ما رأيكم بالمسرحية ؟؟

[وحي القوافي]

مسرحية نمشي ولا ندري

كان الحضور فيها مفاجئ وحضور بالفعل رائع

وهذا مايعهدونه لنا اهل الطرف

المسرحية سوف تباع في سي دي لدى الاخ

عبدالله البوسعيد ( بو باسم )

......................

ما هي تعليقاتكم للمسرحية ؟؟

ماهي انتقاداتكم البنائة؟؟

.............
انا بأنتظار ردودكم

 

 

[أسوار البقيع]

السلام عليكم


أحسنت اخي على هاي المسرحيه الطيبه


وسلم الله يمناك


بس هناك بعض الملاحظات البسيطه اتمنى ان ماتكون في اي ازعاج عليك

للأسف عند النساء اشوي في خربطه

الصوت كان قوي نوعاً ما .. وثانياً التصوير كويس بس كل شوي طافي علينا

ويبي لك أشوي تركيز في الموسيقى أكثر

سلم الله بنانك

ولا تحرمنا من كل جديد


يفضل كل شهر >>> علشان كل شهر نشوف بنات المنتدى ^_^



دمت بود دوماً



أسوار البقيع

 

 

[بوعبدالغني]

بسم الله الرحمن الرحيم
السلام عليكم ورحمة الله وبركاته

ماشاء الله مجهود صراحة يشكر عليه

اتقدم الى الاخوان محمد الخلف ومصطفى السعيد
ومحمد الشيبة ومحمد الجاسم وجعفر المشابرة
وهاني المزيدي وعمار الجاسم وعبدالرحمن الغانم

اشكركم كثيراً ع المسرحية الهادفه للشباب 100% تعلمت اشياء كثيرة
منه في اموار الدين والطاعه للوالدين والكثير من التي يحتاجة المجتمع

الانتقاد: لا ينجح العمل الا بالفشل وإن شاء الله مافي فشل
1/ الوقوف امام المسرح يحتاج الابداع وعدم التردد في الكلام
او التتعت

2/ وقوفك امام المسرح لازم ماتعطي ظهرك الجمهور

3/ وكذلك الرجل عدم رفعه امام وجوه المشاهدين

تحياتي
بوعبدالغني

 

 

[عسل الحياة]

بسم الله الرحمن الرحيم
السلام عليكم ورحمة الله وبركاته

هذه من تأليفي ..

الحـــــــــق يقــــــــــال .. المسرحية عال العال
وفيهـــا إبـــداع خيـــال .. وبصراحة كلهــا جمال

المسرحية .. كانت جميلة جداً !!
وبصراحة أنا لم أتوقعها مثل ما كانت ..
وكل شيء له إيجابيات .. له سلبيات والعكس صحيح ..
لكن لا ينقص من جمال وروعة .. المسرحية شيء !؟

وشكــــــــــراً .. لكل القائمين على المسرحية ..
والله يعطيهم ألف عافيه
وبالتوفيق لهم .. من نجاح إلى نجاح .. وإلى الأفضل .!؟

وونتظر ( CD المسرحية ) .. ونترقب مسرحيات آخرى !؟

تحياتي

 

 

[(روح الله)]

بــــــــــصـــراحـــــه خوش مسرحيه
وممثلين واخراج وقبــــــــل ما نـــضـــحك
نرى ماذا تهدف هذه المسرحــــــيه انا
في نظري تهدف الى شيأً موجوده في المجتمع
1-ان بعض الشباب للاسف في الوفايات لا يحضرون بسبب مبارات
2-ان بعض الشباب للاسف مايزُرون اهلهم ولا يكلمون اباء عمهم
الى الامام انشاء اخو ي بوجسوم وان شاء الله نرى الافضل والاكثر
مــــوفـــقــــيـــن لــــكــــل خـــــيـــــــر

 

 

[الفارس]

مسرحيه روعه
من اجمل ما يكون
والمبلغ صراحه قليل جدأ على
هذا المسرحيه الرائعه

 

 

[وردة الأحلام]

بسم الله الرحن الرحيم

اللهم صل على محمد وآل محمد


بـــــــــــــــــصراحه أول مـــــــره أحضر مسرحيه بمثل هالمستوى الراقي

يعني راائعــــــــــه ومفيـــــــــــــــــده ومســــــــــــلية في نفس الوقت


والشــــــــــباب ما قـــــــــصروا في العمـــــــــــل

يكــــــــــــــفي إخلاصــــــــــــهم

ومبــــــــــــين انهم تعبوا في سبيل إنجاح المسرحيه وفي سبيل توصيل الرساله والفكرة للشباب


والسلبيات أشياء خفيفه ويمكن كانت سهواً منهم

وهي ان الصوت عندنا في قسم النساء كان قوي جداً وأحياناً ما نفهم شنو يقولون,,,

وبعض الممثلين ما عندهم مكبر للصوت والحضور عنده إزعاج,,,


و الفيديو كل اشوي ينقطع عندنا يعني فاتتنا مقاطع من المسرحية ,,,


وأحنا بكل شوق ننتظر المسرحيات القادمـــــة,,,

ومثل ما قالوا المبلغ قليل عليها,,,

اقتباس الحـــــــــق يقــــــــــال .. المسرحية عال العال وفيهـــا إبـــداع خيـــال .. وبصراحة كلهــا جمال

وأنا أقول مثل ما قال الأخو عن المسرحية



وبالتوفيق,,,

 

 

[حنين الأنتظار]

السلام عليكم

خيوو أنا دريت بها المسرحية بس الظروف ماسمحت لي أجي

ممكن خيوو طلب

تقول لنا أحداث المسرحية لو سمحت

ويعطيكم العافية

تحايا
حنين

 

 

[علي هجراوي]

مشكورين وعساكم على القوه والعافيه

والله يعطيكم العافيه

وعساكم في تقدم مستمر

 

 

[اللواء]

مشاء الله حلوه


بس النساء مثل ما قالو في شغلات ماعجبتهم لو تركزو أكثر


وشكراً لكم

 

 

[لذة أنين]

ممكن أخي العزيز تتحدث لنا بأختصار عن أحداث المسرحيه
لأني ماقدرت أحضرها
هذا أذا مافي تعب عليك
ولك جزيل الشكر

 

 

[زائرة الرضا]

بصراحه قمه في الروعه
و بعد ما توقعت عندنا شباب في الطرف في هذا
المستوى الرائع في التمثيل و الأبداع شكراً لكم
ويعطيكم ألــــــــــــــــــــــــــــــــــــــف عافيه
لكم تحياتي ( زائرة الرضــــــــــــــــــــــــــا )

 

 

[وحي القوافي]

لا يسعني إلا ان اشكر كل من ساهم في إنجاح مسرحية ( نمشي ولا ندري )
... تفاصيل المسرحية ....
كانت من تأليف وإخراج وتمثيل محمد جعفر الخلف ( Bo . Jassom ) وكان في دور بوفالح
ومصطفى السعيد في دور بوصالح ومحمد الشيبة في دور الملا حسن وجعفر المشابرة في دور بوجاسم ومحمد علي في دور جاسم وهاني المزيدي في دور بوحامد وعمار الجاسم في دور حامد وعبدالرحمن الغانم في دور البطل
طه الصولان ( مؤثرات موسيقية ) عبدالله بوسعيد ( تصوير ) علي الربيحي ( صوتيات )
محمد حسين وعلي بن عيد ( ديكور ) وباقي الشباب ( تنظيم )

إشراف عام مصطفى السعيد

طبعاً كان اختيار هذا العنوان للمسرحية مو القصد المشي المحسوس المعروف ...لا ولكن القصد
اتخاذ القرار بدون اي مبالاه .... الشرح ...
بوصالح وبوفالح دورهم اللقافة في كلشي ... شقالو الناس وشماقالو ومنهو تزوج ومنهو طلق
وليش فلان شاري لولده وليش شاري لبيتهم ... يعني امور مالهم شغل فيها ولكن طبع تطبعوا عليه وتعودو إن كل واحد يجيب للثاني اخبار الناس بما لايعنيهم ولا يفيدهم بشكل عام ( لقافة )
وكل حش في العالم والمشكلة بعد مايحشون في العالم يزودون كلام من عندهم
...........
بوجاسم وجاسم ولده .. كان بوجاسم يربي ولده بطريقة غير سليمة .. يعني في الشارع يتهاوش معاه وهو عمره 22 سنه وكل مآخذ الامور بعصبية وكل مندفع وكل معصب ... وولده جاسم انضغط من هالاسلوب وقال مافي حل إلا البعثة على أساس يفتك من هذرة ابوه ... طيب خل يروح البعثة بس المشكلة جاسم مايعرف شي في امور دينه كلش كلش لايمر حسينية ولا مسجد ولا يثقف دينياً فأبوه منعه من السفره وقاله ( تبي تروح هناك تسود وجهنا ؟؟ )
............
وبوحامد مع حامد ولده .... ماعلم عياله على صلة الرحم مايواصلهم مع عيال عمهم مآخذ امر صلة الرحم شي عادي جداً ... يعني زارو عيال عمهم ولا مازاروهم كل واحد اهم شي إذا طلبو عياله فلوس مايردهم ..... وهذي مشكلة كبيرة واقعة في مجتمعنا ( إهمال من ناحية صلة الرحم )
................
الملا ... يسعى لإصلاح المشكال إلي واقعين فيها الجماعة ... يعني ينصح بوصالح وبوفالح من ناحية عدم الحش في الناس
وينصح بوجاسم يهدي العصبية لإن مافي شي يمشي بالاصراخ والمهاوش
وينصح جاسم لازم قبل مايروح البعثة يتعلم امور دينه ( وكان على هذا مشهد تصويري )
وينصح بوحامد وحامد عدم الاهمال لصلة الرحم ... فهذا امر مهم وضروري في حياتنا

اما البطل ... فكان فاكهة المسرحية دوره واحد مجنون ... لكي يلطف جو المسرحية
.............
اخواني تقبلو تحياتي من وحي القوافي

 

 

[حلم الليالي]

انا صريحه ولا راح اجامل ليش اجامل
صراحه المسرحيه ماعجبتني هباله احس كثير من مشاهدين هذه المسرحيه عجبتهم الا انا واختي وبنات عمي صراحه بايخه مادري يمكن اني انا ماحب المسرحيات شوفوا انا ذوقي يقول عنها بايخه لان فيها استهبال و خفافة دم ليش
وصراحه انا ابي اطبق توقيعي
اشكر اخوي
وحي القوافي مشكور وعطاك ربي الف الف عافيه

 

 

[باسم محمد]

السلام عليكم
لو فكر فريق لعمل اعادة تمثيلها مرة اخرى
ممكن افضل للذي لم يجد الوقت للحضور

واذا كان نت المسرحية تحث على صلة الاقارب
فوقتها ليلة الجمعة لايحث على ذلك
وهو الوقت المتعاهد عليه بين اهل البلدة للتواصل







وفقكم الله

 

 

[وحي القوافي]

ههههههههههههههه

حلم الليالي شبلاك .... شوي شوي لاتخربين الكيبورد .... ( مع احترامي لك )

اقتباس انا صريحه ولا راح اجامل ليش اجامل

صرحتك على العين والراس بس بمنطق

اقتباس صراحه المسرحيه ماعجبتني هباله احس

هههههه يا اخي شنسوي ويا احساسك ... شلون هباله ؟ لإن فيها ضحك ؟؟
وكيف يستمتع الجمهور .... لكن مع الضحك كانت هناك فكرة والحمد لله تم إصالها للجمهور الا وهي بعض المشاكل التي تقع في مجتمهنا موجودة والكل استفاد ووصلت الفكرة

بشهادة الجميع .... ولاجاية مغصوبة ( مع احترامي لك انتي واختك وعيال عمك )

اقتباس مادري يمكن اني انا ماحب المسرحيات

ههههههههه
هذا مو ذنبنا ..... وشعلينا منك... هذي مشكلتك مو مشكلتنا .... لايكون احد جابرك على مشاهدة المسرحية

اقتباس شوفوا انا ذوقي يقول عنها بايخه لان فيها استهبال و خفافة دم ليش

ونعم الذوق

اقتباس وصراحه انا ابي اطبق توقيعي

يزاج الله خير

 

 

[بو فيصل]

المسرحية جيدة
لكني توقعت الأفضل
وفي قناعتي أن طاقم المسرحية طاقاته اكبر مما رأيت

أعتقد أن كان بالامكان أكثر مما كان

لكن المسرحية جيدة ونطمح للأفضل
وبالتوفيق يا شباب

 

 

[بوبــ(99)ــدر]

"]المسرحية في قمة الروعة والجمال نشكر كل المشاركين في العمل وبالتوفيق في الاعمال القادمة[

 

 

[همسات امرأة]

مايسعني الى ان ازف احلى ايات التهاني الى من كتب هذي المسرحيه


وقام بالشراف عليها ومن اخرجها والممثلين


طبعا انا ما حظرت هذي المسرحيه ولاكن كان ودي اشوفها وانشاء الله راح اشوفها


والمسرحيه مهما كانت انا واثقه انها من اجمل المسرحيات


لانه الى قام بتأليفها واخراجها وتمثيلها شباب الاحساء وانا احيي فيهم هذه الحماس والجهد والجرئه والافكار الى تجمع بين الفكره الهادفه واللابتسامه لتناسب جميع العمار.

ملاحظه ..

الى اخوي الى كتب هذي المسرحيه ..

بقولك كلمه انت لو سمعت نقد من اي احد من الناس مثل ما تفظلت الاخت حلم الليالي

خل هذه النقد لصالحك مو ضدك خله دافع لك انك تفاجئهم بابداع افظل واحسن واقوه..

وتمنياتي لك بل التوفيق لك ولكل الممثلين ..


تحياتي

تقبل مروري

وننتظر جديدك اخوي ^.^

 

 

[زهور الريف]

انا حضرت المسرحيه حلوه بس مو مثل ما توقعت

بصراحه انا بس ضحكت على شئ واحد وهو يومنا يقول الولد شفتوا هذيلوا يقلدون كحطه الا في درب الزلق صج مت من الضحك غيره ما ضحكت وعجبني شئ ما شفتوه وعجبني التصوير الخارجي وعجبني دور جاسم هل لان هو جاسم يقرب لي ما ادري بس دوره حلووووو