قصة(كيك البصل يقوي العلاقة الزوجية)

[دامس الأسود]

اليوم بقووووول لكم قصة صارت من جد .... وان شاء الله تعجبكم يارب

اليكم احداث القصة:

في وحده خاطبها واحد يقرب لها

المهم هذاك اليوووم كانت تبغى تسوي كيكة بيتي كروكر(الكل يعرفها) بالتفاح علشان خطيبها عازمته على الغداء

وطبعاً الاخت الكريمة ما تدري وين المطبخ ولا عمرها طبخت في حياتها ... بس في هذا اليوووم هي كانت مصره انها تطبخ الكيكة علشان تبرهن لخطيبها انها شاطره في المطبخ

راحت المطبخ وطلعت كرتون الكيك ... وجهزت الخلاط والبيض والزيت والصحن

وامها كانت مقطعة التفااااح ومقشرته وحاطتة في الثلاجة علشان تساعدها في صنع الكعكة (خخخخخخ وياليتها ما ماصنعتها)

طبعاً في الثلاجة كانت الام مقطعة البصل ومقشرته وحاطته في صحن جنب صحن التفاح (حق الكيكة)

المهم ... البنت من زووود العجلة لما سوووت خليط الكيك ،، راحت الثلاجة علشان تجييب التفاااااااح
وبالغلط اخذت صحن البصل وحطته على الخليط مال الكيك وفرغته في الصحن ودخلته الفرن (ماعليش غشيمة اول مره في حياتها تطبخ) هاهاهاهاهاهاهاهاها

وخبزت الكيكة وطلعتها ... وريحتها كانت شوي غريبة بس هي قالت اكيد علشاااان روايح الطبخ اختلطت مع بعضها

المهم هي خلصت الطبخ .. وعلى طوول راحت الحمام تسبح وتلبس وتتجهز علشان باقي شوي ويجي خطيبها

بعد نص ساعة وصل عريس الغفلة (والله مسكين انا اشفق عليه) واستقبلته خطيبته ودخل سيده على غرفة الطعااام (خبركم الجووع ذابحة.... مجابل جيش ولا مجابل عيش )

المهم تجمعو العيلة الكريمة وقعدو على السفره واكلو الاكل (الاكل لذيذ لان الام هي اللي كانت طابخته)

المهم بعد الاكل راحو كلهم في الصالة علشان يشوفون التلفزيون

وجابت هي الكيكة من المطبخ وكانت فرحااااااااااااااااااانه حيل لانها هي اللي كانت طابختها

المهم قالت : (هذي الكيكة لي انا وخطيبي بس وبعدين بعطيكم منها ) تقولها بكل فخر واعتزاز

...... (انتو بس تخيلو ايش راح يكووون موقفكم لما تاكلوووون قطعة صغيره من هالكيكة)



واخذت صحن الكيكة ... وقالت له (ايش رايك نروووح برى عند الحووش علشان تاكل الكيكة) طبعاُ هي مسويه رجيم وما تقدر تاكل من الكيكه
طبعاً خطيبها ما صدق خبر فرح حيل .. واهلها موافقين .. فراح هو وهي الحووش علشان ياكل الكيكة

قعدو على الكراسي وهي طوول الوقت قاعده وتمدح في الكيكة اللي طبختها له وفرحانه وتضحك وتقووله انها من الصبح وهي قاعده تشتغل على هالكيكة وتعبانه عليها

والمسكين مسك الملعقة بأيده واخذ قطعة من الكيكة وحطها في ثمة (وحس ان طعم الكيكة بصل وفيها شيء غريب )

طبعاً مسكين ما يبغا يحرجها قااام واكل القطعة حقته كلها بس علشان ما تزعل منه خطيبته (مع ان طعمها كان خاااااااااااااااايس ) تخيل كيكة بالبصل
والمسكين كان ياكل الكيكة وهو يمدح في طبخها وفي اكلها .....
ويقوول لها: (تسلم ايدينك الحلوه اللي طبخت الكيكة) طبعاً والدموع تنزل شلال من عيونه ،،،
وتسأله : انت ليش تصيح!!!!!
قال لها: انا اصيح من حلاوه الكيكة وطعمها اللي يطير العقل ( معاه حق صراحة)

طبعاً ما صدق خلص قطعة الكيكة ... وعلى طوووول حط رجلة

ولما مشى خطيبها .... قالت خلني اجرب قطعة من الكيكة ،،، واكلت قطعة من الكيكة واكتشفت انها كانت حاطة بصل بدال التفاااااااااااااح

طبعاً قعدت تصييييييييح وتقووول ايش هالفشيلة الله يفشلني
يارب ليش كذا (وتصيييييييح وتصارخ)

على طووووول راحت الزبالة وقطت الكيكة كلها في الزبالة علشان ماحد ينتبه لها

ومن هذاك اليوم زاد حبها حق خطيبها اكثر واكثر (لانها حست انه سوى لها موقف نبيل علشان ما يحرجها وماعلم احد من اهلها على موضوع الكيكة)



ان شاء الله عجبتكم القصة يا شباب

تحياتي





العاشق الصغير