ماذا يفعل الشباب والبنات إذا رن جرس الفسحة؟؟

[صمت الألم]

ماذا يفعل الشباب والبنات إذا رن جرس الفسحة؟؟



البنات

أول ما يرن جرس الفسحة ..

- تشوف شلة بنات داشين الحمام .. إللي تعدل شعرها والثانية تعدل كحلها وكل وحدة منهم تسولف عن إللي سوته في أخوها الصغير أمس ..

- كل بنية تمشي وفي مخباها ( شكولاتة ) وإذا عطيتها شبس تقولك : سوري .. أنا مسوية ريجيم ..(الله وأكبر ) .. أول ماترد البيت على طول تسوي تليفون للدكان إللي على الشارع ..

- والبنات الاذكية الشاطرات أول مايرن الجرس تشوفها داخلة غرفة المدرسات تبي الأبلة تشرح لها الدرس إللي كانت رفيجتها غايبة فيه ..

- وبعض البنات تشوفهم متجمعين ورا اللوكر يحلون واجب الرياضيات إللي ماحلوه في البيت ..

- أما الأهم .. تشوف بعض البنات يستأذنون من الحصة قبل البريك بثلاث دقايق ويركضون الكافتيريا –يحجزون لهم مكان – وأول مايرن الجرس الأكل كله مخلص مافيه إلاعصير يتهاوشون البنات عليه وآخرتها يطلع خربان ..


خلونا من البنات ونروح نشوف شيسووون الشباب في الفسحة


الشباب

-( تحصل واحد منهم راقد طول الحصة وأول مايرن الجرس يدعي على اليوم إللي دش فيه المدرسة لان حلمه انقطع بسببهم )


- واثنين من الصبيان ينتظرون متى يروح المدير إللي صار له واقف ساعة قدام الصف وأول مايتحرك خطوتين يشلون شلايلهم وينطون من الطوفة ويشردون من المدرسة ويمرون على كم دكان في طريقهم وبعد نص ساعة يرجعون المدرسة ..

- وشلة تروح وره المدرسة ويتمون يدخنون وما أمداهم يشفطونها إلا واحد كشخة رايح يفتن عند المدير وما يوعون إلا المدير حابسهم في غرفة الاحتجاز ويسوي تليفون حق أبهاتهم .

- أما واحد تشوفه فارش غترته على الارض ويكمل رقاده ( لان طول الليل مارقد يشوف فلم ويلعب سوني )


شرايكم؟ إنتوا شتسوون إذا رن جرس الفسحة؟؟

تحياتي :صمت الألم

 

 

[أبو إلياس]

هاهاهاهاها


يعطيك العافيه خيتي


تحياتي

 

 

[بسمله]

هذا اللي أعرف أقوله مشكورة

وبس

 

 

[صمت الألم]

مشكور خيي بو الياس وخيتي بسمله على المرور