][.. مرجع للمطاعم بالأحساء ..][

[مجرد كلمة]

اللهم صل على محمد وآل محمد

\
/

يحتاج الواحد منا الى تغيير الروتين من فترة الى فترة
منها تغيير جو ومنها راحة ومكافأة للمرأة ..

ودي كان تساعدوني في عمل احصائية عن المطاعم الموجودة بالأحساء كبيرها وصغيرها
بالترتيب التالي

اسم المطعم / موقعة / طبيعة أكلة / سعره ( قليل التكاليف , متوسط , كثير التكاليف )
ومايمنع لو كان متميز بحاجة معينة كأن يكون رومنسي _ عادي بسيط _ تراثي _ أو أي حاجة مميزة فيه

وطبعا المقصد من كل هذا ان يكون هذا الموضوع مرجع للكل للمطاعم ومواقعها لو حب الواحد منا يغير عن المألوف ويجرب الجديد
وناخذ خبرات من بعض .. ونتعرف على مطاعم منطقتنا ..

طبعا خاص بالأحساء
ولو فيه احد بيقول لنا على الدمام والخبر والرياض مايمنع
بس الأساس والأهم هنا بالأحسااااء ..

بعـــد فيه حااجة مهمة جدا َ جدا َ لي ألا وهي
المطاعم اللي عليها اي اشكال يتم التنبية عليها وإلا يفضل عدم ذكرها من الأساس ..
من غير تشهير فقط للمعرفة والإحاطة بالعلم ..


اممم بس هذا كل اللي في بالي حاليا
أتمنى تتساعدو معي وتثروا الموضوع بما لديكم

ولو في شي معين انا ماقلته وودكم فيه قولوا وش عندكم ونتعاون فيه ان شاء الله ..

لي عودة عندما تحضرون ..

\
/

اللهم صل على محمد وآل محمد .

 

 

[سُندس }]

,


مرحبا .


بصراحة فكره جداً حلوه ,.


اعرف مطاعم بس مو واجد وبصراحة ما أعرف عن نوعية اللحم يعني اذا كان مشبوه او لا


بس أفضل أنوو محد يأكل مانضمن اللحم والدجاج واذا هم يهتمون بسواليف الخُمس ومن ها القبيل .

وفيه نظافه عندهم ولا !

مطعم سفود فيه عوائل , رحال , تناتيف , فيه مطعم قريب من بندة بس نسيت أسمة بندة اللي قريب من سكة الحديد

بعد مطعم توباز تقريباً سامعه عنه راقي ,.

مطعم سفود طبعاً من زمان رايحته حلو أكله بس اذكر الورق عنب ابد مو زين المطعم عادي يعني مافيه زود .

عكس تناتيف الورق عنب لا يفووت : ) مافيه قعدة عوائل

مطعم نور / حلوه المعجنات و الورق عنب بعد لا يقاووم .

وفيه مملكة الفطائر كمان حلوه معجناتهم ’ امم زادي متميزه بعصيراتهم , زاد البركة مادري ههه .

وبا النسبة للماني و مواقعهم كلها ع المحترمين اللي ودونا لهم ماندري كم ووين ..

كذلك ماننسى ورق عنب كتكوت والشرقيات حلو بس زايده الدسومه وحلو الكباب حقهم ومعجناتهم ,.

& الورق عنب في القائمه الأولى عندها ’ صج بنت .



ويعطيك العافيه ,.



.

 

 

[مجرد كلمة]

اللهم صل على محمد وآل محمد

\

ماشاء الله عليك اختي سندس
ماقصرتي بردك
على الأقل بردتي خاطري
ولو ان الحماس اخذك والا كان مصير الموضوع
ولا رد ولا حتى نص رد ..

اما عن بنت
أنا أشهد انك بنت أصلية
دام السالفة فيها ورق عنب
وماشاء الله عليك صار عندك خبرة في المطاعم اللي تقدم ورق عنب ممتاز ..


بصراحة افدتيني كثير بمعلوماتك ..
وياليت بقية الأعضاء يفيدونا باللي يعرفون ..


سندس
لك صحون ورق عنب فاخرة من نور ..


أنتظر وصول الآخرين

 

 

[قطرات ندى]

احنا سئلنا عن بعض المطاعم ولكن ماتظمنين

هذا الشيء اذا كان برازيلي ولا مستورد

فأتمنى ان الجميه يتأكد والأفضل انه مايأكل من المطاعم

اكل البيت ولااحلى منه

 

 

[طلة قمـر ..!]

اقتباس مطعم سفود طبعاً من زمان رايحته حلو أكله بس اذكر الورق عنب ابد مو زين المطعم عادي يعني مافيه زود . عكس تناتيف الورق عنب لا يفووت : )

يؤيؤيؤ العـكس صحـيح

بصراحـه انـا ذايقـه بتـاع سفـود خطييير . مادري عاد اذا تغـير طعمـه اولا . لانـي ذايـقته مـن سنـين تقريبـا اول مافتـح المطعـم

امـا تناتيف ضعاف ومزيت مدري ايش هالزيـت بس آكله مو مشكلـه يعني مو كلش يعجبهـا

امممم .

مطعم زي المنيزله .

اسعاره غاليه

ومو بس كذا اكله مو كويس والورق عنب معلب .

امممم

مطعم الصاقـوره

ممتـاز بس تقريبا اسعاره غاليه والله مادري بالضبط

والصـاج اللي جنـبه جار الصـاقوره

الورق عنب حامض ومالح يعجبكم

 

 

[سُندس }]

,

اقتباس سندس لك صحون ورق عنب فاخرة من نور ..

ما يفيد ودنا بطعم أحسن & نمزح .

ولو واجبنا نفيد ونستفيد .

اقتباس بصراحـه انـا ذايقـه بتـاع سفـود خطييير . مادري عاد اذا تغـير طعمـه اولا . لانـي ذايـقته مـن سنـين تقريبـا اول مافتـح المطعـم

يؤ صحيح ؟!

حتى انا من زمان لما رحت له بس برضو أنتِ شكلك قبل فتعرفين تغيرت البضاعه يمكن

أو أذاوق بعد ..

وتناتيف اي صحيح عليه دسومه بس طعمه حيل حلو لأنه بيكون ذايب وحامض وحلو

& سالت اللعاب


,

مطعم زي المنيزله با المنيزله صح ؟ سمعت عنه

اشوى قلتِ عشان اذا رحنا ما نشتري .

طيب
الصاج والصاقوه في الهفوف ؟!




يعطيكم العافيه .



.

 

 

[إشراقة أمل]

موضوع فعلا ممتــاز ..

ليش توني أشوفه .؟ ويني عنه من زمآآن .؟! >> اسألي نفسك .!

:

الموهم ., خلونآ ندخل دغري >>> تحمست مثل الدآنة .. يؤؤ أقصد سندس ..

بالنسبة للمطآعم اللي ذكرت أعلاه :

الصآقورة أنا ذقت الشآورما تبعهم .. بصرآحة شغل ترتيييب .. مرة حلوة وللحين ما قآدرة أنسى طعمها ..

وإذا ما غلطت .. سمعت انه مطعم له سمعته .. و مضمون شغلهم ولحومهم ..

مطعم زي .. نفس مطعم لوزآنا من حيث الأكل والشغلات كلها ..

بس الفرق .. اسم لوزآنا له ثقل أكثر من زي مع انوو فريق العمل وآحد .. و أغلىآ في أسعآره عن زي ..

زي .. أكله ما علآمه .. ترتيب وحلو .. والمكآن برضة شيك ..

سفود .. أكلهم ممتآز .. وأهم شي خبزهم اللي أتحدىآ أي مطعم ثآني يسوون مثله .. >> بس ما تحسون في الفترة الأخيرة تغير طعمه .؟!

نور .. جربت ورق العنب حقهم بس .. وفعلا شغل عدل .. ما عليه كلام ..

مملكة الفطآئر .. ما يحتآج نمدح فيه .. منآ وفينآ و وسط بلدتنآ .. بس يا ليت يسوون عوايل >> برىآآآ .!

:

كودو .. بيتزاهت .. كنتاكي .. وطقة المآعم الأمريكية .. كلها مو مضمونة .. و لحومها مو مضمونة نهااائي ..

فالأولىآآ دائمًا تجنب الأكل منها ..

:

مطعم أبازير .. مرة أكلت عندهم غدآ .. أعجبني شغلهم .. والمكآن مرتب وحلو ..

مطعم جونيه .. برضو أكلت عندهم غدآ .. اممم الجو ممتــآز .. و شغلهم مآ علامه .. لآ بأس .. والمكآن بره ترتوب >>> ما دخلت دآخل

مطعم الصولجآن اللي ما أدري وين اختفىآآ .. كآن أكلهم مرتب وحلوو .. << إيراني >> وإذا ما غلطت أسعاره حلوة ..

مطعم الطآزج .. أفضل من كنتاكي وأضمن ..

مطعم الأرنب الجآئع ..... خلاص تعبت وأنا أكتب ..

برجع بعدين .. بسأل عن اللحم المضمون وغير المضمون وأجي أكمل القآئمة ..

وكمآن بسأل عن الأسعـآر .. لأني أروح للأكل و تغيير الجو وبثثث ..

 

 

[أنين الشوق]

وش هالموضوع الحركتاات والله شهتونا
أنا عندي أفضل مطعم رحته لوزانا مرره شغل ترتيب والأكل كله ماعليه كلااام جوناان وساخن
أما الوجبات السريعه ماكدونالز ما أوصيكم بأيس كريم أوريو يم يمي

اقتباس المشاركة الأصلية كتبت بواسطة إشراقة أمل مطعم أبازير .. مرة أكلت عندهم غدآ .. أعجبني شغلهم .. والمكآن مرتب وحلو .. ..

مطعم أبازير أمي نفسها تروحه قلت دام هالشهر عيد ميلادي راح أوديها على حساب أبوي طبعا"
يعني تنصحيني فيه مامره جربته أهم شي الورق العنب كيف طعمه ^_^

 

 

[لحن الأحبه]

مطعم منير بالهفوف روعه اكله كلشي فيه حلو بس العائلات صغير المكان الغرف قليله ورق العنب روعه وفتح فرع ثاني بس مافيه عائلات في شارع الظهران

 

 

[AL-NAQEEB]

.
.
مجرد كلمة
.
انا خبرتي في مطاعمـ الخبر و الدمامـ كوني ساكن فيها اكثر من الأحساء
شكر لكلـ من ساهمـ في الموضوع

 

 

[الورد الجوري]

انا عن نفسي دائما اروح مطعم المنير ممتاز مرة اكل خفيف مرة
طبعا عوائل بس ما ادري عن لحومه
يسلمووووووووووووو

 

 

[مجرد كلمة]

هلا بكم شباب وفتيات
عذرا على الجية المتأخره والمتاخره حييل
.
بس تدرون الحين اجازة وموسم المطاعم في تزايد اكبر

المهم مااطول عليكم
بس بسألكم فيه احد يعرف مطعم الزيزفون بالحليلة
احد جربه .؟
شخبار اموره .؟ لحومة ..؟ ومستوى اكلاته على العموم ..

ترى عندهم خوش شعار
( وفرنا الخضرة والماء .. وانتم الوجة الحسن )

يلا اي واحد يعرف عنه شي يقول


ولا اوصيكم اذا عرفتوا مطعم جديد منا الا منااك
قولوا

ومشكورين مقدما ..

ولاانسى شكر اي عضو ترك له بصمة هنا


ترى برجع اذا جيتوا ..

 

 

[إشراقة أمل]

يبيشن يا جماعة الخير ..

أنا بعد أبي أعرف عن مطعم الزيزفون اللي بالحليلة

أشودن نطير له في ها الإجازة ..

،

ومطعم خيبر اللي بنفس خط البستان مول .. فيه أحد راح له ؟

أبي أعرف جوه كيف ، وأكلهم وترتيباتهم ..

 

 

[التاجره ام محمد]

مرحبا

مطعم خيبر حلو اكله واسعاره مناسبه وفي محل صغيرلالعاب الاطفال

عيبه ان زحمه مره