طـالب / ـة تحت المجهـــــر ]|~

[إشراقة أمل]

قآهر ..

مغآمرتك شهيـة ..

يكفي أنهآ جعلتني ألتهمهآ وعلى شفتي | ابتسآمة ..

لي عودة للتعقيب ..

ومن ثم أفي بالوعد ..


قريبًا جدا .. أنا هنـــا ...

 

 

[غلا روحي]

وأخييييييييراً ،
شوشي بتسدح مغامراتها هون
بانتظارج ي الغلا ..

 

 

[إشراقة أمل]

اقتباس أجمل مرحلة في سنوات عمرك؟ جميع المراحل جميله ، وكل مرحله تتميز بجمال معين إلا أن المرحله التي فيها الآن .. تجذبني اكثر لجمالها

جميل جدا انك تشعر بجمال مرحلتك الحآلية ..

لأن غالبًا .. ما نشعر بجمال المرحلة الدراسية إلا إذا صآرت مآضي ما نقدر نستمتع بلحظآته حاليا .!

:

اقتباس موقف مضحك حصل لك في المدرسة لا يمكن ان تنساه؟ كثيرة هي تلك المواقف ، ويطول وقت الإسترجاع .. ولكن للأسف ليس بوسعي ذكر موقف الآن

وللأسف .. كنا نتأمل موقف ( يضحكنآ ) ..

:

اقتباس موقف جعلك تبكي داخل المدرسة؟ موقف قد مزح في مدرس لم أتوقع منه نهائياً مثل تلك المزحات

افااا ..

تكفى لآ تنزل دموعي .. كسرت خآطري ..

بيني وبينك : وش هو ها الموقف ؟ شكله قوي .!

>>> أم اللقآفــة .!

:

اقتباس مشاغب ام هادىء داخل الحصص؟ رواية عن المعلمين والطلاب .. هادئ علاقتك بالمدرسين ؟ من احسن مايكون .. لكوني كثير التواصل

اممممممم ..

أعتقد عشآن انو علآقتك بالمدرسين من أحسن ما يكون .. و انك كثير التوآصل ..

هذي تحتآج شوية فوضوية بالفصل ..

لأن الهدوء ما ينفع مع التوآصل المحبب ..

لآزم تآخذ وتعطي وتسوي جو بالفصل .. عشآن تصير علآقتك حلوة بالمدرسين ..

>>> شوشي .. فلسفة ما لأمها دآعي .. وفريها لنفسك .!

:

اقتباس وش رايكـ في المدرسين في تعاملهم مع الطلاب ؟واذا كان في سلبيات لبعض المعلمين وش هي ؟ الأغلب من المعلمين لابأس بتعاملهم .. وأما السلبيات .. فكثيرة ، لايسعني سوى ذكر القليل القليل وذلك لرداءة ذاكرتي لأخلاق أغلب المعلمين * كلام المعلم يمشي على الكل ! * من دون سابق انذار ولاسبب شرعي العصا تاكلك ! * عدم الإهتمام بما يحتوي جدول الطلاب من اختبارات ورحلات واجازات ! * .. إلخ

وآضح انك طآلب عآنيت من جد ..

ومآ ذكرت .. فعلا صآير وإلى الآن ..

وللأسف .. القلة القليلة اللي ترآعي الطآلب من حيث الضغوطات ..

ومآ فيه لغة تحآور بينهم .!

:

اقتباس عمركـ أخذت دور ثاني ؟ وليه (اذا كان ظلم أو حقد خخخخخخ) ووش هي الماده؟ ماأذكر اني اخذت دور ثاني .. بس رسبت في نصف السنه في مادة التاريخ .. موغريبه لأني اكرهها اصلا ً

احم .. هاا .. ايييه حتى احنا ما شفنآ شي .!

والحمد لله انك عديتها بالأخير وما أخذت عليها دور ثآني ..

:

اقتباس وش رايك بتعامل بعض الطلاب مع المدرسين؟ البعض محترم والحمد لله ، ولكن البعض ! ورأينا الكثير منهم ولكن .. للأسف لايوجد من يردعهم

مثل ايش اللي شفتوا منهم .؟!

علمونآ ع سوآلفكم ..

بس تكفون يا بنآت لآ أحد يقلد .. أدري بكم جيل اليوم صآيرين على جريف .!

:

اقتباس ع’ـدد سآإع’ـآإت استذكآإركـ ؟؟! المعدل = 1.5 س/يوم

زين بعد ساعة ونص باليوم ..

يترآوى لي أنآ ما آخذ ساعة ونص .. أزهق .!

بس خلوني أتذكر لآجيت أجآوب ..

:

اقتباس كنت تنآإم بين الح’ـصص ؟؟! كثير ..! مواد ومدرسين ومكيفات فصول ثانوي .. مايخلون أحد في حاله !

أحسن ما يكون ..

وإذا فيك النوم على قول لوتسية .. تنام أصرف لك لأنك في الحالتين ما بتستفيد ..

:

اقتباس ج’ـآإكـ تهزيء من مدرس بدووون سبب ؟؟! ( طرآإنات بع’ـض المدرسين ) ايه والله .. وينسى الصافع ماينسى المصفوع

عآد ليش هالتهزيء .؟ وش السبب ؟

:

اقتباس هل سبق احد أن لعب عليك وأخذ منك مصروفك أوأخذ منك الفسحة ؟؟؟ ايه .. كنت مسكين في الابتدائي يزعطون علي وياخذون فسحتي !

وعآد انت سآكت لهم .!

:

اقتباس كم مرة غشيت في الاختبار؟؟؟ >>> وآثقة انهم غشوآ هع ! أقل من أصابع اليد الوحده .. وللضرورة أحكام !

ألحين صآر للضرورة أحكـآم ؟؟!

على طآري الغش تونآ اليوم متناقشين فيه .. ونخلي السآلفة حق لآجيت أجاوب .!

:

اقتباس عمرك هربتَِ من المدرسة؟؟؟ ايه

أقوىآآ شي ..

أعجبتني .. هذا الشجآع .. ما شآء الله عليك

>>> تحس فيها مغآمرات خخخ .!

:

اقتباس عمرك عملت مقلب في المدرسين ؟؟؟واذكر موقف بالتأكيد .. كلفني مدرس بكتابة العناصر على السبوره .. رحت وكتبت ماده ثانيه بخرابيط مرتبه !

هههههههه ..

بطل بطل يا قويهر ..

الحين عرفنا انك فعلا ( هادي ) ..

:

فعلا فعلا مغآمرات يا قآهر ..

يعطيك العافية على الرحلة اللي نقعتنا سنة وتتغلىآ بس عشآن تجآوب ها الكم سؤال ..

شكرًا جزيلا لك ولروحك يا متألق ..

:
.
.

 

 

[قاهر المستحيل]

هذا هو مجيئي .. وردي آتــي بقــــوه !

 

 

[قاهر المستحيل]

قبل ماأبدأ ..بالتأكيد ضحكة كبيرة بصوت منخفض < واحد من الشباب جنبي نايم !!

اقتباس وش هو ها الموقف ؟ شكله قوي .!

>>> أم اللقآفــة .!
طوط .. لاتعليق ....

اقتباس

اقتباس أعتقد عشآن انو علآقتك بالمدرسين من أحسن ما يكون .. و انك كثير التوآصل .. هذي تحتآج شوية فوضوية بالفصل .. لأن الهدوء ما ينفع مع التوآصل المحبب .. لآزم تآخذ وتعطي وتسوي جو بالفصل .. عشآن تصير علآقتك حلوة بالمدرسين ..

كنت أنا غير

اقتباس مثل ايش اللي شفتوا منهم .؟! علمونآ ع سوآلفكم ..

ماهي بسوالفنا ..
وإنما سوالف أشغب مشاغبين الكون ..
بعض الشباب الله يهديهم ، مو محترمين بعض المدرسين اللي ناقصهم قوة شخصيه ..
والبعض الآخر مخالفين النظام بشتى الطرق والوسائل !

اقتباس

اقتباس زين بعد ساعة ونص باليوم .. يترآوى لي أنآ ما آخذ ساعة ونص .. أزهق .!

طبعاً هذا المعدل مع ساعات حل الواجبات

اقتباس عآد ليش هالتهزيء .؟ وش السبب ؟

ياشين لو المدرس جاي وهو معصب .. ويقولون له هاذاك اللي واللي واللي .. على طول بيصدق وبينسى ان هاذاك اهو واهو واهو !


ياشين الشماته .. (ترى كما تدين تدان)

اقتباس

اقتباس أقوىآآ شي .. أعجبتني .. هذا الشجآع .. ما شآء الله عليك

ماأحب الهروب .. بس مضطر لو كان جماعي !!

اقتباس الحين عرفنا انك فعلا ( هادي ) ..

أكيـد أكيـد ، وبالتأكيد هنا للضرورة أحكام !


الله يعطيكِ العافيه على هذه الزاوية الموفقه ،، شوشو


ولاتتهربين و .. و .. ، ترانا ننتظرششش

 

 

[وينكـ ياحضن امي]

وي مشاء الله عليك قاااهر

اثاريك هيك

بسم الله مشاء الله


ننتظر السيده شوشي

 

 

[إشراقة أمل]

.!

يعني جآك الموت يا تآرك الصلآة .!!!!

:

قآهر ..

لعودتك أيضًا .. جمآل بنكهة التوت ..

أشكرك لِ روحك المحبـة ..

،’

وينك ..

إن شاء الله يا حفيدة ..

بخليكم تغبرون بسواليفي .. بس وش رآيك أحطك في ها الورطة قبل ما أنا اجاوب .؟!

:.

زهور الإقحوآن ، لكل متآبع

 

 

[فجاة نساني]

موضوع جميل ,, ويستحق التقدير

 

 

[إشراقة أمل]

بسم المولى ,

نبدأ التحقيق .. والله يستر من النتيجة .!

:.

مرحلتك الدراسية؟

أقرقع في الجامعة .

:

هل التحقت برياض الأطفال؟؟

ايييه .. دخلني أبوي 5 رياض أطفال ..

خلف الله علي ..

المدرسة وداخلتها متاخرة بعد .!

:

أجمل مرحلة في سنوات عمرك؟

كل مرحلة لها حلاوتها ..

بس أقدر اقول الثآنوية كآنت الأحلىآآ .. وبالأخص ثآني ..

:

مادتك المفضلة؟السبب

الفيزياء .. لأنها ممتعة بقوانينها ومسائلها ..

النحو .. لأني أحس اني في رحلة استكشافية وأنا أغوص في القواعد ..

الرياضيات .. لأنه مجملا ألغاز في تعقيداته .. مثله مثل الفيزياء لمآ أجي أحل مسائلهم أحس اني قدام لغز ولازم أحله ..
وأحس بمتعة ما تنوصف لما أتوصل للحل خصوصا لو كانت المسألة معقدة شوي أو طويلة أو يبي لها لف ودوران

:

مادة ما تحبها ؟السبب

الكيمياء .. أغث مادة على قلبي ولا أدري ليش مو قادرة أبلعها .!
" أكره مادة على وجه الكرة الأرضية "

:

موقف مضحك حصل لك في المدرسة لا يمكن ان تنساه؟

ما أتذكر ..

مشكلتي الذاكرة عندي على طول تسوي حق روحها فورمات ..

من شان هيك .. ما يحضرني شي .

:

موقف جعلك تبكي داخل المدرسة؟


اممم ..

ذاك اليوم الله يسلمكم .. قلت لأمي بكره بيسوون لنا حفل تكريم وانتِ مدعوة ..

قالت ما بروح .. عندها موعد الظاهر أو تبي تروح المستشفى ..

المهم انها كانت مرتبطة ..

قالت لي خلاص بقول لخالتك أو عمتك تروح بدالي ..

حآولت فيها .. ولا وحدة في العالم وجودها يسد مكان الأم ..

قالت ما تقدر ..

رحت اليوم الثاني وانا مكسور خاطري بقووة ..

كل البنات يسألوني .. بتجي أمك ؟

أقول لهم لا .. ما تقدر تحضر .. رغم انها ولا حفل تكريم ما حضرته ..

كل حفل تحضره .. يوم جآت على آخر حفل تكريم بالمدرسة ما تقدر تجي .!

المهم .. يوم قرب يبتدي الحفل .. وبدأوا الأمهات يحضرون ..

صرنآ نطل من النافذة اللي تطل على بوابة الدخول .. نشوف من اللي يجي ..

إلا وأشوف أمي دآخلة المدرسة ..

في هذي اللحظـة ما أعرف أعبر لكم عن شعوري لما شفتها مقبلة ..

ودموعي كآنت أقرب تعبير .!

ما توقعتها بتجي .. فقدت الأمل في محاولاتي معها .!

ومع ذلك قدرتني وجآت و وقفت معي في فرحتي ..

الله لا يحرمني منها .. بحق محمد وآل محمد ..

:

مشاغب ام هادىء داخل الحصص؟


نص ونص .. على حسب المزاج والمعلمة ..

:

مستواك الدراسي ( ممتاز..جيدجدا..جيد..مقبول )


عموما .. ممتآز ..
:

راضي عن مستواك أم تطمح للأفضل ؟


الحمد لله رآضية .. بس مآ يمنع إن الوآحد يطمح للأفضل والأفضل ..

:

علاقتك بالمدرسين /المدرسات؟


مو كل المدرسآت ..

بس بشكل عآم .. علاقتي حلوة حييل..

حتى اللي ما درسوني .. يعرفوني ..>>> أحس إنك تشلخي شوشي .!
:

تحب المدرسة ( نعم أو لا ) السبب ؟


أيآم المدرسة .. ما كنت أحس بقيمتها ..

بس الحين من طلعنآ .. أحس اني أحبها ..

:

تحب المواد العلميه أو الأدبيه؟(السببب)


الأدبية أكثر من العلمية ..

أنا ميولي أدبية أكثر من العلمية رغم إني أفهم وأحب مواد العلمي .. وتخصصي علمي ..

بس الأدبية أحس إني أجد نفسي فيها ..

أعشق النحو والإنشاء ( التعبير ) .. وشوي البلاغة ..

:

وش رايكـ في المدرسين في تعاملهم مع الطلاب ؟واذا كان في سلبيات لبعض المعلمين وش هي ؟


طبعا ما أزيد على اللي ذكروه قاهر ولوتسية واللي قبلي ..

فيه معلمين ومعلمات تحطهم ع الجرح يبرى ..

وبعضهم .. اللهم يا كآفي ..

ما يعرف إلا العصآ والطق ..

وقد تكون من السلبيات اللي أنا شهدت عليها ..

تلفظ بعض المعلمات بألفاظ ما تليق بمقامها كَ معلمة ..

وأسلوب التجريح في عدم مراعاة الفروق الفردية ..

وما يرآعون إن الشخص المتفوق قد تحصل له بعض الظروف أحيانا وتحول دون تحضير الدروس أو مذاكرة الدروس السابقة .!

:


أجمل وأعلى نسبه حصلت عليها في مسيرتكـ الدراسيه؟


أكيد أعلى نسبة حصلت عليها 100% .. >>> طبعا في ابتدائي خخخ

بس ما بعد ابتدائي .. أعلى نسبة حصلت عليها ..

99.99 % كآنت ناقصتني درجة وحدة بس .!

:

عمركـ أخذت دور ثاني ؟ وليه (اذا كان ظلم أو حقد خخخخخخ) ووش هي الماده؟


بغيت آخذ دور ثآني في ثالث ابتدائي ..

بسبب القصة اللي ذكرتها لكم قبل ..

في أول يوم اختبارات نهائية .. تنومت بالمستشفى ..

ويوم رآحت أمي المدرسة عشان تقول لهم عن حالتي .. وكيف أختبر .؟

قآلوا لها خلاص بمآ إنها منومة .. نخليها تختبر مع المقصرآت .. " دور ثآني " ..

أمي طبعا ما رضت .. إلين ما رضوا إني أطلع كل يوم من المستشفى أروح المدرسة أختبر وأرجع المستشفى ..

والله حالتي حالة ذيك السنة ..

وعآد طفلة في 3 ابتدائي وتصير كل ها الشغلة معها .!

بس الحمد لله ما أثرت على مستواي ..

:

وش رايك بتعامل بعض الطلاب مع المدرسين؟


ها اليومين .. حدّث ولا حرج ..

يوم من الأيام زرت مدرسة متوسط .. وتحسفت رحت ..

شفت العجب العجآب ..

صآروا أكثر جرأة .. و الحيآ بآعوه من زماان ..

بس ع فكرة ..

في أكثر من معلمة من اللي درسوا الطرف وقرى غير الطرف ..

قآلوا بنآت الطرف أفضل بكثير من بنآت القرى الثانية ..

والحمد لله أجل إنهم ما وصلوا لموآصيل ذيليك .!

:

هل حصلت على شهادات تميز خاصة وفي أي سنة؟


امممم ..

في كل سنة أحصل على أكثر من وحدة ..

فيه شهادات تميز في اللغة الانجليزية .. وفيه في اللغة العربية وحصلت في الرياضيات و في العلوم .. وفي التفصيل " أفضل كراسة تفصيل " و .. البآقي ما أذكر ..

وكلهم مجمعتهم في ملف وآحد ..

:

ما هو ابرز عقاب مر عليك طوال فترة الدراسة وبأي سنه وليهـ ؟؟!


اممم ..

يمكن العقآب اللي إلى الآن ما قآدرة أنساه ..

برضو كنت بثالث ابتدائي ..

كانت معلمتنا شينة وما ترحم .. ما عندها رأفة ب البنآت ..

مرة طلعت و وقفت علينا بنآت يراقبونا ..

وهالبنات اللي وقفتهم علينآ .. برضو شينآت .. وأقدر أقول حقودآت ..

ولأني اسم اني لهم منآفس في التفوق .. فهم رآحوا كتبوا اسمي مع البنات اللي يتكلموا في الفصل ..

رغم اني مؤدبة وما تكلمت .. بس الحقد وما يفعل ..>>> هذا وهم صغيرات بس ما ادري شلون الحقد مالي قلوبهم .!

جآت المعلمة .. ونآدت الأسماء اللي مكتوبة في الورقة ..

وبالعادة ما تتعامل إلا بالمسطرة الخشبية أم متر ..

وهآت يدك .. و اشلخي فيها ..

اللي قآهرني .. إني مظلوووومة ..

بس الله يسآمحهم .!

:

ع’ـضو كآإن مع’ـكـ بالمدرسهـ ؟؟!


زهور الريف ..

:

ع’ـدد سآإع’ـآإت استذكآإركـ ؟؟!


ساعات المذاكرة العادية .. يمكن آخذ ساعتين أو 3 مجملا ..

وأيآم الاختبارات .. آخذ الليل كله وأنا أذاكر .. لين الساعة 12 ..

:

كنت تنآإم بين الح’ـصص ؟؟!


اوووووه .. حدث ولا حرج ..

خصوصا بثآلث ثآنوي ..

هذي اسمها سنة الرقآآآآد ..

والقهر .. إني جآيبة نتيجة اكوس من الكويسة بالأخير .!

:

ج’ـآإكـ تهزيء من مدرس بدووون سبب ؟؟! ( طرآإنات بع’ـض المدرسين )


ايه جآني وأنا بثالث ثآنوي ..

كآنت الحصة توحيد .. والدرس يتكلم عن حكم الاحتفال بمولد الرسول صلى الله عليه وآله ..

المهم ان ها المعلمة تشرح .. ونص اللي تقوله خرآفات وتشليييخ وكلآم ما يدخل العقل .. >> هذا اذا ما كآن كله

عآد لاحت على فمي نص ابتسآمة على ها الكلام اللي تبي تقص على عقولنا به ..

وطآحت على ابتسامتي .. وصآدف وقتها انو بنت ثآنية من نفس المجموعة كمآن كانت تسخر من كلامها وضحكت ..

لأنه فعلا كلام يضحك من خرآفآته .!

يللا يا إشراقة قومي .. وانتِ يا فلانة قومي ..

وتحقيق سين جيم ليش تضحكون .. وش عندكم ؟

طآحت فينا تهزيء ربع سآعة قدام البنات .. وقآلت لنا اطلعوا بره وروحوا للإدارة وما أدري ايش ..

مرمرتنآ على ابتسآمة .!

وفي الأخير .. نقصتني في المآدة .!

:

أمنيتك ؟


أحقق نتيجة ترضيني في مجال دراستي اللي اخترته ..

:

كم ريآل كآنت فسحتك .؟!


كآن مصروف شهري .. بس ما كنت أتفسح بالأساس ..

:

هل سبق احد أن لعب عليك وأخذ منك مصروفك أوأخذ منك الفسحة ؟؟؟


لآ الحمد لله .. >> لأنها أساسا ما تتفسح .!

:

كم مرة انضربت من الطلاب الاكبر سنا أوحجما؟؟


وانتم الصآجين .. انضربت من الطالبآت الأصغر مني سنًا .! تهئ تهئ

كآنت اخت صديقتي في ابتدائي شرسة وشريرة حييل ..

ما تشوفني مع أختها إلا وجات تضرب فيني ..

وبصرآحة ما أقدر أبادلها الضرب .. لأنها كانت قوية وفيها اظافر تشمخ .!

:

هل كنت من الزوار الدائمين للإدارة وهل تعرف شكل ورقة التعهد؟؟؟


ما كنت من الزوار الدائمين ..

بس أعرف شكل ورقة التعهد ..

لأني مرة بعد وانا في سادس ابتدائي أخذت لي تهزيئة محترمة مع زميلتي اللي جنبي على شي يتهيأ للمعلمة ان احنا سوينآه ..

واحنا برءآء منها ..

جآبت امهاتنا .. و كتبتنا تعهد .. رغم ان احنا حلفنا لها وكنآ في شهر رمضان ان احنا ما سوينا شي والصوت اللي طلع ما كان منا .. لأن احنا كنا ورآ والصوت ضآيع ما تدري من وين هالصوت ..

ما صدقتنا .. و جرجرتنا ع الإدارة وسوت لنآ هذرة احنا في غنى عنها ..

رغم اني أنا و زميلتي من الطالبات الأوائل على الصف .!

:

كم مرة غشيت في الاختبار؟؟؟ >>> وآثقة انهم غشوآ هع !


عد واغلط .. أغش وأغشش ..

على قولة صاحبتي .. أنا عندي الغش عآدي وما يسمى غش .. اللي تبي أعلمها بعلمها .. أهم شي تكون البنت مذاكرة ومجتهدة مو بس جآيه مو فاله الكتاب وتبيني أعلمها ..

إذا حسيت إنها مذآكرة .. بس نآسية .. ذكرتها بالإجابة ..

اما جآيه ومعتمدة كليا علي .. لآ تحلم ، ما علمتها .!

عآد هذي النظرية اللي منتشرة بين الربع هاليومين ..

نصير متعاونات ونتبادل الإجابات ..

بس يقآل .. هو اسمه غش .. هع .!

:

عمرك هربتَِ من المدرسة؟؟؟


هربت من الجامعة ايه .. بس المدرسة كانت الحراسة مشددة ..

:

عمرك عملت مقلب في المدرسين ؟؟؟واذكر موقف


في ثاني ثآنوي .. سوينآ مقلب جماعي على معلمة مفهية والله أعلم ..

جآت والبنآت مو مشتهيات يآخذون درس ..

قبل ما تجي طفوا الليتات والمكيفآت .. دخلت وشآفت الجو الكئيب في الفصل ..

قلنا لها لا تعطينا درس لأن الجو يرقد وما بنستوعب شي ..

الليتات ما يشتغلوا ولا المكيف .. طآلعت بره الفصل كل شي مشغل وش معنى فصلنا بس .!

و كان فيه ليت ما يشتغل اساسا ذاك الوقت ..

قمنا شغلناه وطفيناه وهو ما يشتغل .. >>> يقال ان احنا اقنعناها ان الفصل ما فيه كهربآ ..

ومشت الحصة ولا اخذنا درس .!

:

هل تحتفظ / ـين بدفتر من دفآتر أيآم المدرسة إلى الآن .. ( إذا نعم ، صوره / يـه لنا .. وصور / ي ورقة منه ) ..

ايه .. عندي كم دفتر للحين محتفظة فيهم ..

صورت لكم دفتر الكيم حق ثالث ثانوي ..

بس ما عرفت أنزلهم ع الجهآز ..

بنزلهم وبحملهم .. وبحطهم لكم ..

:

هل تتمنى العودة الى المدرسة ؟؟

بصرآحة ايه ..

دراسة المدرسة نعمممممة بالنسبة لدراسة الجامعة .!

:

كلمة أخيرة لمن تهديها داخل المدرسة؟

بما انها كلمة أخيرة ..

خلوني أسألكم سؤال ..

وش موقفكم يا طلآب العلم .. لما تكونون انتم تتمتعون بكامل قواكم العقلية والجسدية ..

ما تعانون من أي مشكلة .. والحمد لله

ولا فيه ولا أي مانع من انكم تدرسون وتجتهدون وتجيبون أعلى الدرجات في الدراسة ..

ومع ذلك ، كل يوم تصحون للمدرسة الصبح بتذمر .. بملل .. بالغصب ..

تلبسون زيكم المدرسي وتروحون ولساته النوم يداعب عيونكم وما ودكم تداومون ..

بينما في المقابل ..

تشوفون في نفس الصف اللي تدرسون فيه .. طآلب أعمى ..

ما يشوف .. ومع ذلك .. تشوف ابتسامته ما تفارق وجهه .. و مصر انه ينافسك انت ياللي تتمتع بكل القوى بالتفوق والنجاح ..

تشوفه يكافح من أجل العلم .. وما قال انا أعمى وما أشوف وما له داعي أدرس

خلني في البيت مريح أحسن لي ..

أو تشوف معك بنفس الصف .. معآق ..

ما يمشي إلا بكرسي .. ومع ذلك يداوم كل يوم وما عمره غاب ..

وما عمره قصر في دروسه و واجباته ..

السؤال : ليش احنا رغم انّا ما نعاني من أي مشكلة تحول دون الدراسة وتحصيل العلم .. نتذمر من المدرسة وجلسة الصبح .. والمذاكرة والواجبات والطلبات ..

والأشخاص اللي عندهم إعاقة ، نشوفهم بهمة عالية ونفسية منشرحة ..

ليش ما نعي " اطلب العلم من المهد إلى اللحد "


" اطلبوا العلم ولو كان في الصين "


طالب العلم تحفه الملائكة وتستغفر له بكل خطوة يخطوها وهو رآيح لطلب العلم


" من سلك طريقا يلتمس فيه علما ، سهل الله له طريقا إلى الجنة "

لما ندرك الجواب لهذا السؤال .. ونحس بقيمة الدراسة ، ذآك الوقت نعرف كيف نصحى الصبح عشان نروح المدرسة

وكيف نرسم الابتسامة و نتلقى المعلومات بنفس راضية ومتقبلة ومقبلة على العلم بعزيمة ..

عذرًا طولتها عليكم ..

بس لأني استشعرت وش معنى ان احنا نروح المدرسة او الجامعة بالاسم بس ..

وبين ذآك اللي يروح يدرس وهو عمي أو معآق .!

والفرق وآضح و كبير .!

وعلى فكرة ..

فيه نآس تتمنىآ لو تجلس على مقعد الدراسة لو يوم وآحد بس

وتتنعم بالأجر .. وبالعلم ..

فخلونآ نحس بقيمة النعمة اللي بيدينآ .. وما نفرط في العلم دآم احنا قآدرين .. والمجال مفتوح لنآ .!

:

لي عـودة .. لوضع صورة الدفتر ..


و إختيار العضو التآلي

//

لِ أرواحكم | جنة ود .. وعبير ورد ,,

 

 

[النبض الصامت]

اللهم صل على محمد وآل محمد وعجل فرجهم

صراحة الموضوووووع خطير

فيه 100 تفتيش على ايام الدراسة

بس حلو

جبتيها يا (( اممممممم ))

شروقة

بس نريد الاستظافة

رقم اني تعقدت من شيء اسمه استظافة << كلش مقطع الاستظافات


على العموم شكراً على الموضوع الحلو << طالع على صاحب الموضوع


وننتظر المجاهر القادمة

المكونة من :: نعالك تحت المجهر ،، حمامك تحت المجهر






الله يعطيش العافية





والسلام خير ختام

 

 

[صمت المشاعر1]

إشراقة لا تعطلي الموضوع

اختاري اللي بعدك

 

 

[♥ gѕη яσσн]

&

اشرآقه ..

ترى السنه الجـآمعيه لدي افضل من المدرسه ..

ااختـــآريني عــآد .. مسكين انــآ محد طــآقلي دعوه ..


&

 

 

[яίcαŕdσ]

موضوع شيّق جداً جداً ,

ومجهر رآئع , مجهر جديد من آلمجآهر إللي تعوّدنآ عليهآ من آلأستآذة إشرآقة ..


مع إني تعبت كثير , لأني تصفّحت آلموضوع كآمل من آلبدآية إلى آلرد إللي قبلي ..

لكنّي إستمتعت بشكل غير طبيعي ..

ويعطيك ألف عآفية إشرآقة .. مآ قصرتي وفيك آلخير < يمدحك عشآن مآ يتوهق بآلإستضآفة ..


ريكو سيكون مُتآبع للموضوع ..

 

 

[إشراقة أمل]

أوووه ..

زين رجعتوا الموضوع ..

أنا كل يوم برد .. كل يوم برد .. و يومي سنة ..

صمت ..

شكرًا لأنك عوّدت الموضوع

،’

بصراحة محتاااارة ، مين أختار .!

ريكو .. غصنوو .. نبضوو .. صمتوو .. ودي كلكم تجون تردون على الموضوع ..

وترشيحاتكم للأعضاء اللي بعدكم .. ارسلوها لي خاص .. و أنا أنسق معهم ..

يللا ..

أربعتكم تعالوا و جاوبوا ع الموضوع مشكوورين ..

،’

ريكو..

أسعدني حضورك .. و قراءتك للموضوع من بدايته للأخير ..

وهذا يدفعني و يخليني أطمع في تواجدك هنا ..

وأتمنى ما تردني

:

انتظركم ، لا تتأخروا ..~

 

 

[♥ gѕη яσσн]

لي بــآك هنـــآ ..

 

 

[إشراقة أمل]

في انتظـــارك غصن الروح ..

و ثلاثة وثلاثين نجـــمة .. لحماسك و ردك الأسبق

 

 

[яίcαŕdσ]

اقتباس المشاركة الأصلية كتبت بواسطة إشراقة أمل ريكو.. أتمنى ما تردني

أستآذة , طلبتك لآ توآخذيني .. بس وآلله نعسسآن مرة وأبي أطلع أنآم ..!


ترآني مو فآهم شآلسآلفة , مآ أردّك في شنو ..!؟

 

 

[زهور الريف]

إشراقة أمل


.",
أثاريك شاطره وأنا أفكرش كسلانه
.",

بس أنا عندي دراستي الجامعية أفضل من المدرسه بكثير
يعني تفكير الدكاتره غيرعن تفكير هالمعلمات
وشرحهم أفضل بكثير
.",

اقتباس ع’ـضو كآإن مع’ـكـ بالمدرسهـ ؟؟! زهور الريف ..

.",

}..يعطيك العافية كل الشكر لك..{

 

 

[♥ gѕη яσσн]

غصن الروح يـ لآ اعطنــآ c.v. السيرة الدرآسيه ..

بـ نوب جــآهزين لكم , من الفضــآوه ..

مرحلتك الدراسية؟

الطـــآلب الجــآمعي > مقهور من القسم ..

:

هل التحقت برياض الأطفال؟؟

يس , دخلت السنه وآحده كــآنت مع ولد عمي . ولد خــآلتي . بنت عمي ..
احـــلآ السنين اطفوله عشتهــآ مع مــآمــآ نعومه . الى الان تسـئل امي عني ..
الله يطول بـ عمرهـــآ و نعزمهــآ بـ عرسنـــآ ..

:

أجمل مرحلة في سنوات عمرك؟

كل المرآحل لهـــآ خــآصيتهـــآ في حيــآتي ..
الابتدآئي | انطــلآقة غصن الروح في الحيــآه ..
المتوسط | تم اكتشــآف غصن الروح في ابدآعه بـ مــآدة الفنيه و ربع زآدو ..
الثـآنوي | تخبطـــآت غصن الروح و ترآجع مستوآه ..
الجــآمعي | عوده جديده لـ غصن الروح من اجل التعــآيش في هذه الحيــآه ..
:

مادتك المفضلة؟السبب

الموآد العلميه كلهـــآ بـ دون اشكــــآل ..
لكن هنـــآك مــىده مبدع فيهــآ اكثر من لزوم ..
مــآدة الريــآضيــآت | من وأنـــآ في ابتدآئي ممتـــآز .. حتى بـ الجـآمعه اخذت a+



مادة ما تحبها ؟السبب

الموآد الدينيه و الموآد الادبيه .. اكرهـــآ و اكره مذآكرتهـــآ ..
لآنهــــآ اغلبهــآ الحفظ .. و مـــآ احب احفظ انــــآ .

:

موقف مضحك حصل لك في المدرسة لا يمكن ان تنساه؟

اوه عَ الموآقف المضحكه عد واغلط ..
يــآ كثرهــآ , لـ أن المدرسه كل يوم يصير فيه موقف مضحك ..
بس نذكر وحده .. مره من المرآت كنت صــآف في الطـــآبور الصبــآحي
عــآد كــآن بـ خلفي ولد عمي كنـــآ متـــأخرين " مــآعمري جيت من حين في المدرسه "
ولد عمي طبعــآ [ منون البرســآ ] في الثــآنويه ..
متــأخرين , و نــآدوآ اســآمي الطــلآب المتـــأخرين مـــآ كنت منهم ..
بس [ مجنون البرســآ ] معهم .. و اقوم ازآقر بـ ولد عمي ..
مــآ آكذب عليكم جــآني الاستــآذ يـآسر النجيدي " الطويل حيل " يمسكني من شعري ..
و يقول حق المرشد هذآ قــآعد يطنز على ولد عمه .. قــآل جبه هذآ تبعهم بس نسينــآ اسمه " اخر اسم اكيد تنسى "
عـــآد مشوآ الجمــآعه كلهم الا انـــآ جلسني عنده ..

عــــآد وش سوى لي مــآني قــآيل ؟؟ خووش عقــآب
:

موقف جعلك تبكي داخل المدرسة؟


هذآ الموقف كــآن في الصف الســآدس الابتدآئي مع الاستــآذ احمد الطويل الله يطول بـ عمره ,
كــــآن عندي قلم خط عريض " خــآط صحيفه حق الاستــآذ محمد علي لغه العربيه " نسيت القلم في المقلمه ..
يجيك طــآلب من الطلآب الله يســآمحه خذ القلم و يكتب في السبوره مــآ كتب الا اسمي ,
جــآك الاستــآذ احمد نــآده بـ اسمي يــآ ولد فــلآنه تعـــآل , امر استــآذ ليش كــآتب اسمك ..
قتله و الله مو انــــآ , اجل مين قتله الي جــآلسين جنبي .. و يقوم وآحد وآحد منهم مجنون البرســآ ..
كلهم قــآل هذآ قلم غصن الروح , قـآلهم جلسوآ , جلسو كلهم و أنــــآ قــآلي انتظر ..
رآح جــآب العصــآ الي تلمع .. و يطقني ضره ضربتين ثلاث الى مــآ وصلت عند البــآب وانحــآش واروح غرفة المرشد ..
واقعد اصيح عنده .. و شـ عندك تصيح ’
جـــه استــآذ احمد الغرفة المرشد , و تنخش ورى المرشد ..

اقول والله مو انــــآ المظلوم .. عــآد رأف علي الاستــآذ وقـآل من قتله فـلآن اهو الي خذ القلم وكتب ..
قــآل ســآمحني " بعد مــآ عطــآني الحـلآوة العصــآ يقول ســآمحني وين اصرفهــآ "


بس صج صيــآح يمكن وصل لـ الغرفة المدير و المسرح ..


مشاغب ام هادىء داخل الحصص؟


حدك و لآ الحرج مجموعتي كل وآحد يقول عندي المزيد في المشــآغبه ..
و الله صرت مره هــآدئ كــآفئوني احدى المدرسين ..

بس انـــــآ جننت مجنون البرســآ في المتوسطه .. قـآعد قدآمي بـ الصف ..
اهو كله نوم و هدوء عنده .. طبعـــآ الدفتر مــآ يوقف من الضرب فوق رأسه ..
مسكين ..

مستواك الدراسي ( ممتاز..جيدجدا..جيد..مقبول )


عموما .. ممتآز .. بس تفــآوت درجتي بين 89 الى 92 .. في المرحله الثــآنويه ..
:

راضي عن مستواك أم تطمح للأفضل ؟


لآ مو رآضي فـ انــــــآ بـ أســآس مــآ أذكر اني اذآكر الا في الاختبــآرآت ..
و في المرحلة الثــآنويه فكرنــآ بـ الحب وتلخبطنــآ في الدرآسه ..
بس اتمنى اني اتحسن الى الافضل في المرحلة الجــآمعيه الان ..

:

علاقتك بالمدرسين /المدرسات؟


هههههههه , عـــــلآقتي فيهم انــــآ مثل صديقهم ولدهم .. الخ ..
كل المدرسين معهم اكون العلآقه الطيبه .. متـآ شــآء الله ..
الى الان يسئلون اخوآني وعيــآل عمي عني .. الله يطول بـ عمرهم ..
لمــآ ازورهم احس اني فقدتهم عدل ..

انـــــآ العلآمه البــآرزه عندهم ..

تحب المدرسة ( نعم أو لا ) السبب ؟


انـــــآ احب المدرسه لآني احب اقــآبل الربع و الطلآب ..
و منهــــآ ارتــآح لآني بين ربعي دوم ..

افترقت عنهم في المرحلة الجــآمعيه ..

نبقى الدرآسه بـ دون مذآكره .. خخخخخ ..



:

تحب المواد العلميه أو الأدبيه؟(السببب)


الموآد العلميه طبعـــآ .. لآني مبدع في الريــآضيــآت و الكيميــآء و الفيزيــآء و انجليز
الاحيــآء × مــآ احبهــآ لآنهـــآ في الحفظ كثير ..

الريــآضيــآت درجتي من االخــآمس ابتدآئي الى الجــآمعه 29 من 30 في الشهـــآده مـــآتنزل عن هـ الدرجه ..


وش رايكـ في المدرسين في تعاملهم مع الطلاب ؟واذا كان في سلبيات لبعض المعلمين وش هي ؟


تعــآمل المدرسين الي معهم العــلآقه قويه فوق العــآل .. لكن لآ يخلون من السلبيـآت ..
1. احنــآ نفهم كل شئ في المـآده ..
2. التجريح و الاستهزآء ..
3. لـ الموآد الدين مــآ يتفــآهمون مع الطلآب اغلب شئ ..


:


أجمل وأعلى نسبه حصلت عليها في مسيرتكـ الدراسيه؟


اعلى النسبه حصلت عليهــــآ في الثــآلث المتوسط 98.99 اخذت الثــآلثه مكرر فيهـــآ ..

عمركـ أخذت دور ثاني ؟ وليه (اذا كان ظلم أو حقد خخخخخخ) ووش هي الماده؟

انـــــآ مــآ عمري أخذت دور الثــآني ..
:

وش رايك بتعامل بعض الطلاب مع المدرسين؟

تبون الصرآحه الميــآنه و قلة الحيــآ من الطلآب زآدت .. مـــآ كــأنه في المدرس يدرس ..

هل حصلت على شهادات تميز خاصة وفي أي سنة؟

اتذكر حصلت على شهــآدآت اغلبهـــآ في المتوسطه ..
وافضل شهـــآده افضل رسمه في الاحســآء في الثــآلث المتوسط حصلت منهـــآ 500 ريــآل و جوآل العنيد
جـــآبهم لي الاستــآذ جــآسم القريع ..
:

ما هو ابرز عقاب مر عليك طوال فترة الدراسة وبأي سنه وليهـ ؟؟!


اهـــــآ ابرز عقــآب ,

من الوكيل المدرسه الثــآنويه استــآذ نـآيف , جيت متــــأخر نــآدآني ,,

يــــ ... سر تعــآل وين رآيح عطني مفــآتيح السيــآره , قتله توني جآي وبـ دخل ..
اهــآ تبي تدخل كذآ .. عطيته المفــآتيح و الجوآل ان 96 , شــآت المفـآتيح في وجهي ..
و عطــآني اسطــآر و رفسني الى مـــآ طلع الدم من و جهي ,.
وخذ الجوآل , و قــآل بكره تعــآل مع ابوك ..

تعرفون معنى الدم يعني عقــآب على الوكيل من الوزآره ..



عضو كآإن مع’ـكـ بالمدرسهـ ؟؟!

تبون الصرآحه .. 88 % معي في المدرسه كــآنو من اعضـــآء الي متفــآعلين معنــآ ..
منهم كــآن مجنون البرسـآ , اكسلنس , كــآلون , ليو ميسي , ... , الخ .. هـــآ اعد بعد تبون ..

:

ع’ـدد سآإع’ـآإت استذكآإركـ ؟؟!


ســآعــآت المذآكره اليوميه عندي صفر , رتب كتبك ..
اذا كــآن عندي اختبـــآر اخذ الســآعه و اذآكر المــآده .. في الاختبـآرآت النهـــآئيه 12 السـآعه ..

:

كنت تنآإم بين الح’ـصص ؟؟!


مـــآ عمري حطيت رآسي عَ الطــآوله .. دوم اشغل نفسي ..
يــآه اكتب , العب , وآقف عند البــآب .. اغلب وآقف عند البــآب ..

وحصلت مره احرآج من استــآذ عبد المجيد الشيبه ..

ج’ـآإكـ تهزيء من مدرس بدووون سبب ؟؟! ( طرآإنات بع’ـض المدرسين )


جــآتني في صف الثـآلث الثــآنوي من المرشد ..
عندمــــآ تــــأخرت هزئني قدآم المعلمين المتوآجدين ..

أمنيتك ؟


المــــآجستير اطفــآل او المــآجستير العظــآك او المــآجستير الطب البيطري ..
خبركم انـــآ في قسم مخير في نهــآية درآستي لـ بكــآلوريس . .



:

كم ريآل كآنت فسحتك .؟!


كل المرحله يزدآد معهـــآ الريــآل ..
في الابتدآئي ريــآلين في المتوسط 3 ريــآل .. في الثــآنوي 5 ريـآل , 10 ريــآل ..
كــآن الوآلد فــآتح لي المجــــآل في الصف الثــآلث الثــآنوي .. اصرف بـ الهبل مبــآلغ . .

:

هل سبق احد أن لعب عليك وأخذ منك مصروفك أوأخذ منك الفسحة ؟؟؟


لآ بل انــــآ الي في ابتدآئي اتلعب عَ ربعي ..
انــــآ اشتري زعتر وعصير عليهم .. يحطونه في السور المدرسه ..
و اشرب من كل وآحد الى مــآ يخلص الزعتر ..
و بعدين اشتري لهم في الفسحه الثـآنيه ..


:

كم مرة انضربت من الطلاب الاكبر سنا أوحجما؟؟


لآ مـــآ انضرب بل تهــآوشت في الصف اول الثــآنوي ..
تهــآوشت مع وآحد بــآق الجوآل وصدته .. و يضربني بـ القلم في الظهري طلع الدم ..
بس انـــآ اخذت حقي عندمــآ ضربته بـ الكرسي ..
:

هل كنت من الزوار الدائمين للإدارة وهل تعرف شكل ورقة التعهد؟؟

انـــــآ دوم عندهم .. مـــآ اقطعهم لآزم اخذ الزيــآره حق المرشد او الوكيل ..
اخذت ورقة التعهد في المتوسطه الثــآلث ..

لآني انـــآ كنـــــآ نهذر في الصف .. عــآد رشو علي قوطي كــآمل عصير ..
عــآد قتلهم اعلمكم .. وروح حق المرشد ..

واشتكي عَ ربعي .. هههههههه | قلبو السـآلفه علي ..
ونـــوقع كلنــآ عَ التعهد ..





:

عمرك هربتَِ من المدرسة؟؟

عد و اغلط .. لآزم نروح البوفيه نشتري فطور ..
لآزم نطلع من المدرسه في اليوم ..

:

عمرك عملت مقلب في المدرسين ؟؟؟واذكر موقف


في الثـآني الثــآنوي | كــآن علينـــآ حصة ريــآضه .. بعدهـــآ لغه العربيه ..
جينــآ من الريــآضه .. رحنـــآ الفصل , و نحط لوحه مكتوب فيهـــآ ..
الطلآب خآرج التغطيه الان , واذا تبيهم رح لهم المكتبه ..

رحنــــآ المكتبه " مجهزين له ذآك الكيك " طبعــآ الكيكه مزيفه ..

توه بـ يقص الكيكه الا تطلع له لوحه الثـآنيه تجي فوق رآسه ..
مكتوب فيهـــآ ..

الطلآب و الكيكه خـآرج التغطيه ..

وبآقي مــآ يحتــآج فيهــآ احرآج عَ الاستــآذ .



هل تحتفظ / ـين بدفتر من دفآتر أيآم المدرسة إلى الآن .. ( إذا نعم ، صوره / يـه لنا .. وصور / ي ورقة منه ) ..

مدري اروح اشيك في الكتب و الدفــآتر ..

هل تتمنى العودة الى المدرسة ؟؟

لآ , الدرآسه الجــآمعيه افضل و آريح ..

كلمة أخيرة لمن تهديها داخل المدرسة؟

الحيــآة بـ شهــآدتك غيرهـــآ مــآ تسوى في الحيــآه ..
الكثير من مــآ أسمعه على ندمهم و تطــآولهم و تكبرهم عَ الدرآسه ..
رآح تندم , و أقرب الحتـآصل لدينـــــآ ..
محو اميه .. بسبب مــآذآ عدم الدرآستهم ..
وآلآن بـ هذآ العمر ترآهم يدرسون من اجل الشهــآده + الترقيه في العمل ..


اتمنى اننــــآ نـأخذ الدرس من ابهــــآتنـــآ و امهــآتنـــآ ..

 

 

[زهور الريف]

غضن الروح

.",

اقتباس اتذكر حصلت على شهــآدآت اغلبهـــآ في المتوسطه .. وافضل شهـــآده افضل رسمه في الاحســآء في الثــآلث المتوسط حصلت منهـــآ 500 ريــآل و جوآل العنيد جـــآبهم لي الاستــآذ جــآسم القريع ..

ما شاء الله
طيب ممكن تعرض لنا شيء من رسوماتك
أو تعرض لنا هالرسمه بدل ما تعرض لنا غضنوا !!
.",

اقتباس يــــ ... سر تعــآل وين رآيح عطني مفــآتيح السيــآره , قتله توني جآي وبـ دخل .. اهــآ تبي تدخل كذآ .. عطيته المفــآتيح و الجوآل ان 96 , شــآت المفـآتيح في وجهي .. و عطــآني اسطــآر و رفسني الى مـــآ طلع الدم من و جهي ,. وخذ الجوآل , و قــآل بكره تعــآل مع ابوك ..

أووه
طيب ليه ما أشتكيت عليه ؟؟
معقول في ناس هييك أستغفر الله بس
.",

}..يعطيك العافية كل الشكر لك ..{
.