ابحث عن قصيده

[انين السحب]

تحية احترام لاعضاء منتدى الشعر
وابي مساعدتكم اذا ممكن .... الي يقدر يحصلي قصيده لطلال السعيد
مطلعها ( مريت انا المطلاع والشوق هزني )
بكون له ممنون وايد
ولكم الشكر مقدما

 

 

[إشراق]

تفضل عزيزي

- - - - - - المطـــلاع - - - - -

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=3 line=200% align=center use=ex length=0 char="" num="0,black" filter=""]
مريت انا المطلاع والشوق هزّني
قبل المغيب وتوها الشمس غايبة
وفيّضت في عالي روابيه عبرتي
وكثرت على قلب المعنّى مصايبه
تذكّرت من نفسي تمنّى مودته
لاالقلب ساليها ولا النفس طايبة
لولا غلا ذكراه مارخصت دمعتي
لوكان عيني بازرق الدمع رايبة
هذا المكان اللي جمعنا وضمّنا
وهناك حاكتني وهي تقل هايبة
هذاك ماقفها وهذاك ماقفي
يوم اشّرت بالراس وارخت ذوايبه
لاعاد يوم عقب الابعاد شفتها
تجدد الجرح القديم بسبايبه
من عقب ماني فاكر انّي نسيتها
اوّل شرارة حبّ شبّت لهايبه
حفرت قبر الحب في وسط ضامري
من عقب ماهي باليات نصايبه
قالوا ملكها الغير مالك ومالها
برق بعيد ولاتحوشك سحايبه
يكفيك دور فات بينك وبينها
جنّب وخلّ الحب واترك نشايبه
قلت اتركوني هرجكم مايسرّني
والميت ماتحييه دمعة قرايبه
والنار ماتحرق سوى اللي يدوسها
جرحي وانا ابخص في دواه وطبايبه
ان كان روحي عقب الفراق شيّبت
سود الليالي عقب الاقمار شايبة
ولو كان يدرون الجماعه بقصّتي
محد عذل روح من الوجد ذايبة
اول معرفه بين عيني وعينها
كلام عين لعين نظرات صايبة
العشق كان لغيرها لين شفتها
ومن شفتها نفسي عن البيض طايبة
بالغصب فرّت موجة القلب يمّها
بالغصب قلبي طاع وانكر حبايبه
قعدت اماري وافتخر في جمالها
واقول هذا الزين شوفوا عجايبه
انا اندفعت وعشت في جوّ عاطفي
انا بنيت احلام وآمال خايبة
انا مع الايام تكبر مصيبتي
هذيك أعدّلها وهذيك عايبه
لو كان حرماني على الناس ينشكي
شكيت مير الناس ماهيب ثايبة
أشكي على اللي قادر انه يحلّها
يلهمني السلوان في كل نايبة
وأصبر واخبّي في حشى الصدر علّتي
واظن تالي الصبر تحمد عقايبه
واحبها في صمت واخفي مشاعري
وابكي اذا دار الشمال بهبايبه
ولابد ماعقب التفاريق نلتقي
انا وانت ياحب دفعنا ضرايبه
وناقف على المطلاع في نفس ماقفي
قبل الظلام وتوّها الشمس غايبة
[/poet]

 

 

[انين السحب]

المحترم ابو عبادي
قصيدة طلال السعيد وصلت . ولم اتخيل انها ستصل بتلك السرعه
لك مني جزيل الشكر والامتنان ويعطيك الف مليون عافيه

 

 

[وديع]

(((( شكرا لك يا بوعبادي على هذه القصيده الرائعه ومافيها من معاني جميله والله يعطيك العافيه))

 

 

[إشراق]

العفو .... نحن في الخدمة