رواية بنات المتوسط وأسرارهم

[اليازيه]

الجزء الثامن والثلاثون...
""الفصل الثاني""
وليد: مشاري وش رايك ندخل عند الحريم ونرقص شوي ونطلع..
مشاري: انا ما عندي مانع بس اسأل الشباب وشف..
وليد: سليمان وتركي وماجد ما راح يقولون شي..
مشاري: اجل يله...ضبطنا مع الحريم..
وليد متحمس: ابشر..."واتصل على عبير"...الووو
عبير: هلا والله..
وليد: اقول وش رايك ندخل عند الحريم ونستهبل..
عبير: والله ناسه يله تعالوا..
وليد: يله جايكم..
وليد: يله يا عيال...
العيال: يله...
عبير قالت لطقاقه ان العيال راح يدخلون عشان اللي تبي تتغطى تتغطى...وبلغت البنات...
ريم مبسوطه: رغيد بيدخل سليمان..
رغد: احلفي واصدقك..
ريم: يا الهو مبسوطه والله مبسوطه..
ثواني ودخلوا العيال كلهم..
دخلوا دخله لها هبيته...مشاري وجنبه وليد ووراه ماجد وسليمان وتركي..
وكل واحد يقول الزين عندي..والبنات بعد ما ارتاحوا من جمال طلال اللي يقطع القلب يجون هذولا ويكملون عليهم..
البنات وافقين على المنصه يستنونهم..
وطلعوا العيال المنصه وبدا رقص على "يا دار"
العيال يرقصون والبنات يصفقون ويصفرون..
مشاري مسك ايد رغد ورقصها معه...رغد دخلت مع مشاري في الجو..وبعدها البنات تجروء وطبوا وبدى الردح على اصوله..
ريم تطالع سليمان اللي يرقص مع اخته مها ومبسوط لها...
رغد ترقص مبسوطه على الاخر..الا صدم ظهرها بظهر شخص..لفت عليه هو لف عليهه..
رغد: وليد!!!
وليد يطالع عيونها وهو منهبل عليه: م ..معليش اسف..
رغد تحس الدنيا وقفت ..الساعه وقفت..الاغاني وقفت..كل شي وقف وهي تشوف عيون وليد تطالعها بحب وشوق..لفت على طول تدور تركي بعيونها..وهو الوحيد اللي ما وقف ويطالعها بعيونه وكيف بتاكلها الغيره..قطع عليهم اللحظات هذي صوت مشاري..
مشاري: رغد يله وش فيك وقفتي.
رغد: تعبت خلاص.."وراحت تطالعهم من بعيد"
رغد تفكر في حياتها كيف انقلبت فوق تحت" ليش الدنيا ماهي قادره تسعدني ..لا بحب ولد عمي ولا بحب ولد الناس..كل ما قلت الفرج قرب لقيت المصايب تزايد علي...كل ما قلت احب تركي يطلع لي وليد ويقول انا..وكل ما لقيت نفسي اميل لوليد يطلع تركي ويقول انا..ليش انا...ليش.."
خلصت الاغنيه ..ونبهها صوت الطقاقه..هذا اهداء خاص من وليد لبنات عمه رغد وريم..
رغد انصدمت تدري انها لها بس ريم كذا تسكيته للكل..طالعت وليد وهو مبتسم لها بحب..لفت على تركي ونفس الصدمه لقته يطالعها ويطالع وليد بنظرة كره..
"ليش يا وليد ..ليش.."
العيال كلهم انصدموا من وليد ومن حركته..وليش يهدي لهم اغنيه..بس ما حبوا يتجادلون الحين...البنات يطالعون رغد ويبون منها تفسير..
*******************************************
هلي لاتحرموني منه..
هلي لاتبعدوني عنه..

مثل ماهوه قطعة مني.....انا تراني قطعة منه...

يقولون: تحبه ..؟

أموت أنا.....أدوخ أنا......والله ميت فيه.......

تحبه....؟ بعقلي و قلبي وروحي ياعلني ماابكيه....

هلي تكفون خلوني معه ولاتلوموني....

هلي ماأريد أنا غيره ولايغني أحد عنه,,,,,

هلي....الله يسامحكم إذا ماكان عاجبكم...هلي مليت ناطركم..هلي تكفون طالبكم.........

أحس بشوفه الجنة,,,,,,,,,,,,

حشا ماكنت له جاحد....ولا أحب من طرف واحد....

شكيت( لراشد الماجد) وبسببكم ياهلي غنى,,,

هلي لاتحرموني منه,,,,
**********************************************
وليد يرقص ويأشر لرغد وعلى نفسه ويغني مع صوت الطقاقه وهو هايم ومبسوط..رغد ما بعد استوعبت اللي صار..كيف يتجرأ..كيف هو جرئ بزياده..وتركي ومشاعره...لفت على تركي ورحمته كيف انكسر خاطره وكأنه وده يستسلم ويفتح الطريق قدام وليد..رغد جوات نفسها ودها تروح تسكت الطقاقه وتوقف ليد عند حده..هو بالحركه هذي قاعد يحدد مصيرها وكأنها مالها غنى عنه..او واثق من انها تحبه..
وليد عارف ان رغد ما تحبه بس يبي يبين لها انه يعتقد انه تحبه عسى ترحمه وتشفق عليه وصدق تحبه..كان حاس بصدمه رغد وكيف قاعده تطالع تركي بعدين ترجع تطالعه وكأنها تقول "ليش سويت كذا"
رغد ما تحملت اكثر..نظرات البنات..نظرة الهنوف..نظرة تركي..نظرة اخوها مشاري..ونظرة الناس..رفعت فستانها بأطراف اصابعها و مشت ونزلت المنصه وقطعت الممر الطويل ووقفت عند البوابه تستنى وليد..
العيال بعد الاغنيه قرروا يطلعون..وريم لحقتهم عشان اختها رغد..
وصلوا العيال عند البوابه اللي وافقه عندها رغد..
وصل ماجد وهومفتشل من حركة اخوه اللي ما ادري وش تبي..ومشاري نفس الشي وطلعوا..تركي قبل لا يطلع..
رغد: تركي انا اسفه..
تركي انبسط لكلمتها معانتها انها ما رضت على حركة وليد ولا عجبها الوضع: لا تعتذرين يا رغد اللي مثلك ما يعتذر..
رغد: تسلم..
وطلع تركي..
جاء وليد بيطلع يتحاشى نظرات رغد..
رغد سكرت الباب بقوه وبحزم: لحظه...
وليد وقف هو ما يطالعها ماله عين: امري..
رغد بأمر: طالعني..
وليد التفت على رغد..
رغد وهي ضابطه اعصابها لاتنفجر فيه: انت بأي حق تهديني اغنيه..وتحدد مصيري..
وليد بأبتسامه واثقه: بحق اني احبك..
رغد عصبت: بس انا....اما ما اح
وليد حط ايده على فم رغد وبترجي: لا تقولينها تكفين يا رغد لا تقولينها..عشان خاطري لا تقولينها..اذا قلتيها ضاع الامل اللي انا حاطه...اذا قلتيها اضيع انا...انا بدونك ما اقدر اعيش.تعرفين يا رغد ما اقدر اعيش..انا عايش بحبك..وراح اعيش لحبك..لا تخذليني يا رغد..
رغد تجمعت الدموع بعيونها..ترحم وليد وما تقدر تقسى عليه..سحبت ايده من على فمها: وليد انا ما اكرهك..ولك مكانه بقلبي بس مو المكانه اللي انت تبيها..افهمني يا وليد..
وليد: انا اللي افهمه انك لي..وما اقدر اتخلى عنك..وانتي ما راح تتخلين عن ولد عمك..
رغد رجعت عصبت هذا بأي حق يحدد اللي يبي: وليد قلت لك لا تتدخل فيني..
وليد: قبل لا تحددين مصيري فكري فيني زين..وتذكري ان عندي مشاعر وقلب مثل ما هو له قلب...
رغد فتحت الباب تبي تطلعه من القاعه ومن حياتها..وطلع وليد...بس ياترى طلع من حياتها..
&&&&&&&&&&&&&&&&&&&&&&&&&&&&&&&&&
سليمان واقف وجنبه ريم اللي كانت جايه عشان اختها بعدين دقتها سوالف مع سليمان..
سليمان: يله ريوم باي وتراك اليوم طالعه تهبلين..
ريم: تسلم وانت بعد تهبل..
سليمان: باي..
ريم: باي..
وبعدها ذكرت ريم رغد وراحت لها...
ريم: وش قلتي له..
رغد: ما قلت له شي هو اللي قال وزاد الطين بله..
ريم: يعني ما استدفتي من وقفتك معاه..
رغد وهي تدق بالحكي:لا بس انت اللي استفدتي..
ريم حست بنغزت اختها بالكلام وصرفت الموضوع: انا رايحه للعنود..
رغد: روحي...ويا اليت روحي تروح...استغفر الله وش قاعده اقول انا...
&&&&&&&&&&&&&&&&&&&&&&&&&&&&&&&&&
فيصل وفجر بعد ما خلصوا تصوير..ركبوا سيارتهم..فيصل وجنبه فجر ..وطلال يسوق فيهم وجنبه فواز..ووصلوهم الفندق وراحوا..
دخلت فجر السويت حقهم وفيصل كان تحت يسوي بعض الاجراءات..طالعت نفسها بالمرايه واخترعت من شكلها..لان البكي لعب فيها..تذكرت كيف تعلقت في امها اللي تبكي وهي تبكي..بعدين جات نوف وضمتها وجلسوا يبكون..وكملوا عليها البنات..اخذت منديل لازالة المكياج ومسحت الكحل السايح على خدودها وضبطت مكياجها..وفسخت عبايتها وجلست على الكنب الموجود على الصاله تنتظر فيصل...
ثواني ودخل فيصل: ها قلبي تأخرت عليك؟
فجر لفت عليه: لا عادي..
فيصل جلس جنبها وهو فرحان ويقول في نفسه" واخيرا صرتي لي"...:تصدقين يا فجر لو لقعد ابارك لعمري بزواجي منك سنين ما تكفي..
فجر ابتسمت ونزلت راسها: تسلم والله...
فيصل مسك ايدها وباسها: ماني مصدق اننا اجتمعنا تحت سقف واحد..
فجر: الحمدلله اللي جمعنا..
فيصل رفع راس فجر ولفه لجهته يبي يكحل عيونه بشوفتها: اليوم طالعه قمر يا قلبي..وخفت من الناس لا تحسدني عليك..
فجر وهي تطالع عيونه: الله يسلمك..
فيصل يستهبل: يعني مطولين كذاا كلمه ورد غطاها..
فجر تفشلت: يعني وش تبيني اقول..
فيصل: اول شي قومي بدلي هالكبير(يقصد الفستان) اللي عليك احس انك ضايعه فيه..
فجر ضاق صدرها: يعني مو حلو..
فيصل يضحك: الا يا قلبي حلو..بس ابيك تاخذين راحتك وذا مشا الله وش كبره..صاير حاجز بيني وبينك..
فجر قامت من الحيا بسرعه: اوكيه راح اغيره..
ودخلت الغرفه وسكرت الباب وقفلته وتسندت عليه..تبي تاخذ نفس..
فجر: يمه قلبي بيوقف...آآآه يا فيصل ذبحتني جننتني يهبل يا ناس يجنن..
تنهدت وراحت لعند الدولاب اللي حاطه فيه كم قطعه لما حجزوا الفندق..اختارت فستان حلو ولبسته..
كان لونه لؤلؤي..لاف على الرقبه وفتحت الصدر كبيره..ومزوم من عند تحت الصدر بكرستاله ذهبيه كبيره..بعدين وسيع وطويل..
فكت الطرحه.. وهي اساسا مسويه تسريحه بسيطه عشان كذا..الميك اب حقها منسب للفستانها..تعطرت..وقررت تطلع بس خافت وجلست على السرير...وفكرت تتصل على رغد ونوف يطمنونها..اول شي اتصلت على نوف...
فجر: الووو هلا نوافه..
نوف مصدومه: وش تبين..
فجر كاتمه ضحكتها: وش فيك؟؟
نوف: اقصد وين فيصل..
فجر: انا دخلت ابدل الحين بطلع له..بس قلت اتصل عليك اخذ طاقه بعدين اطلع..
نوف تضحك على هبال اختها: يله جاااااااري الشحن...
فجر كاتمه صوت ضحكتها: لا تخليني اضحك بعدين يقول عني مجنونه تضحك لحالها..
نوف: طيب يله روحي لزوجك..وخلك ثقل..
فجر: ليش شايفتني خفيفه...
نوف: انتي فاضيه للهواش يله روحي لزوجك..
فجر ابتسمت: سلمي لي على امي والبنات..
نوف: يوصل..
فجر بسرعه: وعلى اخواني..
نوف: انتي بتهاجرين..
فجر: لا اخاف يذبحني هالفيصل من الحب..
نوف: ههههه والله انك مفوته..يله باي..
فجر: باي..
بعدين اتصلت على رغد..
رغد تطالع الاسم مصدومه: اووووو فجيييير..
فجر تضحك: ههه هلا والله.
رغد: وين فيصل عنك؟؟
فجر: حطيت له منوم وافتكيت منه..
رغد: لالا بجد وينه..
فجر: دخلت ابدل بس خايفه اطلع عليه مستحيه..
رغد: هههه عادي يا قلبي اول الايام بس بعدين تتعودين..
فجر: بس هو جرئ..
رغد بعفويه: بس ما هو اجرئ من ولي..."وعضت على شفايفها وسكتت"
فجر ما سمعت: من مين..؟
رغد: الا اقولك لبستي الفستان اللي قلت لك...
فجر: ايوه لبسته وطلع يجنن مشكوره يا قلبي...
ريم مرت من عند رغد: مين تكلمي..
رغد: لحظه...فجوره..
ريم منصدمه: فجر ما غيرها...
رغد: ايه...
ريم: سلم لي عليها وقولي الله الله بمقطع الفديو اول يوم زواجها..
رغد على نياتها: طيب...الوو فجر..
فجر: هلا..
رغد: تقول لك ريم الله الله بمقطع الفديو وما ادري ايش..
فجر: قولي لها في الحلم..
دق فيصل الباب...
فجر اخترعت: يمه هذا فيصل..
رغد: سمي بالله وخلي الوضع عادي واذا خفتي اذكري الله وان شا الله تهدين..
فجر: اوكي باي..
فيصل: فجوره انتي حيه ولا ميته..
فجر راحت وفتحت الباب..:لا عايشه...
فيصل يستهبل يبي يشيل الحيا: على بالي خديجه..
فجر توها بتقول ه ه ه بايخه بس تذكرت انها عروس وسكتت....
فيصل يطل في الغرفه: وش قاعده تسوين..تخيطين الفستان اللي عليك..
فجر:لا ...بس قعدت اعدل مكياجي..
فيصل: تهبلين بلا شي..يله تعالي..
فجرراحت وراه..
&&&&&&&&&&&&&&&&&&&&&&&&&&&&&&&&&&&&&&&&&&&&&&&

 

 

[اليازيه]

في القاعه..
شجون: فهوود انت حاضر الزاوج..
فهد: ايوه انا برى مع مشعل..
شجون: ادخل ابي اشوفك..
فهد: اوكي..
دخل فهد ومعاه مشعل ..محمد ما جاء معاهم ما يحب الحريم..
لين شافت مشعل وبدون محمد على طول طارت لعنده وسلمت عليه وباسته..
لين: شعولتي اشتقت لك..
مشعل مسوي نفسه شي: حتى انا..يا الله مغبره وينك من زمان عنك..
لين: على قولت امي كبرت..
مشعل يتطنز:لاااااا من متى..
لين: ما ادري عنها...
شجون راحت لعند فهد: فهووود قلبي..
وسلمت عليه..
فهد: هلا والله بشجونه.."وطالعها من فوق لتحت" طالعه اليوم باربي كأنك عروسه..
شجون: تسلم يا قلبي عيونك الحلوه..
فهد يستهبل: فيه بنات...؟
شجون: وش قلنا..
فهد يضحك: امزح معاك..
شجون: يا حلوك وانت كاشخ بالثوب والشماغ..
فهد: قعد ساعه مشعل يضبطني..
شجون لفت على مشعل لقت لين شوي وتذوب عليه:مشيعل..
مشعل لف على شجون: هلااااااااا والله..
شجون: بسم الله عليك طالع مزيون..
مشعل: من حيني انا مزيون بس دوري لي مره..
ماحس الا وضربه أليمه في ظهره..
لين: وانا وين رحت...
شجون: ما يمديك..مسوين لك عقد احتكار للأبد..
مشعل يفرك مكان الضربه: أي..شويه عقد احتكار..
فهد: اقول لين اسحبي عليه وتعالي عندي...
لين: انا حطيتك بقلبي وعد...وماني للوعد خوااان...
فهد:على ابيات الشعر انا ما اقدر..مشعل خل لين بعيونك..
مشعل:لا توصي حريص..هي بقلبي وعيوني بعد..
اسحت لين من كلام مشعل..وهي مرتاحه ان محمد مو موجود عشان تاخذ راحتها..بس مافي شي يدوم على حاله...جاء محمد مسرع وجر مشعل معاه وطلعوا اخذوا معاهم فهد..وشجون ميته ضحك عليهم..
&&&&&&&&&&&&&&&&&&&&&&
مشاري بحزم: ممكن اعرف يا وليد سبب اهدائك لخواتي الاغنيه..؟؟
وليد مرتبك: لانهم بحسبة خواتي..
مشاري: طيب كان ماحددت...
وليد: والله ما طرى على بالي..وبعدين انا حبيت اشكر خواتك..ياما وقفوا مع خواتي في كل المواقف..وانا تخيلت انو عادي..
مشاري بتفهم: انا ادري انك تعدهم خواتك بس الناس وكلامهم..
وليد ارتاح من كلام مشاري: وش علينا من الناس.
مشاري: بس الكلام راح يطلع على خواتي...
وليد بجديه: اللي بيتكلم على بنات عمي اقطع لسانه..
***********************
فواز: طلال وش فيك..مانت على بعضك..
طلال تنهد من قلب: ما فيني شي يا اخوي..
فواز: كل هالتنهيده وتقول مافيني شي..
طلال بتعب: بليز فواز خلني على راحتي..
&&&&&&&&&&&&&&&&&&&&&&&&&
العنود جالسه مع وحده من العجايز: اقول خالتي وش رايك اوديك للبنان واسوي لك شد للوجه واسوي لخدودك وشفايفك بوتكس..
العجوز:كلوركس..تبني احط بخدودي كلوركس..
ريم :خالتي بوتكس..بوتكس..
العجوز: وش ذا اللي مدري وش اسمه..
العنود: هذا يا خاله الحريم يحطونه..ويرجعون شباب عشان رجالهم ما يتزوجون عليهم..
العجوز: تقولين هالكلام صادقه..
ريم: ايه خالتي الحقي على زوجك قبل لا يطير منك..
العجوز: وين يجوبون هذا اللي تحكون عنه..
العنود: في البقاله..لا اقصد في لبنان..
العجوز: اروح لبنان ا نشا الله..
ريم: فيه في الرياض تبين اوديك له..
العجوز: بقول لولدي مساعد يوديني له..
العنود تهمس لريم: عندها ولد ولا اسمه مساعد..
ريم: اجل اضمني العرس..
العنود: خالتي وش كبره ولدك مساعد..
العجوز: رجال ينشد الظهر فيه..
ريم: متزوج؟؟
العجوز تطالعهم: ادور له وحده سنعه..
قامت العنود ومسكت الدله وصبت للخاله فنجان قهوه: سمي خالتي..
العجوز: انتي بنت مين...؟
العنود: انا بنت ابوي هههه
ريم: ههههههههههههههههههههه
العجوز: بنت مين..؟
العنود: احم..بنت ناصر بن عبدالله ال(......)
العجوز: ما شالله والنعم فيه..الا منهو ناصر ذا..
العنود: شكلها مخرفه الحرمه..
ريم: العبي عليها..
العنود: ابوي يصير اخو ام العروسه..
العجوز: اخو ام فواز..يعني ابو ماجد...
العنود: ايوه عليك نور...
العجوز: ايه ابو ماجد الله يذكره بالخير يوم كنا بالحاره كنا نلعب سوا..ونمرح مع بعض..وكان ما شاله عليه الزين منه وفيه..
العنود: شكل هذي بتقول قصة حياتها...
ريم: شكل جولييت تحب ابوك..
العنود: لا وين هذي كبر امه..
العجوز: وينه ابوك اسلم عليه...
العنود: في العيد ان شالله تسلمين عليه..اقول مساعد ولدك وينه خلينا احنا نسلم عليه..
العجوز: هاااااو..وش تقولين انتي؟؟
العنود:شكلي خربتها..
ريم: قومي ندور وحده ثانيه .شكل هذي ما منها رجا..
العنود: مع السلامه خالتي ولا تنسين بنت ناصر بن عبدالله..واسمي العنود اذا احتجتي شي..
العجوز: مع السلامه..
وبعدها دخلوا الحريم والرجال للعشا..وبدت القاعه تخف من الناس...جلسوا البنات على طرف المنصه..
عبير: كم جمعتي....
العنود: والله حوالي عشرين وحده.
عبير: مشالله متى امداك..
رغد: وش السالفه وش تحكون عنه...؟
عبير: عن العجايز والحريم..يعني كم حرمه تميلحت عندها..
رغد: ما شالله...وانتي كم وحده؟؟
عبير: انا خمس..
رغد: وان شالله يا ريم معاهم..
ريم: لا انا بس قاطه معاهم..مشاركه وجدانيه..
نوف: صدق انكم مهبل..نسيت اقول لكم فجر تسلم عليكم..
عبير: متى شفتيها؟؟؟
نوف : هي كلمتني...
العنود وعبير بصوت واحد: كلمتك؟؟
نوف تضحك: ايوه وش فيكم.؟
العنود: وشلون.؟؟
نوف: دخلت تبدل وكلمتني..
عبير: والله ماهي سهله هالفجير ابد.
العنود: ريم وصيتيها اللي قلت لك..
ريم: ايه قلت لرغد تقول لها..
العنود: وش قالت لك يا رغد؟؟
رغد: تقول في الحلم يا ماما..
العنود: والله من النذاله.حتى ألبوم زواجها مخبيتها بس هين بطلعها من عيونها وغير كذا صور الملكه..
شجون: وش تحشون في مرت اخوي..
العنود تتمصلح: شجون تكفين اسرقي البوم الصور حقها..
شجون: ليه شايفتني حراميه..وبعدين ماله داعي اللقافه..هذي اشياء خاصه..اذا تزوجتي شوفي صور زواجك..
العنود: اجل ما راح اشوف صور طول حياتي..
شجون: ليش ما انتي متزوجه..
العنود: والله مسويه اضراب حبيبتي..
شجون: وليش ان شالله...
العنود: كذا مزاج ماودي اتزوج..
ريم: واللي تو جمعتيهم.
العنود: مصدقه كذا بس اهبل فيهم..
&&&&&&&&&&&&&&&&&&&&&&&&&&&&&&&&&&&&
بعد ما راح الكل رجعوا البنات كلهم لبيت ابو مشاري بينامون عندهم..كلهم بدون استثناء..الكل في غرفة رغد بعد ما بدلوا من ملابسها وملابس ريم..
رغد: بنات وش رايكم نشوف شريط الفديو كاميرتي..
ريم: لالا خليه لما تجي فجر من شهر العسل..
رغد:مطووووله...خلونا نشفه الحين واذا جات مره ثانيه نشوفه..
نوف وهي خانقتها العبره: والله مو طالع حلو بدون ما تكون فجر قلبي موجوده...
سكتوا البنات شوي....
العنود: احنا جايين ننبسط مو نبكي ونصيح..
عبير: خلونا نسوي شي يسلينا..
رغد: عندي لكم فلم خطييييييير..
ريم: أي واحد؟؟
رغد:توه نازل ..رعب..
العنود: يله طيران روحي جيبيه..
رغد: بروح اجيبه..ريم روحي سوي البوب كورن وخذي وحده من البنات وجيبي البارد اوكي..
ريم: مين تجي معاي...
عبير: والله انا عن نفسي........
ريم قاطعتها: مالك خلق..غيرك..
العنود: اقول عبير همزي رجولي..
ريم طالعت نوف تبكي وما لها خلق..وطالعت مها تستحي تشغل اخت سليمان..وما لقت الا الهنوف: هنيف تعالي معاي..
الهنوف: ريوم والله....
ريم: اقول امشي قبل لا تجي رغد..
الهنوف: يله..
دخلوا المطبخ..وقعدت ريم تجهز البوب كورن والهنوف داخله في الثلاجه تطالع المشروبات اللي فيها..
جاء مشاري وسمع صوت في المطبخ..اخذ بلونه كانت على الطاوله من ايام حفله فجر وفيصل.وتفخها وربطها.. ومشى لحد المطبخ على اطراف رجوله....وفقعها بووووووووووووووووووووووم..
ريم من الخرعه بغى يطيح الصحن الي معاها..
الهنوف كانت داخل الثلاجه فا صقع راسها فيها.. ولفوا عليه...
مشاري مبسوط: هههههه هاه وش راي
وقف يطالع الهنوف اللي طالعه تشق الراس شق لسه ما غسلت مكياجها وتسريحتها على ماهي عليه ولابسه بيجامه ورديه تهبل عليها..
مشاري غمض عيونه وفتحها مره ثانيه يبي يتأكد هو في علم ولا حلم..
الهنوف تطالعه كان لابس بيجامة نوم حرير مفتوح ازارير قميصه نصها..وطالع شكله برئ وجذاااااب في نفس الوقت...
ريم والنذاله اشتغلت عندها..راحت دفت مشاري برى وسكرت الباب..
ريم لفت على الهنوف وتطالعها بنص عين..
الهنوف ارتبكت: وش فيك تطالعيني كذا..."وصارت تحط العلب في كيس بتوتر..
ريم: تحبين مشاري؟؟؟
الهنوف: كم مره اقولك عن المساخه الزايده..
ريم: انواااع الصواريخ..قولي الصدق عادي قولي احبه..سهله..
الهنوف حمرت خدودها: اقول جيبي شي اتغطى فيه ولا شوفي اخوك راح ولا لسه فيه..وبعدين ترى تأخرنا على البنات..
ريم: طيب زين لا تقعدين تبربرين على راسي كانك خدامه سيرلانكيه..
الهنوف خبطت الطاوله بأيدها وعورتها: اأأأي...انا خدامه سيرلانكيه..يا الاندونسيه..
ريم:شكلك ما جربتي علبة بيبسي تجي بسرعة مليون على ر اسك..
الهنوف: يله بس خلينا نطلع عند البنات..
ري: يله ولا تنافخين..
الهنوف: يارب صبرك...
*******************
مشاري طلع لغرفته وهو مفهي بالهنوف..
"اللي شفتها اكيد ملاك مستحيل تكون بشر...ياناس على الدلع والرقه..ولا العيون..العيون تذبح..تشق الراس شق...متى تنجح واروح اخطبها وارتااااح من اللي انا فيه"
&&&&&&&&&&&&&&&&&&&&&&&&&&&&&&&&&
قعدوا البنات يطالعون الفلم وكان رعب شويه عليه..
رغد تلفت يمين ويسار في الظلمه ومافي نور الا نور التلفزيون: اقول ما ودكم نطفيه..
العنود تاكل بوب كورن: اقول طالعي وانتي ساكته...
نوف وشجون والهنوف ياكلون اظافيرهم من الخوف..ومطيرين عيونهم وكل ماجات لقطه مرعبه غطوا عيونهم..
عبيرتطالعهم: ريم لفي شوفي الهبل اللي وراك..
ريم: انا قايله لكم البزارين لا يطالعون بس ما تسمعون الكلام..
العنود: خليهم..شوفي شوفي كيف..
كانت لقطة وحش يقطع عروق رقبتة واحد وهي طايحه لما طاح الراس..
البنات يصارخون ودخلوا داخل البطانيه..
رغد طفت التلفزيون: حشى مو فلم تعذيب..
العنود: شغليه لا اتوطى في بطنك..
رغد: تبين تشغلينه شغليه في غرفة ريم..انا مستحيل اكمله..
عبير: مشكلة اللي معانا دلوعات ودلعهم ماسخ...
ريم: امشوا بس غرفتي...
راحوا غرفة ريم...والبنات اللي في غرفة رغد ناموا وهم جنب بعض الا شجون جاها ارق وما نامت..
واللي عند ريم لما خلص الفلم ناموا وكأن شي لم يكن...
&&&&&&&&&&&&&&&&&&&&&&&&&&&&
فتحت فجر عيونها وطالعت المكان..مكان غريب عليها..
فجر: يمه ويني فيه.."وبعدين لفت يسار وحصلت فيصل نايم" ..يوه نسيت اني تزوجت..
راحت لدورة المياه وتروشت..وطلعت وصلت وقعدت تمشط شعرها,,وحست بحركه وراها...
فيصل يحاول يفتح عيونه: صباح الخير حبيبتي..
فجر: صبحا النور يا قلبي..
فيصل: مشا الله قايمه نشيطه..
فجر احمرت خدودها: ايه...
فيصل راح لدورة المياه..وفجر اخذت نفس عشان ماتموت..
فجر: هذا ناوي يذبحني انا داريه...
طلع فيصل وشعره ملبول ولابس روب ازرق ..فجر على طول وخرت عينها عنه تستحي تشوفه كذا..قرب من عندها وهو ينشف شعره.. ويطالع نفسه في المرايه ويطالع فجر اللي قاعده قدامه وهو وراها..
فيصل: بعد شوي بنروح لعند ابوي..وبالليل مسوين عزيمه,..في بيت ابوي بعد..
فجر: يعني بنروح ونرجع وبعدين نروح مره ثانيه..
فيصل: انا اقول ماله دعاي المشاوير..الا اذا حبيتي كذا انا ما عندي مانع..
فجر: لالا عادي ادبر نفسي...
ووقفت فجر بتروح أي مكان بس ما تكون عنده لان قلبها بيوقف في لحظه وخصوصا ان شعره جاي على وجهه الازرق عاكس عليه..وعلى هالصباح ما تقدر تتحمل اكثر..وتوها بتروح جاء فيصل من وراها ومسكها من خصرها..
فيصل هو يهمس في اذنها:وين بتروحين يا قلبي..؟
فجر تحسفت انها فكرت تقوم: ولا مكان بس قلت اشوف موبايلي ما ادري وين حطيته..
فيصل يضمها وكأنه مبسوط بأحراجها: اهاااا..
فجر ما تدري وش تسوي ودها تقول يا اخي فكني ابي اتنفس..وانقذها موبايلها..
فجر: اممم..فصول.....موبايلي"وتأشر عليه"
فيصل تركها: ومن هذا اللي ما عنده ذوق ومتصل..
فجر وهي تشوف الاسم: هذي قلبي العنود...الووو..
العنود بالمصري: صباحيه مباركه يا عروس...
فجر تضحك: الهب يبارك فيك...
العنود: الشين عندك...
فجر: ايوه..
العنود: وش تسوون الحين..
فجر ماسكه ضحكتها تتخيل انها تقول للعنود وش كانت فيه قبل شوي: وش رايك يعني..
العنود:طيب لمحي للموضوع..
فجر: ان شالله اذا شفتك قلت لك..
العنود: صدق بتقولين لي كل شي...
فجر تلعب عليها: كل شي يا قلبي..
العنود: اجل مع السلامه..
فجر: مع السلامه..
فيصل: وش عندها العنود..
فجر: تسلم بس..
فيصل: والله من اللقافه..
فجر: حرام عليك...
وشوي الموبايل يرن مره ثانيه...
فيصل: هذولي حالفين علينا ما ننبسط..
فجر تبتسم لفيصل: هذي ريم...هلا والله وغلا..
ريم: اهلين بالعروسه بعد قلبي والله اشتقت لك..
فجر: تسلمين يا قلبي حتى انا..
ريم: اهم شي اللي وصيتك عليه سويتيه..
فجر: ابشري بعزك<<والله لاقيتهم مخفات..
ريم: والله اني قايله لهم فجر ما راح تردني بس كذبوني..
فجر: ما عليك منهم..انا اهم شي عندي انتي يا بعد عمري والله..
ريم: سلمي لي على رمز الشقا وتامريني على شي...
فجر: سلامتك...وسلمي لي على رغوده..
ريم: يوصل..باي..
فجر: باي..
فيصل: نطلب لنا يا روحي فطور..
فجر: على راحتك..
فيصل طلع للصاله..وبعد دقايق لحقته فجر وجلست على كنبه بعيده شوي..
فيصل عارف انها منحرجه منه وحب يزيد عليها: احد قايل لك ان فيني جدري..
فجر تضحك: ليش؟؟
فيصل: ما ادري عنك جالسه هناك..تعالي اجلسي جنبي والله ما فيني شي..
فجر قامت وجلست جنبه بس تركت بينهم مسافه: وهذ انا جلست..
فيصل انسدح على رجولها ويطالعها...:فديتك والله

اكمل لكم عن احلى عشاق في البارت الجاي..
@@@@@@@@@@@@@@@@@@@@@@@@@@

نهايه البارت

 

 

[اليازيه]

الجزء التاسع والثلاثون...
""الفصل الاول""

فيصل انسدح على رجولها ويطالعها: فديتك والله...
فجر ما تدري وش تسوي فيه تذبحه وتفتك ولا وش تسوي فيه..
فيصل: العبي في شعري لا تجلسين كذا..
فجر في نفسها" ياربيه هذا يتعمد يحرجني ولا وش سالفته":من عيوني..
فيصل: تسلم عيونك..."بعدين فز من رجلها ولزق جنبها"......تصدقين جات على بالي قصيده كذا على الطاير..
فجر ابتسمت وهي تحب تسمع له يقصد فيها: قول صوصو وش عندك..
فيصل: امممم..احم احم..
ما عرفت الحب الا لجل احبك واهتويك
ولا كتبت الشعر الا لجل ابين لك غلاك..
عزتي بك وانكساري وجرحي وفرحي بيديك
جرح ولا فرح ما هي فارقه دامي معاك..
يخشع لوصفك قصيدي ويفتخر لانه عليك
وتخضع لحبري القوافي وينتشي حرفي معاك..
ويعجب من الوصف وصفي وتنوزن ابياتي معاك
وينكسر غصب علي البيت لو كان في سوااك..
وتختلف لجلك حروفي منهو الاول اللي يجيك
سبعه وعشرين تبكي والألف فاز بلقاك..
اعشقك..اهواك..احبك ..ارتجيك..
افتديك..انتخيبك..اغتليك وارخص الغالي لغلاك..
وسلامت روحك..
فجر تصفق له: واااااااااو تسلم يا بعد دنيتي وصح لسانك..
فيصل: صح بدنك..يله عطيني بوسه..
فجر من الحماس: تستاهل ثنتين..
فيصل ما تستوعب: ثنتين؟؟؟!!!!!
فجر انتبهت وحمرت خدودها وسوت نفسها غبيه: ثنتين؟؟؟
فيصل: لا تستهبلين انتي قلتي بوستين يله عطينيها..
فجر وبكل برائه: انا قلته ..متى؟؟
فيصل: احسن لك عطينياهم لا اخليك تتحسفين قد شعر راسك..
فجر طلع وجها احمررررر: استحي..
فيصل: تستحين هاه.."وسدحها وصار يدغدها ويبوسها من كل مكان.."
فجر دفنت وجها في الكنب: ههههههه صوصو ابعد عني..
فيصل قام عنها: اوووه عشان ما تستحين مره ثانيه..
فجر طلعت وجها من داخل الكنب وطلت عليه وشعرها منثور على وجها..
فيصل شده شكل فجر وبعد شعرها عن وجها: يله اجلسي ما راح اسوي لك شي..
فجر وترمش بعيونها ببرائه: اكيد..
فيصل: شايفتني دركولا يوم انك خايفه..
فجر جلست زين: ايوه..انت دركولا اللي يشرب من دمي..
فيصل طالع بعيون فجر: اوعدك يا فجر اني راح اسعدك طول حياتك..
فجر: وانا مكان اوعدك اني ما اخيب ضنك ابد..
ووصل الفطور..وافطروا ولبسوا وتكشخوا وراحوا لبيت ابو فيصل...
فيصل فتح باب البيت: وينكم يا اهل البيت..
ام فيصل طلت من المطبخ: فيصل..تعال يا قلبي...
فيصل يبوس راس امه: هلا والله بالغاليه...
ام فيصل: صبحيه مباركه يا وليدي ..وين فجر...
فجر دخلت: هلا خالتي"وسلمت عليها وباست راسها"
ام فيصل: هلا والله ببنيتي.صباحيه مباركه يا احلى عروس..
فجر وردت خدودها: الله يبارك فيك خالتي..
فيصل: يمه لا تتغزلين في زوجتي تراني اغار..
فجر استحت من ام فيصل..
ام فيصل: فيصل شوف احرجت البنت..
فيصل يقرص خد فجر: وانا ما ذبحني الا حياها..
فجر تطالعه بنظره"وبعدين معاك"
نزلت شجون على اصواتهم ووقفت في نص الدرج...
شجون: فجوره..قلبي..
وراحت وسلمت عليها: صباحيه مباركه يا حلوووو انت..
فجر: الله يبارك فيك..كيفك؟؟
شجون: بشوفتك تمام..
فيصل: احم احم تراني موجود ولا علينا غبار ما تشوفين..
شجون لفت عليه: معليش يا قلبي ما شفتك..
فيصل: هههه لهدرجه نور فجر مغطي علي..
شجون: اكيد فجر تغطي على الكل..
فيصل: ما اسمح لك تتغزلين في زوجتي..بس انا..
شجون: مسكين...فجر لاتعطينه وجه..تراه ما ينعطا وجه واسأليني انا...
فجر: لا حرام عليك..صوصو بعد قلبي..
ام فيصل: صوصو؟؟؟ وش هذي صوصو؟؟
فجر تقلب وجهها 180 درجه حيويه من الحيا: صوصو..يعني فيصل تصغير يا خالتي..
ام فيصل: يا حليلكم يا هالبنات..احنا اول من اول يوم زواجنا وانا انادي زوجي ابو فيصل..
شجون: ياالله تحبون المشاوير..
ام فيصل: لا هذا من باب الاحترام الحين...
شجون: الحمد لله اني من خدمات الجيل الثالث على قولة العنود.
فيصل: والعنود لا حقتنا هنا..
شجون: ليش وش فيها بنت عم بنات خالتي..
فيصل: كل هالمشاوير عشان الملقوفه عنيد..
شجون ماتت ضحك: هههههه يا حبي لها بس اكيد متليقفه عليك..
فيصل: انا ما اقول الا الله يصبرها على نفسها...
فجر: صوصو ترى ما ارضى عليها بنت خالي..
فيصل: لك الحشيمه يا قلبي..واسفين..وسحبت الكلمه..ويا كلمه ردي مكانك قبل لا تزعل فجر..ويا قلبي ادري اني........
فجر استحت: خلاص طيب خلاص...
فيصل: عشان ما تزعلين يا قلبي..
فجر: ماني زعلانه بس اسكت لا تفشلني قدام اهلك..
فيصل: من عيوني يا عيوني...
فجر: وبعدين..
فيصل: خلاص خلاص..اجل يمه وين ابوي؟؟
ام فيصل: اكيد بالشغل...
فيصل: على بالي اخذ اجازه لانه مسكين امس هلك من الوقفه والسلام..
ام فيصل: أي والهذ امس يون من رجوله بعد قليبي..
شجون: يمه عندي بعض الملاحظات اول شي وش معنى"يون" ثاني شي وش عندك تتغزلين في ابوي ولا غرتي من فيصل...
ام فيصل: اول شي يون معنها يتالم وثاني شي لا يكون عندك مانع اذا تغزلت في زوجي..
شجون: لا عندي دواس هههههههه..
فيصل: ياربيه يا ثقل دمك يا شجون..
شجون: وانت تزوجت ولا ما تزوجت ما تتغير..
فيصل: اصلي مع علامة الجوده..
ومر الوقت لحد ما جاء المغرب..وطبعا فيصل ما جلس عندهم طول الوقت لانه راح عند ابوه..
فجر: شجونه خلينا نروح نبدل ملابسنا قبل لايجون الناس...
شجون: اوكيه يله..
وطلعوا غرفة شجون وتعدلوا وتكشخوا..وعالساعه سبعه امتلى البيت بالناس..
ريم رايحه لعند فجر وتسلم عليها: فجووووره يا قلبي والله وحشتيني...
فجر: وانتي كمان...
رغد من ورى ريم: اهلين يا عروسه ..
فجر ابتسمت: اهلين "وراحت وحضنت رغد"
جات العنود وفكتهم:يله عاد بلا مساخه..هلا والله بفجير المراهقه..
فجر تضحك: مقبوله منك..
وسلمت على عبير ومها والهنوف..وجات نوف طايره 120متر/في الثانيه: اهلين يا قلبي وحشتيني"و ضمت اختها لما بغت تطيح"
فجر وهي مخنوقه: حتى انتي وحشتيني..بس بعدي شوي خليني انتفس..
نوف بعدت عنها وصارت تطالع بوجهها: تصدقين امس ما عرفت انام لاني ما مسيت عليك وقعدت ابكي لاني ما صبحت بوجهك..
فجر خنقتها العبره: والها بفقدكم يا نوف..اليوم صحيت وما حصلت نفسي في غرفتي تكدر خاطري والله..

وقعدوا يسولفون وويتسهبلون ويضحكون..
العنود: تذكرت.... فجير وين اللي قالت لك ريم...
فجر خافت: هاه...ايه نسيته تصدقين..
ريم تطالعها بنص عين: لا يكون بس تلعبين علي..
فجر ارتبكت: انا ابد سلامتك..قلت لك نسيته..
العنود: اوكيه يعني وين بتروحين منا..
وسمعوا ام ماجد تنادي: عبير....عبير...
عبير: ياربيه وش تبي..
رغد: قومي عيب عليك..
عبير: قمت وامري لله "وراحت لعند امها"...سمي..
ام ماجد: سم الله عدوك..روحي المطبخ وجيبي الحلا..
عبير: يمه الحين مقومتني من مكاني ومشوار من هناك الى هنا عشان حلا..كان قلتي للخدامه...
ام ماجد تهمس لها: استحي عيب عليك ..بعدين وش يقولون عنك الحريم خامله..
عبير بسرعه: لالا مدام المسأله فيها حريم وخطبه..من عيوني يا غلاتي..
ام ماجد: والله هالبنت بتقطع وجهي قدام الناس..
وراحت عبير المطبخ وفتحت الباب بقوه لحد ما صقع الجدار..وبدت في الصراخ على الخدم: انتي وياها وين الحلا اللي كان هنا..
وحده من الخدم: مدام انتي ليش في يصارخ..
عبير: هذي اللي اللحين تبيني افقع وجهها..ترى اذا ما سكتي انتي وخشمك المفعوص لا ازوده على اللي فيه سامعه"ومطيره عيونها فيها"
الا باب المطبخ الخارجي ينفتح ويدخل طلال ومعاه دلال القهوه...
طلال: خير وش هالصراخ<<ما يدري انها عبير..
ولما دخل وشاف اللي تصارخ:عبير!!!!!!
عبير وجهها تلون بألوان خشبيه من الفشيله:طلال....!!
طلال حط الدلال: وش فيك تصارخين..
عبير تدور حجه: تخيل....تخيل....ان الخدم لحد الان ما ضيفوا الحريم..
طلال يهديها:طيب ما عليه بس لا تعصبين وترفعين ضغطك..
عبيرتمثل: مثل ما انت عارف اني حريصه واحب كل شي يكون تمام..
طلال ابتسم لعبير ابتسامه تدوخ: والله انك سنعه وخطيره بعد...
عبير بتدوخ من الابتسامه:ااااااا..الله يسلمك ويخليك...
طلال قرب منها ووده يسولف: المجلس داخل مليان؟؟
عبير توترت من قرب طلال: ايه يعني...مليان شوي...
طلال : وكيفك انتي؟؟
عبير تعدل حجابها من التوتر: الحمد لله تمام..وانت كيفك؟؟
طلال ابتسم: بخير دامك بخير...
عبير تطالع عيونه تتأكد وش يقصد من الاهتمام هذا..وتسأل في نفسها"والعنود وش كانت" لانها طالعت نظرات حب في عيونه..تقراهم وتحس فيهم..عيونه تتكلم بكل اللي في نفسه..
طلال يحس بمشاعر تدخل لقلبه وتهزه..بس هالمشاعر ماهي غريبه عليه ولا جديده..قد حس فيها مع شخص واحد...واحد بس...انتي يا عبير...
عبير ابعدت عيونها عن عيون طلال لانها لو طولت تحس انها راح تحترق..وقطعت الصمت اللي بيذبحها: انا.....انا رايحه تبي شي....
طلال: لا سلامتك...
عبير لفت بتروح بس وقفها..
طلال: عبير..
عبير وقفت شوي بعدين لفت وفوق راسها علامة تعجب:آمر..
طلال: ما يامرعليك ظالم بس حبيت ا قول لك انتهبي لنفسك..زين..
عبير تحس قلبها يرقص من الفرحه وابتسمت: تسلم وانت كمان انتبه لنفسك..اوكيه..بااااي..
طلال: باااي..
لفت عليه نفس الخدامه اللي صرخت عليها عبير: بابا...انت في هب مال هذا بنت...
طلال لف عليها وراحت ابتسامته من وجهه لما شاف وجهها: وانتي وش عليك...
الخدامه تغمز له: انت واهد هيلو وكويس مافي ياخذ وهده مو كويس..وشوف انا مررررررره واجد كويس..
طلال كشر في وجهها: خدامات اخر زمن..تقلعي هناك قبل لا اخليك علبة بيبسي انتي وهالوجه...
وراح لمجلس الرجال...
عبير رجعت للبنات فاتحه فمها من الفهاوه..
العنود: وش كانت امي تبي منك...؟
عبي جلست: تبي قلبي...تبي روحي...تبي عقلي..
العنود: وش فيك محششه..
عبير تضحك: ههههههه تصدقين يا العنود اني اموت ..اموت..اموت فيك يا بعد عمري انتي..وحياتي وكل امالي وروعة سنيني...
العنود رزت كتفها: احم احم..ما يحتاج كل هذا لاني واثقه من نفسي..
ريم: لالا بجد و فيك؟؟
عبير:لا تسأل يا خل عن الحال..لانك لمن سألت تزيد اوجاعي..
ريم: لالا البنت خلاص قولوا عليها السلام...العنود ترى فتحوا عندنا مجمع الامل للطب النفسي ودوها له..
العنود: عندك رقمهم خليني اخذ لها موعد عندهم...
ريم تستهبل: ايوه...سجلي عندك..
عبير: هيه هيه انتي وياها وش تسجل عندها..
ريم: شفتي اصلح ادخل علم نفس..هذا يسمونه العلاج بالروعه..
العنود: يقطع ابو الاسم يا شيخه..بس بصراحه رزتك تنفع دكتوره نفسيه..
ريم: الله يسلمك ويسمنك..
العنود: اكثر من كذا وش اصير...
ريم: تصيرين غساله اتومتيك..
العنود:لا تخلينا نبدا...
ريم:لالا مو قدام الناس..
وكملوا سهرتهم وتعشوا وودعوا فجر لانها بتسافر لندن مدينة الضباب..وكل عائله راحت بيتها...
&&&&&&&&&&&&&&&&&&&&&&&&&&&&&

 

 

[اليازيه]

بيت ابو فواز..
نوف: يالله كرهت بيتنا ماعاد صرت احبه لان فجر مو فيه..هي والله فجر بيتنا ونوره...
طلال رحمها: وانا وين رحت مو اخوك بعد...
نوف وعيونها مليانه دموع: الله يخليك لي...بس انت ولد تروح وتطلع وفجر اختي بعد عمري والله...
طلال: روحي نامي عند وحده من البنات...
نوف: وين اروح...
طلال: روحي لشجون اكيد لحالها وحالتها مثل حالتك..
نوف: شكلي بكره بشيل اغراضي و اروح عندها..
طلا ل: مو تطولين ترى مقوى على غيابك...
نوف: تسلم يا بعد قلبي انت..يله تصبح على خير...
وطلعت نوف غرفتها...وطلال راح لغرفته اللي مازالت تحت عشان الجرح الي في بطنه ما يتحمل ضغط عليه..وزاد عليه بعد الرقص في زواج فجر...
انسدح على سريره قبل لا يبدل ملابسه...
طلال: آآه يا عبير هبلتي فيني...والله اكتشفت اني احبك..بس العنود وش كانت احس اللي معها يمكن اعجاب..اكيد اعجاب لانها الفتت انتباهي والله وقدرتي يا العنود تجريني على وجهي..حبيتك بعدين رميتيني...اخ يا العنود صدمتيني صدمه قويه...ياترى تركتيني عشان عبير صدق ولا هذا عذر لك..طيب عبير تحبني!!! وحتى اذا كنت ما تحبني بأخليها تحبني غصب
ونام هو ما بدل ملابسه...<<نوم العوافي..

&&&&&&&&&&&&&&&&&&&&&&&&&&&&&
فجر تجهز شنطتها وفيصل جالس على السرير يراقبها وهي متوتره منه...
فيصل: فجر..ودك تسكنين في بيت اهلي ولا بيت لحالك...
فجر: مع اهلك احسن...وبعدين حرام امك لحالها..شجون اكيد ربي بيرزقها وتتزوج وتتركها لحالها...
فيصل ابتسم: الله لايحرمني منك...والله كبرتي في عيني...
فجر ابتسمت: اقول متى طيارتنا...
فيصل: بعد ساعتين..ما خلصتي..
فجر: الا خلصت"وسكرت الشنطه" يله هذا انا جاهزه..وش رايك نروح نودع اهلك واهلي وبعدها نروح المطار...
فيصل: شورك وهداية الله..الحمد لله ان ربي معطيني زوجه عقلها يوزن بلد..
فجر: ترى يكبر راسي..
فيصل: يحق لك والله...
فجر: يله مشينا...
فيصل: مشينا...
وراحوا بيت ام فيصل..وصار مناحه..ام فيصل تبكي وشجون تشاهق بكي ومعاهم فجر.. وفيصل يهديهم..وبعد ساعه صياح ونياح طلعوا وراحوا كملوا في بيت ابو فواز ..وصدق صار نياح مو طبيعي نوف ام فواز وفجر ولين وبدور كملتها عليهم..وبعد ما طلعوا من عندهم توجهوا للمطار ومعاهم فواز وطلال..والعيال جاو يودعون فيصل...وبعد الوداع..ركبوا طيارتهم وفجر مازالت تبكي بس بصوت واطي...
فيصل: بس يا فجر تكفين..قطعتي قلبي..
فجر والدموع اربع اربع: اهلي يا فيصل اهلي..
فيصل يبي يطلعها من جوها: وانا وش اصير يا فجر..
فجر تطالعه: انت زوجي وحبيبي وهم اهلي..
فيصل: طيب عشان خاطري وقفي دموع..
فجر تحاول تسكت عشان فيصل: بأحاول..
فيصل: والله يا قلبي دمعتك غاليه عندي..
فجر تحاول تبتسم: الله يخليك لي يا فيصل ولا يحرمني منك..
فيصل: ايه كذا تطلعين احلى...
وكملوا رحلتهم..وتخللها بعض الضحك ولا تخلوا من اللقطات الرومنسيه...
وصلوا واخيرا لندن..واول ما طلعوا من المطار ضربهم الهوا على طول فا كشوا منه...
فيصل عليه جاكيته: برد ولا؟؟
فجر وهي تسكر جاكيتها الفرو الطويل:الا برد..
فيصل فتح شنطته المعلقه على كتفه..وطلع "ايس كاب" واحد عطاه فجر وهو لبس واحد..
فجر طبعا ما عليها عبايه ولبسته وكان ملون كل الالوان: شكلي حلو...؟
فيصل يطالعها وهم يمشون وابهرته..طلعت اصغر ماهي صغيره كأنها طفله خدودها ورديه..وخصل شعرها وجهها ..وشعرها منثور على اكتافها..وطبع بوسه على خدها: تهبلين يا قلبي..
فجر ابتسمت وصارت تطالعه..رجال بكل ما تحمله الكلمه من معنى...بجاكيته الاسود وقميصه الابيض الصوفي..وبنطلونه الاسود وغير الايس كاب اللي محليه اكثر واكثر...
فيصل: شوفي سيارتنا...
كانوا متفقين مع مرشد سياحي...
فجر: يله بسرعه خلنا نروح له والله البرد ذبحني..
فيصل: سعوديين اصليين صح..
فجر تضحك: مالنا غنى عن شمسنا..
وركبوا السياره وراحوا فندقهم ..وحطوا شناطهم وبعدها طلعوا مره ثانيه..تمشوا في كل مكان وتعرفوا على معالم لندن وكانت الاجواء خياليه...انبسطوا وفرحوا والابتسامه ما فارقتهم وهم مع بعض..وقدرت الايام تسعدهم وتجمعهم وتفرحهم <<عساه دووم..
وتعشوا ورجعوا وهم هلكانين وناااااموا على طول..
"بالنسبه لدراسة فجر قررت تاخذ اجازه من المدرسه اسبوعين اللي هي شعر العسل وبعدين ترجع تكمل..ورافضه فكره انها تعيد السنه"
مرت الايام سريعه ما يتخللها الكثير من المواقف لنذكرها..حتى ايام لندن مرت سريعه على العروسين ورجعوا اخيرا لارض الوطن..

&&&&&&&&&&&&&&&&&&&&&&&&&&&&&
بعد اسبوع
في بيت ابو فواز...
كان الكل جالس...ابو فواز وام فواز ونوف وطلال وفواز وبدور وعيالهم..والوقت المغرب...
رن التليفون..
ام فواز وهي تشرب الشاي: نوف قومي ردي عليه...
نوف: ان شالله...الووو..هلا والله...ايوه هذا بيت ابو فواز ايوه...امي ..لحظه شوي...يمه وحده تبيك..
ام فواز: مين...؟
نوف: ما قالت مين...
ام فواز: الووو...
.......: الوووو..انتي ام فواز..؟
ام فواز: ايوه معاك..
........: كيفك وشلونك عساك بخير..
ام فواز: الحمدلله تمام...بس مين معاي..
.........: انا ام نواف...
ام فواز: هلا والله وغلا كيفك وشلونك..
ام نواف: الحمد لله تمام...
ام فواز: والله يا وخيتي تراني ما عرفتك زين..
ام نواف: ادري انك ما تعرفيني...
ام فواز: امري يا ام نواف...
ام نواف: والله يا ام فواز...انا ولدي نواف صديق عيالك..
ام فواز: هلا والله ومسهلا...
ام نواف: الله يحييك ويخليك...والله ان وليدي نواف يمدح فيكم وما يذكركم الا بالخير والزين..
ام فواز: تسلمين والله...
ام نواف: وانا يا ام فواز جايه اطلب القرب منكم والنسب..
ام فواز: والله هذي الساعه المباركه..ولنا الشرف والله..
ام نواف: والله انا مذكوره لي بنتكم نوف وادري انها صغيره على الزواج..
ام فواز: وانتي الصادقه يا ام نواف هي صغيره ..
ام نواف: عشان كذا ودي نتفق إنا وياكم على انها تكون خطبه بس لحد ما يكتب الله..والله اني ما قبلت ازوج ولدي وهو صغير ولا اخطب له..الا لاني خايفه انها تروح منا..
ام فواز: والله ما ادري وش اقول لك يا ام نواف..
ام نواف: انتي شوفي راي ابوها ورايها هي...وردي علي..
ام فواز: الله يكتب اللي فيه الخير لأثنينهم..
ام نواف: بس متى اخذ الرد سواء موافقه ولا لأ راح تبقى المعزه في القلب...
ام فواز: ان شالله خير...والرد عندك بعد اسبوع..
ام نواف: اجل ما اطول عليك...تامريني بشي..
ام فواز: سلامتك..مع السلامه...
كل الانظار كانت على ام فواز..
فواز: يمه مين كنتي تكلمين..
ام فواز ابتسمت: هذي وحده تخطب نوف...
نوف مصدومه: انااااااااااا؟؟؟
ام فواز: ايه انتي يا بعد قلبي اكيد يا عمري عجبتيهم..
طلال: طيب يمه نعرفهم.
ام فواز: والله هي تقول ان ولدها صديقكم..
فواز: ومن هو؟؟
ام فواز: قالت اسمه..نواف...
طلال فرح: نوااااف..فواز تذكرته..
فواز سمع اسمه كشر: وش يبي هذا؟؟
نوف بس سمعت الاسم وقف شعر جسمها وسكتت...
طلال: وش فيك عليه؟؟
فواز: ايوه يمه وش قالوا..؟
ام فواز: تقول بتخليها خطبه عشان نوف ما تروح منهم..
فواز: انا ماني موافق...
ابو فواز وقف: الراي الاول والاخير يرجع لنوف...
فواز: بس يبه....
ابو فواز: انا ابوها ما عندي مانع اذا كان الولد رجال وما ينعاب..وبعد رايي يجي راي نوف وبس..طلال وش رايك بالرجال..
طلال: والله هو رجال والنعم فيه وما ينعاب..
ابو فواز: بنسأل عنه اكثر مع اني شايف الولد بس نتأكد والله يكتب فيه الخير"وقرب من عند بنته وقال بحنيه"..وانتي يا نوف فكري على راحتك وقرري باللي انتي مقتنعه فيه وانا ابوك..
نوف ما بعد استوعبت اللي صار: ان شالله..
ام فواز دمعت عيونها: والله كبرتوا يا بناتي وصرتوا حريم ورحتوا وخليتوني...
نوف راحت لعند امها وضمتها: ما راح اخليك..
ام فواز: هاو يمه..البنت ما لها الا بيت زوجها ..وانتي الحين صرتي حرمه وما يعيبك شي..بعدين تراها خطبه بس...
نوف تطالع امها: وانتي وش رايك..
ام فواز: انا مع اللي تقوله بنتي حبيبتي...
فواز طلع معصب لغرفته ولحقته بدور...
بدور وهي تسكر الباب: وش فيك فواز...
فواز جلس على الكنبه:وشلون الحقير تجرى وخطب اختي...
بدور: ليه شايف عليه يا فواز شي ماهو زين..
فواز حط ايده على راسه: بدور خليني بروحي شوي..
بدور تدري انها ما راح يقول لها شي..:على راحتك..
وطلعت وخلته في حيرته..
فواز في نفسه"الحقير الوسخ..اكيد يبي يقهرني في اختي...بس هالزواج ماراح يتم لو على قص رقبتي..وانا لك يا نواف الوسخ.."

&&&&&&&&&&&&&&&&&&&&&&&&&&&&
طلعت نوف غرفتها وهي تفكر..اول شي هي مو مقتنعه بفكرة الزواج..ثاني شي مصدومه من خطبة نواف لها هي بالذات من كل البنات..ثالث شي واللي ذابح مخها من التفكير فيه..هو فواز ورفضه لنواف..
رمت نفسها على السرير ورمت مع جسدها دمعه نزلت من عيونها...
نوف: وينك يا فجر رحتي وخليتيني..الحين انا محتاجه لك تعالي يا اختي محتاجه لك..
رن موبايلها وطالعت الاسم وحصلته اختها اللي كانت تناديها وتستنجد فيها من شوي وكأنها سمعتها...
نوف حاولت تضبط صوتها: الووو
فجر: هلا والله وسهلا بزينة البنات..
نوف ببرود شوي:هلا فيك..
فجر سكتت ما تعودت اختها كذا...
نوف: الووو فجوره وينك..؟
فجر: الوو معاك يا قلبي...نوف فيك شي..
نوف بكت: فجر انا محتاجه لك..
فجر اخترعت: وش فيك يا نوف ..صاير معاك شي..
نوف: تقدرين تجين عندنا...
فجر: اكيد يا قلبي دقايق وانا عندك..
&&&&&&&&&&&&&&&&&&&&&&&&&&
فجر استأذنت من فيصل وراحت سيده لبيت اهلها عشان اختها ودلوعتها نوف...
دخلت فجر بيت اهلها مستعجله ومتخربطه ومتوتره..
حصلت امها جالسه وراحت لها بسرعه: يمه..
ام فواز لفت: مين فجر....هلا والله وغلا..
فجر سلمت على امها وجلست جنبها: وين نوف؟؟
ام فواز: في غرفتها..؟
فجر: وش فيها نوف؟؟
ام فواز: ما فيها شي...ليش؟؟
فجر: ما ادري متصله علي وتقولي تعالي بسرعه...
ام فواز ابتسمت: يمكن عشانها خايفه من الزواج....
فجر مصدومه: الزواااااااااج؟؟
ام فواز: ايه اليوم خطبوها ناس..
فجر صارت تردد كلام امها: اليوم خطبوها ناس؟؟
ام فواز: ايه..نواف صديق طلال.
فجر: اها..عرفته..وهي وش قالت..مو كأنها صغيره..
ام فواز: الله واكبر عاد تراها اصغر منك بسنه..
فجر: انا اقوى منها..يمه نوف احس انها صغيره وضعيفه وغير كذا حساسه ودلوعه..
ام فواز:بتتغير مع الوقت وبعدين هم قالوا خطبه بس والزواج مؤجل واحتمال كم سنه..
فجر: لهدرجه خايفين تروح منهم..
ام فواز: يحق لهم..نوف زينة البنات..وين راح يلاقون مثلها بعد قلبي والله...
فجر: اوكي يمه بروح اشوف وش عندها..
ام فواز: اقنعيها يمه..
فجر: ما راح اضغط عليها..بس بوضح لها..
وراحت لغرفة نوف ودخلت عندها...نوف شافت اختها وعلى طول راحت لحضنها...
فجر تضحك: طيب بشويش بطيح..
نوف تضربها: لا تروحين وتخليني...
فجر بعدتها وغمزت لها: وهذ وانتي بعد بتروحين.
نوف: امي قالت لك..
فجر: ايه توها قايله لي...
نوف: وش رايك انتي؟؟
فجر: الراي رايك هذا اول شي"وجلست على السرير وجلست معها نوف"..ثاني شي استخيري..ثالث شي تذكري انها خطبه والزواج الله اعلم متى راح يكون..يعني فكري في كل شي.
نوف: بس انا ما افكر بالزواج..
فجر: يعني انا كنت افكر بالزواج...اصلا تزوجت وانا ما بعد استوعبت..
نوف تضحك: صدق انك مخفه...
فجر: عن الطنازه...
نوف: طيب وش اللي خلى نواف يخطبني انا بالذات...
فجر تقرص خدها: اكيد يا قلبي اللي يشوفك بيدوخ عندك..وانتي اكيد دوختيه وهبلتي فيه لدرجه انه خايف انك تطرين منه...
نوف: طيب في شي ثاني...
فجر تكتفت: وش بعد!!
نوف: فواز..يوم عرف بالسالفه وخصوصا لما درى انه نواف اعترض..
فجر عقدت حواجبها: فواز اعترض على نواف ليش؟؟
نوف: وهذا اللي محيرني وانا بصراحه اذا فواز مو موافق انا ماراح اوافق..
فجر: ابوي وش قال..؟
نوف: قال الراي الاول والاخير لي...
فجر: تتوقعين في سبب مقنع يخلي فواز يرفض..
نوف: اتوقع عنده اسبابه...
فجر: بس لازم نعرفها...
نوف: وش رايك نسأله...
فجر: مصدقه يقول لك الا اذا كان شي ما ينسكت عنه..
نوف: اجل وش نسوي...
فجر: خبر اليوم بفلوس بكره بلاش....
نوف برضا: على قولتك....
فجر: احلى يا العروسه..وتصرين مثلي حرمه..
نوف: هههه والله ما تخيل شكلي حامل ولا شايله بزر...
فجر: تصدقين ما تخيلت شكلي حامل...
نوف: اقول وش تتوقعين ردة فعل البنات...
فجر: عبير بتنجلط...العنود في العنايه المركزه..ريم في الانعاش..طبعا كل هذا عشانهم ما عرفوا السالفه من قبل مثل يوم زواجي...
نوف: والله انهم نذلات..يوم اخطبك فيصل عارفين ولا قالوا شي...
فجر: ولا ويضحكون ويتطنزون علي بعد...
&&&&&&&&&&&&&&&&&&&&&&&&&&&

 

 

[اليازيه]

في بيت ابو مشاري
ام مشاري: نوف انخطبت..
ريم واكبر علامة تعجب تأشر فوق راسها: نعم وش قلتي؟؟؟
ام مشاري: نوف انخطبت وامها توها متصله علي تقول لي...
ريم تبي تستوعب:نوف....انخطبت.......كيف؟
ام مشاري: ريم روحي استوعبي هناك الله يعافيك...
ريم وهي تمشي وتحاكي نفسها وصقعت في محمد اخو سليمان كان طالع من دورة المياه"الله يكرمكم"
ريم: نوف تنخطب كيف......آآآآآآآآآآآآآآآآه..وجع وجع كل هذا عمى..
محمد: اخ..يعني ما تشوفين قدامك... ولا تحاكي نفسها المجنونه..
ريم: محمد تراني محترمتك لان شخص عزيز علي تصير انت اخوه...
محمد: يا خال ابوي حك ظهري..وش له المشاوير..قول مها وخلاص...
ريم: مو شرط مها...
محمد: اجل مين امي...
ريم: حضرتك تستخف دمك...
محمد: لا استظرف...ههههههه..
ريم: وخر واللي يعافيك ترى اللي فيني مكفيني..
محمد يبي يعرف وش فيها: ليش وش فيك..
ريم انطلقت عليه: تخيل يا محمد نوف انخطبت وبدون ما ندري ولا نحس ولا من مين من نواف..صديق اخوك..تخيل كل هذا وانا اخر من يعلم...
محمد لما عرف السالفه: صدق بنات عقولهم صغيره..على بالي عندك سالفه....
ريم استوعبت انها تحاكي محمد: الله واكبر عاد يا ابو العقل...
محمد: روحي روحي بس..
ريم وصلت معها من اسلوب محمد: محمد عدل اسلوبك احسن لك..
محمد يبي يرفع ضغطها: انتي بنت ولا شي ثاني..؟
ريم انفجرت: شي ثاني هاه....هين اوريك...
وصارت تلحق محمد...ومحمد ينحاش منها ويهبل ويلعب فيها...لحد ما دخلوا مجلس مشعل..وكان فيه مشعل وفهد..
ريم: تعال هنا عشان اعلمك الادب...
مشعل وقف وراح لعندها ومسكها: خير خير ان شالله تلاحقين العيال...
ريم: خلني اربيه اللي ما يستحي على وجهه..
مشعل: اقول روحي هناك وحطي حرتك في الجدران مو في الولد...
ريم بتهديد: الحين تعبت يا محميدوه بس المره الثانيه اللي بياخذ حقي منك واحد ثاني عشان تعرف ان الله حق<<تقصد سليمان...
محمد يطلع لسانه: اعلى ما في خيلك اركبيه...
ريم صرخت: اوووووووووووه..هين اوريك والله ما اسكت لك وطلعت وهي معصبه ورجلها تخبط في الارض..وقابلت مشاري...
مشاري: ارحمي الارض اللي تمشين عليها..
ريم معصبه وماشيه: ما عليك مني..
مشاري: والله بنات اخر زمن...في زمن محد يحترم احد...
ريم طالعته ومشت وخلته وراحت عند رغد.. وفتحت الباب بقوه وصارت تتكلم بصوت عالي اشبه بالصراخ..رغد نقزت من مكانها من الخرعه..
ريم: شفتي وش صار نوف انخطبت من نواف ووصلت معاي..ويجي هذا البزر محمدوه ويكملها علي ويقول عني مجنونه..وخلصنا من هالاثنين يجي مشاريوه ويكملها بعد..ما ادري وش اوس بعمري اذبح نفسي وارتاح ولا اطب من الشباك وافتك ولا وش اسوي علميني وش اسووي...
رغد انسدحت من الضحك: هههههههههه صادرق محمد يوم قال عنك مجنونه..
ريم: رغد والله مالي خلقك...
رغد تضحك: وش اسوي فيك...الا صدق نوف انخطبت...
ريم مقهوره: ايه...
رغد: متى؟؟
ريم: اليوم..
رغد: طيب ليش منقهره...
ريم: لاني اخر من يعلم...
رغد كاتمه ضحكتها عشان ما تعصب: طيب هذاك عرفتي..
ريم: انا بروح اشوف عنيد احسن لي...
وراحت ريم ومسكت التليفون واتصلت على العنود...
ماجد: الوووو..
ريم وهي مالها خلق: وين العنود...
ماجد مستقصد: وعليكم السلام...الحمد له بخير وانتي؟؟
ريم: ماجد والله مالي خلقك وين العنود...
ماجد: لهدرجه الوضع متأزم عندك...
ريم: اكثر من كذا والله..وين العنود بس...
ماجد رحمها: طيب ثواني وهي عندك...
بعد ثواني...
وليد: الووو.
ريم: مين ماجد ولا وليد....
وليد: انتي مين؟؟
ريم: اكيد وجه النحس وليد وش تبي متليقف...
وليد: كنت احسبك القمر وطلعلي الشمس...
ريم: وليد ترى محد فاضي لك...
وليد: اصلا انا اللي ما ابيك...
جات العنود وخذت السماعه: الووو
ريم: هلا والله العنود..
العنود: وش عندك...يقول ماجد موصله معاك..
ريم: ما دريتي عن اخر خبر..
العنود: لا والله ما سمعت شي جديد...
ريم: نوف خطبها نواف...
العنود ما استوعبت: وش قلتي؟؟؟
ريم: نوف خطبها نواااااااااف..
العنود: لالا تمزحين...
ريم: والله من شوي متصله عمتي على امي تقول لها...
العنود انقهرت: واحنا اخر من يعلم...
ريم: شفتي عاد...
العنود: هذا شي ما ينسكت عنه...<<ما ادري وش بتسوي
ريم: وانتي الصادقه...
العنود: بس وش نسوي...
ريم: في ايش...
العهنود: في خطبة نوف...
ريم: ناكل شوية هوا ونسكت...
العنود: قهر والله قهر ما انبسطنا مثل خطبة فجير المراهقه...
ريم: حتى ما حسينا ان نواف يحب نوف ولا أي شي من هذا القبيل..
العنود: صادقه وبعدين نواف وصديقه ما جلسوا معنا كثير عشان يمديه يتعلق فيها...
ريم: وهذا اللي محيرني...بس سمعت شي...
العنود: وشو؟؟
ريم: ان فواز مو راضي عليه...
العنود: ليش؟؟
ريم: ما ادري حتى امه ما تعرف...
العنود وترفع وحاجبها: عاد مافي شي يخفا علينا...
ريم: ولا يهمك عارفينه عارفينه وقبل الكل طبعا...
العنود: وش رايك ما دامنا ما انبسطنا يوم انخطبت خلينا نروح نطفر عيشتها ونفلها...
ريم: يله معاك...
العنود: اوكيه الوعد هناك..باي....
&&&&&&&&&&&&&&&&&&&&&
محمد: والله اختك منتهيه...
مشعل: من زمان وهي منتهيه بس ما لقينا لها قطع غيار هههههه
فهد: هههههه والله لو تدري عنك فجرت فيك...
محمد: ما عليك منها...اقول مشعل من زمان عن لين...
مشعل : اسكت لا تجي الحين..تراها كذا تحس من الله...
والا فعلا بدخلة لين..
لين: هاااااااي...اشتقت لي شعول..
مشعل حط ايده على راسه: قايل لك قايل لك...
فهد: لو انك جايب طاري المليون احسن من هالطاري...
جات لين وجلست جنب مشعل: ما قلت لي اشتقت لي...
مشعل وهو يبعد عنها شوي: الا اشتقت لك..
لين تقرب جنبه: وش بعد...
محمد جاء وخرها وجلس بينهم: وبعد انك توخرين عن الولد شوي...
لين عصبت: وش عليك مني...
محمد بصوت عالي: ما عندنا بنات يرفعون اصواتهم على الرجاجيل..صدق بنات ما تستحي...
لين: مشعل شوفه...
مشعل سكت وحاط ايده على خده ..لان المشاكل اللي بينهم لا نهاية لها...
فهد: لين...خلاص اجلسي معانا وانتي ساكته ومؤدبه...
لين: شكل محد يفهمني الا انت..
فهد خاف تلزق فيه: ايه ايه بس من بعيد لبعيد...
لين خنقتها العبره: حتى انت...
مشعل: واللي يرحم والديك لا تبكين..
لين: انت ما تحبني..واااااااااااااااااع..
العيال حطوا ايديهم على اذانيهم من صراخها لانها مستحيل توقف لو يمر يوم كامل وهي تبكي عادي...
مشعل يصارخ عشان تسمعه: لين اسمعيني...اسكتي شوي..
لين: واااااااااع..
محمد حط ايده على فمها: اسكتي فقعتي اذني..وجع كأنها جرس انذار..
فهد: حلوه منك..
مشعل: اسمعيني شوي يا قلبي يا حبيبتي...
لين هدت شوي بس ما زالت تتعبر..
مشعل: انتي كبيره مو؟؟
لين هزت راسها بالايجاب..
مشعل: حلوو...الكبيره ما تبكي صح...عشان كذا اجلسي هناك وتفرجي علينا وشجعيني عشان افوز لعيونك انتي بس...
لين: اوكيه..
وراحت وجلست بالمكان اللي اشر عليه مشعل...
محمد: شااااااااطره البزر...
مشعل نغز محمد: تكفى اسكت عنها...
محمد: خلني اهبل فيها شوي...
فهد: فكنا واللي يرحم والديك...
&&&&&&&&&&&&&&&&&&&&&&&&&&&&&
عبير: نوف بتتزوج قبلي..
العنود: الشكوى لله عاد..
عبير: وهذا وانا اتميلح عند الحريم ما انخطبت..وهالدلوعه انخطبت..
العنود: عاد قولي ما شالله لا تصكينها بعين...
عبير: امزح امزح اصلا عادي تتزوج قبلي بس شلون ما سمعنا بالخبر او حسينا بشي...
العنود: وهذا اللي فاقع مرارتي..عشان كذا بروح افقع مرارة نويف...
عبير: اجل اليوم بنضحك عليها ضحك..
العنود: اجل يله...
عبير: يله..
واجتمعوا في بيت عمتهم ام فواز...وفي غرفة نوف بالضبط..
ريم: مبروك يا الشينه...
نوف: الله يبارك فيك يا الزينه...
رغد: مبروك يا قلبي...
نوف استوعبت: بس انا ما وفقت..
عبير: ولو مقدما...
العنود: نوف اجل بتتزوجين حركاااات هاه...
نوف استحت: قلت لكم ما بعد صار شي...
ريم: بتصرين مثل فجر هاه وحركات نص كم مثل اختك..
العنود: وحموله وحاله وعزايم وزواج ومسؤليه...
نوف خافت شوي: قلت لكم ما بعد قررت...
عبير: الله يعينك يا نويف تجهيز وحوسه...
رغد: حرام عليكم عقدتوها..
نوف: اصلا ما اسمع لكم وما تأثرون فيني...
العنود: تخيلي رجال غريب ما تعرفينه يجي يشوفك ويتملك عليك..
نوف خافت جد: لالا خلاص ماني موافقه..
دخلت فجر: وش تسون بأختي..
رغد: الحقي على اختك تعقدت من الزواج وطاحت في كبد امك..
فجر: عنيد رويم اعقلوا عنها مسكينه اصلا هي خلقه ما ودها توافق.
ريم: ليش؟؟؟
فجر: عشان فواز...
العنود: وليش فواز مو موافق..
فجر: علمي علمك..
&&&&&&&&&&&&&&&&&&&&&&&&&&&&&&&&&
فواز مسك موبايله ودق الرقم...
فواز: الووووو
.......: نعم..
فواز: انت نواف...
نواف: ايوه معاك نواف.....مين معاي

 

 

[اليازيه]

الجزء التاسع والثلاثون
""الفصل الثاني""
فواز مسك موبايله ودق الر قم...
فواز: الووو
.....: نعم..
فواز: انت نواف..
نواف: ايوه معاك نواف....مين معاي..
فواز يتطنز: معاك فواز اخو خطيبتك...
نواف ارتبك: فواز هلا والله وغلا..
فواز: الله لا يهلي فيك يا اللي ما تسحتي على وجهك وتخطب بنات الناس...
نواف: فواز اسمعني بالاول...
فواز: اسمع لواحد حقير ونذل يخطب اختي عشان يقهرني بس..
نواف: فواز انت فاهم الموضوع غلط..
فواز: يله صححي لي اشوف....
نواف: ادري اني غلطان لما كنا بالشاليه وانا اسف وحقك علي..وهذا انا جاي اصلح غلطتي واخطب اختك..ومو بس عشانك عصبت علي او عشاني خايف منك لا..لاني بجد ابي القرب منكم وانا رجال شاريكم..
فواز وده يقتنع:مو علي هالحركات...
نواف: فواز لايعمي عيونك الغضب...وانا مافي نيتي أي شي عليكم ولو كنت العب صدقني ما كنت خطبت اختك او اهتميت بالموضوع من اساسه..
فواز: الخلاصه..
نواف: انا ابي لما اجي اخطب اختك تكون راضي علي ولا في قلبك أي شي علي...
فواز: طيب واذا اكتشفت انك تلعب بذيلك...
نواف: سو اللي تبي فيني حلال عليك...فواز صدقني انا ابي بس القرب وما ابي أي شي ثاني وهذا النسب يشرفني وارفع به راسي...
فواز: الايام تثبت ان شالله...
نواف: اكيد راح تثبت لك الايام عكس اللي في بالك...هاه صافي يا لبن..
فواز عشان خاطر اخته..ولمس الصدق في كلامه: قشطه يا عسل..
نوف: اخبارك يا لنسيب..
فواز: ترى ما بعد ردينا عليكم..
نواف: بنشب لكم لما توافقون..
فوازضحك وفي باله الحق الكذاب الي باب الدار:ههههههههههه

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
من بكره في مدرسة العيال...
نواف جاي للعيال: هلا بالشباب..
الكل: هلا فيك..
نواف: ابشركم خطبت...
تركي: بجد ومن هي اللي داعيه عليها امها هذي..
نواف: تركي احترم زوجتي ما ارضى عليها...
سليمان: نوافوه من هي..؟
نواف: اخت طلال وفواز...
تركي: تقصد نوف...
نواف: ايه..وبعدين عيب تجيب طاري حرمتي قدامي...
سليمان: لا يا الواثق اللي بتوافق عليك...وبعدين شلون تفكر تتزوج وانت ما اشتغلت...
نواف: انا بس بأخطب واول ما تخرج من الثانويه بأتوظف وظيفه مضمونه...
سعود: نواف مخطط على كل شي وجاهز..
تركي: وانت يا القوطي داري بالموضوع..
سعود: ايوه داري....
سليمان: هههه معترف انه قوطي..
تركي: خيركم من عرف قدر نفسه..
سليمان: وقدر نفسك قوطي بيبسي ههههههه حلوه..
سعود: تنطنزوا علي يا الشيون..
سليمان: احلى يا العريس...
تركي: مع اني متاكد اذا نوف بتشوف وجهك بتهج مع الباب...
سليمان: هذا اذا ما طبت من فوق الجدار من الخرعه...
نواف: انا بروح واترك لكم المكان..
تركي: هههههههه آآآه يا بطني واالله بطني...
سعود: خذني معك...
سليمان: وين بتروحون ههههه..
نواف: مكان ما اشوفكم فيه..
تركي: روح يا الدرج مع قوطي البيبسي اللي معاك ههههه.
سليمان: هههههههه خلاص تروك والله بطني...
تركي ياخذ نفس: آآآآآه يا قلبي والله تعبت وانا اضحك..
سليمان: يا حليله خطب واحنا ما حركنا ساكن..
تركي: انت اصبر شوي لما تهدى الاوضاع بعدين نخطب انا وياك في ليله وحده...
سليمان: شكل هالليله ليلة نحس...
تركي: ليش؟؟
سليمان: لانك معي هههههه.
تركي: يعني مسوي قلبت علي لا افرشك فيذا..
سليمان: لا خلاص باسكت...
تركي: ما بقى الا الاولاد يتمسخرون علي...
سليمان: ولد في عينك...
تركي: امش امش ترى علينا ريضيات وكبدي لايعه منه ومن ريحته...
سليمان: ليش وش ريحته..
تركي: يا اخي ريحة شرّابه الله يقرفه..(والشرّاب هو الجورب)
سليمان: هههههه الله يلوع كبدك يا شيخ..
تركي: والله ما عاد اشوف معادلات اشوف شرابات...
سليمان: ههههه امش خلنا نهبل فيه..
تركي: والله لفشله قدام الطلاب...
سليمان: يله عليك به...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
نوف كل يوم تستخير وتدعي ربها انه يقرب لها اللي فيه الخير ويبعد عنها اللي فيه شر واذى عنها..لحد ما قررت واخيرا في ذاتها بس باقي تبلغ الكل عن القرار اللي اتخذته...اول شي راحت لعند فواز...
وضربت باب غرفته..
فواز: مين؟؟
نوف من ورى الباب: فواز ممكن شوي..
فواز: اوكيه لحظه...
وراح فتح الباب وطلع لها: هلا فيه شي..
نوف: اممم ودي اتكلم معاك في موضوع...
فواز: اوكيه"وسكر الباب وراح معاها لغرفتها" قولي يا بعد قلبي وش عندك...
نوف: آآ...كنت ابي رايك في موضوع خطبتي لنواف..
فواز: نوف انا ما راح اخبي عليك..في البدايه كنت رافض لاني كنت اظن نواف راعي حركات اوكي...بس اكتشفت بعدين انه رجال والنعم فيه..وصدقيني ما راح تلاقين احسن منه..
نوف ابتسمت ورتاحت ان قرارها بيمشي: اوكي ومشكور وما تقصر..
فواز: من عيوني الثنتين كم عندي لانا من نوافه..وحده بس اطالع الله ثم اطالعها..
نوف: تسلم والله..
وطلع فواز وهي نزلت تبلغ امها بالقرار اللي قررته...
نوف جلست جنب امها: يمه..
ام فواز: سمي...
نوف: يمه انا قررت بخصوص نواف..
ام فواز: وش قرارك يا قلبي..
نوف: يمه انا موافقه وترى بس خطبه على الاقل سنه كامله...
ام فواز: الله يبشرك بالخير يا بنيتي ويفرحني فيك واخوانك واشوف عيالكم قولي امين...
نوف: امين...
ام فواز: الله يرضى عليك يا بنيتي والله اني مرتاحه لهم وقلبي مطمن من ناحيتهم..
نوف: يمه ترى اهم شي عندي رضاك...
ام فواز: انا راضيه باللي ترضينه يا قلبي....
نوف ابتسمت: الله يخليك لنا يمه ولا يحرمنا من حنانك وعطفك...
ام فواز: ولا يحرمني منكم...

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد: عرفتي يا ريم ليش كان فواز رافض....
ريم ببرود: ايوه...
رغد: من قال لك..
ريم :مصادري الخاصه..
رغد: لالا بجد ريم وش عرفك...
ريم متردده: سليمان قالي...
رغد طيرت عيونها: سليمان؟؟؟؟؟؟
ريم خافت: يعني هو ما قالي قالي ارسل لي مسج...
رغد: وانتي تراسلينه...
ريم: ليه بايعه نفسي..بس ارسلت له عشان اعرف السالفه..
رغد: وش طلع..؟
ريم: لان قد صار لنواف موقف مع فواز بالمره يفشل ونواف طاح وجهه وفواز بغى يذبحه بس سكت له...عشان كذا نواف ما طول بدبي ورجع للرياض بسبة فواز ..عرفتي الحين...
رغد: اهاااا..طيب قلتي للعنود..
ريم: تدري قبلك..
رغد: وليش ما قلتي لي اول..
ريم: انا اول شي اقول للي يتماشون مع فطرتي وانتي غير فطرتي شوي عرفتي..
رغد: اوريك يا النذله..
ريم: سوي الللي تبين ما خفت منك..
رغد: هالبنت بتذبحني كل الناس عقلت الا هي تنهبل زياده..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
يوم الخطبه...
نوف كانت نفسيتها دمار شامل..طول الوقت ترتجف وحرارتها مرتفعه وجهها اصفر..ولا داومت .وغير الالام البطن اللي تحس فيها وطبعا هذا بفضل العنود اللي الليله اللي قبلها مسويه لها لليلة رعب بس تخوف فيها..
دخلت عليها ام فواز وشافتها منسدحه ومتغطيه بالبطانيه..راحت وفتحت البطانيه واخترعت من شكلها...
ام فواز: يمه نوف وش فيك...
نوف تتكلم وشفايفها ترتجف: يمه..خااااااايفه..
ام فواز ابتسمت تبي تهديها: يمه نوف شي طبيعي الخوف بس الشي اذا زاد عن حده انقلب ضده...هاه يمه وانتي وحده كبيره وفاهمه وماله ادعي كل هالخوف..ولا تنسين تراها بس خطبه يعني مو شي...
نوف راحت لحضن امها يهديها ويطمنها: يمه انا ما اقدر ابعد عنك..
ام فواز تمسح على راس نوف: حتى انا يا ماما..بس هذا نصيبك..واذا مو الحين بيجيك يوم وتروحين بيت زوجك يعني فيك فيك..وشوفي ما شالله فجر اختك وزوجها فيصل بسم الله عليهم كنهم طيور الكناري..وعسى زوجك مثله واحسن بعد..
نوف ارتاحت نسبيا ورجع لون وجهها ووردت خدودها: الله يديمك فوق راسي يا اغلى مافي الكون...
ام فواز ابتسمت من بين دموعها: الله يوفقكم كلكم..
&&&&&&&&&&&&&&&&&&&&&

 

 

[اليازيه]

جاء العصر واجتمعوا البنات عندها..رغد اختارت لنوف لبس..شجون قررت تحط لها الميك اب..وفجر تشجعها وترفع معنوياتها بالكلام...والثلاثي طايحين ضحك..
لبست نوف تنوره ميدي(نص الساق) سوداء حرير وفيها شريطه ستان من عند الخصر..وبلوزه بيضا كيوت..وحطت الميك اب ناعم مررره..وسوت لها تسريحه مررره نعومه تناسب نعومة شعرها نعومتها هي ..واخيرا لبست سندل اسود مره انيق...
العنود تصفر: الولد راح ملح...
ريم: شكله بيخليي الزواج بكره...
نوف تلف على نفسها: وش رايكم..
فجر: اكيد بيفتح فمه..
ريم: ليه بعض الناس فتحوا فمهم<<تقصد فيصل..
فجر: فديته صوصو..يوم شافني خق علي..
شجون: احم احم تراني هنا وابعلم اخوي عليك..
فجر: عليمه..حبيبي صوصو ما يزعل علي...
رغد: اقول اقري على نفسك ترى في ناس مشفح..
عبير: شكلك تقصدين نفسك صح...
العنود: اكيد تقصد نفسها ولا شافت نجوم العصر...
ريم: انا اللي اعرفه نجوم الظهر..
العنود: يا بنت الحلال كلها واحد...وبعدين نتاسب الحين احنا العصر..
عبير: عاد العنود وتحريف الامثال شي...

&&&&&&&&&&&&&&&&&&&&&&

دخلت ام فواز: هاه يمه خلصتي..
نوف وقفت وبدت نبضات قلبها تزيد: ايوه خلصت..وش رايك..
ام فواز ابتسمت: قمر يا قلبي قمر..يله انزلي عند الحريم..
نوف: مين جاي من اهله..
ام فواز: امه واخته الكبيره وخالته..
نوف: يله ..وانا وراك..
البنات يحمسونهها: وحده وحده وحده..نوف احلى وحده...
نوف ابتسمت لهم ونزلت ورى امها...دخلت عندهم وهي تحس ان الارض مو ثابته ما درت ان رجليها هي اللي مو ثابته...
ام نواف واخته ندى وخالته كلهم افتحوا افاميهم...
ام نواف تبلع ريقها: بسم الله عليك الرحمن الرحيم...تعالي يمه جنبي...
نوف راحت وجلست جنب امه...
ام نواف: والله بياخذ ولدي قمر..
خالته: ايوه بسم الله عليها قمر...
اخته تناظرها من فوق لتحت وباحتقار وما تكلمت..
نوف ابلعت ريقها: تسلمين خالتي...
وقعدت عندهم حوالي عشر دقايق بعدين استاذنت وطعت لعند البنات...
فجر: بشري..
نوف حاطه ايدها عبى قلبها: اووووه..يمه بغى يغمى علي...
رغد: وش صار..
نوف ابتسمت: فاتكم قعدت امه وخالته يمدحون فيني ساعه ويسمون علي طول الوقت..
ريم: والله ما ينلامون..
العنود: بس عاد لا يكبر راسك..تراك عاديه..
نوف: موتي حره بس..
عبير: واخته وش قالت...؟
نوف عقدت حواجبها: شكلي ما عجبت اخته طول الوقت تطالعني باحتقار وكأني عبده عندها...اصلا شكلها مغروره..
فجر: ما عليك منها اكيد غايره منك...
رغد: لا تهمك..تلاقينها قرويه شينه وعلى قولتهم سحيله ام الخلاقين...
الكل قعد يضحك..
العنود: تبين فزعه...ترانا حاضرين...
نوف: لاوالله تسلمون ما علي منها..بنات تتوقعون نواف بيقول ابي اشوفها....
فجر: اكيد يتزوج وحده بس لمحها..
&&&&&&&&&&&&&&&&&&&&&&&&&
مجلس الرجال..

طلال: ما تبي تشوف البنت؟
نواف مستحي: والله ودي اذا ما كان في مانع..
طلال: لافيه دواس ههه..
نواف: ههه لله يرجك يا لنسيب..
طلال: لا تصير واثق يمكن انا ما اوافق..
نواف: ليش خاطبك انت ولا اختك..
طلال: لا انا واختي شراكه هههه..
ابو فواز: بدال ما تقعد تضحك لي يا طلال روح قول لاختك ان الرجال يبي يشوفها..
طلال تفشل: ابشر يبه...زين كذا أكلنا تهزيئه من تحت راسك..
نواف: وانا قايل لك خفف دمك واقعد اضحك..
طلال: ترا اهون وما اخليك تاخذ اختي..
نواف: اقول روح قبل لا تجيك تهزيئه من الوالد<<الاخ مستعجل
طلال: وانت صادق...
&&&&&&&&&&&&&&&&&&&&&&&&&&&&&&
العنود: تكفون ابي اشوفها ام خشه مايله<<تقصد اخت نواف..
ريم: وش دراك ان فمها مايل..
العنود: ههههه كذا احس..
نوف: انزلي ومن الباب اللي ورى اطلعي ..وشوفيها من باب المطبخ..
العنود: وانتي صادقه..
ونزلت الدرج ودخلت المطبخ من الباب اللي ورى...وفتحت باب المطبخ الثاني""الداخلي"" اللي يطل على المكان اللي جالسين فيه لحريم...فتحت نصه وقعدت تطل...
دخل طلال من باب المطبخ الخارجي..وشاف وحده ما عليها حجاب..
طلال"من هذي...فجر لالا معقوله فجر سمنت بالسرعه هذي..ولا شكل فيصل يبلع فيها"
طلال: وش تسوين هنا..
العنود من الخرعه سكرت الباب على ايدها: آآآآآآآآآآآآآآآآآآآآآ
وفتحته مره ثانيه وطلعت ايدها وسكرته..ومسكت اصبعها اللي حمر وزرق على طول....
طلال: العنود!!!
العنود رفعت راسها:طلال!!
طلال ما يدري وش يسوي يتركها ويخليها ولا يسلم عليها ولا يقعد يطالعها..
العنود تناظره بشوق ولهفه وتحاول تتحكم في مشاعرها لا تجدد بشوفته..وكانت ضاغطه على اصبعها بقوه لحد ما حست ان الدم وقف وما عاد صار يمشي لاصبعها المورم...
ونزلت عيونها على اصابعها وقعدت تطالعهم عشان ما تطالع طلال...وطبعا متوهقه ما تقدر تطلع لان الحريم فيه ولا يمديها تروح الباب الخارجي طلال وافق عنده واللي موترها زياده انها بدون حجاب..
طلال لاحظ انها تطالع ايدها وقرب لها بالمره..
طلال بهدوء يذوب: يألمك.."ويطالع ايدها"
العنود رفعت عينها في عين طلال"لا ما ابي اتعلق فيك..انا ابي انساك..انساك":..لا .....يعني....
طلا ل مد ايده بيمسكها بس هون: روحي حطي عليها ثلج ولا مويه بارده...
العنود: طيب ان شالله...
طلال: يله روحي الحين...
العنود: اطلع اول..لاحظ اني بدون حجاب..
طلال تفشل ونزل عيونه: اوكي انا طالع""وراح""
العنود تنهدت من قلب: اوووووووووه...
طلال سمعها ولف عليها: لهدرجه ما انتي قاده تتحمليني دقايق...
العنود سكتت ما تدري وش تقول لها انربط لسانها..تقوله انا بدونك لحظه اضيع ..اتوه.. تقوله تراك من لما تركتني وانا ماني بعايشه لاني ميته..لانك هواي اللي اتنفسه..انت الحياة اللي اقدر اعيشها....وانت تركتني بدون حياة ولا امل..وفوق كل هذا جراح..ما ادري الزمن يقدر يداويها ولا بتبقى جراح مفتوحه..
طلال طلع وسكر الباب..وتسكرت الدنيا بوجه العنود كل شي ولا يزعل عليها طلال..معليش يتركون بعض بالطيب بس ما يفهمها غلط....
*****************************
ايه احبك...
من حكى لك انك في حياتي شخص عادي...
لا تصدق يا حياتي من حكى لك اني لو ساعه نسيتك في غيابي لا تصدق يا عذابي..
لو زعلنا من بعضنا وكنت قاسي بعتابي ومن عنادي قلت انك شخص عادي...قول لي كذاب وما تقوى بعادي...
********************************
جلست العنود بكل حيلها على الكرسي اللي قدامها ودمعتها على هدبها...وفجأه انفتح الباب..
طلال مبتسم: الى الحين جالسه.."وكتف ايدينه" وما سويتي اللي قاله لك طلول...
العنود ابتسمت غصب عنها: انقللللللللللللللللللللللللللللع يا تافه..
طلال يضحك: يا حلوك وانتي معصبه..العنود اسمعي نادي نوف..وتراني ادري انك تعزيني وانا بعد اعزك مثل رغد وريم..
العنود فرحت حتى لو ما قال لها اني ما زلت احبك وقال لها اعزك هذي لحالها تكفي: من عيوني...
طلال: تسلم عيونك.."وطلع"
بعد خمس دقايق طلعت العنود على اساس ان طلال امداه راح وجلس عند الرجال...ومرت من ورى الملحق بسرعه وطلع في وجهها طلال..
طلال: بوووووووووه..
العنود اخترعت وبغت تطيح على ورى بس مسك ايدها طلال...
العنود استحت لان اليوم طلال مستقعد لها..
طلال: وشوله هالربشه كلها...
العنود: خفت احد يطلع علي من الرجال...
طلال: وليش انا مو رجال...
العنود تضحك: ليه انت عاد نفسك واحد منهم"وسحبت ايدها منه"
طلال: هين اوريك يا عنيد...بهبل فيك واطلع ريحتك..
العنود: اصلا ريحتي من زمان طالعه...
طلال: ووووع الله يقرفك يا الوسخه..يله بس روحي نادي نوف...
العنود: اوكي..
وراحت لعند البنات..
العنود فتحت الباب بقوه: هااااااااااااي..
ريم: هاي تاخذك بشويش على الباب..
العنود: يله يا نويف رجلك يبيك تحت..
نوف خافت: وش يبي...
العنود: يبي حلاوه..يبي يشوفك يا الحولا..
نوف: بس انا...انا ما ابي...
فجر: على كيفك هو...يله يا قلبي انزلي ترى كلها خمس دقايق وتطلعين...
رغد: يله روحي..
عبير جات من وراها: واااااااااع..
نوف نقزت من مكانها: يمه...
ريم والعنود وريم: ههههههههههههههههههههههه..
نوف: والله سخيفات..
شجون: حرام عليك ترى اللي فيها مكفيها..
عبير: هذا في علم النفس يسمونه تخفيف الترويعه..
رغد: والله من الاسم بس...يله نوافه خلصينا...
العنود: انزلي احسن لك بالطيب لا ارميك عنده بالقوه...
نوف: خلاص بأنزل...
نزلت تحت ومعها فجر...والبنات راحوا نفس الشباك يوم فجر...
دخلت نوف وجنبها طلال وجلسها جنب نواف بس بينهم مسافه وجلس معاهم..
نوف منزله عيونها وشعرها نازل على وجهها..
نواف مطير عيونه"معقوله في بنات بالحلا هذا"<<ما قد شاف خير...
طلال: نوافه ارفعي راسك خلاص وصل الارض..
نوف لفت عليه وعطته نظره تسكته ورفعت راسها شوي..
نواف: احم احم كيفك نوف..
نوف الكلام بصعوبه يطلع: الحمدلله...بخير..
نواف: الحمدلله...طيب انتي بأي سنه...
طلال: يعني تسوي نفسك ما تعرف...
نواف: يا اخي وش عليك مني..بس اسكت انت...
طلال: طيب بسكت..
نوف: انا في......"شافت البنات يأشرون لها من فتحة الشباك وابتسمت لهم"
طلال يطالعها: انهبلتي يا نوف..ولا استخفيتي...
نوف تفشلت ووجها قلب احمر: عن اذنكم...
طلال: الولد ما بعد شافك...
نوف ما ردت عليه وطلعت بسرعه..
نواف: حرام عليك احرجت البنت...
طلال: ما ادري عنها تطالع الشباك وتضحك"وتذكر البنات"...لحظه لحظه..
قام وفتح الشباك شاف العنود وريم حاشرين روسهم في الشباك ولما شافوه ابتسموا..
طلال: وانتوا ما تتوبون..
العنود وريم: لا..
طلال هين اوريكم"ودف روسهم عل ورى لحد ما طاحوا على الارض"...احسن تستاهلون..
وسكر الشباك وهو يضحك على خبالهم..
&&&&&&&&&&&&&&&&&&&&&&&&&&&&
العنود: أي يا ظهري اوريك يا طلالوه النذل..
ريم: حسبي الله عليك من ولد...
عبير: هههههه فديته بس مزحه ثقيل...
رغد فاقعه ضحك هي وشجون عليهم...
رغد: احسن تستاهلون يا الملاقيف..
ريم: اسكتي انتي بس..
ووقفت وظهرها متكسر والعنود معها...ودخلوا لعند نوف..
نوف تضحك: حسبي الهع عليكم تفشلت..كله منكم..
العنود: ليشت تفشلتي...
نوف: كنت اكلم الرجال ويوم شفتكم ابتسمت لكم ونسيته..
عبير: بيقول اذا هذي حركاتها من يوم الخطبه اجل يوم الزواج وش بتسوين..
ريم: الله يستر بس...
نوف: والله كله منكم...
فجر: الا انتي اول مره تشوفينهم..
نوف: والله فرحت لما شفتهم..
ريم: بس اخوك النذل كسرنا..
فجر: تستاهلون هذا عن خطبتي وخطبة نوف...
العنود: تراك ازعجتينا بزواجك..
فجر: قاعده على قلبك..
وكملوا سهرتهم وبعدها رجعوا لبيوتهم..
&&&&&&&&&&&&&&&&&&&&&

 

 

[اليازيه]

مرت الايام سريعه مع الاسابيع..لحد ما صار شهر كامل على اخر احداث مهمه..وماكنا فيه أي شي جديد الا قرب وقت الاختبارات ودخلوهم اجواء ايام المراجعه...باقي على الاختبارات النهائيه والمصيريه اسبوعين بس...
والدنيا حايسه في كل بيت....خلونا نشوفهم..
&&&&&&&&&&&&&&&&&&&&&&
بيت ابو مشاري...
رغد ماسكه كتبها والدفاتر وحوليها والاوراق واسئلة الوزاره للأعوام اللي فاتت منثره حولها..وحالتها النفسيه رايحه فيها..يوم تبكي...يوم تضحك وما تسكت..وطول الوقت تاكل سنكرس والكراتين مصففه وحولها...
دخلت عليها ريم...
ريم: اقول رغد...ما شفتي شريط الدي في دي..ذاك الاكشن الي في النهايه البطل طلقوا عليه بالبازوكا وتفجر وتقطع ..هاه...
رغد تطالعها بنظرات استحقار: والله انك فاضيه وتحسبين الناس فاضيه مثلك..
دخلت ريم وجلست وخذت سنكرس وشافت القراطيس حقته مرميه وحولها: ابسألك سؤال اذا امكن..
رغد بقلة صبر: خير...
ريم: انتي داخله مسابقه بعنوان " اللي ياكل اكثر فرصته في اربح اكبر"
رغد: يا خف دمك يا شيخه.
ريم: تصدقين حسبتها منيره هههههههههه..
رغد عصبت: ريم اطلعي برا ترى محد فاضي لك...
ريم: طيب لا تعصبين..بس وين الشريط..
رغد: وانا ش دراني عنه..
ريم وقفت عند الباب: يا بثرك يا الدافوره..
رغد بتقوم عليها بس ريم لحقت عمرها وطلعت...
رغد وهي تفتح سنكرس جديد: ياربيه واحنا وش دخلنا في كتب ذولي وكم مجلد وكم كتاب في قريح ياخذه<<تذاكر مكتبه...
ريم حصلت الشريط وصلحت لها بوب كورن وقعدت تطالعه في غرفتها..
مشعل يذاكر ومقطع نفسه من المذاكره لان النجاحه مفاجأه له..واكيد شي من اللي يحبه...بس موبايله كل شوي يرن..لين تسأله عن اخباره او يشرح لها او تسولف معاه لان امها مانعتها من انها تزورهم..
مشاري خلص اختباراته قبل الكل..وتفرغ للشركه بس..
&&&&&&&&&&&&&&&&&&&&&&&&
بيت ابو ماجد..
عبير خلصت اختبارات من زمان وقاعده تحرّ العنود...
عبير منسدحه على الكنب وتطالع تلفزيون: عنيد يله قومي ذاكري...
العنود جالسه تلعب جيم بوي: اقول انقلعي ترى محد فاضي لك..
عبير: ترى بعلم امي..
العنود وقفت اللعبه: الحين انتي من مسلطك علي..
عبير: انا اختك الكبيره وادرى بمصلحتك..
العنود: مشكوره ما ابي منك شي..وخليك لاهيه في نفسك...
عبير: هين اوريك....يمه...يمه..
العنود حطت ايدها على فم عبير: اسكتي فضحتينا...
عبير توخر ايدها: ابعدي عني... والله اذا ما ذاكرتي لا اعلم امي عليك..
العنود: اوووف قمت الله ياخذك وافتك منك..
مرت ام ماجد: وراك تدعين يا العجزه...حرام تدعين على اختك..
العنود: اجل الله ياخذني وارتاح..
ام ماجد: هاو..وش فيك يا عنيد...
عبير بلعانه: يمه ما تبي تذاكر..
ام ماجد: روحي ذاكري ولك نجاحه مني تنبسطين عليها..
العنود فرحت: صدق وش هي؟؟
ام ماجد: خليها مفاجأه احسن..
العنود: لا يمه الحين عشان اتحمس للبرمشه اقصد المذاكره..
ام ماجد: ابشتري لك سياره..
العنود: كذااااااااااااااابه..
ام ماجد: اول شي انا ما اكذب وبعدين ترى كلها سياره ام ريموت...
العنود بأستهزاء: سياره ام ريموت هاه..
ام ماجد تنطنز على العنود: عشان تفحطين فيها...
عبير كاتمه ضحكتها...
العنود: والله لا ارسب الحين...
عبير فقع ضحك: هههههههههههههه العنود انجحي عشان نفحط انا وياك..هههههه
العنود: هين اوريك انتي بعد..
ام ماجد: ههههه روحي روحي ذاكري بس..
الا وليد نازل بعد هو خلص اختبارات..
وليد: وش فيكم تضحكون..
عبير: ما دريت امي بتشتري سياره للعنود...
وليد منصدم: سياره..
العنود مكتفه ايدينها وتناظرهم..
عبير: ههههههههههه سياره ام ريموت..
وليد فقع ضحك: ههههههههه والله تصلح لك يا عنيد...
العنود: ضحكت من سرك بلا ان شالله..
وطلعت لغرفتها وقعدت تبرشم...
&&&&&&&&&&&&&&&&&&&&&&&&&&&&&&&&&&&&&
بيت ابو فواز..
نوف تذاكر ساعه وتكلم نواف ثلاث ساعات وعلى هالحال ..
نوف: ايوه وبعدين..
نواف: ما تصدقين قد ايش انحرجت من اخوك فواز والله وجهي ما عاد ينشاف من الفشيله..
نوف:هههههه..
نواف : تضحكين هاه .. أصلا انتي السبب ..
نوف بدلع طبيعي : أناااا...
نواف : والله مادوخني الا انتي ..
نوف استحت : تسلم والله كلك ذوق ..
نواف : شكلك تبيني ارسب ..
نوف : ليش وانا وش دخلني ..
نواف : مشكلتي اني اشتاق لك كل ثانية .. وش اسوي بعمري ..
نوف : عاد اهم شيء النسبة .. اوكي قلبي ..
نواف : اجيب لك ابو النسبة ..
نوف : لا انا ماابي ابوها ابيك انت ..
نواف : الحين انا اذوب ..
نوف : يله نونو الحين ابي اسكر
نواف : اوكي ياقلبي باي ..
نوف : باي ..
دخل طلال عليها ...
طلال : وش تسوي نوافه ..
نوف مسكت الكتاب : اذاكر
طلال يسوي نفسه غبي : كأني سمعتك تضحكين من شوي ..
نوف بربكه واضحه : انا .. متى ؟؟
طلال : يمكن في المطالعة موضوع اللي عنوانه "طرائف احمد "
نوف مااستوعبت وش قال : ايه يمكن ....
طلال : يالنصابه المطالعة تقييم يله اعترفي ..
نوف : طلال ..
طلال: خلاص فهمت اطلع واسكر الباب..
وطلع وقعدت نوف تطالع الكاتب وبالها بعيد عند نواف<<مو وجه عرس..

&&&&&&&&&&&&&&&&&&&&&&
بيت ابو فيصل...
شجون جالسه مع فجر يذاكرون..
فجر: شكلي ببرشم ما فهمت شي..
شجون: لا يمه اخاف انكشف..
فجر: وش اسوي نص الكتاب ما فهمته...
شجون: اسألي صديقاتك..
فجر فجأه أمها بطنها: آآآآآآآآه.
شجون خافت وقامت لها: فجوره وش فيك؟؟
فجر ماسكه بطنها: آآآآآآ ما ادري....ما ادري...آآآآآآ بطني يعورني...
شجون: اوديك الطبيب..
فجر حطت ايدينها على فمها وراحت بسرعه لدورة المياه (الله يكرمكم) وصارت ترجع..
فجر:آآآآآ...يمه وش فيني..."وطلعت لشجون"...
شجون ابتسمت لها: مبروك..حامل..
فجر انصدمت من الفكره: أي حامل واللي يعافيك ما صار لي اربع شهور متزوجه...
شجون: عادي تصير...
فجر: لا تكفين لسه صغيره وما اسعديت نفسيا..
شجون مبسوطه: بس وناسه تكونين ام واصير انا عمه...الله من جد فله..
فجر ابتسمت عجبتها الفكره: تتوقعين وناسه...
شجون: ليه هو ملاهي عشان تقولين وناسه...
فجر: ههههه ما اصلح ام ابد..
شجون: شويه ما تصلحين...
دخل فيصل وسلم على شجون وباس فجر من خدها....
شجون: هيه توني صغيره لا تخربوني...
فيصل: هههه المهم وش اخبار الحلوين...
شجون: عندي لك خب..
ما حست الا بنغزه في جنبها لحد ما بغت تنفقع كليتها....
فجر: الخبر اني ما عرفت اذاكر...
فيصل وهو يطالع شجون تتألم وماسكه جنبها: اهاااا...شجون الحمدلله على السلامه..
شجون وماسكه جنبها: الله يسلمك..
فيصل: وش فيك...
شجون: ما ادري وش جأني فجأه حسيت ان كليتي بتروح في خبر كان"وتطالع فجر"
فجر: ما عليك منها تدلع"وتأشر لها يعني شغلك بعدين"
فيصل: ايوه فجوره وش اللي ما فهمتيه اشرحه لك..
وراحت فجر واخذت كتبها وقعدت جنب فيصل وصار يشرح لها...
شجون تطالعهم: اول مره اشوف زوج يشرح لزوجته...
فيصل: وش عليك ..
فجر حاقده عليها: ما عليك منها الملقوفه..
شجون: خلاص فجوره حصل خير...
فجر رجع لها ألم البطن: آآآآآه..معليش بروح لدورة المياه...
فيصل وهو مستغرب: تفضلي..."راحت فجر"...شجون وش فيها...
شجون ابتسمت بخبث: ما ادري عنها...كل شوي رايحه لدورة المياه..
فيصل ما فهم تلميحاتها: لا يكون جاها السكر...انا قايل لكم لا تاكلون شوكلاته بس ما تسمعون الكلام...
شجون تكلم نفسها: والله لو المح من هنا لبكره ما فهم..
فيصل: قلتي شي...؟
شجون: لا سلامتك..

&&&&&&&&&&&&&&&

 

 

[اليازيه]

بيت ابو تركي..
تركي ماخذ الصاله مكان له..وفارش الاوراق والكتب والدفاتر والاقلام..وكوب الكوفي منكب على الاوراق..ومنسدح على الكنبه بحيث انه راقد على بطنه ورافع رجلينه ويلعب فيهم...
دخلت عليه ام تركي...
ام تركي: تريك وش هالحوسه..وينك قاعد فيه ..في شقة عزابيه...
تركي لف على امه: يمه اذاكر..
ام تركي: واحد يذاكر ويجلس كذا..قم تعدل...
تركي: يمه ما اعرف الا كذا...
ام تركي: الله يهديك بس..انت واختك...
تركي: هنيف وش فيها بعد..
ام تركي: انهبلت وقعدت..
تركي: وش فيها عشان اتشمت عليها..
ام تركي: اختك استح على وجهك...ما ادري وش فيها ما غير تطلع في الملابس وتلبس وتفصخ..ودولابها ما بقى فيه شي ..فاضي..
تركي: هههه بروح اهبل فيها...
ام تركي تناديه: تريك اعقل عنها...
تركي دخل غرفة الهنوف بشويش شاف الهنوف لابسه وكاشخه وتذاكر ومشغله المسجله"اغنية نانسي عجرم ياي سحر عيونه"وترقص وتدور في الغرفه..
تركي: الحمدلله والشكر بس..."ودخل" هنيف وش تسوين...
الهنوف: يااااااي سحر عيونه نظراته اول ما تلاقينا عين بعين..
تركي يكمل معها: ياااااي شو مهضومه كلاماته....انهبلتي انتي ولا استخفيتي وش اللي انتي مسويته بنفسك...
الهنوف: عشان تنفتح نفسي للمذاكره...
تركي: عزيمه مو مذاكره...اقول بلا هبال.وبعدين في احد يذاكر ويغني...
الهنوف: عشان ما امل من البربره الفاضيه...
تركي: اجل قولي على النسبه السلام...
الهنوف: احس ان جاني تبلد ماعاد صرت اهتم..اصلا الله واكبر على الجامعات الحين..ادخل بفلوس وانتهينا...
تركي: ايه هين...ابطلع قبل لا استخف مثلك..
الهنوف: يكون احسن..
تركي دخل عناد:ولا اقول خلني اقعد اضحك عليك واوسع صدري..
الهنوف عصبت: تركي بسرعه برى..
تركي: ولا عليك لبس ما ادري وش يبي..موف.ازرق..واخضر..واصفر..تكفين باقي لون ما لبستيه..
الهنوف وصلت معها: تريك احسن لك اطلع قبل لا افجر فيك...
تركي: والله لو تروحين حفله تنكريه احسن لك..
الهنوف فسخت السندل اللي عليها:والله اذا ما طلعت ولا الكعب على راسك..
تركي: هههههه خلاص بطلع....يا القرويه.."وانحاش"
ولحقه سندل الهنوف بس ماجاه شي..
تركي من بعيد يصارخ: ما اشره عليك يا المجنونه...
الهنوف سكرت الباب...وغيرت اللبس ولبست لبس ثاني وغيرت الكتاب معه...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في بيت ام سليمان..
مها خلصت اختبارات...سليمان ومحمد كل واحد في مكان يذاكر...
سليمان كل شوي داخل عليه عبدالله اخوه الصغير...يحوس عنده بعدين يطلع..وشوي يدخل مره ثانيه..
سليمان بهدوء: عبود اطلع..
عبدالله: لا ..ابي اقعد هنا..
سليمان من بين اسنانه: روح عند مها تعطيك حلاوه..
عبدالله: لا ابي اقعد عندك...
سليمان: اقول لك روح عند محمد...
عبدالله برضا: طيب...
وراح عند محمد...
محمد: عبيد روح عند سليمان..
عبدالله: ما ابي ما ابي..ابقعد هنا..
محمد: اقول لك روح عند سليمان...
عبدالله: اووووف طيب...
وراح عند سليمان..
سليمان: صبر جميل والهل المستعان..عبيد قلت لك روح عند محمد...
عبدالله خنقتها العبره: ما ابي.
سليمان: وش اللي ماتبي..قوم حبيبي قوم..
عبدالله بيبدى جرس الانذار عنده: ما بي..
سليمان صرخ: عبيد..
عبالله اونطلق عنده جرس الانذار: واااااااااااااااااااااااااااااااااااع
سليمان توهق فيه: خلاص خلاص عبود خلاص..
عبود: واااااااااااع..
دخل محمد: وش مسوي بأخوي اعترف يا اللي ما عندك حنيه<<لا يا الرقيق
سليمان: خذ اخوك وانقلع..
محمد: على كيفك تصيح الولد وتبلشه فيني...
سليمان: محمدوه..خذه وفكني...
محمد بيطلع: تحمل غلطتك...ولو سمحت عشان ما يزعجني خله عندك ..كل شوي جاي عندي ترى محد فاضي لك ولاخوك.."وطلع"
سليمان: والله البزارين طلع لهم لسان...
قام وشال عبدالله وحطه عند مها..
سليمان: خذي اخوك وفكيني من شره...
عبدالله مازال يصيح: واااااااع..
مها: وش سويت بأخوي...
سليمان: خذيه ترى وراي نسبه ومحد فاضي لكم..
مها:تعال يا بعد قلبي والله..
"وراح سليمان لرياضياته كتبه"

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
اليوم الثاني..
ريم العنود من العصر عند فجر وعبير ماجات معاهم نايمه ومالها خلق <<كالعاده..
فجر في المطبخ تصلح لهم قهوه..
شجون تهمس لهم: بنات قربوا...
العنود وريم ما صدقوا على الله: خير وش صاير..
شجون مبسوطه: شكل فجر حامل...
العنود وريم بصوت واحد: حااااااااااااااامل؟؟؟؟
شجون: قصروا اصواتكم وجع...انا قلت شكلها والله اعلم..
ريم والعنود: اهاااا..
دخلت فجر: حيا الله من جانا..
ريم: الله يحيك..."وغمزت للعنود"
العنود: فجر..كأن كرشتك تغيرت...
فجر اخترعت:كرشتي !! لالا عادي..
ريم: الا تصدقين كأنها كابره شوي...
فجر ابتسمت ترقع لهم: لا عادي يمكن سمنه...
العنود: طيب مو كأن وجهك اصفر..
ريم تأيدها: الا وجهك اصفر...
شجون ساكته وحاطه يدها على فمها عشان ما تضحك..
فجر: وش فيكم علي..عادي وجهي ما فيه شي...
العنود: اكيد!!
فجر : ليش احد قايل لكم شي<وتطالع شجون"
ريم: لالا محد قال لنا شي...ليه فيك شي <<قلبت عليها السالفه..
فجر:لا انا مافيني شي...
العنود: اجل خلاص ما فينا شي حنا بعد..
وبالليل انتشر الخبر بأن فجر حامل....
فيصل: فجر قومي نروح المستشفى...
فجر: مافيني شي عشان اروح..
فيصل: طيب نتأكد..
فجر: حسبي الله على بليسكم من بنات...فيصل قلت لك روحه ماني رايحه ارتاح..
فيصل بحنيه: ليش ماودك اصير ابو..
فجر لفت عليه ورق قلبها: الا ودي...بس انا ادري اني ماني حامل..
فيصل: وش دراك..؟
فجر: ما صار لي اربع شهور..وشلون احمل..
فيصل: عادي تصير..
فجر: احد قال لك اني قطوه..
فيصل: فجر يله عاد عشان نفرح..
فجر: وانا مابي...
فيصل قرب منها وحضنها من ورى: واذا قلت لك عشان خاطر صوصو...
فجر بتذوب وهو عارف هالشي: فيصل بليزا حس ماله داعي الروحه...
فيصل: الا لها داعي..يله البسي عبايتك ..اسنتاك تحت....
فجر: اوكي خلاص عشانك والله...
ولبست عبايتها ونزلت ومرت من عند شجون...
فجر: انتي هين بذبحك بس خليني ارجع...
شجون: وانا وش دخلني..بس ابي اصير عمه...
فجر: انعمت عيون ابليس ان شالله..بس خليني ارجع اوريك شغل الله...
فيصل: فجر يله..
فجر: يله...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد: مسكينه والاختبارات..
ريم: لا تخافين عليها ..بسم اله عليها تدبر عمرها..
رغد: بس احس انها لسه صغيره..
ريم: وش عليك انتي هي تبي تصير ام هي قالت لي<<يقطع ابو الصورايخ
رغد: الله يسهل عليها..
ريم: امين..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العنود: وهي فرحانه وطايره من الفرحه انها حامل<<هنا رشاشات مو صواريخ
عبير: صدق!! الله يتمم فرحتها..
العنود: بس مسكينه بتروح فيها في الاختبارات..
عبير: الله يسهل عليها...
العنود: ايه والله...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
نوف تتصل على فجر بالمستشفى: مبروك مبروك تحملين ولا تعلميني..
فجر تدعي جوات نفسها على ريم والعنود: أي حمل واي خرابيط..
نوف: وتغبين علي بعد...
فجر: هذا انا في المستشفى وما بعد حللت اصلا..
نوف: طيب ريم والعنود متصلين علي يبشروني ..كيف؟؟
فجر: الثنتين هذولي شغلهم عندي..
نوف: اجل بشريني اوكي...
فجر: اوكي...
حللت فجر وقالوا النتايج بعد ساعه...
ام فيصل تكلم فيصل: مبروك يا وليدي جعله الولد الصالح..
فيصل: يمه ما بعد صار شي...
ام فيصل: ان شالله خير...
فيصل: ان شالله..
وسكر من امه...
فيصل: فجر ممكن اسأل سؤال...
فجر: اسأل...
فيصل: ممكن اعرف مين اللي ناشر الخبر...
فجر: من غيرهم ملقف عندنا..رويم وعنيد..الله يوريني فيهم يوم كانهم فضحوني..
فيصل: ما شالله اسرع من العربيه...
فجر: الاخبار كلها عندهم..وهذا قليل الحين مو شي عندهم..
فيصل: اجل وراهم بلاوي...
فجر:فجر: الا البلاوي كلها عندهم...
طلعت نتيجة التحليل....


نهايه البات

 

 

[اليازيه]

الجزء التاسع والثلاثون
""الفصل الثالث""

طلعت نتيجة التحليل...
فيصل: بشر يا دكتور..
دكتور: ابشرك المدام حامل..
فيصل سلم على الدكتور بحراره: مشكور مشكور و الله يجزاك خير..
الدكتور:لا شكر على واجب..
طلع فيصل يصارخ: فجر فجر..
فجر: المستشفى كله عرف اني فجر...
فيصل: مبروك يا قلبي صرتي أم وانا صرت أبو..
فجر: الله يبارك فيك وفي ايامك...
فيصل: اكيد امي بتفرح فرح مو طبيعي..
فجر: اكيد يا قلبي"هم بيفرحون وانا اللي باكلها.."
وبشروا الكل وصار صياح ونباح<<لازم في الفرح والحزن..
وعمل ابو فيصل عزيمه وانبسطوا فيها..
رغد ما حضرت على قولتها في احد يعزم هالوقت بس كلمت فجر وباركت لها...والباقي فلوها رقص واغاني وهيصه..
&&&&&&&&&&&&&&&&&&&&&&&&&&&&
ام فيصل: يمه فجر لا تقومين ولا تتحركين خلي عنك كل شي ..فيه الخدم..
فجر: بس بودي القهوه..
ام فيصل: لا قهوه ولا شاي..خلي عنك كل شي..
فجر: ا نشا الله من عيوني...
جات ريم: فجير مسويه حرمه تعالي معانا...
ام فيصل: ولا تتحركين خلوها جالسه بعد قلبي والله..
ريم: خالتي قلنا حامل معليش اما تسون لها عقاب بالجسله المؤبده لالا هذي ما ارضاها..
ام فواز: مو لازم ترضينها..
ريم: ترى اذا ما رضينا بتودعون البيبي قبل لا يجي هذا انا حذرتكم..
جات العنود تفحط: خير وش صاير...
ريم: حاكمين على بنت عمتي بالجلسه المؤبده مع امكانية التنفس بس والاكل مسموح..
العنود: والحركه...؟؟
ريم: ممنوعه...
العنود: جيبوا بنت عمتي لا احرمكم من اللي في بطنها..هذا اللي ناقص التفرقه البرعصيه..
ريم: وش شايفتنا معلقين بالجدران..
العنود: ليش؟؟؟
ريم: البرعصيه يعني بريعصي يعني ظاطور الله يكرمك عنه والعنصريه يا قلبي هي الكلمه المفقوده عندك..
العنود: اهااا..المهم بتجبيونها ولا شلون..
ام فيصل خافت: اوكي خذوها بس حطوها بعيونكم...فجر يمه اذا رقصوا لا ترقصين..
ام فواز: ايه يمه وعن حركات الهبال زين...
فجر: والله ما دريت ان الحمل كذا ولا كان ما حملت من الاساس..
ام فواز: يمه لا تقولين كذا بعدين ربي يبلاك..
فجر: اللهم لا اعتراض..اللهم اني لا اسألك رد القضا و لكني أسألك اللطف فيه "وتأشر على امها وخالتها ام فيصل"
ام فواز: هذا جزانا...
فجر: بروح مع البنات احسن لي..بدور تعالي معانا...
بدور: لا انا بجلس هنا مشكوره قلبي...
فجر: براحتك..
العنود: امشي عاد لا تدلعين علينا"ودفتها من ورى"
ام فيصل فزت من مكانها مخترعه وراحت لعند فجر...
ام فيصل: يمه صار لك شي تحسين بشي..
فجر في نفسها"ان لله وانا له لراجعون..صبرك يا ايوب""..: زينه زينه مافيني شي..
ريم: على بالي نحول ههههههههههههه...
ام فيصل عصبت: عنيد عن المزح الشين..
العنود: ومحد حمل الا هذي المفعوصه عشان تسون كل هذا...هذي بدور حملت وما صار شي..
ريم: لا يمكن عشان فجر توها بزر..
فجر ضربت ريم من كتفها: بزر في عينك...
ام فيصل: قلت لكم انتبهوا سامعين..
الثلاثه: سامعين...
وراحوا عند البنات...
شجون: هلا بمرت اخوي الحامل..
فجر: يعني لازم سيرتي الذاتيه الكامله..
نوف: يا حلوك وانتي حامل...
فجر: يا نصبك مابان شي...
عبير: فجير كأنك كارهه حملك..
فجر: تبون الصراحه...ايه احس توني صغيره ومالي خلق مسؤليه وابي اعيش شوي شبابي...
البنات: معاك حق..
نوف: بس عادي يا قلبي بتتعودين..وبعدين عشان فيصل تصبري..
فجر: والله ما صبرني الا فرحة فيصل.
&&&&&&&&&&&&&&&&&&&&&&&&&&&&
عند الرجال...
الكل يبارك لفيصل..وفيصل الدنيا مو سايعته من الفرحه...بيجه طفل ومن اللي يموت عليها..
مشاري: احلى يا اللي صرت ابو..
فيصل: وش رايك اصلح ولا..
فواز: وش لك بالشقا وانت صغير لاحق لاحق..
فيصل: اصلا انت حسيت بالشقا يوم انك تتكلم..الحين لو اسألك وين عيالك بتقول عند امي..
فواز يسهبل: وش دراك....وين هذاك اول الحين صاروا عود في حلقي....
وليد: يله عقبال البقيه..
طلال: امين...
مشاري: الاخ مستعجل...
طلال: وش ورانا نجرب..
ماجد: هو لعب بزارين تجرب..
فيصل يتفلسف: الزواج شي اكبر مما يتصوره الواحد..الزواج مسؤليه وطولة بال وصبر وتحمل..
طلال: لو تكرمنا بسكوتك ارحم لنا ولا يا شباب..
الشباب: الا والله..
فيصل: مالت عليكم وعلى اللي ينصحكم..
وليد: خلي نصيحتك لك ما نبيها..
&&&&&&&&&&&&&&&&&&&&&&&&&&&&&&&
مرت الايام بسرعة مثل الطيف وبكره اول يوم اختبار..
ورغد في المستشفى...
الدكتور: البنت عندها احتمال يكون عندها مرض السكر...
مشاري طير عيونه: وش سكره الله يهداك..
الدكتور: انا قلت احتمال..وهي معرضه للمرض اذا استمرت في اكل الحلويات وخصوصا ان وزنها زايد...
رغد: خلاص والله توبه ما عاد اكل سنكرس...
الدكتور ابتسم: اجل سنكرس...
مشاري: فضحتينا الله يفضحك..
الدكتور: الحين احنا بنعطيها ابره تعدل نسبة السكر عندها..بس لازم تنتبه لعمرها...
مشاري: ابشر ..
&&&&&&&&&&&&&&&&&&&&&&&&&&&
رجعت رغد للبيت..
ام مشاري بلهفه: وش صار؟؟
مشاري: معرضه لاصابه بالسكر بسبة البلع في السنكرس ذا...
رغد: لا تبالغ كلها كم كرتون..
ريم: كم كرتون يا الظالمه..السوبر الماركت اللي جنبنا خلصت كراتين السنكرس من عنده والسبه انتي..
ام مشاري: من اليوم وطالع ما فيه اكل سنكرس سامعه..
رغد: طيب ان شا الله..
بعد نص ساعه دخلت ريم غرفة رغد وهي قاعده تراجع مادة بكره عليها بلاغه وعلم اجتماع<<يا حليلها ثالث والله..
ريم: خلصنا من السنكرس وطحنا في الحب"الفصفص"
رغد وهي تقشم: وش عليك مني...وبعدين ما اعرف اقعد كذا...
ريم: انتي نهايتك ما راح تطلعين من الباب من السمنه..
رغد: معليش البنات دايم يقولون يا العصلا...خليني ارضيهم واسمن..
ريم: صدق من قال اصحاب العقول في راحه..
رغد: اقول اطلعي وامسكي كتابك وترى اللي فيني مكفيني..
&&&&&&&&&&&&&&&&&&&&&&&&&&
بيت ام تركي..
وتقربيا في غرفة الهنوف...الدنيا قالبه مرقص..
كل الملابس مطلعه ومشغل اغنيه اجنبيه وتاركه شعرها وترقص اجنبي قدام المرايه...
دخل تركي عليها: لالا البنت خلاص ما عاد نقدر نلحق عليها.."وراح طفى المسجل"
الهنوف وقفت رقص: خير من سمح لك تدخل غرفتي..
تركي راح يلمس حرارتها: انتي فيك حمى الاختبارات..
الهنوف: اقول تركي خلني بس اكمل رقص..
تركي: انهبلتي انتي وش جاك...اكيد في مخك التماس..
الهنوف: والله بيصيح اذا قعدت كذا وكل هذا عشان انسى...
تركي: اخاف بس تنسين كل شي وتروحين فيها...
الهنوف: انا لو اقعد افكر شوي انهلبت..
تركي: لا اجل خلاص ارجعي ارقصي احسن لك وانا بروح افحط..
الهنوف: والله جرب التفحيط زين يمدحونه..
تركي: وهو خلطة عجايز عشان يمدحونه..اقول استحريحي لا يدخل فيك جني وتطحين في كبدي بعدين...
الهنوف: تركي تراني عطيتك وجه..واتوقع انك تدل الباب..
تركي: لا تخافين معاي الكروكي...
الهنوف: ههههههه يا خف دمك يا اخوي..
تركي: تسلمين والله هذا من ذوقك وحسن صنيعك..
الهنوف: هههههههه حلوه هذي من حسن صنيعك..
تركي: اول مره اسمعك تمدحيني...
الهنوف: لا تطولها وهي قصيره...روح لكتبك وذاكر...
تركي: كرهت الكلمه هذي..ذاكر ..ذاكر...ذاكر..بغيرها واخليها...غازل...غازل...غازل...
الهنوف: اطلع اطلع الله يهديك بس....
&&&&&&&&&&&&&&&&&&&&&&&&&&
صباح السبت..
الكل مرتبش ومحتاس وحالته حاله..
رغد قاعده تدعي ان ربي يطمن قلبها ويهديها ويذكرها بالمعلومات..
ريم خايفه شوي بس ما بينت وارسلت رساله لسليمان ترفع معنوياته..
العنود الوضع عندها ايزي وعادي وماهي مهتمه الا من شي واحد..انها تنكشف..
فجر مسكينه كل شوي رايحه لدورة المياه(الله يكرمكم) وغير الدوخه والالام اللي تحس فيها..وفيصل حاول يقنعها ما تدوام بس راسها يابس وتقول بأنجح لو بدرجه بس..
نوف خايفه وميته رعب من الامتحان واتصل عليها نواف وطمنها هدت شوي بس ما زال الخوف موجود...
شجون مسكينه حالتها حاله بس تدور لاهي اللي ذاكرت ولا هي اللي قعدت بس تدور لما دخلت القاعه...
سليمان فرح برسالة ريم بس خايف موووت من الرياضيات وخصوصا انها اسئلة وزاره..
تركي بعد خايف لانه جاه خبر ان الاسئله صعبه ومن هالكلام وسليمان يهدي فيه وهو يهدي سليمان...
نواف صار واحد من العائله وقاعد معاهم ونفس شعور الخوف مثلهم..
سعود صديقهم نفس الشي..
محمد ومشعل وصلتهم الاسئله وتطمنوا..
لين خايفه وتتمنى ان مشعل يحضر معها <<عاد هذي في الاحلام..
تقربيا عدى اول يوم اختبار حلو ثالث ادبي بس ثالث علمي زحفوا فيه شوي والباقي كان كل شي اوكيه<<الله يخلي البراشيم..
&&&&&&&&&&&&&&&&&&&&&&&&&&
يوم الاربعاء..
اخر يوم من ايام الاختبارات وقرروا االبنات يسوون لهم حفله بسطيه والعيال نفس الشي...

&&&&&&&&&&&&&&&&&&&&&&&&&&
البنات

العنود: واخيرا جات العطله ما بغت..
ريم: واخيرا طلعت من المتوسطه وبروح الثانوي واجي معاك يا عنيد..
العنود: وربي لو تجين معاي فله..
رغد: كان نقول على البنات السلام..
الهنوف: ايه والله..اقول رغد ادعي ان نكون انا وياك نسبنا حلوه وندخل الجامعه مع بعض قولي امين...
رغد من قلب: امين.
عبير: يعني بتجون معاي يا النشبه..
مها تستهبل: ورانا ورانا اعوذ بالله..
رغد: على قلبك انتي وياها..اقول هنوفه وش ناويه تدخلين..
الهنوف: انا معاك يا قلبي باللي تبين..
رغد: انا اقول لغات وترجمه انجليزي وش رايك..
الهنوف: شورك وهداياة الله..
نوف: بنات ما تلاحضون الاجازه شويه هالسنه..
شجون: هي بدت عشان تفكرين فيها..
نوف تضحك: احب افكر في المستقبل..
شجون: شكلك مستعجله على العرس...
نوف استحت: اقول اكرمينا بسكوتك احسن...
فجر: بنات تتوقعون متى بولد..
رغد: احس انها كلمه كبيره عليك"وتقلدها"..متى بولد؟؟
فجر ضايق صدرها: وش اسوي..بس الحمدلله على كل حال..ولا وجهي وجه حمال وولاده بالله عليكم.
الكل:لا والله..
فجر: خلاص لا تزيدون هم بس..
عبير: بتدرسين السنه الجايه..؟
فجر: لا ما راح ادرس مستحيل..تخيلي ثالث ثانوي وحامل وبعدين اولد عزالله ما جبت نسبه..اقعد في بيت رجلي سنه بعدين ارجع..
العنود: والله ما يناسبك تصرين ام يا البزر..اصلا انتي يبي لك ام مو تصرين ام لأحد..
فجر: واللي يعافيك اسكتي ..عاد من تكلم..
عبير: ما قلت لكم وش هدية نجاح العنود من امي...
الكل بتشوق: وش هي؟؟
عبير كاتمه الضحكه:سياره...سياره ام ريموت..
الكل فقع ضحك..والعنود وصلت معاها..
ريم: سياره ام ريموت ههههههههههه والله تحفه مرت عمي ورهيبه بعد..
رغد: ههههه تصلح لك يا عنيد تفحطين فيها..
فجر: اذا ما تبينها خليها لي يمكن يجيني ولد هههههههههههه..
نوف: عنيد ان شا الله عجبتك الهديه بس..تراها غاليه..
العنود: تشمتوا فيني تشمتوا بعد..
ريم: حرام بنات خلاص "وتمسح دموعها من الضحك"..اقول بنات وين المسجل خلونا نردح...
البنات: أي والله...
وبدى الرقص والهبال...
&&&&&&&&&&&&&&&&&&&&&&

 

 

[اليازيه]

طلعن نتايج البنات..
ريم نجحت بجيد..
العنود نجحت نفس الشي بجيد..
نوف ممتاز.وشجون نفس الشي...
رغد والهنوف لسه..
وليد حامل ثلاث مواد..طلال معتذر السمستر هذا..مشاري ناجح بسم الله عليه..
سليمان وتركي ونواف وسعود لسه على النتايج..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد جالسه على النت وتدخل سجلها المدني عشان تطلع نتيجتها..
ريم: هاه طلعت..
رغد: لسه عليه ضغط..
بعد دقايق..
ريم: هاه طلعت..
رغد: لسه...ريم طلعت والله طلعت..
ريم راحت عندها: بشري...
عيونهم على الشاشه وهي تفتح...رغد ماسكه ايد ريم بقوه خايفه ومرعوبه ونبضاتها تزيد..
ريم: يله بسرعه انفتح<<تكلم الشاشه..
رغد صرخت: وااااااااااااااااااااو 97% الحمد لله الحمد لله..
"وضمت ريم.."
ريم: ياااااي مبروك مبروك يا قلبي.."وتمسح دموعها"..تستاهلين يا قلبي بغى يجيك سكر والسبه هالنسبه...
رغد تبكي: ماني مصدقه والله ماني مصدقه..
ريم: تستاهلين والله تستاهلين يا عمري..
رغد بعدت ريم: بروح ابشر امي...
ريم: يله ..
ونزلت رغد وريم..
رغد: يمه..يمه.
ام مشاري: خير يا قلبي..
رغد وقفت قبال امها: يمه طلعت نسبتي..
ام مشاري بلهفه: أيوه..
رغد تصارخ: 97 يمه 97 "وراحت لحضن امها وجلسوا يبكون"
ام مشاري: الله يبشرك بالخير..هذي ثمرة جهدك يا عمري والله يوفقك امين...
رغد: مبسوطه يمه مبسووووووووطه..
ام مشاري: الله يتمم عليك فرحتك..
ريم: بشرّي ابوي ومشاري..
رغد: ايوه بروح اكلمهم..والهنوف قلبي...
&&&&&&&&&&&&&&&&&&&&&&
تركي جالس على اللاب توب والهنوف على الكمبيوتر المكتبي..
الهنوف: تركي..تركي تعال بسرعه..
تركي قرب منها: طلعت..؟
الهنوف متحمسه: ايوه...ايوه طلعت...
تركي: بسرعه انفتحي..
الهنوف غمضت عيونها: تروك علمني اذا طلعت....
تركي شاف النسبه: الهنوف فتحي بسرعه وشوفيها..
الهنوف فتحت عيونها بشويش: 96 .......96 انا جايبه 96 ما اصدق...
تركي فتح ايدينه لها: تعالي يا قلبي مبروك مبروك...والله تستاهلي..
وراحت الهنوف بسرعه لحضن اخوها وتبكي: تروك ما اصدق ما اصدق..
تركي: لا صدقي...ولا تبين كف على وجهك...
الهنوف: عقبالك يا اخوي..
تركي: الله يسمع منك..
الهنوف: بروح ابشر امي..ورغد بعد اشوف وش صار عليها..
تركي سمع طاري رغد تحمس: يله خلينا نشوف...
الهنوف بخبث: وانت وش عليك...
تركي: امشي لا اطير فرحتك الحين...
الهنوف تضحك: فديتك والله..
تركي منصدم: اول مره ما تعصب..وش صاير في الدنيا اكيد ميت من اليهود مليون...
الهنوف بشرت امها وقعدوا يبكون وحضنوا بعض وحالتهم صعبه...ورن التليفون..
الهنوف: اكيد رغد...
تركي: انا بأرد..والله انا أرد..
رغد بصوت عالي: هنوووووووووفه..
تركي بصوت هادي وعذب: الووووو..
رغد سكتت شوي تبي تستوعب الصوت:................
تركي: الوووو..رغد..
رغد: هلا...هلا تركي...
تركي: هلا والله رغد..كيفك..بشري عن النسبه..
رغد تذكرت النسبه وابتسمت: توقع...؟
تركي انبسط رغد معطيته وجه: فوق 95..
رغد بثقه: اكيد..
تركي: 97%..
رغد: صح وش دراك..
تركي: احس فيك لو انتي بعيده..
رغد سكتت ما تدري وش تقول له...
الهنوف: هات صديقتي بس..
تركي: اعوذ بالله ماتجي الا في الوقت الضايع..
الهنوف: الووو رغوده...
رغد: هنوووووفه قلبي بشري..
الهنوف دمعت عيونها: 96 يا رغد 96 وانتي..؟
رغد: مبروك يا قلبي والله تستاهلين بس انا اشطر منك..
الهنوف 97 ..صح؟
رغد: ايوه صح عليك...يله مبروك علينا...
الهنوف: مبروك يا قلبي اكيد من بعد السنكرس اكيد تجبين نسبه حلوه....
رغد تضحك: هههههههه تكفين لا تذكريني بذاك اليوم تفشلت فشيله جامده..
الهنوف: بنسوي حفله لا صارت ولا استوت..
رغد: اكيد يا قلبي..يله انا بسكر الحين يا عمري وسلمي لي على امك اوكي..
الهنوف: يوصل...يله باي؟؟
رغد: باي...
&&&&&&&&&&&&&&&&&&&&&&&&&&&&&&
وبعد يومين طلعت نسب العيال....
سليمان....98% بسم الله عليه..
تركي......95%
سعود زاحف......91%
نواف............93%
&&&&&&&&&&&&&&&&&&&&&&&&

 

 

[اليازيه]

وقرروا الامهات يسوون حفله لعيالهم بحضورهم..من بنات وعيال مع بعض<<يقطع ام الفله...

الكل لبس وتكشخ واجتمع في بيت ابو مشاري ..والحفله كانت في الخيمه مزينه ومعدله ومضبطه بأشراف ام مشاري...
واجتمع الكل...العيال في جهه والبنات في جهه وفي الوسط فجر وفيصل..
ام مشاري: يله طفوا الانوار وتعالوا يا عيال وبنات ثالث وانفخوا الشموع..
وطفوا الانوار..وعلى الطاوله الكبيره...كان فيه كيكه كبيره بالمررررررره ومكتوب كل واحد واسمه وصورته...الجهه اليمنى وقفت رغدوالهنوف...والجهه اليسرى وقف تركي وسليمان ونواف..
ام مشاري: واحد..اثنين...ثلاثه..
عيون تركي في عيون رغد..في كل حركه تسويها..يطالعها بحب وحنان وشوق.وبنفس الوقت بتحدي...رغد ميته حيا من نظراته..ونفخوا الشموع...وصفق الكل هووووووووووووه...
وشلغوا الانوار...
وشغلوا لمسجل..
وسلموا البنات والامهات على رغد والهنوف والعيال على سليمان وتركي ونواف...
والعكس...وسلموا العيال على رغد والهنوف طبعا كلام مو سلام بالايادي..
وليد: مبروك يا الهنوف..
الهنوف: الله يبارك فيك..
وليد قرب من رغد لحد ما صار بينهم الا خطوتين: مبروك رغوده..
رغد ابتسمت ابتسامه عفويه: االهو يبارك فيك وفي ايامك..
وليد بسرعه: معاك..
رغد سكتت وبين في وجهها الجمود..
وليد: رغد ابتسمي ترى هالحفله كلها عشانك..ابتسمي عشان الدنيا تبتسم للكل والجميع..
رغد لفت وجهها عنه...
وليد : لهدرجه ما تحبين تسمعين لي...
رغد ما تحب هذي النبره من صوته وتدري ان هذي نقطة ضعفها: لا....مو كذا..
وليد ابتسم بحنان وطالعها بعيونه اللي الكل يحكي بجمالها الرباني: رغد طاليعني..حطي عينك في عيني...
رغد رفعت راسها وطالتعه تحس نظراته حاره حارقه: سم..
وليد: رغد تكفين لا تحاكين بالطريقه هذي...كذا انا اتعذب..ما اتحمل برودك..ما اتحمل جمودك..حسّي فيني شوي الله يخليك...
رغد دمعت عيونها ما تحب وليد ضعيف مهما كان يبقى ولد عمها: لا تقول كذا يا ولد عمي انت فوق الراس والعين...بس اانا اللي ابيك تفهمني...
وليد: رغد وش رايك اكلمك اليوم...الحين الجو ما يساعد..
رغد طالعته شوي تبي تستوعب الكلام اللي يقوله لها ..هو صادق فيه ولا يمزح..
وليد حس فيها: بس خمس دقايق ابي افهمك شي واحد..
رغد: اوكيه...بس خمس دقايق..
كانت رغد تبي الفكه منه..وتبي تعرف وش يبي وترتاح وفي نفس الوقت تبي تقول له انساني وارتاح وريحني..بس خايفه من القرار هذا..عندها خوف من انها تندم على خسارتها وليد اللي ممكن يضحي بكل شي عشان بس كلمه منها...
جاء بعده على طول تركي..وعيونه تطلع منها شرار الغيره..:وش يبي هذا...
رغد بطبعها ما تحب احد يتحكم فيها: يبارك لي...
تركي: كل هذا الوقت يبارك لك..
رغد حطت عينها بعينه: وليد ولد عمي..لا يكون نسيت بس..
تركي تلفت اعصابه: يعني انا الغريب..
رغد: تركي انا ما قلت شي..
تركي: بس قصدك كذا..
رغد: تركي اتوقع احنا جينا نحتفل مو نتهاوش..
تركي بحنيه: رغد افهميني..افهميني انا ما احب وليد يكلمك او يقرب منك خطوه وحده..حسّي فيني اغار عليك..
رغد سكتت مو اول مره يتجراء تركي..بس هذي اول مره يقولها كذا بصريح العباره ولا همه احد..
تركي: لا تسكتين كذا ردي علي...
رغد بتروح عنه ما تبي تتكلم خلاص تعبت من كل شي..كل يتعبها...
تركي مسك ايدها: لا تروحين وتخليني كذا..انا اضيع بدونك..انا بدونك ما اسوى شي..
رغد غمضت عيونها تداري دموعها: تركي...اترك ايدي...
تركي عصب: وليد حلال عليه...
رغد قربت منه وصرخت فيه بصوت واطي: ما لك علاقه بوليد...فاهم..
تركي فتح عيونه فيها..وقف شعر جسمه..تحب وليد وما تحبه..تدافع عنه وتظلمه...تصرخ عليه بسبته..ليه كل هذا ليه...انا وش سويت لك غير اني حبيتك..وش سويت غير اني عبرت بمشاعري مثله..وش سويت غير اني قلت اغار عليك واخاف عليك من نفسك...هذا كله لاني عشقتك وحطيتك بين عيوني...لا يا رغد لا تصدميني..يا رغد لا تذبحيني..انتي تدرين انك روحي..هواي اللي اتنفسه..حياتي كلها فدوه لك..انتي الماء الي اشربه واروي عطشي منه..كيف وليه يصير فيني كذا..ليه..
طلع تركي من المكان كله...ما يقدر يقعد اكثر من كذا...هذا المكان رغد صرخت عليه..في هذا المكان فضلت وليد عليه...في هذا المكان احترق حبه بنار وليد...وليد وليد اكره هالاسم ما احبه ما اطيقه...
كل اللي انا فيه بسبته..وركب سيارته وخلاها توديه للمكان الي تبي...
وليد عنده امل انه ياخذ رغد في صفه وخصوصا انها شافها تصرخ على تركي...ابتسم على هالموقف ما هو شماته بس انتصار..عشان حبه..عشان رغد تكون له..وهو بالنسبه لو من وجهة نظره انه احق من غيره..
رغد حارت فيها الدنيا...كل ما قالت يا دنيا ابي ابتسم ابي اعيش..زادت الدنيا عليها العذاب فوق العذاب..اليوم زعلت تركي وارضت وليد...وقبل زعلت وليد وارضت تركي...وبكره وش بيصير فيها...ما تدري وين هالدنيا بتوديها.. واخرتها معاها وش راح تكون...
نطلع من الدوامه هذي شوي ونروح للعشاق اخرين...
طلال جالس جنب عبير...
عبيروهي تطالع الكيك ببرائه: ترى الشوكلا احلى..انا ما احب الفرواله وخصوصا هذا اللي عليه حركات مثل هذي"ورفعت راسها تطالع طلال...وليتها ما رفعته"
طلال يطالع عبير وهي تتكلم ومتحمسه..كان يطالعها ويقول في نفسه.."انا كيف صديت عنها ورحت للعنود..كيف..عبير بنت حبوبه وعفويه وبسيطه..تختلف عن العنود اللي ممكن تكون اكثر غموض منها.."
لما لفت عليه عبير والتقت عيونهم حس بأحساس حلو يحس ان في حب يشعل قلبه..فيه دم يتحرك في شريانه..في كلام يبي يطلع من لسانه وينطق بكلمة احبك...احبك يا عبير..
عبير تطالع عيون طلال...كثير دوختها هالعيون السوداء الكحيله والرموش الكثيفه..بس اليوم غير..اليوم فيها لمعه حلوه...لمعه جذابه..لمعة الحب..معقول طلال يحبني..معقول...قعدت تطالع بعيونه تبي تقرا وش مكتوب فيها...
قطع عليهم..
ماجد: طلال تعال ابيك شوي..
طلال وكأن احد صحاه من حلم ما وده يقوم منه..:ايوه جايك جايك..
وراح طلال مع ماجد وعيون عبير تلاحقهم...

سليمان: مبروك رورو ولو ان تقديرك لك عليه جيد جدا..
ريم لاعبه عليه وقايله جيد جدا ولا في الاساس جيد ماودها تطيح من عينه..
ريم: عاد وش اسوي هذا اللي قدرت عليه..بس انت بسم الله عليك ..الله يحفظك ويخليك شاد حيلك وجايب نسبه ترفع الراس ونفتخر نقولها...
سليمان ابتسم ابتسامه تذوب البنات كلهم وعفويه: تسلمين لهدرجه خايفه علي...
ريم فتحت فمها من ابتسامته: اكيد...اكيد....
سليمان: تصدقين ان تركي طلع...
ريم"اكيد رغد السبب"....: ليش؟؟
سليمان: والله ما ادري وش صاير فيه هالولد...
ريم: ما علينا منهم وسولف عنك...
جات مها: وش تسوون..؟
ريم تستحي من مها: ابد سلامتك نتكلم فيك...
سليمان"هالبنت الترقيع جاهز على لسانها"..:ايوه نتكلم فيك يا احلى بنت في الكون كله..
ريم غارت شوي: عاد مو احلى مني...
مها ما تدري وش السالفه: اكيد..بسم االله عليك اليوم طالعه ملاك...
ريم: تسلمين...
مها: وش رايك اخطبك لسليمان...
ريم حمرت خدودها اول مره احد يتكلم في خطبتها من سليمان ولا وقدامه بعد راحت ملح: هاه..لا ....ايه...نعم ..وش قلتي..مو امي تناديني عن اذنكم...
سليمان مبسوط على حياها..
مها:ريم وش فيك؟؟
ريم وهي ماشبه: امي تبيني...
سليمان: ههههه حرام عليك احرجتي البنت...
مها: شكلك خاق عليها..
سليمان مسوي عاقل: اقول اركدي بس بلا حركات مراهقين..

مشاري: هنيف واخير انجحتي<<الاسلوب على جنب..
الهنوف قاصده: الله يبارك فيك..
مشاري تفشل: مبروك مبروك...
الهنوف: الله يبارك فيك...
مشاري: والله اني فرحت لك من قلبي...
الهنوف: تسلم والله...
مشاري: يله عاد سولفي لا تصيرين ساكته...
الهنوف مستحيه: وش اقول...
مشاري: قولي اخر نكته..
الهنوف في نفسها" هالرجال بيذبحني كأنه مراهق": مشاري ماني واحد من العيال..
مشاري: تكفين عيديها...
الهنوف: وش اللي اعيدها..؟
مشاري: قولي اسمي مره ثانيه...
الهنوف وردت خدودها: مشاري..
مشاريس: خلااااااااااص انا اذوب...
جات العنود من وراه: عادي نحطك بالفريز....
الهنوف شافت العنود انحاشت...
العنود تناديها: هنيف ...هنيف تعالي..
مشاري: انتي الحين وش جابك...
العنود: كذا نذاله..
مشاري: الله يزوجك ونفتك منك..
العنود: اجل حلم واجد..لاني ما راح اتزوج الا اخر وحده...
مشاري: وليش ان شالله..
العنود: عشان اخذ راحتي...
مشاري: والله ما اخليك لا اطلع ريحتك...
العنود: وش فيكم على يحتي..قلت لكم طالعه من زمان..
مشاري: اقول اسكتي يا القرف..
العنود: عيال وحركاتهم حركات بنات...
مشاري: وش قصدك يا ام الشباب...
العنود: ما اقصد شي..بس وين الهنوف بروح اهبل فيها...
ام مشاري: يله يا عيال كملوا سهرتكم برى..وخلوا البنات ياخذزون راحتهم...
العيال: ليش؟؟
ام مشاري: هاو...يله اطلعوا قدامي..
وطلعوا العيال والبنات كملوا السهره....
&&&&&&&&&&&&&&&&&&&

 

 

[اليازيه]

رغد جالسه على السرير تستنى وليد يتصل عليها..وتفكر وش تقول له وايش ممكن يقول لها....
وسمعت موبايلها يرن ويقطع عليها تفكيرها...
رغد اخذت نفس: اووووه..............الوووووو
وليد وهو منسدح على سريره: الووووو....
رغد ما تحب هذي النبره الهاديه من وليد تدري انها تضعفها: اهلين...
وليد: كيفك يا بنت عمي...
رغد: بخير...وانت؟؟
وليد بلع ريقه من اسلوبها الجاف: الحمد لله تمام...
رغد:................
وليد:...................
رغد ما حبت لحظات السكون وهي تسمع نفس وليد االلي باين عليه انه مضظرب: وليد ادخل في الموضوع على طول..
وليد: احم.. والله ما ادري من وين بأبدا بس بأبدا.....اول شي ابيك تفهمين الكلام اللي اقوله وتسمعينها وتحطينه في بالك اوكي..
رغد وهي خايفه من الباقي: اوكي..
وليد: اول شي احب انك تعرفين انك اول حب بحياتي...واخر حب...
رغد جالسه تسمع كلامه وتحس فيه الحب الكبير...
وليد: رغد انا احبك واموت فيك وانتي تدرين بهذا الشي...بس يمكن اللي ما تدرين به...انك اذا ابعدتيني عنك وش ممكن يصير فيني...انا ابدونك مالي قيمه..حياتي كلها ما لها داعي...اذا انتي ما كنتي معاي في الدنيا هذي..انا ما ابي اعيشها...ماودي افارقك..ماودي اخسرك..ابيك جنبي..تشاركيني فر حي وحزني..املي ويأسي...ابيك تحسين بنار شوقي وحبي وغيرتي عليك...انا ابيك لي لوحدي..ابيك لوليد وبس... وما اقدر ومستحيل ومن سابع المستحيلات اتخيلك مع غيري...افهمي يا رغد ابيك لي...لي انا............رغد انا لو اقعد اتكلم عنك ما كفيت وما وفيت وما قلت اللي عندي...بس ممكن اقول هذا اختصار للي في قلبي..وانا ابي منك رد من كلمتين يا نعم يا..لا.. بس ما توقع انها صعبه...رغد انتي تحبيني...
رغد""الا هذا السؤال...الا هذا السؤال ما اقدر اجاوب عليه..صعب يا وليد..تكفى لا تسلني هالسؤال هذا...انت تعذبني..تجرحني...وتجرح نفسك قبل..انا ما ابي اخسرك وبنفس الوقت ما اقدر اكسبك..وليد حس فيني ما اقدر""....هذا الكلام اللي ودها تقوله بس فضلت الصمت....
وليد: رغد لا تسكتين كذا بسرعه اختاري الحين وش اللي تحسين فيه...
رغد: وليد اسمعني...
وليد يحاول يضبط اعصابه: رغد قولي يا ايه يا لا بسرعه...
رغد: وليد انا سمعتك وابيك تسمعني...
وليد: انا ما ابي اسمع الا هالكلمتين..رغد بسرعه..ترى اعصابي تلفت..
رغد صرخت: ما اقدر مااااااااا اقدر..
وليد انفعل: ليش....ليش وش اللي يحيرك...مين تركي...اكيد تركي...
رغد تحاول تجمع باقي قواها: لا تدخل تركي في الموضوع..
وليد: اجل وش اللي يحيرك..وش اللي يخليك ما تقررين..
رغد: وليد اسمح لي اعفيني من الجواب..
وليد: يعني افهم من كلامك...لا...
رغد: انا ما قلت شي...ولا تفسر على كيفك...
وليد يدري ان رغد تعصب من هالنقطه ان احد يفسر كلامها غلط: يله فسري لي..
رغد: انا ما راح افسر لك شي والسؤال هذا ما راح اجاوب عليه ولا راح اتكلم ولا راح اقول شي...
وليد: الا متى وانتي ماراح تقولين الا متى..؟
رغد: لحد ما انا اقرر.انا اقرر ومحد يجبرني على شي..وما احب اقر روانا ما فكرت...
وليد: يعني احتمال انك تحبيني..
رغد: واحتمال لا...
وليد: المقصود من هذا كله...
رغد: المقصود اذا حسيت اني مستعده اني اجاوبك رديت عليك...
وليد: اوكي يا بنت عمي...راح اشوف اخرتها معاك..تامريني بشي...
رغد: لا سلامتك...فمان الله..
وليد: فمان الكريم....
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

تركي رجع بيتهم والدنيا ضايقه فيه...دخل البيت طالع انه والهنوف اللي جالسين بالصاله ولا سلم عليهم ولا تكلم معاهم وطلع فوق على غرفته على طول...
ام الهنوف خافت:يمه وش فيه وليدي..
الهنوف بعد خافت: بروح اشوفه...
تركي دخل غرفته وبدل ملابسه...وغسل وجهه كم مره عسى تطفي النار اللي بقلبه؟؟؟ورمى نفسه على السرير....ضربت الباب الهنوف...
تركي من دون نفس: مين..؟
الهنوف: انا تروك..
تركي: ادخلي...
دخلت الهنوف وشافت وجهه تركي كان مره تعبان وجلست على طرف السرير...
الهنوف: تروك اخوي وش فيك؟؟
تركي تنهد من قلب: ما فيني شي...
الهنوف بتكبي..حالة اخوها ما تسر لا عدو ولا صديق: تروك تكفى تكلم..انا اختك الهنوف..
تركي سند راسه على السرير وبصوت مكسور:وش اقول يا الهنوف..وش اقول..
الهنوف: قول أي شي بس لا تسكت كذا..صاير بينك وبين رغد شي...
تركي والجرح اللي بقلبه بدا ينزف: الهنوف....رغد تحب وليد وما تحبني...
الهنوف انصدمت: كيف؟؟
تركي: عرفت وبس...عرفت انها كسرت فيني وراحت لوليد..
الهنوف تجمعت الدموع بعيونها: بس رغد ما قالت لي شي..
تركي بصوت جريح: وش تبينها تقول لك..ولا تنسينا ني اخوك وما راح تقول لك شي..
الهنوف: رغد مو كذا..انا متأكد هان في السالفه إن..
تركي تأمل: تكفين الهنوف تأكدي منها..ما اقدر على فراقها تكفين...
الهنوف: ولا يهمك...بكره بشوف وش قصتها...بس انت ريح بالك وطمن قلبك..وانا اظم نلك انك فاهم السالفه غلط..وانا واثقه من رغد...
تركي مسك ايد الهنوف: الله لا يحرمني منك...
الهنوف: ولا منك..
وراحت وتركت تركي..وهي محتاره ممكن رغد تسوي الحركه هذي وما تقول لها...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
وليد بعد ما سكر من رغد..
وليد: يا الله ليش تنتهي المكالمه على كذا...توقعت ان بنحل كل المشاكل..واكتشفت اني زدت الطين بله..والله اني غبي...اعرف رغد تعصب لما احد يجبرها على شي واروح واجبرها... يا الله وش سويت انا بدنيتي عشان يصير فيني كذا..انا بس ابي رغد..مابي أي شي ثاني...

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد سكرت السماعه ودخلت في عالم الدموع...قلبها الضعيف ما يقدر يتحمل اكثر من كذا.. يا تنتهي هالسالفه او تنتهي هي...ما عاد فيهها أي قوه عشان تتحمل اكثر من كذا..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
بعد يومين...
وليد نازل من الدرج وهو ماخذ قراره وما راح يتراجع عنه لو ما صار..
&&&&&&&&&&&&&&&&&&
نهاية البارت

 

 

[اليازيه]

الجزء الاربعون....{ما قبل الاخير}
""الفصل الاول""
بعد يومين...
وليد نازل من الدرج وهو ماخذ قراره وما راح يتراجع عنه لو ما صار..
كانت عائلة ابو ماجد مجتمعه كلها..
وليد وقف بنص الصاله: السلام عليكم..
الكل: وعليكم والسلام..
وجلس جنب ابوه...
العنود تهمس لعبير: وجه اخوك ما يبشر بالخير..
عبير: يمه يخوف ما ادري وش عنده...الله يستر بس..
وليد: يبه..
ابو ماجد: هلا..
وليد: يبه انا قررت اتزوج..
الكل كان فوق روسهم علامات تعجب...
العنود: كيف؟؟
وليد ما رد عليها...
ام ماجد فرحت: هذي الساعه المباركه يا وليدي...ومن بكره ادور لك على بنت الحلال اللي يحبها قلبك..
وليد يكلم ابوه: يبه انا ابي رغد بنت عمي..
ابو ماجد: والنعم ما شالله...بس انت مستعد للمسؤليه موتاخذ بنات الناس وبس...
وليد: انا قدها وقدود..
ماجد يطالع اخوه..وش نهاية هذا كله وش بيصير..وحس ان السالفه كلها ما راح تعدي على خير..
ام ماجد: الله يفرحك يا وليدي مثل ما فرحتني..
العنود تطالع عبير ..وعبير تطالعها...
العنود: هذا من جده..
عبير ما استوعبت: ما ادري عنه...
العنود: وليد من جدك انت؟؟
وليد لف عليها وجهه حامد: شايفتني امزح...
العنود بلعت ريقها وسكتت خافت منه باين انه معصب مره..
وليد: بكره ان شالله نروح لهم...؟
ابو ماجد: مع انك مستعجل بس بكره نروح لهم بأذن الله..
قام وليد وطلع...وحس انه ارتاح بالشي اللي سواه..ومتأكد في قرارة نفسه انه كذا راح يخلي رغد بالطيب بالغصب من نصيبه..
ام ماجد: العنود وعبير مو تتكلمون عند ريم ورغد..خلوا بكره ابوك هو اللي يتكلم سامعين...
الثنتين: ان شالله...
العنود: عبير تعالي الغرفه..
عبير: اوكيه...
في الغرفه..
العنود: اخوك هذ انهبل...
عبير: ليش؟؟
العنود: ما اخذ راي البنت قبل..
عبير: طيب ياخذ رايها بعد الخطبه...
العنود: لا...كذا راح تكون تحت ضغط عمي ومرت عمي...وبتكون خايفه على العائلتين تتفرق عرفتي...
عبير: طيب وش قصده من هالحركه..
العنود: اكيد رغد ما وافقت وحب يجبرها...
عبير: لالا وليد ما يسويها...
العنود: انتي شفتي وجهه من شوي...بالله هذا وجه واحد ناوي يتزوج هذا ناوي يتذابح...
عبير: صادقه...الله يستر بس من بكره....
العنود: خذيها مني رغد ما راح توافق..
عبير: وش دراك.؟
العنود: بنت عمي واعرفها زين.. ما تحب احد يجبرها..
عبير: نشوف وش مخبي لنا بكره....
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
اليوم الثاني..
المغرب...
كان ابو ماجد وليد وماجد في بيت ابو مشاري...
رغد: غريبه ما جاوا البنات معاهم...
ريم: أي والله غريبه..
رغد: ريم قلبي ناغزني ان في جيتهم فيها إن..
ريم: وش بيصير يعني...
رغد محتاره: ما ادري....ما ادري...بس متاكده جيتهم هذي ما راح تعدي على خير...
ريم تحاول تهديها: اذكري ربك واهدي بس..مافيها شي جاي يزور ابوي..
رغد: الله يسمع منك...
وصارت رغد تروح وتجي في الصاله...
ريم: وش تسوين..تتمرنين..؟
رغد: يا سخفك بس..
ريم: رغد وش فيك خلاص قلت لك زياره عاديه اقعدي بس...
بعد ساعه دخل ابو مشاري ومعاه مشاري ومشعل...
ابو مشاري مبتسم: السلام عليكم...
رغد وقف قلبها:..........
ريم ردت بسرعه: وعليكم السلام..
وجلس ابو مشاري ومشاري جنبه يطالع رغد ومبتسم لها..
جات ام مشاري واجتمعت العائله كلها...
ابو مشاري: رغد...ابوي تعالي عندي...
رغد انشلت الحركه عندها وما قدرت تتحرك..
ريم ترقع: يبه تكلم كذا هي لازم جنبك وانا لا..
ابو مشاري: رغد...ام مشاري...اليوم وليد ولد اخوي خطب رغد..
رغد وقفت من الصدمه:كيف؟؟
ابو مشاري اختفت ابتسامته..:وش فيك يا رغد..
رغد جاتها حاله غريبه..صارت تطالعهم كلهم بنظرات تعجب وتقول وشلون وشلون وراحت غرفتها بسرعه...
ابو مشاري استغرب حالة بنتها: ريم الحقي اختك ..روحي شوفي وش فيها...
ريم: ان شالله..
مشاري: يمه وش فيها رغد..
ام مشاري فرحتها ما تمت: ما ادري وش فيها...يمه بنتي ما ادري وش صار لها...
ابو مشاري وقف: اسمعوني زين..لا احد يضغط على بنتي..خلوها تفكر براحتها سامعين.."وطلع غرفته"
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في غرفة رغد..
رغد تبكي: الحقير..النذل يبي يجبرني...
ريم تهدي فيها:رغد اهدي وفهميني السالفه..
رغد تطالع ريم: وليد يبي يجبرني اتزوجه غصب..بس هين انا اوريه...
ريم: رغد فهميني وش صاير الله يخليك...
رغد قالت لها السالفه ودموعها سيل على وجهها..
ريم بحقد: لا بجد حقير...صدق وسخ..
رغد: يا ناس اكرهه...اكرهه..ما احبه ما اطيقه غصب يعني...
ريم: غلطتك من البدايه يا رغد..كان وقفتيه عند حده..
رغد بحسره: غبائي..كنت ارحمه واقول مسكين بس جعله السكين...
ريم: وش بتسوين الحين...
رغد: ما ادري...انا اللي بسألك وش اسوي..؟
ريم: انا من راي ارتاحي الحين..وفكري فيه كزوج اوكيه..وخلي حركته البايخه على جنب..وفكري انه يحبك وغلطتك انك علقتيه فيك..وبعدها قرري واستخيري..
رغد سكتت شوي بعدين : انا الغلطانه علقته فيني...ومفروض ابعده من البدايه...
ريم: هو ما ينلام على الحركه الي سواها هذا من زود حبه لك..يبيك اكيد له ما راح يخليك لغيره..
رغد: انا بحاول اتغاضى عن الحركه بس لاني انا اللي اجبرته يسويها وبفكر فيه وبأستخير..واشوف..
ريم:ونعم الراي وعشان ما تظلمين الرجال بعد..
رغد: على قولتك...
سمعت موبايلها يرن..
رغد توترت: ريم هذي الهنوف اكيد حست ان فيني شي..
ريم: بتقولين لها...
رغد: مضطره........الووو..
الهنوف بهدوء غير طبيعتها: هلا..
رغد بلعت ريقها: هلا هنوفه كيفك يا قلبي...
الهنوف بخير..."وسكتت شوي"...رغد..
رغد: سمي....
الهنوف: رغد انتي قايله لتركي انك تحبين وليد..
رغد وكأن احد كاب عليها مويه باااااااارد من الصدمه: أيش؟
الهنوف: رغد انتي قلتي ولا لأ..
رغد: لا ما لقت شي...بس ليش؟؟
الهنوف: رغد...اخوي من لما جاء من الحفله وحاله منقلب فوق تحت لا ياكل ولا يشرب ولا حتى ينام..ريحيه الله يخليك..
رغد خنقتها العبر ه وسالفة تركي زادت عليها: والله يا الهنوف ما قلت شي...بس هو كان متنرفز وما ادري وش فيه...
الهنوف: الحمد لله طمنتي قلبي...
رغد متردده:الهنوف..اليوم حصل شي معاي..
الهنوف: خير وش صاير..؟
رغد بلعت ريقها وتدور كلام تقوله: والله ما ادرس وش اقول لك...بس لازم اقولك اياه...بس بليز افهميني...
الهنوف خافت: رغد يله تكلمي...
رغد: الهنوف...قبل شوي....جاء......وليد وو..وخطبني..
الهنوف ما استوعبت: وش تقولين؟؟؟
رغد: خطبني...
الهنوف: لا....لا تقولين..
رغد: الهنوف وش اسوي يا هنوفه تعبت...
الهنوف محتاره: والله ما ادري وش اقول لك..وتدرين ان اخوي وتوأمي تركي ما اقدر اقول لك شي بيضره...
رغد: الهنوف انا مضطره افكر فيه..
الهنوف: رغد بقولك شي..اذا ربي كاتب لك تاخذين وليد..راح تاخذينه واذا ربي كاتب لك تاخذين تركي كمان راح تاخذينه غصب عن الكل..يعني هذا شي خارج ارادتك يا قلبي...
رغد: اوكي هنوفه...ابي راتاح شوي اخليك الحين..
الهنوف: اوكيه باي..
رغد: باي..
&&&&&&&&&&&&&&&&&&&&&

 

 

[اليازيه]

العنود تكلم ريم: اقول لك ما ادري وش فيه..
ريم: بصراحه رغد انصدمت منه ومن حركته..
العنود: انا قايله وجهه ما يبشر بخير...
ريم: مسكينه رغد انقلب حالها فوق تحت...
العنود: طمنيها يا قلبي ان القرار اللي راح تاخذه ما راح يأثر على علاقتنا اوكي..
ريم: اوكي...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
تركي منهار: وش قاعده تقولين انتي ..اكيد تمزحين...
الهنوف تصرخ عشان يستوعب اللي تقوله: تركي هذا نصيبها وبعدين هي ما قررت بعد...
تركي: وش تقرر...وانا انا وش اسوي بنفسي...
الهنوف: تركي اهدى الحين...
تركي: وشلون اهدى فهميني شلون...حبيبتي رغد بتروح مني وتقولين لي اهدا...
الهنوف: تركي الصراخ هذا ما راح يفيدك..
تركي: انا اعرف وش يفدني..ما راح يفيدني الا القوه...
الهنوف: استوعب الولد ولد عمها...يعني هو احق منك لها..
تركي: ولد عمها..ولد عمها..اكره هذي الكلمه اكرها,واكره وليد..واكره رغد بعد...
الهنوف كسر خاطرها اخوها بس لازم يفهم: تركي قلت لك ما صار شي لحد الان...
تركي: يوم قلت لك تحب وليد ما صدقتيني...
الهنوف: صدقني هي قالت لي اني ما احب وليد ولا شي..وليد جاء فجأه وخطبها بدون مقدمات...
تركي انسدح على سريره ودفن وجهها في الوساده: اطلعي برا وسكري الباب...
الهنوف: ابطلع...بس انتبه على عمرك يا اخوي...
طلعت الهنوف وطلعت معها دمعه من تركي غصب عنه..حبيبته وقلبه رغد راحت منه كذا بكل سهوله...
تركي ضرب السرير بأيده: ليه يا رغد ليه رحتي كذا ..انا احبك ..والله احبك..لا تروحين وتخليني انا محتاجك..انا ما اقدر اعيش بدونك...افهميني وافهمي حالي اللي تعذب من بعادك عني...
************************************************** ******************************************
رجوتك حبيبي
ان أردت فراقي
ان شعرت بأن حبنا بدأ ينتهي
وأن حقيقة الفراق غلبتنا
وأن قلوبنا قد تعبت من الحزن
وأن عاطفتنا كتب عليها الشتات

رجوتك باسم الحب الذي أعماني
وجعلني لا أرى الا حبك
لاتفجعني بفراقك وتتركني
لاتقتل قلبا قد مات في حبك
لاتستدير بظهرك وتتركني

أرجوك حبيبي
كن حنونا عليا
أرحمني
أخبرني بفراقك بهدؤ
لاتنزل علي هذه الكلمة
كالصاعقة القاتلة
رجوتك يامن أحبه
قلبك دفئا لي في شتائي
همسك نسماته تنعشني في صيفي
لاشيء بعدك يستحق

حين كنت طفلة أجري وراء أحلامي
وعندما كبرت
لم أعرف الحب ولم أجربه
كنت أسمع عنه
وكنت أعرف أنه في منطقة خطر
لايصح دخولها
لانها تخطف القلوب
والآن عندما أحببتك
وعرفت الحب باسمك وهمسك
وخفقان قلبي بلمسك
أتمنى أن أعود لسابق عهدي
لا أعرف شيء عن الحب
على أن أعيش هكذا
عاشقة معذبة في حبك
عاشقة تموت لبعدك

أبكي على فرقاك
على حياتي بدونك
وحدة قاتلة وانتظار
محكوم عليه بالاعدام
دموعي ستقتلني بفراقك
لا تلوح لي بيدك لتودعني
لاتودعني
لاترحل لعالم مجهول بدوني
سأضيع
صدقني سأضيع بدونك
لامعنى للحياة بدونك
ولاعمراا يطول بعدك

بقلبي ضمني
وبنفس عميق اشهقني
رحيلك هو يوم مماتي
يوم انطفاء حياتي
بكائي حد الهذيان
حد الموت
أشعر أني مريضة بحبك
أريد دواء للنسيان
نسيان فراقك

أتدري حبيبي
لم يعد يخيفني الموت
فلقد أعتدت لغة الاحتضار
واعتادت هي علي
فكيف يحرر العاشق
من عشقه أو كفنه
فكلاهما موت
************************************************** ******************************************
رغد هدت شوي وقعدت تفكر بكل شي حولها...بتركي..بوليد..باهلها...راحت دورة المياه(الله يكرمكم) وغسلت للصلاه واستخارت وقررت قرارها النهائي..وتتمنى من كل قلبها انها ما تندم عليه..هالخطوه ترددت فيها كثير وجاء الوقت اللي تحسم موقفها فيه..تأخيرها سبب مشاكل كثيره..ولو تأخرت اكثر راح تدخل في مشاكل اكثر..قررت وارتاحت..بس ما راح تقول قرارها الا بكره...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
وليد على اعصابه..خايف من ردة فعل رغد..وخايف من قرارها..بس ما تحسف على اللي سواه ويحس ان هذا اللي مفروض يصير من زمان..ودعى ربه ان رغد ما ترده وتكون من نصيبه ونااااام...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
تركي من وين يجيه النوم...النوم ما ذاقه من ايام الا ساعات منه...عايش عذاب..وفراق..وحيره..ومستقلبه وحبه وحياته موقفه كلها على قرار رغد...اذا قالت موافقه على وليد..تأكد ان قلبه تحطم وحياته ما عاد لها قيمه بدون ما تكون فيها رغد...واذا ما وافقت اكيد راح تجدد الحياه بعيونه وتضحك له الدنيا...وراح يروح وليد من طريقه للأبد...للأبد..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
بيت ابو مشاري...
الظهر صحت رغد وهي متخذه قرارها من امس..اصلا حست ان ما يحتاج تفكر فيه اكثر من كذا...
نزلت لعند امها اللي بالصاله وتشرب شاي....
ام مشاري ابتسمت لبنتها: هلا بالشيخه...
رغد باست راس اما: هلا يمه...
ام مشاري: وش اخبارك اليوم؟؟؟
رغد: الحمد لله تمام...واسفه يمه على اللي صار امس...
ام مشاري: فكرتي بوليد...
رغد: ايوه يمه...
ام مشاري بتعجب: بالسرعه هذي...يمه ترى هذا زواج مو لعبه..
رغد: يمه فكرت زين وما فيها نقاش..بس بسألك سؤال واحد...
ام مشاري: آمري..
رغد: يمه القرار اللي راح اخذه راح يأثر على علاقتنا مع عمي...
ام مشاري: لا يا قلبي..الزواج قسمه ونصيب وما فيه شي جبر...
رغد ارتاحت : يمه....انا.....انا مابي وليد..
ام مشاري بسرعه: ليش..؟ وش عذرك..
رغد: يمه..انا ما احس وليد غير انه اخوي وما قدرت اتخيله انه زوج لي..وبصراحه استخرت وما ارتحت له...
ام مشاري بتفهم: خير ان شالله مع اني احسك مستعجله...ترى وليد خوش رجال..
رغد: الله يوفقه مع اللي احسن مني...
ام مشاري: بقول لابوك عن قرارك...
رغد: اوكيه انا طالعه لغرفتي...

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في غرفة رغد..
ريم مستغربه: رفضتيه؟؟
رغد: ايوه..
ريم: بالسرعه هذي..
رغد: اصلا ما يحتاج تفكير..مستحيل نكون انا وليد زوجين..
ريم: الله يوفقه مع غيرك..
رغد: بس انا خايفه من ردة فعله..
ريم: وليد عاقل وما توقع بسوي شي....
رغد: انتي ما تعرفينه اذا عصب..
ريم: الا والله اعرفه دايم يصرخ علي...هههه
رغد: ههههه الله يرجك...خليني اتصل على الهنوف واقول لها عن قراري..
ريم: عشان حبيب القلب...
رغد: ولا يهمك عشان حبيب القلب..
ريم: ههههه والله انك تحفففففه وما تستحين...
رغد: اقول اسكتي...الوووو هلا هنوفه..
الهنوف: هلا والله وغلا..
رغد: كيفك..؟
الهنوف: تمام..فكرتي بموضوع وليد...
رغد: ايوه...
الهنوف: قررتي ولا لسه..
رغد: لا..قررت..
الهنوف على اعصابها: ايوه وايش هو؟؟
رغد: الله يبوفقه مع غيري واللي احسن مني..
الهنوف فرحت: صدق رغوده....صدق..
رغد: ايوه صدق...
الهنوف: بروح ابشر تركي...
رغد: هههههههه روحي...يلا باي...
الهنوف: باي..
رغد: والله انها خبله..
&&&&&&&&&&&&&&&

 

 

[اليازيه]

الهنوف طلعت من غرفتها بسرعه وراحت وفتحت الباب على غرفة تركي وفتحته بقوه..
تركي ما حس فيها على قوة صوت فتحته الباب....
الهنوف طالعة اخوها يطالع بشي...قربت منه لقتها صوره لرغد كانت بغرفتها مخبيتها..
الهنوف: تريك.....من وين جبت هذي الصوره..؟
تركي رفع راسه بهدوء: هذا اللي بقا لي منها...
الهنوف ابتسمت له: اترك الصوره عنك..وروح شوف الاصل...
تركي ما فهم: وش تقصدين..؟
الهنوف فتحت ايدينها لاخوها: رغد رفضت وليد...
تركي تشقق من الوناسه: قولي والله...
الهنوف: والله "وراحت لاخوها وحضنته"
تركي شال الهنوف بين ايديه ولف فيها ..ولف فيها.. الغرفه كلها وهم صراخ..
الهنوف: ههههههههه
تركي: هههههههههههههههههههه
دخلت ام تركي: خير وش صاير...
تركي نزل الهنوف وراسها يفر فيها..وراح لامه ومسك ايدها ويلف فيها:هههههه افرحي لولدك يمه..
ام تركي: هاااااو...فكني..
تركي فك امه: يمه رغد...رغد بتصير لي....
الهنوف: يمه ولدك انهبل وقعد..
ام تركي: وش فيها رغد...
تركي: يمه اخطبي لي رغد بأسرع وقت..
ام تركي: من عيوني يا بعد قلبي انت...ورغد بنتي الثانيه..
تركي: لا تقارنين رغد بهذي الشينه...
الهنوف: مسكين حصلني بس...
تركي: امزح انتي احلى اخت بالعالم..لانك صادقتي احلى وارق واجمل رغد في الدنيا كلها...
ام تركي طلعت وخلتهم على راحتهم..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد حست انها شالت جبال من على صدرها كانوا كاتمين عليها..وانها تحررت من القيود اللي كانت مربطه حركتها وتفكيرها وقلبها..

ابو مشاري عرف القرار ورضى عليه وما علق عليه لانه حاس من البدايه انها ماتبيه فا ما حب يضغط عليها..
واتصل على اخوه ابو ماجد...
ابو مشاري:هلا ابو ماجد
ابو ماجد: هلا والله اخوي..
ابو مشاري: والله ماني عارف وش اقول لك يا ابو ماجد..
ابو ماجد: سم..امر..
ابو مشاري هو محتار: مثل ما انت عارف يا ابو ماجد الزواج قسمه ونصيب..
ابو ماجد: ايوه يا اخوي قول اللي عندك..
ابو مشاري: والله اني لو الف الدنيا كلها ما لقيت احسن من ولدك اللي هو ولدي وليد ..بس ما صار بينهم نصيب..البنت استخارت ولا صار فيه نصيب..واحنا اخوان يا ابو ماجد..وهذا شي ربي كاتبه لهم..
ابو ماجد حزن على ولده: اكيد يا ابو مشاري واحنا اهل واخوان وحبايب..
ابو مشاري: تامرني بشي يا اخوي..
ابو ماجد: سلامتك..
ابو مشاري: فمان الله..
ابو ماجد: فمان الكريم..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ابو ماجد..
العنود: اسمعي الحين بيقول ابوي رغد رفضته..
عبير:نشوف..
وليد حاط ايده على قلبه لان وجهه ابوه ما يبشر بالخير: وش يقول عمي يبه..
ابو ماجد: وليد...ما حصل نصيب..
ام ماجد حست ان ولدها بنفجر لان وجهه انقلب اسود: الله يوفقكم اثنينكم وهذا نصيب..
وليد يطالعهم يبيهم يتكلمون يعترضون: كيف؟؟...وش قاعدين تقولون انتوا على كيفها ما توافق...
ابو ماجد وقف: وليد قصر صوتك ..احترمني..
وليد وقف مع ابوه وهو من العصبيه ما يدري وش يقول وش يسوي: على كيفها ترفضني..انا وليد ترفضني..
ابو ماجد يضبط اعصابه: وليد قلت لك احترم نفسك..
ماجد: وليد وش فيك..الزواج قسمه ونصيب مافي شي غصب..
وليد من غير وعي: مفروض عمي يجبرها..مو على كيفها انا ولد عمها واولى فيها من غيري..
ابو ماجد صرخ: وليد..
وليد: اكيد تعشق غيري عشان كذا رفضتني بس انا اعرف اتصرف معاها..
ابو ماجد مسك ذراع وليد ولفه عليه وعطى ولده كف عشان يصحيه: وليد قلت لك احترم نفسك..وبعدين هذا نصيب وما فيه شي اسمه غصب..
وليد حط ايده على مكان الكف: تضربني يبه...
ابو ماجد: واذبحك اذا ما صرت رجال...
وليد اخذ مفتاح سيارته وطلع....توجهه لبيت ابو مشاري مباشره...وباقصى سرعه ممكنه...وصلت سيارته قدام بيتهم..ونزل من سيارته وفتح بابهم الرئيسي باقوى شي عنده...
ما كان فيه الا رغد وريم وام مشاري... اما ابو مشاري ومشاري ماكانوا موجودين ..
وليد يصرخ في نص الصاله: رغد...رغد...
رغد كانت على يمينه جالسه بس ما شافها...اخذت نفس وراحت من وراه: خير..
وليد لف عليها النار تطلع من عيونه وجهه احمررررر وعروقه واضحه: ليش...يا رغد ليش..؟
رغد شافت وجهه وسرت في جسمها رعشه خفيفه: وليد انت رجال كبير وفاهم...
وليد: عشان النذل صح...عشان الحقير الوسخ صح...تركتي ولد عمك عشانه صح....
رغد عصبت هذا وشلون يتكلم معاها كذا: وليد عن الغلط ما اسمح لك...
وليد:رغد انتي لي انا...غصب بالطيب لي انا.. فاهمه..
رغد رفعت اصبعها في وجهه بتهديد: انا رغد ومحد يجبرني على سامع محد..
وليد قرب منها وهز كتفها: بس انا وليد وليد اللي ما ينرفض...كفايه نزلت نفسي لك كثير من قبل كل هذا ولا اثر فيك..بس مسألة اني انرفض هذا اللي ما ارضاها,..
رغد غمضت عيونها من الالم واول مره تحس بالخوف..وليد قدامها بركان هايج: وليد اتركني تراك تألمني...
وليد اثرت فيه الكلمه عليه وعلى قلبه وقال بحنيه: رغد انا احبك..رغد انا مابي اذيك ولا ابي ازعلك..بس وافقي علي وانا راح اسعدك..
رغد ماتحب احد يضعف قدامها: وليد افهم...افهمني ما اقدر..انا ما اصلح لك زوجه وان شالله بتلقى اللي تسعدك..
وليد: انا سعادتي معاك..
رغد: وانا ما اقدر اتخيل اني زوجه لك..
وليد بس تذكر تركي هاج مره ثانيه: تركي اللي يصلح اجل..
ام مشاري كانت ساكته وتقول رغد بتتفاهم معاه..بس وليد قاعد يسبهم في بيتهم: وليد...اترك بنتي..وافهم ما لك نصيب عندنا..
وليد ترك رغد وقرب من ام مشاري: الغلطه غلطتك..انتي...انتي اللي ما عرفتي تربينها وخليتها عشق وغراميات..
ام مشاري صرخت من قمة راسها:ما اسمح لك يا وليد..وانا محترمتك لحد الا لانك في بيتي ..بس الحين البيت يتعذرك...
وليد: بعد تطرديني من بيت عمي..اجل ما اشره على البنت اذا امها كذا..
رغد صرخت: وليد اطلع برا....اكرهك......اكرهك..اطلع برا...اطلع من حياتي...
وليد جات الكلمه مثل الملح على الجرح ..قويه.. جارحه..مؤلمه..اللي قلبه ينبض بأسمها تقول اكرهك..
وليد: راح اطلع يا رغد...بس محد راح ياخذك غيري ..وطلع وصقع بالباب بقوه...
رغد على طول اغمى عليها الموقف اكبر من انها تتحمله...

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
طلع وليد وبنفس السرعه لرجع لبيتهم..
عبير والعنود جاتهم حالة سكون غريبه ما تكلموا ابد كانوا منصدمين من ردة فعل وليد ..بعدين الكف اللي جاه..افقدهم تركيزهم.. وحسوا ان وليد رجع مره ثانيه من صوت خطواته الي تدل ان الشخص يدوس على الارض ووده يحطمها..
دخل وليد وهو ثاير وحالته حاله وكأنه جاي من هوشه..
وليد يصرخ: يبه...يبه..
ابو ماجد طلع له وباين انه تعبان: خير..
ولي: شوفني حذرتكم اذا ما اخذت رغد بالطيب ترى راح اخذها بالغصب سامعين..
ابوماجد: شكل الكف الاول ما علمك الادب..والاحترام..
ماجد: وليد خلاص يا اخي ما صار ..كل هذا عشانها رفضتك..وبعدين احترم نفسك واحترم ابوك..
وراح لعند الطاوله وكان عليها تحفه ورماها وبعدين قلب معها الطاوله وحوس الاثاث: ابي رغد ما تفهمون..
كان يحط حرته في الاثاث ما يدري وش يسوي..
وماحس الا بكف اقوى من اللي قبل بمليون مره..
ابو ماجد: اطلع برى بيتي...اطلع...اذا عرفت تتكلم مع ابوك زين تعال..
وليد: تطردني.....زين...
راح فوق لغرفته وقعد يطالعها على قد ما عشق هالغرفه حقد عليها..لانها اللي اجمعته برغد مرتين وكانت احلى صدفه بحياته..بس الحين كره كل شي تكون فيه رغد..
خذى له كم لبس وحطهم في شنطه واخذ جواز السفر حقه..ونزل..
وليد وقف عند الباب وكأن المسأله صارت تحدي: اذا جبتوا لي رغد رجعت..
وطلع وسكر الباب..
ابو ماجد طاح على عياله..
&&&&&&

 

 

[اليازيه]

جات ام مشاري بسرعه لعند بنتها..وريم تبكي بجنبها..وحاولو يصحون فيها...
رغد بدت تصحى: يمه...يمه..
ام مشاري: نعم قلبي شوفيني جنبك..
ريم: رغد قلبي اصحي..
رغد: يمه احس اني تعبانه....طلعوني لغرفتي...
ام مشاري وقفت رغد على حيلها وسندتها عليها وطلعتها لغرفتها..وسدحتها على السرير وغطتها...وراحت لعند ريم بالصاله..
ام مشاري: اسمعي يا ريم..اللي سواه وليد من شوي لا تجبين سيرته عند ابوك ولا اخوك فاهمه..
ريم: بس يمه.......
ام مشاري قاطعتها: يمه احنا ما نبي المشاكل.ما ودي يكون بين ابوك واخوه أي شي يفرقهم...وانتي تعرفين ابوك لو عرف بالسالفه ما راح يسكت...هذي رغد بنته ولا راح يرضى عليها...عشان كذايمه كبري عقلك ولا تتكلمين في الموضوع..
ريم بقلة حيله: ابشري يمه...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
طاح ابو ماجد على عياله...
العنود وقفت في مكانها وما قدرت تتحرك..كل شي ولا يصير لعزوتها وابوها شي..عبير صارت تصرخ وتضرب في وجهها..
ماجد على طول شال ابوه طار به للمستشفى...
ام ماجد اللي راحت تجيب ابرة السكر ورجعت وما حصلته: خير وش صاير..
عبير والدموع سيل على خدها: يمه ابوي..ابوي طاح علينا...
ام ماجد ضربت صدرها: يمه زوجي..وش فيه وش صار له..
عبير قالت لامها السالفه من يوم جاء وليد لحد ما طاح ابوها..
ام ماجد تبكي: يا حسره عليك يا نوره..رجلك طايح بالمستشفى بين الحياة والموت وولدك ما تدرين وين اراضيه..
العنود ما زالت وافقه في مكانها ما بعد استوعبت اللي صار.
تنصدم من وليد ثم يرجع ويصدمها مره ثانيه...بعدين ابوها يطيح عليهم..هذي اشياء مره كبيره عليها وما تقدر تدخل مخها وتستوعبها..
عبير صرخت فيها: العنود..وش فيك وافقه كذا...
العنود طالعت عبير ونزلت دموعها من دون مقدمات..حاولت تكابر بس ما قدرت..حاولت تمنعها بس زادت...
عبير احتارت ما تدري وش تسوي..تهدي امه..ولا اختها..ولا نفسها..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في المستشفى..
ماجد اخذ ابوه للمستشفى وعلى طول اخذوه..
بعد ساعه ونص من الانتظار ..طلع له الدكتور...
الدكتور: انت ولده...
ماجد وهو يرتجف ما يقدر يتخيل ابوه يروح منه بالسهوله هذي و السبب اخوه: ايوه انا..ولده... تكفى يا دكتور بشرني...
الدكتور حط ايده على كتفه: شوف يا اخوي انا بتكلم معاك بصراحه.. والله ابوك الحين حالته خطيره..بس انت اذكر الله وهّد بالك..
ماجد والكلام يطلع منه بصعوبه: كيف؟؟؟...ابوي وش فيه..
الدكتور :السكر ارتفع عند الوالد.ونتجيه لذلك تعرض لذبحه صدريه.. والحين تحت الملاحظه..وان شالله راح يتحسن..بس انت اذكر ربك...وكثر من الدعاء..
راح الدكتور وترك ماجد في صدمته: ذبحه صدريه...؟؟
ولحق الدكتور لمكتبه..
ماجد وهو يحس ان العبره خانقته ما يقدر يتكلم: دكتور اقدر اشوف ابوي..
الدكتور: تقدر..بس ترى ما راح يتجاوب معاك..
ماجد: مشكور..
الدكتور: العفو...
ودخل ماجد عند ابوه...طالعه كان ابوه من لحظات وافق مثل الجبل بشموخه في وجهه وليد اخوه..والحين اضعف من الطفل الرضيع...ما قدر يتحمل يشوف ابوه بالنظر هذا اللي يقطع القلب ويخطف الروح..ابوه معروف عنه بهيبته وشخصيته القويه والجامده..وليد ماخذ منه هالشي..بس ما عمره كان معاهم قاسي ..كان طيب وحنين..ماجد حاول يداري دمعه بتنزل من عينه..بس ما امداه لان نهر دموع تبعه..قرب من عند ابوه ومسك ايده اللي مشبوك في اصبعه جهاز قياس السكر وباسها..وطالع فيه كا نظره اخيره وطلع..
وقف في الممر وسند راسه على لجدار..وش يسوي الحين..وش يقول لامه وخواته..جاء بباله على طول اخوه وصديقه وولد عمه مشاري...
ماجد بصوت تعبان: الوو...
مشاري: هلا والله وغلا بمجود كيفك..
ماجد بكل تعب هاد حيله: مشاري تعال عندي انا محتاجك...
مشاري اخترع: ماجد وش فيك يا اخوي وش صاير..
ماجد: ابوي يا مشاري...ابوي..
مشاري: عمي وش فيه...
ماجد: تعال بمستشفى"......" وانا اقول لك السالفه....
مشاري: دقايق وانا عندك...
بعد عشر دقايق..
مشاري حصل ماجد..وراح له بسرعه..:ماجد خير وش صاير..
ماجد كان محتاج احد يواسيه وضم مشاري: ابوي يا مشاري..
مشاري: اذكر الله يا ماجد وقول وش فيه عمي..
ماجد: ابوي تعبان.. بالمره تعبان..
مشاري: ماجد خلينا نجلس واحكي لي وش صار..
مشاري جلّس ماجد..وماجد حكى لمشاري ان ابوه ووليد تخانقوا بس ما قال له السبب لانه اخته..
مشاري: ويطلع من وليد كل هذا...
ماجد: ما ادري وش فيه..وليد مو كذا ولا تربى على كذا بس انا متأكد ان في شي منرفزه بالسالفه..
مشاري: والحين هو وينه..؟
ماجد: ما ادري عنه..شفته اخذ شنطته وطلع...
مشاري: الله يهديه بس....طمنت اهلك..؟
ماجد:لا والله ما ادري وش اقول لهم...
مشاري: خلاص انا راح اكلمهم..
مشاري اتصل على بيت عمه..
مشاري: الوو..
عبير بلهفه:هلا..مين مشاري..
مشاري: ايوه عبير كيفك ..وكيف خالتي..
عبير: انا الحمدلله..بس امي تبي شي يريحها...
مشاري تردد يقول لهم او لا: ....تطمنوا الوالد بخير...
عبير فرحت: الله يطمنك..بروح اقول لامي...
مشاري: فمان الله..
عبير: فمان الكريم...
ماجد: ما قلت لهم الصدق...
مشاري: امك تعبانه وماله داعي..وان شالله عمي بخير...بأتصل على ابوي وبقول له...
وتصل على ابوه وعلى عيال عمته واجتمعوا كلهم عنده...وبعدها جابوا ام ماجد وعبير والعنود وريم..رغد ما جات تعبانه..
ام ماجد: وينه وينه ابو ماجد عزوتي..وسندي..
ماجد يحاول يهديها: يمه ادخلي عنده بس بدون صياح..
ام ماجد تمسح دموعها: ان شالله..
دخلت لعنده وما قدرت تتحمل تشوف شكل زوجها واهلها كلهم اللي عاشت معه حياته كلها بحلوه وبمرها بزينه وشينها بفرحها وحزنها..ما قدرتتشوفه على هالحال..وقعدت تبكي بصمت...وباست جبين زوجها وطلعت..
دخلت بعدها ريم والعنود وعبير..
عبير قربت من عند ابوها..
عبير: يبه الله يخليك لا تروح وتخلينا ما لنا غيرك..انت عزوتنا..وانت سندنا..وانت دنيتا..الهي يخليك لا تروح وتخلينا...
ريم مسكت عبير: عبير اذكري الله وبعدين لا تزدين على ابوك تراه تعبان...
عبير: ريم ابي ابوي...ابي ابوي...
العنود راحت ومسكت ايد ابوها وباستها وطلعت..وصارت تشاهق من الصياح..الدنيا قاسيه عليها.. ما قدرت تسعدها ولا في أي لحظه..لافي الطفوله ولا في المراهقه ولا في الحب ولا في حتى بين اهلها..ودها تحرمها منهم..طلعت بعدها عبير وريم ساندتها عليها..
وقرروا يرجعون له من بكره لان قعدتهم مالها داعي..والدكاتره منعوا من أي احد يرافق معاه...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
وليد من لما طلع من بيت اهله..وهو منهار..منهار ومحطم من داخل.ومهدود حيله من لخارج..
اخذ له غرفه في فندق يرتاح فيها..
دخل الغرفه وحط اغراضه..وبعدين رمى جسمه على كنبه صغيره موجود بالصاله..ومرر ايده على شعره..وبدى يسترجع اللي صار له اليوم...بدا يفكر هو وش سوى اليوم..صحى ..تذكر وش سوى برغد وشلون صرخ على ابوه..تذكر الكف الاول..وبعدها جاه الكف الثاني ..حط ايده على خده وكأنه يتحسس مكانه..قعد يبكي..ايوه يبكي..وليد الرجل اللي ما يهزه ريح يبكي.وليد اللي الكل ينتفض من شوفته يبكي..يبكي حبه اللي قتلته بنت عمه رغد وبكل سهوله رفضته..يبكي ابوه اللي صرخ فيه وعق فيه وهو اللي ما قد عصا ابوه بكلمه..بكي الكفين اللي حصلهم من ابوه عشان يصحيه من اللي فيه..كل هذا بسبب رغد..
رغد هي تعاستي..رغد هي السبب هي الي اجبرتني اسوي كل هذا..هي السبب هي...
بدى عنده الضمير يشتغل..وده يتصل على اهله ويعتذر منهم بس خايف..وده يطمن امه لانه يدري انها اكيد تحترق وخايفه عليه بس خايف..وده يتسامح من اخوه اللي رفع صوته عليه بس بعد خايف..وده يتصل على رغد ويقول لها اني اكرهك وبعد خايف من قلبه لانه ما كرهها..ونام وهو على الكنبه الصغيره...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
اليوم الثاني صحى الكل عشان يروحون لابو ماجد ويتطمنوا عليه..
سمعوا التليفون يرن...
عبير: يالله مين الي متصل علينا في هذا الوقت.....الووو
وليد بصوت مبحوح: الووو..
عبير ما عرفته: نعم اخوي...
وليد: عبير...
عبير انصدمت: وليد....!!
وليد: ايوه وليد اخوك..
عبير بدت تبكي: وليد ارجع ابوي تعبان..وامي تعبانه...وليد ترى ابوي بالمستشفى..
وليد وكأن احد معطيه كف لمره الثالثه: ابوي بالمستشفى !!!!!
عبير: ايوه يا وليد تعال بسرعه..وتسامح منه,,,تراه مره تعبان مررررره حالته ما تسر لا عدو ولا صديق..
وليد: انا جايكم...جايكم...

&&&&&&&&&&&&

 

 

[اليازيه]

وصل الكل للمستشفى بدون استثناء..
كانوا بجناح خاص اللي مكون من غرفتين وحده فيها ابو ماجد وحوله الرجال..والثانيه فيها الحريم والبنات...
اللي جالس..واللي يقراء قران..واللي يدعي..واللي ساكت..واللي واللي واللي..كل واحد في حاله...
سمعوا صوت الباب ينفتح بتردد...الكل لف على جهة الباب...
وليد دخل..طالع الكل بعين مكسوره وفيها الذل والانهزام.. يقرون فيها الاحساس بالذنب وتأنيب الضمير...
ام ماجد وقفت في مكانها: يمه وليد......
وليد راح جري لامه وباس راسها: هلا يمه ..سامحيني يمه.."وباس ايدها"
ام ماجد: مسموح يا وليدي مسموح..تعذر من ابوك مو مني..
جات عبير وسلمت على اخوها: وليد لا تترك ابوي كذا..الله يخليك..
وليد ابتسم يطمنها: ما راح اتركه..
وليد طالع العنود يبيها تسلم عليه...
العنود ما تحركت من مكانها..ما تبي وليد يقرب منها ولا يكلمها...
وليد اختفت ابتسامته من حركتها...حرك عدسة عيونه وطاحت عينه على رغد كان باين انها تعبانه..وما كانت تطالعه .صاده وجهها عنه..
انفطر قلبه عليها وده يروح ويعتذر منها يقول لها اني ما راح اجبرك على شي.. بس وين القوه الي تخليه يتكلم بحرفين قدامها...بعد عيونه عنها..قرر يروح لابوه...تقدم بخطوات ثقيله للغرفه الثانيه..كانت مليانه ..بس هو حس انها فاضيه وما فيها الا هو وابوه وماجد..
راح قرب من ابوه..اللي مغمض عيونه وجسد جامد بس كل شي يحس فيه..
وليد مسك ايد ابوه وباس راسه: يبه...انا وليد يبه...سامحني الله يخليك...الله يخليك ارضى علي..انا ما بي الا رضاك...وصدقني يبه اني راح ارجع مثل اول واحسن..وما راح اعصيك في شي لو على رقبتي..بس سامحني الله يخليك..
ابو ماجد ضغط على ايد وليد بمعني اني مسامحك..
وليد ارتسمت ابتسامه وباس راس ابوه وايده: الله يخليك لي يبه وتقوم لنا بالسلامه...
ترك ايد ابوه..ولف على اخوه ماجد..ماجد كان مره متأثر بالموقف اللي صار...وعلى طول راح لحضن اخوه وضمه...
وليد: سامحني يا ماجد ادري اني غلطان...
ماجد: مسامحك يا اخوي مسامحك...
وليد حس بارضى وان جبل الهم انزاح من صدره..وارتاح الحين...الكل راضي عليه ومسامحه..سلم على عمه والرجال وعيال عمه...
وبعد ساعه طلع لعند الحريم..
وليد: العنود....العنود...
العنود ودها تروح بس تكابر...
فجر: روحي لاخوك حرام عليك..
شجون: والله يكسر الخاطر...
نوف: لا تصيرين قاسيه كذا..يله تحركي..
عبير: مهما كان هذا اخوك يا العنود اخوووووك..
العنود اهم شي عندها راي ريم..طالعتها..
ريم ابتسمت لها: روحي يا العنود هذا اخوك وسندك مهما كان..
العنود ابتسمت وراحت ركض لاخوها وليد ورمت نفسها في حضنه..
العنود تضرب صدر وليد: خليك تسويها مره ثانيه يا الدوووووب...
وليد ضحك: والله ما اسويها مره ثانيه...

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
بعد تقريبا اسبوع تحسنت حالة ابو ماجد بالمررره..والسبب الاكبر بسبب تحسن حالته النفسيه..رجع لبيته واهله واحبابه...
وام ماجد مسويه عزيمه بالمناسبه هذي...والكل اجتمع في بيت ابو ماجد...
فجر: العنود عندكم ليمون...
العنود: اكيد...ليه؟؟
فجر: ما ادري مشتهيه ليمون..قومي بسرعه جيبيه..
العنود: تتوحمين بليمون..اجل وش بيطلع البيبي...
ريم: اكيد بيطلع يرقص يا البرتقاله..عذبتي حاله...
فجر تضحك: هههههه تخيلي...
رغد: بنات....بنات عندي لكم شي..
الكل: شنو؟؟؟
رغد: جايبه شريط كاميرتي..
العنود: احفلي...
ر غد: والله...
نوف: يله شغلوه..والله اشتقت لايام الفله...
عبير: أي والله من زمان ما نبسطنا...
رغد: يله وين نشغله فيه..
العنود: انا عندي فكره...الخيمه فيها تلفزيون كبير شاشه بلازما.يصلح نشوفه فيه...
رغد: اوكيه يلا..
وراحوا البنات الخيمه..وشغلوا الشريط وطفوا الانوار وبدى مسلسل الضحك عندهم يتذكرون وش يسوون ويضحكون...تذكروا يام الشاليه...لما لعبو كوره...لما سوو المقلب في العيال...ولما العيال ردوا لهم المقلب,,,ورجعت فيهم الذاكره لحظه بلحظه...جات بعدها ايام دبي كل يوم فيها كان مسجل بكاميرا رغد وماتوااا ضحك على هبالهم بكل مواقفها...
ريم: ههههههه بطني والله خلاص..
عبير: شوفي اشكالنا وحنا نايمين...رغيد عليك تصوير ما ادري وش يبي...
رغد: انا ما قهرني الا شجون... ما ادري كيف تنام...
شجون: كيف انام؟؟
رغد: ما ادري عنك تسوين حركات تقولين وكانك في مسابقة رقص "باليه"..
شجون: لا والله انا مو كذا..
العنود فاقعه ضحك: هههههههههههه الا تذكرت شجون كذا..رجل من جهه ويد من جهه وراس من جهه..
نوف: حشى اخطبوط مو شجون...
تسدوحوا البنات من الضحك...
شجون مفتشله: والله سخفين...
العنود: الحين بتكي الدلوعه...
ريم: ههههه ياربيه بموت....بموت..
عبير: بنات جتني فكره جهنميه..
ريم: العنود ما تلاحضين شي هالايام عبير متغيره..
العنود تطالع عبير من فوق لتحت: وش فيها...ما تغير فيها شي ..ما زالت عنز..
عبير/ عنز انتي..
ريم:لالا ما لاحظتي هالايام تشغل مخها..
العنود: الا تصدقين ملاحظه بس ساكته خفت احسدها..
عبير: ما راح ارد عليكم واسمعوا الاقتراح وانتوا سكتين..
رغد: يله قولي..
عبير: وش اريكم نتصل على العيال ونهبل فيهم..
العنود: واخيرا يا عبير طلعتي بشي يونس...
عبير: اعجبك انا..
ريم: بس ارقامنا عارفينها...
عبير: ولا يهمكم اليوم انا شاريه شريحه"سوا" عشان كذا..
العنود: تخططين من وراي...؟
عبير: لا والله من قدامك هههههههه..
ريم: العنود ما لاحظتي شي في عبير...
العنود: وش بعد..؟
ريم: طالعه ثقيلة دم بزياده...
عبير: اوريك يا الدوبه..والله ما اخليك "قامت تحق ريم"
وريم تنحاش..لفوا الخيمه مرتين بعدين طلعوا...ريم تركض وعبير وراها....دخلت ريم من الباب الرئيسي...وعبير وراها وما حست الا صدمت بشخص....
عبير ومعاها شوز في يدها:آآآآآآآآآآآآآخ."ورفعت عينها على الشخص"
طلال ابتسم: وش فيك كأنك بزر تطاردين في الملحق..
عبير: ما فيني شي.."وخبت الشوز ورى ظهرها عشان ما تتفشل"
طلال: وش مخبيه وراك.؟
عبير: ههه ما في شي...
طلال: عبير جد وش مخبيه...
عبير: قلت لك ما في شي...
طلال بترجي: عبوره قولي وش مخبيه...
عبير تدوخ اذا دلعها: تبي تعرف وش هي....متأكد انت؟؟
طلال: ايوه متأكد..
عبير طلعته: هذي...تبي تجربها ولا تروح من وجهي<<عشان ما يفشلها...
طلال منصدم:بالله من ناويه عليه..
عبير ابتسمت بطفوله: رويم الدوبى...
طلال: اجل ما دامها رويم..عليك بها ما اوصيك...
عبير: ابشر بس بعد عن طريقي...
وبعد طلال وهي ميته حيا..وراحت ركض.ناويه على رويم بالذبح..
ريم منخشه ورى امها: يمه...يمه شوفي عبير..
عبير: اذا فيك خير اطلعي قابليني...
ريم: ما راح اطلع....
ام مشاري: عبير بتضربين بنتي...
عبير: واربيها بعد...بس خليها تطلع..
جات العنود: ريم تبين فزعه..
ريم: أي والله ابي فزعتك يا بنت عمي...
العنود: تعالي نقضي عليها...
ريم: هيا بنا..
وراحوا لعبير وثبتوها ودخلوها المجلس..وبدت الحرب العالميه الثالثه...دخلوا بقية البنات وكملت معاهم...وقلبوا ريم وعبير والعنود عليهم...
فجر: انا حامل واللي يعافيكم بعدوا عني...
وبعد الحرب ...
عبير: اقول اجلسوا وخلونا نهبل في العيال...
الكل: يله...
وجلسوا البنات على شكل دائره...
العنود: مين اول واحد؟؟
رغد: .................................

نهاية الفصل الاول

 

 

[اليازيه]

الجزء الاربعون....""ما قبل الاخير""
" الفصل الثاني"
العنود:اول واحد مين..؟؟
رغد: انا اقول ماجد ودي اعرف هو راعي حركات ولا لأ..
عبير: اوكي مين تكلمه..؟
شجون: بكلمه انا...
عبير: اوكيه خذي اتصلي عليه...
شجون: احم احم.."وحطت السبيكر"
ماجد طالع الرقم غريب..وبعدين رد...
شجون: الووو...
ماجد خق على الصوت بس ما بيّن: هلا والله..
شجون: هذا موبايل مجودي....
ماجد تشقق من الوناسه: ايوه...مين معاي...
شجون: معاك اللي تعذبت بحبك..
ماجد"اخس والله يا ماجد البنات منهبلين عليك"..: هلا والله..بس انا ما اعرفك..
شجون: طيب نتعرف على بعض...
ماجد مسوي ثقل: اقول اختي انا ما احب هالحركات ..
شجون: طيب انا احبك..
ماجد: اقول اعقلي واستري على نفسك..انا مو راعي بنات...
وقفل السماعه بوجهها...
والبنات فقعوا ضحك...
العنود: يا حليله ماجد اثره عاقل...
رغد: مشا الله ثقل..
ريم: مع ان صوت شجون يذوووووب...
شجون: تسلمين يا قلبي..بس باين على ماجد ما يحب الحركات هذي..
نوف: الحين دور طلال..
رغد: مين يكلمه...
عبير: انا اقول العنود تكلمه..
العنود ثبتت في مكانها:...انا!!!!
عبير ابتسمت لها: ايوه انتي...
العنود: اخاف يعرفني...
عبير: خلي صوتك نعوم وما راح يعرفك..
العنود تحمست: اوكيه...
العنود بدلع يلوع الكبد: الووو..
طلال بلع ريقه من سمع الصوت: هلا...
العنود: هذا موبايل طلال...
طلال رفع صدره وبوثوق: ايوه معاك طلال..
العنود بدلع ماسخ: آآآآآه انت طلول ما اصدق...
طلال في نفسه "الله يلوع كبدك"..:لا انا طلال بشحمه ولحمه...
العنود: طيب ممكن تعطيني من وقتك دقايق اعبر عن مشاعري واعجابي فيك..
طلال: الوقت كله لك...بس بعدين...
العنود:لا ابيه الحين...
طلال بقلة صبر: اقولك بعدين..
العنود: لالالا انا ابي الحين..
طلال: اقول تراك لوعتي كبدي..من زينك انتي وصوتك..وانا متاكد ان وجهك يجيب انفلونزا الطيور..روحي زين....واحمدي ربك اني عطيتك وجه..
العنود بصوتها الطبيعي لانها عصبت: اقول عاد من زينك انت وخشتك...
طلال انصدم من الصوت: الووو.الووو..
البنات اخذوا الموبايل وسكروا السماعه..
ريم: يا انك فضحتينا...
فجر: بغيتي تخربين علينا كل شي..
رغد: اللي بعده..
عبير: مشاري...
رغد: نخلي الهنوف تكلمه.."وغمزت لها"
الهنوف استحت: لالا مابي..
العنود: اقول اخلصي علينا..محد فاضي لك...
الهنوف: طيب امري لله...الوو..
مشاري: هلا والله وغلا..
الهنوف: ميشو؟؟
مشاري: ايوه معاك المزيون ميشو...
الهنوف: معاك اللي متعذبه بهواك...
مشاري: هلا والله تشرفنا...
الهنوف وفيها الضحكه: تشرفنا...
رغد تهمس لريم: ما عنده سالفه...
ريم: ادري انه ما عنده ما عند جدتي منيره...
مشاري: اقول يا الدلع كله...اتصلي علي بعد شوي..الحين عندي ضيوف..
الهنوف من بين اسنانها: اوكيه مو مشكله..
مشاري: باي..
الهنوف: باي..
مها: والله اخوك زاحف..
رغد: توني ادري..
ريم: هين اوريه ومسوي فيها عاقل..
الهنوف منقهره: اثره راعي بنات واحنا ما ندري..
العنود: انتي وش عليك منه خليه يوسع صدره...
فجر: خلونا نشوف صوصو وش بيسوي..
عبير: نخاف تنصدمين...
فجر: والله لوريه نجوم الليل بعز الظهر..
شجون: الله يستر بس..
فجر: نوف كلميه..
نوف: اوكيه........الوو..
فيصل: اهلين ...من معاي..
نوف: بنت تموت فيك ودايم تفكر فيك..
فيصل: انا واحد مرتبط ومتزوج..وما عندي حركات المراهقه هذي "وسكر السماعه"
فجر: وه فديته بعد قلبي...
رغد: الحمد لله ربي ستر ولا كان ولدتي الحين...
ريم: سليمان...وانا بكلمه...
العنود تناظرها بنص عين: اعصابك لا ينط في وجهك عرق...
ريم: اقول هاتوا الموبايل بسرعه..
ريم بدلع: الووو..
سليمان: هلا..
ريم: سوسو..
سليمان: ايوه مين معاي...
ريم: معاك فوفو..
سليمان: احلفي...
ريم انبسطت انه عاقل: والله..
سليمان: بشري امك."وسكر السماعه"
ريم تنطط في مكانها: وااااااي يا حليله..
الكل انصدم منها طبعا اللي ما يدرون وش السالفه..
ريم استوعبت: هههههه ما ادري وش فيني تحمست..
عبير: لا يكون شي ولا شي...
ريم تصرف: اقول وش رايكم بتركي بس..
الهنوف تبي ترد الحركه: ورغد تكلمه..
رغد تبي تقهرها: اوكيه..
الهنوف: بقهرك بشي ثاني لا تخافين..
رغد: اقول هاتوا الموبايل.......الووو..
تركي: بابا فين..
رغد تستهبل: بابا هنا ..هنا هو..
تركي: هههه صدق انك مخفه ..مين المتصل..؟
رغد: معاك اللي متلوعه بحبك..
تركي: روحي المستشفى اخاف فيك شي ولا شي ههههه..
رغد:لا اللي فيني حبك..
تركي: والله ما عندي له حل...وترى اللي مثل حالتك كثير..اسف تعالي مره ثانيه يمكن لقيت حل...
رغد: انا اعرف دواي..
تركي: بأي صيدليه ههههه..
رغد: تصدق انك خفيف دم..
تركي: مشكوره...وتراك انتي اول وحده تقول لي هالكلام..
سليمان يهمس له: مين تكلم..
تركي: وحده وحده..
رغد: طيب عادي كل يوم..
تركي: لالا كل 12 ساعه احسن...
رغد: من جد..
تركي:لا من خال..اقول انتي تراني عطيتك اكبر من حجمك...يله روحي ودوري لك واحد غيري.."وسكر السماعه"
الهنوف: غريبه...
العنود: لا شكله عقل..
الهنوف: الله يسمع منك...
العنود: مين باقي..؟
&&&&&&&&&&&&&&&&&&&&&&&
ماجد: فاتكم عيال بنت متصله علي..
مشاري: صدق..وحتى انا بعد..
طلال: وانا بعد..
تركي: وانا بعد..
سليمان: وانا بعد..
فيصل: وانا بعد..
ماجد شك: كم رقم اللي عندك..
مشاري : نهايته 65..
طلال: وانا..
سليمان:وانا..
والباقين اكدوا نفس الشي..
ماجد تأكد: هذولا البنات يلعبون علينا..
مشاري خاف: قول والله..
طلال: وانا اقول الصوت مو غريب علي...العنود مكلمتني,..
تركي عرف الصوت: وانا رغد..
سليمان: وانا ريم..
فيصل: وانا نويف..هين اوريها فجر تبي تشوف..
مشاري هو خايف: لالا تكفون لا تقولون..
ماجد: عسى ما طحت في شباكهم..
مشاري: وطيحه غبيه..""يا بيه انا متأكد ان اللي مكلمتني الهنوف ..اكيد طحت من عينها..والله اول مره اسويها..وانا لازم اتهور على اخر عمري.."
ماجد: الله يعينك وش بيفكك منهم..
طلال: وش نسوي...
ماجد: اصبر نهبل فيهم..اكيد الحين بيتصلون على وليد...
مشاري: وليد تعال..
وليد اللي كان جالس بعيد عنهم لانه ما يتحمل يشوف تركي..
وليد: نعم..
مشاري: محد اتصل على موبايلك..
وليد: لا ..."الا رن موبايله"
طلال طالع الرقم: البنات..
وليد: وش السالفه..
مشاري: البنات يستهلبون علينا خلونا نهبل فيهم..
وليد فهم السالفه: اوكي....الوو..
فجر: الووو..
فيصل في نفسه"اوريك يا فجير"
وليد: هلا..
فجر: اخوي هذا موبايل فارس...
وليد: لا احمد..
البنات انصدموا...
فجر: يعني انت احمد..
وليد: لا هذا موبايل خالد.
فجر عصبت: انت خالد؟؟
وليد وفيه الضحكه: شكلك ما تسمعين قلت لك محمد..
فجر: انا الي ما اسمع ولا انت اللي محشش..
وليد: لا والله انا سكران...
فجر تستهبل: سكران ولا شارب ههه...
وليد:لا والله حبوب..
فجر تنرفزت وسكرت السماعه..
العيال فقعوا ضحك..
ابو مشاري: وش فيكم تسدحتوا..
مشاري: سلامتك يبه بس كنا نقول نكته..
ابو ماجد: قولوها خلونا نضحك..
فيصل: لازم كل شي يعرفونه...
طلال: دبروها وقولوا نكته..
مشاري: يقولك في نمر شاف قطو يلاحق فار قال يلعن ابو حركات الابتدائي...
العيال تقلبوا من الضحك...
ابو مشاري: الحين هذي اللي من شوي متسدحين عليها من الضحك..
ابو ماجد: ولا ويضحكون عليها مره ثانيه..
ابو فيصل: الله يهديهم بس..
ماجد: والله ما عر فنا لهم...
مشاري: ما عليك منهم بس..الحين تلاقي البنات ميتين حسره..

&&&&&&&&&&&&&

 

 

[اليازيه]

العنود: وش عنده وليد..
ريم: يا ربيه يقهرررررررر..
فجر: حسيت انه بيجيني طلق بسبته..
عبير: والله هبّل فينا قبل لا نهبل فيه...
رغد ساكته وما علقت ..
وكملوا البنات سهرتهم ضحك وسوالف وفله واكيد ورقص..
&&&&&&&&&&&&&&&&&&&&&&
رجع الكل لبيوتهم..
بيت ابو مشاري..
مشاري: رغد...ريم تعالوا..
رغد: نعم...
مشاري: على فكره حبيت اقول لكم ان اليوم كاشفين حركتكم من اول ما كلمتوا ماجد<<عشان يرقع السالفه..
رغد: صدق؟؟
ريم: عاد باين انكم ما تدرون...
مشاري: اصلا عرفنا اصواتكم من البدايه..
رغد: ههههه وش رايك فينا...
مشاري: سخيفين...
ريم: توقعناك راعي حركات..
مشاري يسوي نفسه واثق: عشان كذا قلت بأهبل فيكم ولا انا اصلا مو راعي هالحركات..
رغد: اشوى لان في ناس بغت تجيهم جلطه...
مشاري فهم عليها: فهميهم السالفه..
رغد بدلع: خايف على مشاعرهم..
مشاري: اقول ما ودك تنامين ازين لك....
ريم ما فهمت وش السالفه: وش فيكم ..وش تقولون بالالغاز..
مشاري: وانتي يا الملقوفه روحي لغرفتك اريح لك ولسانك بعد..."وراح"
ريم: رغد وش السالفه..
رغد: توك بزر...اذا كبرتي فهمتك...
ريم: هين اوريك..
وراحت كل وحده لغرفتها....
&&&&&&&&&&&&&&&&&&&&&&&&&&&&
بعد ثلاث أيام..
ام مشاري: رغد..رغد..
رغد نزلت: نعم يمه..
ام مشاري ابتسمت: تعالي يمه...
رغد جلست جنب امها: سمي..
ام مشاري: اليوم اتصلوا ناس وخطبوك...
رغد انصدمت::: مين؟؟
ام مشاري: ام تركي..اتصلت تخطبك لولدها تركي..
رغد ما استوعبت: كيف!!
ام مشاري: وش فيك يمه...
رغد: تركي خطبني...طيب الهنوف ما قالت لي..اوريها النذله..
ام مشاري: خلك من الهنوف الحين..وفكري في اخو الهنوف..
رغد حمرت خدودها: ا نشا الله..
ام مشاري: فكري زين يمه..هذا زواج مو لعبه....
رغد: ابشري...
وراحت لغرفتها..واتصلت على الهنوف..
رغد معصبه: الووو هنيف...
الهنوف ميته ضحك..
رغد: اوريك يا النذله وتضحكين بعد..كذا تخليني انصدم..امي قالت لي ما استوعبت وما عرفت وش اسوي..وش اسوي فيك اذبحك ..اقتلك..اجي بيتكم واتوطى في بطنك..علميني وش اسوي فيك هاه علميني..كذا تخلين ضغطي يرتفع مليون وانتي قاعده تضحكين علي اوريك والله ما خليك<<مسكت خط الاخت معصبه..
الهنوف: بس بس تعبتي حلقك من كثر البربره..
رغد: وبعد تردين..
الهنوف: وش اسوي تركي قالي يا ويلك اذا قلتي لها شي..
رغد تذكرت تركي ضاعت علومها: اجل تركي...
الهنوف: انا محاضره طول بعرض..وبعض الناس..بس"وتقلدها"اجل تركي..
رغد تستهبل: انشا الله تقارنين نفسك فيه..
الهنوف: لالا ما اقارن نفسي فيه لاني متأكده اني غير....
رغد: احلى يا الواثقه... هنوف اكلمك بعدين..
الهنوف: اوكيه..
&&&&&&&&&&&&&&&&&&&&&
رغد راحت لعند ريم..
ريم جالسه تاكل وتكلم العنود..
رغد: سكري بأكلمك في موضوع ضروري..
ريم: عنوده اكلمك بعدين رغد تبيني في موضوع ضروري..
العنود: اوكيه..بس اذا خلصتي تقولين لي وش قالت لك...
ريم: ههههه اوكيه...باي...
رغد: وانتي ما تملين منها..
ريم: ياربيه حاشره عمرك بكل شي..اخلصي وش عندك..
رغد: انخطبت...
ريم قامت من مكانها: وش قلتي؟؟
رغد تضحك: وش فيك؟؟ اقول لك انخطبت...
ريم: ومين اللي خطبك..
رغد ابتسمت وبدلع: تركي..
ريم: ههههه اجل"وبدلع" تركي...
رغد: ايوه..
ريم: وش قررتي..
ر غد: من شوي امي قالت لي يا المرجوجه..
ريم: فكري زين واستخيري..
رغد: ان شالله..
ريم: الله يوفقك...وعقبالي ا نشا الله واهم شي اللي في بالي...
رغد: امين..
ريم راحت وضمت اختها: اجل بتزوجين يا رغدوه..
رغد وهي ضامتها: ترى ما بعد قررت...
ريم: القرار واضح من عيونك..
رغد استحت ولفت عنها: ابطلع باااي...
ريم: يا حليلها تستحي..
واتصلت على العنود..
ريم: ابشرك..
العنود: ولك البشاره..
ريم: انخطبت رغد..
العنود انصدمت:صدق؟؟
ريم: ايوه..
العنود:مين اللي خطبها..
ريم: تركي...
العنود فرحت لرغد وفي نفس الوقت ضاق صدرها على اخوها:ايوه الله يوفقها...
ريم: امين..
&&&&&&&&&&&&&&&&&&&&&&&&&&&
سكرت العنود السماعه ونزلت تحت عند اهلها..وجلست جنب عبير...
العنود بصوت عالي وهي تكلم عبير عشان يسمعها وليد ويشيل رغد من باله..
العنود: عبير ما دريتي؟؟
وليد نغزه قلبه..
عبير: عن ايش...
العنود وهي تطالع اخوها وحزنت عليه: رغد...
عبيرببرود: وش فيها..
العنود: انخطبت..
فز وليد من مكانه وقعد يطالع العنود تكمل كلامها...
عبير طالعته وفهمت قصد العنود من الحركه هذي: ومين اللي خطبها...
وليد نفسه يسمع أي اسم بس لايسمع اللي في باله..
العنود بصوت واطي وحزين: تركي..
وليد هنا جات كالصاعقه على راسه..راح للعنود وهزها من كتوفها: العنود انتي متاكده..
العنود غمضت عيونها حاسه بأحساس اخوها..لانها مجربه...مجربه كيف الشخص يبعد عن حبيبه...وليد اعظم منها...العنود هي تركت طلال وهو يحبها..بس وليد هي تركته وهي ما تحبه...
العنود: ايوه...ريم كلمتني من شوي..
ام ماجد خافت على ولدها لا ينهار مره ثانيه: الله يوقفها ورغد تستاهل...ووليد صدقني بدور لك احسن منها...
وليد لف على امه: يمه انا ابيها هي...ومابي غيرها...
اماجد راحت لولدها: وليد يمه..الزواج قسمه ونصيب..وهذا كله مكتوب لك ولها..
وليد: يمه انا احبها...احبها..
ام ماجد: الايام كفيله انها تنسيك..
العنود وقفت: وليد انت لازم تتخطى مرحلة رغد..خلاص انساها.مالك نصيب فيها...خلاااااص انسااااها..
وليد: علميني كيف انسها علميني..
العنود في نفسها" خليني اعلم نفسي بعدين اعلمك"..:الزمن كفيل بأنه ينسيك اياها..
وليد حس بضيقه..المكان ضيق..كل شي ضاق عليه..يحس خلص الهوا من بيتهم..يحس قلبه قاعد ينزف..يحس ان الدم وقف بعروقه..اخذ مفتاح سيارته وطلع..
ام ماجد لحقته: يمه..وليد....وليد..
العنود مسكتها: يمه خليه على راحته..
وليد في سيارته: كيف..كيف رغد تتركني وتاخذ تركي..تركي..تركي...ليش هو..ليش مو انا...انا اللي مفروض ياخذ رغد...انا احق فيها..انا احبها..وولد عمها..واولى من الغريب..بس اخ يا زمن..ليش تقسى علي..اللي احبها تحب غيري...وانا اللي اوهمت نفسي بحبها لي..انا كنت اظن انها في يوم من الايام بتفكر فيني..ياريتني ما حبيتك يا رغد..ياريتني ما لتقيت فيك في غرفتي النحس...ياريتني ما عشمت نفسي بالوهم...
وصار يدور بالسياره عسى يلقى شي يوسع عليه همه ويطفي النار اللي بقلبه..
************************
مسكين يا قلبي انا باع الهنا وشرا العنا..
يمشي ويطرق كل باب ولا لقى غير العذاب...
فهمها متأخر انه ركض خلف السراب...
في البدايه كان لي دنيا وحكايه...
كنت اعطي ما أمل احتري بارق أمل..
ابغى عشرتنا امان عشره تكفيني الزمان...
كنت عاشق..كنت هايم..كان قلبي ما يخاف..
كنت اظن العشق دايم من هنا صار اختلاف..
اثر ما شفته دعايه من البدايه للنهايه..
**************************