عضو\ه في ...... المطبخ

[درة الفجر الباسم]

بما انه اللي دعونهم ما جوا
راح اختار

الضيف اللي بعدكم
ronaldinho

 

 

[إحسآإس قآإتل]

اللهم صل وسلم على محمد وآل محمد

ماشاء الله على الشباب المغامرين شغل عدل هآ
ياحليلكم عساكم على القوه عقبال مانتذوق من أناملكم
:
-هل جربت وقمت بأعداد وجبة صغيره؟
صراحه وجبات ما أقصر بالمطبخ بس الان أشوية كسل وأنشغالات والاعتماد على الاهل
بالاكلات الاساسيه وأيام الطفوله إلى الان يعني نسبيآ وأيام التجمع الشبابي
-هل تشعر بالنقص وانت تقوم بذالك او الحرج؟
لآ طبعا بلعكس أحيانا أحب أسوي الشي على طريقتي الخاصه وهالشي يعزز من مقدرتي الشخصيه
-كيف تشعر وانت تأكل من عمل يدك ؟
لذيذ جدآ لوول أحيانا ماتطري على بال الاهل أو أحد لان أسوي أشياء خاصه وصفات حصريا بذات المشروبات
-ماهي الوجبة الي تتقنها ومحد قدك فيها ؟
أممم مافي وجبات حاليا غير البطاطس أسويه بطريقه غير أهلي يمكن الاعداد يختلف يجوز
لان اذا كلوا يقولا شلون بطاطسك غير لي نسويه ههههه مع انه بطاطسهم عادي وحلو
-هل حدث لكـ موقف وأنت بالمطبخ؟
ما اذكر حدث صابني الا وانا صغير أتذكر أني غليت الحب من قوه ريحته سكرت عليه
قربت المغله علشان أشمها وحرقت صدري سويت لي وشمه علشان ما أضيع
-متى كآنت آول تجـربه لك في المطبخ ؟
<< مشاكس وانا صغير اسوي بيض وبطاطس وفاصوليا واشياء خفيفه تعلمتها من الوالده و خواتي
أحب أشاهدهم وأطبق وهيك تعلمت او أعتمد على ميزان الكلام والمقادير
-من وجه نظـرك هـل الطبخ يختص بآلمـرأه فقط آم آنه لـِ كلآ الجنسيـن؟
لآ طبعا لان كلمة شيف < مذكر
لكن الاختصاص أصبح لـ المراه أكثر لانها للبيت
والرجل للعمـل وهيك تطور مجال أهتمام المراه للمطبـخ وياحلو طبخها
-طبخـه آو أكـله لآتستغنـي عنهآ؟
مافي شي معين تعودنا على الكبسه والمندي والسمك وهيك بس لي عندي الاساسي فقط بالظهر
وبالليل خفايف بس في أكلات أحبها كثيره
-آكله تشتهيهآ آلِآن؟
والله خاطري في كذا أكلـه بصراحه أحاتي البروستد زمان عنه وفي أكلـه أسمها عريكـه
مدري اذا تعرفوها أولا مراح أعلمكم
-آذكـر آخـر طبخـه طبختهآ ؟
أمم والله زمان بس أخر شي سويته بطاطس أكثر شي أحب أكلـه
-من من حوآه تفضل أكلها وتعشقه ؟
الوالده وخواتي الله يخليهم بس مو دايم على أكلات معينه أحيانا لا يعجبني
أحب الاكلات بس مو كثير يعني على حسب المزاجيه

:
أشكر الاخت درة الفجر على الدعوه والموضوع الرائع والحمد الله أني لبيتها بسرعه
ترا الشباب عندهم أبداعات خفيـه بس الكسل أو الشغل محطمها

دمتم بؤد أحبائي

 

 

[طرفاوي أصيل]

السلام عليكم ورحمة الله وبركاته


اولاً أشكر الأخت درة الفجر الباسم على الفكرة الأكثر من جميلة


ربي يعطيك الف الف عافية



س /1 هل جربت وقمت بأعداد وجبة صغيره؟

لا أبداً ماعدا البيض أحياناً أسهل شي

س /2 هل تشعر بالنقص وانت تقوم بذالك او الحرج؟

لالا بالعكس أشعر بالفخر وأنا آكل من طبخ يدي

س/3 كيف تشعر وانت تأكل من عمل يدك ؟

أشعر بالراحة النفسية طبعاً

س/4 وماهي الوجبة الي تتقنها ومحد قدك فيها ؟

للأسف مافيه لكن الموضوع تحت التدريب

س/5 هل حدث لكـ موقف وأنت بالمطبخ؟

لا الحمدلله بس أخاف اذا سخن الزيت وقعد يتفرقع هههههههه

س6/ متى كآنت آول تجـربه لك في المطبخ ؟

من مدة طويلة لكن ماأذكر بالتحديد

س7/ من وجه نظـرك هـل الطبخ يختص بآلمـرأه فقط آم آنه لـِ
كلآ الجنسيـن؟

الطبخ لايقتصر على النساء فقط لأن حتى الرجل يحتاج لأن يأكل والأنبياء كانوا يطبخون بأيديهم

س8/طبخـه آو أكـله لآتستغنـي عنهآ؟

الكبسة أكيد

س9/ آكله تشتهيهآ آلِآن؟

مصقعة من زمان ماكلتها

س10/ آذكـر آخـر طبخـه طبختهآ ؟

لم يسبق وان طبخت غير البيض ومن فترة طويلة

س 11 / من من حوآه تفضل أكلها وتعشقه ؟


أخواتي ربي لايحرمني منهم



أخيراً أشكر الأخت درة الفجر الباسم مرة أخرى على هذه الرحلة الجميلة بمطبخنا الطرفاوي


وربي يعطيك الف الف عافية



وأستدعي أول الغيث .. نبي نشوف طباخه بس بدون ريحة حرق ههههههههه

 

 

[أنين الشوق]

الله الله شغل حلو ...ممتازين يا شباب .. حركاات طبخ ونفخ وحرق..
بس انا ما أشوف إلا بطاطس وبيض يالله تنفع بالايام السوده


يعطيك العافيه دره مواضيعك مميزه شكل شوشي أنقلت لك عدوة المجاهر

أممم عنوان موضوعك ..
عضو\ه في ...... المطبخ..>> وين الهاء بالموضوع
.
.
بانتظار الشيف القادم اول الغيث العالم ههههه

 

 

[kaha]

احساس قاتل / ماتعرف الا هالبطاطس
الله يعطيك العافيه كنت شيف ممتع بطبخ رائع

\\

طرفاوي اصيل / يعطيك العافيه مافي الاهالبيض طلع مافي جعبتك
كبسات مجابيس مقلوبه

 

 

[أول الغيث]

ما شاء الله .. طباخ وحركات


الله يعطيكم العافية أختي درة الفجر الباسم

وعساكم عالقوة إن شاء الله ..

اقتباس س /1 هل جربت وقمت بأعداد وجبة صغيره؟

كل وجباتنا صغيرة ..

بيض ( مقلي / مفيوح ) – شاي – حليب – جلي – مهلبية بيضاء .

اقتباس س /2 هل تشعر بالنقص وانت تقوم بذالك او الحرج؟

لا والله .. كل شي طبيعي بالنسبة لي ..

اقتباس س/3 كيف تشعر وانت تأكل من عمل يدك ؟

أكيد راح أشعر بالفخر << اشدعوة .. شمسوي أنت ؟

أقل شي راح أشعر بأني مقتنع باللي آكله .. لأنه أكيد حسب النكهة والمقادير اللي أبيها .

اقتباس س/4 وماهي الوجبة الي تتقنها ومحد قدك فيها ؟

كلها عادية .. والأغلب من الناس يتقنها ..

وهي كما ذكرتها في أول إجابة ..

اقتباس س/5 هل حدث لكـ موقف وأنت بالمطبخ؟

مافيه ذيك المواقف اللي تذكر ..

لكن أول ما قمت أسوي بيض .. ما كانت تضبط معاي دايماً إذا جيت أقلبها ..

اقتباس س6/ متى كآنت آول تجـربه لك في المطبخ ؟

يوم كنت بو 10 سنين تقريباً ..

اقتباس س7/ من وجه نظـرك هـل الطبخ يختص بآلمـرأه فقط آم آنه لـِ كلآ الجنسيـن؟

هو للجنسين ..

لكن أن بغيتوا الصج .. الطبخ من اختصاص الرجال أساساً

وأغلب هالحريم المحترفات في الطبخ .. كل خبرتهن مكتسبة من الرجال ..

اقتباس س8/طبخـه آو أكـله لآتستغنـي عنهآ؟

ما أقول إنس ما أقدر أستغني عنها .. لكن أقول أنها المفضلة بالنسبة لي

وهي كبسة الدجاج و الشاورما ..

اقتباس س9/ آكله تشتهيهآ آلِآن؟

والله ما ودي إلاّ بعصير باارد .. يسرسح على قلبي

اقتباس س10/ آذكـر آخـر طبخـه طبختهآ ؟

جلي و مهلبية بيضاء ( محلبية بيضه )

اقتباس س 11 / من من حوآه تفضل أكلها وتعشقه ؟

الوالدة ،، وأختي العودة ..



،،


،،



طرفاوي أصيل

اقتباس وأستدعي أول الغيث .. نبي نشوف طباخه بس بدون ريحة حرق ههههههههه

هـه هـه هاااي ... ريحة الحراق لكم .. أما احنا تجاوزنا هالمرحلة خلاص ..


أنين الشوق

اقتباس بانتظار الشيف القادم اول الغيث العالم ههههه

ايه نعم ,, ترى منال العالم هاللي تشوفونها ,, مقتبسة الإسم مني

لأنها تتلمذت على يد مؤلفاتي و برامجي .

 

 

[♥ gѕη яσσн]

اووووووووووووه ..

ابداع يا الشباب .. طلعنا احسن من طباخ البنات ..

ارفع راسكـ ايها الشاب فــ انكـ افضل عليهم .. بــ تكرهوني الحين هههه ..

الله يسلم ايادينا .. بس غصبا علينا النتعلم ..

بــ التوفيق ..

 

 

[درة الفجر الباسم]

اقتباس المشاركة الأصلية كتبت بواسطة إحسآإس قآإتل اللهم صل وسلم على محمد وآل محمد أشكر الاخت درة الفجر على الدعوه والموضوع الرائع والحمد الله أني لبيتها بسرعه ترا الشباب عندهم أبداعات خفيـه بس الكسل أو الشغل محطمها دمتم بؤد أحبائي [/right]

احسآاس قااتل
اسعدني تواجدك السريع
اشوف ما شاء الله صج عندهم الشباب آبداعات كل بيض وبس
الله يعطيك العافيه على تلبيه الدعوى عقبال ما ناكل من ايدك

 

 

[درة الفجر الباسم]

[QUOTE=طرفاوي أصيل;816180][COLOR="Red"]
اولاً أشكر الأخت درة الفجر الباسم على الفكرة الأكثر من جميلة

ربي يعطيك الف الف عافية


طرفاوي أصيل
الأجمل تليببتك الدعوى بسرعه ووجودك
ما تلحضون أغلب السباب الاكله الي مشتهينها كبسه يموتون في الاكل
الشكر لك
اسعدتني

 

 

[درة الفجر الباسم]

أول الغيث
يسلموو على تلبيه الدعوى خذنا من وقتك
بس ما شاء الله عليك مهلبيه وجلي ذكرتني بالمستشفى
الله يعطيك العافيه
بنتظار شيف جديد

 

 

[طرفاوي أصيل]

اقتباس المشاركة الأصلية كتبت بواسطة أول الغيث طرفاوي أصيل هـه هـه هاااي ... ريحة الحراق لكم .. أما احنا تجاوزنا هالمرحلة خلاص ..

لالا الحمدلله مافي لاحراق ولاشي .. إذا طبخت ماتطلع الا ريحة البيض الشهي


وأجذب الكل للبيت حشى مغناطيس ههههههههههههههه

 

 

[طرفاوي أصيل]

[QUOTE=درة الفجر الباسم;816302]

اقتباس المشاركة الأصلية كتبت بواسطة طرفاوي أصيل [COLOR="Red"]اولاً أشكر الأخت درة الفجر الباسم على الفكرة الأكثر من جميلة ربي يعطيك الف الف عافية طرفاوي أصيل الأجمل تليببتك الدعوى بسرعه ووجودك ما تلحضون أغلب السباب الاكله الي مشتهينها كبسه يموتون في الاكل الشكر لك اسعدتني

العفو أختي بل الشكر لكِ على الفكرة الطيبة يسلموووووووا



اي والله الكبسة تجري بدمنا إذا اكلتها تدخلك جو ثاني .. حشى موسيقى موطبخة هع

 

 

[غلا روحي]

يَــلـآ وين اللِـــي بَعدوووووو ؟؟

 

 

[درة الفجر الباسم]

ما حد جاي
خايفين من الفضايح \
والا كم واحد رسلت له رساله
يالله ان شاء الله بيجون

 

 

[وتين الورد]

ٍ] أول الغيث [ٍ

/

اقتباس لكن أن بغيتوا الصج .. الطبخ من اختصاص الرجال أساساً وأغلب هالحريم المحترفات في الطبخ .. كل خبرتهن مكتسبة من الرجال ..

امااا عااااد لا يكثر بس .. يلا نشوووف بنحط رجل على رجل ومناكير
ودخلو المطبخ ورونا خبرتكم .. << تتسبب

 

 

[أول الغيث]

اقتباس امااا عااااد لا يكثر بس .. يلا نشوووف بنحط رجل على رجل ومناكير ودخلو المطبخ ورونا خبرتكم .. << تتسبب

أجل شتفكرون أنتو ؟

ترى صج .. أمهر الطباخين ،، بل رموز الطبخ في العالم

كل أبوهم رجال .. بس تخبرون الرياييل مساكين ماعندهم وقت للطبخ

لذلك يخلونه للحريم ،، ويمشّون حالهم في هالدنيا ..

<<< هذا اللي ناوي على روحه ..

 

 

[وتين الورد]

اقتباس أجل شتفكرون أنتو ؟ ترى صج .. أمهر الطباخين ،، بل رموز الطبخ في العالم كل أبوهم رجال .. بس تخبرون الرياييل مساكين ماعندهم وقت للطبخ لذلك يخلونه للحريم ،، ويمشّون حالهم في هالدنيا .. <<< هذا اللي ناوي على روحه ..

هو صحيح بس انتو رجالنا ما منكم رجاااا بس فالحين في استراحاتكم
مندي تنور .. وفي البيت ان كثر بيض مغلي هع
/
يلا على السنه الجديده المطبخ للرجااال .. << فالك ما قبلناه ..
من الحين ابقى مسقعه .. << لا يكثر بس

 

 

[إشراقة أمل]

يعني الموضوع بس حق الشباب ، تبون تطلعون مواهبهم وإلا كيف .؟!

اقتباس ما حد جاي خايفين من الفضايح \ والا كم واحد رسلت له رساله يالله ان شاء الله بيجون

مآ جآتني رسآلة أني ..>>> مآ تفهمي يمكن الموضوع بس للشباب ؟

<<< لا مكتوب في العنوآن ( عضو/ه ) يعني حريم ورجآل ..

>>> ايهـ صحيح .. أجل مآ جآتني رسـآلة ..

<<< هذآ الله يسلمك درة الفجر البآسم حآقدة عليك .. وما تبي تشوف لك خشـة بمواضيعها ..

>>> أهااا .. هيك لكآن .. صج لآحظت ها الشي أنا .. يللا الله يسآمحها .. ما أقدر أجبرها .!

== قلبت أم الدعوة ..خخخخ !

:

المهم نبي نشوف اللي بعدووو>>> ترآها ما قرت الموضوع ولا شي .. بس لاحظت الضيوف هع !

.
.

 

 

[الموج الهادئ]

بسم الله تفضل الآسئلة
بسم الله

س /1 هل جربت وقمت بأعداد وجبة صغيره؟
ايه - حلى


س /2 هل تشعر بالنقص وانت تقوم بذالك او الحرج؟
لا ابداً


س/3 كيف تشعر وانت تأكل من عمل يدك ؟
جوونان



س/4 وماهي الوجبة الي تتقنها ومحد قدك فيها ؟
اما عاد . ايه هين



س/5 هل حدث لكـ موقف وأنت بالمطبخ؟
لا



س6/ متى كآنت آول تجـربه لك في المطبخ ؟
قبل سنتين



س7/ من وجه نظـرك هـل الطبخ يختص بآلمـرأه فقط آم آنه لـِ
كلآ الجنسيـن؟
اعتمدنا على المرأة في هالامور



س8/طبخـه آو أكـله لآتستغنـي عنهآ؟
البيتزا


س9/ آكله تشتهيهآ آلِآن؟
سلطة باذنجان + سمبوسة


س10/ آذكـر آخـر طبخـه طبختهآ ؟
حلى - تراب الملكة


س 11 / من من حوآه تفضل أكلها وتعشقه ؟
الوالده بالدرجة الإولى - اختي



مـــــــــــلآحـــــظــــــة

كل عضـو هـون يخلص رح أختآر بعـدهـ عضـو
وببلغـه برسـآله
ولازم يحضر عندي>>>

حاضر طال عمرك . والف شكر اختي الكريمة على الدعوة . وان كان ما فيها أكل

 

 

[درة الفجر الباسم]

الموج الهادئ

اكليل من الورد
على تبيتك للدعوه
من منا مايحب الحلى ويفضله على الوجبه
يسلمووو