[ مجهود شخصي ]: بَعضُ الأَشيَاء تَستَحِق الانتظار للأبد | خلفيات جالكسي ]|~

[إشراقة أمل]

بسم الله الرحمن الرحيم

اللهم صل على محمد وآل محمد ..

:.

|[ بَعضُ الأَشيَاء تَستَحِقّ الانْتِظَار لِلأَبَد أَو أَكثَر بِ قَلِيلْ ]|

موضوع ما تعبني أبد .. ولا أخذ من وقتي إلا أربعا وخميس وجمعة بس ..

والفوتو كان خووش نفر .. أي شي أبيه على طول يسويه

أي حركة في بالي .. الفوتو يقراها قبل ما أفكر فيها ويسويها لحاله ..

وتراه كلش مو منفس مع الكتابة والخطوط ..

أقول له عندي خطوط واجد .. وحلوين ، خاطري أستخدمهم ويطلع شغلي شي يخبل

يقول لي حاضر وممنونك .. >> آخ يا القهر بس خلني أركب غيرك وتشوف بعدين !

فَ مثل ما قلت لكم .. كلش ما أخذ مني شي ها الموضوع ..

وإلا عاد ها الصورة اللي فيها العنوان .. حكاية ثانية ..

سويت وحدة وقعدت عليها يمكن ساعة .. وفي الأخير أغيّر رايي وأحذف وأسوي اللي شفتوها فوق

سويتها كبيرة وحلوة .. بس خبركم المنتدى يصغر الصور على كيفه بالشكل اللي يبيه

فقلت بلا ما يخرب تصميمي ويصغره على هواه .. خلني أسويه صغير على ذوقي لا واخترب بعد

>>> إشراقة اللي ما تعرف تطول السالفة وهي قصيرة

الموووهم ..

أخليكم مع الخلفيات .. وسويت لهم تأثيرين ..

خذوا الخلفية بالتأثير اللي يعجبكم ..وعندي بعد لكم هدية تلاقونها بالأخير ..

ويستاهلون رواعي الجالكسي ..


ايييه صح نسيت أقول لكم ..

طبعا مناسبة شغلي هذا في الخلفيات ..

إن طرفاوي أصيل في موضوع | لأصحاب الجالكسي نصيب ..

يقول يبي خلفيات طبيعية مرسومة وما جرى هناك ..

قلت أسوي كم خلفية للطبيعة .. أشود يعجبونه .. ويعجبون غيره وأحصل لي كم دعوة حلوة >> ما تنحز أبدن

،’

وبالمناسبة قبل البدء :

الصور إذا طلعوا صغار .. اضغطوا عليهم عشان تشوفونهم بحجمهم الطبيعي

أطوالهم المستخدمة ( 480 × 800 ) ..

واللي يبي يعمل خلفيات جالكسي على ذوقه .. هذي الأطوال المناسبة ( بالطول ) :

1/ جالكسي اس / اس 2 : ( 480 × 800 ).

2/ جالكسي تاب : ( 320 × 640 ).

3/ جالكسي ميني اس 5570 : ( 240 × 320 ).

>> ترى مشرفات القسم حاطين هدية للي بيسوي شغل للواحة عمل ايديَّه وحياة عينيَّه



::


تفضلـــوا ...

 

 

[إشراقة أمل]

1/

 

 

[إشراقة أمل]

2/

 

 

[إشراقة أمل]

وأخيرًا وصلنـا للأخير ..

خلوني أتنفس شوي .. تعبت

،’

نجي للهدية :

1/ ملف الخلفيات كلهم .. ومعهم كم خلفية زيادة ما أدرجتهم هنا ..

للتحميل : اللهم صل على محمد وآل محمد

2/ ملف الخلفيات بدون عبارات + بدون تأثير ..

للتحميل : اللهم صل على محمد وآل محمد


::

في الأخير .. أسأل الله أن يتقبل منا هذا القليل ..

الموسيقى: دمعة محب ؛ لِ العازف : هلال الهنان ..

وأسألكم الدعـــــاء ..,

 

 

[الغريب]

اللهمّ صلّ على محمد وآل محمد

مجهود أكثر من رائع

الله يعطيكِ العافية على هذه الخلفيات






وفق الله الجميع

 

 

[همس المشاعر]

خلفياااات جدا راائعه

يعطيكِ العافيه على المجهووود الناااايس

دمتِ بخير

 

 

[kaha]

اللهم صل على محمد وآل محمد |

مجهود رائع وخلفيات جداً رائعة ويستاهلون رواعي الجالكسي ..

الله يعطيـكِ الف عافية ..~

 

 

[غلا روحي]

أسْقطْتِي عَلينَا إبْداعاً جنيّا !
رَائِعة حدّ اللآنِهاية ~

 

 

[صمت المشاعر1]

متصفح يشرق بــ كل جميل
سلمت ايادي لا ترضى الا بالابداع
خلفيات رووووعه وخالقي
تستحق التميز + (*****)>>> لو انا مشرف كان سويت لك وسام
تقبلي مروري
|صمت

 

 

[طرفاوي أصيل]

أعجز عن كتابة كلمات تليق بفنك الكبير وإبداعك الامحدود


بالفعل خلفيات توجد عليها بصمة فنان يرى الحياة لوحة فنية جميلة يستلهم منها


أفكاره الفريدة .


سلمت يمناك على هذا المجهود الأكثر من راقي صراحة وربي يجعل حياتك مسرات



دمتِ مبدعة / طرفاوي أصيل

 

 

[KaLoOn 3]

السلام عليكم ورحمة الله وبركاته


اللـــهـم صـلّ عـلـى مـحــمـد وال مـحـمـد


.


.

:: روووعه ×× روووعه::

ليكن للأبداع متكأ هناا تواجدك له جمال أخـر ..!!

دمتي للابداع حكايه لاتنتهي ~

.


.
يعطيك العافية ع المجهود ..~

:: دائــمآ ننتظر جديدك ::



.

.

بالتوفيق

 

 

[هذيان أنثى]

وشيءٌ منَ الإبدآعْ/ يسكنْ ثنآيــآ أنآملُكِ
بُوركتيْ غآليــتيْ|

 

 

[طيف العمر]

ماشاء الله

وش هالدفاره ياشوشي

اثاريك موب سهله...


’

لمسآتك فآتنة ومتصفح زآخر بالجمآل
سلمت كفوفك يَ مبدعه ..

 

 

[عطر المساء]

مشررررررررررررقهـ × مبدعهـ × بهيهـ × شي ما اعرف اسمهـ = أنتي إشراقة التميز

متصفح خيااااااااااااااااااااااالي وذوق ما حصلشي قبل كده

تم التحميل + تستاهلين الوسام مثل ما قال صمت المشاعر + تستاهلين التقييم والإعجاب


حبي يسبق تحيتي

 

 

[إشراقة أمل]

اقتباس المشاركة الأصلية كتبت بواسطة الغريب اللهمّ صلّ على محمد وآل محمد مجهود أكثر من رائع الله يعطيكِ العافية على هذه الخلفيات وفق الله الجميع

أكثر روعة أن تكون أنت صاحب هذا الرأي ..~

هاا مدير .. ما لك نية تسمع كلام صمت وتديني وسام التميز ؟

،’

عافاك المولى للعبور الأول ..

لا نُحرم ,,

 

 

[أنين الشوق]

..*
لي أن أصفقَ لـكـ لروـعَتِهآ مجهود يستحق الشكَر .. !؟
ودُمْتِ لَنَا يـا مُبِدِعَتِنَا
لكِ..()

 

 

[إشراقة أمل]

اقتباس المشاركة الأصلية كتبت بواسطة همس المشاعر خلفياااات جدا راائعه يعطيكِ العافيه على المجهووود الناااايس دمتِ بخير

الأروع وجودك غاليتي بين همساتي/ لمساتي الخافتة الوميض دونكم ،

ممتنة لسطوعك

 

 

[إشراقة أمل]

أشكركم جميعًا ..

فأنتم حقا من تلهموني الملامح الأولى للجمال، والخطوات الأولى التي تقودني للإبداع ..

أنتم | سعـادتي

،’

اقتباس تستحق التميز + (*****)>>> لو انا مشرف كان سويت لك وسام

وهذا انت صرت مشرف .. يللا حط ختم التميز

كلماتك وشهادتك شرف لي ..

أشكرك ,

 

 

[яίcαŕdσ]

مجهـُود رائـِع , لمسات أنيقة وخلفيات أكثر مـن جـذّابـة ..


إشراقة أمل

يبدو أنكِ تملكين أنامل لا يملكها الجميع , فالجمال الّذي تنثرينه هُنا [ جمالٌ من نوعٍ فريد ] , لا يقدر على فعله سوى إشراقة أمل وإشراقة أمل ..

الله يعطيكِ العـافـية ..

 

 

[إشراقة أمل]

هنا .. أقف أمام نهر نقي، يغدق العذوبة بسخاء ويروي بلسم وبرد ..

ممتنة لذا الإطراء | ريكاردو

لا نُحرم التواصل المُسعد ..~