&&دام ما همك بعادي...ليش بيهمني وجودك؟&& قصه قمه في الرووووووووعه

[المشاعر العذبة]

فتحت عيوني شوي بعدها سكرتها من شدة الصداع اللي أحس فيه00 سمعت أصوات كثيره حولي بس مااقدرت أميزمنهم ولا صوت وحسيت إن تفكيري مشوش 000 بعد خمس دقايق حسيت الصداع خف وصرت أفتح عيوني تدريجيا بدون مااحد ينتبه لي 000وأول مافتحت عيني أحس كل شئ ضباب لين مابينت ملامح كل شئ قدامي انا بغرفه بيضاء وبايدي مغذي يعني انا في المستشفى ؟انصدمت وقلت في خاطري ليش أنا هني؟وايش اللي صار ؟وفجاءه رجعت أحداث الملكه كلها تددافع في راسيى وماقدرت أتحمل وصرت اصارخ وابكي :مااااااامي ماااااااامي 00
سمعت صوت اسرار وهي تقول:مرومه الحمدالله على السلامه 00
ماقدرت ارد عليها وشفت مامي جايه عندي وهي تضمني لصدرها وتمسح على شعري وتقول:بسم الله عليك يابنيتي 00 بسم الله عليك شو اللي صار لك حبيبتي00
قلت لها وأنا أصيح في صدرها :مااااااامي واللي يخليك لا تتركيني واللي يخليك ضميني لصدرك ضميني بقوه 00
ضمتني مامي لصدرها بقوه وجلست تمسح على شعري وتقراء علي قران وانا أحس براحه فضيعه00بعدها نمت وماحسيت في شئ 00 ماادري كم من الوقت نمت بس لما صحيت وفتحت عيوني جلست أطالع الغرفه وماكان موجود فيها أحد وبعدها رفعت عيوني للسقف وانا أفكر بكل اللي صار معي ودموعي تنزل على خدي 00 ليش ياربي ليش انا ؟ليش انا اللي يصير لي كل هذا ليش ليش؟بعدني صغيره على الهم والحزن ؟انتبهت لنفسي وكلامي وقلت:شو تقولين يامرام اتعوذي من ابليس 000 اعوذ بالله من الشيطان الريجيم 00 وقلت وانا أبكي :يارب يارب سامحني يارب ارحمني واغفر لي يارب00
مسحت دموعي وانا اتذكر كل شئ صار لي في الملكه000 لكن شئ واحد مو متأكده منه ماادري حقيقه ولا يتهيأ لي اني بعد ماطلعت من المجالس صدمت في عامر عامر ماغيره وقتها طالعت عينه وحصلته يطالعني بنظره ماقدرت افسرها وقبل ماافقد وعي همس بأذني وقال لي :أحبك مرام والله أحبك 00
بعد كلامه ماادري ايش اللي صار وكيف جيت هنا معقوله عامر هو اللي جابني ؟لا مستحيل مستحيل ؟ قطع علي تفكيري صوت الباب وهو ينفتح والتفت للباب وشفت فهد داخل وهو مبتسم ويقول:السلام عليكم كيفك الحين؟إن شاء الله أحسن 00
لفيت عنه للجهة الثانيه ومارديت عليه ودموعي تنزل على خدي 00و سمعته يقول :مرام ايش فيك ليش لفيتي عني الجهه الثانيه 00ماتبغين تشوفيني؟
قلت له وانا أبكي :ليش يافهد ليش تسوي في كذا00 لدرجه هذي مالي قيمه عندك لدرجه هذي هنت عليك 00؟
وقف قدامي وقال لي :مرام انتي شو تقولين انتي عاارفه انتي ايش بالنسبه لي 00يعني مايحتاج تقولين لي هالكلام؟ 0(وسكت شوي وكمل) مرام اسمعيني زين انا مستحيل اسوووي شئ يضرك ولا ينزل من كرامتك 00انا كنت بااقول لك بس ماجد حلفني في القران اني مااتكلم وقال لي لو هي ماارفضت انا راح اكلمها واقول لها لكن اللي صار انك وافقتي000 وفي نفس اليوم اللي مقررماجد يفاتحك فيه اتصل عليه اخووو زوجته مريم وقال له ان مريم تولد في المستشفى وحالتها خطرررره 00
قلت له لا شعوريا وبهمس :كان يحبها 00
سحب فهد الكرسي اللي عند الشباك وقربه عند سريري وقال وهو يتنهد:اااااهـ يامراااام لو تدرين ان كلمه كان يحبها قليله 00 ماجد ماكان يحب مريم ماجد كان يعشقها 00 انتي عارفه مريم كانت بالنسبه لماجد الهواء اللي يتنفسه 00تذكرين مرام لما سافرت فجاءه عند ماجد وكلكم انصدمتو واستغربتم؟!
قلت له وانا اهز راسي :ايه اذكر حتى انت وقتها رفضت تقول أي شئ وكل اللي قلته انك تبغى تروح تغير جو عند ماجد 00
هز راسه وقال لي :مو هذا السبب الحقيقي يامرام 00 السبب اني كلمت زياد اخو مريم وقال لي ان ماجد تعبااااااان حيل ورافض يروح المستشفى 00
قلت له بتساؤل:ليـــــه00
رفعت عيوني لفهد بعد ماسكت وطالعت ملامحه اللي تغيرت وكأنه يتذكر شئ وبعدها قال:ماجد راح خطب مريم لحاله لكن أبوو مريم رفض 00 وقال له اللي يبغى يخطب يجيب أهله معه 00 ماجد ماقصروحاول قد مايقدر انه يكلم عمي ويقنعه لكن عمي رفض وكان مصر على رايه وقال له مالك الا بنت عمك واذا مااتزوجتها لا انت ولدي ولا ااعرفك00 بعدها ماجد أهمل عمره لا ياكل ولا يشرب 00
حسيت بغصه في حلقي وقلت لفهد بهمس :وبعدين شو صار 0؟!
فهد بحزن :في يوم من الايام وبعد رفض عمي للزواج ماجد من مريم00 كان ماجد في الجامعه وباين عليه التعب والارهاق وهو يمشي رايح للمحاضره داخ فجاءه واغمي عليه في ساحة الجامعه 00تجمعوا عليه الطلاب وشالوووه لدكتور الجامعه وبعد ماصحى صار يهذي باسم مريم تخيلي يامرام وهو تعبان يهذي باسمها 00 وكان من الطلاب الي شالوه زياد اخو مريم 00 قال لهم الدكتور لازم ينقلونه للمستشفى لكن هووو رفض واصر عليهم يرجعونه للبيت عشان يرتاح 00 وبعد مارجعووه للبيت جلس زياد عنده وقتها اتصلت انا بدون ماادري عن شئ ورد علي زياااد وخبرني عن كل شئ صار 00 انا كنت اعرف عن حب ماجد لمريم لانه هو كان يخبرني عنها وماقدرت اجلس ولا دقيقه وقررت أسافر له 00أنتي عارفه يامرام ماجد شو بالنسبه لي عشان كذا سافرت له بسرعه ولما وصلت لقيت ماجد حيل تعبان وحرارته مرتفعه وماعلى لسانه الى اسم مريم 00 حاولنا انا وزياااد نقنعه يروح للمستشفى لكن هو رفض 00بعدها قال لي زياد انه بيروح مشواربسرعه ويرجع وبعد نصف ساعه رجع ومعه 000
قلت له بلهفه : 00لاتسكت يافهد كمل مين معه00
التفت لي وقال لي وهو يطالع عيوني : معه أبوووه ومريم أخته 00
انصدمت وجلست أطالع فيه وقلت له :شو تقول 00؟!
قال لي وهو يبتسم :مثل ماقلت لك معه ابوه ومريم أخته واول مادخلوو شافوا حالته وهو يهذي باسمها 00 تصدقين مرام مريم جلست تصيح وطالع في ابوها وكأنها تستأذنه تروح عنده وفعلا أبوها وافق 00 وقربت منه وهي تهمس :ماجد انا هني 00 ماجد تسمعني 00
رفع ماجد عيونه وهو يقول:مــريم انتي هني 00
قالت له بحب:ايه انا هني 00 وضحكت بنعومه وهي تقول :هههههههههههههه ماجد ابوي وافق انا نتزوج بس بشرط00

 

 

[المشاعر العذبة]

شفت ماجد يبتسم ويقول لها:شو الشرط وانا مستعد اسويه 00 بس عشانك يامريم عشانك أنتي وبس00
قالت له وهي تضحك :هههههههههههه إنا نملك في المستشفى 00شو رايك انت حبيبي00
تصدقين مرااااام وقتها حسيت اني اطالع قصه من قصص الف ليله وليله وبالذات بعد ماحاول ماجد يوقف عشان يروح للمستشفى 00 حسيت ان مريم رجعت فيه الروح سبحان الله شوفي الحب شو يسوي 00
كسر خاطري ماجد حيل وصارت دموعي تنزل على خدي وانا اقوول:حراااااام والله مايستاهل اللي صار له 000 (سكت شوي وبعدها كملت وقلت له بتعجب ) فهد صج تزوجها في المستشفى 00
ضحك فهد بصوت عالي وقال لي :هههههههههههههههههههههههههههههههههههههههه هذا اللي همكم يالبنات تحبون المواقف الرومانسيه 00
ضربته على كتفه وقلت له :صج سخيف 00
وسكت شوي وبعدها قال:ايه صج يامرام تزوجها في المستشفى 00 تصدقين مريم تنازلت على الحفله والشبكه والزفه كله بس عشان ماجد 00
قلت له وانا مبهوره في مريم :ماشاء الله عليها (سكتت شوي وبعدها قلت )ليتني تعرفت عليها قبل قبل (وكملت ودموعي تنزل وانا اقول)ماتموت مااقول الاالله يرحمها يارب00
فهد وهو يقرب مني ويبوسني مع راسي وهو يقول :ها مرووووووومه لين الحين زعلانه مني00
قلت له بحب ودموعي على خدي :فهد انا مااقدر ازعل عليك يااخووووي بس الموقف كان صعب صعب علي بالحيل00
قال لي وهو يبتسم بحنان :أدري بس والله مو بايدي 00 بعدها قال لي وهو يشد خشمي :وبعدين تعالي هني ايش اللي وداك الحووووش لما اغمي عليك 00
قلت له بعفويه :انا كنت طالعه من المجالس بعد كلام ماجد وكانت دموعي على خدي وماقدرت ارجع البيت وانا في هالحاله وبالذات ان البيت كان فيه ناس وقررت اطلع للحوش لكني فجاءه 000سكتت فجاءه وحطيت ايدي على فمي وماقدرت اتكلم وقلت في خاطري –ايش فيك مرام ينيتي كنتي بتقولينه صدمتي بعامر ؟ورفعت عيوني اطالع في وجهه وانصدمت وحطيت ايدي على قلبي لما قال لي :ليش سكتي000أمجاد بغى يصير فيها شئ المسكينه لما اتصلت عليها سميره صحبتك وقالت لها انك تعبااانه ومغمى عليك في الحووش00
مااستوعبت اللي قال له ورددت كلامه :سميره اتصلت على أمجااد 00
هز راسه بدون اهتمام وهو يقول: ايه 00
استغربت وقلت في خاطري سميره من وين جات انا أخر شئ شفته كان عامر وبالاخص عيونه اللي فيها شئ غريب يختلف عن النظره اللي كاان يناظرني فيها في الحفله ! قطع علي تفكيري دخول أسرار بدفاشه وهي شايله باقة ورد كبيره مغطيه على وجهها وماتشوف اللي داخل الغرفه وقالت:ياعالم ياهوووو أسرار العسل وصلت 00
انفجرت من الضحك عليها وبالذات انها ماانتبهت لوجود فهد 00 ورفعت عيوني اطالع فهد شفته لاوي فمه
هني ماقدرت أمسك ضحكتي وانا اقول:ههههههههههههههههههههههههههههههههه هلا أسرارو هلا ياعسل00
جات عندي وهي تحط الباقه على الطااوله وبعدها افتحت غطاها وقالت :هلااااااا مررر
سكتت فجاءه وماقدرت تكمل كلامها وهي طالع فهد وبعد ماانتبهت لنفسها رجعت الغطاء على وجهها وهي تقول:كيفك مرووومه إن شاء الله أحسن اليوم 00
قلت لها وانا احاول اخفف من الاحراج اللي فيها :الحمدالله بوجودك ياعسل أحسن00
سمعت فهد يقول باستهزاء:مروومه بلاش من المجاملات في ناس ماينفع معهم الا انك تعطينهم بالوجه 00
شفت اسرار حطت يدها على خصرها وهي تقول:خير اخ فهد 00 الحين انا قربت منك ولا كلمتك 00
قال لها باستهزء :ولا انا ماكلمتك ولا جيت جنبك أنسه أسرار00 وقف من مكانه وهو يمشي عند الباب بيطلع وقال لي:يلا مروووووم اشوفك على خير بالليل 00
قلت له وانا أبتسم :مع السلامه 00
واول ماوصل جنب اسرار سمعت أسرار تقول له : صج اللي يقووول اذا حضرت الملائكه ذهبت الشياطين00
بصراااااااحه انا مااقدرت أمسك نفسي من الضحك وضحكت بصوت عالي :ههههههههههههههههههههههههههه ههههههههههههههههههه
أما فهد عصب وبان على ملامحه وهو يقووول:شيطان لما يركبك قولي أمين 00
طلع من الغرفه قبل ماترد عليه أسراااااار 00 شفت اسرار معصبه وهي تنزل غطوتها وتأفف وتقووول:اف اف شفتي شفتي أخوووووووك شو يقوووول يدعي عليه 00 مالت عليه الخااااايس 00
حاولت اهديها وقلت :بس اسرار انتي جايه تطمنين علي ولا تتهاوشين معه00
قالت لي وهي تضحك :هههههههههههههههههه بصراحه جايه اطمئن عليك (وكملت بخبث) بســ
ناظرتها بنص عين وقلت لها :اسراااارو بس شو 00 تكلمي 00
قالت لي وهي تضحك :ههههههههههههههههههههههههههههههههه بس هذا مايمنع اني أحب أتضارب مع أخووووك يعجبني لما يتنرفز ويعصب ههههههههههههههههههههههه
ضحكت على كلامها وقلت لها :ههههههههههههههههههههههه حرام عليك اسرار فهد طيوب 00
قامت وراحت عند باقة الورد وأخذت منها البطاقه وبعدها التفت لي وقالت بصدق:تعرفين مرااام أحيانا أحس فهد مايطيقني ولا يداني شووفتي 00
استغربت من كلامها وقلت لها :شو تقولين انتي ؟!(ورددت كلمتها ) فهد مايطيقك 00
جات عندي وجلست على السريروهي تناظر في البطاقه اللي في يدها تقول:ماادري يامرام بس هذا احساسي 00
انا اشوف معاملته مع الاء وأمجاد تختلف عن معاملته معي 00 اذا شفته بمكان ولاقابلته بالصدفه ملامح وجهه كلها تتغير وتنقلب وكأنه موطايق وجودي 00
بصراحه انصدمت من كلام أسرار وماتوقعتها تفكر جذي 00 اسرار طيبه وحبووبه وفرفوشه اول مررره اشوفها تتكلم بهالطريقه وقبل مااتكلم قاطعتني وحطت البطاقه اللي معها في يدي وهي تقول بخبث:خذي هالكرت من خطيبك المنحووووووس 00
قلت لها بعصبيه :اسرااااارو شو تقووووولين يالمعفنه00
غمزت لي وقالت :يعني انتي ماتقدرين تتعبين وتمرضين الا في يووووووم الملكه00 لا واللي يقهرررررر انه قبل ماتملك 00والله هذا كله من نحاسة اخوووووي 00
قلت في خاطري ياحليلك ياااسرار ؟على نياتك وماتدرين عن شئ ؟صحتني من اللي انا فيه وهي تقول :اللي واخذ عقلك يتهنى به 00
قلت لها وانا ابتسم :بس اسرار سكتي عني 00
وخطر في بالي سؤال وقلت لها بتردد :أسرار من اللي جابني للمستشفى 00
وقفت أسرار وراحت عند الثلاجه الصغيره اللي بغرفتي وأخذت منها كوب وصبت لها مويه وبعد ماشربت راحت وجلست بنفس الكرسي اللي كان جالس عليه فهد وهي تقول :اممممممممم انا ماادري بس اللي اعرفه وقالته لي أمجاد انها كانت تنتظرك في الصاله بس مارضت تقول لي وين كنتي 00
قلت لها بعصبيه :انتي مايخصك وين كنت00وبسرعه تكملي 00
قالت لي بملل وهي تحرك يدينها :المهم قالت لي كانت تنتظرك وحست انك بتتاخرين فقررت تدخل المطبخ تشرب مويه وترجع 00 بعدها اتصلت عليها سميره وهي تبكي وتقول لها امجاد لحقي علي مراام طايحه في الحووووش 00مغمى عليها00
قلت لها :سميره 000؟!
قالت لي وعلى وجهها علامات التفكير:ايه 00 (وعدلت جسلتها وهي تقول )بس تعرفين مرام انا اللي مستغربه منه ان سميره كانت جالسه معنا في الغرفه وكنا فالينها ونرقص بعدها دق جوالها ردت عليه وفجاءه أخذت عباتها واستأذنت منا بدون ماتقول ولا كلمه وطلعت 00
فكرت شوي وقلت في خاطري اكيد عامر هو اللي قال لها ؟عشان مايورطني مع اهلي لو شافوني بين يديه ومغمى عليه بتصير علوم000 حطيت ايدي على راسي وانا احاول ابعد هالفكررررره الفظيعه عن راسي وبعدها قلت :وبعدين شو صار 00
اسرار :اتصلت امجاد على ماجد بس جواله كان مقفل 000 وبعدها اتصلت على فهد وخبرته وهو اللي جابك هنا 000
سكت ومارديت عليها وسرحت شوي واسرار جلست تسولف شو كان موقفها لما درت؟! وشو صار في البنات ؟!لكن انا مو منتبه معها وكل اللي افكر فيه 00اذاكان الكلام اللي قالته اسرار صحيح عامر اللي بالاول كان يهددني والحين يحاول يستر علي ؟انسااان غريب مو قادره افهمه ؟ولا افهم تصرفاته

 

 

[المشاعر العذبة]

جلست في المستشفى يوم كامل وفي الليل اكتبووا لي خروج وكانت نفسيتي تعبانه بسبب اللي صاااار 00 وطول وقتي بغرفتي مااحب أطلع منها لأن كل مااقابل بابي يكلمني بموضوع ماجد لكن انا رافضه ومصره على رايي 000ومره صارت بينا مشاده كلاميه وهذي المره الاولى اللي ارفع صوتي قدام بابي انا كنت جالسه في الصاله اللي تحت أتفرج على التلفزيون ومندمجه وشفت بابي وهو جاي من برى وقفت عشان أطلع لغرفتي لانه مالي خلق اتكلم بموضوع ماجد لكن بابي كان مصر وقفني صوته لما قال لي :مرررررام تعالي بغيتك 00
وقفت مكاني وبعدين لفيت له وقلت :خير بابي 00 بغيت شئ00
ابتسم بابي في وجهي وقال :ايه يابنيتي تعالي خلينا نجلس بكلمك في موضوووع00
قلت له بملل وانا واقفه بمكاني وبدون مااتحرك:بااااااابي اذا على موضوع زواجي من ماجد من الحين اقولك ريح عمرك مايحتاج نتكلم فيه لاني مصرره ومستحيل أغير رايي00
عصب بابي علي وقاااال:اسمعيني زين يامرااام انتي بنتي اللي احبها وماارفض لها طلب 00 لكن تسوودين وجهي قدااام الناس مااسمح لك 00الناس كلها درت انك انتي وماجد مخطوبين وملكتكم كانت الخميس لو ماصار اللي صاار 0
ماتحملت كلام بابي لانه اول مره يعصب علي وقلت له ودموووعي على خدي:بابي انت ماتهمك سعادتي؟! انت مايهمك اني اعيش سعيده؟! 000 (سكت شوي وبعدها قلت ) انت كل اللي يهمك كلاااااام الناس مافكرت في مافكرت ليش انا رافضه ومافكرت حياتي كيف بتكون لو زوجتني بالغصب00
سمعت بابي يقول :انتي كنتي موووووافقه ايش اللي غير رايك 00 شفتي على ماجد شئ؟ّ
حسيت اني شوي وانفجر واقوووول كل اللي عندي بس مسكت عمري وقلت في خاطري:لا يامرررام انتي بهالطريقه بتهدمين حيات ماجد 00وممكن عمي يصير فيه شئ اذا درى ؟ لاتنسين ان عمي عنده الظغط والسكر00 سكت شوي وبعدها قلت بتحدي:بابي انا استخرت وماارتحت وهذا اللي عندي 00
ولفيت عنه بطلع غرفتي لكن تفاجاء ت بالصفعه اللي جات على خدي حطيت ايدي مكااان الصفعه وانا احاول استوعب اللي صار 00 أخر شئ كنت اتووقعه ان بابي يمد يده علي ويصفعني ؟ّ قلت له ودموعي على خدي والغصه خانقتني :ليه بابي ليه كل هذا ؟
مااهتم لكلامي ودموعي وقال لي وهو يشدني مع يدي :سمعي يامرام انا دلعتك اكثر من اللازم وهذا اللي خربك لكن الحين اقولك بتتزوجين ماجد يعني بتتزوجينه 00
ترك ايدي وكان بيطلع لغرفته لكن انا مااقدرت أمسك عمري وقلت بصوت عالي:والله يابابي ان غصبتوووني اني اتزوووج ماجد والله اسووووووي بعمري شئ 000بتكون انت المسؤل00
رجع بابي لي وقال لي بصراخ :ترفعين صووتك علي وتهدديني صج ماعرفت اربيك 00
شفت مامي نازله من فوق وهي تركض 00 ومسكت بابي وهي تحاول تهديه وتقول له:بس ياابو فهد بس حرااام عليك ذبحت البنيه 00
رفع صوته بابي يهددني ويقول لي:سمعي يامرااااام والله ان ماتزوجتي ماجد لازوجك اول واحد يدق على الباب00أنتي فاهمه ولا لااااااااااا00
طلعت من الصاله بسرعه وانا ابكي ماقدرت اتحمل كلااام باااااااابي00ورحت لغرفتي وسكرت البااااب وراي وقفلته ورميت نفسي على السررررير وانا ابكي 00 ابكي قهرر على اللي يصير لي ؟ابكي قهر على هالدنيا اللي تغصبني على اشياء ماابيها ؟ابكي قهر على الحاله اللي انا فيها ؟

( الزمن يفرض سؤال كل إجاباته محال
السعادة شيء واضح ولامن وحي الخيال
كلنا محد سلم من تعاسه أو ألم
بس من هو اللي فينا من وسط قلبه أبتسم
أنا مو قصدي تشاؤم ولابجراحك أساهم
أنا من قلبي أحاول ألقى بس إنسان فاهم)


حاولت أهدي عمري وقلت في خاطري ماجد يحب مريم 00 صحيح مريم مااتت لكن هي عايشه في قلبه ومستحيل ينسااها 00وانا مو مستعده اتزوج واحد يحب وحده ثانيه وبيتزوجني بس عشان يرضي ابوووه00 قمت من مكاني وانا كلي إصرار اني اسوي اللي في راسي 00 رحت دولابي وأخذت لي منه تنوره ميدي لونها سماوي فاتح وبلوزه أكمامها طويله بيضاء فيها رسوم بالسماوي واخذت لي منشفه ودخلت الحمام 000أخذت لي دش سريع وطلعت ورحت عند التسريحه وانا اطالع شكلي في المرايه كان خدي احمر من قوووة الصفعه اللي جاتني من بابي 00 حطيت يدي مكان الصفعه وانا احاول ابرد على خدي 00اخذت المشط وسرحت شعري ورفعته بشريطه سماويه 00واول ماخلصت لبس رحت للجوال وفتحته عشان اتصل على اسرار وسمعت اصوات مسجات على جوالي وكانت كلها من عامر 00 حسيت بتوتر فضيع وانا أفتح اول مسج وكان مكتوب فيه (الحمدالله على السلامه دريت انك طلعتي من المستشفى ) وبعدها فتحت المسج الثاني وكان مكتوب فيه (مثل ماوعدتك مستحيل تكونين لغيري) حطيت ايدي على قلبي اللي قام يرقع من شدة الخوف وانا اقول في خاطري شو يقصد بالمسج الثاني ؟!سميره قالت لي انه وعدها مايسوي شئ ؟!قطع علي تفكيري صوت الجوال وهو يدق خلى جسمي كله ينتفض من الخوف 00بعدها تنهدت براحه لما شفت اسرار تتصل بك وقلت :ااااهـ الحمدالله الحمدالله ياربي 00
رديت عليها وانا اقووول: هلا اسرااااار00 بنت حلال توي بتصل عليك00
أسرار :ههههههههههههههههههههه هلا مررومه كيفك ؟
قلت لها بسرعه :انا بخير الحمدالله (وسكت شوي وكملت ) اممممم اسرار ممكن طلب
اسرار :انتي مو تطلبين انت تامرررين يالغلا00
قلت لها :ممكن ترسلين لي سواقكم 00
أسرار بحب:افااااااااعليك ماطلبتي الحين ارسله لك 00 بس ماقلتي لي وين بتروحين 00
قلت لها وانااضحك :ههههههههههههههههه ابغاه يجيبني عندكم 00
سمعت صراخها وهي تقوول:الله صج بتجين عندنا000 والله بنوور البيت وبعدين فرصة امجادو عندنا لان زوجها مساافر يعني بنفلها اليووم 00
قلت لها:المهم لايتأخر علي السواق 00
قالت لي :لا تخافين الحين اقول له 000 يلا مع السلامه خليني أجهز عدة الوناااااسه 00
قلت لهاوانا اضحك:ههههههههههه مع السلامه00
سكرت عن اسرار وانا خايفه ماادري اللي بسوويه صح ولا غلط 00بعدها ماهتميت حطيت الجوال بشنطتي وأخذتها وطلعت من الغرفه وانا نازله لقيت أمي جالسه في الصاااله وتتقهوى رحت عندها وبست على راسها وانا اقول:مامي انا بطلع برروووح عند اسرار بنت عمي 00
قالت لي مامي وهي تبتسم :ماعليه يمه رووحي بس لاتتأخرين 00
نزلت عيوني بالارض وقلت لها بحزن :مامي وين باابي 00
طالعتني مامي بحزن وقالت :ابوك يابنيتي ماادري شو صار فيه 00 صاير عصبي مايتحاكى0000 (سكتت شوي وكملت بحزن ) يمه انتي حاولي تسايرينه ولا تتناقشين معه 00
حسيت بالحزن على حال بابي وقلت لها :يمه هو يبي يغصبني على ماجد00بس انا ماابيه0 ماابيه ليش مو راضي يقتنع 00
قالت لي بحنيه :يايمه انتي كنتي موافقه ليش غيرتي رايك الحين 00
قلت لها وانا اوقف :مامي انا صليت استخااااره وماارتحت 00
ابتسمت بحزن وقالت :الله يهديك يمه 000 يلا روحي ولاتتأخرين بس ماقلتي لي فهد بيوديك 00
قلت لها وانا الف الشيله :لا مامي اسرار قالت لي بترسل لي السوااااق00
قالت لي :خلاص يمه رووحي وسلمي على مرت عمك والبنات 00
قلت لها :يوصل إن شاء الله 00
جات ريتا الصاله وقالت :ماما هذا جعفر برى يقووول يستنى انتي برى00
قلت لها :اوكي 00 انا الحين جايه 00
بست راس مامي وقلت لها:يلا مامي مع السلامه 00
مامي:مع السلامه 00 والله يحفظك يابنيتي من كل مكروه 00
طلعت من البيت وركبت مع السوووواق لين وصلني لبيت عمي 00 بيت عمي مو بعيد عن بيتنا كل اللي بينا شارعين بس 00 اول ماوصلت اتصلت على اسرار وقلت لها اني تحت 00 جاتني اسرار عند باب الحووش وسلمت علي وهي تقوووول :هلا وغلا والله بمرت أخوي مرررروومه 00
مااعجبتني كلمة مرت أخوي بس طنشت وقلت لها :هلا اسراار كيفك حبيبتي ؟
قالت لي وهي تضحك :هههههههههه بوجودك في بيتنا بخير00
جلست اطالع الحووش وماشفت لا سيارة عمي ولا سيارة ماجد وقلت :اسرار عمي هني 00
شدتني مع يدي ودخلتني جوى البيت وهي تقول:بااابي مو هني 00 وبعدين شو بتمين واقفه كثير عند الباب00
ابتسمت في وجهها وانا اقول :وين البناااااات

 

 

[المشاعر العذبة]

قالت لي :فوووووق في الصاله قومي خلينا نطلع عندهم 00( وضحكت وهي تقول) هههههههههههههههههههه مايدرون انك بتجين من اول يسألوني من بيجئ هههههههههههههههههههه وانا اقول لهم مااحد جاي بس انا ابي اتكشخ واطبخ 00ههههههههههههههههههه
ضحكت معها وطلعنا الصاله فوووق وشفت ألاء تتضارب مع ليان على االريموووووت وحده تبغى سبيس تون والثانيه تبغى المسلسل 00 وامجاااد ضايعه بينهم مره تقول :الاء حطي لها سبيس تون خليها تسكت وتفكنا تردين عقلك لعقلها00
ومره تقول :لياااان حبيبتي روحي ماما لعبي في غرفتك بالالعااااااب 00
لكن ولاحده سامعه لها وكلهم مطنشينها ويتهاوشون على الريمووووووت 00إنفجرنا انا واسرار من الضحك على شكلهم والتفتووا كلهم علينا ويطالعون فينا باستغراب بعدها قامت الاء وهي تبتسم وتقوول:ليانوووا خذي الريمووت يالخايسه ماعاد ابغى اتفرج اشبعي فيه 00 وجات عندي وهي تسلم وتقوول :هلا والله مرررومه كيفك حبيبتي ؟شو مسويه ؟
ابتسمت لها وقلت :هلا فيك حبيبتي انا بخير 00 انتي شو أخبارك 00
قالت لي :انا بخير00 بس لو الله يفكنا من هالسوسه وتأشر على لياان 00ومت من الضحك لما ليان مدت لها لساانها عشان تغايضها بس انصدمت لما أمجاد قالت :ليااااااااااااااااااااان عيب شو هالحركه 00
مدت ليان بوزها وزعلت ماهانت علي رحت عندها وبستها على خدها وانا اقول :بس حبيبتي لا تزعلين 00 ماعليك منهم انا باخذك معي واشتري لك حلاااااو كثير00
ابتسمت ليان بفرح ومدت يدينها وهي تقول :حلاااااااو كبيل قد بابا
أنا مت من الضحك على كلامها00وبستها على خدها وقلت لها :ايه كبيررررررر00
سمعت أمجاد تقول:خليها عنك مراام 00 ليان ماما روحي عند سيتي خليها تأكلك يلا ماما روحي00
قامت لياان من عندي وطلعت من الصااله وهي تركض 00استغربت انا من معامله امجااد لي 00قطع علي صوت اسرار وهي تقوول:الاء تعالي معي تحت نجيب الشاهي والقهووه 00
قامت الاء من مكاانها وهي تقول:يلاااااا
ونزلت مع أسرار تحت 00اما انا لفيت لـ أمجاد وعقدت يديني على صدري وقلت لها بعتب :ممكن أعرف ليش تعامليني جذيه 0
طنشتني وقامت من مكانها وكانت بتدخل لغرفة أسرار مشيت لين عندها وقفت قدامها وقلت :أمجاد ايش فيك ؟انا شو سويت عشان تتعاملين معي بهالاسلوب الجاااف00
أمجاد بملل :هنا ماينفع نتكلم 00تعالي معي للغرفه وانا اقولك 00
دخلت الغرفه أمجاد ودخلت انا وراها بعدها سكرت الباب وقفلته ولفت علي وقالت :مرااااااااام شو علاقتك بعااااااااامر 00
حسيت ان احد كب علي مووووويه حااره وصار الدم يتجمع في وجهي وانا اقوول :شو شو تقولين أنتي 00
انفجرت أمجاد مره وحده في وجهي وهي تحرك يدينها وتقوول:مرااام لا تكذبين انا عرفت كل شئ عنك وعنه00
وقفت قدامها وانا اقول بصراااخ:شو قصدك أمجاااد 00 ايش اللي عرفتيه عني 00انا عاااامر مااعرفه ومالي علاقه فيه00
مسكتني مع كتفي وهي تقول:لا لاتكذبين مرااااام انا شفت كل شئ بعيوني وسمعت كل شئ 00
انا من الصدمه سكت وماقدرت أتكلم وكأن لساني انعقد اما أمجاد كملت كلامها بقسوه وهي تقووول:يوم الملكه يامرام تأخرتي علي في المجلس وقلت لنفسي خليني ادخل اشرب مويه وارجع 000ولما رجعت انصدمت!! شفتك بين يدين شاب وتناظرين فيه انا من الصدمه وقفت في مكاني وماقدرت أتحرك وفجاءه قال لك كلام مااقدرت انا اسمعه بعدها اغمى عليك وشالك بين يدينه وهو يهمس باذنك 00
صرخت في وجهها وقلت لها:حراااااام عليك أمجاااد لا تظلميني حراااام عليك 00
قالت لي باستهزاء :اظلمك مراااااام انا شفت كل شئ بعيووووني 00 بعيوووني يعني لو سمعته من أحد كان ماصدقته00
قلت لها ودموعي على خدي :والله ظلمتيني ياامجاد ظلمتيني 00وبعدين اسرار قالت لي سميره اتصلت عليك وقالت لك 00
أمجاد وهي تحرك يدينها في الهواء :مرام هذي كذبه بس عشان أغطي عليك وماافضحك وبعدين تعالي هني سميره من وين بتعرف رقمي 00 انا قلت هالكلام عشان أغطي عليك 00وصحيح سميره شافتك لكن جات متأخره بعد مارحت انا لك 00
مااقدرت اتحمل أكثر وجلست على الارض وانا ابكي واقول :يارب يارب خذني خلني امووووت وارتاح من هالعيشه 00 وصرخت وانا اقوووووول: وربي ياأمجاد واللي خلق امي وابوووووي عامر مالي علاقه فيه 00عامر أخوي سميره وبس هذا اللي اعرفه عنه 00
أمجاد:طيب قولي لي ليش أغمى عليك لما قابلك وكلمك00
وقفت وانا اصرخ واقوووول:ماااقدر مااقدر اتكلم واقووول لك00لكن اللي اقدر اقوله لك انا نفسي ماادري عامر من وين طلع لي 00
قالت لي بلا مبالاة :مرام انا مايخصني فيك 00انتي صحيح بنت عمي على عيني وراسي بس اسمحيلي اذا ماقلتي لي السبب مااسمحلك تتصلين باسرار ولا تشوفينها 00
صرخت في وجهها وأنا اقوول:لا تسأليني انااا اسألي اخووووووووك واذا قدر يقول لك 00 بتعرفين كل شئ00
عطيتها ظهري ورحت للباب وفتحته بصعوبه وانا ارجف من البكي وطلعت منها وأخذت شنطتي من الصاله
ونزلت مع الدرج وانا ابكي صدمت في اسرار وطاحت الصينيه من يدها مااهتميت وطلعت اركض من البيت واسمع اسرار تركض وراي وتقوووول :مراااااااام ايش فيك ؟مراااام وين رايحه ؟مراااااام
تغطيت بسرعه وطلعت وانا مقرره اروح البيت مشي ؟كانت دموعي تنزل على خدي وانا امشي مو منتبه لشئ واسمع صوت اسرار تنادي علي طنشتها وقلت في خاطري هذي أخرتها يامرام بنت عمك تشك فيك وتمنعك انك تكلمين أختها ؟تشك فيك ؟تشك فيك يامراام 00
ترددت هالكلمه في بالي مثل المطرقه وحطيت ايدي على راسي وانا اهززه واحاول اوقف هالصوت 00 فجاااءه سمعت صووووت أسراار من بعيد وهي تقوووووووووووووووول :مراااااااااااااااااااااام انتبهـــــــــــــــي 000مرااااااااام لااااااااا00








الا يابعضي الباقي .. الا يا بيتي المهجور
الا ياحلمي العذري .. وتفكيري وآهاتي
تعبت اركض ورا حب ٍ غديت لطلته مجبور
والاقي في اعز الناس غدر وكذب عشاقي
تهيالي العمر ابيض .. تهيالي فرح وسرور
لقيته عمري الاسود .. لقيته طعنه فراقي
تمنيتك ضيا عمري .. تمنيتك عطر وزهور
تعوضني عن الماضي تعيش لحلمي الباقي
تمنيت الفرح ينزل .. تمنيت السعادة تزور
وحزني مل من جسمي ودمعي غرق احداقي
رقيت لبرجك العاجي بنيتك في هواي قصور
ابي حضن ٍ يدفيني .. يدفي بارد اعماقي
احبك .. كثر مايتبعك خفاقي بدون شعور
احبك .. كثر ماتاهت خطاي وماقسى ساقي
احب رضاك وعتابك وهمسك وطبعك المغرور
جنون العاطفة .. وذوقك .. ودلعك وفكرك الراقي
زرعتك بالعشق زهره وفاحت من حلاك عطور
لقيت الزهر ذا يذبل وتذبل معه اوراقي
سهرتك لين مليتك بكيتك من سنة وشهور
بكيتك من غروب ايام حبك لين مشراقي
ألم .. واحزان .. واوجاع الزمان ودمعي المقهور
شقا ايام في عمري تقلبها .. ولا تلاقي
سوى دمعة وشمعة ذابله ماعاد فيها نور
وصورة ميت بروازها من كثرة اشواقي
خلاص الروح ماعاد تحمل من هواها جور
تشقي كل هالعشاق وأولهم انا شاقي
ذبحني هالزمان وقمت اصيح بخاطر ٍ مكسور
وقمت ابكي ملامح صورته وارجع له اشتاقي
الا ليت الفرح كذبه ضمير خافقي مستور
تعبت انزف دموع الآه .. وناره حيل حراقي
غرقت فـ بحر حبك واصطدمت بعالم ٍ مغرور
واصيح ومالقيت اللي ينجيني من اغراقي
تهيالي العمر ابيض .. تهيالي فرح وسرور
لقيته عمري الاسود لقيته طعنة فراقي
الا يابعضي الباقي متى القى بعضي المنثور
ينوٌر دنيتي بعده .. والقى لحلمي الباقي .... .

.

 

 

[مذهلة]

يعطيج العافيهـ

بنتظارج

.:.

 

 

[المشاعر العذبة]

قبل ماالتفت لصوت أسرار الا الوقت فات 00 ماحسيت بالسياره الا وهي تصدمني وطيرني فوق وحسيت عمري مثل الريشه في مهب الريح 00 طحت على الارض وانا أحس بالاااام فضيعه في جسمي والدم خطى على وجهي بس تصدقون لو قلت لكم إن هالألم كله مايجئ شئ عند الألم اللي أحسه في داخلي 00 شفت اسرارجايه عندي بدون عبايه ولا شيله تركض وتبكي وصلت عندي وجلست جنبي على الارض ورفعت راسي وحطته بحضنها وهي تمسح الدم اللي على وجهي بيدها و تبكي وتقول:مرووومه حبيبتي فيك شئ !حاسه بشئ !مرومه لاتموتين وتتركيني تعرفيني مااقدر أعيش بدونك00
حسيت بدوخه لكني طنشت ورفعت ايدي بصعوبه وضغطت على يد اسرار وانا اقول لها بصعوبه :أسرار قولي قولي لهم والله والله إني مظلومه00
بعدها ماادري شو صار حسيت عمري رحت في عالم ثاني عالم اسود مافي ضوء 00 ماادري كم يوم لي وانا بغيبوبه ماادري عن أي شئ حواليني وفي يوم حسيت بيد تمسك ايدي وتضغط عليها بحنان حاولت أميز الصوت بس مااقدرت سمعته يقوول: مرام يابنيتي اصحي كفياك نووووم 00انا ابوووك اللي يحبك واللي مستحيل يضرك00مرام تسمعيني00
قلت في خاطري هذا بابي00 وفجاءه حسيت بدموعه تنزل على يديني وعرفت إن بابي يبكي وسمعته يقول:خلاص يبه خلاص اللي تبغينه بسويه واذا ماتبين ماجد براحتك 0مو بغاصبك على شئ ماتبينه00
حسيت صوته يتغير وهو يقول :بس انتي قومي قومي وانا اسوي لك اللي تبغينه 00
حاولت أفتح عيوني بس ماقدرت كل اللي قدرت عليه اني ضغطت على يد بابي بقوه 00سمعته يقول :مرام تحركت تحركت 00
فجاءه طلع من الغرفه وتركني وبعدها سمعت أصوات في الغرفه وسمعت صوت الدكتور يقول:ماعليش ممكن تطلعون من الغرفه أبغى افحص المريضه 00
شوي واختفت الاصوات وحسيت بيد الدكتووور على يدي وبعدها جلس يمسك راسي 00
تركني وطلع اما انا نمت من الصداع00 وبعد يومين فتحت عيوني وانا احس ان ريجي ناشف وقلت بتعب:امممممممم ابي ماي00
قامت أمي من مكانها وجات عندي وهي تركض وتقول :الحمدالله على سلامتك يمه الحمدالله على سلامتك0
كل اللي قدرت عليه إني ابتسم في وجهها وقلت :ممممم ابي ماي 0
راحت مامي للثلاثجه وجابت لي كوب ماي 000أما أنا حاولت أعتدل بجلستي عشان أشرب بس حسيت بألم فضيع وسمعت مامي تقول :خليك يمه لاتتحركين 00انا بشربك الماي 00
بعد ماشربت الماي من إيد مامي سمعت جوال مامي يدق وشفتها قامت من مكانها وراحت للشنطتها وطلعته وهي تقول :هلا اسرار 00 هلا ببنيتي الغاليه 00
مامي :ايه حبيبتي توها صاحيه 00
مامي :الدكتور لا لين الحين ماجاها 00 الحين اروح اشوفه واخليه يجئ يفحصها 00
مامي :خلاص حبيبتي بانتظارك لاتتأخرين 00
سكرت مامي عن اسراروالتفت لي وهي تبتسم وقالت لي :بنت عمك تسلم عليك وتقول لك الحمدالله على السلامه 00
قلت لها بتعب:الله يسلمك ويسلمها من الشر(سكت شوي وبعدها قلت )000 مامي وين بابي وفهد 00
اضغطت مامي على زر وجات الممرضه وقالت لها تخبر الدكتور اني صحيت 00 وبعدها رجعت للكرسي اللي كانت جالسه عليه وقالت :ابوك وفهد كانوا هني مالهم ساعه لما طلعووا 00 ابوك من أمس مو نايم وغصبنا عليه انا وفهد عشان يروح البيت وينااااااام 00
سكتنا انا ومامي وبعد عشر دقايق جاء الدكتوور وفحصني وقال لي وهو يبتسم :لا لا اليوووم أحسن من أمس بكثير00 بعدها قال : شو هالدلع كل هذا عشان تعرفي غلاتك عند أهلك 00
قالت مامي وهي تضحك :ههههههههههه مايحتاج تسوي كذا عشان تعرف غلاتها 000هي تعرف انها غاليه
عند نا 00
ابتسم الدكتور لمامي وقال :الله يخليها لكم 00
ابتسمت في وجهه وقلت له :مشكور دكتور بسـ دكتورماقلت لي متى بأطلع من المستشفى 00
قال لي :شو انسه مرام مليتي منا 00 وعلى العموم بتبقين عندنا يومين لين تستقر حالتك 00
قلت له بابتسامه :يعطيك العافيه دكتور 00
الدكتور :الله يعافيك والحمدالله على سلامتك مره ثانيه00
طلع الدكتور من عندي وجلست أسولف مع مامي وانا أحاول قد مااقدر أنسى كل اللي صار لي قبل الحادث00 سمعت دق على الباب وبعدها انفتح وشفت خالتي أم ماجد وأمجاد وأسرار والاء داخلين ومعهم باقة ورد كبيره دخلت اسرار بسرعه وضمتني بقوه وهي تبكي وتقول:حرااام حراام عليك اللي سويتيه في 00 والله حرام0
رفعت راسها وانصدمت لان شكلها متغيرومنقلب كان التعب باين على عيونها ووجها مصفر وقلت لها:بس أسررارر بس حبيبتي أنا بخير ومثل ماانتي شايفه 00 كسر بسيط برجلي وان شاء الله اول ماافك الجبس بكون بخير00
سمعت صوت خالتي وهي تقول :بس أسرار بعدي عن البنيه بتذبحينها بعدي خلينا نسلم عليها 00
بعدت اسرار عني وافتحت لهم المجال عشان يسلمون علي 00 وأول ماجات عندي أمجاد عشان تسلم حسيت بقشعريره بارده في كل جسمي وسمعتها تقول:الحمدالله على السلامه مرام 00 وهمست باذني اعذريني والله غصبن عني 00
طنشت كلامها الاخير وقلت لها بابتسامه :الله يسلمك والشر مايجيك 00
بعدت عني وجلست على الكرسي وحطت رجل على رجل 00أما اسرار كانت جالسه جنبي على السرير وهي مو راضيه تفارقني بعدها وقفت خالتي وقالت :ماتشوفين شر يمه إحنا بنروح الحين ونجيك وقت ثاني 00
وقفت اسرار فجاءه وقالت :لا مامي روحوا انتوا وخذي خالتي معكم وانا بنااااام عند مرام 00
قلت لها :بســ
قالت لي بسرعه :لا بس ولاشئ انا مو متحركه من هني يعني لاتحاولون 000انتوا روحوا وانا بأبقى عندها 0(0كملت وهي تقول لمامي) يلا خالووو انتي روحي وارتاحي وأنا بجلس عندها 00
هزت راسها مامي وسلمت علي وقالت لي :باجيك بكره أنا وفهد وأبوك00
قلت لها بابتسامه :الله معك مامي و مادام أسرار عندي لاتخافين ولا تحاتين00
سمعتهم كلهم يقولون :يلا مع السلامه ماتشوفين شر00
قلت لهم وانا اتمدد على السرير بتعب :الشر مايجيكم 00
بعدها طلعووو وسكرو الباب 00 أما أسرار إسحبت لها كرسي وقربت مني وقالت بحنيه :كيفك الحين أحسن 00
ابتسمت لها وقلت :بشوفتك أحسن 00
انصدمت منها وهي تسحب يدي وتحطها بين يديها وتقول:مراام أنا ماادري إيش اللي طلعك من بيتنا زعلانه وحالتك حاله بس مرومه لا تسوين كذا مره ثانيه وربي قلبي بغى يوقف من الخرعه والصدمه 0
غمزت لها وأنا اضحك وقلت :هههههههههههههههههه أدري والدليل انك جيتي عندي تركضين بدون عبايه ولا شيله 00
شفت أسرار وملامح وجهها تتغير وفجاءه إنفجرت من الضحك بصوت عالي وهي تقول: هههههههههههههههههههههه مرومه أنا وقتها عقلي مو معي ماادري كيف طلعت جذيه 00 ولا الفشيله الكبيره اني جيت المستشفى جذيه بعد 0000
قلت لها وانا مو مصدقه :شو تقولين انتي من صدقك تتكلمين؟!
قالت لي باحراااج وهي تبتسم وتلعب بشرشف السرير :أنا لما شفت السيارة تصدمك طار عقلي مني وماادريت بعمري وانا اطلع جذيه المهم لما جيتك وقلتي لي قولي لهم اني مظلومه 000
وسكتت فجاءه وكأنها تذكرت شئ وبعدها قالت بتردد :مرومه شو كنتي تقصدين بكلامك 00
حسيت بخوف بس مابينت وقلت لها وانا اتصنع البراءه :أي كلااام أنا مو فاهمه عليك 00
سكتت شوي وكأنها تفكر وبعدها قالت :لما قلتي لي قولي لهم إني مظلومه 00
قلت بسرعه:ماأذكر أي شئ 0 (0سكت شوي وبعدها قلت)يمكن كنت أهذي من الحادث00
طالعتني اسرار بشك وبعدها رفعت كتوفها وقالت:ماادري يمكن 00؟!
قلت لها وانا أحاول أغير الموضوع :ماقلتي لي بعدين شو صار00
ضحكت اسرار فجاءه وبعدها قالت :هههههههههههههههههههههههههههههههه تخيلي لما أغمى عليك جلست اصارخ وابكي على بالي انك انك( وكملت ودموعها تنزل على خدها ) انك خلاص متي 00 (وسكتت شوي وبعدها قالت )
تجمعوا علي الناس حتى أمجاد وألاء لما سمعوا الأصوات في الشارع طلعوا يشوفون شو صاير وشافوا حالتي وحاولوا يهدوني بس ماقدرو علي 00واتصلوا بالإسعاف بس اأنا مارضيت أنتظر الاسعاف 00 وركبت مع صاحب السياره اللي صدمتك وجبناك على المستشفى 00
قلت لها بتساؤل:وبعدين 00
نزلت راسها على الارض وجلست تلعب باصابعها وتقول :امممممممم أول ماوصلنا للمستشفى ناديت الممرضات وجو بسرعه وحطوك على سرير00 والاحراج بنفس وقت دخولنا شفتـ000
اشتغل عندي الفضول وقلت لها :مين 00 مين اللي شفتيه؟!
رفعت عيونها لي وقالت :شفت سيف أخوووو حسن زوج أمجاااااااااد00
حطيت إيدي على فمي من الصدمه وقلت لها :شو تقولين 00شافك جذيه00!
ضحكت أسرار من الإحراج وقالت:والله هذا اللي صار00 تخيلي أول ماشافني قال لي( وهي تقلد صوته ) أنتي اسرار ولا أنا غلطااان 00 تخيلي أنا أنا (وسكتت شوي وجهها صار أحمر)
ناظرتها بنص عين وقلت لها :أنتي شو 00 تكلمي أسراروو00
رفعت عيونها لي وهي تضحك وتقول :ههههههههههههههههههههههههه شديته مع المعطف اللي لابسه وجلست أبكي وأنا منهاره واقول له واللي يخليك سيف لا تخليها تمووت واللي يخليك أنقذها سو أي شئ المهم تعيش مرام00 واللي يخليك سيف00
هني ماقدرت أمسك عمري وإنفجرت من الضحك على أسرار وأنا اتخيل موقفها مع سيف حسيت بالم خفيف بصدري لكن مابينت وقلت لأسرار وأنا اضحك :هههههههههههههههههههههههه وبعدين شو صار 00
وقفت أسرار من مكانها ولفت علي وهي تقول :أمممممممم تصدقين ماانتبهت اني مو لابسه عبايه الا لما نزل المعطف ولفه علي وقال لي إهدي انتي الحين وإن شاء الله خير00 دخلني غرفته وجاب لي ماي عشان أهدى وبعدها طلع وتركني عشان يشوفك ويطمني عليك 00
ضحكت أنا على أسرار وضحكت هي معي صحيح أنا مااعرف سيف بس اللي اعرفه انه دكتور هني في المستشفى بس عمري ماشفته 00وبعدها اندق الباب ودخلت الممرضه تقول لنا :إن الدكتورالمشرف بيدخل 00
تغطت أسرار زين أما أنا حطيت الشيله على راسي وقلت للمرضه:اوكي 00خليه يدخل 00
دخل الدكتورومعه الممرضه وفجاءه شفت أسرار توقف من مكانها وهي تشهق وتقول بصوت هامس :سيف 00
لفيت على طول للدكتور وجلست أطالع فيه وأنا أقول بخاطري هذا سيف ؟هذا هوو ؟يعني مو أول مره أشوفه هو نفسه الدكتور اللي اول كان يفحصني ؟ قطع تفكيري وهو يقول لي :كيفك إن شاء الله أحسن الحين ؟
ابتسمت في وجهه وقلت :ايه الحمدالله أحسن 00
شفته التفت على اسرار وهو يقول:هلا أسرار كيفك ؟
سمعت صوتها وهي تقول بهمس وإحراج :بخــ يــر الحمدالله 00 كيفك انت؟
قال لها بعفويه :انا بخير طول ماانتي بخير00
إنصدمنا أنا وأسرار من كلامه لكن هو طنش وكان بيطلع 000لكنه وقف عند الباب وقال :إذا ماعليك أمر أسرار تعالي لي بعطيك روشته مكتوب عليها الأدويه عشان تشترينها00
وطلع وتركنا وخلانا أنا وأسرار انطالع في بعض 00 شفت اسرار منحرجه فقلت لها بخبث:ماشاء الله عليه وسيم وجذاب 00 ولا طووووله شئ عجيب00ولا كلامه شئ( وقلدت صوته وهو يقول)(أنا بخير مادام أنتي بخير)
طالعتني أسرار بنظره وقالت لي :جماله له أنا شو يخصني 00
ومشت عند الباب وقالت لي :انا بروح أجيب الروشته مو متأخره 00 اذا إحتجتي شئ دقي على الزر اللي جنبك 00
قلت لها بابتسامه وغياض:رووووحي الله معك 00 (وكملت بخبث) بس ها مو تنسين عمرررك وتنسيني هني 00
طالعتني أسرار من فوق لتحت وقالت لي :صج سخيفه 00
وطلعت من الغرفه قبل ماارد عليها وجلست أنا اطالع السقف وأفكر في حياتي 0وفي أسرار اللي أمجاد تبغاني أقطع علاقتي فيها 00 وعامر اللي مو ناوي يجيبها لبر00 قطع علي تفكيري دخول فهد اللي باين عليه انه معصب وهو يقول:صج ماتستحي هي جايه تنام عندك وتحط بالها عليك 000 ولا تتمشى في المستشفى 00وتسولف مع كل من هب ودب00
استغربت من كلام فهد وقلت له :فهد عن مين تتكلم 00
لف عني وقال لي بصراخ :عن بنت عمك المصون من غيرها يعني 00عن أسرار الزفت 00
طالعته بنظره وقلت له وانا ارص على اسناني بعتب:بس فهد أنا ماأسمح لك تتكلم عنها بهالطريقة (00وكملت وأنا ألف عنه )وبعدين هذا هو سلامك علي 00
نزل عيونه بالأرض وبعدها رفعها بإحراج وهو يجئ عندي ويضمني ويقول لي بحب:أسف مرام والله مو قصدي 00 بسـ بسـ هذي بنت عمك طلعتني من طوري 00 المهم ماعلينا منها قرب مني وباس خدي وهو يقول الحمدالله على سلامتك 00

 

 

[المشاعر العذبة]

ابتسمت له وقلت :الله يسلمك من الشر 00
جلس فهد عندي يسولف ويضحك وحاول يعرف مني سبب الحادث بس أنا كنت ألف وأدور وماقدر يأخذ مني لاحق ولا باطل000 وبعد ساعه استأذن وقال لي انه بيجئ بكره إن شاء الله00 ويزورني مع مامي وبابي 00 دخلت أسرار بعده على طوول وراحت للكرسي وهي ترمي جسمها عليه وتقول وهي تتأفف :اااااففففففف أخيرا 00مابغى يطلع اخوك هاللزقه 00
قلت لها بملل :خير شو صاير بعد 00 هو جاء معصب منك 00 والحين إنتي جايه تسبين فيه 00
وقفت من مكانها وراحت للثلاجه وجابت لي ولها عصير 00 إفتحت عصيرها وشربت منه شوي وهي تقول :اوووووف من أخوك يحسب عمره وصي علي تخيلي 00 دخل علينا بغرفة الدكتور سيف على أساس بيسأل عنك وبيتطمن عليك ولما شافني هنااااك ماادري شو صار فيه جلس يطالعني بنظره مقرفه وكانه متقزز مني 000سلم على سيف بسرعه وقال له إنه بيرجع له مره ثانيه عشان يعرف حالتك وبعدها طلع (وشربت من العصير مره ثانيه وقالت )وطلعت أنا وراه وسالته :ليش طالعني جذيه 0 قال لي (وهي تقلد صوته) أبد ولا شئ سلامتك0000
وطنشني وعطاني ظهره وجاء عندك أنا مابغيت ألحقه هني 00عشان ماتصير مشاكل فقلت أنتظره بالكفتريا لين يطلع وأول مادريت انه طلع جيت عندك على طوول00وبس هذي كل السالفه 00
قلت بتردد سؤال محيرني:اممممممم أسرار أنتي تكرهين فهد 00
وقفت في مكانها شوي وجلست تطالعني باستغراب بعدها حطت العصير على الطاوله وقالت لي :ليش تسألين مرومه 00
هزيت كتفي بلا مبالاة وقلت لها :ماادري هذا اللي أشوفه قدامي00
إنصدمت من كلامها وجلست اطالعها وانا مو مصدقه كلامها لما قالت لي بإنفعال :ايه أكررررره أكرررررره أكررررره 00
توقعتها تقول أي شئ إلا هالكلمه00 ماتوقعتها تقولها بكل هالانفعال والكره سكت عنها شوي وبعدها قلت لها:ممكن أعرف ليش 00
لفت عني وراحت للشباك وجلست طالع الشارع اللي برى وهي تقول :ماادري ليه يامرام يمكن لأن فهد هو الوحيد اللي يحسسني إني وحده سخيفه وتافهه وماعندي سالفه ولا شخصيه(سكتت شوي ورفعت عيوني أطالعها بعدهاالتفت لي وهي تقول) فهد هواللي يحسسني إني أختلف عن البنات وكأني وحده مالها أحاسيس ولا مشاعر ولا ولا (تغير صوتها وهي تقول ) ولامره عاملني زين مثل مايعاملكم كل مايشوفني يصرخ علي أو يتمصخر ويضحكم علي 00قربت عندي وجلست على طرف على السرير ودموعها تنزل على خدها وهي تقول تصدقين مرووومه لو أقولك كل ماأقابل فهد ويصير بينا موقف ولامشكله بعدها على طول أروح للغرفتي وأبكي 000 ماأحب اللي يصير بينا لكن هو يجبرني أسوي جذيه بس عشان أثبت له وأثبت لنفسي إن شخصيتي قويه ومااحد يقدر يتحكم في 00
كسر خاطري حيل كلامها وأثر في ماتوقعت أسرار تتأثر بكلام فهد ولاتصرفاته 00 يعني كل اللي كان يخطر على بالي انهم يمزحون مع بعض ماتوقعت إن أسرار تأخذها بهالحساسيه 000
قلت لها بحب :خلاص أسرارو خلاص حبيبتي00(وكملت بمزح) فهد مايقصد بس ماعليك خليه علي وأنا اادبه لك وأخليه يحب على راسك00
رفعت يدينها قدامي وقالت وهي تأشر عليها وتقول :ويحب ايديني بعد 00
ضربتها على يدينها وقلت لها بعصبيه :حرام مايحل لك 000
استغربت لما انفجرت أسرار من الضحك وهي تقول:ههههههههههههههههههههههههههههههههههههه مرامو يابقره يعني يحل له يحب راسي ويحرم عليه يحب يديني 000
انتبهت على كلامي وانفجرت معها من الضحك بعدها جلسنا نسولف ونضحك وفرحت لأني قدرت أغيرشو ي من نفسيتها وبعدها حسيت بتعب ونمت 00 صحيت من النوم وشفت الغرفه فاضيه ومافيها أحد استغربت وقلت في خاطري أسرار وين راحت ؟وخلتني لحالي ؟! قطع تفكيري صوت الحمام وهو ينفتح والتفت له وشفت أسرار طالعه منه وهي مجرده إيدينها ومتوضيه قلت لها: كم الساعه ؟!
طالعتني وهي تبتسم وتقول :صباح الخير ياقمر00 الساعه الحين خمسه الفجر00
رديت عليها الابتسامه وانا اقول لها:صباح النور 00 (وكملت بدلع) طيب أنسه أسرار إذا ماعليك أمر تعالي ساعديني أبغى أدخل الحمام وأتوضاء عشان أصلي 00
أشرت لي على عيونها وهي تقول:من عيووووني كم مرومه عندي00
قلت بدلع :وحده طبعا00
جات عندي أسرار وهي تضحك وتقول لي : ههههههههههههه عن الدلع تقدرين تمشين ولا أشيلك هههههههه0
ضربتها على كتفها وقلت لها:شو تشيلين أنتي شيلي عمرك أول 00وكملت 00 أنا أقدر أمشي بس أنتي تعالي إسنديني 00
راحت جنب سريري وجابت لي عكازوعطتنياه 00حطته تحت يدي أما اليد الثانيه مسكتها وحطتها ورى رقبتها
ومشتني لين دخلت الحمام وقفت عندي لين خلصت وضوء وبعدها رجعتني على السرير 00 صليت وأنا جالسه أما أسرار شفتها تفرش السجاده وتلبس شرشف الصلاه وتكبر 00 جلست أطالعها وسرحت فيها ومانبهني من اللي انا فيه الا صوتها وهي تضحك بنعومه :ههههههههههههههههههههه شو مرومه بطولين وانتي تناظريني ولا في شئ غريب على وجهي 00
ضحكت معها وقلت لها:ههههههههههههههههه لا مافيه شئ بس كنت سرحانه 00
وقفت ولفت السجاده وبعدها نزلت شرشف الصلاه وحطتهم بالدرج ولفت علي وهي تقول :مرام انتي صايره تسرحين كثير وتخبين علي ممكن أعرف إيش فيك 00
ترددت شوي وقلت بضعف:مافيه شئ وإذا فيه شئ اكيد بخبرك 00
شفتها فتحت فمها بتتكلم لكن فرحت من كل قلبي لما قطع عليها كلامها دق على الباب00 تحجبنا زين وبعدها قلت :اتفضل
دخل الدكتور سيف وهو مبتسم ويقول: السلام عليكم 00
ردينا عليه :وعليكم السلام 0
بعدها قلت :دكتور مليت والله ممكن تكتب لي خروج اليوم 00
جلس يفحصني وبعدها قال:اممممم اوكي بكتب لك خروج 000 بس بشرط
فرحت من الخاطر وقلت له بسرعة وبدون تردد:أنا موافقه على كل شروطك المهم أطلع من هني 00
سمعت ضحكته وهو يقول :هههههههههههههه ايش دعوه مرام لدرجه هذي مليتي منا 00 بس يلا بنمشيها لك شرطي انك تحافظين على رجلك وماتمشين كثيرعليها وتجين عندي على المواعيد عشان نشوفها لك ونفحصها 00
كنت برد عليه لكن سمعت اسرار وهي تقول برسميه :لاتخاف دكتوور 00انا بنفسي بجيبها لك على المواعيد 00
جلست أطالع في وجهه سيف لما لف لأسراراللي كانت واقفه بعيد شوي وحسيته يناظرها نظرات غريبه وهو يقول:اذا كذا خلاص انا مطمئن انها بتكون بخير 00
أسرار :شكراً دكتور00 بس ماقلت لي متى بتشيلون عنها الجبس ومتى بتطلع0
سيف :الجبس ان شاء الله بنشيله بعد شهر لأن الكسر بسيط واذا على الخروج انا بكتب لها أذن خروج الظهر 00 ولف علي وقال :تطلعين بالسلامه 00
قلت له :الله يسلمك00
طلع وسكر الباب وراه لفيت لأسرار السرحانه وقلت لها بخبث:او اوف أسرااارو أنا هني وين رحتي 00
طالعتني ببرود وقالت لي : انا معك يعني وين بروح00
حسيت إن أسرار فيها شئ وماتبغى تتكلم وماحبيت أظغط عليها 00 طلبت منها الجوال عشان اتصل في فهد واقوله يجئ يطلعني وماله داعي مامي وبابي يتعبون نفسهم ويجووون 00
بعد الظهر جاء فهد وخلص اجراءت الخروج 00 وأسرار ماقصرت تعبت معي حيل شالت أغراضي وركبنا السياره 00 في السياره كلهم ساكتين ومااحد يتكلم غيري انا اسال فهد عن مامي وبابي واخبارهم وهويرد علي باختصاااار 00 بعدها وصلنا لبيت عمي وانا اناظر مع شباك السياره برى وأناظر المكان اللي صار فيه الحادث غمضت عيوني بالم وانا أحاول أنسى أنسى كل شئ صار00 نبهتني أسرار وهي تقول :مع السلامه مروومه 00 إن شاء الله بيكووون بينا اتصااال 00
قلت لها :مع السلامه وبانتظار اتصالك00
نزلت من السياره وسكرت الباب وراها ودخلت جوى بيتهم بعدها لفيت لفهد وقلت له باستغراب:فهد ايش فيك ؟!ليش ماتتحرك ؟
قال لي وهو سرحان :هاااا 00ايه اتحرك الحين الحين اتحرك 00
تذكرت كلام أسرار لي في المستشفى عن فهد000 وإستغربت من حالهم ماادري ايش اللي صار لهم فهد وأسرار يكونون مع بعض بدون لا يتناقرون ولا يتهاوشوون
وفوق هذا كله الهدوء اللي بينهم 00 قطع تفكيري فهد اللي وقف مبتسم عند بابي وفتح الباب وهويقول: يلا مرومه خانم هاتي يدينك خليني اشيلك لغرفتك 00
مديت له ايدي وقلت له بتكبر وانا اضحك "ههههههههههههههههههههه رفقا بي أيها الغلام 00
ضربني على كتفي بخفيف وقال لي وهو معصب:انا غلااااام يادبه طيب 00
عطاني ظهره وراح للبيت وخلاني وهو يقول :دوري الحين احد يدخلك جوووى البيت يادبه00
فتحت عيوني على كبرها وأنا مو مصدقه وقلت في خاطري أكيد هذا جن وقعد بيدخل ويخليني هني 00صرت أصارخ واقول بتوسل:فهووووووووود فهود حبيبي لا تتركني أنت أمير لالا أنت ملك بس تعال لا تخليني 00
إنقهرت من جد لما سمعت ضحكته وهو جاي عندي ويجر خشمي ويقول:إيه كذا أبغاااك 000إعتدلي وتكلمي زين 00
سكت عنه بالقوه وماتكلمت عشان مايسويها ويتركني هني 00 المهم شالني للبيت وجلسني في الصاله وقال لريتا تروح تنادي مامي وبابي وهو طلع يجيب العكازات حقتي 00 لما شفت مامي وبابي نازلين مع الدرج حسيت بغصه وكان ودي أوقف من مكاني وأروح لهم ركض وأضمهم لصدري 00 جاء بابي عندي وضمني لصدره وهو يقول :الحمدالله على السلامه يابنيتي الحمدالله على سلامتك 00
ضميته بقوه وانا ابكي على صدره واقول:الله يسلمك بابي 00الله يسلمك 00
مسح بابي على راسي وربت على كتفي وهو يقول بصوت حزين :سامحيني يبه سامحيني 00انا

 

 

[المشاعر العذبة]

قطعت كلامه وحطيت إيدي على فمه وأنا أقوووول :بس بابي لا تقول شئ أنا مو زعلانه منك ولا شايله في خاطري عليك 00 بابي أنا ماابغى من هالدنيا الا رضاك إنت ومامي 00
جات عندي مامي وباستني على خدي هي تقول :الله يخليك يمه ومايحرمني منك 00
فجاءه انفجرنا كلنا من الضحك لما شفنا فهد واقف عند الباب وهو شايل العكازات بيد وحاط اليد الثانيه على خصره وهو يقول :لا والله الحين كل هالدلع للفصعونه اللي جالسه بينكم وأنا مالي شئ00 ليه هو أنا ولد البطه السوداء00
عصبت عليه وقلت له :الفصعوووونه مرتك ياااااااااااادب00
طنشني ومارد علي 000 وبعدهاا قال :ماتبغيني أطلعك غرفتك الحين 00 لاني أنا بطلع مع ماجد ورانا أشغال 00
رفعت عيوني لبابي وحسيت ملامحه تغيرت لما إنذكر إسم ماجد 000لكني لفيت نظري لفهد وقلت له:ياليت طلعني لغرفتي أنا ابغى أطلع فوق أريح شوووي وأنااام 00
مامي بحنان:إيه يمه طلعي نامي وإرتاحي 00 وأنا بعدين بجيب لك شئ تاكلينه 00
ابتسمت لهم وجاء فهد وشالني وطلعني مع الدرج وهو يقول :اوووووووف صايره دبه 00 الله يعيني عليك لين ما تشيلين الجبس00
قلت له بدلع :أنت أخوي ولازم تتحملني 00 إذا أنت ماتحملتني من بيتحملني00
وصلنا للغرفه وفتح فهد الباب وحطني على سريري 000 كنت من الخاطر مشتاقه لها مع إني ماطولت إلا إني فقدتها حيل 00شفت فهد واقف مكانه وماتحرك وقلت له:خير فهد بغيت شئ00
جاء وجلس جنبي على السرير وهو يقول:مرام إيش رايك لو تتزوجين ماجد 00
جلست اطالع فهد وانا مو مصدقه الكلام اللي سمعته وقلت له :أنت شو تقول ؟!
رد علي وقال:إنتي هدي ولا تعصبين 00 أنا اقول لك ليش ماتتزوجين ماجد00
قلت له بعصبيه :فهد أنا مو لعبه بيدك إنت وماجد مررره وافقي ومره لاااااااااا00
حاول فهد يهديني وهو يقول :مرام صدقيني ماجد ماله خص بالكلام اللي جالس أقوله لك 00بس أنا أقول مادام مريم ماتت والله يرحمها إيش المانع إنك تتزوجينه 00
ماادري ليه قلت له بعصبيه :فهد أنا مستحيل أوووافق على ماجد بس حبيت أقولك إذا في يوم من الأيام فكرت مجرد تفكير أني أتزوجه أبغاه يكون من رضاه هو وباقتناعه فهمت ولا لاااااااا00
قام فهد من مكانه وقال :اوكي براحتك بس لا تعصبين00واسمعي هذا جوال جديد بدال اللي تكسر في الحادث بس الشريحه نفسها 00 بس قبل لا أنسى عمي عزمنا كلنا على المزرعه بكرره وهذا طبعا بشرف خروجك من المستشفى بالسلامه 00
بعدها طلع وخلاني وجلست انا افكر بكلام فهد بس قلت في خاطري ماجد من الأول مايبغاني وهو قالها بلسانه أنا انغصبت عليك !وعشان كذا مستحيل أتزوجه مستحيل 00 لقيت الجواال اللي قال عنه فهد على الكوميدينه وكان جديد وشكله حلو000 أخذته ولقيت مكالمات كثيره وطبعا هالمكلمات لاتخلوو من رقم عامر فكرت شوي وبعدها خطر في بالي شئ وقررت أنفذه وقلت بإصرار:طيب ياااعامر طيب 00مثل مادمرت حياتي راح أدمر حياتك 00ومثل ماخليت أعز الناس يشكون في راح أكرهك بعمرك00
مسكت الجوال وفتحت على الرساائل وكتبت رساله وأنا أرجف من الخوف وقريتها كذا مره وأنا مترردده أرسلها ولا لا لكن بالاخير قويت نفسي وأرسلتها 00
بعد عشر دقايق بالظبط من إرسالي للرساله دق الجووووال وحسيت بالرعب لما شفت المتصل وصار جسمي كله يرجف رفعت الجوال وانا ارص عليه وقلت :الووووووو
سمعت صوته وشكله فرحان وهو يقول :هلا والله بصاحبة هالصوت 00
إستحقرت نفسي بسبب اللي أسويه بس طنشت لأني كنت مصره أكمل انتقامي للنهايه وقلت له بدلع :هلا فيك امممممم
قال لي بفرح :لا تسكتين مروومه وقولي لي صج اللي في الرساله؟! 00
قلت له وانا مشمئزه من صوته :انت شووو رايك ؟!
قال لي بسرعه :والله مو مصدق عمري وأخيرا وافقتي إنك تتزوجيني وأخيرا 000 بس ماقلتي لي متى أجئ أخطبك00
حطيت إيدي على فمي وأنا احاول اكتم صوت صياحي وقلت له بصعوبه :متى ماتبغى 00
عامر:واااااااو مرومه فديت عمرك والله 00 واخيرا صار اللي بغيته 0
حسيت عمري شوي وأنفجر من البكي وأنا أقول بمراره وحقد :ها الحين إرتحت اللي بغيته وصار 00
بسـ
هوماانتبه لنبرة صوتي وقال لي بسرعه :بسـ شو انتي تامرين امر 00
قلت له ودموعي تحرق خدي :الزووووووووواج مايكون قبل شهر 00

(هــذا الــزمــن حــاكم وأنــا فيــه
محكــوم
مــاهمنــي كبــر الفضــا و
أتســاعه
مــدام دمعــي جــف والقلــب
مصـدوم
بقــول للأحـزان سمعــا (ن) و
طــاعه
ومــدامني عشـــت الــزمن دوم
محـــروم
شيصيــر لوضـاقت علـــي كـل
ســاعه؟)مااقدرت أكمل وسكرت الجواااال بوجه ورميته على السرير وانا أبكي وأصيح وحسيت إني بهالطريقة أنهيت حياتي مع إنسااان سكير مريض نفسي كله بس عشاان أنتقم منه 00 لكني فجاءه حسيت قلبي يرقع من الخوف ورفعت راسي لما سمعت صوت يقوووول :مراااااااااااام شو اللي سمعته الحين 000
لما طاحت عيني بعيون مامي قلت لها وانا أمسح دموعي ومرتبكه :شو شو اللي سمعتيه مامي00
حسيت جسمي كله يرجف لما قربت مني وهي تقول :ليش يابنيتي ماتبين تاكلين 00 ترى هذا مو زين على صحتك 00
حطيت ايدي على قلبي وانا أحاول أخفف من دقاته وقلت لها وانا أتنهد :منو قال لك اني ماابى أكل 00
باستني على راسي وقالت لي :فهد توي شايفته نازل وقال لي انك ماتبين تاكلين 00
مسكت يدها وبستها وضميتها بين يديني بعد ماارتحت وقلت لها :افا عليك مامي اذا على الاكل الحين بااكل 00 بس أنتي لاتزعلين عمرك 00 وفهيدان يكذب عليك أنا مااقلت له اني ماابي أكل 00
ابتسمت مامي في وجهي وقفت من مكانها وقالت :طيب يافهيدان انا أراويك شغل الله تجذب علي ياجليل الحياء00
انا انفجرت من الضحك على اسلوب مامي وقلت لها:هههههههههههههههههههههههههههههههههه عليك فيه مامي أدبيه مو زين يجذب عليك هههههههههههههههههههه00
ضربت مامي على صدرها وقالت :ماعليك انا اراويه شغله اذا جاء من برى (بعدها قالت لي بحنان)الحين ريحي انتي وانا بروح اجيب لك شئ تاكلينه00
قلت لها:إن شاء الله 00
لفت مامي بتطلع عشان تجيب لي الاكل00 بس انا ضربت على جبهتي بعد ماتذكرت شئ وقفتها وانا اقول:صدق مامي عمي عازمنا بكره في المزرعه 00
لفت علي وقالت :ايه صدق بس انتي منو قالك؟! 00
حطيت راسي على المخده من التعب وقلت لها بدلع:فهيدان الكذاااااااااااااااب 00
ابتسمت انا على ضحك مامي00 وبعدها تلحفت بالشرشف ورحت بسابع نوومه بدووون مااحس بعمري 000 قمت من النوم وانا أحس جسمي متكسر من التعب رفعت الشرشف عني وحاولت أحط رجلي على الارض وبعد ماحطيتها مسكت عكازاتي ورحت للحمام عشان أتوضاء وأصلي بعد ماطلعت من الحمام رحت للسرير وجلست عليه وانا أحس بتعب بسبب المجهود اللي سويته 00 ضحكت بخاطري وقلت(هههههههههههههههههههههه ياحليلك يامرام صار الوضوء يتعبك بعد ماكنتي تروحين وتجين براحتك بس صدق مااقول الا الحمدالله على النعمه 00النعمه اللي الواحد مايحس فيها لين يفقدها ) طالعت الساعه وكانت الساعه 9 بالليل يعني فاتتني الصلاوات جمعتها كلها وصليتها واستغربت إن مامي ماصحتني للصلاه قلت في خاطري أكيد تبغاني أرتاح 00 بعد ماخلصت سمعت صوت جوالي يدق أخذته وشفت المتصل (سميرة تتصل بك) انتفض جسمي كله مره وحده وصار قلبي يدق بقوه بعدها تذكرت اللي سويته أمس وتذكرت القرار اللي إتخذته وقلت في خاطري (أكيد عامر قال لها وتبغى تتأكد) رديت عليها وأنا أحاول أهدي عمري وأخفف التوتر اللي بصوتي وقلت :الووووووووووووو
سمعت صوت سميره وهي تقول بلهفة وخوف:مراااام كيفك حبيبتي ؟شو أخبارك ؟
ضغطت على جوال بقهر وقلت في خاطري(أظن حالي يعرفه أخووووك مايحتاج تسأليني عنه ) نبهتني وردتني للواقع وهي تقول :مرام تسمعيني ليش ماتردين ؟
رديت عليها وقلت :هلا سميره أنا بخير الحمدالله 00كيفك أنتي ؟
سمعتها تبكي و تقول :مرااام قالت لي أسرار عن الحادث اللي صار لك00 وأنا عارفه ان هذا كله من تحت راس عامر 00

 

 

[المشاعر العذبة]

ماقدرت أمسك عمري وصحت معها وأنا أقول:سميرة أخووووك خرب علي حياتي نكد علي عيشتي 00 تعرفين شو سوا في يوم ملكتي هدم ثقت أهلي في 00شو يبغى أكثر من هذا شو يبغى مني 00
كسرت خاطري سميره لما جلست تصيح وتقول : ياليتني يامرااام مت ولا صار اللي صار ياليتني مت ولا عزمتك على حفلتي 00
ماقدرت أستحمل كلامها0سميره مهما كان مالها ذنب باللي يسويه أخوها قلت لها بعطف :بس سميره لا تقولين جذيه هذا اللي ربي كاتبه وقاسمه لي 00 أنتي مالك ذنب هذي قسمتي ونصيبي وانا مالي الا أصبر 00
سميره بحب :يعني أنتي مو زعلانه مني 00
حاولت أغير مزاجها مع انه انا أحتاج أحد يغير مزاجي وقلت :اممممممممممم لحظه أفكر (سكت شوي وبعدها قلت)00 الا زعلانه 00
سمعتها تقول بخوف:أدري مرام انك مستحيل تسامحيني أدري 00
مسحت دموعي بكف ايدي وقلت لها :سميره انا مو زعلانه منك 00بس ابغى اسألك سؤال أتمنى تجاوبيني عليه بصراحه ممكن 00
قالت لي بسرعه وبدون تردد:أسألي وأنا أجاوبك إن شاء الله 00
قلت لها:عامر بيوم ملكتي ليش كان في حوش بيتنا مع انه الرجاجيل في بيت عمي 00
سميره بتردد:اممم بصراحه انا سألته بيوم الملكه بس هو قال لي كان يبغاني أطلع عشان يأخذني لانه بيروح البيت 00 بس انا ماصدقته لانه بالاول قال لي أروح مع السواق (سكتت شوي وبعدها قالت)00 تصدقين مرااام اللي انا مستغربه منه إن عامر ماامداه اتصل علي ونزلت له 00الا كان هو تحت في الحوش يطالعك من بعيد لما كان مغمى عليك بين يدين أمجاد 000
قلت لها بتردد :يعني مو هو اللي شالني 00
قالت بسرعه وبعدم تصديق :شو تقولين انتي أمجاد هي اللي كانت عندك مو عامر00
استغربت من التناقض اللي كان بين كلام أمجاد وسميرة وقلت بخاطري أكيد سميره ماجات الا بعد امجاد ماجات عندي 00 بعدها قلت وأنا أتعذر:ماعليش سميره لازم أسكر الحين لان مامي تبغاني 00
قالت لي بحب:ماتشوفين شر يالغاليه في أقرب وقت إن شاء بزورك 00 مع السلامه 00
قلت لها وانا أحاول أربط بين كلام أمجاد وسميره :مع السلامه 00
بعد ماسكرت من سميره 00اتصلت على طوول أسرار في نفس الوقت اللي دخل فيه فهد علي الغرفه00رديت على أسراروأنا أطالع فهد بقهر و أشرله بيدي واتحلف فيه لانه كذب على مامي وهو يبتسم ويضحك علي ويسوي حركات في وجهه ويستخف دمه 000 من القهر ماإنتبهت لصوت أسرار وهي تصارخ وتقول :مراااااااااااموووووو وصمخ وينك؟
بعدت الجوال عن أذني وقلت لها بعصبيه :وصمه إن شاء الله 00 فجرتي طبلتي شو تبين 00
سمعت ضحكتها وهي تقول :ههههههههههههههههههههههههههه تستاهلين ليش ماتردين علي 00 وبعدين جوالك ليش كان مشغوول 00
قلت لها بنرفزه:وحده وحده علي 00 بعدين أنا مارديت عليك لان الدب فهيدان عندي ومزعجني وجوالي مشغول لاني كنت أكلم سميره00
سمعت أسرار تقول بتفهم :اهااااا قلتي لي 00 (سكتت شوي وبعدها قالت ) مروومه اكيد دريتي عن عزومة بابي بكره00 تصدقين من جد فله وحمااااااس من زمان نفسي نتجمع كلنا ونرووح وننبسط 00
قلت لها بدلع وغياض:احم احم لا تنسين ان هالعزومه على شرفي 00
ضحكت من الخاطر لما قال فهد بصوت عااااااالي عشان يسمع أسرارويغايضها :خلاااااااص مرومه سكررري ولا تهذرين واجد ترى انتي تعبااانه ولازم تاكلين وترتاحين مو زي بعض الناس لاشغله ولامشغله 000 وبعدين أنا فهد بجلالة قدري جاي أنزلك تحت عشان تاكلين معنا 00 وبعض الناس لاحقه عليهم 00
سمعت أسرار تقول بعصبيه :قولي لاخوك الدب من زينك ياشين الحلاياااا00
حطيت ايدي على فمي أكتم ضحكتي لكني ماقدرت وإنفجرت من الضحك مره وحده وأنا اقول لفهد :ههههههههههههههههههههههههههههههههههههههههههههههههه هههههه تقول لك بعض الناس من زينك ياشين الحلايا 00
هههههههههههههههههههه0
بصراحه كل شئ توقعته الا إن فهد يشد الجوال من يدي وياخذه مني عشان يكلم أسرار ويقول لها بعصبيه:مين شين الحلااايا هااا مين ؟تكلمي 00
بعدها لف علي وقال لي بعصبيه وهي يحرك الجوال قدامي :تخيلي المعفنه شو سوت سكررررت الجوال بوجهي صدق ماتستحي على وجهها 00
حاولت أهديه وأخفف من عصبيته لكني بالاخير تراجعت لما شفته رمى الجوال على سريري وهو يتنهد بعصبيه :اهـ سدت نفسي الله يسد نفسها (سكت شوي وبعدها قال لي ) وأنتي
قلت بخوف وأنا أحط يدي على عيوني :والله ماقلت شئ ولا سويت شئ 00
سكت شوي و فجاءه انفجر من الضجك وحط ايده على بطنه وطاح على سريري وهو يقول :هههههههههههههههههههههههههههه مرووووووووومه ههههههههههههههههههههه شكلك وأنتي خايفه يموت من الضحك ههههههههههههههههههههههههههههه 0
إنقهرت عليه وعصبت وضربته على كتفه وقلت له :مايضحك 00ومااااااااالت عليك يااشين الحلا يااااااااا 00
بصراحه ندمت على الكلمه الي قلتها وحطيت ايدي على فمي لما شفته يطالعني بقهررررر 000 لكن بعد دقايق انفجرنا انا وهو من الضحك وماسكتنا الا لما اندق الباب وقالت ريتا :مدام ماما كبير تهت يقول انزل تعشى 00
قلت لها :اوكي ريتا انتي روحي انا الحين يجئ 00
وقف فهد وقال :قصدك الحين فهد يشيلني وينزلني0
حاولت أكسر خاطره وأنا أغير ملامح وجههي وأضحك عليه بكلمتين وقلت له :ايه فهوووود مالي غيرك00 أنت أخوي إذا ماتحملتني منو بيتحملني 00
جاء عندي وشالني وهو يضحك و يقول :ههههههههههههههههههههه مسويه بتكسرين خاطري ها00
يلا مو مشكله انا قلبي طيب ولازم أتحملك 00
طلعنا من الغرفه وهو شايلني بعدها ضربت على جبهتي وقلت له :ايه صج تذكرت 00ايش حقه تقول لمامي اني ماابي غداء اليوم 00
قال لي وهو يضحك ومبسوط :ههههههههههههههههههه ايش أسوي بأمك شايفتني مستعجل بطلع مواعد ماجد وتقول لي روح نزل أختك تتغداء معنا 00 قلت لها ليش ماطلعون الغداء فوق لها قالت لي (لا يمه أنا ماأبيها تتعود تأخذ الاكل لغرفتها ) عااد انا هني ماحسيت بعمري الا وانا أقول لها إنك ماتبين تأكلين عشان أفك عمري والحق على مجود ههههههههههههههههه00
ضربته على كتفه وأنا أضحك :ههههههههههههههههههههه صدق ماانت بسهل 00كل هذا بس عشانك بتنزلني 00
قال لي وإحنا داخلين الصاله :شو اسووووي والله كنت مواعد ماجد ومستعجل 00
لما جلسني على طاولة الطعام شفت بابي ومامي داخلين الصاله وهم مبتسمين 00ماقدرت الا اني أرد الابتسامه لهم وانا أقول :هلا وغلااا بللي لفوووونا 00
قرب مني بابي وباسني على خدي وهو يقول :هلا فيك بنيتي إن شاء الله أحسن الحين 00
قلت له بحب :ايه الحمدالله أحسن بكثيرر 00
ناظرتني مامي بعتب وهي تقوول :الحين اقولك بسوي لك غداء أجئ لغرفتك وألقاااك نايمه 00
قلت لها بحب :ماعليش مامي والله راحت علي نوووومه من التعب وبدون مااحس بعمري 00 بس الحين بقضي على اللي بالسفره كلها 00
انفجرنا من الضحك لما قال فهد :لايحوووووشك 00 انا بأكل مو منتظر حد يقضي على اللي بالسفره 00
جلسنا سوالف وضحك بعدها طلعوا مامي وبابي فوق عشان ينامون ويريحون وجلسنا أنا وفهد نتفرج على التلفزيوووون 00بصراحه فهد شكله كان منسجم مع الفلم لكن أنا كنت مشغوله أفكر بشئ ثاني افكر بنفسي وباللي بسويه في عامر
فكرت أثبت لأمجااد إنها ظلمتني ولو على حساااب نفسي 00
مارجعني للواقع الا صوت فهد وهويتثاوب ويقول :يلا مروومه بطلعك غرفتك لاني تعبان وبروح أناااااام ولاتنسين بكره عزومه عمي لاازم نكون صاحين من الساعه8 الصبح عشان نروح بدري لأنهم كلهم بيكونون موجودين 00
قلت له بكسل :إن شاء الله 00
شالني فهد وطلعني لغرفتي وحطني على سريري بعدها قال لي :تصبحين على خير 00
ابتسمت له وقلت :وأنت من أهل الخير تعبتك وياي00
طالعني بحنان وقال:تعبك رااااااااحه00
بعدها طلع من غرفتي وسكر الانوار بس أنا شغلت الاباجوره اللي جنبي وجلست أطالع في السقف وأفكر كيف ممكن أتقابل مع أمجاد في العزومه بكره وايش كان قصدها لما قالت لي في المستشفى :والله غصبن عني 00 حطيت ايدي على راسي وانا اضغط عليه لاني حسيته شوي بينفجر من كثر التفكير00 حاولت أبعد هالافكار عن راسي بس ماقدرت فقررت أقراء قران شوي عشان أريح وانام وفعلا بعد نص ساعه رحت بسابع نوومه 000
قمت من النوم على صوت الجووااال اللي أزعجني وهو يدق فوق راسي أخذته بعصبيه وقهر لاني ماشبعت نوووووم ورديت بسرعه وبكسل وبدون لاانظر مين المتصل وقلت :همممممم نعمممممممم
قال لي :صباح الخير00
حسيت بتوترفضيع لما سمعت صوت المتصل 000طالعت شاشه الجوال وكان فعلا إحساسي بمحله المتصل عامر مااغيره قلت له بهمس :نعم 00 عامر بغيت شئ 00
حسيت إن كبدي لايعه لما سمعته يقول لي بدلع ورومانسيه:الله ينعم عليك حبيبتي (سكت شوي وبعدها قال بعتب ) في وحده تقول لخطيبها نعم 00
ضغطت على جوال بقرف (وقلت في خاطري الله يلوع كبدك مثل ماتلوع كبدي) وبعدها قلت بحده :عامر لا تنسى إحنا لسى ماخطبنا 00 (وكملت بعصبيه ) وبعدين ليش متصل من صباح الله ايش تبغى 00
عامر: أدري ماخطبنا بس أنتي موافقه 00 وإن شاء الله قريب بنخطب 00
حسيت انه شوي ويتكسر الجوال بيدي من القهر وقلت له :اسمع ياعامر ماابغاك تتصل في لين نخطب إنت فاهم ولا لا 00
وسكرت الجوال بوجهه وقفلته على طووول ورميته على السرير من القهر 00 بعدها طالعت الساعه اللي على الكوميدينه وكانت 9 الصبح قررت أدخل الحمام أتوضاء وأصلي الفجر وبعدما خلصت رحت لجوالي بصعوبه واظطريت افتحته عشان أتصل على الصاله تحت وأقول لريتا تجئ عشان تجهز أغراضي وأول مافتحته سمعت صوت مسج وفتحته بدون إهتمام وكان من عامر مكتوب فيه (ماأنصحك تسكري الجوال في وجهي مره ثانيه 00قبل سويتيها وشفتي ايش قدرت أسوي فيك خليت بنت عمك تقلب عليك 00لكن والله يامرام لو سويتيها مرره ثانيه لاخلي أهلك يتبرون منك أنتي فاهمه )00 لكن أول ماقريته حسيت جسمي كله يتنمل حسيت بثقل وهم كبير جثم على صدري وقلت وانا أبكي : يهددني الخايس يهددني يعني هواللي ورى اللي صار لي مع أمجاد هو ماغيره 00الحين قلت له موافقه و يهددني 00هذا أكيد إنسان مجنون مريض نفسي لازم يتعاالج 00 بس أنا شو ذنبي يصير لي كل هذا شو ذنبي 00 قطع تفكيري صوت ريتا وهو تقول لي :مدام ايش فيه 00انتي ليش يبكي 00
أخذت من الكلينكس اللي على الكوميدينه ومسحت دموعي وانا اقول لها:مافيه شئ ريتا 00 (وسكت شوي وأنا أحاول أهدي نفسي وبعدها كملت) خذي شنطتي وحطي فيها ملابسي وأغراضي كلها اوكي ريتا 00
ريتا :اوكي مدام 00
جلست ريتا تحط الاغراض في الشنطه أما أنا مسحت رسالة عامر وقفلت الجوال ورميته على السريربقهر وأنا مقرره إني ماأخذه معي و000بعد نص ساعه دخل علي فهد وهو كاشخ حيل كان لابس بنطلون كحلي وبلوزه نص كم لونها أحمر فيها خطوط كحليه ولابس كاب كحلي طالع شكله روووعه لف حوالين نفسه وهو يقول :هااااا
شورايك بالبرنس فهد 00
قلت له وأنا أصفر وأحاول أخفي الشعور اللي بداخلي :واااااااااااااااااااو كشخه صج تهبل فهيدااان 00 تصدق فهيدان أخاف البنات يطيحون يمين وشمال يوم يشوفوووونك 00
رفع يدينه فوق بغروروحطها على صدره بإستعراض وقال لي وهو رافع خشمه :امممممم أدري أدري يااختي العزيزه 00 بس شو ذنبي إذا ربي خلقني حلوووووو 00
فكرت أقهره وأغايضه فقلت له وأنا اتصنع البراءه :اممممممم يمكن بسـ
قال لي بسرعه :بسـ شو؟! 0
رفعت ايدي مثله وقلت بغياض :بسـ ماادري ليش أسراروو ماتشوفك حلووو وتقول عنك شين الحلايا 00
وقف قريب مني وهو يحط ايده على خصره ويقول :.أنا أقول لك ليه لأن بنت عمك وبكل أسف ماعندها نظر 00
حطيت ايدي على فمي وأنا أكتم ضحكتي وقلت له :امممممم معك حق أسرار ماعندها نظر 00 (وسكت شوي وبعدها قلت ) الحين ممكن تطلع من الغرفه ببدل 00
ضرب ايده على جبهته وهو يقول بسرعه :ياويلي ياويلي أمي قالت نزل أختك وتعااااال بسرعه تراهم ينتظرونا من أول تحت 00
قلت له باستهزاء:اوكي اطلع خلني أبدل قبل مامي تجئ تجرك من أذونك 00
طلع وهو يقول :لا والله تتطنزين حضرتك (ولف علي وهو يقول بخبث) عادي بقول لها إنك أنتي أخرتيني ولين الحين مابدلتي 00
طلع من غرفتي وهو يركض ويضحك بصوت عالي لكن أنا جلست أصارخ وأنادي عليه وأقول :فهيدااااان يالخاايس يالكذاااااب 00 الحين انا مأخرتك ولا أنت جاي تتمختر وتتدلع قدامي 00 فهيداان 00
طنشني وطلع ومارد علي أما انا جلست أضحك لما لفيت لريتا وشفتها ميته من الضحك وقلت لها :فهد مجنون أنتي في معلوم 00
قالت ريتا بعفويه :معلوم 00
هني مااقدرت أمسك عمري من الضحك (وقلت بخاطري ) ياليت فهد يسمعك00بعدها قلت لريتا تجئ تساعدني باللبس لبست جلابيه لونها وردي فاتح فيها نقشات تفاحي وكانت حيل ناعمه0 حطيت كحل وروج وقلوس يعني مكياج خفيف ورفعت شعري بكلبس 00 بعد ماساعدتني ريتاولبست عبايتي قلت لها تروح تنادي فهد عشان ينزلني ونروح00 جاني فهد وشالني ونزلني لين السياره
بعد ماركبنا رحنا لمزرعة عمي اللي من زمان ماادخلتها ولا شفتها تقريبا من 3 سنوات وماكانت بعيده حيل يعني تقريبا ساعه الا ربع في السياااره 000 وصلنا للمزرعه وفتح لنا العامل البووابه ودخلنا جوى وكانت المزرعه من دااااخل جنااااااان الاشجااار والورد يجنن الا خبال بصراحه ماصدقت إنا ندخل الا قلت لريتا تجئ تساعدني عشان أنزل لأانه مو بعدله أخلئ فهد يشيلني قدام الناس مااتخيل منظري كيف بيكون ههههههه00 أخذت العكاز وساعدتني ريتا إني أنزل وأول مانزلت جلست أطالع في المزرعه اللي تغيرت حيل وصارت جنه من كثر ماهي روعه وأعجبتني حيل000 لفيت وراي لما سمعت صوت فهد وهو يسلم على ماجد ويقول له :هلا وغلا بو الشبااااااااب 00 وينك ماعاد تنشاف 00
رفعت عيوني وطاحت بعيون ماجد وحسيت قلبي يدق بقوه وتذكرت كل شئ صاروإنقال في يوم الملكه وكأنه شريط يمر من قدامي 00أنا ماأنكرإني حبيت ماجد وتمنيت إني أكون زوجته بسـ كلامه وإعترافه لي بحب مريم هدم كل شئ بنيته وتمنيته00

 

 

[المشاعر العذبة]

(ليـــهـ ما أنسى / جـــرحي / وأبـدا من جديــــد .!
دامنـي ~ حيّـــهـ ~ وبعروقـي نـبـــــض .!؟
ليـــهـ / أعلّـــــق / نبضـي بماضـي بعيــــد .!
وأنسى نفســي | هــنـــاك | والدنيــا ركــــــض .!؟(



إنتبهت على نظراتي لما سمعت صوت ماجد يقول لي :الحمدالله على السلامه يابنت العم
وماتشوفين شر يارب 00
حسيت إن وجهي إحترق من الفشيله فنزلت عيوني على الارض وإنربط لساني وماقدرت أرد عليه00 واللي أنقذني من هالموقف المحرج أسرار لما جات عندي وسلمت علي وهي تقول بفرح :هلا والله بالطش والرش 00 هلا مرومه 0
سلمت عليها وأنا أقول بهمس :هلا فيك حبيبتي 00
شدتني مع يدي مثل عوايدها بدخلني جوى البيت بس هالخبله نست إن رجلي مجبسه وبغيت أطيح على وجهي لولا الله ثم فهد اللي مسكني قبل مااطيح وهو يقول:هيه انتي هبله ماتشوفين 00
مسكت ضحكتي لما شفت أسرار تحط يدها على فمها من الخرعه وهي تقول :ووي نسيت والله 00 أسفه مرومه مو قصدي 00 (وسكتت شوي وبعدها قالت لفهد وهي تحط ايدها على خصرها )مااسمح لك تقول عني هبله إنت فاهم ولا لا 00
كان فهد برد عليها لوما إقطعه ماجد وهو يقول بعصبيه :أسراروو دخلي دااااااخل وعن طوله هاللسان00
طالعتنا أسرار بقهر وهي تتأفف وعطتنا ظهرها ودخلت داخل00 أما أنا حسيت شكلي غلط لان مامي وبابي دخلو ومابقى غيري فأخذت عكازي وسحبت رجولي لين دخلت 000 وأول مادخلت الصاله إنصدمت لما شفت الناس متجمعين يتقهون ويفطرون بسـ صدق اللي ماخطر في بالي إن أهل حسن زووج أمجاد يكونون موجودين00 دخلت وسلمت عليهم وكان يتحمدون لي على السلامه00
قالت لي أم حسن:الحمدالله على سلامه يابنيتي ماتشوفين شر 00
ابتسمت لها وقلت:الله يسلمك خالتي والشر مايجيك 00
وأنا أسلم على أم حسن شفت بنت قمر ماشاء الله عليها جالسه جنب أمجاد وشكلها أكبر مني يعني تقريبا عمرها بالعشرين قالت لي وهي جالسه وماكلفت على عمرها إنها تقوم تسلم :سلامات يالغلا0
جلست على الكنب اللي جنبي وقلت لها بنفس إسلوبها المستفز والمغرور:الله يسلمك00
طالعت أسرار اللي كانت جالسه بعيد عني ومبوزه وقلت لها بدلع:أسراروو تعالي جلسي جنبي 0
قامت من مكانها وجات وجلست جنبي وهي تتأفف وتقول :ااااااف نعم خير بغيتي شئ00
همست بإذنها وقلت لها :أهوووون عليك طنشيني00
حسيت بالاحراج لما قربت مني أسرار وباستني على خدي قدامهم كلهم وهي تقول :طبعا ماتهونين علي 00أنتي الوحيده اللي مااقدر على زعلها 00
ضحكوا كلهم علينا أناوأسرار وإنقهرت من الخاطر لما سمعت البنت تقول وهي تصفق :واااااااااو شو هذا إعجاب عيني عينك عيب إستحوا على وجوهكم 00 على الأقل مو قدام الناااس 00
كنت برد عليها من الغيض اللي في وأروح أتوطاء في بطنها 00 لكن أسرار سبقتني وهي تقول بعصبيه :شروووق صج إنك ماتستحين ولا تحشمين شو هالكلام 00 أي إعجاب وأي خرابيط بنت عمي وأحبها عندك ماااانع 00
سمعتها تقول بدلع وهي رافعه خشمها :وي وي أسراروا أكلتيني بقشوري 00 أعصابك حبيبتي ماقلت لك شئ يستاهل كل هالعصبيه 00
كانت أسرار بترد عليها 00 بس أنا حسيت إنها مو عدله نتهاوش قدام الحريم يعني الواحد لازم يحشم 00 فمسكت يد أسرار وجلست أطالع شروق من فوق الا تحت وأنا أقول :أسرارو قومي خلينا نطلع برى الجوو مرررره روعه 00
كانت أسرار بتعاند بسـ أنا غمزت لها والحمدالله إنها فهمتني وقامت معي وهي تساعدني 00 وأول ماطلعنا من الصاله تنفست بإرتياح وأنا أطالع الاشجار والورد وأقول لأسرار :اووف منها صج مغروره وماتستحي 00 سمعتيها شو تقول (جلست أقلد صوتها وهي تقول) واااااااااو شو هذا إعجاب عيني عينك عيب إستحوا على وجوهكم 00 على الأقل مو قدام الناااس 00
لفت علي أسرار وهي تقول :خليك منها شروق معروفه بإسلوبها الزفت وغرورها 00 ماادري إخوانها كيف متحملينها (حطت يدها على رقبتها وهي تقول )00 لو أنا مكانهم أنتحررررررر00
ضحكت على طريقه أسرار بالكلام وقلت لها وأنا أغير الموضوع :خليك منها الحين00 ماقلتي لي وين عمي مشتااقه له حيل00
أشرت بيدها داخل الزرع وهي تقووول: هنااااك في الكوخ مع ألاء وروان (00وسكتت شوي بعدها قالت بحماس )شو رايك نروح عندهم الجو مررره روعه والجلسه بالكوخ ماتتفوت00
وقفت أناظر المكان اللي أشرت عليه وقلت لها بتردد:اامممممم طيب يمكن نلقى الشباب جالسين هناك 00
قالت لي وهي تهز راسها بمعنى لا :لا تخافين 00 الشباب في المجالس اللي هناك 00 وبعدين أنا قلت لك إن أمجاد وروان هناااك 00
قلت لها بتساؤل :اممممم أسرار روان أخت شروق 00
هزت راسها وهي تساعدني على المشي وتقول :ايه أختها وهي بعمر ألاء بس تعرفين روان وشروق فرق السمااااء عن الاااارض00 مشينا وهي تكمل كلامها وتقول :روان جمالها هادي بس طيوبه وحبوووبه حيل ومتواضعه عكس اللي ماتتسمى 00
ضحكت على كلام أسرار وقلت لها :ههههههههههههههههههههههههههههههه شكلك ماتحبين شروق 00
قالت لي بسرعه :أنا مااكرههاا بس اكرره تصرفاتها وغرورها 00
سكتنا لما وصلنا للكوخ وقبل ماندخل إنصدمت ومسكت عمري لأاصرخ في وجههم لما سمعت صوت عمي يقول :




(وحيده عشت في دربٍ حزينٍ مظلم مهجور
وحيده عشتها الدنيا أقاسي لوعة سنيني
تجرعت المرار أمرار وقاسيت العنا والجور
أجامل وابتسم واضحك وحزني ساكنٍ عيني!

 

 

[مذهلة]

في انتظارج
:
وربي يساعدج
:

 

 

[أنثى مخملية]

ربي يسعدك ويوفقك
انا قرات ها القصه في منتدى ثاني
وككككانت قمة الروعه
بس اللي قهرني صاحبت القصه ماكملتها وصرت كل يوم ادخل علشان اشوف وش النهايه
وليومك ماتغير شي
انشالله اكملها معكم
الله يعطيك العافيه
وصح عليك وعلى روعة اختيارك

 

 

[قيثارة]

كملي حبوبه والله انا انشغلت هالكم يوم وانقطعت عن المتابعه بس وياج ..
تابعي ..

 

 

[المشاعر العذبة]

سكتنا لما وصلنا للكوخ وقبل ماندخل إنصدمت ومسكت عمري لاأصرخ في وجههم لما سمعت صوت عمي وهو يقول :ماله داعي نسوي ملكة ماجد ومرام كبيره نسويها عائليه أحسن 000 يعني بعد ماتفك مرام الجبس إن شاء الله 00
ماقدرت أتحمل كل هالضغوط وقلت في خاطري مو على كيفهم يقررون حياتي مثل مايبغون وكيف تكون 00مو على كيفهم أنا مو لعبه بين يدينهم يسون فيها اللي يبغون خلاص أنا مااقدر أتحمل أكثر مااقدر00 ضغطت بقوه على العكاز ودخلت للكوخ وأنا أقول :إسمح لي ياعمي 00 أنا مااقصد إني أرفض لك كلمه أو إني أنزل كلمتك في الارض بس أنا ماابي أتزوج ماجد لا الحين ولا بعدين00
ساد الهدوء مره وحده في المكان ومااحد تكلم من الصدمه رفعت عيوني لبابي وشفته منزل عيونه بالارض
وهذا اللي حز بخاطري ماأحب أشوف بابي بهالحاله وبهالموقف لكن أنا مجبوره ومابيدي شئ أسويه 00
قطع الهدوء صوت أسرار وهي تهزني مع كتفي وتقول بتعجب :مرام شو تقولين أنتي 00أكيد ماتقصدين الكلام اللي قلتيه صح ماتقصدينــ 00
ماقدرت أرد عليها ولا أرفع عيوني بالموجودين 00 لكن قطع كلامها عمي وهويأشر لي على مكان جنبه ويقول :تعالي جلسي جنبي يابنيتي 00 وفهميني ليش إنتي رافضه 00
وقفت مكاني وأنا أطالع عمي بعدها تشجعت ورحت عنده وجلست جنبه وقلت له ودموعي على خدي :دخيلك ياعمي دخيلك ماابي أتزوج لا ماجد ولا غيره 00 عمي أنا مثل بنتك فأرجوك لا تزوجني بالغصب دخيلك 00
حاول يهديني عمي وضمني لصدره ومسكني مع راسي ومسح على شعري وهو يقول :خلاص يابنيتي ماايصير الا اللي يريحك00 بسـ انا مستغرب إنتي بالاول كنتي موافقه ليش غيرتي رايك الحين00
رفعت راسي عن صدره وأنا أقول بصوت متقطع من الصياح :ص صـ ـ ـح ككنت موواافقه 00بسـ الحين إستخرت وماارتحت 00
تنهد عمي بضيق وقال :خلاص مثل ماقلت لك 00 مااراح أرضى الا باللي يريحك00
قمت وحبيت على راسه وأنا أقول:مشكور عمي الله لا يحرمني منك 00 (وقلت وقلبي يتقطع من داخل )إذا على ماجد فالله بيرزقه بااللي أحسن مني 00
ابتسم عمي بوجهي وقال :الله كريم 00
رفعت عيوني على أسرار وشفت في عيونها تساؤلات كثير ماهي لاقيه لها إيجابات 00 بعدها وقفت من مكاني عشان أطلع وقبل ماأطلع لفيت على عمي وأنا أقول له برجاء :عمي لاتزعل من بابي ترى بابي مااله ذنب 00هو حاول يقنعني كثير بسـ أنا اللي كنت رافضه ومصره على رايي0
شفت عمي يطالع في بابي ويقوول :افا عليك يابنيتي مابينا زعل 00 وبالعكس أنا كنت بزعل لو إنه غصبك على شئ ماتبينه 00 (وقال لي وهو يضحك ويأشر على أسرار )ههههههههههههههههههههههههه يلا روحي أنتي وبنت عمك اللي فاتحه فمها قدامك وتمشوووفي المزرعه وخليها تفرجك على الخيول والمسابح00 بس ها لاتعبين رجولك ترى مو بزين عشانك00
لفيت على أسرار وشفتها فعلا فاتحه فمها مستغربه مو مصدقه اللي صارفضحكنا أنا وعمي وبابي عليها 00 لين إنتبهت على عمرها وبعدها كملت ضحك معنا000 تنهدت أنا بارتياح لانه هم ثقيل وإنزاح عن صدري 00 إستأذنا من بابي وعمي وطلعنا برى عشان نتمشى وأول ماطلعنا مسكت يدي أسرار وهي تقول :مرام ليش رفضتي ماجد00
قلت لها وأنا أهز كتفي بلامبالاه :مثل ماسمعتي 00إستخرت وماإرتحت 00
لفيت عنها عشان أمشي لكنها وقفتني وهي تقول بحزن : مع إني مو مقتنعه بالسبب 000بس خساره والله يامرام ماجد هو الوحيد اللي يستاهلك 00 (سكتت شوي وبعدها مشت ووقفت قدامي وهي تقول )تصدقين كنت بموت من الفرحه لما عرفت إنك إنتي وماجد بتتزوجون 00 ماادري ليه يمكن لانكم أغلى إثنين على قلبي 00بس ياخساره يافرحه ماتمت00
حاولت الف عنها وأغير الموضوع وقلت لها بحماس مصطنع :ااااامممممم اسرارو ماقلتي لي وين المسابح والخيول خاااطري أشوووفهم 00
طالعتني بنظره طويله وبعدها قالت :بتغيرين الموضوع براحتك 000 بسـ حطي ببالك إن اللي صار مستحيل يأثر بعلقتنا ببعض 00
قرصتها مع خدها وقلت لها وأنا أضحك :هههههههههههههههههههه ياشينك لما تستوين جديه 00
بعدت يدي عنها وهي تفرك على وجهها وتقول :اااي مالت عليك 00والله عورتيني 000 وبعدين عادي لما أصير جديه بس طبعا هذا يكووون في حالات نادره جدا وحطي تحت نادره مليوون خط هههههههههههههههههههه
ضحكت معها وقلت لها :ههههههههههههههههههه أسرار خلينا نروح للخيول خاطري أشوفهم 00
أشرت على عيونها وهي تقووول :من عيني اليمين قبل اليسااار00
ابتسمت لها وقلت :تسلم لي عيونك يااارب 00
لفت عني وهي تقول :إنتي خليك هني وإرتاحي وأنا بروح أجيب لك فرسي 00
قلت لها بإستغراب وعدم تصديق:أسرارو أنتي تعرفين تركبين الخيل00
هزت راسها بفخر ودلع وهي تقول :طبعا حبيبتي أعرف أركبه 00 لا وزيدك من الشعر بيت أنا عندي فرس إسمها سرور 00
ماقدرت أمسك عمري من الضحك لما قالت أسرار إسم الفرس وقلت لها باستهزاء :هههههههههههههههه ههههههه ايش تقولين 00 ايش اسمها 00عيدي إيش إسمها 00
طالعتني بنص عينها وهي تقول :أظنك سمعتي ايش قلت 00 (ورصت على أسنانها وهي تقول )إسمها سرووور سمعتي ولا لا 00
قلت لها وأنا أكتم ضحكتي :ايه ايه سمعت بســ

 

 

[المشاعر العذبة]

قلت لها وأنا أكتم ضحكتي :ايه ايه سمعت بســ
قالت لي :بسـ شو
قلت لها بعد ما بعدت عيوني عنها وجلست أطالع بعيد :امممممم طيب ممكن تقولين لي ليش سميتيها سرور 00 (سكت شوي وبعدها قلت )بصراحه الاسم غريب 0
طالعتني وهي رافعه حاجب ومنزله الثاني وتقول :ليه مو حلووووووو 00
ابتسمت لها وانا أقول :بالعكس حلووو بس غريب 00
عقدت يدينها على صدرها وهي تقول :بصراحه لا غريب ولا شئ بسـ حبيت هالاسم لاني كل مااطالع فيها أوأركبها أحس بالفرحه والسرور 00
قلت لها بتفهم :اهااا عشان كذا سميتيها سرور00 الحين فهمت 00
لفيت عنها وجلست على فرشه كانت مفروشه قريب منا وكان جنبها مكان للشوي وفيها تكايات وقلت لها :بصرااااحه أسرار أنا تعبت00 إنتي روحي جيبي الفرس وأنا بنتظرك هنا 00
قالت لي وهي تأشر على نفسها :دقايق وبتشوفين الفارسه أسرار راكبه على الفرس 00 ومستحيل أحد يجاريها 0
طالعتها من فوق لتحت وقلت :اوكي روحي 00والحين نشووف 000 أنتي ماسمعتي المثل اللي يقول الميه تكذب الغطااس 00
ضربت على صدرها وقالت :عطيني دقيقه بس 00
وراحت وخلتني لحالي00أما أنا جلست أتفرج على المزرعه وانا منبهره بصراحه المزرعه كانت مره روعه وجنان والهواء فيها يرد الروح 00 سمعت صوت ضحك من بعيد وشفت ألاء ومعها بنت وإستنتجت إن هذي البنت هي روان اللي كلمتني عنها أسرار 00فأشرت لهم بيدي من بعيد وناديتهم عندي 00 شوي الا وهم جايين عندي وألاء تسلم علي و تقول لي :وأنا اقوووول شو هالنوور هذا 00 أثاري هذا نورك مرومه 00
سلمت عليها وأنا أقول :النور نورك حبيبتي 00 بسـ إعذريني مو قادره أوقف أسلم عليك 00
قالت لي وهي تضحك :ههههههههههه معذوره حبيبتي 00 وعادي مابينا رسميات 00
سمعت صوت روان وهي تقول :إحم إحم نحن هنا 00 شو ألاء نسيتيني ماتبغيني أسلم على بنت عمك 00
ضحكت ألاء وهي تقول :هههههههههههه سوري حبيبتي والله نسيتك 00
ضربتها روان على كتفها وهي تقول :مو مشكله يالدبه أنا بقدم نفسي بنفسي لها 00 (وابتسمت وهي تأشر على نفسها وتقول )أنا روان وأكيد إنتي مرام 00
بصراحه أعجبتني روان بإسلوبها وأخلاقها ولسانها اللي ينقط عسل يعني لو الواحد يشوفها يقول هذي مستحيل تكون أخت شرووق نبهني من سرحاني لما قربت مني وسلمت علي وهي تقول :ماتشوفين شر يالغلا 00
إبتسمت في وجهها وقلت لها :الشر مايجيك حبيبتي 00
رفعت عيوني للمكان اللي تأشر عليه ألاء لما قالت:شوفوا هذي أسراروو راكبه على سرور وشكلها جايه عندنا 00
بصراحه أبهرتني اسرار وهي راكبه على الفرس كان شكلها تحفه قربت مني وهي تستعرض على الفرس وتقول :ها أنسه مرااام صدقتي الحين 00
قلت لها وأنا أصفق :من جد رووووعه ماشاء الله عليك 000 بس ها إن شاء الله أول ماافك الجبس عن رجلي دربيني عليها 00
نزلت أسرار من الفرس وهي ماسكتها مع اللجام وتقول :خلاص مو مشكله 00 (ولفت على ألاء وروان وهي تقول )الاء روحي جيبي فطور وشاهي هنا الجوو حلوو خلونا نستانس 000
حطت ألاء إيدها على خصرها وهي تقول :لا والله شو شايفتني شغاله عندك 00 لا حبيبتي روحي إنتي أنا جايه هنا بجلس مع مرومه 00
قالت لها أسراروهي ترص على أسنانها :الاء مو وقته الحين نتضارب 00إنتي روحي الحين وأنا بروح أرجع سرورللاسطبل 00
هزت ألاء راسها بملل وهي تقول : اوكي اوكي بس عشان خاطر مرام 00 (ولفت على روان وهي تقول ) روان تجين معي 00
وقفت روان وهي تقول :أمري لله 00 (ولفت علي وقالت )يلا مرام عن إذنك بروح معها ودقايق وراجعين لك 00
إبتسمت لها وقلت :خذي راحتك 00 بسـ ها لا تتأخروووون علي 00
قالت أسرار بدفاشه :خلاص أنتوا روحوا بسرعه 00 وبعدين روان خذي راحتك وبلاش هالرسميات 00ترى مرومه مو غريبه 00
إنحرجت روان وهي تقول :اممممممم اوكي بسـ أنا
قاطعتها وأناأغمز لها و أقول :عادي روان ترى أسرار معها حق00 أنا مو غريبه 00
إبتسمت لي وعطتني ظهرها بعد ماشدتها الاء مع يدها عشان يدخلون ويجبون الفطور هني 00أما أسرار ركبت الفرس وهي تقول بدلع:والحين بعد مااثبت لك بروح أرجعها للأسطبل وارجع لك أوكي 00
قلت لها :اوكي 00 بس لاتتاخرين ترى والله أمل لحالي 00
قالت لي وهي تمشي الفرس :اوكي إن شاء الله ماأتأخر عليك 00 دقايق وراجعه 00
أماأنا جلست اطالع كل شئ حواليني 00وشكلي مع المزرعه نسيت حياتي كلها 00 فجاءه سمعت صوت أحد يتحمم :إحم إحم 00
لفيت لمصدرالصوت وأنا مستغربه وأطالع الشخص اللي واقف قدامي وهو منزل عيونه ويقول :إذا مايضايقك ممكن أجلس 00
حاولت أتكلم بس حسيت إن صوتي إختفى وكل اللي طلع مني همس خفيف وأنا أقول تـ تــ ـ فـ ضل 00
بعد عني شوي وسحب وحده من التكايات وجلس عليها وهو يقول :أتمنى إني ماأكون مسبب لك إزعاج 00
بللت شفايفي بلساني وأنا أقول :لا عادي (وكذبت عليه وأنا أوقف بصعوبه واقول ) أصلا أنا كنت قايمه بدخل داخل البيت 00
وقفني بكلامه وهو يقول :مرام إسمعيني000 أنا أحس بتأنيب الضمير 000 فحاولي إنك تتفهمي موقفي وماتزعلين مني 00
حاولت أمسك دموعي وأنا أقول :بليز ماجد إنسى هالسالفه 00 وإعتبر إنه مافي أي شئ صار 00
حسيت بصوته حزن لما قال لي :مرام إسمعيني أنا مو سهل علي إني أفقد الانسانه اللي حبيتها 00 ومو سهل علي إن بنت عمي الوحيده تزعل وينكسر خاطرها بسببي 00
لفيت عليه وقلت له ودموعي تنزل على خدي بدون شعور :خلاص ماجد خلاص مايحتاج تفتح صفحات قديمه إنطوت (وتغير صوتي وأنا أقول له ) وبعدين من قال لك إني زعلانه 00أنا مو زعلانه منك 00
وقف في مكانه وهو يطالعني بنظرات حزينه و يواجهني :طيب ليش مارديتي علي لما سلمت عليك أول ماجيتوا 00
سكت شوي وأنا أحاول أمسك أعصابي و نزلت عيوني على الارض 00بعدها رفعتها وقلت له :أنا مو مو قصدي 00 بس صدق ماقدرت أرد عليك حسيت إن لساني إنربط 00
ولفيت عنه وأنا أخذ العكازوكأني بهالطريقه أبغى أقطع وأنهي أي كلام بيني وبينه 00 أبغى أهرب من ماجد ومن كل شئ حولي 00 أبغى أخفف من دقات قلبي اللي مو راضيه تهداء كل ماشفت ماجد 00 لكني جمدت بمكاني لما قال لي ماجد بصدق :مرااااااام000 ثقي لو ماكانت مريم بحياتي حتى بعد ماماتت 00 كنت مستحيل أفرط فيك لو مهما يصير 00

 

 

[المشاعر العذبة]

مخنوقة يمه و أحس الخنقه هدتني000مكسور قلبي و عيني مدري وش فيها000و دموعي اللي غصب عن عيني بكتني000مليت أغمض جفونـــي لجل أداريها000

بعد الكلام اللي قاله ماجد حسيت إني مااقدر أداري دموعي أكثر من كذا 000وصارت دموعي تنزل على خدي بغزاراه 00 لفيت على ورى عشان أشوف ماجد لكني لقيت مكانه فاضي ومافيه أحد 00 جلست على أقرب تكايه جنبي وأنا أشاهق وأمسح دموعي من البكي00

خلنا نفترق000 ولا تنسج لي أعذار000ولا أرسم لك أسباب000نقول نصيب ونكتفي000
و ياما فرق هالنصيب أحباب000

حاولت أخفي دموعي وأتماسك قد ماأقدر لما شفت أمجاد وشروق جاايين عندي وهم يسولفون ويضحكون 00 بعدها قالت لي شروق بدلع مايع :أوو مرام إنتي هني (مسويه عمرها متفاجاءه فيني ) بعدها كملت00 أجل وين أسرار عنك00
رفعت حاجبي وأنا أطالعها بدلع :شو شرووق توك تنتبهين لوجودي 00 غريبه يعني كل هذا وماشفتيني 000
قاالت لي وهي تنفض يدينها من التراب :لا ماشفتك أمممممم أو بالاصح ماهتميت 00
صج قهرتني وعصبت من كلامها والود ودي أروح وأتوطاء في بطنها وأجرها مع شعرها الاصفر 000
لوكثرت جروحي فلاني بمكسور***انا اكسر اللي قال انه كسرني
ماهو حكي زايف ولاكبر وغرور***انا في عزه واقهر اللي قهرني
والوقت ياصاحبي دايم ايدور*** ولابد مايصحى غشيم خسرني
لكني مسكت عمري وأنا أقول لها بغرور وثقه في النفس:حبيبتي اللي مثلي غصب بتشوفينه لو من بعيد 00 (رفعت خشمي وأنا أكمل بغرور عشان أغيضها)تعرفين ليه لان جمالي رباني 000 ولما ادلع الدلع يطلع طبيعي مو متصنع مثل بعض الناس000

فرحت من الخاطر لما طالعتني شروق بنظرة كلها قهروغيض وقلت في خاطري (أكيد فهمت كلامي تستاهل 00والله لأكسر خشمها ويا هالغرور) تخيلو الحيوانه المعفنه شو سوت طنشتني وطنشت كلامي 00ولفت على أمجاد وهي تقول لها بدلع يرفع الضغط عشان تغيضني وترد لي الحركه اللي سويتها:ماقلتي لي أمجاد الحين إنتي بأي شهر 00
طالعتني أمجاد ببرود وهي تحط يدها على بطنها وتقول :تقريبا بالثالث وداخله بالرابع 00
ضحكت شرووق فجاءه بغنج وهي ترد خصله من شعرها تحت الشيله و تقول :هههههههههههههههههههه أمجاد 00 تصدقين أنا لما أتزوج ماابغى أجيب عيال 00
جلست أمجاد تجاريها ومطنشتيني ولا كأني موجوده وبصراحة حزت حركتها بخاطري 00مهما يكون أمجاد بنت عمي اللي أحبها ويحز بنفسي نظراتها لي 00 سمعتها ترد عليها وتقول :ليش حبيبتي 00ترى الاطفال هم زينة البيت 00
وقفت شروق بدلع وهي تحط يدها على خصرها وتقول :لا حبيبتي أنا مو مستعده أخرب جسمي عشان الحمل والعياااااال 00
بصراحه ماتوقعت ردها وحسيت بمدى سخافة تفكيرها (وقلت في خاطري) صج تافهه وماعندها سالفه وكنت بوقف وأدخل داخل البيت 00 لكني سمعت أمجاد تقول لها وكأنها دقني بالكلام وتنغزني :اممممم ليش شروق 00 حرام عليك00 ترى مافيه أحسن من الاطفال وإنك تكوني أم 0000 وبعدين ماجد أخوووووي يحب العياااال 00
حسيت بسكين إنغرس في قلبي 000وإنصدمت من كلامها ولفيت عليها وجلست أطالعها بإستغراب (وقلت في خاطري )ماجد شو دخله في شروق وأمجاد ليش تقول هالكلام 00 أكيد أكيد بس عشان تقهرني وتفرسني 00 بس أنا ليش منقهره مادام مابيني ولا بين ماجد شئ ليش ليش 000؟؟
قطع علي تفكيري صوت جوال أمجاد وهو يدق 000 طنشتهم ولفيت عنهم وكملت طريقي لداخل البيت وأنا أحاول إني أبتعد قد مااقدر عن أمجاد وشروق وبالذات في هالفتره لاني مو ناقصه مشاكل مع أحد 000 دخلت البيت ولقيت ألاء وروان جالسين ومندمجين على التلفزيون ويتفرجون على برنامج بقناة المجد إسمه (سواليف ) وبصراحه أنا أموت على هالبرنامج بس نفسيتي ماكانت تساعد إني أجلس وأتفرج فقررت أروح للغرفه وأنام 00وقبل مااطلع حسيت بأحد يشد لي العبايه من تحت فنظرت تحت وشفت ليان طالعني ببراءه وتقول :عمووووووووووه 00
طالعت فيها بحنان وقلت لها :ياعيون عموووه 00 شو بغيتي حبيبتي إنتي تامرين أممممر00
قالت لي ببراه وهي تأشر على التلفزيون :قولي لهم يحطون سبيس تون 000
بستها على خدها وقلت لها :الحين يحطون على سبيس تون كم ليونه عندنا 000 (ولفيت على ألاء وروان وقلت بصوت عالي)وينكم إنتم هذا وأنا قايله لكم لاتتأخروون 00
جلست أضحك على أشكالهم لما تناقزو من مكانهم وكل وحده فيهم تسمي وترمي الريموت على الثانيه وتقول :أنا مالي شغل هي اللي قالت لي 000
سويت نفسي معصبه وأنا أعقد حواجبي وأقول :صج إنكم ماتستحون تشوفون رجلي مكسوره وأنتظركم برى ولاوحده فيكم جاااات 000 طنشتوني وخليتوني لحالي جالسه هناااك 00
وقفت الاء وهي مستحيه وتقول :والله أحسب أسرار عندك 000 قلت نتفرج على البرنامج وبعدين نطلع لكم 00
تصدقون توي تذكرت أسرار وتوي إنتبهت لتأخيرها (وقلت في خاطري )طيب يااسرار هذي اللي تقول دقايق وجايه000 الحين لها أكثر من ربع ساعه ماادري وين راحت ولا وين ذلفت 000
نبهتني روان من تفكيري وهي تقول بحياء وخجل :سوري مرووومه 00 بس أنا كنت طالعه لك 00 بس قابلت أمجاد وشروق وقالوا لي إنهم بيروحون يجلسون عندك 000 عشان كذا قلت إذا خلص البرنامج أطلع لكم مع ألاء000
الحين فهمت حركة أمجاد وشروق يعني هم طالعين برى وجايين عندي بس عشان يغثوني 00 بس اللي أنا مستغربه منه شروق ليش تعاملني بهالطريقه ليش تكرهني وماتحبني مع إني مااعرفها ولاعمري قربت منها 000هي اللي تحاول إنها تغيضني وتقهرني 000 معقوله تكون أمجاد قايله لها شئ معقوله؟!00 لا لا ماأظن راح تفكيرك بعيد يامرام 00 أمجاد مستحيل تقول لها 00 مهما صار أنا بنت عمها ومن لحمها ودمها وأكيد تخاف على سمعتي مثل ماتخاف على سمعت خواتها000
نبهني من سرحاني شد ليااان لي مره ثانيه وهي تقول بصوت خافت :يلا عموه قولي لهم 00 يحطون سبيس توون 00
لفيت على الاء وروان وقلت لهم بمزح :عقابا لكما وردعا لأمثالكما 000 تحطون سبيس تون لليووووووونه 000(وسكتت شوي وبعدها قلت بصرااخ )أنتووووووووو فاهمين 00
قالوا مره وحده ومع بعض :فااااااهمين 00 والله فاهمممممين 00
ضحكت عليهم وعلى أشكالهم وقلت لليان :يلا حبيبتي بووسيني (وأشرت على خدي وأنا أقول )مني بووووووسه قووويه 00
مسكتني وبااستني بقوه وهي تقول :عموووه أنا أحبك 00
وتأشر على ألاء وروان وتمد لهم لسانها وتقول ببراءه الاطفال:ماأحب خالوا الاء ولا عمو روان 000لانهم بس يأخذون الليموووت مني ومايحطون على سبيس تون 000
ضحكت على كلام ليان وبالذات لما تغير وجهه الاء وروان وهم يطالعون ببعض بدون تصديق 00 وبعدها إنفجروووا من الضحك 00وحطو على سبيس تون وجلسوووا يتفرجون مع لياااان 00أما أنا حسيت جسمي كله متكسر من أول ماجينا للمزرعه وأنا برى ماجلست ولا ريحت وحسيت بألم برجلي من كثر الحركه 000 وصلت للدرج وجلست أطالعه وتعاجزت إني أطلع 000 وإبتسمت لما تذكرت فهيدان كيف كان يشيلني ويطلعني لغرفتي فووق وهو يتحرطم 000بعدها قررت أخذ وحده من الغرف اللي تحت وأنااااام فيها شوي 00 لقيت ثلاث غرف شكلها للضيوف ودخلت أول غرفه على يميني وكانت ريحتها حيل روعه ريحة عود وبخور 00 فيها سرير صغير ودولاب وشبااك كبير عليه ستاره يطل على برى 00 شغلت التكييف وبعدها تحركت للشباك وطالعت برى وكان المنظر رووووعه 00 حمام سبااااحه كبير وجنبه جلسات 000 لكني بعدت شوي على يمين الشباك لما شفت الشباب يتسبحون وصوت ضحكهم واصل لين عندي 00 سكرت الستاره لاني خفت إن واحد منهم يشوفني وتصير مصيبه( فقلت بسخريه) مرام موناقصك مصايب نسيتي عامر 00 نسيتي تفكير أمجاد وشكها فيك 00 مااقووول الا إبعدي عن الشر وغني له 000
رميت عباتي والشيله والعكااااز وجلست على السرير 00 بعدها رفعت رجلي بصعوبه وحطيتها على السرير أخذت اللحاف وتلحفت فيه بعد خمس دقايق نمت بتعب وأنا مو حاسه بعمري 0000 فتحت عيوني بصعوبه على صوت أسرار وهي تقول بصوت عالي :خلاااااااص 00خلااااااص لقيتها 000 مراااااام هني 00
فركت عيوني بيديني وأنا أطالعها بضيق وأقول :خيرررر أسرار ليش تصارخين000 شو صاير بعد 00
قالت لي بعصبيه وهي تشد اللحاف مني :حراااام عليك طيحتي قلبناا من الخوف عليك 000 ماخلينا مكان الا ودورناك فيه 00 بالاخير نلقاك نايمه هني 000
فتحت فمي برد عليها لكن قطع علي صوت مامي الحنون وهي تقول :ايش فيك يابنيتي 000 ليش نايمه هني 00
جلست أطالع فيها وأنا أقول :عادي مامي 00 تعاجزت أطلع الدرج وقررت أخذ وحده من الغرف اللي تحت 000
بعدها بخمس دقايق تجمعوا كلهم عندي بالغرفه وإستغربت منهم ليش يدورون علي 00 يعني وين بكون أكيد بوحده من هالغرف فقلت بتساؤل وأنا أطالعهم :أسرار ليش مستغربين وجودي هني 000 يعني إنتوا لو دورتم بالغرف بتلقوني 000يعني وين بروح 00
ضحكوووا كلهم مره وحده وقالت أسرار :هههههههههههههههههههههههههه لا حبيبتي لازم نستغرب من كان بيتوقع إنك نايمه بغرفة ماجد 00

 

 

[المشاعر العذبة]

حطيت إيدي على فمي من الصدمه وأنا أقول بخجل:غرفة ماجد 00
هزت أسرار راسها بمعنى إيه 00 وفي هالوقت دخلت خالتي أم ماجد وطالعتني وهي تبتسم لي وتقول :عقبااااااااااال مااشوفك مع ماجد تحت سقف واحد000
إنقلب وجهي الواااان وصار يعطي إشارات مرور وحسيت إن كل اللي بالغرفه يطالعوني ويتفحصون ملامح وجهي وينتظرون ردي وبالذات شروق حسيت بعيونها نظرات غريبه 000طنشتها وماهتميت فيها لكني فرحت من الخاطر لان مامي أنقذتني من هالموقف وهي تقول :كل شئ قسمه ونصيب 000واللي الله كاتبه بيصير 000
قالت أم ماجد وهي تضرب كفينها ببعض:الله كريم00
ابتسمت لها وقلت بخجل :أسفه خالتي مادريت إن هالغرفه 00غرفة ماجد000(وسكت شوي وبعدها كملت وقلت) الحين أطلع منها00
قالت لي وهي تبتسم: والله ماتقومين ولاتطلعين وهالغرفه بتصير لك 000وماجد ماعنده مشكله بنام في المجالس00
قلت بخجل :بســ
قاطعتني وردت علي وهي تقول :لا بســـ ولا شياته 00أنا قلت تاخذين هالغرفه يعني تاخذينها00
ماقدرت أقول شئ وإبتسمت لها 000وبعدها كلهم طلعوا من عندي أخذت العكاز ودخلت الحمام عشان أتوضاء وأصلي 000وأنا طالعه من الحمام دخلت علي أسرار وهي تبتسم وتقول :خلااااااص من اليوم ورايح خذي هالغرفه حلال عليك000 وماجد بناااام المجالس 00
قلت لها بتعجب:غريبه ماجد ليش أخذ له غرفة تحت 000 يعني ليه مااخذ وحده من الغرف اللي فوق أكبروأوسع من هاذي00
راحت أسرار عند الشباك وجلست طالع برى وهي تقول:امممم تعالي وإنتي تعررفين00
رحت عندها وقفت عند الشباك وأنا أقووووول :تصدقين أسرار أول مادخلت الغرفه لفت إنتباهي المنظر من هنا مره يجنن 00
لفت علي وهي تقول:هذا هو السبب اللي خلا ماجد يختار هالغرفه 00
طالعت فيها شوي وبعدها قلت :وضحي أكثر مو فاهمه عليك00
رفعت يدينها وهي تحاول تشرح لي أكثر وتقول :اللي أقصده إن الغرف اللي فوق تطل على الجهه الثانيه من المزرعه 00 بعكس الغرف اللي تحت اللي تطل على المسابح والجلسات 00 يعني المنظر من هنا يختلف على المنظر من فووووق 00
هزيت راسي بمعني:ايه فهمت 000
وبعدها سألت أسرار: كم الساعه الحين ؟
طالعت الساعه بيدها وهي تقول :الساعه 5 ونص العصر 00
قلت بقهر :اوه فاتتني صلاه الظهر والعصر 0000 (ولفيت على أسرار وقلت لها ) خلاص أسرار إطلعي إنتي وأنا بصلي وأبدل وأجيكم 000 وإذا ماعليك أمر قولي لريتا تجيب شنطتي هنا 000
قالت لي وهي طالعه وتلوح بيدها لي :اووووكي 00
جلست على الارض وصليت وأنا جالسه الصلاه اللي فاتتني 000 بعد ماخلصت جلست أدعي وأستغفر ربي عشان يرحمني وييسر لي أموري 000 سمعت دق على الباب فقلت :تفضل 00
إنفتح الباب ودخلت ريتا ومعها شنطتي وأغراضي وقالت لي :ماما أغراض إنتي 00
قلت لها :اوكي ريتا حطيها هني وبعدين رتبيها 000
حطت ريتا الشنطه على الارض وطلعت من الغرفه 00 قمت من مكاني ورحت للشنطه بصعوبه وطلعت لي تنوره بني واسعه شوي وبلوزه بيج أكمامها قصيره فيها ورود 00أخذتها ود خلت الحمام ولبستها ولما طلعت رحت للمرايه وحطيت كحل من فوق وتحت 00 وقلوس خفيف على لمعه لونه وردي 00وبلاشر خفيف 00 بعدها أخذت المشط وجلست اسرح شعري ورفعته بشريطه بنيه 000وطاحت بعض الخصل حوالين وجهي 00 خلت شكلي كيوووت وطفولي 000 وقفت من مكاني وأخذت عباتي عشان ألبسها 00فجاءه إنفتح الباب بدفاااااشه وسمعت أسرار تقول بصراخ وهي فرحانه حيل :مروووووومه تعالي تعالي الجووووو يجنن 000 والمطر ينززززززل 00
لفيت عليها بفرح وأنا أقول لها :صددددق والله 00
قالت لي وهي تناقزمثل الاطفال إذا أحد أعطاهم حلاو :والله والله صددددق 000بسرعه خلينا نطلع برى 00عشان نلعب تحت المطر00
قلت لها بقهررر :شو نسيتي رجلي 00
قالت لي وهي تشد يدي وتعطيني العكاز بيد ثانيه :اووووووووه مراام قومي خلينا نطلع 00مو لازم تطلعين نجلس في الكوخ ونتفرج 00 تراهم كلهم هناااااك وينتظرونا 000
قلت بتردد :من فيه 00
حسيت إن أسرار تنرفزت من كثر أسئلتي وقالت :اوووووه مو وقت هالاسئله 000 خلينا نطلع الحين قبل لا يوقف المطر000
طلعنا أنا وأسرار من الغرفه وبعدها طلعنا من البيت كله وكان المطر ينزل بغزاره و الجو فعلا جنان 00 وقفت عند الباب وجلست أطالع برى أما أسرار الخبله طلعت وقفت تحت المطر والشيله طايحه على كتفها وأخذه راحتها على الأخر00بصراحه حسدتها على الامبالاه وعلى البساطه اللي عايشه فيها000
سمعت أسرارتصارخ ودور حوالين نفسها وتقول :وااااااااااااااااااااااااو والله روعه رووعه 000تعالووا لا يفوتكم 00
تمنيت إني أطلع وأشاركها اللعب 00بس الكسر اللي برجلي هو اللي مانعني 00 قطع تفكيري صوت شروق وهي ترد على أسرار بدلع وتقول :لا حبيبتي انا توني مسويه ميك أب ومستشوره شعري0 مافيه تخرررب كشختي 00
جلست أسرارتلعب تحت المطر وهي تقول بصوت عالي شوي:عدااااااااااااااال ياالاميره ديانا00
ضحكت على كلام أسرار بصوت عالي عشان أغيض شروق 00وشفتها تلف علي وطالعني بنظرات حقد 00لكن أنا طنشتها ولفيت عنها وناديت روان وقلت:رواااااااااااااااان 000 وين الاء عنك 00
ابتسمت روان وهزت كتوفها وهي تقول :ماأدري كنا في الصاله نتفرج بعدها إتصل ماجد تلفون وقالت لي ماجد يبغاها وطلعت00
هزيت راسي بتفهم ومت من الضحك لما شفت أسرارو الخبله فاتحه فمها عشان تشرب من المطروتقول :امممممممم إنه لذيذ 00
وكل الموجدين ضحكوا00 على خبالها وسمعت صوت خالتي أم ماجد من بعيد وهي تهاوش أسرار تبغاها تدخل جوى عشان مايحوشها برد وتمرض لكن أسرارو إذن من طين وإذن من عجين 000 بعد ربع ساعه وقف المطر وكل اللي برى إدخلو جوى البيت أما أسرار كانت تصارخ وتنادي على شغالتهم سيتي وتقول لها :سيتي سيتــــــــــــــــي وينك ياااادربه 00
جات سيتي تركض وتقول:نعم ماما00
أسرار وهي عاقده يدينها على صدرها وترجف من البرد لأن لبسها من فوق الى تحت كله مويه من المطر وتقول :روحي جيبي لي منشفه عشان أقدر ادخل البيت 00
سيتي وهي تتحرطم:اوكي اوكي 00مافيه يصرخ00
ضحكت لما أسرار قالت لها بعصبيه :أقول عيوز خيبر 00ذلفي عن وجهي بسرعه وسوي اللي قلت لك عليه 00 ماتشوفيني أرجف من البرد (وصرخت بأعلى صوتها) بسررررررررررررررررررعه00
من الخرعه راحت سيتي تركض وأنا جلست أضحك على شكلها00بعدها جات سيتي وعطت أسرار منشفه ودخلت جوى البيت وطلعت غرفتها أما أنا رحت للصاله وجلست أتفرج على التلفزيوووون لين المغرب يأذن 000وتمللت لحالي فقررت إني أروح للغرفه 00 وأنا واقفه رايحه للغرفه شفت ماجد دااااخل بسرعه وهو معصب ومايشووووووف قدامه قالي بصوت عالي :ووووووووينها00
بصراحه خفت منه لاني أول مررررره أشوفه بهالحاله وهالعصبيه (وقلت في خاطري)خير يارب شو اللي صاير 00قطع علي تفكيري وهو يقووووووول :أنتي ماتسمعين قلت لك وينها 00
إنتفض جسمي من الخوف وقلت بصوت هامس :أنت تقصد منووووو000
قال بعصبيه وصراخ وهويمشي عني ويرفع يده ويطلع مع الدرج :يووووه وأنا أضيع وقتي معك 000 أنا أعررف أجيبها هالخايسه 00
إختفى عن عيني وطلع فوق حطيت إيدي على قلبي من الخوف وأنا أقول :الله يستر الله يستر 00أكيد شئ كبير صاير 000لاني بحياتي ماشفت حال ماجد جذيه000
ماكملت كلمتي الا أسمع صراخ أسرار من فوق وهي تصيح وتبكي وتجمعوا كل الموجودين في الصاله وهم يطالعون في ماجد وهو نازل مع الدرج ويشد أسرار مع شعرها 00 وهي تصارخ وتبكي وتقول :ماجد دخيلك إتركني إنت فاهم السالفه غلط 000 أااااااي ماجد ماجد 00 شعري بيرووح بين يديك 00
راحت عنده خالتي أم ماجد وهي تترجاه عشان يتركهاوتقول :هد إختك ياوليدي بتروح بين يديك 00هدهااااااا0

بس هو كان معصب ومايشوف قدامه وقال وهو يضرب أسرارويشد شعرها :خليني أربيها يمه 00 خليني بنتك هذي سودت وجيهنا بين الناس000
أنا شفت ألاء وروان واقفين على الدرج مصدومات وهم يطالعون وأمجاد ماكانت فيه طالعه مع زوجها وليان 00 أما شروق ماشفتها 00 جلست أصيح على حال أسرار وقويت نفسي ورحت لماجد ومسكت إيده وأنا أقول :بس ياماجد حرام عليك إتركها 000ممكن إنعرف ايش اللي صاير00
دفني ماجد بقوه على ورى وطحت على الارض وأنا أتألم من الوجع وسمعت أسرار تبكي وتصارخ وتقول :مااااااااااااجد حرام عليك أنا أختك يحق لك تضربني بسـ مرااااااام لا أنت فاهم فاااااااااااااهم 00
ماسكتها إلا صفعه قويه جات على وجهها تصدقون أنا من هول الصدمه حطيت ايدين على عيوني عشان مااشوف منظر أسرار وهي طايحه على الارض 00 حسيت إن الصاله صارت هدوء من قوة الضربه
وماينسمع الا صوت أسرار وأنينها على الارض 00 كانت أم ماجد تبكي على جنب والاء دموعها على عيونها وحاطه إيدينها على فمها علشان تكتم الصيحه 000 لكن ماجد العصبيه عاميته وشد أسرار مع شعرها وقرب وجهها من وجهه وهو يقول بصراخ :وين كنتي الصبح يالخاااااااااااااااااااااااايسه 00 وين كنتي 00
شفت الدم ينزل من طرف فم أسرار وهي تقول بإستهزاء :إسأل اللي قالك 00وهو يخبرك وين كنت 00
عصب ماجد من لخاطر على إستهزاءها وارفع يده بيعطيها كف ثاني على وجهها بس دخل فهد بسرعه وراح لعنده ومسك يده ودفه على ورى طاحت أسرار على الارض وهي تصيح أما فهد ضرب ماجد بوكس على بطنه وقال وهو يرص على أسنانه :أنت جنيت تمد إيدك على أسراااااااااااااار 00 ليش ياماجد 00ليش 00هي إيش سوت00عشان تضربها00
دفه ماجد على ورى وهو يحاول يرد له الضربه ويقول :أنت جااااااااب ولا كلمه 00كله منك 00كله منك يالخاايس00وهذا وأنت ولد عمي أناأعتبرك أخوي تسوي كذا أجل الغرب ماينلامون 00
بعده فهد عنه ورماه على الارض00 وشاف أسرار تزحف على رجولها ويدينها بصعوبه لين وصلت جنبه نزل لمستواها ومسك يدها وقفها (في هاللحظه بس إكتشفت إن فهد يحب أسرار مو بس يحبها ويعشقها بعد نظراته لها تقول شئ كثير كثير)تصدقون في هاللحظه فرحت في داخلي وصرت أبكي واشهق مو قادره أتحمل المنظر 00 قام ماجد من مكانه وراح عند فهد وهو يحاول يسحب أسرار بقوه ويقول :اقووووول إتركها ولاتلمسها 00 صج ماتستحون ماكفاكم اللي سوتوه الصبح 00
ماادري شو قصد ماجد بكلامه بس أكيد لتأخير أسرار الصبح رابط بهالموضوع 00طالعت الموجودين وشفت على وجوهم علامات تعجب من كلام ماجد 00 وشفت ام ماجد وهي تصيح من الخاطر والبنات راحوا عندها عشان يهدونها 00وشوي ودخلوها المطبخ خايفين لايصير فيها شئ من كلام ماجد وفعايله في أخته00 لكن أنا المسكينه اللي أشوف أسرار مو قادره أسوي لها شئ صديقتي وحبيبتي وبنت عمي مو قادره أتحرك واسوي لها شئ 000قطع تفكيري صوت فهد وهو يمسك أسرار ويقول :إيش تقصد بكلامك ياتوضح ياتقلب وجهك عني 000( وكمل بعصبيه تخوف )إسمع ياماجد أسرار مالك حق عليها لأنها من اليوووم ورايح بتصيــــــر 00000000



أمـــــــــــــــــانه .. لا تجي منك مواقف ..
تجرح الاحساس ..انا من لي غيركـ ..
اذا صار الزمن قاسي ..


00000000

 

 

[قيثارة]

خطيبتي ..

يالله حبوبه ها كملنا هالجمله .. بس عاد انتي كملي الاحداث ..

متابعين عذوبه ..

 

 

[سكون الصمت]

خيتو المشاعر العذبه

القصه حيييييييل روعه


وناقلتها اروع


كملي



متابعه بصمت


لك جل التحايااا

 

 

[المشاعر العذبة]

0قطع تفكيري صوت فهد وهو يمسك أسرار ويقول :إيش تقصد بكلامك ياتوضح ياتقلب وجهك عني 000( وكمل بعصبيه تخوف )إسمع ياماجد أسرار مالك حق عليها لأنها من اليوووم ورايح بتصيــــــر خطبتي وزوجتي إنت فاهم00
ماأدري كيف أوصف لكم شعوري وقتها00مادري اللي سمعته صدق ولا يتهيأ لي 00ماأدري أنا في حلم ولا علم
فهد أخوي يبغى يخطب أسرارو بنت عمي حبيبتي وأختي 00تصدقون هذا أخر شئ كنت أتوقعه 00لأن اسرار وفهد ماعمرهم إتفقووا 000 نبهني فهد هو يطالع ماجد بتحدي ويقول لي :مرااام تعالي خذي أسرار جوى الغرفه 00 (سكت شوي وبعدها وجهه كلامه لماجد وقال) أما إنت ياماجد تعاال أبغاك برى 00 خلنا نطلع عشان نتكلم على راحتنا 00
لفيت على أسرار وشفتها شاده على يد فهد بقوه وهي ترجف و طالع ماجد بخوف 00 وماجد يطالع الارض ويضغط على إيدينه بدون مايتكلم00أما أنا وقفت بصعوبه وأنا أمسكـ العكاز ورحت عند فهد ومسكت أسرار مع كتفها وفجاءه حسيت إن جسمها كله إنتفض وكأنه في كهرب لمسها 00 حاولت أهديها وقلت لها بحنان:أسرار خلينا ندخل داخل 00
لفت علي وهي تشد على يد فهد لاشعوريا 00فهم عليها فهد ومسك يدها بحنيه :أسرار لا تخافين أنا معك وبتم معك00من هاليوم ماأحد يقدر يمسك منك شعره وحده00
وربت على يدينها وهو يحاول يفك يدينها عن يدينه ويبتسم لها 00مسكت أسرار وطالعت ماجد بنظره وبعدها دخلتها جوى الغرفه اللي أنا أنام فيها يعني *غرفة ماجد* 00حطيتها على السرير وعطيتها مناديل عشان تمسح الدم اللي ينزل من فمها 000 شوي وسمعنا صراااخ برى وبصراحه أنا خفت ماادري شو صاير طالعت أسرار وشفتها في مكانها وماتحركت ولا كأنها تسمع شئ أو صاير شئ وغمضت عيونها بإسترخاء ودموعها تنزل على خدها 00طلعت من الغرفه وأنا أشوف الاء وروان برى ويصيحون رحت عندهم وسألتهم :خير ايش صاير 00
رمت الاء نفسها بحضني وهي تصيح من الخاطر والله عورت قلبي وهي تقول :أمــي أمي طاحت علينا في المطبخ وماترد علينا ولاتكلم 00ما أدري ايش صار لها 00
بصراحه خفت وما أدري ايش اسوي الحين لا أمي ولا خالتي أم حسن فيه ما أدري وين راحوا 00حاولت اقوي نفسي وربت على كتفها وقلت لها :خلاص الاء إن شاء الله ماصاير الا كل خير 00 بس إنتي هدي عمرك شوي 000
شوي وشفت فهد وماجد يشيلون خالتي أم ماجد ويطلعونها من المطبخ ومن البيت00 ويركبونها بالسياره ويودونها المستشفى 000أما أنا أخذت الاء وروان وحاولت أهديهم في الصاله مع إنه أنا بعد على أعصابي وأحتاج اللي يهديني 00 بعد نص ساعه وقفت الاء بعصبيه وهي تضرب على خدها وتقول :خلاص خلاص ماأقدر اصبرأكثر من كذا لازم أتصل على أبوي وأقوله 00
وقفت روان وراحت عندها وهي تحاول فيها عشان تهدي وترتاح :بسـ الاء صبري ترى الله مع الصابرين 00وبعدين شو بتستفيدين إذا قلتي له 00 أكيد بتشغلينه وتخلينه يحاتي00
لفت الاء في الصاله وهي رايحه راجعه وتمسك لبسها بعصبيه:شو أصبر أكثر من كذا 0!ماأقدر ماأقدر يانااااس فهمووووني هذي أمي أمي 000 وطلعت من البيت وهي تركض مثل المجنونه00
وقفت بصعوبه وقلت لروان :روان لحقيها 00 ترى هذي تخبلت ممكن تسوي أي شئ 00
راحت روان تركض وراها وقفت أنا بصعوبه ولحقتهم وطول ماأنا أمشي العن هالعكاز والجبس اللي مقيدين حركتي 00 وصلنا عند الباب الخارجي للمزرعه وقبل ماتطلع الاء000 وقفنا فجاءه لما إصدمت الاء في شخص مو باين ملامحه لان الليل قرب يليل00لما إصدمت الاء فيه كانت بطيح لكن هو مسكها بين كتوفها وبعدها عنه شوي00 الاء من الاحراج مااقدرت توقف أكثرمن كذا و دخلت البيت أما أنا وروان وقفنا برى 000وفجاءه حسيت الدنيا ضاقت بي وحسيت إني مخنوقه وإن الهواء اللي في المزرعه كله إختفى مررره وحده وبدون سابق إنذار لما سمعت روان تقول بتعجب:عااااامر شو جابك هني 000

ابعد عني يابن النـــــاس خليني بمــــراري وروح000 شـتداوي جرح جـرحين شو ميّة جـرح مجـــروح
مــنين اجـــــيت انـــــــت اش جـــــــابك لدنــــيــاي0000

فتحت عيوني عشان أدقق في الشخص الواقف قدامي وبعد مابانت ملامحه عرفته هو هو ماغيره 00 عامر عامر
ياربي شو اللي جايبه هني ؟!ياربي هذا وين ماأروح يلاحقني والقاه قدامي ؟ قلت بصوت هامس :أنت أنت عامر!
قرب مني وهويبتسم و يقول بصوت هامس عشان ماتسمعه روان : شواشتقتي لي 00مثل ماإشتقت لكـ00
بعدت خطوات على ورى وهو يقرب مني 00 وقف لما قالت روان وهي طالعنا بترقب وإستغراب :شو السالفه تعرفووووون بعض 00
هزيت رأسي بقوووه وقلت لها بتوتر:لا لا لا مايعرفني ولا أعرفه 00
فجاءه ضحك عامر ضحكته الرنانه وصار جسمه كله يهتز وقال بسخريه وهو يطالعني :شو مرام ماتعرفيني 00 أنا عامر(ورص على أسنانه وهو يقول) عامر اخو سميره 00
قربت روان مني وهي طالعني بشك :مرام هو يعرفك 00كيف تقولين ماتعرفينه00
قلت لها وأنا أتلعثم وأحس قلبي شوي ويوقف عن النبض من كثر مايرقع:امممممم ايه تذكرته هو أخو سميره 00 سميره صديقتي الروح بالروح 000
قربت روان مني وهو كان واقف وراها يبتسم ويطالعني وهو رافع حاجب ومنزل حاجب وقالت لي:مرام تعرفين سميره 000
هزيت راسي بمعنى إيه وماإنتظرتني أتكلم وقالت :عامر وسميره إخوووووووانا 000
طالعت فيها منصدمه ورفعت عيوني وطالعت في عامر وأنا مو مصدقه الكلام اللي سمعته وقلت بصوت هامس :إخوانك 00
هزت راسها بمعنى لا وقالت :امممممممم اللي أقصده إن عامر وسميره جيرانا لما كنا في بيتنا القديم00وأبوهم الله يرحمه صديق أبويه وقبل مايموت وصى أبوي عليهم 00 وعشان كذا هم مثل إخوانا بالضبط 00تقريبا متربين معنا000
تصدقون وقتها حسيت الدنيا صغيره صغيره 00يعني أرحام عمي يقربون لعامر وسميره بس اللي أنا مستغربه منه أمجاد ماعرفتهم 00وسميره ماعمرها جابت لي سيره إنها تعرف أمجاد00 ماأدري ماأدري أحس عقلي بينشل من كثر التفكير 00 إنتبهت على نفسي لما قال عامروهو يبتسم بسخريه :ايش رايك بهالمفاجاءه (وضغط على كلمة )حلوووووووووووووووووووه00
إنقهرت من إسلوبه الاستفزازي وتمنيت إني أروح وابرد حرتي فيه 00حاولت قد ماأقدر إني أبين قدامه إني عاديه وبالذات إن روان واقفه معنا 00لو روان مو واقفه كان صارت علوووم 00طالعته من فوق لتحت وبعدها لفيت عنه بدخل جوى البيت لكن وقفني وهو يقول بنبره حسيت فيها الصدق :مراااام 00
لفيت عليه وأنا أتنهد بشوف أخرتها معه وقلت :اووووووف نعم 00
قرب مني وقال لي بحنان:سلامااااات ماتشوفين شر 00 اممممم من متى الجبس 00
طالعته وأنا مستغربه منه ياربي هالانسان بيذبحني يغيضني بإسلوبه وحركاته 00مره أحس صوته ونظراته كلها شر 0ومره أحس بصوته الصدق والحنيه هالانسان مستحيل أفهمه مستحيل 00 صدق مريض نفسي مزاجه متقلب ومتغير 00 إضطريت أرد عليه لأن روان واقفه وقلت بدون نفس :الله يسلمك 00
حسيت بنظراته لكني طنشته ومشيت عنهم لجوى البيت وقبل ماأدخل البيت سمعت صوت روان وهي تقول لعامر :اقوووووووول عامر صدق مابينك وبينها شئ00
دخلت البيت وقفت قريب من الباب أحاول أسمع رد عامروسمعته يقول بصوت عالي وكأنه يبغى يسمعني :روان يعني ايش اللي بكون بيني وبين مراام 00مرام انا مااعرفها شفتها مره لما زارت سميره في البيت وبس 00
قالت روان وهي طالعه بشك:وبس00
دخل المزرعه وقال :ايه وبسـ00