اجل انا طالعه عند البنات..
ام ماجد: الله معاك..
وطلعت ريم غرفتة العنود وعبير...
ريم: هااااي..
العنود: هايااات ...بشري.
ريم: الامور ميه ميه..
العنود: الله يبشرك بالخير..
ريم: اجل وين عبير..
العنود: يعني شي جديد اكيد نايمه..
ريم: خلينا نروح نقومها...
العنود: لو نفجر عندها قنبله نوويه ما صحت..
ريم: راح نصحيها بالطرق الثانيه على قولة امي..
العنود: وعلى قولة فجر لا رحمة بعد اليوم..
ريم: على طاري فجر اليوم راح نروح لهم زين..
العنود: اكيد بس متى راح يتصلون عليهم..
ريم: ابسأل شجون اليوم..
العنود: احسن عشان نضمن ان نحضر الموقف وما تكون روحتنا على الفاضي..
ريم: ههههه يا حليلك يا فجير.....يله يله خلينا نروح نصحي السودانيه..
العنود: يله..
ريم: عبير...عبير...
عبير:.....................
ريم: وش رايك يا العنود نطب عليها وندغدغها لما تصحى..
العنود: يله..
والمسكينه طبوا عليها وهي انواع الضحك..
عبير: هههههه خلاص ههههههه تكفون هههههه قمت قمت هههههه آآآه بطني ههههه
ريم: بتصحين؟؟
عبير: هههه والله بصحى ههههههه بس قومي عني..
وقامواا عنها..
عبير: اووووووووه حسبي الله عليكم في احد يقوم احد بهذي الطريقه..
ريم: انتي ما خليتي لنا الا هذي الطريقه...
عبير: اصلا انتي وش جابك بيتنا من صباح الله خير..
ريم: هين يا عبيروه انطقي في البيت وانا والعنود راح نطلع ونخليك ولو تموتين ما اخذتك معنا..
عبير: ليش وين راح ترحون..
العنود: ريم جايه تقنع امي نطلع نفطر وبعدها نروح بيتهم..
عبير: وامي وافقت؟؟
العنود: ايوه..
عبير: اجل خلاص راح اروح معاكم..
ريم:لا يعني لا..
عبير: اصلا من قال اني اسأل انا اقول بأروح معاكم ما قلت اروح معاكم ولا لأ..؟
ريم: بعد مع الشين عمى عين..
عبير: يا الله احس اني متكسره..
ريم: بدت حليمه في عادتها القديمه..
العنود: يله قومي بسرعه تراني مليت من هالبيت..
وراحت عبير ودخلت دورة المياه"الله يكرمكم" وبعدها لبست وتكشخت وكل هذا بالحركه البطيئه وريم والعنود موصله معاهم..
عبير: خلصت..
ريم والعنود: واخيرا..
وبعدها طلعوا وتمشوا كان الجو الصباح شي.. وبعدها راحوا الفيصله وجلسوا بستار بكس وريم تذكرت حبيب القلب سليمان يوم يعطيها الساعه..
العنود :رويم رويم وصقه انشا الله
ريم:وجع تراني ابغى اذني خير..
العنود: اقول رويم بجد بجد تتوقعين فجر توافق..
ريم: الصراحه والله ما ادري..
العنود: والله ما اتخيل جلستنا بدونها..
ريم: وش نسوي حتى انا والله كل ما تذكر إنا راح نفقدها بصراحه تخنقني العبره..
عبير: صادقه..فجر تعطي المكان جو خاص..
العنود: عاد الصراحه اخر شي توقعته فيصل يخطبها.
ريم: هو باين انه يحبها بس اللي ما توقعته انه يخطبها بالسرعه هذي..
عبير: شكلها طيرت عقله بالشاليه..
العنود: المشكله فجر ساحبه عليه لو انه معطيته وجه كان اقول..
عبير: فجر ساحبه على الكل ما يهمها احد..
ريم: ايه ما شا الله عليها ما يهمها احد..
العنود وعبير: ليش من يهمك انتي..
ريم اخترعت وفي نفس الوقت ارتبكت: بسم الله الرحمن الرحيم....وبعدين انا ما يهمني احد..
العنود تطالعها بنص عين: علينا..
عبير: اشتغل ساعه كامله اذا ما كنتي تحبين احد..
ريم تسوي نفسها واثقه: اجل بتشتغلين في بيتنا لاني ما احب احد..
العنود: رويم باين في عيونك تكلمي..
ريم: والله كيفكم صدقتوا صدقتوا ما صدقتوا براحتكم انا ماشيه..
العنود: يا الخوافه..
عبير: يله بس يا الشجاعه..
ريم: الا انا المفروض اسألكم..
عبير والعنود تقلبت وجيهم: عن ايش..
ريم قالتها كذا بس يوم شافت ردة فعلهم عرفت ان عندهم اشيأااات:من تحبون انتي وياها..
العنود تسوي نفسها واثقه: قلبي مسكر عليه وبعدين انا ما احب هالحركات..
ريم صدقت العنود ولفت على عبير: وانتي يا عبير..
عبير مر تبكه: انا......انا ما احب احد..
العنود شكت: يله عاد مين..
عبير: اوووه ترى راسي مصدع ومالي خلق يله بس مشينا..
ريم: يا حبها للتصريف بس مصيري اعرف..
وطلعوا من الفيصبيه وبعدها رجعوا لبيت ابو مشاري..وناموا لحد ما جات رغد..
رغد دخلت غرفة ريم وشغلت الانوار وشافت ثلاثة اشخاص وشالت عنهم اللحاف..
رغد: رحنا بوحده ورجعنا بثلاث..
ريم صحت: جيتي..
رغد: لا رحت...ما شا الله جمعتي الجماعه كلهم..
ريك: اجل مثلك يا الدافوره احد يروح المدرسه يوم الاربعاء عيب عليك..
رغد: والمشكله كلهم نفس الطينه منك..
ريم: على قولتهم وجهان لعمله واحده..
رغدبعصبيه\: عليك نور..يله قوميهم عشان الغدا..
ريم: طيب وش فيك معصبه..
رغد: لانكم انانيات مخليني اروح اداوم في الشمس وانتم نايمين في العسل..
ريم: وازيدك من الشعر بيت..فاطرين برى وتمشينا بالفيصليه وبعدها شرينا لبس لليوم وشرينا هديه لفجر وسويناها باسمانا وانتي مومعانا<<لازم الصواريخ ولا ما تطلع ريم..
رغد بتبكي: كل هذا سوتيه وانا ماني معاكم كيف طاوعك قلبك يا الانانيه..
ريم: قلبي غصب عليه يطاوعني وش اسويلك..
رغد: طيب شريتي لي لبس وحطيتوني معاكم في الهديه..
ريم: لا يعني لا بنات ثالث لا لو انك علمي يمكن بس ادبي لا..
رغد: هين ارويكم..
ريم رحمتها: رغوده تعالي امزح معاك ما شرينا شي..
رغد: والله لو انكم شارين كان ذبحتكم..
ريم: اجل امزح عليك شارين..
رغد وصلت معاها: شريتوا ولا ما شريتوا عشان اتفاهم مع امي..
ريم خافت: لالالا ما شرينا شي بس هدي..
رغد تصارخ: يله قوميهم بسرعه الغدا..
العنود صحت من صراخها: رغد وجع وش ذا اللسان اذاعه في الراديو مو بنت منكسره رجلها..
ريم: ابغى اعرف وش دخل منكسره رجلها في طولة اللسان..
العنود: اجل طالعه غبيه مثل البقره اللي جنبي"تقصد عبير"يا غبيه المنكسره رجلها تكون هاديه وباين فيها الصيحه فهمتي..
ريم تتنطز عليها: بسم الله عليك بسم الله عليك يا بنت عمي اقري على نفسك الصباح والمغرب ولا تقولين لا أحد سامعه
العنود: تتميلح: المفروض اعطيكيم شوي مما اعطاني الله ..
ريم: اقول قومي وانتي ساكته وقومي اختك تصرفي معها صراحه ما لي خلق لها..
رغد رجعت معصبه: ما بعد قمتوا..
ريم: باقي خيشة النوم قوميها..
رغد:عبير اوريك فيها..
راحت رغد جابت كاس مويه بارد وزياده على كذا حاطه فيه ثلج وكبته على عبير..
عبير: اوه اوه وجع انشا الله ..الله ياخذك يا البايخه..
رغد موصله معاها: قومي لا اذبحك هنا والثنتين ذولي معك..
العنود تهمس لريم: يمه اختك تخوف اذا عصبت ..
ريم: اسكتي بس ما شفتي شي ابوي يخاف منها..
العنود: مسكينه يا بنت عمي تعالي عندي وانا ادافع عنك بدال ذا النعجه اللي عندي..
ريم: ودي يا بنت عمي بس حكم القوي على الضعيف..
رغد: خمس دقايق وكلكم نازلين مفهوم..
ريم والعنود: مفهوم ابله..
رغد نزلت وضغطها مليون ما تشوف قدامها لانها رايحه المدرسه غصب ما تقدر تغيب تخاف يفوتها شي وخصوصا الاختبارات قربت..
بعد خمس دقايق نزلوا وتغدوا مع العائله وهم بطبعهم ما يتغطون يتحجبون بس..
مشاري: مشا الله عيال اقصد بنات عمي هنا..
العنود: ليش ما عجبناك..
مشاري: لا عاجبيني.. حيا الله من جانا..
ابو مشاري: وشلون ابوكم عساه بخير..
عبير: ليش عمي ما شفته بالشركه..
ابو مشاري: لا والله اليوم ما مر علي..
مشاري: مشا الله انتوا خلصتوا دراسه..ولا ايش..
العنود: لا وش خلصنا دراسه تونا..
مشاري: يعني اليوم ما داومتوا..
عبير: انت صاحي اليوم الاربعاء..
مشاري: واذا كان اليوم الاربعاء..
العنود: عندنا قاعده يا اخ مشاري تقول "لا دوام يوم السبت والاربعاء "..
مشاري: مشا الله عليكم ومين اللي طلع القانون الجديد ولا القاعده على قولتكم..
عبير: ماجلان.
العنود: لا يا غبيه هذا قاعدة"لا مذاكره من الكتاب.. تكون من الدفتر"
عبير: اجل منهو..
ريم: والله انك بقره على قولت اختك هذا ابن حيان..
عبير: ايه صح يا مشاري ابن حيان..
مشاري: ابن حيان قايل لا تداومون السبت والاربعاء..
الثلاثه:ايه..
مشاري: اجل ما جلان وش قال؟؟
العنود: قال ماجلان سلمك الله المذاكره الصحيحه ما تكون من الكتاب بل من الدفتر واسئلة الواجب واسئلة المراجعه..
مشاري: ممكن اسأل سؤال..
الثلاثه: خير اسال..
مشاري: كيف تنجحون؟؟
العنود: يا اخ مشاري نمشي على قانون روبيرتو كارلوس..
مشاري: اللاعب!!!
العنود: ايه اللاعب يقول ان الطالب او الطالبه المجتهد هو اكثر واحد يكتب براشيم ايام الاختبارات ..عرفت كيف ننجح.
مشاري: والله يصلح تالفون كتاب قواعد وقوانين للطلاب والطالبات اللي عقولهم دروج مثل عقولكم..
عبير: مشكور اخوي مشاري على المدح اللي تمدحه لنا..
العنود: وانشا الله نردها لك بالافراح..
مشاري: مع السلامه قبل يجي عقلي شي واصير مثلكم..
الثلاثه: مع السلامه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
بعد الغدا..
جلسوا عند التلفزيون ويعلقون على هذا ويحشون هذي ويستهبلون ويقلدون..
العنود: اقول رويم ما ودك تتصلين على شجون..
ريم: ليش؟؟
العنود مصدومه: تسأليني ليش..افا ما هقيته منك وشلون تتغيرين في يوم وليله..وانا تاركتك زي الفل والحين وش جاك وين حب اللقافه اللي زرعته فيك..
ريم: الحمدلله حصدته وبعته في سوق الخضار ههه..
العنود: المهم كلميها بسرعه..
ريم: زين زين.. وطوا صوت التلفزيون"واتصلت عليها.."
ريم: الووو..
شجون: هلا والله..
ريم: كيفك وش اخبارك وعلومك والوالده والوالد والاخوان..
شجون: الحمد لله كلنا بخير..
ريم: ايه ..اقول شجون..
شجون: امري..
ريم: ما يامر عليك ظالم بس كنت بسألك متى امك راح تكلم ام فواز عشان فجر..
شجون: هي قالت المغرب..بس ليش؟؟
ريم: لا سلامتك بس حبيت اتطمن على بنت عمتي..
شجون: ترى ما حنا ما كلينها..
ريم: افا ما هقيتها منك..المهم ما اطول عليك ...مع السلامه.
شجون: مع السلامه.......غربيه ليش تسأل....هههههه ما غريب الا الشيطان يعني ريم واللقافه لازم تعرف كل شي يحليلها خبله..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&عند البنات..
العنود وعبير: متى؟؟
ريم: المغرب..
ريم: تصدقون توني اكتشف إنا ملقف بزياده..
عبير: هذي فطره عندنا مو مكتسبه..ما نقدر نغيرها..
العنود: ودي اعرف طالعين على مين..
ريم:والله ما ادري بسأل امي وأشوف..
العنود: لالا امك ما لها دخل في السالفه اسألي ابوك..
ريم: صح اسأل ابوي..
عبير: قوموا يله عشان تقوموني رجلي ما ادري وش فيها..
العنود: اصلا انتي متى دريتي وش فيها كل يوم تقول نفس الكلمه ما ادري وش فيها..
ريم: يله بسرعه خلونا نجهز بس وين رغد..
العنود: نايمه..
ريم: اجل نروح نزعجها وبعدها نلبس..
العنود وعبير وعيونهم تطلع شرار من النذاله: يله..
راحوا عند رغد وازعجوها المسكينه لما بغت تصيح منهم وبعدها لبسوا ونزلوا عند ام مشاري..
ام مشاري: مشا الله لابسين على وين؟؟
ريم: يمه نسيتي اليوم عند عمتي ام فواز..
ام مشاري: طيب خلوها بكره..
ريم انفعلت: لالالا اليوم يعني اليوم..
ام مشاري: طيب تونا بدري..
العنود: خالتي وش فيك علينا بنروح بدري عشان ننبسط..
ام مشاري: بسلامتكم سلموني على ام فواز..
ريم: يوصل انشا الله يله بنات مشينا..
البنات: يله..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
بيت ابو فواز
نزلوا البنات من السياره وضربوا الجرس وبعدها دخلوا ..
ريم: عمتي ...عمتي..
ام فواز: يا هلا والله وسهلا تو ما نور البيت..
البنات: منور بأصحابه..
ام فواز: وش اخباركم وش علومكم.
البنات: الحمد لله بخير..
ريم: عمتي امي تسلم عليك..
ام فواز: الله يسلمها من الشر..
رغد: اجل عمتي وين نوف وفجر..
ام فواز: فوق اطلعوا عندهم..
ريم: يله مشينا<<مسويه القائده..
رغد: عيب عليك انا الكبيره..
ريم: بس انا صاحبه الفكره..
العنود: يا الكذابه انا صاحبة الفكره..
عبير: لا انتي ولا هي انا ويله امشوا وانتو ساكتين..
وطلعوا البنات وطبعا هم ما يدرون انهم راح يجون..
فجر: مين البنات!!!! يا هلا والله وغلا..
البنات: هلا فيك..
ريم: هلا بالعرو
العنود تصقع ريم لما صقعت في الجدار: هلا والله بالزينه..
البنات ميتين ضحك على شكل ريم وهي طايره..
فجر:ههههه وش فيك عليها؟
العنود: ما عليك منها الملقوفه..
ريم: آآآآآآآآآآآآآآآآآه..آآآآآآآآآآآآه حسبي الله عليك طيرتيني..
العنود: احسن..
عبير: اجل وين نوف..
فجر: بروح اناديها.."وراحت"
رغد: ريم يا أم لسان طويل بغيتي تفضحينا..
العنود: المشكله من امس وهي توصي فيني وفي عبير..
ريم: زلت لسان ما تسوى علي.. عنيد وجع ما ادري انتي من ايش مخلوقه..
العنود: ترى بأعجنك الحين بصراحه رفعتي ضغطي زين ما حست ...
ريم: خلاص خلاص حصل خير مصيرها تعرف..
وبعدها دخلت نوف وفجر..
نوف: هلا والله ببنات خالي..
البنات يسلمون عليها: هلا فيك.
وقعدوا شوي يسولفون بعدين ذكرت ريم..
ريم تهمس للعنود: اقول العنود..
العنود: خير..
ريم: خلينا ننزل تحت عشان نحضر المكالمه وتكون معانا فجر لان اذا ما حضرتها ما راح تقول لها عمتي الا لما نروح وتصير جيتنا على الفاضي..
العنود: ايه.....احم بنات وش رايكم ننزل عند عمتي تحت مسكينه لحالها..
نوف: لا عادي خذوا راحتكم..
ريم: لالا راحتنا من راحت عمتي..
فجر: وش هالحنيه الزايده وش عندك انتي وياها..
رغد تبي تنقذ الموقف: لا بس حرام عمتي لحالها ما يصير لو امي معانا كان عادي..
عبير تكمل: خلونا ننزل احسن..
نوف وفجر: كيفكم..
ونزلوا تحت..
ام فواز: وش عندكم جالسين عندي انتوا بالعاده ما تحبون جلسة الحريم..
ريم: انتي يا عمتي غير عن كل الحريم..
العنود: انتي يا عمتي الجلسه معك ما تنمل..
عبير: ومن سوالفك و حنيتك وطيبتك الله لا يحرمنا منك..
ام فواز مصدومه: مشا الله وين سامعين هالكلام في أي مسلسل وش عندكم..
العنود: ليش شافتنا لين على غفله ..لا ابد هذا تعبير من داخل القلب..
ام فواز: ايه واضح من داخل القلب..
وبعدها رن التليفون..
الاربعه يطالعون بعض وفيهم الضحكه..
ردت العمه ام فواز على التيلفون..
ام فواز: الوووو...هلا......لا.......اخوي اقولك غلطان.."وسكرت السماعه"
طاحت وجيه البنات..
نوف: يمه مين كان عند التليفون..
ام فواز: هذا غلطان مزعجني من الظهر..
فجر: احقريه ولا عاد تردين على التليفون..
ريم بسرعه: لا وش ما ترد على التليفون لازم تردين يمكن شي ضروري ولا شي..
العنود تكمل وهي منفعله: ايه يمكن شي ضروري ..ردي واذا سمعتي صوته سكري في وجهه..
ام فواز: طيب طيب بس وش فيكم شبيتوا..
العنود: لا شبينا ولا طفينا بس يعني نحرصك..
ام فواز: انتو اليوم مو طبيعين..
فجر: من ناحية مو طبيعين مو طبعيين بس ما ادري وش عندهم..
الا التليفون يرن ...
الاربعه حطوا يديهم على قلبهم..
ام فواز ردت: الوو وبعدين معاك..
ام فيصل: هااو يا ام فواز وش فيك..
ام فواز تفشلت: معليش يا ام فيصل كان واحد مزعجني ومطلعني من طوري..
البنات سمعوا كلمة ام فيصل خلاص ما قدروا يضحكون بس تحملوا..
ام فيصل: ايه معليش وش اخباركم وش علومكم وش مسوين..
ام فواز: والله الحمدلله تمام بخير وش اخباركم انتي وشجون والعيال..
ام فيصل: والله كلهم بخير...الا يا ام فيصل..
ام فواز: امري..
هنا البنات كانوا يطالعون فجر ..وفجر كانت تطالع التليفزيون واذنها مع امها من يوم سمعت طاري فيصل..
ام فيصل: والله يا ام فواز ما ادري وش اقولك لكن بدخل في الموضوع على طول..
ام فواز: امري..
ام فيصل: والله ولدي فيصل نوى يتزوج فأنا قلت لو الف الديره كلها ما راح القى احسن من بنات ام فواز..
ام فواز:والله هاذي الساعه المباركه يا ام فيصل ولنا الشرف بعد..
هنا البنات خلاص راحوا فيها ..كانت العنود حاطه يدها على فم ريم عشان ما تضحك ورغد حاطه يدها على عبير عشانها ما عاد تقدر تتحمل اكثر..
ام فيصل:والله حبيت اخطب بنتك فجر حق ولدي فيصل..
ام فواز: والله ما راح القى احسن منكم نسب ولا احسن من ولدكم ..وانا من ناحيتي ما عندي مانع بس اشاور ابوها والبنت وارد لكم...
ام فيصل: ا نشا الله ومتى ما ردت سواء كانت موافقه ولا ما وافقت فأحنا اهل وحبايب..
ام فواز: اكيد يا ام فيصل..
ام فيصل: اجل تامرني بشي..
ام فواز: لا سلامتك..
ام فيصل: مع السلامه ..
ام فواز: مع السلامه..
فجر حاطه يدها على قلبها من الخوف وهذا اللي كانت حاسبه حسابه..نوف كانت مبسوطه لانها عارفه انه اكيد فجر مو هي .. والبنات يطالعون فجر ويستنونها تتكلم او أي شي..
ام فواز تطالع فجر وهي مبتسمه:والله وكبرتي وصرتي عروس يا فجر..
فجر خلاص ذابت من الحيا..
فجر تسوي نفسها ما تدري وش السالفه: انا كبيره من زمان"وتوها بتقوم"
الا ام فواز نادتها: تعالي يا قلبي بأكلمك وين بتروحين..
فجر : سمي يمه..
البنات يطالعونها وكأنهم يطالعون مسلسل..
ام فواز: هذي ام فيصل تخطبك لولدها فيصل..
فجر منزله راسها:................ وهي ميته حيا وجهها احمر وتحرك رجلينها وتفرك ايدينها من التوتر..
هنا ريم خلاص بتضحك بس العنود انقذت الموقف وحطت خداديه على فمها..
ام فواز: عاد انتي فكري زين يمه وترى الولد ما ينعاب ولا راح نلاقي احسن منهم..
نوف: احلى احلى يا العروسه..
فجر بصوت واطي: اسكتي انتي..
العنود خلاص ما قدرتتسكت وضحكت لانها اول مره تشوف فجر مستحيه..:هههههههههههههههه
فجر: عنيد والله انك با يخه.
وبعدها فقعوا البنات ضحك ":ههههههههه
فجر: والله سخيفين "وطلعت فوق"
ريم: هههههههههه يا حليلها والله تعرف تستحي..
العنود: وجها احمر من الحيا مسكينه..
رغد: آآآآآه يا قلبي صار يعورني..
عبير:هههههههه يمه ههههههههههه يمه بطني ههههههه سكتوني هههههههه
العنود: عبير خلاص عاد..
عبير: ههههههههه العنود ههههههه سكتيني هههههه بطني ما اقدر..
ام فواز: عاد اعقلوا عن بنتي تراها تستحي وعقبالكم وتضحك عليكم,,
العنود: والله يا عمتي بنتك متزوجه ما قدرت اتخيل شكلها..
ام فواز: وليه انشا الله ..
العنود: ما ينفع فيصل رومنسي وبنتك انواع العرابجه ما يصلح..
ام فواز: بسم الله على بنتي الدلع والرقه كلها فيها..
العنود: اذا الدلع والرقه في فجر اجل نوف وش تطلع..
ريم: المياعه هههههه
وفقعوا البنات ضحك..
نوف عصبت: والله انكم تافهات.."وطلعت فوق مع اختها"
والبنات يضحكون اكثر..
ام فواز: وانتوا جايين تطنزون على بناتي..
رغد: حشى عمتي بس نوف عاد دلوعه بزياده..
ام فواز: يحق لها..
عبير: آآآآآه آآآآآآآه بطني يمه بطني ..بطني يعورني..
ام فواز: احسن تستاهلون..
عبير: عمتي ترى نمزح مو جد..
ام فواز: هالامور ما فيها مزح؟؟
ريم: اقول خلونا نروح نراضي البنات كلهم زعلوا..
العنود: فجر بترضى بسرعه اما نوف حبي راسها عشان ترضى.
رغد: يله مشينا..
وطلعوا البنات وقعدوا يراضون فجر وفعلا رضت بسرعه اما نوف طلعت الشيب في راسهم لما نفخت عليها العنود نفخه مريعه وتعدلت بعدها.وعلى قولة العنود بنات ما يجون الا بالعين التركواز ..واثقه البنت وبعدها طلعوا ...وفي السياره انواع التعليقات والتوقعات لما وصلوهم لبيتهم وبعدها راحوا ريم ورغد لبيتهم وحكوا لامهم وش صار وبعدها نااااامواا
@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@
" نهاية البارت "

 

 

[اليازيه]

الجزء التاسع عشر

فجر مسكينه حالتها حاله من يوم عرفت بالسالفه ..طول الوقت تفكر بفيصل وحتى يوم كانوا البنات عندها كانت طول الوقت سرحانه وتفكر ..وتذكرت المواقف اللي صارت بينها وبين فيصل ..كيف كان يطالعها وهي ما حست فيه ولا مره فكرت انه يحبها او أي احد ثاني يحبها او حتى انها تحب احد وبعدها جا على بالها موقف يوم كانوا يلعبون بالدبابات...
فيصل: فجر..فجر ممكن توقفين شوي..
فجر مستغربه"وش يبي هذا":خير امر..
فيصل مبتسم: ما يامر عليك ظالم بس خلينا ناخذ بريك شوي وبعدين نكمل..
فجر ما حست انه يبي يقعد معاها شوي:احس انه ماله داعي للبريك..
فيصل:طيب واذا قلت لك طلبتك..
فجر ما حبت ترده: خلاص خمس دقايق بس..
فيصل في نفسه"خمس دقايق بالنسبه لي خمس سنيين"
فيصل: احم..احم فجر انتي بأي سنه"وجلس وجلست فجر جنبه"
فجر انا بثاني ثانوي..
فيصل: ما شا الله الايام تمشي بسرعه..
فجر: ايه الله يعين..
فيصل: طيب انتي شاطره بالمدرسه<<ما عنده سالفه..
فجر في نفسها" وش ذا السؤال البايخ":ايه ما علي..
فيصل: ايه بسم الله عليك..
فجر تبغى تقطع عليه سوالفه: ما خلصت الخمس دقايق..كنها طولت..
فيصل: ليش مليتي مني بهالسرعه..تراني قايل خمس دقايق مو خمس ساعات..
فجر: ايه بس احنا في سباق..
فيصل: طيب عادي..
فجر"يا ليل ما اطولك": طيب انت وين تشتغل..؟؟
فيصل ما صدق على الله انها سألته وعطته وجه: انا ما اشتغل انا ادرس بالجامعه ادارة اعمال..
فجر:اها ما شا الله وانت الولد الوحيد صح..
فيصل فرح اكثر:ايوه وشجون هي البنت الوحيده..
فجر: ايه ما شا الله باين عليها دلوعه ومدلله بسم الله عليها..
فيصل: حتى انتي باين عليك انك رقيقه وهاديه<<من على جنب..
فجر استحت: تسلم..
فيصل: الله يسلمك..
فجر: اتوقع إنا تأخرنا يله نرجع للتحدي..
فيصل: شكللك متحمسه..
فجر: ابي اكسر روسكم يا العيال شايفين انفسكم..
فيصل: وانا منهم..
فجر: ليش انت ما تعد نفسك واحد من العيال..
فيصل تفشل: ايه هين اوريكم يا البنات..
فجر قامت تضحك على عمرها لانها ما انتبهت ان فيصل كان يحاول يتقرب منها ويسولف معها وهي حتى الاحساس ما حست فيه وغير هذا كله دفشه معاه
وتذكرت يوم رجعوا من المطعم..
فيصل قرب منها بالمره وهي تحته: احم احم..
فجر رفعت عيونها على فيصل بعدين نزلتها:.....
فيصل: فجر..
فجر وهي تربط الرباط حق الجزمه: هلا..
فيصل: أأأأأ وش كنت راح اقول..
فجر: اممممم..
فيصل في نفسه"طيب عطيني وجه": تصدقين نسيت..
فجر خلصت ووقفت: صدق!! اجل اذا تذكرت نادني..
وتوها بتمشي الا فيصل مسك ايدها: لحظه..
فجر انصدمت وشلون تجرا ومسك ايدها وصارت تطالع بأيدها وفيه وبعدين قالت بكل برود: ممكن تترك ايدي..
فيصل استوعب الحركه وتركها بسرعه: فجر لحظه اسمعيني طيب..
فجر بقلة صبر: تذكرت السالفه..
فيصل: هي سالفه وحده ما في غيرها..
فجر كتفت ايديها: اللي هي..
فيصل: فجر ليش تعامليني كذا..
فجر: وش تبيني اعاملك ا نشا الله ؟؟
فيصل: خفي علي شوي..
فجر: وبعدين معاك عندك سالفه ولا اروح..
فيصل في نفسه" عربجيه هالبنت وما عندها وقت بس اموت فيها": الا في سالفه..
فجر: اخلص وراي شغل..
فيصل اخذ نفس وقال بسرعه: فجر لو اجي واخطبك توافقين..
فجر وكأن احد كاب عليها مويه باردده اخر شي توقعته ان فيصل ممكن يقولها اخطبك:...................
فيصل: انا حبيتا قولك انتي اول واعرف رايك بعدين اخلي امي تكلم امك وبعدها اجي اخطبك من ابوك رسمي..
فجر تحاول تجمع لها كلمتين تقولها لفيصل لان المفاجئه شلت لسانها: بصراحه ما ادري وش اقول لك بس انت فاجئتني بالموضوع..
وراحت بسرعه وتركته..
ماتت ضحك على اسلوبها وصارت تشوف الدنيا بنظره ثانيه حست انها بدت تتقبل فيصل..وبدت تحس بمشاعر غريبه اول مره تحسها بحياتها ..ولابتسامه ما فارقتها..
فجر: لازم استخير واللي كاتبه ربي بصير..
قطع افكارها صوت الباب..
فجر: مين..
نوف: اختك..
فجر ما ودها تجي نوف تخاف تحرجها: تفضلي..
نوف والابتسامه شاقه الوجه: اهلين فجوره..اهلين بالعروسه..
فجر بحيا: نوف اذا بتستهبلين اطلعي برى ترى مالي خلقك..
نوف: لالا خلاص ابعقل..تصدقين فجوره..
فجر: لا ما اصدق..
نوف: وهذا وانتي بتتزوجين اسلوبك كذا..
فجر: نويف ترى بأقلعك برى..
نوف: فجوره قلبي والله البيت من دونك ولا شي..
فجر ضاق صدرها وتوها تفكر انها بتفارق امها وابوها واخوانها واهم شي اختها:نوف تكفين لا تضيقين خلقي وبعدين انا ما قررت..
نوف: بس يا فجر قبل لا تاخذين أي قرار فكري وتذكري ان فيصل تراه رجال وما يعيبه شي وما اظن انك راح تلاقين احسن منه وخصوصا ان نعرفه ونعرف اخلاقه وامه ما شا الله عليها طيبه وحنينه وشجون بعد طيوبه..
فجر: والله صح الكلام اللي تقولينه بس بصراحه اول مره افكر بشي مصيري وانا اقرر فيه..
نوف: اكيد يا قلبي انتي كبرتي ولازم تتعودين على المسئوليه وهذي اول خطوه لك انك تتحملين مسئوليتها..
فجر: بصراحه يا نوف ولأول مره اعترف واقول اني خايفه..
نوف: اكيد بتخافين وانا لو مكانك جلست ابكي من الخوف..
فجر: طيب انتي وش رايك..
نوف: الراي الاول والاخير لك ..وانا اقول استخيري واذا حسيتي نفسك مرتاحه له وافقي وبدون تردد..
فجر: هذا رايك؟؟
نوف: ايه هذا رايي والراي الصح بعد..
فجر: والله محتاره..
نوف: انتي فكري على مهلك وما في احد راح يضغط عليك ويله نامي الحين وارتاحي وانا بعد بروح انام...
فجر: تصبحين على خير..
نوف: لالا اذا الزواج يعلمك الرومنسيه يا ريتنا زوجناك من زمان..
فجر: اقول ما ودك تنقلعين عن وجهي ..ما بقى الا البزارين..
نوف: تدلعي من حقك تدلعين علينا لانك اول وحده تتزوج في الشله حتى عبير الكبيره ما تزوجت..
فجر: الله واكبر كبيره..تراها اكبر مني بسنتين او ثلاث..
نوف: على طاري الدراسه بتوقفين ولا راح تكملين..
فجر: لا اكيد راح اكمل..الا تعالي تراني ما بعد وافقت..
نوف: بس عيونك تقول موافقه..
فجر: ترى اليوم خاطبيني..
نوف: عادي واذا صار ياما بنات من اول ما يسألونهم اهلهم يقولون الشور شورك يا يبه..يعني موافقين حتى بدون ما يفكرون لو ثانيه وحده..
فجر: ترى راسي عورني من كثر بربرتك يله روحي غرفتك انا وحده تعبانه وابي اناااام..
نوف: زين زين طلعت.."يوم وصلت عند الباب"طلعت يا العروسه العربجيه وما اقول الا الله يعينك يا فيصل "وسكرت الباب"
فجر محتاره: يعني لهدرجه انا عربجيه..بس انا ما احس نفسي عربجيه..اجل اصير مايعه مثل نويف لالالا مستحيل انا ما احب هالحركات انا ابغى اصير مثل العنود مثلي الاعلى في الحياة
وبعدها نامت من كثر التفكير في فيصل وغير فيصل يعني نفسها<<احلفي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
صباح يوم الخميس..
فيصل ينزل بسرعه من الدرج وراح عند امه وهو يفحط..
ام فيصل: خير خير وش فيك وش صاير.
فيصل: هاه يمه ردوا عليك..
ام فيصل: الحمد لله والشكر بس احد يرد على احد الصباح مجنون انت ولا مخك فاصل وبعدين يمكن يطولون..
فيصل: يطولون يعني كم ساعه؟؟
ام فيصل: كم ساعه!!! صدق يا وليدي انك مخفه على قولتهم قل كم يوم كم اسبوع مو كم ساعه..
فيصل: اسبوع !! ليش اسبوع..
ام فيصل: فيصل ترى طلعت الشيب في راسي ما تفهم انت هذا زواج مو لعبه..
نزلت شجون على صراخهم..
شجون: خير وش صاير على الصباح وليش هالصراخ..
ام فيصل: اخوك الحمدلله والشكر يسأل اذا اتصلوا وردوا علينا ولا لأ...
شجون: فصول اركد يا المرجوج خل البنت تفكر على راحتها..
فصل: جتنا الثانيه..طيب انا مستعجل..
شجون: والله لو انا خليتهم شهر بس افكر ..هذا مستقبل مو لعبه..
فيصل: ما اقول الا الله يعين اللي بتاخذينه بيطلع له قرون في راسه..
شجون: اصلا يحلم انه ياخذني..
ام فيصل: بسكم عاد هواش وانت يا فيصل اركد ولا ترج الناس معك..
فيصل: ان شا الله يمه...انا طالع تبون شي..
شجون وام فيصل: سلامتك..."وطلع"
شجون تبي تعصب بأمها شوي: يمه صدق الجماعه ما ردوا..
ام فيصل عصبت: جتنا الثانيه ..اقوم ازين لي..
شجون: يمه تعالي امزح معاك..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
وبعد اسبوع من الاحداث...
نزلت فجر على امها..
وجلست جنبها..
فجر:يمه..
ام فواز: سمي..
فجر: يمه انا قررت بموضوع فيصل..
ام فواز: ايه وش قررتي؟؟
فجر: قررت...............

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@
"

نهاية البارت

 

 

[اليازيه]

--------------------------------------------------------------------------------

الجزء العشرون

وبعد اسبوع من الاحداث...
نزلت فجر على امها..
وجلست جنبها..
فجر:يمه..
ام فواز: سمي..
فجر: يمه انا قررت بموضوع فيصل..
ام فواز: ايه وش قررتي؟؟
فجر: قررت...............
ام فواز: يمه قبل لا تقولين أي شي فكرتي زين سواء كنتي موافقه ولا لأ
فجر: يمه انا فكرت زين واستخرت حسيت ا ني مرتاحه عشان كذا انا موافقه..
ام فواز وهي طايره من الفرحه وعيونها بدت تمتلي دموع: الله يبشرك بالخير..الف مبروك يا بنيتي والله يوفقك ويرزقك الذريه الصالحه قولي امين..
فجر: الله يبارك فيك يمه وامين..
ام فواز: اجل اروح ابشر الجماعه..
فجر وهي مستحيه ومنزله راسها: اللي تشوفينه يمه..
نزلت نوف بسرعه ووقفت في نص الدرج : خير على ايش الزغاريط..
ام فواز: حق مين بعد حق فجر عروستنا..
نوف: صدق فجوره قررتي ولا قلتي لي..
فجر: حبيت امي هي اول وحده تدري..
نوف: ما عليه بأسامحك عشانك عروس..
ونزلت وسلمت على اختها : الف مبروك يا قلبي والله ما ادري البيت بدونك وش بيصير..
فجر: احد قالك اني بروح لهم اليوم..
نوف: بس انك رايحه رايحه...
فجر: يله تزوجي والحقيني..
ام فواز تطالع بناتها وبدت تتخيلهم عرايس ويجبون عيال وتخليهم يلعبون في بيتها ويخربون هذا ويكسرون هذا ويملون عليها البيت وقعدت تصيح..
فجر: يمه الحين ليش تبكين..
ام فواز: والله يا بنيتي من الفرحه..
نوف: خبرتي يمه الجماعه..
ام فواز: لا الحين بروح ابشرهم..
واتصلت ام فواز على ام فيصل..
ام فواز: الووووو
ام فيصل: الووو..
ام فواز: السلام عليكم..
ام فيصل:وعليكم السلام...ام فواز!!
ام فواز: ايه ام فواز وشلونكم وش اخباركم عساكم بخير..
ام فيصل: والله الحمدلله بخير بشريني عنك وعن العيال والبنات..
ام فوا: الحمدلله كلهم بخير..
ام فيصل: بشري قررت فجر..
ام فواز: ايه والله قررت وتوها قايلته لي..
ام فيصل: خير انشا الله وش قررت..
ام فواز: والله البنت موافقه وين راح نلاقي اهل مثلكم ولا ولد احسن من ولدكم..
ام فيصل ودموعها تجمعت بعيونها: الله يبشرك بالخير ويفرحك بعيالك كلهم انشا الله مثل ما فرحتيني بوليدي..
ام فواز: اامين والمسلمين اجمعين.. اجل تامريني بشي يا ام فيصل..
ام فيصل: ابد سلامتك بس سليمني على مرت ولدي..
ام فواز: ابشري انشا الله يوصل..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ام فواز: يا حليلها ام فيصل فرحت فرحه بصراحه ما توقعتها بتفرح لهدرجه..
نوف: يحق لها تفرح بتاخذ شيخة البنات فجر لازم تفرح..
ام فواز: حتى ولدها فيصل ما فيه شي يعيبه...
وبعدها دخلوا ابو فواز وفواز ومعه مرته وعياله وطلال..
ام فواز: هلا والله بدور بنيتي تعالي واجلسي جنبي..
بدور: هلا والله خالتي وشلونك وشلون البنات..
ام فواز: انا بخير والبنات شوفيهم مثل القمر بسم الله عليهم..
بدور: هاه فجوره كيفك انتي ونوف..
نوف وفجر: بخير..
ام فواز: شهوده ..دحومي تعالوايا بعد اهلي والله..
ابو فواز ما زال واقف عند الباب: يا عيال موكنا منسيين..
فواز وطلال: الا والله يبه..
ابو فواز: احم احم..
ام فواز: تفضلوا ما فيه احد..
ابو فواز: دارين انه ما فيه احد بس عطينا وجه..
وبعدها جلس ابو فواز وسلموا عليه فجر ونوف.. وفواز وطلال سلموا على امهم..
طلال جلس جنب فجر يبي يجننها شوي: هلا والله بحرم فصيّل..
فجر وهي ميته حيا.:طلال اعقل عني..
طلال: يعني صرتي عروس تدلعين علينا ترى احنا اخوانك ولا نسيتي..
فجر: بتسكت ولا اقوم..
طلال: لا قومي..
قامت فجر الا ابو فواز: وين يا بنيتي..
فجر: بابا شوف طلول خله يعقل عني..
ابو فواز: طلال جوز عن اختك تراها دلوعتي..
نوف: لا والله وانا وش اطلع..
طلال يبي يفتن: انتي ولا شي..الحين فجر هي الكبيره وهي العروس وهي كل شي..
نوف عصبت وبتبكي الا شوي:بابا وش غلاي عندك..
ابو فواز: والله ان غلاكم واحد هي الكبيره وانتي المدلعه..
نوف: ايه اشوى..
ابو فواز: إلا ما أشوف لين وينها؟..
فجر ماتت ضحك..
نوف: يبه لين في بيت خالي ابو مشاري..
ابو فواز: وانا كل ما سألكم عنها تقولون في بيت خالي هي تبات عندهم..
ام فواز: لا والله تنام في بيتنا بس من ترجع من المدرسه وهي عندهم..
فجر: حتى باص المدرسه ما صار يوديها لبيتنا على طول بيت خالي..
طلال: هذي البنت ما تستحي على وجهها ما فيها أي ذرة حيا طول الوقت عند مشيعل وهو مبسوط..
نوف: ليه منقهر..
فواز: بس كل شي له حدود يمه لا عاد تخليها تروح بيت خالي كل يوم خليها بين فتره وفتره..
ام فواز: ليه هي تشاور احد كل شي على كيفها..ما تدري عنها الا وهي متصله من بيت اخوي..يمه انا في بيت خالي..والله عجزت معها ما ينفع معها شي..
طلال: يمه تبيني أدبها لك..
ابو فواز: اسمع يا طليل لا تجي بنتي ولا تقرب منها ولا عليك منها انا ابوها وهذي امها ومالكم دخل فيها سا معيني..
طلال: ابشر يبه كل هذا عشان المنفعصه ذي..
فواز: اسكت لا يسمعك ابوي وبعدها صدق يفعصك..
طلال: وانت صادق..
ام فواز: اقول ما دامكم مجتمعين عندي لكم خبر ولا بكنوز الدنيا..
ابو فواز: فرحينا الله يفرحك..
ام فواز: فجر بنتي..
فجر في هذي اللحظه ودها الارض تنشق وتبلعها وما تدري وين تودي وجهها من الحيا..
ام فواز: بنتي فجر وافقت على فيصل..
ابو فواز: صدق الله يبشرك بالخير فيصل والنعم فيه رجال وما يعيبه شي...مبروك يا بنيتي..
فجر قامت وباست راس ابوها: الله يبارك فيك..
فواز: مبروك يا فجير..
بدور: مبوروك يا قلبي والله يوفقك انشا الله ..
فجر: الله يبارك فيكم..
طلال: مبروك يا حرم فيصل..
فجر: الله يبارك فيك..
نوف: فجر ما لاحظتي شي..انتي فجر وهو فيصل..
فجر: احلفي بقوه واصدقك..تصدقين ما دريت اني فجر وهو فيصل..
نوف: لا يا الحولا ما اقصد كذا اقصد انتي بحرف الفاء وهو بعد بحرف الفاء..
فجر استحت: ايه صح..
طلال: احلى بعد حتى الحروف مشتركين فيها..
فجر: لا والله خلص اشتراكي..
طلال: عروس وتنكت اقول اعقلي لا يدري رجلك انك عربجيه بعدين يهون..
فجر: انا عربجيه يا اللي ما تشوف..
طلال: لا يكون تحسبين نفسك رومنسيه ولا رقيقه تراك من شلة العنود..
فجر: عادي وش فيها اصلا انا كذا واحب كذا..
طلال: وزوجك بطلقك كذا..
نوف: طلال خلاص اقل عن اختي..
بدور: اقول خالتي ما قالوا متى راح يجون..
فجر هنا توها تنتبه انهم بيجون وفيصل احتمال يشوفها حست انها حطت نفسها في موقف لا يحسد عليه..
ام فواز: لا والله ما قالت بس اكيد بتتصل ونحدد موعد معاهم..
بدور : خير انشا الله..
فواز: بدور يله تراني تعبان حدي من الشغل خلينا نروح ننام..تصبحون على خير يا جماعه..
الكل: وانت من اهل الخير...
بدور اخذت عيالها: تصبحون على خير..
الكل: وانتي من اهل الخير..
وبعدها..
ابو فواز: وانتي يا ام فواز ما ودك نروح نرتاح بعد..
ام فواز: الا والله من صباح الله وانا صاحيه..
ابو وام فواز: اجل تصبحون على خير..
فجر ونوف وطلال: وانتوا من اهل الخير..
وراحوا..
طلال بنظره شريره: واخيرا توحدت فيك يا فجير وبطلع ريحتك..
فجر: ليش وش قالولك عني عشان تطلع ريحتي..
طلال: اقول فجر ترى فيصل زوجك يقول سلم لي على زوجتي<<طبعا كلها صوارخ..
فجر استحت: كذاب..
طلال: ليش اكذب احسن لا تصدقين كان قايل لي شي بعد بس ما راح اقول لك..
فجر: صدق طلال هو قايل شي ولا لأ..
طلال: اقولك هو قايل سلم لي على فجر وقلها..
فجر تحمست: ايه..
طلال: قلها..
فجر بدت تعصب: أيه..
طلال وهو قايم يستعد لنحشه: يا العربجيه.."وهج"
فجر: هين يا طلالوه تلعب باعصابي جعلي اشوف فيك يوم..
طلال: في الاحلام يا قلبي في الاحلام..
نوف: تصدقين حتى انا تحمست..
فجر: جتنا الثانيه..ترى ماني ناقصه يله خلينا نروح ننام..
نوف: اقول ترى اهلي نسوا لين في بيت خالي..
فجر: خليها تنام عندهم يعني شي جديد..
نوف: ما اقول الا الله يعينهم عليها.
وبعدها طلعوا ينامون بس فجر صار عندها انها تنام شي من المستحيلات من يوم خطبوها تخلص من شي تفكر في شي ثاني....
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ناخذ لفه على كل بيت..
في بيت ابو مشاري وخصوصا ريم ورغد ما كان عندهم أي شي جديد غير الدراسه والاختبارات قربت.. ورغد شاده حيلها عشانها ثالث ثانوي صح الفصل الاول بس لازم تجيب نسبه عشان تساعدها في الفصل الثاني..وبالنسبه لتركي كان يوصلها سلامه عن طريق الهنوف وطبعا الهنوف ما كانت تقول كل شي يقوله تركي ..كانت تختصر الكلام في جمله وحده"تركي يقول سلمي لي على اللي في المدرسه"لانه صعبه تقول تركي يسلم عليك فهي الحين يقال لك غيرت من الود قضيه..
اما بالنسبه لريم ابعدت عن سليمان كثيييير.. حتى من ايام الشاليه كانت الظروف تجبرهم ما يشوفون بعض او يتكلمون مع بعض صح انها قوت علاقتها مع اخته مها بس تقريبا ما استفادت شي لان سليمان مستحيل يقول لاخته وما هو جرئ مثل تركي اللي امه تدري انه يحب رغد..وريم طول الوقت تفكر بسليمان حتى انها منشغله عن درستها بس تفكر فيه..
اما مشاري من زمان وهو مقرر انه يخطب الهنوف بس ما بعد جا الوقت المناسب وما وده يتكلم الحين يخاف يشغلها عن دراستها عشان كذا اجل الموضوع شوي..
اما مشعل فكبده منفقعه من لين اللي اربع وعشرين ساعه عنده ما تخليه لا يطلع ولا يروح ولا يجي وحتى اصدقا ما عاد صاروا يجونه لانها ما تخليه يبعد عنها خطوه وحده وخصوصا الفتره هذي ما تخليه يتنفس وهو كاره هذا الشي بس مسكين صابر عليها يخاف يزعلها..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
سليمان كانت حالته حاله كان يدرس .. مره يفكر بريم ومره الدراسه تلهيه عن ريم ومره ريم تلهيه عن دراسته..واللي اكثر شي يفكر فيه انه مشتااااق لها ووده يشوفها في اقرب فرصه بس اكيد من سابع المستحيلات لانه ما يدري وشلون وكيف ومتى..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
اما وليد كان يفكر برغد وانه يتقرب منها وقرر انه يخطبها في اقرب فرصه عشان ما تروح منه بس بس اول شي لازم يخليها تتقبله بس كيف هذا اللي ما لقى له حل ابد..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
فيصل...فيصل مسكين من سمع بالخبر وهو بدى يفكر في كل شي ..كيف بعيش مع فجر .وكيف بتكون حياتهم ..هل بتحبه مثل ما يحبها ..يعشون بسعاده ولا بشقى..كم بيجبون عيال وش يسمونهم وين بيسكنها فيه..كيف يرضيها ويخليها مرتاحه ومبسوطه معاه ووووووووالخ تعب مسكين من كثر ما يفكر واكثر شي انه بيشوفها وهذا اللي محمسه مره وتاعب عقله..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العنود كانت تكابر على مشا عرها تجاه طلال ..تحس ان الحب عندها ضعف وش ما تقدر تصرح فيه وحتى في تفكيرها بطلال بعض الاحيان تكابر وتقول وشلون خليته يسيطر على عقلي ..وحاولت تشيله من راسها بس اكيد من سابع المستحيلات لانها ترجع تفكر فيه من بكره..
عبير صارت تعيش احلام ورديه ..وتحس ان طلال يحبها تصدق هالاحساس ومره تكذبه وتقول يتهأ لي ..طبعا ما راح تقول لاحد كمان لانها تحس يضعف من شخصيتها بس هي اقل من العنود بكثير..وساعات تقول واذا احب عادي كل البنات يحبون ومره تتراجع وتقول انا عبير يقولون عني ميته على واحد وهو ما يدري عني مستحيل..يعني بالعربي كانت تناقض نفسها وهذا اللي يعيشها في داوامه لانها اصلا ما تدري وش تبي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
بعد ايام..
اتصلت ام فيصل على ام فواز وحددوا انهم يزورونهم يوم الخميس واليوم اللي اتصلت فيه كان الاثنين..
فجر من يوم سمعت بالخبر جتها صاعقه ما تحركت من مكانها كانوا يكلمونها ما ترد لحد ما جاب طلال مويه وكبها عليها ذيك الساعه صحت..
فجر: ودي اروح السوق اشتري لبس..
نوف: مشا الله ما يحتاج دولابك مليان ملابس وكلها حلوه اختاري احلى شي والبسيه..
فجر: هذا رايك..
نوف: ايه..
فجر: طيب وش البس..
نوف: ترى اليوم الاثنين وهم بيجون الخميس فيه يومين قدامك ..مستعجله ليش..
فجر: مو مستعجله خايفه..
نوف: عادي شعور طبيعي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
طبعا ريم ورغد والعنود وعبير يوم عرفوا انه يوم الخميس فيصل بيشوف فجر قرروا انهم ما يفوتون هاليوم..
ريم: اجل الوعد الخميس..
العنود: اكيد..
عبير: بس اخاف تنحرج البنت اكثر..
رغد: لالا عادي..
ريم: فجر بتنبسط اكثر اذا شا فتنا..
رغد: لا عاد في هذي ما صدقتي ..اصلا فجر اذا شافت وجيهنا ما ادري وش بيصير فيها ..توقعوا انها في الانعاش او في الانعاش ما تروح بعيد..
عبير: صادقه والله يا رغد وخصوصا العنود وريم يخوفون بلد مسكينه خايفه خلقه يجون ذولي يكملون عليها..
رغد: لا تطلعين نفسك برى حتى انتي معاهم..
العنود: تراكم تحشون فينا واحنا ساكتين لكم.
ريم: ايه يا بنت عمي وريهم شغلهم..
العنود: فجر اصلا تبيني اوقف جنبها وادعمها دعم مادي ومعنوي..
ريم: لالا مادي ماله داعي بس معنوي..
العنود: معنوي ونفسي بعد..
رغد: انتي يا العنود تدعمين فجر دعم معنوي انتي بتدعمينها بالسياره وعلى طول المقبره..
ريم: المهم يوم الخميس نكون هناك..
الكل: اكيد..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
يوم الخميس
جا يوم الخميس المنتظر كانوا الحريم تحت والبنات فوق..
فجر: بنات حلو شكلي..
العنود: تهبلين كأنك قرده..
فجر: قرده في عينك يا البقره..
العنود: الله يسامحك انا بقره..بعدّيها لك لانك عروس بس..
رغد: فجر ما عليك منها تهبلين بسم الله عليك ملكة جمال..
ريم: بتجلطين فيصل..
عبير: الا بتاخذين عقله ..
فجر: والله رفعتوا معنوياتي شوي مو هذي العنز اللي جنبي..
رغد: بس فيه شي ناقصك..
فجر بروعه: وشو؟؟
رغد\: لازم تنسين العربجيه شوي..
فجر: ما اقدر حاولت بس ما عرفت..
العنود: لا تحاولين لاني انا زارعته فيك من يوم كنتي ضغيره وانا اعلمك الحركات عشان تصرين مثلي..وفعلا اكتشفت اني مربية اجيال ناجحه..
فجر: اقول روحي زين اذا انتي مربية اجيال عز الله الاجيال هذي فساد في المجتمع الاسلامي والعربي والعالمي بعد..
ريم: صادقه فجر لو العنود تربي طفل واحد مو جيل كان هذا الولد طلع افسد طفل في الكون منها ومن تربيتها ويحطون صورها معه في الاعلانات والجرايد ويقولون هذا الطفل اللي ربته العنود شوفوا وش طلع..
العنود: اقول فجر ترى فيصل يستناك<<تبي تخوفها..
فجر تذكرت: ايه صح يا ربي بنات حلو شكلي..
رغد: وللمره المليون اقولك تهبلين..
فجر: طيب مشيتي..
نوف دخلت عليها: تهبلين بس يله انزلي..
فجر: الحين....!!!!
نوف: لا بكره.ايه الحين يله بسرعه...
فجر : لا لا خلاص هونت..
نوف: هو لعب بزارين يله بسرعه انزلي..
رغد: يله يا فجر ترى كلها خمس دقايق وانتي طالعه..
ريم: ايه ترى شي عادي لا تخافين..
عبير: سمي بالله وتوكلي عليه..
العنود: فجر لالا تروحين ترى بياكلونك يا بلسانهم ولا كلوك بعيونهم..
فجر خافت: لا هونت..
ريم: عنيد اسكتي واللي يعافيك..
العنود: احسن خلها عشان مره ثانيه تتأدب..فجر يمه يمه ترى يخوف يخوف..
فجر وشوي بتصيح: ما ابي ما ابي..
رغد: العنود صدق انك با يخه خلي البنت تنزل..
العنود تصارخ: يله عاد بلا دلع بنات انزلي رجلك يستناك بسرعه يله
فجر خافت منها: طيب طيب..
رغد: كان عطيتيها العين التركواز من زمان..
العنود: لا غيرتها شريت عدسات جديده..
رغد: وش لونها..
العنود: خضراء..
نزلت فجر عند الحريم والبنات وراها يطلون عليها من فوق..
سلمت على ام فيصل وشجون وقعدت شوي وبعد دقايق طلع طلال في نص الصاله
طلال: احم احم..
تغطوا اللي كانوا في الصاله واللي فوق ميتين عليه كان كاشخ ومرسم بالشماغ والثوب وطالع شي خطير ومعروف عنه انه احلى العيال..
عبير: مشا الله يهبل..
العنود: اليوم طالع غير..
ريم ورغد مايطالعون معاهم:كشفناكم..
عبير والعنود: بسم الله..
العنود: خير انتي وياها..
ريم: وش تطالعون الولد كلتوه بعيونكم..
العنود: تعالي شوفي واحمكي..
ريم طلت: هذا طلال..
جات رغد تطل: مشا الله عليه ..بسم الله عليه االله يحفظه..
طلال: فجر تعالي..
فجر وجهها يتقلب كل الالوان: انا ..
طلال وفيه الضحكه: ايه انتي اجل انا..
فجر: طيب جايه.."وراحت له"
طلال: فيصل يبي يشوفك..
فجر: انا ما ابي اشوفه..
طلال: هو على كيفك هذا من حقه..
فجر: طيب خايفه..
طلال: انا معك وفواز وابوي امشي بس انتي..
فجر مشت معاه وتحس قلبها قدامها يمشي من كثر ما يدق وتحس بحراره مو طبيعيه وريقها ناشف من الخوف ...
ودخلت المجلس ومشت اول خطوه ورفعت راسها شوي شافت فيصل واخونها وعلى طول نزلته..وصات تمشي وتحس ان مجلسهم صار كبير وانها مشت كثير وهي ما تحركت الا خطوتين..
طلال وهو جنبها: فجر تحركي ترى ما هي زفه..
فيصل من شاف فجر طالعها شوي بعدين هو استحى ومشاعره وخوفه ما يقل عن خوف فجر..
وبعده وصلت فجر وجلست جنب ابوها بحيث يكون فيصل مقابها على اليمين..
فجر: الس سلام ع عليكم..
فيصل: وعليكم السلام..
وصاروا ساكتين..
طبعا البنات وما يخفى عليكم من اللقافه طلعوا برى في الحوش عشان يطالعون من الشباك ولا ن الشباك عاكس اللي برى يشوف اللي داخل بس الي داخل ما يشوفهم..كان الشباك عالي شوي واضطروا انهم يجبون كرسي ويرقون عليه..
رغد: انا الاولى..وطلت رغد وشافت فجر مستحيه وقامت تضحك..
العنود سحبت رغد وطلت..اول شي شافت طلال بعدين فجر بعدين دورت فيصل ما شافته لانه معطيها ظهره..
بعدها عبير سحبت العنود وطلت اول شي طلال بعدين فجر بعدين رجعت طلال وطولت..ريم ما تحملت تصبر طلعت معها في الكرسي وصاروا يطالعون والعنود ما استحملت هم يشوفون وهي لا قامت وطلعت معاهم فوق الكرسي..شوي واختل توازنهم وطاحوا الثلاثه على الارض وخبطوا خبطه اليمه لدرجه ان اللي داخل المجلس سمعوا..
ابو فواز: وش ذا صوته..
طلال: ما ادري..
فواز: قم شف..
فجر عرفت انهم البنات بس صارت تتوعد فيهم وبعدها قررت تطلع بدون ما تتكلم مع فيصل ولا كلمه لان فيصل بطبعه حيوي وفجر لو تموت ما تكلمت..
فجر: استأذن..
وطلعت..
طلال طلع يشوف وش اللي طاح..طلع شاف البنات طاحين والكرسي طايح وميتين ضحك..
طاحت عينه على عبير اول مره يشوفها بدون غطا لانها دايم تتحجب وبعض الاحيات تتلثم.. بس اليوم شافها كلها وبدون شي ..
العنود اول وحده انتبهت لطلال..
رغد كانت تضحك وبعدها سكتت وانحاشت وخلت الثلاثه طايحين..
عبير ميته من الفشيله وريم ما زالت تضحك ولا حست بأحد..
طلال كتف ايدينه وهو فيه الضحكه: كل هذا لقافه..
بعدها سكتت ريم شوي وبعدها رجعت تضحك من الفشيله وقامت بسرعه والبنات لحقوها..
طلال: الحمدلله والشكر مهبل واختي طالعه عليهم..
ودخلوا الصاله وتقابلوا مع فجر.
فجر: حسبي الله على بليسكم فشلتوني..
رغد ميته ضحك..
العنود: والله ما صبرت وكنا خايفين عليك فا حبينا نتطمن عليك..
ريم: وقلنا نوقف معاك في محنتك..
فجر: مشكورين وما تقصرون بس فشلتوني..
رغد توها تسكت: اووووووه.. يا بنت الحلال الولد والله ما درى عنك طول الوقت منزل راسه وانتي منزله راسك..
فجر: صدق كان منزل راسه.
العنود:ما رفعه ابد..
فجر ابتسمت: يا حلياه..
عبير: احلى احلى بدينا يا حليله اليوم ويا حبي له بكره..
فجر: عادي زوجي كيفي..
ريم: حلو؟؟
فجر: يجنن خيال يعذب..
العنود:لا البنت قلبت رومنسيه لهدرجه الارسال عند فيصل قوي..
عبير: شكلك فاتحه البلوتوث..
ريم: هههههههاي حلوه خطيره..
رغد: واستقبلته صح..
فجر: وبعدين معاكم وين اختي بس..
الا نوف جايه: هاه بشري تمام..
فجر:هذي الاخت ولا بلاش .. الحمدلله بس تفشلت ذولي المهبل كانوا يطلون علينا وطاحوا وابوي قال لطلال قم شف وان تفشلت ما عاد ادري وش اسوي وطلعت..
نوف: يا عمري والله ما تستاهلين بس كله من الملاقيف ..ما ادري متى تتوبون.
العنود: اذا صرتي مثلي وانا صرت مثلك ذيك الساعه عقلت..
ريم: اجل اذا حجت البقره على قرونها..
عبير: في هذي صادقه..العنود تصير مثل نوف ما تجي ابد..
رغد: ولا نوف تصير مثل العنود وعاد هذي ماتجي..
العنود: اقول بلا كلام فاضي امشوا خلونا نجلس ترى رجلي تألمني من الطيحه..
ريم: كله منك يا الدبى..
العنود: انتي حصلي جسمي بعدين تكلمي ..
عبير: اعصابك يا مريام فارس..
العنود: تصدقين عاد دايم البنات يقارنوني فيها بس اكيد مافيه وجه مقارنه انا احلى منها..
ريم: وربي وربي ما يناسبك الدلع..
العنود بعربجيه: وكذا يا ام الشباب..
ريم: ايه كذا تهبلين.. اقول خلونا نروح نجلس مع شجون..
رغد: تصدقون نسيتها..
ريم: حتى انا والله ما كأنها بنت خالتي..
البنات: يله..
راحوا البنات ونادوا شجون وطلعوا فوق..
الحريم اتفقوا انها تكون خطبه بس لحد ما تجي الاجازه اللي بين الفصلين يتملكون والعرس يحددونها بعدين..
وبعدها راح الكل على بيته..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
بيت ابو مشاري
رغد: ايوه واتفقوا على كذا..
ام مشاري: زين احسن للبنت بعد يكون عندها اجازه العيد وبعدها اجازة اللي بين الفصلين..
ريم: ايه وعسى تلحق احس انه ما في وقت الاختبارات قربت وبيكون صعبه تلحق وحتى في الاجازه بعد يبلها وقت اكثر..
رغد: احسن شي تسافر وتتقضى من برى ترى يكون احسن واسرع واحلى..
ريم: يمكن كذا اسرع..
ام مشاري: الله يوفقها بس.
ريم ورغد: امين..
رغد: والله انهاا تنرحم اليوم خايفه بشكل مو طبيعي..
ريم: والعنود تزيد عليها..
ام مشاري: العنود الله يهديها معانديه..
رغد: في هذي صادقه ميه بالميه..
ام مشاري: عقبالكم ا نشا الله ونفرح فيكم..
رغد: انا توني صغيره..
ام مشاري: شوفي فجر بسم الله عليها اصغر منك ولا قالت شي.
رغد: يمه لاحقين على هالكلام..
ريم: بتتزوجين غصب ورى خشمك فاهمه..ماعندنا بنات يتدلعون الا انا ..
رغد: مالت عليك وعلى اللي بياخذك الحمدلله بياخذ وحده عقلها مفقود وحاطين اعلاناته بالجرايد..
ريم: بايخه لانك مقهوره..
رغد: الحمدلله وش انقهر عليه يا البزر..
ريم: المهم انا رايحه انام لان جسمي مكسر من الطيحه حسبي الله على ابليس العنود..
رغد: اشكالكم اليوم بصراحه تحففففففه..ياريت كان معي كاميرا كان صورتكم..
ام مشاري: وش طيحته؟؟
ريم ترقع: هاه...لا بس كنت جالسه على الكرسي جات العنود وطيحتني..
ام مشاري خافت: عسى ما عورك شي..
ريم توهقت: لا يمه ما فيني شي كنا نمزح بس نمزح..
ام مشاري: هالامور ما فيها مزح...
رغد: يمه لا تحاتين هذولا سكن ما يأثر فيهم..
ام مشاري: بسم الله علينا..
رغد: انا رايحه انام ..يمه تصبحين على خير..
ريم: وانا بعد تصبحين على خير...
ام مشاري: وانتوا من اهله.
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
فجر من يوم راحوا البنات وهي جالسه تفكر بفيصل وحست انها بدت تحبه وانها صارت تناظره بنظره غير عن قبل وبدت تحس انه زوج المستقبل وقعدت تفكر بالتجهيز ووين راح تجهز وخصوصا بعد ما اقترحت عليها رغد انها تجهز يا في جده او دبي ونامت هي مقرره وين راح تروح..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
فيصل الدنيا مو سايعته من الفرحه يحس انه شوي ويطير.وما بعد صدق انه خلاص راح يتزوج فجر وقعد يتذكر وجهها وهي تدخل عليه صحيح كانت نظره بس اكفت فيصل في انه يحفظها عن ظهر قلب..

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@
" نهاية البارت "

 

 

[اليازيه]

الجزء الواحد والعشرون

يوم السبت
في مدرسة العيال..
سليمان:تروك دريت باللي صار..
تركي: لا ..وش صار..
سليمان: ما عندك خبر ان فيصل خطب..
تركي: مشا الله خطب!!
سليمان حب يلعب بأعصابه:بس يا تركي انت ما تدري من اللي خطبها صح..باين عليك..
تركي خاف:لا ...مين...بسرعه تكلم؟؟
سليمان:مثل ما انت عارف ان اهلها اكيد راح يوافقون عليه وانه هو اولى من الغريب وما راح يردونه لو أيش..وخصوصا ولاحظ خصوصا ان فيصل والنعم فيه ما ينعاف..
تركي بعصبيه: تراك حرقت اعصابي..
سليمان بكل برود: طفها.
تركي وصلت معه ومسك سليمان من ثوبه: بتتكلم ولا شلون..
سليمان: خلاص خلاص بتكلم بس فكني..
تركي ترك سليمان: أنطق بسرعه..
سليمان: لهدرجه تخلي بنت تفرق بينا..بصراحه ما توقعت اني رخيص عندك لهدرجه..
تركي حس ان عيونه بتطلع منها نار:سليمان لا تخلي اليوم اخر يوم بحياتك..
سليمان: يعني من بتكون واضحه..فيصل كان واضح عليه انه يحب فجر..
تركي هدى وحس انه خلااااص ارتاح: فجر!!
سليمان: ايه ما لاحظت فيصل كيف يطالع فجر وفجر ساحبه عليه<<مسكين هالفيصل كل الناس حسوا الا هي..
تركي: الا صادق ..والله يستاهل فصول..
سليمان: فصول..هو اصغر عيالك..
شوي واكتملت الشله..
نواف: هلا بالشباب وينكم تعبنا وانا ندور عليكم..
تركي: يا اخي احس ان في مخك وش ..يسأل وينكم واحنا قدامه..
سعود: تركي يا الله صباح خير وش فيك علينا.
تركي: كيفي كارهكم ..ما اشتهي اصبح بوجيهكم..والله حاله..
سليمان: تروك وش فيك عيهم ..صح انهم ثقلين دم وما ينبلعون بس عادي اضغط على نفسك..
نواف: سعود ما تحس ان تهزئنا كثير..
سعود: الا ملاحظ ..خلنا نمشي بكرامتنا احسن..
تركي: اوقل اقعدوا بلا دلع ..نمزح والله نمزح..
نواف: اهم شي انك داري ان زعلنا لا يطاق..
تركي: والله اللي اعرفه ان وجهك لا يطاق قم قم لا بارك الله فيك..
سليمان: تركي تصدق ذكرتني بالشياب ايام الشاليه..
تركي: والله صدق ايام بصراحه شي..
نواف: والله من النذاله رحتوا ولا اخذتونا معاكم..
سعود: صدق من جد ليش ما اخذتونا معاكم..
سليمان: انا والله صديقي مشاري عازمني..
تركي: والله انا اختي عازمتها صديقتها اللي هي اخت صديقي مشاري اللي هي اخت هذيك اللي جات في المدرسه..
سليمان دف تركي دفه لما بغى يطيح منها بس مسكه نواف..
سعود: الحين انتوا راحيين مع اهل البنت..
نواف: مع ذيك المزيونه ولا قلتوا لنا..
سليمان من حقده على تركي لانه قالهم قام وطا رجله ودفه وهو واطي رجله عشان اذا طاح يعوره ظهره بس تركي طلع ذكي وتمسك فيه..
سليمان وهو معصب: وش نقول لكم تعالوا معنا صعبه..
تركي: خلاص حبايبي المره الثانيه..
سعود: صح يعني اخت البنت تطلع صديقة اختك..
نواف: ايه حتى اختها مزيووووونه..
تركي طلع له قرون..مسكهم من رقبتهم ودفهم: ممكن تمشون وانتوا ساكتين..
سليمان ميت ضحك: احسن تستاهل..شف شف يتكلمون عن حرمتك وانت ساكت.ازواج اخر زمن..
تركي مشى عنهم وراح..
نواف: وش فيه هذا..
سعود: ما عليك منه تراه قاضي ومنتهي..
سليمان: بس لو قعد هذا القاضي كان ذبحكم..
نواف: ليش ما سوينا له شي..
سليمان: امشوا امشوا ترى علينا فيزيا النشبه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&&&&&&&&&&&&&&&&&&&&&&&&&&&&
مرت الايام بسرعه وما بقى على الاختبارات الا اسبوعين..اللي هي اسبوعين المراجعه..
رغد والهونف وتركي وسليمان كلهم غايبين اسبوعين عشان الاختبارات..
اما ريم فهي فالتها يوم تروح المدرسه ويوم تغيب ولا همها لا مذاكره ولا غيره لانها تمشي تحت قوانين اللي طلعتها العنود فا ما يحتاج تعب عمرها..
العنود نفس الحاله طول الايام غايبه الا اذا صديقاتها اعزموها عزيمه على المدرسه راحت وبالقوه بعد..
عبير في الجامعه فا اختبارتها كل يومين في الاسبوع او يوم واحد..واهم شي عندها انها تخلص قبلهم وتقهرهم..
نوف وشجون شادين حيلهم شوي خايفين يرسبون وبعدها ما راح يكون فيه سفره..
فجر مسكينه مره تذاكر ومره تفكر ومحتاره وتحس ودها تحول انتساب (منازل)بس نوف قالت لها ما يحتاج ياما بنات درسوا وحملوا وهم يدرسون وما حولوا انتساب واقتنعت بالفكره وصارت تذاكر على اساس تنجح لو بدرجه وحده..
العيال اللي بالجامعه وليد وطلال ومشاري فالينها على الاخر لانهم عارفين انهم راح يحملون المواد عشان دكاترتهم حاقدين عليهم ومستحيل ينجحونهم..
مشعل ما ننساه كان يذاكر والمسكين شاد حيله عشان بلاي ستيشن3..تجي لين عنده..مشعل ما فهمت هذا ويشرحه لها تروح..بعدين ترجع مره ثانيه وهكذا ..لما عصب منها وراح لامه قالها تدرسها بس بدون ماتقول لها انه هو اللي قايله وراحت ام مشاري وخذت لين ودرستها وصات فاهمه بس كذا تبي مشعل..

وخلصت الاسبوعين سريعه على ناس وبطيئه على ناس ودخلوا جو الاختبارات وكان بكره اول يوم..
ريم فكرت انه ترسل لسيلمان مسج..بس كانت متردده..واتوكلت على الله وارسلت له..
اهلين سليمان..
ا نشا الله شاد حيلك عشان تجيب نسبه ترفع راس امك فيها وراسنا<<تقصد نفسها..
واهم شي لا تضغط على عمرك ونام كويس عشان تعرف تحل زين وسم بالله قبل كل شي..
رورو..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
سليمان وصله المسج وقراه بس ما صدق عمره قراه مره مرتين وثلاث واربع ويقرى الاسم رورو ..طار من الفرحه وقعد ينطط وينطط ودخل عليه اخوه محمد..
محمد: اقول سلمي
سليمان فرحان ويده فيها الموبايل وينطط وعايش الجو..
محمد: لالا الولد اثرت عليه ثالث والمعادلات..
وقعد يطالعه وهومطير عيونه اول مره يشوف واحد من الخوف فرحان..
التفت عليه سليمان وشافه انصدم وتفشل..
سليمان: محمد انت هنا..؟؟؟؟؟
محمد: الحمدلله والشكر وش فيك..سليمان كم هذا"ورفع له اصبعين السبابه"
سليمان: تستهبل 2..
محمد: اشوا ما طارت المعلومات..
سليمان: عصب: وش تبي الحين؟؟
محمد: كنت جاي اتطمن عليك لكن الحين تأكدت ان عقلك ما عاد نقدر نلحق عليه لانه طار....
سليمان: اقول ما ودك تنقلع برى..
محمد: بنقلع بس بسألك سؤال..
سليمان: اخلص..
محمد: وش اللي فرحك..نجحت قبل لا تختبر..
سليمان نسى نفسه: شي احسن من النجاح..
محمد حس ان اخوه بيخق عنده كل شي: وشو يا قلبي اللي احسن من النجاح
..
سليمان: اللي احسن من النجاح ان مسج يجيك من رو..........."وانتبه لعمره" انت للحين ما طلعت..
محمد: من هي؟؟خويتك قل قل انك تكلم بنات ومسوي نفسك عاقل..
سليمان يصرف: اصلا كنت اقول رويشد..
محمد يستهبل: صح صح رويشد ذاك اللي..عرفته عرفته..
سليمان: ما دامك عرفتاه اطلع برى..
محمد: بس شكل رويشدك شي..شكله عذاااب..
سليمان دف محمد وطلعه برى ورجع يقرى المسج..وقرر يرسل لها..
معزتك عندي ترى مالها نوع..
ومكانتك بالقلب ماحد لقاها..
وغلاك بالقلب صار مزوروع..
حتى المشاعر ترجمتلك غلاها..
وانا وقلبي والاحاسيس له طوع..
والروح لو راحت من اجلك فداها..
تصدقين رورو مسجك هذا رفع من معنوياتي وانشا الله اجيب نسبه حلوه لخاطر عيونك وانتي كمان شدي حيلك...سلوم على قولتك..
ريم وصلها مسج سليمان وفرحت فيه فرح مو طبيعي بعكس الاول..لان الاول ما كانت تدري انه يحبها لكن الحين الوضع تغير وغير هذا كله عرفت سليمان زين بالفتره اللي راحت انه مو راعي حركات..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
يوم السبت
كان رعب على كل طالب وطالبه ..نشوفهم واحد واحد..
رغد كانت رايحه جايه ..جايه رايحه..
ريم: رغد اقعدي في مكان ترى راسي عورني..خليني اذاكر..
رغد وهي تقرى المعوذات عشان تهدى:خايفه والله خايفه..
دخلت ام مشاري: هاه خلصتوا عشان السايق ينطركم برى..
رغد: يمه ما راح اختبر خلاص هونت..
ام مشاري حست في بنتها: يمه وش خايفه منه تراها اسئلة مدرسات مو وزاره عشات تخافين وان شا الله بتكون سهله..
رغد تطمنت شوي: ا نشا الله..انشا الله..
ريم: انا نازله لا تتأخرين..
ونزلوا كلهم وركبوا السياره ورغد تدعي ان الله يذكرها بالمعلومات ويطمن قلبها..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
الهنوف كانت حايسه البيت فوق تحت: يمه وين الملزمه وقلمي الازرق ووين العبايه..
كان كل شي قدامها بس من الخوف ما تشوف شي.
ام تركي: شوفيهم قدامك..
الهنوف: ايه صح ما شفتها..طيب وين تركي...
تركي وهويراجع رياضيات: شوفيني قدامك يله بسرعه..
وركبت الهنوف مع تركي..
الهنوف: يا رب يا رب...خليني اتصل على رغد تطمن قلبي قبل الاختبار..
تركي سمع اسم رغد حس ان المعلومات طارت وما بقى الا رغد..
الهنوف: الوو.
رغد في السياره: هلا والله..
الهنوف: قلبي والله اني خايفه..
رغد: وانا اكثر منك بس انشا االله كل شي تمام..
ريم: بصراحه احس انكم تبالغون..
رغد: انتي اسكتي ماحد كلمك..
الهنوف: اسمعي خليك عند الباب اوكي..
رغد: اوكي..
تركي: هاه وش اخبارها..
الهنوف: بخير بس خايفه..
تركي: الله يهداها...وهذا وانتم ادبي وخايفيين اجل حنا وش نقول..
الهنوف: اول شي قل لا اله الا الله..ثاني شي محد ضربكم على ايديكم وقال لكم ادخلوا علمي..
تركي: المهم اذا طلعتي طمنيني عليكم..
الهنوف تستهبل: عليكم..مين..مافي الا انا مين الثاني..
تركي: بلا عباطه المهم لا تنسين..
الهوف: ابشر<<نست الاختبار..
تركي يبي يخوفها: ذاكري.. ذاكري بسرعه لا يفوتك الوقت يا غبيه..
الهنوف بروعه: صح صح "وقعدت تذاكر"
وتركي ميت ضحك:صدقت المخفه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عبير نايمه وما عندها شي.. والعنود لاهيه تحط كحل وجلوس وتزين شعرها وتعدل شكلها ..وتلبس اساور وبعدها الحلق..
دخات ام ماجد: هاه العنود ما خلصتي مراجعه ..
العنود: هاه مراجعه..الا الا خلصت من زمان..
ام ماجد: بسم الله عليك لا تعلمين احد اخاف يصكك بعين..
العنود: ابشري من عيوني ونزلت...وراحت للمدرسه وهي مستعده بكومه من البراشيم ملزقتها في اكمامها من داخل وفي اماكن اخرى..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
نوف وفجر كانوا خايفين بس كل وحده تهدي الثانيه..وفجر ما خلت من البراشيم طبعا من تعاليم ودروس العنود الراس المدبر..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
شجون مسكينه ما عندها احد فكانت شابكه السماعات وهي وصديقاتها تسألهم ويسألونها وتشرح لهم ويشرحون لها..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
سليمان يراجع وهوخايف بس يحس بفرحه من بعد مسج ريم.
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
دخل الكل قاعته وبدوا يحلون....الثلاثي ريم والعنود وفجر في البراشيم الحلول...والباقي يدورونها في عقولهم..
وخلصت الفتره الاولى رغد والهنوف مبسوطات كانت الاسئله مره سهله غير التغشيش من الطالبات.صح ان ما كان ودهم بس غصب عليهم..
سليمان و تركي حلّو وانشالله يكون صح لان العلمي كل واحد عنده اجابه فما كانوا يعرفون وش الصح من الغلط..
نوف وشجون حلّو وكان حلهم ما عليه..
ريم الحمدلله طلعت سليمه وكمان فجر بس العنود بغت تروح فيها وتنكشف بس ربي ستر وعدّت وطلعت مبسوطه لان كل البراشيم كانت نفس الاسئله<<خبره..
مشعل ومحمد كمان حلّوزين..
واخيرا لين اللي كانت تصيح في القاعه وتقول ابي مشعل..صح معلماتها بغوا يصفقونها بس سكتوا وعدوها وعلومها وطلعوها..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عدى اول يوم في الاختبارات وتبعه الاسبوع الاول ونص الاسبوع الثاني وباقي ثلاث ايام..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
بيت ابو مشاري
ريم: بابا ما قلت انا وش نجاحتنا؟؟
ابو مشاري: اذا شفت درجات ترفع الراس لكم اللي تبون..
رغد: بابا نبي نسافر..
ريم: نبي نروح دبي..
مشعل: والله دبي حلوه..
مشاري:وانا من المؤيدين للموضوع..
ابو مشاري:مدام الكل راضي نسافر ليش لا ..بس بشرط الدرجات الزينه..
ريم ورغد يبسون راس ابوهم..:الله يخليك يبه ولا يحرمنا منك..
ريم :اجل بروح اقول للعنود..
رغد: بسم الله الرحمن الرحيم تو من شوي ابوي قايله على طول تروحين تقولين لهم ..اصبري دقيقه وحده مو ساعه دقيقه..
ريم: خلال بربرتك هاذي طافت دقيقه ..بروح اكلمها..
اتصلت ريم على العنود..
ريم: الووو..
وليد: الووو..
ريم: وانت مافي غيرك يرد عل التليفون..
وليد: بسم الله هذي انتي على بالي زينة البنات..
ريم: اخلص وين ريم..
وليد: وش تبين فيها ؟؟؟
ريم:اقول بسرعه عندي موضوع ضروري..
وليد: العنود تذاكر..
ريم: كذاب العنود تذاكر العب غيرها..
وليد: عاد انتي لا تفهميني غلط يعني تبرشم..
ريم: قل كذا اصدقك طيب روح نادها..
وليد: طيب قولي لي وش تبين فيها وبعدين اعطيك ايها..
ريم: يا لليل ما اطولك..وبعدين..
وليد: ولا قبلين مافي يعني مافي وش بتسوين..
الا العنود جايه:وليد من تكلم؟؟
وليد ارتبك: هذي ..هذي..
العنود: بنت..قاعد تكلم صديقاتي.....يمه ..يمه..يمه..
وليد : اسكتي اسكتي خلاص خلاص يا ام لسانين..
العنود: يمه..يمه..
وليد حط يده على فمها: اقولك اسكتي..
العنود توخر ايده: وووع وخر ايدك مالحه...
وخرها وليد: وجع يا طول لسانها ذا الدبى..
العنود: ترى بنادي امي..
وليد: اوووف اطلع احسن لي..
العنود: يكون احسن..
خذت العنود السماعه: الووو..
ريم: اهلين وينك..
العنود:قعدت احل مع وليد القضيه اللي بيني وبينه..
ريم: اخوك هذا لا عاد يرد على التليفون سامعه..
العنود: طيب وش اسوي فيه من يوم يشوف رقم بيتكم يحلف انه ما يرد الا هو..
ريم: المهم ما علينا منه ..عندي لك خبر بكنوز الدنيا..
العنود: وشو انخطبتي..
ريم: لا وش انخطب..
العنود: لا ذا الايام موضه..
ريم: عندي شي احسن من الخطبه..
العنود تحمست: قولي يله بسرعه.
ريم: بنسافر لدبي..
العنود: كذااااااااااااااااااااااابه..
ريم: والله تو ابوي من شوي قايله..
العنود: الله يبشرك بالخير..
ريم: بس شارط درجات زينه..
العنود: انشا الله درجاتنا زينه..
ريم: ان شالله بس اسمعي انشبي في ابوك لما يوافق سامعه..
العنود: اكيد مدام ابوك وافق ابوي مع ابوك..
ريم: اجل يله مع السلامه خليني اتصل على فجر..
العنود: اوكي باي.
سكرت ريم من العنود وبعدها قعدت تدق رقم بيت فجر..
رغد: من بتكلمين بعد..؟
ريم: ابكلم فجر ما يصير ما نقول لهم بعدين يزعلون..
رغد: والله من اللقافه انتي وياهم.
ريم: الووووو..
طلال: الووو
ريم في نفسها"وش في هالعيال متسلطين علي"
طلال: الووو..
ريم: هلا واالله كيفك طلال..
طلال: مين...ريم ..الحمد لله بخير وشلونكم..
ريم: الحمدلله..طلال ممكن فجر..
طلال: ليش في شي..
ريم: لا سلامتك بس ابيها شوي.
طلال: الحين فجر عروس ما يصلح تكلم أي احد..
ريم"لا صدق اليوم متسلطين علي":طلال ممكن فجر بس خمس دقايق..
طلال: طيب قولي لي وانا اقول لها..
ريم: يا اخي ما يصلح كلام بنات..
طلال: اها...طيب خليني افكر..
فجر: طلال من على التليفون..
طلال: هذي ريم تبيني في سالفه..
ريم: اه يا الكذاب نادها بسرعه..
فجر:يا نصبك ريم تبيك في سالفه اقول هات السماعه..
طلال: خذي جعل اذنيك تخفس..
فجر: الاذنين تفقع مو تخفس ..العيون تخفس يا الغبي..
طلال قعد جنب فجر عشان يسمع: كلمي كلمي وانتي ساكته..
ريم: الووو.
فجر: هلا والله معليش النشبه ما يخليني اكلم احد يقول عروس..
ريم: وليش العروس محكوم عليها بالاعدام..
فجر: ايه ما عليك منه امري وش بغيتي..
ريم: ايه عندي لك خبر يسوى فيصل زوجك كله..
فجر: مسكينه وش اللي يسوى فيصل..
ريم: بنسافر لدبي..
فجر: بس هذا اللي عندك اصلا انا ناويه اسافر عشان اتجهز من هناك..
ريم: صدق اجل وناااسه..
فجر: وخالي ابو ماجد بيرحون.
ريم: اكيد هم معنا..
فجر: حلو اجل بيطلع فله..
طلال قاطعهم: والله صدق فله..
فجر لفت عليه: انت هنا!!
طلال:لا هناك..
فجر: ريم خلاص مع السلامه..
ريم: مع السلامه..
فجر: ما تلاحظ نفسك انك منغص علي عيشتي حاشر نفسك في كل شي..
طلال: اختي واخاف عليها من نسمة الهوا..
فجر: أي واضح..اقوم اذاكر ابرك لي..
ريم سكرت من فجر وحطت السماعه وبعدها ذكرت شجون واخذت السماعه واتصلت عليها..
رغد: بعد من بقى ما علمتيه اشك ان الرياض كلها درت وانهم شوي يقولونه في الاخبار..
ريم:وانتي وش عليك اقول اسكتي رن..
ريم: الوو..
فيصل:هلا..
ريم"لا كملت":اهلين فيصل اخبارك..
فيصل: ريم هلا والله ..الحمدلله بخير وشلون خالتي..
ريم: الحمد لله كلنا بخير الا ممكن تعطيني شجون..
فيصل: شجون الحين مشغوله شوي..
ريم: طيب بس خمس دقايق..
فيصل: خمس دقايق!!!الا ما قلتي لي وش اخبار عمك وعمتك بخير..
ريم فهمت عليه: والله كلهم بخير ويسلمون عليك وذبحونا فيك..
فيصل انبسط: هههه ثواني وشجون عندك وكلميها ساعه اذا بغيتي..
ريم: هههه والله هالناس مصالح...
رغد: مين..
ريم: بعدين ..بعدين..الووو..
شجون: هلا واالله وغلا حيا الله هالصوت..
ريم: الله يحيك وش اخبارك..
شجون: الحمدلله بخير وش عندك متصله..
ريم: والله عندي خبر يسوى كريماتك كلها..
شجون: ما اظن ان في شي يسواها بس وشو..
ريم: ولا بدال هذي اللي عندك بتاخذين دبلهم..
شجون تحمست: ايه وشو..
ريم بنسافر لدبي..
شجون: احلفي ما اصدق...
ريم: والله ما اكذب تجهزي بس..
شجون: صدق طيب قلتي لعمك وعمتك..
ريم: ايوه اكيد..
شجون: اجل بيطلع وناسه..
ريم: المهم انشبي في امك..
شجون: ما يحتاج اذا امك بتروح امي رايحه رايحه.. وفيصل اذا عرف ان عمتك بيرحون طاير معنا..
ريم: اجل ما اطول عليك وسلمي لي على خالتي.
شجون: يوصل وسلمي على خالتي بعد..
ريم: يوصل مع السلامه...
شجون: مع السلامه..
فيصل: بيرحون لدبي..؟
شجون: انت هنا..ايه بنروح كلنا هناك..والله وناسه واقعد مع نوف فله..
فيصل: وفجر ليش ما تقعدين معها..
شجون: اقعد معها بس نوف نفس شخصيتي..
فيصل: اجل ربي رحمني ان زوجتي ماهي مثلك..
شجون: ايه بس انت حصل وحده مثلي..
ريم سكرت السماعه وقعدت تتذكر من بقى ما قالت له:اقول رغد..
رغد: خير؟ما خلصتي جولتك..
ريم: لا باقي..
رغد: ليه من بقى؟؟
ريم: باقي الهنوف ومها وهذولا اهم شي..
رغد: صادقه انا بدون صديقتي ما اعيش..
ريم حتى انا بدون مها ما اعيش...
رغد: عاد انتي كثري منها..
ريم: المهم بتكلمين الهنوف ولا انا اكلمها..
رغد: انتي اتصلي عليها واذا ردت عليك عطيني ايها..
ريم: طيب"واتصلت"
رغد: حافظه رقمهم..
ريم: اكيد عشان الضروره..
رغد: والله من اللقافه..
ريم:الووو..
تركي: هلا والله وغلا<<يحسبها رغد..
ريم: اهلين..
تركي عرف الصوت وقال من دون نفس:هلا..
ريم:" وش فيهم علي كلهم كأني ماكله حلالهم":لو سمحت ممكن الهنوف..
تركي: انا اعرف ان الهنوف صديقه رغد مو صديقتك.
ريم: انا واختي واحد بسرعه نادها..
تركي: وليش رغد ما اتصلت على صديقتها..
ريم: وانت وش عليك..
تركي: اسأل..
ريم تبي تصرفه: رغد تعبانه..
رغد كانت تطالعها وميته قهر انها ما تصلت هي..
تركي: سلامات وش فيها.
ريم: راسها يعورها وبطنها وتبي الهنوف عشان تسألها عن الامتحان بس صوتها رايح وأذنها ما تسمع منها وعيونها ما تشوف فا قلت اتصل انا احسن..
تركي كسرت خاطره رغد: مشا االله كل هذا فيها لايكون نفس اقروا عليها..
ريم وفيها الضحكه: شكلها عين ما صلت على النبي بس ممكن تعطيني الهنوف ..
تركي: ثواني وهي جايه..
ريم: اوووف هالعله..
رغد: جعل كل اللي قلتيه فيك ان شالله وش فيك تفاولين علي..
ريم: اسكتي اسكتي بعدين اقولك..
رغد: كل ما قلت لها شي قالت بعدين..
الهنوف وهي مرتاعه: الوو هلا وش فيها رغد عسى ما شر..عسى ماهي تعبانه مررره..
ريم: ما فيها الا العافيه بس اخوك نشبه مالقيت حل احسن من هذا..
الهنوف: اشوى طمنتيني..امري في شي..
ريم كانت بتعطي السماعه رغد بس هونت:كنت بقولك خبر يسوى روعتك ويقلبها فرحه..
الهنوف:بشري..
ريم: بنسافر دبي..
الهنوف: صدق!! احلفي..
ريم: والله وما اوصيك خلك عود في بلعوم امك لما توافق..
الهنوف: ولا يهمك ولا توصين حريص من الحين بنشب لما استلم الموافقه..
ريم: اوكيه بااي,,
الهنوف:باااي..
تركي: هاه وش صار فيها..
الهنوف: ما فيها شي بس بطنها يعورها شوي<<خافت بعصب..
تركي: طيب وش فيك فرحانه ولا شمتانه في صديقتك..
الهنوف: وش فيك انت كذا انا فرحانه لانهم بيسافرون دبي وانشا الله حنا وراهم..
تركي: صدق والله فله بس ما توقع امي بتوافق..
الهنوف: اذا انا وياك عليها بتوافق..
تركي: اجل يله قومي..
الهنوف: يله..
سكرت ريم السماعه وقعدت تفكر..
رغد: وانتي ما تعبتي من كثر ما تكلمين..
ريم: لا بس باقي شخص وهو اهم شي..
رغد: مين...
ريم: سليمان اقصد مها..
رغد: قولي كذا من زمان عشان بعدها تقولين لي وش صار في كل مكالمه لاني كل ما قلت لك شي قلتي بعدين..
ريم: طيب طيب..
وشالت السماعه وتمنت هالمره يرد سليمان مثل اللي قبل واتصلت.
ريم: الووو..
محمد: الوو.
ريم"اووووف":ممكن مها..
محمد: من اقول لها..
ريم: قل لها ريم..
محمد: اول مره اسمع هالاسم..
ريم: طيب هذا انت سمعته روح نادها..
محمد: اها عرفتك انت اللي كنتوا معنا بالشاليه..
ريم: عليك نور يله رح نادها..
محمد: لا احنا مطفين النور من شغله..
ريم: يا رببييييه على هاليوم روح نادها بسرعه يا اخوي تراني تعبانه من جد ارحمني..
محمد في نفسه "وش فيها هذي":طيب الحين مها مشغوله..
ريم: ادري قلها خمس دقايق..
محمد: واذا طولتي.
ريم: سكر السماعه في وجهي..
محمد: الا بسألك وش اخبار اخوك مشعل..
ريم: اخباره الساعه تسع شفها..
محمد:تنكتين حضرتك..
ريم:لا ما نكت استظرف..
محمد:اجل مها من المستحيلات..
ريم: محمد لو سمحت نادها ابيها في شي ضروري فيه حياة او موت..
محمد:لا وش الشي وبعدين اناديها..
ريم"اليوم ما راح يعدي على خير":اسمع انا بقول لها بعدين تقول لك وش رايك حمود..بسرعه نادها بأعد لك واحد واثنين...
محمد:ليه اصغر عيالك..
ريم: انت ما بعد رحت ياربيه ترى صدق بأصيح والله تعبت روح نادها..
سليمان: محمد من تكلم وناشب في حلقه..
محمد: هذي ريم صديقة مها..
سليمان: ريم وناشب لها هات السماعه..
محمد: نعم نعم وش هات السماعه خل السماعه بأروح انادي مها واجي سامع..
ريم من يوم سمعت صوت سليمان وعاشت جوو...
سليمان كان يناظر السماعه ووده يرفعها بس خاف محمد يفتن ويتنيذل عليه..
جات مها:الوووو...الوووو..
ريم: هلا هلا والله كيفك وش اخبارك واخبار الوالده..
مها: الحمد لله كلنا بخير وش اخبارك انتي..
ريم: الحمد لله بخير..حبيت اقولك ان بروح لدبي في الاجازه واني متمنيه من كل قلبي انكم تكونون معانا وش رايك..
مها:دبي من راح يفوتها ا نشا الله اشاور امي وارد لك وهي واعدتنا بسفره..
ريم: المهم ما اوصيك ما اوصيك لازم لااااازم تكنون معنا..
مها: بأذن الله ما في شي بيمنعنا..
ريم: سلمي لي على اللي عندك..
مها: يوصل..
ريم: مع السلامه..
مها: مع السلامه..
سليمان: من هذي<<يتميلح الاخ..
مها: هذي ريم اخت مشاري..
سليمان: اها وش عندها..
مها: تقول انهم بيرحون دبي وتبغانا معاهم..
سليمان:فديتها والله.
مها بصدمه: من هي؟؟؟
سليمان يصرف: هاه...دبي ايه دبي..
مها: ايه..
سليمان: ولا يهمكم انا اللي راح اوديكم انشا الله بس ناخذ شور امي..
مها: تسلم والله يا اخوي هذا الاخو ولا بلاش...
ريم من يوم سكرت السماعه وهي في عالم ثاني..
رغد: ريم ريم وين وصلتي انشا الله في السينما وهو جنبك..
ريم: ههههههه تصدقين ماهي شينه..
رغد: يله تعالي قولي لي كل اللي صار..
وقعدت ريم زين وقامت تسولف..
كل العوائل اخذت الموافقه وقرروا يسافرون.. بس فيه شي لازم يصير قبل السفر..

ام فوازتكلم:انا اقول الملكه قبل السفر..
ام فيصل: ونعم الراي..
ام فواز: اجل بكره.
ام فيصل: شورك وهداية الله..
وقرروا ان بكره ملكة فجر على فيصل اللي هو يوم الاربعاء اخر يوم من ايام الاختبارات..
فجر معصبه: على كيفكم طيب خليتوه يوم الخميس..
ام فواز: نسيتي دبي يوم الجمعه والخميس تستعدين لها..
فجر: طيب احس اني ما استعديت..
ام فواز: عندك من اليوم لما بكره العصر استعدي..
نوف: فجر هونيها وتهون عادي تراها ملكه..
فجر: اكيد بيتنادون العائله كلها صح..
ام فواز: انهبلتي اكيد كلهم بيحضرون ملكتك ولا وش رايك..
فجر: طيب ما عندي لبس..
ام فواز: فجر انتي وش فيك تدورين عذر..الحين اخلي طلال ولا فواز يوديك..
فجروفيها العبره: يا ربييييييه...
ام فواز: وش فيها اختك..
نوف: يمه من حقها خايفه ومتوتره..
ام فواز: روحي معها واشتروا اللي تبون و الله الله بالشي الزين..
نوف: افا ما تثقين بذوق نوف..
ام فواز: الا انا ما اثق الا فيك..
&&&&&&&&&&&&&&&&&&&&&&&&&&&&&
ريم: بكره ملكة فجر..؟؟؟
العنود: ايه وش اقولك من الصبح..
ريم: طيب انتي عندك لبس..
العنود: لا والله وش رايك نروح السوق حتى عبير ما عندها..
ريم: حتى رغد..بصراحه ما توقعتها قبل السفر..
العنود: اجل يا الغبيه وشلون يعطونها المهر وهي ما تملكت..
ريم: صح نسيت..
العنود: يله تعالي مرينا مع السواق..
ريم: طيب مع السلامه..
العنود:مع السلامه..
ريم: رغد يله البسي بنروح السوق باقول لامي.
رغد: بسرعه عشان يمدينا..
وبعدها خذوا الموافقه من امهم وراحوا بيت عمهم واخذوهم وطلعوا للسوق..
وهم ماشين في السوق..
العنودوقفت في مكانها وجنبها عبير..
رغد وريم لفوا عليهم:خير وش فيكم..
عبير: مو هذا طلال واللي معه نوف وفجر.
العنود: الا ...الا..
رغد: والله صدق هم..بروح اسلم عليهم..
ريم: وانا جايه معك..
عبير والعنود ميتين على طلال اللي لابس برمودا بيج وتيشرت بني مبين جسمه وشعره الاسود مسويه سبايكي والساعه والشوز السبورت طالع شي خطيييير...
رغد: هلا والله نوف وفجر..
نوف: هلا والله رغوده..
فجر: اهلين..
ريم: هلا والله ببنات عمتي وبالعروسه خصوصا اللي بكره ملكتها..
فجر: واللي يخليك لا تذكريني خليني الهى شوي..
رغد:ا هلين طلال وشلونك..
طلال: الحمد لله بخير..
ريم تناظر طلال بحقد:اهلين طلال..
طلال يبادلها نفس النظرات وكان في نفس الوقت كاتم الضحكه :أهلين ريم وشلونك
ريم : بخير ما دامك بعيد عني
طلال : أفااا وش جايك مني
ريم : سلامتك ما جاء منك إلا كل الشر
فجر :خلاص انتوا والله ماني ناقصه..الا وين عبير والعنود ما جوا معاكم؟
رغد: الا والله وينهم ..هم جايين معانا.
ولفوا عليهم لقوهم مطيرين عيونهم في شي بس ما عرفوا وش هذا الشي..
طلال كان يطالعهم وحس انهم يطالعونه بس بعدّ هالافكار من راسه..
رغد راحت لهم: العنود ..عبير خير وش فيكم واقفين..
العنود: هاه ابد سلامتك بس قلبي يعورني شوي..
عبير: انا مو قلبي بس كل جسمي..احس اني بموت في مكاني..
رغد اللي ما فهمت شي: يله امشوا بس البنات يسألون عنكم فشلتونا قدام طلال..بالله مطيرين عيونكم في مين..
العنود انتبهت ان عبير معاها وتطالع اللي تطالعه على طول لفت عليها تبي تتأكد من تطالع..بس يوم لفت لقت عبير تطالع رغد..
عبير: شفت واحد مزيون مر من عندكم..اقول يله مشينا..
العنود ناغزها قلبها بس ما عطت الموضوع اهميه وراحوا عند البنات..وسلموا عليهم..
العنود: اهلين طلال كيفك بشرني عنك..
البنات يطالعون العنود وهي منزله عيونها ومستغربين اكثر من اسلوبها..
طلال: الحمدلله بخير ما دامك بخير..وانتي يا عبير وشلونك..
عبير: انا بخير تسلم..
العنود لفت على عبير وبعدها على طلال"مو لازم اضعف اذا شفته..مولازم يحسون فيني":اقول ترى ما تنعطون وجه يله كل وحده تدور لها لبس تلبسه..وانتي ما لقيتي تحطين ملكتك الا بكره ضاقت يعني ولا ايش...
البنات طيروا عيونهم اكثر من تغير اسلوبها فجأه وحسوا انها رجعت لطبيعتها اللي تعودوا عليها..
رغد: يله يا بنات تفرقوا كل وحده تروح لجهه واللي تلقى شي يناسب الثانيه تتصل عليها اوكي..
البنات: اوكي"وافترقوا"
ماطلعوا من السوق الا الساعه عشره وهم من العصر رايحين..
رجعت كل وحده على بيتها..
صح ان العنود اصرت على ريم تنام عندهم بس ريم قالت بكره اذا طلعت من المدرسه راح تروح عندهم او هم يجونها..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
يوم الاربعاء
هو يوم فرح كل العائله الا وحده ..اللي هي فجر كان يوم خوف ورعب وتوتر وعلى اعصابها طول الوقت ..
طلعت ريم ورغد من مدارسهم وراحوا بيتهم وخذوا اغراضهم بعدها راحوا بيت عمهم..
عبير: حرام والله فجر ما تستاهل ..روعوها قالوا لها بكره ملكتك.
ريم: مسكينه ما استعدت نفسيه..
رغد: عاد يقولون اهم شي الاستعداد النفسي..لانها اذا ما استعدت نفسيا بيخرب كل شي..
العنود: تخلي عنها الدلع..من يوم انخطبت وهي صايره دلوعه ودمعتها على خدها..
عبير: عاد انتي ما تحسين مافي قلبك رحمه ..خفّي عليها شوي..
العنود: دلع بنات لا تهمكم..
وجاتهم كوافيره وسوت لهم تسريحات وميك اب وطلعوا الاربعه شي فوق الخيال..صح العنود سوت صيحه لان ميك اب حقها اوفر بس البنات اقنعوها انه حلو وعدّتها..
رغد: لو نقوم نلبس يكون احسن..
ولبسوا البنات..
عبير: رغد اتصلي على موبايلي ماني محصلته..
رغد: موبايلي تحت..
ريم: خلاص انا بتصل..
رغد: انا نازله تحت بروح اجيبه اخاف امي تتصل..
ريم: روحي ولا تطولين عشان تحطين لي المنكير..
رغد: اوكي..
كانت لابسه رغد فستان نعوم بالمره كان ابيض على لؤلؤي توب من عند الصدر ومخصر على جسمها ولحد الركبه وكان فيه موجات الاسود.. وشريطه من الخصر واطراف الفستان دانتيل اسود..ولابسه حلق اسود ومسويه شعرها"بف" وحاطه شريطه ابيض واسود..وحاطه شدو اسود مبين عيونها الوساع العسليه..ورج احمر وعليه جلوس احمر..ولابسه سندل ربط اسود..طالعه البنت ولا ملكة جمال بصراحه ما اقدر اوصفها لكم..
نزلت تحت في الصاله تدور موبايلها في الشنطه الا وليد نازل من الدرج ووقف في نص الدرج كان يشوف قدامه ملاك ما قدر يشيل عيونه من عليها ورغد ما نتبهت له..لقت رغد موبايلها..وليد تحرك من مكانها يبي يطلع فوق بسرعه عشان ما تنحرج منه بس ما امداها لان رغد شافته وهي عند اول درجه من السلم وهومنزل عيونه عنها..ما قدر اقول لكم موقف رغد في ذاك الوقت كانت واقفه وكأن رجلها لزقت في اول درجه ووجها احمر لان فستانها عاري شوي<<شوي بس..
حتى وليد نفسه ثبت في مكانه رفع عينه عليها حصلها تطالعه وعيونها مغرقه عيونها دموع..
وليد كسرت خاطره:انا ....انا اسف ماكان قصدي..
رغد لما كلمها وليد وكأنه صحاها من جمدتها ونزلت بسرعه وهو دخل غرفته..
وليد فرحان: البنت تبي تذبحني اليوم طالعه ملاك يا ناس ملاااااك في بيتنا..ولا عيونها تدوخ تموت...تجلط..
كان مبسوط وصار يروح ويجي في غرفته والابتسامه شاقه الوجه..
رغد كانت تدراي دموعها لا تنزل ويخرب الميك اب..وتكلم نفسها: مو لازم ابكي خلاص يارغد سيطري على نفسك ما صار شي شافك بالغلط وماكان يقصد ولا انا اقصد خلاص حصل خير الحين اطلع فوق واقعد عند البنات ولا كأن صاير شي..
مرت الخدامه عند رغد..
الخدامه: مدام رغد انتي فيه كلم انا...
رغد: اوقول تعالي ....فستاني حلو..
الخدامه: ايوه مدام انتي واااااجد حلو..
رغد: مشكوره طيب تحسين انه عاري شوي..
الخدامه: هو فيه أري(عاري)شوي بس تمام..تمام والله تمام..
رغد: طيب تقلعي عن وجهي..
الخدامه: زين زين..
رغد: اطلع عند البنات قبل لا يحسون علي..
ودخلت غرفة البنات..
ريم: حشى ما صار وهذا وانا اقول لك لا تتأخرين..
رغد مقفله معها:.................
ريم: تراني اكلمك مو الجدار اللي وراك..
رغد وهي كاتمه العبره: ممكن تسكتين شوي بس شوي لو سمحتي..
ريم حست ان اختها بتبكي لانها ما تصير مؤدبه الا اذا ما حبت تبكي:رغد فيك شي..
رغد: اقول لك اسكتي عشان ما اخرب على نفسي كشختي..
ريم: اذا رجعنا بيتنا تقولين لي فاهمه..
رغد: فاهمه بس اسكتي..
العنود: وش فيكم تتساسرون علموني..
ريم: اخت واختها.انتي وش دخلك..
العنود تسوي نفسها زعلانه:افا وانا اعدكم خواتي..
ريم: اقول روحي زين مسويه بتأثرين فيني ما يليق عليك الهدوؤ..
العنود: ادري والله ادري بس خلينا نتعلم يمكن نحتاج الهدوء والركاده يوم من الايام..
عبير: رغد لقيتي موبايلك..
رغد: ايه ويا ليتني ما نزلت..
عبير: ليش.؟؟؟
رغد توهقت: هاه..........ايه بغيت اطيح من الدرج..
العنود: هههههههه والله بيطلع شكلك تحفه..
عبير: ما عليك منها عسى ما تعورتي..
رغد: لا الحمد لله..
ريم والعنود يطالعون بعض منصدمين من التغير المفاجئ اللي طرا على عبير..
ريم: عبير انتي اليوم بخير..ما فيك حراره..
عبير: ليش..؟؟
العنود: لا لا اختي مو طبيعيه وش الثقل هذا ..وش ذا الهدوء..
عبير: هاه وش رايكم يصلح علي احسن منك..
ريم: هو مو مره بس احسن من العنود..
عبير: لا زين في تقدم..
رغد: ليش تبين تتغيرين..
عبير: بصراحه تفشلت كله عربجيه حتى صديقاتي يقولون ودنا نشوفك يوم وانتي كلك انوثه فا حبيت ا جرب والحمدلله تمت العمليه بنجاح..
ريم: الله يتممك بعقلك اقول مشينا...
العنود: اقول عبير اتصلي على وليد خليه يجهز عشان يودينا...
رغد تفاجئت: وليد هو اللي بيودينا"كملت"
عبير: ماني مكلمه احد اولا موبايلي بعيد ثانيا مالي خلق ثالثا ما اشتهيت..
العنود: رابعا بيجي ذا الكعب اللي ما عرفت امشي فيه على راسك يالسودانيه..
واتصلت على وليد..
العنود: الووو..
وليد: هلا والله وغلا <<مروق على الاخر..
العنود: هلا بس وش عندك مروق..
وليد: انتي وش تبين..
العنود: كنت بقولك تودينا بيت عمتي احنا وبنات عمي..
وليد: ابشري يله انزلوا..
العنود: ان شالله"وسكرت منه"
العنود: اليوم وليد مو طبيعي..
رغد بخوف: ليش وش فيه..قال شي..
العنود: لالا ما قال شي بس اسلوبه باين عليه مروق..
رغد ارتاحت: اهااا..
ريم اللي حست ان في شي صاير بين الوليد ورغد بس مصيرها راح تعرف: يلا بنات لا يعصب علينا..
البنات: يله....

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@
" نهاية البارت "

 

 

[اليازيه]

الجزء الثاني والعشرون






نزلوا البنات ورغد تأخرت شوي لانها تجمع اغراضها..
ركبوا البنات السياره عبير قدام والعنود وراها وريم في الوسط وخلو مكان رغد ورى وليد..



وليد: باقي احد ولا امشي..



العنود: باقي رغد..



وفي اللحظه هذي جات رغد شافت انها راح تكون ورى وليد قامت تطق الشباك على العنود..



العنود فتحت الشباك:خير..



رغد وهي مفتشله: افتحي الباب وريم زحفي يله..



العنود:روحي للجهه الثانيه لا يجيك كف يعدل راسك..



رغد وهي معصبه: هين يا عنيد..



وراحت للباب الثاني..
وليد كان مبتسم ومبسوط لان اخته ما خلت رغد تركب من الجهه الثانيه عشان يقدر يطالعها..



رغد ركبت:السلام عليكم..



الكل: وعليكم السلام..



ريم: وجع ليش تأخرتي..



رغد تهمس لها:كنت اجمع اغراضي
وتحركوا


وفي نص الطريق..



وليد: احم....تصدقون بنات اليوم شفت واحد لابس ابيض واسود كان طالع عليه شي مو طبيعي"ويطالع رغد في المرايه"



رغد انصدمت من الكلام اللي قاله وطالعته في المرايه عشان تتأكد اذا كان قاصدها ولا لأ وطاحت عينها في عينه وهو مبتسم ابتسامه تدوخ..



عبير: طيب كل العيال يلبسوا ابيض واسود..



وليد: لالا هذا شي ثاني..



العنود: طيب يعني قصدك ان لبسه غريب او التيشرت غريب ولا وش قصدك..



وليد وهو شاق الخشه: لالا مو غريب الا اغرب من الغريب..



العنود وعبير سكتوا لانهم ما فهموا وش السالفه فا سكتوا..



اما ريم ما فاتها هذا الشي وعرفت ان يقصد رغد..وليد كل شوي يطالع رغد"يا ناس هالعيون تذبح والله تذبح"
وقعد يقلب في الاغاني لما حصل اغنيه راشد الماجد"العيون"



وليد:هذي اهداء خاص لكم يا بنات..



العنود: وليد ممكن اسأل سؤال..



وليد:امري اانتي..


العنود: وش متعشي امس اخاف انك متسمم..ولا اكيد تعبان..



وليد:مو انا التعبان قلبي التعباااااان...



عبير:لالا اخوك يا العنود شارب شي..



وليد: اسمعوا الاغنيه وانتوا ساكتين



$$$$$$$$$$$$$$$$$$$$$$



سود العيون كبار والشامه حلوه..شايل جمال الكون وباليني بلوه..
هالعيون وشلونا ميلها..سحر ذوبني بغزلها..
بوسه من عندك حبيبي..تسوى عندي الدنيا كلها..
ياضوى عيوني وحياتي..قلب اقدم هديه..
اطلب اش ما ردت مني..قول وادلل علي.
انت مني وانا منك..مستحيل ابتعد عنك..
ابتسم يا بعد عمري..ضحتك ماكو مثلها..
ذاب قلبي بالمحبه..لا تظن عنك اتوب..
طيرت عقلي بغرامك..ياما ذوبت القلوب..
انت حبي نبض قلبي..بس تعال شويه قربي.
يا اعز انسان عندي...واغلى من هالناس كلها



$$$$$$$$$$$$$$$$$$$



رغد خلاص ذابت في مكانها"يقصدني انا ..يعني وليد صدق يحبني يا ويلي وش هالمصيبه اللي نزلت علي ..طيب انا ما احبك يا وليد .حرام اللي تسويه فيني ..مشكلتي اني ارحمك وماودي اصدمك واقولك اني ما احبك ولا حتى فكرت فيك"



ريم في نفسها:مسكين يا وليد باين حبك لرغد بس ما اظن ان رغد راح تكون لك او تكن لك أي مشاعر غير الاخوه والله كسرت خاطري على ثقالة دمك"



وصلوا بيت عمتهم كانت مكلة فجر ملكه عائليه عشان الزواج يكون كبير فا ماكان فيه احد غريب دخلوا البنات بيت عمتهم..وسلموا على الحريم وباركوا لام فواز ولام فيصل..وطلعوا لعند فجر ودخلوا عليها..



العنود:هلا والله بعروستنا..



فجر وهي خانتقتها العبره:هلا والله بأهلي وعزوتي وناسي..



رغد:مبروك فجوره وعقبال البقيه..



ريم:امييين ..مبروك فجوره بعد قلبي والله تكسرين الخاطر..



عبير:ليش شايفتها تشحذ..اقول وخري "وضمت فجر"مبروك يا فجر منه المال ومنك العيال.



فجر وهي خايفه: أي عيال واي خرابيط احس اني بكنسل الملكه الحين..



العنود: لا يا فجير لا تتهورين بعدين اخاف تعنسين..



فجر:بنات خايفه احس اني بموت..



رغد: هدي يا قلبي والخوف شي طبيعي بس سيطري عليه واذكري الله وما راح يصير الا الخير..



ريم:خلاص يافجر اليوم تاكدت ان خلاص راح تتركينا والله ماني مصدقه..



عبير:ريم لا تضيقين صدرها..بعدين هي بتهاجر تراها في بيت خالتك وبتحصلينها في بيت عمتك يعني ما راحت..



العنود:ولو بتصير حرمه وتجلس مع العجايز واحنا ما نخلي متزوجات معانا يخربونا بعدين.



دخلت نوف:الحين اكيد مجتمعين على اختي ومحجرين لها عشان تضيقون صدرها..



رغد: افااا وش قالوا لك يهود ما نحس..



ريم: صح احنا عرابجه بس مو لدرجة عديمين الاحساس..



عبير: كل واحد يتكلم عن نفسه انا من اليوم وطاالع ما راح اروح الا مع نوف وشجون..



رغد:صح ذكرتيني اتصل على الهنوف مابعد جات..واتصلت عليها..



رغد: الووو..



الهنوف: هلا والله..



رغد:وينك؟؟



الهنوف: انا قريبه تعالي عند الباب استقبليني انا والوالده..



رغد:لا تتدلعين وتتشرطين..



الهنوف: مو من حقي ولا...



رغد: الا من حقك واذا الهنوف ما تدلعت من يتدلع..



العنود قاطه:انااااا..



رغد: ووووع مالت عليك....اقول الهنوف الحين انا نازله يله باي..



الهنوف:باي..



ونزلت رغد عند الباب..



ودخلت الهنوف وامها سلمت رغد على ام تركي:هلا والله خالتي..



ام تركي: هلا بنيتي وش اخبارك عساك بخير..



رغد: بخير تفضلي خالتي الحريم قدامك..



الهنوف: اهلين..



رغد: هلا والله وغلا..



الهنوف: وحشتيني يا رغودة قلبي..



رغد: اليوم شافتني في المدرسه..بس تسلمين..



الهنوف: عاد جامليني شوي..



رغد: هههه طيب تفضلي..



الهنوف : زاد فضلك..



رغد: اخوك دخل عند الرجال..



الهنوف: اكيد..



وتوهم بيدخلون الا رن موبايل رغد..



رغد: الووو..



ام مشاري: رغد..



رغد: هلا..



ام مشاري: قولي للسايق يجيب الاغراض اللي وصيته عليه..سمعتيني قلبي..



رغد: ابشري يمه مع السلامه..



رغد: هنوفه قلبي تفضلي وانا الحين بجيك بعد شوي اوكي..



الهنوف: اوكي..
راحت رغد جابت لها طرحه عشات تكلم السايق عند بوابة الرجال..



رغد: راجو.....راجو..
انفتح باب الرجال..
رغد وهي تعدل الطرحه زين :راجوا اسمع....................

من مواضيع دلع الغرور :

- مين أحلى مرحب أو مرحبة فيكون ؟

- قصيدة من حسني مبارك إلى الشعب المصري

- نذالة

- تغيير رمز منتجات الدنمارك

- المياه المعبأة في زجاجات التي توضع في السيارة

 

 

[اليازيه]

العنود فتحت الشباك:خير..



رغد وهي مفتشله: افتحي الباب وريم زحفي يله..



العنود:روحي للجهه الثانيه لا يجيك كف يعدل راسك..



رغد وهي معصبه: هين يا عنيد..



وراحت للباب الثاني..
وليد كان مبتسم ومبسوط لان اخته ما خلت رغد تركب من الجهه الثانيه عشان يقدر يطالعها..



رغد ركبت:السلام عليكم..



الكل: وعليكم السلام..



ريم: وجع ليش تأخرتي..



رغد تهمس لها:كنت اجمع اغراضي
وتحركوا


وفي نص الطريق..



وليد: احم....تصدقون بنات اليوم شفت واحد لابس ابيض واسود كان طالع عليه شي مو طبيعي"ويطالع رغد في المرايه"



رغد انصدمت من الكلام اللي قاله وطالعته في المرايه عشان تتأكد اذا كان قاصدها ولا لأ وطاحت عينها في عينه وهو مبتسم ابتسامه تدوخ..



عبير: طيب كل العيال يلبسوا ابيض واسود..



وليد: لالا هذا شي ثاني..



العنود: طيب يعني قصدك ان لبسه غريب او التيشرت غريب ولا وش قصدك..



وليد وهو شاق الخشه: لالا مو غريب الا اغرب من الغريب..



العنود وعبير سكتوا لانهم ما فهموا وش السالفه فا سكتوا..



اما ريم ما فاتها هذا الشي وعرفت ان يقصد رغد..وليد كل شوي يطالع رغد"يا ناس هالعيون تذبح والله تذبح"
وقعد يقلب في الاغاني لما حصل اغنيه راشد الماجد"العيون"



وليد:هذي اهداء خاص لكم يا بنات..



العنود: وليد ممكن اسأل سؤال..



وليد:امري اانتي..


العنود: وش متعشي امس اخاف انك متسمم..ولا اكيد تعبان..



وليد:مو انا التعبان قلبي التعباااااان...



عبير:لالا اخوك يا العنود شارب شي..



وليد: اسمعوا الاغنيه وانتوا ساكتين



$$$$$$$$$$$$$$$$$$$$$$



سود العيون كبار والشامه حلوه..شايل جمال الكون وباليني بلوه..
هالعيون وشلونا ميلها..سحر ذوبني بغزلها..
بوسه من عندك حبيبي..تسوى عندي الدنيا كلها..
ياضوى عيوني وحياتي..قلب اقدم هديه..
اطلب اش ما ردت مني..قول وادلل علي.
انت مني وانا منك..مستحيل ابتعد عنك..
ابتسم يا بعد عمري..ضحتك ماكو مثلها..
ذاب قلبي بالمحبه..لا تظن عنك اتوب..
طيرت عقلي بغرامك..ياما ذوبت القلوب..
انت حبي نبض قلبي..بس تعال شويه قربي.
يا اعز انسان عندي...واغلى من هالناس كلها



$$$$$$$$$$$$$$$$$$$



رغد خلاص ذابت في مكانها"يقصدني انا ..يعني وليد صدق يحبني يا ويلي وش هالمصيبه اللي نزلت علي ..طيب انا ما احبك يا وليد .حرام اللي تسويه فيني ..مشكلتي اني ارحمك وماودي اصدمك واقولك اني ما احبك ولا حتى فكرت فيك"



ريم في نفسها:مسكين يا وليد باين حبك لرغد بس ما اظن ان رغد راح تكون لك او تكن لك أي مشاعر غير الاخوه والله كسرت خاطري على ثقالة دمك"



وصلوا بيت عمتهم كانت مكلة فجر ملكه عائليه عشان الزواج يكون كبير فا ماكان فيه احد غريب دخلوا البنات بيت عمتهم..وسلموا على الحريم وباركوا لام فواز ولام فيصل..وطلعوا لعند فجر ودخلوا عليها..



العنود:هلا والله بعروستنا..



فجر وهي خانتقتها العبره:هلا والله بأهلي وعزوتي وناسي..



رغد:مبروك فجوره وعقبال البقيه..



ريم:امييين ..مبروك فجوره بعد قلبي والله تكسرين الخاطر..



عبير:ليش شايفتها تشحذ..اقول وخري "وضمت فجر"مبروك يا فجر منه المال ومنك العيال.



فجر وهي خايفه: أي عيال واي خرابيط احس اني بكنسل الملكه الحين..



العنود: لا يا فجير لا تتهورين بعدين اخاف تعنسين..



فجر:بنات خايفه احس اني بموت..



رغد: هدي يا قلبي والخوف شي طبيعي بس سيطري عليه واذكري الله وما راح يصير الا الخير..



ريم:خلاص يافجر اليوم تاكدت ان خلاص راح تتركينا والله ماني مصدقه..



عبير:ريم لا تضيقين صدرها..بعدين هي بتهاجر تراها في بيت خالتك وبتحصلينها في بيت عمتك يعني ما راحت..



العنود:ولو بتصير حرمه وتجلس مع العجايز واحنا ما نخلي متزوجات معانا يخربونا بعدين.



دخلت نوف:الحين اكيد مجتمعين على اختي ومحجرين لها عشان تضيقون صدرها..



رغد: افااا وش قالوا لك يهود ما نحس..



ريم: صح احنا عرابجه بس مو لدرجة عديمين الاحساس..



عبير: كل واحد يتكلم عن نفسه انا من اليوم وطاالع ما راح اروح الا مع نوف وشجون..



رغد:صح ذكرتيني اتصل على الهنوف مابعد جات..واتصلت عليها..



رغد: الووو..



الهنوف: هلا والله..



رغد:وينك؟؟



الهنوف: انا قريبه تعالي عند الباب استقبليني انا والوالده..



رغد:لا تتدلعين وتتشرطين..



الهنوف: مو من حقي ولا...



رغد: الا من حقك واذا الهنوف ما تدلعت من يتدلع..



العنود قاطه:انااااا..



رغد: ووووع مالت عليك....اقول الهنوف الحين انا نازله يله باي..



الهنوف:باي..



ونزلت رغد عند الباب..



ودخلت الهنوف وامها سلمت رغد على ام تركي:هلا والله خالتي..



ام تركي: هلا بنيتي وش اخبارك عساك بخير..



رغد: بخير تفضلي خالتي الحريم قدامك..



الهنوف: اهلين..



رغد: هلا والله وغلا..



الهنوف: وحشتيني يا رغودة قلبي..



رغد: اليوم شافتني في المدرسه..بس تسلمين..



الهنوف: عاد جامليني شوي..



رغد: هههه طيب تفضلي..



الهنوف : زاد فضلك..



رغد: اخوك دخل عند الرجال..



الهنوف: اكيد..



وتوهم بيدخلون الا رن موبايل رغد..



رغد: الووو..



ام مشاري: رغد..



رغد: هلا..



ام مشاري: قولي للسايق يجيب الاغراض اللي وصيته عليه..سمعتيني قلبي..



رغد: ابشري يمه مع السلامه..



رغد: هنوفه قلبي تفضلي وانا الحين بجيك بعد شوي اوكي..



الهنوف: اوكي..
راحت رغد جابت لها طرحه عشات تكلم السايق عند بوابة الرجال..



رغد: راجو.....راجو..
انفتح باب الرجال..
رغد وهي تعدل الطرحه زين :راجوا اسمع.............

 

 

[اليازيه]

تركي: اصير لك راجو اذا بغيتي..

رغد منصدمه: تركي..
تركي دخل شوي: ا نشا الله كنتي بتكلمبن السايق كذا"وقعد يطالعها من فوق لتحت وفستانها القصير..
رغد استحت وماتت حيا بس تكابر: اولا مو عيب عليك تطالع ناس مو محارمك ثاني شي كيفي انا حره..
تركي عصب شوي: لا مو كيفك وش تبين منه..
رغد: يا ربيه وانت وش عليك..
تركي: حرمتي كيفي<<زلة لسان..
رغد صار وجهها احمر وموف من الحيا وراحت عنه..
تركي وهو يطالعها..وهي تمشي"يا حلوها..ولابسه قصير بعد شكلها تبيني احفر قبري في بيتهم.اااخ الاسود والابيض اعشقه يا ناس من بعد ماشفته عليها..بس صدق اني ما استحي شكلي صدقت انها حرمتي..ماعليه قريب انشالله وتصير حرم تركي.."
قطع عليه وليد...
وليد وهو ماله خلق:تركي تفضل..ليش واقف..
تركي"اووووف وش يبي هذا":زاد فضلك..
دخلوا مجلس الرجال اللي كان مليان سلم تركي على فيصل وابوه وابو فواز وفواز وطلال وبارك لهم..وجلس يدور سليمان..
تركي: شكله ما جا..
مشاري: تقصد سليمان..
تركي: ايه..
مشاري: توني متصل عليه يقول قريب..
تركي:زيين..
&&&&&&&&&&&&&&&&&&&&
عند الحريم..
دخلت رغد ووجها احمر وموف وازرق ..كل الالوان فيه شافتها الهنوف وراحت لها..
الهنوف: خير وش فيك..؟؟
رغد: هاه ابد سلامتك..
الهنوف: رغد وجهك مو طبيعي وش فيك؟؟
رغد تدور تصريفه: آآآآ اقول وش رايك نروح للبنات..
رغد توهقت ما تدري وش تقول..والهنوف حست ان رغد ما راح تتكلم..
الهنوف: يله..
وطلعوا البنات فوق وباركت للعروس لاختها نوف..
نوف: عقبالكم انشا االله..
الكل:آمين..
شجون: تقولين مشفح..
نوف: شويه عليهم..
ريم: رغد وش فيك ...فيك شي؟؟
رغد: لالا ما فيني شي..
ريم: انتي اليوم موطبيعيه..
رغد في نفسها" المشلكه كلها جات في يوم واحد الاقيها من وليد ولا من تركي ...والله فشله من بقى ما شافني"
ريم تهمس لها: ما دريتي سليمان اليوم بيجي..
رغد تتطنز: صدق!!!...طيب وش اسوي فيه..؟؟
ريم: اقسم انك بايخه..
رغد: وان صادقه عند ربي وش اسوي فيه..
ريم عصبت: اروح عند عنيد ابرك لي..
عبير: اقول بنات خلونا ننزل ونرقص ترى الدي جي تحت شي.
ريم: يله..
فجر: لالا لا تخلوني..
العنود: احسن انطقي لحالك ويجي فيصل ويذبحك ه ه ه هأي<<من جد نذله
فجر بخوف: لا لا صدق اقعدوا عندي..
نوف: فجر ما عليك منها احقريها هالنذله انا بقعد عندك..
فجر: والله هذي الاخت السنعه..
ريم: فاضين نقعد عندك حنا جايين ننبسط ونرقص ونتميلح عند الحريم عسى وحده فيهم تخطبنا لولدها...اقول عبير امشي نترزز..
عبير: وانتي صادقه اخاف اعنس عشان فجير ودلعها اللي مدري من وين طلع..
رغد: نشوف اذا تزوجتي وش بتسوين..
عبير: عادي وش بسوي يعني..بأنبسط وافلها وبرقص بعد..
العنود: ايه هين....بس خلونا ننزل..
ونزلوا تحت وقعدوا يرقصون ويستهبلون ولا تخلوا من الضحك على رقص البنات الثانين..
العنود: شوفي شوفي هذي هههههههه..
ريم: أي واالله شوفيها هههههههه..
عبير: وينها؟؟
ريم: صدق انك حولا ..شوفيها اللي لابسها مدري وش لونه بني ما ادري وش لونه بصراحه..
عبير: هاااااذي هههههههههههههههه "وضحكت بصوت عالي"
رغد لفت عليهم: وجع انشا االله فشلتونا عند الحريم.
الهنوف: لو تموتون ما خطبوكم..
عبير: لالا خلاص بعقل اخاف اعنس..
العنود: والله هالبنات تحف..
ريم: خلينا نقوم ونرقص ونحرهم..
العنود:يله..
وقاموا يرقصون ويمشون ويصقعون خلق الله...والبنات منقهرين منهم لان رقصهم احلى ..وعبير ميته ضحك عليهم وما رقصت معاهم يقال لك عشان يقولون عنها تستحي وعاقل ويخطبونها..
وصلت مها اخت سليمان ومعها اختها نجلاء اللي ماجات يوم الشاليه..
ريم وقفت رقص..
العنود:وش فيك..؟؟
ريم: جات مها....
العنود مستغربه:طيب؟؟
ريم: لا بروح استقبلهم..
وراحت ريم تسلم عليهم..
ريم: هلا والله خالتي..
ام سليمان: هلا والله ببنيتي مشا الله وش ذا الزين..
ريم: الله يسلمك خالتي...تفضلي..
ام سليمان: زاد فضلك..
ريم: هلا واالله بمها كيفك وش اخبارك..
مها: الحمد لله بخير كيفك انتي..
ريم: الحمدلله تفضلي..
مها: تسليمن..اعرفك على اختي نجلاء..
ريم: هلا والله..
نجلاء: اهلين مشا الله احلى من الوصف اللي وصفته لي مها..
ريم استحت: تسليمن والله تفضلوا.
نجلا ومها: زاد فضلك..
ريم قعدت تطالع نجلاء كانت نسخة سليمان تشبه مره وقطع عليها تفكيرها..
العنود: من هذي اللي مع مها..
ريم: هذي هذي اخت مها..
العنود: تصدقين تشبه اخوها..
ريم ونار الغيره في قلبها: وانتي وش عرفك باخوها.
العنود: انا العنود ما يفوتني شي..بس انتي ليش معصبه..
ريم بربكه: انا معصبه من قال..
العنود: تراني شاكه فيك..
ريم تبي تغير الموضوع:اقول وين عبير ما شفتها بروح اشوفها..
العنود: مصيري اعرف سالفتك يا رويم...
الحريم كانوا يطالعون الاربعه طايرين فيهم ويوم انزلوا نوف وشجون كملت..طالعين كأنهم الولو يهبلون كل وحده فيها ميزه معينه....
&&&&&&&&&&&&&&
عند الرجال ..

جا الشيخ وملك عليهم وفيصل طاير من الفرحه يحس انه عايش حلم ما وده يصحى منه..
طلال: احلى احلى يا المعرس اللي خشته شوي بتنشق من كثر ما انت شاقها..
فيصل: ههههه وانت وش عليك غاير..
طلال: وش حقه اغار اخلي ابوي يخطب لي بكره..
فيصل: طيب قم ود الدفتر عند اختك خلها توقع..
طلال: زين لالا تتأمر..
فيصل: معرس يحق لي..
طلال: يارب صبرني على هالنسيب..
فواز: يله قم ود الدفتر ترى اليشخ يبي يروح..
طلال: زين زين..
وراح طلال عند الحريم: احم احم يا ولد..
كل الحريم تغطوا وعبير والعنود ذابوا كان كاشخ مسوي السكسوكه وطالعه سودا معطيته جمال خيالي..والثوب كان مطرز من اطرافه ومن عند الرقبه ومحليه اكثر واكثر..
ام فواز: هلا بغيت شي..
طلال: يمه كل ذولي حريم..
ام فواز: استح عيب تطالع..
طلال: اسمعي يمه ودي الدفتر وخلي فجر توقع وتخلصنا..
ام فواز: زين بنادي وحده من البنات.....عبير...عبير..
عبير انتبهت ان احد يناديها وشافت عمتها وهي واقفه جنب طلال تحس ان رجولها انشلت من الحيا والخوف ورهبة جمال طلال:سمي عمتي..
ام فواز: تعالي خذي الدفتر وديه عند فجر وانا بروح اشوف الحريم..
عبير وبصعوبه قامت من مكانها ووصلت عند طلال..
طلال: احم احم هلا عبير وشلونك..
عبير كانت حاطه الطرحه على اكتوفها ومتلثمه والباقي طالع<<ما ادري ليش متعبه عمرها..
عبير: الحمد لله بخير وشلونك انت عساك بخير..
العنود شافتهم يتكلمون وتصير مثل البركان ليش دايم عبير وانا ليش ما اكون مع طلال..
طلال: الحمد لله آآآ<<يدور سالفه........اسمعي ودي الدفتر عند فجر وخليها توقع هنا سامعه..شوفي زين هنا..
عبير تطالعه كانت عارفه انه التوقيع هنا: طيب خلاص..
طلال عشان بس يطول ويقعد يطالع عيونها: لالا شوفي هنا..
عبير تناظر المكان اللي يأشر عليه: فهمت والله فهمت..
طلال: ترى اذا ما لقيته في المكان الصح يا ويلك..
عبير: طلال..
طلال بعفويه: لبيه.
عبير استحت: هات الدفتر..
وتوها بتاخذ الدفتر لمست ايدها ايديه حست كأن كهربا صقعتها ا وان الدم توه يمشي بعروقها من لمسته..
طلال ما وخر ايديه كان مبسوط وهو يشوف عيون عبير مستحيه وكان مبسوط وما يعرف ليش..
عبير خذت الدفترمنه بسرعه..
العنود شابه ناااار وتحس ودها تقوم تصفقهم كلهم بس ما ودها تخسر اختها عشان واحد ما يدري عنها..
طلال: طيب بعدين اذا وقعت خليها تنزل عشان يسألها الشيخ..
عبير: انشالله..
طلال: لو كل البنات مثلك كان الدنيا بخير..
عبير خلاص ذابت:تسلم..
وراحت عند فجر وطقت الباب ودخلت..
فجر مرتاعه: وش ذا اللي معك..
عبير: هذا الدفتر توقعين عليه..
فجر حست انها خلاص اذا وقعت بتصير عروس وزوجة فيصل..
خذت القلم ووقعت وبصمت وايدها تنتفض وبعدها قاموا البنات يزغرطون: كلللللللللوش..
فجر حست بمشاعر فرحه وحست باحساس العروس..
فجر: اوكي.
ونزلت من الباب اللي ورا عشان الحريم..
وراحت عند المجلس وسألها الشيخ..
الشيخ: هاه يا بنيتي موافقه..
سكتت فجر وفيصل خاف وحس الدم وقف في عروقه.بعدها عاد الشيخ سؤاله..
الشيخ: يا بنيتي فجر انتي موافقه..
فجر: ايه موافقه...
وبعدها رجع الدم يمشي بفيصل بعد ما وقف..
والحريم زغرطوا وام فواز تبكي عشان بنتها كبرت وصارت عروس..
ام فواز: مبروك يمه فجر..
فجر: الله يبارك فيك..
وباركوا لها اخوانها والبنات وطلعت فوق عشان تنزل على الحريم..
نزلت فجر عند الحريم وكانوا البنات حوالينها واختها جنبها وسلمت على الحريم وجلست جنب ام فيصل..
ام فيصل: مبروك يا بنيتي.
فجر بصوت مبحوح: الله يبارك فيك..
وبعدها قاموا البنات يرقصون ويستهبلون ولبسوا فجر الشبكه ا لا الخاتم عشان فيصل يلبسها طبعا هذي طلابات فجر وهي شارطه هالشرط والخاتم وياالله وافقت عليه..
وبعد دقايق دخل طلال وشاف العنود جالسه عند المدخل ومعاها ريم..
طلال: احم احم..
العنود اخذت طرحه كانت عندها وتلثموا هي وريم..
العنود: سم طلال بغيت شي.
طلال: العنود ولا عليك امر تنادين فجر عشان زوجها يبي يجلس معها..
العنود ابتسمت..بس تخيلت شكلها هي وطلال: انشا الله..
وراحت العنود..
وريم فاتحه فمها في طلال كان من قلب طالع شي:كيفك طلال..
طلال: الحمدلله ..انتي رغد ولا ريم..
ريم: لا انا ريم..
طلال: انتي النشبه..
ريم عصبت: نشبه انت يا ثقيل الدم..
طلال: وان صادق كل ما ارفع سماعة التليفون طالعه لي ..انتي ما تملين من كثر ما صرفك..
ريم قفلت معها ماعاد صارت تشوف من العصبيه: طلال اعقل عني لا احط حرتي فيك<<ما شافت سليمان..
طلال : يمه تخرعين شكلك انتي اللي معلمه فجر هالحركات..وانا اقول اختي تقلد مين اثرك انتي كل يوم تدقين عليها وتعطينها كورسات في حركات الصعايده..
ريم قفلت معها: الشرهه مو عليك على اللي معطيك وجه..
الا بجية العنود: خير وش فيك؟؟
ريم" هالنشبه طلالوه..
العنود: هههههه يا حليله..
ريم: قل الله حلاه قولي امين..
العنود: حرام عليك..
ريم طيرت عيونها في العنود: وش قلتي؟؟
العنود: قلت حرام عليك..
قامت ريم تطالع العنود بنظرات شك: اعترفي ..اعترفي بسرعه..
طلال كان بعيد شوي ويسمع بعض الكلام: العنود..
العنود: سم..
طلال: سم الله عدوك ..ناديتي فجر..
العنود: ايه وراحت تتعدل عقب الصياح وبعدين بتجي..
وطول الوقت ريم كانت تطالع العنود واسلوبها متغير ميه وتسعين درجه..
راح طلال..
العنود: آآآآآآآآآآآآآآآآآه...
ريم: العنود اعترفي مو علي هالحركات ..سم ..ويا حليله..وحرام عليك.والنهايه فيها اهاااات اعترفي يله بسرعه كاشفتك.
العنود: وش فيك يا ريم.كلتيني بقشوري ..بقولك كل شي بعدين..
ريم: انا اليوم بنام عندكم..
العنود: يكون احسن..

 

 

[اليازيه]

--------------------------------------------------------------------------------

وشوي جات فجر وراحت مع طلال ودخلها المجلس ودخلت فجر ورجولها تتصاقع في بعض ومنزله عيونها..
فيصل شاف فجر وطير عيونه فيها كانت طالعه ولا اروع لابسه فستان ابيض فيه موجات وردي خفيفه..وكان مخصر على جسمها ووسيع من تحت..كان سيور وفتحة الصدر شوي كبيره.ومسويه تسريحه بسيطه كان مرفوع منه جزء ومسويته تكسير(مثل نانسي عجرم) والميك اب كان هادي وساحر في نفس الوقت..
فيصل: هلا والله وغلا ومرحبا تفضلي..
فجر ميته من الحيا: زاد فضلك ..
وتوها بتجلس مسك فيصل يدها وجلسها..فجر ثبتت في مكانها من الحركه حتى التنفس ما عاد صارت تتنفس ..تبي تاخذ نفس ما قدرت لما ترك فيصل يدها..
فيصل كان يطالعها وكأن وده يحفرها بعيونه ويشبع نظراته منها ..يحس ما وده يرمش عشان ما تفوته لحظه...
فجر منزله عيونها .ولما رفعت عينها عليه لقته يطالعها وبنظرات بتاكلها الا شوي...ونزلتها بسرعه..
فيصل: فجر قلبي ارفعي راسك..
فجر قال قلبي ولا ما قاله داخت وراحت عالم ثاني ورفعت راسها شوي..
فيصل: ايه كذا احلى ............وشلونك وش اخبارك.
فجر: الحمد لله...وانت؟؟
فيصل: انا...انا من يوم شفتك وانا بخير..
فجر ابتسمت ابتسامه صغيره بس تدوخ..
فيصل: آآآآه يا قلبي...والله قلبي يعورني.
فجر طالعته بخوف: وش فيك؟؟
فيصل: ابتسامتك تبي توقف قلبي..
فجر: اجل خلاص ما راح ابتسم..
فيصل قرب منها لما صار خلاص ما بينهم شي وتقريبا وجه في وجهها وهمس في اذنها: ليش تخافين علي..
فجر من قرب منها وهي تحس اطرافها جمدوا والدم وقف في راسها وثبتت في مكانها وقالت بصوت يمكن هي ما تسمعه:اكيد...
فيصل بعد عنها شوي: اه يا قلبي اليوم يوم فرحك فجر تخاف عليك..
دق الباب..
فيصل : من ذا النشبه..
طلال: النشبه انا يا النسيب..
فيصل : وش تبي؟؟
طلال: ما ودك تلبسها الخاتم..
فيصل: ايوه صح"وناظر فجر شافها لابسه الشبكه ومابقى الا الخاتم" ليش ما خليتيني البسك..
فجر استحت ونزلت راسها..
فيصل : ما عليه الجايات اكثر..
فجر خلااااااص ما عاد قلبها يتحمل اكثر ودها تقوم وتركض الا مالا نهايه..
طلال: لا تحرج اختي تراها مو متعوده..
فجر طالعته بنظره بمعنى شغلك بعدين...
طلال: ادري ادري والله يا فجر بتذبحني بسبتك يا النسيب بس خذوا الخواتم ولبسوا بعض ترى عندي اشغال..
خذا فيصل الخاتم ومسك ايد فجر حس فيها تنتفض وبارده طالعها وهو مبتسم..
فجر من يوم مسك ايدها وهي تحس انها انشلت من كل شي من التفكير والحركه والدم كل شي فيها وقف الا قلبها..
ولبسها فيصل الخاتم وبعدها قعدت فجر تطالع يد فيصل نست وش تسوي فيها وفيصل كان يستنها..
طلال:ياهوووووووه خلصينا ترى ورانا شياب ازعجونا..
فجر صحت من اللي كانت فيه واخذت الخاتم وما مسكت يد فيصل ودخلت الخاتم وودها يدها ما تلمس ايده ودخل الخاتم في اصبعه..بس فيصل مسك ايدها وباسها..
فجر قعدت تطالع فيصل وبعدها طلال..
طلال ابتسم وطلع:ترى المصوره بتجي بعد شوي..
فجر ارتاعت:من قال؟؟؟
طلال: نوف قالت..
فجر في نفسها"هين اوريك يا نويف تسوينها فيني"
ودخلت المصوره وصارت تطلب منهم يسون حركات وفجر ما بقى فيها شي من صغرها من الحيا..
طلعت فجر واخير وراحت عند البنات وفيصل طلع عند الرجال وقبل كل هذا جا فواز وسحب فيصل سحب عشان يطلع..
&&&&&&&&&&&&&
البنات


ماسكين فجر تحقيق..وش قلتي وش قال وش سويتي ووش سوا..
فجر ذكرت نوف:نويف تعالي هنا..
نوف عرفت وش تبي منها بس سوت نفسها ما تدري:خير..
فجر:من قال لك تجبين مصوره..
نوف: انا!!! من قاله..
فجر: احلفي بس..طلال قال لي..
نوف: هذي والله فكرة العنود..
لفت فجر على العنود لقتها مبتسمه:عنيد وش هالحركات..
العنود: هذ جزاي اللي قلت عشان الذكرى...الا ما قلتي لي متى بتطلع الصور عشان اتفرج عليها..
فجر: هين تفرجين عيلها..
ريم: فجر لا عاد لاتقولين..كفايه ما قلتي لنا وش صار بعد ما راح تخلينا نشوف..
فجر: ايه احسن تستاهلون..
عبير: صح كلامك يا فجر بس بتوريني انا وياك لحالنا..
فجر: مسكينه حتى انتي..
نوف: والله يكسرون الخاطر ..حرام..
دق موبايل ريم..
ساره: هلا والله..
ريم: اهلين سويره وشلونك..
ساره: سوير في عينك..هاه وش اخبار العروس..
ريم: ساره اسمعي..شوي واتصل عليك..الحين بيشغلون الاغاني وماراح اسمعك..
ساره: اوكي...
وفي نفس الوقت..
سليمان: ابتصل على مها اشوف خلصوا ولا لأ..
تركي: ما ظنيت..
سليمان: بتأكد.........الوووو..
مها: اهلين..
سيمان: اطلعي باكلمك برى شوي..
مها: طيب بس راح اتاخر شوي..
سليمان: اوكي بس مو مره تراني انطرك..
راح سليمان ووقف بعيد شوي عند مدخل الحريم ..وريم طلعت عشات تكلم ساره لان داخل ازعاج...
طلعت وعيونها على موبايلها وتتصل عل ساره....سليمان شاف احد طالع توقع انها مها ..ويوم شاف ريم انهبل اليوم طالعه غير عن كل مره كانت عذااااب.
ريم كانت لابسه فستان حرير اخضر..لف على الرقبه وفتحة الصدر طويله ونص الظهر طالع وفي الخصر حزام ذهبي روعه ..وبعدين قصير لحد الركبه ولا بسه سندل ربط اخضر وفيه كرستالات ذهبي ..ومسويه ميك اب ذهبي خيالي وتسريحه بسيطه رافعه نص شعرها ومسويته تكسير وفي النهايه شريطه ذهبيه واخضر ..ومن قدام على جنب شريطه صغيره ذهبيه..
سليمان فاتح فمه ومطير عيونه وريم تتجه له وهي ما درت عن هوى داره..
ريم: اهلين سوير..
ساره: اهلين رويم كيفك..
ريم: والله وش اقول لك ماني مبسوطه..
ساره: افااا ليش؟؟؟
ريم: عشاني اليوم ما شفت س
سليمان بصوت هادي: افاا ليش رورو زعلانه من زعلها..
ريم تلفت يمين ويسار تبي تتأكد انه حقيقه: هاه..
سليمان: اقول ليش رورو زعلانه من زعلها..
ريم"يعني ما تدري":ما شفت...ماشفت ساميه..
سليمان استغرب: ساميه!!!
ريم : ايه ساميه صديقتي من ايام الابتدائي..
سليمان: اهااا..
ريم نست انها ما تغطت او بالاصح ما تسترت..
سليمان يطالعها ويحاول يشيل عينه عنها بس ما قدر ..
ريم حست ان نظراته غريبه وبعدها انتبهت لعمره: خلاص اوكي انا بروح..
سليمان: طيب ابي اقولك شي..
ريم: آمر..
سليمان بصوته العذب: اليوم طالعه ملكة جمال اقري على نفسك..
ريم حست انها بتتطير من الفرحه وابتسمت له: تسلم عيونك الحلوه..
ودخلت ريم وطلعت مها..
سليمان شاق الخشه ومفهي وما يدري وينه فيه..
مها: نعم سليمان بغيت شي..
سليمان: نعم انتي وش تبين..؟؟
مها: سليمان وش فيك انت متصل علي وش تبي؟؟
سليمان: انا متصل ما اذكر<<شكله فقد الذاكره..
مهاعصبت: اذا قصدك تستهبل ترى مو رايقه لك..
سليمان تذكر: ايه صح كنت بسألك خلصتوا؟؟
مها: عشان كذا مطلعني صدق انك سخيف..لا ما خلصنا..
سليمان: طيب اذا خلصتوا اتصلوا علي اوكي..
مها: زين..
ودخلت عند الحريم.....ريم من دخلت وهي في عالم ثاني ..
العنود: رويم وش فيك فاتحه فمك..على الاقل سكريه..
ريم: ما اقدر..
العنود: ليش؟
ريم: كذا ما اقدر..
العنود: تبيني اساعدك...
ريم: تصدقين اني اليوم مبسوطه بشكل مو طبيعي..
العنود: حتى انا بشكل خيالي واكيد اللي باسطك اللي شاكه فيه..
ريم قررت تعترف للعنود اذا اعترفت لها: طيب انا راح اقولك اذا قلتي لي وش عندك..
العنود: اوكي اذا رحنا بيتنا انشا الله راح يكون يوم الاعترافات..
وبعد كذا دخلوا الحريم للعشا وكان بوفيه كامل ..فيه كل اللي يحبه قلبك..
وبعد العشا راحوا الحريم وما بقى الا الاهل..
ام مشاري: ما اقول الا الله يسعدهم ويوفقهم..
ام فيصل: امين..
ام فواز: امين اهم شي التوفيق..
&&&&&&&&&&&&&&&&&&&&&&&&
عند البنات

شجون:واخيرا يا فجر صرتي مرت اخوي..
فجر مستحيه: هههههه..
نوف: فجر تصدقين لحد الان ما صدقت وما استوعبت انك تزوجتي..
فجر: طيب عادي مو لازم تصدقين..
العنود: الله يعينك يا فجر سمعت ان فيصل شري وعصبي وايده طويله ويطق على اتفه الاسباب..
فجرخافت: لالا ما اتوقع انه كذا.. لا تخوفيني..
شجون: ما عليك منها اصلا هي غايره منك وفيصل اخوي اطيب واحن قلب في الدنيا..
فجر: ادري زوجي واعرفه زين..
ريم: بدينا بدت حركات اني ادافع عن زوجي..
رغد: خلونا شوي من فجر بكره تجهزوا عشان دبي..
الهنوف: واااااي وناااسه..
العنود: انا شنطتي مجهزتها من امس..
ريم: الله..من امس وش دعوه..
العنود: يقال لكم متحمسه..
ريم: وعبير؟؟
العنود: يعني ما تعرفينها امي اللي ترتب شنطتها ..هي ما تشتهي تسوي شي..
عبير: العنود والله فيني النوم خلينا نرجع..
ريم: صح ذكرتيني بروح اقول لامي اني بنام عندكم..
رغد: بتنامين؟؟
ريم: ايوه..
رغد: انا معك...
ريم: ياربيه وانا وين ما اروح انتي وراي وراي ..ياربي وش هالعيشه..
رغد: اعصابك بعدين وش دخلك فيني انا حره انام في أي بيت يعجبني..
ريم: كيفك انا راح انزل اقول لامي ..العنود تعالي معي..
العنود: يله..
نزلوا عند ام مشاري..
ريم: ماما..ماما..
ام مشاري: هلا ..
ريم: ماما ..ممكن تخليني انام عند عمي اليوم..
ام مشاري: وش حقه تنامين عندهم..بعدين ارجعي البيت وجهزي شنطتك واغراضك..
ريم: اذا على الشنطه بكره برجع بيتنا من الظهر واجهزها..بس الله يخليك خليني انام عندهم..
ام مشاري: روحي خلاص عورتي راسي..
ريم: هيّّّّّّّّّّّّّّّّّّّّّّّا عاشت امي..
العنود: مشكوره خالتي يجي منك اكثر..
ام مشاري: ليش ذابحه ابوك انا..
العنود: مو هم يقولونها..
ام مشاري: روحي الله يهديك ترى راسي بينفجر منكم..
ريم: والله انك تحفه يا بنت عمي هذي يقولونها اذا سبك احد..
العنود: اهاااا وانا على بالي يجي منك اكثر يعني شي زين..
ريم: امشي امشي ادري ان مخك قوطي..
العنود تضربها: انا مخي قوطي...
ريم: لالا خلاص مخك درج ولا يهمك..
العنود: ريم ترى وصلت معي ترى بأرفسك لين توصلين بيتنا وفي السرير بالتحديد..

 

 

[اليازيه]

ا

لهنوف: انا راح امشي..
رغد: صدق ليش تو الناس..
الهنوف: أي تو الناس طالعي الساعه حوالي ثنتين وزياده..
رغد: طيب بجي واوصلك..
ونزلت مع الهنوف..عند مدخل الحريم شافت رغد تركي وهو طالع بس ما شافها..
الهنوف: رغد...رغد...
رغد: هاه..هلا بغيتي شي..
الهنوف: اتذكر انك جايه تودعيني مو جايه تطالعين اخوي..
رغد: هههههه سوري .يلا روحي بيتكم مع السلامه..
الهنوف: هين اوريك ..المشكله ما اقدر على زعلك مع السلامه..
رغد: هنوفه امزح مع السلامه يا قلبي..
وراحت....
وبعدها نفس الحركه ودعت ريم مها وشافت سليمان طالع بس عي شافته ضاعت علومها لان اللي كانت بتوصلهم راحوا وخلصوا حتى الوداع ما ودعتهم وواقفه عند الباب لحد الان..
عبير جات من وراها تبير تخرعها: بووووووووه..
ريم: بسم الله الرحمن الرحيم خير وش هالحركات..
عبير: من تطالعين عند الباب..
ريم بربكه: انا ...مين اطالع...انا كنت....انا كنت اشم شوية هوا..
عبير: والهوا بس برى.
ريم: اقول وخري عن طريقي بروح اشوف البنات ازين لي..
عبير: ههههه اقص ايدي اذا ما كانت تطالع احد...
وبعد حوالي نص ساعه راح كل واحد على بيته وريم ورغد رجعوا مع بنات عمهم..
&&&&&&&&&&&&&&&&&&&&&&&&&
في بيت ابو ماجد..


وليد:العنود بنات عمي عندنا..
العنود: ايوه بنامون عندنا..
وليد والابتسامه شاقه الوجه: اوكيه خلاص مشكوره يا قلبي..
العنود:على ايش تشكرني؟؟!!!!!
وليد: عشانك اختي..
العنود: لا الولد انهبل وقام يقط خيط وخيط..روح نام شكلك يومين مو نايم..
وليد في نفسه"وين انام وانا ماشفت رغوده"
&&&&&&&&&&&&&&&&&&&&&&
في غرفة البنات...

بدلوا البنات ملابسهم ولبسوا بجايم من بجامات عبير لان العنود شوي مليانه..
رغد طلعت عليها البيجامه كبيره شوي لدرجه ان البيجامه تطيح من عند الكتف بس شكلها وهي فيها يهبل طالعه وكانه وحده صغيره.
ريم نفس الشي كبيره عليها بس احسن من رغد..
عبير: بنات من جد اسكتوا شوي خلوني انام..
ريم: قومي اجلسي معانا..
عبير: اقولك بنام ما تفهمين..اليوم مداومين وتعبانين..حشى ما تعبتوا..
رغد: بسم الله علينا من عينك قولي مشا الله..
عبير: مشا الله بس اسكتي انتي واختك..
دخلت العنود..
ريم: عنيد وين راح ننام فيه..
العنود: وش رايكم تنامون في الغرفه اللي جنبنا فاضيه وفيها سريرين..
رغد: اوكيه حلو..
ريم: نسهر هني واذا جانا النوم رحنا ننام..
العنود: اويه ريم تعالي جنبي..
ريم راحت عند العنود على سريرها وانسدحوا جنب بعض وقعدوا يسولفون..
رغد حطت يدها على خصرها: مشا الله وانا اجلس مع مين؟؟
ريم: روحي نامي ازين لك..
العنود: ويكون احسن..
رغد: والله من النذاله..ليتني ما جيت بس..
العنود تهمس لريم: اقول تراني رحمتها خليها تجلس معانا..
ريم: لالا خليها تنام ازين لها ولنا..
رغد: انا رايحه يا الخانيات<<من جد تكسر الخاطر..
رغد طلعت من الغرفه ومشت لقت غرفه مفتوحه..دخلتها وطفت الانوار وسكرت الباب وتغطت بالبطانيه..
شوي الا الباب انفتح ..رغد توقعته ريم..رغد ما حاولت تشوف مين الشخص..شغل الانوار قام وحط كريم على يديه ولبس البيجامه وهو يلبس السروال بدون القميص..وما انتبه ان في سريره احد..طفا الانوار وشغل الابجوره وفتح الحاف ورقد وغطا وجهه





@@@@@@@@@@@@@@@@@@@@@@@@@@@@@@@@@

" نهاية البارت

 

 

[اليازيه]

الجزء الثالث والعشرون


رغد كانت لافه وجهها من جهة اليمين والشخص لم جهة اليسار..رغد ما قدرت تتحمل كان ودها تقوم وتهزء ريم ..صبرت شوي..وصبرت بعد لما خنقتها العبره ولفت على جهة الشخص..
رغد وهي تدف الشخص: ريم.....رويم....
الشخص سمع الصوت..ما استوعب ويقول في نفسه"لالا شكلي اتخيل"
رغد: ريم ادري انك صاحيه لفي علي خلينا نتفاهم..
الشخص في نفسه" هذي حقيقه ولا يتهئ لي..اخاف جنيه بس.."
رغد قربت من الشخص اكثر:ريم ردي علي قسم بالله سخيف..
الشخص" لالا اكيد انها هي..بس وش اسوي الف عليها ولا لأ"
الشخص: احم احم..
رغد انصدمت من الصوت: ريم لا تستهبلين علي ترى ماني ناقصتك..
لف الشخص عليها ورفع نفسه شوي وتسند على السرير ورجع شعره على ورىوكان نص البطانيه نازله ..وطالع صدره وشعر الاسود ابتسم لها: عيونه...
رغد تطالع منصدمه وخصوصا انها لازقه فيه.صارت تفتح وتغمض وتتمنى انه حلم او خيال او طيف او أي شي بس ما يكون حقيقه:آآآ .....وليد..
وليد بهدوء: هلا..
رغد بعدت شوي: وش جابك هنا؟؟؟
وليد: ههههه وش جابني هنا..هذي غرفتي..
رغد بسرعه قامت عن سريره وكان شعرها منثور على اكتافها وكتف البيجامه طايح ووجهها احمر من الحيا:آآآ
وليد خاف عليها وقعد يطالعها وخصوصا ما كان في نور غير نور الاباجوره<<جو رومانسي...
وليد: حصل خير ...تصدقين يارغد انا احب غرفتي..هي اللي جمعتني فيك اول مره وهذي المره الثانيه..خلاص ما راح اغيرها طول عمري..الا لما تجين وتسكنينها انشا الله ..
رغد مطيره عيونها: ايش؟؟وش قلت؟؟
وليد: مثل ما سمعتي يا بعد عمري والله..
رغد ركضت بسرعه لما وصلت عند الباب..لفت عليه وطلعت..
&&&&&&&&&&&&&&&&&&&&
عند ريم والعنود...

اول ما طلعت رغد من عندهم..
ريم: ايوه قولي لي وش سالفة طلال..
العنود: احم..مافيه سالفه..
ريم: عنيد بلا بياخه بسرعه..
العنود: بصراحه يا ريم انا متردد ه اني اقولها..
ريم: سرك في بير بس قولي حرقتي اعصابي..
العنود: ريم انا..........انا....انا احب طلال..
ريم مصدومه ما توقعت ابدا ان العنود ممكن تحب احد: أيش؟؟
العنود: ريم مثل ما سمعتي..
ريم: بصراحه ما توقعتك تحبين ابدا..
العنود تغني: سواها قلبي يا حبيبي وحبك ما طاعني وانا عن الحب ناهيه..
الظاهر انه ما يبي غير قربك عاف الجميع واول الناس راعيه..
عليه ما وصيك لا صار جنبك صبح عليه بحب وبحب مسيه..
نبضه وفا وتضحيه كانه يعجبك صافي ولكن ما لقى من يصفيه..
خلا دروب الكل واختار دربك داريه تكفا قد ما فيك داريه..
وابشر بقلبن ما يبي غير قربك يموت وغير محبتك ما سكن فيه..<<قايله لكم من زمان الاخت طقاقه..
ريم تغني معها: ههههه يا حبي لك يا عنيد طيب انتي متاكده انه حب مو شي ثاني مثلا اعجاب..
العنود: والله ما ادري عن الحب والخرابيط بس احس اني لما اشوف طلال احس اني في عالم ثاني ما فيه الا انا وهو وبس..
ريم: احلى يا لرومنسيه ..طيب عبير تدري..
العنود: لالا ما تدري واصحي تقولين لها لما اتاكد من شي.
ريم: وشو الشي؟؟
العنود: وش اللقافه لازم كل شي تعرفينه..بعدين تعالي تسحبين الحكي مني وما قلتي لي وش سالفتك..
ريم: انا سالفتي سالفه مع سليمان..
العنود: تحبين سليمان!!
ريم: اموووووت فيه...بس لو تدرين كيف التقينا ما تصدقين تقولين هذا شي خيالي مو حقيقه..
العنود: قولي تكلمي شوقتيني..
ريم: تتذكري قد مره انحشنا من زمان من المدرسه انا ورغد يوم كنا صغار..
العنود: ههههه ايه يا حليلكم والله خطيرين..
ريم: ايوه قررنا ان نعيدها مره ثانيه قبل مدري كم شهر..
العنود: ايوه وبعدين..
ريم: المهم جهزنا العده للنحشه من المدرسه..انحشت انا من مدرستي عشان اطلع رغد من مدرستها"وكملت ريم السالفه للعنود"
العنود: قولي والله!!!
ريم:والله....
العنود: ايوه وكل هذا صار ولا قلتي لي يا الخاينه..
ريم: في البدايه من الخوف ما قلت لاحد بس بعدين نسيت السالفه..
&&&&&&&&&&&&&&&&
نرجع عند رغد..
رغد اول ما طلعت وسكرت الباب ووقفت عنده وحطت ايدها على صدرها عسى انها تهدي نبضات قلبها: اوووووووووه..
طلع ماجد من غرفته وشاف رغد وباين عليها علامات الخوف ووقف في مكانه..
رغد بعد ما حست انها هدت راحت لغرفة العنود وودها تقوم وتذبحهم لانهم هم السبب في اللي صار لها.
ماجد: وش وقف رغد عند غرفة وليد..خليني اروح اشوف..
بعد ما شاف رغد راحت..راح هو لغرفة وليد وفتح الباب.
وليد لف تامل انها رغد رجعت<<في احلامه..
دخل ما جد وشغل الانوار وسكر الباب..
وليد يوم شافه ماجد: خير وش جابك..فيني النوم..
ماجد: وش جاب رغد في غرفتك..
وليد ارتبك: من قاله؟؟؟؟
&&&&&&&&&&&&&&&&&&&&
نرجع لعند رغد..
مشت ورجلها تخبطها في الارض من العصبيه لحد غرفة العنود وفتحت الباب بقوه..
ريم والعنود نقزوا من اماكنهممن الخوف..
رغد: الحين انتي وياها داقينها سوالف ومخليني....وبعدين تعالي يا عنيد ما قلتي لي أي غرفه بنام فيها هاه..
العنود : اهدي اهدي وش فيك تصارخين..
رغد: عشانكم ما شالله فالينها وانا زارعيني هناك المهم وين الغرفه..
العنود: ليه تو وين كنتي..
رغد ارتبكت وصرت تصارخ عشان ما يبان عليها: ما عليك مني في جهنم انشا الله وش عليك..المهم وين الغرفه..
العنود تنرفزت من اسلوب رغد: رغد تكلمي زين لا اقوم وادوس في بطنك سامعه..
رغد خنقتها العبره: ريم " وبكت"
ريم قامت وحضنت اختها..
ريم: رغد وش فيك؟
رغد ما تكلمت بس تبكي..
العنود رحمتها وقربت من عندها : رغد وش فيك تبكين..
رغد طالعت العنود وتذكرت وليد والموقف اللي صار لها ورجعت تبكي اكثر..
ريم خافت: رغد واللي يسلمك قولي وش فيك؟؟
العنود: رغد عشانا تركناك لحالك..
رغد لقت لها عذر: ايوه..
ريم: يا بعد عمري والله..انا السبب قالت لي العنود خليها ونا قلت لا.
رغد حقدت على ريم: اصلا كله منك يا الدوووبه..
العنود تسوي نفسها تكلم بزر:يا قلبوو انتي ..هدي يا بعد عمري والله..واقعدي هنا لماااااااا بكره..
رغد ابتسمت من اسلوب العنود: العنود اعقلي عني..
ريم: ايوه نبغاك كذا يلا عاد اضحكي..
العنود: والله من الدلع تبكين..عشانك ما قعدتي معنا اجل لو اني مصفقتك وش بتسوين..
رغد: اذبحك..
العنود: ايه هين...المهم اسكتي ترى عورتي راسي..
ريم: شوي شوي على اختي..
رغد: لو اني رايحه لبيتنا احفظ لكرامتي..
العنود: لالا عاد وش دعوه كرامتك محفوظه وعلى راسي من فوق..
&&&&&&&&&&&&&&&&&&&&&&
نرجع اعند وليد..
وليد: من قاله..
ماجد: محد قال لي انا شايفها واقفه عند الباب وباين عليها خايفه..وليد تكلم وش صاير..
وليد: ما صار شي يا ابن الحلال..
ماجد: وش عندها في غرفتك...قلي انا اخوك..
وليد: السالفه وما فيها انها دخلت غرفتي بالغلط وبعدين دخلت انا ولقيتها فيه وهي خافت وطلعت بس هذي السالفه كلها..ارتحت..
ماجد: اكيد بس كذا..
وليد بقلة صبر: ايه..
ماجد: اجل يله انا طالع..
وليد: سكر الانوار والباب..
طلع ماجد..
وليد: آآآآه...انا ورغد كنا سوى وفي سرير واحد ما اصدق ..كانت جنبي ولازقه فيني...آآآآه يا رغد ذبحتيني والله ذبحتيني..شعرها..شعرها كان منثور على اكتافها والدلع والنعومه والحيا..يا ربي ياربي هالبنت بتجلطني.يانااااااااااس اموت فيها اعشقها..احبها..اهواها..كل شي كل شي..اخ يا رغد متى يجي اليوم اللي بيجمعنا مع بعض..انتي وانا وبس..
وابتسم ونام على نفس المكان اللي كانت رغد فيه وحلم احلام يتامل انها تحقق...<<تتوقعون بتحقق..
&&&&&&&&&&&&&&&&&&&&[

FONT="Comic Sans MS"][/FONT]

 

 

[اليازيه]

عند البنات..
كملوا البنات سوالف..وقامت عليهم عبير وطردتهم برى الغرفه وسكرت الباب..وبعدها راحوا ريم ورغد لغرفتهم اللي جهزتها العنود..ورغد يا عمري عليها اول ما دخلت تاكدت ان الغرفه فاضيه وانها ماهي غرفة احد<<ما تنلام..
وكل وحده راحت لسريرها..ريم نامت على طول لانها من الصباح قايمه للمدرسه بعدين الملكه يعني بالعربي هلكت..
حتى رغد كان فيها النوم بس ما قدرت تنام كانت تفكر بوليد:" وليد يحبني وانا متاكده من هالشي وباين في عيونه انه صادق..بس يا وليد انا ما احبك ولا اتوقع اني في يوم بحبك..وانا ما اشوفك غير اخ لا اكثر..ياربي محتاره ايش اسوي معاه.. اخاف اقوله اني مستحيل احبك واجرحه واذا سكت اخاف يتعلق فيني اكثر...وبصراحه اصعب حب في الحياة الحب من طرف واحد..والله انا حاسه فيك يا وليد.بعد انا مشكلتي اني ارحمه وجه من الله ينرحم..احس اني ما اقدر اقسى عليه او ابعده عني قلبي ما يطاوعني.آآآآه يا وليد حيرتني معاك" ونامت وهي ما بعد اتخذت أي قرار في مصير وليد..
&&&&&&&&&&&&&&&&&&&&
يوم الخميس..

البنات ما صحوا الا على العصر..
تغدوا وبعدها قعدوا عند التلفزيون بالصاله ينتظرون سواق رغد وريم عشان يرحون لبيتهم ويجهزون اغراضهم لان الرحله لدبي راح تكون الفجر..
العنود: ريم حطي هالاغنيه احبها تكفين..
ريم: يالله يا العنود ذوقك بايخ وما ودي احطها..
العنود: اقول الشرهه مو عليك الشرهه على اللي عطاك الريموت..اقول عطيني اياه..
ريم: ما راح اعطيك اياه..بصراحه ذوقك بايخ وما تحطين الا طق وجلسات خليجيه يا ام الزار..
العنود:الله واكبر من زين الذوق عاد انتي وش تحطين ..هالفديو كليبات اللي تجيب المرض..ريم اقول جيبي الريموت بالطيب لا اخذه بالقوه..
ريم: ما راح اعطيك اياه.وش بتسوين..
رغد: تكفون عورني راسي اسكتوا شوي..
عبير: والله مليت..انتوا ما مليتوا كل شوي متهاوشين على شي..
رغد: والمشكله على اشيا تافهه..ريم عطيها الريموت وفكينا..
ريم: لو تموت ما راح اعطيها.
العنود: وانتو ما جا سواقكم عشان تنقلعون<<معصبه ماحد يشره عليها..
رغد: لالا عاد يا العنود وهذا واحنا ضيوفك تطردينا..
العنود: انتي على عيني وعلى راسي..بس اختك شغلي معها..
وقامت العنود وقعدت على رجلين ريم وتحاول تاخد الريموت منها وريم معانده<<راسها يابس..
ريم: عنيد قومي عني يا الدبى كسرتي رجولي..
العنود: عطيني اياه واقوم.يله بسرعه..
شوي الا سمعوا صوت رجال نازل توقعوه ماجد..الا الصدمه وليد كان يطالعهم وعيونه تطلع منها شرار وهذا هو الوحيد اللي ممكن يفكهم بصرخه وحده او نظره منه تكفي..
وليد بعصبيه وبحزم: وانتوا وبعدين معاكم ما تملون..العنود قومي عن ريم..
طبعا بدون نقاش قامت العنود..
وليد يكمل: وانتي يا ريم عطي الريموت"وبصوت كله نعومه" رغد...
الكل انتبه ورغد نزلت راسها.
العنود صارتتطالع وليد ورغد اللي منزلها راسها..
العنود: وش معنى رغد بدون صراخ واحنا بطيرنا من مكانا من لسانك..
وليد يصرف: انتي صيري مثل رغد وبعدين يصير خير.
ونزل الدرج وراح وجلس على كنبه مقابله لرغد.
رغد ميته حيا ما تحب احد يطالعها وعدلت حجابها..وغير هذا كله متوتره لان اللي جنبها موناس عاديين اللي جنبها ريم والعنود وعبير..اكيد ما راح يخلونها من غير تعيلقات او احراجات..
وليد يدور سالفه يسولفها مع رغد: رغد راح ترحون بيتكم الحين..
وقبل ما تجاوب رغد جاوبت ريم عناد: ايه بنروح الحين..
وليد: انتي من كلمك...
ريم: والله انا حره..وبعدين انت سألت وانا جاوبت وخلاص..
وليد في نفسه" هين يا رويم اوريك"
العنود: وليد اخوي حبيت ا ذكرك بشي كانك نسيته.
وليد استغرب: ايش هو..؟
العنود: التلفزيون من هنا"وتاشر عليه" مو من هنا"وتاشر على رغد"
وليد لقاها فرصه وخربها: وفي احد يحصله يطالع القمر ويتركه..
العنود بصدمه: وليدوه..ترى كلامك انشالله راح يوصل لوزارة الداخليه"تقصد امها"
عبير مصدومه ما تقل عن صدمة العنود من جرأة اخوها: وليد انهبلت انت وش فيك.صاير لمخك او عقلك شي..خير انشاالله وينى فيه..
وليد ببرأه:ليش!! انا وش مسوي..
العنود: وكل هالكلام اللي قلته ولا سويت شي.
وليد وبكل براه: عادي..هذا الصدق تبيني اكذب..
عبير: لالا ..لاتكذب الكذب حرام ..بس انشالله راح تتعلم الصدق على اصوله لما يدري وزير الماليه"تقصد ابوها"
وليد خاف: وزير الماليه...اجل اقوم احسن لي قبل لا تدري وزراة الدفاع والطيران..
العنود: يكون احسن وكل ما اسرعت اكثر..كل ماكان احسن وما ينتشر الخبر اكثر..
ريم كانت ساكته لانها حاقده على وليد لانه مو اول مره يصرخ عليها.
اما رغد يا عمري على حالها ما تدري وش تسوي تقوم ولا تجلس وخصوصا كل ما شافت وليد تذكرت موقف امس الي ما قد صار لها مثله ولا تتوقع راح يصير لها موقف محرج مثله..
طلع وليد وبعده بخمس دقايق وصل سواقهم وراحوا معاه لبيتهم..
بعد ما طلعوا ريم ورغد..
عبير: اقول عنيد تتوقعين وليدوه يحب رغد..
العنود: يالله انتي مغبره..من زمان ميت فيها ..
عبير/ وانتي تعرفين؟؟
العنود: منذ مبطي ..بس انتي الله يخلف عليك ما تدرين وين ربي حاطك فيه..
عبير: بس وليدوه طالع جرئ بزياده..
العنود: عاد الصراحه ما ينلام رغد تهبل تاخذ العقل..
عبير: في هذي صادقه بس عاد يمون بزياده..
العنود: لا تخافين بوقفه عند حده.
عبير: اقول روحي زين تو بغى يطيرك بس بصوته..مره ثانيه لا تستقوين على الفاضي..
العنود: لا من شوي كنت انا الغلطانه..اما الحين هو الغلطان وامسكها عليه لحد ما يقول التوبه عمتي العنود..
عبير: يا جعلك ما تمسكين علي شي..
العنود: اصلا انا ادور الزله عليك..
عبير: بالحلم يا بابا بالحلم..
&&&&&&&&&&&&&&&&
في بيت ابو مشاري..

كان الوقت بين المغرب والعشا ..تذكرت اغنية بين العصر والمغرب مرت لمك خياله<<مغبره صح..
ام مشاري: هاه..انشا الله جهزتوا اغراضكم كلها..حق عشر ايام..
ريم بثقه: لالا انا جهزت حق 15 يوم لاننا راح نقعد هناك 15 يوم..
ام مشاري: من قاله؟؟
ريم وبكل ثقه: انا اقوله..
ام مشاري: مالت عليك..
ريم: يمه صدق راح نقعد هناك 15 يوم انا راح اكلم ابوي..
ام مشاري: وش حقه 15..عشره تكفي..
ريم: يمه هذي دبي دبي ..تعرفين يعني شنو دبي..
ام مشاري: واذا..؟
ريم: يعني كل يوم مجمع..كل يوم طلعه..كل يوم مكان ما راح نمل ابد..
ام مشاري: ابسأل ابوك اول..
ريم: عاد انتي يا عمري يا ماما مو تسألين بس حاولي فيه يعني يبيله شوي ويوافق.
ام مشاري: انا بسال وبس...
ريم: يمه ليش النذاله..
ام مشاري: ريم وجع انا امك يا اللي ما تستحين..
ريم: يمه يمه اسفه والله اسفه قلتها على بالي انك رغد..بس يمه تكفين يا قلبي انتي حاولي في ابوي زين..انا طالعه اشتري اغراض..
ام مشاري: مو تقولين بتشترين من دبي..
ريم: يمه عادي هنا وهناك زيادة الخير خيرين..
ام مشاري: يا ربي هالبنت.ماراح يجيب لنا الفلس الا هي..
ريم: يمه خليك فري.انا طالعه..
راحت عشان تاخذ عبايتها ومرت من عند رغد..
رغد: على وين انشا الله..
ريم: بروح السوق..
رغد: وان شا الله كنتي بتروحين لحالك وما كان عندك نيه تقولين لي.
ريم بعربجيه: طيب وهذا انتي عرفتي ما صار شي..يله بتجين ولا اروح..
رغد: يا ربي هالبنت بتذبحني.اعصابك شوي وتقلبين ولد من كثر ما نتي عربجيه..خلي شوي عندك انوثوه..دلع..غنج..اي شي..
ريم: وبعدين يعني راح نطول ولا شلون..
رغد: هدي هدي يا ام الشباب نمبر (2) ثواني اجيب عبايتي واجي معاك..
&&&&&&&&&&&&&&&&&&
عند سليمان وتركي..
كانوا جالسين في كوفي ويسولفون..
سليمان: تصدق يا تركي ماني مصدق اني راح اسافر مع ريم..
تركي/ تبيني اعطيك كف على وجهك عشان تصدق..تراك ذبحتنا كل شوي ماني مصدق ماني مصدق خلاص عورت راسي..
سليمان: عشانك ما تدري قد ايش انا مشتاق لها ولا كان عذرتني..
تركي يقلد سليمان: تصدق يا تركي اقصد يا سليمان ماني مصدق اني راح اروح مع رغد..
سليمان: حضرتك تتطنز..
تركي: لا اتغشمر هههههههاي حلوه صح..
سليمان: ما ابيخ منك الا تنطيلك البايخ..اقوم واروح بيتنا وارتاح احسن من مقابل وجهك اللي يجيب الهم والنكد والحزن..
تركي: اعصابك كل هذا عشاني ما صدقتك..يا اخي صدقتك خلاص بس اقعد..
سليمان: لالا بروح..
تركي: تكفى اجلس.
سليمان يتغلى: لالا..لا تترجاني ما راح اجلس..
تركي: اقول انقلع لبيتكم كأن احد ماسكه..
سليمان: هذا وانا اشوف غلاي عندك..واكتشفت اني ولا شي عندك..
تركي: توك تدري..عشانك خبل..
سليمان تنرفز من جد: الشرهه مو عليك الشرهه على اللي اتصل عليك وعزمك وانت مو كفو لا حشيمه ولا كرامه..
تركي وهو كاتم ضحكته: يا ابن الحلال وش فيك عصبت حتي عيونك صار يطلع منها نار......اخ حرقتني هههههه..
سليمان ساكت وعصب زياده لان تركي قاعد يضحك وابرد ماعنده وهو احر ما عنده..
تركي: وانت لا الحين واقف..اجلس يا ابن الحلال.نمزح ..والله نمزح..مشكلتك زعول بسرعه تزعل..
سليمان جلس وهو ساكت..
تركي: احلى اللي اليوم بيشوف حبيبة القلب ريم..
سليمان ابتسم بس تذكر ريم: ايه هذي السوالف السنعه..
تركي/ هونت خلاص انقلع لبيتكم..
سليمان: بأحقرك وبجلس عناد..
تركي: صدق متى الرحله اليوم..
سليمان: 3 الفجر..بس تعال قبل اوكي..
تركي: على فكره نسيت اقول لك ترى نواف وسعود راح يكنون معانا..
سليمان: احلف ..متى صار هالكلام..
تركي: والله من يومين سمعوا بس طاري الامارات على طول احجزوا على نفس الرحله.
سليمان: حلو..اجل بيطلع فله.
تركي: تقدر تقول فله ومو فله ..يعني ما راح نقدر ناخذ راحتنا مع حريمنا على الاخر..
سليمان: صح هذي ما جات على بالي..
تركي: واصلا انت قد فكرت في شي طول عمرك مفهي..
سليمان: بدينا...
تركي: لا انتهينا ههههههاي حلوه لا تقول لا..
سليمان: يا لليل ما اطولك..
وكملوا تنطيل على بعض بالكلام لحد ما راحوا لبيوتهم على الساعه 12 عشان يرتاحون وبعدها يستعدون للرحله..
&&&&&&&&&&&&&&&&&&&&&&&

 

 

[اليازيه]

في كل البيوت الدنيا حوسه راح ناخذ مقتطفات من كل بيت..
بيت ابو مشاري..
ريم تصارخ: يمه يمه..
ام مشاري: نعم خير وش هالصراخ..
ريم: يمه..شنطتي اللي جهزتها قبل ثلاث ايام وينها..
ام مشاري: وانتي مجهزه شنطه من ثلاث ايام ليش؟
ريم: يمه عشان الحماس وش عرفك...بس الشنطه اللي مجهزتها قبل يومين لقيتها بس الثانيه ما لقيتها..
رغد: شوفيها عند الخدامه..
ريم: وش وداها هناك..
رغد: وانا وش دراني..
وراحت ريم..
رغد: يمه ما شفتي عبايتي الجديده..اللي توني مفصلتها..
ام مشاري: انا حاطتها في دولابك..
رغد: يمه ما لقيتها..
ام مشاري: دوريها زين..
&&&&&&&&&&&&&&&&&&&&&&&
في بيت ابو ماجد..
وليد: يمه جهزتي شنطتي..؟
ام ماجد: ايه جهزتها..
وليد: وحقت ماجد..
ام ماجد:ايه كل شي جاهز...
شوي الا الاعصار جايهم..
العنود معصبه وطاير شعرها ومرفعه اكمامها وجهها يطلع منه حراراه..:يمه..ترى اذا ما خذتي بنتك عني لااخلي اليوم اخر يوم بحياتها..
ام ماجد وهي خايفه من العنود لانها اذا عصبت حتى ابوها ما تعرفه: و..وليش وش صاير..
العنود: ذبحتني..جابت لي الجلطه كل شي حاشره عمرها فيه واغراضي كلها في شنطتها..هذا غير العجز اللي هي عايشته.
ام ماجد: طيب خلاص روحي انتي.
العنود: لا ناديها..
وليد: ما سمعتي امي وش قالت..قالت روحي عن وجهي..
العنود: انت اصلا من كلمك..
وليد: وش قلتي ما سمعت عيديها..
العنود: قلت من كلمك انت..وماني خايفه منك وخله يصير لي شي تراك بتروح في خبر كان لان الخبر راح يوصل لوزارة الماليه"تقصد سالفة رغد"
وليد ما تكلم وطلع معصب من االصبح ما سكتها عليه وتحسف قد شعر راسه انه تكلم قدام العنود..
ام ماجد: عيب هذا اخوك الكبير..
العنود: خليه يولي..انا رايحه ..بس اذا عبير ما عقلت عني..ترى راح تشوفينها مرميه من الدور الثاني..
ام ماجد من جد خافت على بنتها وراحت لعندها..
&&&&&&&&&&&&&&&&&
في بيت ام فواز
نوف: فجوره قلبي وين الجينز اللي شريته امس.
فجر: مدري والله ما شفته<<طبعا هدت من بعد ما انخطبت ونست نصف لعربجيه بس اذا عصبت رجعت نفس اول واكثر..
نوف: طيب..
دخلت ام فواز: هاه حبايبي خلصتوا.
فجر: تقريبا ما بقى شي..
&&&&&&&&&&&&&&&
في بيت ام فيصل..
ام فيصل: شجون خلصتي..
شجون: بس باقي شنطة الملابس..
ام فيصل: اجل من ساعتين وش تسوين!!
شجون: اجهز شنطة الكريمات والميك اب..
ام فيصل: الله يخلف على امً جابتك..وشوله الكريمات هذي كلها..
شجون: اجل تبين بشرتي تخرب..مستحيل اتحرك من السعوديه خطوه بدونها..هي قبلي..
ام فيصل: والله كيفك..
دخل فيصل: اهلين يا احلى ثنتين في العالم..
ام فيصل: هلا بوليدي..تعال اقعد جنبي..
فيصل: هاه جاهزين ترى الساعه2 هناك عشان الاجرات ..
ام فيصل:ايه جاهزين..
&&&&&&&&&&&&&&&&&&&&&&&&
في بيت ام تركي..
تركي جالس عند التلفزيون ورافع رجليه على الطاوله: هنيف قومي جهزي شنطتي..
الهنوف: ما راح اجهز شي..حدي نفسي..
تركي: اقولك قومي سوي اللي قلت لك..
الهنوف: تركي ما ابي غصب يعني..
ام تركي: خير وش فيكم..
الهنوف: يمه شوفي ولدك..
ام تركي: تركي كم مره قايله لك لا تزعل اختك وش فيك ما تفهم..اذا جات حرمتك ا نشا الله اكرفها ليل ونهار ..بنتي ما عليك منها..
تركي: حرمتي اكرفها... الا اخلي بنتك تكرف لها وش وظيفتها في البيت اكل ونوم وبس خليها تشتغل عند حرمتي على الاقل نحللها قبل ما تنقلع بيت زوجها..
ام تركي: ليش هي خدامه تحللها..تعالي يمه الهنوف ولا عليك منه..
تركي: المهم جهزوا شنطتي..
ام تركي: جهزتها وخلصت..
تركي: اجل خلاص زين..سكتي البقره اللي جنبك..
الهنوف: يمه شوفيه..
ام تركي: عاد انتي بلا دلع خلاص اسكتي..
&&&&&&&&&&&&&&&&&&&&&&&&&&
في بيت ام سليمان

سليمان: محمد,,,محمد..
محمد كان لاهي يلعب بلاي ستيشن..
سليمان: محمد..ترى بقوم وافصله..
محمد وقف اللعبه ولف عليه: نعم خير وش تبي؟؟
سليمان: تعال ابيك بشي..
محمد قام وراح عنده وهو منسدح على الكنب.
محمد: وش تبي..
سليمان: تعال همز رجولي شوي تعبان..
محمد: شايفني فلبينيه عندك اهمزك..روح زين..
سليمان: محمد بلا نذاله..
محمد: صدق بايخ"وراح يكمل لعب"..
سليمان في نفسه"هين اوريك" وقام وراح عند التوصيله وسحب السلك لما انفصل..
محمد طفا في وجهه التلفزيون: سليمانووووووووووه..
وقام يلحقه وسليمان هج وهم يلحقون بعض طيروا مها وحتى امهم بغت تروح فيها بس ربي ستر..
&&&&&&&&&&&&&&&&&&&&&&
واخيرا جات الساعه ثنتين بالليل والكل اتجه للمطار وتجمعوا هناك..وانشالله البارت الجاي راح اقول لكم وش صار في المطار والسفره كمان...
@@@@@@@@@@@@@@@@@@@@@@@@@@@@

" نهاية البا

 

 

[اليازيه]

الجزء الخامس والعشرون


ربط جميع الركاب احزمة الامان..وهبطت الطياره..وبعد لحظات وقفت ونزلوا جميع الركاب..وكل واحد ينتظر المستقبل وش مخبي له..
خلصت العوائل اجرات المطار وبعدها توجهوا للفندق اللي كانوا حاجزينه لانهم من جد كانوا تعبانين ويبون يرتاحون..بعد حوالي نص ساعه وصلوا للفندق..كانوا حاجزين تقريبا ممر كامل لهم..البنات اعترضوا كانوا يبون سويت لهم .بس اكيد الاهالي رفضوا وصارت كل عائله في سويتها الخاص..
عبير: ما يصير كذا.نكون مع بعض ولا يكون لنا سويت خاص..
العنود: ولا يهمكم كلها يوم نكون تحت طاعتهم.وبعدها راح نعلن العصيان..
ريم: اختي في الله ..شكل المخ عندك ملتمس..اي طاعه واي عصيان اللي انتي عايشتها..
العنود: يعني ما تبين الحريه..
ريم: اكيد ابيها..
العنود: خلاص خليك معاي..
ريم في نفسها"يا حبي لك يا العنود .تكابرين على نفسك وتسوين روحك مو زعلانه ولا كأن شي صاير بس باين عليك والله باين"
الهنوف: حسافه يا رغد..تمنيت نكون مع بعض مثل ايام الشاليه..
رغد: ولا يهمك ما سمعتي من شوي خطة العنود في حربها على الاهالي..خلاص ارقدي وامني..
الهنوف: والله العنود تحمس الواحد..
رغد: ايه يا حبي لها والله..
راحوا البنات كل وحده على سويتها..
اول ما دخلوا..
رغد:واو..بصراحه يجنن ما توقعته بالفخامه هذي..
ريم: بصراحه خيالي..
رغد: بس جوعانه...
ريم: حتى انا..
رغد: وش رايك نتصل على البنات عشان نفطر مع بعض..
ريم: اوكيه فكره حلوه.راح اتصل عيلهم..
وبعدها سمعوا صوت موبايل ريم يرن..
ريم:مين اللي متصل علي..
رغد: روحي شوفي..
ريم شافت الاسم وردت وهي مبتسمه: الوو..
العنود: هلا والله بنت عمي..
ريم: هلا والله عمرك طويل توني كنت ناويه اتصل عليك..
العنود:هههههه على قولة المثل القلوب مترابطه..
ريم: ههههه أي مثل هذا...يقول المثل النسخه الاصليه القلوب عند بعضها..وش مترابطه..
العنود: كل الطرق تؤدي الى الرياض..عادي..
ريم: المهم وش كنتي تبين..
العنود: كنت اقول جوعانه وش رايكم نفطر..
ريم: بصراحه اكتشفت اننا بنات عم اكيد..افكارنا مثل بعض..
العنود: اكيد طالعه علي..
ريم: ايه طالعه عليك خلصينا.. عبير وينها ما لها حس..
العنود: سمعت ان الفطور فيه نزله لتحت وتعيجزت تنزل فا قالت طلعوه لي فوق..
ريم: لو تموت ما طلعنا لها شي..احسن اللي يبي الشي يتحرك..
العنود: اجل مستحيل تتحرك..
ريم: احسن ما عليك منها..بس اتصلي على البنات.
العنود: اوكيه..
اتصلت العنود على البنات بعضهم وافقوا وبعضهم كان فيهم النوم فما راح يجون معاهم..
نزلوا العنود وريم ورغد والهنوف وفجر.
ريم: تراني جوعانه حدي يمكن اطلب لي عن شخصين..
رغد: بلا فجاعه..خلك ثقل..
العنود: هذا بطن ما فيه ثقل وبرستيج وما ادري ايش...
الهنوف: يله خلصونا خلونا نفطر وننااااااام تراني تعبانه حدي..
فجر: يله..
وطلبوا البنات فطور..وريم والعنود طلبوا لهم دبل وما كلوه فجاعه الله لا يبلاكم..
العنود وهي تحط الكروسان:آآآآآه بطني..خلاص ما عاد اتحمل لقمه ثانيه.
ريم: حتى انا..ما عاد اقدر اتنفس..ما ادري كيف بنام.
العنود: صادقه..
رغد: احسن تستاهلون..
ريم: هوينا تكفين..ترى تعبانه حدي.
فجر: يله حبايبي خلونا نطلع فوق ترى ما اقدر افتّح..
الهنوف ورغد: يله..
العنود: طيب ما اقدر اتحرك.
ريم: اجلسي معاي شوي..بعدين نطلع..
العنود: اوكيه..خلاص انتوا اطلعوا..
البنات: اوكيه "وطلعوا وعلى طول ناموا"
ريم بتردد: العنود...
العنود: هلا..
ريم: آآآ.....كنت اقول....اليوم...على اللي صار اليوم مع طلال..
العنود: بليز ريم لا تذكريني..
ريم: طيب انتي صدق راح تشيلينه من بالك..
العنود: ليه هو على كيفي..لو انه على كيفي كان ما خليته يدخل قلبي وحياتي وتفكيري.
ريم: اووووه صرتي شاعره..
العنود: وش دراك..صرت نجاح المساعيد..
ريم: ادعس..والله تطورات..
العنود: امزح ترى هذولا كم كلمه حافظتهم وبصعوبه..
ريم: طيب وش راح تسوين مع طلال..
العنود: ما راح اسوي شي..
ريم: راح تقولين له انك تحبينه..
العنود: هذا الشي من المستحيلات..
ريم: ليه؟؟
العنود: مستحيل افرض نفسي على احد .اذا هو مو معبرني..فا خلاص اسوي نفسي مو معبرته..لما يعاملني مثل الناس والعالم وبعدها اعامله زين..
ريم: طيب حاولي تجذبينه بأي طريقه.
العنود: هو خليه يشوفني بالاول بعدين يصير خير..
ريم من جد كسرت خاطرها العنود: طيب خلينا نسوي خطه نلفت انتباهه..
العنود تحمست: كيف..
ريم: اخليك البطله..الحنونه..المضحيه..اي شي..اتوقع انتي فاهمه قصدي..
العنود: تتوقعين ينفع معاه..
ريم: نجرب ما راح نخسر شي واذا ما نفع لاتنسين دائما وابدا معاك ام الخطط.
العنود: اوكيه ما عندي مانع..اصلا ما تفرق معاي اذا ما نحجت لانه صار عندي عادي ما صرت اهتم كثير..
ريم: لا ا نشا الله بتنجح وبتشكريني..
العنود: نشوف..طيب قولي اول شي وش اسوي..
ريم: شوفي"وقالت لها عن الخطه اللي ناويه عليها"
وبعدها طلعوا ينامون..

 

 

[اليازيه]

العيال كانوا مجتمعين في سويت واحد..وطبعا بدون ما يحسون البنات لانهم لو دروا راح يسونك كارثه في العالم لا يعلمها الا الله ...دخلو عليهم الشياب
ابو فيصل: يله اصحوا..
ابو مشاري: يله بسرعه ترى ما صليتوا لا العصر ولا الظهر ..يله اصحوا..
مشاري: حتى هنا لاحقينا..
ماجد: وفي كل مكان راح تشوفهم..
طلال: شكلي راح احط منبه عشان ما يصحوني..
فواز: لو اني نايم مع زوجتي ابرك لي..
وليد: حرام عليك تاركها لحالها..
فواز: لا تخاف خليتها مع امي وخواتي.
فيصل: تصدق ما تستاهلها..ما ادري كيف متحملتك..
فواز: انا ابو عيالها...بس بكره راح انوم عندها عشان ما يقوموني هالشياب بالطريقه الهمجيه هذي..
سليمان: احلى ياللي مدلع..
فواز: تزوج تتدلع ..تقعد عند اهلك تتفلع..
تركي: وانت صادق..
مشاري: وش عندك شكلنا بنسمع خبر زواجك قريب..
تركي: لا عاد وش دعوه..
وليد: ما اقول الا الله يعين زوجتك..لانها اصلا ما تزوجتك الا لانها ناويه الانتحار وماله من نفسها..
تركي: يعني ودك نتضارب ولا ايش.؟؟
وليد: لالا امزح معاك..خلاص خلنا ننسى اماضي واحنا عيال الحاضر..
تركي ابتسم: يكون احسن..
العيال يصفقون ويصفرون: هوووووه واخيرا ...
دخلوا الشياب..
ابو ماجد: بشروا كم كم..
ابو فواز: اصلا بين مين ومين..
العيال فاقعين ضحك..
وليد: يبه مو مباراة..
ابو فواز: اجل ليه التصفيق والتصفير..
طلال: يبه عندنا احتفال خاص..
ابو ماجد: والله من السخافه يله اصحوا بلا حركات مراهقين"وطلعوا"
مشاري: يله اصحوا لا يفجرون فينا..
العيال: يله..
تجهز الكل ونزل تحت ينتظرون بعض وبعدها طلعوا...البنات ركبوا الجمس وابو مشاري يسوق فيهم..
راحوا لمجمع عشان هناك المطاعم تكون كبيره وتصلح لعوائل بهذا الحجم..
البنات والحريم اخذوا طاوله مع بعض ..والرجال والعيال مع بعض..
تغدى الكل وبعدها تمشوا بالمجمع وتفرقوا..
ريم: العنود الحين لازم تسوين اول خطه اللي هي انك حنونه وطيبه..
العنود: اوكيه..
ريم كان معاها عبد الرحمن ولد فواز وتضربه وكان قبالهم طلال..
ريم: احسن يله رح عند طلال..
عبد الرحمن يبكي وركض وتمسك برجل طلال..
ريم كانت صارت تتجه لهم و معاها العنود..
ريم: تعال هنا..دحوم..تعال هنا بسرعه..."وتقرب من عنده"
عبد الرحمن تمسك اكثر بطلال: مابي مابي..
وصلوا العنود وريم لعند طلال..
طلال: دحوم حبيبي اكيد العنود ضربتك..
ريم تقلب وجهها الوان بعد جملته هذي.
العنود خنقتها العبره كانت تطالع طلال وتقول في نفسها" ما فيك فايده" وبعدها لفت على ريم ناظرتها بنظره كلها الم وياس.
ريم اشرت لها لازم نبين له وانها لازم تكمل الخطه..
العنود جارت ريم بكلامها بس بنفس كلها يأس ومكسوره..
عبد الرحمن: لا هذي ريم..
ريم: دحوم تعال هنا..
طلال: ليش وش مسوي..؟؟
ريم: مخرب عباية العنود واغراضها وملعوزها وهذا جزاها وهي ماسكته..
طلال يطالع ريم كان يبي يتاكد ان الكلام اللي تقوله ريم صحيح..
ريم اشرت للعنود.
راحت العنود واخذت دحوم من طلال وشالته وحضنته وعطته بوسه وعيونها مليانه دموع..وباين عليها الانكسار لدرجة ان ريم توقعت العنود بأي لحظه بتنفجر وتبكي..
العنود بصوت حنون: حبيبي دحوم خلاص لا تبكي عشان خاطري..وبعدين يا ريم "وسكتت شوي كانت تبلع عبرتها وتخفيها"وبعدين يا ريم خلاص خليه يسوي اللي يبي انا ما طلبت منك تدافعين عني..
ريم: بس هو.....
العنود قاطعتها: خلاص اقولك سامحته...
طلال حس بتأنيب الضمير وهو يشوف عيون العنود مبين عليها الحزن والرحمه وقال في نفسه" معقول كل هالحزن عشان دحوم.العنود ممكن تكون بالحنيه هذي...مستحيل...ليش مستحيل ما هي بشر مو هي بنت وعندها قلب...بس احس انها دايم قويه ما عمري شفتها بالضعف هذا..حرام ظلمت البنت..ما توقع انها سمعتني..لانها لو سمعتني كان اخذت تهزيئه محترمه..انا اعرف العنود"
ريم: طلال....طلال..
طلال: هلا..
ريم: وين رحت..
طلال: معاك...
ريم: كنت اقولك ترى دحوم مع العنود اوكيه..
طلال مستغرب:مع العنود؟؟
ريم: ايه..
طلال :مو هي ما تحب البزران..
ريم بمبالغه:من قاله..اصلا العنود لو تشوف بزر قدامها ما تعرفه تنهبل عليه وشلون دحوم وشهد تموت عليهم..
طلال: ايه يا حليلها..خلاص اوكيه باي..
ريم ابتسمت ابتسامه عريضه: باي..
راح طلال..
ريم بصوت عالي: يس..
وراحت تركض عند العنود وصارت تنطط عندها..
ريم: عنوده نجحت الخطه الاولى..شفتي شفتي قايله لك ان"وسكتت شافت العنود تمسح دموعها"
العنود: وش بعده يا ريم وش بعده..بعد الكلام اللي قاله مثل السم على قلبي..
ريم: عنوده لا تكبرين المسأله..عادي.. وبعدين هو قال الصدق واقرب شي يوم كنا بالطياره ..رميتي دحوم على امه رميه أليمه..
العنود كاتمه الضحكه: ولو المفروض ما يقول هالكلام..
ريم: تكفين عنوده اضحكي والله ما يليق عليك الا الضحكه..واصلا احلى ما فيك ابتسامتك..
العنود: تسلمين يا قلبي..
ريم: ههههه الرومنسيه تهبل منك..
العنود: على قولة عبير خلينا نتعلم..
ريم: عشان الحبايب..
العنود: اصلا ما ذبحني الا هو..
ريم: الله يجمعكم قولي امين..
العنود:امين...وهديه لك راح اخليك تشوفين سليمان وتكلمينه بعد..
ريم: على ايدك..
العنود: يله امشي معاي..
سحبت العنود ريم وتوجهت مباشره عند تركي وسليمان..
العنود: سليمان اسمع بأترك عندك امانه وانتبه لها زين اوكيه..
سليمان ما فهم عليها: اوكيه ..بس وش هي..
العنود سحبت ريم وحطتها قبالها: هذه..
سليمان ابتسم: هذي الامانه!!
العنود: ايوه..
سليمان: اوكيه امانتك في عيوني..
العنود: ترى ما راح اطول عشان ما اكلف عليك لاني ادري ان امانتي مزعجه وما تنطاق دقيقه..
ريم عصبت: العنود وبعدين معاك..
سليمان: لالا عندي استعداد اتحملها الدهر كله..
تركي كان ساكت ويطالعهم..
العنود: اوكيه باي..
سيلمان: مع السلامه ومشكوره..
تركي: وليش الشكر ا نشا الله..
سليمان: اسكت انت...ريم اجلسي ليش واقفه..
ريم وكلها حيا: اوكيه..
سليمان: كيفك ريم..بجد من زمان عنك..
ريم: انا بخير ..حتى انت من زمان عنك..
سليمان: ايوه..سولفي"مشتاق يسمع صوتها ويروي قلبه بشوفتها"
ريم وهي متوتره: وش اقول غير ان لو اهلي لو شافوني جالسه معاكم راح اروح المقبره وبس..
سليمان: بسم الله عليك ا نشا الله عدوينك..
ريم ابتسمت ونزلت عيونها"يا ربيه ومع هالجمال كله يتغزل فيني..اليوم العنود اول مره تسوي شي زين"
تركي: نحن هنا ..معاكم على الخط عطوني وجه..
سليمان: انت هنا ...تصدق حسبتك هناك..
تركي: وتستخف دمك بعد بصراحه في انجاز كبير..
سليمان: واللي يعافيك اكرمنا بسكوتك شوي..
تركي: انا كريم وانت تستاهل وهاه" حط ايده على فمه"
سليمان: ايوه رورو وش كنا نقول..
تركي: قبل لا اسكت بقول شي..
سليمان: اووووف..يله قول..
تركي: ريم وين رغد.؟؟
ريم: رغد مع الهنوف..
تركي: هالهنوف محد راح يذبحني غيرها كل شي ناشبه فيه..
سليمان: خلصت ..ممكن تسكت الحين..
تركي: لا مو ممكن..خير انت فالها وانا لا....ابي رغد ولا ما راح اسكت..
ريم تبي ترفع ضغطه: لو سمحت ترى رغد هذي اللي تتكلم عنها هذي اختي..
تركي: احلفي بس...تصدقين توني ادري ان الغزال ممكن تكون اخته بقره مثلك..
ريم: اجل لو تموت ما راح نتشوف رغد الا على جثتي..
تركي: اجل الحين اذبحك وافتك منك ..
سليمان بدى يعصب: وبعدين..بتجي صاحبة الامانه وانا ما بعد قلت شي..
تركي: احسن هذا اللي انا ابيه..
سليمان: يا نذلك.
تركي: توك تدري ..من زمان وانا نذل..مسكينه الهنوف كل يوم تقولي هالكلمه..
سليمان: وانت بتقول قصة حياتك..
تركي: بقولها لما تجي صاحبة الامانه..
سليمان: تروك خلاص عاد..
تركي: رحمتك ..خلاص بسكت..
سليمان: ايوه رورو..
تركي: تذكرت شي..
سليمان عصب: تركي وبعدين معاك..
تركي: تصدق نسيت..خلاص خلاص بسكت.
ريم: انا بقولها..ايوه رورو..
سليمان: هههههههههه تصدقين اشتقت لهبالك...
ريم استحت: سليماااان..
تركي: احلى يا اللي يستحون.
سليمان واختفت ابتسامته: بكم القطيه يا الحبيب..
تركي: ما علي منك جب لي رغد واسكت..
مرت رغد والهنوف من عندهم
@@@@@@@@@

" نهاية البارت

 

 

[اليازيه]

الجزء السابع والعشرون..
ريم: العنود الخطه..
العنود: ايوه صح الحين بنطبقها..
ريم: اوكيه..
العنود: تصدقين خفت يصير لك شي ويأنبني ضميري..
ريم: روحي فداك يا قلبي بس انتي قوي قلبك وعزمك بعد..وانتبهي لعمرك اوكي..
العنود: اوكي...
وصل الجمسين عند باب الفندق نزلوا العيال و البنات..
بعض البنات والعيال راحوا داخل الفندق يبلغون الامهات والابوان..
العنود: ريم يله تحركي..
ريم: خايفه..
العنود: تشهدي وروحي..
ريم: اشهد ان لا اله الا الله.."ومشت ووقفت في نص الشارع وغمضت عيونها...العنود كانت تراقب الوضع بدقه..جات سياره وصارت تضرب هرن لريم عشان توخر ..ريم ترتجف في مكانها....قربت السياره بسرعه متوسطه وهي ما زالت تضرب هرن..العيال والبنات انتبهوا لريم وصار الكل يصرخ انها تبعد وهي واقفه....قربت السياره وما بقى الا كم مترين وربطت فرامل وفي نفس اللحظه انطلق شخصين...الاول كانت العنود..والثاني كان سليمان..والسياره راطبه فرامل بس ما بعد وقفت قربت من ريم وما بينهم الا كم خطوه..في نفس اللحظه رمت العنود نفسها على ريم وتدحرجوا..سليمان الي ما امداه على ريم لان العنود سبقته..السياره اللي لحد الان ما وقفت صدمت سليمان ورمته على الارض بقوه ونزل منه الدم على وجه وثوبه ....
ريم فتحت عيونها وهي تتألم: آآآآه...خلاص..
العنود: أأأأأي.. خلاص..
ريم: طيب قومي عني..
وقامت العنود وريم..لفت ريم وشافت شخص مرمي على الارض والشله تركض لجهته..
ريم خافت ونغزها قلبها: م..مين هذا..؟؟؟
العنود مصدومه: ما ادري..انا شفت واحد من العيال يركض معاي بس ما ادري مين بالضبط..
ريم خنقتها العبره وصارت ترتجف وراح لون وجهها: شكل هذا ..."بعلت ريقها وقالت الاسم بصعوبه" سليمان..."لفت على العنود" ..بس ليش الدم عليه كذا..
العنود خافت منظر سليمان ما يطمن: قومي خلينا نروح نشوف..
ريم مشت بخطوات مهزوزه ..كل شي فيها متلخبط..افكارها خطواتها..توازنها اختل ومسكتها على طول العنود وسندتها عليها...

عند سليمان...
بعض العيال حوله ومها اخته من البنات..
مها تصارخ ودموعها سيل على خدودها: سليمان قوم واللي يعافيك قووم..
تركي طاح على ركبته وجلس جنبه ويهزه بخفيف: ابو سلوم...ابو سلوم وش فيك ..انا اخوك..رد علي واللي يخليك لا تصير ساكت كذا..ابو سلوم زعلان مني..ما تحب حركاتي..طيب خلاص بأعقل..بس انت رد علي...ابو سلوم لا تتركني كفايه ابوي واللي يعافيك..
والبقيه يحاولون يهدون تركي ومها لانهم منهارين..
ريم وهي تقرب من عند سليمان والعبره خانقتها: العنود ..سليمان وش فيه ما يرد على مها..
العنود: ان شا الله ما فيه شي..
ريم: العنود قولي الصدق ليش ما يرد "وصارت دموعها تنزل من دون أذن"
ووصلوا واخيرا عند سليمان..
ريم جلست تطالع سليمان من فوق لتحت وحطت ايدها على فمها وبعد لحظات لفت على طلال..
ريم: طلال وش فيه سليمان..
طلال يطالع العنود وبعدين طالعها: ما فيه الا العافيه بس انتي اهدي.
ريم تصارخ وتهز سليمان بقوه: سليمان واللي يعافيك قوم شوفني بخير ...سليمان رد علي طيب رد على مها..سليمااااان..
العنود شالت ريم: اذكري الله ما فيه شي...طلال وش تنطر وده المستشفى ما تشوف الرجال ينزف ..
طلال : صح المستشفى صح..
راح هو وماجد وشالوا سليمان وركبوه الجمس..
وجات رغد واخذت مها وريم معها العنود ودخلوهم داخل..

داخل الفندق..
ريم تصارخ وهي منهاره: انا ..انا السبب ..آآآآ يا سليمان حرام زهرة شبابك..
مها جنبها منهاره اكثر واكثر: آآآه يا اخوي لا تروح وتتركني ترى والله مالي غيرك.. لا تتركني مثل ابوي..
ريم صدمتها الكلمه ولفت على مها وزاد اللي فيها: شوفي شوفي يا رغد شوفي اخته انا انا اللي حرمتها منه انا...
رغد بحزم: ريم وش فيك ترى كلامك ماله داعي اذكري الله ا نشا الله الولد ما فيه شي.
ريم: انتي ما شفتي الدم اللي عليه وعلى ثوبه..يا قلبي عليك يا سليمان..
العنود بأنكسار: ريم هدي وسليمان ما فيه الا العافيه..
ريم: طيب ليش ما يرد علي..
رغد: يمكن مغمى عليه..
مها زاد صراخها: وين امي....ابي امي..
نزلوا في نفس الوقت الحريم ومعهم باقي البنات والعيال..
ام سليمان نغزها قلبها: وش فيهم؟؟
مشاري: ما ادري بروح اشوفهم..
راح مشاري عند رغد
مشاري: وش فيكم..؟
رغد: سليمان سوى حادث ..صدمته سياره..
مشاري طير عيونه: وش تقولين وش تخربطين؟؟
رغد: مشاري..سليمان قبل شوي صار له الحادث..
ام سليمان سمعت السالفه وراحت عند بنتها..
ام سليمان وهي تحاول قد ما تقدر تثبت: مها يمه ليش تبكين..؟
مها: يمه اخوي...اخوي بيروح مني..
ام سليمان اخذت بنتها في حضنها ودمعتها في هدب عيونها: ما في الا العافيه..سليمان قوي وانا متاكده ما راح يصير له شي..
مها : ا نشا الله يا يمه ا نشا الله .."وحضنت امها بقوه"
ريم تطالع ام سليمان ومها ويزيد عندها تأنيب الضمير : العنود انا اللي خليت ام تفقد ولدها الوحيد وخليت اخت تفقد سندها الوحيد..آآآآه يا رب خذني ولا يصير في سليمان شي..
رغد صارت تبكي: ريم...شوفي امه اقوى منك..والله قطعتي قلبي..وبعدين قلت لك الصدمه خفيفه..
عبير: ريم خلاص يا قلبي والله الصدمه خفيفه..
وتجمعوا البنات بعضهم اللي يبكي وبعضهم تحكم في نفسه والثاني منهم يهدي نفسه واللي حوله..
العيال كلهم راحوا لعند سليمان بالمستشفى..وبعد ربع ساعه لحقوهم الرجال..
الحريم والبنات تجمعوا بسويت واحد ينطرون منهم رد...
مرت ربع ساعه...نص ساعه....ساعه....ساعه ونص..
ريم تهمس للعنود: العنود..غلطنا غلطه كبيره يا العنود..
العنود: ما فكرنا بكذا.
ريم: هذا اللي ياخذ المواضيع بضحك..."وخنقتها العبره"تخيلي صدق لو صار فيني او فيك شي..
العنود: تكفين يا ريم لا تزدين علي..
ريم لفت عليها: طيب تخيلي يصير في سليمان شي..."ونزلت دموعها"..والله ما ادري وش بيصير فيني...لا لا يارب لا يصير فيه شي..
بعد ربع ساعه..
ريم بدى القلق يصيطر عليها: رغد تاخروا مره اتصلي عليهم..والله خايفه..
رغد: بسم الله عليه..وان شا الله ما فيه الا الخير..
العنود: ريم قلبي ادعي ترى الدعا زين..
ريم: يا ليتني ما سويتها يا ليتني..
العنود: الحين يا ليت ما تنفع ..اللي ينفع يا رب..
ريم: يارب خذ روحي بس سليمان لا يصير فيه شي..
بعد ساعتين ونص بالضبط اتصل مشاري على موبايل رغد..
رغد خافت: هذا...هذا مشاري..
ريم بسرعه: ردي عليه....ولا اقول لا تردين اخاف يقول شي عن سليمان..
العنود: ردي عليه..اكيد يبي يطمنا عليه..
رغد: احم...الو...
مشاري: هلا..
رغد بتردد: مشاري ....بشر..
مشاري: لا الحمد لله جات سليمه..صار يتدلع..
رغد ارتسمت على وجهها ابتسامه عريضه: الله يبشرك بالخير ..طمنتنا الله يطمن قلبك..بس وش صار فيه..
مشاري يضحك وهو يطالع سليمان: ههههه قطو بسبع ارواح... ما فيه الا كسر في ايده اليمنى ورضوض بسطيه بجسمه..
رغد: ايه الحمد لله على سلامته..اوكيه باي..
مشاري: طمني الباقي ..باي..
ريم سمعت الحوار اللي دار بينهم بس تبي تتاكد: بشري..
رغد: لا الحمد لله ما فيه الا العافيه..وصار كسر بالايد..
ريم قامت تحضن رغد: قلبي كان بيوقف عليه...وش اسوي احبه"ضحكت من بين دموعها"
العنود قامت معاهم وضمتهم: الحمد لله على سلامته يا ريم..
ريم: الله يسلمك..تعالوا نبشر امه..
راحوا لام سليمان...
رغد: ابشرك خالتي..
ام سليمان: ولك البشاره..
رغد: سليمان طيب وما فيه الا العافيه..بس كسر بالايد..
ام سليمان قامت تحضن رغد: الله يبشرك بالخير مثل ما بشرتيني.
وبعدها راحت تحضن مها اللي صارت تبكي من الفرحه..
الكل تاثر وصاروا يبكون...والحريم يهدون فيهم..
ام مشاري: قرت عينك يا ام سليمان..
ام سليمان وهي مبتسمه: قرت عينك بشوفت نبيك..
ام ماجد..وام فيصل..وام فواز: قرت عينك يا ام سليمان..
ام سليمان: قرت عينكم بشوفت نبيكم..

&&&&&&&&&&&&&&&&&&&