خضاب القلب

[أسير الاحزان]

أبيك اليا شرحت اسباب غدرك .. تحسن التعبير

مابيك تموت من غيري .. وانا ارد الموت باسبابك



تعلم كيف تتألم .. وتدعي للوصل بالخير

وابيك تقول للبين الطويل .. الموت لغرابك



ولك دمع جمد .. له مده ماسال مهما يصير

عسى ماموت .. قبل الدمع ماشوفه على اهدابك



هجرت .. وشفتك تصور جهنم بالهجر تصوير

وشفت ايامك السوداء .. تكشر لي عن انيابك



وشفتك حاضر .. بس اعتراك الزيف والتغيير

تصور مابقت صوره .. وتستاهل القابك



تموت الخيل بايامك وقوف .. وماتعرف اتغير

على العدوان .. وتتركها تصبح ديرة احبابك



تواضع للثرى والماء .. تذكر تربتك ياطير

ترى كبد السماء ماينفعك .. لو تهجر ترابك



نسيت الماء .. ولك بالماء خيال مامحاه البير

مردك لي وله .. ونقول يوم ترد وش جابك



نسى الصافع .. وللمصفوع خد شغله التذكير

ينام الليل .. ويسرى به حديث النار لعتابك



نسيت جروحك .. اللى مالها عذر ولا تبرير

نسيت .. ومانسى العصفور حر جروح مخلابك



خضبت الكف .. من دم القلوب اللى وراك تسير

ظلوم .. ماتفرق بين دم القلب وخضابك

مــــــــــــــــــع تحياتي :

أســـــــــــــــــير ألأحـــــــــــــــــزان

 

 

[الغريب]

مرحبا بك أخي أسير الأحزان ..

هذه المشاركة أقرب إلى الشعر ..

تم نقلها إلى منتدى الشعر ..




وفق الله الجميع

 

 

[العصري]

تحياتنا لك أسير الاحزان لك و لــ ( حضاب القلب ) ,,,,,

ولكن سؤالي البسيط لك ان هذه المشاركة من أنامل قلمك أم نقل قلمك ؟ ؟ ؟