ياهل الدمام والخبر انتبهو من (كيمرات ساهر ومواقعها)

[المووج]

ياشبااااااب هاذي للخبر والطرق السريعه اذا في شي جديد سوف نبلغكم هاذي مو كلها بس الي صادوها الشقرديه للحين

شبااب الرياض تسجلت عليهم مخالفات وصلت الا 17000 وهم مايدرون

لأخذ الحذر والحيطه واحذرو حتى لما تلفون يمين لازم توقفون ثانيتين بعدين تلفون والقوف يكون قبل خط المشااه

> كاميرات ساهر بالخبر وما حولها

> المكتشفة لحد الان
>
> أولا الكاميرات عند الاشارات
> المخالفة للي يقطع الاشارة + اللي كفره الامامي يدعس خط المشاة + اللي يلف يمين لازم يوقف ثانيتين ثم يلف + اللي بيلف يمين يمسك سرا باليمين موب يخطم ونفس الكلام مخالفة للي بيعربج وبيعرض موتره قدام الشعب عشان يديور حتى لو ما دعس خط المشاة
>
> ١- اشارة شارع الظهران تقاطع حمود (اشارة ماك وكنتاكي)
>
> ٢- اشارة شارع الظهران تقاطع الملك عبدالعزيز
>
> ٣- اشارة شارع الظهران تقاطع الكورنيش (اشارة شرطة الخبر)
>
> ٤- اشارة المريديان بالكورنيش
>
> ٥- اشارتي شارع الملك عبدالعزيز ١٠ + ١٦
> ٦- اشارة الببسي مع الملك عبدالعزيز
>
> ٧- اشارة شارع مكة (التوكيلات)
>
> ٨- اشارة كوبري الاسكان اللي تروح يمين سوق الغنم ويسار الفوازية والاسكان انتبهوا يعني محد كان يتوقع انهم يحطون عند هالاشارة
>
> ٩- اشارة شارع الخبر (معرض السبيعي للسيارات)
>
> هذي تقريبا اللي للان مركبة عليها الكاميرات وأي شي جديد بنعطيكم *nerd*
>
> والان مع الكاميرات الموزعة بالطرقات والسرعة المحددة :D
>
> ١- طريق الخبر الدمام السريع (الكباري) أكثر من كاميرا متوزعة والسرعة القصوى ١٠٠ وقد أعذر من انذر
>
> ٢- طريق الخبر الدمام السريع اللي يمر بالدوحة والدانة والكلية التقنية وقصر الخليج أكثر من كاميرا متوزعة والسرعة القصوى ١١٠
>
> ٣- من بعد زحمة الراشد مرورا بكوبري القاعدة والجامعة ومخرج الدمام يسار وذاك الطريق سيدا لين الجبيل يمين والحسا والرياض سيدا فيه كاميرتين متوزعة والسرعة هنا ١٠٠ ركزوووووووووا
>
> ٤- طريق الجبيل اللي يروحون الديوانية السرعة برضو ١٠٠
>
> ٥- طريق العزيزية السرعة برضو ١٠٠ :s

(منقول من الأيميل لأخذ الحيطة والحذر)

 

 

[سنين الحب]

مشكوووووووور وياعطيك العافيه

 

 

[الضيف]

مشكور ياخوي
بس هذا الفعل من الحكومه لسلامة اولادنا
ويجب علينا ان ناخذ الحذر ونلتزم بالقوانين المفرضه
حتى نحد من الحوادث والوفيات الناتجه منها
وياخوي احنا ماينفع لنا الا ساهر
وشكرامره اخرى

 

 

[عركاوي 89]

الله يعطيك العافية اخوي
على هذه الخبرية المهمة للشباب الذين يسرعون
ويلفون يمين ولايتوفق ثانيتين ..الخ

شكراً

 

 

[إحسآإس قآإتل]

اللهم صل وسلم على محمد وآل محمد

ساهر ولا غيره راح يغير شي
طلما الخلل في رسم وتخطيط الطرق
وأهمالها لـ سنوات لن يعدل شيئا بل سوف يزيد الطين بلـه
بغض النظر عن السرعه وقلة الادب من بعض السائقين
وكنهم في سباق التحدي على جائزة وأنعدام الثقافه لديهم
أنا مع النظام الصارم بشرط يكون مؤهل لـ وضعه قانونيا
وليس بشكل الحالي ميزان القانون ضايع من كل الجهات
على من يخدعوا طبعا على أنفسـهم

المموج يعطيك العافيه