احم احم .. تفضلوا في ضيافتي !!

[ذكريات الماضي]

أحبائي .. مساؤكم معطر بشذى المغفرة الإلهية .. صيام و قيام مقبول بإذنه تعالى ..

في هذه الأمسية الجميلة .. أحببت بأن أشارككم في وجبتي إفطاركم و سحوركم بأطباق أحسائية شعبية ..
عسى أن أكون من أول المعازيم عندكم .. ترى من جد عادي أجي بس انتوا عزموني و ابتشوفوا كيف بصدق و بقط وجهي

باسمه تعالى .. نبدأ

أولاً : خبر مسح

المقادير:4 كاسات دقيق اسمر.. 1 م .ص ملح .. ماء للعجن
الطريقه:
تعجن جميع المقادير معا وتترك مدة ربع ساعه ثم يسخن الصاج او التاوه
حتى يكون حامي جدا ويمد عليه العجين ويكون العجين طري
بعد المدنتركها لتنضج وتطبقيها على بعض وما يحتاج تقلبيها على الوجه
واخيرا ترشيها بالسمنه >> او يقطع حق الثريد ..


************

ثانياً : الثريد

المقادير: كيلو لحم غنم مقطع .. خضار ( كوسا بطاطس قرع طماط جزر ) تقطع قطع كبيره وبصل مفروم .. ربع كاس زيت .. البهارات ( ملعقة صغيره بزار - ربع ملعقه صغيره كركم - ملعقة صغيره كزبره ناعمه - ملعقة صغيره قرفه- حبات هيل ) .. ملح على حسب الذوق .. 3 حبات ليمون اسود .. 6 ملاعق صلصل الطماطم .. خبز مسح

الطريقه

يحمر البصل وبعدها يوضع اللحم ويقلبا معا بالزيت حتى يحمر اللحم

نضيف جميع انواع البهارات والطماط والصلصل على اللحم

نضيف جميع الخضار الي اللحم والليمون الاسود ويحرك ويخلط الجميع ونضيف عليه الماء ونتركه ومغطى حتى ينضج اللحم

بعد ما ينضج اللحم نضيف الملح ويترك على نار هاديه

بعد ذلك نضع خبز الرقاق طبق ونصب عليه الصالونه وبعدها نضع عليه اللحم والخضار



************


ثالثاً : السمبوسة

وهي عباره عن رقائق تحشي بلحم محموس مع البصل والبقل والبهارات وتلف ثم تقلى في الزيت ..



************

رابعاً : العيش الحساوي

ومكوناته الحساوي واللحم او الدجاج والبصل والطماط والبهارات وماننسى طبعا اذا كان للمرأة الوالد يضاف اليه الحلبه والثوم والسويده ..



************

خامساً : المجبوس
وهذه اكله كل الحساويه يحبونها بجميع انواعها اللحم الدجاج السمك الربيان ..

ومكوناتها العيش والبصل الطماط ... والبهارات طبعا تختلف من بيت لآخر .. في ناس يستخدمون بهارات مشكله وفي بعض يعتمد على الكركم بالفلفل ..



************


سادساً : المموش
وهي اكله تحتوي على الربيان المجفف والماش واللوبه والعيش والبصل والطماط والسلق .. وكانو يسوونها اول وقت اللي ماعندهم لحم او دجاج .. وياكلونها مع البيض المسلوق ..



************

سابعاً : باجة كراعين
وهي عباره عن كراعين غنم او بقر كل واحد ورغبته مسلوقه مع شوي بصل وطماط وثوم وتقدم مع الخبز إما الابيض أو الحمر ..



************

ثامناً : اللقيمات


************

تاسعاً : الساقو
وهو عبارة عن ساقو ,هيل, زعفران, سكر, زيت




************

عاشراً : الخنفروش
وهو عبارة عن كوب سكر .. كوب سميد .. كوب طحين بالخميرة .. ماء ورد .. هيل وزعفران .. ملعقة طعام دبيس 2بيضة .




************

الحادي عشر: البلاليط
وهو عبارة عن شعرية, سكر , زبد, زعفران ..



************

الثاني عشر : الهريسة
نغسل حب الهريس ونحطه بالجدر مع اللحم والطماط والملح ونغطيه بالماي تقريبا الضعف نخليه يغلي بعدين نوطي النار عليه لمدة اربع ساعات
اذا حسينا انه محتاج ماي نضيف له شوي مو كثير

بعدين نضربها ونسطعها بالدهن




************

الثالث عشر : العصيدة


************

الرابع عشر : الودمة
وهي عباره عن احساس مطحون وليمون او ترنج وتقدم مع التمر والفجول والبصل الحساوي والرمان ..





************

الخامس عشر : الممروس او الخبيصة
وهي عباره عن طحين بر مع سكر او تمر مع الهيل والمسمار والحلوه والزبد .. اكيد ماننساها لها دور كبير في الاكل الحساوي



************

السادس عشر : المفلق
وهو عباره عن مفلق محمص على النار وبعدين يطبخ مثل المجبوس مع لحم دجاج او ربيان طبعا مع بصل طماط وبهارات.



************

السابع عشر : المحلبية
هي عباره عن حليب نشا وسكر وهيل وزعفران وماي ورد ..






هذه فقط بعض الأطباق طبعاً .. فمن لديه المزيد فلا يبخل علينا بها ..

و أتنى لكم دوام الصحة و العافية في أجسامكم و أرواحكم



تقبلوا من أخيكم أغلى تحياته .. و أشذى أمنياته




أخوكــــــــــــــــــم


ذكريات الماضي

 

 

[ليت للقلب عين]

بصراحه وماني مستحي


احلى شي عجبني وخاطري فيه الحين .


اللقيمات

ياحلاته اذا سبح بالسرب او العسل . وتاكل نصها وبعد ماتاكل النص ترجع تغطها في السرب وتكمل عليها ....<< جعت والله صج ^__^



والهريسه

بعد ما تمسك الملعقه (المعلقه) <<كل واحد .. المهم.. وتشيل من الهريسه وتغطها في الدهن وتاكل . ... آ يباه. ترتـــب<< ملهوف .





والرمـــــان


واحمر بعد؟؟

معروفه الرمان بالنسبه لي اربع دفعات كل ربع لحاله . وانت تاكل وتسمع صوت الضروس وهي تاكل روعه



والله يعينك بعدها كاسين ماي .





ذكريات الماضي بنت عمي .

حسبينا لا تنسين اوكي.^____*










في حفظ الباري

 

 

[إشراقة أمل]

وعليكم السلام ورحمة الله وبركـاته ..

.
.

وصبـاحك معطر بريـاحين الرحمــــة ,,

.

اقتباس عسى أن أكون من أول المعازيم عندكم .. ترى من جد عادي أجي بس انتوا عزموني و ابتشوفوا كيف بصدق و بقط وجهي

أنت لو تكون آخر المعـازيم ..
بنلقـاك أول من قاط وجهه وجاي ..
هذا بعد إن كنت من المعازيم ..
<< امزح معك خيووو ..

.
.

اقتباس تاسعاً : الساقو وهو عبارة عن ساقو ,هيل, زعفران, سكر, زيت

ما كأن السـاقو هي نفسهـا ( الحلوى ) ؟!
<< بيني وبينك ما عرفت هـالساقو
<< اسكتي لا تفشلينــا بس !
.
.

اقتباس الثاني عشر : الهريسة

عـاد احنـا طرشنـا لكم ذاك اليوم هريسة
بس ما قلنـا لك صورهـا .. وحط الصورة في المنتدى الله يهديك !!

.
.

اقتباس السادس عشر : المفلق

نسيت ما حطيت بين قوسين جنب المفلق ( جريش ) ..
مو كلٍ يعرف ( المفلق ) ..

اقتباس هذه فقط بعض الأطباق طبعاً .. فمن لديه المزيد فلا يبخل علينا بها ..

خلاص .. بندوّر وإذا لقينــا نجي نحطهـا هنـا ..

بس موضوعك
ممكن نتفضــل على سفرتك ؟؟


.
.

اقتباس اللقيمات ياحلاته اذا سبح بالسرب او العسل . وتاكل نصها وبعد ماتاكل النص ترجع تغطها في السرب وتكمل عليها ....<< جعت والله صج ^__^

ليش .. شكلك ما تحبه مع الدبس ؟!
<< انزين انتِ وش عليك منه ؟

اقتباس ذكريات الماضي بنت عمي . حسبينا لا تنسين اوكي.^____*

يقولون لك .. احسبنــا .. لا تنسى ..

.
.

بصـــراحــــة ..







فقلمي قــاصر هنــا من رصف الحروف ..

.
.

 

 

[زهرة اللوتس]

في البداية نرحب بالأخ ذكريات الماضي في مطبخنا ونقوله على البركة الشهر

ونشكره على هالموضوع الترتووووووب و الشغل العدل واللذيذ


خسارة والله راحت أيام العيوش و البهارات و الليمون

اللحين خلونا على الحليب والبخصم أحسن و أزين للمعدة

اقتباس عسى أن أكون من أول المعازيم عندكم .. ترى من جد عادي أجي بس انتوا عزموني و ابتشوفوا كيف بصدق و بقط وجهي

ولو إنت ما تحتاج عزيمة

حياك الله بس قبل ماتجي لا تنسى طبق حالي وطبق مالح

اقتباس الخنفروش الممروس او الخبيصة

ما عرفتهم هالأكلتين .!!

ما أدري لهم اسم ثاني عندنا في الديرة ؟!

اقتباس الرابع عشر : الودمة وهي عباره عن احساس مطحون وليمون او ترنج وتقدم مع التمر والفجول والبصل الحساوي والرمان

قديـــــــمة الودمة من سنة الغرقة ما أكلتها

ما أدري بعدهم الناس ياكلوها ؟

اقتباس والهريسه بعد ما تمسك الملعقه (المعلقه) <<كل واحد .. المهم.. وتشيل من الهريسه وتغطها في الدهن وتاكل . ... آ يباه. ترتـــب<< ملهوف .

ههههه اخلص

هاك طالع راح فيها ليتووو بسببك يا ذكريات




ذكريات الماضي

الله يعطيك العافية على هالمشاركة الحلوة

ويا هلا فيك هنا .

 

 

[ذكريات الماضي]

اقتباس المشاركة الأصلية كتبت بواسطة ليت للقلب عين بصراحه وماني مستحي احلى شي عجبني وخاطري فيه الحين . اللقيمات ياحلاته اذا سبح بالسرب او العسل . وتاكل نصها وبعد ماتاكل النص ترجع تغطها في السرب وتكمل عليها ....<< جعت والله صج ^__^ والهريسه بعد ما تمسك الملعقه (المعلقه) <<كل واحد .. المهم.. وتشيل من الهريسه وتغطها في الدهن وتاكل . ... آ يباه. ترتـــب<< ملهوف . والرمـــــان واحمر بعد؟؟ معروفه الرمان بالنسبه لي اربع دفعات كل ربع لحاله . وانت تاكل وتسمع صوت الضروس وهي تاكل روعه والله يعينك بعدها كاسين ماي . ذكريات الماضي بنت عمي . حسبينا لا تنسين اوكي.^____* في حفظ الباري

أخي العزيز ( ليت للقلب عين ):
أبداً .. أبداً .. لاتستحي و أنا أخوك ..
اطلب تجد .. و اتصل نصل
عليك بالعاااااااااااافية .. باللقيمات و الهريسة و الرمان

أقدم لكَ باقة من الجوري على مرورك الجميل بمشاركتي المتواضعة ..

و تقبل خالص تحياتي

ذكريات الماضي

 

 

[ذكريات الماضي]

اقتباس المشاركة الأصلية كتبت بواسطة إشراقة أمل وعليكم السلام ورحمة الله وبركـاته .. . . وصبـاحك معطر بريـاحين الرحمــــة ,, . أنت لو تكون آخر المعـازيم .. بنلقـاك أول من قاط وجهه وجاي .. هذا بعد إن كنت من المعازيم .. << امزح معك خيووو .. . . ما كأن السـاقو هي نفسهـا ( الحلوى ) ؟! << بيني وبينك ما عرفت هـالساقو << اسكتي لا تفشلينــا بس ! . . عـاد احنـا طرشنـا لكم ذاك اليوم هريسة بس ما قلنـا لك صورهـا .. وحط الصورة في المنتدى الله يهديك !! . . نسيت ما حطيت بين قوسين جنب المفلق ( جريش ) .. مو كلٍ يعرف ( المفلق ) .. خلاص .. بندوّر وإذا لقينــا نجي نحطهـا هنـا .. بس موضوعك ممكن نتفضــل على سفرتك ؟؟ . . ليش .. شكلك ما تحبه مع الدبس ؟! << انزين انتِ وش عليك منه ؟ يقولون لك .. احسبنــا .. لا تنسى .. . . بصـــراحــــة .. فقلمي قــاصر هنــا من رصف الحروف .. . .

أختي العزيزة ( إشراقة أمل )

أولاً : أنا كون أول الحاضرين للعزيمة بدون دعوة أصلاً .. و شحقة الدعوة ؟!! .. البيت بيت أبونا و القوم ماطردونا >>>>>>>>عدلها

عااااااااادي .. مزحك مقبول خيتوووو .. بس أهم شيء أجي

الساقو غير الحلوى .. الحلوى صنع بحريني .. لكن الساقو صنع حساوي .. اسألي جدتك و تعلمك

أنا صورت الهريسة .. عشان أعرف أعضاء المنتدى بطباختنا الماهرة .. <<<<<<اعلانات و دعاية

يا عزيزتي .. المفلق شيء .. و الجريش شيء ثاني ..
الجريش : وهو عباره عن جريش لحم او دجاج بصل طماط لبن او روب وينطبخ وبعدين ينضرب ويتصطع بالدهن ( الزبده المذوبه )


ننتظرك أطباقك الشهية

حياك الله .. تفضلي على سفرتك .. السفرة سفرتك و نحن ضيوفك

أختي ( إشراقة أمل )
تقبلي من أخيك باقة من الكادي كعربون شكر جزيل على مرورك الجميل و تعليقك الجميل .. و ثرثرتك الأجمل


و تقبلي أشذى تحياتي

ذكريات الماضي

 

 

[إشراقة أمل]

اقتباس أنا كون أول الحاضرين للعزيمة بدون دعوة أصلاً .. و شحقة الدعوة ؟!! ..

ما أدري أجل ليش الهذرة .. وتعالوا عزموني بعد..!
بس حتى بدون دعوة .. لا تجي


.
.

اقتباس الساقو غير الحلوى .. الحلوى صنع بحريني .. لكن الساقو صنع حساوي .. اسألي جدتك و تعلمك

اهااا .. شغل محلي ..
بس أخـاف أسأل جدتي .. وأفشلهـا .. تطلع ما تعرفه !!

.
.

اقتباس أنا صورت الهريسة .. عشان أعرف أعضاء المنتدى بطباختنا الماهرة .. <<<<<<اعلانات و دعاية

أنـا مشهورة عـالميـاً .. مو جـاي تسوي دعـاية على مستوى المنتدى بس !
وبعدين ..
دامك انت اللي مسوي الدعـاية ..
بيهونون النـاس ما بيعيروني أي اهتمام ولا بيطلبون شغل يدي ..

.
.

اقتباس يا عزيزتي .. المفلق شيء .. و الجريش شيء ثاني .. الجريش : وهو عباره عن جريش لحم او دجاج بصل طماط لبن او روب وينطبخ وبعدين ينضرب ويتصطع بالدهن ( الزبده المذوبه )

ربمـا ..
بس انـا من عرفت المفلق .. وهم يقولون لي إنه هو نفسه " الجريش "
شلون يقصون علي !!
بس لازم أستفسر أكثر عن الموضوع .. << يعني البنت مب واثقة في كلامك خخخخخخ

.
.

اقتباس حياك الله .. تفضلي على سفرتك .. السفرة سفرتك و نحن ضيوفك

تقدر تقول غير هالكــلام ؟!
<< والله البنت واثقة حيل من نفسهــا !!

.
.

عذراً لمعـاودة الزيـارة .. والثرثرة اللي مال امها داعي ..
بس لازم أشوف لي طبخة سنعة وأجيبهـا ..
ممكن تساعدني ذكريات ؟!
<< صاير له ساعة يقول ننتظر أطباقك الشهية .. وفي النهاية ممكن تساعدني؟
.
.
.

 

 

[وردة الأحلام]

اوه اوه أووووه


أشصاير هنيــــــــييييييي.....!!!!



هريس.....وعصيد.....ولقيمات......وسمبوس




ولا تعزموني عاد


بس ما عليه منكم باكل بدون عزيمة،’





ما شاء الله أثر عندنا طباخيين بالمنتدى


ذكريات الماضي تسلم يدينك على الطبخات الشهية


وتراني ما أكلت شيء بس جاية على الريحة

 

 

[ANGEL]

الله يعطيكم العافيه

وإحنا بعد نسمي المفلّق >> جريش

سؤال ,, مو كأن الخنفروش يشبه البان كيك (قرص عقيلي) ؟؟




أحلى شيء سويته حطيت لنا صور

 

 

[أحلام]

روعة تسلام الايادي