سَ أَبقََى ذاكَ الْخَافِقْ الَّذِي يَتكَوَّرْ فِي مُحِيطْ النَّقَاءْ ]|~

[إشراقة أمل]

{..

اقتباس ألآ يـا الله : إن كان بقى لي بالعمر |ليلة عسى آخر جلوس ليّ يكون بـ [ حضن سجّآآآدة ]

توقيع | سوار البنفسج ..~

أعجبني



..}

 

 

[إشراقة أمل]

{..


خُذ نفَس . . .

شفَت كيف الهوى يسري بِ دَاخِلك -

كذا انت . . !

كل | شَهقهّ تسَري ، دَ اْ خِ لِ يْ . . .

يسري معها غَلاك



..}

 

 

[إشراقة أمل]

{..


من لا يمتدحْ " فيك " شيئًا أبدًا

ف اعلم أنه من أشد الناس غيرهَ منكَ ..!



..}

 

 

[إشراقة أمل]

{..


عادي ..

هذي عبارتي المُعتادَة ’

أقولهَا بِ هدوءٍ مُصطنعْ ” و ابتِسامةٍٍِ كاذِبةَ ..

لِ أشخاص أسقطوْا كُلْ توقعاتيْ الجَميلًة بِهمْ .!


..}

 

 

[إشراقة أمل]

{..


تدري متى :

بتعرف معنى الألم ؟!

لاشفت إنسان : انت مزعلهُ قدامك

. . . . . . . . . يدفنونه


..}

 

 

[إشراقة أمل]

{..








..}

 

 

[إشراقة أمل]

{..





الحياة أشخاص ’

شـخـص يجعلك ترتدي ألف قناع لِ تنال رضاه

وَ شخص يُسقط عنك كل الأقنعة | لأنه يـعـشقك كما أنت



..}

 

 

[إشراقة أمل]

{..


ظَنَنتُهم يَستَحِقّون

وَ نَسيتُ ..

أَنّ بَعضَ الظَنّ | إثْم .!


..}

 

 

[إشراقة أمل]

{..







. . › ترى " الرياض " لاخلت منك , تنـعاف ..~


..}

 

 

[إشراقة أمل]

{..





. . › مؤجلة إلى بعد إسبوعين أو أقل


..}

 

 

[إشراقة أمل]

{..





الأصدقاء الحقيقيون

لا يدعونك تقوم بأشياء غبيه لِ [ وحدك ] .!


..}

 

 

[إشراقة أمل]

{..



‏​‏​‏​‏​‏​‏​‏​‏​[ طِفل يَجهل اﻟموت ]
‏​‏​‏​
ﻓقالوا : أمك في اﻟسماء ،
ظن أنها لا تُحبه ( ‏​‏​‏​فَ تركته ) تحت اﻟسماء
كان يُعاتبها حتَى نزل اﻟمطر
فقال :
هذه دموع أمي هيَ تريَدنيْ ﻟكنها
لا تعرفَ اﻟطريق ! )


* مؤلم هو الفراق . . !


..}

 

 

[kaha]

حينما ياتيك شعور للشخص بالزهق فعليك بدخول مدونة | إشراقة

 

 

[إشراقة أمل]

{..





كاهاااا ..

أعتبر هذا مدح وإلا ذم .؟!

،،

أتمنى لكل من يزور مدونتي .. أقل شي ما يطلع إلا بِ ابتسامة و راحة نفس ..

:

شكرًا لمتابعتك .. و كلماتك الدافعة ..

لا نحرم ..~



..}

 

 

[إشراقة أمل]

{..


وأنا أُفرفر في اليوتيوب .. لقيت لكم فيديو عجييييب ..

قلت أنقله لكم تشوفونه



والله يجازي أصحابها كل الخير و السعادة في الدارين


..}

 

 

[إشراقة أمل]

{..


لقاء مع مستمع حسيني ..

صادني ها اللقاء في يوم مـا ..

وكان الآتي ..~

اقتباس {.. بسم الله نبدأ ..~ 1/من هو رادودك المفضل؟؟ أبوي .. أمزح .. بصراحة ما عندي رادود مفضل .. أسمع لمختلف الرواديد .. صغيرهم و كبيرهم .. ولا أدقق في مسألة التفضيل . ،’ 2/ماهي اول قصيدة سمعتها بحياتك؟ولأي رادود..؟ أعتقد أول إصدار سمعته [ تغاريد الفرح الجزء الأول ] في الإمام علي عليه السلام . سلسلة تغاريد الفرح لِ أباذر الحلواجي >>> طبعًا للي ما يعرف تغاريد الفرح . ،’ 3/ماهو اجمل اصدار عندك؟(اسم الشريط)لك الحريه أن تذكر ماتشاء من المواليد والعزاء برضو .. أنا من النوع اللي ما يدقق في التفضيل في الاصدارات .. عندي قصايد واجد حلوين .. إصدارات أباذر الحلواجي الجلوات و الأناشيد والأدعية كلها ما شاء الله ممتازة .. إصدار [ آخر صبر ] للسيد هاني الوداعي .. ممتاز .. إصدار [ حق العودة ] للشيخ حسين الأكرف .. حليو .. أغلب إصدارات [ جعفر و صالح الدرازي ] ممتازة .. واجد إصدارات حلوة .. عشان كذا أنا ما أقدر أحدد لكم إصدار معين .. ،’ 4/ماهي القصيدة اللتي تحفظ كلماتها على ظهر الغيب وترددها مع الرادود؟ وااااجد أحفظها ، ظهر الغيب .. وأذكر منها قصيدة [ في قلبي يا بحرين ] للمبدع جدًا [ يوسف العشيري ] وأغلب قصايده حافظتها . قصيدة [ الشكوى ] لفرقة الإسراء أو يمكن بسام شمص . ،’ 5/ عندما تقوم بعمل ما أو تتصفح الأنترنت هل تستمع الى شيئ ما؟؟وماهو؟ على حسب الشغل أو مادة التصفح .. بعض المتصفحات ما تتحمل ولا أدنى صوت .. وبعضها لا ، عادي .. غالبًا ما أشغل شي .. وإذا بشغل .. ميوزك غالبًا .. ،’ 6/ماذا تفضّل العزاءالحسيني ام اناشيد الافراح والمواليد؟أم المحاضرات؟ الأناشيد & الميوزك . ،’ 7/هل تتمنى لقاء رادود معين وجهاًلوجه؟ومن هو؟وماذا ستقول له اذا رأيته؟ لا .. ما مرة جا في بالي إني أبي ألتقي برادود معين .. بالعكس أجل .. فيه رادود وصل لبيتنا .. و طلب يقابلنا . و بعد التقينا في الرادود السيد قاسم الشخص .. و الرادود السيد ناصر شرف ، وغيرهم . ،’ 8/من هو الرادود الذي تنتقد أداؤه ؟ولماذا؟ ما فيه رادود معين .. فقط أنتقد أداء بعض الرواديد العراقيين اللي مزودينها في مسألة المؤثرات . ،’ 9/من من الرواديد يذهب بك الخيال الى موقع المصيبة وتحس نفسك مع اجوائها؟ مو كل رادود دائمًا يذهب بك إلى موقع المصيبة .. على حسب أداءه للقصيدة ، أحيانا يؤديها بشكل يويدك لموقع المصيبة .. و أحيانا لا .. ما تتعدى الكلمات .. يعتمد على إحساسه في إلقاء القصيدة . [ ما فيه رادود محدد ] ،’ 10/ماهي اجمل قصيدة تحبها وتفضلها وتستمع اليها دوماً؟؟ قصائد " أناشيد " يوسف العشيري . قصيدة " آخر صبر " - السيد هاني الوداعي . قصيدة " سجدة شكر & وحي الثمالي " أباذر الحلواجي > و أغلب أناشيده حلوين . و واجد قصايد .. و أستمع لها على حسب حالتي النفسية .. ومثل ما سبق وقلت .. غالبًا " أناشيد " . ،’ 11/ماهي القصيدة التي أبكتك؟أو التي أثرت فيك ؟ [ أتعبتني يا قلب ] للشيخ حسين الأكرف . و بعض لطميات " أباذر الحلواجي " . [ يا زهراء قبرش وين خبرينا ] للسيد ناصر . ،’ 12/هل تستمع الى المحاضرات الدينيه؟ أي من شيوخنا الكرام تعجبك محاضراته وصوته على المنبر الحسيني؟؟ طبعًا ما عندي تفضيلات .. لا في مجال الروددة .. ولا مجال المحاضرات .. أستمع للكل .. وأي شيخ بيقرا محاضرة أسمع له .. في الأخير هو بنجني الفائدة من الذكر .. و كل كلامهم بما إنه من نهج آل البيت أكيد فيه البركة .. أذكر من الشيوخ : الشيخ حبيب الكاظمي . و الشيخ علي الحجي . الشيخ جعفر المطر . وبصراحة فيه شيوخ أحب أسمع لهم ، بس ما أعرف أساميهم . ،’ 13/ضع لنا قصيــــدهـ من أختيــــارك تهديـــها ألى جميـــع الأعضــــاء؟ حطيت لكم في المرة الأولى .. قصيدة عن سيدتي ومولاتي أم البنين .. خاطري ها المرة أهديكم قصيدة في سيد الغر المحجلين ..

فقط لمن يحب يقرأني ، ويعرفني | نقلت اللقاء

و سَ أنقل البقيــة ، لأجمعها كلها ف متصفحي الخاص ..

ويسهل لمتابعي أن يعرفني بشكل أسرع >>> تكفين لا أحد يسمعك .!



..}

 

 

[إشراقة أمل]

{..

جوالك تحت المجهر ..~

اقتباس

اقتباس بسم الله الرحمن الرحيم جيت لكم .. بسكراااابي .. والله يستـــرـرـر من الجاي ..! . 1- مــا هــو نــوع جــوالك ؟ وإذا ممكن تصورينه لنـا ؟ ولمـاذا اخترته تحديداً ؟ أمـا عن نوع جوالي .. فهـو تحفـــة .. آخر صرعــات الموضـــة .. وأجود أنواع الجوالات .. بس هاااه .. لا أحد يقول ممكن تسلفيني جوالك .. لو يرقى السما .. و ينزل الأرض .. ما سلفته << نذااااااااااالة ..! لمعرفة جوالي . أأقصد سكرابي .. انزل إلى أسفـــــــل .. هاااه .. وش رايكم في جوالي ..؟! . 2- كـم رقــم مخــزن عنـدك ؟ 197 رقـم .. <<< لا يغركمـ .. لو أصفيهم .. أصفى على 100 رقم . 3- مــا آخــر رســالة تــم تـلـقـيـهـا ؟ وممـــن ؟ آخر رسـالة تقول : سلام للي ما نسى القلب طاريه كل المعاني والكرم من صفاته صديق صادق جعل ربي يخليه وجعل الفرح يلازمه في حياته له في صلاتي دايما ربي أدعيه الله يحفظه طول فترة حياته ( إلى ....... الغالية ) أحبك ممن ؟ من عمــي الله يخليه لي ولا يحرمني منهـ بحق محمد وآل محمد .. . 4- مــا هــي الرسـالة رقــم 4 بالتحـديـد ؟ ( رقم بطـاقة شحن ) تبوني أحطه لكم ؟! ترى للحين ما شحنت . 5- ما هي آخر رسـالة بلوتوث وصلت لكِ ؟ وآخر رسـالة بلوتوث تم ارسـالها ؟ آخر رسالة بلوتوث .. كانت موسيقى من [ ماي براذر ] وآخر رسـالة رسلتهـا .. كانت ملاحظـة أرسلتها لرفيقة عمري .. وأنا أسولف معها بالبلوتوث << قلّوا ..؟ >> لا بس كان المكان محظور .. فقمنا نسولف بالبلوتوث مكتوب في الملاحظـة : ولماذا لا نسعى لأن نوفق بين الحلم والواقع لنكسب الإثنين ..! ونبني [ الضحكة ] لزمان يطول فقط .. بقليل من التوازن ..! . 6- تفضلين تستقبلين بلوتوث [ صور أو صوت أو فيديو أو ملاحظـات أو مـاذا ] ؟؟ اممممممم .. كل شي .. بس الأغلب : صور + ملاحظـات والصوت : إذا كانت موسيقى حلـوة . 7- مــا هــي أعلـى فــاتــورة قـد تجــاوزتِها .. و كم هــو حدك الائتماني ؟ حدي الإئتماني : 600 وأعلى فاتورة تجاوزتهـا : 500 ريال << لا تصدقون .. انا وجهي مو وجه فواتير .. شحن ويخب علينـا ..! . 8- مـا هـو اسمك بالبلوتـوث حالـيـاً ؟ ღஜ¸¸The story of a silent ¸¸ஜღ . 9- مـن حـادثتِ فــي آخــر مكالمــة صـادرة ؟ وآخر مكـالمة واردة ؟ و من آخر متصل لم يتم الرد عليه ؟ مكالمة صادرة : الوتر الحساس [ بنت عمتي ] مكالمة واردة : الروح الدافئـة [ ماي فريند ] لم يرد عليهـا : نبض الإخاء [ ماي سستر ] . 10- ما أكثر مـا تستخدمينه بالجوال مثلا: المنبه , الحاسبه , البلوتوث , ؟ الأوضـاع + المنبـــه . 11- كم عدد الرسائل بالصندوق الوارد ,, وكم عددها بالصادر ؟ بالنسبة لرسايلي .. تقريباً لكل شخص عزيز علي .. حافظة .. يعني الرسايل اللي منه .. دايركت إلى حافظته .. والرسايل اللي انا أرسلها له .. برضو أنقلها إلى الحـافظة بتاعه .. ومو كل رسالة أرسلهـا .. أخليها في الصادر .. بس الرسايل اللي أنا أكتبها بنفسي .. واللي تعز علي .. يعني اللي في الوارد والصادر حالياً .. من الناس العامـة .. اللي ما لهم حافظـة مخصصة .. <<< طيب خلصينا .. كم عندك ..؟ الوارد : 195 رسالة الصادر : 55 رسالة . 12- رسالة لــن تقــومين بمسحها أبداً ولماذا ؟ مجلدات .. وحافظـات .. وملفات ما بمسحهـا أبداً .. بس بذكر لكم رسـالة من هالكم من المجلدات .. السبب : لأني أرسلت رسالة .. وجاني الرد عليهـا بتأليف شخصي .. بنفس الأسلوب .. ونفس التنسيق .. أعجبتني مرررررة .. رسالتي اللي رسلتها تقول : للناس قدر و }.. قدرك ] بخافقي غير [ لهم مكانة وأنت أغلى ]| مكانة صدري سما وأنت على جوه | الطير~ والطير ما يرضى يغير مكانه ..{ عبرت لك في خافقي الحب |[ تعبير~ وعطيتك ق~ل~ب~ي "~بكفك أمانة~" والرد عليهـا : قدرك بقلبي }.. فاق ] كل التصاوير [ مهما نطقها عاشقك يعجز ]| لسانه دام طيري بجنة كلها زهور | وعبير~ كيف يرحل و جنتك مصدر حنانه..{ أنت بوسط صدري دانة كاسيها |[ بحرير~ أمانتك ب~ق~ل~ب~ي "~ وعد ما أخون الأمانة~" << جد جد الرد روووعة .. من تعبير ومن رد مسج بنفس القافية ونفس التنسيق .. أعجز عن شكر مرسلهـا . 13- ما هــو الاســم رقـم { 12 } المخزن عندكِ ؟ وآخـر رقم ؟ ومن همـا شخصياً ؟ رقم 12 : الإشتراكات [ اشتراكات تبع مجلة حياة ] << تراها تشتغل مندوبة للمجلة .. بس ما أحد يدري وآخر رقم :Thè Bǿss [ هذا سائقي المحترم اللي يوديني الدوام " مكشخته بهالاسم "] . 14- مــا آخر رســالة قمتِ بإرسالها ؟ وإلى من ؟ آخر رسالة تم إرسالهـا إلى : خالي لو غلاك عندي مثل باقي الناس ما كنت أمــــوت من الوله في غيابك مشتاقـــة . 15- ما هو أغرب اسم في جوالك ؟ عندي أسماء خربوطـة .. بس مو لدرجة الغرابـة .. بذكرها لكم .. وأي احد يبي يسأل عن السالفة يسأل جريدة خرابه سو / مو / هو شغب قلق / قلقكو كيفك من أنا ؟ نسوة << 500 ألف اسم ورقم غريب .. منهم اللي له سالفة .. ومنهم اللي ما عنده سالفة .. وكلهم في الأخير .. في سلة المحذوفاااااااااااات .. . 16- تفضلين تكون الأسمـاء في جوالك .. اسمـاء صريحـة أو ألقاب ؟ أفضلهـا ألقاب .. بس اللي علاقتي بهم رسميـة .. أسماءهم رسمية . 17- ما هي أسمـاء أوضاعك .. و ما هي أكثر الأوضـاع استخدامـــاً .. [ عـام - صـامت - غير متصل بالشبكـة - أخرى ... ] ؟ Ξ… Fragrant Love …Ξ << وضعي الشخصي بدل العام .:][ يا حلوك وأنت صااااااخ ][:. << صامت "!i.. مهمة بوليسية ..i!" << في اجتمـاع [ هذا الوضع لو جاني اتصال أو مسج يعطيني تنبيه ] آنا بررره }{... << بالخارج .{.. ازعق لها بسرعة << جهاز المناداة غير متصل بالشبكـة << ما يتغير اسم الوضع ~*( يا جبل لا تهتز )*~ <<< هزاااز وبث أكثر الأوضاع استخداماً .. يا حلوك وأنت صااااااااخ .. أحياناً أستخدم [ غير متصل بالشبكة ] وأحياناً [ Ξ… Fragrant Love …Ξ ] . 18- ما هو اسم أمك و أبوك في جوالك ؟ مامي : عطر الجنـــة بابي : أغلى الغوالي . 19- ما هي نغمة جوالك الحالية (( مولد ، أنشوده ، موسيقى ، .....إلخ)) ؟ موسيقى : Wello Cool . 20- تُفضلين تكون نغمتك " موسيقى أو صوت " ولو كانت صوت " تغيرينه حسب المناسبة أو ثابت " ؟ انا نغماتي بشكل عام .. منوعة .. فيها موسيقى وفيها صوت .. على حسب المُتصل والعامة .. مرة موسيقى ومرة صوت .. . 21- ما طبيعـة ثيم جوالك الحـالي [ وإذا ممكن تحطين لنـا الصورة ] .. وما تفضلين أن يكون ( مناظر طبيعيـة ، صور أطفال ، صور دينية ، حسب المنـاسبة ، شيء آخر؟ ) ثيمي الحالي : ثيماتي متنوعة : أطفال / ورود / دباديب / صور هادئة وكل ما بين فترة والثانية أحط شي . 22- كم عدد حـافظـاتك ؟ وما هي اسماؤهـا ؟ 22 حـافظة شدعوووووووووووووووة ..! [ اللهم صل على محمد وآل محمد ] 1/ الحب الراحل 2/ الروح الدافئة 3/ جروح الصمت 4/ جنة الروح 5/ حكاية عشق 6/ حياة .. للحياة حياة 7/ خولة القزويني 8/ رب صدفة خير من ألف ميعاد 9/ س ص ربي لك بالمرصاد 10/ سيمفونية الأمل 11/ صمت الأحاسيس 12/ عطر المطر 13/ لحن ..! 14/ مـــ me ـــــي 15/ محاضرات 16/ مواضيع عامة 17/ نبض القلب 18/ هذيان الورد 19/ همسـة ..! 20/ وللحرف معنى 21/ Best Friends 22/ Novels . 23- عـادة تخصصين صور .. و نغمـات .. لأشخـاص معينـة عندك .. أو عــام ؟؟ لااااااااازم أخصص .. أحب الشي يطلع مرتب وحلو .. نغمة خااصة وصورة خاصة لكل غالي ع قلبي .. نغمة خاصة لـ : ماي ماذر [ ماما ] ماي فاذر [ بابا ] ماي براذرز [ اخواني ] ماي سسترز [ أخواتي ] ماي فريندز [ صديقاتي كل وحدة نغمة خاصة فيها تميزها عن غيرها ] ماي أنكل [ عمامي وعماتي نغمة .. وخوالي وخالاتي نغمة ] طبعاً مثل ما قلت لكم .. لكل شخص له مكان خاص بقلبي .. نغمة خاصة فيه . 24- كم رقم مسجـل عندك .. من أعضـاء المنتدى ؟ ومن هم ؟ ( من هم [ سؤال اختياري ] ) .. ثلاثة أرباع اللي عندي .. موجودين في المنتدى .. عمامي .. خوالي .. صديقاتي .. اخواني .. عيال عمامي .. عيال خالاتي .. عيال عماتي .. إلا أبوي و أمي مو موجودين . 25 - شريحتك [ الاتصالات [ سوا - لنا ] - موبايلي - زين ] ومـاذا تفضلين ولمـاذا ؟ شريحتي : موبايلي أفضّل : سوا السبب : STC حياة أسهل .. . 26 - آخــر صورة تم التقــاطهـا ..؟ تهئ ما عندي كام بالبيجـــر . 27- اختــاري أحد الأعضــاء .. واهدي له رسـالة من عندك .. سواء من الرسائل المرسلـة أو المستقبلــــة .. أو من عندك شخصياً .! تـاروتيـــــة : آسف على الغيبة ما كنت فاضي آسف على التقصير لا كنت قصرت رجعت لك حاضر ماني بماضي أبعتذر يمكن عليكم تأخرت..!! حطيت في غيبتك الحب قاضي و حكم علي ارجع لو ما تصبرت!! رجعت..قانع بحبك و راضي محد جبرني يوم أرسلت و.... ((اعتذرت)) . 28- كم جهـاز بلوتوث مقترن معك ..؟ 31 جهـــاز 25 جهاز جوال 5 جهاز حاسوب محمول 1 جهاز حاسوب مكتبي << اللي هو سكرابي هع << وتقول ما تستخدم البلوتوث كثير >> جد ما أستخدمه كثير .. بس أول ما أخذت الجوال .. وللحين هالعرب مقترن البلوتوث معهم << لحاجة في نفس إشراقة وصلى الله على محمد وآل بيته الطيبين الطـاهرين .. وكل عـــام وأنتم بخير بمناسبة قرب عيد الأضحى المبارك .. كل عام وأنتم إلى الله أقرب .., .

طبعا السالفة قديييييمة .. بتكمل السنتين في الأضحى الجاي

ويمكن أشياء وايدة تغيرت ..

والحافظات كثرت ..

و و و امممم | ما أدري ..

يعني لا تدققون واجد


..}

 

 

[إشراقة أمل]

{..


إحساسك تحت المجهر ..~

اقتباس بدآيــة ..} كل الكلام اللي بتقرونه من رآسي .. ما جبت شي من بره فَ رجآءً لآ أحد يعيّب على كلماتي وإحساسي .. وحدة على قدهآ .. وما عندهآ ذيك الخبرة في الكتآبة .. و بسم الله .. نبدأ ،

اقتباس عرفنا عن نفسك اللقب/ إشرآقة تَعزف الأمل بِ أوتـآر المحبـة . هوايتك/ القــرآءة و بعض الكتــآبة . ................. 1-ضع مسج حب من اختيارك نبي نشوف ذوقك؟ قال سحرتيني ويا ليت السحر يجيبه لبابي ،، لجل أضمه وأقبله ولصدره أشم يا ليتني جارة له أو هو من أصحابي ،، لجل في كل عشية أشوفه و لطيفه أضم أو ليتني أمه أحضنه وأسقيه من ترابي ،، وهو ولدي أداريه من كل حزن وألم يا ربي احفظ لي بخيــــر أغلى أحبابي ،، وحقق لي حلمي وهو لي أغلى حـــــلم ................. 2-اكتب مسج عتاب من راسك ؟ دمعتي في عيني والحال مكسور ,,, تعآل دآو جرحي والنفس العليلة الشوق شقآني حيييل وقلبي مهجور ،،، ما يجبره إلا قربك والعيون الظليلة في غيابك اعتادت روحي الظلم والجور ،،، كيف بلحظة تهتني والظليمة طويلة كفاية بُعد وفي بُعدك القلب مجبور ،،، يشيل همّه ، وجروحه ما هي قليلة طلبتك إن كآن بآقي لي في حيآتك دور ،،، حن على نبضي و ترحّم ، قد حآن رحيله .... 3-بعد الخيانة إنتهت رغبتي فيك .. و إن كنت تذكرنا ترانا نسيناك (( وش احساسك لما يوصلك هذا المسج على جوالك وش راح ترد )) صحيح أحبك ، بس نفسي عزيزة حيييل ما تنذل .! ................. 4 لك وحشه ماهي لغيرك من الناس .. انت اللي .. بس .. اقدر اسميك غالي...!! نبي تحط لنا رد على هذا المسج بمسج من احساسك قلت وآحشني وشوقي لك يمتد من كبره قرون ،،، تعال خذ روحي وقلبي وعمري وبعد خذ العين وإن ما كفاك يا حياتي كل حياتي والجنون ،،، خذني كلي أفدآاإك وما أتفدى غيرك يا زين قلت غآلي وما تدري إن غلآك ما يوسعه الكون ،،، يا اللي بقلبي حروفك ما يشككها اثنين ................. 5-من هو فنانك المفضل ؟ وش الشيء اللي يخليه يكون قريب الي قلبك واحساسك؟ قصي خولي / تاج حيدر / فرح بسيسو / عبدالمحسن النمر تحسهم يمثلون ب إحساس ومشآعر مو مجرد دور ويمثلونه .. ................. 6_ شاعرك المفضل ؟ ومسج من اشعاره وقريبه الى قلبك واحساسك؟ اممم ... أحب أقرأ لِ أ. جاسم الصحيح وأسمع لكثير من الشعراء .. الأهم عندي قوة الكلمات وصدق الشعور في الإلقاء .. من الشعر اللي قريبة من قلبي و إحساسي : أنـآ نذر علي أكتب وأفجر هـ آلقصيد رعـود وأسمع كل بشر صـوتي عجبتهـ وإلآ زعلتهـ |[ وآردد للي يسمعني آذا حبيت .. حط حـــدود .. أنـآ حبيت دون حدود .. وشوف آللي تكبدتهـ !! ]| ثلآث سنين أنا ابني وجات صورة بكل برود وخذت مني شقا عمري وحلم قلت حققته لِ سآقي الشوق : فهد معتوق ................. 7-نبي احساسك باللحظه هذه توصفه لنا بمسج ؟ أشد ما يؤلمك .. أن تكون لهم ملآذًا [ فقط ] عندمآ لآ يجدون حولهم أحد .. و يصعب وصولهم لمن يحبون .! ................. 8_الطيب أساسك و الفخر للي يماشيك ، و الذوق شخصك ، و يا سعد من هو يخاويك (احساسك لما يوصلك هالمسج )) على طول رآح أرد عليه بمسج : لحظآت تمر بي .. أفتش في غرف ذاكرتي عن أجملها فأجدك تتوسم تلك اللحظآت ولآ أملك حينهآ إلا أن أضم طيفك و أقبّله .. قلبي .. رآئعة حيآتي بك .. فَ أرجــوك : لآ تدعني .! ................. 9-هل انت انسان حساس؟ تقدرون تقولون [ ايه ] وهذي أنآ أحآول أتخلص من حساسيتي .. دعوآتكم ................. 10_ نبي تحط لنا صوره تعبر عن احساسك ؟ ................. 11-وش احساسك لمن تحط موضوع وتعبان عليه مره ويجي واحد يرد عليك يقولك(( يسلمو _ شكرآ )) أقول له صج ما عندك سآلفة .. ومثل ما قآلت الرومنسية : مو مشكـله .. ع الاقل احسن من اللي دخلوا وشافوا الموضوع وطلعوا ولا فكروا انهم حتى يردون بكلمة .. : ) .. حتى لو كانت كلمه .. .. بفرح انه اهتم ورد .. ................. 12-وش اكثر احساس تحسه بأيامك ؟ الأمــل و التفــآؤل ................. 13-وبعد نهاية الاسئله وش احساسك الحين ؟ إحساسي كأن علي ديــن كبيييييير .. والحين أديت الدين اللي علي وصرت حُرة .! ،’ لقلوبكم .. محبـة مدادهآ السمآء ..}

..}

 

 

[إشراقة أمل]

{..


اختبار أبله طيوفهـ .. و رسبتني فيه بالعشر طعش .!

اقتباس المملكه العربيه السعوديه وزارة التعليم التمهيدي اسئلة رياض أطفال الطرف النموذجيه للعب المختلط الفصل الدرآسي العشرين 2015/ 3014 مدة الإمتحآن (( نص يوم)) : : *النك نيم (ربآعي<<<حط اي نك بس اربعة اسماء): إشرآقة صبح تعزف الأمل *رقم الجلوس(( رتبة العضو)): 6163 >> ما أدري عدل أو خطأ بس يتراوى لي كذا " يقال انها حافظته " : *معلمة المآده والمصححه والمراجعه وكلشي ..: طيف العمر: احلفي ابله .! : إبدأ بسم الله الرحمن الرحيم إذآ صعبت عليك الإجآبه فقل ,,((اللهم لآسهل إلآ مآجعلته سهلأ,,وأنت تجعل الحزن إن شئت سهلآ)) ومن قآل يعني بشآورك .. وبعدين أنا اذا ببتدي الاختبار أقول اللهم اشرح لي صدري ويسر لي أمري واحلل عقدة من لساني يفقه قولي اللهم اجعل لي في قلبي نورا وبصرا وفهما وعلما انك على كل شي قدير : تحذيـــــــــــــــــر : (((((((الإجآبه تكون بالأزرق واي اجابه بغير الازرق حرمآن من المآده "لحد يتميلح ويحط سمآوي" قلناازرق))))))))))) أبله .. واللي ما عنده إلا قلم رصاص .؟َ! : ملآحــــــــظــه : (( ترآ من غشنآ فليس منآ )) يؤؤؤ .. توني أدري ,, وأنا اللي مجهزة لي برآشيم .! : : آلآســئله : : السؤآل الاول: المنزل.. أختآر الإجآبه الصحيحه.. /1ترتيبك بعآيلتكم ,,((الكبير _الوسطي_ الصغير )) 2/من هو اقرب واحد لك من عآيلتك ,,((أخوكـ _أبوكـ_أمكـ _أختك)) أبله .. ليش ما حطيتي خيارين زيادة (( جميع ما ذكر صحيح - جميع ما ذكر خطأ )) 3/ وش تزين وانت قآعد فآضي بالبيت ,,((تآكل_تنآظر التلفزيون_تلعب بلآي ستيشن _ عالنت_ تنآم )) أبله أنا إذا فآضية آخذ كتآب أقرآه , يعني تبيني أكذب مثلا وأختآر واحد من اللي حاطتهم و أنا ما أسويه ؟ >>> كلش كلش البنت أمينة مآ تعرف تكذب .! 4/ وانت جوعآن وش تحب تآكل ,,(( مآلح_حلآ _أي شي بس اهم شي تعبي الكرشه)) أقول لك معلومة أبله ؟ الواحد إذا جوعان .. دايركت عقله يرسل له اشارات انه يبي يآكل شي حآلي .. لأن خلآيا الدمآغ تتغذى على الجلوكوز .. ولما يصير الواحد جوعآن معناه إنه ناقص سكر .. فيبي يآكل حلآ .. >> لآ تصدقونها .. شكلها تحرف .! 5/وش تحب تشرب في البيت ,,((ببسي وطقته_عصير_قهوه وشآي)) أبله .. ليش خيآراتك محدودة .. يعني مثلا أنا أحب أشرب مآي .. لآ بيبسي ولا عصير ولا طقتهم .. أنا وش اختآر ألحين .؟! 6/ وانت تنآظر التلفزيون وش تحب تشوف ,,((مسلسل_ فلم_برنآمج _أغآني)) طيب أبله واللي ما يعرف التلفزيون وش فيه و وش مآ فيه .. يمكن حتى التلفزيون اللي في بيتهم ما يدل وين هو .؟! طيب وإذا شآفه بالغلط .. يقآل انو فيه خيآر خآمس اسمه " فورتين " تجيب جلوآت وعزآ .. 8/وشو الوقت اللي تحب تنآم بوه اكثر شي ,,((الليـل_بعد الغدآ عالعصر_مآتفرق معك دآيم ودك تنآم)) : السؤآل الثاني: الحيآة. أجب على الأسئله التآليه ,, 1/ حكمه تؤمن بهآ؟ خلوني أجيبها من عندي .. حكمتي : لآ تقلق ما دام الله موجود .! 2/ لون تحبه مره ؟ أحبك أنتين .. >>> شوشي قآلوا لون .. << هآآ .. اييه .. مآ عندي ألوان معينة أحبها مرة .! 3/دوله تقطر سعابيلك ودك تروح لها ؟ إيرآن . 4/وظيفة تتمنى انك تتوظف فيهآ ؟ طبيبة >> كشخـة .! 5/ موقف مآتحب تشوفه قدآمك ؟ دمعة رجل .! 6/صفه تكرهه ومآتحب تكون بأي انسآن تربطك فيه علآقه ؟ اممم اللي لسانه متعود ع الكلام البذيء .. واللعن والسب .. واللي الكذب عنده شربة ماي .. واللي يمشي ويتطنز على خلق الله ومآ يشوف نفسه قبل .. واللي ما يعطيك أو يعطي اللي قدآمه أي قيمة .! 7/ سيآرتك المفضله ؟ مآ أعرف أساسا في السيآرات . . و على فكرة .. ترى ما تفرق عندي نوع السيارة .. أهم شي سيارة تودي وتجيب وتقضي حآجة الناس .. 8/رسآله على الجوال منتب قآدر تنسآهآ,,قل وشي ؟ رسالة من المعهد التقني العالي .. انه تم قبولي فيها .. 9/مكآن يعجبك كثير وتحب تروح له دآيم ؟ حضن حبيبي ,, >> احلفي . << اسكتوا خلوني أصرفها ..! 10/منهو الصديق الاقرب لكـ (اسمه وسيره ذآتيه عنه<<مو مره )وقل ليش تحبه؟ الصديقة الأقرب لي : عضو هنا اسمها زينب بالانقلش .. سيرتها الذاتية : إنسان محترمة جدا .. طيبة .. حنونة .. من أول ما شفتها ارتحت لها .. ولو ضقت .. ألقى راحتي عندهآ .. تعزني مثل ما أعزها .. وأهلها نآس ما فيه منهم .. اعتبروني وحدة من بناتهم .. أكرموني ومآ قصروآ معي .. رغم انهم مو من عندنآ .! حبيتها : للأسباب المذكورة أعلاه . 11/وشو الطلب اللي مت وانت تطلبه من اهلك ومحد معطيك وجه ؟؟ " أبي لآب توب " هع : السؤآل الثالث: أيآم الدرآسه.. المفترض أحذفها مثل قآهر .. لأني جآوبت لين تعبت في طالب تحت المجهر .. بس عشآن الأبله ما تحملني دور ثآني .. بجآوب وأمري لله .. أشرح مآ يأتي,, 1/مدرس منتب قآدر تنسآه ابد منهو ؟ يؤؤؤ .. وآجد أبله وسيلة المبارك أبله فاتن البقشي أبله آمنة المبارك " الله يرحمها " أبله مريم السالم أبله رملة الجمعان أبله جواهر المنسف أبله خلود الملحم " هذي كآنت حاطتني تآج على رآسها تعزني بشكل مو طبيعي " أبله لطآيف بصرآحة وآجد وآجد .. ما أقدر أعدهم كلهم .. <<< صج لقآلت علآقتها بالمعلمات حلوة حيل .! 2/موآد درآسيه تحبه؟ فيزيآ - رياضيات - نحو 3/مواد دراسية تكرهه؟ الكيميآ .. جعله ينمحي من على الأرض >> حآقدة بقوة .! 4/ وين كنت قآعد بفصلك سواء اذا كنت تدرس الحين ولا من قبل؟ بالمدرسة جلست كل الأماكن .. منها الأخير ومنها الوسط ومنها رزة الفيس قدآم .! 5/وش اكثر مرحله دراسيه تحبه مره ؟ ثآني ثآنوي .. 6/ وشو هو اشين عقآب صآر لك وانت تدرس ؟وفي أي مرحله؟ أنا ما عآقبوني لأني كنت ويقآل اني دآفورة .. بس عشآن تعرفون وش العقآب .. انظري الكتاب موضوع طالب تحت المجهر <<< يقآل انها تعبت وهي تعبر في ذآك الموضوع .! /7 عمرك اخذت شهآدة تقدير او تكرمت بالطابور؟ ايه والحمد لله .. 8/ موقف محرج صارلك بالمدرسه ؟ موقف سوته لي فاطمة السالم جعلها تعرس .. أحرجتني .. بعد الفسحة كانت تقول للبنات يدخلوا فصولهم .. وكانت ماسكه المايك .. وما وصلت عندي . إلا شآفت العدو اللدود .. " الجيب مفتوح ع قولتها " ويآ إشرآقة أمل سكري جيبك .. إشراقة أمل سكري جيبك .. المدرسة كلها سمعت لأنها تتكلم بالمايك .. مع انو جيبي مسكر بس هي تبي الوآحد يسكر الأزرار لين فوق الرقبة فشلتني .. قآلت اسمي الكآمل .. حتى اللي ما بيعرف من هي فلآنة يعرف غصب .! 9/ سنه كنت فآشل فيهآ درآسيا ؟؟ أول سنة بالجآمعة خخخ 10/ سنه كنت دآفورفيهآ ؟؟ كل سنوآت المدرسة .. 11/ اذا انت متخرج من الثآنوي كم كآنت نسبتك وأدبي ولآعلمي؟؟وإذا مو متخرج انت ادبي ولا علمي؟؟ نسبتي 99% تخصص علمي .. >> يقولون مو كل شي تصدقونه .! : السؤآل الرآبع: المنتدى.. آكمل الفرآغآت التآليهـ بالعضو المنآسب.. 1/ عضو-ه رهيـــب وخفيف دم ........... " أنين الشوق + أبله طيف " 2/عضو-ه مآودك يغيب ابد ............. " zainab " 3/عضو-ه-ه تحس لو غآب يهجد المنتدى.......... " وينك يا حضن أمي " 4/ عضو-خ-ه تحسه مميز في بموآضيعه ............... " أول الغيث + وسط النخيل " 5/ عضو-ه يثير اهتمامك ................. " مشفر " 6/ عضو-ه تعرفه خارج المنتدى ................ " أحلى ملاك " 7/عضو-ه كآن نشيط وتحس انه صآر ماله خلق ................... " إشرآقة أمل " 8/ عضو-ه ودكـ تدق حنك معه وتشرب شاي وتاكل فصفص............. " غلآ روحي " 9/عضو-ه تعرفت عليه عن طريق المنتدى .................. " روح " 10/عضو-ه ودك تمطخه ............... " غصن الروح " 11/عضو-ه تحسه خآرج عن النص دآيم................... " ميسي " >>> طبعا الجوابين الاخيرين مو عشآن شي .. بس جآو في بآلي وكتبت .. : السؤآل الخآمس : أكتب=ي تعبيـر عن طيف العمر من وجهة نظرك لآيقل عن ((سطرين)) ويمنع منعا بآتاً ((تمطيط الكلام))عشان تطول=ي السطر ,, طيف العمر ، أبله مرموقة تدرّس المآدة اللي مآ أعرف اسمها شكلها تحب الفضآيح ، وتعرف تتعامل بالمسآطر أم متر .. وموتها شي اسمها ترسيب أو تحميل دور ثآني .. ويمكن بعد ، ما عمرها عطت أحد طلآبها الدرجة الكآملة . بس بآين عليها إنسان حبوبة ، طيبة ، روحها حلوة ، وتحب الناس .. الله يخليهآ لأهلها .. وللمنتدى . وصلى الله على محمد وآل بيته الطيبين الطآهرين . : السؤآل السآدس ((سؤآل مسآعد)) : اسدح=ي لنا شعر عن اعضاء المنتدى((من عندكـ))<<بيت واحد فقط انظري صفحة الفيس بوك حق إشرآقة أمل .! : : إنتهت الأسئله وهـ .. ما بغت تنتهي .! بالتوفيــق والله يسهل عليكم ,, غصب عليك مو بكيفك أصلا .. معلمة المآده: طيف العمر\>

اقتباس ممكن توقيعك أبله .؟!

..}

 

 

[إشراقة أمل]

{..

طالب تحت المجهر ..~

اقتباس بسم المولى , نبدأ التحقيق .. والله يستر من النتيجة .! :. مرحلتك الدراسية؟ أقرقع في الجامعة . : هل التحقت برياض الأطفال؟؟ ايييه .. دخلني أبوي 5 رياض أطفال .. خلف الله علي .. المدرسة وداخلتها متاخرة بعد .! : أجمل مرحلة في سنوات عمرك؟ كل مرحلة لها حلاوتها .. بس أقدر اقول الثآنوية كآنت الأحلىآآ .. وبالأخص ثآني .. : مادتك المفضلة؟السبب الفيزياء .. لأنها ممتعة بقوانينها ومسائلها .. النحو .. لأني أحس اني في رحلة استكشافية وأنا أغوص في القواعد .. الرياضيات .. لأنه مجملا ألغاز في تعقيداته .. مثله مثل الفيزياء لمآ أجي أحل مسائلهم أحس اني قدام لغز ولازم أحله .. وأحس بمتعة ما تنوصف لما أتوصل للحل خصوصا لو كانت المسألة معقدة شوي أو طويلة أو يبي لها لف ودوران : مادة ما تحبها ؟السبب الكيمياء .. أغث مادة على قلبي ولا أدري ليش مو قادرة أبلعها .! " أكره مادة على وجه الكرة الأرضية " : موقف مضحك حصل لك في المدرسة لا يمكن ان تنساه؟ ما أتذكر .. مشكلتي الذاكرة عندي على طول تسوي حق روحها فورمات .. من شان هيك .. ما يحضرني شي . : موقف جعلك تبكي داخل المدرسة؟ اممم .. ذاك اليوم الله يسلمكم .. قلت لأمي بكره بيسوون لنا حفل تكريم وانتِ مدعوة .. قالت ما بروح .. عندها موعد الظاهر أو تبي تروح المستشفى .. المهم انها كانت مرتبطة .. قالت لي خلاص بقول لخالتك أو عمتك تروح بدالي .. حآولت فيها .. ولا وحدة في العالم وجودها يسد مكان الأم .. قالت ما تقدر .. رحت اليوم الثاني وانا مكسور خاطري بقووة .. كل البنات يسألوني .. بتجي أمك ؟ أقول لهم لا .. ما تقدر تحضر .. رغم انها ولا حفل تكريم ما حضرته .. كل حفل تحضره .. يوم جآت على آخر حفل تكريم بالمدرسة ما تقدر تجي .! المهم .. يوم قرب يبتدي الحفل .. وبدأوا الأمهات يحضرون .. صرنآ نطل من النافذة اللي تطل على بوابة الدخول .. نشوف من اللي يجي .. إلا وأشوف أمي دآخلة المدرسة .. في هذي اللحظـة ما أعرف أعبر لكم عن شعوري لما شفتها مقبلة .. ودموعي كآنت أقرب تعبير .! ما توقعتها بتجي .. فقدت الأمل في محاولاتي معها .! ومع ذلك قدرتني وجآت و وقفت معي في فرحتي .. الله لا يحرمني منها .. بحق محمد وآل محمد .. : مشاغب ام هادىء داخل الحصص؟ نص ونص .. على حسب المزاج والمعلمة .. : مستواك الدراسي ( ممتاز..جيدجدا..جيد..مقبول ) عموما .. ممتآز .. : راضي عن مستواك أم تطمح للأفضل ؟ الحمد لله رآضية .. بس مآ يمنع إن الوآحد يطمح للأفضل والأفضل .. : علاقتك بالمدرسين /المدرسات؟ مو كل المدرسآت .. بس بشكل عآم .. علاقتي حلوة حييل.. حتى اللي ما درسوني .. يعرفوني ..>>> أحس إنك تشلخي شوشي .! : تحب المدرسة ( نعم أو لا ) السبب ؟ أيآم المدرسة .. ما كنت أحس بقيمتها .. بس الحين من طلعنآ .. أحس اني أحبها .. : تحب المواد العلميه أو الأدبيه؟(السببب) الأدبية أكثر من العلمية .. أنا ميولي أدبية أكثر من العلمية رغم إني أفهم وأحب مواد العلمي .. وتخصصي علمي .. بس الأدبية أحس إني أجد نفسي فيها .. أعشق النحو والإنشاء ( التعبير ) .. وشوي البلاغة .. : وش رايكـ في المدرسين في تعاملهم مع الطلاب ؟واذا كان في سلبيات لبعض المعلمين وش هي ؟ طبعا ما أزيد على اللي ذكروه قاهر ولوتسية واللي قبلي .. فيه معلمين ومعلمات تحطهم ع الجرح يبرى .. وبعضهم .. اللهم يا كآفي .. ما يعرف إلا العصآ والطق .. وقد تكون من السلبيات اللي أنا شهدت عليها .. تلفظ بعض المعلمات بألفاظ ما تليق بمقامها كَ معلمة .. وأسلوب التجريح في عدم مراعاة الفروق الفردية .. وما يرآعون إن الشخص المتفوق قد تحصل له بعض الظروف أحيانا وتحول دون تحضير الدروس أو مذاكرة الدروس السابقة .! : أجمل وأعلى نسبه حصلت عليها في مسيرتكـ الدراسيه؟ أكيد أعلى نسبة حصلت عليها 100% .. >>> طبعا في ابتدائي خخخ بس ما بعد ابتدائي .. أعلى نسبة حصلت عليها .. 99.99 % كآنت ناقصتني درجة وحدة بس .! : عمركـ أخذت دور ثاني ؟ وليه (اذا كان ظلم أو حقد خخخخخخ) ووش هي الماده؟ بغيت آخذ دور ثآني في ثالث ابتدائي .. بسبب القصة اللي ذكرتها لكم قبل .. في أول يوم اختبارات نهائية .. تنومت بالمستشفى .. ويوم رآحت أمي المدرسة عشان تقول لهم عن حالتي .. وكيف أختبر .؟ قآلوا لها خلاص بمآ إنها منومة .. نخليها تختبر مع المقصرآت .. " دور ثآني " .. أمي طبعا ما رضت .. إلين ما رضوا إني أطلع كل يوم من المستشفى أروح المدرسة أختبر وأرجع المستشفى .. والله حالتي حالة ذيك السنة .. وعآد طفلة في 3 ابتدائي وتصير كل ها الشغلة معها .! بس الحمد لله ما أثرت على مستواي .. : وش رايك بتعامل بعض الطلاب مع المدرسين؟ ها اليومين .. حدّث ولا حرج .. يوم من الأيام زرت مدرسة متوسط .. وتحسفت رحت .. شفت العجب العجآب .. صآروا أكثر جرأة .. و الحيآ بآعوه من زماان .. بس ع فكرة .. في أكثر من معلمة من اللي درسوا الطرف وقرى غير الطرف .. قآلوا بنآت الطرف أفضل بكثير من بنآت القرى الثانية .. والحمد لله أجل إنهم ما وصلوا لموآصيل ذيليك .! : هل حصلت على شهادات تميز خاصة وفي أي سنة؟ امممم .. في كل سنة أحصل على أكثر من وحدة .. فيه شهادات تميز في اللغة الانجليزية .. وفيه في اللغة العربية وحصلت في الرياضيات و في العلوم .. وفي التفصيل " أفضل كراسة تفصيل " و .. البآقي ما أذكر .. وكلهم مجمعتهم في ملف وآحد .. : ما هو ابرز عقاب مر عليك طوال فترة الدراسة وبأي سنه وليهـ ؟؟! اممم .. يمكن العقآب اللي إلى الآن ما قآدرة أنساه .. برضو كنت بثالث ابتدائي .. كانت معلمتنا شينة وما ترحم .. ما عندها رأفة ب البنآت .. مرة طلعت و وقفت علينا بنآت يراقبونا .. وهالبنات اللي وقفتهم علينآ .. برضو شينآت .. وأقدر أقول حقودآت .. ولأني اسم اني لهم منآفس في التفوق .. فهم رآحوا كتبوا اسمي مع البنات اللي يتكلموا في الفصل .. رغم اني مؤدبة وما تكلمت .. بس الحقد وما يفعل ..>>> هذا وهم صغيرات بس ما ادري شلون الحقد مالي قلوبهم .! جآت المعلمة .. ونآدت الأسماء اللي مكتوبة في الورقة .. وبالعادة ما تتعامل إلا بالمسطرة الخشبية أم متر .. وهآت يدك .. و اشلخي فيها .. اللي قآهرني .. إني مظلوووومة .. بس الله يسآمحهم .! : ع’ـضو كآإن مع’ـكـ بالمدرسهـ ؟؟! زهور الريف .. : ع’ـدد سآإع’ـآإت استذكآإركـ ؟؟! ساعات المذاكرة العادية .. يمكن آخذ ساعتين أو 3 مجملا .. وأيآم الاختبارات .. آخذ الليل كله وأنا أذاكر .. لين الساعة 12 .. : كنت تنآإم بين الح’ـصص ؟؟! اوووووه .. حدث ولا حرج .. خصوصا بثآلث ثآنوي .. هذي اسمها سنة الرقآآآآد .. والقهر .. إني جآيبة نتيجة اكوس من الكويسة بالأخير .! : ج’ـآإكـ تهزيء من مدرس بدووون سبب ؟؟! ( طرآإنات بع’ـض المدرسين ) ايه جآني وأنا بثالث ثآنوي .. كآنت الحصة توحيد .. والدرس يتكلم عن حكم الاحتفال بمولد الرسول صلى الله عليه وآله .. المهم ان ها المعلمة تشرح .. ونص اللي تقوله خرآفات وتشليييخ وكلآم ما يدخل العقل .. >> هذا اذا ما كآن كله عآد لاحت على فمي نص ابتسآمة على ها الكلام اللي تبي تقص على عقولنا به .. وطآحت على ابتسامتي .. وصآدف وقتها انو بنت ثآنية من نفس المجموعة كمآن كانت تسخر من كلامها وضحكت .. لأنه فعلا كلام يضحك من خرآفآته .! يللا يا إشراقة قومي .. وانتِ يا فلانة قومي .. وتحقيق سين جيم ليش تضحكون .. وش عندكم ؟ طآحت فينا تهزيء ربع سآعة قدام البنات .. وقآلت لنا اطلعوا بره وروحوا للإدارة وما أدري ايش .. مرمرتنآ على ابتسآمة .! وفي الأخير .. نقصتني في المآدة .! : أمنيتك ؟ أحقق نتيجة ترضيني في مجال دراستي اللي اخترته .. : كم ريآل كآنت فسحتك .؟! كآن مصروف شهري .. بس ما كنت أتفسح بالأساس .. : هل سبق احد أن لعب عليك وأخذ منك مصروفك أوأخذ منك الفسحة ؟؟؟ لآ الحمد لله .. >> لأنها أساسا ما تتفسح .! : كم مرة انضربت من الطلاب الاكبر سنا أوحجما؟؟ وانتم الصآجين .. انضربت من الطالبآت الأصغر مني سنًا .! تهئ تهئ كآنت اخت صديقتي في ابتدائي شرسة وشريرة حييل .. ما تشوفني مع أختها إلا وجات تضرب فيني .. وبصرآحة ما أقدر أبادلها الضرب .. لأنها كانت قوية وفيها اظافر تشمخ .! : هل كنت من الزوار الدائمين للإدارة وهل تعرف شكل ورقة التعهد؟؟؟ ما كنت من الزوار الدائمين .. بس أعرف شكل ورقة التعهد .. لأني مرة بعد وانا في سادس ابتدائي أخذت لي تهزيئة محترمة مع زميلتي اللي جنبي على شي يتهيأ للمعلمة ان احنا سوينآه .. واحنا برءآء منها .. جآبت امهاتنا .. و كتبتنا تعهد .. رغم ان احنا حلفنا لها وكنآ في شهر رمضان ان احنا ما سوينا شي والصوت اللي طلع ما كان منا .. لأن احنا كنا ورآ والصوت ضآيع ما تدري من وين هالصوت .. ما صدقتنا .. و جرجرتنا ع الإدارة وسوت لنآ هذرة احنا في غنى عنها .. رغم اني أنا و زميلتي من الطالبات الأوائل على الصف .! : كم مرة غشيت في الاختبار؟؟؟ >>> وآثقة انهم غشوآ هع ! عد واغلط .. أغش وأغشش .. على قولة صاحبتي .. أنا عندي الغش عآدي وما يسمى غش .. اللي تبي أعلمها بعلمها .. أهم شي تكون البنت مذاكرة ومجتهدة مو بس جآيه مو فاله الكتاب وتبيني أعلمها .. إذا حسيت إنها مذآكرة .. بس نآسية .. ذكرتها بالإجابة .. اما جآيه ومعتمدة كليا علي .. لآ تحلم ، ما علمتها .! عآد هذي النظرية اللي منتشرة بين الربع هاليومين .. نصير متعاونات ونتبادل الإجابات .. بس يقآل .. هو اسمه غش .. هع .! : عمرك هربتَِ من المدرسة؟؟؟ هربت من الجامعة ايه .. بس المدرسة كانت الحراسة مشددة .. : عمرك عملت مقلب في المدرسين ؟؟؟واذكر موقف في ثاني ثآنوي .. سوينآ مقلب جماعي على معلمة مفهية والله أعلم .. جآت والبنآت مو مشتهيات يآخذون درس .. قبل ما تجي طفوا الليتات والمكيفآت .. دخلت وشآفت الجو الكئيب في الفصل .. قلنا لها لا تعطينا درس لأن الجو يرقد وما بنستوعب شي .. الليتات ما يشتغلوا ولا المكيف .. طآلعت بره الفصل كل شي مشغل وش معنى فصلنا بس .! و كان فيه ليت ما يشتغل اساسا ذاك الوقت .. قمنا شغلناه وطفيناه وهو ما يشتغل .. >>> يقال ان احنا اقنعناها ان الفصل ما فيه كهربآ .. ومشت الحصة ولا اخذنا درس .! : هل تحتفظ / ـين بدفتر من دفآتر أيآم المدرسة إلى الآن .. ( إذا نعم ، صوره / يـه لنا .. وصور / ي ورقة منه ) .. ايه .. عندي كم دفتر للحين محتفظة فيهم .. صورت لكم دفتر الكيم حق ثالث ثانوي .. بس ما عرفت أنزلهم ع الجهآز .. بنزلهم وبحملهم .. وبحطهم لكم .. : هل تتمنى العودة الى المدرسة ؟؟ بصرآحة ايه .. دراسة المدرسة نعمممممة بالنسبة لدراسة الجامعة .! : كلمة أخيرة لمن تهديها داخل المدرسة؟ بما انها كلمة أخيرة .. خلوني أسألكم سؤال .. وش موقفكم يا طلآب العلم .. لما تكونون انتم تتمتعون بكامل قواكم العقلية والجسدية .. ما تعانون من أي مشكلة .. والحمد لله ولا فيه ولا أي مانع من انكم تدرسون وتجتهدون وتجيبون أعلى الدرجات في الدراسة .. ومع ذلك ، كل يوم تصحون للمدرسة الصبح بتذمر .. بملل .. بالغصب .. تلبسون زيكم المدرسي وتروحون ولساته النوم يداعب عيونكم وما ودكم تداومون .. بينما في المقابل .. تشوفون في نفس الصف اللي تدرسون فيه .. طآلب أعمى .. ما يشوف .. ومع ذلك .. تشوف ابتسامته ما تفارق وجهه .. و مصر انه ينافسك انت ياللي تتمتع بكل القوى بالتفوق والنجاح .. تشوفه يكافح من أجل العلم .. وما قال انا أعمى وما أشوف وما له داعي أدرس خلني في البيت مريح أحسن لي .. أو تشوف معك بنفس الصف .. معآق .. ما يمشي إلا بكرسي .. ومع ذلك يداوم كل يوم وما عمره غاب .. وما عمره قصر في دروسه و واجباته .. السؤال : ليش احنا رغم انّا ما نعاني من أي مشكلة تحول دون الدراسة وتحصيل العلم .. نتذمر من المدرسة وجلسة الصبح .. والمذاكرة والواجبات والطلبات .. والأشخاص اللي عندهم إعاقة ، نشوفهم بهمة عالية ونفسية منشرحة .. ليش ما نعي " اطلب العلم من المهد إلى اللحد " " اطلبوا العلم ولو كان في الصين " طالب العلم تحفه الملائكة وتستغفر له بكل خطوة يخطوها وهو رآيح لطلب العلم " من سلك طريقا يلتمس فيه علما ، سهل الله له طريقا إلى الجنة " لما ندرك الجواب لهذا السؤال .. ونحس بقيمة الدراسة ، ذآك الوقت نعرف كيف نصحى الصبح عشان نروح المدرسة وكيف نرسم الابتسامة و نتلقى المعلومات بنفس راضية ومتقبلة ومقبلة على العلم بعزيمة .. عذرًا طولتها عليكم .. بس لأني استشعرت وش معنى ان احنا نروح المدرسة او الجامعة بالاسم بس .. وبين ذآك اللي يروح يدرس وهو عمي أو معآق .! والفرق وآضح و كبير .! وعلى فكرة .. فيه نآس تتمنىآ لو تجلس على مقعد الدراسة لو يوم وآحد بس وتتنعم بالأجر .. وبالعلم .. فخلونآ نحس بقيمة النعمة اللي بيدينآ .. وما نفرط في العلم دآم احنا قآدرين .. والمجال مفتوح لنآ .!

..}