هل هذا صحيح يا بنات

[ولد البلد]

1) كيف حسب رإيكم ممكن
تكون البنت الناعمة؟
- طبعا هذة البنت وهى نايمة فى غرفتها الدبدوب والارنوب كلهم فى احضانها واذا قامت من النوم ما تقوم الا الساعة وحدة الظهر اول ما تصحى من النوم تفتح الستارة والشباك علشان الغرفة تتنفس وتشغل موسيقى رومانسية وتاخذ حمام محترم وبعد ما تطلع من الحمام على المراية تحط من هالكريمات والميكياج .. لازم تحافظ على البشرة .. خلصت من المراية وتتجه الان الى السشوار وبعدين تلبس الجينز والبلوزة .. وتنزل تاكل الفطور اللى يكون عبارة عن عصير برتقال وكورنفلكس وشغلات خفيفة نظيفة ولا احلى...

1) البنت الدفشة:
- تقوم الساعة 8 الصبح وهى ما بدها تقوم وتدخل امها عليها بالغرفة وتصرخ عليها قومي شبعتي نوم ترد الدفشة على امها .. انزين بقوم بقعد وتقعد تأفففففففف ويطلع من فمها نار .. بالاضافة الى انها وهى نايمة كل دقيقة تنطرح عن السرير .. وبعدين يدخل اخوها الصغير ويصرخ وجع ياللة كفاية نوم .. ترد عليه : اطلع من الغرفة والا ارميك من الشباك .. المهم اخوها اللى اكبر منها يروح لها الغرفة يرفسها وبعد تلك الرفسة العنيفة تصحى من النوم .

2) البنت الناعمة:
- ما تتغدا الا الساعة 4 ولا 5 ولا تتغدى الا على خبز دايت او بيض مسلوق وسلطة تحافظ على رشاقتها

2) البنت الدفشة:
- تتغدا الساعة 12 بالضبط وما تتغدا غير كرشات وكوارع ولحم او دجاج واذ خلصت تشرب الكولا شفطة واحدة

3) البنت الناعمة:
- ما تطلع الصبح ليش ؟؟ تحافظ على بشرتها من الشمس

3) البنت الدفشة:
- تطلع الساعة 2 عزّ الظهر وتروح مشي لبيت خوالها لحد ما تنقلب سمرة

4) البنت الناعمة:
- اذا بدها تضحك تقول ( هههههههههه) ويدها على فمها من الخجل والضحكة من الصعب انك تسمعها

4) البنت الدفشة :
- ها ها ها ها .. والحارة التانية والعيلة بالليلة تسمعها


5) البنت الناعمة:
- لما تتفرج على التلفزيون تقعد على الكرسي وتحط رجل على رجل وتبتسم لان الابتسامة تضفي بشاشة على الوجه

5) البنت الدفشة:
- تنبطح على الارض وتحط رأسها على المخدة وتمد رجليها وتحطها على التلفزيون واذا بغت تغير القناة بتخبط التلفزيون باصبع رجلها اللي مو قاصّة أظافره من العيد الصغير.

6) البنت الناعمة:فيلمها ومسلسلها المفضل التي فيه حركات في التساريح والمياج والمشي
6- البنت الدفشة: فيلمها المفضل ومسلسها المفضل رسوم متحركه او اضراب او مصراحه او كرة قدم
7) البنت الناعمة:
- فى نهاية هالموضوع تقولكم تشاو .. او سى يو .. او بباى
7) اما الدفشة:
- فى نهاية الموضوع تقولكم .. يلى انقلعوا

0000000000

 

 

[أنين الطف]

حرام عليك مصورنا اكسل ما خلق الله بالعكس احنا نحب السنع على اصوله وبعدين اصابع يدك ماهي سوا وتبالغ اكثير كثير كثير يا ولد البلد تقبل ردي بصدر رحب اختك أنين الطف

 

 

[عاشق العميد]

لا والله أعجبتني
بس وين الوسط ؟
البنت اللي تجلس الساعه:6 الفجر وتساعد أمها
على تركيب الدجاجه أم خط أحمر( دايت ) .
وبعدين تنام ليمن 5 العصر وتصحى وهي منكوشة الشعر ( ولو خليت خربت)
ننتظر منك المزيد

تحياتي : الدب الداشر

 

 

[ولد البلد]

الى الاخت انين الطف انا ليس كل البنات يعني شيء موجود بس بعض انا ما احب عمم في اي شيء
تحياتي للجميع--

 

 

[عزف الدموع]

تسلم ياولد البلد .... بس الله يعينك والله
البنات بيكرهونك ع اللي تقوله عنهم ههههههههه ..... الله يعطيك العافية

 

 

[هدى]

خلاص اذا البنت الناعمة عاجبتك..
شوفها اذا بتنفع ربة بيت وعيال؟!! والا لا؟!

 

 

[شوق الذكريات]

أعتقد أنا الموضوع ليس بمحض الجد.....

وإنما هو لرسم الإبتسامه....

لكم شكري

 

 

[ليت للقلب عين]

الموضوع رائع




لكن







يوجد بعض النقاط مبالغ فيها






ولكن يوجد من البنات من هم بين المنزلتين




فالبنت الناعمه قبل التفكير بزواجها لابد من وجود خادمه او خادمتين اضافه الى سائق وشيف





اما بالنسبه للبنت الدفشه فلا تحتاج الى خادمه فهي نشيطه بحد ذاتها


ولا شيف ولا سائق فهي جديره بتحمل مسؤولياتها ومسؤوليات زوجها وابنائها






والاهم من هذا كله





فالبنت الناعمه لا تتصف بجميع الموثفات الموجود والدفشه ايضا لا تتصف بجميع هذه المواصفات






انا الموضوع للفائده في بعض النقاط بالفعل





والبعض الاخر للتسليه مع القراءه فالموضوع الجاد الغير مزفوف ببعض النقاط المسليه يصبح مملا بعض الشي







وهذا الموضوع قد يكون جس نبض لبعض الفتيات


اي: انتقاد غير مباشر



















يعطيك العافيه اخوي عالموضوع المفيد والمسلي






























في حفظ الباري

 

 

[سحاب]

هههههههههههههه...
وش ذا الكلام ياولد البلد علينا ...
بلعكس اغلب البنات يحبون الوسط ... بس نفس ماقلت قوية شوي ....
وبعدين عادي حتى انتو يالشباب فيكم الي يحافض على اناقتة وفيكم الوصخ الي مايغير ملابسة الابعد شهر ...
طبعا مو الكل ...

 

 

[نوف نواف]

ههههههههههههههههههه
خخخخخخخخخخخخخخخخ
تبون الصج اني مت من الضحك
على البنت الدفشة
و موكل البنات من الجنس الناعم و لا من الدفشه بس احنا من الوسط
بس عندي الدفشه تحافظ على البيت احسن من الناعمه و الرقيقه لانها اذا عطوها تنضف المواعين او تكنس الحجره او تروح تسوي ابسط شيء نسويه في المطبخ بنقول بيض مقلي بتقول ليك الناعمه ما اعرف اخاف احرق يدي او يخترب المنكير و البدركي الي في اضافيرها و من هذا القبيل .

على العموم ترى بعد في شباب ما شاء الله تقول لهم روحوا اشتروا لنا
واحد يقول: انشاء االله و الثاني: روحي ماني فاضي حق التطريشات و الثالث يقول: لحظه ينادي على اخوه الصغير روح اشترى ليش .

و اذا الشاب بيطلع بروح كشته مع الشباب او لا يوم الجمعه حق المغازل تعال جوفوه :
يدخل الحمام يقعد ساعتين لما يطلع و بعدين يوقف امام المنضره ساعتين لما يعدل الشعر نص ساعه (( عاد من طول الشعر )) و بعدين و يعدل الاحجاجات و اذا في لحيه يعدلها و يعدين يلبس الثوب و القطره و عاد اذا جلس يعدل القطره تعالوا جوفوه اربع ساعات و اهو بعدل فيها و يجيبها يمين و يسار (( و تطلع روحك لما يشيل ايده من القطره ))
و بعدين يحط ليك العطر الي تشمه مو من ميل من اميال ... او نسيت بعد يورح يعدل الاقلام لي في جيسه و يزيد النقدي في يوكه و اخذ و خل و بعدين اذا مر عليه رفيقه تعال جوف الكلام السنع و الزين و يقول لحظه حبيبي و الكلام المعسل انتوا اخبر يا شباب.

و تقبلوا مروري
تحياتي

 

 

[مدهامتان]

هههههههههههههههههههه

أقول الكل متساوي في بنات كذا وفي شباب كذا يعني مافي فرق


اما بالنسبه للناعمه والخشنه


الناعمه في الدلع وناسه


والخشنه ووينها ووين الدلع الله لا يوريك


تقبلوا مروري مدهامتان

 

 

[أميرة الزهور]

هههههههههههه
ههههههه
هههه
هه
ه
تسلم اخوي على الموضوع الشي
بس بجد مو كلهم جدي يعني الناعمين
موب شي صراحه وينهم وين الدنيا
لكن الدفشه عندها مواعيد مضبوطه
واني صراحه مع نووووووفه بكلامها


تقبل نقدي

 

 

[كـآأإدي ا~]

موضوع رائع


يستحق أكثر من الشكر

إحساس طفـــــــــــــــــــــــــJــــــــــــــــــــــ ــــــة

 

 

[ترانيم حزينة]

ليش تقول كذا حرام
أحنا الحساويات غير

 

 

[ولد البلد]

مشكورين على المرور بس لا تزعلون هذه انا بطبعي ما اعمم بعض وبعض تنطبيق على الجنسسيين

 

 

[متروكية وعباسية]

سلاااااااااااااااام
اكااني جيت قبصتك يالمنتقد ((ولد البلد)) شنو فيك طايح على البنات طيحة مو كل البنات جذي خذ مثل ....احم احم.. وحدة تقعد الصبح تسوي ريوق الى اخوانها\خواتها ...تكنس البيت...تستحج بامها لان هي متعودة على هالشي وحباية من الكل

ثانيا
الشباب ((ولد البلد منهم ترى هاه))

يقعدون يالله يالله الى شغلهم ....سهر الليالي ونوم العصاري ..اذا طرشناهم مكان يزفونش ديك الزفة اللي مامثلها في العالم ...كل رافعين خشومهم ويحسبون روحهم رجال اعمال ...ويطيحوون غزل في البنات بس يسوون روحهم ينتقدونهم .....ونص اللي يكتبونه عن البنات وشنو يسوون في هالدنيا لانه عندهم ترصدات ورادارات في كل مكان فيه بنية...واذت مرت ذيك البنية يسوون روحهم بعد يتكلمون علشان البنية تسمع سوالفهم الايمانية علشان تقول انهم خووووش شباب هاه
وما عندي كلام تعبت فيني نووومة
مع السلامة
اتمنى نواااااااااااافة ترد
تحياتي الحسينية
متروكية وعباسية

 

 

[≈ мɪss 7σσř]

هههههههههههههههه




انا من النوع البنت الناعمة حييييييييييل



تحياتي



كيان طفلة

 

 

[عاشقة أباذر]

مشكورررره خيتي على الموضوع
والله فله البنت النعومه
تحياتي لك وتقبلي مروري
@@عاشقة أباذر@@

 

 

[ولد البلد]

مشكورين على المرور
والصراحه انا البنات كلاهم ناعمين بسسسسسسسسسسسسس ؟ لانهم ما يدخلون المطبخ لغسيل الاواني
هههههههههههههههههه

 

 

[يارا]

مشكوره على الموضوع الجميل بس ابغى اعرف ليش الاولاد يدخلون على عالم المراه وبعد ما يستحون يردون باي